The Sacred Fords of Shraddha

Verse 1 (padma.1.11.1)

भीष्म उवाच। कस्मिन्वासरभागे तु श्राद्धी श्राद्धं समाचरेत्। तीर्थेषु केषु वै श्राद्धं कृतं बहुफलं द्विज।

bhīṣma uvāca kasminvāsarabhāge tu śrāddhī śrāddhaṁ samācaret tīrtheṣu keṣu vai śrāddhaṁ kṛtaṁ bahuphalaṁ dvija

Bhishma said: At what part of the day should one who performs Shraddha perform it? And at which sacred fords, O brahmin, does Shraddha performed there yield abundant fruit?

Verse 2 (padma.1.11.2)

पुलस्त्य उवाच। तीर्थं तु पुष्करं नाम यत्तु श्रेष्ठतमं स्मृतम्। सर्वेषां द्विजमुख्यानां मनोरथमिव स्थितम्।

pulastya uvāca tīrthaṁ tu puṣkaraṁ nāma yattu śreṣṭhatamaṁ smṛtam sarveṣāṁ dvijamukhyānāṁ manorathamiva sthitam

Pulastya said: The sacred site called Pushkara is remembered as the very best, standing as if the very embodiment of the heart's desire of all the foremost brahmins.

Verse 3 (padma.1.11.3)

तत्र दत्तं हुतं जप्तमनन्तं भवति ध्रुवम्। पितॄणां वल्लभं नित्यमृषीणां परमं मतम्।

tatra dattaṁ hutaṁ japtamanantaṁ bhavati dhruvam pitṝṇāṁ vallabhaṁ nityamṛṣīṇāṁ paramaṁ matam

Whatever is given, offered in fire, or recited there certainly becomes infinite; it is ever dear to the Pitris, and held supreme by the sages.

Verse 4 (padma.1.11.4)

नंदाथ ललिता तद्वत्तीर्थं मायापुरी शुभा। तथा मित्रपदं राजंस्ततः केदारमुत्तमम्।

naṁdātha lalitā tadvattīrthaṁ māyāpurī śubhā tathā mitrapadaṁ rājaṁstataḥ kedāramuttamam

Nanda, and likewise Lalita, and the auspicious sacred city of Mayapuri; and likewise Mitrapada, O king, and thereafter the excellent Kedara,

Verse 5 (padma.1.11.5)

गंगासागरमित्याहुः सर्वतीर्थमयं शुभम्। तीर्थं ब्रह्मसरस्तद्वच्छतद्रुसलिलं शुभम्।

gaṁgāsāgaramityāhuḥ sarvatīrthamayaṁ śubham tīrthaṁ brahmasarastadvacchatadrusalilaṁ śubham

and Gangasagara, they say, auspicious, comprising all sacred sites in one; the sacred lake Brahmasaras, and likewise the auspicious waters of the Shatadru,

Verse 6 (padma.1.11.6)

तीर्थं तु नैमिषं नाम सर्वतीर्थफलप्रदम्। गंगोद्भेदस्तु गोमत्यां यत्रोद्भूतः सनातनः।

tīrthaṁ tu naimiṣaṁ nāma sarvatīrthaphalapradam gaṁgodbhedastu gomatyāṁ yatrodbhūtaḥ sanātanaḥ

and the sacred site named Naimisha, granting the fruit of all sacred sites; and the source of the Ganga in the Gomati, where the eternal one arose,

Verse 7 (padma.1.11.7)

तथा यज्ञवराहस्तु देवदेवश्च शूलधृक्। यत्र तत्कांचनं दानमष्टादशभुजो हरः।

tathā yajñavarāhastu devadevaśca śūladhṛk yatra tatkāṁcanaṁ dānamaṣṭādaśabhujo haraḥ

and likewise the sacrificial Boar, and the God of gods, wielder of the trident; there, that golden gift, and there manifests Hari of eighteen arms.

Verse 8 (padma.1.11.8)

नेमिस्तु धर्मचक्रस्य शीर्णा यत्राभवत्पुरा। तदेतन्नैमिशारण्यं सर्वतीर्थनिषेवितम्।

nemistu dharmacakrasya śīrṇā yatrābhavatpurā tadetannaimiśāraṇyaṁ sarvatīrthaniṣevitam

Where the rim of the wheel of dharma once broke of old — that is this Naimisharanya, frequented by all sacred sites.

Verse 9 (padma.1.11.9)

देवदेवस्य तत्रापि वराहस्य च दर्शनम्। यः प्रयाति स पूतात्मा नारायणपुरं व्रजेत्।

devadevasya tatrāpi varāhasya ca darśanam yaḥ prayāti sa pūtātmā nārāyaṇapuraṁ vrajet

There too is the sight of the God of gods in his Boar form; whoever goes there, purified in soul, attains the city of Narayana.

Verse 10 (padma.1.11.10)

कोकामुखं परं तीर्थमिन्द्रमार्गोपि लक्ष्यते। अथापि पितृतीर्थं तु ब्रह्मणोव्यक्तजन्मनः।

kokāmukhaṁ paraṁ tīrthamindramārgopi lakṣyate athāpi pitṛtīrthaṁ tu brahmaṇovyaktajanmanaḥ

Kokamukha, a supreme sacred site, where even the path of Indra is seen; and also the Pitri-tirtha of Brahma, of unmanifest birth,

Verse 11 (padma.1.11.11)

पुष्करारण्यसंस्थोसौ यत्र देवः पितामहः। विरिंचिदर्शनं श्रेष्ठमपवर्गफलप्रदम्।

puṣkarāraṇyasaṁsthosau yatra devaḥ pitāmahaḥ viriṁcidarśanaṁ śreṣṭhamapavargaphalapradam

situated in the Pushkara forest, where the god, the Grandsire, dwells. The sight of Brahma there is supreme, granting the fruit of final liberation.

