The Hymn of Victory, at the End of the God-Demon War

Verse 1 (padma.1.75.1)

व्यास उवाच । श्रुत्वा महेश्वराद्वाक्यं देवाः शक्रपुरोगमाः । दुद्रुवुर्दैत्यसंघांस्तान्सर्वे सर्वान्समंततः

vyāsa uvāca | śrutvā maheśvarādvākyaṁ devāḥ śakrapurogamāḥ | dudruvurdaityasaṁghāṁstānsarve sarvānsamaṁtataḥ

Vyasa said: Having heard the words of Maheshvara, the gods, led by Shakra, all rushed together upon all those hosts of demons from every side.

Verse 2 (padma.1.75.2)

आजगाम महाबाहुः कुंभो नाम महासुरः । नैर्ऋतो यक्षराजानं गदया चाहनद्भृशम्

ājagāma mahābāhuḥ kuṁbho nāma mahāsuraḥ | nairṛto yakṣarājānaṁ gadayā cāhanadbhṛśam

There came the mighty-armed great demon named Kumbha; and Nairrita struck fiercely at the king of the Yakshas (Kubera) with his mace.

Verse 3 (padma.1.75.3)

गुह्यकेशो गदापातैर्जघान भृशमुत्तमम् । ततोन्योन्यं गदायुद्धमभवद्भीषणं तयोः

guhyakeśo gadāpātairjaghāna bhṛśamuttamam | tatonyonyaṁ gadāyuddhamabhavadbhīṣaṇaṁ tayoḥ

The lord of the Guhyakas (Kubera) answered fiercely and mightily with blows of his mace; then a terrible mace-duel arose between the two of them.

Verse 4 (padma.1.75.4)

चक्रबंधं महाबंधं पुरोवध्यनिबंधनम् । प्राचुरं भीषणं यानं स्फोटतैलाभिवास्तिकम्

cakrabaṁdhaṁ mahābaṁdhaṁ purovadhyanibaṁdhanam | prācuraṁ bhīṣaṇaṁ yānaṁ sphoṭatailābhivāstikam

With wheel-holds and great holds, with grips set for a forward death-blow, their throws fell thick and terrible, swift as flaring oil.

Verse 5 (padma.1.75.5)

तेन कृत्वा महायुद्धमवसाने धनेश्वरः । पातयामास तं स्फोटं तस्य कुंभस्य चोरसि

tena kṛtvā mahāyuddhamavasāne dhaneśvaraḥ | pātayāmāsa taṁ sphoṭaṁ tasya kuṁbhasya corasi

Having fought that great battle to its end in this way, the Lord of Wealth (Kubera) delivered that shattering blow upon the chest of Kumbha.

Verse 6 (padma.1.75.6)

भग्नदंष्ट्रस्ततः कुंभो निपपात महीतले । स्यंदनस्थो महावीर्यो जंभो हरिहयं तदा

bhagnadaṁṣṭrastataḥ kuṁbho nipapāta mahītale | syaṁdanastho mahāvīryo jaṁbho harihayaṁ tadā

Then Kumbha, his tusks broken, fell upon the ground. Meanwhile the mighty demon Jambha, mounted on his chariot—

Verse 7 (padma.1.75.7)

जघानशरसंघैश्च तथैवैरावणं भृशम् । वासवो भिदुरेणैव संबिभेदासुरोत्तमम्

jaghānaśarasaṁghaiśca tathaivairāvaṇaṁ bhṛśam | vāsavo bhidureṇaiva saṁbibhedāsurottamam

—struck fiercely with masses of arrows at Airavata as well; but Vasava (Indra) pierced that foremost of demons through with his own piercing weapon.

Verse 8 (padma.1.75.8)

स पपात धरापृष्ठे गतासुर्लोहितोक्षितः । तथारण्यं सुघोरं च अघोरं घोरमेव च

sa papāta dharāpṛṣṭhe gatāsurlohitokṣitaḥ | tathāraṇyaṁ sughoraṁ ca aghoraṁ ghorameva ca

He fell upon the ground, lifeless, drenched in blood. Likewise the demons Aranya, terrible Aghora, and Ghora—

Verse 9 (padma.1.75.9)

चतुरो गणमुख्यांश्च शक्त्या बिभेद संयुगे । सेनान्यश्चैव प्रत्येकं पातयामास लाघवात्

caturo gaṇamukhyāṁśca śaktyā bibheda saṁyuge | senānyaścaiva pratyekaṁ pātayāmāsa lāghavāt

—these four chiefs of the ganas were pierced with a spear, and each demon-general was felled in turn by that same swiftness.

Verse 10 (padma.1.75.10)

सौरभं शरसंघैश्च जयंतो वशमानयत् । शक्तिहस्तं च संह्रादं यमदंडं नरांतकम्

saurabhaṁ śarasaṁghaiśca jayaṁto vaśamānayat | śaktihastaṁ ca saṁhrādaṁ yamadaṁḍaṁ narāṁtakam

Jayanta brought Saurabha under his power with masses of arrows; and Shaktihasta, Samhrada, Yamadanda, and Narantaka—

Verse 11 (padma.1.75.11)

हत्वा च पातयामास स भस्मीकृतविग्रहः । कालश्च खड्गपातेन पातयामास बाभ्रवम्

hatvā ca pātayāmāsa sa bhasmīkṛtavigrahaḥ | kālaśca khaḍgapātena pātayāmāsa bābhravam

—were slain and felled, their bodies burnt to ash. And Kala (Death) felled Babhru with a stroke of his sword.

Verse 12 (padma.1.75.12)

शक्त्या मृत्युर्बिभेदाश्वं तथा निर्घृणकं रणे । अग्निना दह्यमानाश्च सप्तैते च महाबलाः

śaktyā mṛtyurbibhedāśvaṁ tathā nirghṛṇakaṁ raṇe | agninā dahyamānāśca saptaite ca mahābalāḥ

Mrityu (Death) pierced Ashva with his spear, and likewise Nirghrinaka, in that battle; these seven mighty ones were consumed by fire.

Verse 13 (padma.1.75.13)

भद्रबाहुर्महाबाहुः सुगंधो गंध एव च । भौरिको वल्लिको भीम एते सेनाग्रगामिनः

bhadrabāhurmahābāhuḥ sugaṁdho gaṁdha eva ca | bhauriko valliko bhīma ete senāgragāminaḥ

Bhadrabahu, mighty-armed, Sugandha and Gandha, Bhaurika, Vallika, and Bhima — these were the foremost commanders of the army—

Verse 14 (padma.1.75.14)

रणे संदग्धदेहाश्च पेतुरुर्व्यां गतासवः । पाशबद्धा महावीर्या वरुणस्य महात्मनः

raṇe saṁdagdhadehāśca petururvyāṁ gatāsavaḥ | pāśabaddhā mahāvīryā varuṇasya mahātmanaḥ

—burnt in battle, they fell to the earth, lifeless. Others, mighty in valor, were bound by the noose of the great-souled Varuna.

