The Birth of the Maruts and the Manvantaras

Verse 1 (padma.1.7.1)

भीष्म उवाच। दितेः पुत्राः कथं जाता मरुतो देववल्लभाः। देवैर्जग्मुश्च सापत्नैः कस्मात्सख्यमनुत्तमम्।

bhīṣma uvāca diteḥ putrāḥ kathaṁ jātā maruto devavallabhāḥ devairjagmuśca sāpatnaiḥ kasmātsakhyamanuttamam

Bhishma said: How were the Maruts, dear to the gods, born as sons of Diti? And how, being the sons of a rival, did they come to enjoy such supreme friendship with the gods?

Verse 2 (padma.1.7.2)

पुलस्त्य उवाच। पुरा दैवासुरे युद्धे हतेषु हरिणा सुरैः। पुत्रपौत्रेषु शोकार्ता गता भूलोकमुत्तमम्।

pulastya uvāca purā daivāsure yuddhe hateṣu hariṇā suraiḥ putrapautreṣu śokārtā gatā bhūlokamuttamam

Pulastya said: Formerly, in the war between gods and asuras, when Diti's sons and grandsons were slain by Hari together with the gods, she, stricken with grief, went to the excellent world of mortals.

Verse 3 (padma.1.7.3)

पुष्करेषु महातीर्थे सरस्वत्यास्तटे शुभे। भर्त्तुराराधनपरा तप उग्रं चचार ह।

puṣkareṣu mahātīrthe sarasvatyāstaṭe śubhe bhartturārādhanaparā tapa ugraṁ cacāra ha

At Pushkara, the great sacred site, on the auspicious bank of the Sarasvati, intent on propitiating her husband, she practiced fierce austerity.

Verse 4 (padma.1.7.4)

दितिर्वै दैत्यमाता तु ऋषिकार्येण सुव्रता। फलाहारा तपस्तेपे कृच्छ्रचांद्रायणादिभिः।

ditirvai daityamātā tu ṛṣikāryeṇa suvratā phalāhārā tapastepe kṛcchracāṁdrāyaṇādibhiḥ

Diti, mother of the Daityas, of good vows, for the sake of the sage's work, subsisting on fruits, practiced austerity through Krichchhra, Chandrayana and other such vows,

Verse 5 (padma.1.7.5)

यावद्वर्षशतं साग्रं जराशोकसमाकुला। ततः सा तपसा तप्ता वसिष्ठादीनपृच्छत।

yāvadvarṣaśataṁ sāgraṁ jarāśokasamākulā tataḥ sā tapasā taptā vasiṣṭhādīnapṛcchata

for a full hundred years and more, overcome by old age and grief. Then, wasted by austerity, she asked Vasishtha and the other sages:

Verse 6 (padma.1.7.6)

कथयंतु भवंतो मे पुत्रशोकविनाशनम्। व्रतं सौभाग्यफलदमिहलोके परत्र च।

kathayaṁtu bhavaṁto me putraśokavināśanam vrataṁ saubhāgyaphaladamihaloke paratra ca

'Please tell me of a vow that destroys the grief for a son, and grants the fruit of good fortune both in this world and the next.'

Verse 7 (padma.1.7.7)

ऊचुर्वसिष्ठप्रमुखा ज्येष्ठस्य पूर्णिमाव्रतम्। यस्य प्रसादादभवत्सुतशोकविवर्जिता।

ūcurvasiṣṭhapramukhā jyeṣṭhasya pūrṇimāvratam yasya prasādādabhavatsutaśokavivarjitā

Vasishtha and the other sages spoke of the Purnima vow of Jyeshtha month, by whose grace she became freed from grief for her son.

Verse 8 (padma.1.7.8)

भीष्म उवाच। श्रोतुमिच्छाम्यहं ब्रह्मन्ज्येष्ठस्य पूर्णिमाव्रतम्। सुतानेकोनपंचाशद्येन लेभे पुनर्दितिः।

bhīṣma uvāca śrotumicchāmyahaṁ brahmanjyeṣṭhasya pūrṇimāvratam sutānekonapaṁcāśadyena lebhe punarditiḥ

Bhishma said: O Brahmin, I wish to hear of that Purnima vow of the month Jyeshtha, by which Diti obtained forty-nine sons again.

Verse 9 (padma.1.7.9)

पुलस्त्य उवाच। यद्वसिष्ठादिभिः पूर्वं दित्यै संकथितं व्रतम्। विस्तरेण तदेवेदं मत्सकाशान्निशामय।

pulastya uvāca yadvasiṣṭhādibhiḥ pūrvaṁ dityai saṁkathitaṁ vratam vistareṇa tadevedaṁ matsakāśānniśāmaya

Pulastya said: That very vow which was formerly declared to Diti by Vasishtha and the other sages, hear now the same in detail from me.

Verse 10 (padma.1.7.10)

ज्येष्ठे मासि सिते पक्षे पौर्णमास्यां यतव्रता। स्थापयेदव्रणं कुंभं सिततण्डुलपूरितम्।

jyeṣṭhe māsi site pakṣe paurṇamāsyāṁ yatavratā sthāpayedavraṇaṁ kuṁbhaṁ sitataṇḍulapūritam

In the month of Jyeshtha, in the bright fortnight, on the full-moon day, one observing the vow should set up an unblemished pot filled with white rice,

Verse 11 (padma.1.7.11)

नानाफलयुतं तद्वदिक्षुदंडसमन्वितम्। सितवस्त्रयुगच्छन्नंसितचंदनचर्चितम्।

nānāphalayutaṁ tadvadikṣudaṁḍasamanvitam sitavastrayugacchannaṁsitacaṁdanacarcitam

furnished with various fruits and with a stalk of sugarcane, covered with a pair of white cloths, and smeared with white sandalwood,

Verse 12 (padma.1.7.12)

नानाभक्ष्यसमोपेतं सहिरण्यं तु शक्तितः। ताम्रपात्रं गुडोपेतं तस्योपरि निवेशयेत्।

nānābhakṣyasamopetaṁ sahiraṇyaṁ tu śaktitaḥ tāmrapātraṁ guḍopetaṁ tasyopari niveśayet

furnished with various foods, together with gold according to one's ability. A copper vessel filled with molasses should be placed upon it.

Verse 13 (padma.1.7.13)

तस्मादुपरि ब्रह्माणं सौवर्णं पद्मकोटरे। कुर्यात्शर्करयोपेतां सावित्रीं तस्य वामतः।

tasmādupari brahmāṇaṁ sauvarṇaṁ padmakoṭare kuryātśarkarayopetāṁ sāvitrīṁ tasya vāmataḥ

Upon that, one should make a golden image of Brahma within the hollow of a lotus, and place Savitri, made of sugar, on his left.

Verse 14 (padma.1.7.14)

गंधंधूपं तयोर्दद्याद्गीतं वाद्यं च कारयेत्। तदभावे कथं कुर्याद्यथा पद्मे पितामहः।

gaṁdhaṁdhūpaṁ tayordadyādgītaṁ vādyaṁ ca kārayet tadabhāve kathaṁ kuryādyathā padme pitāmahaḥ

One should offer perfume and incense to both of them, and cause song and music to be performed. If that is not available, one should still fashion the image as the Grandsire seated on the lotus.

