The Progeny of Daksha and Kashyapa

Verse 1 (padma.1.6.1)

भीष्म उवाच। देवानां दानवानां च गंधर्वोरगरक्षसाम्। उत्पत्तिं विस्तरेणेमां गुरो ब्रूहि यथाविधि।

bhīṣma uvāca devānāṁ dānavānāṁ ca gaṁdharvoragarakṣasām utpattiṁ vistareṇemāṁ guro brūhi yathāvidhi

Bhishma said: O teacher, tell me in detail and in due order this origin of the gods, the Danavas, the Gandharvas, the serpents, and the Rakshasas.

Verse 2 (padma.1.6.2)

पुलस्त्य उवाच। संकल्पाद्दर्शनात्स्पर्शात्पूर्वेषां सृष्टिरुच्यते। दक्षात्प्राचेतसादूर्ध्वं सृष्टिर्मैथुनसंभवा।

pulastya uvāca saṁkalpāddarśanātsparśātpūrveṣāṁ sṛṣṭirucyate dakṣātprācetasādūrdhvaṁ sṛṣṭirmaithunasaṁbhavā

Pulastya said: The creation of the earlier beings is said to have come about by mere will, by sight, and by touch; from Daksha, son of Prachetas, onward, creation arose through sexual union.

Verse 3 (padma.1.6.3)

यथा ससर्ज चैवासौ तथैव शृणु कौरव। यदा तु सृजतस्तस्य देवर्षिगणपन्नगान्।

yathā sasarja caivāsau tathaiva śṛṇu kaurava yadā tu sṛjatastasya devarṣigaṇapannagān

As he then created, so listen, O Kaurava. When he was creating the gods, sages, hosts and serpents,

Verse 4 (padma.1.6.4)

न वृद्धिमगमल्लोकस्तदा मैथुनयोगतः। दक्षः पुत्रसहस्राणि तदासिक्न्यामजीजनत्।

na vṛddhimagamallokastadā maithunayogataḥ dakṣaḥ putrasahasrāṇi tadāsiknyāmajījanat

the world did not increase in number then, through mere union. Then Daksha begot a thousand sons upon Asikni.

Verse 5 (padma.1.6.5)

तांस्तु दृष्ट्वा महाभागान्सिसृक्षून्विविधाः प्रजाः। नारदः प्राह हर्यश्वान्दक्षपुत्रान्समागतान्।

tāṁstu dṛṣṭvā mahābhāgānsisṛkṣūnvividhāḥ prajāḥ nāradaḥ prāha haryaśvāndakṣaputrānsamāgatān

Seeing those most fortunate ones, eager to create manifold offspring, Narada spoke to the Haryashvas, Daksha's sons, when they had assembled:

Verse 6 (padma.1.6.6)

भुवः प्रमाणं सर्वं तु ज्ञात्वोर्द्धमध एव वा। ततः सृष्टिं विशेषेण कुरुध्वमृषिसत्तमाः।

bhuvaḥ pramāṇaṁ sarvaṁ tu jñātvorddhamadha eva vā tataḥ sṛṣṭiṁ viśeṣeṇa kurudhvamṛṣisattamāḥ

'Having first ascertained the full extent of the earth, both above and below, then, O best of sages, undertake creation properly.'

Verse 7 (padma.1.6.7)

ते तु तद्वचनं श्रुत्वा प्रयाताः सर्वतोदिशम्। अद्यापि न निवर्त्तंते समुद्रादिव सिंधवः।

te tu tadvacanaṁ śrutvā prayātāḥ sarvatodiśam adyāpi na nivarttaṁte samudrādiva siṁdhavaḥ

Hearing these words, they departed in all directions; and to this day they have not returned, as rivers do not return from the ocean.

Verse 8 (padma.1.6.8)

हर्यश्वेषु प्रणष्टेषु पुनर्दक्षः प्रजापतिः। वीरिण्यामेव पुत्राणां सहस्रमसृजत्प्रभुः।

haryaśveṣu praṇaṣṭeṣu punardakṣaḥ prajāpatiḥ vīriṇyāmeva putrāṇāṁ sahasramasṛjatprabhuḥ

When the Haryashvas had thus vanished, Daksha, lord of creatures, again begot a thousand sons upon Virini.

Verse 9 (padma.1.6.9)

शबलाश्वा नाम ते च समेताः सृष्टिकर्मणि। नारदोनुगतान्प्राह पुनस्तान्पूर्ववन्मुनिः।

śabalāśvā nāma te ca sametāḥ sṛṣṭikarmaṇi nāradonugatānprāha punastānpūrvavanmuniḥ

They, called the Shabalashvas, likewise gathered for the work of creation; and Narada, following after them, spoke to them again as before:

Verse 10 (padma.1.6.10)

भुवः प्रमाणं सर्वं तु ज्ञात्वा भ्रातॄनथो पुनः। आगत्य च पुनः सृष्टिं करिष्यथ विशेषतः।

bhuvaḥ pramāṇaṁ sarvaṁ tu jñātvā bhrātṝnatho punaḥ āgatya ca punaḥ sṛṣṭiṁ kariṣyatha viśeṣataḥ

'Having ascertained the whole extent of the earth, and having seen your brothers again, come back and then you shall undertake creation properly.'

