The Glory of the Kali Age, in the Dialogue of Narayana and Narada

Verse 1 (devibhagavatam.9.8.1)

श्रीनारायण उवाच । सरस्वती पुण्यक्षेत्रमाजगाम च भारते । गङ्गाशापेन कलया स्वयं तस्थौ हरेः पदे

śrīnārāyaṇa uvāca | sarasvatī puṇyakṣetramājagāma ca bhārate | gaṅgāśāpena kalayā svayaṁ tasthau hareḥ pade

Sri Narayana said: Sarasvati came, by her own portion, through Ganga's curse, to the sacred land of Bharata; yet she herself remained ever at the feet of Hari.

Verse 2 (devibhagavatam.9.8.2)

भारती भारतं गत्वा ब्राह्मी च ब्रह्मणः प्रिया । वाण्यधिष्ठातृदेवी सा तेन वाणी प्रकीर्तिता

bhāratī bhārataṁ gatvā brāhmī ca brahmaṇaḥ priyā | vāṇyadhiṣṭhātṛdevī sā tena vāṇī prakīrtitā

Bharati, having gone to Bharata, is also Brahmi, the beloved of Brahma; she is the presiding deity of speech, and for that reason is called Vani.

Verse 3 (devibhagavatam.9.8.3)

सरो वाप्यां च स्रोतस्तु सर्वत्रैव हि दृश्यते । हरिः सरस्वांस्तस्येयं तेन नाम्ना सरस्वती

saro vāpyāṁ ca srotastu sarvatraiva hi dṛśyate | hariḥ sarasvāṁstasyeyaṁ tena nāmnā sarasvatī

In lake, in stepwell, and in flowing stream, she is seen everywhere; Hari is called "Sarasvan," and being his consort, she thus became renowned by the name "Sarasvati."

Verse 4 (devibhagavatam.9.8.4)

सरस्वती नदी सा च तीर्थरूपातिपावनी । पापिनां पापदाहाय ज्वलदग्निस्वरूपिणी

sarasvatī nadī sā ca tīrtharūpātipāvanī | pāpināṁ pāpadāhāya jvaladagnisvarūpiṇī

That river Sarasvati, of the very form of a sacred ford, is exceedingly purifying; to burn away the sins of sinners she is like blazing fire.

Verse 5 (devibhagavatam.9.8.5)

पश्चाद्भागीरथी नीता महीं भगीरथेन च । सा वै जगाम कलया वाणीशापेन नारद

paścādbhāgīrathī nītā mahīṁ bhagīrathena ca | sā vai jagāma kalayā vāṇīśāpena nārada

O Narada, after that, Bhagirathi was brought to the earth by Bhagiratha; she indeed went there, in her portion, by Vani's curse.

Verse 6 (devibhagavatam.9.8.6)

तत्रैव समये तां च दधार शिरसा शिवः । वेगं सोढुमयं शक्तो भुवः प्रार्थनया विभुः

tatraiva samaye tāṁ ca dadhāra śirasā śivaḥ | vegaṁ soḍhumayaṁ śakto bhuvaḥ prārthanayā vibhuḥ

At that very time Shiva bore her upon his own head; that all-pervading Lord alone was capable of bearing her force, at the earth's own entreaty.

Verse 7 (devibhagavatam.9.8.7)

पद्मा जगाम कलया सा च पद्मावती नदी । भारतं भारतीशापात्स्वयं तस्थौ हरेः पदे

padmā jagāma kalayā sā ca padmāvatī nadī | bhārataṁ bhāratīśāpātsvayaṁ tasthau hareḥ pade

Padma went, in her portion, as the river Padmavati, to Bharata, through Bharati's curse; yet she herself remained ever at the feet of Hari.

Verse 8 (devibhagavatam.9.8.8)

ततोऽन्यया सा कलया लेभे जन्म च भारते । धर्मध्वजसुता लक्ष्मीर्विख्याता तुलसीति च

tato'nyayā sā kalayā lebhe janma ca bhārate | dharmadhvajasutā lakṣmīrvikhyātā tulasīti ca

Thereafter, by another portion, she took birth in Bharata as Lakshmi, daughter of Dharmadhvaja, renowned by the name "Tulasi."

Verse 9 (devibhagavatam.9.8.9)

पुरा सरस्वतीशापात्पश्चाच्च हरिशापतः । बभूव वृक्षरूपा सा कलया विश्वपावनी

purā sarasvatīśāpātpaścācca hariśāpataḥ | babhūva vṛkṣarūpā sā kalayā viśvapāvanī

First through Sarasvati's curse, and then through Hari's own curse, she, purifier of the universe, became, in that portion, a tree.

Verse 10 (devibhagavatam.9.8.10)

कलेः पञ्चसहस्रं च वर्षं स्थित्वा तु भारते । जग्मुस्ताश्च सरिद्रूपं विहाय श्रीहरेः पदम्

kaleḥ pañcasahasraṁ ca varṣaṁ sthitvā tu bhārate | jagmustāśca saridrūpaṁ vihāya śrīhareḥ padam

Having remained in Bharata for five thousand years of the Kali age, all of them, giving up their river forms, went to the supreme abode of Sri Hari.

Verse 11 (devibhagavatam.9.8.11)

यानि सर्वाणि तीर्थानि काशीं वृन्दावनं विना । यास्यन्ति सार्धं ताभिश्च वैकुण्ठमाज्ञया हरेः

yāni sarvāṇi tīrthāni kāśīṁ vṛndāvanaṁ vinā | yāsyanti sārdhaṁ tābhiśca vaikuṇṭhamājñayā hareḥ

All the sacred fords, except Kashi and Vrindavana, shall go together with them, by Hari's command, to Vaikuntha.

Verse 12 (devibhagavatam.9.8.12)

शालग्रामः शक्तिशिवौ जगन्नाथश्च भारतम् । कलेर्दशसहस्रान्ते त्यक्त्वा यान्ति निजं पदम्

śālagrāmaḥ śaktiśivau jagannāthaśca bhāratam | kalerdaśasahasrānte tyaktvā yānti nijaṁ padam

Shalagrama, Shakti, Shiva, and Jagannatha too, at the end of ten thousand years of the Kali age, shall leave Bharata behind and go to their own abodes.

Verse 13 (devibhagavatam.9.8.13)

साधवश्च पुराणानि शङ्खानि श्राद्धतर्पणे । वेदोक्तानि च कर्माणि ययुस्तैः सार्धमेव च

sādhavaśca purāṇāni śaṅkhāni śrāddhatarpaṇe | vedoktāni ca karmāṇi yayustaiḥ sārdhameva ca

Holy men, the Puranas, conch shells, the rites of ancestral offering, and the deeds enjoined by the Veda shall likewise depart together with them.

Verse 14 (devibhagavatam.9.8.14)

देवपूजा देवनाम तत्कीर्तिगुणकीर्तनम् । वेदाङ्गानि च शास्त्राणि ययुस्तैः सार्धमेव च

devapūjā devanāma tatkīrtiguṇakīrtanam | vedāṅgāni ca śāstrāṇi yayustaiḥ sārdhameva ca

The worship of the gods, the names of the gods, the chanting of their glory and virtues, the auxiliary Vedic sciences, and the scriptures shall likewise depart together with them.

