The Cause of the Lord's Marriage to Kalindi

Verse 1 (garuda.2.70.1)

श्रीकृष्ण उवाच । कालिन्द्या अपि चोत्पत्तिं प्रवक्ष्यामि खगेश्वर । विवस्वान्नाम सूर्योभत्तस्य पुत्री व्यजायत

śrīkṛṣṇa uvāca kālindyā api cotpattiṁ pravakṣyāmi khageśvara vivasvānnāma sūryobhattasya putrī vyajāyata

Shri Krishna said: I shall now also tell of Kalindi's origin, O lord of birds. There was a Surya named Vivasvan; a daughter was born to him—

Verse 2 (garuda.2.70.2)

कालिन्दीसंज्ञका वीन्द्र यमुना यानुजा स्मृता । कृष्णपत्नीत्वकामेन चचार तप उत्तमम्

kālindīsaṁjñakā vīndra yamunā yānujā smṛtā kṛṣṇapatnītvakāmena cacāra tapa uttamam

—known as Kalindi, O best of kings, remembered as the river Yamuna, his younger daughter; desiring to become Krishna's wife, she performed the most excellent austerity.

Verse 3 (garuda.2.70.3)

तप आलोचनं प्रोक्तं तत्त्वानां च विनिर्णयः । पूर्वार्जितानां पापानामनुतापस्तपः स्मृतम्

tapa ālocanaṁ proktaṁ tattvānāṁ ca vinirṇayaḥ pūrvārjitānāṁ pāpānāmanutāpastapaḥ smṛtam

Tapas, austerity, is declared to be reflection and the determination of truths; remorse for previously accumulated sins is likewise remembered as tapas.

Verse 4 (garuda.2.70.4)

प्रायो नाम तपः प्रोक्तं चित्तनिग्रह उच्यते । प्रायश्चित्तमिति प्रोक्तं न तु क्षौरं खगेश्वर

prāyo nāma tapaḥ proktaṁ cittanigraha ucyate prāyaścittamiti proktaṁ na tu kṣauraṁ khageśvara

That called 'prayah,' penance, is said to be the restraint of the mind — this is what is meant by 'prayashchitta,' atonement, O lord of birds, not merely the shaving of the head.

Verse 5 (garuda.2.70.5)

अनुतापयुतं भूतं तच्छणु त्वं खगेश्वर । पूर्वं न जप्तं दिव्यमन्त्रं मुकुन्द तप्तं सदा क्लेशदावानलेन

anutāpayutaṁ bhūtaṁ tacchaṇu tvaṁ khageśvara pūrvaṁ na japtaṁ divyamantraṁ mukunda taptaṁ sadā kleśadāvānalena

Hear now, O lord of birds, what her remorse consisted of: 'O Mukunda, formerly I never recited the divine mantra; I was ever instead scorched by the forest-fire of affliction—'

Verse 6 (garuda.2.70.6)

न वै स्मृतं हरिनामामृतं च सदा स्मृतं हरिदोषादिकं च । न तु स्मृतं हरितत्त्वामृतं च सम्यक्श्रुतं लोलवार्तादिकं च

na vai smṛtaṁ harināmāmṛtaṁ ca sadā smṛtaṁ haridoṣādikaṁ ca na tu smṛtaṁ haritattvāmṛtaṁ ca samyakśrutaṁ lolavārtādikaṁ ca

'—never did I remember the nectar of Hari's name, though I ever dwelt on Hari's supposed faults; never did I contemplate the nectar of Hari's truth, though I attentively listened to frivolous gossip and the like—'

Verse 7 (garuda.2.70.7)

न पूजितं हरिपादारविन्दं सुपूजिताः पुत्रमित्रादिकाश्च । न वन्दितं हरिपादारविन्दं सुवन्दितो मित्रपादः सुघोरः

na pūjitaṁ haripādāravindaṁ supūjitāḥ putramitrādikāśca na vanditaṁ haripādāravindaṁ suvandito mitrapādaḥ sughoraḥ

'—Hari's lotus feet I never worshipped, while I worshipped well my sons and friends; Hari's lotus feet I never venerated, while I well venerated the terrible feet of mere friends—'

Verse 8 (garuda.2.70.8)

