The Destruction of Daksha's Sacrifice

Verse 1 (padma.1.5.1)

भीष्म उवाच। कथं सती दक्षसुता देहं त्यक्तवती शुभा। दक्षयज्ञस्तु रुद्रेण विध्वस्तः केन हेतुना।

bhīṣma uvāca kathaṁ satī dakṣasutā dehaṁ tyaktavatī śubhā dakṣayajñastu rudreṇa vidhvastaḥ kena hetunā

Bhishma said: How did the auspicious Sati, Daksha's daughter, give up her body? And for what reason was Daksha's sacrifice destroyed by Rudra?

Verse 2 (padma.1.5.2)

एतन्मे कौतुकं ब्रह्मन्कथं देवो महेश्वरः। जगामाथ क्रोधवशं त्रिपुरारिर्महायशाः।

etanme kautukaṁ brahmankathaṁ devo maheśvaraḥ jagāmātha krodhavaśaṁ tripurārirmahāyaśāḥ

This is my curiosity, O Brahmin: how did the greatly renowned god Maheshvara, slayer of Tripura, fall under the sway of anger?

Verse 3 (padma.1.5.3)

पुलस्त्य उवाच। गंगाद्वारे पुरा भीष्म दक्षो यज्ञमथारभत्। तत्र देवासुरगणाः पितरोथ महर्षयः।

pulastya uvāca gaṁgādvāre purā bhīṣma dakṣo yajñamathārabhat tatra devāsuragaṇāḥ pitarotha maharṣayaḥ

Pulastya said: Formerly, O Bhishma, at Gangadvara, Daksha undertook a sacrifice. There the hosts of gods and asuras, the ancestors, and the great sages,

Verse 4 (padma.1.5.4)

समाजग्मुर्मुदायुक्ताः सर्वे देवाः सवासवाः। नागा यक्षाः सुपर्णाश्च वीरुदोषधयस्तथा।

samājagmurmudāyuktāḥ sarve devāḥ savāsavāḥ nāgā yakṣāḥ suparṇāśca vīrudoṣadhayastathā

all assembled joyfully — all the gods together with Vasava, the Nagas, Yakshas, Suparnas, and likewise the plants and herbs.

Verse 5 (padma.1.5.5)

कश्यपो भगवानत्रिः पुलस्त्यः पुलहः क्रतुः। प्रचेतसोंगिराश्चैव वसिष्ठश्च महातपाः।

kaśyapo bhagavānatriḥ pulastyaḥ pulahaḥ kratuḥ pracetasoṁgirāścaiva vasiṣṭhaśca mahātapāḥ

The illustrious Kashyapa, Atri, Pulastya, Pulaha, Kratu, the Prachetases, Angiras, and the greatly ascetic Vasishtha —

Verse 6 (padma.1.5.6)

तत्र वेदीं समां कृत्वा चातुर्होत्रं न्यवेशयत्। होता वसिष्ठस्तत्रासीदंगिराध्वर्युसत्तमः।

tatra vedīṁ samāṁ kṛtvā cāturhotraṁ nyaveśayat hotā vasiṣṭhastatrāsīdaṁgirādhvaryusattamaḥ

there, having made a level altar, the four sacrificial priests were established. Vasishtha was the Hotri there, and Angiras, best of Adhvaryus,

Verse 7 (padma.1.5.7)

बृहस्पतिरथोद्गाता ब्रह्मा वै नारदस्तथा। यज्ञकर्मप्रवृत्तौ तु हूयमानेषु चाग्निषु।

bṛhaspatirathodgātā brahmā vai nāradastathā yajñakarmapravṛttau tu hūyamāneṣu cāgniṣu

Brihaspati was the Udgatri, and Narada was the Brahma-priest. As the sacrificial rites proceeded and oblations were being offered into the fires,

Verse 8 (padma.1.5.8)

आगता वसवः सर्व आदित्या द्वादशैव तु। अश्विनौ मरुतश्चैव मनवश्च चतुर्दश।

āgatā vasavaḥ sarva ādityā dvādaśaiva tu aśvinau marutaścaiva manavaśca caturdaśa

all the Vasus came, and the twelve Adityas too, the two Ashvins, the Maruts, and the fourteen Manus.

Verse 9 (padma.1.5.9)

एवं यज्ञे प्रवृत्ते तु हूयमानेषु चाग्निषु। विभूतिं तां परां तत्र भक्ष्यभोज्यकृतां शुभाम्।

evaṁ yajñe pravṛtte tu hūyamāneṣu cāgniṣu vibhūtiṁ tāṁ parāṁ tatra bhakṣyabhojyakṛtāṁ śubhām

Thus, as the sacrifice proceeded and oblations were being offered into the fires, that supreme, auspicious magnificence, made up of foods to be eaten and enjoyed—

Verse 10 (padma.1.5.10)

आलोक्य सर्वतो भूमिं समंताद्दशयोजनम्। महावेदी कृता तत्र सर्वैस्तत्र समन्वितैः।

ālokya sarvato bhūmiṁ samaṁtāddaśayojanam mahāvedī kṛtā tatra sarvaistatra samanvitaiḥ

seeing the ground extending all around for ten yojanas, a great altar was made there by all who were assembled together.

Verse 11 (padma.1.5.11)

सर्वान्देवान्शक्रमुख्यान्यज्ञे दृष्ट्वा सती शुभा। तदासानुनयं वाक्यं प्रजापतिमभाषत।

sarvāndevānśakramukhyānyajñe dṛṣṭvā satī śubhā tadāsānunayaṁ vākyaṁ prajāpatimabhāṣata

Seeing all the gods headed by Shakra at the sacrifice, the auspicious Sati then spoke conciliating words to Prajapati Daksha:

Verse 12 (padma.1.5.12)

सत्युवाच। ऐरावतं समारूढो देवराजः शतक्रतुः। पत्न्या शच्या सहायातः कृतावासः शतक्रतुः।

satyuvāca airāvataṁ samārūḍho devarājaḥ śatakratuḥ patnyā śacyā sahāyātaḥ kṛtāvāsaḥ śatakratuḥ

Sati said: The king of gods, Shatakratu, has come mounted on Airavata, together with his wife Shachi, and has taken up his lodging here.