Verse 15 (devibhagavatam.9.8.15)

सन्तश्च सत्यधर्मश्च वेदाश्च ग्रामदेवताः । व्रतं तपश्चानशनं ययुस्तैः सार्धमेव च

santaśca satyadharmaśca vedāśca grāmadevatāḥ | vrataṁ tapaścānaśanaṁ yayustaiḥ sārdhameva ca

The saints, righteous truth, the Vedas, the village deities, sacred vows, austerity, and fasting shall likewise depart together with them.

Verse 16 (devibhagavatam.9.8.16)

वामाचाररताः सर्वे मिथ्याकपटसंयुताः । तुलसीरहिता पूजा भविष्यति ततः परम्

vāmācāraratāḥ sarve mithyākapaṭasaṁyutāḥ | tulasīrahitā pūjā bhaviṣyati tataḥ param

After that, everyone shall become devoted to left-hand practices, filled with falsehood and deceit; worship shall be performed without Tulasi.

Verse 17 (devibhagavatam.9.8.17)

शठाः क्रूरा दाम्भिकाश्च महाहङ्कारसंयुताः । चोराश्च हिंसकाः सर्वे भविष्यन्ति ततः परम्

śaṭhāḥ krūrā dāmbhikāśca mahāhaṅkārasaṁyutāḥ | corāśca hiṁsakāḥ sarve bhaviṣyanti tataḥ param

After that, all shall become deceitful, cruel, hypocritical, filled with great pride, thieving, and violent.

Verse 18 (devibhagavatam.9.8.18)

पुंसो भेदः स्त्रीविभेदो विवाहो वापि निर्भयः । स्वस्वामिभेदो वस्तूनां भविष्यति ततः परम्

puṁso bhedaḥ strīvibhedo vivāho vāpi nirbhayaḥ | svasvāmibhedo vastūnāṁ bhaviṣyati tataḥ param

After that, distinctions among men, distinctions among women, marriage without any fear or restraint, and disputes over the ownership of property shall arise.

Verse 19 (devibhagavatam.9.8.19)

सर्वे स्त्रीवशगाः पुंसः पुश्चल्यश्च गृहे गृहे । तर्जनैर्भर्त्सनैः शश्वत्स्वामिनं ताडयन्ति च

sarve strīvaśagāḥ puṁsaḥ puścalyaśca gṛhe gṛhe | tarjanairbhartsanaiḥ śaśvatsvāminaṁ tāḍayanti ca

All men shall become subject to their wives, and in every house wanton women, with threats and rebukes, shall constantly torment their husbands.

Verse 20 (devibhagavatam.9.8.20)

गृहेश्वरी च गृहिणी गृही भृत्याधिकोऽधमः । चेटीदाससमौ वध्वाः श्वश्रूश्च श्वशुरस्तथा

gṛheśvarī ca gṛhiṇī gṛhī bhṛtyādhiko'dhamaḥ | ceṭīdāsasamau vadhvāḥ śvaśrūśca śvaśurastathā

The wife shall become the mistress of the house, and the master of the house shall become lower even than a servant; a daughter-in-law's mother-in-law and father-in-law shall become like maid and servant to her.

Verse 21 (devibhagavatam.9.8.21)

कर्तारो बलिनो गेहे योनिसम्बन्धिबान्धवाः । विद्यासम्बन्धिभिः सार्धं सम्भाषापि न विद्यते

kartāro balino gehe yonisambandhibāndhavāḥ | vidyāsambandhibhiḥ sārdhaṁ sambhāṣāpi na vidyate

In the household, only those kinsmen related by birth shall hold sway; there shall be not even conversation with those related by learning.

Verse 22 (devibhagavatam.9.8.22)

यथापरिचिता लोकास्तथा पुंसश्च बान्धवाः । सर्वकर्माक्षमाः पुंसो योषितामाज्ञया विना

yathāparicitā lokāstathā puṁsaśca bāndhavāḥ | sarvakarmākṣamāḥ puṁso yoṣitāmājñayā vinā

Men shall behave toward their own kinsmen as though they were strangers; men shall be incapable of any action whatsoever without their wives' consent.

Verse 23 (devibhagavatam.9.8.23)

ब्रह्मक्षत्रविशः शूद्रा जात्याचारविवर्जिताः । सन्ध्या च यज्ञसूत्रं च भवेल्लुप्तं न संशयः

brahmakṣatraviśaḥ śūdrā jātyācāravivarjitāḥ | sandhyā ca yajñasūtraṁ ca bhavelluptaṁ na saṁśayaḥ

Brahmins, kshatriyas, vaishyas, and shudras shall all become devoid of caste distinction and proper conduct; the daily twilight rite and the sacred thread shall without doubt vanish.

Verse 24 (devibhagavatam.9.8.24)

म्लेच्छाचारा भविष्यन्ति वर्णाश्चत्वार एव च । म्लेच्छशास्त्रं पठिष्यन्ति स्वशास्त्राणि विहाय च

mlecchācārā bhaviṣyanti varṇāścatvāra eva ca | mlecchaśāstraṁ paṭhiṣyanti svaśāstrāṇi vihāya ca

All four social orders shall adopt the ways of outsiders; abandoning their own scriptures, they shall study foreign texts instead.

Verse 25 (devibhagavatam.9.8.25)

ब्रह्मक्षत्रविशां वंशाः शूद्राणां सेवकाः कलौ । सूपकारा धावकाश्च वृषवाहाश्च सर्वशः

brahmakṣatraviśāṁ vaṁśāḥ śūdrāṇāṁ sevakāḥ kalau | sūpakārā dhāvakāśca vṛṣavāhāśca sarvaśaḥ

In the Kali age, the descendants of brahmins, kshatriyas, and vaishyas shall become the servants of shudras — cooks, runners, and haulers with oxen, in every way.

Verse 26 (devibhagavatam.9.8.26)

सत्यहीना जनाः सर्वे सस्यहीना च मेदिनी । फलहीनाश्च तरवोऽपत्यहीनाश्च योषितः

satyahīnā janāḥ sarve sasyahīnā ca medinī | phalahīnāśca taravo'patyahīnāśca yoṣitaḥ

All people shall be devoid of truth, the earth devoid of grain, trees devoid of fruit, and women devoid of offspring.

Verse 27 (devibhagavatam.9.8.27)

क्षीरहीनास्तथा गावः क्षीरं सर्पिर्विवर्जितम् । दम्पती प्रीतिहीनौ च गृहिणः सत्यवर्जिताः

kṣīrahīnāstathā gāvaḥ kṣīraṁ sarpirvivarjitam | dampatī prītihīnau ca gṛhiṇaḥ satyavarjitāḥ

Cows shall be devoid of milk, milk devoid of the richness for ghee; husband and wife shall be devoid of love, and householders devoid of truth.

Verse 28 (devibhagavatam.9.8.28)

प्रतापहीना भूपाश्च प्रजाश्च करपीडिताः । जलहीना महानद्यो दीर्घिकाकन्दरादयः

pratāpahīnā bhūpāśca prajāśca karapīḍitāḥ | jalahīnā mahānadyo dīrghikākandarādayaḥ

Kings shall be devoid of might, and their subjects burdened with taxes; great rivers, ponds, caves, and the like shall be devoid of water.

