The Eightfold Hymn to Ganapati

Verse 1 (padma.1.64.1)

व्यास उवाच। पुनरन्यत्प्रवक्ष्यामि स्तोत्रं गणाधिपस्य च। सर्वसिद्धिकरं पूतं सर्वाभीष्टफलप्रदं

vyāsa uvāca. punaranyatpravakṣyāmi stotraṁ gaṇādhipasya ca. sarvasiddhikaraṁ pūtaṁ sarvābhīṣṭaphalapradaṁ

Vyasa said: I shall now declare yet another hymn of the Lord of the Ganas — pure, bestowing every accomplishment, and granting the fruit of every desire.

Verse 2 (padma.1.64.2)

एकदंतं महाकायं तप्तकांचनसन्निभम्। लंबोदरं विशालाक्षं वंदेहं गणनायकं

ekadaṁtaṁ mahākāyaṁ taptakāṁcanasannibham. laṁbodaraṁ viśālākṣaṁ vaṁdehaṁ gaṇanāyakaṁ

I bow to the Lord of the Ganas — single-tusked, of vast form, resembling molten gold, pot-bellied, and wide-eyed.

Verse 3 (padma.1.64.3)

मुंजकृष्णाजिनधरं नागयज्ञोपवीतकम्। बालेंदुकलिकामौलिं वंदेहं गणनायकं

muṁjakṛṣṇājinadharaṁ nāgayajñopavītakam. bāleṁdukalikāmauliṁ vaṁdehaṁ gaṇanāyakaṁ

I bow to the Lord of the Ganas — wearing a girdle of munja grass and a black antelope skin, bearing a sacred thread of serpents, his crown adorned with the crescent of the young moon.

Verse 4 (padma.1.64.4)

सर्वविघ्नहरं देवं सर्वविघ्नविवर्जितम्। मूषकोत्तममारुह्य देवासुरमहाहवे

sarvavighnaharaṁ devaṁ sarvavighnavivarjitam. mūṣakottamamāruhya devāsuramahāhave

I bow to the god who removes every obstacle and is himself free of every obstacle, who, mounted upon the finest of mice, in the great battle between gods and demons—

Verse 5 (padma.1.64.5)

योद्धुकामं महाबाहुं वंदेहं गणनायकम्। अंबिकाहृदयानंदं मातृकापरिवेष्टितम्

yoddhukāmaṁ mahābāhuṁ vaṁdehaṁ gaṇanāyakam. aṁbikāhṛdayānaṁdaṁ mātṛkāpariveṣṭitam

—desired to fight, mighty-armed: I bow to the Lord of the Ganas, the joy of Ambika's heart, surrounded by the Mother Goddesses.

Verse 6 (padma.1.64.6)

भक्तिप्रियं मदोन्मत्तं वंदेहं गणनायकम्। चित्ररत्नविचित्रांगं चित्रमालाविभूषणम्

bhaktipriyaṁ madonmattaṁ vaṁdehaṁ gaṇanāyakam. citraratnavicitrāṁgaṁ citramālāvibhūṣaṇam

I bow to the Lord of the Ganas, who loves devotion, joyously intoxicated, whose limbs are adorned with wondrous jewels and decked with garlands of many colors.

Verse 7 (padma.1.64.7)

कामरूपधरं देवं वंदेहं गणनायकम्। गजवक्त्रं सुरश्रेष्ठं चारुकर्णविभूषितम्

kāmarūpadharaṁ devaṁ vaṁdehaṁ gaṇanāyakam. gajavaktraṁ suraśreṣṭhaṁ cārukarṇavibhūṣitam

I bow to the Lord of the Ganas, the god who assumes any form at will, elephant-faced, foremost among the gods, adorned with lovely ears.

Verse 8 (padma.1.64.8)

पाशांकुशधरं देवं वंदेहं गणनायकम्। यक्षकिन्नरगंधर्वैः सिद्धविद्याधरैस्सदा

pāśāṁkuśadharaṁ devaṁ vaṁdehaṁ gaṇanāyakam. yakṣakinnaragaṁdharvaiḥ siddhavidyādharaissadā

I bow to the Lord of the Ganas, the god who bears the noose and the goad, ever, by yakshas, kinnaras, gandharvas, siddhas, and vidyadharas—

Verse 9 (padma.1.64.9)

स्तूयमानं महादेहं वंदेहं गणनायकम्। गणाष्टकमिदं पुण्यं भक्तितो यः पठेन्नरः

stūyamānaṁ mahādehaṁ vaṁdehaṁ gaṇanāyakam. gaṇāṣṭakamidaṁ puṇyaṁ bhaktito yaḥ paṭhennaraḥ

—being praised, of vast form: I bow to the Lord of the Ganas. Whoever recites this meritorious eightfold hymn with devotion—

Verse 10 (padma.1.64.10)

सर्वसिद्धिमवाप्नोति रुद्रलोके महीयते। न निःस्वतां तथाभ्येति सप्तजन्मसु मानवः

sarvasiddhimavāpnoti rudraloke mahīyate. na niḥsvatāṁ tathābhyeti saptajanmasu mānavaḥ

—he obtains every accomplishment and is honored in the world of Rudra; nor does that man ever come to poverty through seven lifetimes.

Verse 11 (padma.1.64.11)

य इदं पठते नित्यं महाराजो भवेन्नरः। वश्यं करोति त्रैलोक्यं पठनाच्छ्रवणादपि। स्तोत्रं परं महापुण्यं गणपस्य महात्मनः

ya idaṁ paṭhate nityaṁ mahārājo bhavennaraḥ. vaśyaṁ karoti trailokyaṁ paṭhanācchravaṇādapi. stotraṁ paraṁ mahāpuṇyaṁ gaṇapasya mahātmanaḥ

He who recites this daily becomes a great king among men; merely by reciting or even hearing it, he brings the three worlds under his control — such is this supreme and greatly meritorious hymn of the great-souled Lord of the Ganas.