Verse 13 (padma.1.5.13)

पापानां यो यमयिता धर्मेणाधर्मिणां प्रभुः। पत्न्या धूमोर्णया सार्द्धमिहायातः स दृश्यते।

pāpānāṁ yo yamayitā dharmeṇādharmiṇāṁ prabhuḥ patnyā dhūmorṇayā sārddhamihāyātaḥ sa dṛśyate

He who restrains sinners in accordance with Dharma, lord even of the unrighteous — he, Yama, is seen to have come here together with his wife Dhumorna.

Verse 14 (padma.1.5.14)

यादसां च पतिर्द्देवो वरुणो लोकभावनः। गौर्य्या पत्न्या सहायातः प्रचेता मंडपे त्विह।

yādasāṁ ca patirddevo varuṇo lokabhāvanaḥ gauryyā patnyā sahāyātaḥ pracetā maṁḍape tviha

And the god Varuna, lord of the aquatic creatures, benefactor of the world, called Praceta, has come here into the pavilion together with his wife Gauri.

Verse 15 (padma.1.5.15)

सर्वयक्षाधिपो देवः पुत्रो विश्रवसो मुनेः। पत्न्या त्विह समायातः सह देव्या धनाधिपः।

sarvayakṣādhipo devaḥ putro viśravaso muneḥ patnyā tviha samāyātaḥ saha devyā dhanādhipaḥ

The god who is lord of all Yakshas, son of the sage Vishravas, the lord of wealth, has come here too, together with his goddess-wife.

Verse 16 (padma.1.5.16)

मुखं यः सर्वदेवानां जंतूनामुदरे स्थितः। वेदा यदर्थमुत्पन्नास्सोयं यज्ञमुपागतः।

mukhaṁ yaḥ sarvadevānāṁ jaṁtūnāmudare sthitaḥ vedā yadarthamutpannāssoyaṁ yajñamupāgataḥ

He who is the mouth of all the gods, who abides in the belly of all creatures, for whose sake the Vedas arose — he, Agni, has come to the sacrifice.

Verse 17 (padma.1.5.17)

निऋती राक्षसेन्द्रोऽसौ दिक्पतित्वे नियोजितः। स च त्विहागतस्तात पत्न्या सार्द्धं क्रताविह।

niṛtī rākṣasendro'sau dikpatitve niyojitaḥ sa ca tvihāgatastāta patnyā sārddhaṁ kratāviha

Nirriti, that lord of Rakshasas, appointed as guardian of a quarter — he too, O father, has come here to the sacrifice together with his wife.

Verse 18 (padma.1.5.18)

आयुःप्रदो जगत्यस्मिन्ब्रह्मणा निर्मितः पुरा। प्राणोपानोव्यानउदानस्समानाह्वयस्तथा।

āyuḥprado jagatyasminbrahmaṇā nirmitaḥ purā prāṇopānovyānaudānassamānāhvayastathā

He who bestows life in this world, fashioned by Brahma long ago — called by the names Prana, Apana, Vyana, Udana, and Samana likewise—

Verse 19 (padma.1.5.19)

एकोनपंचाशत्केन गणेन परिवारितः। यज्ञे प्रजापतिश्चासौ वायुर्देवःसमागतः।

ekonapaṁcāśatkena gaṇena parivāritaḥ yajñe prajāpatiścāsau vāyurdevaḥsamāgataḥ

surrounded by his host of forty-nine, this Vayu, god and lord of creatures, has come to the sacrifice.

Verse 20 (padma.1.5.20)

द्वादशात्मा ग्रहाध्यक्षःचक्षुषी जगतस्त्विह। पाति वै भुवनं सर्वं देवानां यः परायणः।

dvādaśātmā grahādhyakṣaḥcakṣuṣī jagatastviha pāti vai bhuvanaṁ sarvaṁ devānāṁ yaḥ parāyaṇaḥ

He of twelve forms, the overseer of the planets, the eye of the world, who protects the entire universe, who is the refuge of the gods—

Verse 21 (padma.1.5.21)

आयुषश्च वनानां च दिवसानां पतिर्हि यः। संज्ञा पतिरिहायातो भास्करो लोकपावनः।

āyuṣaśca vanānāṁ ca divasānāṁ patirhi yaḥ saṁjñā patirihāyāto bhāskaro lokapāvanaḥ

he who is the lord of lifespan, of forests, and of days — the husband of Sanjna has come here, the sun, purifier of the world.

Verse 22 (padma.1.5.22)

अत्रिवंशसमुद्भूतो द्विजराजो महायशाः। नयनानंदजननो लोकनाथो धरातले।

atrivaṁśasamudbhūto dvijarājo mahāyaśāḥ nayanānaṁdajanano lokanātho dharātale

Born of Atri's lineage, the greatly renowned king of the twice-born, the begetter of joy to the eyes, lord of the world upon the earth—

Verse 23 (padma.1.5.23)

ओषधीनां पतिश्चापि वीरुधामपि सर्वशः। उडुनाथः सपत्नीक इहायातः शशी तव।

oṣadhīnāṁ patiścāpi vīrudhāmapi sarvaśaḥ uḍunāthaḥ sapatnīka ihāyātaḥ śaśī tava

and lord too of all herbs and creepers — the lord of the stars, your son-in-law, the moon, has come here together with his wives.

Verse 24 (padma.1.5.24)

वसवोष्टौ समायाता अश्विनौ च समागतौ। वृक्षो वनस्पतिश्चापि गन्धर्वाप्सरसां गणाः।

vasavoṣṭau samāyātā aśvinau ca samāgatau vṛkṣo vanaspatiścāpi gandharvāpsarasāṁ gaṇāḥ

The eight Vasus have come, and the two Ashvins have come; trees, forest-lords, and the hosts of Gandharvas and Apsarases too.

