The Vow of Saubhagya-Shayana

Verse 1 (padma.1.29.1)

पुलस्त्य उवाच। तथैवान्यत्प्रवक्ष्यामि सर्वकामफलप्रदम्। सौभाग्यशयनंनाम यत्पुराणविदो विदुः॥

pulastya uvāca tathaivānyatpravakṣyāmi sarvakāmaphalapradam saubhāgyaśayanaṁnāma yatpurāṇavido viduḥ

Pulastya said: Likewise I shall now declare another vow, the bestower of the fruit of all desires, called Saubhagya-Shayana, which the knowers of the Puranas know.

Verse 2 (padma.1.29.2)

पुरा दग्धेषु लोकेषु भूर्भुवः स्वर्महादिषु। सौभाग्यं सर्वभूतानामेकस्थमभवत्तदा॥

purā dagdheṣu lokeṣu bhūrbhuvaḥ svarmahādiṣu saubhāgyaṁ sarvabhūtānāmekasthamabhavattadā

Of old, when the worlds — Bhuh, Bhuvah, Svah, Mahah, and the rest — were burnt up, then the good fortune of all beings came to rest in a single place.

Verse 3 (padma.1.29.3)

वैकुंठं सर्वमासाद्य विष्णोर्वक्षस्थले स्थितम्। ततः कालेन कियता पुनः सर्गविधौ नृपः॥

vaikuṁṭhaṁ sarvamāsādya viṣṇorvakṣasthale sthitam tataḥ kālena kiyatā punaḥ sargavidhau nṛpaḥ

Having entirely reached Vaikuntha, it came to rest upon the chest of Vishnu. Then, after some time, O king, at the time of creation again —

Verse 4 (padma.1.29.4)

अहंकारवृतेलोके प्रधानपुरुषान्विते। स्पर्द्धायां च प्रवृद्धायां कमलासनकृष्णयोः॥

ahaṁkāravṛtelokepra dhānapuruṣānvite spardhāyāṁ ca pravṛddhāyāṁ kamalāsanakṛṣṇayoḥ

— when the world was enveloped in ahamkara, joined with prakriti and purusha, and when a rivalry arose and grew between the Lotus-seated one and Krishna —

Verse 5 (padma.1.29.5)

पिंगाकारा समुद्भूता वह्निज्वालातिभीषणा। तयाभितप्तस्य हरेर्वक्षसस्तद्विनिःसृतम्॥

piṁgākārā samudbhūtā vahnijvālātibhīṣaṇā tayābhitaptasya harervakṣasastadviniḥsṛtam

— a tawny, most terrible flame of fire arose. From the chest of Hari, scorched by that flame, it issued forth.

Verse 6 (padma.1.29.6)

यद्वक्षःस्थलमाश्रित्य विष्णोः सौभाग्यमास्थितम्। रसरूपं न तद्यावदाप्नोति वसुधातले॥

yadvakṣaḥsthalamāśritya viṣṇoḥ saubhāgyamāsthitam rasarūpaṁ na tadyāvadāpnoti vasudhātale

That which, having taken refuge in Vishnu's chest, remained there as Saubhagya in liquid form, had not yet reached the surface of the earth.

Verse 7 (padma.1.29.7)

उत्क्षिप्तमंतरिक्षात्तु ब्रह्मपुत्रेण धीमता। दक्षेण पीतमात्रं तद्रूपलावण्यकारकम्॥

utkṣiptamaṁtarikṣāttu brahmaputreṇa dhīmatā dakṣeṇa pītamātraṁ tadrūpalāvaṇyakārakam

It was thrown up into the sky, and, the moment it was drunk by Daksha, the wise son of Brahma, it became the cause of beauty and loveliness.

Verse 8 (padma.1.29.8)

बलंतेजोमहज्जातं दक्षस्य परमेष्ठिनः। शेषं यदपतद्भूमावष्टधा तद्व्यजायत॥

balaṁtejomahajjātaṁ dakṣasya parameṣṭhinaḥ śeṣaṁ yadapatadbhūmāvaṣṭadhā tadvyajāyata

Great strength and splendour arose in Daksha, the Lord of creatures. What remained fell to the earth, and became eightfold.

