The Manifestation of Narasimha

Verse 1 (padma.1.45.1)

भीष्म उवाच। इदानीं श्रोतुमिच्छामि हिरण्यकशिपोर्वधम्। नरसिंहस्य माहात्म्यं तथा पापविनाशनम्

bhīṣma uvāca idānīṁ śrotumicchāmi hiraṇyakaśiporvadham narasiṁhasya māhātmyaṁ tathā pāpavināśanam

Bhishma said: "Now I wish to hear of the slaying of Hiranyakashipu, and the greatness of Narasimha, which destroys sin."

Verse 2 (padma.1.45.2)

पुलस्त्य उवाच। पुरा कृतयुगे राजन्हिरण्यकशिपुः प्रभुः। दैत्यानामादिपुरुषश्चकार सुमहत्तपः

pulastya uvāca purā kṛtayuge rājanhiraṇyakaśipuḥ prabhuḥ daityānāmādipuruṣaścakāra sumahattapaḥ

Pulastya said: "Long ago, in the Krita Yuga, O king, the mighty Hiranyakashipu, the first among the daityas, performed great austerity."

Verse 3 (padma.1.45.3)

दशवर्षसहस्राणि दशवर्षशतानि च। जलवासी समभवत्स्नानमौनधृतव्रतः

daśavarṣasahasrāṇi daśavarṣaśatāni ca jalavāsī samabhavatsnānamaunadhṛtavrataḥ

For ten thousand years and ten hundred years he dwelt in water, bathing, silent, and holding to his vow.

Verse 4 (padma.1.45.4)

वृतः शमदमाभ्यां च ब्रह्मचर्येण चैव हि। ब्रह्मा प्रीतोऽभवत्तस्य तपसा नियमेन च

vṛtaḥ śamadamābhyāṁ ca brahmacaryeṇa caiva hi brahmā prīto'bhavattasya tapasā niyamena ca

Endowed with tranquility and self-control, and with celibacy, Brahma became pleased by his austerity and discipline.

Verse 5 (padma.1.45.5)

ततः स्वयंभूर्भगवान्स्वयमागत्य तत्र हि। विमानेनार्कवर्णेन हंसयुक्तेन भास्वता

tataḥ svayaṁbhūrbhagavānsvayamāgatya tatra hi vimānenārkavarṇena haṁsayuktena bhāsvatā

Then the self-born Lord himself came there, in a shining chariot the colour of the sun, yoked with swans.

Verse 6 (padma.1.45.6)

आदित्यैर्वसुभिः साध्यैर्मरुद्भिर्दैवतैस्सह। रुद्रैर्विश्वसहायैश्च यक्षराक्षसपन्नगैः

ādityairvasubhiḥ sādhyairmarudbhirdaivataissaha rudrairviśvasahāyaiśca yakṣarākṣasapannagaiḥ

accompanied by the Adityas, the Vasus, the Sadhyas, the Maruts and the gods, by the Rudras, the Vishvedevas, and by yakshas, rakshasas and serpents,

Verse 7 (padma.1.45.7)

दिग्भिश्चैव विदिग्भिश्च नदीभिः सागरैस्तथा। नक्षत्रैश्च मुहूर्तैश्च खचरैश्च महाग्रहैः

digbhiścaiva vidigbhiśca nadībhiḥ sāgaraistathā nakṣatraiśca muhūrtaiśca khacaraiśca mahāgrahaiḥ

by the directions and intermediate directions, by rivers and oceans, by the constellations, the auspicious hours, the sky-wanderers, and the great planets,

Verse 8 (padma.1.45.8)

देवैर्ब्रह्मर्षिभिः सार्द्धं सिद्धैः सप्तर्षिभिस्तथा। राजर्षिभिः पुण्यकृद्भिर्गंधर्वाप्सरसांगणैः

devairbrahmarṣibhiḥ sārddhaṁ siddhaiḥ saptarṣibhistathā rājarṣibhiḥ puṇyakṛdbhirgaṁdharvāpsarasāṁgaṇaiḥ

together with the gods and the brahmarshis, with the siddhas and the seven great sages, with royal seers of virtuous deeds, and with hosts of gandharvas and apsaras,

Verse 9 (padma.1.45.9)

चराचरगुरुः श्रीमान्वृतः सर्वैर्दिवौकसैः। ब्रह्मा ब्रह्मविदां श्रेष्ठो दैत्यं वचनमब्रवीत्

carācaraguruḥ śrīmānvṛtaḥ sarvairdivaukasaiḥ brahmā brahmavidāṁ śreṣṭho daityaṁ vacanamabravīt

the glorious teacher of all moving and unmoving beings, surrounded by all the dwellers of heaven — Brahma, foremost among the knowers of Brahman, spoke these words to the daitya:

Verse 10 (padma.1.45.10)

प्रीतोस्मि तव भक्तस्य तपसाऽनेन सुव्रत। वरं वरय भद्रं ते यथेष्टं काममाप्नुहि

prītosmi tava bhaktasya tapasā'nena suvrata varaṁ varaya bhadraṁ te yatheṣṭaṁ kāmamāpnuhi

"I am pleased with you, my devotee, by this austerity, O one of good vows. Choose a boon; may good befall you — obtain your desire as you wish."

Verse 11 (padma.1.45.11)

हिरण्यकशिपुरुवाच। न देवासुरगंधर्वा न यक्षोरगराक्षसाः। न मानुषाः पिशाचाश्च हन्युर्मां देवसत्तम

hiraṇyakaśipuruvāca na devāsuragaṁdharvā na yakṣoragarākṣasāḥ na mānuṣāḥ piśācāśca hanyurmāṁ devasattama

Hiranyakashipu said: "Let neither gods, asuras, nor gandharvas, nor yakshas, serpents, or rakshasas, nor men or pishachas slay me, O best of gods —"

Verse 12 (padma.1.45.12)

ऋषयो मानवाः शापैर्न शपेयुः पितामह। यदि मे भगवान्प्रीतो वर एष वृतो मया

ṛṣayo mānavāḥ śāpairna śapeyuḥ pitāmaha yadi me bhagavānprīto vara eṣa vṛto mayā

"nor let sages or men curse me with curses, O grandsire — if the Lord is pleased with me, this is the boon I choose."

Verse 13 (padma.1.45.13)

न शस्त्रेण न चास्त्रेण गिरिणा पादपेन वा। न शुष्केण न चार्द्रेण न स्याच्चान्येन मे वधः

na śastreṇa na cāstreṇa giriṇā pādapena vā na śuṣkeṇa na cārdreṇa na syāccānyena me vadhaḥ

"Let my death come neither by weapon nor by missile, nor by mountain or tree, neither by what is dry nor by what is wet, nor by any other means."

Verse 14 (padma.1.45.14)

भवेयमहमेवार्कः सोमो वायुर्हुताशनः। सलिलं चांतरिक्षं च नक्षत्राणि दिशो दश

bhaveyamahamevārkaḥ somo vāyurhutāśanaḥ salilaṁ cāṁtarikṣaṁ ca nakṣatrāṇi diśo daśa

"Let me myself become the sun, the moon, the wind, fire, water, and the sky, the stars, and the ten directions —"

Verse 15 (padma.1.45.15)

अहं क्रोधश्च कामश्च वरुणो वासवो यमः। धनदश्च धनाध्यक्षो यक्षः किंपुरुषाधिपः

ahaṁ krodhaśca kāmaśca varuṇo vāsavo yamaḥ dhanadaśca dhanādhyakṣo yakṣaḥ kiṁpuruṣādhipaḥ

"let me be anger and desire, Varuna, Indra, and Yama, Kubera the lord of wealth, the overseer of riches, the lord of the yakshas and of the Kimpurushas."

Verse 16 (padma.1.45.16)

ब्रह्मोवाच । एष दिव्यो वरस्तात मया दत्तस्तवाद्भुतः। सर्वकामप्रदो वत्स प्राप्स्यसि त्वं न संशयः

brahmovāca eṣa divyo varastāta mayā dattastavādbhutaḥ sarvakāmaprado vatsa prāpsyasi tvaṁ na saṁśayaḥ

Brahma said: "This wondrous, divine boon, O child, I have granted you; it fulfils every desire. You shall surely obtain it, my son, without doubt."

Verse 17 (padma.1.45.17)

एवमुक्त्वा स भगवान्जगामाकाशमेव हि। वैराजं ब्रह्मसदनं ब्रह्मर्षिगणसेवितम्

evamuktvā sa bhagavānjagāmākāśameva hi vairājaṁ brahmasadanaṁ brahmarṣigaṇasevitam

Having said this, the Lord went up into the sky, to the Viraja abode of Brahma, attended by hosts of brahmarshis.

Verse 18 (padma.1.45.18)

ततो देवाश्च गंधर्वा ऋषिभिः सह चारणाः। वरप्रदानं श्रुत्वैवं पितामहमुपस्थिताः

tato devāśca gaṁdharvā ṛṣibhiḥ saha cāraṇāḥ varapradānaṁ śrutvaivaṁ pitāmahamupasthitāḥ

Then the gods, the gandharvas, together with the sages and the charanas, having heard of this granting of the boon, approached the Grandsire.

Verse 19 (padma.1.45.19)

देवा ऊचुः। वरप्रदानाद्भगवन्वधिष्यति स नोऽसुरः। तत्प्रसादश्च भगवन्वधोप्यस्य विचिंत्यताम्

devā ūcuḥ varapradānādbhagavanvadhiṣyati sa no'suraḥ tatprasādaśca bhagavanvadhopyasya viciṁtyatām

The gods said: "O Lord, by this granting of the boon, this asura will destroy us. Even as you show him grace, O Lord, let his destruction also be considered."

Verse 20 (padma.1.45.20)

भगवान्सर्वभूतानामादिकर्त्ता स्वयंप्रभुः। स्रष्टा च हव्यकव्यानामव्यक्तप्रकृतिः परः

bhagavānsarvabhūtānāmādikarttā svayaṁprabhuḥ sraṣṭā ca havyakavyānāmavyaktaprakṛtiḥ paraḥ

"The Lord is the primal maker of all beings, self-luminous, the creator of oblations to gods and ancestors, the supreme one whose nature is unmanifest."

Verse 21 (padma.1.45.21)

सर्वलोकहितं वाक्यं श्रुत्वा देवः प्रजापतिः। आश्वासयामास तदा सुशीतैर्वचनांबुभिः

sarvalokahitaṁ vākyaṁ śrutvā devaḥ prajāpatiḥ āśvāsayāmāsa tadā suśītairvacanāṁbubhiḥ

Hearing these words spoken for the good of all worlds, the god Prajapati then comforted them with words cool as water.

Verse 22 (padma.1.45.22)

अवश्यं त्रिदशानेन प्राप्तव्यं तपसः फलं। तपसोऽन्तेऽस्य भगवान्वधं विष्णुः करिष्यति

avaśyaṁ tridaśānena prāptavyaṁ tapasaḥ phalaṁ tapaso'nte'sya bhagavānvadhaṁ viṣṇuḥ kariṣyati

"This fruit of his austerity must certainly come to pass — at the end of his tapas, the Lord Vishnu himself will accomplish his slaying."

Verse 23 (padma.1.45.23)

तच्छ्रुत्वा विबुधा वाक्यं सर्वे पंकजजाननात्। स्वानि स्थानानि दिव्यानि विप्रजग्मुर्मुदान्विताः

tacchrutvā vibudhā vākyaṁ sarve paṁkajajānanāt svāni sthānāni divyāni viprajagmurmudānvitāḥ

Hearing this word from the lotus-born one, all the gods, filled with joy, returned each to their own divine abodes.

Verse 24 (padma.1.45.24)

लब्धमात्रे वरे सोथ प्रजास्सर्वा अबाधत। हिरण्यकशिपुर्दैत्यो वरदानेन गर्वितः

labdhamātre vare sotha prajāssarvā abādhata hiraṇyakaśipurdaityo varadānena garvitaḥ

As soon as the boon was obtained, the daitya Hiranyakashipu, made arrogant by the granting of the boon, began to oppress all creatures.

