The Hells

Verse 1 (garuda.2.3.1)

सूत उवाच । एवमुत्साहितः पक्षी स्वरूपं निरयस्य तु । पप्रच्छनरकाण्येवं श्रुत्वा चोत्कूलितान्तरः

sūta uvāca | evamutsāhitaḥ pakṣī svarūpaṁ nirayasya tu | papracchanarakāṇyevaṁ śrutvā cotkūlitāntaraḥ

Suta said: Thus encouraged, the bird, his heart deeply stirred by what he had heard, went on to ask in this manner about the nature of the hells.

Verse 2 (garuda.2.3.2)

गरुड उवाच । नरकाणां स्वरूपं मे वद येषु विकर्मिणः । पात्यन्ते दुः खभूयिष्ठास्तेषां भेदांश्च कीर्तय

garuḍa uvāca | narakāṇāṁ svarūpaṁ me vada yeṣu vikarmiṇaḥ | pātyante duḥ khabhūyiṣṭhāsteṣāṁ bhedāṁśca kīrtaya

Garuda said: Tell me the nature of the hells into which evildoers are cast down amid such abounding suffering, and describe their different kinds.

Verse 3 (garuda.2.3.3)

श्रीभगवानुवाच । नरकाणां सहस्राणि वर्तन्ते ह्यरुणानुज । शक्यं विस्तरतो नैव वक्तुं प्राधान्यतो ब्रुवे

śrībhagavānuvāca | narakāṇāṁ sahasrāṇi vartante hyaruṇānuja | śakyaṁ vistarato naiva vaktuṁ prādhānyato bruve

The Blessed Lord said: O younger brother of Aruna, the hells number in the thousands; it is not possible to describe them all in detail, so I shall tell of the principal ones.

Verse 4 (garuda.2.3.4)

रौरवं नाम नरकं मुख्यं तद्वैनिबोध मे । रौरवे कूटसाक्षी तु याति यश्चानृती नरः

rauravaṁ nāma narakaṁ mukhyaṁ tadvainibodha me | raurave kūṭasākṣī tu yāti yaścānṛtī naraḥ

The hell named Raurava is foremost; hear of it from me. To Raurava goes the man who bears false witness, and he who speaks untruth.

Verse 5 (garuda.2.3.5)

योजनानां सहस्रे द्वे रौरवो हि प्रमाणतः । जानुमात्रप्रमाणं तु तत्र गर्तं सुदुस्तरम्

yojanānāṁ sahasre dve rauravo hi pramāṇataḥ | jānumātrapramāṇaṁ tu tatra gartaṁ sudustaram

In measure, Raurava extends two thousand yojanas; there lies a pit, knee-deep and utterly impassable.

Verse 6 (garuda.2.3.6)

तत्राङ्गारचयौघेन कृतं तद्धरणीसमम् । तत्राग्निना सुतीव्रेण तापिताङ्गारभूमिना

tatrāṁgāracayaughena kṛtaṁ taddharaṇīsamam | tatrāgninā sutīvreṇa tāpitāṁgārabhūminā

It is filled level with the ground by heaps of burning coals; there, upon that coal-ground scorched by intensely fierce fire,

Verse 7 (garuda.2.3.7)

तन्मध्ये पापकर्माणं विमुञ्चन्ति यमानुगाः । स दह्यमानस्तीव्रेण वह्निना परिधावति

tanmadhye pāpakarmāṇaṁ vimuñcanti yamānugāḥ | sa dahyamānastīvreṇa vahninā paridhāvati

the servants of Yama release the sinner into its very midst. Burning in that fierce fire, he runs about wildly,

Verse 8 (garuda.2.3.8)

पदेपदे च पादोऽस्य स्फुट्यते शीर्यते पुनः । अहोरात्रेणोद्धरणं पादन्यासेन गच्छति

padepade ca pādo'sya sphuṭyate śīryate punaḥ | ahorātreṇoddharaṇaṁ pādanyāsena gacchati

and at every step his foot splits open and is torn asunder, only to knit again; in a single day and night he advances no further than the length of one footstep.

Verse 9 (garuda.2.3.9)

एवं सहस्रं विस्तीर्णं योजनानां विमुच्यते । ततोऽन्यत्पापशुद्ध्यर्थं तादृङ्निरयमृच्छति

evaṁ sahasraṁ vistīrṇaṁ yojanānāṁ vimucyate | tato'nyatpāpaśuddhyarthaṁ tādṛṁnirayamṛcchati

Thus he is at last released from that hell, spread over a thousand yojanas; and then, for the purging of his remaining sin, he passes on to another hell of like kind.

Verse 10 (garuda.2.3.10)

रौरवस्ते समाख्यातः प्रथमो नरको मया । महारौरवसंज्ञं तु शृणुष्व नरकं खग

rauravaste samākhyātaḥ prathamo narako mayā | mahārauravasaṁjñaṁ tu śṛṇuṣva narakaṁ khaga

This first hell, Raurava, I have described to you. Now, O bird, hear of the hell named Maharaurava.

Verse 11 (garuda.2.3.11)

योजनानां सहस्राणि सन्ति पञ्च समन्ततः । तत्र ताम्रमयी भूमिरधस्तस्या हुताशनः

yojanānāṁ sahasrāṇi santi pañca samantataḥ | tatra tāmramayī bhūmiradhastasyā hutāśanaḥ

It extends five thousand yojanas on every side; there the ground is made of copper, and beneath it burns a fire,

Verse 12 (garuda.2.3.12)

तया तपन्त्या सा सर्वा प्रोद्यद्विद्युत्समप्रभा । विभाव्यते महारौद्रा पापिनां दर्शनादिषु

tayā tapantyā sā sarvā prodyadvidyutsamaprabhā | vibhāvyate mahāraudrā pāpināṁ darśanādiṣu

which, heating it, makes that whole ground blaze with a brilliance like flashing lightning, appearing utterly dreadful even at the mere sight of the sinners.

