The Garuda Mantra: Ritual Placement and Visualization

Verse 1 (garuda.1.197.1)

धन्वन्तरिरुवाच । गारुडं संप्रवक्ष्यामि गरुडेन ह्युदीरितम् । कश्यपाय सुमित्रेण विषहृद्येन गारुडः

dhanvantariruvāca gāruḍaṁ saṁpravakṣyāmi garuḍena hyudīritam kaśyapāya sumitreṇa viṣahṛdyena gāruḍaḥ

Dhanvantari said: I shall now declare the Garuda teaching, as spoken by Garuda to Kashyapa through Sumitra — this is the Garuda knowledge that removes poison.

Verse 2 (garuda.1.197.2)

पृथिव्यापस्तथा तेजो वायुराकाशमेवच । क्षित्यादिष्वेव वर्गाश्च ह्येते वै मण्डलाधिपाः

pṛthivyāpastathā tejo vāyurākāśamevaca kṣityādiṣveva vargāśca hyete vai maṇḍalādhipāḥ

Earth, water, fire, wind, and ether — these very elements are the presiding lords of the mandalas.

Verse 3 (garuda.1.197.3)

पञ्चतत्त्वे स्थिता देवाः प्राप्यन्ते विष्णुसेवकैः । दीर्घस्वरविभिन्नाश्च नपुंसकविवर्जिताः

pañcatattve sthitā devāḥ prāpyante viṣṇusevakaiḥ dīrghasvaravibhinnāśca napuṁsakavivarjitāḥ

The deities abiding in the five elements are attained by the servants of Vishnu; their mantras are marked by long vowels and are free of neuter gender.

Verse 4 (garuda.1.197.4)

सषडङ्गः शिवः प्रोक्तो हृच्छिरश्च शिखा क्रमात् । कवचं नेत्रमस्त्रं स्यान्न्यासः स्वस्थलसंस्थितिः

saṣaḍaṅgaḥ śivaḥ prokto hṛcchiraśca śikhā kramāt kavacaṁ netramastraṁ syānnyāsaḥ svasthalasaṁsthitiḥ

Shiva, together with his six limbs, is declared in order as heart, head, top-knot, armor, eye, and weapon — this is the placement (nyasa), each residing in its own proper place.

Verse 5 (garuda.1.197.5)

सर्वसिद्धिप्रदस्यान्ते कालवह्निर धोऽनिलः । षष्ठस्वरसमायुक्तमर्धेन्दुसंयुतं परम्

sarvasiddhipradasyānte kālavahnira dho'nilaḥ ṣaṣṭhasvarasamāyuktamardhendusaṁyutaṁ param

At the end of the mantra that grants every accomplishment comes the fire of time beneath the wind-syllable, combined with the sixth vowel and joined with the crescent-moon sign (anusvara) — this is supreme.

Verse 6 (garuda.1.197.6)

परापरविभिन्नाश्च शिवस्योर्ध्वाध ईरिताः । रेफेणाङ्गेषु सर्वत्र न्यासं कुर्याद्यथाविधि

parāparavibhinnāśca śivasyordhvādha īritāḥ repheṇāṅgeṣu sarvatra nyāsaṁ kuryādyathāvidhi

Distinguished as higher (para) and lower (apara), declared as above and below Shiva, the placement should be made on all the limbs together with the letter 'ra', according to due procedure.

Verse 7 (garuda.1.197.7)

हृदि पाणितले देहे कर्णे नेत्रे करोति च । जपात्तु सर्वसिद्धिः स्याच्चतुर्वक्त्रसमायुताम्

hṛdi pāṇitale dehe karṇe netre karoti ca japāttu sarvasiddhiḥ syāccaturvaktrasamāyutām

Placing this at the heart, palm, body, ear, and eye, and reciting it, brings every accomplishment, combined with the four-faced form —

Verse 8 (garuda.1.197.8)

चतुरश्रां सुविस्तारं पीतवर्णान्तु चिन्तयेत् । पृथिवीं चेन्द्रदेवत्यां मध्ये वरुणमण्डलम्

caturaśrāṁ suvistāraṁ pītavarṇāntu cintayet pṛthivīṁ cendradevatyāṁ madhye varuṇamaṇḍalam