Verse 12 (padma.1.11.12)

कृतं नाम महापुण्यं सर्वपापनिषूदनम्। यत्राद्यो नारसिंहस्तु स्वयमेव जनार्दनः।

kṛtaṁ nāma mahāpuṇyaṁ sarvapāpaniṣūdanam yatrādyo nārasiṁhastu svayameva janārdanaḥ

There is the greatly meritorious site named Krita, the destroyer of all sins, where the primeval Man-Lion himself, Janardana, manifests;

Verse 13 (padma.1.11.13)

तीर्थमिक्षुमतीनाम पितॄणां च शुभावहा। तुष्यन्ति पितरो नित्यं गंगायमुनसंगमे।

tīrthamikṣumatīnāma pitṝṇāṁ ca śubhāvahā tuṣyanti pitaro nityaṁ gaṁgāyamunasaṁgame

the sacred site called Ikshumati, bringing auspiciousness to the Pitris; the Pitris are ever satisfied at the confluence of Ganga and Yamuna,

Verse 14 (padma.1.11.14)

कुरुक्षेत्रं महापुण्यं यत्र मार्गोपि लक्ष्यते। अद्यापि पितृतीर्थं तु सर्वकामफलप्रदम्।

kurukṣetraṁ mahāpuṇyaṁ yatra mārgopi lakṣyate adyāpi pitṛtīrthaṁ tu sarvakāmaphalapradam

the greatly meritorious Kurukshetra, where even the heavenly path is visible; even to this day it is a Pitri-tirtha, granting the fruit of every desire.

Verse 15 (padma.1.11.15)

नीलकण्ठमिति ख्यातं पितृतीर्थं नराधिप। तथा भद्रसरः पुण्यं सरो मानसमेव च।

nīlakaṇṭhamiti khyātaṁ pitṛtīrthaṁ narādhipa tathā bhadrasaraḥ puṇyaṁ saro mānasameva ca

Renowned as Nilakantha, O king, a Pitri-tirtha; and likewise the sacred lake Bhadrasaras, and Lake Manasa likewise,

Verse 16 (padma.1.11.16)

मंदाकिनी तथाऽच्छोदा विपाशा च सरस्वती। सर्वमित्रपदं तद्वद्वैद्यनाथं महाफलम्।

maṁdākinī tathā'cchodā vipāśā ca sarasvatī sarvamitrapadaṁ tadvadvaidyanāthaṁ mahāphalam

the Mandakini, and likewise Achchhoda, the Vipasha, and the Sarasvati; and likewise Sarvamitrapada, and Vaidyanatha, of great merit,

Verse 17 (padma.1.11.17)

क्षिप्रा नदी तथा पुण्या तथा कालञ्जरं शुभम्। तीर्थोद्भेदं हरोद्भेदं गर्भभेदं महालयम्।

kṣiprā nadī tathā puṇyā tathā kālañjaraṁ śubham tīrthodbhedaṁ harodbhedaṁ garbhabhedaṁ mahālayam

the sacred river Kshipra, and the auspicious Kalanjara; Tirthodbheda, Harodbheda, Garbhabheda, and Mahalaya,

Verse 18 (padma.1.11.18)

भद्रेश्वरं विष्णुपदं नर्मदा द्वारमेव च। गयापिंडप्रदानेन समान्याहुर्महर्षयः।

bhadreśvaraṁ viṣṇupadaṁ narmadā dvārameva ca gayāpiṁḍapradānena samānyāhurmaharṣayaḥ

Bhadreshvara, Vishnupada, and likewise the Narmada's source — the great sages declare these equal to the offering of the Pinda at Gaya.

Verse 19 (padma.1.11.19)

एतानि पितृतीर्थानि सर्वपापहराणि च। स्मरणादपि लोकानां किमु श्राद्धप्रदायिनाम्।

etāni pitṛtīrthāni sarvapāpaharāṇi ca smaraṇādapi lokānāṁ kimu śrāddhapradāyinām

These are the Pitri-tirthas, destroyers of all sin; if even the mere remembrance benefits people, how much more so those who offer Shraddha!

Verse 20 (padma.1.11.20)

ॐकारं पितृतीर्थं तु कावेरीकपिलोदकम्। संभेदश्चण्डवेगायां तथैवामरकंटकम्।

ॐkāraṁ pitṛtīrthaṁ tu kāverīkapilodakam saṁbhedaścaṇḍavegāyāṁ tathaivāmarakaṁṭakam

Omkara is a Pitri-tirtha, and the waters of Kaveri-Kapila; the confluence at the fierce-flowing river, and likewise Amarakantaka,

Verse 21 (padma.1.11.21)

कुरुक्षेत्राच्चद्विगुणं तस्मिन्स्नानादिकं भवेत्। शुक्लतीर्थं तु विख्यातं तीर्थं सोमेश्वरं परम्।

kurukṣetrāccadviguṇaṁ tasminsnānādikaṁ bhavet śuklatīrthaṁ tu vikhyātaṁ tīrthaṁ someśvaraṁ param

where bathing and the rest bring twice the merit of Kurukshetra; the renowned Shukla-tirtha, and the supreme sacred site of Someshvara,

Verse 22 (padma.1.11.22)

सर्वव्याधिहरंपुण्यंफलंकोटिगुणाधिकम्। श्राद्धेदानेतथाहोमेस्वाध्यायेचापिसन्निधौ।

sarvavyādhiharaṁpuṇyaṁphalaṁkoṭiguṇādhikam śrāddhedānetathāhomesvādhyāyecāpisannidhau

which removes all disease, of merit exceeding a crore-fold in fruit — in Shraddha, in giving, in fire-offering, in Vedic study, and even in mere proximity to it.

