The Lunar Dynasty: From Soma to Kartavirya Arjuna

Verse 1 (padma.1.12.1)

भीष्म उवाच। सोमवंशः कथं जातः कथयात्र विशारद। तद्वंशे केतुराजानो बभूवुः कीर्तिवर्द्धनाः।

bhīṣma uvāca somavaṁśaḥ kathaṁ jātaḥ kathayātra viśārada tadvaṁśe keturājāno babhūvuḥ kīrtivarddhanāḥ

Bhishma said: How did the lunar dynasty arise? Tell me this, O learned one. And what illustrious kings, increasers of glory, arose in that lineage?

Verse 2 (padma.1.12.2)

पुलस्त्य उवाच। आदिष्टो ब्रह्मणा पूर्वमत्रिः सर्गविधौ पुरा। अनंतरं नाम तपः सृष्ट्यर्थं तप्तवान्विभुः।

pulastya uvāca ādiṣṭo brahmaṇā pūrvamatriḥ sargavidhau purā anaṁtaraṁ nāma tapaḥ sṛṣṭyarthaṁ taptavānvibhuḥ

Pulastya said: Instructed by Brahma formerly, in the work of creation of old, Atri performed the austerity named 'Anantara' for the sake of creation.

Verse 3 (padma.1.12.3)

यदानंदकरं ब्रह्म भगवन्क्लेशनाशनं। ब्रह्मरुद्रेन्द्रसूर्याणामभ्यंतरमतींद्रियं।

yadānaṁdakaraṁ brahma bhagavankleśanāśanaṁ brahmarudrendrasūryāṇāmabhyaṁtaramatīṁdriyaṁ

Meditating on that joy-giving Brahman, destroyer of afflictions, the transcendent inner essence of Brahma, Rudra, Indra, and the Sun,

Verse 4 (padma.1.12.4)

शान्तिं कृत्वात्ममनसा तदत्रिः संयमे स्थितः। माहात्म्यं तपसो वापि परमानंदकारकं।

śāntiṁ kṛtvātmamanasā tadatriḥ saṁyame sthitaḥ māhātmyaṁ tapaso vāpi paramānaṁdakārakaṁ

having brought peace to his own mind, that Atri remained in perfect self-restraint; the greatness of that austerity, too, was the cause of supreme bliss.

Verse 5 (padma.1.12.5)

यस्माद्वंशपतिः सार्द्धं समये तदधिष्ठितः। तं दृष्ट्वाचष्ट सोमेन तस्मात्सोमोभवद्विभुः।

yasmādvaṁśapatiḥ sārddhaṁ samaye tadadhiṣṭhitaḥ taṁ dṛṣṭvācaṣṭa somena tasmātsomobhavadvibhuḥ

Since the lord of the progeny to be born was thus established in that state, seeing him, he was called Soma; therefore he, the mighty one, became Soma.

Verse 6 (padma.1.12.6)

अथ सुस्राव नेत्राभ्यां जलं तत्रात्रिसंभवम्। द्योतयद्विश्वमखिलं ज्योत्स्नया सचराचरम्।

atha susrāva netrābhyāṁ jalaṁ tatrātrisaṁbhavam dyotayadviśvamakhilaṁ jyotsnayā sacarācaram

Then water, born of Atri, flowed forth from his eyes there, illuminating the entire universe, moving and unmoving, with its moonlight.

Verse 7 (padma.1.12.7)

तद्दिशो जगृहुस्तत्र स्त्रीरूपेणासहृच्छयाः। गर्भो भूत्वोदरे तासां स्थितः सोप्यत्रिसंभवः।

taddiśo jagṛhustatra strīrūpeṇāsahṛcchayāḥ garbho bhūtvodare tāsāṁ sthitaḥ sopyatrisaṁbhavaḥ

The directions, there in feminine form, unable to bear it, seized it; and, becoming an embryo, that offspring of Atri came to rest in their wombs.

Verse 8 (padma.1.12.8)

आशाश्च मुमुचुर्गर्भमशक्ता धारणे ततः। समादायाथ तं गर्भमेकीकृत्य चतुर्मुखः।

āśāśca mumucurgarbhamaśaktā dhāraṇe tataḥ samādāyātha taṁ garbhamekīkṛtya caturmukhaḥ

But the directions, unable to sustain the embryo, released it. Then the four-faced Brahma, taking up that embryo and uniting it into one,

Verse 9 (padma.1.12.9)

युवानमकरोद्ब्रह्मा सर्वायुधधरं नरम्। स्यंदनेथ सहस्तेन वेदशक्तिमये प्रभुः।

yuvānamakarodbrahmā sarvāyudhadharaṁ naram syaṁdanetha sahastena vedaśaktimaye prabhuḥ

made it into a youth, a man bearing every weapon. And the lord, with his own hand, set him upon a chariot made of the very power of the Vedas,

Verse 10 (padma.1.12.10)

आरोप्य लोकमनयदात्मीयं स पितामहः। ततो ब्रह्मर्षिभिः प्रोक्तं ह्यस्मत्स्वामीभवत्वयम्।

āropya lokamanayadātmīyaṁ sa pitāmahaḥ tato brahmarṣibhiḥ proktaṁ hyasmatsvāmībhavatvayam

and, having mounted him upon it, the Grandsire led him to his own world. Then it was declared by the Brahmarshis: 'Become our lord.'

Verse 11 (padma.1.12.11)

ऋषिभिर्देवगंधर्वैरप्सरोभिस्तथैव च। स्तूयमानस्य तस्याभूदधिकं महदंतरम्।

ṛṣibhirdevagaṁdharvairapsarobhistathaiva ca stūyamānasya tasyābhūdadhikaṁ mahadaṁtaram

Praised by the sages, gods, Gandharvas, and Apsarases likewise, a great and abundant splendor arose in him,

Verse 12 (padma.1.12.12)

तेजोवितानादभवद्भुवि दिव्यौषधीगणः। तद्दीप्तिरधिका तस्माद्रात्रौ भवति सर्वदा।

tejovitānādabhavadbhuvi divyauṣadhīgaṇaḥ taddīptiradhikā tasmādrātrau bhavati sarvadā

and from the diffusion of that splendor arose upon the earth the host of divine herbs; and it is for that reason that its brilliance is always greater at night.

Verse 13 (padma.1.12.13)

तेनौषधीशः सोमोभूद्द्विजेष्वपि हि गण्यते। वेदधामा रसश्चायं यदिदं मंडलं शुभम्।

tenauṣadhīśaḥ somobhūddvijeṣvapi hi gaṇyate vedadhāmā rasaścāyaṁ yadidaṁ maṁḍalaṁ śubham

By this he became Soma, lord of herbs, and is indeed reckoned among the twice-born; this auspicious orb is the very abode of the Vedas, and the essence of all.

Verse 14 (padma.1.12.14)

क्षीयते वर्द्धते चैव शुक्ले कृष्णे च सर्वदा। विंशतिं च तथा सप्त दक्षः प्राचेतसो ददौ।

kṣīyate varddhate caiva śukle kṛṣṇe ca sarvadā viṁśatiṁ ca tathā sapta dakṣaḥ prācetaso dadau

It always wanes and waxes in the bright and dark fortnights. Daksha, son of Prachetas, gave twenty-seven,

Verse 15 (padma.1.12.15)

रूपलावण्यसंयुक्तास्तस्मै कन्याः सुवर्चसः। ततः शक्तिसहस्राणां सहस्राणि दशैव तु।

rūpalāvaṇyasaṁyuktāstasmai kanyāḥ suvarcasaḥ tataḥ śaktisahasrāṇāṁ sahasrāṇi daśaiva tu

radiant maidens, endowed with beauty and loveliness, to him. Then, for ten thousand thousands of years,

Verse 16 (padma.1.12.16)

तपश्चकार शीतांशुर्विष्णुध्यानैकतत्परः। ततस्तुष्टश्च भगवांस्तस्मै नारायणो हरिः।

tapaścakāra śītāṁśurviṣṇudhyānaikatatparaḥ tatastuṣṭaśca bhagavāṁstasmai nārāyaṇo hariḥ

the cool-rayed one performed austerity, wholly devoted to meditation on Vishnu. Then the illustrious Narayana Hari, pleased, said to him:

Verse 17 (padma.1.12.17)

वरं वृणीष्व चोवाच परमात्मा जनार्दनः। ततो वव्रे वरं सोमः शक्रलोके यजाम्यहम्।

varaṁ vṛṇīṣva covāca paramātmā janārdanaḥ tato vavre varaṁ somaḥ śakraloke yajāmyaham

'Choose a boon,' spoke that Supreme Self, Janardana. Then Soma chose this boon: 'May I perform sacrifice in the world of Shakra;'

Verse 18 (padma.1.12.18)

प्रत्यक्षमेव भोक्तारो भवंतु मम मंदिरे। राजसूये सुरगणा ब्रह्माद्या ये चतुर्विधाः।

pratyakṣameva bhoktāro bhavaṁtu mama maṁdire rājasūye suragaṇā brahmādyā ye caturvidhāḥ

'and may the hosts of gods, headed by Brahma, of the fourfold order, be the visible partakers of the offerings in my abode, at my Rajasuya sacrifice.'