Verse 25 (padma.1.45.25)

आश्रमेषु महाभागान्मुनीन्वै शंसितव्रतान्। सत्यधर्मपरान्दान्तान्धर्षयामास दानवः

āśrameṣu mahābhāgānmunīnvai śaṁsitavratān satyadharmaparāndāntāndharṣayāmāsa dānavaḥ

The danava assaulted the greatly fortunate sages in their hermitages, men of praised vows, devoted to truth and dharma, and self-controlled.

Verse 26 (padma.1.45.26)

देवांस्त्रिभुवनस्थांश्च पराजित्य महासुरः। त्रैलोक्यं वशमानीय स्वर्गे वसति दानवः

devāṁstribhuvanasthāṁśca parājitya mahāsuraḥ trailokyaṁ vaśamānīya svarge vasati dānavaḥ

Having conquered the gods dwelling in the three worlds, the great asura brought the three worlds under his sway and dwelt in heaven, that danava.

Verse 27 (padma.1.45.27)

यदा वरमदोत्सिक्तश्चोदितः कालधर्मिणा। यज्ञियानकरोद्दैत्यानयज्ञीयांश्च दैवतान्

yadā varamadotsiktaścoditaḥ kāladharmiṇā yajñiyānakaroddaityānayajñīyāṁśca daivatān

When, swollen with the pride of his boon and driven on by the force of time, he made the daityas fit to receive sacrifice and the gods unfit for it,

Verse 28 (padma.1.45.28)

तथा दैत्याश्च साध्याश्च विश्वे च वसवस्तथा। रुद्रा देवगणा यक्षा देवद्विजमहर्षयः

tathā daityāśca sādhyāśca viśve ca vasavastathā rudrā devagaṇā yakṣā devadvijamaharṣayaḥ

then the daityas and the Sadhyas, the Vishvedevas and the Vasus, the Rudras, the hosts of gods, the yakshas, and the divine twice-born great sages —

Verse 29 (padma.1.45.29)

शरण्यं शरणं विष्णुमुपतस्थुर्महाबलम्। देवदेवं यज्ञमयं वासुदेवं सनातनम्

śaraṇyaṁ śaraṇaṁ viṣṇumupatasthurmahābalam devadevaṁ yajñamayaṁ vāsudevaṁ sanātanam

all approached for refuge the mighty Vishnu, the giver of shelter, the god of gods, whose very self is sacrifice, the eternal Vasudeva.

Verse 30 (padma.1.45.30)

देवा ऊचुः। नारायण महाभाग देवास्त्वां शरणं गताः। त्रायस्व जहि दैत्येंद्रं हिरण्यकशिपुं प्रभो

devā ūcuḥ nārāyaṇa mahābhāga devāstvāṁ śaraṇaṁ gatāḥ trāyasva jahi daityeṁdraṁ hiraṇyakaśipuṁ prabho

The gods said: "O Narayana, greatly fortunate one, we gods have come to you for refuge. Protect us, O Lord, and slay the lord of the daityas, Hiranyakashipu."

Verse 31 (padma.1.45.31)

त्वं हि नः परमोदाता त्वं हि नः परमो गुरुः। त्वं हि नः परमो देवो ब्रह्मादीनां सुरोत्तमः

tvaṁ hi naḥ paramodātā tvaṁ hi naḥ paramo guruḥ tvaṁ hi naḥ paramo devo brahmādīnāṁ surottamaḥ

"You alone are our supreme giver, you alone our supreme teacher; you alone are our supreme god, the best of gods even above Brahma and the others."

Verse 32 (padma.1.45.32)

विष्णुरुवाच। भयं त्यजद्ध्वममरा अभयं वो ददाम्यहम्। तथैव त्रिदिवं देवाः प्रतिपद्यत माचिरम्

viṣṇuruvāca bhayaṁ tyajaddhvamamarā abhayaṁ vo dadāmyaham tathaiva tridivaṁ devāḥ pratipadyata māciram

Vishnu said: "Cast away your fear, O immortals; I grant you freedom from fear. Return, O gods, to heaven itself without delay."

Verse 33 (padma.1.45.33)

एनं हि सगणं दैत्यं वरदानेन गर्वितम्। अवध्यममरेंद्राणां दानवेंद्रं निहन्म्यहम्

enaṁ hi sagaṇaṁ daityaṁ varadānena garvitam avadhyamamareṁdrāṇāṁ dānaveṁdraṁ nihanmyaham

"I myself shall slay this daitya together with his host — this lord of danavas, made arrogant by his boon, who is unslayable by the lords of the immortals."

Verse 34 (padma.1.45.34)

एवमुक्त्वा तु भगवान्विश्वपो विष्णुरव्ययः। हिरण्यकशिपुस्थानं जगाम हरिरीश्वरः

evamuktvā tu bhagavānviśvapo viṣṇuravyayaḥ hiraṇyakaśipusthānaṁ jagāma harirīśvaraḥ

Having said this, the imperishable Lord Vishnu, protector of the universe, Hari the Ishvara, went to the abode of Hiranyakashipu.

Verse 35 (padma.1.45.35)

तेजसा भास्काराकारः शशीकांत्येव चापरः। नरस्य कृत्वार्धतनुं सिंहस्यार्द्धतनुं तथा

tejasā bhāskārākāraḥ śaśīkāṁtyeva cāparaḥ narasya kṛtvārdhatanuṁ siṁhasyārddhatanuṁ tathā

Blazing in splendour like the sun, and yet as gentle as the beauty of the moon, having made half his body that of a man and half that of a lion —

Verse 36 (padma.1.45.36)

नारसिंहेन वपुषा पाणिं संगृह्य पाणिना। ततो ददर्श विस्तीर्णां दिव्यां रम्यां मनोरमाम्

nārasiṁhena vapuṣā pāṇiṁ saṁgṛhya pāṇinā tato dadarśa vistīrṇāṁ divyāṁ ramyāṁ manoramām

in that Man-Lion form, clasping hand within hand, he then beheld the vast, divine, delightful, and enchanting

Verse 37 (padma.1.45.37)

सर्वकामयुतां शुभ्रां हिरण्यकशिपोः सभाम्। विस्तीर्णां योजनशतं शतमध्यर्द्धमायताम्

sarvakāmayutāṁ śubhrāṁ hiraṇyakaśipoḥ sabhām vistīrṇāṁ yojanaśataṁ śatamadhyarddhamāyatām

assembly hall of Hiranyakashipu, radiant white and filled with every desired thing, extending a hundred and a half yojanas wide and long.

Verse 38 (padma.1.45.38)

वैहायसीं कामगमां पंचयोजनमुच्छ्रिताम्। जराशोकक्षमापेतां निष्प्रकम्प्यां शिवां सुखाम्

vaihāyasīṁ kāmagamāṁ paṁcayojanamucchritām jarāśokakṣamāpetāṁ niṣprakampyāṁ śivāṁ sukhām

It moved through the sky, going wherever wished, five yojanas high, free from old age and sorrow, unshakable, auspicious, and full of comfort.

Verse 39 (padma.1.45.39)

वेश्मासनवतीं रम्यां ज्वलंतीमिव तेजसा। अंतःसलिलसंयुक्तां विहितां विश्वकर्मणा

veśmāsanavatīṁ ramyāṁ jvalaṁtīmiva tejasā aṁtaḥsalilasaṁyuktāṁ vihitāṁ viśvakarmaṇā

Lovely with its chambers and seats, blazing as if with its own splendour, joined within with flowing water, and fashioned by Vishvakarma.

Verse 40 (padma.1.45.40)

दिव्यवर्णमयैर्वृक्षैः फलपुष्पप्रदैर्युताम्। नीलपीतासितश्यामैः श्वेतैर्लोहितकैरपि

divyavarṇamayairvṛkṣaiḥ phalapuṣpapradairyutām nīlapītāsitaśyāmaiḥ śvetairlohitakairapi

It was adorned with trees of divine hues bearing fruit and flowers — blue, yellow, dark, black, white, and red.

Verse 41 (padma.1.45.41)

अवदातैस्तथा गुल्मै रक्तमंजरिधारिभिः। सिताभ्रघनसंकाशां प्लवंतीं च ददर्श सः

avadātaistathā gulmai raktamaṁjaridhāribhiḥ sitābhraghanasaṁkāśāṁ plavaṁtīṁ ca dadarśa saḥ

and with bright shrubs bearing red blossom-clusters; he beheld it gleaming like a mass of white clouds, seeming to float.

Verse 42 (padma.1.45.42)

रश्मिमती स्वभावेन दिव्यगंधमनोरमा। सुसुखा न च दुःखा सा न शीता न च घर्मदा

raśmimatī svabhāvena divyagaṁdhamanoramā susukhā na ca duḥkhā sā na śītā na ca gharmadā

Radiant by its own nature, enchanting with divine fragrance, it was full of comfort and free from sorrow, neither cold nor causing heat.

Verse 43 (padma.1.45.43)

न क्षुत्पिपासे ग्लानिं वा प्राप्यतां प्राप्नुवंति ते। नानरूपैरुपकृता सुचित्रैश्च सुभास्वरैः

na kṣutpipāse glāniṁ vā prāpyatāṁ prāpnuvaṁti te nānarūpairupakṛtā sucitraiśca subhāsvaraiḥ

Those who reached it felt neither hunger, thirst, nor weariness; it was adorned with many wondrous and radiant forms.

Verse 44 (padma.1.45.44)

अतिचंद्रातिसूर्याति शिखिकान्ति स्वयंप्रभा। दीप्यते नाकपृष्ठस्था भासयंती विभासुरा

aticaṁdrātisūryāti śikhikānti svayaṁprabhā dīpyate nākapṛṣṭhasthā bhāsayaṁtī vibhāsurā

Surpassing the moon, surpassing the sun, surpassing the splendour of flame, self-luminous, it blazed even above the height of heaven, radiant and shining.

Verse 45 (padma.1.45.45)

सर्वे चकाशिरे तस्यां मुदिताश्चैव मानुषाः। रसवच्च प्रभूतं च भक्ष्यभोज्यान्नमुत्तमं

sarve cakāśire tasyāṁ muditāścaiva mānuṣāḥ rasavacca prabhūtaṁ ca bhakṣyabhojyānnamuttamaṁ

In it all the people shone forth, joyful, with abundant, delicious food and drink of the finest kind.

Verse 46 (padma.1.45.46)

पुण्यगंधास्रजश्चापि नित्यकालफला द्रुमाः। उष्णे शीतानि तोयानि शीते चोष्णानि संति वै

puṇyagaṁdhāsrajaścāpi nityakālaphalā drumāḥ uṣṇe śītāni toyāni śīte coṣṇāni saṁti vai

There were fragrant garlands, and trees ever bearing fruit; in the heat the waters were cool, and in the cold they were warm.

Verse 47 (padma.1.45.47)

पुष्पिताग्रान्महाशाखान्प्रवालांकुरधारिणः। लतावितानसंछन्नान्कल्पानैक्षिष्ठ स प्रभुः

puṣpitāgrānmahāśākhānpravālāṁkuradhāriṇaḥ latāvitānasaṁchannānkalpānaikṣiṣṭha sa prabhuḥ

The Lord beheld wish-fulfilling trees, flowering at their tips, with great branches bearing tender shoots, canopied over with creepers.

Verse 48 (padma.1.45.48)

गंधवंति च पुष्पाणि रसवंति फलानि च। तानि शीतानि चोष्णानि तत्रतत्र सरांसि च

gaṁdhavaṁti ca puṣpāṇi rasavaṁti phalāni ca tāni śītāni coṣṇāni tatratatra sarāṁsi ca

Fragrant were the flowers and flavourful the fruits; here and there were pools, some cool and some warm.