न दृष्टं वै धूपधूम्रैरुपेतं हरेर्वक्रं कुन्तलैः संवृतं च । पुत्रादिकं लालितं वै मुकुन्द न लालितं तव वक्रं मुरारे

na dṛṣṭaṁ vai dhūpadhūmrairupetaṁ harervakraṁ kuntalaiḥ saṁvṛtaṁ ca putrādikaṁ lālitaṁ vai mukunda na lālitaṁ tava vakraṁ murāre

'—never did I behold Hari's face, veiled with curling locks and wreathed in incense-smoke; O Mukunda, I cherished my sons, but never cherished your face, O Murari—'

Verse 9 (garuda.2.70.9)

सुलालितं भूषणैः पुत्रमित्रं न लालितं सर्वपापापहारि । न भुक्तं वै हरिनैरवेद्यशेषं मित्रालये षड्रसान्नं च भुक्तम्

sulālitaṁ bhūṣaṇaiḥ putramitraṁ na lālitaṁ sarvapāpāpahāri na bhuktaṁ vai harinairavedyaśeṣaṁ mitrālaye ṣaḍrasānnaṁ ca bhuktam

'—I cherished my sons and friends, adorning them with ornaments, but never adorned you, remover of all sin; I never partook of Hari's leftover food-offering, though I partook of six-flavored meals at friends' homes—'

Verse 10 (garuda.2.70.10)

सुपुष्पगन्धा नार्पिता ते मुरारे समर्पिताः पुत्रमित्रादिकेभ्यः । सन्तप्तोहं पुत्रमित्रादिकेषु कदा द्रक्ष्ये तव वक्त्रं मुकुन्द

supuṣpagandhā nārpitā te murāre samarpitāḥ putramitrādikebhyaḥ santaptohaṁ putramitrādikeṣu kadā drakṣye tava vaktraṁ mukunda

'—fine flowers and fragrances I never offered to you, O Murari, though I offered them to sons and friends; I am consumed with anguish over my sons and friends — when shall I behold your face, O Mukunda?'

Verse 11 (garuda.2.70.11)

अवैष्णवान्नैः शिग्रुशाकादिकैश्च ह्यनर्पितान्नैश्च तथाप्यसंस्कृतैः । तथाप्यभक्ष्यै रसना च दग्धा कदा द्रक्ष्ये तव वक्त्रं मुकुन्द

avaiṣṇavānnaiḥ śigruśākādikaiśca hyanarpitānnaiśca tathāpyasaṁskṛtaiḥ tathāpyabhakṣyai rasanā ca dagdhā kadā drakṣye tava vaktraṁ mukunda

'My tongue is scorched with unoffered, un-consecrated, un-Vaishnava food — drumstick-vegetables and the like, even improperly-prepared and forbidden foods; when shall I behold your face, O Mukunda?'

Verse 12 (garuda.2.70.12)

अष्टाक्षरीपूजया दिव्यतीर्थैर्विष्णोः पुरा भ्रामितैः शङ्खतीर्थैः । न पावितं मच्छरीरं मुरारे कदा द्रक्ष्ये तव व क्त्रं मुकुन्द

aṣṭākṣarīpūjayā divyatīrthairviṣṇoḥ purā bhrāmitaiḥ śaṅkhatīrthaiḥ na pāvitaṁ maccharīraṁ murāre kadā drakṣye tava va ktraṁ mukunda

'My body was never purified with worship of the eight-syllable mantra, nor with the divine waters once circulated through Vishnu's conch; O Murari, when shall I behold your face, O Mukunda?'

Verse 13 (garuda.2.70.13)

अनर्पितैर्गन्धपुष्पादिकैश्च अनर्पितैर्भूषणैर्वस्त्रजातैः । अवैष्णवानां दिग्धगन्धादिदोषैर्गात्रं दग्धं कदा ह्युद्धरिष्ये मुकुन्द

anarpitairgandhapuṣpādikaiśca anarpitairbhūṣaṇairvastrajātaiḥ avaiṣṇavānāṁ digdhagandhādidoṣairgātraṁ dagdhaṁ kadā hyuddhariṣye mukunda

'With unoffered fragrances and flowers, with unoffered ornaments and garments, my body is scorched by the taint of anointing fragrances of non-Vaishnavas; when, O Mukunda, shall I be delivered?'