Verse 19 (padma.1.12.19)

रक्षपालः सुरोस्माकमास्तां शूलधरो हरः। तथेत्युक्तः समाजह्रे राजसूयं तु विष्णुना।

rakṣapālaḥ surosmākamāstāṁ śūladharo haraḥ tathetyuktaḥ samājahre rājasūyaṁ tu viṣṇunā

'And let the trident-bearing Hara be the protecting guardian for us.' 'So be it,' and, with the consent of Vishnu, he undertook the Rajasuya sacrifice.

Verse 20 (padma.1.12.20)

होतात्रिर्भृगुरध्वर्युरुद्गाता च चतुर्मुखः। ब्रह्मत्वमगमत्तस्य उपद्रष्टा हरिः स्वयम्।

hotātrirbhṛguradhvaryurudgātā ca caturmukhaḥ brahmatvamagamattasya upadraṣṭā hariḥ svayam

Atri was the Hotri, Bhrigu the Adhvaryu, and the four-faced Brahma the Udgatri; and the office of the Brahma-priest was taken by Hari himself as overseer.

Verse 21 (padma.1.12.21)

सदस्याः सर्वदेवास्तु राजसूयविधिः स्मृतः। वसवोध्वर्यवस्तद्वद्विश्वेदेवास्तथैव च।

sadasyāḥ sarvadevāstu rājasūyavidhiḥ smṛtaḥ vasavodhvaryavastadvadviśvedevāstathaiva ca

All the gods were the assembly of sacrificial witnesses; thus is the rite of the Rajasuya remembered. The Vasus were likewise assistant priests, and the Vishvedevas likewise,

Verse 22 (padma.1.12.22)

त्रैलोक्यं दक्षिणा तेन ऋत्विग्भ्यः प्रतिपादिता। सोमः प्राप्याथदुष्प्राप्यमैश्वर्यं सृष्टिसत्कृतं।

trailokyaṁ dakṣiṇā tena ṛtvigbhyaḥ pratipāditā somaḥ prāpyāthaduṣprāpyamaiśvaryaṁ sṛṣṭisatkṛtaṁ

and the three worlds were given by him as the sacrificial fee to the priests. Soma, having thus obtained sovereignty, hard to attain, honored throughout creation,

Verse 23 (padma.1.12.23)

सप्तलोकैकनाथत्वं प्राप्तस्स्वतपसा तदा। कदाचिदुद्यानगतामपश्यदनेकपुष्पाभरणोपशोभाम्।

saptalokaikanāthatvaṁ prāptassvatapasā tadā kadācidudyānagatāmapaśyadanekapuṣpābharaṇopaśobhām

attained then, by his own austerity, sole lordship over the seven worlds. Once, having gone to a garden, he saw Tara, resplendent with many flower-ornaments,

Verse 24 (padma.1.12.24)

बृहन्नितंबस्तनभारखेदां पुष्पावभंगेप्यतिदुर्बलांगीं। भार्यां च तां देवगुरोरनंगबाणाभिरामायत चारुनेत्रां।

bṛhannitaṁbastanabhārakhedāṁ puṣpāvabhaṁgepyatidurbalāṁgīṁ bhāryāṁ ca tāṁ devaguroranaṁgabāṇābhirāmāyata cārunetrāṁ

wearied by the weight of her ample hips and breasts, of a form so delicate that even the gathering of flowers exhausted her — the wife of the preceptor of the gods, of lovely eyes, wounded by the arrows of the bodiless god.

Verse 25 (padma.1.12.25)

तारां स ताराधिपतिः स्मरार्तः केशेषु जग्राह विविक्तभूमौ। सापि स्मरार्ता सहते न रेमे तद्रूपकांत्याहृतमानसैव।

tārāṁ sa tārādhipatiḥ smarārtaḥ keśeṣu jagrāha viviktabhūmau sāpi smarārtā sahate na reme tadrūpakāṁtyāhṛtamānasaiva

That lord of the stars, tormented by love, seized Tara by her hair on that secluded ground; she too, tormented by love, could not resist, and, her mind carried away by his beauty, delighted in him.

Verse 26 (padma.1.12.26)

चिरं विहृत्याथ जगाम तारां विधुर्गृहीत्वा स्वगृहं ततोपि। न तृप्तिरासीत्स्वगृहेपि तस्य तारानुरक्तस्य सुखागमेषु।

ciraṁ vihṛtyātha jagāma tārāṁ vidhurgṛhītvā svagṛhaṁ tatopi na tṛptirāsītsvagṛhepi tasya tārānuraktasya sukhāgameṣu

Having sported with her for a long while, the moon then took Tara and went to his own home; even there, he found no satiety in the pleasures that came to him, so attached was he to Tara.

Verse 27 (padma.1.12.27)

बृहस्पतिस्तद्विरहाग्निदग्धस्तद्ध्याननिष्ठैकमना बभूव। शशाक शापं न च दातुमस्मै न मंत्रशस्त्राग्निविषैरनेकैः।

bṛhaspatistadvirahāgnidagdhastaddhyānaniṣṭhaikamanā babhūva śaśāka śāpaṁ na ca dātumasmai na maṁtraśastrāgniviṣairanekaiḥ

Brihaspati, burned by the fire of separation from her, became of one mind, fixed wholly in meditation upon her. Yet he was unable to give him a curse, nor could he, with numerous mantras, weapons, fire or poison,

Verse 28 (padma.1.12.28)

तस्यापकर्तुं विविधैरुपायैर्नैवाभिचारैरपि वागधीशः। स याचयामास ततस्तु देवं सोमं स्वभार्यार्थमनंगतप्तः।

tasyāpakartuṁ vividhairupāyairnaivābhicārairapi vāgadhīśaḥ sa yācayāmāsa tatastu devaṁ somaṁ svabhāryārthamanaṁgataptaḥ

harm him by various means, not even by black magic, that lord of speech. Then, tormented by desire, he entreated the god Soma for the sake of his own wife.

Verse 29 (padma.1.12.29)

स याच्यमानोपि ददौ न भार्यां बृहस्पतेः कामवशेन मोहितः। महेश्वरेणाथ चतुर्मुखेन साध्यैर्मरुद्भिः सह लोकपालैः।

sa yācyamānopi dadau na bhāryāṁ bṛhaspateḥ kāmavaśena mohitaḥ maheśvareṇātha caturmukhena sādhyairmarudbhiḥ saha lokapālaiḥ

But he, even when entreated, deluded by the power of desire, did not give back Brihaspati's wife. Then he was entreated by the great Lord, by the four-faced Brahma, by the Sadhyas, the Maruts, together with the guardians of the world,

Verse 30 (padma.1.12.30)

ददौ यदा तां न कथंचिदिंदुस्तदा शिवः क्रोधपरो बभूव। यो वामदेवप्रथितः पृथिव्यामनेकरुद्रार्चितपादपद्मः।

dadau yadā tāṁ na kathaṁcidiṁdustadā śivaḥ krodhaparo babhūva yo vāmadevaprathitaḥ pṛthivyāmanekarudrārcitapādapadmaḥ

but when the moon still would not give her back by any means, then Shiva became overcome with anger — he who is renowned on earth as Vamadeva, whose lotus feet are worshipped by the many forms of Rudra.

Verse 31 (padma.1.12.31)

ततः सशिष्यो गिरिशः पिनाकी बृहस्पतेः स्नेहवशानुबद्धः। धनुर्गृहीत्वाजगवं पुरारिर्जगाम भूतेश्वरसिद्धजुष्टः।

tataḥ saśiṣyo giriśaḥ pinākī bṛhaspateḥ snehavaśānubaddhaḥ dhanurgṛhītvājagavaṁ purārirjagāma bhūteśvarasiddhajuṣṭaḥ

Then the mountain-dwelling, Pinaka-wielding Shiva, attached out of love for Brihaspati, together with his disciple, taking up his bow named Ajagava, the destroyer of Tripura, set forth, accompanied by the lords of the Bhutas and the Siddhas,

Verse 32 (padma.1.12.32)

युद्धाय सोमेन विशेषदीप्तस्तृतीयनेत्रानलभीमवक्त्रः। सहैव जग्मुश्च गणेश्वराणां विंशाधिका षष्टिरथोग्रमूर्तिः।

yuddhāya somena viśeṣadīptastṛtīyanetrānalabhīmavaktraḥ sahaiva jagmuśca gaṇeśvarāṇāṁ viṁśādhikā ṣaṣṭirathogramūrtiḥ

for battle against Soma, especially resplendent, his face terrible with the fire of his third eye. And along with him went eighty terrible-formed lords of the Ganas,

Verse 33 (padma.1.12.33)

यक्षेश्वराणां सगणैरनेकैर्युतोन्वगात्स्यंदनसंस्थितानां। वेतालयक्षोरगकिन्नराणां पद्मेन चैकेन तथार्बुदानाम्।

yakṣeśvarāṇāṁ sagaṇairanekairyutonvagātsyaṁdanasaṁsthitānāṁ vetālayakṣoragakinnarāṇāṁ padmena caikena tathārbudānām

accompanied by many hosts of lords of the Yakshas, mounted upon chariots — an immense number of Vetalas, Yakshas, serpents and Kinnaras, and many hundred-millions,

Verse 34 (padma.1.12.34)

लक्षैस्त्रिभिर्द्वा दशभी रथानां सोमोप्यगात्तत्र विवृद्धमन्युः। शनैश्चरांगारकवृद्धतेजा नक्षत्रदैत्यासुरसैन्ययुक्तः।

lakṣaistribhirdvā daśabhī rathānāṁ somopyagāttatra vivṛddhamanyuḥ śanaiścarāṁgārakavṛddhatejā nakṣatradaityāsurasainyayuktaḥ

and with three hundred thousand and twelve chariots. Soma too, his fury greatly increased, went there, his splendor augmented by Saturn and Mars, joined by armies of the lunar mansions, Daityas and Asuras.