Verse 9 (padma.1.29.9)

ततस्त्वोषधयो जाताः सप्त सौभाग्यदायिकाः। इक्षवस्तरुराजश्च निष्पवावश्शालिधान्यकम्॥

tatastvoṣadhayo jātāḥ sapta saubhāgyadāyikāḥ ikṣavastarurājaśca niṣpavāvaśśālidhānyakam

From it were then born seven fortune-giving herbs: sugarcane, the king of trees, nishpava beans, and shali rice —

Verse 10 (padma.1.29.10)

विकारवच्च गोक्षीरं कुसुंभं कुसुमं तथा। लवणं चाष्टमं तद्वत्सौभाग्याष्टकमुच्यते॥

vikāravacca gokṣīraṁ kusuṁbhaṁ kusumaṁ tathā lavaṇaṁ cāṣṭamaṁ tadvatsaubhāgyāṣṭakamucyate

— and its transformation, cow's milk, safflower and its flower, and salt as the eighth — thus is it called the Saubhagya-ashtaka, the eightfold fortune.

Verse 11 (padma.1.29.11)

पीतं यद्ब्रह्मपुत्रेण योगज्ञानविदा पुरा। दुहिता साभवत्तस्माद्या सतीत्यभिधीयते॥

pītaṁ yadbrahmaputreṇa yogajñānavidā purā duhitā sābhavattasmādyā satītyabhidhīyate

That which was drunk of old by the son of Brahma, the knower of yogic wisdom — from that was born a daughter, who is called Sati.

Verse 12 (padma.1.29.12)

लोकानतीत्य लालित्याल्ललिता तेन चोच्यते। त्रैलोक्यसुंदरीं देवीमुपयेमे पिनाकधृत्॥

lokānatītya lālityāllalitā tena cocyate trailokyasuṁdarīṁ devīmupayeme pinākadhṛt

Surpassing all the worlds in her charm, she is therefore called Lalita. The bearer of the Pinaka took as wife that goddess, most beautiful in the three worlds.

Verse 13 (padma.1.29.13)

त्रिविश्वसौभाग्यमयीं भुक्तिमुक्तिफलप्रदाम्। तामाराध्य पुमान्भक्त्या नारी वा किं न विंदति॥

triviśvasaubhāgyamayīṁ bhuktimuktiphalapradām tāmārādhya pumānbhaktyā nārī vā kiṁ na viṁdati

She who is composed of the fortune of the three worlds, who bestows the fruits of both enjoyment and liberation — what does a man or woman, having worshipped her with devotion, not obtain?

Verse 14 (padma.1.29.14)

भीष्म उवाच। कथमाराधनं तस्या ललिताया मुने वद। यद्विधानं च जगतः शांतये तद्वदस्व मे॥

bhīṣma uvāca kathamārādhanaṁ tasyā lalitāyā mune vada yadvidhānaṁ ca jagataḥ śāṁtaye tadvadasva me

Bhishma said: Tell me, O sage, how the worship of that Lalita is performed; and tell me the rite that is for the peace of the world.

Verse 15 (padma.1.29.15)

पुलस्त्य उवाच। वसंतमासमासाद्य तृतीयायां जनप्रियः। शुक्लपक्षस्य पूर्वाह्णे तिलैः स्नानं समाचरेत्॥

pulastya uvāca vasaṁtamāsamāsādya tṛtīyāyāṁ janapriyaḥ śuklapakṣasya pūrvāhṇe tilaiḥ snānaṁ samācaret

Pulastya said: Having reached the month of spring, on the third tithi, a person dear to the people should, in the forenoon of the bright fortnight, bathe with sesame.

Verse 16 (padma.1.29.16)

तस्मिन्नहनि सा देवी किल विश्वात्मना सती। पाणिग्रहणिकैर्मंत्रैरुदूढा वरवर्णिनी॥

tasminnahani sā devī kila viśvātmanā satī pāṇigrahaṇikairmaṁtrairudūḍhā varavarṇinī

On that very day, that goddess Sati, of most excellent complexion, was wedded by the Universal Soul with the marriage mantras.

Verse 17 (padma.1.29.17)

तया सहैव विश्वेशं तृतीयायामथार्चयेत्। फलैर्नानाविधैर्दीपैर्धूपैर्नैवेद्यसंयुतैः॥

tayā sahaiva viśveśaṁ tṛtīyāyāmathārcayet phalairnānāvidhairdīpairdhūpairnaivedyasaṁyutaiḥ

On that third tithi, one should worship the Lord of the Universe together with her, with various fruits, lamps, incense, and offerings of food.

