The Vow of the Sun's Own Seventh Day

Verse 1 (padma.1.77.1)

वैशंपायन उवाच । प्रभवत्ययमाकाशे नित्यं द्विजवर प्रभो । कोऽयं को वा प्रभावोस्य कुत्र जातो घृणीश्वरः

vaiśaṁpāyana uvāca | prabhavatyayamākāśe nityaṁ dvijavara prabho | ko'yaṁ ko vā prabhāvosya kutra jāto ghṛṇīśvaraḥ

Vaishampayana said: This one shines forth eternally in the sky, O best of Brahmins — who is he? What is his power? Where was this lord of light born?

Verse 2 (padma.1.77.2)

किं करोति हि कार्यं वै यतो रश्मिमयो भृशम् । देवैर्मुनिवरैस्सिद्धैश्चारणैर्दैत्यराक्षसैः

kiṁ karoti hi kāryaṁ vai yato raśmimayo bhṛśam | devairmunivaraissiddhaiścāraṇairdaityarākṣasaiḥ

What deed does he perform, being so intensely made of rays, that gods, the best of sages, Siddhas, Charanas, demons, and rakshasas—

Verse 3 (padma.1.77.3)

निखिलैर्मानुषैः पूज्यः सदैव ब्राह्मणादिभिः । व्यास उवाच । परमं ब्रह्मणस्तेजो ब्रह्मदेहाद्विनिस्सृतम्

nikhilairmānuṣaiḥ pūjyaḥ sadaiva brāhmaṇādibhiḥ | vyāsa uvāca | paramaṁ brahmaṇastejo brahmadehādvinissṛtam

—and all humankind, Brahmins and the rest, ever worship him? Vyasa said: He is the supreme radiance of Brahman, issued forth from Brahman's own body.

Verse 4 (padma.1.77.4)

साक्षाद्ब्रह्ममयं विद्धि धर्मकामार्थमोक्षदम् । मयूखैर्निर्मलैः कूटमतिचंडं सुदुःसहम्

sākṣādbrahmamayaṁ viddhi dharmakāmārthamokṣadam | mayūkhairnirmalaiḥ kūṭamaticaṁḍaṁ suduḥsaham

Know him to be, verily, of the very substance of Brahman, the bestower of dharma, desire, wealth, and liberation; but with his rays gathered, he became exceedingly fierce and unbearable.

Verse 5 (padma.1.77.5)

दृष्ट्वा प्रदुद्रुवुर्लोकाः करैश्चंडैः प्रपीडिताः । ततश्च सागराः सर्वे वरनद्यो नदादयः

dṛṣṭvā pradudruvurlokāḥ karaiścaṁḍaiḥ prapīḍitāḥ | tataśca sāgarāḥ sarve varanadyo nadādayaḥ

Seeing this, all beings fled, tormented by his fierce rays; and then all the oceans, the great rivers, and the streams—

Verse 6 (padma.1.77.6)

शुष्यंति जंतवस्तत्र म्रियंते चातुरा जनाः । अथ शक्रादयो देवा ब्रह्माणं समुपागताः

śuṣyaṁti jaṁtavastatra mriyaṁte cāturā janāḥ | atha śakrādayo devā brahmāṇaṁ samupāgatāḥ

—dried up; creatures there withered, and afflicted people died. Then Shakra and the other gods approached Brahma.

Verse 7 (padma.1.77.7)

इममर्थं तदा प्रोचुर्देवांश्च विधिरब्रवीत् । आदिर्ब्रह्मतनोर्देवाः सत्त्वगो जनकः प्रभुः

imamarthaṁ tadā procurdevāṁśca vidhirabravīt | ādirbrahmatanordevāḥ sattvago janakaḥ prabhuḥ

They told him of this matter, and Vidhi (Brahma) spoke to the gods: 'O gods, I am the origin, born of Brahman's body, moving in sattva, the begetting Lord—'

Verse 8 (padma.1.77.8)

अयं रजोमयः साक्षात्सुधांशुस्तनुमध्यगः । एताभ्यां पालिता लोकास्त्रैलोक्ये सचराचराः

ayaṁ rajomayaḥ sākṣātsudhāṁśustanumadhyagaḥ | etābhyāṁ pālitā lokāstrailokye sacarācarāḥ

'—and this Sun is made of rajas, while the moon dwells in a middle nature; by these two, all the worlds of the three realms are sustained.'

Verse 9 (padma.1.77.9)

दिव्योपपादका देवा ये वात्रैव जरायुजाः । अंडजाः स्वेदजाश्चैव ये वात्रैवोद्भिज्जादयः

divyopapādakā devā ye vātraiva jarāyujāḥ | aṁḍajāḥ svedajāścaiva ye vātraivodbhijjādayaḥ

'The gods born by divine generation, those born from the womb, the egg-born, the sweat-born, and those born from sprouting seeds—'

Verse 10 (padma.1.77.10)

सूर्यस्यास्य प्रभावं तु वक्तुमेव न शक्नुमः । अनेन रक्षिता लोका जनिताः पालिता ध्रुवम्

sūryasyāsya prabhāvaṁ tu vaktumeva na śaknumaḥ | anena rakṣitā lokā janitāḥ pālitā dhruvam

'—we are unable to describe the full power of this Sun; by him the worlds are surely protected, brought into being, and sustained.'