Verse 23 (padma.1.11.23)

कायावारोहणं नाम देवदेवस्य शूलिनः। अवतारं रोचमानं ब्राह्मणावसथे शुभे।

kāyāvārohaṇaṁ nāma devadevasya śūlinaḥ avatāraṁ rocamānaṁ brāhmaṇāvasathe śubhe

There is the site named Kayavarohana, the resplendent descent of the trident-bearing God of gods, in the auspicious dwelling of brahmins,

Verse 24 (padma.1.11.24)

जातं तत्सुमहापुण्यं तथा चर्मण्वती नदी। शूलतापी पयोष्णी च पयोष्णीसंगमस्तथा।

jātaṁ tatsumahāpuṇyaṁ tathā carmaṇvatī nadī śūlatāpī payoṣṇī ca payoṣṇīsaṁgamastathā

where that most meritorious event occurred; and likewise the river Charmanvati, Shulatapi, Payoshni, and the confluence of the Payoshni,

Verse 25 (padma.1.11.25)

महौषधी चारणा च नागतीर्थप्रवर्त्तिनी। महावेणा नदी पुण्या महाशालस्तथैव च।

mahauṣadhī cāraṇā ca nāgatīrthapravarttinī mahāveṇā nadī puṇyā mahāśālastathaiva ca

Mahaushadhi, and Charana, and the Naga-tirtha-establishing river; the sacred river Mahavena, and Mahashala likewise,

Verse 26 (padma.1.11.26)

गोमती वरुणा तद्वत्तीर्थं हौताशनं परम्। भैरवं भृगुतुंगं च गौरीतीर्थमनुत्तमम्।

gomatī varuṇā tadvattīrthaṁ hautāśanaṁ param bhairavaṁ bhṛgutuṁgaṁ ca gaurītīrthamanuttamam

the Gomati, and likewise the Varuna, and the supreme sacred site of Hutashana; Bhairava, and Bhrigutunga, and the unsurpassed Gauri-tirtha,

Verse 27 (padma.1.11.27)

तीर्थं वैनायकं नाम वस्त्रेश्वरमनुत्तमम्। तथा पापहरं नाम पुण्या वेत्रवती नदी।

tīrthaṁ vaināyakaṁ nāma vastreśvaramanuttamam tathā pāpaharaṁ nāma puṇyā vetravatī nadī

the sacred site named Vainayaka, and the unsurpassed Vastreshvara; and likewise the site named Papahara, and the sacred river Vetravati,

Verse 28 (padma.1.11.28)

महारुद्रं महालिंगं दशार्णा च महानदी। शतरुद्रा शताह्वा च तथा पितृपदं पुरम्।

mahārudraṁ mahāliṁgaṁ daśārṇā ca mahānadī śatarudrā śatāhvā ca tathā pitṛpadaṁ puram

Maharudra, Mahalinga, and the great river Dasharna; Shatarudra, and Shatahva, and likewise the city Pitripada,

Verse 29 (padma.1.11.29)

अंगारवाहिका तद्वन्नदौ द्वौ शोणघर्घरौ। कालिका च नदी पुण्या पितरा च नदी शुभा।

aṁgāravāhikā tadvannadau dvau śoṇaghargharau kālikā ca nadī puṇyā pitarā ca nadī śubhā

Angaravahika likewise; and the two rivers Shona and Gharghara; the sacred river Kalika, and the auspicious river Pitara,

Verse 30 (padma.1.11.30)

एतानि पितृतीर्थानि शस्यंते स्नानदानयोः। श्राद्धमेतेषु यद्दत्तं तदनंतफलं स्मृतम्।

etāni pitṛtīrthāni śasyaṁte snānadānayoḥ śrāddhameteṣu yaddattaṁ tadanaṁtaphalaṁ smṛtam

these are Pitri-tirthas, praised for bathing and giving; whatever Shraddha is given at these is remembered as bearing infinite fruit.

Verse 31 (padma.1.11.31)

शतावटा नदी ज्वाला शरद्वी च नदी तथा। द्वारका कृष्णतीर्थं च तथा ह्युदक्सरस्वती।

śatāvaṭā nadī jvālā śaradvī ca nadī tathā dvārakā kṛṣṇatīrthaṁ ca tathā hyudaksarasvatī

The river Shatavata, Jvala, and likewise the river Sharadvi; Dvaraka, the sacred site of Krishna; and likewise the northern Sarasvati,

Verse 32 (padma.1.11.32)

नदी मालवती नाम तथा च गिरिकर्णिका। धूतपापं तथा तीर्थं समुद्रे दक्षिणे तथा।

nadī mālavatī nāma tathā ca girikarṇikā dhūtapāpaṁ tathā tīrthaṁ samudre dakṣiṇe tathā

the river named Malavati, and likewise Girikarnika; and the sacred site Dhutapapa, and likewise sites on the southern sea,

Verse 33 (padma.1.11.33)

गोकर्णो गजकर्णश्च तथा चक्रनदी शुभा। श्रीशैलं शाकतीर्थं च नारसिंहमतः परम्।

gokarṇo gajakarṇaśca tathā cakranadī śubhā śrīśailaṁ śākatīrthaṁ ca nārasiṁhamataḥ param

Gokarna, and Gajakarna, and likewise the auspicious Chakra river; Shrishaila, and Shaka-tirtha, and, next, Narasimha,

Verse 34 (padma.1.11.34)

महेंद्रं च तथा पुण्या पुण्या चापि महानदी। एतेष्वपि सदा श्राद्धमनंतफलदं स्मृतम्।

maheṁdraṁ ca tathā puṇyā puṇyā cāpi mahānadī eteṣvapi sadā śrāddhamanaṁtaphaladaṁ smṛtam

Mahendra, and likewise the sacred, meritorious Mahanadi — at these too, Shraddha is ever remembered as bearing infinite fruit.

Verse 35 (padma.1.11.35)

दर्शनादपि पुण्यानि सद्यः पापहराणि वै। तुंगभद्रा नदी पुण्या तथा चक्ररथीति च।

darśanādapi puṇyāni sadyaḥ pāpaharāṇi vai tuṁgabhadrā nadī puṇyā tathā cakrarathīti ca

Merely at the sight of them, merit accrues, and sins are instantly destroyed. The sacred river Tungabhadra, and likewise the one called Chakrarathi,

Verse 36 (padma.1.11.36)

भीमेश्वरं कृष्णवेणा कावेरी चांजना नदी। नदी गोदावरी पुण्या त्रिसंध्या पूर्णमुत्तमम्।

bhīmeśvaraṁ kṛṣṇaveṇā kāverī cāṁjanā nadī nadī godāvarī puṇyā trisaṁdhyā pūrṇamuttamam

Bhimeshvara, the Krishnavena, the Kaveri, and the river Anjana; the sacred river Godavari, worshipped at the three daily junctures, supremely perfect,

Verse 37 (padma.1.11.37)

तीर्थं त्रैयंबकं नाम सर्वतीर्थनमस्कृतम्। यत्रास्ते भगवान्भीमः स्वयमेव त्रिलोचनः।

tīrthaṁ traiyaṁbakaṁ nāma sarvatīrthanamaskṛtam yatrāste bhagavānbhīmaḥ svayameva trilocanaḥ

the sacred site named Trayambaka, saluted by all sacred sites, where the illustrious three-eyed Bhima himself abides.