Verse 15 (padma.1.7.15)

ब्रह्माह्वयां च प्रतिमां कृत्वा गुडमयीं शुभाम्। शुक्लपुष्पाक्षततिलैरर्चयेत्पद्मसंभवम्।

brahmāhvayāṁ ca pratimāṁ kṛtvā guḍamayīṁ śubhām śuklapuṣpākṣatatilairarcayetpadmasaṁbhavam

Having made an auspicious image called Brahma, made of molasses, one should worship the Lotus-born with white flowers, unbroken rice-grains, and sesame.

Verse 16 (padma.1.7.16)

ब्राह्माय पादौ संपूज्य जंघे सौभाग्यदाय च। विरिंचायोरुयुग्मं च मन्मथायेति वै कटिम्।

brāhmāya pādau saṁpūjya jaṁghe saubhāgyadāya ca viriṁcāyoruyugmaṁ ca manmathāyeti vai kaṭim

One should worship his two feet with 'to Brahma', his two shins with 'to the giver of good fortune', his pair of thighs with 'to Virinca', and his waist with 'to Manmatha' —

Verse 17 (padma.1.7.17)

स्वच्छोदरायेत्युदरमतंद्रायेत्युरो विधेः। मुखं पद्ममुखायेति बाहू वै वेदपाणये।

svacchodarāyetyudaramataṁdrāyetyuro vidheḥ mukhaṁ padmamukhāyeti bāhū vai vedapāṇaye

his belly with 'to the pure-bellied one', his chest with 'to the tireless one', his face with 'to the lotus-faced one', and his arms with 'to him whose hand holds the Vedas' —

Verse 18 (padma.1.7.18)

नमः सर्वात्मने मौलिमर्च्चयेच्चापि पंकजम्। ततः प्रभाते तत्कुंभं ब्राह्मणाय निवेदयेत्।

namaḥ sarvātmane maulimarccayeccāpi paṁkajam tataḥ prabhāte tatkuṁbhaṁ brāhmaṇāya nivedayet

his crown with 'salutation to the Self of all', and one should also worship the lotus seat. Then in the morning that pot should be presented to a brahmin.

Verse 19 (padma.1.7.19)

ब्राह्मणं भोजयेद्भक्त्या स्वयं तु लवणं विना। भक्त्या प्रदक्षिणं दद्यादिमं मंत्रमुदीरयेत्।

brāhmaṇaṁ bhojayedbhaktyā svayaṁ tu lavaṇaṁ vinā bhaktyā pradakṣiṇaṁ dadyādimaṁ maṁtramudīrayet

One should feed a brahmin with devotion, taking no salt oneself; with devotion one should circumambulate him, uttering this mantra:

Verse 20 (padma.1.7.20)

प्रीयतामत्र भगवान्सर्वलोकपितामहः। हृदये सर्वलोकानां यस्त्वानंदोभिधीयते।

prīyatāmatra bhagavānsarvalokapitāmahaḥ hṛdaye sarvalokānāṁ yastvānaṁdobhidhīyate

'May the illustrious Grandsire of all the worlds be pleased — he who is called Bliss in the hearts of all beings.'

Verse 21 (padma.1.7.21)

अनेन विधिना सर्वं मासिमासि समाचरेत्। उपवासी पौर्णमास्यामर्चयेद्ब्राह्ममव्ययम्।

anena vidhinā sarvaṁ māsimāsi samācaret upavāsī paurṇamāsyāmarcayedbrāhmamavyayam

This entire rite should be performed month by month; fasting on the full-moon day, one should worship the imperishable Brahma.

Verse 22 (padma.1.7.22)

फलमेकं च संप्राश्य शर्वर्यां भूतले स्वपेत्। ततस्त्रयोदशे मासि घृतधेनुसमन्विताम्।

phalamekaṁ ca saṁprāśya śarvaryāṁ bhūtale svapet tatastrayodaśe māsi ghṛtadhenusamanvitām

Partaking of only a single fruit, one should sleep on the ground at night. Then, in the thirteenth month, together with a cow of ghee,

Verse 23 (padma.1.7.23)

शय्यां दद्याद्विरिंचाय सर्वोपस्करसंयुताम्। ब्रह्माणं कांचनं कृत्वा सावित्रीं रजतैस्तथा।

śayyāṁ dadyādviriṁcāya sarvopaskarasaṁyutām brahmāṇaṁ kāṁcanaṁ kṛtvā sāvitrīṁ rajataistathā

a bed, furnished with all its accessories, should be given to Brahma; having made an image of Brahma of gold, and Savitri likewise of silver,

Verse 24 (padma.1.7.24)

पद्मात्मकः सृष्टिकर्त्ता सावित्रीमुपलभ्यतु। वस्त्रैर्द्विजं सपत्नीकं पूज्य भक्त्या विभूषणैः।

padmātmakaḥ sṛṣṭikarttā sāvitrīmupalabhyatu vastrairdvijaṁ sapatnīkaṁ pūjya bhaktyā vibhūṣaṇaiḥ

the lotus-born Creator, together with Savitri, should be given away; a brahmin, together with his wife, should be worshipped with devotion, garments and ornaments.

Verse 25 (padma.1.7.25)

शक्त्या गवादिकं दद्यात्प्रीयतामित्युदीरयेत्। होमं शुक्लैस्तिलैः कुर्याद्ब्रह्मनामानि कीर्तयेत्।

śaktyā gavādikaṁ dadyātprīyatāmityudīrayet homaṁ śuklaistilaiḥ kuryādbrahmanāmāni kīrtayet

According to one's ability, a cow and the like should be given, saying 'may he be pleased.' A fire-offering should be made with white sesame, reciting the names of Brahma;

Verse 26 (padma.1.7.26)

गव्येन सर्पिषा तद्वत्पायसेन च धर्मवित्। विप्रेभ्योथ धनं दद्यात्पुष्पमालां च शक्तितः।

gavyena sarpiṣā tadvatpāyasena ca dharmavit viprebhyotha dhanaṁ dadyātpuṣpamālāṁ ca śaktitaḥ

likewise with cow's ghee, and with rice-pudding, O knower of dharma. Wealth should then be given to the brahmins, and a garland of flowers according to one's ability.

Verse 27 (padma.1.7.27)

यः कुर्याद्विधिनानेन पौर्णमास्यां स्त्रियोपि वा। सर्वपापविनिर्मुक्तः प्राप्नोति ब्रह्मसात्म्यताम्।

yaḥ kuryādvidhinānena paurṇamāsyāṁ striyopi vā sarvapāpavinirmuktaḥ prāpnoti brahmasātmyatām

Whoever performs this on the full-moon day according to this rite, whether man or woman, becomes freed from all sin and attains oneness with Brahma.

Verse 28 (padma.1.7.28)

इहलोके वरान्पुत्रान्सौभाग्यं ध्रुवमश्नुते। यो ब्रह्मा स स्मृतो विष्णुरानंदात्मा महेश्वरः।

ihaloke varānputrānsaubhāgyaṁ dhruvamaśnute yo brahmā sa smṛto viṣṇurānaṁdātmā maheśvaraḥ

In this world one obtains excellent sons and certain good fortune. He who is Brahma is remembered as Vishnu, the Self of bliss, and Maheshvara.

Verse 29 (padma.1.7.29)

सुखार्थी कामरूपेण स्मरेद्देवं पितामहम्। एवं श्रुत्वा चकारासौ दितिः सर्वमशेषतः।

sukhārthī kāmarūpeṇa smareddevaṁ pitāmaham evaṁ śrutvā cakārāsau ditiḥ sarvamaśeṣataḥ

One who desires happiness should remember the god, the Grandsire, in whatever form one desires. Having heard this, Diti performed all of it in its entirety.

