The Story of Danda and the Averted Rajasuya

Verse 1 (padma.1.37.1)

पुलस्त्य उवाच। तदद्भुततमं वाक्यं श्रुत्वा च रघुनंदनः। गौरवाद्विस्मयाच्चापि भूयः प्रष्टुं प्रचक्रमे।

pulastya uvāca tadadbhutatamaṁ vākyaṁ śrutvā ca raghunaṁdanaḥ gauravādvismayāccāpi bhūyaḥ praṣṭuṁ pracakrame

Pulastya said: Having heard that most wondrous statement, Raghunandana, out of respect and astonishment, began to ask further.

Verse 2 (padma.1.37.2)

राम उवाच। भगवंस्तद्वनं घोरं यत्रासौ तप्तवांस्तपः। श्वेतो वैदर्भको राजा तदद्भुतमभूत्कथं।

rāma uvāca bhagavaṁstadvanaṁ ghoraṁ yatrāsau taptavāṁstapaḥ śveto vaidarbhako rājā tadadbhutamabhūtkathaṁ

Rama said: Venerable one, that terrible forest where King Shveta of Vidarbha performed austerities — how did that wonder come about?

Verse 3 (padma.1.37.3)

विषमं तद्वनं राजा शून्यं मृगविवर्जितं। प्रविष्टस्तप आस्थातुं कथं वद महामुने।

viṣamaṁ tadvanaṁ rājā śūnyaṁ mṛgavivarjitaṁ praviṣṭastapa āsthātuṁ kathaṁ vada mahāmune

That harsh forest, empty, devoid of wild creatures — how did the king enter it to take up austerities? Tell me, great sage.

Verse 4 (padma.1.37.4)

समंताद्योजनशतं निर्मनुष्यमभूत्कथं। भवान्कथं प्रविष्टस्तद्येन कार्येण तद्वद।

samaṁtādyojanaśataṁ nirmanuṣyamabhūtkathaṁ bhavānkathaṁ praviṣṭastadyena kāryeṇa tadvada

How did it become empty of humans for a hundred yojanas all around? How did you yourself enter it, and for what purpose — tell me that.

Verse 5 (padma.1.37.5)

अगस्त्य उवाच। पुरा कृतयुगे राजा मनुर्दंडधरः प्रभुः। तस्य पुत्रोथ नाम्नासीदिक्ष्वाकुरमितद्युतिः।

agastya uvāca purā kṛtayuge rājā manurdaṁḍadharaḥ prabhuḥ tasya putrotha nāmnāsīdikṣvākuramitadyutiḥ

Agastya said: Long ago, in the Krita Yuga, there was a mighty king, Manu, wielder of the rod. His son was named Ikshvaku, of measureless splendor.

Verse 6 (padma.1.37.6)

तं पुत्रं पूर्वजं राज्ये निक्षिप्य भुविसंमतम्। पृथिव्यां राजवंशानां भव राजेत्युवाच ह।

taṁ putraṁ pūrvajaṁ rājye nikṣipya bhuvisaṁmatam pṛthivyāṁ rājavaṁśānāṁ bhava rājetyuvāca ha

Having installed that firstborn son, honored on earth, in the kingdom, he said: 'Become king among the royal lineages of the earth.'

Verse 7 (padma.1.37.7)

तथेति च प्रतिज्ञातं पितुः पुत्रेण राघव। ततःपरमसंहृष्टः पुनस्तं प्रत्यभाषत।

tatheti ca pratijñātaṁ pituḥ putreṇa rāghava tataḥparamasaṁhṛṣṭaḥ punastaṁ pratyabhāṣata

'So be it,' the son promised his father, O Raghava. Then, greatly delighted, Manu spoke to him again.

Verse 8 (padma.1.37.8)

प्रीतोस्मि परमोदार कर्मणा ते न संशयः। दंडेन च प्रजा रक्ष न च दंडमकारणम्।

prītosmi paramodāra karmaṇā te na saṁśayaḥ daṁḍena ca prajā rakṣa na ca daṁḍamakāraṇam

'I am pleased, most noble one, by your conduct, without doubt. Protect the subjects with the rod of justice, but never punish without cause.'

Verse 9 (padma.1.37.9)

अपराधिषु यो दंडः पात्यते मानवैरिह। स दंडो विधिवन्मुक्तः स्वर्गं नयति पार्थिवम्।

aparādhiṣu yo daṁḍaḥ pātyate mānavairiha sa daṁḍo vidhivanmuktaḥ svargaṁ nayati pārthivam

'The punishment duly inflicted by men here upon offenders — that punishment, rightly administered, leads the king to heaven.'

Verse 10 (padma.1.37.10)

तस्माद्दण्डे महाबाहो यत्नवान्भव पुत्रक। धर्मस्ते परमो लोके कृत एवं भविष्यति।

tasmāddaṇḍe mahābāho yatnavānbhava putraka dharmaste paramo loke kṛta evaṁ bhaviṣyati

'Therefore, O mighty-armed one, be diligent in administering punishment, my son. Thus will your highest dharma in this world be fulfilled.'

Verse 11 (padma.1.37.11)

इति तं बहुसंदिश्य मनुः पुत्रं समाधिना। जगाम त्रिदिवं हृष्टो ब्रह्मलोकमनुत्तमम्।

iti taṁ bahusaṁdiśya manuḥ putraṁ samādhinā jagāma tridivaṁ hṛṣṭo brahmalokamanuttamam

Having thus instructed his son at length, Manu, through meditation, joyfully went to the triple heaven, the unsurpassed world of Brahma.

Verse 12 (padma.1.37.12)

जनयिष्ये कथं पुत्रानिति चिंतापरोऽभवत्। कर्मभिर्बहुभिस्तैस्तैस्ससुतैस्संयुतोऽभवत्।

janayiṣye kathaṁ putrāniti ciṁtāparo'bhavat karmabhirbahubhistaistaissasutaissaṁyuto'bhavat

'How shall I beget sons?' — Ikshvaku fell into this anxiety. Through many rites he became blessed with sons.

Verse 13 (padma.1.37.13)

तोषयामास पुत्रैस्स पितॄन्देवसुतोपमैः। सर्वेषामुत्तमस्तेषां कनीयान्रघुनंदन।

toṣayāmāsa putraissa pitṝndevasutopamaiḥ sarveṣāmuttamasteṣāṁ kanīyānraghunaṁdana

He gratified the ancestors with sons who were like the sons of gods, O Raghunandana; the youngest of them was the best of all.

Verse 14 (padma.1.37.14)

शूरश्च कृतविद्यश्च गुरुश्च जनपूजया। नाम तस्याथ दंडेति पिता चक्रे स बुद्धिमान्।

śūraśca kṛtavidyaśca guruśca janapūjayā nāma tasyātha daṁḍeti pitā cakre sa buddhimān

He was valiant, learned, and revered by the people; his wise father gave him the name Danda.

Verse 15 (padma.1.37.15)

भविष्यद्दण्डपतनं शरीरे तस्य वीक्ष्य च। संपश्यमानस्तं दोषं घोरं पुत्रस्य राघव।

bhaviṣyaddaṇḍapatanaṁ śarīre tasya vīkṣya ca saṁpaśyamānastaṁ doṣaṁ ghoraṁ putrasya rāghava

Seeing on his body the marks foretelling his future downfall, and perceiving that terrible flaw in his son, O Raghava —

Verse 16 (padma.1.37.16)

स विंध्यनीलयोर्मध्ये राज्यमस्य ददौ प्रभुः। स दंडस्तत्र राजाभूद्रम्ये पर्वतमूर्द्धनि।

sa viṁdhyanīlayormadhye rājyamasya dadau prabhuḥ sa daṁḍastatra rājābhūdramye parvatamūrddhani

the lord Ikshvaku gave him a kingdom between the Vindhya and Nila mountains. There Danda became king, on a delightful mountain peak.

Verse 17 (padma.1.37.17)

पुरं चाप्रतिमं तेन निवेशाय तथा कृतम्। नाम तस्य पुरस्याथ मधुमत्तमिति स्वयम्।

puraṁ cāpratimaṁ tena niveśāya tathā kṛtam nāma tasya purasyātha madhumattamiti svayam

He built there an incomparable city to dwell in; the name he gave it, of his own choosing, was Madhumatta.

Verse 18 (padma.1.37.18)

तथादेशेन संपन्नः शूरो वासमथाकरोत्। एवं राजा स तद्राज्यं चकार सपुरोहितः।

tathādeśena saṁpannaḥ śūro vāsamathākarot evaṁ rājā sa tadrājyaṁ cakāra sapurohitaḥ

Thus favored by that region, the hero took up his residence. So did that king rule the kingdom, together with his family priest.

Verse 19 (padma.1.37.19)

प्रहृष्ट सुप्रजाकीर्णं देवराजो यथा दिवि। ततः स दंडः काकुत्स्थ बहुवर्षगणायुतम्।

prahṛṣṭa suprajākīrṇaṁ devarājo yathā divi tataḥ sa daṁḍaḥ kākutstha bahuvarṣagaṇāyutam

Joyful, filled with good subjects, like the king of gods in heaven — thus, O Kakutstha, did Danda rule for a myriad of years.

Verse 20 (padma.1.37.20)

अकारयत्तु धर्मात्मा राज्यं निहतकंटकं। अथ काले तु कस्मिंश्चिद्राजा भार्गवमाश्रमम्।

akārayattu dharmātmā rājyaṁ nihatakaṁṭakaṁ atha kāle tu kasmiṁścidrājā bhārgavamāśramam

The righteous-souled king kept his realm free of trouble. Then, at a certain time, the king approached the hermitage of the Bhargava (Shukra),

Verse 21 (padma.1.37.21)

रमणीयमुपाक्रामच्चैत्रमासे मनोरमे। तत्र भार्गवकन्यां तु रूपेणाप्रतिमां भुवि।

ramaṇīyamupākrāmaccaitramāse manorame tatra bhārgavakanyāṁ tu rūpeṇāpratimāṁ bhuvi

lovely in the month of Chaitra. There he saw the daughter of the Bhargava, unmatched in beauty on earth,

Verse 22 (padma.1.37.22)

विचरंतीं वनोद्देशे दंडोऽपश्यदनुत्तमाम्। उत्तुंगपीवरीं श्यामां चंद्राभवदनां शुभाम्।

vicaraṁtīṁ vanoddeśe daṁḍo'paśyadanuttamām uttuṁgapīvarīṁ śyāmāṁ caṁdrābhavadanāṁ śubhām

wandering in a part of the forest — Danda saw that peerless girl, tall and full-figured, dark-complexioned, moon-faced, auspicious,

Verse 23 (padma.1.37.23)

सुनासां चारुसर्वांगीं पीनोन्नतपयोधराम्। मध्ये क्षामां च विस्तीर्णां दृष्ट्वा तां कुरुते मुदम्।

sunāsāṁ cārusarvāṁgīṁ pīnonnatapayodharām madhye kṣāmāṁ ca vistīrṇāṁ dṛṣṭvā tāṁ kurute mudam

fine-nosed, lovely in every limb, with full, high breasts, slender-waisted, broad-hipped — seeing her, he felt delight.