Verse 49 (padma.1.45.49)

अपश्यद्भूपतीर्थानि सभायां तस्य स प्रभुः। नलिनैः पुंडरीकैश्च शतपत्रैः सुगंधिभिः

apaśyadbhūpatīrthāni sabhāyāṁ tasya sa prabhuḥ nalinaiḥ puṁḍarīkaiśca śatapatraiḥ sugaṁdhibhiḥ

The Lord saw, in that assembly, sacred bathing-places filled with lotuses, white lotuses, and fragrant hundred-petalled blooms,

Verse 50 (padma.1.45.50)

रक्तैः कुवलयैश्चैव कल्हारैरुत्पलैस्तथा। नानाश्चर्यसमोपेतैः पुष्पैरन्यैश्च सुप्रियैः

raktaiḥ kuvalayaiścaiva kalhārairutpalaistathā nānāścaryasamopetaiḥ puṣpairanyaiśca supriyaiḥ

with red water-lilies, kalhara and utpala blossoms, and with other wondrous and beloved flowers.

Verse 51 (padma.1.45.51)

कारंडवैश्चक्रवाकैः सारसैः कुररैरपि। विमलस्फटिकाभानि पांडुरच्छदनैर्द्विजैः

kāraṁḍavaiścakravākaiḥ sārasaiḥ kurarairapi vimalasphaṭikābhāni pāṁḍuracchadanairdvijaiḥ

There were karandava ducks, chakravaka birds, cranes and ospreys; the crystal-clear waters were graced by white-winged birds,

Verse 52 (padma.1.45.52)

बहुहंसोपगीतानि सारसानां रुतानि च। गंधयुक्ता लतास्तत्र पुष्पमंजरिधारिणीः

bahuhaṁsopagītāni sārasānāṁ rutāni ca gaṁdhayuktā latāstatra puṣpamaṁjaridhāriṇīḥ

sung over by many swans, with the cries of cranes; there too were fragrant creepers bearing clusters of flowers.

Verse 53 (padma.1.45.53)

दृष्टवान्भगवान्हृष्टः खदिरान्वेतसार्जुनान्। चूतानिम्बानागवृक्षाः कदंबा बकुला धवाः

dṛṣṭavānbhagavānhṛṣṭaḥ khadirānvetasārjunān cūtānimbānāgavṛkṣāḥ kadaṁbā bakulā dhavāḥ

The joyful Lord beheld khadira, vetasa and arjuna trees, mango and neem, naga trees, kadamba, bakula, and dhava,

Verse 54 (padma.1.45.54)

प्रियंगवः पाटलाख्याः शाल्मल्यस्स हरिद्रवाः। शालास्तालास्तमालाश्च चंपकाश्च मनोरमाः

priyaṁgavaḥ pāṭalākhyāḥ śālmalyassa haridravāḥ śālāstālāstamālāśca caṁpakāśca manoramāḥ

priyangu, patala trees, shalmali and haridrava, shala, tala, tamala, and the lovely champaka,

Verse 55 (padma.1.45.55)

तथैवान्ये व्यराजंत सभायां पुष्पिता द्रुमाः। एलाक कुभकंकोल लवली कर्णपूरकाः

tathaivānye vyarājaṁta sabhāyāṁ puṣpitā drumāḥ elāka kubhakaṁkola lavalī karṇapūrakāḥ

and other flowering trees shone forth likewise in the hall — cardamom, kubha, kankola, lavali, and karnapuraka,

Verse 56 (padma.1.45.56)

मधुकाः कोविदाराश्च बहुतालसमुच्छ्रयाः। अंजनाशोकपर्णासा बहवश्चित्रका द्रुमाः

madhukāḥ kovidārāśca bahutālasamucchrayāḥ aṁjanāśokaparṇāsā bahavaścitrakā drumāḥ

madhuka and kovidara, towering tala-trees, anjana, ashoka trees with fine leaves, and many parti-coloured trees,

Verse 57 (padma.1.45.57)

वरुणाश्च पलाशाश्चा पनसास्सह चंदनैः। नीलास्सुमनसश्चैव नीपाश्चाश्वत्थतिंदुकाः

varuṇāśca palāśāścā panasāssaha caṁdanaiḥ nīlāssumanasaścaiva nīpāścāśvatthatiṁdukāḥ

varuna and palasha, jackfruit trees together with sandalwood, blue-flowered sumanas trees, nipa, ashvattha, and tinduka,

Verse 58 (padma.1.45.58)

पारिजाताश्च तरवो मल्लिका भद्रदारवः। अटरूषाः पीलूकाश्च तथा चैवैलवालुकाः

pārijātāśca taravo mallikā bhadradāravaḥ aṭarūṣāḥ pīlūkāśca tathā caivailavālukāḥ

parijata trees, jasmine, deodar, atarusha and piluka, and likewise elavaluka,

Verse 59 (padma.1.45.59)

मंदारकाः कुरवका पुन्नागाः कुटजास्तथा। रक्ताः कुरवकाश्चैव नीलाश्चागरुभिः सह

maṁdārakāḥ kuravakā punnāgāḥ kuṭajāstathā raktāḥ kuravakāścaiva nīlāścāgarubhiḥ saha

mandara trees, kuravaka, punnaga and kutaja, red kuravaka blossoms, and dark aloe-wood trees,

Verse 60 (padma.1.45.60)

किंशुकाश्चैव भव्याश्च दाडिमा बीजपूरकाः। कालेयका दुकूलाश्च हिंगवस्तैलवर्त्तिकाः

kiṁśukāścaiva bhavyāśca dāḍimā bījapūrakāḥ kāleyakā dukūlāśca hiṁgavastailavarttikāḥ

kimshuka and bhavya trees, pomegranate and citron, kaleyaka and dukula, and hingu and tailavartika,

Verse 61 (padma.1.45.61)

खर्जूरा नालिकेराश्च हरीतक मधूककाः। सप्तपर्णाश्च बिल्वाश्च सयावाश्च शरावताः

kharjūrā nālikerāśca harītaka madhūkakāḥ saptaparṇāśca bilvāśca sayāvāśca śarāvatāḥ

date-palms, coconut trees, myrobalan and madhuka, saptaparna and bilva, sayava and sharavata,

Verse 62 (padma.1.45.62)

असनाश्च तमालाश्च नानागुल्मसमावृताः। लताश्च विविधाकाराः पुष्पपत्रफलोपगाः

asanāśca tamālāśca nānāgulmasamāvṛtāḥ latāśca vividhākārāḥ puṣpapatraphalopagāḥ

asana and tamala trees, all enveloped in various shrubs, and creepers of many forms, bearing flowers, leaves, and fruit.

Verse 63 (padma.1.45.63)

एते चान्ये च बहवस्तत्र काननजा द्रुमाः। नानापुष्पफलोपेता व्यराजंत समंततः

ete cānye ca bahavastatra kānanajā drumāḥ nānāpuṣpaphalopetā vyarājaṁta samaṁtataḥ

These and many other forest-born trees, laden with various flowers and fruits, shone forth all around.

Verse 64 (padma.1.45.64)

चकोराः शतपत्राश्च मत्तकोकिलशारिकाः। पुष्पितान्पुष्पिताग्रांश्च संपतंति महाद्रुमान्

cakorāḥ śatapatrāśca mattakokilaśārikāḥ puṣpitānpuṣpitāgrāṁśca saṁpataṁti mahādrumān

Chakora birds, peacocks, intoxicated cuckoos and mynahs flew down upon the great trees flowering and blossoming at their tips.

Verse 65 (padma.1.45.65)

रक्तपीतारुणास्तत्र पादपाग्रगताः खगाः। परस्परमवैक्षंत प्रहृष्टा जीवजीविकाः

raktapītāruṇāstatra pādapāgragatāḥ khagāḥ parasparamavaikṣaṁta prahṛṣṭā jīvajīvikāḥ

Red, yellow, and crimson birds perched at the tips of the trees; the jivajivaka birds gazed upon one another, overjoyed.

Verse 66 (padma.1.45.66)

तस्यां सभायां दैत्येंद्रो हिरण्यकशिपुस्तदा। आसीन आसने चित्रे दशनल्वे प्रमाणतः

tasyāṁ sabhāyāṁ daityeṁdro hiraṇyakaśipustadā āsīna āsane citre daśanalve pramāṇataḥ

In that hall, the lord of the daityas, Hiranyakashipu, then sat upon a wondrous seat, ten spans in measure,

Verse 67 (padma.1.45.67)

दिवाकरनिभे दिव्ये दिव्यास्तरणसंस्तृते। हिरण्यकशिपुर्दैत्य आस्ते ज्वलितकुंडलः

divākaranibhe divye divyāstaraṇasaṁstṛte hiraṇyakaśipurdaitya āste jvalitakuṁḍalaḥ

radiant like the sun, divine, spread with celestial coverings — the daitya Hiranyakashipu sat there, his earrings blazing.

Verse 68 (padma.1.45.68)

उपचेरुर्महादैत्या हिरण्यकशिपुं तदा। दिव्यतालानि गीतानि जगुर्गंधर्वसत्तमाः

upacerurmahādaityā hiraṇyakaśipuṁ tadā divyatālāni gītāni jagurgaṁdharvasattamāḥ

Great daityas then attended upon Hiranyakashipu, while the finest of gandharvas sang songs to divine rhythms.

Verse 69 (padma.1.45.69)

विश्वाची सहजन्या च प्रम्लोचेति च पूजिता। दिव्याथ सौरभेयी च समीची पुंजिकस्थला

viśvācī sahajanyā ca pramloceti ca pūjitā divyātha saurabheyī ca samīcī puṁjikasthalā

Vishvachi, Sahajanya, and the honoured Pramlocha, the divine Saurabheyi, Samichi, and Punjikasthala,

Verse 70 (padma.1.45.70)

मिश्रकेशी च रंभा च चित्रभा श्रुतिविभ्रमा। चारुनेत्रा घृताची च मेनका चोर्वशी तथा

miśrakeśī ca raṁbhā ca citrabhā śrutivibhramā cārunetrā ghṛtācī ca menakā corvaśī tathā

Mishrakeshi, Rambha, Chitrabha, Shrutivibhrama, the lovely-eyed Ghritachi, Menaka, and Urvashi as well —

Verse 71 (padma.1.45.71)

एतास्सहस्रशश्चान्या नृत्यगीतविशारदाः। उपातिष्ठंत राजानं हिरण्यकशिपुं प्रभुम्

etāssahasraśaścānyā nṛtyagītaviśāradāḥ upātiṣṭhaṁta rājānaṁ hiraṇyakaśipuṁ prabhum

these and thousands of others, skilled in dance and song, waited upon king Hiranyakashipu, the lord.

Verse 72 (padma.1.45.72)

उपासते दितेः पुत्राः सर्वे लब्धवरास्तथा। बलिर्विरोचनस्तत्र नरकः पृथिवीसुतः

upāsate diteḥ putrāḥ sarve labdhavarāstathā balirvirocanastatra narakaḥ pṛthivīsutaḥ

All the sons of Diti, who had likewise obtained boons, attended upon him — Bali, Virochana, and Naraka, son of the Earth,

Verse 73 (padma.1.45.73)

प्रह्लादो विप्रचित्तिश्च गविष्ठश्च महासुरः। सुरहन्ता दुःखकर्ता समनास्सुमतिस्तथा

prahlādo vipracittiśca gaviṣṭhaśca mahāsuraḥ surahantā duḥkhakartā samanāssumatistathā

Prahlada, Viprachitti, the great asura Gavishtha, Surahanta, Duhkhakarta, Samana, and Sumati as well,

Verse 74 (padma.1.45.74)

घटोदरो महापार्श्वः क्रथनः पिठरस्तथा। विश्वरूपस्वरूपश्च विश्वकायो महाबलः

ghaṭodaro mahāpārśvaḥ krathanaḥ piṭharastathā viśvarūpasvarūpaśca viśvakāyo mahābalaḥ

Ghatodara, Mahaparshva, Krathana and Pithara, Vishvarupasvarupa, and the mighty Vishvakaya,

Verse 75 (padma.1.45.75)

दशग्रीवश्च वाली च मेघवासा महासुरः। घटाभो विटरूपश्च ज्वलनश्चेंद्रतापनः

daśagrīvaśca vālī ca meghavāsā mahāsuraḥ ghaṭābho viṭarūpaśca jvalanaśceṁdratāpanaḥ

Dashagriva, Vali, the great asura Meghavasa, Ghatabha, Vitarupa, Jvalana, and Indratapana.