Verse 11 (padma.1.6.11)

तेपि तेनैव मार्गेण जग्मुर्भ्रात्रनुगास्तदा। ततः प्रभृति न भ्रातुः कनीयान्मार्गमिच्छति।

tepi tenaiva mārgeṇa jagmurbhrātranugāstadā tataḥ prabhṛti na bhrātuḥ kanīyānmārgamicchati

They too went by that very path, following their elder brothers; from that time on, a younger brother does not wish to follow the same path as his elder,

Verse 12 (padma.1.6.12)

अन्वेष्टा दुःखमाप्नोति तेन तत्परिवर्जयेत्। ततस्तेष्वपि नष्टेषु(यु) षष्टिं कन्याः प्रजापतिः।

anveṣṭā duḥkhamāpnoti tena tatparivarjayet tatasteṣvapi naṣṭeṣu(yu) ṣaṣṭiṁ kanyāḥ prajāpatiḥ

for the seeker who does so meets with sorrow, and therefore should avoid it. Then, when even they had likewise vanished, Prajapati begot sixty daughters,

Verse 13 (padma.1.6.13)

वीरिण्यां जनयामास दक्षः प्राचेतसस्तदा। प्रादात्स दश धर्माय कश्यपाय त्रयोदश।

vīriṇyāṁ janayāmāsa dakṣaḥ prācetasastadā prādātsa daśa dharmāya kaśyapāya trayodaśa

begotten upon Virini by Daksha, son of Prachetas. Of these he gave ten to Dharma, and thirteen to Kashyapa,

Verse 14 (padma.1.6.14)

विंशतिसप्त सोमाय चतस्रोरिष्टनेमिने। द्वे चैव भृगुपुत्राय द्वे कृशाश्वाय धीमते।

viṁśatisapta somāya catasroriṣṭanemine dve caiva bhṛguputrāya dve kṛśāśvāya dhīmate

twenty-seven to Soma, four to Arishtanemi, two to Bhrigu's son, and two to the wise Krishashva,

Verse 15 (padma.1.6.15)

द्वे चैवांगिरसे प्रादात्तासां नामानि विस्तरात्। शृणु त्वं देवमातॄणां प्रजाविस्तारमादितः।

dve caivāṁgirase prādāttāsāṁ nāmāni vistarāt śṛṇu tvaṁ devamātṝṇāṁ prajāvistāramāditaḥ

and two likewise to Angiras. Hear their names in detail; hear first the extent of the progeny of the mothers of the gods.

Verse 16 (padma.1.6.16)

अरुंधती वसुर्जामिर्लम्बा भानुर्मरुत्वती। संकल्पा च मुहूर्ता च साध्या विश्वा च भामिनी।

aruṁdhatī vasurjāmirlambā bhānurmarutvatī saṁkalpā ca muhūrtā ca sādhyā viśvā ca bhāminī

Arundhati, Vasu, Jami, Lamba, Bhanu, Marutvati, Sankalpa, Muhurta, Sadhya, and the radiant Vishva —

Verse 17 (padma.1.6.17)

धर्मपत्न्यः समाख्यातास्तासां पुत्रान्निबोध मे। विश्वेदेवास्तु विश्वायाः साध्या साध्यानजीजनत्।

dharmapatnyaḥ samākhyātāstāsāṁ putrānnibodha me viśvedevāstu viśvāyāḥ sādhyā sādhyānajījanat

these are declared the wives of Dharma; learn from me their sons. From Vishva were born the Vishvedevas; Sadhya gave birth to the Sadhyas.

Verse 18 (padma.1.6.18)

मरुत्वत्यां मरुत्वंतो वसोस्तु वसवस्तथा। भानोस्तु भानवो जाता मूहूर्त्ताया मुहूर्तजाः।

marutvatyāṁ marutvaṁto vasostu vasavastathā bhānostu bhānavo jātā mūhūrttāyā muhūrtajāḥ

From Marutvati were born the Marutvants; from Vasu, likewise, the Vasus; from Bhanu were born the Bhanus; from Muhurta, the sons of the Muhurta.

Verse 19 (padma.1.6.19)

लंबायां घोषनामानो नागवीथी तु जामिजा। पृथिवीतलसंभूतमरुंधत्यामजायत।

laṁbāyāṁ ghoṣanāmāno nāgavīthī tu jāmijā pṛthivītalasaṁbhūtamaruṁdhatyāmajāyata

From Lamba were born those called Ghosha; from Jami, the Naga-vithi; from Arundhati was born that which pervaded the surface of the earth.