Verse 18 (padma.1.29.18)

प्रतिमां पंचगव्येन तथा गंधोदकेन च। स्नापयित्वार्चयेद्गौरीमिंदुशेखरसंयुताम्॥

pratimāṁ paṁcagavyena tathā gaṁdhodakena ca snāpayitvārcayedgaurīmiṁduśekharasaṁyutām

Having bathed the image with the five products of the cow, and likewise with fragrant water, one should worship Gauri, joined with the Moon-crested one.

Verse 19 (padma.1.29.19)

नमोस्तु पाटलायै तु पादौ देव्याः शिवस्य च। शिवायेति च संकीर्त्य जयायै गुल्फयोर्द्वयोः॥

namostu pāṭalāyai tu pādau devyāḥ śivasya ca śivāyeti ca saṁkīrtya jayāyai gulphayordvayoḥ

'Salutation to Patala' is said at the feet of the Goddess and of Shiva; having proclaimed 'to Shiva', salutation is offered 'to Jaya' at the pair of ankles.

Verse 20 (padma.1.29.20)

त्र्यंबकायेति रुद्रस्य भवान्यै जंघयोर्युगम्। शिरो रुद्रेश्वरायेति विजयायै च जानुनी॥

tryaṁbakāyeti rudrasya bhavānyai jaṁghayoryugam śiro rudreśvarāyeti vijayāyai ca jānunī

'To Tryambaka' is said of Rudra; 'to Bhavani' at the pair of shanks. At the head, 'to Rudreshvara'; and 'to Vijaya' at the two knees.

Verse 21 (padma.1.29.21)

संकीर्त्य हरिकेशाय तथोरुवरदे नमः। ईशायेति कटिं रत्यै शंकरायेति शंकरम्॥

saṁkīrtya harikeśāya tathoruvarade namaḥ īśāyeti kaṭiṁ ratyai śaṁkarāyeti śaṁkaram

Having proclaimed 'to Harikesha', likewise 'salutation to the Bestower of boons' at the thighs; 'to Isha' at the hip, 'to Rati', and 'to Shankara' for Shankara himself.

Verse 22 (padma.1.29.22)

कुक्षिद्वयं च कोटव्यै शूलिनं शूलपाणये। मंगलायै नमस्तुभ्यमुदरं चाभिभूजयेत्॥

kukṣidvayaṁ ca koṭavyai śūlinaṁ śūlapāṇaye maṁgalāyai namastubhyamudaraṁ cābhibhūjayet

The two flanks 'to Kotavi'; Shulin is worshipped 'to Shulapani'. 'Salutation to you, O Mangala' — and the belly should thus be worshipped.

Verse 23 (padma.1.29.23)

सर्वात्मने नमो रुद्रमीशान्यै च कुचद्वयम्। शिवं वेदात्मने तद्वद्रुद्राण्यै कंठमर्चयेत्॥

sarvātmane namo rudramīśānyai ca kucadvayam śivaṁ vedātmane tadvadrudrāṇyai kaṁṭhamarcayet

'Salutation to the Universal Soul' worships Rudra; and the two breasts 'to Ishani'. Shiva likewise 'to the Veda-souled one'; and the throat is worshipped 'to Rudrani'.

Verse 24 (padma.1.29.24)

त्रिपुरघ्नाय विश्वेशमनंतायै करद्वयम्। त्रिलोचनायेति हरं बाहू कालानलप्रिये॥

tripuraghnāya viśveśamanaṁtāyai karadvayam trilocanāyeti haraṁ bāhū kālānalapriye

'To the Destroyer of Tripura' worships Vishvesha; the two hands 'to Ananta'. 'To the Three-eyed one' worships Hara; the two arms 'to the one beloved of the fire of time'.

Verse 25 (padma.1.29.25)

सौभाग्यभवनायेति भूषणानि सदार्चयेत्। स्वाहास्वधायै च मुखमीश्वरायेति शूलिनम्॥

saubhāgyabhavanāyeti bhūṣaṇāni sadārcayet svāhāsvadhāyai ca mukhamīśvarāyeti śūlinam

'To the Abode of Good Fortune' — thus one should always worship the ornaments. 'To Svaha and Svadha' the mouth; 'to Ishvara' Shulin is worshipped.

