The Vision of Markandeya's Hermitage

Verse 1 (padma.1.33.1)

भीष्म उवाच। मार्कंडेयेन वै रामः कथमत्र प्रबोधितः। कथं समागमो भूतः कस्मिन्काले कदा मुने।

bhīṣma uvāca mārkaṁḍeyena vai rāmaḥ kathamatra prabodhitaḥ kathaṁ samāgamo bhūtaḥ kasminkāle kadā mune

Bhishma said: How was Rama enlightened here by Markandeya? How did their meeting occur — at what time, when, O sage?

Verse 2 (padma.1.33.2)

मार्कंडेयः कस्य सुतः कथं जातो महातपाः। नाम्नोऽस्य निगमं ब्रूहि यथाभूतं महामुने।

mārkaṁḍeyaḥ kasya sutaḥ kathaṁ jāto mahātapāḥ nāmno'sya nigamaṁ brūhi yathābhūtaṁ mahāmune

Whose son was Markandeya, and how was he born, of great austerity? Tell me the origin of his name exactly as it happened, O great sage.

Verse 3 (padma.1.33.3)

पुलस्त्य उवाच। अथ ते संप्रवक्ष्यामि मार्कंडेयोद्भवं पुनः। पुराकल्पे मुनिः पूर्वं मृकंडुर्नाम विश्रुतः।

pulastya uvāca atha te saṁpravakṣyāmi mārkaṁḍeyodbhavaṁ punaḥ purākalpe muniḥ pūrvaṁ mṛkaṁḍurnāma viśrutaḥ

Pulastya said: Now I shall tell you of Markandeya's origin. In a former kalpa there was previously a renowned sage named Mrikandu.

Verse 4 (padma.1.33.4)

भृगोः पुत्रो महाभागः सभार्यस्तप्तवांस्तपः। तस्य पुत्रस्तदा जातो वसतस्तु वनांतरे।

bhṛgoḥ putro mahābhāgaḥ sabhāryastaptavāṁstapaḥ tasya putrastadā jāto vasatastu vanāṁtare

The greatly fortunate son of Bhrigu, together with his wife, performed austerity; then a son was born to him while dwelling in the depths of the forest.

Verse 5 (padma.1.33.5)

सपंचवार्षिको भूतो बाल एव गुणाधिकः। ज्ञानिना स तदा दृष्टो भ्रमन्बालस्तदांगणे।

sapaṁcavārṣiko bhūto bāla eva guṇādhikaḥ jñāninā sa tadā dṛṣṭo bhramanbālastadāṁgaṇe

When he was five years old, that child, already surpassing in virtue, was seen by a knower of wisdom, wandering as a boy in the courtyard.

Verse 6 (padma.1.33.6)

स्थित्वा स सुचिरं कालं भाव्यर्थं प्रत्यबुध्यत। तस्य पित्रा स वै पृष्टः कियदायुः सुतस्य मे।

sthitvā sa suciraṁ kālaṁ bhāvyarthaṁ pratyabudhyata tasya pitrā sa vai pṛṣṭaḥ kiyadāyuḥ sutasya me

Standing there for a long while, he perceived what was to come. He was asked by the boy's father: 'What is the lifespan of my son?'

Verse 7 (padma.1.33.7)

संख्यायाचक्ष्व वर्षाणि तस्याल्पान्यधिकानि वा। मृकंडुनैवमुक्तस्तु स ज्ञानी वाक्यमब्रवीत्।

saṁkhyāyācakṣva varṣāṇi tasyālpānyadhikāni vā mṛkaṁḍunaivamuktastu sa jñānī vākyamabravīt

'Reckon and tell me the years, whether few or many.' Thus addressed by Mrikandu, that wise one spoke these words:

Verse 8 (padma.1.33.8)

षण्मासमायुः पुत्रस्य धात्रा सृष्टं मुनीश्वर। नैव शोकस्त्वया कार्यः सत्यमेतदुदाहृतम्।

ṣaṇmāsamāyuḥ putrasya dhātrā sṛṣṭaṁ munīśvara naiva śokastvayā kāryaḥ satyametadudāhṛtam

'O lord of sages, six months is the lifespan ordained for your son by the Creator. You should not grieve; this is spoken as truth.'

Verse 9 (padma.1.33.9)

स तच्छ्रुत्वा वचो भीष्म ज्ञानिना यदुदाहृतम्। अथोपनयनं चक्रे बालकस्य पिता तदा।

sa tacchrutvā vaco bhīṣma jñāninā yadudāhṛtam athopanayanaṁ cakre bālakasya pitā tadā

Having heard, O Bhishma, that word spoken by the knower, the father of the boy then performed his upanayana.

Verse 10 (padma.1.33.10)

आह चैनं पितापुत्रमृषींस्त्वमभिवादय। एवमुक्तः स वै पित्रा प्रहृष्टश्चाभिवादने।

āha cainaṁ pitāputramṛṣīṁstvamabhivādaya evamuktaḥ sa vai pitrā prahṛṣṭaścābhivādane

The father said to his son: 'You must salute the sages.' Thus instructed by his father, he, greatly pleased, engaged in saluting—

Verse 11 (padma.1.33.11)

न वर्णा वर्णतां वेत्ति सर्ववर्णाभिवादनः। पंचमासास्त्वतिक्रांता दिवसाः पंचविंशतिः।

na varṇā varṇatāṁ vetti sarvavarṇābhivādanaḥ paṁcamāsāstvatikrāṁtā divasāḥ paṁcaviṁśatiḥ

—did not distinguish varna from varna, saluting all varnas alike. Five months passed, and twenty-five days more.

Verse 12 (padma.1.33.12)

मार्गेणाथ समायाता ऋषयस्तत्र सप्त वै। बालेन तेन ते दृष्टाः सर्वे चाप्यभिवादिताः।

mārgeṇātha samāyātā ṛṣayastatra sapta vai bālena tena te dṛṣṭāḥ sarve cāpyabhivāditāḥ

Then seven sages came along that road; they were all seen by that boy, and all saluted by him.

Verse 13 (padma.1.33.13)

आयुष्मान्भव तैरुक्तः स बालो दंडमेखली। उक्त्वैवं ते पुनर्बालमपश्यन्क्षीणजीवितम्।

āyuṣmānbhava tairuktaḥ sa bālo daṁḍamekhalī uktvaivaṁ te punarbālamapaśyankṣīṇajīvitam

'May you have long life,' said they to that boy with staff and girdle. Having said this, they then looked again at the boy, and saw his life was waning.

Verse 14 (padma.1.33.14)

दिनानि पंच तस्यायुर्ज्ञात्वा भीताश्च ते नृप। तं गृहीत्वा बालकं च गतास्ते ब्रह्मणोंतिकम्।

dināni paṁca tasyāyurjñātvā bhītāśca te nṛpa taṁ gṛhītvā bālakaṁ ca gatāste brahmaṇoṁtikam

Knowing that only five days of his life remained, O king, those sages, frightened, took the boy and went into the presence of Brahma.

Verse 15 (padma.1.33.15)

प्रतिमुच्य च तं राजन्प्रणिपेतुः पितामहम्। अयमावेदितस्तैस्तु तेन ब्रह्माभिवादितः।

pratimucya ca taṁ rājanpraṇipetuḥ pitāmaham ayamāveditastaistu tena brahmābhivāditaḥ

Setting him down, O king, they bowed to the grandsire. He was presented by them, and by him the boy Brahma was saluted.

Verse 16 (padma.1.33.16)

चिरायुर्ब्रह्मणा बालः प्रोक्तः स ऋषिसन्निधौ। ततस्ते मुनयः प्रीताः श्रुत्वा वाक्यं पितामहात्।

cirāyurbrahmaṇā bālaḥ proktaḥ sa ṛṣisannidhau tataste munayaḥ prītāḥ śrutvā vākyaṁ pitāmahāt

The boy was told by Brahma, in the presence of the sages, 'Be long-lived.' Then those sages were pleased, having heard this word from the grandsire.

Verse 17 (padma.1.33.17)

पितामह ऋषीन्दृष्ट्वा प्रोवाच विस्मयान्वितः। कार्येण येन चायातः कोयं बालो निवेद्यताम्।

pitāmaha ṛṣīndṛṣṭvā provāca vismayānvitaḥ kāryeṇa yena cāyātaḥ koyaṁ bālo nivedyatām

The grandsire, seeing the sages, spoke in astonishment: 'For what purpose have you come, and who is this boy? Let it be told.'

Verse 18 (padma.1.33.18)

ततस्त ऋषयो राजन्सर्वं तस्मै न्यवेदयन्। पुत्रो मृकंडोः क्षीणायुः सायुषं कुरु बालकम्।

tatasta ṛṣayo rājansarvaṁ tasmai nyavedayan putro mṛkaṁḍoḥ kṣīṇāyuḥ sāyuṣaṁ kuru bālakam

Then, O king, those sages told him everything: 'This son of Mrikandu is of waning life; grant this boy long life.'

Verse 19 (padma.1.33.19)

अल्पायुषस्त्वस्य मुनिर्बध्वेमां चापि मेखलाम्। यज्ञोपवीतं दंडं च दत्वा चैनमबोधयत्।

alpāyuṣastvasya munirbadhvemāṁ cāpi mekhalām yajñopavītaṁ daṁḍaṁ ca datvā cainamabodhayat

Since this sage-child was short-lived, having bound this girdle upon him and given him the sacred thread and staff, he had instructed him:

Verse 20 (padma.1.33.20)

यं कंचित्पश्यसे बाल भ्रमंतं भूतले जनम्। तस्याभिवादः कर्तव्य एवमाह पिता वचः।

yaṁ kaṁcitpaśyase bāla bhramaṁtaṁ bhūtale janam tasyābhivādaḥ kartavya evamāha pitā vacaḥ

'Whatever person you see wandering upon the earth, O child, you must salute him.' Thus his father spoke this word.

Verse 21 (padma.1.33.21)

अभिवादनशीलोयं क्षितौ दृष्टः परिभ्रमन्। तीर्थयात्राप्रसंगेन दैवयोगात्पितामह।

abhivādanaśīloyaṁ kṣitau dṛṣṭaḥ paribhraman tīrthayātrāprasaṁgena daivayogātpitāmaha

'This one, given to saluting, was seen wandering on earth in the course of a pilgrimage, by the working of fate, O grandsire.'

Verse 22 (padma.1.33.22)

चिरायुर्भव पुत्रेति प्रोक्तोसौ तत्र बालकः। कथं वचो भवेत्सत्यमस्माकं भवता सह।

cirāyurbhava putreti proktosau tatra bālakaḥ kathaṁ vaco bhavetsatyamasmākaṁ bhavatā saha

'"May you have long life, my son," this boy was told there. How may your word be made true together with ours?'

Verse 23 (padma.1.33.23)

एवमुक्तस्तदा तैस्तु ब्रह्मा लोकपितामहः। ऋतवाक्यादियं भूमिः संस्थिता सर्वतोभया।

evamuktastadā taistu brahmā lokapitāmahaḥ ṛtavākyādiyaṁ bhūmiḥ saṁsthitā sarvatobhayā

Thus addressed by them, Brahma, the grandsire of the worlds, spoke; by the truth of speech this earth remains established, secure on every side.

Verse 24 (padma.1.33.24)

ब्रह्मोवाच। मत्समश्चायुषा बालो मार्कंडेयो भविष्यति। कल्पस्यादौ तथाचांते मतो मे मुनिसत्तमः।

brahmovāca matsamaścāyuṣā bālo mārkaṁḍeyo bhaviṣyati kalpasyādau tathācāṁte mato me munisattamaḥ

Brahma said: 'This boy, equal to me in lifespan, shall become Markandeya; at the beginning of the kalpa and likewise at its end, he is deemed by me the foremost of sages.'