Verse 76 (padma.1.45.76)

दैत्यदानवसंघास्ते सर्वे ज्वलितकुंडलाः। स्रग्विणो वर्मिणः सर्वे सर्वे च चरितव्रताः

daityadānavasaṁghāste sarve jvalitakuṁḍalāḥ sragviṇo varmiṇaḥ sarve sarve ca caritavratāḥ

All those hosts of daityas and danavas had blazing earrings; all wore garlands and armour, and all had fulfilled their vows.

Verse 77 (padma.1.45.77)

सर्वे लब्धवराः शूरास्सर्वे विहितमृत्यवः। एते चान्ये च बहवो हिरण्यकशिपुं प्रभुम्

sarve labdhavarāḥ śūrāssarve vihitamṛtyavaḥ ete cānye ca bahavo hiraṇyakaśipuṁ prabhum

All were heroes who had obtained boons, and all had had their deaths foreordained. These and many others attended upon Lord Hiranyakashipu,

Verse 78 (padma.1.45.78)

उपासते महात्मानं सर्वे दिव्यपरिच्छदाः। विमानैर्विविधाकारैर्भ्राजमानैरिवाग्निभिः

upāsate mahātmānaṁ sarve divyaparicchadāḥ vimānairvividhākārairbhrājamānairivāgnibhiḥ

that great soul, all with divine retinues, in celestial chariots of various shapes, gleaming as if with fire.

Verse 79 (padma.1.45.79)

महेन्द्रवपुषः सर्वे विचित्रांगदबाहवः। भूषितांगा दितेः पुत्रास्तमुपासत सर्वतः

mahendravapuṣaḥ sarve vicitrāṁgadabāhavaḥ bhūṣitāṁgā diteḥ putrāstamupāsata sarvataḥ

All with bodies like great Indra, their arms adorned with wondrous armlets, their bodies bejewelled — the sons of Diti attended upon him from every side.

Verse 80 (padma.1.45.80)

ऐश्वर्यं दैत्यसिंहस्य यथा तस्य महात्मनः। न श्रुतं नैव दृष्टं च कस्यापि भुवनत्रये

aiśvaryaṁ daityasiṁhasya yathā tasya mahātmanaḥ na śrutaṁ naiva dṛṣṭaṁ ca kasyāpi bhuvanatraye

Such was the majesty of that lion among daityas, that great soul — the like of it had never been heard of, nor seen, by anyone in the three worlds.

Verse 81 (padma.1.45.81)

रजतकनकचित्रवेदिकायां परिकृतरत्नविचित्रवीथिकायाम्। स ददर्श मृगाधिपः सभायां सुरुचिर जालगवाक्षशोभितायाम्

rajatakanakacitravedikāyāṁ parikṛtaratnavicitravīthikāyām sa dadarśa mṛgādhipaḥ sabhāyāṁ surucira jālagavākṣaśobhitāyām

On a dais bright with silver and gold, its walkway wondrously set with gems, that lord of beasts beheld the hall, adorned with lovely lattice-windows.

Verse 82 (padma.1.45.82)

कनकवलयहारभूषितांगं दितितनयं स मृगाधिपो ददर्श। दिवसकरकरप्रभं ज्वलंतं दितिजसहस्रशतैर्निषेव्यमाणम्

kanakavalayahārabhūṣitāṁgaṁ dititanayaṁ sa mṛgādhipo dadarśa divasakarakaraprabhaṁ jvalaṁtaṁ ditijasahasraśatairniṣevyamāṇam

That lord of beasts saw the son of Diti, his body adorned with golden bracelets and necklaces, blazing with the radiance of the sun's rays, attended by hundreds of thousands of Daitya sons.

Verse 83 (padma.1.45.83)

ततो दृष्ट्वा महाभागं कालचक्रमिवागतम्। नारसिंहवपुश्छन्नं भस्मच्छन्नमिवानलम्

tato dṛṣṭvā mahābhāgaṁ kālacakramivāgatam nārasiṁhavapuśchannaṁ bhasmacchannamivānalam

Then, having seen that greatly fortunate one who had come like the wheel of time itself, hidden in the Man-Lion form as fire is hidden beneath ash —

Verse 84 (padma.1.45.84)

हिरण्यकशिपोः पुत्रः प्रह्लादो नाम वीर्यवान्। दिव्येन वपुषा सिंहमपश्यद्देवमागतम्

hiraṇyakaśipoḥ putraḥ prahlādo nāma vīryavān divyena vapuṣā siṁhamapaśyaddevamāgatam

Hiranyakashipu's son, the valorous Prahlada, saw the lion-god who had come in that divine form.

Verse 85 (padma.1.45.85)

तं दृष्ट्वा रुक्मशैलाभमपूर्वां तनुमाश्रितम्। विस्मिता दानवाः सर्वे हिरण्यकशिपुश्च सः

taṁ dṛṣṭvā rukmaśailābhamapūrvāṁ tanumāśritam vismitā dānavāḥ sarve hiraṇyakaśipuśca saḥ

Seeing him, radiant like a mountain of gold, having assumed that unprecedented form, all the danavas were astonished, and so was Hiranyakashipu.

Verse 86 (padma.1.45.86)

प्रह्लाद उवाच। महाराज महाबाहो दैत्यानामादिसंभव। न श्रुतं नैव मे दृष्टं नारसिंहमिदं वपुः

prahlāda uvāca mahārāja mahābāho daityānāmādisaṁbhava na śrutaṁ naiva me dṛṣṭaṁ nārasiṁhamidaṁ vapuḥ

Prahlada said: "O great king, mighty-armed one, first-born of the daityas, I have never heard of, nor seen, this Man-Lion form."

Verse 87 (padma.1.45.87)

अव्यक्तं परमं दिव्यं किमिदं रूपमागतम्। दैत्यांतकरणं घोरं शंसतीव मनो मम

avyaktaṁ paramaṁ divyaṁ kimidaṁ rūpamāgatam daityāṁtakaraṇaṁ ghoraṁ śaṁsatīva mano mama

"Unmanifest, supreme, divine — what is this form that has come? My mind tells me it seems dreadful, one that will bring the end of the daityas."

Verse 88 (padma.1.45.88)

अस्य देवाः शरीरस्थाः सागराः सरितस्तथा। हिमवान्पारियात्रश्च ये चान्ये कुलपर्वताः

asya devāḥ śarīrasthāḥ sāgarāḥ saritastathā himavānpāriyātraśca ye cānye kulaparvatāḥ

"Within his body dwell the gods, the oceans and the rivers, the Himalayas, the Pariyatra, and the other great mountain-ranges,"

Verse 89 (padma.1.45.89)

चंद्रमास्सहनक्षत्रैरादित्या रश्मिभिः सह। धनदो वरुणश्चैव यमः शक्रः शचीपतिः

caṁdramāssahanakṣatrairādityā raśmibhiḥ saha dhanado varuṇaścaiva yamaḥ śakraḥ śacīpatiḥ

"the moon together with the stars, the suns with their rays, Kubera the lord of wealth, Varuna, Yama, and Indra the lord of Shachi,"

Verse 90 (padma.1.45.90)

मरुतो देवगंधर्वा ऋषयश्च तपोधनाः। नागा यक्षाः पिशाचाश्च राक्षसा भीमविक्रमाः

maruto devagaṁdharvā ṛṣayaśca tapodhanāḥ nāgā yakṣāḥ piśācāśca rākṣasā bhīmavikramāḥ

"the Maruts, the divine gandharvas, and the sages rich in austerity, the nagas, yakshas, pishachas, and rakshasas of fearsome might,"

Verse 91 (padma.1.45.91)

ब्रह्मा देवाः पशुपतिर्ललाटस्था भ्रमंति हि। स्थावराणि च सर्वाणि जंगमानि तथैव च

brahmā devāḥ paśupatirlalāṭasthā bhramaṁti hi sthāvarāṇi ca sarvāṇi jaṁgamāni tathaiva ca

"Brahma, the gods, and Pashupati dwell upon his forehead and move about there; and so do all things that are still and all that move."

Verse 92 (padma.1.45.92)

भवांश्च सहितोस्माभिः सर्वैर्दैत्यगणैर्वृतः। विमानशतसंकीर्णा सर्वा या भवतः सभा

bhavāṁśca sahitosmābhiḥ sarvairdaityagaṇairvṛtaḥ vimānaśatasaṁkīrṇā sarvā yā bhavataḥ sabhā

"You too, together with all of us, surrounded by all the hosts of daityas, and this whole assembly hall of yours, crowded with hundreds of chariots —"

Verse 93 (padma.1.45.93)

सर्वं त्रिभुवनं राजन्लोकधर्मश्च शाश्वतः। दृश्यते नरसिंहेस्मिंस्तथेदं निखिलं जगत्

sarvaṁ tribhuvanaṁ rājanlokadharmaśca śāśvataḥ dṛśyate narasiṁhesmiṁstathedaṁ nikhilaṁ jagat

"the entire three worlds, O king, and the eternal order of the worlds — all this, and the whole universe besides, is seen within this Narasimha."

Verse 94 (padma.1.45.94)

प्रजापतिश्चात्र मनुर्महात्मा ग्रहाश्च योगाश्च मही नभश्च। उत्पातकालश्च धृतिर्मतिश्च रतिश्च सत्यं च तपो दमश्च

prajāpatiścātra manurmahātmā grahāśca yogāśca mahī nabhaśca utpātakālaśca dhṛtirmatiśca ratiśca satyaṁ ca tapo damaśca

"Prajapati is here, and the great-souled Manu, the planets and their conjunctions, the earth and the sky, the season of portents, steadfastness, intellect, delight, truth, austerity, and self-control,"

Verse 95 (padma.1.45.95)

सनत्कुमारश्च महानुभावो विश्वे च देवा ॠषयश्च सर्वे। क्रोधश्च कामश्च तथैव हर्षो दर्पश्च मोहः पितरश्च सर्वे

sanatkumāraśca mahānubhāvo viśve ca devā ṝṣayaśca sarve krodhaśca kāmaśca tathaiva harṣo darpaśca mohaḥ pitaraśca sarve

"the illustrious Sanatkumara, the Vishvedevas and all the sages, anger and desire, joy and pride, delusion, and all the ancestors."

Verse 96 (padma.1.45.96)

प्रह्लादस्य वचः श्रुत्वा हिरण्यकशिपुः प्रभुः। उवाच दानवान्सर्वान्गणांश्च सगणाधिपः

prahlādasya vacaḥ śrutvā hiraṇyakaśipuḥ prabhuḥ uvāca dānavānsarvāngaṇāṁśca sagaṇādhipaḥ

Hearing Prahlada's words, Lord Hiranyakashipu, together with the lords of his hosts, spoke to all the danavas and his troops:

Verse 97 (padma.1.45.97)

मृगेंद्रो गृह्यतामेष अपूर्वां तनुमास्थितः। यदि वा संशयः कश्चिद्वध्यतां वनगोचरः

mṛgeṁdro gṛhyatāmeṣa apūrvāṁ tanumāsthitaḥ yadi vā saṁśayaḥ kaścidvadhyatāṁ vanagocaraḥ

"'Seize this lord of beasts, who has taken on this unprecedented form; or, if there is any doubt, let this forest-dweller simply be slain.'"

Verse 98 (padma.1.45.98)

ते दानवगणास्सर्वे मृगेंद्रं भीमविक्रमम्। परिक्षिपंतो मुदितास्त्रासयामासुरोजसा

te dānavagaṇāssarve mṛgeṁdraṁ bhīmavikramam parikṣipaṁto muditāstrāsayāmāsurojasā

All those hosts of danavas, joyfully surrounding the lord of beasts of terrible might, tried with all their strength to frighten him.

Verse 99 (padma.1.45.99)

सिंहनादं विमुच्याथ नरसिंहो महाबलः। बभंज तां सभां सर्वां व्यादितास्य इवांतकः

siṁhanādaṁ vimucyātha narasiṁho mahābalaḥ babhaṁja tāṁ sabhāṁ sarvāṁ vyāditāsya ivāṁtakaḥ

Then the mighty Narasimha, letting out a lion's roar, shattered that entire assembly, like Death himself with gaping jaws.

