The Birth of Lakshmi

Verse 1 (padma.1.4.1)

भीष्म उवाच। क्षीराब्धौ तु तथा लक्ष्मीः किलोत्पन्ना मया श्रुता। ख्यात्यां भृगोः समुत्पन्ना एतदाह कथं भवान्।

bhīṣma uvāca kṣīrābdhau tu tathā lakṣmīḥ kilotpannā mayā śrutā khyātyāṁ bhṛgoḥ samutpannā etadāha kathaṁ bhavān

Bhishma said: I have heard that Lakshmi was born from the Ocean of Milk, and also that she arose from Khyati, Bhrigu's wife. Tell me, how is this?

Verse 2 (padma.1.4.2)

कथं च दक्षदुहिता देहं त्यक्तवती शुभा। मेनायां गर्भसंभूतिमुमाया जन्म एव च।

kathaṁ ca dakṣaduhitā dehaṁ tyaktavatī śubhā menāyāṁ garbhasaṁbhūtimumāyā janma eva ca

And how did Daksha's auspicious daughter give up her body, and how was Uma born, conceived in Mena's womb?

Verse 3 (padma.1.4.3)

किमर्थं देवदेवेन पत्नी हैमवती कृता। विरोधं चाथ दक्षेण भगवांस्तु ब्रवीतु मे।

kimarthaṁ devadevena patnī haimavatī kṛtā virodhaṁ cātha dakṣeṇa bhagavāṁstu bravītu me

Why did the God of gods make the daughter of Himavat his wife? And please tell me of his conflict with Daksha, O Lord.

Verse 4 (padma.1.4.4)

पुलस्त्य उवाच। इदं च शृणु भूपाल यत्पृष्टोहमिह त्वया। श्रीसंबंधो मयाप्येष श्रुत आसीत्पितामहात्।

pulastya uvāca idaṁ ca śṛṇu bhūpāla yatpṛṣṭohamiha tvayā śrīsaṁbaṁdho mayāpyeṣa śruta āsītpitāmahāt

Pulastya said: Hear this, O king, which you have asked me. This account of Shri's connection I too heard from the Grandsire Brahma.

Verse 5 (padma.1.4.5)

अत्रिपुत्रस्तु दुर्वासाः परिभ्राम्यन्महीमिमाम्। विद्याधरीकरेमालां दृष्ट्वा सौगन्धिकीं शुभाम्।

atriputrastu durvāsāḥ paribhrāmyanmahīmimām vidyādharīkaremālāṁ dṛṣṭvā saugandhikīṁ śubhām

Durvasas, son of Atri, wandering over this earth, saw in the hand of a Vidyadhari maiden a beautiful, fragrant garland.

Verse 6 (padma.1.4.6)

याचयामास मे देहि जटाजूटे करोम्यहम्। इति विद्याधरी तेन पृष्टा सा ऋषिणा तथा।

yācayāmāsa me dehi jaṭājūṭe karomyaham iti vidyādharī tena pṛṣṭā sā ṛṣiṇā tathā

he begged of her: "Give it to me, I shall wear it in my matted locks." Thus the sage made his request of the Vidyadhari.

Verse 7 (padma.1.4.7)

ददौ तस्मै मुदायुक्ता तां मालां स तदा नृप। गृहीत्वा सुचिरं कालं शिरोमालां बबंध ह।

dadau tasmai mudāyuktā tāṁ mālāṁ sa tadā nṛpa gṛhītvā suciraṁ kālaṁ śiromālāṁ babaṁdha ha

O king, she joyfully gave him that garland; and he, taking it, bound it upon his head as a crown for a long while.

Verse 8 (padma.1.4.8)

उन्मत्त प्रेतवद्विप्रः शोभमानोब्रवीदिदम्। इयं विद्याधरी कन्या पीनोन्नत पयोधरा।

unmatta pretavadvipraḥ śobhamānobravīdidam iyaṁ vidyādharī kanyā pīnonnata payodharā

That brahmin, behaving like a madman or a ghost yet still radiant, said: "This Vidyadhari maiden, with her full, high breasts—

Verse 9 (padma.1.4.9)

शोभालंकारसौभाग्यैर्युक्ता दृष्टा ततो मनः। क्षोभमायाति मे चाद्य नाहं कामे विचक्षणः।

śobhālaṁkārasaubhāgyairyuktā dṛṣṭā tato manaḥ kṣobhamāyāti me cādya nāhaṁ kāme vicakṣaṇaḥ

endowed with beauty, ornament and good fortune — having seen her, my mind today is agitated; I am no expert in matters of desire."

Verse 10 (padma.1.4.10)

व्रजामि तावदन्यत्र सौभाग्यं स्वं प्रदर्शयन्। एवमुक्त्वा स राजेंद्र परिबभ्राम मेदिनीम्।

vrajāmi tāvadanyatra saubhāgyaṁ svaṁ pradarśayan evamuktvā sa rājeṁdra paribabhrāma medinīm

"I shall go elsewhere, displaying my own good fortune." Having said this, O lord of kings, he wandered over the earth.

Verse 11 (padma.1.4.11)

ऐरावतं समारूढं राजानं त्रिदिवौकसाम्। त्रैलोक्याधिपतिं शक्रं भ्राजमानं शचीपतिम्।

airāvataṁ samārūḍhaṁ rājānaṁ tridivaukasām trailokyādhipatiṁ śakraṁ bhrājamānaṁ śacīpatim

There he saw Shakra, king of the dwellers of heaven, mounted on Airavata, lord of the three worlds, shining, husband of Shachi.

Verse 12 (padma.1.4.12)

तामात्मशिरसो मालां भ्रमदुन्मत्तषट्पदाम्। आदायामरराजाय चिक्षेपोन्मत्तवन्मुनिः।

tāmātmaśiraso mālāṁ bhramadunmattaṣaṭpadām ādāyāmararājāya cikṣeponmattavanmuniḥ

That garland from his own head, swarming with intoxicated bees, the sage — as if mad — took and threw upon the king of the immortals.

Verse 13 (padma.1.4.13)

गृहीत्वा देवराजेन माला सा गजमूर्द्धनि। मुक्ता रराज सा माला कैलासे जाह्नवी यथा।

gṛhītvā devarājena mālā sā gajamūrddhani muktā rarāja sā mālā kailāse jāhnavī yathā

Taken by the king of gods, that garland, placed upon the elephant's head, shone there as the Ganga shines upon Kailasa.

Verse 14 (padma.1.4.14)

मदांधकारिताक्षोसौ गंधाघ्राणेन वारणः। करेणादाय चिक्षेप तां मालां पृथिवीतले।

madāṁdhakāritākṣosau gaṁdhāghrāṇena vāraṇaḥ kareṇādāya cikṣepa tāṁ mālāṁ pṛthivītale

That elephant, its eyes blinded by rut, on smelling its fragrance, took the garland with its trunk and threw it down upon the ground.

Verse 15 (padma.1.4.15)

ततश्चुक्रोध भगवान्दुर्वासा मुनिपुंगवः। राजेंद्रदेवराजानं क्रुद्धश्चेदमुवाच ह।

tataścukrodha bhagavāndurvāsā munipuṁgavaḥ rājeṁdradevarājānaṁ kruddhaścedamuvāca ha

Then the illustrious Durvasas, foremost of sages, grew furious, and enraged, spoke thus to the king of gods:

Verse 16 (padma.1.4.16)

ऐश्वर्यमददुष्टात्मन्नतिस्तब्धोसि वासव। श्रियोधामस्रजं यस्मान्मद्दत्तान्नाभिनंदसि।

aiśvaryamadaduṣṭātmannatistabdhosi vāsava śriyodhāmasrajaṁ yasmānmaddattānnābhinaṁdasi

"O evil-souled one, arrogant from the pride of your sovereignty, O Vasava — since you do not honor this garland, abode of Shri, given by me—

Verse 17 (padma.1.4.17)

त्रैलोक्यश्रीरतो मूढ विनाशमुपयास्यति। मद्दत्ता भवता माला क्षिप्ता यस्मान्महीतले।

trailokyaśrīrato mūḍha vināśamupayāsyati maddattā bhavatā mālā kṣiptā yasmānmahītale

therefore, O fool, the glory of the three worlds shall now go to ruin, since the garland I gave was thrown by you upon the earth."