One should visualize the earth as square, broad, and yellow in colour, presided over by Indra; in its middle lies the mandala of Varuna —

Verse 9 (garuda.1.197.9)

मध्ये पद्मं तथायुक्तमर्धचन्द्रं सुशीतलम् । इन्द्रनीलद्युतिं सौम्यमथवाग्नेयमण्डलम्

madhye padmaṁ tathāyuktamardhacandraṁ suśītalam indranīladyutiṁ saumyamathavāgneyamaṇḍalam

— in the middle, a lotus joined with a crescent moon, exceedingly cool, of sapphire-blue lustre, gentle; or [next], the fire-mandala —

Verse 10 (garuda.1.197.10)

त्रिकोणं स्वस्थिकैर्युक्तं ज्वालामा लानलं स्मरेत् । भिन्नाञ्जननिभाकारं स्ववृत्तं बिन्दुभूषितम्

trikoṇaṁ svasthikairyuktaṁ jvālāmā lānalaṁ smaret bhinnāñjananibhākāraṁ svavṛttaṁ bindubhūṣitam

— triangular, marked with swastikas, one should recall it as garlanded with flame, blazing like fire; then, of a hue like fine collyrium, round, adorned with a dot —

Verse 11 (garuda.1.197.11)

क्षीरोर्मिसदृशाकारं शुद्धस्फटिकवर्चसम् । प्लावयन्तं जगत्सर्वं व्योमामृतमनुंस्मरेत्

kṣīrormisadṛśākāraṁ śuddhasphaṭikavarcasam plāvayantaṁ jagatsarvaṁ vyomāmṛtamanuṁsmaret

— shaped like a wave of milk, of the lustre of pure crystal, flooding the entire world — one should recall this immortal mantra-syllable of the ether element.

Verse 12 (garuda.1.197.12)

वासुकिः शङ्खपालश्च स्थितौ पार्थिवमण्डले । कर्कोटः पद्मनाभश्च वारुणे तौ व्यवस्थितौ

vāsukiḥ śaṅkhapālaśca sthitau pārthivamaṇḍale karkoṭaḥ padmanābhaśca vāruṇe tau vyavasthitau

Vasuki and Shankhapala abide in the earth-mandala; Karkota and Padmanabha are established in the water (Varuna) mandala.

Verse 13 (garuda.1.197.13)

आग्नेये चापि कुलिकस्तक्षश्चैव महाब्जकौ । वायुमण्डलसंस्थौ च पञ्च भूतानि विन्यसेत्

āgneye cāpi kulikastakṣaścaiva mahābjakau vāyumaṇḍalasaṁsthau ca pañca bhūtāni vinyaset

In the fire-mandala, Kulika and Takshaka, both great serpents, are situated; and in the wind-mandala two others are situated — thus the placement of the five elements should be made.

Verse 14 (garuda.1.197.14)

अङ्गुष्ठादिकनिष्ठान्तमनुलोमविलोमतः । पर्वसन्धिषु च न्यस्या जया च विजया तथा

aṅguṣṭhādikaniṣṭhāntamanulomavilomataḥ parvasandhiṣu ca nyasyā jayā ca vijayā tathā

From the thumb to the little finger, in forward and reverse order, at the joints of the fingers, the placement should be made together with Jaya and Vijaya.

Verse 15 (garuda.1.197.15)

आस्यादिस्वपुरस्थाने न्यस्याच्छिवपडङ्गकम् । कनिष्ठादौ हृदादौ च शिखायां करयोर्न्यसेत्

āsyādisvapurasthāne nyasyācchivapaḍaṅgakam kaniṣṭhādau hṛdādau ca śikhāyāṁ karayornyaset

Shiva's six limbs should be placed at the mouth and their own respective places; the placement should be made on both hands at the little finger and the rest, at the heart and the rest, and at the crest.

Verse 16 (garuda.1.197.16)

व्यापकन्तु तत्वपूर्वं क्रमादङ्गुलिपर्वसु । भूतानाञ्च पुनर्न्यासः शिवाङ्गानि तथैव च

vyāpakantu tatvapūrvaṁ kramādaṅguliparvasu bhūtānāñca punarnyāsaḥ śivāṅgāni tathaiva ca

The pervasive mantra, preceded by its tattva, should be placed in order on the joints of the fingers; the placement of the elements should be repeated, and likewise that of Shiva's limbs.