Verse 20 (padma.1.6.20)

संकल्पायास्तु संकल्पा वसु सृष्टिं निधारय। ज्योतिष्मतंश्च ये देवा व्यापकाः सर्वतोदिशम्।

saṁkalpāyāstu saṁkalpā vasu sṛṣṭiṁ nidhāraya jyotiṣmataṁśca ye devā vyāpakāḥ sarvatodiśam

From Sankalpa were born the Sankalpas — thus understand the Vasu creation. Those luminous gods, pervading in every direction,

Verse 21 (padma.1.6.21)

वसवस्ते समाख्यातास्तेषां नामानि मे शृणु। आपो ध्रुवश्च सोमश्च धरश्चैवानिलोनलः।

vasavaste samākhyātāsteṣāṁ nāmāni me śṛṇu āpo dhruvaśca somaśca dharaścaivānilonalaḥ

they are declared to be the Vasus; hear their names from me: Apa, Dhruva, Soma, Dhara, Anila, and Anala,

Verse 22 (padma.1.6.22)

प्रत्यूषश्च प्रभासश्च वसवोष्टौ प्रकीर्तिताः। आपस्य पुत्राश्चत्वारः श्रांतो वैतण्ड एव च।

pratyūṣaśca prabhāsaśca vasavoṣṭau prakīrtitāḥ āpasya putrāścatvāraḥ śrāṁto vaitaṇḍa eva ca

Pratyusha, and Prabhasa — these eight are proclaimed as the Vasus. Apa's four sons were Shranta, and Vaitanda,

Verse 23 (padma.1.6.23)

अपि शांतो मुनिर्वभ्रुर्यज्ञरक्षाधिकारिणः। ध्रुवस्य कालः पुत्रस्तु वर्चाः सोमादजायत।

api śāṁto munirvabhruryajñarakṣādhikāriṇaḥ dhruvasya kālaḥ putrastu varcāḥ somādajāyata

Shanta-Muni, and Vabhru — all appointed as protectors of sacrifice. Dhruva's son was Kala; from Soma was born Varchas,

Verse 24 (padma.1.6.24)

द्रविणो हव्यवाहश्च धर पुत्राविमौ स्मृतौ। कल्पांतस्थस्ततः प्राणो रमणः शिशिरोपि च।

draviṇo havyavāhaśca dhara putrāvimau smṛtau kalpāṁtasthastataḥ prāṇo ramaṇaḥ śiśiropi ca

Dravina and Havyavaha are remembered as the two sons of Dhara; then Kalpantastha, and Prana, Ramana, and likewise Shishira,

Verse 25 (padma.1.6.25)

मनोहरो धवश्चाथ शिवो वाथ हरेः सुताः। शिवो मनोजवं पुत्रमविज्ञातगतिप्रदम्।

manoharo dhavaścātha śivo vātha hareḥ sutāḥ śivo manojavaṁ putramavijñātagatipradam

Manohara and Dhava, and likewise Shiva — these were the sons of Anila. Shiva begot a son Manojava, of unknown/inconceivable course,

Verse 26 (padma.1.6.26)

अवाप चानलः पुत्रानग्निप्रायगुणांस्ततः। तत्र शाखो विशाखश्च निगमेषु स्वयंभुवः।

avāpa cānalaḥ putrānagniprāyaguṇāṁstataḥ tatra śākho viśākhaśca nigameṣu svayaṁbhuvaḥ

and Anala too obtained sons of fire-like qualities; among them, Shakha and Vishakha, self-born within the sacred texts,

Verse 27 (padma.1.6.27)

अपत्यं कृत्तिकानां च कार्तिकेयस्ततः स्मृतः। प्रत्यूषस्य ऋभुः पुत्रो मुनिर्नामाथ देवलः।

apatyaṁ kṛttikānāṁ ca kārtikeyastataḥ smṛtaḥ pratyūṣasya ṛbhuḥ putro munirnāmātha devalaḥ

and the offspring of the Krittikas, Kartikeya, is remembered as born there. Pratyusha's son was Ribhu, and the sage named Devala,

Verse 28 (padma.1.6.28)

विश्वकर्मा प्रभासस्य पुत्रः शिल्पी प्रजापतिः। प्रासादभवनोद्यान प्रतिमा भूषणादिषु।

viśvakarmā prabhāsasya putraḥ śilpī prajāpatiḥ prāsādabhavanodyāna pratimā bhūṣaṇādiṣu

Vishvakarma was Prabhasa's son, the craftsman, lord of creation, skilled in palaces, mansions, gardens, images, ornaments and the rest,

Verse 29 (padma.1.6.29)

तटाकारामकूपेषु त्रिदशानां च वर्द्धकिः। अजैकपादहिर्बुध्न्यो विरूपाक्षोथ रैवतः।

taṭākārāmakūpeṣu tridaśānāṁ ca varddhakiḥ ajaikapādahirbudhnyo virūpākṣotha raivataḥ

in ponds, groves and wells, the very builder of the thirty gods. Ajaikapad, Ahirbudhnya, Virupaksha, and Raivata,

Verse 30 (padma.1.6.30)

