The Slaying of the Kalakeyas

Verse 1 (padma.1.65.1)

व्यास उवाच-। नांदीमुखेषु सर्वेषु पूजयेद्यो गणाधिपम्। तस्य सर्वो भवेद्वश्यः पुण्यं भवति चाक्षयम्

vyāsa uvāca-. nāṁdīmukheṣu sarveṣu pūjayedyo gaṇādhipam. tasya sarvo bhavedvaśyaḥ puṇyaṁ bhavati cākṣayam

Vyasa said: Whoever worships the Lord of the Ganas at every nandimukha rite — for him everything becomes subject to his will, and his merit becomes imperishable.

Verse 2 (padma.1.65.2)

गणानां त्वेति मंत्रेण सर्वयज्ञघटेषु च। सर्वसिद्धिमवाप्नोति स्वर्गं मोक्षं लभेन्नरः

gaṇānāṁ tveti maṁtreṇa sarvayajñaghaṭeṣu ca. sarvasiddhimavāpnoti svargaṁ mokṣaṁ labhennaraḥ

With the mantra "Gaṇānāṁ tvā...", in every vessel of sacrifice, a man obtains every accomplishment and attains heaven and liberation.

Verse 3 (padma.1.65.3)

मृण्मये प्रतिमायां च चित्रे चाथ दृषण्मये। द्वारदारुणि पात्रे च हेरंबं लेखयेद्बुधः

mṛṇmaye pratimāyāṁ ca citre cātha dṛṣaṇmaye. dvāradāruṇi pātre ca heraṁbaṁ lekhayedbudhaḥ

The wise man should depict Heramba in a clay image, in a painting, in a stone image, on a wooden door, or in a vessel.

Verse 4 (padma.1.65.4)

अन्यस्मिन्नपि देशे तु सततं दृष्टिगोचरे। स्थापयित्वा तु हेरंबं शक्त्या यः पूजयेद्बुधः

anyasminnapi deśe tu satataṁ dṛṣṭigocare. sthāpayitvā tu heraṁbaṁ śaktyā yaḥ pūjayedbudhaḥ

Or in any other place always within sight — the wise man who, having installed Heramba there, worships him according to his ability—

Verse 5 (padma.1.65.5)

तस्य कार्याणि सिद्ध्यंति दयितानि समंततः। न विघ्नं जायते किंचित्त्रैलोक्यं वशमानयेत्

tasya kāryāṇi siddhyaṁti dayitāni samaṁtataḥ. na vighnaṁ jāyate kiṁcittrailokyaṁ vaśamānayet

—all his desired undertakings succeed completely; no obstacle whatsoever arises for him, and he brings the three worlds under his control.

Verse 6 (padma.1.65.6)

विद्यार्थी लभते विद्यां वेदशास्त्रसमुद्भवाम्। अन्यां च शिल्पिविद्यां च विजयां स्वर्गदायिनीम्

vidyārthī labhate vidyāṁ vedaśāstrasamudbhavām. anyāṁ ca śilpividyāṁ ca vijayāṁ svargadāyinīm

The seeker of learning obtains learning arising from the Vedas and scriptures, and also other arts and crafts, victory, and that which bestows heaven.

Verse 7 (padma.1.65.7)

धनार्थी विपुलं वित्तं कन्यां साध्वीं मनोरमाम्। ऐश्वर्यं धर्मसाध्यं च तनयं कुलमोक्षदम्

dhanārthī vipulaṁ vittaṁ kanyāṁ sādhvīṁ manoramām. aiśvaryaṁ dharmasādhyaṁ ca tanayaṁ kulamokṣadam

The seeker of wealth obtains abundant riches, a virtuous and lovely bride, prosperity attainable through dharma, and a son who grants liberation to the family.

Verse 8 (padma.1.65.8)

न रोगैः पीड्यते कश्चिन्न ग्रहैः प्रेतयोनिभिः। शृंगिभिर्नापि रक्षोभिर्विद्युद्भिर्वनतस्करैः

na rogaiḥ pīḍyate kaścinna grahaiḥ pretayonibhiḥ. śṛṁgibhirnāpi rakṣobhirvidyudbhirvanataskaraiḥ

No one is afflicted by diseases, nor by seizing-spirits born of the preta realm, nor by horned beasts, nor by demons, lightning, or forest-robbers—

Verse 9 (padma.1.65.9)

न राजा कुप्यति गृहे न च मारी प्रवर्तते। न दौर्भिक्ष्यं न दौर्बल्यं पूजयित्वा विनायकम्

na rājā kupyati gṛhe na ca mārī pravartate. na daurbhikṣyaṁ na daurbalyaṁ pūjayitvā vināyakam

—the king does not grow angry with him at home, nor does pestilence occur, nor famine, nor weakness — for one who has worshipped Vinayaka.

Verse 10 (padma.1.65.10)

अभिप्रेतार्थसिद्ध्यर्थं पूजितो यः सुरैरपि। सर्वविघ्नछिदे तस्मै गणाधिपतये नमः

abhipretārthasiddhyarthaṁ pūjito yaḥ surairapi. sarvavighnachide tasmai gaṇādhipataye namaḥ

He who is worshipped even by the gods for the accomplishment of their desired aims — salutation to him, the Lord of the Ganas, the destroyer of every obstacle.

Verse 11 (padma.1.65.11)

मंत्रश्चायं ॐ नमो गणपतये। नारायणप्रियैः पुष्पैरन्यैश्चापि सुगंधिभिः। मोदकैः फलमूलैश्च द्रव्यैः कालोद्भवैस्तथा

maṁtraścāyaṁ oṁ namo gaṇapataye. nārāyaṇapriyaiḥ puṣpairanyaiścāpi sugaṁdhibhiḥ. modakaiḥ phalamūlaiśca dravyaiḥ kālodbhavaistathā

This is the mantra: "Om, salutation to Ganapati." With flowers dear to Narayana and other fragrant ones, with sweets, fruits, roots, and substances proper to the season—

Verse 12 (padma.1.65.12)

दधिदुग्धैः प्रियैर्वाद्यैरपि धूपसुगंधिभिः। पूजयेद्गणपं यस्तु सर्वसिद्धिमवाप्नुयात्

dadhidugdhaiḥ priyairvādyairapi dhūpasugaṁdhibhiḥ. pūjayedgaṇapaṁ yastu sarvasiddhimavāpnuyāt

—and with curd and milk, with pleasing musical instruments, and with fragrant incense, whoever worships Ganapa thus obtains every accomplishment.

Verse 13 (padma.1.65.13)

विशेषात्तस्य लिंगे तु यो ददाति वसुप्रियम्। पूजोपकरणं वस्त्रं सर्वं लक्षगुणं भवेत्

viśeṣāttasya liṁge tu yo dadāti vasupriyam. pūjopakaraṇaṁ vastraṁ sarvaṁ lakṣaguṇaṁ bhavet

Especially, whoever offers to his image what is dear and precious — worship-materials, cloth — all of it becomes a hundred-thousandfold meritorious.

Verse 14 (padma.1.65.14)

देशे च भारते वर्षे वनिता पूर्वसन्निधौ। लौहित्यदक्षिणे तीरे लिंगरूपो विनायकः

deśe ca bhārate varṣe vanitā pūrvasannidhau. lauhityadakṣiṇe tīre liṁgarūpo vināyakaḥ

In the land of Bharata, near Vanita, to the east, on the southern bank of the Lauhitya river — Vinayaka stands there in the form of a linga.

Verse 15 (padma.1.65.15)

हरगौरीसमादेशाद्देवानां संमतेन च। स्थितो लोकप्रशांत्यर्थं सर्वविघ्नविनाशनात्

haragaurīsamādeśāddevānāṁ saṁmatena ca. sthito lokapraśāṁtyarthaṁ sarvavighnavināśanāt

By the joint command of Hara and Gauri, and with the assent of the gods, he stands there for the pacification of the world, through the destruction of every obstacle.