Verse 38 (padma.1.11.38)

श्राद्धमेतेषु सर्वेषु दत्तं कोटिगुणं भवेत्। स्मरणादपि पापानि व्रजंति शतधा नृप।

śrāddhameteṣu sarveṣu dattaṁ koṭiguṇaṁ bhavet smaraṇādapi pāpāni vrajaṁti śatadhā nṛpa

Shraddha given at all of these becomes a crore-fold in merit; even by mere remembrance, sins, O king, are destroyed a hundredfold.

Verse 39 (padma.1.11.39)

श्रीपर्णा च नदी पुण्या व्यासतीर्थमनुत्तमम्। तथा मत्स्यनदी कारा शिवधारा तथैव च।

śrīparṇā ca nadī puṇyā vyāsatīrthamanuttamam tathā matsyanadī kārā śivadhārā tathaiva ca

The sacred river Shriparna, and the unsurpassed Vyasa-tirtha; and likewise the river Matsya, Kara, and Shivadhara likewise,

Verse 40 (padma.1.11.40)

भवतीर्थं च विख्यातं पुण्यतीर्थं च शाश्वतम्। पुण्यं रामेश्वरं तद्वद्वेणापुरमलंपुरम्।

bhavatīrthaṁ ca vikhyātaṁ puṇyatīrthaṁ ca śāśvatam puṇyaṁ rāmeśvaraṁ tadvadveṇāpuramalaṁpuram

and the renowned Bhava-tirtha, an eternal sacred site; the meritorious Rameshvara likewise, Venapura, and Alampura,

Verse 41 (padma.1.11.41)

अंगारकं च विख्यातमात्मदर्शमलंबुषम्। वत्सव्रातेश्वरं तद्वत्तथागोकामुखं परम्।

aṁgārakaṁ ca vikhyātamātmadarśamalaṁbuṣam vatsavrāteśvaraṁ tadvattathāgokāmukhaṁ param

and the renowned Angaraka, Atmadarsha, and Alambusha; and likewise Vatsavrateshvara, and the supreme Gokamukha,

Verse 42 (padma.1.11.42)

गोवर्द्धनं हरिश्चंद्रं पुरश्चन्द्रं पृथूदकम्। सहस्राक्षं हिरण्याक्षं तथा च कदलीनदी।

govarddhanaṁ hariścaṁdraṁ puraścandraṁ pṛthūdakam sahasrākṣaṁ hiraṇyākṣaṁ tathā ca kadalīnadī

Govardhana, Harishchandra, Purashchandra, Prithudaka; Sahasraksha, Hiranyaksha, and likewise the river Kadali,

Verse 43 (padma.1.11.43)

नामधेयानि च तथा तथा सौमित्रिसंगतम्। इंद्रनीलं महानादं तथा च प्रियमेलकम्।

nāmadheyāni ca tathā tathā saumitrisaṁgatam iṁdranīlaṁ mahānādaṁ tathā ca priyamelakam

and other places by name likewise, and Saumitri-samgata; Indranila, Mahanada, and likewise Priyamelaka —

Verse 44 (padma.1.11.44)

एतान्यपि सदा श्राद्धे प्रशस्तान्यधिकानि च। एतेषु सर्वदेवानां सांनिध्यं पठ्यते यतः।

etānyapi sadā śrāddhe praśastānyadhikāni ca eteṣu sarvadevānāṁ sāṁnidhyaṁ paṭhyate yataḥ

these too are ever recommended, and even more so, for Shraddha, since it is taught that the presence of all the gods abides at these places.

Verse 45 (padma.1.11.45)

दानमेतेषु सर्वेषु भवेत्कोटिशताधिकम्। बाहुदा च नदी पुण्या तथा सिद्धवटं शुभम्।

dānameteṣu sarveṣu bhavetkoṭiśatādhikam bāhudā ca nadī puṇyā tathā siddhavaṭaṁ śubham

Giving at all these becomes greater than a hundred crore-fold. The sacred river Bahuda, and likewise the auspicious Siddhavata,

Verse 46 (padma.1.11.46)

तीर्थं पाशुपतं चैव नदी पर्यटिका तथा। श्राद्धमेतेषु सर्वेषु दत्तं कोटिशतोत्तरम्।

tīrthaṁ pāśupataṁ caiva nadī paryaṭikā tathā śrāddhameteṣu sarveṣu dattaṁ koṭiśatottaram

the sacred site of Pashupata, and likewise the river Paryatika — Shraddha given at all of these becomes greater than a hundred crores in merit.

Verse 47 (padma.1.11.47)

तथैव पंचतीर्थं च यत्र गोदावरी नदी। युता लिंगसहस्रेण सव्येतर जलावहा।

tathaiva paṁcatīrthaṁ ca yatra godāvarī nadī yutā liṁgasahasreṇa savyetara jalāvahā

And likewise the Panchatirtha, where the river Godavari, joined with a thousand Shiva-lingas, bears its waters flowing to the right.

Verse 48 (padma.1.11.48)

जामदग्न्यस्य तत्तीर्थं मोदायतनमुत्तमम्। प्रतीकस्य भयात्सिद्धा यत्र गोदावरी नदी।

jāmadagnyasya tattīrthaṁ modāyatanamuttamam pratīkasya bhayātsiddhā yatra godāvarī nadī

That is the tirtha of Jamadagni's son, the excellent abode of delight, where the river Godavari became perfected out of fear of Pratika.

