The Peace-Rite of the Sun

Verse 1 (padma.1.78.1)

वैशम्पायन उवाच । भगवंस्त्वत्प्रसादाच्च श्रुतं मे पावनं व्रतं । अपरं श्रोतुमिच्छामि ब्रध्नस्य च प्रियं च यत्

vaiśampāyana uvāca | bhagavaṁstvatprasādācca śrutaṁ me pāvanaṁ vrataṁ | aparaṁ śrotumicchāmi bradhnasya ca priyaṁ ca yat

Vaishampayana said: O Lord, by your grace I have heard this purifying vow; I wish to hear yet more of what is dear to Bradhna (the Sun).

Verse 2 (padma.1.78.2)

व्यास उवाच । कैलासशिखरे रम्ये सुखासीनं महेश्वरं । प्रणम्य शिरसा भूमौ स्कंदो वचनमब्रवीत्

vyāsa uvāca | kailāsaśikhare ramye sukhāsīnaṁ maheśvaraṁ | praṇamya śirasā bhūmau skaṁdo vacanamabravīt

Vyasa said: On the lovely peak of Kailasa, bowing his head to the ground before Maheshvara seated there at ease, Skanda spoke these words:

Verse 3 (padma.1.78.3)

अर्काङ्गाख्यविधिस्त्वत्तो मयैवं विस्तराच्छ्रुतः । वारादेर्यत्फलं नाथ श्रोतुमिच्छामि तत्त्वतः

arkāṅgākhyavidhistvatto mayaivaṁ vistarācchrutaḥ | vārāderyatphalaṁ nātha śrotumicchāmi tattvataḥ

'The rite named Arkanga I have heard from you in such detail; O Lord, I wish now to hear in truth the merit of the Sun's weekday and the like.'

Verse 4 (padma.1.78.4)

ईश्वर उवाच । रक्तपुष्पै रवेर्वारे त्वर्घ्यं दद्याद्व्रती नरः । नक्ताहारं हविष्यान्नं कृत्वा स्वर्गान्न हीयते

īśvara uvāca | raktapuṣpai ravervāre tvarghyaṁ dadyādvratī naraḥ | naktāhāraṁ haviṣyānnaṁ kṛtvā svargānna hīyate

Ishvara said: 'On Sunday, the votary should offer arghya with red flowers; taking a night-meal of sanctified food, he does not fall short of heaven.'

Verse 5 (padma.1.78.5)

सप्तम्याश्च सदाचारं सर्वमेवार्कवासरे । कुर्वतः प्रीतिमाप्नोति सगणः परमेश्वरः

saptamyāśca sadācāraṁ sarvamevārkavāsare | kurvataḥ prītimāpnoti sagaṇaḥ parameśvaraḥ

'Whoever performs all the observances of the Saptami on Sunday too obtains the pleasure of the Supreme Lord together with his hosts.'

Verse 6 (padma.1.78.6)

शूरस्य सदृशं याति तिथिवारस्य पालनात् । एकेन गाणपत्यस्य यावत्सूरो नभस्तले

śūrasya sadṛśaṁ yāti tithivārasya pālanāt | ekena gāṇapatyasya yāvatsūro nabhastale

'By observing this tithi and weekday, one attains a state like that of a hero; by this alone he attains Ganapati's own rank, for as long as the Sun is in the sky.'

Verse 7 (padma.1.78.7)

सर्वकामप्रदं पुण्यमैश्वर्यं रोगनाशनम् । स्वर्गदं मोक्षदं पुण्यं रवेर्वारे व्रतं हितम्

sarvakāmapradaṁ puṇyamaiśvaryaṁ roganāśanam | svargadaṁ mokṣadaṁ puṇyaṁ ravervāre vrataṁ hitam

'This meritorious vow on the Sun's day, granting all desires, sovereignty, destroying disease, bestowing heaven and liberation, is beneficial.'