Verse 26 (padma.1.29.26)

अशोकवनवासिन्यै पूज्यावोष्ठौ च भूतिदौ। स्थाणवे च हरं तद्वदास्यं चंद्रमुखप्रिये॥

aśokavanavāsinyai pūjyāvoṣṭhau ca bhūtidau sthāṇave ca haraṁ tadvadāsyaṁ caṁdramukhapriye

'To the Dweller in the Ashoka grove' — the two prosperity-giving lips are worshipped. 'To Sthanu' worships Hara likewise; the face 'to the one beloved of the moon-faced one'.

Verse 27 (padma.1.29.27)

नमोर्धनारीशहरमसितांगीति नासिकाम्। नम उग्राय लोकेशं ललितेति पुनर्भ्रुवौ॥

namordhanārīśaharamasitāṁgīti nāsikām nama ugrāya lokeśaṁ laliteti punarbhruvau

'Salutation to Ardhanarishvara' worships Hara; 'to Asitangi' the nose. 'Salutation to Ugra' worships the Lord of the worlds; again 'to Lalita' the eyebrows.

Verse 28 (padma.1.29.28)

शर्वाय पुरहर्त्तारं वासुदेव्यै तथालकम्। नमः श्रीकंठनाथाय शिवकेशांस्तथार्चयेत्॥

śarvāya purahartāraṁ vāsudevyai tathālakam namaḥ śrīkaṁṭhanāthāya śivakeśāṁstathārcayet

'To Sharva' worships the Destroyer of Tripura; 'to Vasudevi' likewise the locks of hair. 'Salutation to the Lord Shrikantha' — and Shiva's hair is likewise worshipped.

Verse 29 (padma.1.29.29)

भीमोग्रभीमरूपिण्यै शिरः सर्वात्मने नमः। हरमभ्यर्च्य विधिवत्सौभाग्याष्टकमग्रतः॥

bhīmograbhīmarūpiṇyai śiraḥ sarvātmane namaḥ haramabhyarcya vidhivatsaubhāgyāṣṭakamagrataḥ

'To Bhimogra-bhima-rupini' the head; 'salutation to the Universal Soul'. Having thus duly worshipped Hara, one should place the Saubhagya-ashtaka in front.

Verse 30 (padma.1.29.30)

स्थापयेत्स्निग्धनिष्पावान्कुसुंभक्षीरजीरकम्। तरुराजेक्षुलवणं कुस्तुंबुरुमथाष्टमम्॥

sthāpayetsnigdhaniṣpāvānkusuṁbhakṣīrajīrakam tarurājekṣulavaṇaṁ kustuṁburumathāṣṭamam

One should set out oily nishpava beans, safflower, milk, cumin; the king of trees, sugarcane, salt, and coriander as the eighth.

Verse 31 (padma.1.29.31)

दद्यात्सौभाग्यकृद्यस्मात्सौभाग्याष्टकमित्युत। एवंनिवेद्य तत्सर्वमग्रतः शिवयोः पुनः॥

dadyātsaubhāgyakṛdyasmātsaubhāgyāṣṭakamityuta evaṁnivedya tatsarvamagrataḥ śivayoḥ punaḥ

One should give this, since it produces fortune, and it is thus called the Saubhagya-ashtaka. Having thus offered all of it before the divine couple —

Verse 32 (padma.1.29.32)

चैत्रे शृंगाटकान्प्राश्य स्वपेद्भूमावरिंदम। पुनः प्रभाते च तथा कृतस्नानजपः शुचिः॥

caitre śṛṁgāṭakānprāśya svapedbhūmāvariṁdama punaḥ prabhāte ca tathā kṛtasnānajapaḥ śuciḥ

— in Chaitra, having partaken of water-chestnuts, O subduer of foes, one should sleep upon the ground; and again at dawn, having likewise bathed and recited, being pure —

Verse 33 (padma.1.29.33)

संपूज्य द्विजदांपत्यं माल्यवस्त्रं विभूषणैः। सौभाग्याष्टकसंयुक्त सौवर्णं प्रतिमाद्वयम्॥

saṁpūjya dvijadāṁpatyaṁ mālyavastraṁ vibhūṣaṇaiḥ saubhāgyāṣṭakasaṁyukta sauvarṇaṁ pratimādvayam