Verse 25 (padma.1.33.25)

एवं ते मुनयो बालं ब्रह्मलोके पितामहात्। संसाध्य प्रेषयामासुर्भूयोप्येनं धरातलम्।

evaṁ te munayo bālaṁ brahmaloke pitāmahāt saṁsādhya preṣayāmāsurbhūyopyenaṁ dharātalam

Thus those sages, having accomplished their purpose for the boy in Brahmaloka through the grandsire, sent him back again to the surface of the earth.

Verse 26 (padma.1.33.26)

तीर्थयात्रां गता विप्रा मार्कंडेयो निजं गृहम्। जगाम तेषु यातेषु पितरं स्वमथाब्रवीत्।

tīrthayātrāṁ gatā viprā mārkaṁḍeyo nijaṁ gṛham jagāma teṣu yāteṣu pitaraṁ svamathābravīt

The brahmins went on their pilgrimage, and Markandeya went to his own home; when they had gone, he then spoke to his own father:

Verse 27 (padma.1.33.27)

ब्रह्मलोकमहं नीतो मुनिभिर्ब्रह्मवादिभिः। दीर्घायुश्च कृतश्चास्मि वरान्दत्वा विसर्जितः।

brahmalokamahaṁ nīto munibhirbrahmavādibhiḥ dīrghāyuśca kṛtaścāsmi varāndatvā visarjitaḥ

'I was taken to Brahmaloka by the sages, knowers of Brahman; and I have been made long-lived, and dismissed after being given boons.'

Verse 28 (padma.1.33.28)

एतदन्यच्च मे दत्तं गतं चिंताकरं तव। कल्पस्यादौ तथा चांते भविष्ये समनंतरे।

etadanyacca me dattaṁ gataṁ ciṁtākaraṁ tava kalpasyādau tathā cāṁte bhaviṣye samanaṁtare

'This and other things have been given to me; your anxiety is gone. At the beginning of the kalpa, and likewise at its end, I shall be present.'

Verse 29 (padma.1.33.29)

लोककर्तुर्ब्रह्मणोहं प्रसादात्तस्य वै पितः। पुष्करं वै गमिष्यामि तपस्तप्तुं समुद्यतः।

lokakarturbrahmaṇohaṁ prasādāttasya vai pitaḥ puṣkaraṁ vai gamiṣyāmi tapastaptuṁ samudyataḥ

'By the grace of Brahma, the maker of the worlds, O father, I shall now go to Pushkara, resolved to perform austerity.'

Verse 30 (padma.1.33.30)

तत्राहं देवदेवेशमुपासिष्ये पितामहम्। सर्वकामावाप्तिकरं सर्वारातिनिबर्हणम्।

tatrāhaṁ devadeveśamupāsiṣye pitāmaham sarvakāmāvāptikaraṁ sarvārātinibarhaṇam

'There I shall worship the god of gods, the grandsire, the bestower of all desires, the destroyer of all enemies.'

Verse 31 (padma.1.33.31)

सर्वसौख्यप्रदं देवमिन्द्रादीनां परायणम्। ब्रह्माणं तोषयिष्यामि सर्वलोकपितामहम्।

sarvasaukhyapradaṁ devamindrādīnāṁ parāyaṇam brahmāṇaṁ toṣayiṣyāmi sarvalokapitāmaham

'—the god who bestows all happiness, the supreme refuge of Indra and the others. I shall satisfy Brahma, the grandsire of all worlds.'

Verse 32 (padma.1.33.32)

मार्कंडेयवचः श्रुत्वा मृकंडुर्मुनिसत्तमः। जगाम परमं हर्षं क्षणमेकं समुच्छ्वसन्।

mārkaṁḍeyavacaḥ śrutvā mṛkaṁḍurmunisattamaḥ jagāma paramaṁ harṣaṁ kṣaṇamekaṁ samucchvasan

Hearing Markandeya's words, Mrikandu, foremost of sages, attained supreme joy, sighing deeply for a moment.

Verse 33 (padma.1.33.33)

धैर्यं सुमनसा स्थाय इदं वचनमब्रवीत्। अद्य मे सफलं जन्म जीवितं च सुजीवितम्।

dhairyaṁ sumanasā sthāya idaṁ vacanamabravīt adya me saphalaṁ janma jīvitaṁ ca sujīvitam

Holding firm with a joyful mind, he spoke these words: 'Today my birth is fruitful, and my life is a good life.'

Verse 34 (padma.1.33.34)

सर्वस्य जगतां स्रष्टा येन दृष्टः पितामहः। त्वया दायादवानस्मि पुत्रेण वंशधारिणा।

sarvasya jagatāṁ sraṣṭā yena dṛṣṭaḥ pitāmahaḥ tvayā dāyādavānasmi putreṇa vaṁśadhāriṇā

'By whom the grandsire, the creator of all the worlds, has been seen — by you, O son, bearer of the lineage, I have become one who possesses an heir.'

Verse 35 (padma.1.33.35)

त्वं गच्छ पश्य देवेशं पुष्करस्थं पितामहम्। दृष्टे तस्मिन्जगन्नाथे न जरामृत्युरेव च।

tvaṁ gaccha paśya deveśaṁ puṣkarasthaṁ pitāmaham dṛṣṭe tasminjagannāthe na jarāmṛtyureva ca

'Go, see the lord of gods, the grandsire dwelling at Pushkara. When that Lord of the world is seen, there is no old age or death—'

Verse 36 (padma.1.33.36)

नृणां भवति सौख्यानि तथैश्वर्यं तपोऽक्षयम्। त्रीणि शृङ्गाणि शुभ्राणि त्रीणि प्रस्रवणानि च।

nṛṇāṁ bhavati saukhyāni tathaiśvaryaṁ tapo'kṣayam trīṇi śṛṅgāṇi śubhrāṇi trīṇi prasravaṇāni ca

'—for men; happiness, prosperity, and imperishable austerity result. There are three bright peaks, and three springs—'

Verse 37 (padma.1.33.37)

पुष्कराणि तथा त्रीणि नविद्मस्तत्र कारणम्। कनीयांसं मध्यमं च तृतीयं ज्येष्ठपुष्करम्।

puṣkarāṇi tathā trīṇi navidmastatra kāraṇam kanīyāṁsaṁ madhyamaṁ ca tṛtīyaṁ jyeṣṭhapuṣkaram

'—and likewise three Pushkaras; we do not know the reason for this — the younger, the middle, and the third, the elder Pushkara.'

Verse 38 (padma.1.33.38)

शृंगशब्दाभिधानानि शुभप्रस्रवणानि च। ब्रह्माविष्णुस्तथा रुद्रो नित्यं सन्निहितास्त्रयः।

śṛṁgaśabdābhidhānāni śubhaprasravaṇāni ca brahmāviṣṇustathā rudro nityaṁ sannihitāstrayaḥ

'—named by the word "peak," and having auspicious springs. Brahma, Vishnu, and Rudra, these three, are ever present there.'

Verse 39 (padma.1.33.39)

पुष्करेषु महाराजा नातः पुण्यतमं भुवि। विरजं विमलं तोयं त्रिषु लोकेषु विश्रुतम्।

puṣkareṣu mahārājā nātaḥ puṇyatamaṁ bhuvi virajaṁ vimalaṁ toyaṁ triṣu lokeṣu viśrutam

'—at the Pushkaras, O great king; there is nothing more meritorious than this on earth. Its water, stainless and pure, is renowned in the three worlds.'

Verse 40 (padma.1.33.40)

ब्रह्मलोकस्य पन्थानं धन्याः पश्यंति पुष्करं। यस्तु वर्षशतं साग्रमग्निहोत्रमुपासते।

brahmalokasya panthānaṁ dhanyāḥ paśyaṁti puṣkaraṁ yastu varṣaśataṁ sāgramagnihotramupāsate

'The blessed ones see Pushkara as the very path to Brahmaloka. Whoever, for a full hundred years, tends the Agnihotra—'

Verse 41 (padma.1.33.41)

कार्तिकीं वा वसेदेकां पुष्करे सममेव च। कर्तुम्मया न शकितं कर्मणा नैव साधितम्।

kārtikīṁ vā vasedekāṁ puṣkare samameva ca kartummayā na śakitaṁ karmaṇā naiva sādhitam

'—or dwells at Pushkara for just one Kartika, attains the same fruit. This deed I was not able to do, nor accomplished through action.'

Verse 42 (padma.1.33.42)

तदयत्नात्त्वया तात मृत्युस्सर्वहरो जितः। तत्र दृष्टस्स देवेशो ब्रह्मा लोकपितामहः।

tadayatnāttvayā tāta mṛtyussarvaharo jitaḥ tatra dṛṣṭassa deveśo brahmā lokapitāmahaḥ

'That, O child, has been achieved by you effortlessly — death, the taker of all, has been conquered. There the lord of gods, Brahma, the grandsire of the worlds, has been seen by you.'

Verse 43 (padma.1.33.43)

नान्यो मर्त्यस्त्वया तुल्यो भविता जगतीतले। अहं वै तोषितो येन पञ्चवार्षिकजन्मना।

nānyo martyastvayā tulyo bhavitā jagatītale ahaṁ vai toṣito yena pañcavārṣikajanmanā

'No other mortal will ever be equal to you upon this earth. I am indeed gratified by this — that one born only five years ago—'

Verse 44 (padma.1.33.44)

वरेण त्वं मदीयेन उपमां चिरजीविनाम्। गमिष्यसि न सन्देहस्तथाशीर्वचनम्मम।

vareṇa tvaṁ madīyena upamāṁ cirajīvinām gamiṣyasi na sandehastathāśīrvacanammama

'—by my boon, you shall attain a status comparable to the long-lived ones; there is no doubt of this, and so is my word of blessing.'

Verse 45 (padma.1.33.45)

एवं वदन्ति ते सर्वे व्रज लोकान्यथेप्सितान्। एवं लब्धप्रसादेन मृकण्डुतनयेन च।

evaṁ vadanti te sarve vraja lokānyathepsitān evaṁ labdhaprasādena mṛkaṇḍutanayena ca

'Thus all of them declare: go to whatever worlds you desire.' Thus, by the son of Mrikandu, having obtained such grace—

Verse 46 (padma.1.33.46)

आश्रमःस्थापितस्तेन मार्कण्डाश्रम इत्युत। तत्र स्नात्वा शुचिर्भूत्वा वाजपेयफलं लभेत्।

āśramaḥsthāpitastena mārkaṇḍāśrama ityuta tatra snātvā śucirbhūtvā vājapeyaphalaṁ labhet

—an ashram was established by him, called the Markanda-ashrama. Having bathed there and become pure, one obtains the fruit of the Vajapeya sacrifice.

Verse 47 (padma.1.33.47)

सर्वपापविशुद्धात्मा चिरायुर्जायते नरः। पुलस्त्य उवाच। तथान्यं ते प्रवक्ष्यामि इतिहासं पुरातनम्।

sarvapāpaviśuddhātmā cirāyurjāyate naraḥ pulastya uvāca tathānyaṁ te pravakṣyāmi itihāsaṁ purātanam

A man, with his soul purified of all sin, becomes long-lived. Pulastya said: Now I shall tell you another ancient story—

Verse 48 (padma.1.33.48)

यथा रामेण वै तीर्थं पुष्करं तु विनिर्मितम्। चित्रकूटात्पुरा रामो मैथिल्या लक्ष्मणेन च।

yathā rāmeṇa vai tīrthaṁ puṣkaraṁ tu vinirmitam citrakūṭātpurā rāmo maithilyā lakṣmaṇena ca

—of how the tirtha of Pushkara was, indeed, made renowned by Rama. Formerly, Rama, together with the Maithili and Lakshmana, from Chitrakuta—

Verse 49 (padma.1.33.49)

अत्रेराश्रममासाद्य पप्रच्छ मुनिसत्तमम्। राम उवाच। कानि पुण्यानि तीर्थानि किं वा क्षेत्रं महामुने।

atrerāśramamāsādya papraccha munisattamam rāma uvāca kāni puṇyāni tīrthāni kiṁ vā kṣetraṁ mahāmune

—having reached Atri's ashram, asked that foremost of sages. Rama said: 'What sacred tirthas, or what field, O great sage—'

Verse 50 (padma.1.33.50)

यत्र गत्वा नरो योगिन्वियोगं सह बंधुभिः। नैव प्राप्नोति भगवन्तन्ममाचक्ष्व सुव्रत।

yatra gatvā naro yoginviyogaṁ saha baṁdhubhiḥ naiva prāpnoti bhagavantanmamācakṣva suvrata

'—going to which, O yogi, a man never suffers separation from his kinsmen? Tell me this, O lord, O one of good vows.'