Verse 18 (padma.1.4.18)

तस्मात्प्रणष्टलक्ष्मीकं त्रैलोक्यं ते भविष्यति। यस्य संजातकोपस्य भयमेति चराचरम्।

tasmātpraṇaṣṭalakṣmīkaṁ trailokyaṁ te bhaviṣyati yasya saṁjātakopasya bhayameti carācaram

"Therefore the three worlds shall become bereft of Lakshmi for you" — spoken by him whose wrath, once aroused, all moving and unmoving beings fear.

Verse 19 (padma.1.4.19)

तं मां त्वमतिगर्वेण देवराजावमन्यसे। महेंद्रो वारणस्कंधादवतीर्य त्वरान्वितः।

taṁ māṁ tvamatigarveṇa devarājāvamanyase maheṁdro vāraṇaskaṁdhādavatīrya tvarānvitaḥ

"Even me, O king of gods, you disdain out of excessive pride!" Hearing this, Mahendra, hastily descending from the shoulder of his elephant,

Verse 20 (padma.1.4.20)

प्रसादयामास मुनिं दुर्वाससमकल्मषम्। प्रसाद्यमानः स तदा प्रणिपातपुरःसरम्।

prasādayāmāsa muniṁ durvāsasamakalmaṣam prasādyamānaḥ sa tadā praṇipātapuraḥsaram

sought to appease the sinless sage Durvasas. But even as he was being placated with full prostration—

Verse 21 (padma.1.4.21)

नाहं क्षमिष्ये बहुना किमुक्तेन शतक्रतो। इत्युक्त्वा प्रययौ विप्रो देवराजोपि तं पुनः।

nāhaṁ kṣamiṣye bahunā kimuktena śatakrato ityuktvā prayayau vipro devarājopi taṁ punaḥ

"I shall not forgive you — why say more, O Shatakratu?" Having said this, the brahmin departed; and the king of gods too, once more,

Verse 22 (padma.1.4.22)

आरुह्यैरावतं नागं प्रययावमरावतीम्। ततः प्रभृति निःश्रीकं सशक्रं भुवनत्रयम्।

āruhyairāvataṁ nāgaṁ prayayāvamarāvatīm tataḥ prabhṛti niḥśrīkaṁ saśakraṁ bhuvanatrayam

mounted Airavata and went to Amaravati. From then on, the three worlds together with Indra became bereft of Shri.

Verse 23 (padma.1.4.23)

न यज्ञाः संप्रवर्तंते न तपस्यंति तापसाः। न च दानानि दीयंते नष्टप्रायमभूज्जगत्।

na yajñāḥ saṁpravartaṁte na tapasyaṁti tāpasāḥ na ca dānāni dīyaṁte naṣṭaprāyamabhūjjagat

No sacrifices were performed, ascetics did not practice austerity, no gifts were given — the world became as if ruined.

Verse 24 (padma.1.4.24)

एवमत्यंतनिःश्रीके त्रैलोक्ये सत्त्ववर्जिते। देवान्प्रतिबलोद्योगं चक्रुर्दैतेयदानवाः।

evamatyaṁtaniḥśrīke trailokye sattvavarjite devānpratibalodyogaṁ cakrurdaiteyadānavāḥ

Thus, when the three worlds became utterly bereft of glory and vigor, the Daityas and Danavas rose up in strength against the gods.

Verse 25 (padma.1.4.25)

विजितास्त्रिदशा दैत्यैरिंद्राद्याः शरणं ययुः। पितामहं महाभागं हुताशनपुरोगमाः।

vijitāstridaśā daityairiṁdrādyāḥ śaraṇaṁ yayuḥ pitāmahaṁ mahābhāgaṁ hutāśanapurogamāḥ

Defeated by the Daityas, the gods headed by Indra, with Agni leading the way, went for refuge to the most fortunate Grandsire Brahma.

Verse 26 (padma.1.4.26)

यथावत्कथिते देवैर्ब्रह्मा प्राह तथा सुरान्। क्षीरोदस्योत्तरं कूलं जगाम सहितः सुरैः।

yathāvatkathite devairbrahmā prāha tathā surān kṣīrodasyottaraṁ kūlaṁ jagāma sahitaḥ suraiḥ

When the gods had duly told him everything, Brahma spoke thus to them, and went, together with the gods, to the northern shore of the Ocean of Milk.

Verse 27 (padma.1.4.27)

गत्वा जगाद भगवान्वासुदेवं पितामहः। उत्तिष्ठ विष्णो शीघ्रं त्वं देवतानां हितं कुरु।

gatvā jagāda bhagavānvāsudevaṁ pitāmahaḥ uttiṣṭha viṣṇo śīghraṁ tvaṁ devatānāṁ hitaṁ kuru

Having gone there, the illustrious Grandsire said to Vasudeva: "Arise, O Vishnu, quickly, and do what is good for the gods.

Verse 28 (padma.1.4.28)

त्वया विना दानवैस्तु जिताः सर्वे पुनःपुनः। इत्युक्तः पुंडरीकाक्षः पुरुषः पुरुषोत्तमः।

tvayā vinā dānavaistu jitāḥ sarve punaḥpunaḥ ityuktaḥ puṁḍarīkākṣaḥ puruṣaḥ puruṣottamaḥ

Without you, they have been defeated again and again by the Danavas." Thus addressed, the lotus-eyed Purusha, the best of beings,

Verse 29 (padma.1.4.29)

अपूर्वरूपसंस्थानान्दृष्ट्वा देवानुवाच ह। तेजसो भवतां देवाः करिष्याम्युपबृंहणम्।

apūrvarūpasaṁsthānāndṛṣṭvā devānuvāca ha tejaso bhavatāṁ devāḥ kariṣyāmyupabṛṁhaṇam

seeing the gods reduced to an unprecedented state, said: "O gods, I shall bring about the increase of your vigor.

Verse 30 (padma.1.4.30)

वदाम्यहं यत्क्रियतां भवद्भिस्तदिदं सुराः। आनीय सहिता दैत्यैः क्षीराब्धौ सकलौषधीः।

vadāmyahaṁ yatkriyatāṁ bhavadbhistadidaṁ surāḥ ānīya sahitā daityaiḥ kṣīrābdhau sakalauṣadhīḥ

I shall tell you what is to be done: together with the Daityas, bring all herbs into the Ocean of Milk.

Verse 31 (padma.1.4.31)

मंथानं मंदरं कृत्वा नेत्रं कृत्वा च वासुकिम्। मथ्यताममृतं देवाः सहाये मय्यवस्थिते।

maṁthānaṁ maṁdaraṁ kṛtvā netraṁ kṛtvā ca vāsukim mathyatāmamṛtaṁ devāḥ sahāye mayyavasthite

Making Mandara the churning-rod and Vasuki the cord, let the nectar be churned, O gods, while I remain to help.

Verse 32 (padma.1.4.32)

सामपूर्वं च दैतेयांस्तत्र सम्भाष्य कर्मणि। समानफलभोक्तारो यूंय चात्र भविष्यथ।

sāmapūrvaṁ ca daiteyāṁstatra sambhāṣya karmaṇi samānaphalabhoktāro yūṁya cātra bhaviṣyatha

First, with conciliatory words, engage the Daityas in this task, telling them: 'you too shall be equal partakers of the fruit here.'

Verse 33 (padma.1.4.33)

मथ्यमाने च तत्राब्धौ यत्समुत्पद्यतेऽमृतम्। तत्पानाद्बलिनो यूयममराः संभविष्यथ।

mathyamāne ca tatrābdhau yatsamutpadyate'mṛtam tatpānādbalino yūyamamarāḥ saṁbhaviṣyatha

And when that ocean is churned, whatever nectar arises — by drinking it you shall become mighty and immortal.

Verse 34 (padma.1.4.34)

तथैवाहं करिष्यामि यथा त्रिदशविद्विषः। न प्राप्स्यंत्यमृतं देवाः केवलं क्लेशभागिनः।

tathaivāhaṁ kariṣyāmi yathā tridaśavidviṣaḥ na prāpsyaṁtyamṛtaṁ devāḥ kevalaṁ kleśabhāginaḥ

O gods, I shall so arrange matters that your enemies the Daityas shall not obtain the nectar, but shall only share in the toil."

Verse 35 (padma.1.4.35)

इत्युक्ता देवदेवेन सर्व एव ततः सुराः। संधानमसुरैः कृत्वा यत्नवंतोऽमृतेभवन्।

ityuktā devadevena sarva eva tataḥ surāḥ saṁdhānamasuraiḥ kṛtvā yatnavaṁto'mṛtebhavan

Thus addressed by the God of gods, all the gods then made a pact with the Asuras and became intent upon obtaining the nectar.