— having worshipped a brahmin couple with garlands, garments, and ornaments, together with the Saubhagya-ashtaka and a pair of golden images —

Verse 34 (padma.1.29.34)

प्रीयतां मेत्र ललिता ब्राह्मणाय निवेदयेत्। एवं संवत्सरं यावत्तृतीयायां सदा नृप॥

prīyatāṁ metra lalitā brāhmaṇāya nivedayet evaṁ saṁvatsaraṁ yāvattṛtīyāyāṁ sadā nṛpa

— with the prayer 'may Lalita be pleased with me here', one should offer it to the brahmin. Thus, O king, for a full year, always on the third tithi —

Verse 35 (padma.1.29.35)

प्राशने दानमंत्रे च विशेषोयं निबोध मे। गोशृंगांबु मधौ प्रोक्तं वैशाखे गोमयं पुनः॥

prāśane dānamaṁtre ca viśeṣoyaṁ nibodha me gośṛṁgāṁbu madhau proktaṁ vaiśākhe gomayaṁ punaḥ

— learn from me this special rule for the eating and for the gift-mantra. In the month of Madhu, water from a cow's horn is prescribed; in Vaishakha, cow-dung water.

Verse 36 (padma.1.29.36)

ज्येष्ठे मंदारकुसुमं बिल्वपत्रं शुचौ स्मृतम्। श्रावणे दधिसंप्राश्यं नभस्ये तु कुशोदकम्॥

jyeṣṭhe maṁdārakusumaṁ bilvapatraṁ śucau smṛtam śrāvaṇe dadhisaṁprāśyaṁ nabhasye tu kuśodakam

In Jyeshtha, the mandara flower; in Shuchi, bilva leaf is remembered. In Shravana, curd is to be eaten; in Nabhasya, kusha-water.

Verse 37 (padma.1.29.37)

क्षीरं चाश्वयुजे मासि कार्त्तिके पृषदाज्यकम्। मार्गशीर्षे तु गोमूत्रं पौषे संप्राशयेद्घृतम्॥

kṣīraṁ cāśvayuje māsi kārttike pṛṣadājyakam mārgaśīrṣe tu gomūtraṁ pauṣe saṁprāśayedghṛtam

Milk in the month of Ashvayuja; in Kartika, curdled ghee. In Margashirsha, cow's urine; in Pausha, one should eat ghee.

Verse 38 (padma.1.29.38)

माघे कृष्णतिलांस्तद्वत्पंचगव्यं च फाल्गुने। ललिता विजया भद्रा भवानी कुमुदा शिवा॥

māghe kṛṣṇatilāṁstadvatpaṁcagavyaṁ ca phālgune lalitā vijayā bhadrā bhavānī kumudā śivā

In Magha, black sesame likewise; and in Phalguna, panchagavya. Lalita, Vijaya, Bhadra, Bhavani, Kumuda, Shiva —

Verse 39 (padma.1.29.39)

वासुदेवी तथा गौरी मंगला कमला सती। उमा च दानकाले तु प्रीयतामिति कीर्त्तयेत्॥

vāsudevī tathā gaurī maṁgalā kamalā satī umā ca dānakāle tu prīyatāmiti kīrttayet

— Vasudevi, and likewise Gauri, Mangala, Kamala, Sati, and Uma — at the time of giving, one should proclaim 'may she be pleased'.

Verse 40 (padma.1.29.40)

तस्मिंस्तु द्वादशे मासि द्वादश्यां कृष्णमर्चयेत्। तथा लक्ष्मीं च तत्रैव भर्त्रा सार्धमथार्चयेत्॥

tasmiṁstu dvādaśe māsi dvādaśyāṁ kṛṣṇamarcayet tathā lakṣmīṁ ca tatraiva bhartrā sārdhamathārcayet

In that twelfth month, on the twelfth tithi, one should worship Krishna; and there too one should worship Lakshmi together with her husband.