Verse 29 (devibhagavatam.9.8.29)

धर्महीना पुण्यहीना वर्णाश्चत्वार एव च । लक्षेषु पुण्यवान्कोऽपि न तिष्ठति ततः परम्

dharmahīnā puṇyahīnā varṇāścatvāra eva ca | lakṣeṣu puṇyavānko'pi na tiṣṭhati tataḥ param

All four social orders shall become devoid of righteousness and merit; after that, not even one meritorious person shall be found among a hundred thousand.

Verse 30 (devibhagavatam.9.8.30)

कुत्सिता विकृताकारा नरा नार्यश्च बालकाः । कुवार्ता कुत्सितः शब्दो भविष्यति ततः परम्

kutsitā vikṛtākārā narā nāryaśca bālakāḥ | kuvārtā kutsitaḥ śabdo bhaviṣyati tataḥ param

Men, women, and children shall be of despicable and distorted form; vile talk and vile speech shall prevail thereafter.

Verse 31 (devibhagavatam.9.8.31)

केचिद्ग्रामाश्च नगरा नरशून्या भयानकाः । केचित्स्वल्पकुटीरेण नरेण च समन्विताः

kecidgrāmāśca nagarā naraśūnyā bhayānakāḥ | kecitsvalpakuṭīreṇa nareṇa ca samanvitāḥ

Some villages and towns shall be empty of people and fearsome; others shall have only a few small huts inhabited by a few remaining people.

Verse 32 (devibhagavatam.9.8.32)

अरण्यानि भविष्यन्ति ग्रामेषु नगरेषु च । अरण्यवासिनः सर्वे जनाश्च करपीडिताः

araṇyāni bhaviṣyanti grāmeṣu nagareṣu ca | araṇyavāsinaḥ sarve janāśca karapīḍitāḥ

Forests shall grow up within villages and towns; all people shall become forest-dwellers, burdened with taxes.

Verse 33 (devibhagavatam.9.8.33)

सस्यानि च भविष्यन्ति तडागेषु नदीषु च । प्रकृष्टवंशजा हीना भविष्यन्ति कलौ युगे

sasyāni ca bhaviṣyanti taḍāgeṣu nadīṣu ca | prakṛṣṭavaṁśajā hīnā bhaviṣyanti kalau yuge

Crops shall grow in ponds and rivers; even those born of excellent lineage shall become base in the Kali age.

Verse 34 (devibhagavatam.9.8.34)

अलीकवादिनो धूर्ताः शठाश्चासत्यवादिनः । प्रकृष्टानि च क्षेत्राणि सस्यहीनानि नारद

alīkavādino dhūrtāḥ śaṭhāścāsatyavādinaḥ | prakṛṣṭāni ca kṣetrāṇi sasyahīnāni nārada

People shall be liars, cheats, deceivers, and speakers of untruth; O Narada, even the finest fields shall become devoid of crops.

Verse 35 (devibhagavatam.9.8.35)

हीनाः प्रकृष्टा धनिनो देवभक्ताश्च नास्तिकाः । हिंसकाश्च दयाहीना पौराश्च नरघातिनः

hīnāḥ prakṛṣṭā dhanino devabhaktāśca nāstikāḥ | hiṁsakāśca dayāhīnā paurāśca naraghātinaḥ

The lowly shall become wealthy, believers shall give way to unbelievers, and city-dwellers shall become violent, devoid of compassion, and murderers of men.

Verse 36 (devibhagavatam.9.8.36)

वामना व्याधियुक्ताश्च नरा नार्यश्च सर्वतः । स्वल्पायुषो गदायुक्ता यौवनै रहिताः कलौ

vāmanā vyādhiyuktāśca narā nāryaśca sarvataḥ | svalpāyuṣo gadāyuktā yauvanai rahitāḥ kalau

Men and women everywhere shall become dwarfish and diseased; in the Kali age their lifespans shall be short, filled with sickness, and devoid of youthful vigor.

Verse 37 (devibhagavatam.9.8.37)

पलिताः षोडशे वर्षे महावृद्धाश्च विंशतौ । अष्टवर्षा च युवती रजोयुक्ता च गर्भिणी

palitāḥ ṣoḍaśe varṣe mahāvṛddhāśca viṁśatau | aṣṭavarṣā ca yuvatī rajoyuktā ca garbhiṇī

At the age of sixteen, hair shall turn grey, and by twenty one shall become quite aged; an eight-year-old girl shall already become a young woman, menstruating and pregnant.

Verse 38 (devibhagavatam.9.8.38)

वत्सरान्तप्रसूता स्त्री षोडशे च जरान्विता । पतिपुत्रवती काचित्सर्वा वन्ध्याः कलौ युगे

vatsarāntaprasūtā strī ṣoḍaśe ca jarānvitā | patiputravatī kācitsarvā vandhyāḥ kalau yuge

A woman who has borne a child within a single year of marriage shall reach old age by sixteen; only a rare few shall have both husband and son, for in the Kali age nearly all women shall be barren.

Verse 39 (devibhagavatam.9.8.39)

कन्याविक्रयिणः सर्वे वर्णाश्चत्वार एव च । मातृजायावधूनां च जारोपेतान्नभक्षकाः

kanyāvikrayiṇaḥ sarve varṇāścatvāra eva ca | mātṛjāyāvadhūnāṁ ca jāropetānnabhakṣakāḥ

All four social orders shall sell their own daughters; they shall eat food obtained through the adultery of mother, wife, or daughter-in-law.

Verse 40 (devibhagavatam.9.8.40)

कन्यानां भगिनीनां वा जारोपात्तानजीविनः । हरेर्नाम्नां विक्रयिणो भविष्यन्ति कलौ युगे

kanyānāṁ bhaginīnāṁ vā jāropāttānajīvinaḥ | harernāmnāṁ vikrayiṇo bhaviṣyanti kalau yuge

They shall live off wealth obtained through the adultery of their daughters and sisters; in the Kali age people shall come even to sell the very name of Hari.

Verse 41 (devibhagavatam.9.8.41)

स्वयमुत्सृज्य दानं च कीर्तिवर्धनहेतवे । ततः पश्चात्स्वदानं च स्वयमुल्लङ्घयिष्यति

svayamutsṛjya dānaṁ ca kīrtivardhanahetave | tataḥ paścātsvadānaṁ ca svayamullaṅghayiṣyati

They shall give gifts of their own accord, only to increase their own fame, and afterward shall themselves violate the very gift they made.

Verse 42 (devibhagavatam.9.8.42)

देववृत्तिं ब्रह्मवत्तिं वृत्तिं गुरुकुलस्य च । स्वदत्तां परदत्तां वा सर्वमुल्लङ्घयिष्यति

devavṛttiṁ brahmavattiṁ vṛttiṁ gurukulasya ca | svadattāṁ paradattāṁ vā sarvamullaṅghayiṣyati

The endowments of gods, of brahmins, and of teaching institutions, whether given by themselves or by another, they shall violate every one.