Verse 24 (padma.1.37.24)

एकवस्त्रां वने चैकां प्रथमे यौवने स्थिताम्। स तां दृष्ट्वात्वधर्मेण अनंगशरपीडितः।

ekavastrāṁ vane caikāṁ prathame yauvane sthitām sa tāṁ dṛṣṭvātvadharmeṇa anaṁgaśarapīḍitaḥ

Clad in a single garment, alone in the forest, standing in the first bloom of youth — seeing her, he was, unrighteously, overcome by the arrows of Kama.

Verse 25 (padma.1.37.25)

अभिगम्य सुविश्रांतां कन्यां वचनमब्रवीत्। कुतस्त्वमसि सुश्रोणि कस्य चासि सुशोभने।

abhigamya suviśrāṁtāṁ kanyāṁ vacanamabravīt kutastvamasi suśroṇi kasya cāsi suśobhane

He approached the maiden, resting at ease, and said: 'Whence are you, fair-hipped one, and whose daughter are you, O beautiful one?'

Verse 26 (padma.1.37.26)

पीडतोहमनंगेन पृच्छामि त्वां सुशोभने। त्वया मेऽपहृतं चित्तं दर्शनादेव सुंदरि।

pīḍatohamanaṁgena pṛcchāmi tvāṁ suśobhane tvayā me'pahṛtaṁ cittaṁ darśanādeva suṁdari

'Tormented by the god of love, I ask you, O lovely one. My mind has been stolen away by you, merely at the sight of you, O beautiful woman.'

Verse 27 (padma.1.37.27)

इदं ते वदनं रम्यं मुनीनां चित्तहारकम्। यद्यहं न लभे भोक्तुं मृतं मामवधारय।

idaṁ te vadanaṁ ramyaṁ munīnāṁ cittahārakam yadyahaṁ na labhe bhoktuṁ mṛtaṁ māmavadhāraya

'This charming face of yours steals even the minds of sages. If I do not obtain you, know me to be as good as dead.'

Verse 28 (padma.1.37.28)

त्वया हृता मम प्राणा मां जीवय सुलोचने। दासोस्मि ते वरारोहे भक्तं मां भज शोभने।

tvayā hṛtā mama prāṇā māṁ jīvaya sulocane dāsosmi te varārohe bhaktaṁ māṁ bhaja śobhane

'My life-breath has been stolen by you; give me life, O fair-eyed one. I am your servant, O lovely one; accept me, your devotee, O beautiful one.'

Verse 29 (padma.1.37.29)

तस्यैवं तु ब्रुवाणस्य मदोन्मत्तस्य कामिनः। भार्गवी प्रत्युवाचेदं वचः सविनयं नृपम्।

tasyaivaṁ tu bruvāṇasya madonmattasya kāminaḥ bhārgavī pratyuvācedaṁ vacaḥ savinayaṁ nṛpam

To him speaking thus, maddened with passion and lust, the daughter of Bhrigu replied with these humble words:

Verse 30 (padma.1.37.30)

भार्गवस्य सुतां विद्धि शुक्रस्याक्लिष्टकर्मणः। अरजां नाम राजेंद्र ज्येष्ठामाश्रमवासिनः।

bhārgavasya sutāṁ viddhi śukrasyākliṣṭakarmaṇaḥ arajāṁ nāma rājeṁdra jyeṣṭhāmāśramavāsinaḥ

'Know me to be the daughter of the Bhargava Shukra, whose deeds are unblemished — my name is Araja, O lord of kings, the eldest, a dweller in this hermitage.'

Verse 31 (padma.1.37.31)

शुक्रः पिता मे राजेंद्र त्वं च शिष्यो महात्मनः। धर्मतो भगिनी चाहं भवामि नृपनंदन।

śukraḥ pitā me rājeṁdra tvaṁ ca śiṣyo mahātmanaḥ dharmato bhaginī cāhaṁ bhavāmi nṛpanaṁdana

'Shukra is my father, O lord of kings, and you are his disciple; by dharma, therefore, I am your sister, O prince.'

Verse 32 (padma.1.37.32)

एवंविधं वचो वक्तुं न त्वमर्हसि पार्थिव। अन्येभ्योपि सुदुष्टेभ्यो रक्ष्या चाहं सदा त्वया।

evaṁvidhaṁ vaco vaktuṁ na tvamarhasi pārthiva anyebhyopi suduṣṭebhyo rakṣyā cāhaṁ sadā tvayā

'It is not fitting for you to speak such words, O king. Even from other wicked men, I ought always to be protected by you.'

Verse 33 (padma.1.37.33)

क्रोधनो मे पिता रौद्रो भस्मत्वं त्वां समानयेत्। अथवा राजधर्मेणासंबंधं कुरुषे बलात्।

krodhano me pitā raudro bhasmatvaṁ tvāṁ samānayet athavā rājadharmeṇāsaṁbaṁdhaṁ kuruṣe balāt

'My father is wrathful and fierce; he could reduce you to ashes. Yet you seek union with me by force, in violation of the duty of a king.'

Verse 34 (padma.1.37.34)

पितरं याचयस्व त्वं धर्मदृष्टेन कर्मणा। वरयस्व नृपश्रेष्ठ पितरं मे महाद्युतिम्।

pitaraṁ yācayasva tvaṁ dharmadṛṣṭena karmaṇā varayasva nṛpaśreṣṭha pitaraṁ me mahādyutim

'Ask my father through a lawful act; woo him, O best of kings — my father, of great splendor.'

Verse 35 (padma.1.37.35)

अन्यथा विपुलं दुःखं तव घोरं भवेद्ध्रुवम्। क्रुद्धो हि मे पिता सर्वं त्रैलोक्यमभिनिर्दहेत्।

anyathā vipulaṁ duḥkhaṁ tava ghoraṁ bhaveddhruvam kruddho hi me pitā sarvaṁ trailokyamabhinirdahet

'Otherwise, vast and terrible suffering will surely come upon you; for my father, when angered, could burn the entire three worlds to ashes.'

Verse 36 (padma.1.37.36)

ततोऽशुभं महाघोरं श्रुत्वा दंडः सुदारुणम्। प्रत्युवाच मदोन्मत्तः शिरसाभिनतः पुनः।

tato'śubhaṁ mahāghoraṁ śrutvā daṁḍaḥ sudāruṇam pratyuvāca madonmattaḥ śirasābhinataḥ punaḥ

Then Danda, having heard those inauspicious and utterly dreadful words, still maddened with passion, bowing his head, replied again:

Verse 37 (padma.1.37.37)

प्रसादं कुरु सुश्रोणि कामोन्मत्तस्य कामिनि। त्वया रुद्धा मम प्राणा विशीर्यंति शुभानने।

prasādaṁ kuru suśroṇi kāmonmattasya kāmini tvayā ruddhā mama prāṇā viśīryaṁti śubhānane

'Show mercy, fair-hipped one, on one maddened with desire. My life-breaths, held back on account of you, are wasting away, O fair-faced one.'

Verse 38 (padma.1.37.38)

त्वां प्राप्य वैरं मेऽत्रास्तु वधो वापि महत्तरः। भक्तं भजस्व मां भीरु त्वयि भक्तिर्हि मे परा।

tvāṁ prāpya vairaṁ me'trāstu vadho vāpi mahattaraḥ bhaktaṁ bhajasva māṁ bhīru tvayi bhaktirhi me parā

'Let there be enmity, or even a greater killing, over gaining you — accept me, your devotee, O timid one, for my devotion to you is supreme.'

Verse 39 (padma.1.37.39)

एवमुक्त्वा तु तां कन्यां बलात्संगृह्य बाहुना। अन्येन राज्ञा हस्तेन विवस्त्रा सा तथा कृता।

evamuktvā tu tāṁ kanyāṁ balātsaṁgṛhya bāhunā anyena rājñā hastena vivastrā sā tathā kṛtā

Having said this, the king seized the maiden forcibly with one arm; with his other hand he stripped her of her garment.

Verse 40 (padma.1.37.40)

अंगमंगे समाश्लेष्य मुखे चैव मुखं कृतम्। विस्फुरंतीं यथाकामं मैथुनायोपचक्रमे।

aṁgamaṁge samāśleṣya mukhe caiva mukhaṁ kṛtam visphuraṁtīṁ yathākāmaṁ maithunāyopacakrame

Pressing limb to limb and mouth to mouth, he began, as she struggled, to force union upon her against her will.

Verse 41 (padma.1.37.41)

तमनर्थं महाघोरं दंडः कृत्वा सुदारुणम्। नगरं स्वं जगामाशु मदोन्मत्त इव द्विपः।

tamanarthaṁ mahāghoraṁ daṁḍaḥ kṛtvā sudāruṇam nagaraṁ svaṁ jagāmāśu madonmatta iva dvipaḥ

Having thus committed that terrible and grievous wrong, Danda swiftly went to his own city, like an elephant maddened with rut.

Verse 42 (padma.1.37.42)

भार्गवी रुदती दीना आश्रमस्याविदूरतः। प्रत्यपालयदुद्विग्ना पितरं देवसम्मितम्।

bhārgavī rudatī dīnā āśramasyāvidūrataḥ pratyapālayadudvignā pitaraṁ devasammitam

The daughter of Bhrigu, weeping and wretched, not far from the hermitage, waited in distress for her father, who was equal to a god.

Verse 43 (padma.1.37.43)

स मुहूर्तादुपस्पृश्य देवर्षिरमितद्युतिः। स्वमाश्रमं शिष्यवृतं क्षुधार्तः सन्यवर्तत।

sa muhūrtādupaspṛśya devarṣiramitadyutiḥ svamāśramaṁ śiṣyavṛtaṁ kṣudhārtaḥ sanyavartata

After a while, the divine sage, of measureless splendor, having performed his ablutions, returned to his hermitage, surrounded by his disciples, afflicted with hunger.