Verse 11 (padma.1.77.11)

अस्यैव सदृशो नास्ति सर्वेषां परिरक्षणात् । यं च दृष्ट्वाप्युषःकाले पापराशिः प्रलीयते

asyaiva sadṛśo nāsti sarveṣāṁ parirakṣaṇāt | yaṁ ca dṛṣṭvāpyuṣaḥkāle pāparāśiḥ pralīyate

'There is none equal to him in protecting all beings; merely by beholding him at dawn, a whole heap of sin melts away.'

Verse 12 (padma.1.77.12)

तमाराध्य जना मोक्षं साधयंति द्विजातयः । संध्योपासनकाले तु विप्रा ब्रह्मविदः किल

tamārādhya janā mokṣaṁ sādhayaṁti dvijātayaḥ | saṁdhyopāsanakāle tu viprā brahmavidaḥ kila

'By worshipping him, the twice-born attain liberation; at the time of the twilight worship, the Brahmins who know Brahman—'

Verse 13 (padma.1.77.13)

उद्बाहवो भवंत्येव ते च देवप्रपूजिताः । अस्यैव मंडलस्थां च देवीं संध्यास्वरूपिणीं

udbāhavo bhavaṁtyeva te ca devaprapūjitāḥ | asyaiva maṁḍalasthāṁ ca devīṁ saṁdhyāsvarūpiṇīṁ

'—raise their arms in worship, and they are honored by the very gods. And the goddess seated within his orb, who is Sandhya (Twilight) herself—'

Verse 14 (padma.1.77.14)

समुपास्य द्विजास्सर्वे लभंते स्वर्गमोक्षकौ । धरायां पतितोच्छिष्टाः पूतास्ते चास्य रश्मिभिः

samupāsya dvijāssarve labhaṁte svargamokṣakau | dharāyāṁ patitocchiṣṭāḥ pūtāste cāsya raśmibhiḥ

'—all the twice-born who worship her attain both heaven and liberation. Even scraps fallen upon the earth are purified by his rays.'

Verse 15 (padma.1.77.15)

संध्योपासनमात्रेण कल्मषात्पूततां व्रजेत् । दृष्ट्वा चांडालकं गोघ्नं पतितं कुष्ठसंगतम्

saṁdhyopāsanamātreṇa kalmaṣātpūtatāṁ vrajet | dṛṣṭvā cāṁḍālakaṁ goghnaṁ patitaṁ kuṣṭhasaṁgatam

'By the mere worship of the twilight, one becomes purified of taint. Even one who has seen a Chandala, a cow-killer, an outcaste, or a leper—'

Verse 16 (padma.1.77.16)

महापातकसंकीर्णमुपपातकसंवृतम् । पश्यंति ये नरास्सूरं ते पूता गुरुकिल्बिषात्

mahāpātakasaṁkīrṇamupapātakasaṁvṛtam | paśyaṁti ye narāssūraṁ te pūtā gurukilbiṣāt

'—one steeped in great sins, enveloped in lesser sins — those who look upon the Sun are purified even from the gravest transgression.'

Verse 17 (padma.1.77.17)

अस्योपासनमात्रेण सर्वरोगात्प्रमुच्यते । नांधत्वं न च दारिद्र्यं दुःखं न च शोच्यताम्

asyopāsanamātreṇa sarvarogātpramucyate | nāṁdhatvaṁ na ca dāridryaṁ duḥkhaṁ na ca śocyatām

'By the mere worship of him, one is freed from every disease; neither blindness, nor poverty, nor sorrow, nor grief befalls one.'

Verse 18 (padma.1.77.18)

लभते च इहामुत्र समुपास्य विरोचनम् । अदृष्टा नैव लोकैश्च देवा हरिहरादयः

labhate ca ihāmutra samupāsya virocanam | adṛṣṭā naiva lokaiśca devā hariharādayaḥ

'And by worshipping Virochana (the Radiant One), one attains good fortune both here and hereafter. The gods, Hari and Hara, are never seen by the world at all—'

Verse 19 (padma.1.77.19)

ध्यानरूपप्रगम्यास्ते दृष्टो देवो ह्ययं स्मृतः । देवा ऊचुः । अस्तु प्रसादनाराध्यश्चास्तूपासनपूजनम्

dhyānarūpapragamyāste dṛṣṭo devo hyayaṁ smṛtaḥ | devā ūcuḥ | astu prasādanārādhyaścāstūpāsanapūjanam

'—they are approached only through meditation; but this god is remembered as one who is actually seen.' The gods said: 'So let him be one propitiated by grace, and let there be worship of him.'

Verse 20 (padma.1.77.20)

अस्यैव दर्शनं ब्रह्मन्प्रलयानलसंमितम् । सर्वे नरादयस्सत्वा मृतावस्थां गता भुवि

asyaiva darśanaṁ brahmanpralayānalasaṁmitam | sarve narādayassatvā mṛtāvasthāṁ gatā bhuvi

'O Brahman, the mere sight of him is like the fire of dissolution; all beings, men and the rest, have fallen upon this earth into a state like death—'

Verse 21 (padma.1.77.21)

अस्य तेजःप्रभावेण प्रणष्टास्सागरादयः । न समर्था वयं सोढुं कथमन्ये पृथग्जनाः

asya tejaḥprabhāveṇa praṇaṣṭāssāgarādayaḥ | na samarthā vayaṁ soḍhuṁ kathamanye pṛthagjanāḥ

'—by the power of his splendor, the very oceans have been destroyed. We ourselves cannot endure it — how then could ordinary beings?'