Verse 49 (padma.1.11.49)

तीर्थं तद्धव्यकव्यानामप्सरोगणसंयुतम्। श्राद्धाग्नि दानकार्यं च तत्र कोटिशताधिकम्।

tīrthaṁ taddhavyakavyānāmapsarogaṇasaṁyutam śrāddhāgni dānakāryaṁ ca tatra koṭiśatādhikam

That sacred site, for the offerings of Havya and Kavya, is accompanied by hosts of Apsarases; the work of Shraddha, fire-offering, and giving there exceeds a hundred crores in merit.

Verse 50 (padma.1.11.50)

तथा सहस्रलिंगं च राघवेश्वरमुत्तमम्। सेन्द्रकाला नदी पुण्या तत्र शक्रो गतः पुरा।

tathā sahasraliṁgaṁ ca rāghaveśvaramuttamam sendrakālā nadī puṇyā tatra śakro gataḥ purā

And likewise Sahasralinga, and the excellent Raghaveshvara; the sacred river Sendrakala, where Shakra went of old,

Verse 51 (padma.1.11.51)

निहत्य नमुचिं मित्रं तपसा स्वर्गमाप्तवान्। तत्र दत्तं नरैः श्राद्धमनंतफलदं भवेत्।

nihatya namuciṁ mitraṁ tapasā svargamāptavān tatra dattaṁ naraiḥ śrāddhamanaṁtaphaladaṁ bhavet

having slain his friend Namuchi, and, through austerity, regained heaven. Shraddha given there by men becomes bearer of infinite fruit.

Verse 52 (padma.1.11.52)

पुष्करं नाम वै तीर्थं शालग्रामं तथैव च। शोणपातश्च विख्यातो यत्र वैश्वानराशयः।

puṣkaraṁ nāma vai tīrthaṁ śālagrāmaṁ tathaiva ca śoṇapātaśca vikhyāto yatra vaiśvānarāśayaḥ

The sacred site called Pushkara, and likewise Shalagrama; and the renowned Shonapata, where lies the abode of Vaishvanara,

Verse 53 (padma.1.11.53)

तीर्थं सारस्वतं चैव स्वामितीर्थं तथैव च। मलंदरा नदी पुण्या कौशिकी चंद्रका तथा।

tīrthaṁ sārasvataṁ caiva svāmitīrthaṁ tathaiva ca malaṁdarā nadī puṇyā kauśikī caṁdrakā tathā

the sacred site of Sarasvata, and likewise Svami-tirtha; the sacred river Malandara, the Kaushiki, and Chandraka likewise,

Verse 54 (padma.1.11.54)

विदर्भा चाथ वेगा च पयोष्णी प्राङ्मुखा परा। कावेरी चोत्तरांगा च तथा जालंधरो गिरिः।

vidarbhā cātha vegā ca payoṣṇī prāṅmukhā parā kāverī cottarāṁgā ca tathā jālaṁdharo giriḥ

Vidarbha, and Vega, and the eastward-flowing Payoshni; the Kaveri, and Uttaranga, and likewise the mountain Jalandhara —

Verse 55 (padma.1.11.55)

एतेषु श्राद्धतीर्थेषु श्राद्धमानंत्यमश्नुते। लोहदंडं तथा तीर्थं चित्रकूटस्तथैव च।

eteṣu śrāddhatīrtheṣu śrāddhamānaṁtyamaśnute lohadaṁḍaṁ tathā tīrthaṁ citrakūṭastathaiva ca

at these Shraddha-tirthas, Shraddha attains infinitude. Lohadanda, and likewise Chitrakuta,

Verse 56 (padma.1.11.56)

दिव्यं सर्वत्र गंगायास्तथा नद्यास्तटं शुभम्। कुब्जाम्रकं तथा तीर्थमुर्वशीपुलिनं तथा।

divyaṁ sarvatra gaṁgāyāstathā nadyāstaṭaṁ śubham kubjāmrakaṁ tathā tīrthamurvaśīpulinaṁ tathā

the divine banks of the Ganga everywhere, and the auspicious banks of other rivers; Kubjamraka, and likewise the sandbank of Urvashi,

Verse 57 (padma.1.11.57)

संसारमोचनं तीर्थं तथैव ऋणमोचनम्। एतेषु पितृतीर्थेषु श्राद्धमानंत्यमश्नुते।

saṁsāramocanaṁ tīrthaṁ tathaiva ṛṇamocanam eteṣu pitṛtīrtheṣu śrāddhamānaṁtyamaśnute

the sacred site of Samsaramochana, and likewise Rinamochana — at these Pitri-tirthas, Shraddha attains infinitude.

Verse 58 (padma.1.11.58)

अट्टहासं तथा तीर्थं गौतमेश्वरमेव च। तथा वसिष्ठतीर्थं च भारतं च ततः परम्।

aṭṭahāsaṁ tathā tīrthaṁ gautameśvarameva ca tathā vasiṣṭhatīrthaṁ ca bhārataṁ ca tataḥ param

Attahasa, and likewise Gautameshvara; and likewise the Vasishtha-tirtha, and next, Bharata,

Verse 59 (padma.1.11.59)

ब्रह्मावर्तं कुशावर्तं हंसतीर्थं तथैव च। पिंडारकं च विख्यातं शंखोद्धारं तथैव च।

brahmāvartaṁ kuśāvartaṁ haṁsatīrthaṁ tathaiva ca piṁḍārakaṁ ca vikhyātaṁ śaṁkhoddhāraṁ tathaiva ca

Brahmavarta, Kushavarta, and likewise the Hansa-tirtha; the renowned Pindaraka, and likewise Shankhoddhara,

Verse 60 (padma.1.11.60)

भांडेश्वरं बिल्वकं च नीलपर्वतमेव च। तथा च बदरीतीर्थं सर्वतीर्थेश्वरेश्वरम्।

bhāṁḍeśvaraṁ bilvakaṁ ca nīlaparvatameva ca tathā ca badarītīrthaṁ sarvatīrtheśvareśvaram

Bhandeshvara, and Bilvaka, and likewise the Blue Mountain; and likewise the Badari-tirtha, lord of the lords of all sacred sites,

Verse 61 (padma.1.11.61)