Verse 44 (padma.1.37.44)

सोपश्यदरजां दीनां रजसा समभिप्लुताम्। चंद्रस्य घनसंयुक्तां ज्योत्स्नामिव पराजिताम्।

sopaśyadarajāṁ dīnāṁ rajasā samabhiplutām caṁdrasya ghanasaṁyuktāṁ jyotsnāmiva parājitām

He saw Araja wretched, covered all over with dust, like moonlight overcome and obscured by a dense cloud.

Verse 45 (padma.1.37.45)

तस्य रोषः समभवत्क्षुधार्तस्य महात्मनः। निर्दहन्निव लोकांस्त्रींस्तान्शिष्यान्समुवाच ह।

tasya roṣaḥ samabhavatkṣudhārtasya mahātmanaḥ nirdahanniva lokāṁstrīṁstānśiṣyānsamuvāca ha

Wrath arose in that great soul, afflicted as he was by hunger, as though it would burn the three worlds; he spoke thus to his disciples:

Verse 46 (padma.1.37.46)

पश्यध्वं विपरीतस्य दंडस्यादीर्घदर्शिनः। विपत्तिं घोरसंकाशां दीप्तामग्निशिखामिव।

paśyadhvaṁ viparītasya daṁḍasyādīrghadarśinaḥ vipattiṁ ghorasaṁkāśāṁ dīptāmagniśikhāmiva

'Behold the calamity, terrible as a blazing tongue of fire, that shall befall the perverse and short-sighted Danda.'

Verse 47 (padma.1.37.47)

यन्नाशं दुर्गतिं प्राप्तस्सानुगश्च न संशयः। यस्तु दीप्तहुताशस्य अर्चिः संस्पृष्टवानिह।

yannāśaṁ durgatiṁ prāptassānugaśca na saṁśayaḥ yastu dīptahutāśasya arciḥ saṁspṛṣṭavāniha

'He, along with his followers, shall without doubt meet destruction and evil fate — for he has touched the very flame of a blazing fire.'

Verse 48 (padma.1.37.48)

यस्मात्स कृतवान्पापमीदृशं घोरसंमितम्। तस्मात्प्राप्स्यति दुर्मेधाः पांसुवर्षमनुत्तमम्।

yasmātsa kṛtavānpāpamīdṛśaṁ ghorasaṁmitam tasmātprāpsyati durmedhāḥ pāṁsuvarṣamanuttamam

'Because he has committed such a dreadful sin, that dull-witted one shall receive an unparalleled rain of dust.'

Verse 49 (padma.1.37.49)

कुराजा देशसंयुक्तः सभृत्यबलवाहनः। पापकर्मसमाचारो वधं प्राप्स्यति दुर्मतिः।

kurājā deśasaṁyuktaḥ sabhṛtyabalavāhanaḥ pāpakarmasamācāro vadhaṁ prāpsyati durmatiḥ

'That evil king, together with his realm, servants, army and mounts, engaged in sinful conduct — that ill-minded one shall meet destruction.'

Verse 50 (padma.1.37.50)

समंताद्योजनशतं विषयं चास्य दुर्मतेः। धुनोतु पांसुवर्षेण महता पाकशासनः।

samaṁtādyojanaśataṁ viṣayaṁ cāsya durmateḥ dhunotu pāṁsuvarṣeṇa mahatā pākaśāsanaḥ

'May Indra shake down, with a mighty rain of dust, this evil man's territory for a hundred yojanas all around.'

Verse 51 (padma.1.37.51)

सर्वसत्वानि यानीह जंगमस्थावराणि वै। सर्वेषां पांसुवर्षेण क्षयः क्षिप्रं भविष्यति।

sarvasatvāni yānīha jaṁgamasthāvarāṇi vai sarveṣāṁ pāṁsuvarṣeṇa kṣayaḥ kṣipraṁ bhaviṣyati

'Whatever living beings there are here, moving and unmoving, all shall swiftly perish through this rain of dust.'

Verse 52 (padma.1.37.52)

दंडस्य विषयो यावत्तावत्सवनमाश्रमम्। पांसुवर्षमिवाकस्मात्सप्तरात्रं भविष्यति।

daṁḍasya viṣayo yāvattāvatsavanamāśramam pāṁsuvarṣamivākasmātsaptarātraṁ bhaviṣyati

'As far as Danda's territory extends, along with this hermitage, a sudden rain of dust shall fall for seven nights.'

Verse 53 (padma.1.37.53)

इत्युक्त्वा क्रोधसंतप्तस्तमाश्रमनिवासिनम्। जनं जनपदस्यांते स्थीयतामित्युवाच ह।

ityuktvā krodhasaṁtaptastamāśramanivāsinam janaṁ janapadasyāṁte sthīyatāmityuvāca ha

Having said this, burning with rage, he told the people dwelling in that hermitage to withdraw to the edge of the country.

Verse 54 (padma.1.37.54)

उक्तमात्रे उशनसा आश्रमावसथो जनः। क्षिप्रं तु विषयात्तस्मात्स्थानं चक्रे च बाह्यतः।

uktamātre uśanasā āśramāvasatho janaḥ kṣipraṁ tu viṣayāttasmātsthānaṁ cakre ca bāhyataḥ

As soon as Ushanas had spoken, the people dwelling in the hermitage swiftly established their place outside that territory.

Verse 55 (padma.1.37.55)

तं तथोक्त्वा मुनिजनमरजामिदमब्रवीत्। आश्रमे त्वं सुदुर्मेधे वस चेह समाहिता।

taṁ tathoktvā munijanamarajāmidamabravīt āśrame tvaṁ sudurmedhe vasa ceha samāhitā

Having thus spoken to the sages, he said to Araja: 'You, foolish girl, remain here in the hermitage, with a composed mind.'

Verse 56 (padma.1.37.56)

इदं योजनपर्यंतमाश्रमं रुचिरप्रभम्। अरजे विरजास्तिष्ठ कालमत्र समाश्शतम्।

idaṁ yojanaparyaṁtamāśramaṁ ruciraprabham araje virajāstiṣṭha kālamatra samāśśatam

'This radiant hermitage extends a yojana around; O Araja, stay here free of stain for a hundred years.'

Verse 57 (padma.1.37.57)

श्रुत्वा नियोगं विप्रर्षेररजा भार्गवी तदा। तथेति पितरं प्राह भार्गवं भृशदुःखिता।

śrutvā niyogaṁ viprarṣerarajā bhārgavī tadā tatheti pitaraṁ prāha bhārgavaṁ bhṛśaduḥkhitā

Having heard the command of the sage, Araja the Bhargavi, deeply grieved, said 'So be it' to her father.

Verse 58 (padma.1.37.58)

इत्युक्त्वा भार्गवो वासं तस्मादन्यमुपाक्रमत्। सप्ताहे भस्मसाद्भूतं यथोक्तं ब्रह्मवादिना।

ityuktvā bhārgavo vāsaṁ tasmādanyamupākramat saptāhe bhasmasādbhūtaṁ yathoktaṁ brahmavādinā

Having said this, the Bhargava took up residence elsewhere. Within seven days, all was reduced to ashes, just as declared by that knower of Brahman.

Verse 59 (padma.1.37.59)

तस्माद्दंडस्य विषयो विंध्यशैलस्य मानुष। शप्तो ह्युशनसा राम तदाभूद्धर्षणे कृते।

tasmāddaṁḍasya viṣayo viṁdhyaśailasya mānuṣa śapto hyuśanasā rāma tadābhūddharṣaṇe kṛte

Thus, O man, the territory of Danda near the Vindhya mountain was cursed by Ushanas, when the outrage had been committed.

Verse 60 (padma.1.37.60)

ततःप्रभृति काकुत्स्थ दंडकारण्यमुच्यते। एतत्ते सर्वमाख्यातं यन्मां पृच्छसि राघव।

tataḥprabhṛti kākutstha daṁḍakāraṇyamucyate etatte sarvamākhyātaṁ yanmāṁ pṛcchasi rāghava

From that time onward, O Kakutstha, it is called Dandakaranya. All this I have told you, whatever you asked, O Raghava.

Verse 61 (padma.1.37.61)

संध्यामुपासितुं वीर समयो ह्यतिवर्तते। एते महर्षयो राम पूर्णकुंभाः समंततः।

saṁdhyāmupāsituṁ vīra samayo hyativartate ete maharṣayo rāma pūrṇakuṁbhāḥ samaṁtataḥ

The time for evening worship is passing, O hero. These great sages here, O Rama, stand all around with full water-pots,

Verse 62 (padma.1.37.62)

कृतोदका नरव्याघ्र पूजयंति दिवाकरम्। सर्वैरॄषिभिरभ्यस्तैः स्तोत्रैर्ब्रह्मादिभिः कृतैः।

kṛtodakā naravyāghra pūjayaṁti divākaram sarvairṝṣibhirabhyastaiḥ stotrairbrahmādibhiḥ kṛtaiḥ

having performed their water-rites, O tiger among men, worshipping the sun with hymns composed by Brahma and others, recited by all the seers.

Verse 63 (padma.1.37.63)

रविरस्तंगतो राम गत्वोदकमुपस्पृश। ॠषेर्वचनमादाय रामः संध्यामुपासितुम्।

ravirastaṁgato rāma gatvodakamupaspṛśa ṝṣervacanamādāya rāmaḥ saṁdhyāmupāsitum

'The sun has set, O Rama; go and touch water.' Taking the sage's words, Rama, to perform the evening worship,

Verse 64 (padma.1.37.64)

उपचक्राम तत्पुण्यं ससरोरघुनंदनः। अथ तस्मिन्वनोद्देशे रम्ये पादपशोभिते।

upacakrāma tatpuṇyaṁ sasaroraghunaṁdanaḥ atha tasminvanoddeśe ramye pādapaśobhite

went toward that sacred spot with its lake. Then, in that part of the forest, delightful, adorned with trees,

Verse 65 (padma.1.37.65)

नदपुण्ये गिरिवरे कोकिलाशतमंडिते। नानापक्षिरवोद्याने नानामृगसमाकुले।

nadapuṇye girivare kokilāśatamaṁḍite nānāpakṣiravodyāne nānāmṛgasamākule

sacred with a river, on the finest of mountains, adorned with hundreds of cuckoos, its groves resounding with birdcalls, teeming with many kinds of deer,

Verse 66 (padma.1.37.66)

सिंहव्याघ्रसमाकीर्णे नानाद्विजसमावृते। गृध्रोलूकौ प्रवसितौ बहून्वर्षगणानपि।

siṁhavyāghrasamākīrṇe nānādvijasamāvṛte gṛdhrolūkau pravasitau bahūnvarṣagaṇānapi

thronged with lions and tigers, filled with birds of every kind — there a vulture and an owl had dwelt for many years.