Verse 51 (padma.1.33.51)

अनेन वनवासेन राज्ञस्तु मरणेन च। भरतस्य वियोगेन परितप्ये ह्यहं त्रिभिः।

anena vanavāsena rājñastu maraṇena ca bharatasya viyogena paritapye hyahaṁ tribhiḥ

'By this exile in the forest, and by the death of the king, and by separation from Bharata, I am tormented by these three.'

Verse 52 (padma.1.33.52)

तद्वाक्यं राघवेणोक्तं श्रुत्वा विप्रर्षभस्तदा। ध्यात्वा च सुचिरं कालमिदं वचनमब्रवीत्।

tadvākyaṁ rāghaveṇoktaṁ śrutvā viprarṣabhastadā dhyātvā ca suciraṁ kālamidaṁ vacanamabravīt

Hearing that word spoken by Raghava, that foremost of brahmins then, having pondered for a long while, spoke these words:

Verse 53 (padma.1.33.53)

अत्रिरुवाच। साधु पृष्टं त्वया वीर रघूणां वंशवर्धन। मम पित्रा कृतं तीर्थं पुष्करं नाम विश्रुतम्।

atriruvāca sādhu pṛṣṭaṁ tvayā vīra raghūṇāṁ vaṁśavardhana mama pitrā kṛtaṁ tīrthaṁ puṣkaraṁ nāma viśrutam

Atri said: 'Well have you asked, O hero, O increaser of the Raghu lineage. There is a tirtha made famous by my father, named Pushkara.'

Verse 54 (padma.1.33.54)

पर्वतौ द्वौ च विख्यातौ मर्यादा यज्ञपर्वतौ। कुंडत्रयं तयोर्मध्ये ज्येष्ठमध्यकनिष्ठकम्।

parvatau dvau ca vikhyātau maryādā yajñaparvatau kuṁḍatrayaṁ tayormadhye jyeṣṭhamadhyakaniṣṭhakam

'Two mountains are renowned there, Maryada and Yajna; between them are three pools — the eldest, the middle, and the youngest.'

Verse 55 (padma.1.33.55)

तेषु गत्वा दशरथं पिंडदानेन तर्पय। तीर्थानां प्रवरं तीर्थं क्षेत्राणामपि चोत्तमम्।

teṣu gatvā daśarathaṁ piṁḍadānena tarpaya tīrthānāṁ pravaraṁ tīrthaṁ kṣetrāṇāmapi cottamam

'Going there, satisfy Dasharatha with pinda-offerings. It is the foremost of tirthas, and the best of sacred fields as well.'

Verse 56 (padma.1.33.56)

अवियोगा च सुरसा वापी रघुकुलोद्वह। तथा सौभाग्यकूपोन्यः सुजलो रघुनंदन।

aviyogā ca surasā vāpī raghukulodvaha tathā saubhāgyakūponyaḥ sujalo raghunaṁdana

'There is the Avirodha stepwell, sweet-watered, O elevator of the Raghu clan; and there is another, the Saubhagya well, of good water, O joy of Raghu.'

Verse 57 (padma.1.33.57)

तेषु पिंडप्रदानेन पितरो मोक्षमाप्नुयुः। आभूतसंप्लवं कालमेतदाह पितामहः।

teṣu piṁḍapradānena pitaro mokṣamāpnuyuḥ ābhūtasaṁplavaṁ kālametadāha pitāmahaḥ

'By offering pinda there, ancestors attain liberation. Until the dissolution of all beings, this has been declared by the grandsire.'

Verse 58 (padma.1.33.58)

तत्र राघव गच्छस्व भूयोप्यागमनं क्रियाः। तथेति चोक्त्वा रामोपि गमनाय मनो दधे।

tatra rāghava gacchasva bhūyopyāgamanaṁ kriyāḥ tatheti coktvā rāmopi gamanāya mano dadhe

'Go there, O Raghava, and come back again.' Saying 'so be it,' Rama too resolved to go.

Verse 59 (padma.1.33.59)

ऋक्षवंतमभिक्रम्य नगरं वैदिशं तथा। चर्मण्वतीं समुत्तीर्य प्राप्तोसौ यज्ञपर्वतम्।

ṛkṣavaṁtamabhikramya nagaraṁ vaidiśaṁ tathā carmaṇvatīṁ samuttīrya prāptosau yajñaparvatam

Passing by Rikshavan mountain, and the city of Vidisha, and crossing the Charmanvati river, he reached Yajnaparvata.

Verse 60 (padma.1.33.60)

तमतिक्रम्य वेगेन मध्यमे पुष्करे स्थितः। पितॄन्संतर्पयामास अद्भिर्देवांश्च सर्वशः।

tamatikramya vegena madhyame puṣkare sthitaḥ pitṝnsaṁtarpayāmāsa adbhirdevāṁśca sarvaśaḥ

Passing swiftly beyond it, he stationed himself at Madhyama Pushkara, and satisfied his ancestors and all the gods with water.

Verse 61 (padma.1.33.61)

स्नानावसाने रामेण मार्कंडो मुनिपुंगवः। आगच्छन्शिष्यसंयुक्तो दृष्टस्तत्रैव धीमता।

snānāvasāne rāmeṇa mārkaṁḍo munipuṁgavaḥ āgacchanśiṣyasaṁyukto dṛṣṭastatraiva dhīmatā

At the end of his bath, that wise Rama saw Markanda, the foremost of sages, arriving there, accompanied by his disciples.

Verse 62 (padma.1.33.62)

गत्वा वै संमुखं तस्य प्रणिपत्य च सादरम्। पृष्टोऽवियोगदः कूपः कतमस्यां दिशि प्रभो।

gatvā vai saṁmukhaṁ tasya praṇipatya ca sādaram pṛṣṭo'viyogadaḥ kūpaḥ katamasyāṁ diśi prabho

Going before him and bowing respectfully, he was asked: 'O lord, in which direction is the well that grants non-separation?'

Verse 63 (padma.1.33.63)

सुतो दशरथस्याहं रामो नाम जनैः स्मृतः। सौभाग्यवापीं तां द्रष्टुमहं प्राप्तोत्रिशासनात्।

suto daśarathasyāhaṁ rāmo nāma janaiḥ smṛtaḥ saubhāgyavāpīṁ tāṁ draṣṭumahaṁ prāptotriśāsanāt

'I am the son of Dasharatha, known to people by the name Rama; by the instruction of Atri, I have come to see that Saubhagya stepwell.'

Verse 64 (padma.1.33.64)

तत्स्थानं तौ च वै कूपौ भगवान्प्रब्रवीतु मे। एवमुक्तश्च रामेण मार्कंडः प्रत्युवाच ह।

tatsthānaṁ tau ca vai kūpau bhagavānprabravītu me evamuktaśca rāmeṇa mārkaṁḍaḥ pratyuvāca ha

'Let the lord tell me that place, and those two wells.' Thus addressed by Rama, Markanda replied:

Verse 65 (padma.1.33.65)

मार्कंडेय उवाच। साधु राघव भद्रं ते सुकृतं भवता कृतम्। तीर्थयात्राप्रसंगेन यत्प्राप्तोसीह सांप्रतम्।

mārkaṁḍeya uvāca sādhu rāghava bhadraṁ te sukṛtaṁ bhavatā kṛtam tīrthayātrāprasaṁgena yatprāptosīha sāṁpratam

Markandeya said: 'Well done, O Raghava; may good come to you; a good deed has been done by you, in that through the occasion of pilgrimage you have now arrived here.'

Verse 66 (padma.1.33.66)

एह्यागच्छस्व पश्य स्ववापीं तामवियोगदाम्। अवियोगश्च सर्वैश्च कूप एवात्र जायते।

ehyāgacchasva paśya svavāpīṁ tāmaviyogadām aviyogaśca sarvaiśca kūpa evātra jāyate

'Come, come and see that stepwell of yours which grants non-separation. Non-separation from all comes about, indeed, at this very well—'

Verse 67 (padma.1.33.67)

आमुष्मिके चैहिके च जीवतोपि मृतस्य वा। एतद्वाक्यं मुनींद्रस्य श्रुत्वा लक्ष्मणपूर्वजः।

āmuṣmike caihike ca jīvatopi mṛtasya vā etadvākyaṁ munīṁdrasya śrutvā lakṣmaṇapūrvajaḥ

'—in the next world and in this one, whether living or dead.' Hearing this word of the lord of sages, the elder brother of Lakshmana—

Verse 68 (padma.1.33.68)

सस्मार रामो राजानं तदा दशरथं नृप। भरतं सह शत्रुघ्न्रंभातॄनन्यांश्चनागरान्।

sasmāra rāmo rājānaṁ tadā daśarathaṁ nṛpa bharataṁ saha śatrughnraṁbhātṝnanyāṁścanāgarān

—Rama then remembered king Dasharatha, O king, and Bharata together with Shatrughna, his brothers, and the other citizens.

Verse 69 (padma.1.33.69)

एवंचिंतयतस्तस्य संध्याकालो व्यजायत। उपास्य पश्चिमां संध्यां मुनिभिःसह राघवः।

evaṁciṁtayatastasya saṁdhyākālo vyajāyata upāsya paścimāṁ saṁdhyāṁ munibhiḥsaha rāghavaḥ

While he was thinking thus, the twilight hour arrived; having performed the evening twilight worship, Raghava together with the sages—

Verse 70 (padma.1.33.70)

सुष्वाप तां निशां तत्र भ्रातृभार्यासमन्वितः। विभावर्यवसाने तु स्वप्नांते रघुनंदनः।

suṣvāpa tāṁ niśāṁ tatra bhrātṛbhāryāsamanvitaḥ vibhāvaryavasāne tu svapnāṁte raghunaṁdanaḥ

—slept there that night, accompanied by his brother and wife. At the end of that night, in the final dream, that joy of the Raghus—

Verse 71 (padma.1.33.71)

पित्रा मात्रा तथा चान्यैरयोध्यायां स्थितः किल। विवाहमंगले वृत्ते बहुभिर्बांधवैः सह।

pitrā mātrā tathā cānyairayodhyāyāṁ sthitaḥ kila vivāhamaṁgale vṛtte bahubhirbāṁdhavaiḥ saha

—saw himself established in Ayodhya with his father, mother, and others, at an auspicious wedding celebration, together with many kinsmen.

Verse 72 (padma.1.33.72)

समासीनः सभार्योऽसावृषिभिः परिवारितः। लक्ष्मणेनाप्येवमेव दृष्टोऽसौ सीतया तथा।

samāsīnaḥ sabhāryo'sāvṛṣibhiḥ parivāritaḥ lakṣmaṇenāpyevameva dṛṣṭo'sau sītayā tathā

Seated together with his wife, surrounded by sages — this same vision was seen likewise by Lakshmana, and by Sita too.

Verse 73 (padma.1.33.73)

प्रभाते तु मुनीनां तत्सर्वमेव प्रकीर्तितम्। ऋषिभिश्च तथेत्युक्तः सत्यमेतद्रघूत्तम।

prabhāte tu munīnāṁ tatsarvameva prakīrtitam ṛṣibhiśca tathetyuktaḥ satyametadraghūttama

At dawn all of this was recounted to the sages. And the sages told him: 'This is true, O best of the Raghus.'