Verse 17 (garuda.1.197.17)

प्रणवादिनमश्चान्ते नाम्नैव च समन्वितः । सर्वमन्त्रेषु कथितो विधिः स्थापनपूजने

praṇavādinamaścānte nāmnaiva ca samanvitaḥ sarvamantreṣu kathito vidhiḥ sthāpanapūjane

Beginning with the pranava (Om) and ending with 'namah', combined with the deity's name — this procedure is declared for the installation and worship of every mantra.

Verse 18 (garuda.1.197.18)

आद्याक्षरं तन्नाम्नश्च मन्त्रोऽयं परिकीर्तितः । अष्टानां नागजातीनां मन्त्रः सान्निध्यकारकः

ādyākṣaraṁ tannāmnaśca mantro'yaṁ parikīrtitaḥ aṣṭānāṁ nāgajātīnāṁ mantraḥ sānnidhyakārakaḥ

The first syllable of that name is itself declared to be this mantra; it is the mantra that brings the presence of the eight Naga species.

Verse 19 (garuda.1.197.19)

ओं स्वाहा क्रमशश्चैव पञ्चभूतपुरोगतम् । एष साक्षाद्भवेत्तार्क्ष्यः सर्वकर्मप्रसाधकः

oṁ svāhā kramaśaścaiva pañcabhūtapurogatam eṣa sākṣādbhavettārkṣyaḥ sarvakarmaprasādhakaḥ

'Om svaha' placed in order preceded by the five elements — this becomes Tarkshya (Garuda) himself, directly, the accomplisher of every rite.

Verse 20 (garuda.1.197.20)

करन्यासं स्वरैः कृत्वा शरीरे तु पुनर्न्यसेत् । ज्वलन्तं चिन्तयेत्प्राणमात्मसंशुद्धिकारकम्

karanyāsaṁ svaraiḥ kṛtvā śarīre tu punarnyaset jvalantaṁ cintayetprāṇamātmasaṁśuddhikārakam

Having performed the hand-placement with the vowels, one should place it again on the body; one should meditate on the blazing life-breath as the purifier of the self.

Verse 21 (garuda.1.197.21)

बीजन्तु चिन्तयेत्पश्चाद्वर्षान्तममृतात्मकम् । एवञ्चाप्यायनं कृत्वा मूर्ध्नि सञ्चिन्त्य चात्मनः

bījantu cintayetpaścādvarṣāntamamṛtātmakam evañcāpyāyanaṁ kṛtvā mūrdhni sañcintya cātmanaḥ

One should then meditate on the immortal seed-syllable; having thus performed this invigoration, and having visualized it at the crown of one's head —

Verse 22 (garuda.1.197.22)

पृथिवीं पादयोर्दद्यात्तप्तकाञ्चनसप्रभाम् । अशेषभुवनाकीर्णां लोकपालसमन्विताम्

pṛthivīṁ pādayordadyāttaptakāñcanasaprabhām aśeṣabhuvanākīrṇāṁ lokapālasamanvitām

— the earth should be placed at the feet, of the lustre of molten gold, pervading every world, accompanied by the guardians of the quarters.

Verse 23 (garuda.1.197.23)

एतां भगवतीं पृथ्वीं स्वदेहे विन्यसेद्बुधः । श्यामवर्णमयं ध्यायेत्पृथिवीद्विगुणं भवेत्

etāṁ bhagavatīṁ pṛthvīṁ svadehe vinyasedbudhaḥ śyāmavarṇamayaṁ dhyāyetpṛthivīdviguṇaṁ bhavet

The wise one should place this Goddess Earth within his own body; one should meditate on her as dark-hued — she becomes twice the size of the earth element.