Verse 14 (garuda.2.70.14)

दग्धौ च पादौ मम वासुदेव न गच्छन्तौ क्षेत्रपथं हरेश्च । नेत्रे च दग्धे मम सर्वदापि नालोकितं तव देव प्रतीकम्

dagdhau ca pādau mama vāsudeva na gacchantau kṣetrapathaṁ hareśca netre ca dagdhe mama sarvadāpi nālokitaṁ tava deva pratīkam

'O Vasudeva, my feet are scorched, for they never walked the path to Hari's sacred fields; my eyes too are ever scorched, for they never beheld your sacred image, O God.'

Verse 15 (garuda.2.70.15)

दग्धौ च हस्तौ मम वासुदेव न पूजितं तव विष्णोः प्रतीकम् । मया कृतं पापजातं मुरारे कदा द्रक्ष्ये तव वक्रं मुकुन्द

dagdhau ca hastau mama vāsudeva na pūjitaṁ tava viṣṇoḥ pratīkam mayā kṛtaṁ pāpajātaṁ murāre kadā drakṣye tava vakraṁ mukunda

'O Vasudeva, my hands too are scorched, for they never worshipped your sacred image. O Murari, seeing the mass of sin I have committed — when shall I behold your face, O Mukunda?'

Verse 16 (garuda.2.70.16)

मदीयदोषान्गणयन्न पूर्ण दयां कुरु त्वं सुद्धदास्यान्मुकुन्द । यावन्ति लोमानि मदीयगात्रे संति प्रभो सर्वदोर्षर्विदूर

madīyadoṣāngaṇayanna pūrṇa dayāṁ kuru tvaṁ suddhadāsyānmukunda yāvanti lomāni madīyagātre saṁti prabho sarvadorṣarvidūra

'Do not, O Mukunda, count my faults; rather show your full grace, accepting me among your pure servants. O Lord, far removed from every fault — as many hairs as there are upon my body—'

Verse 17 (garuda.2.70.17)

तावन्ति पापानि मदीयगात्रे कदा द्रक्ष्ये तव वक्त्रं मुकुन्द । अनन्तदेहे पतिपुत्रैर्गृहैश्च मित्रैर्धनैः पशुभृत्यादिकैश्च

tāvanti pāpāni madīyagātre kadā drakṣye tava vaktraṁ mukunda anantadehe patiputrairgṛhaiśca mitrairdhanaiḥ paśubhṛtyādikaiśca

'—so many are the sins upon my body; when shall I behold your face, O Mukunda? Across endless births, with husbands, sons, houses, friends, wealth, cattle, and servants—'

Verse 18 (garuda.2.70.18)

सुखं नाप्तं ह्यपुमात्रं मुकुन्द सेवा मुक्ता तव देवस्य विष्णोः । इतः परं पुत्रमित्रादिकं च यास्ये नाहं तव दासी भवामि

sukhaṁ nāptaṁ hyapumātraṁ mukunda sevā muktā tava devasya viṣṇoḥ itaḥ paraṁ putramitrādikaṁ ca yāsye nāhaṁ tava dāsī bhavāmi

'—I have never obtained even the slightest happiness, O Mukunda, apart from service to you. Henceforth I shall have nothing more to do with sons and friends — I shall become your handmaiden alone.'

Verse 19 (garuda.2.70.19)

येये ब्रूयुः पुत्रमित्रादिकैश्च सम्यक्सुखं जायते मर्त्यलोके । तेषामास्ये मूत्रविष्ठादिकं च सम्यक्सदा पतितं चेति जाने

yeye brūyuḥ putramitrādikaiśca samyaksukhaṁ jāyate martyaloke teṣāmāsye mūtraviṣṭhādikaṁ ca samyaksadā patitaṁ ceti jāne

'Whoever says that true happiness is born, in this mortal world, through sons and friends — into their very mouths, I know, urine and excrement have truly and ever fallen.'

Verse 20 (garuda.2.70.20)

मित्रादीनां यत्कृतं द्रव्यजातं वृथा गतं मलरूपं च जातम् । सद्वैष्णवानां यत्कृतं द्रव्यजातं हरिप्राप्तेः कारणं स्यात्सदैव

mitrādīnāṁ yatkṛtaṁ dravyajātaṁ vṛthā gataṁ malarūpaṁ ca jātam sadvaiṣṇavānāṁ yatkṛtaṁ dravyajātaṁ hariprāpteḥ kāraṇaṁ syātsadaiva

'Whatever wealth is spent upon friends and the like goes to waste, becoming mere filth; whatever wealth is spent upon true Vaishnavas ever becomes the cause of attaining Hari.'