Verse 74 (padma.1.33.74)

मृतस्य दर्शने श्राद्धं कार्यमावश्यकं स्मृतम्। वृद्धिकामास्तु पितरस्तथा चैवान्नकांक्षिणः।

mṛtasya darśane śrāddhaṁ kāryamāvaśyakaṁ smṛtam vṛddhikāmāstu pitarastathā caivānnakāṁkṣiṇaḥ

'When one has a vision of the deceased, performing shraddha is remembered as necessary. Ancestors, desiring increase, and desiring food—'

Verse 75 (padma.1.33.75)

ददंति दर्शनं स्वप्ने भक्तियुक्तस्य राघव। अवियोगस्तु ते भ्रात्रा पित्रा च भरतेन च।

dadaṁti darśanaṁ svapne bhaktiyuktasya rāghava aviyogastu te bhrātrā pitrā ca bharatena ca

'—give a vision in dream to one endowed with devotion, O Raghava. Your non-separation from your brother, father, and Bharata—'

Verse 76 (padma.1.33.76)

चतुर्दशानां वर्षाणां भविता राघव ध्रुवम्। कुरु श्राद्धं तथा वीर राज्ञो दशरथस्य च।

caturdaśānāṁ varṣāṇāṁ bhavitā rāghava dhruvam kuru śrāddhaṁ tathā vīra rājño daśarathasya ca

'—will certainly come after fourteen years, O Raghava. So perform the shraddha, O hero, of king Dasharatha.'

Verse 77 (padma.1.33.77)

अमी च ऋषयः सर्वे तव भक्ताः कृतक्षणाः। अहं च जमदग्निश्च भारद्वाजश्च लोमशः।

amī ca ṛṣayaḥ sarve tava bhaktāḥ kṛtakṣaṇāḥ ahaṁ ca jamadagniśca bhāradvājaśca lomaśaḥ

'And all these sages here are your devotees, who have made time available for this: myself, and Jamadagni, and Bharadvaja, and Lomasha—'

Verse 78 (padma.1.33.78)

देवरातः शमीकश्च षडेते वै द्विजोत्तमाः। श्राद्धे च ते महाबाहो संभारांस्त्वमुपाहर।

devarātaḥ śamīkaśca ṣaḍete vai dvijottamāḥ śrāddhe ca te mahābāho saṁbhārāṁstvamupāhara

'—Devarata and Shamika — these six, the best of brahmins. For the shraddha, O mighty-armed one, bring the requisite materials—'

Verse 79 (padma.1.33.79)

मुख्यं चेंगुदिपिण्याकं बदरामलकैः सह। श्रीफलानि च पक्वानि मूलं चोच्चावचं बहु।

mukhyaṁ ceṁgudipiṇyākaṁ badarāmalakaiḥ saha śrīphalāni ca pakvāni mūlaṁ coccāvacaṁ bahu

'—chiefly ingudi-oilcake, together with jujubes and amalakas, ripe wood-apples, and many kinds of roots—'

Verse 80 (padma.1.33.80)

मार्गेण चाथ मांसेन धान्येन विविधेन च। तृप्तिं प्रयच्छ विप्राणां श्राद्धदानेन सुव्रत।

mārgeṇa cātha māṁsena dhānyena vividhena ca tṛptiṁ prayaccha viprāṇāṁ śrāddhadānena suvrata

'—and with meat and various grains. Give satisfaction to the brahmins through the gift of shraddha, O one of good vows.'

Verse 81 (padma.1.33.81)

पुष्करारण्यमासाद्य नियतो नियताशनः। पितॄंस्तर्पयते यस्तु सोश्वमेधमवाप्नुयात्।

puṣkarāraṇyamāsādya niyato niyatāśanaḥ pitṝṁstarpayate yastu sośvamedhamavāpnuyāt

'Whoever, having come to the Pushkara forest, disciplined and restrained in diet, satisfies his ancestors, obtains the fruit of the Ashvamedha.'

Verse 82 (padma.1.33.82)

स्नानार्थं तु वयं राम गच्छामो ज्येष्ठपुष्करम्। इत्युक्त्वा ते गताः सर्वे मुनयो राघवं नृप।

snānārthaṁ tu vayaṁ rāma gacchāmo jyeṣṭhapuṣkaram ityuktvā te gatāḥ sarve munayo rāghavaṁ nṛpa

'For bathing, O Rama, we shall go to the elder Pushkara.' Having said this, all those sages departed, O king, from Raghava.

Verse 83 (padma.1.33.83)

लक्ष्मणं चाब्रवीद्रामो मेध्यमाहर मे मृगम्। शुद्धेक्षणं च शशकं कृष्णशाकं तथा मधु।

lakṣmaṇaṁ cābravīdrāmo medhyamāhara me mṛgam śuddhekṣaṇaṁ ca śaśakaṁ kṛṣṇaśākaṁ tathā madhu

Rama said to Lakshmana: 'Bring me a fit deer for sacrifice, a pure-eyed hare, black greens, and honey—'

Verse 84 (padma.1.33.84)

जंबीराणि च मुख्यानि मूलानि विविधानि च। पक्वानि च कपित्थानि फलान्यन्यानि यानि च।

jaṁbīrāṇi ca mukhyāni mūlāni vividhāni ca pakvāni ca kapitthāni phalānyanyāni yāni ca

'—citrons chiefly, and various roots, ripe wood-apples, and whatever other fruits there may be.'

Verse 85 (padma.1.33.85)

तान्याहरस्व वै श्राद्धे क्षिप्रमेवास्तु लक्ष्मण। तथा तत्कृतवान्सर्वं रामादेशाच्च राघवः।

tānyāharasva vai śrāddhe kṣipramevāstu lakṣmaṇa tathā tatkṛtavānsarvaṁ rāmādeśācca rāghavaḥ

'—bring those for the shraddha, quickly, O Lakshmana.' And so, at Rama's command, that Raghava did all of it.

Verse 86 (padma.1.33.86)

बदरेङ्गुदिशाकानि मूलानि विविधानि च। तत्राहृत्य च रामेण कूटाकारः कृतो महान्।

badareṅgudiśākāni mūlāni vividhāni ca tatrāhṛtya ca rāmeṇa kūṭākāraḥ kṛto mahān

Jujubes, ingudi, greens, and various roots — having brought these there, Rama made a great heap of them.

Verse 87 (padma.1.33.87)

परिपक्वं च जानक्या सिद्धं रामे निवेदितम्। स्नात्वा रामो योगवाप्यां मुनींस्ताननुपालयन्।

paripakvaṁ ca jānakyā siddhaṁ rāme niveditam snātvā rāmo yogavāpyāṁ munīṁstānanupālayan

Cooked by Janaki and made ready, it was presented to Rama. Having bathed in the Yoga-vapi, Rama, awaiting those sages—

Verse 88 (padma.1.33.88)

मध्याह्नाच्चलिते सूर्ये काले कुतपके तथा। आयाता ऋषयः सर्वे ये रामेणानुमंत्रिताः।

madhyāhnāccalite sūrye kāle kutapake tathā āyātā ṛṣayaḥ sarve ye rāmeṇānumaṁtritāḥ

—when the sun had moved beyond noon, at the auspicious kutapa time, all those sages who had been invited by Rama arrived.

Verse 89 (padma.1.33.89)

तानागतान्मुनीन्दृष्ट्वा वैदेही जनकात्मजा। रामांतिकं परित्यज्य व्रीडिताऽन्यत्र संस्थिता।

tānāgatānmunīndṛṣṭvā vaidehī janakātmajā rāmāṁtikaṁ parityajya vrīḍitā'nyatra saṁsthitā

Seeing those sages who had arrived, Vaidehi, daughter of Janaka, out of modesty, left Rama's side and stood elsewhere.

Verse 90 (padma.1.33.90)

विस्मयोत्फुल्लनयना चिंतयाना च वेपती। ब्राह्मणा नेह जानंति श्राद्धकाले ह्युपस्थिताः।

vismayotphullanayanā ciṁtayānā ca vepatī brāhmaṇā neha jānaṁti śrāddhakāle hyupasthitāḥ

Her eyes wide with astonishment, thinking and trembling — 'the brahmins here do not know,' present at the time of shraddha—

Verse 91 (padma.1.33.91)

रामेण भोजिता विप्राः स्मृत्युक्तेन यथाविधि। वैदिक्यश्च कृतास्सर्वाः सत्क्रिया यास्समीरिताः।

rāmeṇa bhojitā viprāḥ smṛtyuktena yathāvidhi vaidikyaśca kṛtāssarvāḥ satkriyā yāssamīritāḥ

The brahmins were fed by Rama, duly, as prescribed by the Smriti texts; and all the Vedic rites that are declared were performed.

Verse 92 (padma.1.33.92)

पुराणोक्तो विधिश्चैव वैश्वदेविकपूर्वकः। भुक्तवत्सु च विप्रेषु दत्वा पिंडान्यथाक्रमम्।

purāṇokto vidhiścaiva vaiśvadevikapūrvakaḥ bhuktavatsu ca vipreṣu datvā piṁḍānyathākramam

And the rite declared in the Puranas, preceded by the Vaishvadeva offering — and when the brahmins had eaten, having given the pindas in due order—

Verse 93 (padma.1.33.93)

प्रेषितेषु यथाशक्ति दत्वा तेषु च दक्षिणाम्। गतेषु विप्रमुख्येषु प्रियां रामोऽब्रवीदिदम्।

preṣiteṣu yathāśakti datvā teṣu ca dakṣiṇām gateṣu vipramukhyeṣu priyāṁ rāmo'bravīdidam

—and having given them, according to his ability, their fee as they were sent off — when the chief brahmins had departed, Rama spoke this to his beloved:

Verse 94 (padma.1.33.94)

किमर्थं सुभ्रु नष्टासि मुनीन्दृष्ट्वा त्विहागतान्। तत्सर्वं त्वमिदं तत्वं कारणं वद माचिरम्।

kimarthaṁ subhru naṣṭāsi munīndṛṣṭvā tvihāgatān tatsarvaṁ tvamidaṁ tatvaṁ kāraṇaṁ vada māciram

'Why, O fair-browed one, did you vanish upon seeing the sages who came here? Tell me at once the true reason for all of this.'

Verse 95 (padma.1.33.95)

भवितव्यं कारणेन तच्च गोप्यं न मे कुरु। शापितासि मम प्राणैर्लक्ष्मणस्य शुचिस्मिते।

bhavitavyaṁ kāraṇena tacca gopyaṁ na me kuru śāpitāsi mama prāṇairlakṣmaṇasya śucismite

'There must be a reason for it; do not hide it from me. I adjure you, O pure-smiling one, by my own life and by Lakshmana's.'

Verse 96 (padma.1.33.96)

एवमुक्ता तदा भर्त्रा त्रपयाऽवाङ्मुखी स्थिता। विमुंचंती साऽश्रुपातं राघवं वाक्यमब्रवीत्।

evamuktā tadā bhartrā trapayā'vāṅmukhī sthitā vimuṁcaṁtī sā'śrupātaṁ rāghavaṁ vākyamabravīt

Thus addressed by her husband, she stood with face lowered in shame; shedding tears, she spoke these words to Raghava:

Verse 97 (padma.1.33.97)

शृणु त्वं नाथ यद्दृष्टमाश्चर्यमिह यादृशम्। राम त्वयाऽचिंत्यमानो राजेंद्रस्त्विह चागतः।

śṛṇu tvaṁ nātha yaddṛṣṭamāścaryamiha yādṛśam rāma tvayā'ciṁtyamāno rājeṁdrastviha cāgataḥ

'Hear, O lord, what wonder I saw here, and of what kind. O Rama, while unthought of by you, a king came here—'

Verse 98 (padma.1.33.98)

सर्वाभरणसंयुक्तौ द्वौ चान्यौ च तथाविधौ। द्विजानां देहसंयुक्तास्त्रयस्ते रघुनंदन।

sarvābharaṇasaṁyuktau dvau cānyau ca tathāvidhau dvijānāṁ dehasaṁyuktāstrayaste raghunaṁdana

'—two others, similarly adorned with all ornaments; O joy of the Raghus, these three were joined with the bodies of brahmins.'