Verse 24 (garuda.1.197.24)

ज्वालामालाकुलं दीप्तमाब्रह्मभुवनान्तकम् । नाभिग्रीवान्तरे न्यस्य त्रिकोणं मण्डलं रवेः

jvālāmālākulaṁ dīptamābrahmabhuvanāntakam nābhigrīvāntare nyasya trikoṇaṁ maṇḍalaṁ raveḥ

Garlanded with flames, blazing, extending up to the world of Brahma — having placed the sun's triangular mandala between navel and neck,

Verse 25 (garuda.1.197.25)

भिन्नाञ्जननिभाकारं निखिलं व्याप्य संस्थितम् । आत्ममूर्तिस्थितं ध्यायेद्वायव्यं तीक्ष्णमण्डलम्

bhinnāñjananibhākāraṁ nikhilaṁ vyāpya saṁsthitam ātmamūrtisthitaṁ dhyāyedvāyavyaṁ tīkṣṇamaṇḍalam

— of a hue like fine collyrium, pervading everywhere — one should meditate on it as situated in one's own form; then the sharp wind-mandala —

Verse 26 (garuda.1.197.26)

सिखोपरि स्थितं दिव्यं शुद्धस्फटिकवर्चसम् । अप्रमाणमहाव्योमव्यापकं चामृतोपमम्

sikhopari sthitaṁ divyaṁ śuddhasphaṭikavarcasam apramāṇamahāvyomavyāpakaṁ cāmṛtopamam

— situated above the crest, divine, of the lustre of pure crystal, pervading the immeasurable great void, comparable to nectar.

Verse 27 (garuda.1.197.27)

भूतन्यासं पुरा कृत्वा नागानाञ्च यथाक्रमम् । लकारान्ता बिन्दुयुता मन्त्रा भूतक्रमेण तु

bhūtanyāsaṁ purā kṛtvā nāgānāñca yathākramam lakārāntā binduyutā mantrā bhūtakrameṇa tu

Having first performed the placement of the elements, and then the placement of the Nagas in due order — the mantras ending in 'la' and joined with the bindu, in the order of the elements,

Verse 28 (garuda.1.197.28)

शिवबीजं ततो दद्यात्ततो ध्यायेच्च मण्डलम् । योयस्य क्रमाख्यातो मण्डलस्य विचक्षणः । तस्य तच्चिन्तयेद्वर्णं कर्मकाले विधानवित्

śivabījaṁ tato dadyāttato dhyāyecca maṇḍalam yoyasya kramākhyāto maṇḍalasya vicakṣaṇaḥ tasya taccintayedvarṇaṁ karmakāle vidhānavit

— one should then give Shiva's seed-syllable and meditate on the mandala; the one skilled in the procedure should, at the time of the rite, meditate on the colour of whichever mandala's order has been declared for him.

Verse 29 (garuda.1.197.29)

पादपक्षैस्तथा चञ्चत्कृष्णनागैर्विभूषितम् । तार्क्ष्यं ध्यायेत्ततो नित्यं विषे स्थावरजङ्गमे

pādapakṣaistathā cañcatkṛṣṇanāgairvibhūṣitam tārkṣyaṁ dhyāyettato nityaṁ viṣe sthāvarajaṅgame

One should constantly meditate on Tarkshya (Garuda) adorned with restless black serpents at his wings and elsewhere, in every kind of poison, whether from stationary or moving creatures,

Verse 30 (garuda.1.197.30)

ग्रहभूतपिशाचे च डाकिनीयक्षराक्षसे । नागैर्विवेष्टितं कृत्वा स्वदेहे विन्यसेच्छिवम्

grahabhūtapiśāce ca ḍākinīyakṣarākṣase nāgairviveṣṭitaṁ kṛtvā svadehe vinyasecchivam

for protection from malevolent grahas, bhutas, pishachas, dakinis, yakshas, and rakshasas — having encircled him with serpents, one should place Shiva within one's own body.

Verse 31 (garuda.1.197.31)

द्विधा न्यासः समाख्यातो नागानां चैव भूतयोः । एवं ध्यात्वा कर्म कुर्यादात्मतत्त्वादिकं क्रमात्

dvidhā nyāsaḥ samākhyāto nāgānāṁ caiva bhūtayoḥ evaṁ dhyātvā karma kuryādātmatattvādikaṁ kramāt

Thus the twofold placement — of the Nagas and of the elements — is declared. Having meditated thus, one should perform the rite, in due order, beginning with the tattva of the self.

Verse 32 (garuda.1.197.32)

त्रितत्त्वं प्रथं दत्त्वा सिवतत्त्वं ततः परम् । यथा देहे तथा देवे अङ्गुलीनां च पर्वसु

tritattvaṁ prathaṁ dattvā sivatattvaṁ tataḥ param yathā dehe tathā deve aṅgulīnāṁ ca parvasu

Having first given the threefold tattva, then next Shiva's tattva — as in the body, so in the deity, and likewise on the joints of the fingers.