Verse 43 (devibhagavatam.9.8.43)

कन्यकागामिनः केचित्केचिच्च श्वश्रुगामिनः । केचिद्वधूगामिनश्च केचिद्वै सर्वगामिनः

kanyakāgāminaḥ kecitkecicca śvaśrugāminaḥ | kecidvadhūgāminaśca kecidvai sarvagāminaḥ

Some shall have relations with young maidens, some with mothers-in-law, some with daughters-in-law, and some indeed with all women alike.

Verse 44 (devibhagavatam.9.8.44)

भगिनीगामिनः केचित्सपत्नीमातृगामिनः । भ्रातृजायागामिनश्च भविष्यन्ति कलौ युगे

bhaginīgāminaḥ kecitsapatnīmātṛgāminaḥ | bhrātṛjāyāgāminaśca bhaviṣyanti kalau yuge

Some, in the Kali age, shall have relations with a sister, some with a stepmother, and some with a brother's wife.

Verse 45 (devibhagavatam.9.8.45)

अगम्यागमनं चैव करिष्यन्ति गृहे गृहे । मातृयोनिं परित्यज्य विहरिष्यन्ति सर्वतः

agamyāgamanaṁ caiva kariṣyanti gṛhe gṛhe | mātṛyoniṁ parityajya vihariṣyanti sarvataḥ

In house after house they shall engage in forbidden unions; abandoning the mother's very womb from which they came, they shall roam freely everywhere.

Verse 46 (devibhagavatam.9.8.46)

पत्नीनां निर्णयो नास्ति भर्तॄणां च कलौ युगे । प्रजानां चैव ग्रामाणां वस्तुनां च विशेषतः

patnīnāṁ nirṇayo nāsti bhartṝṇāṁ ca kalau yuge | prajānāṁ caiva grāmāṇāṁ vastunāṁ ca viśeṣataḥ

In the Kali age there shall be no settled certainty regarding wives and husbands, nor especially regarding subjects, villages, or property.

Verse 47 (devibhagavatam.9.8.47)

अलीकवादिनः सर्वे सर्वे चौराश्च लम्पटाः । परस्परं हिंसकाश्च सर्वे च नरघातिनः

alīkavādinaḥ sarve sarve caurāśca lampaṭāḥ | parasparaṁ hiṁsakāśca sarve ca naraghātinaḥ

All shall become liars, all thieves and lechers; all shall be violent toward one another, and all murderers of men.

Verse 48 (devibhagavatam.9.8.48)

ब्रह्मक्षत्रविशां वंशा भविष्यन्ति च पापिनः । लाक्षा लोहरसानां च व्यापारं लवणस्य च

brahmakṣatraviśāṁ vaṁśā bhaviṣyanti ca pāpinaḥ | lākṣā loharasānāṁ ca vyāpāraṁ lavaṇasya ca

The descendants of brahmins, kshatriyas, and vaishyas shall become sinners, engaged in the trade of lac, refined metals, and salt.

Verse 49 (devibhagavatam.9.8.49)

वृषवाहा विप्रवंशाः शूद्राणां शवदाहिनः । शूद्रान्नभोजिनः सर्वे सर्वे च वृषलीरताः

vṛṣavāhā vipravaṁśāḥ śūdrāṇāṁ śavadāhinaḥ | śūdrānnabhojinaḥ sarve sarve ca vṛṣalīratāḥ

The descendants of brahmins shall become haulers with oxen and cremators of shudra corpses; all shall eat the food of shudras and be devoted to low-born women.

Verse 50 (devibhagavatam.9.8.50)

पञ्चयज्ञविहीनाश्च कुहूरात्रौ च भोजिनः । यज्ञसूत्रविहीनाश्च सन्ध्याशौचविहीनकाः

pañcayajñavihīnāśca kuhūrātrau ca bhojinaḥ | yajñasūtravihīnāśca sandhyāśaucavihīnakāḥ

They shall be devoid of the five great daily sacrifices, and shall eat food even on the dark new-moon night; they shall be without the sacred thread, without the twilight rite, and without ritual purity.

Verse 51 (devibhagavatam.9.8.51)

पुंश्चली वार्धुषाजीवा कुट्टनी च रजस्वला । विप्राणां रन्धनागारे भविष्यति च पाचिका

puṁścalī vārdhuṣājīvā kuṭṭanī ca rajasvalā | viprāṇāṁ randhanāgāre bhaviṣyati ca pācikā

A promiscuous woman, one who lives by usury, a bawd, and even a menstruating woman shall become the cook in the kitchens of brahmins.

Verse 52 (devibhagavatam.9.8.52)

अन्नानां नियमो नास्ति योनीनां च विशेषतः । आश्रमाणां जनानां च सर्वे म्लेच्छाः कलौ युगे

annānāṁ niyamo nāsti yonīnāṁ ca viśeṣataḥ | āśramāṇāṁ janānāṁ ca sarve mlecchāḥ kalau yuge

There shall be no rule governing food, and especially none regarding birth or lineage; among the ashramas and among people, all shall become like outsiders in the Kali age.

Verse 53 (devibhagavatam.9.8.53)

एवं कलौ सम्प्रवृत्ते सर्वं म्लेच्छमयं भवेत् । हस्तप्रमाणे वृक्षे च अङ्गुष्ठे चैव मानवे

evaṁ kalau sampravṛtte sarvaṁ mlecchamayaṁ bhavet | hastapramāṇe vṛkṣe ca aṅguṣṭhe caiva mānave

Thus, as the Kali age advances, everything shall become given over to outsiders; trees shall shrink to the size of a hand, and men to the size of a thumb.

Verse 54 (devibhagavatam.9.8.54)

विप्रस्य विष्णुयशसः पुत्रः कल्किर्भविष्यति । नारायणकलांशश्च भगवान् बलिनां वरः

viprasya viṣṇuyaśasaḥ putraḥ kalkirbhaviṣyati | nārāyaṇakalāṁśaśca bhagavān balināṁ varaḥ

Then Kalki shall be born, the son of the brahmin Vishnuyashas, a fraction of a portion of Narayana, the Blessed Lord, foremost among the mighty.

Verse 55 (devibhagavatam.9.8.55)

दीर्घेण करवालेन दीर्घघोटकवाहनः । म्लेच्छशून्यां च पृथिवीं त्रिरात्रेण करिष्यति

dīrgheṇa karavālena dīrghaghoṭakavāhanaḥ | mlecchaśūnyāṁ ca pṛthivīṁ trirātreṇa kariṣyati

With a long sword, mounted upon a great horse, he shall, within a mere three nights, rid the earth of every outsider.

Verse 56 (devibhagavatam.9.8.56)

निर्म्लेच्छां वसुधां कृत्वा चान्तर्धानं करिष्यति । अराजका च वसुधा दस्युग्रस्ता भविष्यति

nirmlecchāṁ vasudhāṁ kṛtvā cāntardhānaṁ kariṣyati | arājakā ca vasudhā dasyugrastā bhaviṣyati

Having freed the earth of every outsider, he shall vanish from sight; then the earth, bereft of any ruler, shall be overrun by bandits.