हरश्च बहुरूपश्च त्र्यंबकश्च सुरेश्वरः। सावित्त्रश्च जयंतश्च पिनाकी चापराजितः।

haraśca bahurūpaśca tryaṁbakaśca sureśvaraḥ sāvittraśca jayaṁtaśca pinākī cāparājitaḥ

Hara, Bahurupa, Tryambaka, Sureshvara, Savitra, Jayanta, Pinakin, and Aparajita —

Verse 31 (padma.1.6.31)

एते रुद्रास्समाख्याता एकादश गणेश्वराः। एतेषां मानसानां तु त्रिशूलवरधारिणाम्।

ete rudrāssamākhyātā ekādaśa gaṇeśvarāḥ eteṣāṁ mānasānāṁ tu triśūlavaradhāriṇām

these eleven, lords of the Ganas, are declared to be the Rudras. Of these mind-born ones, bearers of the trident,

Verse 32 (padma.1.6.32)

कोट्यश्चतुरशीतिस्तु तत्पुत्राश्चाक्षया मताः। दिक्षु सर्वासु ये रक्षां प्रकुर्वन्ति गणेश्वराः।

koṭyaścaturaśītistu tatputrāścākṣayā matāḥ dikṣu sarvāsu ye rakṣāṁ prakurvanti gaṇeśvarāḥ

their sons are held to be eighty-four crores in number, imperishable — the lords of the Ganas who protect in all directions.

Verse 33 (padma.1.6.33)

एते वै पुत्रपौत्राश्च सुरभीगर्भसंभवाः। कश्यपस्य प्रवक्ष्यामि पुत्रपौत्रादि पत्निषु।

ete vai putrapautrāśca surabhīgarbhasaṁbhavāḥ kaśyapasya pravakṣyāmi putrapautrādi patniṣu

These indeed were sons and grandsons born from the womb of Surabhi. Now I shall relate the sons and grandsons of Kashyapa through his wives:

Verse 34 (padma.1.6.34)

अदितिर्दितिर्दनुश्चैव अरिष्टा सुरसा तथा। सुरभिर्विनता चैव ताम्रा क्रोधवशा इरा।

aditirditirdanuścaiva ariṣṭā surasā tathā surabhirvinatā caiva tāmrā krodhavaśā irā

Aditi, Diti, and Danu, Arishta, likewise Surasa, Surabhi, Vinata, Tamra, Krodhavasha, and Ira,

Verse 35 (padma.1.6.35)

कद्रू खसा मुनिस्तद्वत्तासु पुत्रान्निबोध मे। तुषिता नाम ये देवाश्चाक्षुषस्यांतरे मनोः।

kadrū khasā munistadvattāsu putrānnibodha me tuṣitā nāma ye devāścākṣuṣasyāṁtare manoḥ

Kadru, Khasa, and likewise Muni — learn from me their sons. Those gods called Tushitas, in the Manvantara of Chakshusha,

Verse 36 (padma.1.6.36)

वैवस्वतेंतरे चैव आदित्या द्वादश स्मृताः। इन्द्रो धाता भगस्त्वष्टा मित्त्रोऽथ वरुणोऽर्यमा।

vaivasvateṁtare caiva ādityā dvādaśa smṛtāḥ indro dhātā bhagastvaṣṭā mittro'tha varuṇo'ryamā

and, in Vaivasvata's Manvantara, are remembered as the twelve Adityas: Indra, Dhatri, Bhaga, Tvashtri, Mitra, Varuna, Aryaman,

Verse 37 (padma.1.6.37)

विवस्वान्सविता पूषा अंशुमान्विष्णुरेव च। एते सहस्रकिरणा आदित्या दाद्वश स्मृताः।

vivasvānsavitā pūṣā aṁśumānviṣṇureva ca ete sahasrakiraṇā ādityā dādvaśa smṛtāḥ

Vivasvan, Savitri, Pushan, Amshuman, and Vishnu likewise — these, of a thousand rays, are remembered as the twelve Adityas.

Verse 38 (padma.1.6.38)

मारीचात्कश्यपाज्जाताः पुत्त्रास्तेऽदितिनंदनाः। कृशाश्वस्य ऋषेः पुत्रा देवप्रहरणाः स्मृताः।

mārīcātkaśyapājjātāḥ puttrāste'ditinaṁdanāḥ kṛśāśvasya ṛṣeḥ putrā devapraharaṇāḥ smṛtāḥ

These sons, born of Kashyapa, descendant of Marichi, are the delight of Aditi. The sons of the sage Krishashva are remembered as the divine weapons personified.

Verse 39 (padma.1.6.39)

एते देवगणास्तात प्रतिमन्वंतरेषु च। उत्पद्यंते विलीयंते कल्पेकल्पे तथैव च।

ete devagaṇāstāta pratimanvaṁtareṣu ca utpadyaṁte vilīyaṁte kalpekalpe tathaiva ca

These hosts of gods, my son, arise and dissolve in every Manvantara, and likewise in every Kalpa.