Verse 13 (garuda.2.3.13)

तस्यां बद्धकराभ्यां च पद्भ्यां चैव यमानुगैः । मुच्यते पापकृन्मध्ये लुण्ठमानः स गच्छति

tasyāṁ baddhakarābhyāṁ ca padbhyāṁ caiva yamānugaiḥ | mucyate pāpakṛnmadhye luṇṭhamānaḥ sa gacchati

There, hands and feet bound by the messengers of Yama, the doer of evil is released into its midst, and he moves along writhing on the ground,

Verse 14 (garuda.2.3.14)

काकैर्बकैर्वृकोलूकैर्मशकैर्वृश्चिकैस्तथा । भक्ष्यमाणैस्तथा रौद्रैर्गतो मार्गे विकृष्यते

kākairbakairvṛkolūkairmaśakairvṛścikaistathā | bhakṣyamāṇaistathā raudrairgato mārge vikṛṣyate

torn at by crows, herons, wolves, owls, mosquitoes and scorpions, dragged along that dreadful path,

Verse 15 (garuda.2.3.15)

दह्यमानो गतमतिर्भ्रान्तस्तातेति चाकुलः । वदत्यसकृदुद्वग्नो न शान्तिमधिगच्छति

dahyamāno gatamatirbhrāntastāteti cākulaḥ | vadatyasakṛdudvagno na śāntimadhigacchati

burning, his senses gone, bewildered and distraught, he cries out again and again 'O father!', yet finds no peace anywhere.

Verse 16 (garuda.2.3.16)

एवं तस्मान्नरैर्मोक्षस्त्वतिक्रान्तैरवाप्यते । वर्षायुतायुतैः पापं यैः कृतं दुष्टबुद्धिभिः

evaṁ tasmānnarairmokṣastvatikrāntairavāpyate | varṣāyutāyutaiḥ pāpaṁ yaiḥ kṛtaṁ duṣṭabuddhibhiḥ

It is only after passing through this, over countless myriads of years, that release is obtained by men who, in their utter perversity, have committed such sin.

Verse 17 (garuda.2.3.17)

तथान्यस्तु ततो नाम सोऽतिशीतः स्वभावतः । महारौरववद्दीर्घस्तथान्धतमसा वृतः

tathānyastu tato nāma so'tiśītaḥ svabhāvataḥ | mahārauravavaddīrghastathāndhatamasā vṛtaḥ

After this comes another, one which by its very nature is intensely cold, as vast as Maharaurava, and shrouded in blinding darkness.

Verse 18 (garuda.2.3.18)

शीतार्तास्तत्र बध्यन्ते नरास्तमसि दारुणे । परस्परं समासाद्य परिरभ्याश्रयन्ति ते

śītārtāstatra badhyante narāstamasi dāruṇe | parasparaṁ samāsādya parirabhyāśrayanti te

Tormented by cold, men are bound fast within that dreadful darkness; drawing close to one another, they embrace and cling for shelter,

Verse 19 (garuda.2.3.19)

दन्तास्तेषां च भज्यन्ते शीतार्तिपरिकम्पिताः । क्षुतृषातिबलाः पक्षिन्नथ तत्राप्युपदवाः

dantāsteṣāṁ ca bhajyante śītārtiparikampitāḥ | kṣutṛṣātibalāḥ pakṣinnatha tatrāpyupadavāḥ

their teeth shattering as they shudder with the agony of cold; and, O bird, weakened utterly by hunger and thirst, other torments beset them there besides —

Verse 20 (garuda.2.3.20)

हिमखण्डवहो वायुभिनत्त्यस्थीनि दारुणः । मज्जासृगस्थिगलितमश्रन्त्यत्र क्षुधान्विताः

himakhaṇḍavaho vāyubhinattyasthīni dāruṇaḥ | majjāsṛgasthigalitamaśrantyatra kṣudhānvitāḥ

a dreadful wind laden with shards of ice splits their very bones; driven mad with hunger, they eat there the marrow, blood, and bone-splinters that fall,

Verse 21 (garuda.2.3.21)

आलिङ्ग्यमाना भ्राम्यन्ते परस्परसमागमे । एवं तत्रापि सुमहान्क्लेशस्तमसि मानवैः

āliṁgyamānā bhrāmyante parasparasamāgame | evaṁ tatrāpi sumahānkleśastamasi mānavaiḥ

and, locked in embrace, they wander about, meeting one another again and again. Thus, O best of birds, in that darkness too, an immense affliction

Verse 22 (garuda.2.3.22)

प्राप्यते शकुनिश्रेष्ठ यो बहूकृतसञ्चयः । निकृन्तन इति ख्यातस्ततोऽन्यो नरकोत्तमः

prāpyate śakuniśreṣṭha yo bahūkṛtasañcayaḥ | nikṛntana iti khyātastato'nyo narakottamaḥ

is undergone by one who has amassed much [wealth unjustly]. After this comes yet another foremost hell, known by the name Nikrintana.

Verse 23 (garuda.2.3.23)

कुलालचक्राणि तत्र भ्राम्यन्त्यविरतं खग । तेष्वापाष्ये निकृष्यन्ते कालसूत्रेण मानवाः

kulālacakrāṇi tatra bhrāmyantyavirataṁ khaga | teṣvāpāṣye nikṛṣyante kālasūtreṇa mānavāḥ

There, O bird, wheels like a potter's turn without ceasing; upon them men are sliced apart, from the feet upward, by the thread of Time,

Verse 24 (garuda.2.3.24)

यमानुमाङ्गुलिस्थेन आपादतलमस्तकम् । न चैषां जीवितभ्रंशो जायते पक्षिसत्तम

yamānumāṁgulisthena āpādatalamastakam | na caiṣāṁ jīvitabhraṁśo jāyate pakṣisattama

cut by Yama's servant from toe to crown of the head; and yet, O best of birds, their life does not depart.

Verse 25 (garuda.2.3.25)

छिन्नानि तेषां शतशः खण्डान्यैक्यं व्रजन्ति हि । एवं वर्षसहस्राणि भ्राम्यन्ते पापकर्मिणः

chinnāni teṣāṁ śataśaḥ khaṇḍānyaikyaṁ vrajanti hi | evaṁ varṣasahasrāṇi bhrāmyante pāpakarmiṇaḥ

Even when cut into hundreds of pieces, they come together again as one. Thus the sinful wander for thousands of years,

Verse 26 (garuda.2.3.26)

तावद्यावदशेषं च तत्पापं संक्षयं गतम् । अप्रातष्ठं च नरकं शृणुष्व गदतो मम

tāvadyāvadaśeṣaṁ ca tatpāpaṁ saṁkṣayaṁ gatam | aprātaṣṭhaṁ ca narakaṁ śṛṇuṣva gadato mama

until every last portion of their sin has been utterly exhausted. Now hear also, as I tell it, of the hell called Apratishtha.