Verse 25 (padma.1.5.25)

विद्याधरा भूतसंघा वेताला यक्षराक्षसाः। पिशाचाश्चोग्रकर्माणस्तथान्ये जीवहारकाः।

vidyādharā bhūtasaṁghā vetālā yakṣarākṣasāḥ piśācāścograkarmāṇastathānye jīvahārakāḥ

Vidyadharas, hosts of spirits, Vetalas, Yakshas, Rakshasas, fierce Pishachas, and other life-stealing beings likewise—

Verse 26 (padma.1.5.26)

नद्यो नदाः समुद्राश्च द्वीपाश्च सह पर्वतैः। ग्राम्यारण्याश्च पशवो यदिङ्गं यच्च नेङ्गति।

nadyo nadāḥ samudrāśca dvīpāśca saha parvataiḥ grāmyāraṇyāśca paśavo yadiṅgaṁ yacca neṅgati

rivers, streams, oceans, and continents together with mountains, domestic and wild animals — whatever moves and whatever moves not.

Verse 27 (padma.1.5.27)

कश्यपो भगवानत्रिर्वसिष्ठश्चापरैः सह। पुलस्त्यः पुलहश्चैव सनकाद्या महर्षयः।

kaśyapo bhagavānatrirvasiṣṭhaścāparaiḥ saha pulastyaḥ pulahaścaiva sanakādyā maharṣayaḥ

The illustrious Kashyapa, Atri, Vasishtha together with others, Pulastya and Pulaha likewise, and the great sages headed by Sanaka—

Verse 28 (padma.1.5.28)

पुण्या राजर्षयश्चैव पृथिव्यां ये च पार्थिवाः। वर्णाश्चाश्रमिणश्चैव सर्वे ये कर्मकारिणः।

puṇyā rājarṣayaścaiva pṛthivyāṁ ye ca pārthivāḥ varṇāścāśramiṇaścaiva sarve ye karmakāriṇaḥ

the pious royal sages, and all the rulers of the earth, the orders and the stages of life, all who perform ritual works—

Verse 29 (padma.1.5.29)

किमत्र बहुनोक्तेन ब्राह्मी सृष्टिरिहागता। भगिन्यो भागिनेयाश्च भगिनीपतयस्त्विमे।

kimatra bahunoktena brāhmī sṛṣṭirihāgatā bhaginyo bhāgineyāśca bhaginīpatayastvime

why say more? All of Brahma's creation has come here. My sisters, my sisters' sons, and these, my sisters' husbands—

Verse 30 (padma.1.5.30)

स्वभार्यासहिताः सर्वे सपुत्रास्सह बांधवाः। त्वया समर्चिताः सर्वे दानमानपरिग्रहैः।

svabhāryāsahitāḥ sarve saputrāssaha bāṁdhavāḥ tvayā samarcitāḥ sarve dānamānaparigrahaiḥ

all, together with their wives, sons, and kinsmen, have all been honored by you with gifts, respect, and hospitality.

Verse 31 (padma.1.5.31)

आमंत्रणा मंत्रितानां सर्वेषां मानना कृता। एक एवात्र भगवान्पतिर्मे न समागतः।

āmaṁtraṇā maṁtritānāṁ sarveṣāṁ mānanā kṛtā eka evātra bhagavānpatirme na samāgataḥ

An invitation and due honor has been given to all who were invited — only the one illustrious lord, my husband, has not come here.

Verse 32 (padma.1.5.32)

विना तेन त्विदं सर्वं शून्यवत्प्रतिभाति मे। मन्ये चाहं तु भवता पतिर्मे न निमंत्रितः।

vinā tena tvidaṁ sarvaṁ śūnyavatpratibhāti me manye cāhaṁ tu bhavatā patirme na nimaṁtritaḥ

Without him, all this seems empty to me. I think that my husband was not invited by you.

Verse 33 (padma.1.5.33)

विस्मृतस्ते भवेन्नूनं सर्वं शंसतु मे भवान्। पुलस्य उवाच। तस्यास्तदुक्तं वचनं श्रुत्वा दक्षः प्रजापतिः।

vismṛtaste bhavennūnaṁ sarvaṁ śaṁsatu me bhavān pulasya uvāca tasyāstaduktaṁ vacanaṁ śrutvā dakṣaḥ prajāpatiḥ

Perhaps he simply slipped your memory — please tell me the whole truth of it. Pulastya said: Having heard these words spoken by her, Daksha, the lord of creatures,

Verse 34 (padma.1.5.34)

पतिस्नेह समायुक्तां प्राणेभ्योपि गरीयसीम्। अंकमारोप्य तां बालां साध्वीं पतिपरायणाम्।

patisneha samāyuktāṁ prāṇebhyopi garīyasīm aṁkamāropya tāṁ bālāṁ sādhvīṁ patiparāyaṇām

lifted onto his lap that girl — filled with love for her husband, dearer to him than his own life, virtuous, wholly devoted to her husband—

Verse 35 (padma.1.5.35)

पतिव्रतां महाभागां पतिप्रियहितैषिणीम्। प्राह गंभीरभावेन शृणु वत्से यथातथम्।

pativratāṁ mahābhāgāṁ patipriyahitaiṣiṇīm prāha gaṁbhīrabhāvena śṛṇu vatse yathātatham

most fortunate, chaste, ever seeking her husband's welfare, and said to her gravely: Listen, my child, to the truth of it.

Verse 36 (padma.1.5.36)

येनाद्य कारणेनेह पतिस्ते न निमंत्रितः। कपालपात्रधृक्चर्मी भस्मावृत तनुस्तथा।

yenādya kāraṇeneha patiste na nimaṁtritaḥ kapālapātradhṛkcarmī bhasmāvṛta tanustathā

For this reason your husband was not invited here today: he carries a skull for a begging bowl, wears animal hide, and his body is covered with ashes.