Verse 8 (padma.1.78.8)

रविवारेण संक्रांत्या सप्तम्या तद्दिने शिवे । व्रतपूजादिकं चाप्यं सर्वं चाक्षयतां व्रजेत्

ravivāreṇa saṁkrāṁtyā saptamyā taddine śive | vratapūjādikaṁ cāpyaṁ sarvaṁ cākṣayatāṁ vrajet

'On a Sunday, at the solar transit, on the Saptami, on such auspicious days — the vow and worship become imperishable.'

Verse 9 (padma.1.78.9)

आदित्यवासरे शुभ्रे ग्रहाधिपप्रपूजनम् । प्राणादहतवक्त्रेण निःसार्य मंडले न्यसेत्

ādityavāsare śubhre grahādhipaprapūjanam | prāṇādahatavaktreṇa niḥsārya maṁḍale nyaset

'On the bright day of Aditya, the worship of the lord of planets should be performed; with steady breath and calm face, one should draw and place it within the ritual circle.'

Verse 10 (padma.1.78.10)

द्विभुजं रक्तपद्मस्थं सुगलं रक्तवाससं । सर्वरक्ताभरणं ध्यात्वा हस्ताभ्यां पुष्पं विधृतसंघ्रायैशान्यां क्षिपेत्

dvibhujaṁ raktapadmasthaṁ sugalaṁ raktavāsasaṁ | sarvaraktābharaṇaṁ dhyātvā hastābhyāṁ puṣpaṁ vidhṛtasaṁghrāyaiśānyāṁ kṣipet

'Meditating on him as two-armed, seated on a red lotus, red-garbed, adorned with red ornaments — holding flowers in both hands, one should cast them toward the north-east.'

Verse 11 (padma.1.78.11)

आदित्याय विद्महे भास्कराय धीमहि । तन्नो भानुः प्रचोदयात्

ādityāya vidmahe bhāskarāya dhīmahi | tanno bhānuḥ pracodayāt

'We know Aditya; we meditate upon Bhaskara; may that Bhanu inspire us.'

Verse 12 (padma.1.78.12)

ततो गुरूपदिष्टेन विधिना च विलेपनम् । विलेपनांते सद्धूपं धूपांते च प्रदीपकम्

tato gurūpadiṣṭena vidhinā ca vilepanam | vilepanāṁte saddhūpaṁ dhūpāṁte ca pradīpakam

'Then, according to the rite taught by one's guru, offer sandal-paste; after that, fine incense; and after the incense, a lamp.'

Verse 13 (padma.1.78.13)

प्रदीपांते च नैवेद्यं ततो वारि निवेदयेत् । ततो जप्यं स्तुतिं मुद्रां नमस्कारं तु कारयेत्

pradīpāṁte ca naivedyaṁ tato vāri nivedayet | tato japyaṁ stutiṁ mudrāṁ namaskāraṁ tu kārayet

'After the lamp, offer food; then water; then recitation, praise, ritual gestures, and prostration.'

Verse 14 (padma.1.78.14)

अंजलि प्रथमा मुद्रा द्वितीया धेनुका स्मृता । एवं यः पूजयेदर्कं रविसायुज्यमाव्रजेत्

aṁjali prathamā mudrā dvitīyā dhenukā smṛtā | evaṁ yaḥ pūjayedarkaṁ ravisāyujyamāvrajet

'The first mudra is the anjali; the second is the dhenuka. Whoever worships the Sun thus attains union with him.'

Verse 15 (padma.1.78.15)

मम ब्रह्मवधं घोरं कपालं करलग्नकम् । रवेस्तस्यप्रसादात्तु मुक्तं वाराणसीतटे

mama brahmavadhaṁ ghoraṁ kapālaṁ karalagnakam | ravestasyaprasādāttu muktaṁ vārāṇasītaṭe

'My own terrible sin of Brahmin-slaying, the skull fastened to my hand — by that very Sun's grace, it was released, on the bank at Varanasi.'

Verse 16 (padma.1.78.16)

रवेः परतरं दैवं त्रैलोक्ये तु न विद्यते । यस्य प्रसादतो घोरान्मुक्तोहं गुरुकिल्बिषात्

raveḥ parataraṁ daivaṁ trailokye tu na vidyate | yasya prasādato ghorānmuktohaṁ gurukilbiṣāt

'There exists no deity higher than the Sun in the three worlds; by whose grace I myself was freed from that most terrible sin.'