Verse 36 (padma.1.4.36)

सर्वौषधीः समानीय देवदैतेयदानवाः। क्षिप्त्वा क्षीराब्धिपयसि शरदभ्रामलत्विषि।

sarvauṣadhīḥ samānīya devadaiteyadānavāḥ kṣiptvā kṣīrābdhipayasi śaradabhrāmalatviṣi

The gods, Daityas and Danavas, having gathered all herbs, cast them into the waters of the Ocean of Milk, radiant as an autumn cloud.

Verse 37 (padma.1.4.37)

मंथानं मंदरं कृत्वा नेत्रं कृत्वा च वासुकिम्। ततो मथितुमारब्धा राजेंद्र तरसामृतम्।

maṁthānaṁ maṁdaraṁ kṛtvā netraṁ kṛtvā ca vāsukim tato mathitumārabdhā rājeṁdra tarasāmṛtam

Making Mandara the churning-rod and Vasuki the cord, O lord of kings, they then began forcefully to churn for the nectar.

Verse 38 (padma.1.4.38)

विबुधाः सहिताः सर्वे यतः पुच्छं ततः स्थिताः। विष्णुना वासुकेर्द्दैत्याः पूर्वकाये निवेशिताः।

vibudhāḥ sahitāḥ sarve yataḥ pucchaṁ tataḥ sthitāḥ viṣṇunā vāsukerddaityāḥ pūrvakāye niveśitāḥ

All the gods together took their place at the tail end, while by Vishnu's arrangement the Daityas were stationed toward the head.

Verse 39 (padma.1.4.39)

ते तस्य प्राणवातेन वह्निना च हतत्त्विषः। निस्तेजसोऽसुराः सर्वे बभूवुरमरद्युते।

te tasya prāṇavātena vahninā ca hatattviṣaḥ nistejaso'surāḥ sarve babhūvuramaradyute

Scorched by that serpent's breath and by fire, they lost their luster; O bright one among the immortals, all the Asuras became devoid of vigor.

Verse 40 (padma.1.4.40)

तेनैव मुखनिःश्वासवायुनाथ बलाहकैः। पुच्छप्रदेशे वर्षद्भिस्तदा चाप्पयिताः सुराः।

tenaiva mukhaniḥśvāsavāyunātha balāhakaiḥ pucchapradeśe varṣadbhistadā cāppayitāḥ surāḥ

By that same breath from the mouth, turned to clouds and raining down at the region of the tail, the gods were meanwhile refreshed.

Verse 41 (padma.1.4.41)

क्षीरोदमध्ये भगवान्ब्रह्मा ब्रह्मविदां वरः। महादेवो महातेजा विष्णुपृष्ठनिवासिनौ।

kṣīrodamadhye bhagavānbrahmā brahmavidāṁ varaḥ mahādevo mahātejā viṣṇupṛṣṭhanivāsinau

In the midst of the Ocean of Milk, the illustrious Brahma, foremost of the knowers of Brahman, and the greatly radiant Mahadeva, both took their stand upon Vishnu's back.

Verse 42 (padma.1.4.42)

बाहुभ्यां मंदरं गृह्य पद्मवत्स परंतपः। शृंखले च तदा कृत्वा गृहीत्वा मंदराचलम्।

bāhubhyāṁ maṁdaraṁ gṛhya padmavatsa paraṁtapaḥ śṛṁkhale ca tadā kṛtvā gṛhītvā maṁdarācalam

Grasping Mandara with his two arms as one grasps a lotus stalk, O scorcher of foes, and binding it fast with chains, he held the mountain firm.

Verse 43 (padma.1.4.43)

देवानां दानवानां च बलमध्ये व्यवस्थितः। क्षीरोदमध्ये भगवान्कूर्मरूपी स्वयं हरिः।

devānāṁ dānavānāṁ ca balamadhye vyavasthitaḥ kṣīrodamadhye bhagavānkūrmarūpī svayaṁ hariḥ

The illustrious Hari himself, in the form of a tortoise, stood in the midst of the Ocean of Milk, between the armies of gods and Danavas.

Verse 44 (padma.1.4.44)

अन्येन तेजसा देवानुपबृंहितवान्हरिः। मथ्यमाने ततस्तस्मिन्क्षीराब्धौ देवदानवैः।

anyena tejasā devānupabṛṁhitavānhariḥ mathyamāne tatastasminkṣīrābdhau devadānavaiḥ

With another form of his power, Hari strengthened the gods. Then, as that Ocean of Milk was being churned by gods and Danavas,

Verse 45 (padma.1.4.45)

हविर्धान्यभवत्पूर्वं सुरभिः सुरपूजिता। जग्मुर्मुदं तदा देवा दानवाश्च महामते।

havirdhānyabhavatpūrvaṁ surabhiḥ surapūjitā jagmurmudaṁ tadā devā dānavāśca mahāmate

O great-minded one, first arose Surabhi, the cow of oblations, worshipped by the gods; and the gods and Danavas rejoiced at the sight.

Verse 46 (padma.1.4.46)

व्याक्षिप्तचेतसः सर्वे बभूवुस्तिमितेक्षणाः। किमेतदिति सिद्धानां दिवि चिंतयतां तदा।

vyākṣiptacetasaḥ sarve babhūvustimitekṣaṇāḥ kimetaditi siddhānāṁ divi ciṁtayatāṁ tadā

All became astonished, their eyes fixed in wonder; then, as the Siddhas in heaven pondered, "What is this?"—

Verse 47 (padma.1.4.47)

बभूव वारुणी देवी मदाघूर्णितलोचना। कृतावर्त्ता ततस्तस्मात्प्रस्खलंती पदे पदे।

babhūva vāruṇī devī madāghūrṇitalocanā kṛtāvarttā tatastasmātpraskhalaṁtī pade pade

the goddess Varuni arose, her eyes reeling with intoxication, whirling about and stumbling at every step.

Verse 48 (padma.1.4.48)

एकवस्त्रा मुक्तकेशी रक्तांतस्तब्धलोचना। अहं बलप्रदा देवी मां वा गृह्णन्तु दानवाः।

ekavastrā muktakeśī raktāṁtastabdhalocanā ahaṁ balapradā devī māṁ vā gṛhṇantu dānavāḥ

Clad in a single garment, hair loose, her red eyes fixed and unmoving, she said: "I am the goddess who bestows strength — let the Danavas take me!"

Verse 49 (padma.1.4.49)

अशुचिं वारुणीं मत्वा त्यक्तवंतस्तदा सुराः। जगृहुस्तां तदा दैत्या ग्रहणान्तेसुराभवत्।

aśuciṁ vāruṇīṁ matvā tyaktavaṁtastadā surāḥ jagṛhustāṁ tadā daityā grahaṇāntesurābhavat

Considering Varuni impure, the gods rejected her; the Daityas then took her, and from that very taking (a-sura, opposed to Sura) they came to be called Asuras.

Verse 50 (padma.1.4.50)

मंथने पारिजातोभूद्देव श्रीनंदनो द्रुमः। रूपौदार्य्यगुणोपेतास्ततश्चाप्सरसां गणाः।

maṁthane pārijātobhūddeva śrīnaṁdano drumaḥ rūpaudāryyaguṇopetāstataścāpsarasāṁ gaṇāḥ

In the churning arose the divine tree Parijata, the delight of Shri, endowed with beauty and nobility; and then arose the hosts of Apsarases,

Verse 51 (padma.1.4.51)

षष्टिकोट्यस्तदा जातास्सामान्या देव दानवैः। सर्वास्ताः कृतपूर्वास्तु सामान्याः पुण्यकर्मणा।

ṣaṣṭikoṭyastadā jātāssāmānyā deva dānavaiḥ sarvāstāḥ kṛtapūrvāstu sāmānyāḥ puṇyakarmaṇā

sixty crores of them born, O king, common to both gods and Danavas — all made common property beforehand through their own meritorious deeds.

Verse 52 (padma.1.4.52)

ततः शीतांशुरभवद्देवानां प्रीतिदायकः। ययाचे शंकरो देवो जटाभूषणकृन्मम।

tataḥ śītāṁśurabhavaddevānāṁ prītidāyakaḥ yayāce śaṁkaro devo jaṭābhūṣaṇakṛnmama

Then arose the cool-rayed moon, bringer of delight to the gods; the god Shankara begged for it: "let it be an ornament for my matted locks."