Verse 40 (padma.1.6.40)

दितिः पुत्रद्वयं लेभे कश्यपादिति नः श्रुतम्। हिरण्यकशिपुं चैव हिरण्याक्षं तथैव च।

ditiḥ putradvayaṁ lebhe kaśyapāditi naḥ śrutam hiraṇyakaśipuṁ caiva hiraṇyākṣaṁ tathaiva ca

Diti obtained two sons from Kashyapa — thus have we heard: Hiranyakashipu, and likewise Hiranyaksha.

Verse 41 (padma.1.6.41)

हिरण्यकशिपोस्तद्वज्जातं पुत्रचतुष्टयम्। प्रह्लादश्चानुह्लादश्च संह्लादोह्लाद एव च।

hiraṇyakaśipostadvajjātaṁ putracatuṣṭayam prahlādaścānuhlādaśca saṁhlādohlāda eva ca

To Hiranyakashipu likewise were born four sons: Prahlada, Anuhlada, Sanhlada, and Hlada.

Verse 42 (padma.1.6.42)

प्रह्लादपुत्रा आयुष्मान्शिबिर्बाष्कलिरेव च। विरोचनश्चतुर्थस्तु स बलिं पुत्रमाप्तवान्।

prahlādaputrā āyuṣmānśibirbāṣkalireva ca virocanaścaturthastu sa baliṁ putramāptavān

Prahlada's sons were Ayushman, Shibi, and likewise Bashkali; Virochana was the fourth, and he obtained a son, Bali.

Verse 43 (padma.1.6.43)

बलेः पुत्रशतं त्वासीद्बाणज्येष्ठं ततो नृप। धृतराष्ट्रस्तथासूर्य्यो विवस्वानंशुतापनः।

baleḥ putraśataṁ tvāsīdbāṇajyeṣṭhaṁ tato nṛpa dhṛtarāṣṭrastathāsūryyo vivasvānaṁśutāpanaḥ

Bali had a hundred sons, of whom Bana was the eldest, O king; and among them were Dhritarashtra, Surya, Vivasvan, and Anshutapana,

Verse 44 (padma.1.6.44)

निकुम्भनामा गुर्वक्षः कुक्षिर्भौमोथ भीषणः। एवमन्ये तु बहवो बाणोज्येष्ठो गुणाधिकः।

nikumbhanāmā gurvakṣaḥ kukṣirbhaumotha bhīṣaṇaḥ evamanye tu bahavo bāṇojyeṣṭho guṇādhikaḥ

one named Nikumbha, Gurvaksha, Kukshi, Bhauma, and Bhishana; and many others likewise; Bana, the eldest, was foremost in virtues.

Verse 45 (padma.1.6.45)

बाणस्सहस्रबाहुस्तु सर्वास्त्रगुणसंयुतः। तपसा तोषितो यस्य पुरे वसति शूलधृत्।

bāṇassahasrabāhustu sarvāstraguṇasaṁyutaḥ tapasā toṣito yasya pure vasati śūladhṛt

Bana, of a thousand arms, endowed with the virtues of every weapon — pleased by whose austerity, the trident-bearer himself dwells in his city,

Verse 46 (padma.1.6.46)

महाकालत्वमगमत्सार्थ्यं यस्य पिनाकिनः। हिरण्याक्षस्य पुत्रोभूदंधको नामनामतः।

mahākālatvamagamatsārthyaṁ yasya pinākinaḥ hiraṇyākṣasya putrobhūdaṁdhako nāmanāmataḥ

and attained the status of Mahakala, becoming the very companion of the wielder of the Pinaka. Hiranyaksha's son was one named Andhaka,

Verse 47 (padma.1.6.47)

भूतसंतापनश्चैव महानागस्तथैव च। एतेभ्यः पुत्रपौत्राणां कोटयः सप्तसप्ततिः।

bhūtasaṁtāpanaścaiva mahānāgastathaiva ca etebhyaḥ putrapautrāṇāṁ koṭayaḥ saptasaptatiḥ

and likewise Bhutasantapana, and Mahanaga likewise. From these, the sons and grandsons numbered seventy-seven crores,

Verse 48 (padma.1.6.48)

महाबला महाकाया नानारूपा महौजसः। दनुः पुत्रशतं लेभे कश्यपाद्वरदर्पितम्।

mahābalā mahākāyā nānārūpā mahaujasaḥ danuḥ putraśataṁ lebhe kaśyapādvaradarpitam

of great strength, of great stature, of manifold forms, of great vigor. Danu obtained a hundred sons from Kashyapa, made arrogant by boons,

Verse 49 (padma.1.6.49)

विप्रचित्तिः प्रधानोभूदेषां मध्ये महाबलः। द्विरष्टमूर्द्धा शकुनिस्तथा शंकुशिरोधरः।

vipracittiḥ pradhānobhūdeṣāṁ madhye mahābalaḥ dviraṣṭamūrddhā śakunistathā śaṁkuśirodharaḥ

among whom the mighty Viprachitti was foremost; Dvirashtamurdha, Shakuni, and likewise Shankushirodhara,

Verse 50 (padma.1.6.50)