Verse 37 (padma.1.5.37)

शूली मुण्डी च नग्नश्च श्मशाने रमते सदा। विभूत्याङ्गानि सर्वाणि परिमार्ष्टि च नित्यशः।

śūlī muṇḍī ca nagnaśca śmaśāne ramate sadā vibhūtyāṅgāni sarvāṇi parimārṣṭi ca nityaśaḥ

Trident-bearing and shaven-headed, and naked, he ever delights in cremation grounds, and daily smears all his limbs with ash.

Verse 38 (padma.1.5.38)

व्याघ्रचर्मपरीधानो हस्तिचर्मपरिच्छदः। कपालमालं शिरसि खट्वागं च करे स्थितं।

vyāghracarmaparīdhāno hasticarmaparicchadaḥ kapālamālaṁ śirasi khaṭvāgaṁ ca kare sthitaṁ

Clothed in a tiger-skin, wrapped in an elephant-hide, a garland of skulls upon his head, a skull-topped staff in his hand,

Verse 39 (padma.1.5.39)

कट्यां वै गोनसं बध्वा लिंगेऽस्थ्नां वलयं तथा। पन्नगानां तु राजानमुपवीतं च वासुकिम्।

kaṭyāṁ vai gonasaṁ badhvā liṁge'sthnāṁ valayaṁ tathā pannagānāṁ tu rājānamupavītaṁ ca vāsukim

a great serpent tied around his waist, a ring of bones on his phallic emblem, and Vasuki, king of serpents, worn as his sacred thread,

Verse 40 (padma.1.5.40)

कृत्वा भ्रमति चानेन रूपेण सततं क्षितौ। नग्ना गणाः पिशाचाश्च भूतसंघा ह्यनेकशः।

kṛtvā bhramati cānena rūpeṇa satataṁ kṣitau nagnā gaṇāḥ piśācāśca bhūtasaṁghā hyanekaśaḥ

wandering thus about the earth in this form, ceaselessly, with naked spirits, Pishachas, and countless hosts of ghosts.

Verse 41 (padma.1.5.41)

त्रिनेत्रश्च त्रिशूली च गीतनृत्यरतस्सदा। कुत्सितानि तथान्यानि सदा ते कुरुते पतिः।

trinetraśca triśūlī ca gītanṛtyaratassadā kutsitāni tathānyāni sadā te kurute patiḥ

Three-eyed and trident-bearing, ever delighting in song and dance — your husband constantly does such other despicable things.

Verse 42 (padma.1.5.42)

त्रपाकरो भवेन्मह्यं देवानां संनिधिः कथं। कीदृक्च वसनं तस्य केतनं प्रति नार्हति।

trapākaro bhavenmahyaṁ devānāṁ saṁnidhiḥ kathaṁ kīdṛkca vasanaṁ tasya ketanaṁ prati nārhati

He would be a source of shame to me — how could his presence be fitting among the gods? And his attire too is quite unsuited to any respectable place.

Verse 43 (padma.1.5.43)

एतैर्दोषैर्मया वत्से लोकानां चैव लज्जया। नाह्वानं तु कृतं तस्य कारणेन मया सुते।

etairdoṣairmayā vatse lokānāṁ caiva lajjayā nāhvānaṁ tu kṛtaṁ tasya kāraṇena mayā sute

For these faults, my child, and out of shame before the world, no invitation was extended to him by me for this very reason, my daughter.

Verse 44 (padma.1.5.44)

यज्ञस्यास्य समाप्तौ तु पूजां कृत्वा त्वया सह। आनीय तव भर्त्तारं त्वया सह त्रिलोचनम्।

yajñasyāsya samāptau tu pūjāṁ kṛtvā tvayā saha ānīya tava bharttāraṁ tvayā saha trilocanam

At the completion of this sacrifice, having performed worship together with you, I shall bring your three-eyed husband here,

Verse 45 (padma.1.5.45)

त्रैलोक्यस्याधिकां पूजां करिष्यामि च सत्कृतैः। एतत्ते सर्वमाख्यातं त्रपायाः कारणं महत्।

trailokyasyādhikāṁ pūjāṁ kariṣyāmi ca satkṛtaiḥ etatte sarvamākhyātaṁ trapāyāḥ kāraṇaṁ mahat

and I shall render him worship greater than that of the three worlds, with due honors. This is the whole great reason for my shame, told to you.

Verse 46 (padma.1.5.46)

नात्र मन्युस्त्वया कार्यः सर्वः स्वं भागमर्हति। अन्यजन्मनि यैर्यादृक्कृतं कर्म शुभाशुभम्।

nātra manyustvayā kāryaḥ sarvaḥ svaṁ bhāgamarhati anyajanmani yairyādṛkkṛtaṁ karma śubhāśubham

You should not be angered over this — everyone deserves their own portion. Whatever good or bad deed was done by anyone in another birth,

Verse 47 (padma.1.5.47)

इह जन्मनि ते तादृक्पुत्रिके भुंजते फलम्। परितापं मा कृथास्त्वं फलं भुंक्ष्व पुराकृतम्।

iha janmani te tādṛkputrike bhuṁjate phalam paritāpaṁ mā kṛthāstvaṁ phalaṁ bhuṁkṣva purākṛtam

in this birth, my daughter, one enjoys the corresponding fruit of it. Do not grieve — enjoy the fruit of your former deeds.