Verse 67 (padma.1.37.67)

अथोलूकस्य भवनं गृध्रः पापविनिश्चयः। ममेदमिति कृत्वाऽसौ कलहं तेन चाकरोत्।

atholūkasya bhavanaṁ gṛdhraḥ pāpaviniścayaḥ mamedamiti kṛtvā'sau kalahaṁ tena cākarot

Then the vulture, resolved on wickedness, claiming the owl's dwelling as 'This is mine,' picked a quarrel with him.

Verse 68 (padma.1.37.68)

राजा सर्वस्य लोकस्य रामो राजीवलोचनः। तं प्रपद्यावहै शीघ्रं कस्यैतद्भवनं भवेत्।

rājā sarvasya lokasya rāmo rājīvalocanaḥ taṁ prapadyāvahai śīghraṁ kasyaitadbhavanaṁ bhavet

'Rama, lotus-eyed, is the king of the whole world; let us both go to him quickly, to settle whose dwelling this shall be.'

Verse 69 (padma.1.37.69)

गृध्रोलूकौ प्रपद्येतां जातकोपावमर्षिणौ। रामं प्रपद्यतौ शीघ्रं कलिव्याकुलचेतसौ।

gṛdhrolūkau prapadyetāṁ jātakopāvamarṣiṇau rāmaṁ prapadyatau śīghraṁ kalivyākulacetasau

The vulture and owl, both risen in anger and indignation, both approached Rama quickly, their minds troubled by discord.

Verse 70 (padma.1.37.70)

तौ परस्परविद्वेषौ स्पृशतश्चरणौ तथा। अथ दृष्ट्वा राघवेंद्रं गृध्रो वचनमब्रवीत्।

tau parasparavidveṣau spṛśataścaraṇau tathā atha dṛṣṭvā rāghaveṁdraṁ gṛdhro vacanamabravīt

The two, hostile to each other, touched his feet. Then, seeing the lord of the Raghavas, the vulture spoke these words:

Verse 71 (padma.1.37.71)

सुराणामसुराणां च त्वं प्रधानो मतो मम। बृहस्पतेश्च शुक्राच्च त्वं विशिष्टो महामतिः।

surāṇāmasurāṇāṁ ca tvaṁ pradhāno mato mama bṛhaspateśca śukrācca tvaṁ viśiṣṭo mahāmatiḥ

'You are, in my view, foremost among gods and demons alike; you surpass even Brihaspati and Shukra, O great-minded one.'

Verse 72 (padma.1.37.72)

परावरज्ञो भूतानां मर्त्ये शक्र इवापरः। दुर्निरीक्षो यथा सूर्यो हिमवानिव गौरवे।

parāvarajño bhūtānāṁ martye śakra ivāparaḥ durnirīkṣo yathā sūryo himavāniva gaurave

'Knower of the high and low among all beings, like a second Indra among mortals; hard to gaze upon like the sun, majestic like the Himalaya.'

Verse 73 (padma.1.37.73)

सागरश्चासि गांभीर्ये लोकपालो यमो ह्यसि। क्षांत्या धरण्या तुल्योसि शीघ्रत्वे ह्यनिलोपमः।

sāgaraścāsi gāṁbhīrye lokapālo yamo hyasi kṣāṁtyā dharaṇyā tulyosi śīghratve hyanilopamaḥ

'You are like the ocean in depth, and like Yama, guardian of the world; equal to the earth in patience, like the wind in swiftness.'

Verse 74 (padma.1.37.74)

गुरुस्त्वं सर्वसंपन्नो विष्णुरूपोसि राघव। अमर्षी दुर्जयो जेता सर्वास्त्रविधिपारगः।

gurustvaṁ sarvasaṁpanno viṣṇurūposi rāghava amarṣī durjayo jetā sarvāstravidhipāragaḥ

'You are the guru, endowed with everything, of the very form of Vishnu, O Raghava; intolerant of wrong, unconquerable, victorious, master of the entire science of weapons.'

Verse 75 (padma.1.37.75)

शृणु त्वं मम देवेश विज्ञाप्यं नरपुंगव। ममालयं पूर्वकृतं बाहुवीर्येण वै प्रभो।

śṛṇu tvaṁ mama deveśa vijñāpyaṁ narapuṁgava mamālayaṁ pūrvakṛtaṁ bāhuvīryeṇa vai prabho

'Hear, O lord of gods, my petition, O best of men. My dwelling, made long ago by the strength of my own arms, O lord —'

Verse 76 (padma.1.37.76)

उलूको हरते राजंस्त्वत्समीपे विशेषतः। ईदृशोयं दुराचारस्त्वदाज्ञा लंघको नृप।

ulūko harate rājaṁstvatsamīpe viśeṣataḥ īdṛśoyaṁ durācārastvadājñā laṁghako nṛpa

'—the owl, O king, seizes it, right before you. Such is this evildoer, a transgressor of your command, O king.'

Verse 77 (padma.1.37.77)

प्राणांतिकेन दंडेन राम शासितुमर्हसि। एवमुक्ते तु गृध्रेण उलूको वाक्यमब्रवीत्।

prāṇāṁtikena daṁḍena rāma śāsitumarhasi evamukte tu gṛdhreṇa ulūko vākyamabravīt

'You ought to punish him, O Rama, with a punishment extending to death.' When the vulture had spoken thus, the owl spoke these words:

Verse 78 (padma.1.37.78)

शृणु देव मम ज्ञाप्यमेकचित्तो नराधिप। सोमाच्छक्राच्च सूर्याच्च धनदाच्च यमात्तथा।

śṛṇu deva mama jñāpyamekacitto narādhipa somācchakrācca sūryācca dhanadācca yamāttathā

'Hear my petition, O lord, with an attentive mind. From the Moon, Indra, the Sun, Kubera, and likewise Yama —'

Verse 79 (padma.1.37.79)

जायते वै नृपो राम किंचिद्भवति मानुषः। त्वं तु सर्वमयो देवो नारायणपरायणः।

jāyate vai nṛpo rāma kiṁcidbhavati mānuṣaḥ tvaṁ tu sarvamayo devo nārāyaṇaparāyaṇaḥ

'—a king, O Rama, is born as somewhat human in part; but you are entirely divine, wholly devoted to Narayana.'

Verse 80 (padma.1.37.80)

प्रोच्यते सोमता राजन्सम्यक्कार्ये विचारिते। सम्यग्रक्षसि तापेभ्यस्तमोघ्नो हि यतो भवान्।

procyate somatā rājansamyakkārye vicārite samyagrakṣasi tāpebhyastamoghno hi yato bhavān

'A king is rightly called the Moon when his actions are well-considered, for you rightly protect from afflictions, since you dispel darkness.'

Verse 81 (padma.1.37.81)

दोषे दंडात्प्रजानां त्वं यतः पापभयापहः। दाता प्रहर्ता गोप्ता च तेनेंद्र इव नो भवान्।

doṣe daṁḍātprajānāṁ tvaṁ yataḥ pāpabhayāpahaḥ dātā prahartā goptā ca teneṁdra iva no bhavān

'Since through punishment for wrongdoing you remove the fear of sin from your subjects, and are giver, striker and protector — you are like Indra to us.'

Verse 82 (padma.1.37.82)

अधृष्यः सर्वभूतेषु तेजसा चानलो मतः। अभीक्ष्णं तपसे पापांस्तेन त्वं राम भास्करः।

adhṛṣyaḥ sarvabhūteṣu tejasā cānalo mataḥ abhīkṣṇaṁ tapase pāpāṁstena tvaṁ rāma bhāskaraḥ

'Unassailable among all beings, considered like fire in splendor; since you constantly burn away the wicked, therefore you are the Sun, O Rama.'

Verse 83 (padma.1.37.83)

साक्षाद्वित्तेशतुल्यस्त्वमथवा धनदाधिकः। चित्तायत्ता तु पत्नीश्रीर्नित्यं ते राजसत्तम।

sākṣādvitteśatulyastvamathavā dhanadādhikaḥ cittāyattā tu patnīśrīrnityaṁ te rājasattama

'You are directly equal to Kubera, or even greater than him; the goddess of prosperity, like a devoted wife, is always dependent on your will, O best of kings.'

Verse 84 (padma.1.37.84)

धनदस्य तु कोशेन धनदस्तेन वैभवान्। समः सर्वेषु भूतेषु स्थावरेषु चरेषु च।

dhanadasya tu kośena dhanadastena vaibhavān samaḥ sarveṣu bhūteṣu sthāvareṣu careṣu ca

'Kubera is called the giver of wealth and splendorous only by virtue of his treasury; but you are equal toward all beings, the unmoving and the moving alike.'

Verse 85 (padma.1.37.85)

शत्रौ मित्रे च ते दृष्टिः समंताद्याति राघव। धर्मेण शासनं नित्यं व्यवहारविधिक्रमैः।

śatrau mitre ca te dṛṣṭiḥ samaṁtādyāti rāghava dharmeṇa śāsanaṁ nityaṁ vyavahāravidhikramaiḥ

'Toward enemy and friend alike your gaze extends equally, O Raghava; your rule is ever by righteousness, following the due order of law.'

Verse 86 (padma.1.37.86)

यस्य रुष्यसि वै राम मृत्युस्तस्याभिधीयते। गीयसे तेन वै राजन्यम इत्यभिविश्रुतः।

yasya ruṣyasi vai rāma mṛtyustasyābhidhīyate gīyase tena vai rājanyama ityabhiviśrutaḥ

'He with whom you are angered, O Rama, is said to face death; for this you are renowned, celebrated as Yama himself.'