Verse 33 (garuda.1.197.33)

देहे न्यासं पुरा कृत्वा ह्यनुलोमविलोमतः । कन्दं नालं तथा पद्मं धर्मं ज्ञानादिमेव च

dehe nyāsaṁ purā kṛtvā hyanulomavilomataḥ kandaṁ nālaṁ tathā padmaṁ dharmaṁ jñānādimeva ca

Having first performed the placement on the body in forward and reverse order, then the lotus-bulb, stalk, and lotus itself, representing dharma, jnana, and the rest —

Verse 34 (garuda.1.197.34)

द्वितीयस्वरसम्भिन्नं वर्गान्तेन तु पूजयेत् । शौमिति कर्णिकामध्ये मूर्ध्नि रेफेण संयुतम्

dvitīyasvarasambhinnaṁ vargāntena tu pūjayet śaumiti karṇikāmadhye mūrdhni repheṇa saṁyutam

— combined with the second vowel and the class-ending consonant, one should worship; 'śauṁ' in the middle of the pericarp, and at the crown, joined with 'ra'.

Verse 35 (garuda.1.197.35)

अकचटतपयशा वर्गाः पूर्वादिके न्यसेत् । पत्रान्तकेसरान्ते तु द्वौ द्वौ पूर्वादिकौ तथा

akacaṭatapayaśā vargāḥ pūrvādike nyaset patrāntakesarānte tu dvau dvau pūrvādikau tathā

The consonant classes ka, ca, ṭa, ta, and pa should be placed on the petals, beginning in the east; two each should likewise be placed, beginning in the east, at the petal-tips and at the ends of the filaments.

Verse 36 (garuda.1.197.36)

केशरे तु स्वरान्न्यस्यादीशान्तान्षोडशार्चयेत् । वामाद्याः शक्तयः प्रोक्तास्त्रितत्त्वन्तु ततो न्यसेत्

keśare tu svarānnyasyādīśāntānṣoḍaśārcayet vāmādyāḥ śaktayaḥ proktāstritattvantu tato nyaset

Placing the vowels on the filaments, one should worship the sixteen petals ending with Ishana; the powers (shaktis) beginning with Vama are then declared, and the threefold tattva should be placed there.

Verse 37 (garuda.1.197.37)

आवाहयेत्ततो मर्ध्नि शिवमङ्गं ततः परम् । कर्णिकायां न्यसेद्देवं सांगं तत्र पुरः सरम्

āvāhayettato mardhni śivamaṅgaṁ tataḥ param karṇikāyāṁ nyaseddevaṁ sāṁgaṁ tatra puraḥ saram

One should then invoke, at the crown, Shiva together with his limbs; in the pericarp one should install the deity together with his limbs, following that invocation.

Verse 38 (garuda.1.197.38)

पृतिवी पश्चिमे पत्रे आपश्चोत्तरसंस्थिताः । तेजस्तु दक्षिणे पत्रे वायुं पूर्वेण पूजयेत्

pṛtivī paścime patre āpaścottarasaṁsthitāḥ tejastu dakṣiṇe patre vāyuṁ pūrveṇa pūjayet

Earth on the western petal, water situated on the northern petal; fire on the southern petal, and one should worship wind on the eastern petal.

Verse 39 (garuda.1.197.39)

स्वबीजं मूर्तिरूपन्तु प्रागुक्तं पारकल्पयेत् । यं वायुमूलं नैरृत्ये रेफस्त्वनलसंस्थितः

svabījaṁ mūrtirūpantu prāguktaṁ pārakalpayet yaṁ vāyumūlaṁ nairṛtye rephastvanalasaṁsthitaḥ

One's own seed-syllable, previously declared, in its embodied form, should be constructed there; 'yaṁ', the root of wind, is in the south-west; 'ra' is situated in fire (the south-east),

Verse 40 (garuda.1.197.40)

वं च त्वीशे सदा पूज्य ओं हृदिस्थञ्च पूजयेत् । तन्मात्रान्भूतमात्रांस्तान्बहिरेव प्रपूजयेत्

vaṁ ca tvīśe sadā pūjya oṁ hṛdisthañca pūjayet tanmātrānbhūtamātrāṁstānbahireva prapūjayet

and 'vaṁ' should always be worshipped in the north-west; 'Om', situated at the heart, should be worshipped; the subtle essences and elemental essences should be worshipped outwardly.