Verse 16 (padma.1.65.16)

पूजयित्वा तु तं देवं शक्तितो द्रव्यसंचयैः। विनायकत्वमाप्नोति वेदशास्त्रार्थपारगः

pūjayitvā tu taṁ devaṁ śaktito dravyasaṁcayaiḥ. vināyakatvamāpnoti vedaśāstrārthapāragaḥ

Having worshipped that god according to one's ability, with an accumulation of offerings, one becomes free of every obstacle and becomes accomplished in the meaning of the Vedas and scriptures.

Verse 17 (padma.1.65.17)

सकृत्प्रदक्षिणं कृत्वा दृष्ट्वा स्पृष्ट्वा तु मानवः। अक्षयं लभते स्वर्गं सदा देवैः प्रपूज्यते

sakṛtpradakṣiṇaṁ kṛtvā dṛṣṭvā spṛṣṭvā tu mānavaḥ. akṣayaṁ labhate svargaṁ sadā devaiḥ prapūjyate

A man, merely by circumambulating once, seeing, and touching the deity, obtains imperishable heaven and is forever honored by the gods.

Verse 18 (padma.1.65.18)

संसर्गिणां च म्लेछानां गत्यर्थं सुतपस्विनाम्। पुत्रार्थं सर्वलोकानां तत्र शंभुर्विनायकः

saṁsargiṇāṁ ca mlechānāṁ gatyarthaṁ sutapasvinām. putrārthaṁ sarvalokānāṁ tatra śaṁbhurvināyakaḥ

For the salvation even of those who have come into contact with mlecchas, for great ascetics, and for the sake of offspring for all the worlds — there Shambhu stands as Vinayaka.

Verse 19 (padma.1.65.19)

कृत्वाभिषेकं लौहित्ये स्पृशेद्यस्तु गणाधिपम्। सप्तजन्मकृतात्पापान्मुच्यते नात्र संशयः

kṛtvābhiṣekaṁ lauhitye spṛśedyastu gaṇādhipam. saptajanmakṛtātpāpānmucyate nātra saṁśayaḥ

Whoever, having bathed in the Lauhitya, touches the Lord of the Ganas, is freed from sins committed over seven lifetimes — of this there is no doubt.

Verse 20 (padma.1.65.20)

न वैधव्यं न कार्पण्यं न शोकं न तु मत्सरम्। विनायकं समासाद्य जन्मजन्मनि संलभेत्

na vaidhavyaṁ na kārpaṇyaṁ na śokaṁ na tu matsaram. vināyakaṁ samāsādya janmajanmani saṁlabhet

Having attained the grace of Vinayaka, one never obtains widowhood, poverty, grief, or envy, birth after birth.

Verse 21 (padma.1.65.21)

पुनः सिद्धिः पुनर्भोग्यं पुनः कीर्तिः पुनर्बलम्। पूजयित्वा तु गणपं नरस्य नात्र संशयः

punaḥ siddhiḥ punarbhogyaṁ punaḥ kīrtiḥ punarbalam. pūjayitvā tu gaṇapaṁ narasya nātra saṁśayaḥ

Accomplishment again and again, enjoyment again and again, fame again and again, strength again and again — for a man who worships Ganapa, there is no doubt of this.

Verse 22 (padma.1.65.22)

अस्य पूजामकृत्वा च सर्वाभीष्टं विनश्यति। तत्र देवाश्च सुप्रीता ब्रह्मविष्णुहरादयः

asya pūjāmakṛtvā ca sarvābhīṣṭaṁ vinaśyati. tatra devāśca suprītā brahmaviṣṇuharādayaḥ

But without performing his worship, every desired aim is destroyed. In this matter the gods too are well pleased — Brahma, Vishnu, Hara, and the rest.

Verse 23 (padma.1.65.23)

मघोनो गणपस्याथ पूजाविरहितस्य च। अथासुरैर्महावीर्यैर्हिरण्याक्षमुखै रणे

maghono gaṇapasyātha pūjāvirahitasya ca. athāsurairmahāvīryairhiraṇyākṣamukhai raṇe

Now, Maghavan, who had neglected the worship of Ganapa — then, in battle, by the asuras of great valor, headed by Hiranyaksha—

Verse 24 (padma.1.65.24)

मघवा तु जितो वीर्याद्धिरण्याक्षेण वै तदा। ततस्सुराश्च निर्वीर्या यावद्वर्षशतं पुरा

maghavā tu jito vīryāddhiraṇyākṣeṇa vai tadā. tatassurāśca nirvīryā yāvadvarṣaśataṁ purā

—Maghavan was defeated in valor by Hiranyaksha at that time. Then the gods remained powerless for a hundred years, in that former age.

Verse 25 (padma.1.65.25)

दैवासुरे महायुद्धे सुराणां च पराजयः। ततो देवाधिदेवे तु शिवे देवैर्निवेदितम्

daivāsure mahāyuddhe surāṇāṁ ca parājayaḥ. tato devādhideve tu śive devairniveditam

In that great war between gods and asuras, the gods suffered defeat. Then it was reported by the gods to Shiva, the god of gods—

Verse 26 (padma.1.65.26)

भगवन्नसुरैर्नो हि जितं राज्यं गता मखाः। एतस्मिन्नंतरे शंभुर्देवान्वचनमब्रवीत्

bhagavannasurairno hi jitaṁ rājyaṁ gatā makhāḥ. etasminnaṁtare śaṁbhurdevānvacanamabravīt

"—O Lord, our kingdom has indeed been conquered by the asuras, and our sacrifices are lost." At this, Shambhu spoke this word to the gods—

Verse 27 (padma.1.65.27)

हेरंबाय वरो दत्त उमया प्रीतया मया। पूजया ते परा सिद्धिर्देवादीनां भवत्विति

heraṁbāya varo datta umayā prītayā mayā. pūjayā te parā siddhirdevādīnāṁ bhavatviti

"—A boon was granted to Heramba by Uma and by me, out of affection: that through worship of him, supreme accomplishment shall come to the gods and others."

Verse 28 (padma.1.65.28)

अवजानाति यो मोहात्पुरुषस्तु महोत्सवे। न भवेत्तस्य सिद्धिश्च रणे चापि पराजयः

avajānāti yo mohātpuruṣastu mahotsave. na bhavettasya siddhiśca raṇe cāpi parājayaḥ

"—Whatever man disregards him out of delusion at that great festival of worship — accomplishment shall not be his, and he shall meet defeat even in battle."

Verse 29 (padma.1.65.29)

महामखेन युष्माभिः पूजा गणपतेः कृता। हेलया न कृता मोहात्तस्मात्प्राप्तः पराजयः

mahāmakhena yuṣmābhiḥ pūjā gaṇapateḥ kṛtā. helayā na kṛtā mohāttasmātprāptaḥ parājayaḥ

"—In the great sacrifice, worship of Ganapati was performed by you, but out of delusion it was done carelessly, without devotion; therefore defeat has been your lot."

Verse 30 (padma.1.65.30)

शीघ्रं गच्छत वै पुण्यां गणपस्य महात्मनः। पूजां कुरुत धर्मज्ञा जयस्तूर्णं भविष्यति

śīghraṁ gacchata vai puṇyāṁ gaṇapasya mahātmanaḥ. pūjāṁ kuruta dharmajñā jayastūrṇaṁ bhaviṣyati

"—Go quickly, O knowers of dharma, and perform the auspicious worship of the great-souled Ganapa; victory shall come swiftly."

Verse 31 (padma.1.65.31)

ततो हरमुखाच्छ्रुत्वा वचः क्षेमपरं हितम्। प्रहृष्टा विबुधास्सर्वे गणपस्य पुरः स्थिताः

tato haramukhācchrutvā vacaḥ kṣemaparaṁ hitam. prahṛṣṭā vibudhāssarve gaṇapasya puraḥ sthitāḥ

Then, having heard from Hara's own mouth these words, wholesome and beneficial, all the gods, greatly delighted, stood before Ganapa.