Verse 87 (padma.1.37.87)

यश्चासौ मानुषो भावो भवतो नृपसत्तम। आनृशंस्यपरो राजा सर्वेषु कृपयान्वितः।

yaścāsau mānuṣo bhāvo bhavato nṛpasattama ānṛśaṁsyaparo rājā sarveṣu kṛpayānvitaḥ

'And that human quality which is yours, O best of kings — a king devoted to non-cruelty, filled with compassion toward all —'

Verse 88 (padma.1.37.88)

दुर्बलस्य त्वनाथस्य राजा भवति वै बलम्। अचक्षुषो भवेच्चक्षुरमतेषु मतिर्भवेत्।

durbalasya tvanāthasya rājā bhavati vai balam acakṣuṣo bhaveccakṣuramateṣu matirbhavet

'—a king becomes the very strength of the weak and helpless; he becomes the eye of the blind, and understanding for those who lack it.'

Verse 89 (padma.1.37.89)

अस्माकमपि नाथस्त्वं श्रूयतां मम धार्मिक। भवता तत्र मंतव्यं यथैते किल पक्षिणः।

asmākamapi nāthastvaṁ śrūyatāṁ mama dhārmika bhavatā tatra maṁtavyaṁ yathaite kila pakṣiṇaḥ

'You are our protector too; hear me, O righteous one. You should consider that these are, after all, mere birds.'

Verse 90 (padma.1.37.90)

योस्मन्नाथः स पक्षींद्रो भवतो विनियोज्यकः। अस्वाम्यं देव नास्माकं सन्निधौ भवतः प्रभो।

yosmannāthaḥ sa pakṣīṁdro bhavato viniyojyakaḥ asvāmyaṁ deva nāsmākaṁ sannidhau bhavataḥ prabho

'He who is our lord is the king of birds, subject to your command; we ourselves, O lord, in your presence, have no ownership of our own to assert.'

Verse 91 (padma.1.37.91)

भवतैव कृतं पूर्वं भूतग्रामं चतुर्विधम्। ममालयप्रविष्टस्तु गृध्रो मां बाधते नृप।

bhavataiva kṛtaṁ pūrvaṁ bhūtagrāmaṁ caturvidham mamālayapraviṣṭastu gṛdhro māṁ bādhate nṛpa

'By you alone, formerly, were created the four kinds of beings; but this vulture, having entered my dwelling, harasses me, O king.'

Verse 92 (padma.1.37.92)

भवान्देवमनुष्येषु शास्ता वै नरपुंगव। एतच्छ्रुत्वा तु वै रामः सचिवानाह्वयत्स्वयम्।

bhavāndevamanuṣyeṣu śāstā vai narapuṁgava etacchrutvā tu vai rāmaḥ sacivānāhvayatsvayam

'You alone are the ruler among gods and men.' Having heard this, Rama himself summoned his ministers —

Verse 93 (padma.1.37.93)

विष्टिर्जयंतो विजयः सिद्धार्थो राष्ट्रवर्धनः। अशोको धर्मपालश्च सुमंत्रश्च महाबलः।

viṣṭirjayaṁto vijayaḥ siddhārtho rāṣṭravardhanaḥ aśoko dharmapālaśca sumaṁtraśca mahābalaḥ

Vishti, Jayanta, Vijaya, Siddhartha, Rashtravardhana, Ashoka, Dharmapala, and the mighty Sumantra —

Verse 94 (padma.1.37.94)

एते रामस्य सचिवा राज्ञो दशरथस्य च। नीतियुक्ता महात्मानः सर्वशास्त्रविशारदाः।

ete rāmasya sacivā rājño daśarathasya ca nītiyuktā mahātmānaḥ sarvaśāstraviśāradāḥ

these were the ministers of Rama and of King Dasharatha, great souls versed in statecraft, skilled in every branch of learning,

Verse 95 (padma.1.37.95)

सुशांताश्च कुलीनाश्च नये मंत्रे च कोविदाः। तानाहूय स धर्मात्मा पुष्पकादवरुह्य च।

suśāṁtāśca kulīnāśca naye maṁtre ca kovidāḥ tānāhūya sa dharmātmā puṣpakādavaruhya ca

calm, of good family, expert in policy and counsel. Having summoned them, the righteous-souled Rama, descending from the Pushpaka,

Verse 96 (padma.1.37.96)

गृध्रोलूकौ विवदंतौ पृच्छति स्म रघूत्तमः। कति वर्षाणि भो गृध्र तवेदं निलयं कृतं।

gṛdhrolūkau vivadaṁtau pṛcchati sma raghūttamaḥ kati varṣāṇi bho gṛdhra tavedaṁ nilayaṁ kṛtaṁ

questioned the quarreling vulture and owl. 'How many years, O vulture, has this been made your dwelling?'

Verse 97 (padma.1.37.97)

एतन्मे कौतुकं ब्रूहि यदि जानासि तत्त्वतः। एतच्छ्रुत्वा वचो गृध्रो बभाषे राघवं स्थितं।

etanme kautukaṁ brūhi yadi jānāsi tattvataḥ etacchrutvā vaco gṛdhro babhāṣe rāghavaṁ sthitaṁ

'Tell me this out of my curiosity, if you truly know.' Hearing this, the vulture spoke to Raghava, standing there:

Verse 98 (padma.1.37.98)

इयं वसुमती राम मानुषैर्बहुबाहुभिः। उच्छ्रितैराचिता सर्वा तदाप्रभृति मद्गृहं।

iyaṁ vasumatī rāma mānuṣairbahubāhubhiḥ ucchritairācitā sarvā tadāprabhṛti madgṛhaṁ

'O Rama, ever since this whole earth was filled with lofty, mighty-armed men, from that time this has been my house.'

Verse 99 (padma.1.37.99)

उलूकस्त्वब्रवीद्रामं पादपैरुपशोभिता। यदैव पृथिवी राजंस्तदाप्रभृति मे गृहं।

ulūkastvabravīdrāmaṁ pādapairupaśobhitā yadaiva pṛthivī rājaṁstadāprabhṛti me gṛhaṁ

But the owl said to Rama: 'From the very time, O king, that the earth was adorned with trees, from then this has been my house.'

Verse 100 (padma.1.37.100)

एतच्छ्रुत्वा तु रामो वै सभासद उवाचह। न सा सभा यत्र न संति वृद्धा वृद्धा न ते ये न वदंति धर्मं।

etacchrutvā tu rāmo vai sabhāsada uvācaha na sā sabhā yatra na saṁti vṛddhā vṛddhā na te ye na vadaṁti dharmaṁ

Having heard this, Rama said to his assembled counselors: 'That is no assembly in which there are no elders; and they are no elders who do not speak dharma.'

Verse 101 (padma.1.37.101)

नासौ धर्मो यत्र न चास्ति सत्यं न तत्सत्यं यच्छलमभ्युपैति। ये तु सभ्याः सभां गत्वा तूष्णीं ध्यायंत आसते।

nāsau dharmo yatra na cāsti satyaṁ na tatsatyaṁ yacchalamabhyupaiti ye tu sabhyāḥ sabhāṁ gatvā tūṣṇīṁ dhyāyaṁta āsate

'That is not dharma in which there is no truth; and that is not truth which resorts to deceit. Those members who, having come to the assembly, merely sit silent, absorbed,'

Verse 102 (padma.1.37.102)

यथाप्राप्तं न ब्रुवते सर्वे तेऽनृतवादिनः। न वक्ति च श्रुतं यश्च कामात्क्रोधात्तथा भयात्।

yathāprāptaṁ na bruvate sarve te'nṛtavādinaḥ na vakti ca śrutaṁ yaśca kāmātkrodhāttathā bhayāt

'—all who do not speak as the matter truly stands are speakers of falsehood. And he who, out of desire, anger, or fear, does not speak what he knows,'

Verse 103 (padma.1.37.103)

सहस्रं वारुणाः पाशाः प्रतिमुंचंति तं नरं। तेषां संवत्सरे पूर्णे पाश एकः प्रमुच्यते।

sahasraṁ vāruṇāḥ pāśāḥ pratimuṁcaṁti taṁ naraṁ teṣāṁ saṁvatsare pūrṇe pāśa ekaḥ pramucyate

'—upon that man a thousand nooses of Varuna are cast; and of these, only when a full year has passed, is a single noose released.'

Verse 104 (padma.1.37.104)

तस्मात्सत्यं तु वक्तव्यं जानता सत्यमंजसा। एतच्छ्रुत्वा तु सचिवा राममेवाब्रुवंस्तदा।

tasmātsatyaṁ tu vaktavyaṁ jānatā satyamaṁjasā etacchrutvā tu sacivā rāmamevābruvaṁstadā

'Therefore the truth should be spoken outright by one who knows it.' Having heard this, the ministers then said to Rama:

Verse 105 (padma.1.37.105)

उलूकः शोभते राजन्न तु गृध्रो महामते। त्वं प्रमाणं महाराज राजा हि परमा गतिः।

ulūkaḥ śobhate rājanna tu gṛdhro mahāmate tvaṁ pramāṇaṁ mahārāja rājā hi paramā gatiḥ

'The owl's claim seems right, O king, not the vulture's. But you are the authority, great king, for the king is the ultimate resort.'

Verse 106 (padma.1.37.106)

राजमूलाः प्रजाः सर्वा राजा धर्मः सनातनः। शास्ता राजा नृणां येषां न ते गच्छंति दुर्गतिम्।

rājamūlāḥ prajāḥ sarvā rājā dharmaḥ sanātanaḥ śāstā rājā nṛṇāṁ yeṣāṁ na te gacchaṁti durgatim

'All subjects have the king as their root; the king is the eternal dharma. Those whose ruler is a just king do not fall into misfortune.'

Verse 107 (padma.1.37.107)

वैवस्वतेन मुक्ताश्च भवंति पुरुषोत्तमाः। सचिवानां वचः श्रुत्वा रामो वचनमब्रवीत्।

vaivasvatena muktāśca bhavaṁti puruṣottamāḥ sacivānāṁ vacaḥ śrutvā rāmo vacanamabravīt

'They become released even from Yama's judgment, those most excellent men.' Having heard the ministers' words, Rama spoke:

Verse 108 (padma.1.37.108)

श्रूयतामभिधास्यामि पुराणं यदुदाहृतं। द्यौः सचंद्रार्कनक्षत्रा सपर्वतमहीद्रुमम्।

śrūyatāmabhidhāsyāmi purāṇaṁ yadudāhṛtaṁ dyauḥ sacaṁdrārkanakṣatrā saparvatamahīdrumam

'Listen, I shall relate an ancient account that is told: the sky together with moon, sun, and stars, and the earth with its mountains and trees —'

Verse 109 (padma.1.37.109)

सलिलार्णवसंमग्नं त्रैलोक्यं सचराचरं। एकमेव तदा ह्यासीत्सर्वमेकमिवांबरं।

salilārṇavasaṁmagnaṁ trailokyaṁ sacarācaraṁ ekameva tadā hyāsītsarvamekamivāṁbaraṁ

'—the three worlds, with all that moves and is still, were submerged in the ocean of waters; everything then existed as a single mass, like one sky.'