Verse 30 (padma.1.7.30)

कश्यपो व्रतमाहात्म्यादागत्य परया मुदा। चकार कर्कशां भूयो रूपलावण्यसंयुताम्।

kaśyapo vratamāhātmyādāgatya parayā mudā cakāra karkaśāṁ bhūyo rūpalāvaṇyasaṁyutām

By the greatness of the vow, Kashyapa came to her with the greatest joy, and made her, once harsh with grief, again endowed with beauty and loveliness.

Verse 31 (padma.1.7.31)

वरैराछंदयामास सा तु वव्रे वरंवरम्। पुत्रं शक्रवधार्थाय समर्थं च महौजसम्।

varairāchaṁdayāmāsa sā tu vavre varaṁvaram putraṁ śakravadhārthāya samarthaṁ ca mahaujasam

He offered her boons; and she chose the best of boons — a son capable of slaying Shakra, of great might.

Verse 32 (padma.1.7.32)

वरयामि महात्मानं सर्वामरनिषूदनम्। उवाच कश्यपो वाक्यमिंद्रहंतारमूर्जितम्।

varayāmi mahātmānaṁ sarvāmaraniṣūdanam uvāca kaśyapo vākyamiṁdrahaṁtāramūrjitam

'I choose a great-souled son, the destroyer of all the gods.' Regarding the mighty slayer of Indra, Kashyapa spoke:

Verse 33 (padma.1.7.33)

प्रदास्याम्यहमेतेन किन्त्वेतत्क्रियतां शुभे। आपस्तंबीं तु कृत्वेष्टिं पुत्रीयामद्य सुस्तनि।

pradāsyāmyahametena kintvetatkriyatāṁ śubhe āpastaṁbīṁ tu kṛtveṣṭiṁ putrīyāmadya sustani

'I shall grant you this, but let this be done, O auspicious one: perform today the Apastambi rite, the sacrifice for a son, O fair-breasted one.'

Verse 34 (padma.1.7.34)

विधास्यामि ततो गर्भं स्पृष्ट्वाहं ते स्तनौ शुभे। भविष्यति शुभो गर्भो देवि शक्रनिषूदनः।

vidhāsyāmi tato garbhaṁ spṛṣṭvāhaṁ te stanau śubhe bhaviṣyati śubho garbho devi śakraniṣūdanaḥ

'Then, touching your breasts, O auspicious one, I shall place the embryo within you; the auspicious embryo, O goddess, shall become the slayer of Shakra.'

Verse 35 (padma.1.7.35)

आपस्तंबीं ततश्चक्रे पुत्रेष्टिं द्रविणाधिकाम्। इंद्रशत्रोभवस्वेति जुहाव च हविस्त्वरन्।

āpastaṁbīṁ tataścakre putreṣṭiṁ draviṇādhikām iṁdraśatrobhavasveti juhāva ca havistvaran

He then performed the Apastambi sacrifice for a son, rich in wealth; and, hastening, offered the oblation, saying: 'Become the enemy of Indra.'

Verse 36 (padma.1.7.36)

देवाश्च मुमुर्हुर्दैत्या विमुखाश्चैव दानवाः। दित्यां गर्भमथाधत्त कश्यपः प्राह तां पुनः।

devāśca mumurhurdaityā vimukhāścaiva dānavāḥ dityāṁ garbhamathādhatta kaśyapaḥ prāha tāṁ punaḥ

The gods were bewildered, and the Daityas and Danavas grew despondent. Then Kashyapa placed the embryo in Diti, and spoke to her again:

Verse 37 (padma.1.7.37)

मुखं ते चंद्रप्रतिमं स्तनौ बिल्वफलोपमौ। अधरौ विद्रुमाकारौ वर्णश्चातीव शोभनः।

mukhaṁ te caṁdrapratimaṁ stanau bilvaphalopamau adharau vidrumākārau varṇaścātīva śobhanaḥ

'Your face is like the moon, your breasts like bilva fruits, your lips like coral in form, and your complexion exceedingly lovely.'

Verse 38 (padma.1.7.38)

त्वां दृष्ट्वाहं विशालाक्षि विस्मरामि स्विकां तनुम्। तदेवं गर्भः सुश्रोणि हस्तेनोप्तस्तनौ तव।

tvāṁ dṛṣṭvāhaṁ viśālākṣi vismarāmi svikāṁ tanum tadevaṁ garbhaḥ suśroṇi hastenoptastanau tava

'Seeing you, O wide-eyed one, I forget my own body. Thus, O fair-hipped one, the embryo has been sown by my hand upon your breast.'

Verse 39 (padma.1.7.39)

त्वया यत्ने विधातव्यो ह्यस्मिन्गर्भे वरानने। संवत्सरशतं त्वेकमस्मिन्नेव तपोवने।

tvayā yatne vidhātavyo hyasmingarbhe varānane saṁvatsaraśataṁ tvekamasminneva tapovane

'Great care must be taken by you regarding this embryo, O fair-faced one, for one full hundred years, in this very hermitage.'

Verse 40 (padma.1.7.40)

संध्यायां नैव भोक्तव्यं गर्भिण्या वरवर्णिनि। न स्थातव्यं न गंतव्यं वृक्षमूलेषु सर्वदा।

saṁdhyāyāṁ naiva bhoktavyaṁ garbhiṇyā varavarṇini na sthātavyaṁ na gaṁtavyaṁ vṛkṣamūleṣu sarvadā

'At twilight one must never eat while pregnant, O fair one; one must never stand nor go under the roots of trees.'

Verse 41 (padma.1.7.41)

नोपस्करेषु निविशेन्मुसलोलूखलादिषु। जलं च नावगाहेत शून्यागारं च वर्जयेत्।

nopaskareṣu niviśenmusalolūkhalādiṣu jalaṁ ca nāvagāheta śūnyāgāraṁ ca varjayet

'One must not sit upon household implements — pestle, mortar and the like; one must not bathe by immersion, and one should avoid an empty house.'

Verse 42 (padma.1.7.42)

वल्मीकेषु न तिष्ठेत न चोद्विग्नमना भवेत्। न नखेन लिखेद्भूमौ नांगारे न च भस्मनि।

valmīkeṣu na tiṣṭheta na codvignamanā bhavet na nakhena likhedbhūmau nāṁgāre na ca bhasmani

'One must not stand upon an anthill, nor become agitated in mind; one must not scratch the ground with one's nails, nor upon embers, nor upon ashes.'

Verse 43 (padma.1.7.43)

न शयालुः सदा तिष्ठेद्व्यायामं च विवर्जयेत्। न तुषांगारभस्मास्थि कपालेषु समाविशेत्।

na śayāluḥ sadā tiṣṭhedvyāyāmaṁ ca vivarjayet na tuṣāṁgārabhasmāsthi kapāleṣu samāviśet

'One should not be constantly sleepy, and should avoid exertion; one should not sit upon husks, embers, ashes, bones, or skulls.'

Verse 44 (padma.1.7.44)

वर्जयेत्कलहं लोके गात्राभ्यंगं तथैव च। न मुक्तकेशी तिष्ठेत नाशुचिः स्यात्कथंचन।

varjayetkalahaṁ loke gātrābhyaṁgaṁ tathaiva ca na muktakeśī tiṣṭheta nāśuciḥ syātkathaṁcana

'One should avoid quarrel with people, and likewise excessive anointing of the limbs; one should not remain with loosened hair, nor become impure in any way.'