Verse 32 (padma.1.65.32)

देवा ऊचुः-। गणाधिप नमस्तुभ्यं सर्वदेवैकपालक। स्वर्गभोगप्रद प्रीत्या हेरंब त्वां नताः स्म ह

devā ūcuḥ-. gaṇādhipa namastubhyaṁ sarvadevaikapālaka. svargabhogaprada prītyā heraṁba tvāṁ natāḥ sma ha

The gods said: "O Lord of the Ganas, salutations to you, sole protector of all the gods! O giver of heavenly enjoyment, O Heramba, we bow to you with devotion."

Verse 33 (padma.1.65.33)

जयदं सर्वयुद्धेषु सिद्धिदं सर्वकर्मसु। महामायं महाकायं हेरंब त्वां नताः स्म ह

jayadaṁ sarvayuddheṣu siddhidaṁ sarvakarmasu. mahāmāyaṁ mahākāyaṁ heraṁba tvāṁ natāḥ sma ha

"Giver of victory in every battle, giver of success in every task, of great illusion, of vast form — O Heramba, we bow to you."

Verse 34 (padma.1.65.34)

एकदंतं महाप्राज्ञं लंबतुंडं विनायकम्। देवं महर्षिदेवानांमिंद्रस्य च नताः स्म ह

ekadaṁtaṁ mahāprājñaṁ laṁbatuṁḍaṁ vināyakam. devaṁ maharṣidevānāṁmiṁdrasya ca natāḥ sma ha

"Single-tusked, greatly wise, long-trunked Vinayaka — the god of the great sages, of the gods, and of Indra himself — we bow to you."

Verse 35 (padma.1.65.35)

यत्ते पुरार्चनं यज्ञे न कृतं तत्क्षमस्व नः। सुराणां च गिरः श्रुत्वा गणपो वाक्यमब्रवीत्

yatte purārcanaṁ yajñe na kṛtaṁ tatkṣamasva naḥ. surāṇāṁ ca giraḥ śrutvā gaṇapo vākyamabravīt

"Whatever worship of you was not performed by us before, in the sacrifice, forgive us for that." Hearing the words of the gods, Ganapa spoke this word—

Verse 36 (padma.1.65.36)

युष्माभिर्व्रियतां देवा वरो मत्तो हि वांच्छितः। ततः शक्रादयः सर्वे बृहस्पतिपुरोगमाः

yuṣmābhirvriyatāṁ devā varo matto hi vāṁcchitaḥ. tataḥ śakrādayaḥ sarve bṛhaspatipurogamāḥ

"—Let a desired boon be chosen by you, O gods, from me." Then Shakra and all the others, with Brihaspati at their head—

Verse 37 (padma.1.65.37)

ऊचुर्गणपतिं देवा जयोस्माकं भवत्विति। देवानां वचनं श्रुत्वा गणेशो वाक्यमब्रवीत्

ūcurgaṇapatiṁ devā jayosmākaṁ bhavatviti. devānāṁ vacanaṁ śrutvā gaṇeśo vākyamabravīt

—said to Ganapati: "Let victory be ours." Hearing the words of the gods, Ganesha spoke this word—

Verse 38 (padma.1.65.38)

बाढमेव सुरश्रेष्ठा जयो वो भवतु द्रुतम्। ततो देवगणास्सर्वे हर्षनिर्भरमानसाः

bāḍhameva suraśreṣṭhā jayo vo bhavatu drutam. tato devagaṇāssarve harṣanirbharamānasāḥ

"—So be it indeed, O foremost of gods; may victory be yours swiftly." Then all the hosts of gods, their minds filled with joy—

Verse 39 (padma.1.65.39)

गणेशं पूजयामासुर्गंधसारैस्तु मण्डनैः। दिव्यधूपैः सुवस्त्रैश्च कुसुमैर्नन्दनोद्भवैः

gaṇeśaṁ pūjayāmāsurgaṁdhasāraistu maṇḍanaiḥ. divyadhūpaiḥ suvastraiśca kusumairnandanodbhavaiḥ

—worshipped Ganesha with the finest sandal-paste and ornaments, with divine incense and fine cloth, and with flowers grown in the Nandana garden.

Verse 40 (padma.1.65.40)

पारिजातादिभिः पुष्पैरन्यैर्देवमनोहरैः। पूजितो गणपो देवैरुवाच सुरसत्तमान्

pārijātādibhiḥ puṣpairanyairdevamanoharaiḥ. pūjito gaṇapo devairuvāca surasattamān

With Parijata and other flowers, pleasing to the gods, Ganapa, thus worshipped, spoke to those foremost of gods—

Verse 41 (padma.1.65.41)

गच्छध्वं विबुधा देवं विष्णुमद्भुतसाहसम्। स विधास्यति वः कामं वांच्छितं च ततः सुराः

gacchadhvaṁ vibudhā devaṁ viṣṇumadbhutasāhasam. sa vidhāsyati vaḥ kāmaṁ vāṁcchitaṁ ca tataḥ surāḥ

"—Go, O gods, to the god Vishnu, of wondrous daring; he shall accomplish your desire." Then the gods—

Verse 42 (padma.1.65.42)

स्वंस्वं रथं समारुह्य गतास्ते हरिमव्ययम्। पीतांबरं नमस्कृत्य ऊचुर्देवगणा मुदा

svaṁsvaṁ rathaṁ samāruhya gatāste harimavyayam. pītāṁbaraṁ namaskṛtya ūcurdevagaṇā mudā

—each mounting his own chariot, went to the imperishable Hari; bowing to the yellow-robed one, the hosts of gods spoke with joy—

Verse 43 (padma.1.65.43)

हरात्मजं तु संप्राप्य पूजयित्वा गणाधिपम्। आगतास्त्वत्सकाशं वै महात्मन्नद्य केशव

harātmajaṁ tu saṁprāpya pūjayitvā gaṇādhipam. āgatāstvatsakāśaṁ vai mahātmannadya keśava

"—Having reached the son of Hara and worshipped the Lord of the Ganas, we have now come into your presence, O great-souled Keshava."

Verse 44 (padma.1.65.44)

एतच्छ्रुत्वा तु देवानां वचनं हरिरव्ययः। यथातथ्यमुवाचेदं हनिष्ये दैत्यपुंगवान्

etacchrutvā tu devānāṁ vacanaṁ hariravyayaḥ. yathātathyamuvācedaṁ haniṣye daityapuṁgavān

Hearing this word of the gods, the imperishable Hari spoke truthfully thus: "I shall slay the foremost of the daityas."

Verse 45 (padma.1.65.45)

श्रुत्वा वागमृतं देवा नारायणमुखाच्च्युतम्। हृष्टाश्च सुमुदाविष्टा द्रव्यैरिष्टैः समर्चयन्

śrutvā vāgamṛtaṁ devā nārāyaṇamukhāccyutam. hṛṣṭāśca sumudāviṣṭā dravyairiṣṭaiḥ samarcayan

Hearing that nectar-like speech fallen from Narayana's own mouth, the gods, delighted and filled with great joy, worshipped him with cherished offerings.

Verse 46 (padma.1.65.46)

पुनर्विष्णुरुवाचेदं देवानिंद्रपुरोगमान्। स्वंस्वं बलं समाहृत्य सज्जी भवत विज्वराः

punarviṣṇuruvācedaṁ devāniṁdrapurogamān. svaṁsvaṁ balaṁ samāhṛtya sajjī bhavata vijvarāḥ

Vishnu again spoke this to the gods, with Indra at their head: "Gather your own respective forces, and be ready, free from anxiety."

Verse 47 (padma.1.65.47)

हरिष्ये तान्दुराचारान्बलं चैव समंततः। अस्त्रवृंदं तु संगृह्य यूयं तिष्ठत निर्भयाः

hariṣye tāndurācārānbalaṁ caiva samaṁtataḥ. astravṛṁdaṁ tu saṁgṛhya yūyaṁ tiṣṭhata nirbhayāḥ

"I shall carry off those evildoers, and their forces entirely. Gather your host of weapons, and stand fearless."