Verse 35 (padma.1.12.35)

जग्मुर्भयं सप्त तथैव लोका धरावनद्वीपसमुद्रगर्भाः। ससोममेवाभ्यगमत्पिनाकी गृहीतदीप्तास्त्रविशालवह्निः।

jagmurbhayaṁ sapta tathaiva lokā dharāvanadvīpasamudragarbhāḥ sasomamevābhyagamatpinākī gṛhītadīptāstraviśālavahniḥ

All the seven worlds fell into fear, along with the earth, forests, continents, oceans and their depths. The Pinaka-wielder, having taken up his blazing, vast fiery weapon, advanced upon Soma.

Verse 36 (padma.1.12.36)

अथाभवद्भीषण भीम सोम सैन्यद्वयस्याथ महाहवोसौ। अशेषसत्वक्षयकृत्प्रवृद्धस्तीक्ष्णप्रधानो ज्वलनैकरूपः।

athābhavadbhīṣaṇa bhīma soma sainyadvayasyātha mahāhavosau aśeṣasatvakṣayakṛtpravṛddhastīkṣṇapradhāno jvalanaikarūpaḥ

Then arose a terrifying, dreadful, great battle between the two armies of Shiva and Soma, causing the destruction of all living beings, ever intensifying, dominated by sharp weapons, taking the very form of fire.

Verse 37 (padma.1.12.37)

शस्त्रैरथान्योन्यमशेषसैन्यं द्वयोर्जगामक्षयमुग्रतीक्ष्णैः। पतंति शस्त्राणि तथोज्वलानि स्वर्भूमिपातालमलं दहंति।

śastrairathānyonyamaśeṣasainyaṁ dvayorjagāmakṣayamugratīkṣṇaiḥ pataṁti śastrāṇi tathojvalāni svarbhūmipātālamalaṁ dahaṁti

With sharp and terrible weapons, they destroyed each other's entire armies without remainder; blazing weapons fell, burning heaven, earth, and the netherworld intensely.

Verse 38 (padma.1.12.38)

रुद्रः क्रोधाद्ब्रह्मशिरो मुमोच सोमोपि सोमास्त्रममोघवीर्यं। तयोर्निपातेन समुद्रभूम्योरथांतरिक्षस्य च भीतिरासीत्।

rudraḥ krodhādbrahmaśiro mumoca somopi somāstramamoghavīryaṁ tayornipātena samudrabhūmyorathāṁtarikṣasya ca bhītirāsīt

Rudra, in anger, released the Brahmashira weapon; Soma too released the Soma-astra, of unfailing potency. By the falling of these two, the ocean, the earth, and the sky were struck with terror.

Verse 39 (padma.1.12.39)

तदा सुयुद्धं जगतां क्षयाय प्रवृद्धमालोक्य पितामहोपि। ततः प्रविश्याथ कथंचिदेव निवारयामास सुरैः सहैव।

tadā suyuddhaṁ jagatāṁ kṣayāya pravṛddhamālokya pitāmahopi tataḥ praviśyātha kathaṁcideva nivārayāmāsa suraiḥ sahaiva

Then, seeing that great battle grown to the point of destroying the worlds, the Grandsire too, entering somehow into the fray, restrained it, together with the gods.

Verse 40 (padma.1.12.40)

अकारणं किं क्षयकृज्जनानां सोम त्वयापीदमकार्यकार्यं। यस्मात्परस्त्रीहरणाय सोम त्वया कृतं युद्धमतीव भीमम्।

akāraṇaṁ kiṁ kṣayakṛjjanānāṁ soma tvayāpīdamakāryakāryaṁ yasmātparastrīharaṇāya soma tvayā kṛtaṁ yuddhamatīva bhīmam

'Why is this destruction of people, without cause? This is indeed, O Soma, an improper act done by you — for you have waged this exceedingly terrible war for the sake of abducting another's wife.'

Verse 41 (padma.1.12.41)

पापग्रहस्त्वं भविता जनेषु पापोस्यलं वह्निमुखाशिनां त्वं। भार्यामिमामर्पय वाक्पतेस्त्वं प्रमाणयन्नेव मदीय वाचम्।

pāpagrahastvaṁ bhavitā janeṣu pāposyalaṁ vahnimukhāśināṁ tvaṁ bhāryāmimāmarpaya vākpatestvaṁ pramāṇayanneva madīya vācam

'You shall become an inauspicious planet among people; you are indeed sinful, though you are the sustenance of those who partake through fire's mouth. Give back this wife of the lord of speech, honoring my word.'

Verse 42 (padma.1.12.42)

तथेति चोवाच हिमांशुमाली युद्धादपाक्रामदतः प्रशांतः। बृहस्पतिस्तामथ गृह्य तारां हृष्टो जगाम स्वगृहं च रुद्रः।

tatheti covāca himāṁśumālī yuddhādapākrāmadataḥ praśāṁtaḥ bṛhaspatistāmatha gṛhya tārāṁ hṛṣṭo jagāma svagṛhaṁ ca rudraḥ

'So be it,' said the cool-rayed one, and, thus pacified, withdrew from battle. Brihaspati then, taking Tara back, and Rudra too, delighted, went to their own homes.

Verse 43 (padma.1.12.43)

पुलस्त्य उवाच। ततः संवत्सरस्यांते द्वादशादित्यसन्निभः। दिव्यपीताम्बरधरो दिव्याभरणभूषितः।

pulastya uvāca tataḥ saṁvatsarasyāṁte dvādaśādityasannibhaḥ divyapītāmbaradharo divyābharaṇabhūṣitaḥ

Pulastya said: Then, at the end of a year, resembling twelve Adityas in splendor, clad in divine yellow garments, adorned with divine ornaments,

Verse 44 (padma.1.12.44)

तारोदरविनिष्क्रान्तः कुमारस्सूर्यसन्निभः। सर्वार्थशास्त्रविद्विद्वान्हस्तिशास्त्रप्रवर्त्तकः।

tārodaraviniṣkrāntaḥ kumārassūryasannibhaḥ sarvārthaśāstravidvidvānhastiśāstrapravarttakaḥ

emerging from Tara's womb, a boy resembling the sun, a scholar versed in every branch of learning, the founder of the science of elephant-lore,

Verse 45 (padma.1.12.45)

नामयद्राजपुत्रोयं विश्रुतो राजवैद्यकः। राज्ञः सोमस्य पुत्रत्वाद्राजपुत्रो बुधः स्मृतः।

nāmayadrājaputroyaṁ viśruto rājavaidyakaḥ rājñaḥ somasya putratvādrājaputro budhaḥ smṛtaḥ

named — this 'son of the king', renowned as royal physician. Because he was the son of King Soma, he is remembered as Budha, 'the Prince'.

Verse 46 (padma.1.12.46)

जनानां तु स तेजांसि सर्वाण्येवाक्षिपद्बली। ब्रह्माद्यास्तत्र चाजग्मुर्देवा देवर्षिभिः सह।

janānāṁ tu sa tejāṁsi sarvāṇyevākṣipadbalī brahmādyāstatra cājagmurdevā devarṣibhiḥ saha

That mighty child eclipsed the splendor of all people. Brahma and the other gods came there together with the divine sages,

Verse 47 (padma.1.12.47)

बृहस्पतिगृहे सर्वे जातकर्मोत्सवे तदा। पप्रच्छुस्ते सुरास्तारां केन जातः कुमारकः।

bṛhaspatigṛhe sarve jātakarmotsave tadā papracchuste surāstārāṁ kena jātaḥ kumārakaḥ

all to the house of Brihaspati, for the birth-rite celebration. Those gods asked Tara: 'By whom was this boy born?'