Verse 48 (padma.1.5.48)

श्रियं परगतां दृष्ट्वा रूपसौभाग्यशोभनाम्। रूपं च कांतिसौभाग्यं रम्याण्याभरणानि च।

śriyaṁ paragatāṁ dṛṣṭvā rūpasaubhāgyaśobhanām rūpaṁ ca kāṁtisaubhāgyaṁ ramyāṇyābharaṇāni ca

Seeing prosperity belonging to another, resplendent with beauty and good fortune — beauty, radiance, good fortune, and lovely ornaments,

Verse 49 (padma.1.5.49)

कुलेमहतिवैजन्मवपुश्चातीवसुंदरम्। पूर्वभाग्यैस्तु लभ्यंते नरैरेतानि सुव्रते।

kulemahativaijanmavapuścātīvasuṁdaram pūrvabhāgyaistu labhyaṁte narairetāni suvrate

birth in a great family, and an exceedingly beautiful body — these, O woman of good vows, are obtained by people through their prior merit.

Verse 50 (padma.1.5.50)

मात्मानं परिनिंदेथामाच भाग्यानि सुव्रते। फलं चैवं विधिकृतं दातुं कस्य तु कः क्षमः।

mātmānaṁ pariniṁdethāmāca bhāgyāni suvrate phalaṁ caivaṁ vidhikṛtaṁ dātuṁ kasya tu kaḥ kṣamaḥ

Do not blame yourself, nor your fortunes, O woman of good vows. And who indeed has the power to bestow a fruit thus ordained by fate?

Verse 51 (padma.1.5.51)

नास्ति वै बलवान्कश्चिन्नमूढो न च पंडितः। पांडित्यं च बलं चैव जायते पूर्वकर्मणः।

nāsti vai balavānkaścinnamūḍho na ca paṁḍitaḥ pāṁḍityaṁ ca balaṁ caiva jāyate pūrvakarmaṇaḥ

There is truly no one who is inherently strong, foolish, or wise; wisdom and strength alike arise from one's former deeds.

Verse 52 (padma.1.5.52)

एते देवा दिवं प्राप्ताः शोभमानाः स्थिताश्चिरम्। पुण्येन तपसा चैव क्षेत्रेषुविविधेषुच।

ete devā divaṁ prāptāḥ śobhamānāḥ sthitāściram puṇyena tapasā caiva kṣetreṣuvividheṣuca

These gods have attained heaven and dwell there resplendent for long ages — through merit, through austerity, and through various sacred sites.

Verse 53 (padma.1.5.53)

यदेभिरार्जितं पुण्यं तस्यैते फलभागिनः। एवमुक्ता ततः सा तु सती भीष्मरुषान्विता।

yadebhirārjitaṁ puṇyaṁ tasyaite phalabhāginaḥ evamuktā tataḥ sā tu satī bhīṣmaruṣānvitā

Whatever merit was earned by them, of that they are the sharers of the fruit. Thus addressed, Sati then, overcome with fierce anger,

Verse 54 (padma.1.5.54)

विनिंदमाना पितरं क्रोधेनारुणितेक्षणा। एवमेतद्यथा तात त्वया चोक्तं ममाग्रतः।

viniṁdamānā pitaraṁ krodhenāruṇitekṣaṇā evametadyathā tāta tvayā coktaṁ mamāgrataḥ

reproaching her father, her eyes reddened with rage, said: It is indeed so, father, as has been said by you before me.

Verse 55 (padma.1.5.55)

सर्वो जनः पुण्यभागी पुण्येन लभते श्रियं। पुण्येन लभते जन्म पुण्ये भोगाः प्रतिष्ठिताः।

sarvo janaḥ puṇyabhāgī puṇyena labhate śriyaṁ puṇyena labhate janma puṇye bhogāḥ pratiṣṭhitāḥ

Every person is a sharer of merit; through merit one obtains prosperity; through merit one obtains birth; enjoyments are established in merit.

Verse 56 (padma.1.5.56)

तदयं जगतामीशः सर्वेषामुत्तमोत्तमः। स्थानान्येतानि सर्वेषां दत्तान्येतेन धीमता।

tadayaṁ jagatāmīśaḥ sarveṣāmuttamottamaḥ sthānānyetāni sarveṣāṁ dattānyetena dhīmatā

Therefore this Lord of the worlds, the best of the best, has himself, in his wisdom, given all these gods their respective positions.

Verse 57 (padma.1.5.57)

ये गुणास्तस्य देवस्य वक्तुं जिह्वापि वेधसः। न शक्ता ख्यापने तस्य देवस्य परमेष्ठिनः।

ye guṇāstasya devasya vaktuṁ jihvāpi vedhasaḥ na śaktā khyāpane tasya devasya parameṣṭhinaḥ

The virtues of that god — even the tongue of the Creator himself is not capable of fully proclaiming them, of that god, the Supreme Being.

Verse 58 (padma.1.5.58)

भस्मास्थि च कपालानि श्मशाने वसतिस्तथा। गोनसाद्याश्च ये सर्पाः सर्वे ते भूषणीकृताः।

bhasmāsthi ca kapālāni śmaśāne vasatistathā gonasādyāśca ye sarpāḥ sarve te bhūṣaṇīkṛtāḥ

Ashes, bones, and skulls, and likewise his dwelling in the cremation ground, the great serpents — all these he has made into ornaments.

Verse 59 (padma.1.5.59)

भूतप्रेतगणास्तस्य पिशाचा गुह्यकास्तथा। एष धाता विधाता च एष पालयिता दिशः।

bhūtapretagaṇāstasya piśācā guhyakāstathā eṣa dhātā vidhātā ca eṣa pālayitā diśaḥ

The hosts of Bhutas, Pretas, Pishachas, and Guhyakas are his own; he is the sustainer and the ordainer, and he is the protector of the directions.