Verse 27 (garuda.2.3.27)

तत्रस्थैर्नारकैर्दुः खमसह्यमनुभूयते । तान्येव तत्र चक्राणि घटीयन्त्राणि चान्यतः

tatrasthairnārakairduḥ khamasahyamanubhūyate | tānyeva tatra cakrāṇi ghaṭīyantrāṇi cānyataḥ

The denizens of hell dwelling there endure unbearable suffering; there too are those same wheels, and elsewhere, water-wheels of torment,

Verse 28 (garuda.2.3.28)

दुः खस्य हेतुभूतानि पापकर्मकृतां नृणाम् । चक्रेष्वारोपिताः केचिद्भाम्यन्ते तत्र मानवाः

duḥ khasya hetubhūtāni pāpakarmakṛtāṁ nṛṇām | cakreṣvāropitāḥ kecidbhāmyante tatra mānavāḥ

which serve as the cause of suffering for men who have done evil deeds. Some men are mounted upon those wheels and spun round,

Verse 29 (garuda.2.3.29)

यावद्वर्षसहस्राणि न तेषां स्थितिरन्तरा । घटीयन्त्रेषु बद्वा ये बद्धा तोयवटी यथा

yāvadvarṣasahasrāṇi na teṣāṁ sthitirantarā | ghaṭīyantreṣu badvā ye baddhā toyavaṭī yathā

and for thousands of years there comes no pause in their state; those bound within the water-wheels, as pots are bound upon a well-wheel,

Verse 30 (garuda.2.3.30)

भ्राम्यन्ते मानवा रक्तमुद्गिरन्तः पुनः पुनः । अन्त्रैर्मुखविनिष्क्रान्तैर्नेत्रैरन्त्रावलम्बिभैः

bhrāmyante mānavā raktamudgirantaḥ punaḥ punaḥ | antrairmukhaviniṣkrāntairnetrairantrāvalambibhaiḥ

are whirled round and round, vomiting blood again and again, their entrails hanging out through their mouths, their eyes tangled in those very entrails,

Verse 31 (garuda.2.3.31)

दुः खानि प्राप्नुवन्तीह यान्यसह्यानि जन्तुभिः । असिपत्रवनं नाम नरकं शृणु चापरम्

duḥ khāni prāpnuvantīha yānyasahyāni jantubhiḥ | asipatravanaṁ nāma narakaṁ śṛṇu cāparam

and here they endure sufferings unbearable to any living creature. Now hear of another hell, named Asipatravana.

Verse 32 (garuda.2.3.32)

योजनानां सहस्रं यो ज्वलत्यग्न्याशृतावनिः । सप्ततीव्रकराश्चैण्डर्यत्र तीव्र सुदारुणे

yojanānāṁ sahasraṁ yo jvalatyagnyāśṛtāvaniḥ | saptatīvrakarāścaiṇḍaryatra tīvra sudāruṇe

There, a ground stretching a thousand yojanas blazes, encircled by flames of fire; there too the sun, with its rays intensely searing,

Verse 33 (garuda.2.3.33)

प्रतपन्ति सदा तत्र प्राणिनो नरकौकसः । तन्मध्ये चरणं शीतस्निग्धपत्रं विभाष्यते

pratapanti sadā tatra prāṇino narakaukasaḥ | tanmadhye caraṇaṁ śītasnigdhapatraṁ vibhāṣyate

forever scorches the beings of that hell. In its midst appears a forest of cool, glossy leaves,

Verse 34 (garuda.2.3.34)

पत्राणि यत्र खण्डानि फलानां पक्षिसत्तम । श्वानश्च तत्र सुबलाश्चरन्त्यामिषभोजनाः

patrāṇi yatra khaṇḍāni phalānāṁ pakṣisattama | śvānaśca tatra subalāścarantyāmiṣabhojanāḥ

O best of birds, whose leaves seem like the very slices of ripe fruit. There, powerful dogs, feeding on flesh, roam about,

Verse 35 (garuda.2.3.35)

महावक्त्रा महादंष्ट्रा व्याघ्रा इव महाबलाः । ततश्च वनमालोक्य शिशिरच्छायमग्रतः

mahāvaktrā mahādaṁṣṭrā vyāghrā iva mahābalāḥ | tataśca vanamālokya śiśiracchāyamagrataḥ

great-mouthed, fanged like tigers in their strength. Then, seeing that forest before them with its inviting cool shade,

Verse 36 (garuda.2.3.36)

प्रयान्ति प्राणिनस्तत्र क्षुत्तापपरिपीडिताः । मातर्भ्रातस्तात इति क्रन्दमानाः सुदुः खिताः

prayānti prāṇinastatra kṣuttāpaparipīḍitāḥ | mātarbhrātastāta iti krandamānāḥ suduḥ khitāḥ

the creatures, tormented by hunger and heat, rush toward it, crying out most piteously, 'O mother, brother, father!',

Verse 37 (garuda.2.3.37)

दह्यमानाङ्घ्रियुगला धरणिस्थेन वह्निना । तेषां गतानां तत्रापि अति शीतिः समीरणः

dahyamānāṁghriyugalā dharaṇisthena vahninā | teṣāṁ gatānāṁ tatrāpi ati śītiḥ samīraṇaḥ

the very ground burning beneath their feet with fire all the while. Yet even on reaching there, an intensely icy wind

Verse 38 (garuda.2.3.38)

प्रवाति तेन पात्यन्ते तेषां खड्गास्तथोपरि । छिन्नाः पतन्ति ते भूमौ ज्वलत्पावकसंचये

pravāti tena pātyante teṣāṁ khaḍgāstathopari | chinnāḥ patanti te bhūmau jvalatpāvakasaṁcaye

blows upon them, and by it the sword-like leaves above are made to fall. Cut down, they drop to the ground into heaps of blazing fire,

Verse 39 (garuda.2.3.39)

लेलिह्यमाने चान्यत्र तप्ताशेषमहीतले । सारमेयाश्च ते शीघ्रं शातयन्ति शरीरतः

lelihyamāne cānyatra taptāśeṣamahītale | sārameyāśca te śīghraṁ śātayanti śarīrataḥ

and elsewhere, upon the scorching ground that licks at everything, the dogs swiftly rend their bodies apart.

Verse 40 (garuda.2.3.40)

तेषां खण्डान्यनेकानि रुदतामतिभीषणे । असिपत्रवनं तात मयैतत्परिकीर्तितम्

teṣāṁ khaṇḍānyanekāni rudatāmatibhīṣaṇe | asipatravanaṁ tāta mayaitatparikīrtitam

Amid the most fearful wailing, their bodies are torn into countless pieces. This, dear one, is the hell Asipatravana as I have described it to you.