Verse 48 (padma.1.12.48)

ततः सा लज्जिता तेषां न किंचिदवदत्तदा। पुनः पुनस्तदा पृष्टा लज्जयंती वरांगना।

tataḥ sā lajjitā teṣāṁ na kiṁcidavadattadā punaḥ punastadā pṛṣṭā lajjayaṁtī varāṁganā

Ashamed before them, she said nothing at that time. Asked again and again, that fair woman, overcome with shame,

Verse 49 (padma.1.12.49)

सोमस्येति चिरादाह ततो गृह्णाद्विधुः सुतं। बुध इत्यकरोन्नाम प्रादाद्राज्यं च भूतले।

somasyeti cirādāha tato gṛhṇādvidhuḥ sutaṁ budha ityakaronnāma prādādrājyaṁ ca bhūtale

finally, after a long while, said: 'He is Soma's.' Then the moon accepted the son, gave him the name Budha, and gave him a kingdom upon the earth.

Verse 50 (padma.1.12.50)

अभिषेकं ततः कृत्वा प्रदानमकरोद्विभुः। ग्रहमध्यं प्रदायाथ ब्रह्मा ब्रह्मर्षिभिर्युतः।

abhiṣekaṁ tataḥ kṛtvā pradānamakarodvibhuḥ grahamadhyaṁ pradāyātha brahmā brahmarṣibhiryutaḥ

Having then performed his consecration, the mighty one made the gift. Having placed him among the ranks of the planets, Brahma, together with the Brahmarshis,

Verse 51 (padma.1.12.51)

पश्यतां सर्वभूतानां तत्रैवांतरधीयत। इलोदरे च धर्मिष्ठं बुधः पुत्रमजीजनत्।

paśyatāṁ sarvabhūtānāṁ tatraivāṁtaradhīyata ilodare ca dharmiṣṭhaṁ budhaḥ putramajījanat

vanished right there, in the sight of all beings. And in Ila's womb, Budha begot a most righteous son,

Verse 52 (padma.1.12.52)

अश्वमेधशतंसाग्रमकरोद्यस्स्वतेजसा। पुरूरवा इति ख्यातः सर्वलोकनमस्कृतः।

aśvamedhaśataṁsāgramakarodyassvatejasā purūravā iti khyātaḥ sarvalokanamaskṛtaḥ

who, by his own power, performed a full hundred Ashvamedha sacrifices, renowned as Pururavas, saluted by all the worlds.

Verse 53 (padma.1.12.53)

हिमवच्छिखरे रम्ये समाराध्य पितामहं। लोकैश्वर्यमगाद्राजन्सप्तद्वीपपतिस्तदा।

himavacchikhare ramye samārādhya pitāmahaṁ lokaiśvaryamagādrājansaptadvīpapatistadā

Having propitiated the Grandsire on a lovely peak of the Himalaya, he, O king, attained lordship over the worlds, becoming then the lord of the seven continents.

Verse 54 (padma.1.12.54)

केशिप्रभृतयो दैत्यास्तद्भृत्यत्वं समागताः। उर्वशी यस्य पत्नीत्वमगमद्रूपमोहिता।

keśiprabhṛtayo daityāstadbhṛtyatvaṁ samāgatāḥ urvaśī yasya patnītvamagamadrūpamohitā

The Daityas headed by Keshi came into his service; and Urvashi, enchanted by his beauty, became his wife.

Verse 55 (padma.1.12.55)

सप्तद्वीपावसुमती सशैलवनकानना। धर्मेण पालिता तेन सर्वलोकहितैषिणा।

saptadvīpāvasumatī saśailavanakānanā dharmeṇa pālitā tena sarvalokahitaiṣiṇā

The seven-continented earth, together with its mountains and forests, was righteously protected by him, ever seeking the welfare of all worlds.

Verse 56 (padma.1.12.56)

चामरग्रहणाकीर्तिः स्वयं चैवांगवाहिका। ब्रह्मप्रसादाद्देवेंद्रो ददावर्द्धासनं तदा।

cāmaragrahaṇākīrtiḥ svayaṁ caivāṁgavāhikā brahmaprasādāddeveṁdro dadāvarddhāsanaṁ tadā

The fame of holding the chowrie himself was his, and he himself bore that duty; by the grace of Brahma, the king of gods then gave him half his own throne.

Verse 57 (padma.1.12.57)

धर्मार्थकामान्धर्मेण समवेतोभ्यपालयत्। धर्मार्थकामास्तं द्रष्टुमाजग्मुः कौतुकान्विताः।

dharmārthakāmāndharmeṇa samavetobhyapālayat dharmārthakāmāstaṁ draṣṭumājagmuḥ kautukānvitāḥ

He, righteously united, protected Dharma, Artha and Kama. Dharma, Artha, and Kama came, filled with curiosity, to see him,

Verse 58 (padma.1.12.58)

जिज्ञासवस्तच्चरितं कथं पश्यति नः समम्। भक्त्या चक्रे ततस्तेषामर्घ्यपाद्यादिकं ततः।

jijñāsavastaccaritaṁ kathaṁ paśyati naḥ samam bhaktyā cakre tatasteṣāmarghyapādyādikaṁ tataḥ

desiring to know his conduct — how he regards them equally. He then, with devotion, performed for them the offerings of Arghya and Padya,

Verse 59 (padma.1.12.59)

आसनत्रयमानीय दिव्यं कनकभूषणम्। निवेश्याथाकरोत्पूजामीषद्धर्मेधिकां पुनः।

āsanatrayamānīya divyaṁ kanakabhūṣaṇam niveśyāthākarotpūjāmīṣaddharmedhikāṁ punaḥ

bringing three seats, divine, adorned with gold; and, having seated them, he then performed worship, showing slightly greater honor to Dharma.

Verse 60 (padma.1.12.60)

जग्मतुस्तौ च कामार्थावतिकोपं नृपं प्रति। अर्थः शापमदात्तस्मै लोभात्त्वं नाशमेष्यसि।

jagmatustau ca kāmārthāvatikopaṁ nṛpaṁ prati arthaḥ śāpamadāttasmai lobhāttvaṁ nāśameṣyasi

Kama and Artha became greatly enraged toward the king. Artha gave him a curse: 'Through greed, you shall come to ruin.'

Verse 61 (padma.1.12.61)

कामोप्याह तवोन्मादो भविता गंधमादने। कुमारवनमाश्रित्य वियोगाच्चोर्वशीभवात्।

kāmopyāha tavonmādo bhavitā gaṁdhamādane kumāravanamāśritya viyogāccorvaśībhavāt

Kama too said: 'Madness shall come upon you on Mount Gandhamadana, resorting to the Kumara forest, from separation, on account of Urvashi.'

Verse 62 (padma.1.12.62)

धर्मोप्याह चिरायुस्त्वं धार्मिकश्च भविष्यसि। संततिस्तव राजेंद्र यावदाचंद्रतारकम्।

dharmopyāha cirāyustvaṁ dhārmikaśca bhaviṣyasi saṁtatistava rājeṁdra yāvadācaṁdratārakam

Dharma too said: 'You shall be long-lived, and shall become righteous; your progeny, O lord of kings, shall last as long as the moon and stars,'

Verse 63 (padma.1.12.63)

शतशो वृद्धिमायाति न नाशं भुवि यास्यति। षष्टिं वर्षाणि चोन्माद ऊर्वशीकामसंभवः।

śataśo vṛddhimāyāti na nāśaṁ bhuvi yāsyati ṣaṣṭiṁ varṣāṇi conmāda ūrvaśīkāmasaṁbhavaḥ

'increasing a hundredfold, and shall never perish upon the earth.' 'For sixty years, madness born of passion for Urvashi shall afflict you,'

Verse 64 (padma.1.12.64)

अचिरादेव भार्यापि वशमेष्यति चाप्सराः। इत्युक्त्वांतर्दधुः सर्वे राजा राज्यं तदान्वभूत्।

acirādeva bhāryāpi vaśameṣyati cāpsarāḥ ityuktvāṁtardadhuḥ sarve rājā rājyaṁ tadānvabhūt

'but before long, your wife, the Apsaras, shall come again into your power.' Having said this, all vanished; the king then continued to enjoy his kingdom.

Verse 65 (padma.1.12.65)

अहन्यहनि देवेंद्रं द्रष्टुं याति पुरूरवाः। कदाचिदारुह्य रथं दक्षिणांबरचारिणा।

ahanyahani deveṁdraṁ draṣṭuṁ yāti purūravāḥ kadācidāruhya rathaṁ dakṣiṇāṁbaracāriṇā

Day after day, Pururavas would go to see the king of gods. Once, having mounted his chariot, journeying through the southern sky,

Verse 66 (padma.1.12.66)

सार्धं शक्रेण सोऽपश्यन्नीयमानामथांबरे। केशिना दानवेंद्रेण चित्रलेखामथोर्वशीम्।

sārdhaṁ śakreṇa so'paśyannīyamānāmathāṁbare keśinā dānaveṁdreṇa citralekhāmathorvaśīm

together with Shakra, he saw, being carried off through the sky by the lord of the Danavas, Keshi, an Apsaras named Chitralekha, and Urvashi too.