Verse 57 (devibhagavatam.9.8.57)

स्थूलाप्रमाणा षड्रात्रं वर्षधाराऽऽप्लुता मही । लोकशून्या वृक्षशून्या गृहशून्या भविष्यति

sthūlāpramāṇā ṣaḍrātraṁ varṣadhārā''plutā mahī | lokaśūnyā vṛkṣaśūnyā gṛhaśūnyā bhaviṣyati

For six nights the earth shall be flooded by a torrent of exceedingly heavy rain; it shall become devoid of people, devoid of trees, and devoid of dwellings.

Verse 58 (devibhagavatam.9.8.58)

ततश्च द्वादशादित्याः करिष्यन्त्युदयं मुने । प्राप्नोति शुष्कतां पृथ्वी समा तेषां च तेजसा

tataśca dvādaśādityāḥ kariṣyantyudayaṁ mune | prāpnoti śuṣkatāṁ pṛthvī samā teṣāṁ ca tejasā

O sage, after that, twelve suns together shall rise; by their combined splendor the earth shall become uniformly parched.

Verse 59 (devibhagavatam.9.8.59)

कलौ गते च दुर्धर्षे प्रवृत्ते च कृते युगे । तपःसत्त्वसमायुक्तो धर्मः पूर्णो भविष्यति

kalau gate ca durdharṣe pravṛtte ca kṛte yuge | tapaḥsattvasamāyukto dharmaḥ pūrṇo bhaviṣyati

When that formidable Kali age has passed and the Krita age has begun, righteousness, joined with austerity and purity of sattva, shall become complete once more.

Verse 60 (devibhagavatam.9.8.60)

तपस्विनश्च धर्मिष्ठा वेदज्ञा ब्राह्मणा भुवि । पतिव्रताश्च धर्मिष्ठा योषितश्च गृहे गृहे

tapasvinaśca dharmiṣṭhā vedajñā brāhmaṇā bhuvi | pativratāśca dharmiṣṭhā yoṣitaśca gṛhe gṛhe

On earth, brahmins shall become ascetics, righteous, and versed in the Veda; in every home, women shall be devoted to their husbands and righteous.

Verse 61 (devibhagavatam.9.8.61)

राजानः क्षत्रियाः सर्वे विप्रभक्ता मनस्विनः । प्रतापवन्तो धर्मिष्ठाः पुण्यकर्मरताः सदा

rājānaḥ kṣatriyāḥ sarve viprabhaktā manasvinaḥ | pratāpavanto dharmiṣṭhāḥ puṇyakarmaratāḥ sadā

All kshatriya kings shall be devoted to brahmins, noble-minded, mighty, righteous, and ever engaged in meritorious deeds.

Verse 62 (devibhagavatam.9.8.62)

वैश्या वाणिज्यनिरता विप्रभक्ताश्च धार्मिकाः । शूद्राश्च पुण्यशीलाश्च धर्मिष्ठा विप्रसेविनः

vaiśyā vāṇijyaniratā viprabhaktāśca dhārmikāḥ | śūdrāśca puṇyaśīlāśca dharmiṣṭhā viprasevinaḥ

Vaishyas shall be devoted to trade, devoted to brahmins, and righteous; shudras too shall be virtuous of nature, righteous, and devoted to the service of brahmins.

Verse 63 (devibhagavatam.9.8.63)

विप्रक्षत्रविशां वंशा देवीभक्तिपरायणाः । देवीमन्त्ररताः सर्वे देवीध्यानपरायणाः

viprakṣatraviśāṁ vaṁśā devībhaktiparāyaṇāḥ | devīmantraratāḥ sarve devīdhyānaparāyaṇāḥ

The descendants of brahmins, kshatriyas, and vaishyas shall be devoted to the worship of the Goddess; all shall be absorbed in her mantra and devoted to her meditation.

Verse 64 (devibhagavatam.9.8.64)

श्रुतिस्मृतिपुराणज्ञाः पुमांस ऋतुगामिनः । लेशो नास्ति ह्यधर्मस्य पूर्णो धर्मः कृते युगे

śrutismṛtipurāṇajñāḥ pumāṁsa ṛtugāminaḥ | leśo nāsti hyadharmasya pūrṇo dharmaḥ kṛte yuge

Men shall be knowers of the scriptures, the law codes, and the Puranas, and shall approach their wives only in the proper season; in the Krita age there shall not be even the slightest trace of unrighteousness — righteousness shall be complete.

Verse 65 (devibhagavatam.9.8.65)

धर्मस्त्रिपाच्च त्रेतायां द्विपाच्च द्वापरे ततः । कलौ वृत्ते चैकपाच्च सर्वलुप्तिस्ततः परम्

dharmastripācca tretāyāṁ dvipācca dvāpare tataḥ | kalau vṛtte caikapācca sarvaluptistataḥ param

In the Treta age, righteousness stands on three legs; in the Dvapara, on two; and in the Kali age it is reduced to only one leg; after that, it vanishes altogether.

Verse 66 (devibhagavatam.9.8.66)

वाराः सप्त तथा विप्र तिथयः षोडश स्मृताः । तथा द्वादश मासाश्च ऋतवश्च षडेव च

vārāḥ sapta tathā vipra tithayaḥ ṣoḍaśa smṛtāḥ | tathā dvādaśa māsāśca ṛtavaśca ṣaḍeva ca

O brahmin, seven days of the week, sixteen lunar tithis are recorded, and likewise twelve months and six seasons.

Verse 67 (devibhagavatam.9.8.67)

द्वौ पक्षौ चायने द्वे च चतुर्भिः प्रहरैर्दिनम् । चतुर्भिः प्रहरै रात्रिर्मासस्त्रिंशद्दिनैस्तथा

dvau pakṣau cāyane dve ca caturbhiḥ praharairdinam | caturbhiḥ praharai rātrirmāsastriṁśaddinaistathā

Two fortnights, two solstitial courses, a day of four watches and a night of four watches, and a month of thirty days.

Verse 68 (devibhagavatam.9.8.68)

वर्षं पञ्चविधं ज्ञेयं कालसङ्ख्याविधिक्रमे । यथा चायान्ति यान्त्येव यथा युगचतुष्टयम्

varṣaṁ pañcavidhaṁ jñeyaṁ kālasaṅkhyāvidhikrame | yathā cāyānti yāntyeva yathā yugacatuṣṭayam

In the sequence of the reckoning of time, the year should be known as fivefold; and just as the four ages come and go —

Verse 69 (devibhagavatam.9.8.69)

वर्षे पूर्णे नराणां च देवानां च दिवानिशम् । शतत्रये षष्ठ्यधिके नराणां च युगे गते

varṣe pūrṇe narāṇāṁ ca devānāṁ ca divāniśam | śatatraye ṣaṣṭhyadhike narāṇāṁ ca yuge gate

A full human year equals one day and night of the gods; when three hundred and sixty human years have passed —

Verse 70 (devibhagavatam.9.8.70)

देवानां च युगं ज्ञेयं कालसङ्ख्याविदां मतम् । मन्वन्तरं तु दिव्यानां युगानामेकसप्ततिः

devānāṁ ca yugaṁ jñeyaṁ kālasaṅkhyāvidāṁ matam | manvantaraṁ tu divyānāṁ yugānāmekasaptatiḥ

that is to be known as one year of the gods, according to those learned in the reckoning of time; a Manvantara equals seventy-one divine ages.