Verse 41 (garuda.2.3.41)

अतः परं भीमतरं तप्तकुंभं निबोध मे । समन्ततस्तप्तकुम्भा वह्निज्वालासमन्विताः

ataḥ paraṁ bhīmataraṁ taptakuṁbhaṁ nibodha me | samantatastaptakumbhā vahnijvālāsamanvitāḥ

Beyond this, hear of the still more terrible hell called Taptakumbha. There, on every side, stand heated cauldrons wreathed in flames of fire,

Verse 42 (garuda.2.3.42)

ज्वलदग्निचयास्तप्ततैलायश्चूर्णपूरिताः । एषु दुष्कृतकर्माणो याम्यैः क्षिप्ता ह्यधोमुखाः

jvaladagnicayāstaptatailāyaścūrṇapūritāḥ | eṣu duṣkṛtakarmāṇo yāmyaiḥ kṣiptā hyadhomukhāḥ

brimming with blazing fire, filled with heated oil and iron filings. Into these the messengers of Yama hurl evildoers head downward,

Verse 43 (garuda.2.3.43)

क्वाथ्यन्ते विस्फुटद्गात्रा गलन्मज्जाजलान्विताः । स्फुटत्कपालेनत्रास्थिच्छिद्यमाना विभीषणैः

kvāthyante visphuṭadgātrā galanmajjājalānvitāḥ | sphuṭatkapālenatrāsthicchidyamānā vibhīṣaṇaiḥ

where their limbs, splitting open, are boiled, their marrow and body-fluids streaming out; their skulls burst, and dreadful vultures tear their bones apart,

Verse 44 (garuda.2.3.44)

गृध्रैरुत्पाट्य मुच्यन्ते पुनस्तेष्वेव वेगितैः । पुनश्चिमचिमायन्ते तैलनैक्यं व्रजन्ति च

gṛdhrairutpāṭya mucyante punasteṣveva vegitaiḥ | punaścimacimāyante tailanaikyaṁ vrajanti ca

plucked out by swooping vultures, only to be dropped again into those very same cauldrons; and again they writhe, sizzling, merging with the oil,

Verse 45 (garuda.2.3.45)

द्रवीभूतैः शिरोगात्रैः स्नायुमांसत्वगास्थिभिः । ततो याम्यैर्नरैराशु दर्व्याघट्टनघट्टिताः

dravībhūtaiḥ śirogātraiḥ snāyumāṁsatvagāsthibhiḥ | tato yāmyairnarairāśu darvyāghaṭṭanaghaṭṭitāḥ

their heads and limbs melting away, along with sinew, flesh, skin, and bone, and mingling with the oil; then, swiftly stirred by Yama's servants with a great ladle,

Verse 46 (garuda.2.3.46)

कृतावर्ते महातैले क्वाथ्यन्ते पापकर्मिणः । एष ते विस्तरेणोक्तस्तप्तकुम्भो मया खग

kṛtāvarte mahātaile kvāthyante pāpakarmiṇaḥ | eṣa te vistareṇoktastaptakumbho mayā khaga

the sinners are boiled in that vast whirlpool of oil. This, O bird, is the hell Taptakumbha, as I have described it to you in full.

Verse 47 (garuda.2.3.47)

आदिमो रौरवः प्रोक्तो महारौरवकोऽपरः । अतिशीतस्तृतीयस्तु चतुर्थो हि निकृन्तनः

ādimo rauravaḥ prokto mahārauravako'paraḥ | atiśītastṛtīyastu caturtho hi nikṛntanaḥ

The first was declared as Raurava, the second Maharaurava; the third is Atishita, the fourth is Nikrintana,

Verse 48 (garuda.2.3.48)

अप्रतिष्ठः पञ्चमः स्यादसिपत्रवनोऽपरः । सप्तमस्तप्तकुम्भस्तु सप्तैते नरका मताः

apratiṣṭhaḥ pañcamaḥ syādasipatravano'paraḥ | saptamastaptakumbhastu saptaite narakā matāḥ

the fifth Apratishtha, another Asipatravana; the seventh Taptakumbha — these are held to be the seven [chief] hells.

Verse 49 (garuda.2.3.49)

श्रूयन्तेन्यान्यपि तथा नरकाणि नराधमाः । कर्मणां तारतम्येन तेषुतेषु पतन्ति हि

śrūyantenyānyapi tathā narakāṇi narādhamāḥ | karmaṇāṁ tāratamyena teṣuteṣu patanti hi

O basest of men, many other hells besides are spoken of, into which sinners fall according to the varying degree of their deeds.

Verse 50 (garuda.2.3.50)

तथा हि नरको रोधः शूकरस्ताल एव च । तप्तकुम्भो महाज्वालः शबलोऽथ विमोहनः

tathā hi narako rodhaḥ śūkarastāla eva ca | taptakumbho mahājvālaḥ śabalo'tha vimohanaḥ

Thus there are: Rodha, Shukara, Tala, Taptakumbha, Mahajvala, Shabala, Vimohana,

Verse 51 (garuda.2.3.51)

क्रिमिश्च क्रिमभक्षश्च लालाभक्षो विषञ्जनः । अधः शिराः पूयवहो रुधिरान्धश्च विड्रभुजः

krimiśca krimabhakṣaśca lālābhakṣo viṣañjanaḥ | adhaḥ śirāḥ pūyavaho rudhirāndhaśca viḍrabhujaḥ

Krimi, Krimibhaksha, Lalabhaksha, Vishasana, Adhahshiras, Puyavaha, Rudhirandha, Vidbhuja,

Verse 52 (garuda.2.3.52)

तथा वैतरणी सू (मू) मसिपत्रवनं तथा । अग्निज्वालो महाघोरः सन्दंशो वाप्यभोजनः

tathā vaitaraṇī sū (mū) masipatravanaṁ tathā | agnijvālo mahāghoraḥ sandaṁśo vāpyabhojanaḥ

Vaitarani, [a hell whose name the manuscript renders uncertainly], and Asipatravana again; Agnijvala, Mahaghora, Sandansha, and Abhojana —

Verse 53 (garuda.2.3.53)

तमश्च कालसूत्रं च लोहश्चाप्यभिदस्तथा । अप्रतिष्ठोऽप्यवीचिश्च नरका एवमादयः

tamaśca kālasūtraṁ ca lohaścāpyabhidastathā | apratiṣṭho'pyavīciśca narakā evamādayaḥ

Tamas, Kalasutra, Loha, Abhida, Apratishtha, and Avichi as well — such are these hells, and others like them.