वसुधाराह्वयं तीर्थं रामतीर्थं तथैव च। जयंती विजया चैव शुक्लतीर्थं तथैव च।

vasudhārāhvayaṁ tīrthaṁ rāmatīrthaṁ tathaiva ca jayaṁtī vijayā caiva śuklatīrthaṁ tathaiva ca

the sacred site called Vasudhara, and likewise the Rama-tirtha; Jayanti, and Vijaya, and likewise Shukla-tirtha —

Verse 62 (padma.1.11.62)

एषु श्राद्धप्रदातारः प्रयांति परमं पदम्। तीर्थं मातृगृहं नाम करवीरपुरं तथा।

eṣu śrāddhapradātāraḥ prayāṁti paramaṁ padam tīrthaṁ mātṛgṛhaṁ nāma karavīrapuraṁ tathā

those who give Shraddha at these attain the supreme abode. The sacred site named Matrigriha, and likewise Karavirapura,

Verse 63 (padma.1.11.63)

सप्तगोदावरीनाम सर्वतीर्थेश्वरेश्वरम्। तत्र श्राद्धं प्रदातव्यमनंतफलमीप्सुभिः।

saptagodāvarīnāma sarvatīrtheśvareśvaram tatra śrāddhaṁ pradātavyamanaṁtaphalamīpsubhiḥ

the one called Sapta-Godavari, lord of the lords of all sacred sites — Shraddha should be given there by those who desire infinite fruit.

Verse 64 (padma.1.11.64)

कीकटेषु गया पुण्या पुण्यं राजगृहं वनम्। च्यवनस्याश्रमं पुण्यं नदी पुण्या पुनःपुना।

kīkaṭeṣu gayā puṇyā puṇyaṁ rājagṛhaṁ vanam cyavanasyāśramaṁ puṇyaṁ nadī puṇyā punaḥpunā

In Kikata, sacred Gaya; the sacred forest of Rajagriha; the sacred hermitage of Chyavana; the sacred river Punahpuna,

Verse 65 (padma.1.11.65)

विषयाराधनं पुण्यं नदी या तु पुनःपुना। यत्र गाथा विचरति ब्रह्मणा परिकीर्तिता।

viṣayārādhanaṁ puṇyaṁ nadī yā tu punaḥpunā yatra gāthā vicarati brahmaṇā parikīrtitā

and the sacred site of Vishayaradhana, and the river which is Punahpuna — where a verse, proclaimed by Brahma, circulates:

Verse 66 (padma.1.11.66)

एष्टव्या बहवः पुत्रा यद्येकोपि गयां व्रजेत्। यजेत वाश्वमेधेन नीलं वा वृषमुत्सृजेत्।

eṣṭavyā bahavaḥ putrā yadyekopi gayāṁ vrajet yajeta vāśvamedhena nīlaṁ vā vṛṣamutsṛjet

'Many sons are to be desired, in the hope that even one of them might go to Gaya, or perform an Ashvamedha sacrifice, or release a blue bull.'

Verse 67 (padma.1.11.67)

एषा गाथा विचरति तीर्थेष्वायतनेषु च। सर्वे मनुष्या राजेंद्र कीर्त्तयंतः समागताः।

eṣā gāthā vicarati tīrtheṣvāyataneṣu ca sarve manuṣyā rājeṁdra kīrttayaṁtaḥ samāgatāḥ

This verse circulates among the sacred sites and temples; all people, O lord of kings, gathering, recite it, saying:

Verse 68 (padma.1.11.68)

किमस्माकं कुले कश्चिद्गयां यास्यति यः सुतः। प्रीणयिष्यति तान्गत्वा सप्तपूर्वांस्तथापरान्।

kimasmākaṁ kule kaścidgayāṁ yāsyati yaḥ sutaḥ prīṇayiṣyati tāngatvā saptapūrvāṁstathāparān

'Is there any son in our family who will go to Gaya, and, going there, will satisfy the seven generations of forefathers and others besides,'

Verse 69 (padma.1.11.69)

मातामहानामप्येवं श्रुतिरेषा चिरंतनी। गंगायामस्थिनिचयं गत्वा क्षेप्स्यति यः सुतः।

mātāmahānāmapyevaṁ śrutireṣā ciraṁtanī gaṁgāyāmasthinicayaṁ gatvā kṣepsyati yaḥ sutaḥ

'and likewise the maternal ancestors?' — this teaching is ancient. That son who goes to the Ganga and casts the collected bones there,

Verse 70 (padma.1.11.70)

तिलैः सप्ताष्टभिर्वापि दास्यते च जलांजलिम्। अरण्यत्रितये वापि पिंडदानं करिष्यति।

tilaiḥ saptāṣṭabhirvāpi dāsyate ca jalāṁjalim araṇyatritaye vāpi piṁḍadānaṁ kariṣyati

or offers a handful of water with seven or eight sesame seeds, or performs the offering of Pindas at the three sacred forests —

Verse 71 (padma.1.11.71)

प्रथमं पुष्करारण्ये नैमिषे तदनंतरं। धर्मारण्यं पुनः प्राप्य श्राद्धं भक्त्या प्रदास्यति।

prathamaṁ puṣkarāraṇye naimiṣe tadanaṁtaraṁ dharmāraṇyaṁ punaḥ prāpya śrāddhaṁ bhaktyā pradāsyati

first at the Pushkara forest, then at Naimisha thereafter, and having reached the Dharma forest again, will offer Shraddha with devotion,

Verse 72 (padma.1.11.72)

गयायां धर्मपृष्ठे वा सरसि ब्रह्मणस्तथा। गयाशीर्षवटे चैव पितॄणां दत्तमक्षयम्।

gayāyāṁ dharmapṛṣṭhe vā sarasi brahmaṇastathā gayāśīrṣavaṭe caiva pitṝṇāṁ dattamakṣayam

at Gaya, or at Dharmaprishtha, or at Brahma's lake, and at the banyan of Gayashirsha — whatever is given to the Pitris there becomes imperishable.