Verse 67 (padma.1.12.67)

तं विनिर्जित्य समरे विविधायुधपातनैः। पुरा शक्रोपि समरे येन वज्री विनिर्जितः।

taṁ vinirjitya samare vividhāyudhapātanaiḥ purā śakropi samare yena vajrī vinirjitaḥ

Having utterly defeated him in battle with the discharge of various weapons — he by whom even the thunderbolt-wielder Shakra had once been defeated in battle —

Verse 68 (padma.1.12.68)

मित्रत्वमगमत्तेन प्रादादिंद्राय चोर्वशीं। ततःप्रभृति मित्रत्वमगमत्पाकशासनः।

mitratvamagamattena prādādiṁdrāya corvaśīṁ tataḥprabhṛti mitratvamagamatpākaśāsanaḥ

they came into friendship, and Pururavas gave Urvashi back to Indra. From then on, the chastiser of Paka

Verse 69 (padma.1.12.69)

सर्वलोकेतिशयितं पुरूरवसमेव तम्। प्राह वज्री तु संतुष्टो नीयतामियमेव च।

sarvaloketiśayitaṁ purūravasameva tam prāha vajrī tu saṁtuṣṭo nīyatāmiyameva ca

regarded that very Pururavas as surpassing all the worlds. And the wielder of the thunderbolt, greatly pleased, said: 'Let her be taken by you.'

Verse 70 (padma.1.12.70)

सा पुरूरवसः प्रीत्यै चागायच्चरितं महत्। लक्ष्मीस्वयंवरंनाम भरतेन प्रवर्तितम्।

sā purūravasaḥ prītyai cāgāyaccaritaṁ mahat lakṣmīsvayaṁvaraṁnāma bharatena pravartitam

For the delight of Pururavas, she then sang the great tale called 'The Self-Choice of Lakshmi', composed by Bharata,

Verse 71 (padma.1.12.71)

मेनकां चोर्वशीं रंभां नृत्यध्वमिति चादिशत्। ननर्त सलयं तत्र लक्ष्मीरूपेण चोर्वशी।

menakāṁ corvaśīṁ raṁbhāṁ nṛtyadhvamiti cādiśat nanarta salayaṁ tatra lakṣmīrūpeṇa corvaśī

and instructed Menaka, Urvashi, and Rambha, saying: 'Dance!' There, Urvashi danced rhythmically, in the guise of Lakshmi;

Verse 72 (padma.1.12.72)

सा पुरूरवसं दृष्ट्वा नृत्यंती कामपीडिता। विस्मृताभिनयं सर्वं यत्पुरातनचोदितम्।

sā purūravasaṁ dṛṣṭvā nṛtyaṁtī kāmapīḍitā vismṛtābhinayaṁ sarvaṁ yatpurātanacoditam

but she, seeing Pururavas as she danced, tormented by desire, forgot entirely the choreography which had been directed of old.

Verse 73 (padma.1.12.73)

शशाप भरतः क्रोधाद्वियोगात्तस्य भूतले। पंचपंचाशदब्दानि लताभूता भविष्यसि।

śaśāpa bharataḥ krodhādviyogāttasya bhūtale paṁcapaṁcāśadabdāni latābhūtā bhaviṣyasi

Bharata, in anger, cursed her: 'Through separation from him upon the earth, for fifty-five years you shall become a creeper.'

Verse 74 (padma.1.12.74)

ततस्तमुर्वशी गत्वा भर्त्तारमकरोच्चिरं। शापानुभवनांते च उर्वशी बुधसूनुना।

tatastamurvaśī gatvā bharttāramakarocciraṁ śāpānubhavanāṁte ca urvaśī budhasūnunā

Then Urvashi went to him and made him her husband for a long time. And after undergoing the fruit of the curse, Urvashi, by Budha's grandson,

Verse 75 (padma.1.12.75)

अजीजनत्सुतानष्टौ नामतस्तान्निबोध मे। आयुर्दृढायुर्वश्यायुर्बलायुर्धृतिमान्वसुः।

ajījanatsutānaṣṭau nāmatastānnibodha me āyurdṛḍhāyurvaśyāyurbalāyurdhṛtimānvasuḥ

bore eight sons; learn their names from me: Ayu, Dridhayu, Vashyayu, Balayu, Dhritiman, Vasu,

Verse 76 (padma.1.12.76)

दिव्यजायुः शतायुश्च सर्वे दिव्यबलौजसः। आयुषो नहुषः पुत्रो वृद्धशर्मा तथैव च।

divyajāyuḥ śatāyuśca sarve divyabalaujasaḥ āyuṣo nahuṣaḥ putro vṛddhaśarmā tathaiva ca

Divyajayu, and Shatayu — all endowed with divine strength and vigor. Nahusha was the son of Ayu, and likewise Vriddhasharma,

Verse 77 (padma.1.12.77)

रजिर्दंडो विशाखश्च वीराः पंचमहारथाः। रजेः पुत्रशतं जज्ञे राजेया इति विश्रुतं।

rajirdaṁḍo viśākhaśca vīrāḥ paṁcamahārathāḥ rajeḥ putraśataṁ jajñe rājeyā iti viśrutaṁ

Raji, Danda, and Vishakha — five heroic great warriors. From Raji were born a hundred sons, renowned as the Rajeyas.

Verse 78 (padma.1.12.78)

रजिराराधयामास नारायणमकल्मषं। तपसा तोषितो विष्णुर्वरं प्रादान्महीपतेः।

rajirārādhayāmāsa nārāyaṇamakalmaṣaṁ tapasā toṣito viṣṇurvaraṁ prādānmahīpateḥ

Raji propitiated the sinless Narayana; pleased by his austerity, Vishnu granted a boon to that lord of the earth.

Verse 79 (padma.1.12.79)

देवासुरमनुष्याणामभूत्स विजयी तदा। अथ देवासुरं युद्धमभूद्वर्षशतत्रयम्।

devāsuramanuṣyāṇāmabhūtsa vijayī tadā atha devāsuraṁ yuddhamabhūdvarṣaśatatrayam

He then became victorious over gods, asuras, and men. Then a war between gods and asuras raged for three hundred years,

Verse 80 (padma.1.12.80)

प्रह्लादशक्रयोर्भीमं न कश्चिद्विजयी तयोः। ततो देवासुरैः पृष्टः पृथग्देवश्चतुर्मुखः।

prahlādaśakrayorbhīmaṁ na kaścidvijayī tayoḥ tato devāsuraiḥ pṛṣṭaḥ pṛthagdevaścaturmukhaḥ

terrible, between Prahlada and Shakra, and neither was victorious. Then, separately, the four-faced god was asked by both gods and asuras:

Verse 81 (padma.1.12.81)

अनयोर्विजयी कः स्याद्रजिर्यत्रेति सोब्रवीत्। जयाय प्रार्थितो राजा सहायस्त्वं भवस्व नः।

anayorvijayī kaḥ syādrajiryatreti sobravīt jayāya prārthito rājā sahāyastvaṁ bhavasva naḥ

'Who shall be victorious between these two?' He said: 'Whichever side Raji joins.' The king, entreated for victory, was told by each: 'Be our ally.'

Verse 82 (padma.1.12.82)

दैत्यैः प्राह यदि स्वामी वो भवामि ततस्त्वलम्। नासुरैः प्रतिपन्नं तत्प्रतिपन्नं सुरैस्तदा।

daityaiḥ prāha yadi svāmī vo bhavāmi tatastvalam nāsuraiḥ pratipannaṁ tatpratipannaṁ suraistadā

To the Daityas he said: 'If I become your lord, then indeed I will help you.' This was not accepted by the Asuras; but it was accepted by the gods,

Verse 83 (padma.1.12.83)

स्वामी भव त्वमस्माकं बलनाशय विद्विषः। ततो विनाशिताः सर्वे ये वध्या वज्रपाणिनः।

svāmī bhava tvamasmākaṁ balanāśaya vidviṣaḥ tato vināśitāḥ sarve ye vadhyā vajrapāṇinaḥ

'Become our lord, and by your might destroy our enemies.' Then all those, who were fit to be slain by the thunderbolt-wielder, were destroyed.

Verse 84 (padma.1.12.84)

पुत्रत्वमगमत्तुष्टस्तस्येंद्रः कर्मणा ततः। दत्त्वेंद्राय पुरा राज्यं जगाम तपसे रजिः।

putratvamagamattuṣṭastasyeṁdraḥ karmaṇā tataḥ dattveṁdrāya purā rājyaṁ jagāma tapase rajiḥ

Indra, pleased, then came to accept the status of his son through that deed. Having given the kingdom to Indra of old, Raji went for austerity.