Verse 22 (padma.1.77.22)

तस्मात्तवप्रसादाच्च पूजयामो यथा रविम् । यजंति च नरा भक्त्या तदुपायो विधीयताम्

tasmāttavaprasādācca pūjayāmo yathā ravim | yajaṁti ca narā bhaktyā tadupāyo vidhīyatām

'Therefore, by your grace, let us worship the Sun properly, and let men too worship him with devotion — devise a means for this.'

Verse 23 (padma.1.77.23)

देवानां वचनं श्रुत्वा गतो ब्रह्मखगेश्वरम् । गत्वा स्तोतुं समारेभे सर्वलोकहिताय वै

devānāṁ vacanaṁ śrutvā gato brahmakhageśvaram | gatvā stotuṁ samārebhe sarvalokahitāya vai

Hearing the words of the gods, Brahma went to the sky-faring Sun; and going there, he began to praise him, for the welfare of all the worlds.

Verse 24 (padma.1.77.24)

देवत्वं सर्वलोकस्य चक्षुर्भूतो निरामयः । ब्रह्मरूपधरः साक्षाद्दुष्प्रेक्ष्यः प्रलयानलः

devatvaṁ sarvalokasya cakṣurbhūto nirāmayaḥ | brahmarūpadharaḥ sākṣādduṣprekṣyaḥ pralayānalaḥ

'You are the very godhead of all the worlds, its eye, free from affliction; you bear the very form of Brahman, impossible to gaze upon, like the fire of dissolution.'

Verse 25 (padma.1.77.25)

सर्वदेवस्थितस्त्वं हि सदा वायुसखस्तनौ । अन्नादिपाचनं त्वत्तो जीवनं च भवेद्ध्रुवम्

sarvadevasthitastvaṁ hi sadā vāyusakhastanau | annādipācanaṁ tvatto jīvanaṁ ca bhaveddhruvam

'You dwell within all the gods; ever the companion of Vayu within the body; from you comes the digestion of food, and surely, life itself.'

Verse 26 (padma.1.77.26)

उत्पत्तिप्रलयौ देव त्वमेको भुवनेश्वरः । त्वदृते सर्वलोकानां दिनैकं नास्ति जीवनम्

utpattipralayau deva tvameko bhuvaneśvaraḥ | tvadṛte sarvalokānāṁ dinaikaṁ nāsti jīvanam

'O God, you alone are both creation and dissolution, lord of the universe; without you, not a single day of life is possible for any world.'

Verse 27 (padma.1.77.27)

प्रभुस्त्वं सर्वलोकानां त्राता गोप्ता पिता प्रसूः । चराचराणां सर्वेषां त्वत्प्रसादाद्धृतं जगत्

prabhustvaṁ sarvalokānāṁ trātā goptā pitā prasūḥ | carācarāṇāṁ sarveṣāṁ tvatprasādāddhṛtaṁ jagat

'You are the lord of all the worlds, their savior, protector, father, and progenitor; by your grace alone is this world, moving and unmoving, sustained.'

Verse 28 (padma.1.77.28)

देवेषु त्वत्समो नास्ति भगवंस्त्वखिलेषु च । सर्वत्र तेऽस्ति सद्भावस्त्वयैव धारितं जगत्

deveṣu tvatsamo nāsti bhagavaṁstvakhileṣu ca | sarvatra te'sti sadbhāvastvayaiva dhāritaṁ jagat

'O Lord, among the gods and among all beings there is none equal to you; your true being pervades everywhere, and by you alone is the world upheld.'

Verse 29 (padma.1.77.29)

रूपगंधादिकारी त्वं रसानां स्वादुता त्वया । एवं विश्वेश्वरः सूरो निखिलस्थितिकारकः

rūpagaṁdhādikārī tvaṁ rasānāṁ svādutā tvayā | evaṁ viśveśvaraḥ sūro nikhilasthitikārakaḥ

'You are the maker of form and fragrance; the very savor of all tastes is by you. Thus the Sun, lord of the universe, sustains all existence.'

Verse 30 (padma.1.77.30)

तीर्थानां पुण्यक्षेत्राणां मखानां जगतः प्रभो । त्वमेकः प्रयतो हेतुस्सर्वसाक्षी गुणाकरः

tīrthānāṁ puṇyakṣetrāṇāṁ makhānāṁ jagataḥ prabho | tvamekaḥ prayato hetussarvasākṣī guṇākaraḥ

'O Lord of the world, you alone, ever pure, are the cause of all sacred fords, holy places, and sacrifices — witness of all, the mine of all virtues.'