Verse 60 (padma.1.5.60)

प्रसादेन च रुद्रस्य प्राप्तस्वर्गः पुरंदरः। यदि रुद्रेस्ति देवत्वं यदि सर्वगतः शिवः।

prasādena ca rudrasya prāptasvargaḥ puraṁdaraḥ yadi rudresti devatvaṁ yadi sarvagataḥ śivaḥ

By the grace of Rudra alone did Indra attain heaven. If Rudra possesses true divinity, if Shiva is truly all-pervading,

Verse 61 (padma.1.5.61)

सत्येन तेन ते यज्ञं विध्वंसयतु शंकरः। यद्यस्ति मे तपः किंचित्कश्चिद्धर्मोथवा कृतः।

satyena tena te yajñaṁ vidhvaṁsayatu śaṁkaraḥ yadyasti me tapaḥ kiṁcitkaściddharmothavā kṛtaḥ

then by that very truth let Shankara destroy your sacrifice! If I possess any austerity at all, or any righteousness that I have practiced,

Verse 62 (padma.1.5.62)

फलेन तस्य धर्मस्य यज्ञस्ते नाशमर्हति। प्रियाहं यदि देवस्य यदि मां तारयिष्यति।

phalena tasya dharmasya yajñaste nāśamarhati priyāhaṁ yadi devasya yadi māṁ tārayiṣyati

then by the fruit of that righteousness let your sacrifice deserve destruction. If I am dear to that god, if he will indeed deliver me,

Verse 63 (padma.1.5.63)

तेन सत्येन ते गर्वः समाप्तिमभिगच्छतु। इत्युक्त्वा योगमास्थाय स्वदेहस्थेन तेजसा।

tena satyena te garvaḥ samāptimabhigacchatu ityuktvā yogamāsthāya svadehasthena tejasā

then by that same truth let your pride come to its end! Having said this, resorting to Yoga, by the fire dwelling within her own body,

Verse 64 (padma.1.5.64)

निर्ददाह तदात्मानं सदेवासुरपन्नगैः। किंकिमेतदिति प्रोक्ते गंधर्वगणगुह्यकैः।

nirdadāha tadātmānaṁ sadevāsurapannagaiḥ kiṁkimetaditi prokte gaṁdharvagaṇaguhyakaiḥ

she burned up her own self, in the sight of gods, asuras, and serpents. As the hosts of Gandharvas and Guhyakas cried out, 'What, what is this?'—

Verse 65 (padma.1.5.65)

गंगाकूले तदा मुक्तो देहो वै क्रुद्धया तया। सौनकं नाम तत्तीर्थं गंगायाः पश्चिमे तटे।

gaṁgākūle tadā mukto deho vai kruddhayā tayā saunakaṁ nāma tattīrthaṁ gaṁgāyāḥ paścime taṭe

then, upon the bank of the Ganga, that enraged one's body was given up. That sacred site, called Saunaka, is on the western bank of the Ganga.

Verse 66 (padma.1.5.66)

श्रुत्वा रुद्रस्तु तद्वार्त्तां पत्न्यानाश सुदुःखितः। हंतुं यज्ञं धीरभवत्देवानामिह पश्यताम्।

śrutvā rudrastu tadvārttāṁ patnyānāśa suduḥkhitaḥ haṁtuṁ yajñaṁ dhīrabhavatdevānāmiha paśyatām

Hearing that news, Rudra, deeply grieved by the loss of his wife, resolved, before the very eyes of the gods, to destroy the sacrifice.

Verse 67 (padma.1.5.67)

गणकोटिः समादिष्टा ग्रहा वैनायकास्तथा। भूतप्रेतपिशाचाश्च दक्षयज्ञ विनाशने।

gaṇakoṭiḥ samādiṣṭā grahā vaināyakāstathā bhūtapretapiśācāśca dakṣayajña vināśane

A host of crores of Ganas was commanded, along with the planetary spirits and the Ganas of Vinayaka, and Bhutas, Pretas and Pishachas, for the destruction of Daksha's sacrifice.

Verse 68 (padma.1.5.68)

तैर्गत्वा विबुधास्सर्वे यज्ञे निर्जित्य नाशिताः। हते यज्ञे तदा दक्षो निरुत्साहो निरुद्यमः।

tairgatvā vibudhāssarve yajñe nirjitya nāśitāḥ hate yajñe tadā dakṣo nirutsāho nirudyamaḥ

Going there, they overcame and destroyed all the gods present at the sacrifice. With the sacrifice slain, Daksha then lost all courage and resolve,

Verse 69 (padma.1.5.69)

उपगम्याब्रवीत्त्रस्तो देवदेवं पिनाकिनम्। न ज्ञातोसि मया देव देवानां प्रभुरीश्वरः।

upagamyābravīttrasto devadevaṁ pinākinam na jñātosi mayā deva devānāṁ prabhurīśvaraḥ

and, approaching in terror, said to the God of gods, the wielder of the Pinaka bow: O god, I did not recognize you as the Lord and master of the gods.

Verse 70 (padma.1.5.70)

त्वमस्य जगतोधीशः सुरास्सर्वे त्वया जिताः। कृपां कुरु महेशान गणान्सर्वान्निवर्त्तय।

tvamasya jagatodhīśaḥ surāssarve tvayā jitāḥ kṛpāṁ kuru maheśāna gaṇānsarvānnivarttaya

You are the sovereign lord of this universe; all the gods have been overcome by you. Show mercy, O great Lord, and call back all your Ganas.

Verse 71 (padma.1.5.71)

गणैर्नानाविधैर्घोरैर्नानाभूषणभूषितैः। नानावदनदंतौष्ठैर्नाना प्रहरणोद्यतैः।

gaṇairnānāvidhairghorairnānābhūṣaṇabhūṣitaiḥ nānāvadanadaṁtauṣṭhairnānā praharaṇodyataiḥ

He was surrounded by Ganas of many terrible kinds, adorned with various ornaments, with various faces, teeth and lips, brandishing various weapons,

Verse 72 (padma.1.5.72)

नाना नागेंद्रसंदष्ट जटाभारोपशोभितैः। सुदृढोद्धत दर्पाढ्यैर्घोरैर्घोरनिघातिभिः।

nānā nāgeṁdrasaṁdaṣṭa jaṭābhāropaśobhitaiḥ sudṛḍhoddhata darpāḍhyairghorairghoranighātibhiḥ

adorned with matted locks entwined by great serpents, immensely strong, filled with fierce pride, terrible, dealers of terrible blows,