Verse 54 (garuda.2.3.54)

तामसा नरकाः सर्वे यमस्य विषये स्थिताः । येषु दुष्कृतकर्माणः पतन्ति हि पृथक्पृथक्

tāmasā narakāḥ sarve yamasya viṣaye sthitāḥ | yeṣu duṣkṛtakarmāṇaḥ patanti hi pṛthakpṛthak

All these hells of darkness lie within Yama's domain, and into them evildoers fall, each into his own.

Verse 55 (garuda.2.3.55)

भूमेरधस्तात्ते सर्वे रौरवाद्याः प्रकीर्तिताः । रोघो गोघ्नो भ्रूणहा च अग्निदाता नरः पतेत्

bhūmeradhastātte sarve rauravādyāḥ prakīrtitāḥ | rogho goghno bhrūṇahā ca agnidātā naraḥ patet

All these — Raurava and the rest — are declared to lie beneath the earth. The killer of a man, of a cow, of an unborn child, and the one who kindles the funeral fire — such a man falls into the hell called Rodha.

Verse 56 (garuda.2.3.56)

सूकरे ब्रह्महा मज्जेत्सुरापः स्वर्णतस्करः । ताले पतेत्क्षत्त्रहन्ता हत्वा वैश्यं च दुर्गतिः

sūkare brahmahā majjetsurāpaḥ svarṇataskaraḥ | tāle patetkṣattrahantā hatvā vaiśyaṁ ca durgatiḥ

The killer of a brahmin sinks in the hell Shukara, along with the drinker of liquor and the thief of gold; into Tala falls the killer of a kshatriya, and he who slays a vaishya likewise meets an evil fate.

Verse 57 (garuda.2.3.57)

ब्रह्महत्यां च यः कुर्याद्यश्च स्याद्गुरुतल्पगः । स्वसृगामी तप्तकुम्भी तथा राजभटोऽनृती

brahmahatyāṁ ca yaḥ kuryādyaśca syādgurutalpagaḥ | svasṛgāmī taptakumbhī tathā rājabhaṭo'nṛtī

He who commits the killing of a brahmin, and he who defiles his guru's wife, one who unites with his own sister, and a king's soldier who speaks falsely — these go to Taptakumbha;

Verse 58 (garuda.2.3.58)

तप्तलोहैश्च विक्रेता तथा बन्धनरक्षिता । माध्वी विक्रयकर्तां च यस्तु भक्तं परित्यजेत्

taptalohaiśca vikretā tathā bandhanarakṣitā | mādhvī vikrayakartāṁ ca yastu bhaktaṁ parityajet

so too the seller of heated iron, the keeper of a prison, the seller of intoxicating liquor, and one who abandons his dependent.

Verse 59 (garuda.2.3.59)

महाज्वाली दुहितरं स्नुषां गच्छति यस्तु वै । वेदो विक्रीयते यैश्च वेदं दूषयते तु यः

mahājvālī duhitaraṁ snuṣāṁ gacchati yastu vai | vedo vikrīyate yaiśca vedaṁ dūṣayate tu yaḥ

One who unites with his own daughter or daughter-in-law goes to Mahajvala; likewise those who sell the Veda, and one who corrupts the Veda,

Verse 60 (garuda.2.3.60)

गुरुं चैवावमन्यन्ते वाक्शरैस्ताडयन्ति च । अगम्यागामी च नरो नरकं शबलं व्रजेत्

guruṁ caivāvamanyante vākśaraistāḍayanti ca | agamyāgāmī ca naro narakaṁ śabalaṁ vrajet

those who dishonor their guru and strike him with arrows of speech, and the man who unites with a forbidden woman — he goes to the hell Shabala.

Verse 61 (garuda.2.3.61)

विमोहे पतते शूरे मर्यादां यो भिनत्ति वै । दुरिष्टं कुरुते यस्तु कृमिभक्षं प्रपद्यते

vimohe patate śūre maryādāṁ yo bhinatti vai | duriṣṭaṁ kurute yastu kṛmibhakṣaṁ prapadyate

The valorous man who breaks the bounds of propriety falls into Vimohana; he who performs an ill-intentioned sacrifice attains Krimibhaksha.

Verse 62 (garuda.2.3.62)

देवब्राह्मणविद्वेष्टा लालाभक्षे पतत्यपि । कुण्डकर्ता कुलालश्च न्यासहर्ता चिकित्सकः

devabrāhmaṇavidveṣṭā lālābhakṣe patatyapi | kuṇḍakartā kulālaśca nyāsahartā cikitsakaḥ

One who bears hatred toward gods and brahmins falls likewise into Lalabhaksha; the begetter of illegitimate offspring, the potter, the misappropriator of a deposit, the physician,

Verse 63 (garuda.2.3.63)

आरामेष्वग्निदाता च एते यान्ति विषञ्जने । असत्प्रतिग्रही यस्तु तथैवायाज्ययाजकः

ārāmeṣvagnidātā ca ete yānti viṣañjane | asatpratigrahī yastu tathaivāyājyayājakaḥ

and one who sets fire to gardens — these go to Vishasana. One who accepts improper gifts, and likewise one who officiates sacrifice for the unworthy,

Verse 64 (garuda.2.3.64)

न क्षत्त्रैर्जोवते यस्तु नरो गच्छेदधोमुखम् । क्षीरं सुरां च मासं लाक्षां गन्धं रसं तिलान्

na kṣattrairjovate yastu naro gacchedadhomukham | kṣīraṁ surāṁ ca māsaṁ lākṣāṁ gandhaṁ rasaṁ tilān

and the kshatriya who fails to protect his subjects — such a man goes to Adhahshiras. Milk, liquor, meat, lac, fragrance, essence, and sesame —

Verse 65 (garuda.2.3.65)

एवमादीनि विक्रीणन् घोरे पूयवहे पतेत् । यः कुक्कुटान्निबध्नाति मार्जारान् सूकरांश्च तान् । पक्षिणश्च मृगांश्छा गान्सोऽप्येवं नरकं व्रजेत्

evamādīni vikrīṇan ghore pūyavahe patet | yaḥ kukkuṭānnibadhnāti mārjārān sūkarāṁśca tān | pakṣiṇaśca mṛgāṁśchā gānso'pyevaṁ narakaṁ vrajet

he who sells such goods falls into the dreadful Puyavaha. He who binds cocks, cats, pigs, birds, deer, and goats also attains that same hell.