Verse 31 (padma.1.77.31)

सर्वज्ञः सर्वकर्ता च हर्ता पाता सदोत्सुकः । ध्वांतपंकामयघ्नश्च दारिद्र्यदुःखनाशनः

sarvajñaḥ sarvakartā ca hartā pātā sadotsukaḥ | dhvāṁtapaṁkāmayaghnaśca dāridryaduḥkhanāśanaḥ

'All-knowing, the doer of all, destroyer and protector, ever eager to bless; the destroyer of darkness, defilement, and disease; the destroyer of poverty and sorrow.'

Verse 32 (padma.1.77.32)

प्रेत्येह च परो बंधुः सर्वज्ञः सर्वलोचनः । त्वदृते सर्वलोकानामुपकारी न विद्यते

pretyeha ca paro baṁdhuḥ sarvajñaḥ sarvalocanaḥ | tvadṛte sarvalokānāmupakārī na vidyate

'Both in this world and the next, you are the truest kinsman, all-knowing, the eye of all; without you there is no true benefactor for the worlds.'

Verse 33 (padma.1.77.33)

आदित्य उवाच । पितामह महाप्राज्ञ विश्वेंद्र विश्वभावक । ब्रूहि शीघ्रं परं यत्ते करिष्यामि मतं विधे

āditya uvāca | pitāmaha mahāprājña viśveṁdra viśvabhāvaka | brūhi śīghraṁ paraṁ yatte kariṣyāmi mataṁ vidhe

Aditya said: 'O Grandsire of great wisdom, lord of the universe, creator of the universe — tell me quickly your wish, O Vidhi, and I shall do as you think fit.'

Verse 34 (padma.1.77.34)

ब्रह्मोवाच । मयूखस्त्वतिचंडश्च लोकानामतिदुःसहः । यथैव मृदुतामेति तथा कुरु सुरेश्वर

brahmovāca | mayūkhastvaticaṁḍaśca lokānāmatiduḥsahaḥ | yathaiva mṛdutāmeti tathā kuru sureśvara

Brahma said: 'Your rays are exceedingly fierce, unbearable to the worlds — do, O lord of gods, whatever will make them gentle.'

Verse 35 (padma.1.77.35)

आदित्य उवाच । किरणाः कोटिकोटिर्मे लोकनाशकराः पराः । न चाभीष्टकरा लोके प्रयोगाच्छिन्धि तान्प्रभो

āditya uvāca | kiraṇāḥ koṭikoṭirme lokanāśakarāḥ parāḥ | na cābhīṣṭakarā loke prayogācchindhi tānprabho

Aditya said: 'Tens of millions upon millions of my rays bring destruction and no benefit to the worlds — cut them away, O Lord, through some method.'

Verse 36 (padma.1.77.36)

ततो विरिंचिना तूर्णं रविवाक्यवशाद्ध्रुवं । आहूय विश्वकर्माणं कृत्वा वज्रमयीं भ्रमि

tato viriṁcinā tūrṇaṁ ravivākyavaśāddhruvaṁ | āhūya viśvakarmāṇaṁ kṛtvā vajramayīṁ bhrami

Then Virinchi (Brahma), swiftly, at the Sun's own request, summoned Vishvakarma; having made an adamantine grindstone—

Verse 37 (padma.1.77.37)

चिच्छेद च रवेर्भानून्प्रलयानलसन्निभान् । तैरेव रचितं तत्र विष्णोश्चक्रं सुदर्शनम्

ciccheda ca raverbhānūnpralayānalasannibhān | taireva racitaṁ tatra viṣṇoścakraṁ sudarśanam

—he cut away the Sun's own rays, which blazed like the fire of dissolution; and from those rays, Vishnu's discus Sudarshana was fashioned.

Verse 38 (padma.1.77.38)

अमोघं यमदंडं च शूलं पशुपतेस्तथा । कालस्य च परः खड्गश्शक्तिर्गुरुप्रमोदिनी

amoghaṁ yamadaṁḍaṁ ca śūlaṁ paśupatestathā | kālasya ca paraḥ khaḍgaśśaktirgurupramodinī

The unfailing staff of Yama, and likewise the trident of Pashupati; the supreme sword of Kala, and the spear dear to Guru (Skanda)—

Verse 39 (padma.1.77.39)

चंडिकायाः परं शस्त्रं विचित्रं शूलकं तथा । चक्रे ब्रह्माज्ञया शीघ्रं तेनैव विश्वकर्मणा

caṁḍikāyāḥ paraṁ śastraṁ vicitraṁ śūlakaṁ tathā | cakre brahmājñayā śīghraṁ tenaiva viśvakarmaṇā

—and Chandika's supreme weapon, likewise her wondrous trident — all these Vishvakarma himself swiftly fashioned, at Brahma's command.

Verse 40 (padma.1.77.40)

सहस्रकिरणं शिष्टमन्यच्चैव प्रशातितम् । अजनोपायभावेन पुनश्च कश्यपान्मुने

sahasrakiraṇaṁ śiṣṭamanyaccaiva praśātitam | ajanopāyabhāvena punaśca kaśyapānmune

What remained of the thousand rays, after the rest was pared away, was later, by the natural way of birth, born again from the sage Kashyapa—

Verse 41 (padma.1.77.41)

अदितेर्गर्भसंजात आदित्य इति वै स्मृतः । अयं चरति विश्वांते मेरुशृंगं भ्रमत्यपि

aditergarbhasaṁjāta āditya iti vai smṛtaḥ | ayaṁ carati viśvāṁte meruśṛṁgaṁ bhramatyapi

—born from Aditi's womb, and thus he is remembered as Aditya. He moves at the edge of the universe, and also circles the peak of Mount Meru.