Verse 45 (padma.1.7.45)

न शयीतोत्तरशिराः न चैवाधः शिराः क्वचित्। न वस्त्रहीना नोद्विग्ना न चार्द्रचरणा सती।

na śayītottaraśirāḥ na caivādhaḥ śirāḥ kvacit na vastrahīnā nodvignā na cārdracaraṇā satī

'One should not sleep with head to the north, nor ever with head downward; a virtuous woman should not be without clothing, nor agitated, nor with wet feet.'

Verse 46 (padma.1.7.46)

नामंगल्यां वदेद्वाचं न च हास्याधिकाभवेत्। कुर्याच्च गुरुभिर्नित्यं पूजां मांगल्यतत्परा।

nāmaṁgalyāṁ vadedvācaṁ na ca hāsyādhikābhavet kuryācca gurubhirnityaṁ pūjāṁ māṁgalyatatparā

'One should not utter inauspicious speech, nor be given to excessive laughter; and, intent on auspiciousness, one should daily perform worship with one's elders.'

Verse 47 (padma.1.7.47)

सर्वौषधीभिः सृष्टेन वारिणा स्नानमाचरेत्। तिष्ठेत्प्रसन्नवदना भर्तृप्रियहिते रता। न गर्हयेच्च भर्तारं सर्वावस्थमपि क्वचित्।

sarvauṣadhībhiḥ sṛṣṭena vāriṇā snānamācaret tiṣṭhetprasannavadanā bhartṛpriyahite ratā na garhayecca bhartāraṁ sarvāvasthamapi kvacit

'One should bathe in water infused with all herbs; one should remain with a serene countenance, devoted to the husband's pleasure and welfare; one should never reproach one's husband, under any circumstance whatsoever.'

Verse 48 (padma.1.7.48)

कृशाहं दुर्बला चैव वार्द्धक्यं मम चागतम्। स्तनौ मे चलितौ स्थानान्मुखं च वलिभंगुरम्।

kṛśāhaṁ durbalā caiva vārddhakyaṁ mama cāgatam stanau me calitau sthānānmukhaṁ ca valibhaṁguram

'I am emaciated and weak, and old age has come upon me; my breasts have slipped from their place, and my face is wrinkled and worn —'

Verse 49 (padma.1.7.49)

एवंविधा त्वया चाहं कृतेति न वदेत्क्वचित्। स्वस्त्यस्तुते गमिष्यामि तथेत्युक्तस्तया पुनः।

evaṁvidhā tvayā cāhaṁ kṛteti na vadetkvacit svastyastute gamiṣyāmi tathetyuktastayā punaḥ

'you have made me thus' — such a thing one should never say. Kashyapa said: 'May all be well with you; I shall now depart.' And she replied, 'So be it,'

Verse 50 (padma.1.7.50)

पश्यतां सर्वभूतानां तत्रैवांतरधीयत। ततः सा भर्तृवाचोक्तविधिना समतिष्ठत।

paśyatāṁ sarvabhūtānāṁ tatraivāṁtaradhīyata tataḥ sā bhartṛvācoktavidhinā samatiṣṭhata

and, in the sight of all beings, he vanished right there. Then she remained observing the rules just declared by her husband's words.

Verse 51 (padma.1.7.51)

अथ ज्ञात्वा तथेंद्रोपि दितेः पार्श्वमुपागतः। विहाय देवसदनं तां शुश्रूषुरवस्थितः।

atha jñātvā tatheṁdropi diteḥ pārśvamupāgataḥ vihāya devasadanaṁ tāṁ śuśrūṣuravasthitaḥ

Then Indra too, having learned of this, came to Diti's side; leaving the abode of the gods, he stayed there attending upon her, eager to serve.

Verse 52 (padma.1.7.52)

दितेश्छिद्रांतरप्रेप्सुरभवत्पाकशासनः। विपरीतोंतरव्यग्रः प्रसन्नवदतो बहिः।

diteśchidrāṁtaraprepsurabhavatpākaśāsanaḥ viparītoṁtaravyagraḥ prasannavadato bahiḥ

Shakra, seeking to find some flaw or lapse of Diti, remained inwardly anxious though outwardly serene of countenance,

Verse 53 (padma.1.7.53)

अजानन्निव तत्त्कार्यमात्मनश्शुभमाचरन्। ततो वर्षशतांते सा न्यूने तु दिवसैस्त्रिभिः।

ajānanniva tattkāryamātmanaśśubhamācaran tato varṣaśatāṁte sā nyūne tu divasaistribhiḥ

as if unaware of his own purpose, performing auspicious service. Then, at the end of the hundred years, lacking only three days,

Verse 54 (padma.1.7.54)

मेने कृतार्थमात्मानं प्रीत्या विस्मितमानसा। अकृत्वा पादयोः शौचं शयाना मुक्तमूर्धजा।

mene kṛtārthamātmānaṁ prītyā vismitamānasā akṛtvā pādayoḥ śaucaṁ śayānā muktamūrdhajā

she considered herself to have accomplished her purpose, her mind filled with joyful wonder; without washing her feet, she lay down with her hair loosened,

Verse 55 (padma.1.7.55)

निद्राभरसमाक्रांता दिवा परशिराः क्वचित्। ततस्तदंतरं लब्ध्वा प्रविश्यांतः शचीपतिः।

nidrābharasamākrāṁtā divā paraśirāḥ kvacit tatastadaṁtaraṁ labdhvā praviśyāṁtaḥ śacīpatiḥ

overcome by the weight of sleep, during the day, her head lying in the wrong direction on one occasion. Then, seizing that lapse, the husband of Shachi entered within her

Verse 56 (padma.1.7.56)

वज्रेण सप्तधा चक्रे तं गर्भं त्रिदशाधिपः। ततः सप्त च ते जाताः कुमाराः सूर्यवर्चसः।

vajreṇa saptadhā cakre taṁ garbhaṁ tridaśādhipaḥ tataḥ sapta ca te jātāḥ kumārāḥ sūryavarcasaḥ

and, with his thunderbolt, the lord of the thirty gods split that embryo into seven. Then seven boys were born, radiant as the sun,

Verse 57 (padma.1.7.57)

रुदंतः सप्त ते बाला निषिद्धा दानवारिणा। भूयोपि रुदमानांस्तानेकैकान्सप्तधा हरिः।

rudaṁtaḥ sapta te bālā niṣiddhā dānavāriṇā bhūyopi rudamānāṁstānekaikānsaptadhā hariḥ

and those seven infants, weeping, were checked by the enemy of the Danavas. As they wept still further, Hari once more split each of them

Verse 58 (padma.1.7.58)

चिच्छेद वज्रहस्तो वै पुनः स्तूदरसंस्थितान्। एवमेकोनपंचाशद्भूत्वा ते रुरुदुर्भृशम्।

ciccheda vajrahasto vai punaḥ stūdarasaṁsthitān evamekonapaṁcāśadbhūtvā te rurudurbhṛśam

seven-fold with the thunderbolt in his hand, again, while they lay in her womb. Thus, having become forty-nine, they wept most piteously.