Verse 15 (padma.1.75.15)

पेतुरुर्व्यां महासत्वाः शूराः शूरभयानकाः । शूरस्य रश्मिजालेन निहताः पञ्चदानवाः

petururvyāṁ mahāsatvāḥ śūrāḥ śūrabhayānakāḥ | śūrasya raśmijālena nihatāḥ pañcadānavāḥ

Great and heroic beings, terrifying even to heroes, fell to the earth; five Danavas were slain by the net of the Sun's rays.

Verse 16 (padma.1.75.16)

तुरुतुंबुरुदुर्मेधस्साधका साधकाभिधाः । क्रूर क्रौंच रणेशान मोदसंमोद षण्मुखाः

turutuṁburudurmedhassādhakā sādhakābhidhāḥ | krūra krauṁca raṇeśāna modasaṁmoda ṣaṇmukhāḥ

Turu, Tumburu, Durmedhas, those named the Sadhakas, Krura, Kraunca, Raneshana, Moda, and Sammoda—

Verse 17 (padma.1.75.17)

शरैर्निपातिता दैत्याः संयुगे मातरिश्वना । नैर्ऋतो गदया भीमं पातयामास भूतले

śarairnipātitā daityāḥ saṁyuge mātariśvanā | nairṛto gadayā bhīmaṁ pātayāmāsa bhūtale

—these demons were felled by the arrows of Matarishvan (Vayu) in that battle; and Nairrita struck down Bhima to the ground with his mace.

Verse 18 (padma.1.75.18)

शूलपातैश्च रुद्राणां शतशो दैत्यदानवाः । निपेतुः संयुगे भीताः संमुखा रणपंडिताः

śūlapātaiśca rudrāṇāṁ śataśo daityadānavāḥ | nipetuḥ saṁyuge bhītāḥ saṁmukhā raṇapaṁḍitāḥ

By the trident-blows of the Rudras, hundreds of demons and danavas, though skilled in warfare and facing them boldly, fell in that battle, seized with fear.

Verse 19 (padma.1.75.19)

वसूनां शरपातैश्च शूराणां रश्मिमालिनाम् । मेघानां करकाभिश्च वज्रपातैस्सुदारुणैः

vasūnāṁ śarapātaiśca śūrāṇāṁ raśmimālinām | meghānāṁ karakābhiśca vajrapātaissudāruṇaiḥ

By the arrow-blows of the Vasus, heroes crowned with rays of light, by the hailstones of the storm-clouds, and by exceedingly terrible thunderbolt-strikes—

Verse 20 (padma.1.75.20)

निपातिता रणे दैत्याः शतशो बलशालिनः । कुबेरस्य गदापातैर्निपतंति सहस्रशः

nipātitā raṇe daityāḥ śataśo balaśālinaḥ | kuberasya gadāpātairnipataṁti sahasraśaḥ

—hundreds of powerful demons were struck down in that battle; by the mace-blows of Kubera, thousands fell.

Verse 21 (padma.1.75.21)

शक्रस्य भिदुरेणैव भेदिता दैत्यपुंगवाः । असंख्याताः पतंत्युर्व्यां स्कंदशक्त्या तथा हताः

śakrasya bhidureṇaiva bheditā daityapuṁgavāḥ | asaṁkhyātāḥ pataṁtyurvyāṁ skaṁdaśaktyā tathā hatāḥ

By Shakra's own piercing weapon the foremost demons were pierced through; countless numbers fell to the earth, slain likewise by Skanda's spear.

Verse 22 (padma.1.75.22)

गणेशपर्शुपातेन पतंति मुख्यमुख्यकाः । वैकुंठकरमुक्तेन चक्रेण तीव्रकर्मणा

gaṇeśaparśupātena pataṁti mukhyamukhyakāḥ | vaikuṁṭhakaramuktena cakreṇa tīvrakarmaṇā

By the blow of Ganesha's axe the chief leaders fell; by the discus released from Vaikuntha's (Vishnu's) hand, working its fierce deeds—

Verse 23 (padma.1.75.23)

दैत्यानां प्रवराणां च शिरांसि निपतंति कौ । शमनो यमदंडेन कोटिकोटिसहस्रशः

daityānāṁ pravarāṇāṁ ca śirāṁsi nipataṁti kau | śamano yamadaṁḍena koṭikoṭisahasraśaḥ

—the heads of the foremost demons fell upon the ground; and Shamana (Yama) with his staff slew them by tens of millions.

Verse 24 (padma.1.75.24)

अपातयत्तदा भूम्यां कालः खड्गेन दानवान् । मृत्युश्शक्त्या तथा दैत्यान्पाशी पाशेन चापरान्

apātayattadā bhūmyāṁ kālaḥ khaḍgena dānavān | mṛtyuśśaktyā tathā daityānpāśī pāśena cāparān

Then Kala felled the danavas to the ground with his sword; Mrityu felled the demons with his spear, and Pashi (Varuna) felled others with his noose.

Verse 25 (padma.1.75.25)

पातेन तक्षकादीनां सुधांशोः शिशिरेण च । अश्वारोही खरोमन्योहनिपाशस्तथा गजान्

pātena takṣakādīnāṁ sudhāṁśoḥ śiśireṇa ca | aśvārohī kharomanyohanipāśastathā gajān

By the strikes of Takshaka and the other serpent lords, and by the Moon's cooling rays — a rider on horseback, in his fury, flung his noose likewise upon the elephants.

Verse 26 (padma.1.75.26)

परिघेण गजं कुंभे दैत्यानां नाशयत्ततः । एवमश्वान्गजांश्चैव लाघवात्स न्यपातयत्

parigheṇa gajaṁ kuṁbhe daityānāṁ nāśayattataḥ | evamaśvāngajāṁścaiva lāghavātsa nyapātayat

With his iron bar he destroyed a demon-elephant at its temple; in this way, with his own swiftness, he felled horses and elephants alike.