Verse 73 (padma.1.5.73)

कामरूपैरकांतैश्च सर्वकामसमन्वितैः। अनिवार्यबलैश्चोग्रैर्योगिभिर्योगगामिभिः।

kāmarūpairakāṁtaiśca sarvakāmasamanvitaiḥ anivāryabalaiścograiryogibhiryogagāmibhiḥ

able to change form at will, though unlovely, endowed with every power, of irresistible and fierce strength, yogis moving by the power of yoga,

Verse 74 (padma.1.5.74)

व्यालोलकेसरजटैर्दंष्ट्रोत्कटहसन्मुखैः। करींद्रकरटाटोप पाटवैः सिंहदेहिभिः।

vyālolakesarajaṭairdaṁṣṭrotkaṭahasanmukhaiḥ karīṁdrakaraṭāṭopa pāṭavaiḥ siṁhadehibhiḥ

their manes and matted hair tossing wildly, their faces laughing terribly with jutting fangs, some with the might of great elephants, others lion-bodied,

Verse 75 (padma.1.5.75)

केचित्परमदाघ्राण घूर्णद्दीपसमप्रभैः। विचित्रचित्रवसनैर्द्धीरधीरवारदिभिः।

kecitparamadāghrāṇa ghūrṇaddīpasamaprabhaiḥ vicitracitravasanairddhīradhīravāradibhiḥ

some radiant like whirling lamps intoxicated with rut, clad in strange and varied garments, some grave and some frenzied, roaring like the ocean,

Verse 76 (padma.1.5.76)

मृगव्याघ्रसिंहरुतैस्तरक्ष्वजिनधारिभिः। भुजंगहारवलयकृतयज्ञोपवीतकैः।

mṛgavyāghrasiṁharutaistarakṣvajinadhāribhiḥ bhujaṁgahāravalayakṛtayajñopavītakaiḥ

crying out with the cries of deer, tigers and lions, wearing hyena-skins, having serpents made into necklaces, bracelets, and sacred threads,

Verse 77 (padma.1.5.77)

शूलासिपट्टिशधरैः परशुप्रासहस्तकैः। वज्रक्रकचकोदंडकालदंडास्त्रपाणिभिः।

śūlāsipaṭṭiśadharaiḥ paraśuprāsahastakaiḥ vajrakrakacakodaṁḍakāladaṁḍāstrapāṇibhiḥ

bearing tridents, swords, and spears, with axes and lances in hand, holding thunderbolts, saws, bows, and the staff of Death as weapons —

Verse 78 (padma.1.5.78)

गणेश्वरैः सुदुर्द्धर्षैर्वृतः सूर्यो ग्रहैरिव। देवदेवमहादेव नष्टो यज्ञो दिवं गतः।

gaṇeśvaraiḥ sudurddharṣairvṛtaḥ sūryo grahairiva devadevamahādeva naṣṭo yajño divaṁ gataḥ

by such utterly unassailable lords of Ganas he was surrounded, as the sun is surrounded by the planets. O God of gods, Mahadeva, the sacrifice is destroyed, and has fled to heaven —

Verse 79 (padma.1.5.79)

मृगरूपधरो भूत्वा भयभीतस्तु शंकर। नमः शङ्खाभदेवाय सगणाय सनंदिने।

mṛgarūpadharo bhūtvā bhayabhītastu śaṁkara namaḥ śaṅkhābhadevāya sagaṇāya sanaṁdine

and, becoming terrified with fear, taking the form of a deer, O Shankara, he praised him: Salutation to the god who shines like a conch, together with his Ganas and with Nandin —

Verse 80 (padma.1.5.80)

वृषासनाय सोमाय क्रतुकालांतकाय च। नमो दिक्चर्मवस्त्राय नमस्ते तीव्रतेजसे।

vṛṣāsanāya somāya kratukālāṁtakāya ca namo dikcarmavastrāya namaste tīvratejase

to him whose seat is the bull, adorned with Soma, the destroyer at the time of sacrifice — salutation to him whose garment is the directions of space, salutation to you of fierce splendor,

Verse 81 (padma.1.5.81)

ब्रह्मणे ब्रह्मदेहाय ब्रह्मण्यायामिताय च। गिरीशाय सुरेशाय ईशानाय नमोनमः।

brahmaṇe brahmadehāya brahmaṇyāyāmitāya ca girīśāya sureśāya īśānāya namonamaḥ

to Brahman, whose body is Brahman, the friend of brahmins, the boundless one; to the lord of the mountain, the lord of the gods, Ishana — salutation, salutation!

Verse 82 (padma.1.5.82)

रुद्राय प्रतिवज्राय शिवाय क्रथनाय च। सुरासुराधिपतये यतीनां पतये नमः।

rudrāya prativajrāya śivāya krathanāya ca surāsurādhipataye yatīnāṁ pataye namaḥ

To Rudra, matcher of the thunderbolt, to Shiva, and to the slayer — salutation to the lord of gods and asuras, to the lord of ascetics.

Verse 83 (padma.1.5.83)

धूम्रोग्राय विरूपाय यज्वने घोररूपिणे। विरूपाक्षाशुभाक्षाय सहस्राक्षाय वै नमः।

dhūmrogrāya virūpāya yajvane ghorarūpiṇe virūpākṣāśubhākṣāya sahasrākṣāya vai namaḥ

To the smoky and fierce one, to the misshapen one, to the sacrificer of terrible form; to the one of strange eyes, of inauspicious eyes, and truly of a thousand eyes — salutation.

Verse 84 (padma.1.5.84)

मुंडाय चंडमुण्डाय वरखट्वाङ्गधारिणे। कव्यरूपाय हव्याय सर्वसंहारिणे नमः।

muṁḍāya caṁḍamuṇḍāya varakhaṭvāṅgadhāriṇe kavyarūpāya havyāya sarvasaṁhāriṇe namaḥ

To the shaven one, to the fierce Chandamunda, to him who bears the excellent skull-staff; to him who takes the form of the offerings to ancestors and to gods, to the destroyer of all — salutation.