Verse 85 (padma.1.12.85)

रजिपुत्रैस्तदाछिन्नं बलादिंद्रस्य वैयदा। यज्ञभागश्च राज्यं च तपोबलगुणान्वितैः।

rajiputraistadāchinnaṁ balādiṁdrasya vaiyadā yajñabhāgaśca rājyaṁ ca tapobalaguṇānvitaiḥ

Then, when Raji's sons, endowed with the power of austerity, forcibly seized Indra's share of sacrifice and his kingdom,

Verse 86 (padma.1.12.86)

राज्यभ्रष्टस्ततः शक्रो रजिपुत्रनिपीडितः। प्राह वाचस्पतिं दीनः पीडितोऽस्मि रजेः सुतैः।

rājyabhraṣṭastataḥ śakro rajiputranipīḍitaḥ prāha vācaspatiṁ dīnaḥ pīḍito'smi rajeḥ sutaiḥ

Shakra, thus deprived of his kingdom, oppressed by Raji's sons, said wretchedly to Brihaspati: 'I am oppressed by the sons of Raji.'

Verse 87 (padma.1.12.87)

न यज्ञभागो राज्यं मे पीडितस्य बृहस्पते। राज्यलाभाय मे यत्नं विधत्स्व धिषणाधिप।

na yajñabhāgo rājyaṁ me pīḍitasya bṛhaspate rājyalābhāya me yatnaṁ vidhatsva dhiṣaṇādhipa

'Neither my share of sacrifice nor my kingdom remains to me, O Brihaspati, thus oppressed. Make an effort for the regaining of my kingdom.'

Verse 88 (padma.1.12.88)

ततो बृहस्पतिः शक्रमकरोद्बलदर्पितम्। ग्रहशांतिविधानेन पौष्टिकेन च कर्मणा।

tato bṛhaspatiḥ śakramakarodbaladarpitam grahaśāṁtividhānena pauṣṭikena ca karmaṇā

Then Brihaspati made Shakra proud with strength again, through the rite of planetary propitiation and through nourishing rites,

Verse 89 (padma.1.12.89)

गत्वाथ मोहयामास रजिपुत्रान्बृहस्पतिः। जिनधर्मं समास्थाय वेदबाह्यं स धर्मवित्।

gatvātha mohayāmāsa rajiputrānbṛhaspatiḥ jinadharmaṁ samāsthāya vedabāhyaṁ sa dharmavit

and, going, Brihaspati deluded them, causing them, that knower of dharma, to adopt the Jina-dharma, which lies outside the Veda,

Verse 90 (padma.1.12.90)

वेदत्रयीपरिभ्रष्टांश्चकार धिषणाधिपः। वेदबाह्यान्परिज्ञाय हेतुवादसमन्वितान्।

vedatrayīparibhraṣṭāṁścakāra dhiṣaṇādhipaḥ vedabāhyānparijñāya hetuvādasamanvitān

and the lord of wisdom made them fall away from the threefold Veda. Knowing them to be outside the Veda, given to sophistic argument,

Verse 91 (padma.1.12.91)

जघान शक्रो वज्रेण सर्वान्धर्मबहिष्कृतान्। नहुषस्य प्रवक्ष्यामि पुत्रान्सप्तैव धार्मिकान्।

jaghāna śakro vajreṇa sarvāndharmabahiṣkṛtān nahuṣasya pravakṣyāmi putrānsaptaiva dhārmikān

Shakra slew them all with his thunderbolt, now cast out from dharma. Now I shall tell of Nahusha's seven righteous sons:

Verse 92 (padma.1.12.92)

यतिर्ययातिश्शर्यातिरुत्तरः पर एव च। अयतिर्वियतिश्चैव सप्तैते वंशवर्द्धनाः।

yatiryayātiśśaryātiruttaraḥ para eva ca ayatirviyatiścaiva saptaite vaṁśavarddhanāḥ

Yati, Yayati, Sharyati, Uttara, and Para, Ayati and Viyati — these seven were the increasers of the lineage.

Verse 93 (padma.1.12.93)

यतिः कुमारभावेपि योगी वैखानसोभवत्। ययातिरकरोद्राज्यं धर्मैकशरणः सदा।

yatiḥ kumārabhāvepi yogī vaikhānasobhavat yayātirakarodrājyaṁ dharmaikaśaraṇaḥ sadā

Yati, even from boyhood, became a yogi, a Vaikhanasa ascetic. Yayati took up the kingdom, ever devoted solely to dharma.

Verse 94 (padma.1.12.94)

शर्मिष्ठा तस्य भार्याभूद्दुहिता वृषपर्वणः। भार्गवस्यात्मजा चैव देवयानी च सुव्रता।

śarmiṣṭhā tasya bhāryābhūdduhitā vṛṣaparvaṇaḥ bhārgavasyātmajā caiva devayānī ca suvratā

Sharmishtha, daughter of Vrishaparvan, was his wife; and also the daughter of the descendant of Bhrigu, the virtuous Devayani.

Verse 95 (padma.1.12.95)

ययातेः पंचदायादास्तान्प्रवक्ष्यामि नामतः। देवयानी यदुं पुत्रं तुर्वसुं चाप्यजीजनत्।

yayāteḥ paṁcadāyādāstānpravakṣyāmi nāmataḥ devayānī yaduṁ putraṁ turvasuṁ cāpyajījanat

Yayati had five heirs; I shall name them for you: Devayani bore the sons Yadu and Turvasu,

Verse 96 (padma.1.12.96)

तथा द्रुह्यमणं पूरुं शर्मिष्ठाजनयत्सुतान्। यदुः पूरूश्च भरतस्ते वै वंशविवर्द्धनाः।

tathā druhyamaṇaṁ pūruṁ śarmiṣṭhājanayatsutān yaduḥ pūrūśca bharataste vai vaṁśavivarddhanāḥ

and Sharmishtha bore the sons Druhyu, Anu, and Puru. Yadu, Puru, and Bharata — these were the increasers of the lineage.

Verse 97 (padma.1.12.97)

पूरोर्वंशं प्रवक्ष्यामि यत्र जातोसि पार्थिव। यदोस्तु यादवा जाता यत्र तौ बलकेशवौ।

pūrorvaṁśaṁ pravakṣyāmi yatra jātosi pārthiva yadostu yādavā jātā yatra tau balakeśavau

I shall tell the lineage of Puru, in which you, O king, were born; and from Yadu were born the Yadavas, in which lineage were born Bala and Keshava,

Verse 98 (padma.1.12.98)

भारावतारणार्थाय पांडवानां हिताय च। यदोः पुत्रा बभूवुश्च पंच देवसुतोपमाः।

bhārāvatāraṇārthāya pāṁḍavānāṁ hitāya ca yadoḥ putrā babhūvuśca paṁca devasutopamāḥ

for the purpose of relieving the earth's burden and for the welfare of the Pandavas. Yadu had five sons, resembling the sons of gods:

Verse 99 (padma.1.12.99)

सहस्रजित्तथा ज्येष्ठः क्रोष्टा नीलोञ्जिको रघुः। सहस्रजितो दायादः शतजिन्नाम पार्थिवः।

sahasrajittathā jyeṣṭhaḥ kroṣṭā nīloñjiko raghuḥ sahasrajito dāyādaḥ śatajinnāma pārthivaḥ

Sahasrajit, the eldest, and Kroshta, Nila, Anjika, and Raghu. Sahasrajit's heir was the king named Shatajit,

Verse 100 (padma.1.12.100)

शतजितश्च दायादास्त्रयः परमधार्मिकाः। हैहयश्च हयश्चैव तथा तालहयश्च यः।

śatajitaśca dāyādāstrayaḥ paramadhārmikāḥ haihayaśca hayaścaiva tathā tālahayaśca yaḥ

and Shatajit's heirs were three, most righteous: Haihaya, and Haya, and Talahaya.

Verse 101 (padma.1.12.101)

हैहयस्य तु दायादो धर्मनेत्रः प्रतिश्रुतः। धर्मनेत्रस्य कुंतिस्तु संहतस्तस्य चात्मजः।

haihayasya tu dāyādo dharmanetraḥ pratiśrutaḥ dharmanetrasya kuṁtistu saṁhatastasya cātmajaḥ

Haihaya's heir was the renowned Dharmanetra; Dharmanetra's son was Kunti, and Sanhata was his son.

Verse 102 (padma.1.12.102)

संहतस्य तु दायादो महिष्मान्नाम पार्थिवः। आसीन्महिष्मतः पुत्रो भद्रसेनः प्रतापवान्।

saṁhatasya tu dāyādo mahiṣmānnāma pārthivaḥ āsīnmahiṣmataḥ putro bhadrasenaḥ pratāpavān

Sanhata's heir was the king named Mahishmat; Mahishmat's son was the mighty Bhadrasena.

Verse 103 (padma.1.12.103)

वाराणस्यामभूद्राजा कथितः पूर्वमेव हि। भद्रसेनस्य पुत्रस्तु दुर्दमो नाम धार्मिकः।

vārāṇasyāmabhūdrājā kathitaḥ pūrvameva hi bhadrasenasya putrastu durdamo nāma dhārmikaḥ

He became king at Varanasi, as already told before. Bhadrasena's son was the righteous one named Durdama.