Verse 100 (padma.1.45.100)

सभायां भज्यमानायां हिरण्यकशिपुः स्वयम्। चिक्षेपास्त्राणि सिंहस्य रोषव्याकुललोचनः

sabhāyāṁ bhajyamānāyāṁ hiraṇyakaśipuḥ svayam cikṣepāstrāṇi siṁhasya roṣavyākulalocanaḥ

As the hall was being shattered, Hiranyakashipu himself, his eyes wild with rage, hurled his weapons at the lion.

Verse 101 (padma.1.45.101)

सर्वास्त्राणामथ श्रेष्ठं दंडमस्त्रं सुदारुणम्। कालचक्रं तथा घोरं विष्णुचक्रं तथापरं

sarvāstrāṇāmatha śreṣṭhaṁ daṁḍamastraṁ sudāruṇam kālacakraṁ tathā ghoraṁ viṣṇucakraṁ tathāparaṁ

He hurled the Danda weapon, most terrible and foremost among all weapons, and the dreadful Kalachakra, and next the Vishnuchakra,

Verse 102 (padma.1.45.102)

पैतामहं महात्युग्रं त्रैलोक्यनिर्मितं महत्। विचित्रामशनिं चैव शुष्काद्रं चाशनिद्वयम्

paitāmahaṁ mahātyugraṁ trailokyanirmitaṁ mahat vicitrāmaśaniṁ caiva śuṣkādraṁ cāśanidvayam

the great and exceedingly fierce Paitamaha weapon, fashioned for the three worlds, the wondrous thunderbolt, and the pair of thunderbolts Shushka and Adra,

Verse 103 (padma.1.45.103)

रौद्रं तथोग्रशूलं च कंकालं मुसलं तथा। अस्त्रं ब्रह्मशिरश्चैव ब्राह्ममस्त्रं तथैव च

raudraṁ tathograśūlaṁ ca kaṁkālaṁ musalaṁ tathā astraṁ brahmaśiraścaiva brāhmamastraṁ tathaiva ca

the Raudra weapon, the fierce trident, the Kankala, the Musala mace, the Brahmashiras weapon, and the Brahma weapon itself,

Verse 104 (padma.1.45.104)

नारायणास्त्रमैंद्रं च आग्नेयं शैशिरं तथा। वायव्यं मथनं चैव कपालमथ किंकरम्

nārāyaṇāstramaiṁdraṁ ca āgneyaṁ śaiśiraṁ tathā vāyavyaṁ mathanaṁ caiva kapālamatha kiṁkaram

the Narayana weapon, the Aindra, the Agneya, and the Shaishira, the Vayavya, the Mathana, the Kapala, and the Kinkara,

Verse 105 (padma.1.45.105)

तथा प्रतिहतां शक्तिं क्रौंचमस्त्रं तथैव च। मोहनं शोषणं चैव संतापनविलापने

tathā pratihatāṁ śaktiṁ krauṁcamastraṁ tathaiva ca mohanaṁ śoṣaṇaṁ caiva saṁtāpanavilāpane

the unstoppable Shakti spear, and likewise the Kraunca weapon, the Mohana, the Shoshana, the Santapana, and the Vilapana,

Verse 106 (padma.1.45.106)

कंपनं शातनं चैव महास्त्रं चैव रोधनम्। कालमुद्गरमक्षोभ्यं तापनं च महाबलम्

kaṁpanaṁ śātanaṁ caiva mahāstraṁ caiva rodhanam kālamudgaramakṣobhyaṁ tāpanaṁ ca mahābalam

the Kampana, the Shatana, the great weapon Rodhana, the Kalamudgara, the Akshobhya, and the mighty Tapana,

Verse 107 (padma.1.45.107)

संवर्तनं मोहनं च तथा मायाधरं वरम्। गान्धर्वमस्त्रं दयितमसिरत्नं च नंदकम्

saṁvartanaṁ mohanaṁ ca tathā māyādharaṁ varam gāndharvamastraṁ dayitamasiratnaṁ ca naṁdakam

the Samvartana, the Mohana again, and the excellent Mayadhara, the beloved Gandharva weapon, and the jewel-sword Nandaka,

Verse 108 (padma.1.45.108)

प्रस्वापनं प्रमथनं वारुणं चास्त्रमुत्तमम्। अस्त्रं पाशुपतं चैव यस्या प्रतिहता गतिः

prasvāpanaṁ pramathanaṁ vāruṇaṁ cāstramuttamam astraṁ pāśupataṁ caiva yasyā pratihatā gatiḥ

the Prasvapana, the Pramathana, and the excellent Varuna weapon, and the Pashupata weapon itself, whose course cannot be checked.

Verse 109 (padma.1.45.109)

एतान्यस्त्राणि दिव्यानि हिरण्यकशिपुस्तदा। असृजन्नरसिंहस्य दीप्तस्याग्नेरिवाहुतिम्

etānyastrāṇi divyāni hiraṇyakaśipustadā asṛjannarasiṁhasya dīptasyāgnerivāhutim

Hiranyakashipu then loosed all these divine weapons upon Narasimha, as one pours oblations into a blazing fire.

Verse 110 (padma.1.45.110)

अस्त्रैः प्रज्वलितैः सिंहमावृणोदसुरोत्तमः। विवस्वान्घर्मसमये हिमवंतमिवांशुभिः

astraiḥ prajvalitaiḥ siṁhamāvṛṇodasurottamaḥ vivasvāngharmasamaye himavaṁtamivāṁśubhiḥ

That foremost of asuras enveloped the lion with blazing weapons, as the sun in the season of heat envelops the Himalaya with its rays.

Verse 111 (padma.1.45.111)

स ह्यमर्षानिलोद्भूतो दैत्यानां सैन्यसागरः। क्षणेनाप्लावयत्सर्वं मैनाकमिव सागरः

sa hyamarṣānilodbhūto daityānāṁ sainyasāgaraḥ kṣaṇenāplāvayatsarvaṁ mainākamiva sāgaraḥ

That ocean of the daityas' army, stirred up by the wind of wrath, flooded over everything in an instant, as the ocean once flooded Mount Mainaka.

Verse 112 (padma.1.45.112)

प्रासैः पाशैश्च खड्गैश्च गदाभिर्मुसलैस्तथा। वज्रैरशनिभिश्चैव बहुशाखैर्महाद्रुमैः

prāsaiḥ pāśaiśca khaḍgaiśca gadābhirmusalaistathā vajrairaśanibhiścaiva bahuśākhairmahādrumaiḥ

With spears and nooses, swords, maces and clubs, with thunderbolts and lightning-bolts, and with great many-branched trees,

Verse 113 (padma.1.45.113)

मुद्गरैः कूटपाशैश्च शिलोलूखलपर्वतैः। शतघ्नीभिश्च दीप्ताभिर्दंडैरपि सुदारुणैः

mudgaraiḥ kūṭapāśaiśca śilolūkhalaparvataiḥ śataghnībhiśca dīptābhirdaṁḍairapi sudāruṇaiḥ

with hammers and treacherous nooses, with boulders, mortar-stones and mountains, with blazing shataghni weapons, and with dreadful clubs,

Verse 114 (padma.1.45.114)

ते दानवाः पाशगृहीतहस्ता महेंद्रतुल्याशनितुल्य वेगाः। समंततोभ्युद्यतबाहुकायाः स्थिताः सशीर्षा इव नागपोताः

te dānavāḥ pāśagṛhītahastā maheṁdratulyāśanitulya vegāḥ samaṁtatobhyudyatabāhukāyāḥ sthitāḥ saśīrṣā iva nāgapotāḥ

those danavas, nooses grasped in hand, swift as the thunderbolt of great Indra, stood with bodies and arms raised on every side, like young serpents rearing their hoods,

Verse 115 (padma.1.45.115)

सुवर्णमालाकुलभूषितांगाः सुतीक्ष्णदंष्ट्राकुलवक्त्रगर्ताः। स्फुरत्प्रभास्ते च सशृंगदेहाश्चीनांशुका भांति यथैव हंसाः

suvarṇamālākulabhūṣitāṁgāḥ sutīkṣṇadaṁṣṭrākulavaktragartāḥ sphuratprabhāste ca saśṛṁgadehāścīnāṁśukā bhāṁti yathaiva haṁsāḥ

their bodies adorned with tangled garlands of gold, their gaping mouths crowded with razor-sharp fangs; gleaming with light, their bodies bearing horns, they shone like swans clothed in fine Chinese silk.

Verse 116 (padma.1.45.116)

सोसृजद्दानवो मायामग्निं वायुं समीरितम्। तमिंद्रस्तोयदैः सार्धं सहस्राक्षो महाद्युतिः

sosṛjaddānavo māyāmagniṁ vāyuṁ samīritam tamiṁdrastoyadaiḥ sārdhaṁ sahasrākṣo mahādyutiḥ

The danava then loosed a magical fire, fanned by the wind; and thousand-eyed Indra of great splendour, together with the rain-clouds,

Verse 117 (padma.1.45.117)

महता तोयवर्षेण शमयमास पावकम्। तस्यां प्रतिहतायां तु मायायां युधि दानवः

mahatā toyavarṣeṇa śamayamāsa pāvakam tasyāṁ pratihatāyāṁ tu māyāyāṁ yudhi dānavaḥ

quenched that fire with a great downpour of water. When that magic had thus been repelled in battle, the danava

Verse 118 (padma.1.45.118)

असृजद्घोरसंकाशं तमस्तीव्रं समंततः। तमसा संवृते लोके दैत्येष्वात्तायुधेषु च

asṛjadghorasaṁkāśaṁ tamastīvraṁ samaṁtataḥ tamasā saṁvṛte loke daityeṣvāttāyudheṣu ca

then loosed a fearsome, dense darkness on every side. When the world was covered in darkness, and the daityas stood with weapons raised,

Verse 119 (padma.1.45.119)

स्वतेजसा परिवृतो दिवाकर इवोद्गतः। त्रिशिखां भ्रुकुटीमस्य ददृशुर्दानवा रणे

svatejasā parivṛto divākara ivodgataḥ triśikhāṁ bhrukuṭīmasya dadṛśurdānavā raṇe

[Narasimha,] surrounded by his own splendour, rose up like the sun; and the danavas in that battle beheld his three-forked, furrowed brow,

Verse 120 (padma.1.45.120)

ललाटस्थां त्रिकूटस्थां गंगां त्रिपथगामिव। ततः सर्वासु मायासु हतासु दितिनंदनाः

lalāṭasthāṁ trikūṭasthāṁ gaṁgāṁ tripathagāmiva tataḥ sarvāsu māyāsu hatāsu ditinaṁdanāḥ

resting on his forehead, like the triple-pathed Ganga resting upon the triple peak of Trikuta. Then, when all his magic-illusions had been destroyed, the sons of Diti —

Verse 121 (padma.1.45.121)

हिरण्यकशिपुं दैत्या विषण्णाश्शरणं ययुः। ततः प्रज्वलितः क्रोधात्प्रदहन्निव तेजसा

hiraṇyakaśipuṁ daityā viṣaṇṇāśśaraṇaṁ yayuḥ tataḥ prajvalitaḥ krodhātpradahanniva tejasā

The daityas, dejected, went for refuge to Hiranyakashipu. Then he blazed up with fury, as if burning everything with his splendour.