Verse 110 (padma.1.37.110)

पुनर्भूः सह लक्ष्म्या च विष्णोर्जठरमाविशत्। तां निगृह्य महातेजाः प्रविश्य सलिलार्णवं।

punarbhūḥ saha lakṣmyā ca viṣṇorjaṭharamāviśat tāṁ nigṛhya mahātejāḥ praviśya salilārṇavaṁ

'Then the Earth, together with Lakshmi, entered the belly of Vishnu. Having taken her in, the greatly resplendent one, entering the ocean of waters,'

Verse 111 (padma.1.37.111)

सुष्वाप हि कृतात्मा स बहुवर्षशतान्यपि। विष्णौ सुप्ते ततो ब्रह्मा विवेश जठरं ततः।

suṣvāpa hi kṛtātmā sa bahuvarṣaśatānyapi viṣṇau supte tato brahmā viveśa jaṭharaṁ tataḥ

'—slept there, self-composed, for many hundreds of years. When Vishnu slept, then Brahma entered his belly.'

Verse 112 (padma.1.37.112)

बहुस्रोतं च तं ज्ञात्वा महायोगी समाविशत्। नाभ्यां विष्णोः समुद्भूतं पद्मं हेमविभूषितं।

bahusrotaṁ ca taṁ jñātvā mahāyogī samāviśat nābhyāṁ viṣṇoḥ samudbhūtaṁ padmaṁ hemavibhūṣitaṁ

'Knowing it to have many currents, the great yogin entered there. From Vishnu's navel there arose a lotus, adorned with gold.'

Verse 113 (padma.1.37.113)

स तु निर्गम्य वै ब्रह्मा योगी भूत्वा महाप्रभुः। सिसृक्षुः पृथिवीं वायुं पर्वतांश्च महीरुहान्।

sa tu nirgamya vai brahmā yogī bhūtvā mahāprabhuḥ sisṛkṣuḥ pṛthivīṁ vāyuṁ parvatāṁśca mahīruhān

'Then Brahma, having emerged, becoming a great yogin and great lord, desiring to create the earth, wind, mountains and trees,'

Verse 114 (padma.1.37.114)

तदंतराः प्रजाः सर्वा मानुषांश्च सरीसृपान्। जरायुजाण्डजान्सर्वान्ससर्ज स महातपाः।

tadaṁtarāḥ prajāḥ sarvā mānuṣāṁśca sarīsṛpān jarāyujāṇḍajānsarvānsasarja sa mahātapāḥ

'—and all the creatures in between, humans and creeping things, both womb-born and egg-born — that being of great austerity created them all.'

Verse 115 (padma.1.37.115)

तस्य गात्रसमुत्पन्नः कैटभो मधुना सह। दानवौ तौ महावीर्यौ घोरौ लब्धवरौ तदा।

tasya gātrasamutpannaḥ kaiṭabho madhunā saha dānavau tau mahāvīryau ghorau labdhavarau tadā

'From his limbs arose Kaitabha along with Madhu, two demons of great might and terror, who had obtained a boon.'

Verse 116 (padma.1.37.116)

दृष्ट्वा प्रजापतिं तत्र क्रोधाविष्टावुभौ नृप। वेगेन महता भोक्तुं स्वयंभुवमधावतां।

dṛṣṭvā prajāpatiṁ tatra krodhāviṣṭāvubhau nṛpa vegena mahatā bhoktuṁ svayaṁbhuvamadhāvatāṁ

'Seeing the Lord of Creatures there, both, seized with anger, O king, rushed with great speed to devour the Self-born.'

Verse 117 (padma.1.37.117)

दृष्ट्वा सत्वानि सर्वाणि निस्सरन्ति पृथक्पृथक्। ब्रह्मणा संस्तुतो विष्णुर्हत्वा तौ मधुकैटभौ।

dṛṣṭvā satvāni sarvāṇi nissaranti pṛthakpṛthak brahmaṇā saṁstuto viṣṇurhatvā tau madhukaiṭabhau

'Seeing all creatures fleeing in fear, and being praised by Brahma, Vishnu slew the two, Madhu and Kaitabha.'

Verse 118 (padma.1.37.118)

पृथिवीं वर्धयामास स्थित्यर्थं मेदसा तयोः। मेदोगंधा तु धरणी मेदिनीत्यभिधां गता।

pṛthivīṁ vardhayāmāsa sthityarthaṁ medasā tayoḥ medogaṁdhā tu dharaṇī medinītyabhidhāṁ gatā

'With their fat he then enlarged the earth for the sake of its stability; and the earth, bearing that smell, came to be called Medini.'

Verse 119 (padma.1.37.119)

तस्माद्गृध्रस्त्वसत्यो वै पापकर्मापरालयम्। स्वीयं करोति पापात्मा दण्डनीयो न संशयः।

tasmādgṛdhrastvasatyo vai pāpakarmāparālayam svīyaṁ karoti pāpātmā daṇḍanīyo na saṁśayaḥ

'Therefore that vulture, speaking falsehood, sinful in deed, claiming another's dwelling as his own — that sinful one deserves punishment, without doubt.'

Verse 120 (padma.1.37.120)

ततोऽशरीरिणीवाणी अंतरिक्षात्प्रभाषते। मा वधी राम गृध्रं त्वं पूर्वंदग्धं तपोबलात्।

tato'śarīriṇīvāṇī aṁtarikṣātprabhāṣate mā vadhī rāma gṛdhraṁ tvaṁ pūrvaṁdagdhaṁ tapobalāt

Then a bodiless voice spoke from the sky: 'Do not kill the vulture, O Rama; he was formerly scorched by a curse born of the power of austerity.'

Verse 121 (padma.1.37.121)

पुरा गौतम दग्धोऽयं प्रजानाथो जनेश्वर। ब्रह्मदत्तस्तु नामैष शूरः सत्यव्रतः शुचिः।

purā gautama dagdho'yaṁ prajānātho janeśvara brahmadattastu nāmaiṣa śūraḥ satyavrataḥ śuciḥ

'Formerly, O ruler of men, this lord of subjects was cursed by Gautama. His name was Brahmadatta, a hero, true to his vows, and pure.'

Verse 122 (padma.1.37.122)

गृहमागत्य विप्रर्षेर्भोजनं प्रत्ययाचत। साग्रं वर्षशतं चैव भुक्तवान्नृपसत्तम।

gṛhamāgatya viprarṣerbhojanaṁ pratyayācata sāgraṁ varṣaśataṁ caiva bhuktavānnṛpasattama

'Coming to the house of the sage-Brahmin, he begged for food; and for a hundred years and more, O best of kings, he ate there.'

Verse 123 (padma.1.37.123)

ब्रह्मदत्तस्य वै तस्य पाद्यमर्घ्यं स्वयं ततः। आत्मनैवाकरोत्सम्यग्भोजनार्थं महाद्युते।

brahmadattasya vai tasya pādyamarghyaṁ svayaṁ tataḥ ātmanaivākarotsamyagbhojanārthaṁ mahādyute

'For that Brahmadatta, the sage himself duly performed the offerings of water for the feet and arghya, for the sake of the meal, O resplendent one.'

Verse 124 (padma.1.37.124)

समाविश्य गृहं तस्य आहारे तु महात्मनः। नारीं पूर्णस्तनीं दृष्ट्वा हस्तेनाथ परामृशत्।

samāviśya gṛhaṁ tasya āhāre tu mahātmanaḥ nārīṁ pūrṇastanīṁ dṛṣṭvā hastenātha parāmṛśat

'Having entered that great soul's house during mealtime, seeing a woman with full breasts, he then touched her with his hand.'

Verse 125 (padma.1.37.125)

अथ क्रुद्धेन मुनिना शापो दत्तः सुदारुणः। गृध्रत्वं गच्छ वै मूढ राजा मुनिमथाब्रवीत्।

atha kruddhena muninā śāpo dattaḥ sudāruṇaḥ gṛdhratvaṁ gaccha vai mūḍha rājā munimathābravīt

'Then the enraged sage pronounced a terrible curse: "Become a vulture, you fool!" The king then said to the sage:'

Verse 126 (padma.1.37.126)

कृपां कुरु महाभाग शापोद्धारो भविष्यति। दयालुस्तद्वचः श्रुत्वा पुनराह नराधिप।

kṛpāṁ kuru mahābhāga śāpoddhāro bhaviṣyati dayālustadvacaḥ śrutvā punarāha narādhipa

'"Show mercy, O fortunate one; let there be an end to the curse." Hearing these words, the compassionate one spoke again to the king:'

Verse 127 (padma.1.37.127)

उत्पत्स्यते रघुकुले रामो नाम महायशाः। इक्ष्वाकूणां महाभागो राजा राजीवलोचनः।

utpatsyate raghukule rāmo nāma mahāyaśāḥ ikṣvākūṇāṁ mahābhāgo rājā rājīvalocanaḥ

'"In the Raghu lineage shall be born one named Rama, of great renown, a most fortunate king of the Ikshvakus, lotus-eyed."'

Verse 128 (padma.1.37.128)

तेन दृष्टो विपापस्त्वं भविता नरपुंगव। दृष्टो रामेण तच्छ्रुत्वा बभूव पृथिवीपतिः।

tena dṛṣṭo vipāpastvaṁ bhavitā narapuṁgava dṛṣṭo rāmeṇa tacchrutvā babhūva pṛthivīpatiḥ

'"Seen by him, you shall become free of sin, O best of men." Hearing this, that lord of the earth remained a vulture, waiting.'