अयोमुखः शंबरश्च कपिलो वामनस्तथा। मरीचिर्मागधश्चैव हरिर्गजशिरास्तथा।

ayomukhaḥ śaṁbaraśca kapilo vāmanastathā marīcirmāgadhaścaiva harirgajaśirāstathā

Ayomukha, Shambara, Kapila, and likewise Vamana, Marichi, and Magadha, Hari, and Gajashiras,

Verse 51 (padma.1.6.51)

निद्राधरश्च केतुश्च केतुवीर्यः शतक्रतुः। इन्द्रमित्रग्रहश्चैव वज्रनाभस्तथैव च।

nidrādharaśca ketuśca ketuvīryaḥ śatakratuḥ indramitragrahaścaiva vajranābhastathaiva ca

Nidradhara, Ketu, Ketuvirya, Shatakratu, and Indramitragraha, and Vajranabha likewise,

Verse 52 (padma.1.6.52)

एकवस्त्रो महाबाहुर्वज्राक्षस्तारकस्तथा। असिलोमा पुलोमा च विकुर्वाणो महासुरः।

ekavastro mahābāhurvajrākṣastārakastathā asilomā pulomā ca vikurvāṇo mahāsuraḥ

Ekavastra, Mahabahu, Vajraksha, and Taraka, Asiloma, and Puloma, and the great Asura Vikurvana,

Verse 53 (padma.1.6.53)

स्वर्भानुर्वृषपर्वा च एवमाद्या दनोस्सुताः। स्वर्भानोः सुप्रभा कन्या शची चैव पुलोमजा।

svarbhānurvṛṣaparvā ca evamādyā danossutāḥ svarbhānoḥ suprabhā kanyā śacī caiva pulomajā

Svarbhanu, and Vrishaparvan — these and others were the sons of Danu. Svarbhanu's daughter was Suprabha; and Shachi was born of Puloma.

Verse 54 (padma.1.6.54)

उपदानवी मयस्यासीत्तथा मंदोदरी कुहूः। शर्मिष्ठा सुंदरी चैव चंडा च वृषपर्वणः।

upadānavī mayasyāsīttathā maṁdodarī kuhūḥ śarmiṣṭhā suṁdarī caiva caṁḍā ca vṛṣaparvaṇaḥ

Upadanavi was Maya's daughter, and likewise Mandodari, and Kuhu; Sharmishtha, and Sundari, and Chanda were Vrishaparvan's daughters.

Verse 55 (padma.1.6.55)

पुलोमा कालका चैव वैश्वनरसुते उभे। बह्वपत्यो महासत्वो मारीचस्य परिग्रहः।

pulomā kālakā caiva vaiśvanarasute ubhe bahvapatyo mahāsatvo mārīcasya parigrahaḥ

Puloma and Kalaka were the two daughters of Vaishvanara; of great vigor and many offspring, they became the wives of Marichi.

Verse 56 (padma.1.6.56)

तयोः षष्टिसहस्राणि दानवानां पुराभवन्। पौलोमान्कालखंजांश्च मारीचोजनयत्पुरा।

tayoḥ ṣaṣṭisahasrāṇi dānavānāṁ purābhavan paulomānkālakhaṁjāṁśca mārīcojanayatpurā

Sixty thousand Danavas were born of these two of old; from them Marichi begot of old the Paulomas and the Kalakhanjas,

Verse 57 (padma.1.6.57)

अवध्या ये नराणां वै हिरण्यपुरवासिनः। चतुर्मुखाल्लब्धवरा ये हता विजयेन तु।

avadhyā ye narāṇāṁ vai hiraṇyapuravāsinaḥ caturmukhāllabdhavarā ye hatā vijayena tu

who were invulnerable to men, dwelling in Hiranyapura, who had obtained boons from the four-faced Brahma, and who were slain by Arjuna.

Verse 58 (padma.1.6.58)

विप्रचित्तिः सिंहिकायां नव पुत्रानजीजनत्। हिरण्यकशिपोर्येवै भागिनेयास्त्रयोदश।

vipracittiḥ siṁhikāyāṁ nava putrānajījanat hiraṇyakaśiporyevai bhāgineyāstrayodaśa

Viprachitti begot nine sons upon Sinhika, who were the nephews of Hiranyakashipu — thirteen in all:

Verse 59 (padma.1.6.59)

कंसः शंखश्च राजेन्द्र नलो वातापिरेव च। इल्वलो नमुचिश्चैव खसृमश्चांजनस्तथा।

kaṁsaḥ śaṁkhaśca rājendra nalo vātāpireva ca ilvalo namuciścaiva khasṛmaścāṁjanastathā

Kansa, and Shankha, O lord of kings, Nala, and likewise Vatapi, Ilvala, and Namuchi, and likewise Khasrima, and Anjana,

Verse 60 (padma.1.6.60)

नरकः कालनाभश्च परमाणुस्तथैव च। कल्पवीर्यश्च विख्यातो दनुवंशविवर्द्धनः।

narakaḥ kālanābhaśca paramāṇustathaiva ca kalpavīryaśca vikhyāto danuvaṁśavivarddhanaḥ

Naraka, and Kalanabha, and likewise Paramanu, and the renowned Kalpavirya, an increaser of Danu's lineage.