Verse 59 (padma.1.7.59)

इंद्रो निवारयामास मा रुदध्वं पुनःपुनः। ततः स चिंतयामास वितर्कमिति वृत्रहा।

iṁdro nivārayāmāsa mā rudadhvaṁ punaḥpunaḥ tataḥ sa ciṁtayāmāsa vitarkamiti vṛtrahā

Indra restrained them, saying 'do not weep, do not weep again and again.' Then the slayer of Vritra reflected with this thought:

Verse 60 (padma.1.7.60)

कर्मणः कस्य माहात्म्यात्पुनः संजीवितास्त्वमी। विदित्वा पुण्ययोगेन पौर्णमासीफलं त्विदम्।

karmaṇaḥ kasya māhātmyātpunaḥ saṁjīvitāstvamī viditvā puṇyayogena paurṇamāsīphalaṁ tvidam

'By the greatness of what deed have these been revived again?' Realizing it, he understood that this was indeed the fruit of the Purnima vow, through the power of merit:

Verse 61 (padma.1.7.61)

नूनमेतत्परिणतमथवा ब्रह्मपूजनात्। वज्रेणाभिहताः संतो न विनाशमुपाययुः।

nūnametatpariṇatamathavā brahmapūjanāt vajreṇābhihatāḥ saṁto na vināśamupāyayuḥ

'This has surely ripened thus, or else through the worship of Brahma; though struck by the thunderbolt, they did not meet destruction.'

Verse 62 (padma.1.7.62)

एकोप्यनेकतामाप यस्मादुदरगोपनम्। अवध्या नूनमेते वै तस्माद्देवा भवंत्विति।

ekopyanekatāmāpa yasmādudaragopanam avadhyā nūnamete vai tasmāddevā bhavaṁtviti

'Since the single embryo became manifold, protected within the womb, these are surely unslayable; therefore let them become gods,' he thought.

Verse 63 (padma.1.7.63)

यस्मान्मा रुद इत्युक्ता रुदंतो गर्भसंभवाः। मरुतो नाम ते नाम्ना भवंतु सुखभागिनः।

yasmānmā ruda ityuktā rudaṁto garbhasaṁbhavāḥ maruto nāma te nāmnā bhavaṁtu sukhabhāginaḥ

'Since they were told, "do not weep" (mā ruda), while weeping from within the womb, let them, by that very name, be called Maruts, and become sharers of happiness.'

Verse 64 (padma.1.7.64)

ततः प्रसाद्य देवेशः क्षमस्वेति दितिं पुनः। अर्थशास्त्रं समास्थाय मयैतद्दुष्कृतं कृतम्।

tataḥ prasādya deveśaḥ kṣamasveti ditiṁ punaḥ arthaśāstraṁ samāsthāya mayaitadduṣkṛtaṁ kṛtam

Then the lord of gods, propitiating Diti, said again: 'Forgive me — resorting to statecraft, I have done this wrong.'

Verse 65 (padma.1.7.65)

कृत्वा मरुद्गणं देवैः समानममराधिपः। दितिं विमानमारोप्य ससुतामगमद्दिवम्।

kṛtvā marudgaṇaṁ devaiḥ samānamamarādhipaḥ ditiṁ vimānamāropya sasutāmagamaddivam

Having made the host of Maruts equal in rank to the gods, the lord of the immortals set Diti, together with her sons, upon a heavenly chariot, and went to heaven.

Verse 66 (padma.1.7.66)

यज्ञभागभुजः सर्वे मरुतस्ते ततोभवन्। न जग्मुरैक्यमसुरैरतस्ते सुरवल्लभाः।

yajñabhāgabhujaḥ sarve marutaste tatobhavan na jagmuraikyamasurairataste suravallabhāḥ

From then on, all the Maruts became partakers of a share in sacrifices; they did not ally themselves with the Asuras, and hence they are dear to the gods.

Verse 67 (padma.1.7.67)

भीष्म उवाच। आदिसर्गस्त्वया ब्रह्मन्कथितो विस्तरेण मे। प्रतिसर्गश्च यो येषामधिपांस्तान्वदस्व मे।

bhīṣma uvāca ādisargastvayā brahmankathito vistareṇa me pratisargaśca yo yeṣāmadhipāṁstānvadasva me

Bhishma said: The primary creation has been told to me by you, O Brahmin, in detail. Now tell me of the secondary creation, and of the lords of each.

Verse 68 (padma.1.7.68)

पुलस्त्य उवाच। यदाभिषिक्तः सकलेपि राज्ये पृथुर्द्धरित्र्यामधिपो बभूव। तथौषधीनामधिपं चकार यज्ञव्रतानां तपसां च सोमम्।

pulastya uvāca yadābhiṣiktaḥ sakalepi rājye pṛthurddharitryāmadhipo babhūva tathauṣadhīnāmadhipaṁ cakāra yajñavratānāṁ tapasāṁ ca somam

Pulastya said: When Prithu was consecrated as lord of the entire kingdom, sovereign over the earth, he also made Soma the lord of herbs, of sacrificial vows, and of austerities;

Verse 69 (padma.1.7.69)

नक्षत्रताराद्विजवृक्षगुल्मलतावितानस्य च रुक्मगर्भम्। अपामधीशं वरुणं धनानां राज्ञां प्रभुं वैश्रवणं च तद्वत्।

nakṣatratārādvijavṛkṣagulmalatāvitānasya ca rukmagarbham apāmadhīśaṁ varuṇaṁ dhanānāṁ rājñāṁ prabhuṁ vaiśravaṇaṁ ca tadvat

and lord of the constellations, stars, brahmins, trees, shrubs and creepers, named Rukmagarbha; Varuna became lord of the waters, and Vaishravana lord of wealth and king of kings,

Verse 70 (padma.1.7.70)

विष्णुं रवीणामधिपं वसूनामग्निं च लोकाधिपतिं चकार। प्रजापतीनामधिपं च दक्षं चकार शक्रं मरुतामधीशम्।

viṣṇuṁ ravīṇāmadhipaṁ vasūnāmagniṁ ca lokādhipatiṁ cakāra prajāpatīnāmadhipaṁ ca dakṣaṁ cakāra śakraṁ marutāmadhīśam

Vishnu became lord of the Adityas and of the Vasus, and Agni lord of the world; Daksha became the lord of Prajapatis, and Shakra the lord of the Maruts,

Verse 71 (padma.1.7.71)

दैत्याधिपानामथ दानवानां प्रह्लादमीशं च यमं पितॄणाम्। पिशाचरक्षःपशुभूतयक्षवेतालराजं ह्यथ शूलपाणिम्।

daityādhipānāmatha dānavānāṁ prahlādamīśaṁ ca yamaṁ pitṝṇām piśācarakṣaḥpaśubhūtayakṣavetālarājaṁ hyatha śūlapāṇim

Prahlada became the lord of the Daitya and Danava chiefs, and Yama lord of the ancestors; and the trident-bearer became the king of Pishachas, Rakshasas, beasts, Bhutas, Yakshas and Vetalas,

Verse 72 (padma.1.7.72)

प्रालेयशैलं च पतिं गिरीणामीशं समुद्रं सरितामधीशम्। गंधर्वविद्याधरकिन्नराणामीशं पुनश्चित्ररथं चकार।

prāleyaśailaṁ ca patiṁ girīṇāmīśaṁ samudraṁ saritāmadhīśam gaṁdharvavidyādharakinnarāṇāmīśaṁ punaścitrarathaṁ cakāra

the Himalaya became lord of the mountains, the Ocean lord of the rivers, and Chitraratha again became lord of the Gandharvas, Vidyadharas, and Kinnaras.