Verse 73 (padma.1.11.73)

व्रजन्कृत्वा निवापं यस्त्वध्वानं परिसर्पति। नरकस्थान्पितॄन्सोपि स्वर्गं नयति सत्वरं।

vrajankṛtvā nivāpaṁ yastvadhvānaṁ parisarpati narakasthānpitṝnsopi svargaṁ nayati satvaraṁ

Whoever, having made the offering, then journeys further on that path — he too swiftly leads even those Pitris dwelling in hell up to heaven.

Verse 74 (padma.1.11.74)

कुले तस्य न राजेंद्र प्रेतो भवति कश्चन। प्रेतत्वं मोक्षभावं च पिंडदानाच्च गच्छति।

kule tasya na rājeṁdra preto bhavati kaścana pretatvaṁ mokṣabhāvaṁ ca piṁḍadānācca gacchati

In his family, O lord of kings, no one becomes a wandering ghost; through the giving of the Pinda, one passes from the state of a Preta to the state of liberation.

Verse 75 (padma.1.11.75)

एको मुनिस्ताम्रकराग्रहस्तो ह्याम्रेषु मूले सलिलं ददाति। आम्राश्च सिक्ताः पितरश्च तृप्ता एका क्रिया द्व्यर्थकरी प्रसिद्धा।

eko munistāmrakarāgrahasto hyāmreṣu mūle salilaṁ dadāti āmrāśca siktāḥ pitaraśca tṛptā ekā kriyā dvyarthakarī prasiddhā

A single sage, his hand holding a copper vessel, gives water at the root of mango trees; the mango trees are watered and the Pitris are satisfied — a single act renowned as achieving a double purpose.

Verse 76 (padma.1.11.76)

गयायां पिण्डदानस्य नान्यद्दानं विशिष्यते। एकेन पिंडदानेन तृप्तास्ते मोक्षगामिनः।

gayāyāṁ piṇḍadānasya nānyaddānaṁ viśiṣyate ekena piṁḍadānena tṛptāste mokṣagāminaḥ

No other gift is superior to the giving of the Pinda at Gaya; by a single offering of the Pinda, those ancestors become satisfied and go to liberation.

Verse 77 (padma.1.11.77)

धान्यप्रदानं प्रवरं वदंति वसुप्रदानं च तथामुनींद्राः। गया सुतीर्थेषु नरैः प्रदत्तं तद्धर्महेतुं प्रवरं वदंति।

dhānyapradānaṁ pravaraṁ vadaṁti vasupradānaṁ ca tathāmunīṁdrāḥ gayā sutīrtheṣu naraiḥ pradattaṁ taddharmahetuṁ pravaraṁ vadaṁti

The great sages declare the gift of grain, and likewise the gift of wealth, to be excellent; but that which is given by men at the sacred fords of Gaya, they declare to be the most excellent cause of dharma.

Verse 78 (padma.1.11.78)

सर्वात्मना सुरुचिना महाचल महानदी। ये तु पश्यंति तां गत्वा मानसे दक्षिणोत्तरे।

sarvātmanā surucinā mahācala mahānadī ye tu paśyaṁti tāṁ gatvā mānase dakṣiṇottare

Those who, with their whole soul and with delight, go and behold that great mountain and great river, at Manasa in the south and the north,

Verse 79 (padma.1.11.79)

प्रणम्य द्विजमुख्येभ्यः प्राप्तं तैर्जन्मनः फलं। यद्यदिच्छति वै मर्त्यस्तत्तदाप्नोत्यसंशयम्।

praṇamya dvijamukhyebhyaḥ prāptaṁ tairjanmanaḥ phalaṁ yadyadicchati vai martyastattadāpnotyasaṁśayam

and, having bowed to the foremost brahmins, obtain by them the fruit of their whole birth. Whatever a mortal desires, that indeed he obtains, without doubt.

Verse 80 (padma.1.11.80)

एष तूद्देशतः प्रोक्तस्तीर्थानां सग्रहो मया। वागीशोपि न शक्नोति विस्तरात्किमु मानुषः।

eṣa tūddeśataḥ proktastīrthānāṁ sagraho mayā vāgīśopi na śaknoti vistarātkimu mānuṣaḥ

This has been declared by me only in brief summary of the sacred sites; even the lord of speech is unable to tell them in full, how much less a mere human!

Verse 81 (padma.1.11.81)

सत्यं तीर्थं दया तीर्थं तीर्थमिन्द्रियनिग्रहः। वर्णाश्रमाणां गेहेपि तीर्थं शम उदाहृतम्।

satyaṁ tīrthaṁ dayā tīrthaṁ tīrthamindriyanigrahaḥ varṇāśramāṇāṁ gehepi tīrthaṁ śama udāhṛtam

Truth is a sacred site, compassion is a sacred site, control of the senses is a sacred site; even in the household of the classes and stages of life, tranquility is declared to be a sacred site.

Verse 82 (padma.1.11.82)

येषु तीर्थेषु यच्छ्राद्धं तत्कोटिगुणमिष्यते। गयायां यत्तु वै श्राद्धं तच्छ्राद्धमपवर्गदम्।

yeṣu tīrtheṣu yacchrāddhaṁ tatkoṭiguṇamiṣyate gayāyāṁ yattu vai śrāddhaṁ tacchrāddhamapavargadam

Whatever Shraddha is performed at these sacred sites is held to be crore-fold in merit; but the Shraddha performed at Gaya is that Shraddha which grants final liberation.

Verse 83 (padma.1.11.83)

यस्मात्तस्मात्प्रयत्नेन तीर्थे श्राद्धं विधीयते। प्रातःकालो मुहूर्तांस्त्रीन्संगवस्तावदेव तु।

yasmāttasmātprayatnena tīrthe śrāddhaṁ vidhīyate prātaḥkālo muhūrtāṁstrīnsaṁgavastāvadeva tu

For this reason, Shraddha should diligently be performed at a sacred site. The morning period lasts three Muhurtas, and the Sangava period likewise the same,

Verse 84 (padma.1.11.84)

मध्याह्नस्त्रिमुहूर्तः स्यादपराह्णस्ततः परम्। सायाह्नस्त्रिमुहूर्तः स्याच्छ्राद्धं तत्र न कारयेत्।

madhyāhnastrimuhūrtaḥ syādaparāhṇastataḥ param sāyāhnastrimuhūrtaḥ syācchrāddhaṁ tatra na kārayet

midday consists of three Muhurtas, and afternoon comes after that; evening consists of three Muhurtas — Shraddha should not be performed in that period.