Verse 53 (padma.1.4.53)

भविष्यति न संदेहो गृहीतोयं मया शशी। अनुमेने च तं ब्रह्मा भूषणाय हरस्य तु।

bhaviṣyati na saṁdeho gṛhītoyaṁ mayā śaśī anumene ca taṁ brahmā bhūṣaṇāya harasya tu

"This moon, taken by me, shall without doubt become mine." And Brahma consented that it become an ornament for Hara.

Verse 54 (padma.1.4.54)

ततो विषं समुत्पन्नं कालकूटं भयावहं। तेन चैवार्दितास्सर्वे दानवाः सह दैवतैः।

tato viṣaṁ samutpannaṁ kālakūṭaṁ bhayāvahaṁ tena caivārditāssarve dānavāḥ saha daivataiḥ

Then arose the terrifying poison Kalakuta; and by it all the Danavas together with the gods were afflicted.

Verse 55 (padma.1.4.55)

महादेवेन तत्पीतं विषं गृह्य यदृच्छया। तस्य पानान्नीलकंठस्तदा जातो महेश्वरः।

mahādevena tatpītaṁ viṣaṁ gṛhya yadṛcchayā tasya pānānnīlakaṁṭhastadā jāto maheśvaraḥ

That poison Mahadeva took up of his own free will and drank; from drinking it, the great Lord then became blue-throated, Nilakantha.

Verse 56 (padma.1.4.56)

पीतावशेषं नागास्तु क्षीराब्धेस्तु समुत्थितम्। ततो धन्वंतरिर्जातः श्वेतांबरधरः स्वयम्।

pītāvaśeṣaṁ nāgāstu kṣīrābdhestu samutthitam tato dhanvaṁtarirjātaḥ śvetāṁbaradharaḥ svayam

The remainder of that poison was drunk by the serpents; and thereafter, from the Ocean of Milk, Dhanvantari himself was born, clad in white garments—

Verse 57 (padma.1.4.57)

बिभ्रत्कमंडलुं पूर्णममृतस्य समुत्थितः। ततः स्वस्थमनस्कास्ते वैद्यराजस्य दर्शनात्।

bibhratkamaṁḍaluṁ pūrṇamamṛtasya samutthitaḥ tataḥ svasthamanaskāste vaidyarājasya darśanāt

bearing a vessel full of nectar as he arose. Then, at the sight of the king of physicians, all became easy in mind.

Verse 58 (padma.1.4.58)

ततश्चाश्वः समुत्पन्नो नागश्चैरावतस्तथा। तत स्फुरत्कांतीमतिविकासि कमलेस्थिता।

tataścāśvaḥ samutpanno nāgaścairāvatastathā tata sphuratkāṁtīmativikāsi kamalesthitā

Then arose the horse Uchchaihshravas, and likewise the elephant Airavata; then, upon a fully-blossomed lotus, radiant with gleaming splendor,

Verse 59 (padma.1.4.59)

श्रीर्द्देवी पयसस्तस्मादुत्थिता धृतपंकजा। तां तुष्टवुर्मुदायुक्ताः श्रीसूक्तेन महर्षयः।

śrīrddevī payasastasmādutthitā dhṛtapaṁkajā tāṁ tuṣṭavurmudāyuktāḥ śrīsūktena maharṣayaḥ

the goddess Shri arose from those waters, holding a lotus. The great sages, filled with joy, praised her with the Shri-sukta.

Verse 60 (padma.1.4.60)

विश्वावसुमुखास्तस्या गंधर्वाः पुरतो जगुः। घृताचीप्रमुखास्तत्र ननृतुश्चाप्सरोगणाः।

viśvāvasumukhāstasyā gaṁdharvāḥ purato jaguḥ ghṛtācīpramukhāstatra nanṛtuścāpsarogaṇāḥ

The Gandharvas, headed by Vishvavasu, sang before her; and there the hosts of Apsarases, headed by Ghritachi, danced.

Verse 61 (padma.1.4.61)

गंगाद्याः सरितस्तोयैः स्नानार्थमुपतस्थिरे। दिग्गजा हेमपात्रस्थमादाय विमलं जलम्।

gaṁgādyāḥ saritastoyaiḥ snānārthamupatasthire diggajā hemapātrasthamādāya vimalaṁ jalam

The Ganga and other rivers came near with their waters for her bath; the elephants of the quarters, taking pure water in golden vessels,

Verse 62 (padma.1.4.62)

स्नापयांचक्रिरे देवीं सर्वलोकमहेश्वरीम्। क्षीरोदस्तु स्वयं तस्यै मालामम्लानपंकजाम्।

snāpayāṁcakrire devīṁ sarvalokamaheśvarīm kṣīrodastu svayaṁ tasyai mālāmamlānapaṁkajām

bathed the goddess, the great sovereign lady of all worlds. And the Ocean of Milk himself gave her a garland of unfading lotuses,

Verse 63 (padma.1.4.63)

ददौ विभूषणान्यंगे विश्वकर्मा चकार ह। दिव्यमाल्यांबरधरां स्नातां भूषणभूषिताम्।

dadau vibhūṣaṇānyaṁge viśvakarmā cakāra ha divyamālyāṁbaradharāṁ snātāṁ bhūṣaṇabhūṣitām

and Vishvakarma fashioned ornaments for her limbs. Bathed, wearing divine garlands and garments, adorned with ornaments—

Verse 64 (padma.1.4.64)

इंद्राद्याश्चामरगणा विद्याधरमहोरगाः। दानवाश्च महादैत्या राक्षसाः सह गुह्यकैः।

iṁdrādyāścāmaragaṇā vidyādharamahoragāḥ dānavāśca mahādaityā rākṣasāḥ saha guhyakaiḥ

Indra and the other hosts of immortals, Vidyadharas, great serpents, Danavas, great Daityas, Rakshasas together with the Guhyakas—

Verse 65 (padma.1.4.65)

कन्यामभिलषन्ति स्म ततो ब्रह्मा उवाच ह। वासुदेव त्वमेवैनां मया दत्तां गृहाण वै।

kanyāmabhilaṣanti sma tato brahmā uvāca ha vāsudeva tvamevaināṁ mayā dattāṁ gṛhāṇa vai

all desired the maiden. Then Brahma spoke: "O Vasudeva, do you yourself accept her, given by me.

Verse 66 (padma.1.4.66)

देवाश्च दानवाश्चैव प्रतिषिद्धा मया त्विह। तुष्टोहं भवतस्तावदलौल्येनेह कर्मणा।

devāśca dānavāścaiva pratiṣiddhā mayā tviha tuṣṭohaṁ bhavatastāvadalaulyeneha karmaṇā

Gods and Danavas alike have been forbidden here by me; I am pleased with you on account of your freedom from greed in this matter."

Verse 67 (padma.1.4.67)

सा तु श्रीर्ब्रह्मणा प्रोक्ता देवि गछस्व केशवं। मया दत्तं पतिं प्राप्य मोदस्व शाश्वतीः समाः।

sā tu śrīrbrahmaṇā proktā devi gachasva keśavaṁ mayā dattaṁ patiṁ prāpya modasva śāśvatīḥ samāḥ

And Brahma said to Shri: "O goddess, go to Keshava; having obtained the husband given by me, rejoice for eternal years."

Verse 68 (padma.1.4.68)

पश्यतां सर्वदेवानां गता वक्षस्थलं हरेः। ततो वक्षस्थलं प्राप्य देवं वचनमब्रवीत्।

paśyatāṁ sarvadevānāṁ gatā vakṣasthalaṁ hareḥ tato vakṣasthalaṁ prāpya devaṁ vacanamabravīt

In the sight of all the gods, she went to the breast of Hari; and having reached his breast, she spoke these words to the Lord:

Verse 69 (padma.1.4.69)

नाहं त्याज्या सदा देव सदैवादेशकारिणी। वक्षस्थले निवत्स्यामि सर्वस्य जगतः प्रिय।

nāhaṁ tyājyā sadā deva sadaivādeśakāriṇī vakṣasthale nivatsyāmi sarvasya jagataḥ priya

"I am never to be abandoned, O Lord; ever obedient to your command, I shall dwell upon your breast, O beloved of the whole world."

Verse 70 (padma.1.4.70)

ततोवलोकिता देवा विष्णुवक्षस्थलस्थया। लक्ष्म्या राजेंद्र सहसा परां निर्वृतिमागताः।

tatovalokitā devā viṣṇuvakṣasthalasthayā lakṣmyā rājeṁdra sahasā parāṁ nirvṛtimāgatāḥ

Then, O lord of kings, the gods, beheld with favor by Lakshmi as she abode upon Vishnu's breast, at once attained supreme bliss.