Verse 129 (padma.1.37.129)

गृध्रत्वं त्यज्य वै शीघ्रं दिव्यगंधानुलेपनः। पुरुषो दिव्यरूपोऽसौ बभाषे तं नराधिपं।

gṛdhratvaṁ tyajya vai śīghraṁ divyagaṁdhānulepanaḥ puruṣo divyarūpo'sau babhāṣe taṁ narādhipaṁ

Casting off his vulture form at once, anointed with divine fragrance, that being of divine form spoke to King Rama:

Verse 130 (padma.1.37.130)

साधु राघव धर्मज्ञ त्वत्प्रसादादहं विभो। विमुक्तो नरकाद्घोरादपापस्तु त्वया कृतः।

sādhu rāghava dharmajña tvatprasādādahaṁ vibho vimukto narakādghorādapāpastu tvayā kṛtaḥ

'Well done, O Raghava, knower of dharma! By your grace, O lord, I have been freed from terrible hell, and made sinless by you.'

Verse 131 (padma.1.37.131)

विसर्जितं मया गार्ध्यं नररूपी महीपतिः। उलूकं प्राह धर्मज्ञ स्वगृहं विश कौशिक।

visarjitaṁ mayā gārdhyaṁ nararūpī mahīpatiḥ ulūkaṁ prāha dharmajña svagṛhaṁ viśa kauśika

'I have cast off my vulture-nature.' Thus speaking, that lord of the earth, now in human form, said to the owl: 'Enter your own house, O Kaushika.'

Verse 132 (padma.1.37.132)

अहं संध्यामुपासित्वा गमिष्ये यत्र वै मुनिः। अथोदकमुपस्पृश्य संध्यामन्वास्य पश्चिमां।

ahaṁ saṁdhyāmupāsitvā gamiṣye yatra vai muniḥ athodakamupaspṛśya saṁdhyāmanvāsya paścimāṁ

'Having performed the evening worship, I shall go to where the sage is.' Then, having touched water and performed the evening worship,

Verse 133 (padma.1.37.133)

आश्रमं प्राविशद्रामः कुंभयोनेर्महात्मनः। तस्यागस्त्यो बहुगुणं फलमूलं च सादरं।

āśramaṁ prāviśadrāmaḥ kuṁbhayonermahātmanaḥ tasyāgastyo bahuguṇaṁ phalamūlaṁ ca sādaraṁ

Rama entered the hermitage of the great soul born from a pot, Agastya. Agastya respectfully offered him roots and fruits of many virtues,

Verse 134 (padma.1.37.134)

रसवंति च शाकानि भोजनार्थमुपाहरत्। सभुक्तवान्नरव्याघ्रस्तदन्नममृतोपमम्।

rasavaṁti ca śākāni bhojanārthamupāharat sabhuktavānnaravyāghrastadannamamṛtopamam

and savory vegetables, for his meal. That tiger among men ate that food, which was like nectar.

Verse 135 (padma.1.37.135)

प्रीतश्च परितुष्टश्च तां रात्रिं समुपावसत्। प्रभाते काल्यमुत्थाय कृत्वाह्निकमरिंदम।

prītaśca parituṣṭaśca tāṁ rātriṁ samupāvasat prabhāte kālyamutthāya kṛtvāhnikamariṁdama

Pleased and fully satisfied, he passed that night there. At dawn, rising early, having performed his daily rites,

Verse 136 (padma.1.37.136)

ॠषिं समभिचक्राम गमनाय रघूत्तमः। अभिवाद्याब्रवीद्रामो महर्षिं कुंभसंभवम्।

ṝṣiṁ samabhicakrāma gamanāya raghūttamaḥ abhivādyābravīdrāmo maharṣiṁ kuṁbhasaṁbhavam

the best of the Raghus approached the sage to take his leave for departure. Having bowed to him, Rama spoke to the great sage born from a pot:

Verse 137 (padma.1.37.137)

आपृच्छे साधये ब्रह्मन्ननुज्ञातुं त्वमर्हसि। धन्योस्म्यनुगृहीतोस्मि दर्शनेन महामुने।

āpṛcche sādhaye brahmannanujñātuṁ tvamarhasi dhanyosmyanugṛhītosmi darśanena mahāmune

'I take my leave, O Brahmin — you should grant me leave. I am blessed, I am favored, by your very sight, O great sage.'

Verse 138 (padma.1.37.138)

दिष्ट्या चाहं भविष्यामि पावनात्मा महात्मनः। एवं ब्रुवति काकुत्स्थे वाक्यमद्भुतदर्शनं।

diṣṭyā cāhaṁ bhaviṣyāmi pāvanātmā mahātmanaḥ evaṁ bruvati kākutsthe vākyamadbhutadarśanaṁ

'And by good fortune I shall become purified in soul through the sight of this great soul.' As Kakutstha spoke thus, this most wondrous saying,

Verse 139 (padma.1.37.139)

उवाच परमप्रीतो बाष्पनेत्रस्तपोधनः। अत्यद्भुतमिदं वाक्यं तव राम शुभाक्षरं।

uvāca paramaprīto bāṣpanetrastapodhanaḥ atyadbhutamidaṁ vākyaṁ tava rāma śubhākṣaraṁ

the ascetic, greatly delighted, his eyes filled with tears, said: 'This is a most wondrous saying of yours, O Rama, of auspicious words —'

Verse 140 (padma.1.37.140)

पावनं सर्वभूतानां त्वयोक्तं रघुनंदन। मुहूर्तमपि राम त्वां मैत्रेणेक्षंति ये नराः।

pāvanaṁ sarvabhūtānāṁ tvayoktaṁ raghunaṁdana muhūrtamapi rāma tvāṁ maitreṇekṣaṁti ye narāḥ

'—purifying for all beings, spoken by you, O Raghunandana. Those who look upon you, O Rama, even for a moment, with friendly eyes,'

Verse 141 (padma.1.37.141)

पावितास्सर्वसूक्तैस्ते कथ्यंते त्रिदिवौकसः। ये च त्वां घोरचक्षुर्भिरीक्षंते प्राणिनो भुवि।

pāvitāssarvasūktaiste kathyaṁte tridivaukasaḥ ye ca tvāṁ ghoracakṣurbhirīkṣaṁte prāṇino bhuvi

'—are said to be purified by all sacred hymns, dwellers of heaven. And those on earth who look upon you with hostile eyes —'

Verse 142 (padma.1.37.142)

ते हता ब्रह्मदंडेन सद्यो नरकगामिनः। ईदृशस्त्वं रघुश्रेष्ठ पावनः सर्वदेहिनां।

te hatā brahmadaṁḍena sadyo narakagāminaḥ īdṛśastvaṁ raghuśreṣṭha pāvanaḥ sarvadehināṁ

'—they are struck down by the rod of Brahma, going instantly to hell. Such are you, O best of the Raghus, purifier of all embodied beings.'

Verse 143 (padma.1.37.143)

कथयंतश्च लोकास्त्वां सिद्धिमेष्यंति राघव। गच्छस्वानातुरोऽविघ्नं पंथानमकुतोभयः।

kathayaṁtaśca lokāstvāṁ siddhimeṣyaṁti rāghava gacchasvānāturo'vighnaṁ paṁthānamakutobhayaḥ

'And people who speak of you shall attain perfection, O Raghava. Go now, untroubled, without obstacle, fearless upon your path.'

Verse 144 (padma.1.37.144)

प्रशाधि राज्यं धर्मेण गतिस्तु जगतां भवान्। एवमुक्तस्तु मुनिना प्राञ्जलि प्रग्रहो नृपः।

praśādhi rājyaṁ dharmeṇa gatistu jagatāṁ bhavān evamuktastu muninā prāñjali pragraho nṛpaḥ

'Rule your kingdom righteously, for you are the refuge of the world.' Thus addressed by the sage, the king, with joined palms extended,

Verse 145 (padma.1.37.145)

अभिवादयितुं चक्रे सोऽगस्त्यमृषिसत्तमम्। अभिवाद्य मुनिश्रेष्ठंस्तांश्च सर्वांस्तपोधिकान्।

abhivādayituṁ cakre so'gastyamṛṣisattamam abhivādya muniśreṣṭhaṁstāṁśca sarvāṁstapodhikān

made obeisance to Agastya, the best of sages. Having bowed to that foremost of sages, and to all the ascetics there,

Verse 146 (padma.1.37.146)

अथारोहत्तदाव्यग्रः पुष्पकं हेमभूषितम्। तं प्रयांतं मुनिगणा आशीर्वादैस्समंततः।

athārohattadāvyagraḥ puṣpakaṁ hemabhūṣitam taṁ prayāṁtaṁ munigaṇā āśīrvādaissamaṁtataḥ

he then, without delay, mounted the gold-adorned Pushpaka. As he set forth, the sages, on every side, with blessings,

Verse 147 (padma.1.37.147)

अपूपुजन्नरेंद्रं तं सहस्राक्षमिवामराः। ततोऽर्धदिवसे प्राप्ते रामः सर्वार्थकोविदः।

apūpujannareṁdraṁ taṁ sahasrākṣamivāmarāḥ tato'rdhadivase prāpte rāmaḥ sarvārthakovidaḥ

honored that lord of men as the immortals honor Indra. Then, when midday had come, Rama, skilled in every matter,

Verse 148 (padma.1.37.148)

अयोध्यां प्राप्य काकुत्स्थः पद्भ्यां कक्षामवातरत्। ततो विसृज्य रुचिरं पुष्पकं कामवाहितं।

ayodhyāṁ prāpya kākutsthaḥ padbhyāṁ kakṣāmavātarat tato visṛjya ruciraṁ puṣpakaṁ kāmavāhitaṁ

reaching Ayodhya, Kakutstha descended on foot into the inner apartments. Then, having dismissed the beautiful Pushpaka, which traveled at will,

Verse 149 (padma.1.37.149)

कक्षांतराद्विनिष्क्रम्य द्वास्थान्राजाऽब्रवीदिदं। लक्ष्मणं भरतं चैव गच्छध्वं लघुविक्रमाः।

kakṣāṁtarādviniṣkramya dvāsthānrājā'bravīdidaṁ lakṣmaṇaṁ bharataṁ caiva gacchadhvaṁ laghuvikramāḥ

and coming out from the inner chamber, the king said to the door-keepers: 'Go quickly, of swift step, and summon Lakshmana and Bharata.'