Verse 27 (padma.1.75.27)

एवं सिद्धैश्च गंधर्वैरप्सरोभिर्महाबलैः । अन्याभिर्देवताभिश्च समातृगणनायकैः

evaṁ siddhaiśca gaṁdharvairapsarobhirmahābalaiḥ | anyābhirdevatābhiśca samātṛgaṇanāyakaiḥ

In this way, by the Siddhas, the Gandharvas, the mighty Apsaras, and by other deities together with the chiefs of the Mother-goddesses—

Verse 28 (padma.1.75.28)

निपातिता महोघोरा ये ते प्रलयदानवाः । शरैश्च खड्गपातैश्च शूलशक्तिपरश्वधैः

nipātitā mahoghorā ye te pralayadānavāḥ | śaraiśca khaḍgapātaiśca śūlaśaktiparaśvadhaiḥ

—those exceedingly terrible danavas, like the destroyers of the final dissolution, were struck down with arrows, sword-strokes, tridents, spears, and axes.

Verse 29 (padma.1.75.29)

यष्टिपरिघकुंतैश्च पातयंत्यसुरान्सुराः । एवं संक्षीयमाणेषु दैत्यराट्समपद्यत

yaṣṭiparighakuṁtaiśca pātayaṁtyasurānsurāḥ | evaṁ saṁkṣīyamāṇeṣu daityarāṭsamapadyata

With clubs, iron bars, and lances the gods felled the demons. As they were thus destroyed and diminished, the king of the demons himself came forward.

Verse 30 (padma.1.75.30)

आदित्यरथसंकाशं रथरत्नविभूषितम् । शातकुंभमयं दिव्यं घंटाचामरभूषितम्

ādityarathasaṁkāśaṁ ratharatnavibhūṣitam | śātakuṁbhamayaṁ divyaṁ ghaṁṭācāmarabhūṣitam

A chariot resembling the sun's own chariot, adorned with jeweled ornaments, made of fine gold, celestial, decked with bells and yak-tail whisks—

Verse 31 (padma.1.75.31)

पताकाध्वजसंपूर्णं रम्यं शक्ररथोपमम् । समारुह्य महावीरो हिरण्याक्षोऽसुराधिपः

patākādhvajasaṁpūrṇaṁ ramyaṁ śakrarathopamam | samāruhya mahāvīro hiraṇyākṣo'surādhipaḥ

—full of banners and standards, splendid, resembling the chariot of Indra: mounting it, the great hero Hiranyaksha, lord of the demons—

Verse 32 (padma.1.75.32)

जघान शरजालैश्च दुर्निवार्यः सुरासुरैः । ससैन्यानि गजान्वीरो रथांश्च सह सैंधवान्

jaghāna śarajālaiśca durnivāryaḥ surāsuraiḥ | sasainyāni gajānvīro rathāṁśca saha saiṁdhavān

—struck with a net of arrows, unstoppable by gods or demons alike; that hero felled elephants with their attendants, chariots, and Sindhu horses—

Verse 33 (padma.1.75.33)

पातयामास भूमौ च शतशोथ सहस्रशः । एवं चरन्स वृंदेषु निखिलेषु दिवौकसाम्

pātayāmāsa bhūmau ca śataśotha sahasraśaḥ | evaṁ caransa vṛṁdeṣu nikhileṣu divaukasām

—by the hundreds and thousands, casting them down to the ground. Thus ranging through all the hosts of the celestials—

Verse 34 (padma.1.75.34)

पातयामास दैत्येंद्रः शरौघान्मृत्युसन्निभान् । क्रमेण समरे चाथ देवसैन्यान्यमंथत

pātayāmāsa daityeṁdraḥ śaraughānmṛtyusannibhān | krameṇa samare cātha devasainyānyamaṁthata

—the lord of the demons felled them with floods of arrows like death itself, and step by step ground down the armies of the gods.

Verse 35 (padma.1.75.35)

यथा पुष्करिणीवृंदे गजः कंजवनं शितैः । शरपातैरथो वेगात्सिंहनादैः पुनः पुनः

yathā puṣkariṇīvṛṁde gajaḥ kaṁjavanaṁ śitaiḥ | śarapātairatho vegātsiṁhanādaiḥ punaḥ punaḥ

As an elephant tramples a lotus-grove in a pond, so he trampled the gods — with showers of sharp arrows, with speed, and with lion-roars again and again.

Verse 36 (padma.1.75.36)

धरण्यां पतिता वेगात्तदा दैत्येश्वरस्य च । दशभिश्च सुतीक्ष्णाग्रैर्जयंतं स जघान ह

dharaṇyāṁ patitā vegāttadā daityeśvarasya ca | daśabhiśca sutīkṣṇāgrairjayaṁtaṁ sa jaghāna ha

—struck down to the earth by the fury of the lord of the demons, the gods fell before him; then he struck Jayanta with ten exceedingly sharp-tipped arrows.

Verse 37 (padma.1.75.37)

रेमंतं पंचभिर्बाणैः शक्रं पंचदशेन तु । चित्ररथं विंशतिभिःपंचविंशतिभिर्गुहम्

remaṁtaṁ paṁcabhirbāṇaiḥ śakraṁ paṁcadaśena tu | citrarathaṁ viṁśatibhiḥpaṁcaviṁśatibhirguham

Rematha with five arrows, Shakra with fifteen, Chitraratha with twenty, and Guha (Skanda) with twenty-five—

Verse 38 (padma.1.75.38)

हेरंबं त्रिशरेणैव चत्वारिंशच्छरैर्यमम् । तथैव कालं मृत्युं च पाणिना द्विगुणेन च

heraṁbaṁ triśareṇaiva catvāriṁśaccharairyamam | tathaiva kālaṁ mṛtyuṁ ca pāṇinā dviguṇena ca

—Heramba with just three arrows, Yama with forty arrows, and Kala and Mrityu with a doubled blow of his fist—

Verse 39 (padma.1.75.39)

गुह्यकेशं जगत्प्राणं दशभिर्दशभिः शरैः । षडिभश्च सप्तभिश्चैव रुद्रान्सर्वान्पृथक्पृथक्

guhyakeśaṁ jagatprāṇaṁ daśabhirdaśabhiḥ śaraiḥ | ṣaḍibhaśca saptabhiścaiva rudrānsarvānpṛthakpṛthak

—he struck Guhyakesha (Kubera) and Jagatprana (Vayu) with ten arrows each, and all the Rudras individually with six and seven arrows each—

Verse 40 (padma.1.75.40)

वसून्सर्वांश्च सशरैः सिद्धगंधर्वपन्नगान् । दशाष्टदशभिः षडिभर्युद्धे देवान्भिनत्त्यसौ

vasūnsarvāṁśca saśaraiḥ siddhagaṁdharvapannagān | daśāṣṭadaśabhiḥ ṣaḍibharyuddhe devānbhinattyasau

—he pierced all the Vasus, the Siddhas, Gandharvas, and Nagas with arrows, and pierced various gods in that battle with ten, eight, ten, and six arrows.