Verse 71 (padma.1.4.71)

उद्वेगं च परं जग्मुर्द्दैत्या विष्णुपराङ्मुखाः। त्यक्तास्तु दानवा लक्ष्म्या विप्रचित्तिपुरोगमाः।

udvegaṁ ca paraṁ jagmurddaityā viṣṇuparāṅmukhāḥ tyaktāstu dānavā lakṣmyā vipracittipurogamāḥ

But the Daityas, turned away from Vishnu, fell into supreme dismay; the Danavas, headed by Viprachitti, were abandoned by Lakshmi.

Verse 72 (padma.1.4.72)

ततस्ते जगृहुर्दैत्या धन्वंतरिकरस्थितम्। अमृतं तन्महावीर्य्या दैत्याः पापसमन्विताः।

tataste jagṛhurdaityā dhanvaṁtarikarasthitam amṛtaṁ tanmahāvīryyā daityāḥ pāpasamanvitāḥ

Then those mighty but sinful Daityas seized the nectar that was in the hand of Dhanvantari.

Verse 73 (padma.1.4.73)

मायया लोभयित्वा तु विष्णुः स्त्रीरूपसंश्रयः। आगत्य दानवान्प्राह दीयतां मे कमंडलुः।

māyayā lobhayitvā tu viṣṇuḥ strīrūpasaṁśrayaḥ āgatya dānavānprāha dīyatāṁ me kamaṁḍaluḥ

Then Vishnu, taking refuge in a woman's form and enticing them by illusion, came and said to the Danavas: "Give the vessel to me.

Verse 74 (padma.1.4.74)

युष्माकं वशगा भूत्वा स्थास्यामि भवतां गृहे। तां दृष्ट्वा रूपसंपन्नां नारीं त्रैलोक्यसुंदरीम्।

yuṣmākaṁ vaśagā bhūtvā sthāsyāmi bhavatāṁ gṛhe tāṁ dṛṣṭvā rūpasaṁpannāṁ nārīṁ trailokyasuṁdarīm

Becoming subject to your will, I shall remain in your house." Seeing that woman, endowed with beauty, loveliest in the three worlds,

Verse 75 (padma.1.4.75)

प्रार्थयानास्सुवपुषं लोभोपहतचेतसः। दत्त्वामृतं तदा तस्यै ततोपश्यन्त तेग्रतः।

prārthayānāssuvapuṣaṁ lobhopahatacetasaḥ dattvāmṛtaṁ tadā tasyai tatopaśyanta tegrataḥ

the Danavas, their minds overpowered by greed, courted her and gave her the nectar; then, before their very eyes,

Verse 76 (padma.1.4.76)

दानवेभ्यस्तदादाय देवेभ्यः प्रददेमृतं। ततः पपुः सुरगणाः शक्राद्यास्तत्तदामृतम्।

dānavebhyastadādāya devebhyaḥ pradademṛtaṁ tataḥ papuḥ suragaṇāḥ śakrādyāstattadāmṛtam

having taken it from the Danavas, she gave the nectar to the gods; then the hosts of gods, headed by Shakra, drank that nectar.

Verse 77 (padma.1.4.77)

उद्यतायुधनिस्त्रिंशा दैत्यास्तांस्ते समभ्ययुः। पीतेमृते च बलिभिर्जिता दैत्यचमूस्ततः।

udyatāyudhanistriṁśā daityāstāṁste samabhyayuḥ pītemṛte ca balibhirjitā daityacamūstataḥ

The Daityas, weapons and swords raised, fell upon them; but the nectar having been drunk, the strengthened gods defeated the Daitya army.

Verse 78 (padma.1.4.78)

वध्यमाना दिशो भेजुः पातालं विविशुश्च ते। ततो देवा मुदायुक्ताः शंखचक्रगदाधरम्।

vadhyamānā diśo bhejuḥ pātālaṁ viviśuśca te tato devā mudāyuktāḥ śaṁkhacakragadādharam

Being slain, they fled in all directions and entered the netherworld. Then the gods, filled with joy, went to the bearer of conch, discus and mace—

Verse 79 (padma.1.4.79)

प्रणिपत्य यथापूर्वं प्रययुस्ते त्रिविष्टपम्। ततःप्रभृति ते भीष्म स्त्रीलोला दानवाभवन्।

praṇipatya yathāpūrvaṁ prayayuste triviṣṭapam tataḥprabhṛti te bhīṣma strīlolā dānavābhavan

having bowed as before, and went to heaven. From that time on, O Bhishma, the Danavas became prone to infatuation with women.

Verse 80 (padma.1.4.80)

अपध्यातास्तु कृष्णेन गतास्ते तु रसातलम्। ततः सूर्यः प्रसन्नाभः प्रययौ स्वेन वर्त्मना।

apadhyātāstu kṛṣṇena gatāste tu rasātalam tataḥ sūryaḥ prasannābhaḥ prayayau svena vartmanā

Cursed by Krishna (Vishnu), they went down to Rasatala. Then the sun, its radiance restored, resumed its own course,

Verse 81 (padma.1.4.81)

जज्वाल भगवांश्चोच्चैश्चारुदीप्तिर्हुताशनः। धर्मे च सर्वभूतानां तदा मतिरजायत।

jajvāla bhagavāṁścoccaiścārudīptirhutāśanaḥ dharme ca sarvabhūtānāṁ tadā matirajāyata

and the illustrious fire, of beautiful brilliance, blazed brightly; and then all beings' minds turned once more toward dharma.

Verse 82 (padma.1.4.82)

श्रियायुक्तं च त्रैलोक्यं विष्णुना प्रतिपालितं। देवास्तु ते तदा प्रोक्ता ब्रह्मणा लोकधारिणा।

śriyāyuktaṁ ca trailokyaṁ viṣṇunā pratipālitaṁ devāstu te tadā proktā brahmaṇā lokadhāriṇā

The three worlds, now endowed with Shri, were guarded by Vishnu; and then those gods were addressed by Brahma, sustainer of the worlds:

Verse 83 (padma.1.4.83)

भवतां रक्षणार्थाय मया विष्णुर्नियोजितः। उमापतिश्च देवेशो योगक्षेमं करिष्यतः।

bhavatāṁ rakṣaṇārthāya mayā viṣṇurniyojitaḥ umāpatiśca deveśo yogakṣemaṁ kariṣyataḥ

"For your protection, Vishnu has been appointed by me; and the Lord of gods, spouse of Uma, shall also see to your welfare and security.

Verse 84 (padma.1.4.84)

उपास्यमानौ सततं युष्मत्क्षेमकरौ यतः। ततः क्षेम्यौ सदा चैतौ भविष्येते वरप्रदौ।

upāsyamānau satataṁ yuṣmatkṣemakarau yataḥ tataḥ kṣemyau sadā caitau bhaviṣyete varapradau

Since these two, ever worshipped, will forever work for your welfare, these two shall always be the bestowers of security and boons."

Verse 85 (padma.1.4.85)

एवमुक्त्वा तु भगवान्जगाम गतिमात्मनः। अदर्शनं गते देवे सर्वलोकपितामहे।

evamuktvā tu bhagavānjagāma gatimātmanaḥ adarśanaṁ gate deve sarvalokapitāmahe

Having said this, the illustrious one departed on his own way. When the god, Grandsire of all worlds, had gone out of sight—

Verse 86 (padma.1.4.86)

देवलोकं गते शक्रे स्वं लोकं हरिशंकरौ। प्राप्तौ तु तत्क्षणाद्देवौ स्थानं कैलासमेव च।

devalokaṁ gate śakre svaṁ lokaṁ hariśaṁkarau prāptau tu tatkṣaṇāddevau sthānaṁ kailāsameva ca

when Shakra had gone to the world of the gods, Hari and Shankara too, at that very moment, reached their own abodes — Vaikuntha and Kailasa.

Verse 87 (padma.1.4.87)

ततस्तु देवराजेन पालितं भुवनत्रयम्। एवं लक्ष्मीर्महाभागा उत्पन्ना क्षीरसागरात्।

tatastu devarājena pālitaṁ bhuvanatrayam evaṁ lakṣmīrmahābhāgā utpannā kṣīrasāgarāt

Thereafter the three worlds were protected by the king of the gods. Thus the most fortunate Lakshmi was born from the Ocean of Milk.