Verse 85 (padma.1.5.85)

भक्तानुकंपिनेत्यर्थं रुद्रजाप्यस्तुताय च। विरूपाय सुरूपाय रूपाणां शतकारिणे।

bhaktānukaṁpinetyarthaṁ rudrajāpyastutāya ca virūpāya surūpāya rūpāṇāṁ śatakāriṇe

To him who is compassionate to his devotees, praised through the muttered recitation of Rudra's names; to the one both formless and of beautiful form, the maker of a hundred forms,

Verse 86 (padma.1.5.86)

पंचास्याय शुभास्याय चंद्रास्याय नमो नमः। वरदाय वरार्हाय कूर्माय च मृगाय च।

paṁcāsyāya śubhāsyāya caṁdrāsyāya namo namaḥ varadāya varārhāya kūrmāya ca mṛgāya ca

to the five-faced one, of auspicious countenance, of moon-like countenance — salutation, salutation! To the bestower of boons, worthy of boons, to him as tortoise and as deer,

Verse 87 (padma.1.5.87)

लीलालकशिखंडाय कमंडलुधराय च। विश्वनाम्नेथ विश्वाय विश्वेशाय नमोनमः।

līlālakaśikhaṁḍāya kamaṁḍaludharāya ca viśvanāmnetha viśvāya viśveśāya namonamaḥ

to him with playful locks and crest, and to him who bears the water-vessel; to him whose name is the universe, to the universe itself, to the lord of the universe — salutation, salutation!

Verse 88 (padma.1.5.88)

त्रिनेत्रत्राणमस्माकं त्रिपुरघ्नविधीयतां। वाङ्मनः कायभावैस्तु प्रपन्नस्य महेश्वर।

trinetratrāṇamasmākaṁ tripuraghnavidhīyatāṁ vāṅmanaḥ kāyabhāvaistu prapannasya maheśvara

O three-eyed one, let our protection be brought about, O destroyer of Tripura, for one who has taken refuge in you with speech, mind and body, O great Lord.

Verse 89 (padma.1.5.89)

एवं स्तुतस्तदा देवो दक्षेणापन्नदेहिना। दिव्येनानेन स्तोत्रेण भृशमाराधितस्तदा।

evaṁ stutastadā devo dakṣeṇāpannadehinā divyenānena stotreṇa bhṛśamārādhitastadā

Thus praised by Daksha, whose body had been afflicted, the god, greatly propitiated by this divine hymn, then—

Verse 90 (padma.1.5.90)

समग्रं ते यज्ञफलं मया दत्तं प्रजापते। सर्वकामप्रसिर्द्ध्य्थंफलंप्राप्स्यस्यनुत्तमम्।

samagraṁ te yajñaphalaṁ mayā dattaṁ prajāpate sarvakāmaprasirddhythaṁphalaṁprāpsyasyanuttamam

said: The entire fruit of your sacrifice has been restored by me, O lord of creatures; for the fulfillment of all your desires you shall obtain unsurpassed reward.

Verse 91 (padma.1.5.91)

एवमुक्तो भगवता प्रणम्याथ सुरेश्वरम्। जगाम स्वनिकेतं तु गणानामेव पश्यताम्।

evamukto bhagavatā praṇamyātha sureśvaram jagāma svaniketaṁ tu gaṇānāmeva paśyatām

Thus addressed by the illustrious one, and having bowed to the Lord of the gods, Daksha then went to his own abode, while all the Ganas looked on.

Verse 92 (padma.1.5.92)

पत्न्याः शोकेन वै देवो गंगाद्वारे तदास्थितः। तां सतीं चिंतयानस्तु क्व नु सामेप्रियागता।

patnyāḥ śokena vai devo gaṁgādvāre tadāsthitaḥ tāṁ satīṁ ciṁtayānastu kva nu sāmepriyāgatā

The god, grieving for his wife, remained then at Gangadvara, thinking of that Sati: Where indeed has my beloved gone?

Verse 93 (padma.1.5.93)

तस्य शोकाभिभूतस्य नारदो भवसंन्निधौ। सा ते सती या देवेश भार्या प्राणसमामृता।

tasya śokābhibhūtasya nārado bhavasaṁnnidhau sā te satī yā deveśa bhāryā prāṇasamāmṛtā

To him, overcome with grief, Narada came into Bhava's presence and said: O Lord of gods, that Sati who was your wife, dear to you as your own life,

Verse 94 (padma.1.5.94)

हिमवद्दुहिता सा च मेनागर्भसमुद्भवा। जग्राह देहमन्यं सा वेदवेदार्थवेदिनी।

himavadduhitā sā ca menāgarbhasamudbhavā jagrāha dehamanyaṁ sā vedavedārthavedinī

she has become the daughter of Himavat, born from Mena's womb; she, the knower of the Vedas and their meaning, has taken up another body.

Verse 95 (padma.1.5.95)

श्रुत्वा देवस्तदा ध्यानमवतीर्णामपश्यत। कृतकृत्यमथात्मानं कृत्वा देवस्तदास्थितः।

śrutvā devastadā dhyānamavatīrṇāmapaśyata kṛtakṛtyamathātmānaṁ kṛtvā devastadāsthitaḥ

Hearing this, the god then entered meditation and beheld her, thus descended; and having made himself fulfilled in his purpose, the god remained there.

Verse 96 (padma.1.5.96)

संप्राप्तयौवना देवी पुनरेव विवाहिता। एवं हि कथितं भीष्म यथा यज्ञो हतः पुरा।

saṁprāptayauvanā devī punareva vivāhitā evaṁ hi kathitaṁ bhīṣma yathā yajño hataḥ purā

When the goddess had attained youth, she was married again. Thus indeed, O Bhishma, has it been told how the sacrifice was destroyed of old.