Verse 99 (padma.1.33.99)

पितरस्तु मया दृष्टा ब्राह्मणांगेषु राघव। दृष्ट्वा त्रपान्विता चाहमपक्रांता तवांतिकात्।

pitarastu mayā dṛṣṭā brāhmaṇāṁgeṣu rāghava dṛṣṭvā trapānvitā cāhamapakrāṁtā tavāṁtikāt

'I saw the ancestors themselves within the bodies of the brahmins, O Raghava. Seeing this, filled with shame, I withdrew from your side.'

Verse 100 (padma.1.33.100)

त्वया वै भोजिता विप्राः कृतं श्राद्धं यथाविधि। वल्कलाजिनसंवीता कथं राज्ञः पुरःसरा।

tvayā vai bhojitā viprāḥ kṛtaṁ śrāddhaṁ yathāvidhi valkalājinasaṁvītā kathaṁ rājñaḥ puraḥsarā

'The brahmins were fed by you, and the shraddha performed duly. But how, clad in bark-garments and deerskin, could I appear before the king—'

Verse 101 (padma.1.33.101)

भवामि रिपुवीरघ्न सत्यमेतदुदाहृतम्। कौशेयानि च वस्त्राणि कैकेय्यापहृतानि च।

bhavāmi ripuvīraghna satyametadudāhṛtam kauśeyāni ca vastrāṇi kaikeyyāpahṛtāni ca

'—could I stand, O slayer of enemy heroes? This is truly spoken: my silk garments were taken away by Kaikeyi—'

Verse 102 (padma.1.33.102)

ततः प्रभृति चैवाहं चीरिणी तु वनाश्रयम्। ज्ञात्वाहं न वदे किंचिन्मा ते दुःखं भवत्विति।

tataḥ prabhṛti caivāhaṁ cīriṇī tu vanāśrayam jñātvāhaṁ na vade kiṁcinmā te duḥkhaṁ bhavatviti

'—and from then on I have worn bark-cloth, taking refuge in the forest. Knowing this, I said nothing, thinking, "let no sorrow come to you."'

Verse 103 (padma.1.33.103)

नाहं स्मरामि वै मातुर्न पितुश्च परंतप। कदा भविष्यतीहांतो वनवासस्य राघव।

nāhaṁ smarāmi vai māturna pituśca paraṁtapa kadā bhaviṣyatīhāṁto vanavāsasya rāghava

'I do not remember my mother, nor my father, O scorcher of foes. When, O Raghava, will this exile in the forest come to an end?'

Verse 104 (padma.1.33.104)

एतदेवानिशं राम चिंतयंत्याः पुनः पुनः। व्रजंति दिवसा नाथ तव पद्भ्यां शपाम्यहम्।

etadevāniśaṁ rāma ciṁtayaṁtyāḥ punaḥ punaḥ vrajaṁti divasā nātha tava padbhyāṁ śapāmyaham

'Constantly thinking of this alone, O Rama, again and again, the days pass, O lord; I swear this by your very feet.'

Verse 105 (padma.1.33.105)

स्वहस्तेन कथं राज्ञो दास्ये वै भोजनं त्विदम्। दासानामपि यो दासो नोपभुंजीतयत्क्वचित्।

svahastena kathaṁ rājño dāsye vai bhojanaṁ tvidam dāsānāmapi yo dāso nopabhuṁjītayatkvacit

'How, with my own hand, should I give this food to a king — for even the servant of servants would not partake of it at all.'

Verse 106 (padma.1.33.106)

एतादृशी कथं त्वस्मै संप्रदातुं समुत्सहे। याहं राज्ञा पुरा दृष्टा सर्वालङ्कारभूषिता।

etādṛśī kathaṁ tvasmai saṁpradātuṁ samutsahe yāhaṁ rājñā purā dṛṣṭā sarvālaṅkārabhūṣitā

'How, being such as I am, could I dare to offer it to him? I who was formerly seen by the king, adorned with every ornament—'

Verse 107 (padma.1.33.107)

बालव्यजनहस्ता च वीजयंती नराधिपम्। सा स्वेदमलदिग्धांगी कथं पश्यामि भूमिपम्।

bālavyajanahastā ca vījayaṁtī narādhipam sā svedamaladigdhāṁgī kathaṁ paśyāmi bhūmipam

'—with a fan in hand, fanning the king — how, with my body smeared with sweat and dirt, can I now look upon the king?'

Verse 108 (padma.1.33.108)

व्यक्तं त्रिविष्टपं प्राप्तस्त्वया पुत्रेण तारितः। दृष्ट्वा मां दुःखितां बालां वने क्लिष्टामनागसम्।

vyaktaṁ triviṣṭapaṁ prāptastvayā putreṇa tāritaḥ dṛṣṭvā māṁ duḥkhitāṁ bālāṁ vane kliṣṭāmanāgasam

'Clearly, he has attained heaven, delivered by you, his son. Seeing me sorrowful, young, afflicted in the forest, though blameless—'

Verse 109 (padma.1.33.109)

शोकः स्यात्पार्थिवस्यास्य तेन नष्टास्मि राघव। भवान्प्राणसमो राम न ते गोप्यं ममत्विह।

śokaḥ syātpārthivasyāsya tena naṣṭāsmi rāghava bhavānprāṇasamo rāma na te gopyaṁ mamatviha

'—grief would come upon this king; therefore I vanished, O Raghava. You are equal to my life, O Rama; nothing here is to be hidden from you.'

Verse 110 (padma.1.33.110)

सत्येन तेन चैवाथ स्पृशामि चरणौ तव। तच्छ्रुत्वा राघवः प्रीतः प्रियां तां प्रियवादिनीम्।

satyena tena caivātha spṛśāmi caraṇau tava tacchrutvā rāghavaḥ prītaḥ priyāṁ tāṁ priyavādinīm

'By that very truth I now touch your feet.' Hearing this, Raghava, pleased, embraced his sweet-speaking beloved—

Verse 111 (padma.1.33.111)

अंकमानीय सुदृढं परिष्वज्य च सादरम्। भुक्तौ भोज्यं तदा वीरौ पश्चाद्भुक्ता च जानकी।

aṁkamānīya sudṛḍhaṁ pariṣvajya ca sādaram bhuktau bhojyaṁ tadā vīrau paścādbhuktā ca jānakī

—drawing her into his lap, firmly and respectfully embracing her. Then the two heroes ate their food, and afterward Janaki ate.

Verse 112 (padma.1.33.112)

एवं स्थितौ तदा सा च तां रात्रिं तत्र राघवौ। उदिते च सहस्रांशौ गमनाय मनो दधुः।

evaṁ sthitau tadā sā ca tāṁ rātriṁ tatra rāghavau udite ca sahasrāṁśau gamanāya mano dadhuḥ

Thus they remained there, she and those two Raghavas, that night; and when the thousand-rayed sun had risen, they resolved to depart.

Verse 113 (padma.1.33.113)

प्रत्यङ्मुखं गतः क्रोशं ज्येष्ठं यावच्च पुष्करम्। पूर्वभागे पुष्करस्य यावत्तिष्ठति राघवः।

pratyaṅmukhaṁ gataḥ krośaṁ jyeṣṭhaṁ yāvacca puṣkaram pūrvabhāge puṣkarasya yāvattiṣṭhati rāghavaḥ

He went westward for a krosha, as far as the elder Pushkara; while Raghava stood in the eastern part of Pushkara—

Verse 114 (padma.1.33.114)

शुश्राव च ततो वाचं देवदूतेन भाषितम्। भो भो राघव भद्रं ते तीर्थमेतत्सुदुर्लभम्।

śuśrāva ca tato vācaṁ devadūtena bhāṣitam bho bho rāghava bhadraṁ te tīrthametatsudurlabham

—then he heard a voice spoken by a divine messenger: 'O Raghava, may good come to you; this tirtha is exceedingly rare.'

Verse 115 (padma.1.33.115)

अस्मिन्स्थाने स्थितो वीर आत्मनः पुण्यतां कुरु। देवकार्यं त्वया कार्यं हंतव्या देवशत्रवः।

asminsthāne sthito vīra ātmanaḥ puṇyatāṁ kuru devakāryaṁ tvayā kāryaṁ haṁtavyā devaśatravaḥ

'Standing in this place, O hero, work for your own merit. A task of the gods is to be done by you; the enemies of the gods are to be slain.'

Verse 116 (padma.1.33.116)

ततो हृष्टमना वीरो ह्यब्रवील्लक्ष्मणं वचः। सौमित्रेऽनुगृहीतोहं देवदेवेन ब्रह्मणा।

tato hṛṣṭamanā vīro hyabravīllakṣmaṇaṁ vacaḥ saumitre'nugṛhītohaṁ devadevena brahmaṇā

Then that hero, glad at heart, spoke this word to Lakshmana: 'O son of Sumitra, I have been graced by the god of gods, Brahma.'

Verse 117 (padma.1.33.117)

अत्राश्रमपदं कृत्वा मासमेकं च लक्ष्मण। व्रतं चरितुमिच्छामि कायशोधनमुत्तमम्।

atrāśramapadaṁ kṛtvā māsamekaṁ ca lakṣmaṇa vrataṁ caritumicchāmi kāyaśodhanamuttamam

'Making an ashram here, for one month, O Lakshmana, I wish to observe a vow, an excellent purification of the body.'

Verse 118 (padma.1.33.118)

तथेति लक्ष्मणेनोक्ते व्रतं परिसमाप्यतु। पिंडदानादिभिर्दानैः श्राद्धैश्चैव पितामहान्।

tatheti lakṣmaṇenokte vrataṁ parisamāpyatu piṁḍadānādibhirdānaiḥ śrāddhaiścaiva pitāmahān

When Lakshmana had said 'so be it,' the vow was completed; and with pinda-offerings, gifts, and shraddhas, the ancestors—

Verse 119 (padma.1.33.119)

पुष्करे तु तदा रामोऽतर्पयद्विधिवत्तदा। कनका सुप्रभा चैव नंदा प्राची सरस्वती।

puṣkare tu tadā rāmo'tarpayadvidhivattadā kanakā suprabhā caiva naṁdā prācī sarasvatī

—Rama then duly satisfied at Pushkara, according to rite; with Kanaka, Suprabha, Nanda, and Prachi Sarasvati—

Verse 120 (padma.1.33.120)

पंचस्रोताः पुष्करेषु पितॄणां तुष्टिदायिनी। दैनंदिनीं पितॄणां तु पूजां तां पितृपूर्विकाम्।

paṁcasrotāḥ puṣkareṣu pitṝṇāṁ tuṣṭidāyinī dainaṁdinīṁ pitṝṇāṁ tu pūjāṁ tāṁ pitṛpūrvikām

—the five-streamed one at Pushkara, giver of satisfaction to the ancestors — having performed the daily worship of the ancestors, that ancestral rite—

Verse 121 (padma.1.33.121)

रचयित्वा तदा रामो लक्ष्मणं वाक्यमब्रवीत्। एहि लक्ष्मण शीघ्रं त्वं पुष्कराज्जलमानय।

racayitvā tadā rāmo lakṣmaṇaṁ vākyamabravīt ehi lakṣmaṇa śīghraṁ tvaṁ puṣkarājjalamānaya

—having thus performed it, Rama then spoke this word to Lakshmana: 'Come, Lakshmana, quickly bring water from Pushkara.'

Verse 122 (padma.1.33.122)

पादप्रक्षालनं कृत्वा शयनं कुरु संस्तरे। विभावर्यां निवृत्तायां यास्यामो दक्षिणां दिशम्।

pādaprakṣālanaṁ kṛtvā śayanaṁ kuru saṁstare vibhāvaryāṁ nivṛttāyāṁ yāsyāmo dakṣiṇāṁ diśam

'Having washed my feet, make my bed on a spread of grass. When the night has passed, we shall go to the southern direction.'