Verse 42 (padma.1.77.42)

सदोर्ध्वं दिनरात्रं च धरण्या लक्षयोजने । ग्रहाश्चंद्रादयस्तत्र चरंति विधिनोदिताः

sadordhvaṁ dinarātraṁ ca dharaṇyā lakṣayojane | grahāścaṁdrādayastatra caraṁti vidhinoditāḥ

Ever above, through day and night, at a hundred thousand yojanas from the earth, the Moon and other planets move as ordained.

Verse 43 (padma.1.77.43)

सूरः संचरते मासान्द्वादशद्वादशात्मकः । संक्रमादस्य संक्रांतिः सर्वैरेव प्रतीयते

sūraḥ saṁcarate māsāndvādaśadvādaśātmakaḥ | saṁkramādasya saṁkrāṁtiḥ sarvaireva pratīyate

The Sun moves through the twelve months, being of twelve-fold nature himself; from his transit comes what all recognize as the Sankranti.

Verse 44 (padma.1.77.44)

तासु यद्वा फलं ब्रूमो लोकानां निखिलं मुने । धनुर्मिथुनमीनेषु कन्यायां षडशीतयः

tāsu yadvā phalaṁ brūmo lokānāṁ nikhilaṁ mune | dhanurmithunamīneṣu kanyāyāṁ ṣaḍaśītayaḥ

O sage, the merit for these transits: in Sagittarius, Gemini, Pisces, and Virgo, the merit is called Shadashiti.

Verse 45 (padma.1.77.45)

वृषवृश्चिककुंभेषु सिंहे विष्णुपदी स्मृता । तर्पणं चाक्षयं विद्धि दानं देवार्चनं तथा

vṛṣavṛścikakuṁbheṣu siṁhe viṣṇupadī smṛtā | tarpaṇaṁ cākṣayaṁ viddhi dānaṁ devārcanaṁ tathā

In Taurus, Scorpio, Aquarius, and Leo, it is called Vishnupadi; know that the tarpana, gifts, and worship made then are imperishable.

Verse 46 (padma.1.77.46)

षडशीतिसहस्राणि षडशीतौ फलं भवेत् । विष्णुपद्यां तु लक्षं तु अयने कोटिकोटकं

ṣaḍaśītisahasrāṇi ṣaḍaśītau phalaṁ bhavet | viṣṇupadyāṁ tu lakṣaṁ tu ayane koṭikoṭakaṁ

In the Shadashiti transit, the merit equals eighty-six thousandfold; in Vishnupadi, a hundred thousandfold; and at the solstice, tens of millions upon millions.

Verse 47 (padma.1.77.47)

विष्णुपद्यां तु यद्दानमक्षयं परिकीर्तितं । दातुर्वदामि सान्निध्यं सदा जन्मनिजन्मनि

viṣṇupadyāṁ tu yaddānamakṣayaṁ parikīrtitaṁ | dāturvadāmi sānnidhyaṁ sadā janmanijanmani

Whatever gift is given at the Vishnupadi transit is declared imperishable; I say the giver's presence with him remains, birth after birth.

Verse 48 (padma.1.77.48)

शीते तूलपटीदानान्न दुःखं जायते तनौ । तुलादाने तल्पदाने द्वयोरेवाक्षयं फलं

śīte tūlapaṭīdānānna duḥkhaṁ jāyate tanau | tulādāne talpadāne dvayorevākṣayaṁ phalaṁ

By the gift of a cotton quilt in the cold season, no suffering befalls the body; the gift of one's weight in gold and the gift of a bed both bear imperishable merit.

Verse 49 (padma.1.77.49)

सर्वोपकरणां शय्यां यो ददाति विमत्सरः । वर्णमुख्याय विप्राय स राजपदवीं लभेत्

sarvopakaraṇāṁ śayyāṁ yo dadāti vimatsaraḥ | varṇamukhyāya viprāya sa rājapadavīṁ labhet

Whoever, free of envy, gives a bed complete with its furnishings to a foremost Brahmin, attains the rank of a king.

Verse 50 (padma.1.77.50)

तथैवाग्निं जलं दत्वा नदीतीरे पथिप्रगे । दत्वा च तैलतांबूलमूर्व्या अधिपतिर्भवेत्

tathaivāgniṁ jalaṁ datvā nadītīre pathiprage | datvā ca tailatāṁbūlamūrvyā adhipatirbhavet

Likewise, one who provides fire and water at a riverbank for travelers, and gives oil and betel, becomes lord of the earth.