Verse 122 (padma.1.45.122)

तस्मिन्क्रुद्धे तु दैत्येंद्रे तमोभूतमभूज्जगत्। आवहः प्रवहश्चैव विवहोथ समीरणः

tasminkruddhe tu daityeṁdre tamobhūtamabhūjjagat āvahaḥ pravahaścaiva vivahotha samīraṇaḥ

When the lord of the daityas grew wrathful, the world became covered in darkness. Avaha, Pravaha, Vivaha, and Samirana —

Verse 123 (padma.1.45.123)

परावहस्संवहश्च उद्वहश्च महाबलः। तथा परिवहः श्रीमानुत्पातभयशंसिनः

parāvahassaṁvahaśca udvahaśca mahābalaḥ tathā parivahaḥ śrīmānutpātabhayaśaṁsinaḥ

Paravaha, Samvaha, and the mighty Udvaha, and glorious Parivaha too — these, portending fearful calamity,

Verse 124 (padma.1.45.124)

इत्येवं क्षुभिताः सप्त मरुतो गगनेचराः। ये ग्रहास्सर्वलोकस्य क्षये प्रादुर्भवंति हि

ityevaṁ kṣubhitāḥ sapta maruto gaganecarāḥ ye grahāssarvalokasya kṣaye prādurbhavaṁti hi

thus the seven sky-roaming winds were agitated — the very ones that appear only at the destruction of all the worlds.

Verse 125 (padma.1.45.125)

ते सर्वे गगने हृष्टाव्यचरंश्च यथासुखम्। अयोगतश्चाप्यचरद्योगं निशि निशाचरः

te sarve gagane hṛṣṭāvyacaraṁśca yathāsukham ayogataścāpyacaradyogaṁ niśi niśācaraḥ

All of them roamed joyfully through the sky as they pleased; and out of its proper course, the moon moved through conjunction at night.

Verse 126 (padma.1.45.126)

सग्रहः सह नक्षत्रैस्तारापतिररिंदम। विवर्णतां च भगवान्गतो दिवि दिवाकरः

sagrahaḥ saha nakṣatraistārāpatirariṁdama vivarṇatāṁ ca bhagavāngato divi divākaraḥ

O subduer of foes, the lord of the stars, together with the planets and constellations, and the divine sun in the sky, turned pale and colourless.

Verse 127 (padma.1.45.127)

कृष्णः कबंधश्च तदा लक्ष्यते सुमहान्दिवि। असृजच्चासितां सूर्यो धूमवत्तां विभावसुः

kṛṣṇaḥ kabaṁdhaśca tadā lakṣyate sumahāndivi asṛjaccāsitāṁ sūryo dhūmavattāṁ vibhāvasuḥ

Then a vast black headless trunk was seen in the sky, and the sun put forth a dark, smoky hue.

Verse 128 (padma.1.45.128)

गगनस्थश्च भगवानभीक्ष्णं परिविष्यते। सप्तधूमनिभा घोराः सूर्यादि विसमुत्थिताः

gaganasthaśca bhagavānabhīkṣṇaṁ pariviṣyate saptadhūmanibhā ghorāḥ sūryādi visamutthitāḥ

The divine sun, standing in the sky, was repeatedly encircled by a halo; terrible smoke-like rings, seven in number, rose up around the sun and other bodies.

Verse 129 (padma.1.45.129)

सोमस्य गगनस्थस्य ग्रहास्तिष्ठंति शृंङ्गगाः। वामे च दक्षिणे चैव स्थितौ शुक्रबृहस्पती

somasya gaganasthasya grahāstiṣṭhaṁti śṛṁṅgagāḥ vāme ca dakṣiṇe caiva sthitau śukrabṛhaspatī

Planets stood at the very horns of the moon in the sky; Venus and Jupiter stood, one on the left and one on the right.

Verse 130 (padma.1.45.130)

शनैश्चरो लोहितांगो लोहितांगसमद्युतिः। समं समधिरोहंत सर्वे वै गगनेचराः

śanaiścaro lohitāṁgo lohitāṁgasamadyutiḥ samaṁ samadhirohaṁta sarve vai gaganecarāḥ

Saturn, and Mars of ruddy limbs and equal ruddy splendour — all the sky-wanderers rose together, side by side.

Verse 131 (padma.1.45.131)

शृंगाणि शनकैर्घोरा युगांता वर्त्तन ग्रहाः। चंद्रमाश्च सनक्षत्रो ग्रहैः सह तमोनुदः

śṛṁgāṇi śanakairghorā yugāṁtā varttana grahāḥ caṁdramāśca sanakṣatro grahaiḥ saha tamonudaḥ

Slowly, dreadfully, the horns and the planets turned as at the end of an age; and the moon, dispeller of darkness, together with the stars and planets,

Verse 132 (padma.1.45.132)

चराचरविनाशाय रोहिणीं नाभ्यनंदत। गृहीतो राहुणा चन्द्र उल्काभिरभिहन्यते

carācaravināśāya rohiṇīṁ nābhyanaṁdata gṛhīto rāhuṇā candra ulkābhirabhihanyate

took no delight in Rohini, as if for the destruction of all moving and unmoving beings; the moon, seized by Rahu, was struck again and again by meteors.

Verse 133 (padma.1.45.133)

उल्काः प्रज्वलिताश्चंद्रे व्यचरंत यथासुखम्। देवानामधिपो देवः सोप्यवर्षत शोणितम्

ulkāḥ prajvalitāścaṁdre vyacaraṁta yathāsukham devānāmadhipo devaḥ sopyavarṣata śoṇitam

Blazing meteors moved freely about the moon as they pleased; and even the divine lord of the gods rained down blood.

Verse 134 (padma.1.45.134)

अपतद्गगनादुल्का विद्युद्रूपा महास्वना। अकाले च द्रुमास्सर्वे पुष्प्यंति च फलंति च

apatadgaganādulkā vidyudrūpā mahāsvanā akāle ca drumāssarve puṣpyaṁti ca phalaṁti ca

A meteor, shaped like lightning and roaring loudly, fell from the sky; and all the trees, out of season, both flowered and bore fruit.

Verse 135 (padma.1.45.135)

लताश्च सफलाः सर्वा या आहुर्दैत्यनाशिकाः। फले फलान्यजायंत पुष्पे पुष्पं तथैव च

latāśca saphalāḥ sarvā yā āhurdaityanāśikāḥ phale phalānyajāyaṁta puṣpe puṣpaṁ tathaiva ca

All the creepers bore fruit — omens said to portend the destruction of the daityas; fruits grew within fruits, and flowers within flowers likewise.

Verse 136 (padma.1.45.136)

उन्मीलंति निमीलंति हसंति प्ररुदंति च। विक्रोशंति च गंभीरं धूमायंते ज्वलंति च

unmīlaṁti nimīlaṁti hasaṁti prarudaṁti ca vikrośaṁti ca gaṁbhīraṁ dhūmāyaṁte jvalaṁti ca

The images of the gods opened and closed their eyes, laughed and wept, cried out in deep voices, smoked, and blazed with fire,

Verse 137 (padma.1.45.137)

प्रतिमास्सर्वदेवानां कथयंत्यो महद्भयम्। आरण्यैः सह संसृष्टा ग्राम्याश्च मृगपक्षिणः

pratimāssarvadevānāṁ kathayaṁtyo mahadbhayam āraṇyaiḥ saha saṁsṛṣṭā grāmyāśca mṛgapakṣiṇaḥ

the images of all the gods, telling of great fear to come. Wild and domestic beasts and birds mingled together,

Verse 138 (padma.1.45.138)

चुक्रुशुर्भैरवं तत्र मृगयुद्ध उपस्थिते। नद्यश्च प्रतिकूलानि वहंति कलुषोदकाः

cukruśurbhairavaṁ tatra mṛgayuddha upasthite nadyaśca pratikūlāni vahaṁti kaluṣodakāḥ

and cried out fearfully as that battle of beasts drew near; the rivers flowed backward, their waters turbid,

Verse 139 (padma.1.45.139)

न प्राकाशंत च दिशो रक्तरेणुसमाकुलाः। वानस्पत्या न पूज्यंते पूजनार्हाः कथंचन

na prākāśaṁta ca diśo raktareṇusamākulāḥ vānaspatyā na pūjyaṁte pūjanārhāḥ kathaṁcana

and the directions did not shine forth, choked with red dust; the sacred forest trees, worthy of worship, were no longer honoured in any way —

Verse 140 (padma.1.45.140)

वायुवेगेन हन्यंते भज्यंते प्रणमंति च। तथा च सर्वभूतानां छाया न परिवर्त्तते

vāyuvegena hanyaṁte bhajyaṁte praṇamaṁti ca tathā ca sarvabhūtānāṁ chāyā na parivarttate

they were struck by the force of the wind, broken, and bent low; and the shadows of all beings ceased to move.

Verse 141 (padma.1.45.141)

अपरेण गते सूर्ये सलोकानां युगक्षये। तदा हिरण्यकशिपोर्दैत्यस्योपरिवेश्मनः

apareṇa gate sūrye salokānāṁ yugakṣaye tadā hiraṇyakaśipordaityasyopariveśmanaḥ

As if the sun had set on the other side at the destruction of an age together with the worlds — then, in the upper chamber of the daitya Hiranyakashipu,

Verse 142 (padma.1.45.142)

भांडागारायुधागारे निविष्टमभवन्मधु। असुराणां विनाशाय सुराणां विजयाय च

bhāṁḍāgārāyudhāgāre niviṣṭamabhavanmadhu asurāṇāṁ vināśāya surāṇāṁ vijayāya ca

honey appeared, settling within the storehouse and the armoury — for the destruction of the asuras and the victory of the gods.

Verse 143 (padma.1.45.143)

दृश्यंते विविधोत्पाता घोराघोरनिदर्शनाः। एते चान्ये च बहवो घोररूपाः समुत्थिताः

dṛśyaṁte vividhotpātā ghorāghoranidarśanāḥ ete cānye ca bahavo ghorarūpāḥ samutthitāḥ

Many omens of various kinds were seen, some terrible and some more terrible still; these and many other dreadful portents arose,

Verse 144 (padma.1.45.144)

दैत्येंद्रस्य विनाशाय दृश्यंते रणशंसिनः। मेदिन्यां कंपमानायां दैत्येंद्रेण महात्मनः

daityeṁdrasya vināśāya dṛśyaṁte raṇaśaṁsinaḥ medinyāṁ kaṁpamānāyāṁ daityeṁdreṇa mahātmanaḥ

foretelling battle and the destruction of the lord of the daityas. As the earth trembled because of that great-souled lord of the daityas,

Verse 145 (padma.1.45.145)

महीधरा नागगणा निपेतुरमितौजसः। विषज्वालाकुलैर्वक्त्रैर्विमुंचंतो हुताशनम्

mahīdharā nāgagaṇā nipeturamitaujasaḥ viṣajvālākulairvaktrairvimuṁcaṁto hutāśanam

mountains and hosts of serpents of measureless might fell down, spewing fire from mouths ablaze with poisonous flame —

Verse 146 (padma.1.45.146)

चतुःशीर्षाः पंचशीर्षाः सप्तशीर्षाश्च पन्नगाः। वासुकिस्तक्षकश्चैव कर्कोटकधनंजयौ

catuḥśīrṣāḥ paṁcaśīrṣāḥ saptaśīrṣāśca pannagāḥ vāsukistakṣakaścaiva karkoṭakadhanaṁjayau

serpents with four heads, with five heads, and with seven heads — Vasuki and Takshaka, Karkotaka and Dhananjaya,

Verse 147 (padma.1.45.147)

एलामुखः कालियश्च महापद्मश्च वीर्यवान्। सहस्रशीर्षश्शुद्धांगो हेमतालध्वजः प्रभुः

elāmukhaḥ kāliyaśca mahāpadmaśca vīryavān sahasraśīrṣaśśuddhāṁgo hematāladhvajaḥ prabhuḥ

Elamukha and Kaliya, and the mighty Mahapadma, thousand-headed, pure-limbed, lord Hematalaadhvaja,

Verse 148 (padma.1.45.148)

शेषोनंतो महानागो ह्यप्रकंप्यश्च कंपिताः। दीप्यंतेंतर्जलस्थानि पृथिवीविवराणि वै

śeṣonaṁto mahānāgo hyaprakaṁpyaśca kaṁpitāḥ dīpyaṁteṁtarjalasthāni pṛthivīvivarāṇi vai

Shesha, the great serpent Ananta — even the unshakable were shaken; the caverns of the earth, submerged in water within, blazed with light,

Verse 149 (padma.1.45.149)