Verse 71 (devibhagavatam.9.8.71)

मन्वन्तरसमं ज्ञेयमायुष्यञ्च शचीपतेः । अष्टाविंशतिमे चेन्द्रे गते ब्रह्मदिवानिशम्

manvantarasamaṁ jñeyamāyuṣyañca śacīpateḥ | aṣṭāviṁśatime cendre gate brahmadivāniśam

The lifespan of Indra too should be known as equal to one Manvantara; when the twenty-eighth Indra has passed, one day-and-night of Brahma is complete.

Verse 72 (devibhagavatam.9.8.72)

अष्टोत्तरशते वर्षे गते पातश्च ब्रह्मणः । प्रलयः प्राकृतो ज्ञेयस्तत्रादृष्टा वसुन्धरा

aṣṭottaraśate varṣe gate pātaśca brahmaṇaḥ | pralayaḥ prākṛto jñeyastatrādṛṣṭā vasundharā

When one hundred and eight such years have passed, the fall of Brahma occurs, which should be known as the elemental dissolution; at that time the earth becomes utterly invisible.

Verse 73 (devibhagavatam.9.8.73)

जलप्लुतानि विश्वानि ब्रह्मविष्णुशिवादयः । ऋषयो ज्ञानिनः सर्वे लीनाः सत्ये चिदात्मनि

jalaplutāni viśvāni brahmaviṣṇuśivādayaḥ | ṛṣayo jñāninaḥ sarve līnāḥ satye cidātmani

All the universes become submerged in water; Brahma, Vishnu, Shiva, and the rest, all the sages, and all the enlightened dissolve into the true, conscious Self.

Verse 74 (devibhagavatam.9.8.74)

तत्रैव प्रकृतिर्लीना तत्र प्राकृतिको लयः । लये प्राकृतिके जाते पाते च ब्रह्मणो मुने

tatraiva prakṛtirlīnā tatra prākṛtiko layaḥ | laye prākṛtike jāte pāte ca brahmaṇo mune

Prakriti too dissolves into that very Self — this is the elemental dissolution; O sage, when that elemental dissolution occurs, and Brahma falls —

Verse 75 (devibhagavatam.9.8.75)

निमेषमात्रं कालश्च श्रीदेव्याः प्रोच्यते मुने । एवं नश्यन्ति सर्वाणि ब्रह्माण्डान्यखिलानि च

nimeṣamātraṁ kālaśca śrīdevyāḥ procyate mune | evaṁ naśyanti sarvāṇi brahmāṇḍānyakhilāni ca

O sage, this entire span of time is said to be, for Shri Devi, but the blink of an eye; thus do all the countless cosmic eggs perish.

Verse 76 (devibhagavatam.9.8.76)

निमेषान्तरकालेन पुनः सृष्टिक्रमेण च । एवं कतिविधा सृष्टिर्लयः कतिविधोऽपि वा

nimeṣāntarakālena punaḥ sṛṣṭikrameṇa ca | evaṁ katividhā sṛṣṭirlayaḥ katividho'pi vā

Within that very span of an eyeblink, the process of creation begins anew; thus, of how many kinds is creation, and of how many kinds is dissolution —

Verse 77 (devibhagavatam.9.8.77)

कति कल्पा गतायाताः सङ्ख्यां जानाति कः पुमान् । सृष्टीनां च लयानां च ब्रह्माण्डानां च नारद

kati kalpā gatāyātāḥ saṅkhyāṁ jānāti kaḥ pumān | sṛṣṭīnāṁ ca layānāṁ ca brahmāṇḍānāṁ ca nārada

How many cycles have come and gone — O Narada, what person indeed knows the number of creations, of dissolutions, and of cosmic eggs?

Verse 78 (devibhagavatam.9.8.78)

ब्रह्मादीनां च ब्रह्माण्डे सङ्ख्यां जानाति कः पुमान् । ब्रह्माण्डानां च सर्वेषामीश्वरश्चैक एव सः

brahmādīnāṁ ca brahmāṇḍe saṅkhyāṁ jānāti kaḥ pumān | brahmāṇḍānāṁ ca sarveṣāmīśvaraścaika eva saḥ

What person even knows the number of Brahmas and the rest within a single cosmic egg? The Lord of all these countless cosmic eggs is but one alone.

Verse 79 (devibhagavatam.9.8.79)

सर्वेषां परमात्मा च सच्चिदानन्दरूपधृक् । ब्रह्मादयश्च तस्यांशास्तस्यांशश्च महाविराट्

sarveṣāṁ paramātmā ca saccidānandarūpadhṛk | brahmādayaśca tasyāṁśāstasyāṁśaśca mahāvirāṭ

He is the Supreme Self of all, bearing the very form of being-consciousness-bliss; Brahma and the rest are his portions, and Mahavirat too is his portion.

Verse 80 (devibhagavatam.9.8.80)

तस्यांशश्च विराट् क्षुद्रः सैवेयं प्रकृतिः परा । तस्याः सकाशात्सञ्जातोऽप्यर्धनारीश्वरस्ततः

tasyāṁśaśca virāṭ kṣudraḥ saiveyaṁ prakṛtiḥ parā | tasyāḥ sakāśātsañjāto'pyardhanārīśvarastataḥ

The lesser Virat too is his portion, and this same one is the supreme Prakriti; from her presence, then, arose the Lord who is half woman, half man.

Verse 81 (devibhagavatam.9.8.81)

सैव कृष्णो द्विधाभूतो द्विभुजश्च चतुर्भुजः । चतुर्भुजश्च वैकुण्ठे गोलोके द्विभुजः स्वयम्

saiva kṛṣṇo dvidhābhūto dvibhujaśca caturbhujaḥ | caturbhujaśca vaikuṇṭhe goloke dvibhujaḥ svayam

That very Krishna became twofold, two-armed and four-armed; in Vaikuntha he is four-armed, and in Goloka he himself is two-armed.

Verse 82 (devibhagavatam.9.8.82)

ब्रह्मादितृणपर्यन्तं सर्वं प्राकृतिकं भवेत् । यद्यत्प्राकृतिकं सृष्टं सर्वं नश्वरमेव च

brahmāditṛṇaparyantaṁ sarvaṁ prākṛtikaṁ bhavet | yadyatprākṛtikaṁ sṛṣṭaṁ sarvaṁ naśvarameva ca

From Brahma down to a mere blade of grass, everything is a product of Prakriti; and whatever has been created out of Prakriti is, without exception, perishable.