Verse 41 (padma.1.29.41)

पौर्णमास्यामतस्तद्वत्सपत्नीकः पितामहः। उपासनीयो विदुषा परत्रा भीतिमिच्छता॥

paurṇamāsyāmatastadvatsapatnīkaḥ pitāmahaḥ upāsanīyo viduṣā paratrā bhītimicchatā

On the full-moon day, likewise, the Grandsire together with his wife is to be worshipped by the wise one who desires freedom from fear in the world beyond.

Verse 42 (padma.1.29.42)

सौभाग्याष्टकं तद्वच्च दातव्यं भूतिमिच्छता। मल्लिकाशोककमलं कदंबोत्पलचंपकम्॥

saubhāgyāṣṭakaṁ tadvacca dātavyaṁ bhūtimicchatā mallikāśokakamalaṁ kadaṁbotpalacaṁpakam

The Saubhagya-ashtaka is likewise to be given by one desiring prosperity. Jasmine, ashoka, lotus, kadamba, blue lotus, champaka —

Verse 43 (padma.1.29.43)

कुब्जकं करवीरं च बाणमम्लानपंकजम्। सिंदुवारं च सर्वेषु मासेषु कुसुमं स्मृतम्॥

kubjakaṁ karavīraṁ ca bāṇamamlānapaṁkajam siṁduvāraṁ ca sarveṣu māseṣu kusumaṁ smṛtam

— kubjaka, karavira, bana, unwithered lotus, and sinduvara — these flowers are prescribed for all the months.

Verse 44 (padma.1.29.44)

जपाकुसुंभकुसुमं मालती शतपत्रिका। यथालाभं प्रशस्तानि करवीरं च सर्वदा॥

japākusuṁbhakusumaṁ mālatī śatapatrikā yathālābhaṁ praśastāni karavīraṁ ca sarvadā

The hibiscus and safflower flowers, jasmine, the hundred-petalled lotus — as available, these are prescribed; and karavira always.

Verse 45 (padma.1.29.45)

एवं संवत्सरं यावदुपोष्य विधिवन्नरः। स्त्री च नक्तं कुमारी च शिवमभ्यर्च्य भक्तितः॥

evaṁ saṁvatsaraṁ yāvadupoṣya vidhivannaraḥ strī ca naktaṁ kumārī ca śivamabhyarcya bhaktitaḥ

Thus, having duly fasted for a full year — a man, a woman with a single night-meal, and a maiden likewise — having worshipped Shiva with devotion —

Verse 46 (padma.1.29.46)

व्रतांते शयनं दद्यात्सर्वोपस्करसंयुतम्। उमामहेश्वरौ हैमौ वृषभं च गवा सह॥

vratāṁte śayanaṁ dadyātsarvopaskarasaṁyutam umāmaheśvarau haimau vṛṣabhaṁ ca gavā saha

— at the end of the vow, one should give a bed together with all its furnishings; a golden image of Uma-Maheshvara, a bull, together with a cow.

Verse 47 (padma.1.29.47)

स्थापयित्वा च शयनं ब्राह्मणाय निवेदयेत्। द्वादश्यां वत्सरं त्वेकं महालक्ष्म्या च केशवम्॥

sthāpayitvā ca śayanaṁ brāhmaṇāya nivedayet dvādaśyāṁ vatsaraṁ tvekaṁ mahālakṣmyā ca keśavam

Having set up the couch, one should offer it to a brahmin. On the twelfth tithi, for one full year, one should worship Keshava together with Mahalakshmi —

Verse 48 (padma.1.29.48)

ब्रह्माणं सह सावित्र्या पूजयित्वा नरस्त्विह। सर्वान्कामानवाप्नोति मनसा समभीप्सितान्॥

brahmāṇaṁ saha sāvitryā pūjayitvā narastviha sarvānkāmānavāpnoti manasā samabhīpsitān

— and Brahma together with Savitri; a man, having worshipped them here, obtains all the desires wished for in the mind.

Verse 49 (padma.1.29.49)

अन्यान्यपि यथाशक्ति मिथुनान्यंबरादिभिः। धान्यालङ्कारगोदानैरन्यैश्च धनसञ्चयैः॥

anyānyapi yathāśakti mithunānyaṁbarādibhiḥ dhānyālaṅkāragodānairanyaiśca dhanasañcayaiḥ

He should worship other divine pairs too, according to capacity, with garments and the rest, with gifts of grain, ornaments, and cows, and with other accumulated wealth.