Verse 104 (padma.1.12.104)

दुर्दमस्य सुतो भीमो धनको नाम वीर्यवान्। धनकस्य सुता ह्यासन्चत्वारो लोकविश्रुताः।

durdamasya suto bhīmo dhanako nāma vīryavān dhanakasya sutā hyāsancatvāro lokaviśrutāḥ

Durdama's mighty son was named Dhanaka. Dhanaka had four sons, renowned throughout the world:

Verse 105 (padma.1.12.105)

कृताग्निः कृतवीर्यश्च कृतधर्मा तथैव च। कृतौजाश्च चतुर्थोभूत्कृतवीर्याच्च सोर्जुनः।

kṛtāgniḥ kṛtavīryaśca kṛtadharmā tathaiva ca kṛtaujāśca caturthobhūtkṛtavīryācca sorjunaḥ

Kritagni, and Kritavirya, and Kritadharma, and Kritauja was the fourth. From Kritavirya was born Arjuna,

Verse 106 (padma.1.12.106)

जातो बाहुसहस्रेण सप्तद्वीपेश्वरो नृपः। वर्षायुतं तपस्तेपे दुश्चरं पृथिवीपतिः।

jāto bāhusahasreṇa saptadvīpeśvaro nṛpaḥ varṣāyutaṁ tapastepe duścaraṁ pṛthivīpatiḥ

born with a thousand arms, king, lord of the seven continents. That lord of the earth performed hard-to-accomplish austerity for ten thousand years,

Verse 107 (padma.1.12.107)

दत्तमाराधयामास कार्त्तवीर्योत्रिसंभवम्। तस्मै दत्तो वरान्प्रादाच्चतुरः पुरुषोत्तमः।

dattamārādhayāmāsa kārttavīryotrisaṁbhavam tasmai datto varānprādāccaturaḥ puruṣottamaḥ

Kartavirya propitiating Datta, son of Atri. To him, Datta, the best of beings, granted four boons.

Verse 108 (padma.1.12.108)

पूर्वं बाहुसहस्रं तु स वव्रे राजसत्तमः। अधर्मं ध्यायमानस्य भीतिश्चापि निवारणम्।

pūrvaṁ bāhusahasraṁ tu sa vavre rājasattamaḥ adharmaṁ dhyāyamānasya bhītiścāpi nivāraṇam

First, that best of kings chose a thousand arms; and also the removal of fear when contemplating unrighteousness,

Verse 109 (padma.1.12.109)

युद्धेन पृथिवीं जित्वा धर्मेणावाप्य वै बलम्। संग्रामे वर्तमानस्य वधश्चैवाधिकाद्भवेत्।

yuddhena pṛthivīṁ jitvā dharmeṇāvāpya vai balam saṁgrāme vartamānasya vadhaścaivādhikādbhavet

the conquest of the earth by battle, the attainment of strength through righteousness, and that in battle, he should be slain only by one superior to himself.

Verse 110 (padma.1.12.110)

एतेनेयं वसुमती सप्तद्वीपा सपत्तना। सप्तोदधि परिक्षिप्ता क्षात्रेण विधिना जिता।

eteneyaṁ vasumatī saptadvīpā sapattanā saptodadhi parikṣiptā kṣātreṇa vidhinā jitā

By him, this earth, of seven continents, with its cities, encircled by the seven oceans, was conquered according to the way of the warrior.

Verse 111 (padma.1.12.111)

जज्ञे बाहुसहस्रं च इच्छतस्तस्य धीमतः। सर्वे यज्ञा महाबाहोस्तस्यासन्भूरिदक्षिणाः।

jajñe bāhusahasraṁ ca icchatastasya dhīmataḥ sarve yajñā mahābāhostasyāsanbhūridakṣiṇāḥ

A thousand arms were granted to that wise one, according to his desire. All the sacrifices of that mighty-armed one were rich in sacrificial fees;

Verse 112 (padma.1.12.112)

सर्वे कांचनयूपास्ते सर्वे कांचनवेदिकाः। सर्वे देवैश्च संप्राप्ता विमानस्थैरलंकृतैः।

sarve kāṁcanayūpāste sarve kāṁcanavedikāḥ sarve devaiśca saṁprāptā vimānasthairalaṁkṛtaiḥ

all had sacrificial posts of gold, all had altars of gold; all were attended by the gods, mounted on their adorned aerial cars,

Verse 113 (padma.1.12.113)

गंधर्वैरप्सरोभिश्च नित्यमेवापि सेविताः। यस्य यज्ञे जगौ गाथा गंधंर्वो नारदस्तथा।

gaṁdharvairapsarobhiśca nityamevāpi sevitāḥ yasya yajñe jagau gāthā gaṁdhaṁrvo nāradastathā

and were ever served by Gandharvas and Apsarases. At whose sacrifice, the Gandharva and Narada likewise sang this verse:

Verse 114 (padma.1.12.114)

कार्त्तवीर्यस्य राजर्षेर्महिमानं निरीक्ष्य सः। न नूनं कार्त्तवीर्यस्य गतिं यास्यंति पार्थिवाः।

kārttavīryasya rājarṣermahimānaṁ nirīkṣya saḥ na nūnaṁ kārttavīryasya gatiṁ yāsyaṁti pārthivāḥ

having beheld the greatness of the royal sage Kartavirya: 'Surely no other kings shall attain the state of Kartavirya —'

Verse 115 (padma.1.12.115)

यज्ञैर्दानैस्तपोभिश्च विक्रमेण श्रुतेन च। सप्तद्वीपाननुचरन्वेगेन पवनोपमः।

yajñairdānaistapobhiśca vikrameṇa śrutena ca saptadvīpānanucaranvegena pavanopamaḥ

'by sacrifices, by gifts, by austerities, by valor, and by learning' — traversing the seven continents with a speed like the wind,

Verse 116 (padma.1.12.116)

पंचाशीतिसहस्राणि वर्षाणां च नराधिपः। सप्तद्वीपपृथिव्याश्च चक्रवर्ती बभूव ह।

paṁcāśītisahasrāṇi varṣāṇāṁ ca narādhipaḥ saptadvīpapṛthivyāśca cakravartī babhūva ha

for eighty-five thousand years, that lord of men became the universal sovereign of the seven-continent earth.

Verse 117 (padma.1.12.117)

स एव पशुपालोभूत्क्षेत्रपालः स एव हि। स एव वृष्ट्या पर्जन्यो योगित्वादर्जुनोभवत्।

sa eva paśupālobhūtkṣetrapālaḥ sa eva hi sa eva vṛṣṭyā parjanyo yogitvādarjunobhavat

He himself became the protector of cattle, he himself the protector of the fields; he himself, by his rain, was as Parjanya, and through his mastery of yoga, he became truly Arjuna.

Verse 118 (padma.1.12.118)

योसौ बाहुसहस्रेण ज्याघातकठिनत्वचा। भाति रश्मिसहस्रेण शारदेनेव भास्करः।

yosau bāhusahasreṇa jyāghātakaṭhinatvacā bhāti raśmisahasreṇa śāradeneva bhāskaraḥ

He, with his thousand arms, his skin hardened by the recoil of the bowstring, shines with his thousand rays like the autumn sun.

Verse 119 (padma.1.12.119)

एष नाम मनुष्येषु माहिष्मत्यां महाद्युतिः। एष वेगं समुद्रस्य प्रावृट्काले भजेत वै।

eṣa nāma manuṣyeṣu māhiṣmatyāṁ mahādyutiḥ eṣa vegaṁ samudrasya prāvṛṭkāle bhajeta vai

He indeed, of great splendor, is renowned among men at Mahishmati. He indeed, at the time of the monsoon, would take on the force of the ocean,

Verse 120 (padma.1.12.120)

क्रीडते स्वसुखा ये विप्रतिस्रोतो महीपतिः। ललनाः क्रीडता तेन प्रतिबद्धोर्मिमालिनी।

krīḍate svasukhā ye vipratisroto mahīpatiḥ lalanāḥ krīḍatā tena pratibaddhormimālinī

this lord of the earth, sporting for his own pleasure, against the current. Playing thus with the women, he obstructed the garland of waves —

Verse 121 (padma.1.12.121)

ऊर्मिभ्रुकुटिमाला सा शंकिताभ्येति नर्मदा। एष एव मनोर्वंशे त्ववगाहेन्महार्णवम्।

ūrmibhrukuṭimālā sā śaṁkitābhyeti narmadā eṣa eva manorvaṁśe tvavagāhenmahārṇavam

the Narmada, her waves like knitted brows, would approach in apprehension. He indeed, in the lineage of Manu, would plunge into the great ocean,

Verse 122 (padma.1.12.122)

करेणोद्धृत्य वेगं तु कामिनीप्रीणनेन तु। तस्य बाहुसहस्रेण क्षोभ्यमाणे महोदधौ।

kareṇoddhṛtya vegaṁ tu kāminīprīṇanena tu tasya bāhusahasreṇa kṣobhyamāṇe mahodadhau

lifting up its force with his arms, for the delight of his beloved women. When the great ocean was agitated by his thousand arms,

Verse 123 (padma.1.12.123)