Verse 88 (padma.1.4.88)

पुनः ख्यात्यां समुत्पन्ना भृगोरेषा सनातनी। श्रिया सह समुत्पन्ना भृगुणा च महर्षिणा।

punaḥ khyātyāṁ samutpannā bhṛgoreṣā sanātanī śriyā saha samutpannā bhṛguṇā ca maharṣiṇā

Again, this eternal one was born from Khyati, wife of Bhrigu — born together with Shri through the great sage Bhrigu.

Verse 89 (padma.1.4.89)

स्वनाम्ना नगरी चैव कृता पूर्वं सरित्तटे। नर्मदायां महाराज ब्रह्मणा चानुमोदिता।

svanāmnā nagarī caiva kṛtā pūrvaṁ sarittaṭe narmadāyāṁ mahārāja brahmaṇā cānumoditā

O great king, formerly a city was built in her own name on the bank of the river Narmada, with Brahma's approval.

Verse 90 (padma.1.4.90)

लक्ष्मीः पुरं स्वपित्रे स्वं सह कुञ्चिकयाऽप्य च। आगता देवलोकं साऽयाचतागत्य वै पुनः।

lakṣmīḥ puraṁ svapitre svaṁ saha kuñcikayā'pya ca āgatā devalokaṁ sā'yācatāgatya vai punaḥ

Lakshmi gave that city, together with its key, to her own father; then, having come to the world of the gods, she came again and made a request.

Verse 91 (padma.1.4.91)

लोभान्न दत्तं तु पुरं प्रार्थयाना यदा पुनः। भृगोः सकाशान्नावाप तदा चैवाह केशवम्।

lobhānna dattaṁ tu puraṁ prārthayānā yadā punaḥ bhṛgoḥ sakāśānnāvāpa tadā caivāha keśavam

But when, asking again, out of attachment the city was not given back by Bhrigu, she then spoke to Keshava:

Verse 92 (padma.1.4.92)

परिभूता तु पित्राहं गृहीतं नगरं मम। तस्य हस्तात्त्वमाक्षिप्य पुरं तच्चानय स्वयम्।

paribhūtā tu pitrāhaṁ gṛhītaṁ nagaraṁ mama tasya hastāttvamākṣipya puraṁ taccānaya svayam

"I have been slighted by my own father — my city has been seized. Do you yourself take that city from his hands and bring it back."

Verse 93 (padma.1.4.93)

तं गत्वा पुंडरीकाक्षो देवश्चक्रगदाधरः। भृगुं सानुनयं प्राह कन्यायै पुरमर्पय।

taṁ gatvā puṁḍarīkākṣo devaścakragadādharaḥ bhṛguṁ sānunayaṁ prāha kanyāyai puramarpaya

Going to him, the lotus-eyed god, bearer of discus and mace, spoke to Bhrigu conciliatingly: "Give this city to the maiden.

Verse 94 (padma.1.4.94)

कुञ्चिकातालिके चोभे दीयेतां च प्रसादतः। भृगुस्तं कुपितः प्राह नार्पयिष्याम्यहं पुरम्।

kuñcikātālike cobhe dīyetāṁ ca prasādataḥ bhṛgustaṁ kupitaḥ prāha nārpayiṣyāmyahaṁ puram

And let both the key and the lock be given back, graciously." Bhrigu, angered, said to him: "I shall not give up the city.

Verse 95 (padma.1.4.95)

न लक्ष्म्यास्तत्पुरं देव मया चेदं स्वयं कृतम्। भगवन्नैव दास्यामि त्यजाक्षेपं तु केशव।

na lakṣmyāstatpuraṁ deva mayā cedaṁ svayaṁ kṛtam bhagavannaiva dāsyāmi tyajākṣepaṁ tu keśava

That city does not belong to Lakshmi, O Lord — it was made by myself. O illustrious one, I shall not give it; abandon this reproach, O Keshava."

Verse 96 (padma.1.4.96)

तं प्राह देवो भूयोपि लक्ष्म्यास्तत्पुरमर्पय। सर्वथा तु त्वया त्याज्यं वचनान्मे महामुने।

taṁ prāha devo bhūyopi lakṣmyāstatpuramarpaya sarvathā tu tvayā tyājyaṁ vacanānme mahāmune

The god said to him again: "Give that city to Lakshmi; in every way it must be relinquished by you at my word, O great sage."

Verse 97 (padma.1.4.97)

ततः कोपसमाविष्टो भृगुरप्याह केशवम्। पक्षपातेन मां साधो भार्याया बाधसेधुना।

tataḥ kopasamāviṣṭo bhṛgurapyāha keśavam pakṣapātena māṁ sādho bhāryāyā bādhasedhunā

Then, overcome with anger, Bhrigu too said to Keshava: "O good one, out of partiality for your consort, you oppress and obstruct me.

Verse 98 (padma.1.4.98)

नृलोके दशजन्मानि लप्स्यसे मधुसूदन। भार्यायास्ते वियोगेन दुःखान्यनुभविष्यसि।

nṛloke daśajanmāni lapsyase madhusūdana bhāryāyāste viyogena duḥkhānyanubhaviṣyasi

In the world of men you shall take ten births, O Madhusudana; through separation from your wife you shall experience sorrows."

Verse 99 (padma.1.4.99)

एवं शापं ददौ तस्मै भृगुः परमकोपनः। विष्णुना च पुनस्तस्य दत्तः शापो महात्मना।

evaṁ śāpaṁ dadau tasmai bhṛguḥ paramakopanaḥ viṣṇunā ca punastasya dattaḥ śāpo mahātmanā

Thus Bhrigu, in extreme wrath, gave him this curse. And by the great-souled Vishnu, in turn, a curse was given to him as well:

Verse 100 (padma.1.4.100)

न चापत्यकृतां प्रीतिं प्राप्स्यसे मुनिपुंगव। शापं दत्त्वा ऋषेस्तस्य ब्रह्मलोकं जगाम ह।

na cāpatyakṛtāṁ prītiṁ prāpsyase munipuṁgava śāpaṁ dattvā ṛṣestasya brahmalokaṁ jagāma ha

"You shall never obtain the joy that comes from offspring, O foremost of sages." Having given this curse to the sage, he (Vishnu) went to Brahmaloka.

Verse 101 (padma.1.4.101)

पद्मजन्मानमाहेदं दृष्ट्वा देवस्तु केशवः। भगवंस्तव पुत्रोसौ भृगुः परमकोपनः।

padmajanmānamāhedaṁ dṛṣṭvā devastu keśavaḥ bhagavaṁstava putrosau bhṛguḥ paramakopanaḥ

Having seen this, the god Keshava said to the lotus-born Brahma: "O Lord, this son of yours, Bhrigu, is extremely wrathful.

Verse 102 (padma.1.4.102)

निष्कारणं च तेनाहं शप्तो जन्मानि मानुषे। लप्स्यसे दशधा त्वं हि ततो दुःखान्यनेकशः।

niṣkāraṇaṁ ca tenāhaṁ śapto janmāni mānuṣe lapsyase daśadhā tvaṁ hi tato duḥkhānyanekaśaḥ

And without cause he has cursed me: 'You shall take ten births among men, and thereby suffer many sorrows.'

Verse 103 (padma.1.4.103)

भार्यावियोगजा पीडा बलपौरुषनाशिनी। त्यत्क्वा चाहमिमं लोकं शयिष्ये च महोदधौ।

bhāryāviyogajā pīḍā balapauruṣanāśinī tyatkvā cāhamimaṁ lokaṁ śayiṣye ca mahodadhau

'The anguish born of separation from my wife shall destroy my strength and valor.' I shall abandon this world and lie down in the great ocean,

Verse 104 (padma.1.4.104)

देवकार्येषु सर्वेषु पुनश्चावाहनं क्रियाः। तथा ब्रुवंतं तं देवं ब्रह्मा लोकगुरुस्तदा।

devakāryeṣu sarveṣu punaścāvāhanaṁ kriyāḥ tathā bruvaṁtaṁ taṁ devaṁ brahmā lokagurustadā

and in all the affairs of the gods, you shall again have to invoke me." As the god spoke thus, Brahma, the preceptor of the worlds, then,

Verse 105 (padma.1.4.105)

प्रसादनार्थं विष्णोस्तु स्तुतिमेतां चकार ह। त्वया सृष्टं जगदिदं पद्मं नाभौ विनिःसृतम्। तत्र चाहं समुत्पन्नस्तव वश्यश्च केशव।

prasādanārthaṁ viṣṇostu stutimetāṁ cakāra ha tvayā sṛṣṭaṁ jagadidaṁ padmaṁ nābhau viniḥsṛtam tatra cāhaṁ samutpannastava vaśyaśca keśava

in order to appease Vishnu, offered this praise: "By you was this universe created; from your navel came forth this lotus, and there I was born, subject to you, O Keshava.