सप्तदैत्येंद्रकोपेन कंपितानि समंततः। नानातेजोधराश्चापि पातालतलचारिणः

saptadaityeṁdrakopena kaṁpitāni samaṁtataḥ nānātejodharāścāpi pātālatalacāriṇaḥ

the seven nether worlds trembled everywhere from the wrath of the lord of the daityas; and the wanderers of the depths of Patala, bearing various splendours,

Verse 150 (padma.1.45.150)

पाताले सहसा क्षुब्धे दुष्प्रकंप्याः प्रकंपिताः। हिरण्यकशिपुर्दैत्यस्तदा संस्पृष्टवान्महीम्

pātāle sahasā kṣubdhe duṣprakaṁpyāḥ prakaṁpitāḥ hiraṇyakaśipurdaityastadā saṁspṛṣṭavānmahīm

When Patala was suddenly convulsed, even the unshakable were shaken; then the daitya Hiranyakashipu stamped upon the earth,

Verse 151 (padma.1.45.151)

संदष्टौष्ठपुटः क्रुद्धो वराह इव पूर्वजः। गंगा भागीरथी चैव कौशिकी सरयूरपि

saṁdaṣṭauṣṭhapuṭaḥ kruddho varāha iva pūrvajaḥ gaṁgā bhāgīrathī caiva kauśikī sarayūrapi

his lips bitten in rage, like the primordial boar. The Ganga, the Bhagirathi, the Kaushiki, and the Sarayu too,

Verse 152 (padma.1.45.152)

यमुना चाथ कावेरी कृष्णवेणी च निम्नगा। तुंगभद्रा महावेगा नदी गोदावरी तथा

yamunā cātha kāverī kṛṣṇaveṇī ca nimnagā tuṁgabhadrā mahāvegā nadī godāvarī tathā

the Yamuna, the Kaveri, and the river Krishnaveni, the swift Tungabhadra, and the river Godavari likewise,

Verse 153 (padma.1.45.153)

चर्मण्वती च सिंधुश्च तथा नदनदीपतिः। मेलकप्रभवश्चैव शोणो मणिनिभोदकः

carmaṇvatī ca siṁdhuśca tathā nadanadīpatiḥ melakaprabhavaścaiva śoṇo maṇinibhodakaḥ

the Charmanvati and the Sindhu, and the very lord of rivers, the river rising from Melaka, and the Shona with waters like gems,

Verse 154 (padma.1.45.154)

नर्मदा च शुभस्रोतास्तथा वेत्रवती नदी। गोमती गोकुलाकीर्णा तथा पूर्वा सरस्वती

narmadā ca śubhasrotāstathā vetravatī nadī gomatī gokulākīrṇā tathā pūrvā sarasvatī

the Narmada of auspicious current, and the river Vetravati, the Gomati thronged with cattle, and the eastern Sarasvati,

Verse 155 (padma.1.45.155)

महाकालमहीचैव तमसा पुष्पवाहिनी। जंबूद्वीपं रत्नवच्च सर्वरत्नोपशोभितम्

mahākālamahīcaiva tamasā puṣpavāhinī jaṁbūdvīpaṁ ratnavacca sarvaratnopaśobhitam

the Mahakala and Mahi, and the Tamasa carrying flowers on its waters — Jambudvipa itself, rich in jewels, adorned with every gem,

Verse 156 (padma.1.45.156)

सुवर्णपुटकं चैव सुवर्णाकरमंडितम्। महानदश्च लौहित्यश्शैलः कांचनशोभितः

suvarṇapuṭakaṁ caiva suvarṇākaramaṁḍitam mahānadaśca lauhityaśśailaḥ kāṁcanaśobhitaḥ

the Suvarnaputaka, and lands adorned with mines of gold, the great river Lauhitya, and the mountain shining with gold,

Verse 157 (padma.1.45.157)

पत्तनं कोशकाराणां कशं च रजताकरम्। मगधाश्च महाग्रामाः पुण्ड्रा उग्रास्तथैव च

pattanaṁ kośakārāṇāṁ kaśaṁ ca rajatākaram magadhāśca mahāgrāmāḥ puṇḍrā ugrāstathaiva ca

the city of the silk-cocoon workers, and Kasha with its mines of silver, Magadha and its great villages, and the fierce Pundras likewise,

Verse 158 (padma.1.45.158)

स्रुघ्ना मल्ला विदेहाश्च मालवाः काशि कोसलाः। भवनं वैनतेयस्य दैत्येंद्रेणाभिकंपितम्

srughnā mallā videhāśca mālavāḥ kāśi kosalāḥ bhavanaṁ vainateyasya daityeṁdreṇābhikaṁpitam

Srughna, the Mallas, Videha, Malava, Kashi and Kosala, and even the dwelling of Vainateya (Garuda) — all were made to tremble by that lord of the daityas,

Verse 159 (padma.1.45.159)

कैलासशिखराकारं यत्कृतं विश्वकर्मणा। रत्नतोयो महाभीमो लौहित्यो नाम सागरः

kailāsaśikharākāraṁ yatkṛtaṁ viśvakarmaṇā ratnatoyo mahābhīmo lauhityo nāma sāgaraḥ

that dwelling shaped like the peak of Kailasa, fashioned by Vishvakarma; and the vast and fearsome sea named Lauhitya, with its jewel-bright waters,

Verse 160 (padma.1.45.160)

उदयश्च महाशैल उच्छ्रितः शतयोजनम्। सवर्णवेदिकः श्रीमान्मेघपंक्तिनिषेवितः

udayaśca mahāśaila ucchritaḥ śatayojanam savarṇavedikaḥ śrīmānmeghapaṁktiniṣevitaḥ

and Mount Udaya, the great mountain rising a hundred yojanas high, glorious with its golden altar-terraces, frequented by lines of clouds,

Verse 161 (padma.1.45.161)

भ्राजमानोर्कसदृशैर्जातरूपमयैर्द्रुमैः। सालैस्तालैस्तमालैश्च कर्णिकारैश्च पुष्पितैः

bhrājamānorkasadṛśairjātarūpamayairdrumaiḥ sālaistālaistamālaiśca karṇikāraiśca puṣpitaiḥ

gleaming with golden trees like the sun, with sala, tala, and tamala trees, and flowering karnikara trees,

Verse 162 (padma.1.45.162)

अयोमुखश्च विख्यातः सर्वतो धातुमंडितः। तमालवनगंधश्च पर्वतो मलयः शुभः

ayomukhaśca vikhyātaḥ sarvato dhātumaṁḍitaḥ tamālavanagaṁdhaśca parvato malayaḥ śubhaḥ

and famed Ayomukha, adorned on every side with mineral ores; and the auspicious Malaya mountain, fragrant with tamala forests,

Verse 163 (padma.1.45.163)

सुराष्ट्राश्च सबाह्लीकाश्शूद्राभीरास्तथैव च। भोजाः पांड्याश्च वंगाश्च कलिंगास्ताम्रलिप्तकाः

surāṣṭrāśca sabāhlīkāśśūdrābhīrāstathaiva ca bhojāḥ pāṁḍyāśca vaṁgāśca kaliṁgāstāmraliptakāḥ

Saurashtra together with Bahlika, and likewise Shudra and Abhira lands, the Bhojas, Pandyas, and Vangas, Kalinga and Tamralipta,

Verse 164 (padma.1.45.164)

तथैव पौंड्राः शुभ्राश्च वामचूडास्सकेरलाः। क्षोभितास्तेन दैत्येन देवाश्चाप्सरसां गणाः

tathaiva pauṁḍrāḥ śubhrāśca vāmacūḍāssakeralāḥ kṣobhitāstena daityena devāścāpsarasāṁ gaṇāḥ

and likewise the Paundras, the fair-skinned peoples, the Vamachudas and the Keralas — all were shaken by that daitya, and so were the gods and hosts of apsaras.

Verse 165 (padma.1.45.165)

अगस्त्यभवनं चैव यदगस्त्यकृतं पुरा। सिद्धचारणसंघैश्च विप्रकीर्णं मनोहरम्

agastyabhavanaṁ caiva yadagastyakṛtaṁ purā siddhacāraṇasaṁghaiśca viprakīrṇaṁ manoharam

and the abode of Agastya, which Agastya himself made long ago, delightful, thronged with hosts of siddhas and charanas,

Verse 166 (padma.1.45.166)

विचित्रनानाविहगं सपुष्पितमहाद्रुमम्। जातरूपमयैः शृंगैरप्सरोगणसेवितम्

vicitranānāvihagaṁ sapuṣpitamahādrumam jātarūpamayaiḥ śṛṁgairapsarogaṇasevitam

filled with birds of many wondrous kinds, with great flowering trees, its golden peaks attended by hosts of apsaras,

Verse 167 (padma.1.45.167)

गिरिः पुष्पितकश्चैव लक्ष्मीवान्प्रियदर्शनः। उत्थितः सागरं भित्वा विश्रामश्चंद्रसूर्ययोः

giriḥ puṣpitakaścaiva lakṣmīvānpriyadarśanaḥ utthitaḥ sāgaraṁ bhitvā viśrāmaścaṁdrasūryayoḥ

and the mountain Pushpitaka, glorious and lovely to behold, risen up having cleft the ocean, a resting place for the sun and moon,

Verse 168 (padma.1.45.168)

रराज स महाशृंगैर्गगनं विलिखन्निव। चंद्रसूर्यांशुसंकाशैः सागरांबुसमावृतैः

rarāja sa mahāśṛṁgairgaganaṁ vilikhanniva caṁdrasūryāṁśusaṁkāśaiḥ sāgarāṁbusamāvṛtaiḥ

it shone with its great peaks as if scratching the sky, its peaks, gleaming like the rays of sun and moon, wrapped round with the ocean's waters,

Verse 169 (padma.1.45.169)

विद्युत्त्वान्पर्वतः श्रीमानायतः शतयोजनम्। विद्युतां यत्र संपाता निपात्यंते नगोत्तमे

vidyuttvānparvataḥ śrīmānāyataḥ śatayojanam vidyutāṁ yatra saṁpātā nipātyaṁte nagottame

and the glorious mountain Vidyutvan, extending a hundred yojanas, upon whose peak the flashes of lightning fall,

Verse 170 (padma.1.45.170)

ऋषभः पर्वतश्चैव श्रीमानृषभसंस्थितः। कुंजरः पर्वतः श्रीमानगस्त्यस्य गृहं शुभम्

ṛṣabhaḥ parvataścaiva śrīmānṛṣabhasaṁsthitaḥ kuṁjaraḥ parvataḥ śrīmānagastyasya gṛhaṁ śubham

and the glorious mountain Rishabha, where the bull dwells, and the glorious mountain Kunjara, the auspicious abode of Agastya,

Verse 171 (padma.1.45.171)

विमलाख्या च दुर्द्धर्षा सर्पाणां मालती पुरी। तथा भोगवती चापि दैत्येंद्रेणाभिकंपिता

vimalākhyā ca durddharṣā sarpāṇāṁ mālatī purī tathā bhogavatī cāpi daityeṁdreṇābhikaṁpitā

and the city named Vimala, unassailable, the Malati city of the serpents, and Bhogavati too — all were made to tremble by that lord of the daityas,

Verse 172 (padma.1.45.172)

महासेनगिरिश्चैव पारियात्रश्च पर्वतः। चक्रवांश्च गिरिश्रेष्ठो वाराहश्चैव पर्वतः

mahāsenagiriścaiva pāriyātraśca parvataḥ cakravāṁśca giriśreṣṭho vārāhaścaiva parvataḥ

and Mount Mahasena, and the Pariyatra mountain, the excellent mountain Chakravan, and Mount Varaha,

Verse 173 (padma.1.45.173)

प्राग्ज्योतिषपुरं चापि जातरूपमयं शुभम्। यस्मिन्नुवास दुष्टात्मा नरको नाम दानवः

prāgjyotiṣapuraṁ cāpi jātarūpamayaṁ śubham yasminnuvāsa duṣṭātmā narako nāma dānavaḥ

and the auspicious city of Pragjyotisha, made of gold, in which dwelt the evil-souled danava named Naraka,