Verse 83 (devibhagavatam.9.8.83)

एवंविधं सृष्टिहेतुं सत्यं नित्यं सनातनम् । स्वेच्छामयं परं ब्रह्म निर्गुणं प्रकृतेः परम्

evaṁvidhaṁ sṛṣṭihetuṁ satyaṁ nityaṁ sanātanam | svecchāmayaṁ paraṁ brahma nirguṇaṁ prakṛteḥ param

The cause of such creation, being true, eternal, everlasting, acting by its own free will, the Supreme Brahman, without attributes, and beyond Prakriti —

Verse 84 (devibhagavatam.9.8.84)

निरुपाधि निराकारं भक्तानुग्रहकातरम् । करोति ब्रह्मा ब्रह्माण्डं यज्ज्ञानात्कमलोद्भवः

nirupādhi nirākāraṁ bhaktānugrahakātaram | karoti brahmā brahmāṇḍaṁ yajjñānātkamalodbhavaḥ

without any limiting condition, formless, ever eager to bestow grace upon devotees — it is by knowledge of him that lotus-born Brahma fashions the cosmic egg.

Verse 85 (devibhagavatam.9.8.85)

शिवो मृत्युज्जयश्चैव संहर्ता सर्वसत्त्ववित् । यज्ज्ञानाद्यस्य तपसा सर्वेशस्तु तपो महान्

śivo mṛtyujjayaścaiva saṁhartā sarvasattvavit | yajjñānādyasya tapasā sarveśastu tapo mahān

Shiva, who is Mrityunjaya, the destroyer, and knower of all beings — it is by knowledge of him and by austerity toward him that Shiva became lord of all; his was a great austerity.

Verse 86 (devibhagavatam.9.8.86)

महाविभूतियुक्तश्च सर्वज्ञः सर्वदर्शनः । सर्वव्यापी सर्वपाता प्रदाता सर्वसम्पदाम्

mahāvibhūtiyuktaśca sarvajñaḥ sarvadarśanaḥ | sarvavyāpī sarvapātā pradātā sarvasampadām

He is endowed with great glories, all-knowing, all-seeing, all-pervading, the preserver of all, and the bestower of every kind of prosperity.

Verse 87 (devibhagavatam.9.8.87)

विष्णुः सर्वेश्वरः श्रीमान् यद्भक्त्या यस्य सेवया । महामाया च प्रकृतिः सर्वशक्तिमयीश्वरी

viṣṇuḥ sarveśvaraḥ śrīmān yadbhaktyā yasya sevayā | mahāmāyā ca prakṛtiḥ sarvaśaktimayīśvarī

Vishnu, who is lord of all and majestic — it was by devotion and service to him that he became so; and Mahamaya, Prakriti, the sovereign made of every power —

Verse 88 (devibhagavatam.9.8.88)

सैव प्रोक्ता भगवती सच्चिदानन्दरूपिणी । यज्ज्ञानाद्यस्य तपसा यद्भक्त्या यस्य सेवया

saiva proktā bhagavatī saccidānandarūpiṇī | yajjñānādyasya tapasā yadbhaktyā yasya sevayā

that same goddess is proclaimed as Bhagavati, of the very form of being-consciousness-bliss — attained by knowledge of her, by austerity toward her, by devotion and service to her.

Verse 89 (devibhagavatam.9.8.89)

सावित्री देवमाता च वेदाधिष्ठातृदेवता । पूज्या द्विजानां वेदज्ञा यज्ज्ञानाद्यस्य सेवया

sāvitrī devamātā ca vedādhiṣṭhātṛdevatā | pūjyā dvijānāṁ vedajñā yajjñānādyasya sevayā

Savitri, mother of the gods and presiding deity of the Veda, worshipped by the twice-born and versed in the Veda — attained by knowledge of her, and service to her —

Verse 90 (devibhagavatam.9.8.90)

सर्वविद्याधिदेवी सा पूज्या च विदुषां परा । यत्सेवया यत्तपसा सर्वविश्वेषु पूजिता

sarvavidyādhidevī sā pūjyā ca viduṣāṁ parā | yatsevayā yattapasā sarvaviśveṣu pūjitā

She is the presiding deity of all learning, supremely worshipped even by scholars — through service and austerity toward her, she is worshipped throughout all the worlds.

Verse 91 (devibhagavatam.9.8.91)

सर्वग्रामाधिदेवी सा सर्वसम्पत्प्रदायिनी । सर्वेश्वरी सर्ववन्द्या सर्वेषां पुत्रदायिनी

sarvagrāmādhidevī sā sarvasampatpradāyinī | sarveśvarī sarvavandyā sarveṣāṁ putradāyinī

She is the presiding deity of every village, the bestower of every prosperity, sovereign over all, revered by all, and the giver of sons to all.

Verse 92 (devibhagavatam.9.8.92)

सर्वस्तुता च सर्वज्ञा सर्वदुर्गार्तिनाशिनी । कृष्णवामांशसम्भूता कृष्णप्राणाधिदेवता

sarvastutā ca sarvajñā sarvadurgārtināśinī | kṛṣṇavāmāṁśasambhūtā kṛṣṇaprāṇādhidevatā

She is praised by all, all-knowing, and the destroyer of every distress and affliction; she is born of Krishna's own left portion, and is the presiding deity of Krishna's very life-breath — this is Radhika.

Verse 93 (devibhagavatam.9.8.93)

कृष्णप्राणाधिका प्रेम्णा राधिका शक्तिसेवया । सर्वाधिकं च रूपं च सौभाग्यं मानगौरवे

kṛṣṇaprāṇādhikā premṇā rādhikā śaktisevayā | sarvādhikaṁ ca rūpaṁ ca saubhāgyaṁ mānagaurave

Radhika, dearer to Krishna in love than his own life, attained this through service to the Divine Power; her beauty, her good fortune, her honor and dignity surpass all others'.

Verse 94 (devibhagavatam.9.8.94)

कृष्णवक्षःस्थलस्थानं पत्नीत्वे प्राप सेवया । तपश्चकार सा पूर्वं शतशृङ्गे च पर्वते

kṛṣṇavakṣaḥsthalasthānaṁ patnītve prāpa sevayā | tapaścakāra sā pūrvaṁ śataśṛṅge ca parvate

Through service alone she attained her place upon Krishna's own breast as his wife; long ago she performed austerity upon Mount Shatashringa.

Verse 95 (devibhagavatam.9.8.95)

दिव्यवर्षसहस्रं च पतिं प्राप्त्यर्थमेव च । जाते शक्तिप्रसादे तु दृष्ट्वा चन्द्रकलोपमाम्

divyavarṣasahasraṁ ca patiṁ prāptyarthameva ca | jāte śaktiprasāde tu dṛṣṭvā candrakalopamām

for a thousand divine years, solely for the sake of attaining her Lord; when the Divine Power's grace descended, and beholding her, fair as a sliver of the moon —

Verse 96 (devibhagavatam.9.8.96)

कृष्णो वक्षःस्थले कृत्वा रुरोद कृपया विभुः । वरं तस्यै ददौ सारं सर्वेषामपि दुर्लभम्

kṛṣṇo vakṣaḥsthale kṛtvā ruroda kṛpayā vibhuḥ | varaṁ tasyai dadau sāraṁ sarveṣāmapi durlabham

Krishna, placing her upon his own breast, that all-pervading Lord wept out of compassion; and he gave her a boon, the very essence, rare for anyone else to attain.