Verse 61 (padma.1.6.61)

संह्लादस्य तु दैत्यस्य निवातकवचाः कुले। अवध्याः सर्वदेवानां गंधर्वोरगराक्षसाम्।

saṁhlādasya tu daityasya nivātakavacāḥ kule avadhyāḥ sarvadevānāṁ gaṁdharvoragarākṣasām

In the family of the Daitya Sanhlada were the Nivatakavachas, unslayable by all gods, Gandharvas, serpents, and Rakshasas,

Verse 62 (padma.1.6.62)

ये हता बलमाश्रित्य अर्जुनेन रणाजिरे। षट्कन्या जनयामास ताम्रा मारीचवीर्यतः।

ye hatā balamāśritya arjunena raṇājire ṣaṭkanyā janayāmāsa tāmrā mārīcavīryataḥ

who were slain, relying on their might, by Arjuna on the field of battle. Tamra bore six daughters by the potency of Marichi:

Verse 63 (padma.1.6.63)

शुकीं श्येनीं च भासीं च सुगृध्रीं गृध्रिकां शुचिम्। शुकी शुकानुलूकांश्च जनयामास धर्मतः।

śukīṁ śyenīṁ ca bhāsīṁ ca sugṛdhrīṁ gṛdhrikāṁ śucim śukī śukānulūkāṁśca janayāmāsa dharmataḥ

Shuki, Shyeni, Bhasi, Sugridhri, Gridhrika, and Shuchi. Shuki, in due course, gave birth to parrots and owls;

Verse 64 (padma.1.6.64)

श्येनी श्येनांश्च भासी च कुररानप्यजीजनत्। गृध्री गृध्रान्सुगृध्री च पारावतविहंगमान्।

śyenī śyenāṁśca bhāsī ca kurarānapyajījanat gṛdhrī gṛdhrānsugṛdhrī ca pārāvatavihaṁgamān

Shyeni gave birth to hawks, and Bhasi likewise gave birth to osprey-like birds; Gridhri to vultures, and Sugridhri to pigeons and other birds;

Verse 65 (padma.1.6.65)

हंस सारस कारंड प्लवान्शुचिरजीजनत्। एते ताम्रासुताः प्रोक्ता विनताया निशामय।

haṁsa sārasa kāraṁḍa plavānśucirajījanat ete tāmrāsutāḥ proktā vinatāyā niśāmaya

Shuchi gave birth to swans, cranes, ducks, and diver-birds. These are declared to be the sons of Tamra; now hear of Vinata's.

Verse 66 (padma.1.6.66)

गरुडः पतगश्रेष्ठोऽरुणश्चेशः पतत्रिणाम्। सौदामिनी तथा कन्या येयं नभसि विश्रुता।

garuḍaḥ patagaśreṣṭho'ruṇaśceśaḥ patatriṇām saudāminī tathā kanyā yeyaṁ nabhasi viśrutā

Garuda, foremost of birds, and Aruna, lord of the winged ones — and likewise a daughter, Saudamini, renowned in the sky as lightning.

Verse 67 (padma.1.6.67)

संपातिश्च जटायुश्च अरुणस्य सुतावुभौ। संपातिपुत्रो बभ्रुश्च शीघ्रगश्चातिविश्रुतः।

saṁpātiśca jaṭāyuśca aruṇasya sutāvubhau saṁpātiputro babhruśca śīghragaścātiviśrutaḥ

Sampati and Jatayu were the two sons of Aruna. Sampati's sons were Babhru and the exceedingly renowned Shighraga.

Verse 68 (padma.1.6.68)

जटायोः कर्णिकारश्च शतगामी च विश्रुतौ। तेषामसंख्यमभवत्पक्षिणां पुत्रपौत्रकम्।

jaṭāyoḥ karṇikāraśca śatagāmī ca viśrutau teṣāmasaṁkhyamabhavatpakṣiṇāṁ putrapautrakam

Jatayu's sons, well known, were Karnikara and Shatagami. The sons and grandsons of these birds became innumerable.

Verse 69 (padma.1.6.69)

सुरसायां सहस्रं तु सर्पाणामभवत्पुरा। सहस्रशिरसां कद्रूः सहस्रं प्राप सुव्रता।

surasāyāṁ sahasraṁ tu sarpāṇāmabhavatpurā sahasraśirasāṁ kadrūḥ sahasraṁ prāpa suvratā

In Surasa, a thousand serpents were born of old; and Kadru, of good vows, obtained a thousand thousand-headed serpents.