Verse 21 (garuda.2.70.21)

एतादृशं तत्तु जातं मुकुन्द अलं ह्यलं तेन दुःखं च भुक्तम् । संगं दत्तात्सज्जनानां सदा त्वं विना च त्वं दुर्जनानां च संगात्

etādṛśaṁ tattu jātaṁ mukunda alaṁ hyalaṁ tena duḥkhaṁ ca bhuktam saṁgaṁ dattātsajjanānāṁ sadā tvaṁ vinā ca tvaṁ durjanānāṁ ca saṁgāt

'Thus has it become, O Mukunda — enough, enough! I have suffered enough through that. Grant me ever the company of the virtuous, and deliver me from the company of the wicked, apart from you.'

Verse 22 (garuda.2.70.22)

संगैः सदा दुर्जनानां मुरारे गात्रं दग्धं न विरागेण युक्तम् । एतादृशाहं कां गातिं वा मुकुन्द यास्ये न जाने दयया मां च पाहि

saṁgaiḥ sadā durjanānāṁ murāre gātraṁ dagdhaṁ na virāgeṇa yuktam etādṛśāhaṁ kāṁ gātiṁ vā mukunda yāsye na jāne dayayā māṁ ca pāhi

'O Murari, through the constant company of the wicked my body is scorched, unaccompanied by dispassion. Being such as I am, what destiny, O Mukunda, shall I reach? I know not — protect me, out of your grace.'

Verse 23 (garuda.2.70.23)

एतादृशो ह्यनुतापः खगेन्द्र प्रायश्चित्तं न च क्षौरादिकं च । भानोः कन्या ह्यनुतापं च कृत्वा विचारयामास हरेः सुतत्त्वम्

etādṛśo hyanutāpaḥ khagendra prāyaścittaṁ na ca kṣaurādikaṁ ca bhānoḥ kanyā hyanutāpaṁ ca kṛtvā vicārayāmāsa hareḥ sutattvam

Such indeed, O lord of birds, is true remorse — and true atonement — not merely shaving and the like. The daughter of the Sun, having thus expressed her remorse, then reflected upon the true nature of Hari.

Verse 24 (garuda.2.70.24)

सर्वोत्तमो हरिरेकः सदैव यतः पूर्णः सर्वगुणैस्ततश्च । सृष्टौ यस्माज्जयते विश्वजातमतो हरिः सर्वगुणैश्च पूर्णः

sarvottamo harirekaḥ sadaiva yataḥ pūrṇaḥ sarvaguṇaistataśca sṛṣṭau yasmājjayate viśvajātamato hariḥ sarvaguṇaiśca pūrṇaḥ

Hari alone is ever supreme above all, since he is complete with every quality; since from him the entire universe arises at creation, therefore Hari is complete with every quality.

Verse 25 (garuda.2.70.25)

यो देवानामाद्य अकार एव यतो ब्रह्माद्या नैव पूर्णाः समस्ताः । लक्ष्मीप्रसादाच्चिरपुण्येन जातो यथायोग्यं पूर्णगुणो विरिञ्चः

yo devānāmādya akāra eva yato brahmādyā naiva pūrṇāḥ samastāḥ lakṣmīprasādāccirapuṇyena jāto yathāyogyaṁ pūrṇaguṇo viriñcaḥ

He is the very origin of the gods, since Brahma and all the others are not themselves complete; through Lakshmi's grace and long-accumulated merit, Brahma was born complete in qualities only insofar as fitting to his station.

Verse 26 (garuda.2.70.26)

न लक्ष्मीवद्गुणपूर्णो विरिञ्चो न विष्णुवद्गुणपूर्णा रमापि । न वायुवद्भारती चापि पूर्णा न शेषवद्वारुणी चापि पूर्णा

na lakṣmīvadguṇapūrṇo viriñco na viṣṇuvadguṇapūrṇā ramāpi na vāyuvadbhāratī cāpi pūrṇā na śeṣavadvāruṇī cāpi pūrṇā

Brahma is not complete in qualities as Lakshmi is; Rama too is not complete in qualities as Vishnu is; Bharati is not complete as Vayu is; Varuni too is not complete as Shesha is—

Verse 27 (garuda.2.70.27)

न वै रुद्रवत्पार्वती पूर्णरूपा ह्यन्येप्येवं नैव पूर्णाः सदैव । आलोचनामेवमेषा हि कृत्वा तपश्चक्रे यमुनायाश्च तीरे

na vai rudravatpārvatī pūrṇarūpā hyanyepyevaṁ naiva pūrṇāḥ sadaiva ālocanāmevameṣā hi kṛtvā tapaścakre yamunāyāśca tīre

—Parvati is indeed not complete in form as Rudra is; and all others likewise are never complete in this way. Having thus reflected, she performed austerity on the bank of the Yamuna.