Verse 17 (padma.1.78.17)

स्कंद उवाच । श्रुत्वा त्वत्तो गिरं नाथ विस्मयो मेऽभवत्प्रभो । त्वदन्योस्ति न को देवः कथं ब्रह्मवधं त्वयि

skaṁda uvāca | śrutvā tvatto giraṁ nātha vismayo me'bhavatprabho | tvadanyosti na ko devaḥ kathaṁ brahmavadhaṁ tvayi

Skanda said: 'Hearing this word from you, O Lord, I am filled with astonishment — is there truly no god other than you? How did the sin of Brahmin-slaying touch even you?'

Verse 18 (padma.1.78.18)

त्वं च ज्ञानीश्वरो योगी लोके भोक्ताऽक्षरोऽव्ययः । देवानां गुरुरेकस्त्वं व्याप्तरूपी महेश्वरः

tvaṁ ca jñānīśvaro yogī loke bhoktā'kṣaro'vyayaḥ | devānāṁ gururekastvaṁ vyāptarūpī maheśvaraḥ

'You are the lord of knowledge, the yogi, the enjoyer, imperishable, unchanging; you alone are the teacher of the gods, all-pervading Maheshvara.'

Verse 19 (padma.1.78.19)

सर्वज्ञो वरदो नित्यं सर्वेषां प्राणिनां प्रभुः । दुष्कृतं ते कुतो नाथ तथा क्रोधो विशेषतः

sarvajño varado nityaṁ sarveṣāṁ prāṇināṁ prabhuḥ | duṣkṛtaṁ te kuto nātha tathā krodho viśeṣataḥ

'All-knowing, ever the giver of boons, lord of all living beings — how, O Lord, could sin, or anger especially, come upon you?'

Verse 20 (padma.1.78.20)

शिव उवाच । लोकानां च हितार्थाय पृथग्भूता युगे युगे । सर्वं कुर्मो वयं पुत्र ब्रह्मविष्णुमहेश्वराः

śiva uvāca | lokānāṁ ca hitārthāya pṛthagbhūtā yuge yuge | sarvaṁ kurmo vayaṁ putra brahmaviṣṇumaheśvarāḥ

Shiva said: 'For the good of the worlds, we — Brahma, Vishnu, and Maheshvara — become distinct in age after age, my son, and do all this.'

Verse 21 (padma.1.78.21)

नास्माकं बंधमोक्षौ च नाकार्यं कार्यमेव वा । तथा लोकस्य रक्षार्थं चरामो विधिपूर्वकम्

nāsmākaṁ baṁdhamokṣau ca nākāryaṁ kāryameva vā | tathā lokasya rakṣārthaṁ carāmo vidhipūrvakam

'For us there is neither bondage nor liberation, nor anything forbidden or to be done; yet for the world's protection, we act according to due rite.'

Verse 22 (padma.1.78.22)

सर्वं च परमं चैव सर्वविघ्नविनाशनम् । सर्वरोगप्रशमनं सर्वार्थप्रतिसाधकम्

sarvaṁ ca paramaṁ caiva sarvavighnavināśanam | sarvarogapraśamanaṁ sarvārthapratisādhakam

'This is the supreme thing of all, the destroyer of every obstacle, the healer of every disease, the accomplisher of every purpose.'

Verse 23 (padma.1.78.23)

एकोसौ बहुधा भूत्वा कालभेदादनिंदितः । मासे मासे तु तपति एको द्वादशतां व्रजेत्

ekosau bahudhā bhūtvā kālabhedādaniṁditaḥ | māse māse tu tapati eko dvādaśatāṁ vrajet

'That blameless one, though a single being, becomes manifold through the divisions of time; the one Sun assumes twelve forms, one for each month.'