Verse 41 (garuda.1.197.41)

शिवाङ्गानि ततः पश्चाद्ध्यात्वा संपूजयेत्ततः । आग्नेय्यां हृदयं पूज्य शिर ईशानगोचरे

śivāṅgāni tataḥ paścāddhyātvā saṁpūjayettataḥ āgneyyāṁ hṛdayaṁ pūjya śira īśānagocare

Having then meditated on Shiva's limbs, one should worship them thereafter: in the south-east, the heart should be worshipped; the head, in the direction of Ishana (north-east).

Verse 42 (garuda.1.197.42)

नैरृत्ये तु शिखां दद्याद्वायव्यां कवचं न्यसेत् । अस्त्रन्तु बाह्यतो दद्यान्नेत्रमुत्तरसंस्थितम्

nairṛtye tu śikhāṁ dadyādvāyavyāṁ kavacaṁ nyaset astrantu bāhyato dadyānnetramuttarasaṁsthitam

In the south-west, the top-knot should be placed; in the north-west, the armor should be placed; the weapon should be placed outward, and the eye is situated in the north.

Verse 43 (garuda.1.197.43)

पत्राग्रे कर्णिकग्रे तु बीजानि परिपूजयेत् । अनन्तादिकुलीरान्ता अष्टौ नागाः क्रमात्स्थिताः

patrāgre karṇikagre tu bījāni paripūjayet anantādikulīrāntā aṣṭau nāgāḥ kramātsthitāḥ

At the tips of the petals and at the tip of the pericarp, the seed-syllables should be duly worshipped; the eight Nagas, from Ananta to Kulira, are situated in order,

Verse 44 (garuda.1.197.44)

पूर्वादिकक्रमेणैव त्वीशपर्यन्तमेव च । पूजयेच्च सदा मन्त्री विधानेन पृथक्पृथक्

pūrvādikakrameṇaiva tvīśaparyantameva ca pūjayecca sadā mantrī vidhānena pṛthakpṛthak

in the order beginning from the east and continuing to Ishana; the mantra-practitioner should always worship them, each separately, according to the prescribed method.

Verse 45 (garuda.1.197.45)

हृदि पद्मे विधानेन शिलादौ दत्तमण्डले । एतत्कार्यं समुद्दिष्टं नित्यनैमित्तिकेऽपि च

hṛdi padme vidhānena śilādau dattamaṇḍale etatkāryaṁ samuddiṣṭaṁ nityanaimittike'pi ca

In the lotus of the heart, according to the procedure, and likewise in a mandala drawn upon stone and the like — this rite is prescribed for both daily and occasional observances.

Verse 46 (garuda.1.197.46)

आत्मानं चिन्तयेन्नित्यं कामरूपं मनोहरम् । प्लावयन्तं जगत्सर्वं सृष्टिसंहारकारकम्

ātmānaṁ cintayennityaṁ kāmarūpaṁ manoharam plāvayantaṁ jagatsarvaṁ sṛṣṭisaṁhārakārakam

One should constantly meditate on oneself as of desired form, charming, flooding the entire world, the agent of creation and dissolution,

Verse 47 (garuda.1.197.47)

ज्वालामालाभिरुद्दीप्तं आब्रह्मभुवनान्तकम् । दशबाहुं चतुर्वक्त्रं पिङ्गाक्षं शूलपाणिनम्

jvālāmālābhiruddīptaṁ ābrahmabhuvanāntakam daśabāhuṁ caturvaktraṁ piṅgākṣaṁ śūlapāṇinam

blazing with garlands of flame, extending up to the world of Brahma, ten-armed, four-faced, tawny-eyed, trident-bearing,

Verse 48 (garuda.1.197.48)

दंष्ट्राकरालमत्युग्रं त्रिनेत्रं शशिशेखरम् । भैरवन्तु स्मरेत्सिद्ध्यै गरुडं सर्वकर्मसु

daṁṣṭrākarālamatyugraṁ trinetraṁ śaśiśekharam bhairavantu smaretsiddhyai garuḍaṁ sarvakarmasu

fearsome with fangs, exceedingly fierce, three-eyed, crowned with the crescent moon — one should recall this Bhairava-form of Garuda for accomplishment in every rite.