Verse 73 (padma.1.7.73)

नागाधिपं वासुकिमुग्रवीर्यं सर्पाधिपं तक्षकमादिदेश। दिग्वारणानामधिपं चकार गजेंद्रमैरावणनामधेयम्।

nāgādhipaṁ vāsukimugravīryaṁ sarpādhipaṁ takṣakamādideśa digvāraṇānāmadhipaṁ cakāra gajeṁdramairāvaṇanāmadheyam

The fierce-mighty Vasuki was appointed lord of the Nagas, Takshaka lord of the serpents, and the lordly elephant named Airavana became lord of the elephants of the directions.

Verse 74 (padma.1.7.74)

सुपर्णमीशं पततामथार्वतां राजानमुच्चैःश्रवसं चकार। सिंहं मृगाणां वृषभं गवां च प्लक्षं पुनः सर्ववनस्पतीनाम्।

suparṇamīśaṁ patatāmathārvatāṁ rājānamuccaiḥśravasaṁ cakāra siṁhaṁ mṛgāṇāṁ vṛṣabhaṁ gavāṁ ca plakṣaṁ punaḥ sarvavanaspatīnām

Suparna became lord of birds, and Uchchaihshravas king of horses, the lion lord of wild beasts, the bull lord of cattle, and the Plaksha lord of all forest trees.

Verse 75 (padma.1.7.75)

पितामहः पूर्वमथाभ्यषिंचदेतान्पुनः सर्वदिशाधिनाथान्। पूर्वेश दिक्पालमथाभ्यषिंचन्नाम्ना सुवर्माणमरातिकेतुं।

pitāmahaḥ pūrvamathābhyaṣiṁcadetānpunaḥ sarvadiśādhināthān pūrveśa dikpālamathābhyaṣiṁcannāmnā suvarmāṇamarātiketuṁ

The Grandsire had formerly consecrated all these, and Prithu again consecrated the lords of all directions: in the east, one named Sukarma, of enemy-subduing banner,

Verse 76 (padma.1.7.76)

ततोधिपं दक्षिणतश्चकार सर्वेश्वरं शंखपदाभिधानम्। सकेतुमंतं दिगधीशमीशं चकार पश्चाद्भुवनांडगर्भः।

tatodhipaṁ dakṣiṇataścakāra sarveśvaraṁ śaṁkhapadābhidhānam saketumaṁtaṁ digadhīśamīśaṁ cakāra paścādbhuvanāṁḍagarbhaḥ

then, in the south, Shankhapada, lord of all, was made the guardian; and in the west, the one who bears the world-egg made the guardian of that quarter, together with his banner —

Verse 77 (padma.1.7.77)

हिरण्यरोमाणमुदग्दिगीशं प्रजापतिं मेघसुतं चकार। अद्यापि कुर्वंति दिशामधीशाः सदा वहंतस्तु भुवोभिरक्षाम्।

hiraṇyaromāṇamudagdigīśaṁ prajāpatiṁ meghasutaṁ cakāra adyāpi kurvaṁti diśāmadhīśāḥ sadā vahaṁtastu bhuvobhirakṣām

and made Hiranyaroman, son of the clouds, the lord of the northern quarter, a Prajapati. To this day these lords of the quarters continue, ever bearing the protection of the earth.

Verse 78 (padma.1.7.78)

चतुर्भिरेतैः पृथुनामधेयो नृपोभिषिक्तः प्रथमः पृथिव्याम्। गतेंतरे चाक्षुषनामधेये वैवस्वतं चक्रुरिमं पृथिव्यां।

caturbhiretaiḥ pṛthunāmadheyo nṛpobhiṣiktaḥ prathamaḥ pṛthivyām gateṁtare cākṣuṣanāmadheye vaivasvataṁ cakrurimaṁ pṛthivyāṁ

By these four acts, the king named Prithu, first to be consecrated upon the earth, reigned. When the Chakshusha Manvantara had passed, they made this Vaivasvata Manu ruler upon the earth.

Verse 79 (padma.1.7.79)

गतेंतरे चाक्षुषनामधेये वैवस्वताख्ये च पुनः प्रवृत्ते। प्रजापतिः सोस्य चराचरस्य बभूव सूर्यान्वयजः सचिह्नः।

gateṁtare cākṣuṣanāmadheye vaivasvatākhye ca punaḥ pravṛtte prajāpatiḥ sosya carācarasya babhūva sūryānvayajaḥ sacihnaḥ

When the Chakshusha Manvantara had passed and the Vaivasvata Manvantara had begun again, he, born of the Sun's lineage, marked with royal insignia, became the lord of creatures of this whole world, moving and unmoving.

Verse 80 (padma.1.7.80)

पुलस्त्य उवाच। मन्वंतराणि सर्वाणि मनूनां चरितानि यत्। प्रमाणं चैव कल्पस्य तत्सृष्टिं च समासतः।

pulastya uvāca manvaṁtarāṇi sarvāṇi manūnāṁ caritāni yat pramāṇaṁ caiva kalpasya tatsṛṣṭiṁ ca samāsataḥ

Pulastya said: All the Manvantaras, the deeds of the Manus, the measure of a Kalpa, and its creation — hear all this in summary,

Verse 81 (padma.1.7.81)

एकचित्तः प्रसन्नात्मा शृणु कौरवनंदन। यामा नाम पुरा देवा आसन्स्वायंभुवांतरे।

ekacittaḥ prasannātmā śṛṇu kauravanaṁdana yāmā nāma purā devā āsansvāyaṁbhuvāṁtare

with a focused mind and a serene spirit, O joy of the Kurus. In the Svayambhuva Manvantara there were formerly gods called the Yamas.

Verse 82 (padma.1.7.82)

सप्तैव ऋषयः पूर्वं ये मरीच्यादयः स्मृताः। आग्नीध्रश्चाग्निबाहुश्च विभुः सवन एव च।

saptaiva ṛṣayaḥ pūrvaṁ ye marīcyādayaḥ smṛtāḥ āgnīdhraścāgnibāhuśca vibhuḥ savana eva ca

There were seven sages formerly, remembered as headed by Marichi. Svayambhuva Manu's sons were Agnidhra, Agnibahu, Vibhu, Savana,

Verse 83 (padma.1.7.83)

ज्योतिष्मान्द्युतिमान्भव्यो मेधा मेधातिथिर्वसुः। स्वायंभुवस्यास्य मनोर्दशैते वंशवर्द्धनाः।

jyotiṣmāndyutimānbhavyo medhā medhātithirvasuḥ svāyaṁbhuvasyāsya manordaśaite vaṁśavarddhanāḥ

Jyotishman, Dyutiman, Bhavya, Medha, Medhatithi, and Vasu — these ten were the increasers of the lineage of this Svayambhuva Manu.

Verse 84 (padma.1.7.84)

प्रतिसर्गममी कृत्वा जग्मुस्ते परमं पदम्। एवं स्वायंभुवं प्रोक्तं स्वारोचिषमतः परम्।

pratisargamamī kṛtvā jagmuste paramaṁ padam evaṁ svāyaṁbhuvaṁ proktaṁ svārociṣamataḥ param

Having accomplished the secondary creation, they went to the supreme abode. Thus the Svayambhuva Manvantara has been told; the Svarochisha Manvantara follows next.