Verse 24 (padma.1.78.24)

मित्रो मार्गशिरे मासि पौषे विष्णुः सनातनः । वरुणो माघमासे तु सूर्यो वै फाल्गुने तथा

mitro mārgaśire māsi pauṣe viṣṇuḥ sanātanaḥ | varuṇo māghamāse tu sūryo vai phālgune tathā

'Mitra in the month of Margashirsha; eternal Vishnu in Pausha; Varuna in Magha; and Surya in Phalguna.'

Verse 25 (padma.1.78.25)

चैत्रे मासि तपेद्भानुर्वैशाखे तापनः स्मृतः । ज्येष्ठमासे तपेदिंद्र आषाढे तपते रविः

caitre māsi tapedbhānurvaiśākhe tāpanaḥ smṛtaḥ | jyeṣṭhamāse tapediṁdra āṣāḍhe tapate raviḥ

'In Chaitra he burns as Bhanu; in Vaishakha he is Tapana; in Jyeshtha he burns as Indra; in Ashadha as Ravi.'

Verse 26 (padma.1.78.26)

गभस्तिः श्रावणे मासि यमो भाद्रपदे तथा । हिरण्यरेताश्वयुजि कार्तिके तु दिवाकरः

gabhastiḥ śrāvaṇe māsi yamo bhādrapade tathā | hiraṇyaretāśvayuji kārtike tu divākaraḥ

'As Gabhasti in Shravana; as Yama in Bhadrapada; as Hiranyaretas in Ashvin; and as Divakara in Kartika.'

Verse 27 (padma.1.78.27)

इत्येते द्वादशादित्या मासि मासि प्रकीर्तिताः । उरुरूपा महातेजा युगांतानलवर्चसः

ityete dvādaśādityā māsi māsi prakīrtitāḥ | ururūpā mahātejā yugāṁtānalavarcasaḥ

Thus these are the twelve Adityas declared, month by month — of vast forms, of great splendor, radiant as the fire at the end of the age.

Verse 28 (padma.1.78.28)

य इदं पठते नित्यं तस्य पापं न विद्यते । न रोगो न च दारिद्र्यं नावमानो भवेत्क्वचित्

ya idaṁ paṭhate nityaṁ tasya pāpaṁ na vidyate | na rogo na ca dāridryaṁ nāvamāno bhavetkvacit

Whoever recites this constantly has no sin; neither disease, nor poverty, nor humiliation ever befalls him.

Verse 29 (padma.1.78.29)

अक्षयं लभते स्वर्गं सुखं राज्यं यशः क्रमात् । महामंत्रं प्रवक्ष्यामि सर्वप्रीतिकरं परम्

akṣayaṁ labhate svargaṁ sukhaṁ rājyaṁ yaśaḥ kramāt | mahāmaṁtraṁ pravakṣyāmi sarvaprītikaraṁ param

He attains imperishable heaven, happiness, sovereignty, and fame in due course. Now I shall declare the great mantra, supreme bringer of favor.

Verse 30 (padma.1.78.30)

ऊँ नमः सहस्रबाहवे आदित्याय नमोनमः । नमस्ते पद्महस्ताय वरुणाय नमोनमः

ū~ namaḥ sahasrabāhave ādityāya namonamaḥ | namaste padmahastāya varuṇāya namonamaḥ

'Om, homage to the thousand-armed one! Homage, homage to Aditya! Homage to the lotus-handed one! Homage, homage to Varuna!'

Verse 31 (padma.1.78.31)

नमस्तिमिरनाशाय श्रीसूर्याय नमोनमः । नमः सहस्रजिह्वाय भानवे च नमोनमः

namastimiranāśāya śrīsūryāya namonamaḥ | namaḥ sahasrajihvāya bhānave ca namonamaḥ

'Homage to the destroyer of darkness! Homage, homage to glorious Surya! Homage to the thousand-tongued one! Homage, homage to Bhanu!'

Verse 32 (padma.1.78.32)

त्वं च ब्रह्मा त्वं च विष्णू रुद्रस्त्वं च नमोनमः । त्वमग्निः सर्वभूतेषु वायुस्त्वं च नमोनमः

tvaṁ ca brahmā tvaṁ ca viṣṇū rudrastvaṁ ca namonamaḥ | tvamagniḥ sarvabhūteṣu vāyustvaṁ ca namonamaḥ

'You are Brahma, you are Vishnu, and you are Rudra — homage, homage! You are Agni within all beings, and Vayu — homage, homage!'