Verse 66 (garuda.2.3.66)

आजाविको माहिषिकस्तथा चक्री ध्वजी च यः । रङ्गोपजीविको विप्रः शाकुनिर्ग्रामयाजकः

ājāviko māhiṣikastathā cakrī dhvajī ca yaḥ | raṁgopajīviko vipraḥ śākunirgrāmayājakaḥ

The keeper of goats or buffalo, the wheel-user, the flag-bearer, the brahmin who lives by the theatre, the bird-catcher, the village priest,

Verse 67 (garuda.2.3.67)

अगारदाही गरदः कुण्डाशी सोमविक्रयी । सुरापो मांसभक्षी च तथा च पशुघातकः

agāradāhī garadaḥ kuṇḍāśī somavikrayī | surāpo māṁsabhakṣī ca tathā ca paśughātakaḥ

the house-burner, the poisoner, the eater of a kunda's food, the seller of soma, the drinker of liquor, the meat-eater, and the slayer of animals —

Verse 68 (garuda.2.3.68)

रुधिरान्धे पतन्त्येते पतन्त्येते एवमाहुर्मनीषिणः । उपविष्टन्त्वेकपङ्क्त्यां विषं सम्भोजयन्ति ये

rudhirāndhe patantyete patantyete evamāhurmanīṣiṇaḥ | upaviṣṭantvekapaṁktyāṁ viṣaṁ sambhojayanti ye

these fall into Rudhirandha — so say the wise. Those who, sitting in a common row, feed one another poison,

Verse 69 (garuda.2.3.69)

पतन्ति निरये घोरे विड्भुजे नात्र संशयः । मधुग्राहो वैतरणीमाक्रोशी मूत्रसंज्ञके

patanti niraye ghore viḍbhuje nātra saṁśayaḥ | madhugrāho vaitaraṇīmākrośī mūtrasaṁjñake

fall without doubt into that dreadful hell Vidbhuja. The stealer of honey falls into Vaitarani, and the reviler into the hell called Mutra,

Verse 70 (garuda.2.3.70)

असिपत्रवनेऽसौची क्रोधनश्च एतेदपि । अग्निज्वालां मृगव्याधो भोज्यते यत्र वायसैः

asipatravane'saucī krodhanaśca etedapi | agnijvālāṁ mṛgavyādho bhojyate yatra vāyasaiḥ

into Asipatravana falls the unclean and the wrathful man; and the hunter who slays deer falls into Agnijvala, there to be devoured by crows.

Verse 71 (garuda.2.3.71)

इज्यायां व्रतलोपाच्च सन्दंशे नरके पतेत् । स्कन्दन्ते यदि वा स्वप्ने यतिनो ब्रह्मचारिणः

ijyāyāṁ vratalopācca sandaṁśe narake patet | skandante yadi vā svapne yatino brahmacāriṇaḥ

One who breaks a vow, whether in sacrifice or otherwise, falls into the hell Sandansha; and ascetics and celibate students who fall from their vow even in a dream,

Verse 72 (garuda.2.3.72)

पुत्रैरध्यापिता ये च पुत्रैराज्ञापिताश्च ये । ते सर्वे नरकं यान्ति निरयं चाप्यभोजनम्

putrairadhyāpitā ye ca putrairājñāpitāśca ye | te sarve narakaṁ yānti nirayaṁ cāpyabhojanam

and those who are taught by their own sons, or commanded by their own sons — all these go to the dreadful hell called Abhojana.

Verse 73 (garuda.2.3.73)

वर्णाश्रमविरुद्धानि क्रोधहर्षसमन्विताः । कर्माणि ये तु कुर्वन्ति सर्वे निरयवासिनः

varṇāśramaviruddhāni krodhaharṣasamanvitāḥ | karmāṇi ye tu kurvanti sarve nirayavāsinaḥ

Those who, moved by anger or elation, perform deeds contrary to their varna and ashrama — all of them become dwellers in hell.

Verse 74 (garuda.2.3.74)

उपरिष्टात्स्थितो घोर उष्णात्मा रौरवो महान् । सुदारुणः सुशीतात्मा तस्या धस्तामसः स्मृतः

upariṣṭātsthito ghora uṣṇātmā rauravo mahān | sudāruṇaḥ suśītātmā tasyā dhastāmasaḥ smṛtaḥ

Above lies the terrible, fiercely hot great Raurava; beneath it lies the equally terrible, intensely cold hell called Tamas.

Verse 75 (garuda.2.3.75)

एवमादिक्रमेणैव सर्वेऽधोऽधः परिस्थिताः । दुः खोत्कर्षश्च सर्वेषु कर्मस्वपि निमित्ततः

evamādikrameṇaiva sarve'dho'dhaḥ paristhitāḥ | duḥ khotkarṣaśca sarveṣu karmasvapi nimittataḥ

In this same order, all the hells lie one below another still further; and in all of them, the degree of suffering varies according to the deeds that caused it,

Verse 76 (garuda.2.3.76)

सुखोत्कर्षश्च सर्वत्र धर्मस्येहनिमिततः । पश्यन्तिनरकान्देवा ह्यधोवक्त्रान्सुदारुणान्

sukhotkarṣaśca sarvatra dharmasyehanimitataḥ | paśyantinarakāndevā hyadhovaktrānsudāruṇān

just as, everywhere, the degree of happiness varies according to the practice of dharma. The gods look down upon these terrible hells with their mouths turned downward,

Verse 77 (garuda.2.3.77)

नारकाश्चापि ते देवान्सर्वान्पश्यन्ति ऊर्ध्वगान् । एतान्यान्यानि शतशो नरकाणि वियद्गते

nārakāścāpi te devānsarvānpaśyanti ūrdhvagān | etānyānyāni śataśo narakāṇi viyadgate

and the beings of hell likewise behold all the gods rising above. These, and hundreds of others like them, are the hells that stretch on into the reaches of the sky.

Verse 78 (garuda.2.3.78)

दिनेदिने तु नरके पच्यते दह्यतेन्यतः । शीर्यते भिद्यतेऽन्यत्र चूर्यते क्लिद्यतेन्यतः

dinedine tu narake pacyate dahyatenyataḥ | śīryate bhidyate'nyatra cūryate klidyatenyataḥ

Day after day, the sinner in hell is cooked in one place, burned in another; torn apart and broken elsewhere, pulverized in one spot and dissolved in another,

Verse 79 (garuda.2.3.79)

क्वथ्यते दीप्यतेऽन्यत्र तथा वातहतोऽन्यतः । एकं दिनं वर्षशतप्रमाणं नरके भवेत्

kvathyate dīpyate'nyatra tathā vātahato'nyataḥ | ekaṁ dinaṁ varṣaśatapramāṇaṁ narake bhavet

boiled in one place, set ablaze in another, and battered by wind elsewhere. In hell, a single day equals a hundred years.