Verse 70 (padma.1.6.70)

प्रधानास्तेषु विख्याता ष्षड्विंशतिररिन्दम। शेषवासुकिकर्कोट शंखैरावतकंबलाः।

pradhānāsteṣu vikhyātā ṣṣaḍviṁśatirarindama śeṣavāsukikarkoṭa śaṁkhairāvatakaṁbalāḥ

Foremost and renowned among these, O subduer of foes, were twenty-six: Shesha, Vasuki, Karkota, Shankha, Airavata, Kambala,

Verse 71 (padma.1.6.71)

धनंजय महानील पद्माश्वतर तक्षकाः। एलापत्र महापद्म धृतराष्ट्र बलाहकाः।

dhanaṁjaya mahānīla padmāśvatara takṣakāḥ elāpatra mahāpadma dhṛtarāṣṭra balāhakāḥ

Dhananjaya, Mahanila, Padma, Ashvatara, Takshaka, Elapatra, Mahapadma, Dhritarashtra, Balahaka,

Verse 72 (padma.1.6.72)

शंखपाल महाशंख पुष्पदंष्ट्रं शुभाननाः। शंखरोमा च नहुषो रमणः पणिनस्तथा।

śaṁkhapāla mahāśaṁkha puṣpadaṁṣṭraṁ śubhānanāḥ śaṁkharomā ca nahuṣo ramaṇaḥ paṇinastathā

Shankhapala, Mahashankha, Pushpadanshtra, Shubhanana, Shankharoma, Nahusha, Ramana, and Panin,

Verse 73 (padma.1.6.73)

कपिलो दुर्मुखश्चापि पतंजलिमुखास्तथा। एषामनंतमभवत्सर्वेषां पुत्रपौत्रकम्।

kapilo durmukhaścāpi pataṁjalimukhāstathā eṣāmanaṁtamabhavatsarveṣāṁ putrapautrakam

Kapila, and Durmukha too, and those headed by Patanjali. Of all these, the sons and grandsons became without number.

Verse 74 (padma.1.6.74)

प्रायशो यत्पुरादग्धं जनमेजयमंदिरे। रक्षोगणं क्रोधवशा सुनामानमजीजनत्।

prāyaśo yatpurādagdhaṁ janamejayamaṁdire rakṣogaṇaṁ krodhavaśā sunāmānamajījanat

That which was mostly burned up in Janamejaya's snake-sacrifice hall is this lineage. Krodhavasha gave birth to the host of Rakshasas, and to Sunaman,

Verse 75 (padma.1.6.75)

दंष्ट्रिणां नियुतं तेषां भीमसेनादगात्क्षयम्। दंष्ट्रि गोमायु काकादीन्महिषीर्गोवराङ्गनाः।

daṁṣṭriṇāṁ niyutaṁ teṣāṁ bhīmasenādagātkṣayam daṁṣṭri gomāyu kākādīnmahiṣīrgovarāṅganāḥ

and a myriad of fanged creatures among them, who met destruction at the hands of Bhimasena — fanged beasts, jackals, crows and the like; buffaloes, and excellent cows,

Verse 76 (padma.1.6.76)

सुरभिर्जनयामास कश्यपात्त्त्रितयं पुरा। मुनिर्मुनीनां च गणं गणमप्सरसां तथा।

surabhirjanayāmāsa kaśyapātttritayaṁ purā munirmunīnāṁ ca gaṇaṁ gaṇamapsarasāṁ tathā

Surabhi bore of old a threefold offspring by Kashyapa; and Muni bore the host of sages, and likewise the host of Apsarases,

Verse 77 (padma.1.6.77)

तथा किन्नरगंधर्वानरिष्टा जनयद्बहून्। तृणवृक्षलता गुल्ममिरा सर्वमजीजनतत्।

tathā kinnaragaṁdharvānariṣṭā janayadbahūn tṛṇavṛkṣalatā gulmamirā sarvamajījanatat

and likewise many Kinnaras and Gandharvas; Arishta gave birth to many. Ira gave birth to all grasses, trees, creepers and shrubs.

Verse 78 (padma.1.6.78)

खसा तु यक्षरक्षांसि जनयामास कोटिशः। एते कश्यपदायादाः शतशोथ सहस्रशः।

khasā tu yakṣarakṣāṁsi janayāmāsa koṭiśaḥ ete kaśyapadāyādāḥ śataśotha sahasraśaḥ

Khasa gave birth to Yakshas and Rakshasas by the crore. These are the descendants of Kashyapa, numbering in the hundreds and thousands.

Verse 79 (padma.1.6.79)

एष मन्वंतरे भीष्म सर्गः स्वारोचिषे स्मृतः। ततस्त्वेकोनपंचाशन्मरुतः कश्यपाद्दितिः। जनयामास धर्मज्ञ सर्वानमरवल्लभान्।

eṣa manvaṁtare bhīṣma sargaḥ svārociṣe smṛtaḥ tatastvekonapaṁcāśanmarutaḥ kaśyapādditiḥ janayāmāsa dharmajña sarvānamaravallabhān

This, O Bhishma, is remembered as the creation in the Svarochisha Manvantara. Then, O knower of dharma, Diti bore of Kashyapa the forty-nine Maruts, all beloved of the immortals.