Verse 33 (padma.1.78.33)

सर्वगः सर्वभूतेषु नहि किंचित्त्वया विना । चराचरे जगत्यस्मिन्सर्वदेहे व्यवस्थितः

sarvagaḥ sarvabhūteṣu nahi kiṁcittvayā vinā | carācare jagatyasminsarvadehe vyavasthitaḥ

'You pervade all beings; there is nothing without you; in this world of the moving and unmoving, you abide within every body.'

Verse 34 (padma.1.78.34)

इति जप्त्वा लभेत्कामं स्वर्गभोग्यादिकं क्रमात् । आदित्यो भास्करः सूर्यो अर्को भानुर्दिवाकरः

iti japtvā labhetkāmaṁ svargabhogyādikaṁ kramāt | ādityo bhāskaraḥ sūryo arko bhānurdivākaraḥ

Reciting thus, one obtains his desire, and in due course heaven and its enjoyments. The names are: Aditya, Bhaskara, Surya, Arka, Bhanu, Divakara,

Verse 35 (padma.1.78.35)

सुवर्णरेता मित्रश्च पूषा त्वष्टा च ते दश । स्वयंभूस्तिमिराशश्च द्वादशः परिकीर्तितः

suvarṇaretā mitraśca pūṣā tvaṣṭā ca te daśa | svayaṁbhūstimirāśaśca dvādaśaḥ parikīrtitaḥ

Suvarnaretas, Mitra, Pusha, and Tvashta — these ten; Svayambhu, and Timirasha — the twelfth is thus declared.

Verse 36 (padma.1.78.36)

नामान्येतानि सूर्यस्य शुचिर्यस्तु पठेन्नरः । सर्वपापाच्च रोगाच्च मुक्तो याति परां गतिम्

nāmānyetāni sūryasya śuciryastu paṭhennaraḥ | sarvapāpācca rogācca mukto yāti parāṁ gatim

Whatever pure man recites these names of the Sun is freed from all sin and disease, and attains the supreme destination.

Verse 37 (padma.1.78.37)

पुनरन्यत्प्रवक्ष्यामि भास्करस्य महात्मनः । रक्ताख्याये रक्तनिभास्सिंदूरारुणविग्रहाः

punaranyatpravakṣyāmi bhāskarasya mahātmanaḥ | raktākhyāye raktanibhāssiṁdūrāruṇavigrahāḥ

I shall now declare further names of great-souled Bhaskara — reddish, vermilion-hued in form—

Verse 38 (padma.1.78.38)

यानि नामानि मुख्यानि तच्छृणुष्व षडानन । तपनस्तापनश्चैव कर्त्ता हर्त्ता ग्रहेश्वरः

yāni nāmāni mukhyāni tacchṛṇuṣva ṣaḍānana | tapanastāpanaścaiva karttā harttā graheśvaraḥ

Hear now, O Six-Faced One, these principal names: Tapana, Tapana, Karta, Harta, Graheshvara,

Verse 39 (padma.1.78.39)

लोकसाक्षी त्रिलोकेषु व्योमाधिपो दिवाकरः । अग्निगर्भो महाविप्रः स्वर्गः सप्ताश्ववाहनः

lokasākṣī trilokeṣu vyomādhipo divākaraḥ | agnigarbho mahāvipraḥ svargaḥ saptāśvavāhanaḥ

Witness of the Worlds in the three worlds, Lord of the Sky, Divakara, Agnigarbha, Mahavipra, Svarga, borne by seven horses,

Verse 40 (padma.1.78.40)

पद्महस्तस्तमोभेदी ऋग्वेदो यजुस्सामगः । कालप्रियं पुंडरीकं मूलस्थानं च भावितम्

padmahastastamobhedī ṛgvedo yajussāmagaḥ | kālapriyaṁ puṁḍarīkaṁ mūlasthānaṁ ca bhāvitam

Padmahasta, Piercer of Darkness, the Rigveda, Yajus, and Samaveda himself, dear to Time, the White Lotus, the root-abode contemplated.