Verse 80 (garuda.2.3.80)

ततः सर्वेषु निस्तीर्णः पापी तिर्यक्त्वमश्नते । कृमिकीटपतङ्गेषु स्थावरैकशफेषु च

tataḥ sarveṣu nistīrṇaḥ pāpī tiryaktvamaśnate | kṛmikīṭapataṁgeṣu sthāvaraikaśapheṣu ca

Having passed through all these, the sinner attains the animal state — born as a worm, an insect, a moth, a plant, and among single-hoofed animals,

Verse 81 (garuda.2.3.81)

गत्वा वनगजाढ्येषु गोष्वषु तथैव च । खरोऽश्वोऽश्वतरो गौरः शरभश्चमरी तथा

gatvā vanagajāḍhyeṣu goṣvaṣu tathaiva ca | kharo'śvo'śvataro gauraḥ śarabhaścamarī tathā

born among the elephants of the forest, and among cattle. The ass, the horse, the mule, the wild ox, the sharabha, and the yak —

Verse 82 (garuda.2.3.82)

एते चैकशफाः षट्च शृणु पञ्चनखानतः । अन्यासु बहुपापासु दुः खदासु च यो निषु

ete caikaśaphāḥ ṣaṭca śṛṇu pañcanakhānataḥ | anyāsu bahupāpāsu duḥ khadāsu ca yo niṣu

these six are the single-hoofed creatures; now hear of the five-clawed. After wandering through many other sinful and sorrowful wombs,

Verse 83 (garuda.2.3.83)

मानुष्यं प्राप्यते कुब्जो कुत्सितो वामनोऽपि वा । चण्डालपुक्कसाद्यासु नरयोनिषु जायते

mānuṣyaṁ prāpyate kubjo kutsito vāmano'pi vā | caṇḍālapukkasādyāsu narayoniṣu jāyate

a human birth is at last attained — but even so, hunchbacked, despised, or dwarfish; he is born in the debased human classes such as the chandala and the pukkasa.

Verse 84 (garuda.2.3.84)

मुहुर्गर्भे वसन्त्येव म्रियन्ते च मुहुर्मुहुः । अवशिष्टेन पापेन पुण्येन च समन्वितः

muhurgarbhe vasantyeva mriyante ca muhurmuhuḥ | avaśiṣṭena pāpena puṇyena ca samanvitaḥ

Again and again he dwells in the womb, and again and again he dies; still bearing what remains of both his sin and his merit,

Verse 85 (garuda.2.3.85)

ततश्चारोहिणीं योनिं शूद्रवैश्यनृपादिकम् । विप्रदेवेन्द्रतां चापि कदाचिदधिरोहति

tataścārohiṇīṁ yoniṁ śūdravaiśyanṛpādikam | vipradevendratāṁ cāpi kadācidadhirohati

he then attains the ascending path — as shudra, vaishya, king, and so on — and at times even rises to the state of a brahmin or of Indra himself.

Verse 86 (garuda.2.3.86)

एवं तु पापकर्माणो निरयेषु पतन्त्यधः । यथा पुण्यकृतो यान्ति तन्मे निगदतः शृणु

evaṁ tu pāpakarmāṇo nirayeṣu patantyadhaḥ | yathā puṇyakṛto yānti tanme nigadataḥ śṛṇu

Thus do those of sinful deeds fall down through the hells. Now hear from me how those of meritorious deeds ascend.

Verse 87 (garuda.2.3.87)

ते यमेन विनिर्दिष्टां योनिं पुण्यगतिं नराः । प्रगीतगन्धर्वगणा नृत्योत्सवसमाकुलाः

te yamena vinirdiṣṭāṁ yoniṁ puṇyagatiṁ narāḥ | pragītagandharvagaṇā nṛtyotsavasamākulāḥ

Having attained, as appointed by Yama, the meritorious path, those men, amid throngs of singing gandharvas and festivals of dance,

Verse 88 (garuda.2.3.88)

हारनूपुरमाधुर्यैः शोभितान्यमलानि तु । प्रयान्त्याशु विमानानि दिव्यगन्धस्रगुज्ज्वलाः

hāranūpuramādhuryaiḥ śobhitānyamalāni tu | prayāntyāśu vimānāni divyagandhasragujjvalāḥ

ascend swiftly upon spotless celestial chariots, adorned with the sweet music of garlands and anklets, resplendent with divine fragrant garlands.

Verse 89 (garuda.2.3.89)

तस्माच्च प्रच्युता राज्ञामन्येषां च महात्मनाम् । जायन्ते नीरुजां गेहे स द्वृत्तिपीरपालकाः

tasmācca pracyutā rājñāmanyeṣāṁ ca mahātmanām | jāyante nīrujāṁ gehe sa dvṛttipīrapālakāḥ

Falling from that state, they are born in the households of kings and other great souls, or in the homes of those free from disease,

Verse 90 (garuda.2.3.90)

भोगान्सम्प्राप्नुवन्त्युग्रांस्ततो यान्त्यूर्ध्वमन्यथा । अवरोहिणीं सम्प्राप्य पूर्ववद्यन्ति मानवाः

bhogānsamprāpnuvantyugrāṁstato yāntyūrdhvamanyathā | avarohiṇīṁ samprāpya pūrvavadyanti mānavāḥ

and attain excellent enjoyments; then they rise still higher — or else, attaining the descending path, men proceed again as before, back into the round of rebirth.

Verse 91 (garuda.2.3.91)

जातस्य मृत्युलोके वै प्राणिनो मरणं ध्रुवम् । पापिष्ठानामदोमार्गाज्जीवो निष्क्रमते ध्रुवम्

jātasya mṛtyuloke vai prāṇino maraṇaṁ dhruvam | pāpiṣṭhānāmadomārgājjīvo niṣkramate dhruvam

For every creature born in the realm of death, dying is certain; and for the utterly sinful, the soul departs, without fail, by the lower passage of the body.

Verse 92 (garuda.2.3.92)

पृथिव्यां लीयते पृथ्वी आपश्चैव तथाप्सु च । तेजस्तेजसि लीयते समीरे च समीरणः

pṛthivyāṁ līyate pṛthvī āpaścaiva tathāpsu ca | tejastejasi līyate samīre ca samīraṇaḥ

The element of earth dissolves into earth, water into water; fire dissolves into fire, and air into air.