Verse 51 (padma.1.77.51)

सत्यभावाद्द्विजं नत्वा धनी चाक्षयतां व्रजेत् । माघे मास्यसिते पक्षे पंचदश्यामहर्मुखे

satyabhāvāddvijaṁ natvā dhanī cākṣayatāṁ vrajet | māghe māsyasite pakṣe paṁcadaśyāmaharmukhe

By bowing to a Brahmin with a truthful heart, a wealthy man attains inexhaustible merit; in Magha's dark fortnight, on the fifteenth, at dawn—

Verse 52 (padma.1.77.52)

पितॄंस्तिलजलैरेव तर्पयित्वाक्षयो दिवि । सुलक्षणां च गां दत्वा हेमशृंगां मणिप्रभाम्

pitṝṁstilajalaireva tarpayitvākṣayo divi | sulakṣaṇāṁ ca gāṁ datvā hemaśṛṁgāṁ maṇiprabhām

—by offering the ancestors water mixed with sesame, one gains imperishable merit in heaven; and by giving a well-marked cow with golden horns, radiant with jewels—

Verse 53 (padma.1.77.53)

रौप्यखुरप्रदेशां च तथा कांस्यसुदोहनाम् । एतां दत्वा द्विजाग्र्याय सार्वभौमो भवेन्नृपः

raupyakhurapradeśāṁ ca tathā kāṁsyasudohanām | etāṁ datvā dvijāgryāya sārvabhaumo bhavennṛpaḥ

—with silver-plated hooves, and a fine bronze milking-pail, given to a foremost Brahmin, a king becomes sovereign of the whole earth.

Verse 54 (padma.1.77.54)

दत्वान्नाभरणं राजा मंडलेशो धनीश्वरः । तिलधेनुं तु यो दद्यात्सर्वोपस्करणान्विताम्

datvānnābharaṇaṁ rājā maṁḍaleśo dhanīśvaraḥ | tiladhenuṁ tu yo dadyātsarvopaskaraṇānvitām

By giving food and ornaments, a king becomes a regional lord and lord of wealth. Whoever gives a cow of sesame seed with all its accessories—

Verse 55 (padma.1.77.55)

सप्तजन्मार्जितात्पापान्मुक्तो नाकेऽक्षयो भवेत् । भोज्यान्नं ब्राह्मणे दत्वा अक्षयं स्वर्गमश्नुते

saptajanmārjitātpāpānmukto nāke'kṣayo bhavet | bhojyānnaṁ brāhmaṇe datvā akṣayaṁ svargamaśnute

—is freed from the sins of seven births and becomes imperishable in heaven; by giving food to a Brahmin, one obtains imperishable heaven.

Verse 56 (padma.1.77.56)

धान्यं वस्त्रं तथा भृत्यं गृहपीठादिकं च यत् । यो ददाति द्विजाग्र्याय तं च लक्ष्मीर्न मुंचति

dhānyaṁ vastraṁ tathā bhṛtyaṁ gṛhapīṭhādikaṁ ca yat | yo dadāti dvijāgryāya taṁ ca lakṣmīrna muṁcati

Whoever gives grain, clothing, a servant, a house and seat, to a foremost Brahmin — Lakshmi never abandons him.

Verse 57 (padma.1.77.57)

यत्किंचिद्दीयते दानं स्वल्पं वा यदि वा बहु । अक्षयं परलोकेषु युगाद्यासु तथैव च

yatkiṁciddīyate dānaṁ svalpaṁ vā yadi vā bahu | akṣayaṁ paralokeṣu yugādyāsu tathaiva ca

Whatever gift is given, whether small or great, becomes imperishable in the worlds beyond, and on the first days of the yugas.

Verse 58 (padma.1.77.58)

यद्वा देवार्चनं स्तोत्रं धर्माख्यानप्रतिश्रवः । पुनाति सर्वपापेभ्यो दिवि पूज्यो भवत्यसौ

yadvā devārcanaṁ stotraṁ dharmākhyānapratiśravaḥ | punāti sarvapāpebhyo divi pūjyo bhavatyasau

Or worship of the gods, hymns, and listening to discourses on dharma, purify one of all sin, and one becomes honored in heaven.

Verse 59 (padma.1.77.59)

तृतीया माघमासस्य सिता मन्वंतरा स्मृता । तस्यां यद्दीयते दानं सर्वमक्षयमुच्यते

tṛtīyā māghamāsasya sitā manvaṁtarā smṛtā | tasyāṁ yaddīyate dānaṁ sarvamakṣayamucyate

The third day of Magha's bright half is deemed equal to a Manvantara; whatever gift is given that day is said to be wholly imperishable.

Verse 60 (padma.1.77.60)

धनं भोग्यं तथा राज्यं नाकं कल्पांतरस्थितम् । तस्माद्दानं सतां पूजा प्रेत्यानंतफलप्रदा

dhanaṁ bhogyaṁ tathā rājyaṁ nākaṁ kalpāṁtarasthitam | tasmāddānaṁ satāṁ pūjā pretyānaṁtaphalapradā

Such a gift bestows wealth, enjoyment, sovereignty, and heaven that endures beyond the kalpa; giving is the worship of the virtuous, bearing endless fruit.

Verse 61 (padma.1.77.61)

मन्वंतरा तु माघे स्यात्सप्तमी या शितीतरा । तिथिः पुण्यतमा प्रोक्ता पुराणैरभिरक्षिता

manvaṁtarā tu māghe syātsaptamī yā śitītarā | tithiḥ puṇyatamā proktā purāṇairabhirakṣitā

But the seventh day of Magha's bright half is equal to a Manvantara — this tithi is declared most sacred, safeguarded by the Puranas.