Verse 48 (padma.1.65.48)

माधवस्य वचः श्रुत्वा प्रगताः सुरपुंगवाः। विमानानि समारुह्य सर्वे दिव्यास्त्रधारिणः

mādhavasya vacaḥ śrutvā pragatāḥ surapuṁgavāḥ. vimānāni samāruhya sarve divyāstradhāriṇaḥ

Hearing Madhava's words, the foremost of the gods set forth, all mounting their divine chariots, bearing celestial weapons.

Verse 49 (padma.1.65.49)

देवानां हर्षवाक्यानि दैत्यचारैः श्रुतानि वै। राजानं कथयामासुर्हिरण्याक्षं महाबलम्

devānāṁ harṣavākyāni daityacāraiḥ śrutāni vai. rājānaṁ kathayāmāsurhiraṇyākṣaṁ mahābalam

The joyful words of the gods were overheard by the daityas' spies; they reported them to their king, the mighty Hiranyaksha.

Verse 50 (padma.1.65.50)

श्रुत्वा दैत्यपतिस्तत्र चुकोपाति महाबलः। सचिवांस्तु समाहूय क्रुद्धो वचनमब्रवीत्

śrutvā daityapatistatra cukopāti mahābalaḥ. sacivāṁstu samāhūya kruddho vacanamabravīt

Hearing this, the lord of the daityas, of great strength, grew exceedingly angry; summoning his ministers, he spoke in wrath—

Verse 51 (padma.1.65.51)

अधुनेंद्रादिदेवाश्च निखिलाः क्रूरबुद्धयः। माधवं च परीप्सन्तः शंभौ सर्वं न्यवेदयन्

adhuneṁdrādidevāśca nikhilāḥ krūrabuddhayaḥ. mādhavaṁ ca parīpsantaḥ śaṁbhau sarvaṁ nyavedayan

"—Now Indra and all the other gods, of cruel intent, seeking the aid of Madhava, have reported everything to Shambhu."

Verse 52 (padma.1.65.52)

कथं जयं च लप्स्यामो दैत्यवृंदेतिदारुणे। त्रिपुरारिरुवाचेदं गणेशं यजतामराः

kathaṁ jayaṁ ca lapsyāmo daityavṛṁdetidāruṇe. tripurāriruvācedaṁ gaṇeśaṁ yajatāmarāḥ

"—How then, O host of daityas, shall we obtain victory in this dreadful crisis?" Tripurari had said this to the gods: "Let the immortals worship Ganesha."

Verse 53 (padma.1.65.53)

पूजयित्वा तु तं देवं जेष्यथासुरदानवान्। ततो देवगणैर्हृष्टैः पूजितो गणनायकः

pūjayitvā tu taṁ devaṁ jeṣyathāsuradānavān. tato devagaṇairhṛṣṭaiḥ pūjito gaṇanāyakaḥ

"—Having worshipped that god, you shall conquer the asuras and danavas." Then, by the joyful hosts of gods, the Lord of the Ganas was worshipped—

Verse 54 (padma.1.65.54)

गणाधिपेन तुष्टेन क्रूरो दत्तो वरो महान्। जेष्यथाद्यासुरान्सर्वांस्ततो देवा मुदान्विताः

gaṇādhipena tuṣṭena krūro datto varo mahān. jeṣyathādyāsurānsarvāṁstato devā mudānvitāḥ

—and, pleased, the Lord of the Ganas granted a great and formidable boon: "You shall now conquer all the asuras." Then the gods, filled with joy—

Verse 55 (padma.1.65.55)

हरिं निवेदयामासुरस्मद्वधपरीप्सवः। हरेर्बाढमुपश्रुत्य रथिनः शस्त्रपाणयः

hariṁ nivedayāmāsurasmadvadhaparīpsavaḥ. harerbāḍhamupaśrutya rathinaḥ śastrapāṇayaḥ

"—the gods have reported everything to Hari, desiring our destruction; and having received Hari's firm assurance—"

Verse 56 (padma.1.65.56)

युद्धार्थमधितिष्ठंति निर्जरास्त्वभयामयि। यस्य या शक्तिरस्तीह देवाञ्जेतुं वदत्वलम्

yuddhārthamadhitiṣṭhaṁti nirjarāstvabhayāmayi. yasya yā śaktirastīha devāñjetuṁ vadatvalam

"—the immortals now stand ready for battle, fearless indeed. Whatever power any of you here possesses to conquer the gods, let him declare it fully."

Verse 57 (padma.1.65.57)

ततो राज्ञोवचः श्रुत्वा मधुर्वचनमब्रवीत्। जेष्यामि च हरिं राजन्सहायं मे नियोजय

tato rājñovacaḥ śrutvā madhurvacanamabravīt. jeṣyāmi ca hariṁ rājansahāyaṁ me niyojaya

Then, hearing the king's words, Madhu spoke this word: "I shall conquer Hari, O king; appoint me a helper."

Verse 58 (padma.1.65.58)

जिते नारायणे देवाः सभयास्त्रिदशा ध्रुवम्। तस्मान्नारायणोऽस्माकं भागः सर्वपुरंजयः

jite nārāyaṇe devāḥ sabhayāstridaśā dhruvam. tasmānnārāyaṇo'smākaṁ bhāgaḥ sarvapuraṁjayaḥ

"When Narayana is conquered, the gods, the thirty deities, shall certainly be filled with fear. Therefore Narayana, the conqueror of every city, is our chosen mark."

Verse 59 (padma.1.65.59)

ततो धुंधुश्च सुंदश्च कालकेयो महाबलः। सहायश्च मधोस्तस्य जेष्यामो माधवं नृप

tato dhuṁdhuśca suṁdaśca kālakeyo mahābalaḥ. sahāyaśca madhostasya jeṣyāmo mādhavaṁ nṛpa

Then Dhundhu and Sunda, and Kalakeya of great strength, became helpers of that Madhu: "We shall conquer Madhava, O king."

Verse 60 (padma.1.65.60)

सर्वदैत्यबले मुख्याश्चत्वारो दृढविक्रमाः। कालमृत्युसमा वीराः सर्वास्त्रविधिपारगाः

sarvadaityabale mukhyāścatvāro dṛḍhavikramāḥ. kālamṛtyusamā vīrāḥ sarvāstravidhipāragāḥ

These four, chief among all the daitya forces, of firm valor, heroes equal to Time and Death, masters of the discipline of every weapon—

Verse 61 (padma.1.65.61)

बलस्तत्राब्रवीद्वाक्यं यस्मिन्जय उपस्थितः। तं च जेष्यामि जिष्णुं च प्रतिज्ञा मे दृढा नृप

balastatrābravīdvākyaṁ yasminjaya upasthitaḥ. taṁ ca jeṣyāmi jiṣṇuṁ ca pratijñā me dṛḍhā nṛpa

There Bala spoke this word: "He in whom victory resides — him, Jishnu, I too shall conquer; this is my firm vow, O king."

Verse 62 (padma.1.65.62)

नमुचिश्च मुचिश्चैव भ्रातरौ बलदर्पितौ। ऊचतुस्तौ नृपं ह्यावां जेष्यावो वै बलाद्बलौ

namuciśca muciścaiva bhrātarau baladarpitau. ūcatustau nṛpaṁ hyāvāṁ jeṣyāvo vai balādbalau

Namuchi and Muchi, two brothers proud of their strength, said to the king: "We two, strong as we are, shall conquer by force."

Verse 63 (padma.1.65.63)

जम्भश्चैवाब्रवीद्वाक्यमिंद्रमिंद्रपुरोगमान्। जेष्यामि नात्र संदेहो दैत्या भवत विज्वराः

jambhaścaivābravīdvākyamiṁdramiṁdrapurogamān. jeṣyāmi nātra saṁdeho daityā bhavata vijvarāḥ

Jambha too spoke this word: "I shall conquer Indra, and the gods led by Indra — there is no doubt of this; O daityas, be free from anxiety."