Verse 93 (garuda.2.3.93)

आकाशे च तथाकाशं सर्वव्यापि निशाकरे । तत्र कामस्तथा क्रोधः काये पञ्चेन्द्रियाणि च

ākāśe ca tathākāśaṁ sarvavyāpi niśākare | tatra kāmastathā krodhaḥ kāye pañcendriyāṇi ca

Space dissolves into space, pervading all things up to the moon itself. And in the body, desire, anger, and the five senses too —

Verse 94 (garuda.2.3.94)

एते तार्क्ष्य समाख्याता देहे तिष्ठन्ति तस्कराः । कामः क्रोधो ह्यहङ्कारो मनस्तत्रैव नायकः

ete tārkṣya samākhyātā dehe tiṣṭhanti taskarāḥ | kāmaḥ krodho hyahaṁkāro manastatraiva nāyakaḥ

these, O Tarkshya, are said to dwell in the body as thieves — desire, anger, ego, and the mind, foremost among them there,

Verse 95 (garuda.2.3.95)

संहारश्चैव कालोऽसौ पुण्यपापेन संयुतः । पञ्चेन्द्रियसमायुक्तः सकलैर्विबुधैः सह

saṁhāraścaiva kālo'sau puṇyapāpena saṁyutaḥ | pañcendriyasamāyuktaḥ sakalairvibudhaiḥ saha

and this all-destroying Time as well, accompanied by merit and sin, together with the five senses and all the presiding deities,

Verse 96 (garuda.2.3.96)

प्रविशेत्स नवे देहे पृहे दरधे गुही यथा । शरीरे ये समासीनाः सर्वे वै सप्त धातवः

praviśetsa nave dehe pṛhe daradhe guhī yathā | śarīre ye samāsīnāḥ sarve vai sapta dhātavaḥ

enters a new body just as a householder enters his own house. And the seven bodily elements that reside within the body,

Verse 97 (garuda.2.3.97)

षाट्कौशिको ह्ययं कायः सर्वे वाताश्च देहिनाम् । मूत्रं पुरीषं तद्योगाद्ये चान्ये व्याधयस्तथा

ṣāṭkauśiko hyayaṁ kāyaḥ sarve vātāśca dehinām | mūtraṁ purīṣaṁ tadyogādye cānye vyādhayastathā

this body is composed of six sheaths — all the vital airs of living beings, urine, excrement, and the other ailments born of their combination,

Verse 98 (garuda.2.3.98)

पित्तं श्लेष्मा तथा मज्जा मांसं वै मेद एव च । अस्थि शुक्रं तथा स्नायुर्देहेन सह दह्यति

pittaṁ śleṣmā tathā majjā māṁsaṁ vai meda eva ca | asthi śukraṁ tathā snāyurdehena saha dahyati

bile, phlegm, marrow, flesh, fat, bone, seed, and sinew — all of these perish along with the body.

Verse 99 (garuda.2.3.99)

एष ते कथितस्तार्क्ष्य विनासः सर्वदेहिनम् । कथयामि पुनस्तेषां शरीरं च यथा भवेत्

eṣa te kathitastārkṣya vināsaḥ sarvadehinam | kathayāmi punasteṣāṁ śarīraṁ ca yathā bhavet

This, O Tarkshya, is the dissolution of all embodied beings, as I have told you. Now let me tell you again how their body comes to be formed.

Verse 100 (garuda.2.3.100)

एकस्तम्बंस्नायुबद्धं स्थूणात्रयविभूषणम् । इन्द्रियैश्च समायुक्तं नवद्वारं शरीरकम्

ekastambaṁsnāyubaddhaṁ sthūṇātrayavibhūṣaṇam | indriyaiśca samāyuktaṁ navadvāraṁ śarīrakam

It is a small dwelling built upon a single pillar, bound together by sinews, adorned with three supporting posts, furnished with the senses, and possessing nine gateways,

Verse 101 (garuda.2.3.101)

विषयैश्च समाक्रान्तं कामक्रोधसमाकुलम् । रागद्वेषसमाकीर्णं तृष्णादुर्गमतस्करम्

viṣayaiśca samākrāntaṁ kāmakrodhasamākulam | rāgadveṣasamākīrṇaṁ tṛṣṇādurgamataskaram

besieged by the objects of sense, thrown into turmoil by desire and anger, filled with attachment and hatred, beset by the elusive thief that is craving,

Verse 102 (garuda.2.3.102)

लोभजालपरिच्छिन्नं मोहवस्त्रेण वेष्टितम् । सुबद्धं मायया चैतल्लोभेनाधिष्ठितं पुरम्

lobhajālaparicchinnaṁ mohavastreṇa veṣṭitam | subaddhaṁ māyayā caitallobhenādhiṣṭhitaṁ puram

hemmed in by the net of greed, wrapped in the garment of delusion, well bound by illusion, and this very city ruled over by greed,

Verse 103 (garuda.2.3.103)

एतद्गुणसमाकीर्णं शरीरं सर्वदेहिनाम् । आत्मानं ये न जानन्ति ते नराः पशवः स्मृताः

etadguṇasamākīrṇaṁ śarīraṁ sarvadehinām | ātmānaṁ ye na jānanti te narāḥ paśavaḥ smṛtāḥ

filled with these very qualities is the body of every embodied being. Those men who do not know the Self are reckoned no better than beasts.

Verse 104 (garuda.2.3.104)

एवमेव समाख्यातं शरीरं ते चतुर्विधम् । चतुरशीतिलक्षाणि निर्मिता योनयः पुरा

evameva samākhyātaṁ śarīraṁ te caturvidham | caturaśītilakṣāṇi nirmitā yonayaḥ purā

Thus has this fourfold body been described to you. In ancient times, eighty-four hundred thousand species were created —

Verse 105 (garuda.2.3.105)

उद्भिज्जाः स्वेदजाश्चैव अण्डजाश्च जरायुजाः । एतत्ते सर्वमाख्यातं निरयस्य प्रपञ्चतः

udbhijjāḥ svedajāścaiva aṇḍajāśca jarāyujāḥ | etatte sarvamākhyātaṁ nirayasya prapañcataḥ

the sprout-born, the sweat-born, the egg-born, and the womb-born. All this has now been told to you, as a full unfolding of the subject of hell.

Verse 106 (garuda.2.3.106)

अथयामि क्रमप्राप्तं प्रष्टु वा वर्तते स्पृहा

athayāmi kramaprāptaṁ praṣṭu vā vartate spṛhā

Now, in due course, I wish to ask further of what remains — if you are willing.