Verse 150 (padma.1.37.150)

ममागमनमाख्याय समानयत मा चिरम्। श्रुत्वाथ भाषितं द्वास्था रामस्याक्लिष्टकर्मणः।

mamāgamanamākhyāya samānayata mā ciram śrutvātha bhāṣitaṁ dvāsthā rāmasyākliṣṭakarmaṇaḥ

'Having announced my arrival, bring them without delay.' Hearing this speech of Rama, of unwearied deeds, the door-keepers,

Verse 151 (padma.1.37.151)

गत्वा कुमारावाहूय राघवाय न्यवदेयन्। द्वास्थैः कुमारावानीतौ राघवस्य निदेशतः।

gatvā kumārāvāhūya rāghavāya nyavadeyan dvāsthaiḥ kumārāvānītau rāghavasya nideśataḥ

having gone and summoned the two princes, reported to Raghava. The two princes were brought by the door-keepers, at Raghava's command.

Verse 152 (padma.1.37.152)

दृष्ट्वा तु राघवः प्राप्तौ प्रियौ भरतलक्ष्मणौ। समालिंग्य तु रामस्तौ वाक्यं चेदमुवाच ह।

dṛṣṭvā tu rāghavaḥ prāptau priyau bharatalakṣmaṇau samāliṁgya tu rāmastau vākyaṁ cedamuvāca ha

Seeing his beloved Bharata and Lakshmana arrived, Raghava embraced them both and spoke these words:

Verse 153 (padma.1.37.153)

कृतं मया यथातथ्यं द्विजकार्यमनुत्तमं। धर्महेतुमतो भूयः कर्तुमिच्छामि राघवौ।

kṛtaṁ mayā yathātathyaṁ dvijakāryamanuttamaṁ dharmahetumato bhūyaḥ kartumicchāmi rāghavau

'I have duly accomplished the supreme task on behalf of the Brahmin sages. For the sake of dharma, I now wish, O Raghavas, to do yet more —'

Verse 154 (padma.1.37.154)

भवद्भ्यामात्मभूताभ्यां राजसूयं क्रतूत्तमं। सहितो यष्टुमिच्छामि यत्र धर्मश्च शाश्वतः।

bhavadbhyāmātmabhūtābhyāṁ rājasūyaṁ kratūttamaṁ sahito yaṣṭumicchāmi yatra dharmaśca śāśvataḥ

'—together with you both, who are as my own selves, I wish to perform the Rajasuya, foremost of sacrifices, wherein dharma is eternal.'

Verse 155 (padma.1.37.155)

पुष्करस्थेन वै पूर्वं ब्रह्मणा लोककारिणा। शतत्रयेण यज्ञानामिष्टं षष्ट्याधिकेन च।

puṣkarasthena vai pūrvaṁ brahmaṇā lokakāriṇā śatatrayeṇa yajñānāmiṣṭaṁ ṣaṣṭyādhikena ca

'Formerly, by Brahma, the creator of the worlds, seated at Pushkara, three hundred and sixty sacrifices were offered.'

Verse 156 (padma.1.37.156)

इष्ट्वा हि राजसूयेन सोमो धर्मेण धर्मवित्। प्राप्तः सर्वेषु लोकेषु कीर्तिस्थानमनुत्तमम्।

iṣṭvā hi rājasūyena somo dharmeṇa dharmavit prāptaḥ sarveṣu lokeṣu kīrtisthānamanuttamam

'Having performed the Rajasuya with righteousness, Soma, the knower of dharma, attained the highest place of glory in all the worlds.'

Verse 157 (padma.1.37.157)

इष्ट्वा हि राजसूयेन मित्रः शत्रुनिबर्हणः। मुहूर्तेन सुशुद्धेन वरुणत्वमुपागतः।

iṣṭvā hi rājasūyena mitraḥ śatrunibarhaṇaḥ muhūrtena suśuddhena varuṇatvamupāgataḥ

'Having performed the Rajasuya, Mitra, the destroyer of enemies, at a most auspicious hour, attained the state of Varuna.'

Verse 158 (padma.1.37.158)

तस्माद्भवंतौ संचिंत्य कार्येस्मिन्वदतं हि तत्। भरत उवाच। त्वं धर्मः परमः साधो त्वयि सर्वा वसुंधरा।

tasmādbhavaṁtau saṁciṁtya kāryesminvadataṁ hi tat bharata uvāca tvaṁ dharmaḥ paramaḥ sādho tvayi sarvā vasuṁdharā

'Therefore, having considered this well, speak your minds on this undertaking.' Bharata said:

Verse 159 (padma.1.37.159)

प्रतिष्ठिता महाबाहो यशश्चामितविक्रम। महीपालाश्च सर्वे त्वां प्रजापतिमिवामराः।

pratiṣṭhitā mahābāho yaśaścāmitavikrama mahīpālāśca sarve tvāṁ prajāpatimivāmarāḥ

'You are dharma itself, O virtuous one; upon you the entire earth rests, O mighty-armed one, and fame too, O one of measureless valor.'

Verse 160 (padma.1.37.160)

निरीक्षंते महात्मानो लोकनाथ तथा वयं। प्रजाश्च पितृवद्राजन्पश्यंति त्वां महामते।

nirīkṣaṁte mahātmāno lokanātha tathā vayaṁ prajāśca pitṛvadrājanpaśyaṁti tvāṁ mahāmate

'All the great-souled rulers of the earth look upon you as the immortals look upon Prajapati, O lord of the world; and so do we.'

Verse 161 (padma.1.37.161)

पृथिव्यां गतिभूतोसि प्राणिनामिह राघव। सत्वमेवंविधं यज्ञं नाहर्त्तासि परंतप।

pṛthivyāṁ gatibhūtosi prāṇināmiha rāghava satvamevaṁvidhaṁ yajñaṁ nāharttāsi paraṁtapa

'And your subjects regard you as a father, O king; on this earth you are the refuge of all living beings, O Raghava.'

Verse 162 (padma.1.37.162)

पृथिव्यां सर्वभूतानां विनाशो दृश्यते यतः। श्रूयते राजशार्दूल सोमस्य मनुजेश्वर।

pṛthivyāṁ sarvabhūtānāṁ vināśo dṛśyate yataḥ śrūyate rājaśārdūla somasya manujeśvara

'You, being of such exalted nature, ought not to undertake this sacrifice, O scorcher of foes, for it has been seen that such a sacrifice brings about the destruction of all beings on earth.'

Verse 163 (padma.1.37.163)

ज्योतिषां सुमहद्युद्धं संग्रामे तारकामये। तारा बृहस्पतेर्भार्या हृता सोमेनकामतः।

jyotiṣāṁ sumahadyuddhaṁ saṁgrāme tārakāmaye tārā bṛhaspaterbhāryā hṛtā somenakāmataḥ

'It is heard, O tiger among kings, O lord of men, that a very great war of the heavenly bodies took place over Tara —'

Verse 164 (padma.1.37.164)

तत्र युद्धं महद्वृत्तं देवदानवनाशनम्। वरुणस्य क्रतौ घोरे संग्रामे मत्स्यकच्छपाः।

tatra yuddhaṁ mahadvṛttaṁ devadānavanāśanam varuṇasya kratau ghore saṁgrāme matsyakacchapāḥ

'—Tara, the wife of Brihaspati, was carried off by Soma out of desire. There a great battle took place, destructive of gods and demons alike.'

Verse 165 (padma.1.37.165)

निवृत्ते राजशार्दूल सर्वे नष्टा जलेचराः। हरिश्चंद्रस्य यज्ञांते राजसूयस्य राघव।

nivṛtte rājaśārdūla sarve naṣṭā jalecarāḥ hariścaṁdrasya yajñāṁte rājasūyasya rāghava

'At the terrible sacrifice of Varuna, in the war that ensued, fish and turtles — when it was over, O tiger among kings, all creatures of the water perished.'

Verse 166 (padma.1.37.166)

आडीबकंमहद्युद्धं सर्वलोकविनाशनम्। पृथिव्यां यानि सत्वानि तिर्यग्योनिगतानि वै।

āḍībakaṁmahadyuddhaṁ sarvalokavināśanam pṛthivyāṁ yāni satvāni tiryagyonigatāni vai

'At the end of Harishchandra's Rajasuya sacrifice, O Raghava, there occurred a great war, destructive of every world.'

Verse 167 (padma.1.37.167)

दिव्यानां पार्थिवानां च राजसूये क्षयः श्रुतः। स त्वं पुरुषशार्दूल बुद्ध्या संचिंत्य पार्थिव।

divyānāṁ pārthivānāṁ ca rājasūye kṣayaḥ śrutaḥ sa tvaṁ puruṣaśārdūla buddhyā saṁciṁtya pārthiva

'Whatever creatures on earth belong to the animal realm, and among celestial and earthly beings too — destruction at a Rajasuya has been heard of.'

Verse 168 (padma.1.37.168)

प्राणिनां च हितं सौम्यं पूर्णधर्मं समाचर। भरतस्य वचः श्रुत्वा राघवः प्राह सादरम्।

prāṇināṁ ca hitaṁ saumyaṁ pūrṇadharmaṁ samācara bharatasya vacaḥ śrutvā rāghavaḥ prāha sādaram

'Therefore you, O tiger among men, O king, having considered this well, should practice what is gentle and beneficial to all creatures, and complete dharma instead.'

Verse 169 (padma.1.37.169)

प्रीतोस्मि तव धर्मज्ञ वाक्येनानेन शत्रुहन्। निवर्तिता राजसूयान्मतिर्मे धर्मवत्सल।

prītosmi tava dharmajña vākyenānena śatruhan nivartitā rājasūyānmatirme dharmavatsala

Having heard Bharata's words, Raghava spoke respectfully: 'I am pleased, O knower of dharma, by this speech of yours, O slayer of foes.'

Verse 170 (padma.1.37.170)

पूर्णं धर्मं करिष्यामि कान्यकुब्जे च वामनम्। स्थापयिष्याम्यहं वीर सा मे ख्यातिर्दिवं गता।

pūrṇaṁ dharmaṁ kariṣyāmi kānyakubje ca vāmanam sthāpayiṣyāmyahaṁ vīra sā me khyātirdivaṁ gatā

'My intention regarding the Rajasuya is turned back, O lover of dharma. I shall instead perform complete dharma, and set up the image of Vamana at Kanyakubja —'

Verse 171 (padma.1.37.171)

भविष्यति न संदेहो यथा गंगा भगीरथात्।

bhaviṣyati na saṁdeho yathā gaṁgā bhagīrathāt

'—I shall establish it, O hero; that fame of mine shall reach heaven, without doubt, just as the Ganga came through Bhagiratha.'