Verse 85 (padma.1.7.85)

स्वारोचिषस्य तनयाश्चत्वारो देववर्चसः। नभोनभस्य प्रभृतिर्भावनः कीर्तिवर्द्धनः।

svārociṣasya tanayāścatvāro devavarcasaḥ nabhonabhasya prabhṛtirbhāvanaḥ kīrtivarddhanaḥ

The sons of Svarochisha Manu, of godlike splendor, were four, headed by Nabha and Nabhasya, and Bhavana, an increaser of glory,

Verse 86 (padma.1.7.86)

दत्तोग्निश्च्यवनस्तंभः प्राणः कश्यप एव च। अर्वा बृहस्पतिश्चैव सप्त सप्तर्षयोभवन्।

dattogniścyavanastaṁbhaḥ prāṇaḥ kaśyapa eva ca arvā bṛhaspatiścaiva sapta saptarṣayobhavan

and the seven sages of that era were Dattagni, Chyavana, Stamba, Prana, and Kashyapa, Arva, and Brihaspati — these seven were the Saptarishis.

Verse 87 (padma.1.7.87)

तदा देवाश्च तुषिताः स्मृता स्वारोचिषेंतरे। हवींद्रसुःकृतो मूर्तिरापो ज्योतिरथः स्मृतः।

tadā devāśca tuṣitāḥ smṛtā svārociṣeṁtare havīṁdrasuḥkṛto mūrtirāpo jyotirathaḥ smṛtaḥ

Then the gods of that era were the Tushitas, remembered in the Svarochisha Manvantara — Havi, Indra, Sukrita, Murti, Apa, and Jyotiratha are remembered among them.

Verse 88 (padma.1.7.88)

वसिष्ठस्य सुताः सप्त ये प्रजापतयस्तदा। द्वितीयमेतत्कथितं मन्वंतरमतः परं।

vasiṣṭhasya sutāḥ sapta ye prajāpatayastadā dvitīyametatkathitaṁ manvaṁtaramataḥ paraṁ

The seven sons of Vasishtha were the Prajapatis of that time. This second Manvantara has thus been told; the next follows.

Verse 89 (padma.1.7.89)

अन्यच्चैव प्रवक्ष्यामि तथा मन्वंतरं शुभं। मनुर्नामौत्तमिस्तत्र दश पुत्रानजीजनत्।

anyaccaiva pravakṣyāmi tathā manvaṁtaraṁ śubhaṁ manurnāmauttamistatra daśa putrānajījanat

I shall now tell of yet another auspicious Manvantara. There, the Manu named Uttami begot ten sons:

Verse 90 (padma.1.7.90)

इषऊर्जस्तनूजश्च शुचिः शुक्रस्तथैव च। मधुश्च माधवश्चैव नभस्योथ नभस्तथा।

iṣaūrjastanūjaśca śuciḥ śukrastathaiva ca madhuśca mādhavaścaiva nabhasyotha nabhastathā

Isha, Urja, Tanuja, Shuchi, and Shukra, Madhu and Madhava, Nabhasya and Nabha,

Verse 91 (padma.1.7.91)

सहः सहस्य एतेषामुत्तमः कीर्तिवर्द्धनः। भानवस्तत्र देवाः स्युरूर्जाः सप्तर्षयः स्मृताः।

sahaḥ sahasya eteṣāmuttamaḥ kīrtivarddhanaḥ bhānavastatra devāḥ syurūrjāḥ saptarṣayaḥ smṛtāḥ

Saha, and Sahasya — of these, the foremost was an increaser of glory. There the gods were the Bhanus, and the seven sages were remembered as descendants of Urja.

Verse 92 (padma.1.7.92)

कौकभिण्डिः कुतुण्डश्च दाल्भ्यः शंखः प्रवाहितः। मितिश्च संमितिश्चैव सप्तैते योगवर्द्धनाः।

kaukabhiṇḍiḥ kutuṇḍaśca dālbhyaḥ śaṁkhaḥ pravāhitaḥ mitiśca saṁmitiścaiva saptaite yogavarddhanāḥ

Koukabhindi, Kutunda, Dalbhya, Shankha, Pravahita, Miti, and Sanmiti — these seven were increasers of Yoga.

Verse 93 (padma.1.7.93)

मन्वंतरं चतुर्थं तु तामसं नाम विश्रुतं। कपिः पृथुस्तथैवाग्निरकपिः कविरेव च।

manvaṁtaraṁ caturthaṁ tu tāmasaṁ nāma viśrutaṁ kapiḥ pṛthustathaivāgnirakapiḥ kavireva ca

The fourth Manvantara, renowned by the name Tamasa, had for its sages: Kapi, Prithu, and Agni, Akapi, and Kavi,

Verse 94 (padma.1.7.94)

तथैव जन्यधामानौ मुनयः सप्त नामतः। साध्या देवगणा ये च कथितास्तामसेंतरे।

tathaiva janyadhāmānau munayaḥ sapta nāmataḥ sādhyā devagaṇā ye ca kathitāstāmaseṁtare

and likewise Jaya and Dhama — these seven sages by name. And the host of gods called the Sadhyas — thus is the Tamasa Manvantara described.

Verse 95 (padma.1.7.95)

अकल्मषस्तपोधन्वी तपोमूलस्तपोधनः। तपोराशिस्तपस्यश्च सुतपस्यः परंतपः।

akalmaṣastapodhanvī tapomūlastapodhanaḥ taporāśistapasyaśca sutapasyaḥ paraṁtapaḥ

Akalmasha, Tapodhanvi, Tapomula, Tapodhana, Taporashi, Tapasya, Sutapasya, and Parantapa,

Verse 96 (padma.1.7.96)

तामसस्य सुताः सर्वे दशवंशविवर्द्धनाः। पंचमस्य मनोस्तद्वद्रैवतस्यांतरं शृणु।

tāmasasya sutāḥ sarve daśavaṁśavivarddhanāḥ paṁcamasya manostadvadraivatasyāṁtaraṁ śṛṇu

all sons of Tamasa, ten increasers of the lineage. Now hear likewise of the Manvantara of the fifth Manu, Raivata.

Verse 97 (padma.1.7.97)

देवबाहुः सुबाहुश्च पर्ज्यन्यः समयोमुनिः। हिरण्यरोमा सप्ताश्वः सप्तैते ऋषयः स्मृताः।

devabāhuḥ subāhuśca parjyanyaḥ samayomuniḥ hiraṇyaromā saptāśvaḥ saptaite ṛṣayaḥ smṛtāḥ

Devabahu, Subahu, Parjanya, Samayamuni, Hiranyaroman, Saptashva — these are remembered as the sages of that era.

Verse 98 (padma.1.7.98)

देवाश्च भूतरजसस्तथा प्रकृतयः स्मृताः। अवशस्तत्वदर्शी च वीतिमान्हव्यपः कपिः।

devāśca bhūtarajasastathā prakṛtayaḥ smṛtāḥ avaśastatvadarśī ca vītimānhavyapaḥ kapiḥ

And the gods were the Bhutarajasas, remembered as the ruling Prakritis of that era. Raivata Manu's sons were Avasha, Tattvadarshi, Vitiman, Havyapa, Kapi,

Verse 99 (padma.1.7.99)

मुक्तो निरुत्सुकः सत्वो निर्मोहोथ प्रकाशकः। धर्मवीर्यबलोपेता दशैते रेवतात्मजाः।

mukto nirutsukaḥ satvo nirmohotha prakāśakaḥ dharmavīryabalopetā daśaite revatātmajāḥ

Mukta, Nirutsuka, Sattva, Nirmoha, and Prakashaka — these ten, endowed with dharma, valor and strength, were the sons of Raivata.