Verse 41 (padma.1.75.41)

ओजौघादतिवीर्यात्तु शीघ्रलाघवर्दशनान् । आपत्प्राप्ताः सुरा भीत्या प्रतिकर्तुं न चेश्वराः

ojaughādativīryāttu śīghralāghavardaśanān | āpatprāptāḥ surā bhītyā pratikartuṁ na ceśvarāḥ

Overwhelmed by the flood of his might and surpassing power, seeing his speed and skill, the gods, fallen into calamity, were, in their fear, powerless to strike back.

Verse 42 (padma.1.75.42)

महेशशूलसंकाशैः शरैर्मर्मविभेदिभिः । ताडिता निर्जरा युद्धे मूर्च्छिता धरणीं ययुः

maheśaśūlasaṁkāśaiḥ śarairmarmavibhedibhiḥ | tāḍitā nirjarā yuddhe mūrcchitā dharaṇīṁ yayuḥ

Struck by arrows resembling Maheshvara's own trident, piercing to the vital points, the immortals in that battle fell fainting to the earth.

Verse 43 (padma.1.75.43)

तस्यैव संमुखे स्थातुं न शेकुः प्रवरास्सुराः । ततो देवा विनिर्धूतास्त्रिदिवेशेन संयुताः

tasyaiva saṁmukhe sthātuṁ na śekuḥ pravarāssurāḥ | tato devā vinirdhūtāstridiveśena saṁyutāḥ

None of the foremost gods could bear to stand before him; then the gods, driven back and scattered, together with the lord of the three heavens—

Verse 44 (padma.1.75.44)

शरण्यं ते हरिं तत्र शरणं ताडिता ययुः । एतस्मिन्नंतरे विष्णुः प्राह जिष्णुं खगेश्वरम्

śaraṇyaṁ te hariṁ tatra śaraṇaṁ tāḍitā yayuḥ | etasminnaṁtare viṣṇuḥ prāha jiṣṇuṁ khageśvaram

—battered, went there for refuge to Hari, their protector. At that moment Vishnu spoke to Jishnu, the lord of birds (Garuda):

Verse 45 (padma.1.75.45)

अधुना गच्छ दैत्यस्य संमुखं रणमूर्धनि । नाशाय सततस्तूर्णं गतस्तस्यांतिकं जवात्

adhunā gaccha daityasya saṁmukhaṁ raṇamūrdhani | nāśāya satatastūrṇaṁ gatastasyāṁtikaṁ javāt

'Now go swiftly to the very front of that demon in the height of the battle, ceaselessly, for his destruction.' He went to him at once, with speed.

Verse 46 (padma.1.75.46)

सरथं मार्गणैर्भित्वा विष्णुमारोधयज्जवम् । रथस्य संमुखे दैत्य उवाच विष्णुमव्ययम्

sarathaṁ mārgaṇairbhitvā viṣṇumārodhayajjavam | rathasya saṁmukhe daitya uvāca viṣṇumavyayam

Piercing him along with his chariot with arrows, Garuda swiftly bore Vishnu to block his path. Before the chariot the demon spoke to imperishable Vishnu:

Verse 47 (padma.1.75.47)

अन्य सृष्टिं करोम्यद्य हत्वा त्वां च सनिर्ज्जरम् । ततो विष्णुरुवाचेदं गर्जंतं दैत्यपुंगवम्

anya sṛṣṭiṁ karomyadya hatvā tvāṁ ca sanirjjaram | tato viṣṇuruvācedaṁ garjaṁtaṁ daityapuṁgavam

'Today, having slain you along with the immortals, I shall create another creation!' Then Vishnu spoke thus to that roaring bull among demons:

Verse 48 (padma.1.75.48)

शक्तस्त्वं स्पर्द्धने पाप यदि युद्धे स्थिरो भव । ततः शरशतैरेव जघान विष्णुमव्ययम्

śaktastvaṁ sparddhane pāpa yadi yuddhe sthiro bhava | tataḥ śaraśataireva jaghāna viṣṇumavyayam

'If you are truly capable in this contest, O sinner, then stand firm in battle!' Then he struck imperishable Vishnu with hundreds of arrows.

Verse 49 (padma.1.75.49)

असंभ्रांतः स चिच्छेद यमदंडनिभान्शरान् । पुनः शरसहस्राणि प्रेरयामास तं रणे

asaṁbhrāṁtaḥ sa ciccheda yamadaṁḍanibhānśarān | punaḥ śarasahasrāṇi prerayāmāsa taṁ raṇe

Unshaken, Vishnu cut down those arrows resembling the staff of Yama, and again sent forth thousands of arrows at him in that battle.

Verse 50 (padma.1.75.50)

तांश्च छित्वा शरैः शौरिस्तं च विव्याध मार्गणैः । प्रगौरवादहार्याभैः संस्पर्शाद्बाडवानलैः

tāṁśca chitvā śaraiḥ śauristaṁ ca vivyādha mārgaṇaiḥ | pragauravādahāryābhaiḥ saṁsparśādbāḍavānalaiḥ

Cutting those down as well, Shauri (Vishnu) pierced him with arrows of great weight, unbearable, whose touch was like the submarine fire—

Verse 51 (padma.1.75.51)

शरैश्च भेदकैस्तीक्ष्णैः खगमैश्च मनोजवैः । लाघवात्केशवास्त्रस्य तूलशुष्कतृणोपमैः

śaraiśca bhedakaistīkṣṇaiḥ khagamaiśca manojavaiḥ | lāghavātkeśavāstrasya tūlaśuṣkatṛṇopamaiḥ

—with piercing arrows, sharp, winged, swift as the mind, so light by the skill of Keshava's weapon-craft that they seemed mere cotton-fluff or dry grass.

Verse 52 (padma.1.75.52)

हैमैः शरसहस्रैस्तु ताडितो दैत्यपुंगवः । बाधयाभ्यर्दितः क्रुद्धो धृत्वा शिखरिणं रणे

haimaiḥ śarasahasraistu tāḍito daityapuṁgavaḥ | bādhayābhyarditaḥ kruddho dhṛtvā śikhariṇaṁ raṇe

Struck by thousands of golden-shafted arrows, that bull among demons, tormented and enraged, seized a mountain peak in that battle—

Verse 53 (padma.1.75.53)

जघान माधवं वेगाद्धिरण्याक्षो महाबलः । तं च संचूर्णयामास गदया लीलया हरिः

jaghāna mādhavaṁ vegāddhiraṇyākṣo mahābalaḥ | taṁ ca saṁcūrṇayāmāsa gadayā līlayā hariḥ

—and mighty Hiranyaksha hurled it swiftly at Madhava; but Hari shattered it to powder with his mace, as if in mere play.