Verse 64 (padma.1.65.64)

त्रिपुरश्चाब्रवीद्वाक्यं जेष्यामि च विनायकम्। तावदूचेऽथ सेनानीर्मयो देवांतको बली

tripuraścābravīdvākyaṁ jeṣyāmi ca vināyakam. tāvadūce'tha senānīrmayo devāṁtako balī

Tripura too spoke this word: "I shall conquer Vinayaka." Then the army-commander Maya, and the mighty Devantaka, spoke likewise—

Verse 65 (padma.1.65.65)

कुबेरं प्रतिरक्षोभिः सर्वांश्चैव हिरण्यकान्। एतस्मिन्नंतरे तत्र नारदो मुनिसत्तमः

kuberaṁ pratirakṣobhiḥ sarvāṁścaiva hiraṇyakān. etasminnaṁtare tatra nārado munisattamaḥ

"—we shall conquer Kubera with our rakshasas, and all the Hiranyakas as well." Meanwhile, there Narada, foremost of sages—

Verse 66 (padma.1.65.66)

गत्वोवाच हिरण्याक्षं जिष्णुदूतोहमागतः। राज्यं त्यज स्ववाचा नः प्राणेषु यदि ते हितम्

gatvovāca hiraṇyākṣaṁ jiṣṇudūtohamāgataḥ. rājyaṁ tyaja svavācā naḥ prāṇeṣu yadi te hitam

—went and said to Hiranyaksha: "I have come as Jishnu's messenger. Renounce the kingdom of your own accord, if your life is dear to you—"

Verse 67 (padma.1.65.67)

न चेद्युध्यस्व मामद्य न वा गच्छ रसातलम्। ततः कोपादुवाचेदं नारदं मुनिसत्तमम्

na cedyudhyasva māmadya na vā gaccha rasātalam. tataḥ kopāduvācedaṁ nāradaṁ munisattamam

"—or else fight this very day, or else go down to Rasatala." Then, in anger, Hiranyaksha spoke this to Narada, foremost of sages—

Verse 68 (padma.1.65.68)

अहिंस्यस्त्वं ब्राह्माणाद्य गच्छ तूर्णं ममाग्रतः। देवानां च विपत्तिं च कदनं निधनं पुरः

ahiṁsyastvaṁ brāhmāṇādya gaccha tūrṇaṁ mamāgrataḥ. devānāṁ ca vipattiṁ ca kadanaṁ nidhanaṁ puraḥ

"—You are inviolable, being a brahmin; go swiftly from before me this day. Go and witness, before your eyes, the calamity, the slaughter, and the destruction of the gods—"

Verse 69 (padma.1.65.69)

पश्य विप्र क्षणेनांतं प्राप्तं हरिहरादिकम्। एवमुक्त्वा स दैत्येंद्रो बलाध्यक्षमुवाच ह

paśya vipra kṣaṇenāṁtaṁ prāptaṁ hariharādikam. evamuktvā sa daityeṁdro balādhyakṣamuvāca ha

"—Behold, O brahmin, Hari, Hara, and the rest coming to their end in a moment." Having said this, that lord of the daityas spoke to the commander of his forces—

Verse 70 (padma.1.65.70)

सज्जीकृत्य बलं सर्वान्रथांश्चानयत द्रुतम्। दैत्यराजवचः श्रुत्वा बलाध्यक्षः समंततः

sajjīkṛtya balaṁ sarvānrathāṁścānayata drutam. daityarājavacaḥ śrutvā balādhyakṣaḥ samaṁtataḥ

"—Make all the forces ready and swiftly bring the chariots." Hearing the daitya king's command, the commander, on every side—

Verse 71 (padma.1.65.71)

बलान्याहूय सहसा संत्रस्तास्तूर्णमागताः। कोटिकोटिसहस्राणि अक्षौहिण्यो बलानि च

balānyāhūya sahasā saṁtrastāstūrṇamāgatāḥ. koṭikoṭisahasrāṇi akṣauhiṇyo balāni ca

—suddenly summoned the forces; alarmed, they came at once. Thousands upon thousands of millions — akshauhinis and troops—

Verse 72 (padma.1.65.72)

एकैकस्य च वीरस्य वाहनानि महांति च। स्यंदनानि विचित्राणि गजोष्ट्राश्वखरानपि

ekaikasya ca vīrasya vāhanāni mahāṁti ca. syaṁdanāni vicitrāṇi gajoṣṭrāśvakharānapi

—and, for each and every hero, great mounts, wondrous chariots, and elephants, camels, horses, and donkeys as well—

Verse 73 (padma.1.65.73)

सिंहव्याघ्रलुलायांश्च समारुह्य ययुस्तदा। वाद्यैः सर्वैश्च भूयिष्ठैः सिंहनादैर्भयानकैः

siṁhavyāghralulāyāṁśca samāruhya yayustadā. vādyaiḥ sarvaiśca bhūyiṣṭhaiḥ siṁhanādairbhayānakaiḥ

—and lions, tigers, and buffaloes: mounting these, they set forth then, with every kind of musical instrument in abundance, and with fearsome lion-roars.

Verse 74 (padma.1.65.74)

दिशस्तु पूरयामासुस्सिन्धुवेलाचला धराः। सर्वलोकाश्च वित्रेसुः समुद्राश्च चकंपिरे

diśastu pūrayāmāsussindhuvelācalā dharāḥ. sarvalokāśca vitresuḥ samudrāśca cakaṁpire

They filled every direction — the oceans, their shores, the mountains, the earth; all the worlds trembled with fear, and the seas shook.

Verse 75 (padma.1.65.75)

देवदुंदुभयो नेदुः सर्वदेवैः समीरिताः। वाद्यैश्च विविधैरन्यैर्वायुपूर्णैर्घनस्वनैः

devaduṁdubhayo neduḥ sarvadevaiḥ samīritāḥ. vādyaiśca vividhairanyairvāyupūrṇairghanasvanaiḥ

The divine kettledrums, sounded by all the gods, resounded, along with various other instruments, wind-filled, deep-toned—

Verse 76 (padma.1.65.76)

सर्वलोकाभयत्रस्ता ये च त्रैलोक्यवासिनः। भ्रष्टकामागताकाशं घोरं तीव्रं महाहवम्

sarvalokābhayatrastā ye ca trailokyavāsinaḥ. bhraṣṭakāmāgatākāśaṁ ghoraṁ tīvraṁ mahāhavam

—all the worlds were struck with fear, and those who dwelt in the three worlds, their desires forgotten, beheld the terrible, fierce, great battle that had filled the sky.

Verse 77 (padma.1.65.77)

परिघैः पाशशूलैश्च खड्गयष्टिपरश्वधैः। शरैश्च निशितैर्घोरैर्जघ्नुरन्योन्यमाहवे

parighaiḥ pāśaśūlaiśca khaḍgayaṣṭiparaśvadhaiḥ. śaraiśca niśitairghorairjaghnuranyonyamāhave

With iron clubs, nooses, and tridents, with swords, staffs, and axes, and with terrible, sharp arrows, they struck one another in that battle.

Verse 78 (padma.1.65.78)

शस्त्रास्त्रैर्बहुधामुक्तैर्दिशः सर्वा निरंतरम्। विगृहेषु धरण्यां च पर्वतेषु जलेषु च

śastrāstrairbahudhāmuktairdiśaḥ sarvā niraṁtaram. vigṛheṣu dharaṇyāṁ ca parvateṣu jaleṣu ca

With weapons and missiles released in abundance, every direction, without a gap, was filled — in the dwellings, on the earth, upon the mountains, and in the waters.