Verse 100 (padma.1.7.100)

भृगुः सुधामा विरजः सहिष्णुर्नारदस्तथा। विवस्वान्कृतिनामा च सप्त सप्तर्षयोपरे।

bhṛguḥ sudhāmā virajaḥ sahiṣṇurnāradastathā vivasvānkṛtināmā ca sapta saptarṣayopare

Bhrigu, Sudhama, Viraja, Sahishnu, and Narada, Vivasvan, and one named Kriti — these seven were the other Saptarishis.

Verse 101 (padma.1.7.101)

चाक्षुषस्यांतरे देवा लेखानामपरिश्रुताः। विभवोथ पृथक्चानु कीर्तितास्त्रिदिवौकसः।

cākṣuṣasyāṁtare devā lekhānāmapariśrutāḥ vibhavotha pṛthakcānu kīrtitāstridivaukasaḥ

In the Chakshusha Manvantara the gods were, by the not-widely-heard name, the Lekhas; and separately, the Vibhus are declared as the dwellers of heaven.

Verse 102 (padma.1.7.102)

चाक्षुषस्यांतरे प्राप्ते देवानां पंचमो जनः। रुरुप्रभृतयस्तद्वच्चाक्षुषस्य सुता दश।

cākṣuṣasyāṁtare prāpte devānāṁ paṁcamo janaḥ ruruprabhṛtayastadvaccākṣuṣasya sutā daśa

When the Chakshusha Manvantara had arrived, this was the fifth host of the gods; and likewise the ten sons of Chakshusha Manu, headed by Ruru.

Verse 103 (padma.1.7.103)

प्रोक्ताः स्वायंभुवे वंशे ये मया पूर्वमेव ते। अन्तरं चाक्षुषं चैव मया ते परिकीर्तितं।

proktāḥ svāyaṁbhuve vaṁśe ye mayā pūrvameva te antaraṁ cākṣuṣaṁ caiva mayā te parikīrtitaṁ

Those already declared by me in the Svayambhuva lineage, and the Chakshusha Manvantara too, have thus been fully described by me.

Verse 104 (padma.1.7.104)

सप्तमं च प्रवक्ष्यामि यद्वैवस्वतमुच्यते। अत्रिश्चैव वसिष्ठश्च कश्यपो गौतमस्तथा।

saptamaṁ ca pravakṣyāmi yadvaivasvatamucyate atriścaiva vasiṣṭhaśca kaśyapo gautamastathā

Now I shall tell of the seventh, which is called Vaivasvata. Atri, and Vasishtha, and Kashyapa, and Gautama,

Verse 105 (padma.1.7.105)

भारद्वाजस्तथा योगी विश्वामित्रः प्रतापवान्। जमदग्निश्च सप्तैते सांप्रतं ते महर्षयः।

bhāradvājastathā yogī viśvāmitraḥ pratāpavān jamadagniśca saptaite sāṁprataṁ te maharṣayaḥ

Bharadvaja, and the yogi, mighty Vishvamitra, and Jamadagni — these seven are the great sages of the present era,

Verse 106 (padma.1.7.106)

कृत्वा धर्मव्यवस्थानं प्रयान्ति परमं पदं। सावर्ण्यस्य प्रवक्ष्यामि मनोर्भावि तथांतरं।

kṛtvā dharmavyavasthānaṁ prayānti paramaṁ padaṁ sāvarṇyasya pravakṣyāmi manorbhāvi tathāṁtaraṁ

who, having established the order of dharma, go to the supreme abode. I shall now tell of the future Manvantara of Savarni Manu.

Verse 107 (padma.1.7.107)

अश्वत्थामा शरद्वांश्च कौशिको गालवस्तथा। शतानंदः काश्यपश्च रामश्च ऋषय स्मृताः।

aśvatthāmā śaradvāṁśca kauśiko gālavastathā śatānaṁdaḥ kāśyapaśca rāmaśca ṛṣaya smṛtāḥ

Ashvatthama, Sharadvan, Kaushika, and Galava, Shatananda, Kashyapa, and Rama — these are remembered as the future sages.

Verse 108 (padma.1.7.108)

धृतिर्वरीयान्यवसुः सुवर्णो धृतिरेव च। वरिष्णुवीर्यः सुमतिर्वसुश्शुक्रश्च वीर्यवान्।

dhṛtirvarīyānyavasuḥ suvarṇo dhṛtireva ca variṣṇuvīryaḥ sumatirvasuśśukraśca vīryavān

Dhriti, Variyan, Yavasu, Suvarna, and Dhriti likewise, Varishnuvirya, Sumati, Vasu, and mighty Shukra,

Verse 109 (padma.1.7.109)

भविष्यस्यार्कसावर्णेर्मनोः पुत्राः प्रकीर्तिताः। रौच्यादयस्तथान्येपि मनवः संप्रकीर्तिताः।

bhaviṣyasyārkasāvarṇermanoḥ putrāḥ prakīrtitāḥ raucyādayastathānyepi manavaḥ saṁprakīrtitāḥ

declared as the sons of the future Manu Arka-Savarni. And likewise the other Manus, beginning with Rauchya, are fully declared.

Verse 110 (padma.1.7.110)

रुचेः प्रजापतेः पुत्रो रौच्यो नाम भविष्यति। मनुर्भूतिसुतस्तद्वद्भौत्यो नाम भविष्यति।

ruceḥ prajāpateḥ putro raucyo nāma bhaviṣyati manurbhūtisutastadvadbhautyo nāma bhaviṣyati

The son of the Prajapati Ruchi will be the Manu named Rauchya; likewise, the son of Bhuti will become the Manu named Bhautya.

Verse 111 (padma.1.7.111)

ततस्तु मेरुसावर्णिर्ब्रह्मसुनुर्मनुः स्मृतः। ऋभुश्च ॠतुधामा च विष्वक्सेनो मनुस्तथा।

tatastu merusāvarṇirbrahmasunurmanuḥ smṛtaḥ ṛbhuśca ṝtudhāmā ca viṣvakseno manustathā

Then Meru-Savarni, son of Brahma, is remembered as a Manu; and Ribhu, and Ritudhama, and Vishvaksena likewise, as Manus.

Verse 112 (padma.1.7.112)

अतीतानागताश्चैव मनवः परिकीर्तिताः। वर्षाणां युगसाहस्रमेभिर्व्याप्तं नराधिप।

atītānāgatāścaiva manavaḥ parikīrtitāḥ varṣāṇāṁ yugasāhasramebhirvyāptaṁ narādhipa

Thus the Manus, past and future, have been fully declared. A thousand ages of years, O king, are pervaded by these.

Verse 113 (padma.1.7.113)

स्वेस्वेन्तरे सर्वमिदं समुत्पाद्य चराचरं। कल्पक्षये निवृत्ते तु मुच्यंते ब्रह्मणा सह।

svesventare sarvamidaṁ samutpādya carācaraṁ kalpakṣaye nivṛtte tu mucyaṁte brahmaṇā saha

Having brought forth, each in his own era, all this moving and unmoving creation, when the destruction of the Kalpa has occurred, they are released together with Brahma.

Verse 114 (padma.1.7.114)

अमीयुगसहस्रान्ते विनश्यन्ति पुनःपुनः। ब्रह्माद्या विष्णुसायुज्यं ततो यास्यंति वै नृप।

amīyugasahasrānte vinaśyanti punaḥpunaḥ brahmādyā viṣṇusāyujyaṁ tato yāsyaṁti vai nṛpa

At the end of a thousand ages, these are destroyed again and again; and Brahma and the others then, O king, attain union with Vishnu.