The Description of the Nine Treasures

Verse 1 (garuda.1.53.1)

॥ सूत उवाच ॥ एवं ब्रह्माब्रवीच्छ्रुत्वा हरेरष्टनिधींस्तथा ॥ तत्र पद्ममहापद्मौ तथा मकरकच्छपौ

. sūta uvāca . evaṁ brahmābravīcchrutvā hareraṣṭanidhīṁstathā . tatra padmamahāpadmau tathā makarakacchapau

Suta said: Having heard this, Brahma thus spoke of Hari's eight treasures. Among them, Padma and Mahapadma, and likewise Makara and Kachchhapa,

Verse 2 (garuda.1.53.2)

मुकुन्दकु(न) न्दौ नीलश्च शङ्खश्चैवापरो निधिः ॥ सत्यामृद्धौ भवन्त्येते स्वरूपं कथयाम्यहम्

mukundaku(na) ndau nīlaśca śaṅkhaścaivāparo nidhiḥ . satyāmṛddhau bhavantyete svarūpaṁ kathayāmyaham

Mukunda and Kunda, Nila, and another treasure named Shankha — these arise through true prosperity; I shall now describe their nature.

Verse 3 (garuda.1.53.3)

पद्मेन लक्षितश्चैव सात्त्विको जायते नरः ॥ दाक्षिण्यसारः पुरुषः सुवर्णादिकसंग्रहम्

padmena lakṣitaścaiva sāttviko jāyate naraḥ . dākṣiṇyasāraḥ puruṣaḥ suvarṇādikasaṁgraham

A man marked with Padma becomes sattvic by nature. That person, whose essence is generosity, gathers gold and the like,

Verse 4 (garuda.1.53.4)

रुप्यादि कुर्य्याद्दद्यात्तु यतिदैवादियज्वनाम् ॥ महापद्माङ्कितो दद्याद्धनाद्यं धार्मिकाय च

rupyādi kuryyāddadyāttu yatidaivādiyajvanām . mahāpadmāṅkito dadyāddhanādyaṁ dhārmikāya ca

and silver and the like, and gives it to ascetics, to devotees of the gods, and to those who perform sacrifices. One marked with Mahapadma gives wealth and the like to the righteous.

Verse 5 (garuda.1.53.5)

निधी पद्ममहापद्मौ सात्त्विकौ पुरुषौ स्मृतौ ॥ मकरेणाङ्कितः खड्गबाणकुन्तादिसंग्रही

nidhī padmamahāpadmau sāttvikau puruṣau smṛtau . makareṇāṅkitaḥ khaḍgabāṇakuntādisaṁgrahī

The treasures Padma and Mahapadma are held to belong to sattvic men. One marked with Makara is a collector of swords, arrows, spears, and the like;

Verse 6 (garuda.1.53.6)

दद्याच्छ्रुताय मैत्रीं च याति नित्यं च राजभिः ॥ द्रव्यार्थं शत्रूणां नाशं संग्रामे चापि संव्रजेत्

dadyācchrutāya maitrīṁ ca yāti nityaṁ ca rājabhiḥ . dravyārthaṁ śatrūṇāṁ nāśaṁ saṁgrāme cāpi saṁvrajet

he offers friendship to the learned and is ever favored by kings; for the sake of wealth he brings about the destruction of enemies, and also goes into battle.

Verse 7 (garuda.1.53.7)

मकरः कच्छपश्चैव तामसौ तु निधी स्मृतौ ॥ कच्छपी विश्वसेन्नैव न भुङ्क्ते न (ना) ददाति च

makaraḥ kacchapaścaiva tāmasau tu nidhī smṛtau . kacchapī viśvasennaiva na bhuṅkte na (nā) dadāti ca

Makara and Kachchhapa are held to be the two tamasic treasures. One marked with Kachchhapa trusts no one, neither enjoys nor gives,

Verse 8 (garuda.1.53.8)

निधानमुर्व्यां कुरुते निधिः सोप्येकपूरुषः ॥ राजसेन मुकुन्देन लक्षिता राज्यसंग्रही

nidhānamurvyāṁ kurute nidhiḥ sopyekapūruṣaḥ . rājasena mukundena lakṣitā rājyasaṁgrahī

and buries his wealth in the ground — that treasure too belongs to a solitary man. One marked with the rajasic Mukunda is a gatherer of kingdoms,

Verse 9 (garuda.1.53.9)

भुक्तभोगो गायनेभ्यो दद्याद्वेश्यादिकासु च ॥ रजस्तमोमयो नन्दी आधारः स्यात्कुलस्य च

bhuktabhogo gāyanebhyo dadyādveśyādikāsu ca . rajastamomayo nandī ādhāraḥ syātkulasya ca

and having enjoyed his pleasures, gives to singers, courtesans, and the like. Nandi (Kunda), full of rajas and tamas, becomes the support of one's lineage,

Verse 10 (garuda.1.53.10)

स्तुतः प्रीतो भवति वै बहुभार्य्या भवन्ति च ॥ पूर्वमित्रेषु शैथिल्यं प्रीतिमन्यैः करोति च

stutaḥ prīto bhavati vai bahubhāryyā bhavanti ca . pūrvamitreṣu śaithilyaṁ prītimanyaiḥ karoti ca

he becomes pleased when praised, and acquires many wives; he grows lax toward old friends and shows affection to new ones.

Verse 11 (garuda.1.53.11)

नीलेन चाङ्कितः सत्त्वतेजसा संयुतो भवेत् ॥ वस्त्रधान्यादिसंग्राही तडागादि करोति च

nīlena cāṅkitaḥ sattvatejasā saṁyuto bhavet . vastradhānyādisaṁgrāhī taḍāgādi karoti ca

One marked with Nila is endowed with sattva and vigor; he is a collector of cloth, grain, and the like, and constructs tanks and similar works.

Verse 12 (garuda.1.53.12)

त्रिपू(पौ) रुषो निधिश्चैव आम्रारामादि कारयेत् ॥ एकस्य स्यान्निधिः शङ्खः स्वयं भुङ्क्ते धनादि(न्त)कम्

tripū(pau) ruṣo nidhiścaiva āmrārāmādi kārayet . ekasya syānnidhiḥ śaṅkhaḥ svayaṁ bhuṅkte dhanādi(nta)kam

The threefold-natured treasure causes mango-groves and the like to be planted. The Shankha treasure belongs to one man alone; he enjoys wealth and the rest by himself,

Verse 13 (garuda.1.53.13)

कदन्नभुक्परिजनो न च शोभनवस्त्रधृक् ॥ स्वपोषणपरः शंखी दद्यात्परनरे वृथा

kadannabhukparijano na ca śobhanavastradhṛk . svapoṣaṇaparaḥ śaṁkhī dadyātparanare vṛthā

his household eats poor food and does not wear fine clothes; devoted only to his own upkeep, the possessor of Shankha never gives anything to another, not even in vain.

Verse 14 (garuda.1.53.14)

मिश्रावलोकनान्मिश्रस्वभावफलदायिनः ॥ निधीनां रूपमुक्तं तु हरिणापि हरादिके ॥ हरिर्भुवनकोशादि यथोवाच तथा वदे

miśrāvalokanānmiśrasvabhāvaphaladāyinaḥ . nidhīnāṁ rūpamuktaṁ tu hariṇāpi harādike . harirbhuvanakośādi yathovāca tathā vade

By observing a mixture of these signs, mixed natures yield mixed results. Thus the nature of the treasures has been declared, even as Hari once told it to Hara and the others. As Hari then spoke of the Bhuvanakosha and the rest, so I shall now tell it.