Verse 54 (padma.1.75.54)

एवं पर्वतसाहस्रं पातितं तु क्रमेण हि । तथैव लाघवाच्चूर्णं हरिणा दानवारिणा

evaṁ parvatasāhasraṁ pātitaṁ tu krameṇa hi | tathaiva lāghavāccūrṇaṁ hariṇā dānavāriṇā

In this way a thousand mountains were hurled one after another, and each was likewise crushed to powder with ease by Hari, the enemy of the danavas.

Verse 55 (padma.1.75.55)

पुनर्बाहुसहस्राणि कृत्वासौ दानवोत्तमः । शरैः शक्तिभिरत्युग्रैः शूलैः परशुकादिभिः

punarbāhusahasrāṇi kṛtvāsau dānavottamaḥ | śaraiḥ śaktibhiratyugraiḥ śūlaiḥ paraśukādibhiḥ

Then that foremost of the danavas, taking on a thousand arms, assailed him with arrows, exceedingly fierce spears, tridents, axes, and the like—

Verse 56 (padma.1.75.56)

ववर्ष बहुभिर्विष्णुं क्रोधाविष्टेन चेतसा । तांस्तु तेनैव प्रहितांश्चिच्छेद सुरसत्तमः

vavarṣa bahubhirviṣṇuṁ krodhāviṣṭena cetasā | tāṁstu tenaiva prahitāṁściccheda surasattamaḥ

—raining them down in abundance upon Vishnu, his mind overcome with rage; but that best of gods cut down all those very missiles hurled at him.

Verse 57 (padma.1.75.57)

शरैर्दीप्तैर्महाघोरैरसुराणां भयंकरैः । विव्याध सर्वगात्रेषु शंभुशूलोपमैश्शरैः

śarairdīptairmahāghorairasurāṇāṁ bhayaṁkaraiḥ | vivyādha sarvagātreṣu śaṁbhuśūlopamaiśśaraiḥ

With blazing, exceedingly terrible arrows, dreadful even to demons, resembling the very trident of Shambhu, he pierced him through in every limb.

Verse 58 (padma.1.75.58)

दानवाधिपतिः संख्ये ह्यव्ययो हरिरीश्वरः । स च कश्मलतां गत्वा सर्वशक्तिमनुत्तमाम्

dānavādhipatiḥ saṁkhye hyavyayo harirīśvaraḥ | sa ca kaśmalatāṁ gatvā sarvaśaktimanuttamām

Struck by the imperishable Lord Hari in that battle, the lord of the danavas fell into utter faintness; then, seizing his own mightiest weapon—

Verse 59 (padma.1.75.59)

कालजिह्वोपमां घोरामष्टघंटासमन्विताम् । हरेरुरसि पीने च विद्रुत्या पातयद्द्रुतम्

kālajihvopamāṁ ghorāmaṣṭaghaṁṭāsamanvitām | harerurasi pīne ca vidrutyā pātayaddrutam

—terrible as the very tongue of Death, fitted with eight bells, he swiftly hurled it upon Hari's broad chest.

Verse 60 (padma.1.75.60)

शुशुभे स सुरश्रेष्ठस्तडित्त्वत्सान्द्रमेघवत् । ततश्च चुक्रुशुर्दैत्या जयेति साधुवादिनः

śuśubhe sa suraśreṣṭhastaḍittvatsāndrameghavat | tataśca cukruśurdaityā jayeti sādhuvādinaḥ

That best of gods shone forth under the blow like a dense raincloud lit by lightning; and then the demons cried out 'Victory!' in praise.

Verse 61 (padma.1.75.61)

ततश्चक्रं दैत्यसैन्ये दानवारिर्व्यसर्जयत् । तेषां शिरांसि संच्छिद्य माधवं पुनरागमत्

tataścakraṁ daityasainye dānavārirvyasarjayat | teṣāṁ śirāṁsi saṁcchidya mādhavaṁ punarāgamat

Then the enemy of the danavas released his discus among the demon army; severing their heads, it returned again to Madhava.

Verse 62 (padma.1.75.62)

स दैत्यं शक्तिपातेन पातयामास वै रणे । चिरात्संज्ञां समालंब्य वह्निबाणेन केशवम्

sa daityaṁ śaktipātena pātayāmāsa vai raṇe | cirātsaṁjñāṁ samālaṁbya vahnibāṇena keśavam

With a blow of his spear he felled the demon in that very battle; but after a long while, regaining his senses, the demon struck Keshava with a fire-arrow.

Verse 63 (padma.1.75.63)

निजघान रणे क्रुद्धो हरिः कौबेरमाक्षिपत् । ततो मुमोच मायास्त्रं चासुरं चातिदारुणम्

nijaghāna raṇe kruddho hariḥ kauberamākṣipat | tato mumoca māyāstraṁ cāsuraṁ cātidāruṇam

In wrath Hari struck him down in battle, hurling at him the weapon of Kubera; then the demon released his weapon of illusion, exceedingly terrible.

Verse 64 (padma.1.75.64)

सिंहव्याघ्रलुलायांश्च तद्वद्द्विप सरीसृपान् । जघान समरे विष्णुं हिरण्याक्षः प्रतापवान्

siṁhavyāghralulāyāṁśca tadvaddvipa sarīsṛpān | jaghāna samare viṣṇuṁ hiraṇyākṣaḥ pratāpavān

Conjuring lions, tigers, buffaloes, and likewise elephants and serpents, mighty Hiranyaksha assailed Vishnu in that battle.

Verse 65 (padma.1.75.65)

ततो मायास्त्रसंभूतान्शस्त्रास्त्रौघान्रणे हरिः । प्रचिच्छेद शरैरेव शूलेनैवमताडयत्

tato māyāstrasaṁbhūtānśastrāstraughānraṇe hariḥ | praciccheda śaraireva śūlenaivamatāḍayat

Then Hari cut down with his own arrows that flood of weapons born of the illusion-weapon, and struck him with his trident.

Verse 66 (padma.1.75.66)

स विह्वलित सर्वांगस्तत्क्षणं लोहितोक्षितः । विचकर्ष हरन्विष्णुरसृग्विप्लुतविग्रहः

sa vihvalita sarvāṁgastatkṣaṇaṁ lohitokṣitaḥ | vicakarṣa haranviṣṇurasṛgviplutavigrahaḥ

Reeling in every limb, drenched instantly in blood, his body flooded with gore, he wrenched that trident away from Vishnu who had struck him.