भवंति लीना निश्चेष्टाः पातालस्था महासुराः। तदूरुक्षोभचकिता अमृतोत्पादशंकिताः।

bhavaṁti līnā niśceṣṭāḥ pātālasthā mahāsurāḥ tadūrukṣobhacakitā amṛtotpādaśaṁkitāḥ

the great Asuras dwelling in Patala would become still and motionless, terrified by that disturbance of his thighs, suspecting a churning for nectar once more,

Verse 124 (padma.1.12.124)

नता निश्चलमूर्द्धानो भवंति च महोरगाः। एष धन्वी च चिक्षेप रावणं प्रति सायकान्।

natā niścalamūrddhāno bhavaṁti ca mahoragāḥ eṣa dhanvī ca cikṣepa rāvaṇaṁ prati sāyakān

and the great serpents would bow their heads motionless. This bow-wielder also loosed arrows against Ravana —

Verse 125 (padma.1.12.125)

एष धन्वी धनुर्गृह्य उत्सिक्तं पंचभिः शरैः। लंकेशं मोहयित्वा तु सबलं रावणं बलात्।

eṣa dhanvī dhanurgṛhya utsiktaṁ paṁcabhiḥ śaraiḥ laṁkeśaṁ mohayitvā tu sabalaṁ rāvaṇaṁ balāt

this archer, taking up his bow, having with five arrows confounded the arrogant lord of Lanka, Ravana together with his army, by force,

Verse 126 (padma.1.12.126)

निर्जित्य बद्ध्वा त्वानीय माहिष्मत्याम्बबंध तम्। ततो गतोहं तस्याग्रे अर्जुनं संप्रसादयन्।

nirjitya baddhvā tvānīya māhiṣmatyāmbabaṁdha tam tato gatohaṁ tasyāgre arjunaṁ saṁprasādayan

utterly defeated and bound him, and, bringing him to Mahishmati, kept him bound there. Then I went before him, propitiating Arjuna,

Verse 127 (padma.1.12.127)

मुमोच राजन्पौत्रं मे सख्यं कृत्वा च पार्थिवः। तस्य बाहुसहस्रस्य बभूव ज्यातलस्वनः।

mumoca rājanpautraṁ me sakhyaṁ kṛtvā ca pārthivaḥ tasya bāhusahasrasya babhūva jyātalasvanaḥ

'O king, release my grandson' — and the king, having made friendship, released him. Of that one of a thousand arms, the sound of his bowstring being twanged

Verse 128 (padma.1.12.128)

युगांताग्नेः प्रवृत्तस्य यथा ज्यातलनिःस्वनः। अहो बलं विधेर्वीर्यं भार्गवः स यदाच्छिनत्।

yugāṁtāgneḥ pravṛttasya yathā jyātalaniḥsvanaḥ aho balaṁ vidhervīryaṁ bhārgavaḥ sa yadācchinat

was like the roar of the fire that arises at the end of an age. 'Ah, what strength! What is the potency of fate,' when that descendant of Bhrigu cut off

Verse 129 (padma.1.12.129)

मृधे सहस्रं बाहूनां हेमतालवनं यथा। यं वसिष्ठस्तु संक्रुद्धो ह्यर्जुनं शप्तवान्विभुः।

mṛdhe sahasraṁ bāhūnāṁ hematālavanaṁ yathā yaṁ vasiṣṭhastu saṁkruddho hyarjunaṁ śaptavānvibhuḥ

his thousand arms in battle, as one fells a grove of golden palm trees. That Arjuna, whom the mighty Vasishtha, in great wrath, cursed —

Verse 130 (padma.1.12.130)

यस्माद्वनं प्रदग्धं ते विश्रुतं मम हैहय। तस्मात्ते दुष्कृतं कर्म कृतमन्यो हनिष्यति।

yasmādvanaṁ pradagdhaṁ te viśrutaṁ mama haihaya tasmātte duṣkṛtaṁ karma kṛtamanyo haniṣyati

'Since my renowned hermitage-forest was burned by you, O Haihaya, therefore, for this evil deed you have done, another shall slay you —'

Verse 131 (padma.1.12.131)

छित्वा बाहुसहस्रं ते प्रमथ्य तरसा बली। तपस्वी ब्राह्मणस्त्वां वै वधिष्यति स भार्गवः।

chitvā bāhusahasraṁ te pramathya tarasā balī tapasvī brāhmaṇastvāṁ vai vadhiṣyati sa bhārgavaḥ

'having cut off your thousand arms, and forcefully crushed you, a mighty ascetic brahmin, that descendant of Bhrigu, shall indeed slay you.'

Verse 132 (padma.1.12.132)

तस्य रामोथ हंतासीन्मुनिशापेन धीमतः। तस्य पुत्रशतं त्वासीत्पंच तत्र महारथाः।

tasya rāmotha haṁtāsīnmuniśāpena dhīmataḥ tasya putraśataṁ tvāsītpaṁca tatra mahārathāḥ

So Rama became the slayer of that wise one, through the sage's curse. He had a hundred sons, of whom five were great warriors:

Verse 133 (padma.1.12.133)

कृतास्त्रा बलिनः शूरा धर्मात्मानो महाबल। शूरसेनश्च शूरश्च धृष्टो वै कृष्ण एव च।

kṛtāstrā balinaḥ śūrā dharmātmāno mahābala śūrasenaśca śūraśca dhṛṣṭo vai kṛṣṇa eva ca

skilled in weapons, mighty, heroic, righteous, of great strength — Shurasena, and Shura, and Dhrishta, and Krishna,

Verse 134 (padma.1.12.134)

जयद्ध्वजः स वै कर्ता अवन्तिश्च रसापतिः। जयध्वजस्य पुत्रस्तु तालजंघो महाबलः।

jayaddhvajaḥ sa vai kartā avantiśca rasāpatiḥ jayadhvajasya putrastu tālajaṁgho mahābalaḥ

and Jayadhvaja, who became the founder of Avanti, lord of the river Rasa. Jayadhvaja's son was the mighty Talajangha,

Verse 135 (padma.1.12.135)

तस्य पुत्राश्शतान्येव तालजंघा इति स्मृताः। तेषां पंचकुलान्यासन्हैहयानां महात्मनाम्।

tasya putrāśśatānyeva tālajaṁghā iti smṛtāḥ teṣāṁ paṁcakulānyāsanhaihayānāṁ mahātmanām

whose hundred sons were remembered as the Talajanghas. Of these great-souled Haihayas, there were five clans —

Verse 136 (padma.1.12.136)

वीतिहोत्राश्च संजाता भोजाश्चावंतयस्तथा। तुंडकेराश्च विक्रांतास्तालजंघाः प्रकीर्तिताः।

vītihotrāśca saṁjātā bhojāścāvaṁtayastathā tuṁḍakerāśca vikrāṁtāstālajaṁghāḥ prakīrtitāḥ

the Vitihotras, and the Bhojas, and the Avantis, and the valiant Tundakeras — these are the renowned Talajanghas.

Verse 137 (padma.1.12.137)

वीतिहोत्रसुतश्चापि अनंतो नाम वीर्यवान्। दुर्जयस्तस्य पुत्रस्तु बभूवामित्रकर्षणः।

vītihotrasutaścāpi anaṁto nāma vīryavān durjayastasya putrastu babhūvāmitrakarṣaṇaḥ

Vitihotra's mighty son was named Ananta; his son was Durjaya, a tormentor of foes.

Verse 138 (padma.1.12.138)

सद्भावेन महाराजः प्रजाधर्मेण पालयन्। कार्तवीर्यार्जुनो नाम राजा बाहुसहस्रधृत्।

sadbhāvena mahārājaḥ prajādharmeṇa pālayan kārtavīryārjuno nāma rājā bāhusahasradhṛt

With true righteousness the great king protected his subjects according to dharma — the king named Kartavirya Arjuna, bearer of a thousand arms,

Verse 139 (padma.1.12.139)

येन सागरपर्यंता धनुषा निर्जिता मही। यस्तस्यकीर्तयेन्नाम कल्यमुत्थाय मानवः।

yena sāgaraparyaṁtā dhanuṣā nirjitā mahī yastasyakīrtayennāma kalyamutthāya mānavaḥ

by whom, with his bow, the earth up to the ocean's edge was conquered. Whatever man, rising early in the morning, recites his name,

Verse 140 (padma.1.12.140)

न तस्य वित्तनाशः स्यान्नष्टं च लभते पुनः। कार्तवीर्यस्य यो जन्म कथयेदिह धीमतः। यथा यष्टा यथा दाता स्वर्गलोके महीयते।

na tasya vittanāśaḥ syānnaṣṭaṁ ca labhate punaḥ kārtavīryasya yo janma kathayediha dhīmataḥ yathā yaṣṭā yathā dātā svargaloke mahīyate

suffers no loss of wealth, and regains what was lost. Whoever, wise, recites here the birth of Kartavirya, is honored in the world of heaven just as one who has performed sacrifice, just as one who has given gifts.