Verse 41 (padma.1.78.41)

यः स्मरेच्च सदा भक्त्या तस्य रोगभयं कुतः । शृणु कार्तिक यत्नेन सर्वपापहरं शुभम्

yaḥ smarecca sadā bhaktyā tasya rogabhayaṁ kutaḥ | śṛṇu kārtika yatnena sarvapāpaharaṁ śubham

Whoever remembers him always with devotion — how could disease or fear touch him? Hear attentively, O Kartikeya, this auspicious sin-remover.

Verse 42 (padma.1.78.42)

न संदेहो मनाक्कार्य आदित्यस्य महामते । ऊँ इंद्राय नमः ऊँ विष्णवे नमः

na saṁdeho manākkārya ādityasya mahāmate | ū~ iṁdrāya namaḥ ū~ viṣṇave namaḥ

Let there be not the slightest doubt in this matter, O wise one, concerning Aditya. Om, homage to Indra! Om, homage to Vishnu!

Verse 43 (padma.1.78.43)

एष जप्यश्च होमश्च संध्योपासनमेव च । सर्वशांतिकरश्चैव सर्वविघ्नविनाशनः

eṣa japyaśca homaśca saṁdhyopāsanameva ca | sarvaśāṁtikaraścaiva sarvavighnavināśanaḥ

This mantra, whether recited, offered in fire-sacrifice, or used in twilight worship, brings universal peace and destroys every obstacle.

Verse 44 (padma.1.78.44)

नाशयेत्सर्वरोगांश्च लूताविस्फोटकादिकान् । कामलादिकरोगांश्च ये रोगाश्चैव दारुणाः

nāśayetsarvarogāṁśca lūtāvisphoṭakādikān | kāmalādikarogāṁśca ye rogāścaiva dāruṇāḥ

It destroys all diseases — spider-poisoning, boils and pustules, jaundice, and other terrible diseases—

Verse 45 (padma.1.78.45)

एकाहिकं त्र्यहिकं च ज्वरं चातुर्थिकं तथा । कुष्ठं रोगं क्षयं रोगं कुक्षिरोगं ज्वरं तथा

ekāhikaṁ tryahikaṁ ca jvaraṁ cāturthikaṁ tathā | kuṣṭhaṁ rogaṁ kṣayaṁ rogaṁ kukṣirogaṁ jvaraṁ tathā

—fever of one day, of three days, and of the fourth-day kind; leprosy, consumption, disease of the belly, and other fevers—

Verse 46 (padma.1.78.46)

अश्मरीमूत्रंकृच्छ्रांश्च नानारोगामयांस्तथा । ये वातप्रभवा रोगा ये रोगा गर्भसंभवाः

aśmarīmūtraṁkṛcchrāṁśca nānārogāmayāṁstathā | ye vātaprabhavā rogā ye rogā garbhasaṁbhavāḥ

—stone-disease, painful urination, and various afflictions; whatever diseases arise from wind-imbalance or from pregnancy—

Verse 47 (padma.1.78.47)

मर्दयन्तो महारोगा मर्दिता वेदनात्मकाः । विलयं यांति ते सर्व आदित्योच्चारणेन तु

mardayanto mahārogā marditā vedanātmakāḥ | vilayaṁ yāṁti te sarva ādityoccāraṇena tu

—crushing great diseases and afflictions of pain — all of these are utterly dissolved simply by the utterance of Aditya's name.

Verse 48 (padma.1.78.48)

रक्ष मां देवदेवेश ग्रहरोगभयेषु च । प्रशमं यांति ते सर्वे कीर्तिते तु दिवाकरे

rakṣa māṁ devadeveśa graharogabhayeṣu ca | praśamaṁ yāṁti te sarve kīrtite tu divākare

'Protect me, O Lord of Gods, from the fear of planetary afflictions and disease.' All these come to rest the moment Divakara is glorified.