Verse 106 (padma.1.4.106)

त्वं त्राता सर्वलोकानां स्रष्टा त्वं जगतः प्रभो। त्रैलोक्यं न त्वया त्याज्यमेष एव वरो मम।

tvaṁ trātā sarvalokānāṁ sraṣṭā tvaṁ jagataḥ prabho trailokyaṁ na tvayā tyājyameṣa eva varo mama

You are the protector of all worlds, you, O Lord, are the creator of the universe. This alone is my request — that the three worlds not be abandoned by you."

Verse 107 (padma.1.4.107)

दशजन्ममनुष्येषु लोकानां हितकाम्यया। स्वयं कर्त्ता न ते शक्तः शापदानाय कोपि वा।

daśajanmamanuṣyeṣu lokānāṁ hitakāmyayā svayaṁ karttā na te śaktaḥ śāpadānāya kopi vā

Take your ten births among men of your own accord, out of desire for the welfare of the worlds — no one has the power to curse you.

Verse 108 (padma.1.4.108)

कोयं भृगुः कथं तेन शक्यं शप्तुं जनार्दन। मानयस्व सदा विप्रान्ब्राह्मणास्ते तनुस्स्वयम्।

koyaṁ bhṛguḥ kathaṁ tena śakyaṁ śaptuṁ janārdana mānayasva sadā viprānbrāhmaṇāste tanussvayam

Who indeed is Bhrigu, O Janardana, that he should be able to curse you? Always honor the brahmins — the brahmins are your own body.

Verse 109 (padma.1.4.109)

योगनिद्रामुपास्व त्वं क्षीराब्धौ स्वपि हीश्वर। कार्यकाले पुनस्त्वां तु बोधयिष्यामि माधव।

yoganidrāmupāsva tvaṁ kṣīrābdhau svapi hīśvara kāryakāle punastvāṁ tu bodhayiṣyāmi mādhava

Resort to yogic sleep, O Lord; sleep upon the Ocean of Milk. When occasion demands, I shall again awaken you, O Madhava.

Verse 110 (padma.1.4.110)

भगवन्नेष तावत्तु त्वच्छक्त्या चोपबृंहितः। सर्वकार्यकरः शक्रस्तवैवांशेन शत्रुहा।

bhagavanneṣa tāvattu tvacchaktyā copabṛṁhitaḥ sarvakāryakaraḥ śakrastavaivāṁśena śatruhā

O Lord, this Shakra meanwhile, strengthened by your power, the doer of all tasks, slayer of enemies, is himself but a portion of you.

Verse 111 (padma.1.4.111)

त्रैलोक्यं पालयन्नेव त्वदाज्ञां स करिष्यति। एवं स्तुतस्तदा विष्णुर्ब्रह्माणमिदमुक्तवान्।

trailokyaṁ pālayanneva tvadājñāṁ sa kariṣyati evaṁ stutastadā viṣṇurbrahmāṇamidamuktavān

Even while protecting the three worlds, he shall carry out your command." Thus praised, Vishnu then spoke this to Brahma:

Verse 112 (padma.1.4.112)

सर्वमेतत्करिष्यामि यन्मां ज्ञापयसे प्रभो। अदर्शनं गतो देवो ब्रह्मा तं नाभिजज्ञिवान्।

sarvametatkariṣyāmi yanmāṁ jñāpayase prabho adarśanaṁ gato devo brahmā taṁ nābhijajñivān

"All this I shall do, whatever you make known to me, O Lord." The god then went out of sight; Brahma perceived him no more.

Verse 113 (padma.1.4.113)

गते देवे तदा विष्णौ ब्रह्मा लोकपितामहः। भूयश्चकार वै सृष्टिं लोकानां प्रभवः प्रभुः।

gate deve tadā viṣṇau brahmā lokapitāmahaḥ bhūyaścakāra vai sṛṣṭiṁ lokānāṁ prabhavaḥ prabhuḥ

When the god Vishnu had thus departed, Brahma, the Grandsire of the worlds, the mighty source of all beings, again undertook the work of creation.

Verse 114 (padma.1.4.114)

तं दृष्ट्वा नारदः प्राह वाक्यं वाक्यविदां वरः। सहस्रशीर्षा पुरुषः सहस्राक्षः सहस्रपात्। सर्वव्यापी भुवः स्पर्शादध्यतिष्ठद्दशांगुलम्।

taṁ dṛṣṭvā nāradaḥ prāha vākyaṁ vākyavidāṁ varaḥ sahasraśīrṣā puruṣaḥ sahasrākṣaḥ sahasrapāt sarvavyāpī bhuvaḥ sparśādadhyatiṣṭhaddaśāṁgulam

Seeing him, Narada, foremost of speakers, uttered this word: "The Purusha has a thousand heads, a thousand eyes, a thousand feet; all-pervading, he stands ten fingers beyond the earth, even from its very touch."

Verse 115 (padma.1.4.115)

यद्भूतं यच्च वै भाव्यं सर्वमेव भवान्यतः। ततो विश्वमिदं तात त्वत्तो भूतं भविष्यति।

yadbhūtaṁ yacca vai bhāvyaṁ sarvameva bhavānyataḥ tato viśvamidaṁ tāta tvatto bhūtaṁ bhaviṣyati

Whatever has been and whatever shall be, all this indeed is you; therefore, O father, this universe has arisen from you, and shall continue to arise from you.

Verse 116 (padma.1.4.116)

त्वत्तो यज्ञः सर्वहुतः पृषदाज्यं पशुर्द्विधा। ऋचस्त्वत्तोथ सामानि त्वत्त एवाभिजज्ञिरे।

tvatto yajñaḥ sarvahutaḥ pṛṣadājyaṁ paśurdvidhā ṛcastvattotha sāmāni tvatta evābhijajñire

From you came the all-oblatory sacrifice, the curds-and-ghee offering, the twofold sacrificial animal; from you the Rig verses and the Sama chants likewise were born.

Verse 117 (padma.1.4.117)

त्वत्तो यज्ञास्त्वजायंत त्वत्तो श्वाश्चैव दंतिनः। गावस्त्वत्तः समुद्भूताः त्वत्तो जातावयोमृगाः।

tvatto yajñāstvajāyaṁta tvatto śvāścaiva daṁtinaḥ gāvastvattaḥ samudbhūtāḥ tvatto jātāvayomṛgāḥ

From you the sacrifices were born, from you the horses and the tuskers; from you the cattle arose, from you were born the goats and the sheep.

Verse 118 (padma.1.4.118)

त्वन्मुखाद्ब्राह्मणा जातास्त्वत्तः क्षत्रमजायत। वैश्यास्तवोरुजाः शूद्रास्तव पद्भ्यां समुद्गताः।

tvanmukhādbrāhmaṇā jātāstvattaḥ kṣatramajāyata vaiśyāstavorujāḥ śūdrāstava padbhyāṁ samudgatāḥ

From your mouth the brahmins were born, from you the kshatriya order arose; the vaishyas were born from your thighs, and the shudras arose from your feet.

Verse 119 (padma.1.4.119)

अक्ष्णोः सूर्योनिलः श्रोत्राच्चंद्रमा मनसस्तव। प्राणोंतः सुषिराज्जातो मुखादग्निरजायत।

akṣṇoḥ sūryonilaḥ śrotrāccaṁdramā manasastava prāṇoṁtaḥ suṣirājjāto mukhādagnirajāyata

From your eyes came the sun and the wind, from your ear the moon; the life-breath was born from the inner hollow, from your mouth fire arose.

Verse 120 (padma.1.4.120)

नाभितो गगनं द्यौश्च शिरसः समवर्त्तत। दिशः श्रोत्रात्क्षितिः पद्भ्यां त्वत्तः सर्वमभूदिदम्।

nābhito gaganaṁ dyauśca śirasaḥ samavarttata diśaḥ śrotrātkṣitiḥ padbhyāṁ tvattaḥ sarvamabhūdidam

From your navel came the sky, and heaven arose from your head; the quarters from your ear, the earth from your feet — from you all this came to be.