Verse 49 (garuda.1.197.49)

नागानां नाशनार्थाय गरुडं भीमभीषणम् । पादौ पातालं संस्थौ च दिशः पक्षास्तु संश्रिताः

nāgānāṁ nāśanārthāya garuḍaṁ bhīmabhīṣaṇam pādau pātālaṁ saṁsthau ca diśaḥ pakṣāstu saṁśritāḥ

For the destruction of hostile Nagas, one should meditate on Garuda, terrible and fearsome — his feet resting in the netherworld, and his wings extending as the directions,

Verse 50 (garuda.1.197.50)

सप्त स्वर्गा उरसि च ब्रह्माण्डं कण्ठमाश्रितम् । पूर्वादीशानपर्यन्तं शिरस्तस्य विचिन्तयेत्

sapta svargā urasi ca brahmāṇḍaṁ kaṇṭhamāśritam pūrvādīśānaparyantaṁ śirastasya vicintayet

the seven heavens resting at his chest, the cosmic egg situated at his neck; one should meditate on his head as extending from the east to Ishana,

Verse 51 (garuda.1.197.51)

सदाशिवशिखान्तस्थं शक्तित्रितयमेव च । परात्परं शिवं साक्षात्तार्क्ष्यं भुवननायकम्

sadāśivaśikhāntasthaṁ śaktitritayameva ca parātparaṁ śivaṁ sākṣāttārkṣyaṁ bhuvananāyakam

abiding at the crest with Sadashiva, together with the triad of powers — directly the Supreme beyond the supreme, Shiva himself, Tarkshya, Lord of all the worlds,

Verse 52 (garuda.1.197.52)

त्रिनेत्रमुग्ररूपञ्च विषनागक्षयङ्करम् । ग्रसनं भीमवक्त्रं च गरुडं मन्त्रविग्रहम्

trinetramugrarūpañca viṣanāgakṣayaṅkaram grasanaṁ bhīmavaktraṁ ca garuḍaṁ mantravigraham

three-eyed, of fierce form, the destroyer of venomous serpents, devouring, with a terrible face — this mantra-embodied Garuda —

Verse 53 (garuda.1.197.53)

कालाग्निमिव दीप्तं च चिन्तयेत्सर्वकर्मसु । एवं न्यासविधिं कृत्वा यद्यन्मनसि चिन्तयेत्

kālāgnimiva dīptaṁ ca cintayetsarvakarmasu evaṁ nyāsavidhiṁ kṛtvā yadyanmanasi cintayet

— should be visualized as blazing like the fire at the end of time, in every rite. Having thus performed this procedure of ritual placement, whatever one contemplates in the mind,

Verse 54 (garuda.1.197.54)

तत्तदेव भवेत्साध्यं नरो वै गरुडायते । प्रेता भूतास्तथा यक्षा नागा गन्धर्वराक्षसाः । दर्शनात्तस्य नश्यन्ति ज्वराश्चातुर्थिकादयः

tattadeva bhavetsādhyaṁ naro vai garuḍāyate pretā bhūtāstathā yakṣā nāgā gandharvarākṣasāḥ darśanāttasya naśyanti jvarāścāturthikādayaḥ

that very thing becomes attainable, and the practitioner becomes as Garuda himself. Pretas, bhutas, yakshas, nagas, gandharvas, and rakshasas, and fevers such as chaturthika and the rest, are destroyed merely at the sight of him.

Verse 55 (garuda.1.197.55)

धन्वन्तरिरुवाच । एवं स गरुडं प्रोचे गरुडः कश्यपाय च । महेश्वरो यथा गौरीं प्राह विद्यां तथा शृणु

dhanvantariruvāca evaṁ sa garuḍaṁ proce garuḍaḥ kaśyapāya ca maheśvaro yathā gaurīṁ prāha vidyāṁ tathā śṛṇu

Dhanvantari said: Thus was this declared to Garuda, and Garuda declared it to Kashyapa; just as Maheshvara spoke this knowledge to Gauri, so now listen to it.