Verse 123 (padma.1.33.123)

लक्ष्मणस्त्वब्रवीद्वाक्यं सीतयानीय तां पयः। नाहं राम सर्वकाले दासभावं करोमि ते।

lakṣmaṇastvabravīdvākyaṁ sītayānīya tāṁ payaḥ nāhaṁ rāma sarvakāle dāsabhāvaṁ karomi te

But Lakshmana spoke these words, having Sita bring that water instead: 'I, O Rama, shall not always act in a servant's role for you.'

Verse 124 (padma.1.33.124)

इयंपुष्टाचसुभृशंपीवरीचममाप्युत। किं त्वं करिष्यस्यनया भार्यया वद सांप्रतम्।

iyaṁpuṣṭācasubhṛśaṁpīvarīcamamāpyuta kiṁ tvaṁ kariṣyasyanayā bhāryayā vada sāṁpratam

'This one is well-nourished and indeed very plump, more so even than myself. What will you do with this wife? Tell me now.'

Verse 125 (padma.1.33.125)

किं वा मृतस्य वै पृष्ठ इयं यास्यति ते प्रिया। रक्षसे त्वं सदा कालं सुपुष्टां चैव सर्वदा।

kiṁ vā mṛtasya vai pṛṣṭha iyaṁ yāsyati te priyā rakṣase tvaṁ sadā kālaṁ supuṣṭāṁ caiva sarvadā

'Or will this beloved of yours follow behind you when you are dead? You protect her always, keeping her ever well-fed.'

Verse 126 (padma.1.33.126)

हृष्टा चैषा क्लेशयति सततं मां रघूत्तम। त्वं च क्लेशयसे राम परत्र जायते क्षतिः।

hṛṣṭā caiṣā kleśayati satataṁ māṁ raghūttama tvaṁ ca kleśayase rāma paratra jāyate kṣatiḥ

'And this contented one constantly troubles me, O best of the Raghus. And you too are troubled, O Rama; loss shall come in the world beyond.'

Verse 127 (padma.1.33.127)

त्वत्कृते च सदा चाहं पिपासां क्षुधया सह। संसहामि न संदेहः परत्र च निशामय।

tvatkṛte ca sadā cāhaṁ pipāsāṁ kṣudhayā saha saṁsahāmi na saṁdehaḥ paratra ca niśāmaya

'For your sake I always endure thirst together with hunger, without doubt; and hear now about the world to come.'

Verse 128 (padma.1.33.128)

मृतानां पृष्ठतः कश्चिद्गतो नैव च दृश्यते। भार्य्या पुत्रो धनं चापि एवमाहुर्मनीषिणः।

mṛtānāṁ pṛṣṭhataḥ kaścidgato naiva ca dṛśyate bhāryyā putro dhanaṁ cāpi evamāhurmanīṣiṇaḥ

'No one is ever seen going behind the dead — neither wife, nor son, nor wealth — thus say the wise.'

Verse 129 (padma.1.33.129)

मृतश्च ते पिता राम त्यक्त्वा राज्यमकंटकम्। विनिक्षिप्य वने त्वां च कैकेय्याः प्रियकाम्यया।

mṛtaśca te pitā rāma tyaktvā rājyamakaṁṭakam vinikṣipya vane tvāṁ ca kaikeyyāḥ priyakāmyayā

'And your father, O Rama, has died, having abandoned his thornless kingdom — having cast you into the forest for the sake of pleasing Kaikeyi.'

Verse 130 (padma.1.33.130)

इहस्थिता सा कैकेयी धनं सर्वे च बांधवाः। महाराजो दशरथ एक एव गतो गतिम्।

ihasthitā sā kaikeyī dhanaṁ sarve ca bāṁdhavāḥ mahārājo daśaratha eka eva gato gatim

'Here remains that Kaikeyi, and the wealth, and all the kinsmen; the great king Dasharatha alone has gone his final way.'

Verse 131 (padma.1.33.131)

मन्येहं न त्वया सार्धं सीता यास्यति वै ध्रुवम्। करिष्यसे किमनया वद राघव सांप्रतम्।

manyehaṁ na tvayā sārdhaṁ sītā yāsyati vai dhruvam kariṣyase kimanayā vada rāghava sāṁpratam

'I think that Sita will surely not go along with you in death. What use will you have of her? Tell me now, O Raghava.'

Verse 132 (padma.1.33.132)

श्रुत्वा चाश्रुतपूर्वं हि वाक्यं लक्ष्मणभाषितम्। विमना राघवस्तस्थौ सीता चापि वरानना।

śrutvā cāśrutapūrvaṁ hi vākyaṁ lakṣmaṇabhāṣitam vimanā rāghavastasthau sītā cāpi varānanā

Hearing this word spoken by Lakshmana, never heard before, Raghava stood despondent, and so too Sita, of beautiful face.

Verse 133 (padma.1.33.133)

यदुक्तं लक्ष्मणेनाथ सीता सर्वं चकार ह। स्नात्वा भुक्त्वा ततो वीरौ पुष्करे पुष्करेक्षणौ।

yaduktaṁ lakṣmaṇenātha sītā sarvaṁ cakāra ha snātvā bhuktvā tato vīrau puṣkare puṣkarekṣaṇau

Then Sita did all that Lakshmana had said. Having bathed and eaten, those two lotus-eyed heroes at Pushkara—

Verse 134 (padma.1.33.134)

नीत्वा विभावरीं तत्र गमनाय मनो दधुः। एह्युत्तिष्ठ च सौमित्रे व्रजामो दक्षिणां दिशम्।

nītvā vibhāvarīṁ tatra gamanāya mano dadhuḥ ehyuttiṣṭha ca saumitre vrajāmo dakṣiṇāṁ diśam

—having passed the night there, resolved to depart. 'Come, arise, O son of Sumitra, let us go to the southern direction.'

Verse 135 (padma.1.33.135)

सौमित्रिरब्रवीद्राम नाहं यास्ये कथंचन। व्रज त्वमनया सार्धं भार्यया कमलेक्षण।

saumitrirabravīdrāma nāhaṁ yāsye kathaṁcana vraja tvamanayā sārdhaṁ bhāryayā kamalekṣaṇa

Saumitri said: 'O Rama, I shall not go, in any way. Go you, O lotus-eyed one, together with this wife of yours.'

Verse 136 (padma.1.33.136)

नान्यद्वनं गमिष्यामि नैवायोध्यां च राघव। अस्मिन्वने वसिष्यामि वर्षाणीह चतुर्दश।

nānyadvanaṁ gamiṣyāmi naivāyodhyāṁ ca rāghava asminvane vasiṣyāmi varṣāṇīha caturdaśa

'I shall not go to any other forest, nor to Ayodhya, O Raghava. I shall dwell here in this forest for fourteen years.'

Verse 137 (padma.1.33.137)

मया विना त्वयोध्यायां यदि त्वं न गमिष्यसि। अनेन वर्त्मना भूप आगंतव्यं त्वया विभो।

mayā vinā tvayodhyāyāṁ yadi tvaṁ na gamiṣyasi anena vartmanā bhūpa āgaṁtavyaṁ tvayā vibho

'If you will not go to Ayodhya without me — O king, O lord, you shall have to come back by this same path.'

Verse 138 (padma.1.33.138)

यदि जीवामि तत्कालं पुनर्यास्ये पितुः पुरम्। तपस्संभावयिष्यामि मया त्वं किं करिष्यसि।

yadi jīvāmi tatkālaṁ punaryāsye pituḥ puram tapassaṁbhāvayiṣyāmi mayā tvaṁ kiṁ kariṣyasi

'If I am still alive at that time, I shall go again to my father's city. I shall undertake austerity — what use will you have of me?'

Verse 139 (padma.1.33.139)

व्रज सौम्य शिवः पंथामा च ते परिपंथिनः। पश्यामि त्वां पुनः प्राप्तं सभार्यं कमलेक्षणम्।

vraja saumya śivaḥ paṁthāmā ca te paripaṁthinaḥ paśyāmi tvāṁ punaḥ prāptaṁ sabhāryaṁ kamalekṣaṇam

'Go, O gentle one; may your path be auspicious, and may no obstructers come upon you. May I see you return again, together with your wife, O lotus-eyed one.'

Verse 140 (padma.1.33.140)

पितृपैतामहं राज्यमयोध्यायां नराधिप। शत्रुघ्नभरतौ चोभौ त्वदाज्ञाकरणे स्थितौ।

pitṛpaitāmahaṁ rājyamayodhyāyāṁ narādhipa śatrughnabharatau cobhau tvadājñākaraṇe sthitau

'The kingdom of your father and grandfather is in Ayodhya, O king; both Shatrughna and Bharata stand ready to carry out your command.'

Verse 141 (padma.1.33.141)

अहं ते प्रतिकूलस्तु वनवासे विशेषतः। अनारतं दिवा चाहं रात्रौ चैव परंतप।

ahaṁ te pratikūlastu vanavāse viśeṣataḥ anārataṁ divā cāhaṁ rātrau caiva paraṁtapa

'But I am unsuited for you, especially here in the forest exile. O scorcher of foes, ceaselessly, day and night—'

Verse 142 (padma.1.33.142)

कर्मकर्तुं न शक्रोमि व्रज सौम्य यथासुखम्। एवं ब्रुवाणं सौमित्रिमुवाच रघुनंदनः।

karmakartuṁ na śakromi vraja saumya yathāsukham evaṁ bruvāṇaṁ saumitrimuvāca raghunaṁdanaḥ

'—I am unable to perform my duties. Go, O gentle one, as you please.' To Saumitri speaking thus, that joy of the Raghus replied:

Verse 143 (padma.1.33.143)

कथं पूर्वमयोध्याया निर्गतोसि मया सह। वने वत्स्याम्यहं राम नववर्षाणि पंच च।

kathaṁ pūrvamayodhyāyā nirgatosi mayā saha vane vatsyāmyahaṁ rāma navavarṣāṇi paṁca ca

'How is it that you left Ayodhya with me before, yet speak so now? "I shall dwell in the forest, O Rama, for fourteen years" you had said—'

Verse 144 (padma.1.33.144)

न तु त्वया विरहितः स्वर्गेपि निवसे क्वचित्। या गतिस्ते नरव्याघ्र मम सापि भविष्यति।

na tu tvayā virahitaḥ svargepi nivase kvacit yā gatiste naravyāghra mama sāpi bhaviṣyati

'—but I would not dwell anywhere, even in heaven, separated from you. Whatever your fate, O tiger among men, that too shall be mine.'

Verse 145 (padma.1.33.145)

प्रसादः क्रियतां मह्यं नय मामपि राघव। इदानीमर्धमार्गे त्वं कथं स्थास्यसि शत्रुहन्।

prasādaḥ kriyatāṁ mahyaṁ naya māmapi rāghava idānīmardhamārge tvaṁ kathaṁ sthāsyasi śatruhan

'Show me this grace — take me too, O Raghava. How, now, in the middle of the path, will you remain here, O slayer of foes?'

Verse 146 (padma.1.33.146)

लक्ष्मणस्त्वब्रवीद्रामं नाहं गंता वने पुनः। लक्ष्मणं संस्थितं ज्ञात्वा रामो वचनमब्रवीत्।

lakṣmaṇastvabravīdrāmaṁ nāhaṁ gaṁtā vane punaḥ lakṣmaṇaṁ saṁsthitaṁ jñātvā rāmo vacanamabravīt

But Lakshmana said to Rama: 'I shall not go into the forest again.' Knowing Lakshmana was firmly resolved, Rama spoke this word:

Verse 147 (padma.1.33.147)

मामनुव्रज सौमित्र एको यास्यामि काननम्। द्वितीया मे त्वियं सीता रामेणोक्तस्तु लक्ष्मणः।

māmanuvraja saumitra eko yāsyāmi kānanam dvitīyā me tviyaṁ sītā rāmeṇoktastu lakṣmaṇaḥ

'Follow after me, O son of Sumitra; alone I shall go into the forest — this Sita is my second self.' Thus addressed by Rama, Lakshmana—

Verse 148 (padma.1.33.148)

गृहीत्वाऽथ समुत्तस्थौ रामवाक्यं स लक्ष्मणः। मर्यादापर्वतं प्राप्तौ क्षेत्रसीमां परंतपौ।

gṛhītvā'tha samuttasthau rāmavākyaṁ sa lakṣmaṇaḥ maryādāparvataṁ prāptau kṣetrasīmāṁ paraṁtapau

—accepting Rama's words, arose. Those two scorchers of foes reached Mount Maryada, the boundary of the sacred field.