Verse 121 (padma.1.4.121)

न्यग्रोधः सुमहानल्पे यथा बीजे व्यवस्थितः। ससर्ज्ज विश्वमखिलं बीजभूते तथा त्वयि।

nyagrodhaḥ sumahānalpe yathā bīje vyavasthitaḥ sasarjja viśvamakhilaṁ bījabhūte tathā tvayi

As a great banyan tree exists potential within a tiny seed, so, you being the seed of it, this entire universe was created.

Verse 122 (padma.1.4.122)

बीजांकुरसमुद्भूतो न्यग्रोधः समुपस्थितः। विस्तारं च यथा याति त्वत्तः सृष्टौ तथा जगत्।

bījāṁkurasamudbhūto nyagrodhaḥ samupasthitaḥ vistāraṁ ca yathā yāti tvattaḥ sṛṣṭau tathā jagat

As the banyan tree, arising from a sprouted seed, comes to stand and spreads out, so does the world, in creation, spread out from you.

Verse 123 (padma.1.4.123)

यथा हि कदली नान्या त्वक्पत्रेभ्योऽभिदृश्यते। एवं विश्वमिदं नान्यत्त्वत्स्थमीश्वर दृश्यते।

yathā hi kadalī nānyā tvakpatrebhyo'bhidṛśyate evaṁ viśvamidaṁ nānyattvatsthamīśvara dṛśyate

Just as the plantain tree is seen to be nothing other than its bark and leaves, so this universe, abiding in you, O Lord, is seen to be nothing other than you.

Verse 124 (padma.1.4.124)

ह्लादिनी त्वयि शक्तिस्सा त्वय्येका सहभाविनी। ह्लादतापकरीमिश्रा त्वयि नो गुणवर्जिते।

hlādinī tvayi śaktissā tvayyekā sahabhāvinī hlādatāpakarīmiśrā tvayi no guṇavarjite

That delight-giving power abides in you, one and co-eternal with you; mixed with both delight and affliction, yet it abides in you, who are devoid of the gunas.

Verse 125 (padma.1.4.125)

पृथग्भूतैकभूताय सर्वभूताय ते नमः। व्यक्तं प्रधानं पुरुषो विराट्सम्राट्तथा भवान्।

pṛthagbhūtaikabhūtāya sarvabhūtāya te namaḥ vyaktaṁ pradhānaṁ puruṣo virāṭsamrāṭtathā bhavān

Salutation to you, who are both distinct from and one with all beings, who are all beings; you are the manifest, the primordial matter, the Purusha, the Virat, and the Emperor likewise.

Verse 126 (padma.1.4.126)

सर्वस्मिन्सर्वभूतस्त्वं सर्वः सर्वस्वरूपधृक्। सर्वं त्वत्तः समुद्भूतं नमः सर्वात्मने ततः।

sarvasminsarvabhūtastvaṁ sarvaḥ sarvasvarūpadhṛk sarvaṁ tvattaḥ samudbhūtaṁ namaḥ sarvātmane tataḥ

You are present as all beings in everything, all, bearing the form of all; all has arisen from you — salutation, therefore, to you, the Self of all.

Verse 127 (padma.1.4.127)

सर्वात्मकोसि सर्वेश सर्वभूतस्थितो यतः। कथयामि ततः किं ते सर्वं वेत्सि हृदिस्थितं।

sarvātmakosi sarveśa sarvabhūtasthito yataḥ kathayāmi tataḥ kiṁ te sarvaṁ vetsi hṛdisthitaṁ

You are the Self of all, O Lord of all, since you abide within all beings; what then shall I say to you, who know all that abides within the heart?

Verse 128 (padma.1.4.128)

यो मे मनोरथो देव सफलः स त्वया कृतः। तप्तं सुतप्तं सफलं यद्दृष्टोसि जगत्पते।

yo me manoratho deva saphalaḥ sa tvayā kṛtaḥ taptaṁ sutaptaṁ saphalaṁ yaddṛṣṭosi jagatpate

Whatever desire of my heart there was, O Lord, has been fulfilled by you; my austerity, however hard, has been well rewarded, since I have beheld you, O Lord of the world."

Verse 129 (padma.1.4.129)

ब्रह्मोवाच। तपसस्तत्फलं पुत्र यद्दृष्टोहं त्वयाधुना। मद्दर्शनं हि विफलं नारदेह न जायते।

brahmovāca tapasastatphalaṁ putra yaddṛṣṭohaṁ tvayādhunā maddarśanaṁ hi viphalaṁ nāradeha na jāyate

Brahma said: "That is the fruit of your austerity, my son, that you have now beheld me; for a sight of me, O Narada, never proves fruitless here.

Verse 130 (padma.1.4.130)

वरं वरय तस्मात्त्वं यथाभिमतमात्मनः। सर्वं संपद्यते तात मयि दृष्टिपथं गते।

varaṁ varaya tasmāttvaṁ yathābhimatamātmanaḥ sarvaṁ saṁpadyate tāta mayi dṛṣṭipathaṁ gate

Therefore choose for yourself whatever boon you desire; everything is accomplished, my son, once one has come within my sight."

Verse 131 (padma.1.4.131)

नारद उवाच। भगवन्सर्वभूतेश सर्वस्यास्ते भवान्हृदि। किमज्ञातं तव स्वामिन्मनसा यन्मयेप्सितम्।

nārada uvāca bhagavansarvabhūteśa sarvasyāste bhavānhṛdi kimajñātaṁ tava svāminmanasā yanmayepsitam

Narada said: "O Lord, ruler of all beings, you abide in the heart of all; what, O Master, is unknown to you of what has been desired by my mind?

Verse 132 (padma.1.4.132)

कृता त्वया यथा सृष्टिर्मया दृष्टा तथा विभो। तेन मे कौतुकं जातं दृष्ट्वा देवर्षिदानवान्।

kṛtā tvayā yathā sṛṣṭirmayā dṛṣṭā tathā vibho tena me kautukaṁ jātaṁ dṛṣṭvā devarṣidānavān

The creation, O all-pervading one, as it was made by you, has been seen by me thus; hence has curiosity arisen in me, having seen the gods, sages and Danavas."

Verse 133 (padma.1.4.133)

पुलस्त्य उवाच। नारदस्य पिता तुष्टो ब्रह्मा देवो दिवस्पतिः। नारदाय वरं प्रादादृषीणामुत्तमो भवान्।

pulastya uvāca nāradasya pitā tuṣṭo brahmā devo divaspatiḥ nāradāya varaṁ prādādṛṣīṇāmuttamo bhavān

Pulastya said: Narada's father, the pleased god Brahma, lord of heaven, gave Narada this boon: "You shall become the foremost of sages.

Verse 134 (padma.1.4.134)

भविता मत्प्रसादेन कलिकेलिकथाप्रियः। गतिश्च तेऽप्रतिहता दिवि भूमौ रसातले।

bhavitā matprasādena kalikelikathāpriyaḥ gatiśca te'pratihatā divi bhūmau rasātale

By my grace you shall become fond of playful tales even in the Kali age; and your movement shall be unimpeded, in heaven, on earth, and in the netherworld.

Verse 135 (padma.1.4.135)

यज्ञोपवीतसूत्रेण योगपट्टावलंबिका। छत्रिका च तथा वीणा अलंकाराय तेनघ।

yajñopavītasūtreṇa yogapaṭṭāvalaṁbikā chatrikā ca tathā vīṇā alaṁkārāya tenagha

The sacred thread as your cord, a yogapatta strap for support, a small parasol, and likewise the vina — these, O sinless one, shall be your ornaments.

Verse 136 (padma.1.4.136)

विष्णोः समीपे रुद्रस्य तथा शक्रस्य नारद। द्वीपेषु पार्थिवानां तु सदा प्रीतिं च लप्स्यसे।

viṣṇoḥ samīpe rudrasya tathā śakrasya nārada dvīpeṣu pārthivānāṁ tu sadā prītiṁ ca lapsyase

Near Vishnu, near Rudra, and likewise near Shakra, O Narada, and among kings across the continents, you shall ever find affection.

Verse 137 (padma.1.4.137)

वर्णानां तु भवान्शास्तावरोदत्तोमयातव। तिष्ठ पुत्र यथाकामं सेव्यमानः सुरैर्द्दिवि।

varṇānāṁ tu bhavānśāstāvarodattomayātava tiṣṭha putra yathākāmaṁ sevyamānaḥ surairddivi

And you shall be the instructor of the [four] orders — this boon has been granted to you by me. Remain, my son, as you please, honored by the gods in heaven."