Verse 174 (padma.1.45.174)

मेघश्च पर्वतश्रेष्ठो मेघगंभीरनिस्स्वनः। षष्टिस्तत्र सहस्राणि पर्वतानां विशांपते

meghaśca parvataśreṣṭho meghagaṁbhīranissvanaḥ ṣaṣṭistatra sahasrāṇi parvatānāṁ viśāṁpate

and the excellent mountain Megha, resounding deeply like thunder-clouds — sixty thousand mountains were there, O lord of the people,

Verse 175 (padma.1.45.175)

तरुणादित्यसंकाशो मेरुश्चैव महान्गिरिः। यक्षराक्षसगंधर्वैर्नित्यं सेवितकंदरः

taruṇādityasaṁkāśo meruścaiva mahāngiriḥ yakṣarākṣasagaṁdharvairnityaṁ sevitakaṁdaraḥ

and the great mountain Meru, radiant like the young rising sun, whose caverns are ever frequented by yakshas, rakshasas, and gandharvas,

Verse 176 (padma.1.45.176)

हेमगर्भो महासेनस्तथा मेघसखो गिरिः। कैलासश्चैव शैलेंद्रो दानवेंद्रेण कंपितः

hemagarbho mahāsenastathā meghasakho giriḥ kailāsaścaiva śaileṁdro dānaveṁdreṇa kaṁpitaḥ

Hemagarbha, Mahasena, and likewise Mount Meghasakha, and Kailasa, the lord of mountains — all were shaken by that lord of the danavas,

Verse 177 (padma.1.45.177)

हेमपुष्करसञ्छन्नं तेन वैखानसं सरः। कंपितं मानसं चैव हंसकारंडवाकुलम्

hemapuṣkarasañchannaṁ tena vaikhānasaṁ saraḥ kaṁpitaṁ mānasaṁ caiva haṁsakāraṁḍavākulam

and Lake Vaikhanasa, covered over with golden lotuses, and Lake Manasa too, thronging with swans and karandava ducks, were made to tremble;

Verse 178 (padma.1.45.178)

त्रिशृंगः पर्वतश्रेष्ठः कुमारी च सरिद्वरा। तुषारचयसंच्छन्नो मंदरश्चापि पर्वतः

triśṛṁgaḥ parvataśreṣṭhaḥ kumārī ca saridvarā tuṣāracayasaṁcchanno maṁdaraścāpi parvataḥ

the excellent mountain Trishringa, and the river Kumari, best of rivers, and Mount Mandara too, covered with heaps of snow,

Verse 179 (padma.1.45.179)

उशीरबीजश्च गिरिर्भद्रप्रस्थस्तथाद्रिराट्। प्रजापतिगिरिश्चैव तथा पुष्करपर्वतः

uśīrabījaśca girirbhadraprasthastathādrirāṭ prajāpatigiriścaiva tathā puṣkaraparvataḥ

and the mountain Ushirabija, and Bhadraprastha, and the king of mountains, and Mount Prajapati, and likewise Mount Pushkara,

Verse 180 (padma.1.45.180)

देवाभः पर्वतश्चैव तथा वै वालुकागिरिः। क्रौंचः सप्तर्षिशैलश्च धूम्रवर्णश्च पर्वतः

devābhaḥ parvataścaiva tathā vai vālukāgiriḥ krauṁcaḥ saptarṣiśailaśca dhūmravarṇaśca parvataḥ

and Mount Devabha, and Mount Valuka too, Mount Kraunca, the mountain of the Seven Sages, and Mount Dhumravarna —

Verse 181 (padma.1.45.181)

एते चान्ये च गिरयो देशा जनपदास्तथा। नद्यः ससागराः सर्वाः दानवेनाभिकंपिताः

ete cānye ca girayo deśā janapadāstathā nadyaḥ sasāgarāḥ sarvāḥ dānavenābhikaṁpitāḥ

these and other mountains, lands and regions, all the rivers together with the oceans, were made to tremble by that danava.

Verse 182 (padma.1.45.182)

कपिलश्च महीपुत्रो व्याघ्रवांश्च प्रकंपितः। खेचराश्च निशापुत्राः पातालतलवासिनः

kapilaśca mahīputro vyāghravāṁśca prakaṁpitaḥ khecarāśca niśāputrāḥ pātālatalavāsinaḥ

Kapila, the son of the Earth, and Vyaghravan too, were shaken; and the sky-goers, the sons of Night, and the dwellers of Patala's depths,

Verse 183 (padma.1.45.183)

गणस्तथापरो रौद्रो मेघनामांकुशायुधः। ऊर्द्ध्वगो भीमवेगश्च सर्व एतेभिकंपिताः

gaṇastathāparo raudro meghanāmāṁkuśāyudhaḥ ūrddhvago bhīmavegaśca sarva etebhikaṁpitāḥ

and another dreadful troop, named Megha, armed with goads, moving upward with terrible speed — all these too were shaken.

Verse 184 (padma.1.45.184)

गदी शूली करालश्च हिरण्यकशिपुस्तथा। जीमूतघननिर्घोषो जीमूत इव वेगवान्

gadī śūlī karālaśca hiraṇyakaśipustathā jīmūtaghananirghoṣo jīmūta iva vegavān

Then Hiranyakashipu, mace in hand, trident-bearing, and terrible, roaring like a dense thundercloud, swift as a storm-cloud,

Verse 185 (padma.1.45.185)

देवारिर्दितिजो दृप्तो नृसिंहं समुपाद्रवत्। स तु तेन ततस्तीक्ष्णैर्मृगेंद्रेण महानखैः

devārirditijo dṛpto nṛsiṁhaṁ samupādravat sa tu tena tatastīkṣṇairmṛgeṁdreṇa mahānakhaiḥ

that arrogant enemy of the gods, the son of Diti, rushed upon Narasimha; but he, that lord of beasts with sharp, mighty claws,

Verse 186 (padma.1.45.186)

तदोंकारसहायेन विदार्य निहतो युधि। मही च कालश्च शशीनभश्च ग्रहास्स सूर्याश्च दिशश्च सर्वाः

tadoṁkārasahāyena vidārya nihato yudhi mahī ca kālaśca śaśīnabhaśca grahāssa sūryāśca diśaśca sarvāḥ

was torn open with the sacred syllable Om as his aid, and slain in battle. The earth and time, the moon and sky, the planets, the sun, and all the directions,

Verse 187 (padma.1.45.187)

नद्यश्च शैलाश्च महार्णवाश्च गताः प्रसादं दितिपुत्रनाशात्। ततः प्रमुदिता देवा ऋषयश्च तपोधनाः

nadyaśca śailāśca mahārṇavāśca gatāḥ prasādaṁ ditiputranāśāt tataḥ pramuditā devā ṛṣayaśca tapodhanāḥ

the rivers, the mountains, and the great oceans, all attained peace at the destruction of the son of Diti. Then the gods and the sages rich in austerity, filled with joy,

Verse 188 (padma.1.45.188)

तुष्टुवुर्नामभिर्दिव्यैरादिदेवं सनातनम्। यत्त्वया विधृतं देव नारसिंहमिदं वपुः

tuṣṭuvurnāmabhirdivyairādidevaṁ sanātanam yattvayā vidhṛtaṁ deva nārasiṁhamidaṁ vapuḥ

praised the eternal primal god with divine names: 'This Man-Lion form, O god, which you have assumed —'

Verse 189 (padma.1.45.189)

एतदेवार्चयिष्यंति परापरविदो जनाः। ब्रह्मोवाच। भवान्ब्रह्मा च रुद्रश्च महेंद्रो देवसत्तमः

etadevārcayiṣyaṁti parāparavido janāḥ brahmovāca bhavānbrahmā ca rudraśca maheṁdro devasattamaḥ

'— this very form shall people who know the higher and the lower worship.' Brahma said: 'You are Brahma, and Rudra, and great Indra, O best of gods,'

Verse 190 (padma.1.45.190)

भवान्कर्त्ता विकर्त्ता च लोकानां प्रभवोऽव्ययः। परां च सिद्धिं च परं च सत्वं परं रहस्यं परमं हविश्च

bhavānkarttā vikarttā ca lokānāṁ prabhavo'vyayaḥ parāṁ ca siddhiṁ ca paraṁ ca satvaṁ paraṁ rahasyaṁ paramaṁ haviśca

'you are the maker and the unmaker of the worlds, their imperishable source; you are the supreme attainment, the supreme being, the supreme mystery, and the supreme oblation,'

Verse 191 (padma.1.45.191)

परं च धर्मं परमं यशश्च त्वामाहुरग्र्यं परमं पुराणम्। परं च सत्यं परमं तपश्च परं पवित्रं परमं च मार्गं

paraṁ ca dharmaṁ paramaṁ yaśaśca tvāmāhuragryaṁ paramaṁ purāṇam paraṁ ca satyaṁ paramaṁ tapaśca paraṁ pavitraṁ paramaṁ ca mārgaṁ

'they call you the supreme dharma and the supreme glory, the foremost and supreme Purana; the supreme truth and the supreme austerity, the supreme purity and the supreme path,'

Verse 192 (padma.1.45.192)

परं च यज्ञं परमं च होत्रं त्वामाहुरग्य्रं परमं पुराणम्। परं शरीरं परमं च ब्रह्म परं च योगं परमां च वाणीम्

paraṁ ca yajñaṁ paramaṁ ca hotraṁ tvāmāhuragyraṁ paramaṁ purāṇam paraṁ śarīraṁ paramaṁ ca brahma paraṁ ca yogaṁ paramāṁ ca vāṇīm

'they call you the supreme sacrifice and the supreme oblation, the foremost and supreme Purana; the supreme body, and supreme Brahman, the supreme yoga, and the supreme speech,'

Verse 193 (padma.1.45.193)

परं रहस्यं परमां गतिं च त्वामाहुरग्य्रं परमं पुराणम्। एवमुक्त्वा तु भगवान्सर्वलोकपितामहः

paraṁ rahasyaṁ paramāṁ gatiṁ ca tvāmāhuragyraṁ paramaṁ purāṇam evamuktvā tu bhagavānsarvalokapitāmahaḥ

'the supreme mystery, and the supreme goal — they call you the foremost and supreme Purana.' Having spoken thus, the Lord, grandsire of all the worlds,

Verse 194 (padma.1.45.194)

स्तुत्वा नारायणं देवं ब्रह्मलोकं गतः प्रभुः। ततो नदत्सु तूर्येषु नृत्यंतीष्वप्सरःसु च

stutvā nārāyaṇaṁ devaṁ brahmalokaṁ gataḥ prabhuḥ tato nadatsu tūryeṣu nṛtyaṁtīṣvapsaraḥsu ca

having praised the god Narayana, the Lord returned to the world of Brahma. Then, as trumpets sounded and the apsaras danced,

Verse 195 (padma.1.45.195)

क्षीरोदस्योत्तरं कूलं जगाम हरिरीश्वरः। नारसिंहं वपुर्देवः स्थापयित्वा सुदीप्तिमान्

kṣīrodasyottaraṁ kūlaṁ jagāma harirīśvaraḥ nārasiṁhaṁ vapurdevaḥ sthāpayitvā sudīptimān

Hari, the Lord, went to the northern shore of the Ocean of Milk; and the resplendent god, having set aside his Man-Lion form,

Verse 196 (padma.1.45.196)

पौराणं रूपमास्थाय प्रययौ गरडध्वजः। अष्टचक्रेण यानेन भूतियुक्तेन भास्वता

paurāṇaṁ rūpamāsthāya prayayau garaḍadhvajaḥ aṣṭacakreṇa yānena bhūtiyuktena bhāsvatā

assumed his ancient, familiar form, and departed, bearing the banner of Garuda, in his radiant, glory-laden chariot of eight wheels.

Verse 197 (padma.1.45.197)

अव्यक्तप्रकृतिर्देवः स्वस्थानं गतवान्प्रभुः

avyaktaprakṛtirdevaḥ svasthānaṁ gatavānprabhuḥ

The god whose nature is unmanifest, the Lord, went to his own abode.