Verse 49 (padma.1.78.49)

मूलमंत्रं प्रवक्ष्यामि सर्वकामार्थसाधकम् । भुक्तिमुक्तिप्रदं नित्यं भास्करस्य महात्मनः

mūlamaṁtraṁ pravakṣyāmi sarvakāmārthasādhakam | bhuktimuktipradaṁ nityaṁ bhāskarasya mahātmanaḥ

I shall now declare the root mantra of great-souled Bhaskara, which accomplishes every desire and purpose, bestowing both enjoyment and liberation.

Verse 50 (padma.1.78.50)

मंत्रश्चायं ॐ ह्रां ह्रीं सः सूर्याय नमः । अनेन मंत्रेण सदा सर्वसिद्धिर्भवेद्ध्रुवं

maṁtraścāyaṁ oṁ hrāṁ hrīṁ saḥ sūryāya namaḥ | anena maṁtreṇa sadā sarvasiddhirbhaveddhruvaṁ

The mantra is: Om Hraam Hreem Sah, homage to Surya. By this mantra, surely, every accomplishment is always attained.

Verse 51 (padma.1.78.51)

व्याधयो वै न बाधंते न चानिष्टं भयं भवेत् । सूर्यावर्तोदकं यस्तु गृहीत्वा तु क्रमेण तु

vyādhayo vai na bādhaṁte na cāniṣṭaṁ bhayaṁ bhavet | sūryāvartodakaṁ yastu gṛhītvā tu krameṇa tu

Diseases never afflict him, nor does any dreaded fear arise. Whoever takes the Surya-avarta water, in due order—

Verse 52 (padma.1.78.52)

तस्य प्राशनमात्रेण नरो रोगात्प्रमुच्यते । न दातव्यं न ख्यातव्यं जप्तव्यं च प्रयत्नतः

tasya prāśanamātreṇa naro rogātpramucyate | na dātavyaṁ na khyātavyaṁ japtavyaṁ ca prayatnataḥ

—by merely sipping it, a man is freed of disease. This should not be given away, nor spoken of openly, but recited with careful effort.

Verse 53 (padma.1.78.53)

अभक्तेष्वनपत्येषु पाषण्डलौकिकेषु च । कटुतैलसमायुक्तं नस्ये पाने च दापयेत्

abhakteṣvanapatyeṣu pāṣaṇḍalaukikeṣu ca | kaṭutailasamāyuktaṁ nasye pāne ca dāpayet

For non-devotees, the childless, heretics, or the worldly-minded, one should instead give pungent oil, as nasal drops or a drink.

Verse 54 (padma.1.78.54)

सूर्यावर्तजलं पुत्र सर्वरोगाद्विमुच्यते । मूलमंत्रस्तु जप्तव्यः संध्यायां होमकर्मसु

sūryāvartajalaṁ putra sarvarogādvimucyate | mūlamaṁtrastu japtavyaḥ saṁdhyāyāṁ homakarmasu

By the Surya-avarta water, my son, one is freed from every disease. The root mantra should be recited during twilight worship and fire-rites.

Verse 55 (padma.1.78.55)

जप्यमाने तु नश्यंति रोगाः क्रूरग्रहास्तथा । किमन्यैर्बहुभिः शास्त्रैर्मंत्रैर्वा बहुविस्तरैः

japyamāne tu naśyaṁti rogāḥ krūragrahāstathā | kimanyairbahubhiḥ śāstrairmaṁtrairvā bahuvistaraiḥ

By its recitation, diseases and malefic planetary influences are destroyed alike; what need is there of many other scriptures or elaborate mantras?

Verse 56 (padma.1.78.56)

सर्वशांतिरियं वत्स सर्वार्थप्रतिसाधिका । नास्तिकाय न दातव्या देवब्राह्मणनिंदके

sarvaśāṁtiriyaṁ vatsa sarvārthapratisādhikā | nāstikāya na dātavyā devabrāhmaṇaniṁdake

This is the universal peace-rite, my child, accomplishing every purpose; it must never be given to an atheist or to a reviler of gods and Brahmins.