Verse 28 (garuda.2.70.28)

तदाचाहं यमुनायाश्च तीरं पार्थेन साकं मृगयां गतः खग । दृष्ट्वा च तां तत्र तपश्चरन्तीं तदाब्रुवं मत्सखायं च पार्थम्

tadācāhaṁ yamunāyāśca tīraṁ pārthena sākaṁ mṛgayāṁ gataḥ khaga dṛṣṭvā ca tāṁ tatra tapaścarantīṁ tadābruvaṁ matsakhāyaṁ ca pārtham

Then I, O bird, went with Partha to hunt on the bank of the Yamuna; and seeing her there performing austerity, I then said to my friend Partha—

Verse 29 (garuda.2.70.29)

हे पार्थ शीघ्रं व्रज कन्यासमीपं त्वं पृच्छ कस्मादत्र तपः करोषि । एवं प्रोक्तस्तत्समीपं स गत्वा पृष्ट्वा चैतत्कारणं शीघ्रमेव

he pārtha śīghraṁ vraja kanyāsamīpaṁ tvaṁ pṛccha kasmādatra tapaḥ karoṣi evaṁ proktastatsamīpaṁ sa gatvā pṛṣṭvā caitatkāraṇaṁ śīghrameva

'O Partha, go quickly to the maiden and ask her why she performs austerity here.' Thus told, he went quickly to her, asked the reason—

Verse 30 (garuda.2.70.30)

आगत्य मामवदत्फाल्गुनोयं सर्वं वृत्तांन्तं त्वसौ मत्समीपे । ततस्त्वहं सुमुहूर्ते च तस्याः पाणिग्रहं कृतवांस्तत्र सम्यक्

āgatya māmavadatphālgunoyaṁ sarvaṁ vṛttāṁntaṁ tvasau matsamīpe tatastvahaṁ sumuhūrte ca tasyāḥ pāṇigrahaṁ kṛtavāṁstatra samyak

—and returning, Phalguna told me the entire account before me. Then, at an auspicious hour, I duly took her hand in marriage there.

Verse 31 (garuda.2.70.31)

तस्याश्च तापात्संततं मद्विचारात्प्रसन्नोहं सततं सुप्रसन्नः । पूर्णानन्दे रममाणास्य नित्यं तया च मे किं सुखंस्यात्खगेन्द्र

tasyāśca tāpātsaṁtataṁ madvicārātprasannohaṁ satataṁ suprasannaḥ pūrṇānande ramamāṇāsya nityaṁ tayā ca me kiṁ sukhaṁsyātkhagendra

By her constant austerity, and her constant contemplation of me, I became continually pleased; O lord of birds, for me, ever delighting in complete bliss, what additional happiness could there be through her?

Verse 32 (garuda.2.70.32)

मया विवाहोनुग्रहार्थं हि तस्या अङ्गीकृतो न तु सौख्याय वीन्द्र । तथा वक्ष्ये लक्ष्मणायाश्च रूपं पाणिग्राहे कारणं चापि वीन्द्रा

mayā vivāhonugrahārthaṁ hi tasyā aṅgīkṛto na tu saukhyāya vīndra tathā vakṣye lakṣmaṇāyāśca rūpaṁ pāṇigrāhe kāraṇaṁ cāpi vīndrā

The marriage was undertaken by me solely for the sake of blessing her, O best of kings, not for my own pleasure. Now I shall likewise tell of Lakshmana's form, and the reason for taking her hand as well, O best of kings.

Verse 33 (garuda.2.70.33)

शृणुष्व तत्तव वक्ष्यामि गोप्यं सच्छिष्यके नास्ति गोप्यं गुरोश्च

śṛṇuṣva tattava vakṣyāmi gopyaṁ sacchiṣyake nāsti gopyaṁ gurośca

Listen — I shall tell you this secret; for a true disciple, there is nothing the Guru need keep hidden.