Verse 62 (padma.1.77.62)

माघमासे सिते पक्षे सप्तमी कोटिभास्करा । तामुपोष्य नरः पुण्यां मुच्यते नात्र संशयः

māghamāse site pakṣe saptamī koṭibhāskarā | tāmupoṣya naraḥ puṇyāṁ mucyate nātra saṁśayaḥ

In Magha's bright fortnight, the seventh day equals ten million suns; by fasting on that sacred day, a man is freed — there is no doubt.

Verse 63 (padma.1.77.63)

सूर्यग्रहणतुल्या हि शुक्ला माघस्य सप्तमी । अरुणोदयवेलायां तस्यां स्नानं महाफलम्

sūryagrahaṇatulyā hi śuklā māghasya saptamī | aruṇodayavelāyāṁ tasyāṁ snānaṁ mahāphalam

The bright seventh of Magha is equal to a solar eclipse; bathing at the hour of dawn's red glow on that day bears great merit.

Verse 64 (padma.1.77.64)

यच्च तत्र कृतं पापं मया सप्तसु जन्मसु । तन्मे रोगं च शोकं च भास्करी हंतु सप्तमी

yacca tatra kṛtaṁ pāpaṁ mayā saptasu janmasu | tanme rogaṁ ca śokaṁ ca bhāskarī haṁtu saptamī

'Whatever sin I have committed in seven births — may the Sun's Saptami destroy that, and my disease and my sorrow.'

Verse 65 (padma.1.77.65)

जननी सर्वभूतानां सप्तमी सप्तसप्तिके । सप्तम्यामुदिते देवि नमस्ते रविमंडले

jananī sarvabhūtānāṁ saptamī saptasaptike | saptamyāmudite devi namaste ravimaṁḍale

'O Saptami, mother of all beings, of the seven-horsed Sun; O Goddess risen on the seventh day within the Sun's orb, homage to you!'

Verse 66 (padma.1.77.66)

अर्कपत्रं यवाः पुष्पं सुगंधं बदरीफलम् । तत्पत्रे ताम्रपात्रे वा युक्तमानीय तण्डुलम्

arkapatraṁ yavāḥ puṣpaṁ sugaṁdhaṁ badarīphalam | tatpatre tāmrapātre vā yuktamānīya taṇḍulam

With arka-leaves, barley, fragrant flowers, and jujube fruit — bringing rice properly prepared on that leaf, or in a copper vessel—

Verse 67 (padma.1.77.67)

यज्ञसूत्रं ससिंदूरं दत्वा चार्घं सुशोभनम् । सर्वपापं क्षयं याति सप्तजन्मकृतं च यत्

yajñasūtraṁ sasiṁdūraṁ datvā cārghaṁ suśobhanam | sarvapāpaṁ kṣayaṁ yāti saptajanmakṛtaṁ ca yat

—and offering a sacred thread smeared with vermilion, along with a beautiful arghya, all sin, even that of seven births, is destroyed.

Verse 68 (padma.1.77.68)

नरकैः पीड्यते तावद्रोगैः पापैश्च दुःखदैः । हविष्यं भोजयेदन्नं शुद्धमातपतंडुलैः

narakaiḥ pīḍyate tāvadrogaiḥ pāpaiśca duḥkhadaiḥ | haviṣyaṁ bhojayedannaṁ śuddhamātapataṁḍulaiḥ

Without this, one is tormented by hells, diseases, and sorrow-bringing sins; therefore one should eat sanctified food of pure sun-dried rice.

Verse 69 (padma.1.77.69)

वर्जयेच्च शिलाघृष्टं शृंगबेरं तु शाककम् । कोरदूषकपत्रं च रंभाच्छागीघृतं तथा

varjayecca śilāghṛṣṭaṁ śṛṁgaberaṁ tu śākakam | koradūṣakapatraṁ ca raṁbhācchāgīghṛtaṁ tathā

One should avoid what is ground on stone, ginger, ordinary vegetables, koradusha-greens, plantain, and goat's ghee.

Verse 70 (padma.1.77.70)

केशकीटादिकं वर्ज्यमुष्णोदस्नानमेव च । अल्पबीजादिकं सर्वं व्रते सूरस्य वर्जयेत्

keśakīṭādikaṁ varjyamuṣṇodasnānameva ca | alpabījādikaṁ sarvaṁ vrate sūrasya varjayet

One should avoid food touched by hair or insects, and bathing in warm water; in the Sun's vow, avoid all things with small seeds.

Verse 71 (padma.1.77.71)

अन्यच्च नाचरेत्तत्र धर्मचिंतां विना व्रती । सौरव्रतं महापुण्यं पुराणैरभिनंदितम्

anyacca nācarettatra dharmaciṁtāṁ vinā vratī | sauravrataṁ mahāpuṇyaṁ purāṇairabhinaṁditam

The votary should do nothing else there but think of dharma; the Sun's vow is of great merit, praised in the Puranas.

Verse 72 (padma.1.77.72)

वर्षकोटिसहस्राणि वर्षकोटिशतानि च । आदित्यस्य समं भोग्यं लभते दिवि शाश्वतम्

varṣakoṭisahasrāṇi varṣakoṭiśatāni ca | ādityasya samaṁ bhogyaṁ labhate divi śāśvatam

For thousands upon thousands of millions of years, one obtains eternal enjoyment in heaven, equal to that of the Sun himself.