Verse 67 (padma.1.75.67)

तच्छूलं च त्रिभिर्बाणैः प्रविव्याध सुराधिपः । वरूथं सध्वजं केतुं रथं चैवातपत्रकम्

tacchūlaṁ ca tribhirbāṇaiḥ pravivyādha surādhipaḥ | varūthaṁ sadhvajaṁ ketuṁ rathaṁ caivātapatrakam

The lord of the gods then pierced that very trident with three arrows; he also destroyed his chariot's rim, banner, standard, and parasol.

Verse 68 (padma.1.75.68)

यंतारं च प्रचिच्छेद दशभिश्च हरिः शरैः । पातिते च रथे दैत्यः संप्लुत्याथ रथं परम्

yaṁtāraṁ ca praciccheda daśabhiśca hariḥ śaraiḥ | pātite ca rathe daityaḥ saṁplutyātha rathaṁ param

Hari cut down his charioteer as well, with ten arrows. His chariot destroyed, the demon leapt onto another chariot—

Verse 69 (padma.1.75.69)

आरुरोह स दैत्येंद्रः संमुखं चाकरोद्बली । ततो युद्धं महाघोरमभवल्लोमहर्षणम्

āruroha sa daityeṁdraḥ saṁmukhaṁ cākarodbalī | tato yuddhaṁ mahāghoramabhavallomaharṣaṇam

—that mighty lord of the demons mounted it and faced him again. Then a most terrible battle ensued, one that made the hair stand on end.

Verse 70 (padma.1.75.70)

हिरण्याक्षस्य च हरेर्लोकविस्मापनं महत् । अस्त्रयुद्धं तथान्योन्यं कृतप्रतिकृतं च तत्

hiraṇyākṣasya ca harerlokavismāpanaṁ mahat | astrayuddhaṁ tathānyonyaṁ kṛtapratikṛtaṁ ca tat

The great duel of weapons between Hiranyaksha and Hari astonished all the worlds, as each answered the other's every blow with a counter-blow.

Verse 71 (padma.1.75.71)

ततो नियुद्धे सततं दिव्यवर्षशतं गतम् । ततो दैत्यो महासत्वो ववृधे वामनो यथा

tato niyuddhe satataṁ divyavarṣaśataṁ gatam | tato daityo mahāsatvo vavṛdhe vāmano yathā

Then in that unceasing combat a hundred divine years passed; and then the demon, of great might, began to grow, as once, conversely, the Dwarf had grown.

Verse 72 (padma.1.75.72)

मुखेन जग्राह रुषा त्रैलोक्यं सचराचरम् । भूमंडलं समुद्धृत्य विवेश च रसातलम्

mukhena jagrāha ruṣā trailokyaṁ sacarācaram | bhūmaṁḍalaṁ samuddhṛtya viveśa ca rasātalam

In his fury he seized the three worlds, with all that moves and does not move, in his very mouth; then, tearing up the disc of the earth, he entered the netherworld, Rasatala.

Verse 73 (padma.1.75.73)

शेषाश्च विविशुर्दैत्यास्तमनु प्रीतिसंयुताः । ततो विष्णुर्महातेजा ज्ञात्वा दैत्यबलं महत्

śeṣāśca viviśurdaityāstamanu prītisaṁyutāḥ | tato viṣṇurmahātejā jñātvā daityabalaṁ mahat

The rest of the demons, filled with joy, followed him down. Then Vishnu, of great splendor, knowing the demon's mighty strength—

Verse 74 (padma.1.75.74)

दधार रूपं वाराहं दैत्यराजजिघांसया । धृत्वा क्रोडतनुं विष्णुर्विवेश तमनुद्रुतम्

dadhāra rūpaṁ vārāhaṁ daityarājajighāṁsayā | dhṛtvā kroḍatanuṁ viṣṇurviveśa tamanudrutam

—assumed the form of a boar, desiring to slay the king of the demons; and Vishnu, taking that boar-body, swiftly followed after him.

Verse 75 (padma.1.75.75)

तत्र गत्वा रसामूले रसातलगतां महीम् । दृष्ट्वा स्वदंष्ट्रयोर्दध्रे लोकाधारां वसुंधराम्

tatra gatvā rasāmūle rasātalagatāṁ mahīm | dṛṣṭvā svadaṁṣṭrayordadhre lokādhārāṁ vasuṁdharām

Going there to the very root of the netherworld, and seeing the earth sunk into Rasatala, he raised up upon his own tusks the earth, the support of all the worlds.

Verse 76 (padma.1.75.76)

तां धृत्वा गच्छतस्तस्य विष्णोरमिततेजसः । समाजगाम दैत्येंद्रो धृष्टं वाग्भिस्तुदन्ननु

tāṁ dhṛtvā gacchatastasya viṣṇoramitatejasaḥ | samājagāma daityeṁdro dhṛṣṭaṁ vāgbhistudannanu

As Vishnu of boundless splendor bore up the earth and made his way back, the lord of the demons came upon him, boldly taunting him with harsh words.

Verse 77 (padma.1.75.77)

मायाक्रोडतनुर्विष्णुर्दुर्वचांसि सहन्रुषा । जलोपरि दधारेमां धरां भूधर एव च

māyākroḍatanurviṣṇurdurvacāṁsi sahanruṣā | jalopari dadhāremāṁ dharāṁ bhūdhara eva ca

Vishnu, in his illusion-wrought boar-body, bearing that abuse with fury, held up the earth above the waters, firm as a very mountain.

Verse 78 (padma.1.75.78)

तस्यां न्यस्य स्वसत्वं च स चकार तदाचलाम् । ततः पश्चात्स संलग्नो दैत्यराट्समुपस्थितः

tasyāṁ nyasya svasatvaṁ ca sa cakāra tadācalām | tataḥ paścātsa saṁlagno daityarāṭsamupasthitaḥ

Placing his own strength within it, he made it steady and unmoving. Then after that, the king of the demons, closing upon him, came before him.

Verse 79 (padma.1.75.79)

क्रोधेन महताविष्टो जघान गदया हरिम् । मायया सूकरो विष्णुस्तां गदां समवंचयत्

krodhena mahatāviṣṭo jaghāna gadayā harim | māyayā sūkaro viṣṇustāṁ gadāṁ samavaṁcayat

Overcome with great wrath, he struck at Hari with his mace; but Vishnu, in his illusion as the Boar, evaded that mace.