Verse 79 (padma.1.65.79)

देवस्थाने तथाकाशे पर्वताग्रेषु सानुषु। गह्वरेषु महारण्ये तयोर्युद्धमवर्तत

devasthāne tathākāśe parvatāgreṣu sānuṣu. gahvareṣu mahāraṇye tayoryuddhamavartata

In the abodes of the gods, and likewise in the sky, on mountain peaks and slopes, in caverns and in the great forest, their battle raged on.

Verse 80 (padma.1.65.80)

पुष्कलादि घनानां च वर्षधारा जलं यथा। पतंत्यस्त्राणि सैन्येषु शतशोथ सहस्रशः

puṣkalādi ghanānāṁ ca varṣadhārā jalaṁ yathā. pataṁtyastrāṇi sainyeṣu śataśotha sahasraśaḥ

As torrents of water pour down abundantly from clouds, so weapons fell upon the armies, by the hundreds and by the thousands.

Verse 81 (padma.1.65.81)

केचित्पेतुः पृथिव्यां तु शरैः संभिन्नविग्रहाः। शक्तिभिर्मुसलैश्चान्ये छत्रशूलपरश्वधैः

kecitpetuḥ pṛthivyāṁ tu śaraiḥ saṁbhinnavigrahāḥ. śaktibhirmusalaiścānye chatraśūlaparaśvadhaiḥ

Some fell upon the earth, their bodies pierced through by arrows; others by spears, maces, by parasol-staffs, tridents, and axes—

Verse 82 (padma.1.65.82)

पतिताः संमुखे शूरा युद्धेषु न्यायवर्तिनः। गच्छंति सुरसद्मानि स्वाम्यर्थे ये त्वभीरवः

patitāḥ saṁmukhe śūrā yuddheṣu nyāyavartinaḥ. gacchaṁti surasadmāni svāmyarthe ye tvabhīravaḥ

—fell facing the enemy. The heroes who fought fairly in battle, fearless for their master's sake, go to the abodes of the gods.

Verse 83 (padma.1.65.83)

ये चान्ये कातराः पापा हंतारो विमुखान्रणे। अन्यायैर्ये च योद्धारस्ते यान्ति यममंदिरं

ye cānye kātarāḥ pāpā haṁtāro vimukhānraṇe. anyāyairye ca yoddhāraste yānti yamamaṁdiraṁ

But others, cowardly and sinful, who slay those who have turned away in battle, and those who fight unfairly, go to the abode of Yama.

Verse 84 (padma.1.65.84)

त्रिदिवस्था गजारोहाः सैन्धवस्थास्तथापरान्। रथस्थांश्च रथारोहाः पदगांश्च पदातयः

tridivasthā gajārohāḥ saindhavasthāstathāparān. rathasthāṁśca rathārohāḥ padagāṁśca padātayaḥ

Those on elephants struck riders of horses and others; those on chariots struck chariot-riders; and foot-soldiers struck those on foot—

Verse 85 (padma.1.65.85)

परस्परं विनिघ्नंति शूरा युद्धाभिकांक्षिणः। मुदिताः सत्वसंपन्ना धर्मिष्ठा बलसंवृताः

parasparaṁ vinighnaṁti śūrā yuddhābhikāṁkṣiṇaḥ. muditāḥ satvasaṁpannā dharmiṣṭhā balasaṁvṛtāḥ

—thus the heroes, eager for battle, struck each other down; joyful, full of vigor, righteous, and surrounded by their forces.

Verse 86 (padma.1.65.86)

केषांचिद्वाहवश्छिन्ना मुसलैर्भिन्नमस्तकाः। केशाश्शिरांसि वस्त्राणि निपेतुर्धरणीतले

keṣāṁcidvāhavaśchinnā musalairbhinnamastakāḥ. keśāśśirāṁsi vastrāṇi nipeturdharaṇītale

The arms of some were cut off; heads were split open by maces; hair, heads, and garments fell upon the surface of the earth.

Verse 87 (padma.1.65.87)

मध्यच्छिन्नास्तथा भिन्नाः पेतुरुर्व्यां महाबलाः। खड्गपातैस्तथा चोग्रैश्छ्रिन्नभिन्नाः परश्वधैः

madhyacchinnāstathā bhinnāḥ petururvyāṁ mahābalāḥ. khaḍgapātaistathā cograiśchrinnabhinnāḥ paraśvadhaiḥ

Cut through the middle, and shattered, mighty warriors fell upon the earth; likewise cut and torn by fierce sword-strokes and by axes.

Verse 88 (padma.1.65.88)

गामेव पतिता धीरा दिव्यालंकारभूषिताः। प्रदीप्तोभूद्धरादेशो वीरैर्नागैर्हयै रथैः

gāmeva patitā dhīrā divyālaṁkārabhūṣitāḥ. pradīptobhūddharādeśo vīrairnāgairhayai rathaiḥ

The steadfast, adorned with celestial ornaments, fell upon the ground itself; the surface of the earth blazed with heroes, elephants, horses, and chariots.

Verse 89 (padma.1.65.89)

विविधाभरणैर्नष्टैः पताकाभिश्च केतुभिः। ततो वसुंधरा सर्वा सशैलवनकानना

vividhābharaṇairnaṣṭaiḥ patākābhiśca ketubhiḥ. tato vasuṁdharā sarvā saśailavanakānanā

—with various ornaments now destroyed, and with banners and standards strewn about. Then the whole earth, with its mountains, forests, and thickets—

Verse 90 (padma.1.65.90)

रुधिरौघप्लुता तत्र विबुधासुरयोर्युधि। क्रव्यादैर्बहुभिस्तत्र खादितो द्रव्यसंचयः

rudhiraughaplutā tatra vibudhāsurayoryudhi. kravyādairbahubhistatra khādito dravyasaṁcayaḥ

—was flooded with torrents of blood there, in the battle between gods and asuras. There the heap of flesh was devoured by many flesh-eating creatures—

Verse 91 (padma.1.65.91)

लोहितं प्रचुरं पीतं रक्षोभिश्च वृकादिभिः। अन्यैर्महागणैरेव क्षतजं पवनान्वितम्

lohitaṁ pracuraṁ pītaṁ rakṣobhiśca vṛkādibhiḥ. anyairmahāgaṇaireva kṣatajaṁ pavanānvitam

—and the abundant blood was drunk by rakshasas and wolves and the like; by other great hosts too, the wind-carried blood was drunk—

Verse 92 (padma.1.65.92)

खादितं प्रीतिमद्भिश्च फेरुगृध्रगणैर्मुदा। एतस्मिन्नंतरे सूरिः सुरपूज्यो बृहस्पतिः

khāditaṁ prītimadbhiśca pherugṛdhragaṇairmudā. etasminnaṁtare sūriḥ surapūjyo bṛhaspatiḥ

—and the flesh was devoured joyfully, with delight, by hosts of jackals and vultures. Meanwhile, the wise Brihaspati, worshipped by the gods—

Verse 93 (padma.1.65.93)

मृतसंजीवनीविद्यां सुराणां संजजाप ह। विशल्यकरणीं दिव्यां ब्रह्मविद्यां महाबलां

mṛtasaṁjīvanīvidyāṁ surāṇāṁ saṁjajāpa ha. viśalyakaraṇīṁ divyāṁ brahmavidyāṁ mahābalāṁ

—recited for the gods the Mrita-sanjivani knowledge, the art of reviving the dead, and the divine Vishalyakarani, the great and powerful Brahma-knowledge for drawing out weapons and wounds.

Verse 94 (padma.1.65.94)

ततो धन्वंतरिर्विद्वान्सुरवैद्यो मनोजवः। औषधैस्तत्प्रयोगैश्च रणे पर्यटते मुदा

tato dhanvaṁtarirvidvānsuravaidyo manojavaḥ. auṣadhaistatprayogaiśca raṇe paryaṭate mudā

Then the learned Dhanvantari, physician of the gods, swift as thought, moved about the battlefield joyfully with herbs and their application.