Verse 57 (padma.1.78.57)

गुरुभक्ताय दातव्या नान्येभ्योपि कदाचन । प्रातरुत्थाय यो नित्यं कीर्तयिष्यति मानवः

gurubhaktāya dātavyā nānyebhyopi kadācana | prātarutthāya yo nityaṁ kīrtayiṣyati mānavaḥ

It should be given only to one devoted to his guru, never to any other. Whatever man rises at dawn and constantly glorifies this—

Verse 58 (padma.1.78.58)

गोघ्नः कृतघ्नकश्चैव मुच्यते सर्वपातकैः । शरीरारोग्यकृच्चैव धनवृद्धियशस्करः

goghnaḥ kṛtaghnakaścaiva mucyate sarvapātakaiḥ | śarīrārogyakṛccaiva dhanavṛddhiyaśaskaraḥ

—even a cow-killer or an ingrate is freed from all sins by it; it grants bodily health and brings increase of wealth and fame.

Verse 59 (padma.1.78.59)

जायते नात्र संदेहो यस्य तुष्येद्दिवाकरः । एककालं द्विकालं वा त्रिकालं नित्यमेव च

jāyate nātra saṁdeho yasya tuṣyeddivākaraḥ | ekakālaṁ dvikālaṁ vā trikālaṁ nityameva ca

There is no doubt of this for one with whom Divakara is pleased. Whether once, twice, or three times a day, constantly—

Verse 60 (padma.1.78.60)

यः पठेद्रविसान्निध्ये सोऽभीष्टं फलमाप्नुयात् । पुत्रार्थी लभते पुत्रं कन्यार्थी कन्यकां लभेत्

yaḥ paṭhedravisānnidhye so'bhīṣṭaṁ phalamāpnuyāt | putrārthī labhate putraṁ kanyārthī kanyakāṁ labhet

—whoever recites this in the Sun's presence obtains his desired fruit; one desiring a son obtains a son, one desiring a daughter obtains a daughter.

Verse 61 (padma.1.78.61)

विद्यार्थी लभते विद्यां धनार्थी लभते धनं । शृणुयात्संयुतो भक्त्या शुद्धाचारसमन्वितः

vidyārthī labhate vidyāṁ dhanārthī labhate dhanaṁ | śṛṇuyātsaṁyuto bhaktyā śuddhācārasamanvitaḥ

One desiring knowledge obtains knowledge, one desiring wealth obtains wealth — provided he listens with devotion and pure conduct.

Verse 62 (padma.1.78.62)

सर्वपापविनिर्मुक्तस्सूर्यलोकं व्रजत्यपि । भास्करस्य व्रते यच्च व्रताचारमखेषु च

sarvapāpavinirmuktassūryalokaṁ vrajatyapi | bhāskarasya vrate yacca vratācāramakheṣu ca

Freed from all sin, he even attains the world of the Sun. Whatever merit is gained in Bhaskara's vow, observances, and sacrifices—

Verse 63 (padma.1.78.63)

पुण्यस्थानेषु तीर्थेषु पठेत्कोटिगुणं भवेत् । ग्रहे भोज्येषु पूजायां ब्रह्मभोज्ये द्विजाग्रतः

puṇyasthāneṣu tīrtheṣu paṭhetkoṭiguṇaṁ bhavet | grahe bhojyeṣu pūjāyāṁ brahmabhojye dvijāgrataḥ

—reciting it in sacred places and holy fords multiplies that merit ten million times; likewise at meals, in worship, before Brahmins—

Verse 64 (padma.1.78.64)

य इदं पठते विप्रस्तस्यानंतफलं भवेत् । तपस्विनां च विप्राणां देवानामग्रतः सुधीः

ya idaṁ paṭhate viprastasyānaṁtaphalaṁ bhavet | tapasvināṁ ca viprāṇāṁ devānāmagrataḥ sudhīḥ

—whatever Brahmin recites this obtains boundless merit; the wise man, before ascetics, Brahmins, and gods—

Verse 65 (padma.1.78.65)

यः पठेत्पाठयेद्वापि सुरलोके महीयते

yaḥ paṭhetpāṭhayedvāpi suraloke mahīyate

—whoever recites it, or causes others to recite it, is glorified in the world of the gods.