Verse 80 (padma.1.75.80)

योगयुक्तो यथा मृत्युं कौमोदक्याहनच्च तम् । ततः पुना रुषाविष्टो हिरण्याक्षो महाबलः

yogayukto yathā mṛtyuṁ kaumodakyāhanacca tam | tataḥ punā ruṣāviṣṭo hiraṇyākṣo mahābalaḥ

United with his power, as if striking Death itself, he struck him with his mace Kaumodaki. Then again, overcome with fury, mighty Hiranyaksha—

Verse 81 (padma.1.75.81)

मुष्टिना प्राहरद्देवं दक्षिणे तु भुजे प्रभोः । एवं युद्धं महाघोरं सव्यासव्यं गतागतम्

muṣṭinā prāharaddevaṁ dakṣiṇe tu bhuje prabhoḥ | evaṁ yuddhaṁ mahāghoraṁ savyāsavyaṁ gatāgatam

—struck the Lord's right arm with his fist. Thus that most terrible battle continued, with blows to left and right, advancing and retreating,

Verse 82 (padma.1.75.82)

परिभ्रमणविक्षेपं कृतानुकरणं तथा । ततो ब्रह्मादयो देवा युद्धं पश्यंति खे स्थिताः

paribhramaṇavikṣepaṁ kṛtānukaraṇaṁ tathā | tato brahmādayo devā yuddhaṁ paśyaṁti khe sthitāḥ

—with circling movements and feints, each matching the other's every move. Then Brahma and the other gods, standing in the sky, watched that battle,

Verse 83 (padma.1.75.83)

स्वस्ति प्रजाभ्यो देवेभ्य ऋषिभ्यश्चेति चाब्रुवन् । ऊचुश्च देवदेवेशं विष्णुं वाराहरूपिणम्

svasti prajābhyo devebhya ṛṣibhyaśceti cābruvan | ūcuśca devadeveśaṁ viṣṇuṁ vārāharūpiṇam

and cried, 'May it be well with all creatures, with the gods, and with the sages!' And they spoke to Vishnu, the God of gods in his form as the Boar:

Verse 84 (padma.1.75.84)

मा क्रीड बालवद्देव जह्यमुं देवकंटकम् । ततो विष्णुर्महातेजा मायावाराहरूपधृत्

mā krīḍa bālavaddeva jahyamuṁ devakaṁṭakam | tato viṣṇurmahātejā māyāvārāharūpadhṛt

'O God, do not toy with him like a child at play — slay this thorn in the side of the gods!' Then Vishnu, of great splendor, in his illusion-wrought boar-form,

Verse 85 (padma.1.75.85)

ब्रह्माद्यनुमतिं प्राप्य चक्रं प्राक्षिपदुल्बणम् । सहस्रसूर्यसंकाशं सहस्रारं महाप्रभम्

brahmādyanumatiṁ prāpya cakraṁ prākṣipadulbaṇam | sahasrasūryasaṁkāśaṁ sahasrāraṁ mahāprabham

—having received the assent of Brahma and the others, hurled forth his fearsome discus, radiant as a thousand suns, thousand-spoked, of immense splendor,

Verse 86 (padma.1.75.86)

दैत्यांतकरणं रौद्रं प्रलयाग्निसमप्रभम् । तच्चक्रं विष्णुना मुक्तं हिरण्याक्षं महाबलम्

daityāṁtakaraṇaṁ raudraṁ pralayāgnisamaprabham | taccakraṁ viṣṇunā muktaṁ hiraṇyākṣaṁ mahābalam

—the very destroyer of demons, terrible, blazing like the fire of universal dissolution. That discus, released by Vishnu, struck mighty Hiranyaksha—

Verse 87 (padma.1.75.87)

चकार भस्मसात्सद्यो ब्रह्मादीनां च पश्यताम् । दैत्यांतकरणं रौद्रं चक्रं चागमदच्युतम्

cakāra bhasmasātsadyo brahmādīnāṁ ca paśyatām | daityāṁtakaraṇaṁ raudraṁ cakraṁ cāgamadacyutam

—and instantly reduced him to ashes before the very eyes of Brahma and the others; and that terrible demon-destroying discus returned again to imperishable Vishnu.

Verse 88 (padma.1.75.88)

ततो ब्रह्मादयो देवाः शक्रमुख्याश्च लोकपाः । दृष्ट्वा च विजयं विष्णोः स्तुवंति स्म समागताः

tato brahmādayo devāḥ śakramukhyāśca lokapāḥ | dṛṣṭvā ca vijayaṁ viṣṇoḥ stuvaṁti sma samāgatāḥ

Then Brahma and the other gods, together with Shakra and the guardians of the world, seeing Vishnu's victory, gathered together and praised him.

Verse 89 (padma.1.75.89)

देवा ऊचुः । नताः स्म विष्णुं जगदादिभूतं सुरासुरेंद्रं जगतां प्रपालकम् । यन्नाभिपद्मात्किल पद्मयोनिर्बभूव तं वै शरणं गताः स्मः

devā ūcuḥ | natāḥ sma viṣṇuṁ jagadādibhūtaṁ surāsureṁdraṁ jagatāṁ prapālakam | yannābhipadmātkila padmayonirbabhūva taṁ vai śaraṇaṁ gatāḥ smaḥ

The gods said: We bow to Vishnu, the primal source of the universe, lord of gods and demons, protector of all the worlds; from whose lotus-navel the lotus-born one (Brahma) himself arose — to him alone we have come for refuge.

Verse 90 (padma.1.75.90)

नमोनमो मत्स्यवपुर्द्धराय नमोस्तु ते कच्छपरूपधारिणे । नमः प्रकुर्मश्च नृसिंहरूपिणे तथा पुनर्वामनरूपिणे नमः

namonamo matsyavapurddharāya namostu te kacchaparūpadhāriṇe | namaḥ prakurmaśca nṛsiṁharūpiṇe tathā punarvāmanarūpiṇe namaḥ

Homage, homage to you who bore the form of the Fish! Homage to you who bear the form of the Tortoise! Homage we offer to you in the form of the Man-Lion, and again homage to you in the form of the Dwarf.

Verse 91 (padma.1.75.91)

नमोस्तु ते क्षत्रविनाशनाय रामाय रामाय दशास्यनाशिने । प्रलंबहंत्रे शितिवाससे नमो नमोस्तु बुद्धाय च दैत्यमोहिने

namostu te kṣatravināśanāya rāmāya rāmāya daśāsyanāśine | pralaṁbahaṁtre śitivāsase namo namostu buddhāya ca daityamohine

Homage to you, destroyer of the Kshatriyas! Homage to Rama, slayer of the ten-headed one! Homage to the slayer of Pralamba, clad in dark garments! Homage, homage to the Buddha, deluder of the demons!