Verse 149 (padma.1.33.149)

अजगंधं च देवेशं देवदेवं पिनाकिनम्। अष्टांगप्रणिपातेन नत्वा रामस्त्रिलोचनम्।

ajagaṁdhaṁ ca deveśaṁ devadevaṁ pinākinam aṣṭāṁgapraṇipātena natvā rāmastrilocanam

Rama, having bowed with an eight-limbed prostration to Ajagandha, the lord of gods, the god of gods, bearer of the Pinaka bow, the three-eyed one—

Verse 150 (padma.1.33.150)

तुष्टाव प्रयतः स्थित्वा शंकरं पार्वतीप्रियम्। कृतांजलिपुटो भूत्वा रोमांचितशरीरकः।

tuṣṭāva prayataḥ sthitvā śaṁkaraṁ pārvatīpriyam kṛtāṁjalipuṭo bhūtvā romāṁcitaśarīrakaḥ

—standing purified, praised Shankara, the beloved of Parvati, with joined palms, his body thrilled with rapture.

Verse 151 (padma.1.33.151)

सात्विकं भावमापन्नो विनिर्धूतरजस्तमाः। लोकानां कारणं देवं बुबुधे विबुधाधिपम्।

sātvikaṁ bhāvamāpanno vinirdhūtarajastamāḥ lokānāṁ kāraṇaṁ devaṁ bubudhe vibudhādhipam

Having attained a sattvic disposition, his rajas and tamas shaken off, he came to know that god, the cause of the worlds, the lord of the wise.

Verse 152 (padma.1.33.152)

राम उवाच। कृत्स्नस्य योऽस्य जगतः स चराचरस्य कर्ता कृतस्य च पुनः सुखदुःखदश्च। संहारहेतुरपि यः पुनरंतकाले तं शंकरं शरणदं शरणं व्रजामि।

rāma uvāca kṛtsnasya yo'sya jagataḥ sa carācarasya kartā kṛtasya ca punaḥ sukhaduḥkhadaśca saṁhāraheturapi yaḥ punaraṁtakāle taṁ śaṁkaraṁ śaraṇadaṁ śaraṇaṁ vrajāmi

Rama said: He who is the maker of this entire world, moving and unmoving, and of what is made, and who again is the giver of pleasure and pain; who is also the cause of dissolution again at the time of the end — I go for refuge to that Shankara, giver of refuge.

Verse 153 (padma.1.33.153)

योऽयं सकृद्विमलचारुविलोलतोयां गंगां महोर्मिविषमां गगनात्पतंतीम्। मूर्ध्ना दधेऽस्रजमिव प्रविलोलपुष्पां तं शंकरं शरणदं शरणं व्रजामि।

yo'yaṁ sakṛdvimalacāruvilolatoyāṁ gaṁgāṁ mahormiviṣamāṁ gaganātpataṁtīm mūrdhnā dadhe'srajamiva pravilolapuṣpāṁ taṁ śaṁkaraṁ śaraṇadaṁ śaraṇaṁ vrajāmi

He who once, upon his head, bore the Ganga — pure, lovely, rippling, uneven with great waves, falling from the sky — as if a garland of trembling flowers — I go for refuge to that Shankara, giver of refuge.

Verse 154 (padma.1.33.154)

कैलासशैलशिखरं परिकम्प्यमानं कैलासशृंगसदृशेन दशाननेन। यत्पादपद्मविधृतं स्थिरतां दधार तं शंकरं शरणदं शरणं व्रजामि।

kailāsaśailaśikharaṁ parikampyamānaṁ kailāsaśṛṁgasadṛśena daśānanena yatpādapadmavidhṛtaṁ sthiratāṁ dadhāra taṁ śaṁkaraṁ śaraṇadaṁ śaraṇaṁ vrajāmi

When the peak of Mount Kailasa was being shaken by the ten-faced one, resembling the very peak of Kailasa itself, that mountain, held down by the lotus of his foot, attained stillness — I go for refuge to that Shankara, giver of refuge.

Verse 155 (padma.1.33.155)

येनासकृद्दनुसुताः समरे निरस्ता विद्याधरोरगगणाश्च वरैः समग्रैः। संयोजिता मुनिवराः फलमूलभक्षास्तं शंकरं शरणदं शरणं व्रजामि।

yenāsakṛddanusutāḥ samare nirastā vidyādharoragagaṇāśca varaiḥ samagraiḥ saṁyojitā munivarāḥ phalamūlabhakṣāstaṁ śaṁkaraṁ śaraṇadaṁ śaraṇaṁ vrajāmi

By whom the sons of Danu were repeatedly cast down in battle, and the hosts of Vidyadharas and serpents were endowed with the fullness of boons, and the best of sages, eaters of fruits and roots, were blessed — I go for refuge to that Shankara, giver of refuge.

Verse 156 (padma.1.33.156)

दक्षाध्वरे च नयने च तथा भगस्य पूष्णस्तथा दशनपंक्तिमपातयच्च। तस्तंभयः कुलिशयुक्तमथेंद्रहस्तं तं शंकरं शरणदं शरणं व्रजामि।

dakṣādhvare ca nayane ca tathā bhagasya pūṣṇastathā daśanapaṁktimapātayacca tastaṁbhayaḥ kuliśayuktamatheṁdrahastaṁ taṁ śaṁkaraṁ śaraṇadaṁ śaraṇaṁ vrajāmi

Who, at Daksha's sacrifice, struck out the eyes of Bhaga and Pushan, and knocked out the row of teeth, and paralyzed the very hand of Indra armed with the thunderbolt — I go for refuge to that Shankara, giver of refuge.

Verse 157 (padma.1.33.157)

एनःकृतोपिविषयेष्वपिसक्तचित्ताज्ञानान्वयश्रुतगुणैरपिनैवयुक्ताः। यं संश्रिताः सुखभुजः पुरुषा भवंति तं शंकरं शरणदं शरणं व्रजामि।

enaḥkṛtopiviṣayeṣvapisaktacittājñānānvayaśrutaguṇairapinaivayuktāḥ yaṁ saṁśritāḥ sukhabhujaḥ puruṣā bhavaṁti taṁ śaṁkaraṁ śaraṇadaṁ śaraṇaṁ vrajāmi

By taking refuge in whom, even men who have sinned, whose minds are attached to sense-objects, who lack the qualities of true knowledge, lineage, and Vedic learning, become enjoyers of happiness — I go for refuge to that Shankara, giver of refuge.

Verse 158 (padma.1.33.158)

अत्रिप्रसूतिरविकोटिसमानतेजाः संत्रासनं विबुधदानवसत्तमानाम्। यः कालकूटमपिबत्प्रसभं सुदीप्तं तं शंकरं शरणदं शरणं व्रजामि।

atriprasūtiravikoṭisamānatejāḥ saṁtrāsanaṁ vibudhadānavasattamānām yaḥ kālakūṭamapibatprasabhaṁ sudīptaṁ taṁ śaṁkaraṁ śaraṇadaṁ śaraṇaṁ vrajāmi

Born of Atri, of splendor equal to a crore suns, the terror of the foremost gods and danavas, who forcibly drank the blazing Kalakuta poison — I go for refuge to that Shankara, giver of refuge.

Verse 159 (padma.1.33.159)

ब्रह्मेंद्ररुद्रमरुतां च सषण्मुखानां दद्याद्वरं सुबहुशो भगवान्महेशः। नन्दिं च मृत्युवदनात्पुनरुज्जहार तं शंकरं शरणदं शरणं व्रजामि।

brahmeṁdrarudramarutāṁ ca saṣaṇmukhānāṁ dadyādvaraṁ subahuśo bhagavānmaheśaḥ nandiṁ ca mṛtyuvadanātpunarujjahāra taṁ śaṁkaraṁ śaraṇadaṁ śaraṇaṁ vrajāmi

May the lord Mahesha grant abundant boons to Brahma, Indra, the Rudras, the Maruts, and the six-faced one; who also rescued Nandi from the very mouth of death — I go for refuge to that Shankara, giver of refuge.

Verse 160 (padma.1.33.160)

आराधितः सुतपसा हिमवन्निकुंजे धूमव्रतेन मनसापि परैरगम्ये। संजीवनीमकथयद्भृगवे महात्मा तं शंकरं शरणदं शरणं व्रजामि।

ārādhitaḥ sutapasā himavannikuṁje dhūmavratena manasāpi parairagamye saṁjīvanīmakathayadbhṛgave mahātmā taṁ śaṁkaraṁ śaraṇadaṁ śaraṇaṁ vrajāmi

Worshipped with great austerity, with the smoke-vow, in a bower of the Himalaya, unreachable by others even in mind, that great soul taught the Sanjivani knowledge to Bhrigu — I go for refuge to that Shankara, giver of refuge.

Verse 161 (padma.1.33.161)

नानाविधैर्गजबिडालसमानवक्त्रैर्दक्षाध्वरप्रमथनैर्बलिभिर्गणैंद्रैः । योभ्यर्चितोमरगणैश्च सलोकपालैस्तं शंकरं शरणदं शरणं व्रजामि।

nānāvidhairgajabiḍālasamānavaktrairdakṣādhvarapramathanairbalibhirgaṇaiṁdraiḥ yobhyarcitomaragaṇaiśca salokapālaistaṁ śaṁkaraṁ śaraṇadaṁ śaraṇaṁ vrajāmi

Who is worshipped by the mighty lords of his ganas, of various forms with faces like elephants and cats, destroyers of Daksha's sacrifice, and by the hosts of immortals together with the guardians of the worlds — I go for refuge to that Shankara, giver of refuge.

Verse 162 (padma.1.33.162)

शंखेंदुकुंदधवलं वृषभं प्रवीरमारुह्य यः क्षितिधरेंद्रसुतानुयातः। यात्यंबरं प्रलयमेघविभूषितं च तं शंकरं शरणदं शरणं व्रजामि।

śaṁkheṁdukuṁdadhavalaṁ vṛṣabhaṁ pravīramāruhya yaḥ kṣitidhareṁdrasutānuyātaḥ yātyaṁbaraṁ pralayameghavibhūṣitaṁ ca taṁ śaṁkaraṁ śaraṇadaṁ śaraṇaṁ vrajāmi

Who, mounting the excellent bull, white as a conch, the moon, and jasmine, followed by the daughter of the lord of mountains, travels through the sky adorned with clouds of dissolution — I go for refuge to that Shankara, giver of refuge.

Verse 163 (padma.1.33.163)

शांतं मुनिं यमनियोगपरायणैस्तैर्भीमैर्महोग्रपुरुषैः प्रतिनीयमानम्। भक्त्यानतं स्तुतिपरं प्रसभं ररक्ष तं शंकरं शरणदं शरणं व्रजामि।

śāṁtaṁ muniṁ yamaniyogaparāyaṇaistairbhīmairmahograpuruṣaiḥ pratinīyamānam bhaktyānataṁ stutiparaṁ prasabhaṁ rarakṣa taṁ śaṁkaraṁ śaraṇadaṁ śaraṇaṁ vrajāmi

Who forcibly saved the peaceful sage — being led away by those fearsome, fiercely terrible agents charged with Yama's command — bowed in devotion, intent on praise — I go for refuge to that Shankara, giver of refuge.