Verse 50 (padma.1.29.50)

वित्तशाठयेन रहितः पूजयेद्गतविस्मयः। एवं करोति यः सम्यक्सौभाग्यशयनव्रतम्॥

vittaśāṭhyena rahitaḥ pūjayedgatavismayaḥ evaṁ karoti yaḥ samyaksaubhāgyaśayanavratam

Free of miserliness about wealth, and free of pride, one should worship. Whoever thus rightly performs this Saubhagya-Shayana vow —

Verse 51 (padma.1.29.51)

सर्वान्कामानवाप्नोति पदं वा नित्यमश्नुते। फलस्यैकस्य च त्यागमेतत्कुर्वन्समाचरेत्॥

sarvānkāmānavāpnoti padaṁ vā nityamaśnute phalasyaikasya ca tyāgametatkurvansamācaret

— he obtains all desires, or attains the eternal abode. Performing this, one should also observe the renunciation of a single fruit.

Verse 52 (padma.1.29.52)

यशः कीर्तिमवाप्नोति प्रतिमासं नराधिप। सौभाग्यारोग्यरूपैश्च वस्त्रालंकारभूषणैः॥

yaśaḥ kīrtimavāpnoti pratimāsaṁ narādhipa saubhāgyārogyarūpaiśca vastrālaṁkārabhūṣaṇaiḥ

He obtains fame and renown month by month, O lord of men; and, endowed with good fortune, health, and beauty, with garments and ornaments —

Verse 53 (padma.1.29.53)

न वियुक्तो भवेद्राजन्सौभाग्यशयनप्रदः। यस्तु द्वादशवर्षाणि सौभाग्यशयनव्रतम्॥

na viyukto bhavedrājansaubhāgyaśayanapradaḥ yastu dvādaśavarṣāṇi saubhāgyaśayanavratam

— O king, he never becomes separated from these, for the Saubhagya-Shayana itself is their giver. And whoever, for twelve years, performs the Saubhagya-Shayana vow —

Verse 54 (padma.1.29.54)

करोति सप्त चाष्टौ वा ब्रह्मलोके महीयते। पूज्यमानो वसेत्सम्यक्यावत्कल्पायुतं नरः॥

karoti sapta cāṣṭau vā brahmaloke mahīyate pūjyamāno vasetsamyakyāvatkalpāyutaṁ naraḥ

— or for seven or eight years — is exalted in the world of Brahma. Being duly worshipped, a man dwells there for as long as ten thousand kalpas.

Verse 55 (padma.1.29.55)

विष्णोर्लोकमथासाद्य शिवलोकगतस्तथा। नारी वा कुरुते या तु कुमारी वा नरेश्वर॥

viṣṇorlokamathāsādya śivalokagatastathā nārī vā kurute yā tu kumārī vā nareśvara

He then reaches the world of Vishnu, and likewise goes to the world of Shiva. And, O lord of men, a woman or a maiden who performs this —

Verse 56 (padma.1.29.56)

सापि तत्फलमाप्नोति देव्यनुग्रहलालिता। शृणुयादपि यश्चैव प्रदद्यादथवा मतिम्॥

sāpi tatphalamāpnoti devyanugrahalālitā śṛṇuyādapi yaścaiva pradadyādathavā matim

— she too obtains that same fruit, cherished by the Goddess's grace. And whoever even merely hears this, or imparts its understanding to others —

Verse 57 (padma.1.29.57)

सोपि विद्याधरो भूत्वा स्वर्गलोके चिरं वसेत्। इदमिह मदनेन पूर्वसृष्टं शतधनुषा च कृतं नरेण तद्वत्॥

sopi vidyādharo bhūtvā svargaloke ciraṁ vaset idamiha madanena pūrvasṛṣṭaṁ śatadhanuṣā ca kṛtaṁ nareṇa tadvat

— he too, becoming a Vidyadhara, dwells long in the world of heaven. This was performed here of old by Madana, and likewise done by the man Shatadhanu.

Verse 58 (padma.1.29.58)

कृतमथ पवनेन नंदिना च किमु जननाथमहाद्भुतं न वा स्यात्॥

kṛtamatha pavanena naṁdinā ca kimu jananāthamahādbhutaṁ na vā syāt

It was also performed by the Wind and by Nandi — what then, O lord of men, would not become greatly wondrous by it?