Verse 95 (padma.1.65.95)

तत्र देवाश्च जीवंति ये मृताश्च महाहवे। अव्रणा बलसंपन्नाः प्रयुध्यंति भृशं पुनः

tatra devāśca jīvaṁti ye mṛtāśca mahāhave. avraṇā balasaṁpannāḥ prayudhyaṁti bhṛśaṁ punaḥ

There the gods who had died in the great battle came back to life; unwounded and full of strength, they fought fiercely once again.

Verse 96 (padma.1.65.96)

एवं शतसहस्रं तु गणं दैत्यस्य चोद्धतम्। पतितं पुण्ययोगाच्च शरैर्निर्भिन्नकंधरम्

evaṁ śatasahasraṁ tu gaṇaṁ daityasya coddhatam. patitaṁ puṇyayogācca śarairnirbhinnakaṁdharam

Thus a hundred thousand of the daityas' proud host fell, by the power of the gods' merit, their necks pierced through by arrows.

Verse 97 (padma.1.65.97)

ततस्तु जयशब्देन नंदंति सिद्धचारणाः। ऋषयः खेचराश्चान्ये ये चैवाप्सरसां गणाः

tatastu jayaśabdena naṁdaṁti siddhacāraṇāḥ. ṛṣayaḥ khecarāścānye ye caivāpsarasāṁ gaṇāḥ

Then, at the cry of victory, the siddhas and charanas rejoiced; the sages, other sky-wanderers, and the hosts of apsarases too—

Verse 98 (padma.1.65.98)

गीतिं गायंति गंधर्वाः शशंसुः परमर्षयः। अथ क्रुद्धो महातेजा दैत्यमुख्यो महाबलः

gītiṁ gāyaṁti gaṁdharvāḥ śaśaṁsuḥ paramarṣayaḥ. atha kruddho mahātejā daityamukhyo mahābalaḥ

—the gandharvas sang songs, and the great sages praised the gods. Then, enraged, a chief among the daityas, greatly radiant and mighty—

Verse 99 (padma.1.65.99)

कालकेय इति ख्यातः सेनानीर्दैत्यपस्य च। स्यन्दनस्थो महावीर्यो धनुरादाय तत्र च

kālakeya iti khyātaḥ senānīrdaityapasya ca. syandanastho mahāvīryo dhanurādāya tatra ca

—known as Kalakeya, commander of the daitya lord's army, of great valor, standing on his chariot, taking up his bow there—

Verse 100 (padma.1.65.100)

जघान सुरसंघांस्तान्नर्तयामास भूतले। निरंतरशरौघेण च्छादितं गगनं तदा

jaghāna surasaṁghāṁstānnartayāmāsa bhūtale. niraṁtaraśaraugheṇa cchāditaṁ gaganaṁ tadā

—struck those hosts of gods and made them dance upon the ground. The sky was then covered without a gap by his continuous flood of arrows.

Verse 101 (padma.1.65.101)

निपतंति शराः सैन्ये कोटिकोटि सहस्रशः। निपतंति ततो देवाः संयुगेष्वनिवर्तिनः

nipataṁti śarāḥ sainye koṭikoṭi sahasraśaḥ. nipataṁti tato devāḥ saṁyugeṣvanivartinaḥ

Arrows fell upon the army by the many millions upon millions; then the gods, who never turned back in battle, began to fall.

Verse 102 (padma.1.65.102)

रुधिरोद्गारिणस्सर्वे सिद्धगंधर्वकिन्नराः। विशिखैः पीडिता देवा निपेतुर्धरणीतले

rudhirodgāriṇassarve siddhagaṁdharvakinnarāḥ. viśikhaiḥ pīḍitā devā nipeturdharaṇītale

All the siddhas, gandharvas, and kinnaras, vomiting blood, fell; the gods, tormented by his shafts, fell upon the surface of the earth.

Verse 103 (padma.1.65.103)

केचिच्छरशतैर्भिन्नास्सहस्रैरयुतैस्तथा। पेतुरुर्व्यां महावीर्या ये रणे सुरपुंगवाः

keciccharaśatairbhinnāssahasrairayutaistathā. petururvyāṁ mahāvīryā ye raṇe surapuṁgavāḥ

Some, pierced by hundreds of arrows, and likewise by thousands and tens of thousands, fell upon the earth — those foremost of gods who were of great valor in that battle.

Verse 104 (padma.1.65.104)

व्यथिताश्चाभवन्सर्वे स्यंदनस्था दिवौकसः। शरैः प्रव्यथितास्ते तु स्थातुं शक्ता न संमुखे

vyathitāścābhavansarve syaṁdanasthā divaukasaḥ. śaraiḥ pravyathitāste tu sthātuṁ śaktā na saṁmukhe

All the gods standing upon their chariots became distressed; tormented by his arrows, they were unable to stand and face him.

Verse 105 (padma.1.65.105)

तेनावगाहितं सैन्यं गजेनेव सरोवनम्। शरैस्तस्यार्दिता देवा वज्रानलसमप्रभैः

tenāvagāhitaṁ sainyaṁ gajeneva sarovanam. śaraistasyārditā devā vajrānalasamaprabhaiḥ

The army was overrun by him, as a lotus-pond is trampled by an elephant. The gods, tormented by his arrows, radiant as thunderbolt and fire—

Verse 106 (padma.1.65.106)

न शेकुः समरे स्थातुं मघवंतं ययुस्तदा। चित्ररथ इति ख्यातो देवश्शस्त्रभृतां वरः

na śekuḥ samare sthātuṁ maghavaṁtaṁ yayustadā. citraratha iti khyāto devaśśastrabhṛtāṁ varaḥ

—were unable to stand in that battle, and went then to Maghavan. A god known as Chitraratha, foremost among wielders of weapons—

Verse 107 (padma.1.65.107)

ययौ स्यंदनमारुह्य युद्धं प्रति धनुर्धरः। अब्रवीद्वचनं सोपि सेनान्यं तु महासुरम्

yayau syaṁdanamāruhya yuddhaṁ prati dhanurdharaḥ. abravīdvacanaṁ sopi senānyaṁ tu mahāsuram

—mounting his chariot, bow in hand, went forth toward the battle. He too spoke this word to that great asura commander—

Verse 108 (padma.1.65.108)

यथा हंसि महाशूर सुरसेनां मुदान्वितः। स त्वं प्रशंसनीयश्च शूरोसि सुरसंमतः

yathā haṁsi mahāśūra surasenāṁ mudānvitaḥ. sa tvaṁ praśaṁsanīyaśca śūrosi surasaṁmataḥ

"—O great hero, as joyfully as you slay the army of the gods — you are indeed praiseworthy, a hero honored even by the gods."

Verse 109 (padma.1.65.109)

हिरण्याक्षप्रियं कर्म कृतं युद्धे त्वयाधुना। इदानीं मम बाणैश्च गच्छस्व यममंदिरम्

hiraṇyākṣapriyaṁ karma kṛtaṁ yuddhe tvayādhunā. idānīṁ mama bāṇaiśca gacchasva yamamaṁdiram

"—A deed dear to Hiranyaksha you have now done in battle. Now go, by my arrows, to the abode of Yama."