Verse 164 (padma.1.33.164)

यः सव्यपाणि कमलाग्रनखेन देवस्तत्पंचमं प्रसभमेव पुरस्सुराणाम्। ब्राह्मं शिरस्तरुणपद्मनिभं चकर्त्त तं शंकरं शरणदं शरणं व्रजामि।

yaḥ savyapāṇi kamalāgranakhena devastatpaṁcamaṁ prasabhameva purassurāṇām brāhmaṁ śirastaruṇapadmanibhaṁ cakartta taṁ śaṁkaraṁ śaraṇadaṁ śaraṇaṁ vrajāmi

Who, with the tip of the lotus-nail of his left hand, forcibly severed, before the gods, that fifth head of Brahma, resembling a young lotus — I go for refuge to that Shankara, giver of refuge.

Verse 165 (padma.1.33.165)

यस्य प्रणम्य चरणौ वरदस्य भक्त्या स्तुत्वा च वाग्भिरमलाभिरतंद्रितात्मा। दीप्तस्तमांसि नुदते स्वकरैर्विवस्वांस्तं शंकरं शरणदं शरणं व्रजामि।

yasya praṇamya caraṇau varadasya bhaktyā stutvā ca vāgbhiramalābhirataṁdritātmā dīptastamāṁsi nudate svakarairvivasvāṁstaṁ śaṁkaraṁ śaraṇadaṁ śaraṇaṁ vrajāmi

Having bowed to whose feet, the boon-giver, and praised him with devotion, with pure words, the untiring, radiant Sun dispels the darkness with his own rays — I go for refuge to that Shankara, giver of refuge.

Verse 166 (padma.1.33.166)

ये त्वां सुरोत्तमगुरुं पुरुषा विमूढा जानंति नास्य जगतः सचराचरस्य। ऐश्वर्यमाननिगमानुशयेन पश्चात्ते यातनामनुभवंत्यविशुद्धचित्ताः।

ye tvāṁ surottamaguruṁ puruṣā vimūḍhā jānaṁti nāsya jagataḥ sacarācarasya aiśvaryamānanigamānuśayena paścātte yātanāmanubhavaṁtyaviśuddhacittāḥ

Those deluded men who do not know you as the supreme guru of the gods, and know not your sovereignty over this world, moving and unmoving, following only the outer forms of scripture and custom — such men, of impure mind, afterward experience torment.

Verse 167 (padma.1.33.167)

तस्यैवं स्तुवतोऽवोचच्छूलपाणिर्वृषध्वजः। उवाच वचनं हृष्टो राघवं तुष्टमानसः।

tasyaivaṁ stuvato'vocacchūlapāṇirvṛṣadhvajaḥ uvāca vacanaṁ hṛṣṭo rāghavaṁ tuṣṭamānasaḥ

To him thus praising, the trident-bearer, whose banner bears the bull, spoke; gladdened, with a satisfied mind, he spoke this word to Raghava.

Verse 168 (padma.1.33.168)

रुद्र उवाच। राम हृष्टोस्मि भद्रं ते जातस्त्वं निर्मले कुले। त्वं चापि जगतां वंद्यो देवो मानुषरूपधृत्।

rudra uvāca rāma hṛṣṭosmi bhadraṁ te jātastvaṁ nirmale kule tvaṁ cāpi jagatāṁ vaṁdyo devo mānuṣarūpadhṛt

Rudra said: 'O Rama, I am pleased; may good come to you. You were born in a spotless lineage. And you too are a god worthy of the world's worship, having assumed human form.'

Verse 169 (padma.1.33.169)

त्वया नाथेन वै देवाः सुखिनः शाश्वतीः समा। सेविष्यंते चिरं कालं गते वर्षे चतुर्दशे।

tvayā nāthena vai devāḥ sukhinaḥ śāśvatīḥ samā seviṣyaṁte ciraṁ kālaṁ gate varṣe caturdaśe

'With you as their lord, the gods shall be happy for eternal years, and shall be served for a long time, after the fourteenth year has passed.'

Verse 170 (padma.1.33.170)

अयोध्यामागतं त्वां ये द्रक्ष्यंति भुवि मानवाः। सुखं तेऽत्र भजिष्यंति स्वर्गे वासन्तथाक्षयम्।

ayodhyāmāgataṁ tvāṁ ye drakṣyaṁti bhuvi mānavāḥ sukhaṁ te'tra bhajiṣyaṁti svarge vāsantathākṣayam

'Those men on earth who shall see you, having returned to Ayodhya, shall enjoy happiness here, and also imperishable dwelling in heaven.'

Verse 171 (padma.1.33.171)

देवकार्यं महत्कृत्वा आगच्छेथाः पुनः पुरीम्। राघवस्तु तथा देवं नत्वा शीघ्रं विनिर्गतः।

devakāryaṁ mahatkṛtvā āgacchethāḥ punaḥ purīm rāghavastu tathā devaṁ natvā śīghraṁ vinirgataḥ

'Having accomplished the great task of the gods, may you return again to the city.' Raghava, having thus bowed to the god, swiftly departed.

Verse 172 (padma.1.33.172)

इंद्रमार्गां नदीं प्राप्य जटाजूटं नियम्य च। अब्रवील्लक्ष्मणं राम इदमर्पय मे धनुः।

iṁdramārgāṁ nadīṁ prāpya jaṭājūṭaṁ niyamya ca abravīllakṣmaṇaṁ rāma idamarpaya me dhanuḥ

Reaching the river Indramarga, and binding up his matted locks, Rama said to Lakshmana: 'Hand me my bow.'

Verse 173 (padma.1.33.173)

रामवाक्यं तु तच्छ्रुत्वा सीतां वै लक्ष्मणोऽब्रवीत्। किमर्थं देवि रामेण त्यक्तोहं कारणं विना।

rāmavākyaṁ tu tacchrutvā sītāṁ vai lakṣmaṇo'bravīt kimarthaṁ devi rāmeṇa tyaktohaṁ kāraṇaṁ vinā

Hearing that word of Rama, Lakshmana said to Sita: 'O goddess, why have I been abandoned by Rama, without cause?'

Verse 174 (padma.1.33.174)

अपराधं न जानामि कुपितो यन्महाभुजः। रामेणाहं परित्यक्तः प्राणांस्त्यक्ष्याम्यसंशयम्।

aparādhaṁ na jānāmi kupito yanmahābhujaḥ rāmeṇāhaṁ parityaktaḥ prāṇāṁstyakṣyāmyasaṁśayam

'I know of no offense, for which the mighty-armed one has become angry. Abandoned by Rama, I shall without doubt give up my life.'

Verse 175 (padma.1.33.175)

नैव मे जीवितेनार्थो धिग्धिङ्मां कुलपांसनम्। आर्यस्य येन वै मन्युर्जनितः पापकारिणा।

naiva me jīvitenārtho dhigdhiṅmāṁ kulapāṁsanam āryasya yena vai manyurjanitaḥ pāpakāriṇā

'I have no need of my life; shame, shame upon me, disgracer of my lineage, sinful one, by whom the anger of my noble brother has been provoked.'

Verse 176 (padma.1.33.176)

कांस्तु लोकान्गमिष्यामि अपध्यातो महात्मना। उभौ हस्तौ मुखे कृत्वा साश्रुकंठोऽब्रवीदिदम्।

kāṁstu lokāngamiṣyāmi apadhyāto mahātmanā ubhau hastau mukhe kṛtvā sāśrukaṁṭho'bravīdidam

'To what worlds shall I go, thought ill of by that great soul?' Placing both hands to his face, with a voice choked with tears, he spoke this:

Verse 177 (padma.1.33.177)

नापराध्यामि रामस्य कर्मणा मनसा गिरा। स्पृष्टौ ते चरणौ देवि मम नान्या गतिर्भवेत्।

nāparādhyāmi rāmasya karmaṇā manasā girā spṛṣṭau te caraṇau devi mama nānyā gatirbhavet

'I have offended Rama neither in deed, nor mind, nor speech. I touch your feet, O goddess; I have no other refuge.'

Verse 178 (padma.1.33.178)

ततः सीताऽब्रवीद्रामं त्यक्तः किमनुजस्त्वया। वैषम्यं त्यज्यतां बाले लक्ष्मणे लक्ष्मिवर्धने।

tataḥ sītā'bravīdrāmaṁ tyaktaḥ kimanujastvayā vaiṣamyaṁ tyajyatāṁ bāle lakṣmaṇe lakṣmivardhane

Then Sita said to Rama: 'Why has your younger brother been abandoned by you? Let this unfairness toward the boy Lakshmana, the increaser of your fortune, be given up.'

Verse 179 (padma.1.33.179)

राघवस्त्वब्रवीत्सीतां नाहं त्यक्ष्यामि लक्ष्मणम्। न कदाचिदपि स्वप्ने लक्ष्मणस्य मतं प्रिये।

rāghavastvabravītsītāṁ nāhaṁ tyakṣyāmi lakṣmaṇam na kadācidapi svapne lakṣmaṇasya mataṁ priye

Raghava said to Sita: 'I shall never abandon Lakshmana; never, even in a dream, would I think ill of Lakshmana, O beloved.'

Verse 180 (padma.1.33.180)

श्रुतपूर्वं च सुश्रोणि क्षेत्रस्यास्य विचेष्टितम्। अत्र क्षेत्रे जनास्सत्यं सर्वे हि स्वार्थतत्पराः।

śrutapūrvaṁ ca suśroṇi kṣetrasyāsya viceṣṭitam atra kṣetre janāssatyaṁ sarve hi svārthatatparāḥ

'I had heard before, O fair one, of the peculiar nature of this field: truly, in this field, all people become devoted only to their own self-interest—'

Verse 181 (padma.1.33.181)

परस्परं न पश्यंति स्वात्मनश्च हितं वचः। न शृण्वंति पितुः पुत्राः पुत्राणां पितरस्तथा।

parasparaṁ na paśyaṁti svātmanaśca hitaṁ vacaḥ na śṛṇvaṁti pituḥ putrāḥ putrāṇāṁ pitarastathā

'—they do not regard one another, only what is beneficial to themselves. Sons do not heed the words of their fathers, nor fathers those of their sons.'

Verse 182 (padma.1.33.182)

न शिष्या हि गुरोर्वाक्यं शिष्यस्यापि तथा गुरुः। अर्थानुबंधिनीप्रीतिर्न कश्चित्कस्यचित्प्रियः।

na śiṣyā hi gurorvākyaṁ śiṣyasyāpi tathā guruḥ arthānubaṁdhinīprītirna kaścitkasyacitpriyaḥ

'Neither do disciples heed the word of the guru, nor the guru that of the disciple; affection follows only self-interest, and no one is truly dear to anyone.'

Verse 183 (padma.1.33.183)

इत्येवं कथयन्नेव प्राप्तो रेवां महानदीम्। चक्रेभिषेकं काकुत्स्थः सानुजः सह सीतया।

ityevaṁ kathayanneva prāpto revāṁ mahānadīm cakrebhiṣekaṁ kākutsthaḥ sānujaḥ saha sītayā

Thus speaking, he reached the great river Reva; there Kakutstha, together with his younger brother and Sita, performed the ritual bath.

Verse 184 (padma.1.33.184)

तर्पयित्वा च सलिलैः स्वान्पितॄन्दैवतान्यपि। उदीक्ष्य च मुहुः सूर्यं देवताश्च समाहितः।

tarpayitvā ca salilaiḥ svānpitṝndaivatānyapi udīkṣya ca muhuḥ sūryaṁ devatāśca samāhitaḥ

Having satisfied his own ancestors and the deities with water, and gazing again and again upon the sun and the gods, composed in mind—

Verse 185 (padma.1.33.185)

कृताभिषेकस्तु रराज रामः सीता द्वितीयः सह लक्ष्मणेन। कृताभिषेकः सह शैलपुत्र्या गुहेन सार्धं भगवानिवेशः।

kṛtābhiṣekastu rarāja rāmaḥ sītā dvitīyaḥ saha lakṣmaṇena kṛtābhiṣekaḥ saha śailaputryā guhena sārdhaṁ bhagavāniveśaḥ

—Rama, having completed his ritual bath, together with Sita and with Lakshmana, shone forth like the Lord himself, bathed, together with the mountain's daughter and with Guha.