Verse 92 (padma.1.75.92)

म्लेच्छांतकायापि च कल्किनाम्ने नमः पुनः क्रोडवपुर्धराय । जगद्धितार्थं च युगेयुगे भवान्बिभर्ति रूपं त्वसुराभवाय

mlecchāṁtakāyāpi ca kalkināmne namaḥ punaḥ kroḍavapurdharāya | jagaddhitārthaṁ ca yugeyuge bhavānbibharti rūpaṁ tvasurābhavāya

Homage again to you named Kalki, destroyer of the barbarians! And homage to you who bear the form of the Boar! For the good of the world, in age after age, you assume these forms, for the undoing of the demons.

Verse 93 (padma.1.75.93)

निषूदितोऽयं ह्यधुना किल त्वया दैत्यो हिरण्याक्ष इति प्रगल्भः । यश्चेंद्रमुख्यान्किललोकपालान्संहेलया चैव तिरश्चकार

niṣūdito'yaṁ hyadhunā kila tvayā daityo hiraṇyākṣa iti pragalbhaḥ | yaśceṁdramukhyānkilalokapālānsaṁhelayā caiva tiraścakāra

This very demon, arrogant Hiranyaksha, has now indeed been slain by you — he who once, with utter contempt, humbled Indra and the other foremost guardians of the world.

Verse 94 (padma.1.75.94)

स वै त्वया देवहितार्थमेव निपातितो देववर प्रसीद । त्वमस्य विश्वस्य विसर्गकर्ता ब्राह्मेण रूपेण च देवदेव

sa vai tvayā devahitārthameva nipātito devavara prasīda | tvamasya viśvasya visargakartā brāhmeṇa rūpeṇa ca devadeva

He has been struck down by you solely for the good of the gods — O best of gods, be gracious! You are the creator of this universe, in your form as Brahma, O God of gods.

Verse 95 (padma.1.75.95)

पाता त्वमेवास्य युगेयुगे च रूपाणि धत्से सुमनोहराणि । त्वमेव कालाग्निहरश्च भूत्वा विश्वं क्षयं नेष्यसि चांतकाले

pātā tvamevāsya yugeyuge ca rūpāṇi dhatse sumanoharāṇi | tvameva kālāgniharaśca bhūtvā viśvaṁ kṣayaṁ neṣyasi cāṁtakāle

You alone are its protector, age after age, taking on forms of surpassing beauty; and you alone, becoming the fire of time and Hara, will lead the universe to its dissolution at the time of the end.

Verse 96 (padma.1.75.96)

अतो भवानेव च विश्वकारणं न ते परं जीवमजीवमीश । यत्किंच भूतं च भविष्यरूपं प्रवर्त्तमानं च तथैव रूपम्

ato bhavāneva ca viśvakāraṇaṁ na te paraṁ jīvamajīvamīśa | yatkiṁca bhūtaṁ ca bhaviṣyarūpaṁ pravarttamānaṁ ca tathaiva rūpam

Therefore you alone are the cause of the universe; there is nothing, whether living or lifeless, O Lord, beyond you. Whatever has been, whatever is to come, and whatever exists in the present—

Verse 97 (padma.1.75.97)

सर्वं त्वमेवासि चराचराख्यं न भाति विश्वं त्वदृते च किंचित् । अस्तीति नास्तीति च भेदनिष्ठं त्वय्येव भातं सदसत्स्वरूपम्

sarvaṁ tvamevāsi carācarākhyaṁ na bhāti viśvaṁ tvadṛte ca kiṁcit | astīti nāstīti ca bhedaniṣṭhaṁ tvayyeva bhātaṁ sadasatsvarūpam

—all of it is your very form. You alone are all this, called the moving and the unmoving; without you nothing of this universe shines forth at all. That which rests on the distinction of 'is' and 'is not' shines forth in you alone.

Verse 98 (padma.1.75.98)

ततो भवंतं कतमोपि देव न ज्ञातुमर्हत्यविपक्वबुद्धिः । ऋते भवत्पादपरायणं जनं तेनागता स्मश्शरणं शरण्यम्

tato bhavaṁtaṁ katamopi deva na jñātumarhatyavipakvabuddhiḥ | ṛte bhavatpādaparāyaṇaṁ janaṁ tenāgatā smaśśaraṇaṁ śaraṇyam

Therefore, O God, no one of immature understanding is able to know you at all, except one wholly devoted to your feet. For this reason we have come for refuge to you, the refuge of all.

Verse 99 (padma.1.75.99)

व्यास उवाच । ततो विष्णुः प्रसन्नात्मा उवाच त्रिदिवौकसः । तुष्टोस्मि देवा भद्रं वो युष्मत्स्तोत्रेण सांप्रतम्

vyāsa uvāca | tato viṣṇuḥ prasannātmā uvāca tridivaukasaḥ | tuṣṭosmi devā bhadraṁ vo yuṣmatstotreṇa sāṁpratam

Vyasa said: Then Vishnu, his heart well pleased, spoke to the dwellers of heaven: 'I am well pleased, O gods; may good come to you, through this hymn of yours, even now.'

Verse 100 (padma.1.75.100)

य इदं प्रपठेद्भक्त्या विजयस्तोत्रमादरात् । न तस्य दुर्लभं देवास्त्रिषुलोकेषु किंचन

ya idaṁ prapaṭhedbhaktyā vijayastotramādarāt | na tasya durlabhaṁ devāstriṣulokeṣu kiṁcana

'Whoever recites this Hymn of Victory with devotion and reverence — for him, O gods, nothing in all the three worlds shall remain unattainable.'

Verse 101 (padma.1.75.101)

गवां शतसहस्रस्य सम्यग्दत्तस्य यत्फलम् । तत्फलं समवाप्नोति कीर्तनाच्छ्रवणान्नरः

gavāṁ śatasahasrasya samyagdattasya yatphalam | tatphalaṁ samavāpnoti kīrtanācchravaṇānnaraḥ

'Whatever merit is gained by the proper gift of a hundred thousand cows, that same merit a man obtains by reciting or hearing this hymn.'

Verse 102 (padma.1.75.102)

सर्वकामप्रदं नित्यं देवदेवस्य कीर्तनम् । अतः परं महाज्ञानं न भूतं न भविष्यति

sarvakāmapradaṁ nityaṁ devadevasya kīrtanam | ataḥ paraṁ mahājñānaṁ na bhūtaṁ na bhaviṣyati

'The recitation of the God of gods ever grants all desires; beyond this there is no greater wisdom, has never been, and never shall be.'