Verse 85 (padma.1.11.85)

राक्षसी नाम सा वेला गर्हिता सर्वकर्मसु। अह्नो मुहूर्ता व्याख्याता दशपंच च सर्वदा।

rākṣasī nāma sā velā garhitā sarvakarmasu ahno muhūrtā vyākhyātā daśapaṁca ca sarvadā

That time is called the Rakshasa hour, condemned for all rites. The Muhurtas of the day are always explained to number fifteen.

Verse 86 (padma.1.11.86)

तत्राष्टमो मुहूर्तो यः स कालः कुतपः स्मृतः। मध्याह्नात्सर्वदा यस्मान्मंदी भवति भास्करः।

tatrāṣṭamo muhūrto yaḥ sa kālaḥ kutapaḥ smṛtaḥ madhyāhnātsarvadā yasmānmaṁdī bhavati bhāskaraḥ

Among these, the eighth Muhurta is the time remembered as Kutapa, since it is always after midday, when the sun's heat becomes gentle.

Verse 87 (padma.1.11.87)

तस्मादनंतफलदस्तत्रारंभो विशिष्यते। खड्गपात्रं च कुतपस्तथा नैपालकंबलम्।

tasmādanaṁtaphaladastatrāraṁbho viśiṣyate khaḍgapātraṁ ca kutapastathā naipālakaṁbalam

Therefore, beginning a Shraddha at that time is distinguished as granting infinite fruit. A vessel of rhinoceros-horn, the Kutapa hour, and likewise a Nepalese blanket,

Verse 88 (padma.1.11.88)

रुक्मं दर्भास्तिला गावो दौहित्रश्चाष्टमः स्मृतः। पापं कुत्सितमित्याहुस्तस्य तत्तापकारिणः।

rukmaṁ darbhāstilā gāvo dauhitraścāṣṭamaḥ smṛtaḥ pāpaṁ kutsitamityāhustasya tattāpakāriṇaḥ

gold, kusha grass, sesame, cows, and a daughter's son — this eighth is remembered. Whoever considers these contemptible is deemed sinful, since these burn away sin,

Verse 89 (padma.1.11.89)

अष्टावेते यतस्तस्मात्कुतपा इति विश्रुताः। ऊर्ध्वं मुहुर्त्तात्कुतपान्महूर्त्तं च चतुष्टयम्।

aṣṭāvete yatastasmātkutapā iti viśrutāḥ ūrdhvaṁ muhurttātkutapānmahūrttaṁ ca catuṣṭayam

since these are eight, they are therefore renowned as the Kutapas. Above the Kutapa Muhurta, for four more Muhurtas,

Verse 90 (padma.1.11.90)

मुहूर्त्तपंचकं चैव स्वधावाचनमिष्यते। विष्णुदेहसमुद्भूताः कुशाः कृष्णतिलास्तथा।

muhūrttapaṁcakaṁ caiva svadhāvācanamiṣyate viṣṇudehasamudbhūtāḥ kuśāḥ kṛṣṇatilāstathā

and for a full five Muhurtas, the recitation of Svadha is recommended. Kusha grass, born from the body of Vishnu, and black sesame,

Verse 91 (padma.1.11.91)

श्राद्धस्य लक्षणं कालमिति प्राहुर्मनीषिणः। तिलोदकांजलिर्देयो जलांते तीर्थवासिभिः।

śrāddhasya lakṣaṇaṁ kālamiti prāhurmanīṣiṇaḥ tilodakāṁjalirdeyo jalāṁte tīrthavāsibhiḥ

and this time — these, the wise declare, are the defining marks of a Shraddha. Those dwelling at sacred sites should give a handful of sesame-water at the end of bathing,

Verse 92 (padma.1.11.92)

सदर्भहस्तेनैकेन गृहे श्राद्धं गमिष्यति। पुण्यं पवित्रमायुष्यं सर्वपापविनाशनम्।

sadarbhahastenaikena gṛhe śrāddhaṁ gamiṣyati puṇyaṁ pavitramāyuṣyaṁ sarvapāpavināśanam

with kusha grass held in one hand — then that merit will reach even to the Shraddha performed at home. It is meritorious, purifying, life-giving, and destructive of all sin.

Verse 93 (padma.1.11.93)

ब्रह्मणा चैव कथितं तीर्थश्राद्धानुकीर्तनम्। शृणोति यः पठेद्वापि श्रीमान्संजायते नरः।

brahmaṇā caiva kathitaṁ tīrthaśrāddhānukīrtanam śṛṇoti yaḥ paṭhedvāpi śrīmānsaṁjāyate naraḥ

This recitation of Tirtha-Shraddha, declared by Brahma himself — whoever hears it, or even reads it, that man becomes prosperous.

Verse 94 (padma.1.11.94)

श्राद्धकाले च वक्तव्यं तथा तीर्थनिवासिभिः। सर्वपापोपशांन्त्यर्थमलक्ष्मीनाशनं मतं।

śrāddhakāle ca vaktavyaṁ tathā tīrthanivāsibhiḥ sarvapāpopaśāṁntyarthamalakṣmīnāśanaṁ mataṁ

And it should be recited at the time of Shraddha, likewise by those dwelling at sacred sites, for the pacification of all sin; it is held to be the destroyer of misfortune.

Verse 95 (padma.1.11.95)

इदं पवित्रं यशसो निधानमिदं महापातकनाशनं च। ब्रह्मार्करुद्रैरभिपूजितं च श्राद्धस्य माहात्म्यमुशंति तज्ज्ञाः।

idaṁ pavitraṁ yaśaso nidhānamidaṁ mahāpātakanāśanaṁ ca brahmārkarudrairabhipūjitaṁ ca śrāddhasya māhātmyamuśaṁti tajjñāḥ

This is purifying, a treasury of fame; this destroys great sins; and, honored by Brahma, the Sun, and Rudra — this is the greatness of Shraddha, so declare those who know it.