Verse 110 (padma.1.65.110)

ततश्च कालकेयस्तु स्मितो वचनमब्रवीत्। पुरैव विजितो देव गणः सर्वः प्रलीलया

tataśca kālakeyastu smito vacanamabravīt. puraiva vijito deva gaṇaḥ sarvaḥ pralīlayā

Then Kalakeya, smiling, spoke this word: "Already, O god, your entire host has been conquered by me with mere sport—"

Verse 111 (padma.1.65.111)

इदानीं तु स्थितं युद्धे बलं सर्वं तु हेलया। यदि ते निधने प्रीतिरस्तीह सुरपुंगव

idānīṁ tu sthitaṁ yuddhe balaṁ sarvaṁ tu helayā. yadi te nidhane prītirastīha surapuṁgava

"—now, whatever force still stands in battle, I shall conquer that too with ease. If you desire your own death here, O foremost of gods—"

Verse 112 (padma.1.65.112)

एभिस्त्वां निशितैर्बाणैर्नयामि यममंदिरम्। इत्युक्त्वा परमक्रुद्धो बाणमंतकसन्निभम्

ebhistvāṁ niśitairbāṇairnayāmi yamamaṁdiram. ityuktvā paramakruddho bāṇamaṁtakasannibham

"—then with these sharp arrows I shall send you to the abode of Yama." Having said this, exceedingly enraged, he loosed an arrow resembling Death itself—

Verse 113 (padma.1.65.113)

जघान समरे वीरस्त्रिभिश्चिच्छेद सोंबरे। पुनर्बाणांश्च समरे योजयित्वा द्रुतं रुषा

jaghāna samare vīrastribhiściccheda soṁbare. punarbāṇāṁśca samare yojayitvā drutaṁ ruṣā

—which struck the hero in that battle; but he cut it into three, up there in the sky. Again, quickly nocking arrows in the fight, in fury—

Verse 114 (padma.1.65.114)

जघान प्रचुरान्दैत्यांस्तांश्चकर्त्त स लाघवात्। ततोन्योन्यं शरैस्तीक्ष्णैः कालानलसमप्रभैः

jaghāna pracurāndaityāṁstāṁścakartta sa lāghavāt. tatonyonyaṁ śaraistīkṣṇaiḥ kālānalasamaprabhaiḥ

—he struck down many daityas, and swiftly cut them down. Then the two struck at each other with sharp arrows, radiant as the fire of doomsday—

Verse 115 (padma.1.65.115)

युद्धे धनुष्मतां श्रेष्ठश्चिच्छेद भुवि वेगतः। तद्युद्धमभवद्देवदैत्ययोर्धर्मतो भृशम्

yuddhe dhanuṣmatāṁ śreṣṭhaściccheda bhuvi vegataḥ. tadyuddhamabhavaddevadaityayordharmato bhṛśam

—and that foremost of bowmen swiftly cut them down to the ground. That battle between the god and the daitya became, by the very rule of combat, exceedingly fierce—

Verse 116 (padma.1.65.116)

द्रष्टुकामागताः पार्श्वमृषि देवाः सुरोरगाः। एवं शतसहस्राणि बाणानां विधृतानि च

draṣṭukāmāgatāḥ pārśvamṛṣi devāḥ suroragāḥ. evaṁ śatasahasrāṇi bāṇānāṁ vidhṛtāni ca

—so that the sages, gods, and serpents came near, desiring to watch. Thus hundreds of thousands of arrows were loosed—

Verse 117 (padma.1.65.117)

अन्योन्यं समरे वीरौ विजयाय विरेजतुः। अथ क्रुद्धो महातेजा गंधर्वाणां पतिस्तदा

anyonyaṁ samare vīrau vijayāya virejatuḥ. atha kruddho mahātejā gaṁdharvāṇāṁ patistadā

—and the two heroes, in that battle, shone forth, each striving for victory. Then, enraged, the greatly radiant lord of the gandharvas—

Verse 118 (padma.1.65.118)

त्रिभिर्बिभेद बाणैश्च ललाटे हृदि पंचभिः। सप्तभिर्जठरे नाभौ बस्तौ तस्य स पंचभिः

tribhirbibheda bāṇaiśca lalāṭe hṛdi paṁcabhiḥ. saptabhirjaṭhare nābhau bastau tasya sa paṁcabhiḥ

—pierced him with three arrows on the forehead, with five in the heart, with seven in the belly, and with five in the navel and bladder.

Verse 119 (padma.1.65.119)

शरैः संपातितो दैत्यो मुग्धः कश्मलतां गतः। शिथिलीकृतचापश्च लेभे संज्ञां चिराद्बली

śaraiḥ saṁpātito daityo mugdhaḥ kaśmalatāṁ gataḥ. śithilīkṛtacāpaśca lebhe saṁjñāṁ cirādbalī

Struck down by those arrows, the daitya, stunned, fell into a swoon; his bow slackened from his grip, and the mighty one regained his senses only after a long while.

Verse 120 (padma.1.65.120)

मधुसंज्ञं त्रिभिर्बाणैस्स बिभेद सुरोत्तमम्। चकर्त्त धनुरस्त्रैश्च दैत्यराजस्य पश्यतः

madhusaṁjñaṁ tribhirbāṇaissa bibheda surottamam. cakartta dhanurastraiśca daityarājasya paśyataḥ

He then pierced with three arrows that foremost of gods called Madhu, and, before the very eyes of the daitya-king, cut his bow to pieces with his weapons.

Verse 121 (padma.1.65.121)

ततो बाणसहस्रैस्तु कालांतकसमप्रभैः। बिभेद दैत्यसिंहं तु सुराणामुत्तमो बली

tato bāṇasahasraistu kālāṁtakasamaprabhaiḥ. bibheda daityasiṁhaṁ tu surāṇāmuttamo balī

Then, with thousands of arrows, radiant as Time the destroyer, that mighty one, foremost among the gods, pierced the lion among daityas.

Verse 122 (padma.1.65.122)

हतचेताः स दैत्येंद्रो बहुशोणितसंस्रवः। विह्वलो बहुबाणार्तः शूलं जग्राह दानवः

hatacetāḥ sa daityeṁdro bahuśoṇitasaṁsravaḥ. vihvalo bahubāṇārtaḥ śūlaṁ jagrāha dānavaḥ

That lord of daityas, his senses shattered, streaming with much blood, overwhelmed and afflicted by many arrows, the danava seized a trident.

Verse 123 (padma.1.65.123)

शूलहस्तस्य तस्यैव चतुर्भिस्तुरगान्शरैः। हत्वा च पातयामास त्रिभिर्यंतारमेव च

śūlahastasya tasyaiva caturbhisturagānśaraiḥ. hatvā ca pātayāmāsa tribhiryaṁtārameva ca

Of that same trident-wielder, with four arrows he struck down and felled the horses, and with three arrows felled his charioteer as well.

Verse 124 (padma.1.65.124)

जघान शूलमुर्वीष्ठस्ततो गंधर्वसत्तमम्। विचकर्त्त त्रिभिर्बाणैः शूलं चित्ररथो बली

jaghāna śūlamurvīṣṭhastato gaṁdharvasattamam. vicakartta tribhirbāṇaiḥ śūlaṁ citraratho balī

Then, standing on the ground, he hurled his trident at that foremost of gandharvas; the mighty Chitraratha cut the trident into three with his arrows.

Verse 125 (padma.1.65.125)

शूलं च नष्टकं दृष्ट्वा हतभोगमिवोरगम्। गृहीत्वा मुद्गरं घोरं प्रदुद्राव सुरं बली

śūlaṁ ca naṣṭakaṁ dṛṣṭvā hatabhogamivoragam. gṛhītvā mudgaraṁ ghoraṁ pradudrāva suraṁ balī

Seeing his trident destroyed — like a serpent robbed of its hood — the mighty one, seizing a terrible club, rushed at the god.

Verse 126 (padma.1.65.126)

स मुद्गरं समायातं दैत्यसेनाधिपं तदा। विचकर्त्त शिरो देहादर्धचंद्रेण संभ्रमात्

sa mudgaraṁ samāyātaṁ daityasenādhipaṁ tadā. vicakartta śiro dehādardhacaṁdreṇa saṁbhramāt

As that commander of the daitya army came on, club in hand, Chitraratha swiftly cut off his head from his body with a crescent-headed arrow.

Verse 127 (padma.1.65.127)

स पपात महीपृष्ठे संचचाल वसुंधरा। ततो दैत्यगणाः सर्वे विमुखा विप्रदुद्रुवुः

sa papāta mahīpṛṣṭhe saṁcacāla vasuṁdharā. tato daityagaṇāḥ sarve vimukhā vipradudruvuḥ

He fell upon the surface of the earth, and the ground shook. Then all the hosts of daityas, routed, fled in every direction.