Verse 97 (devibhagavatam.9.8.97)

मम वक्षःस्थले तिष्ठ मम भक्ता च शाश्वती । सौभाग्येन च मानेन प्रेम्णाथो गौरवेण च

mama vakṣaḥsthale tiṣṭha mama bhaktā ca śāśvatī | saubhāgyena ca mānena premṇātho gauraveṇa ca

Remain forever upon my breast, be my eternal devotee; in good fortune, in honor, in love, and in dignity —

Verse 98 (devibhagavatam.9.8.98)

त्वं मे श्रेष्ठा च ज्येष्ठा च प्रेयसी सर्वयोषिताम् । वरिष्ठा च गरिष्ठा च संस्तुता पूजिता मया

tvaṁ me śreṣṭhā ca jyeṣṭhā ca preyasī sarvayoṣitām | variṣṭhā ca gariṣṭhā ca saṁstutā pūjitā mayā

You are to me the finest, the foremost, the most beloved of all women, most excellent, most exalted, praised and worshipped by me.

Verse 99 (devibhagavatam.9.8.99)

सततं तव साध्योऽहं वश्यश्च प्राणवल्लभे । इत्युक्त्वा च जगन्नाथश्चकार ललनां ततः

satataṁ tava sādhyo'haṁ vaśyaśca prāṇavallabhe | ityuktvā ca jagannāthaścakāra lalanāṁ tataḥ

O beloved of my life, I shall ever be attainable to you, and under your sway — so saying, the Lord of the world made her his own beloved.

Verse 100 (devibhagavatam.9.8.100)

सपत्नीरहितां तां च चकार प्राणवल्लभाम् । अन्या या याश्च ता देव्यः पूजिताः शक्तिसेवया

sapatnīrahitāṁ tāṁ ca cakāra prāṇavallabhām | anyā yā yāśca tā devyaḥ pūjitāḥ śaktisevayā

He made her his beloved without rival, without any co-wife; whatever other goddesses there are, they too came to be worshipped through service to the Divine Power.

Verse 101 (devibhagavatam.9.8.101)

तपस्तु यादृशं यासां तादृक्तादृक्फलं मुने । दिव्यवर्षसहस्रं च तपस्तप्त्वा हिमाचले

tapastu yādṛśaṁ yāsāṁ tādṛktādṛkphalaṁ mune | divyavarṣasahasraṁ ca tapastaptvā himācale

O sage, whatever the austerity of each, such was the fruit each obtained; having performed austerity for a thousand divine years upon the Himalaya —

Verse 102 (devibhagavatam.9.8.102)

दुर्गा च तत्पदं ध्यात्वा सर्वपूज्या बभूव ह । सरस्वती तपस्तप्त्वा पर्वते गन्धमादने

durgā ca tatpadaṁ dhyātvā sarvapūjyā babhūva ha | sarasvatī tapastaptvā parvate gandhamādane

Durga, by meditating upon that Lord's own state, became worshipped by all; Sarasvati, having performed austerity upon Mount Gandhamadana —

Verse 103 (devibhagavatam.9.8.103)

लक्षवर्षं च दिव्यं च सर्ववन्द्या बभूव सा । लक्ष्मीर्युगशतं दिव्यं तपस्तप्त्वा च पुष्करे

lakṣavarṣaṁ ca divyaṁ ca sarvavandyā babhūva sā | lakṣmīryugaśataṁ divyaṁ tapastaptvā ca puṣkare

for a hundred thousand divine years, became revered by all; Lakshmi, having performed austerity at Pushkara for a hundred divine ages —

Verse 104 (devibhagavatam.9.8.104)

सर्वसम्पत्प्रदात्री च जाता देवीनिषेवणात् । सावित्री मलये तप्त्वा पूज्या वन्द्या बभूव सा

sarvasampatpradātrī ca jātā devīniṣevaṇāt | sāvitrī malaye taptvā pūjyā vandyā babhūva sā

through service to the Goddess, became the bestower of every prosperity; Savitri, having performed austerity upon the Malaya mountain, became worshipped and revered.

Verse 105 (devibhagavatam.9.8.105)

षष्टिवर्षसहस्रं च दिव्यं ध्यात्वा च तत्पदम् । शतमन्वन्तरं तप्तं शङ्करेण पुरा विभो

ṣaṣṭivarṣasahasraṁ ca divyaṁ dhyātvā ca tatpadam | śatamanvantaraṁ taptaṁ śaṅkareṇa purā vibho

having meditated for sixty thousand divine years upon that state; O mighty one, in ancient times Shankara performed austerity for a hundred Manvantaras.

Verse 106 (devibhagavatam.9.8.106)

शतमन्वन्तरं चेदं ब्रह्मा शक्तिं जजाप ह । शतमन्वन्तरं विष्णुस्तप्त्वा पाता बभूव ह

śatamanvantaraṁ cedaṁ brahmā śaktiṁ jajāpa ha | śatamanvantaraṁ viṣṇustaptvā pātā babhūva ha

For a hundred Manvantaras Brahma recited the mantra of the Divine Power; Vishnu, having performed austerity for a hundred Manvantaras, became the preserver.

Verse 107 (devibhagavatam.9.8.107)

दशमन्वन्तरं तप्त्वा श्रीकृष्णः परमं तपः । गोलोकं प्राप्तवान्दिव्यं मोदतेऽद्यापि यत्र हि

daśamanvantaraṁ taptvā śrīkṛṣṇaḥ paramaṁ tapaḥ | golokaṁ prāptavāndivyaṁ modate'dyāpi yatra hi

Sri Krishna, having performed supreme austerity for ten Manvantaras, attained the divine Goloka, where indeed he still rejoices to this day.

Verse 108 (devibhagavatam.9.8.108)

दशमन्वन्तरं धर्मस्तप्त्वा वै भक्तिसंयुतः । सर्वप्राणः सर्वपूज्यः सर्वाधारो बभूव सः

daśamanvantaraṁ dharmastaptvā vai bhaktisaṁyutaḥ | sarvaprāṇaḥ sarvapūjyaḥ sarvādhāro babhūva saḥ

Dharma, joined with devotion, having performed austerity for ten Manvantaras, became the very breath of all, worshipped by all, and the support of all.

Verse 109 (devibhagavatam.9.8.109)

एवं देव्याश्च तपसा सर्वे देवाश्च पूजिताः । मुनयो मनवो भूपा ब्राह्मणाश्चैव पूजिताः

evaṁ devyāśca tapasā sarve devāśca pūjitāḥ | munayo manavo bhūpā brāhmaṇāścaiva pūjitāḥ

Thus, through austerity toward the Goddess, all the gods came to be worshipped; sages, Manus, kings, and brahmins likewise came to be worshipped.

Verse 110 (devibhagavatam.9.8.110)

एवं ते कथितं सर्वं पुराणं सयथागमम् । गुरुवक्त्राद्यथा ज्ञातं किं भूयः श्रोतुमिच्छसि

evaṁ te kathitaṁ sarvaṁ purāṇaṁ sayathāgamam | guruvaktrādyathā jñātaṁ kiṁ bhūyaḥ śrotumicchasi

Thus has this entire Purana been told to you, in keeping with tradition, just as I learned it from the mouth of my own teacher; what more do you now wish to hear?