Verse 73 (padma.1.77.73)

एवं स्वर्गक्षयादेव राजा भूमौ महाधनी । मर्त्यलोके पुराभ्यासात्करोति भास्करव्रतम्

evaṁ svargakṣayādeva rājā bhūmau mahādhanī | martyaloke purābhyāsātkaroti bhāskaravratam

Thus, when the merit of heaven is exhausted, such a soul is born a great, wealthy king on earth, performing the Sun's vow out of past habit.

Verse 74 (padma.1.77.74)

तथा स्वयं सुखं भोग्यं लभते दिवि शाश्वतम् । आरोग्यं संपदं जन्मी भास्करस्य प्रसादतः

tathā svayaṁ sukhaṁ bhogyaṁ labhate divi śāśvatam | ārogyaṁ saṁpadaṁ janmī bhāskarasya prasādataḥ

Thus he obtains eternal happiness in heaven; and, born again, health and prosperity too, by Bhaskara's grace.

Verse 75 (padma.1.77.75)

रविवारे भवेद्या च सप्तमी माघशुक्लके । महाजयेति विख्याता अन्यत्र विजया स्मृता

ravivāre bhavedyā ca saptamī māghaśuklake | mahājayeti vikhyātā anyatra vijayā smṛtā

When the seventh day of Magha's bright fortnight falls on a Sunday, it is called Maha-jaya; otherwise it is called Vijaya.

Verse 76 (padma.1.77.76)

विजया कोटिलक्षं स्यादनंतं स्यान्महाजया । तत्रैकेन व्रतेनैव मुच्यते जन्मबंधनात्

vijayā koṭilakṣaṁ syādanaṁtaṁ syānmahājayā | tatraikena vratenaiva mucyate janmabaṁdhanāt

Vijaya's merit equals ten million times a hundred thousand; Maha-jaya's is boundless. By even a single such vow, one is freed from rebirth's bondage.

Verse 77 (padma.1.77.77)

अश्वरत्नं सुवर्णं च रक्तवस्त्रं च धान्यकम् । ददाति भास्कर प्रीत्या स्वर्ग मर्त्यपतिः क्रमात्

aśvaratnaṁ suvarṇaṁ ca raktavastraṁ ca dhānyakam | dadāti bhāskara prītyā svarga martyapatiḥ kramāt

Giving a jewel-like horse, gold, red cloth, and grain, out of love for Bhaskara, a lord of men attains heaven in due course.

Verse 78 (padma.1.77.78)

एषां भेदं प्रवक्ष्यमि शृणु विप्र यथार्थवत् । उत्तमाभरणैर्युक्तं सद्वाहं यो ददाति ह

eṣāṁ bhedaṁ pravakṣyami śṛṇu vipra yathārthavat | uttamābharaṇairyuktaṁ sadvāhaṁ yo dadāti ha

I shall describe the distinctions among these gifts truly; hear, O Brahmin. Whoever gives a fine steed adorned with excellent ornaments—

Verse 79 (padma.1.77.79)

समुद्रैस्सप्तभिर्जुष्टां भूमिमेत्यारिवर्जिताम् । लभेद्भवांतरे मर्त्यमेकेनैकाधिपो भवेत्

samudraissaptabhirjuṣṭāṁ bhūmimetyārivarjitām | labhedbhavāṁtare martyamekenaikādhipo bhavet

—attains, in another life, an earth girded by the seven seas and free of enemies; by this single gift, a mortal becomes sole sovereign.

Verse 80 (padma.1.77.80)

अश्वहीनं च पत्रांगं वृषभैर्वाप्यलंकृतम् । हेममाषं द्विमाषं वा दक्षिणा विहिता बुधैः

aśvahīnaṁ ca patrāṁgaṁ vṛṣabhairvāpyalaṁkṛtam | hemamāṣaṁ dvimāṣaṁ vā dakṣiṇā vihitā budhaiḥ

For a vehicle without a horse, or one adorned with bulls, the wise prescribe a fee of one or two masha-weights of gold.

Verse 81 (padma.1.77.81)

रत्नभांडं महार्थं च हैमैरेव कृतं च यत् । स्वर्णं वा केवलं दत्वा त्रिविष्टपधनेश्वरः

ratnabhāṁḍaṁ mahārthaṁ ca haimaireva kṛtaṁ ca yat | svarṇaṁ vā kevalaṁ datvā triviṣṭapadhaneśvaraḥ

By giving a jewel-vessel of great value, made entirely of gold, or gold alone, one becomes a lord of wealth in heaven.

Verse 82 (padma.1.77.82)

रक्तवस्त्रं च धान्यं च शक्तितो यः प्रयच्छति । स्वर्गोर्व्योरीशतामेति न तं लक्ष्मीर्विमुंचति

raktavastraṁ ca dhānyaṁ ca śaktito yaḥ prayacchati | svargorvyorīśatāmeti na taṁ lakṣmīrvimuṁcati

Whoever gives red cloth and grain according to his means attains lordship both in heaven and on earth; Lakshmi never forsakes him.

Verse 83 (padma.1.77.83)

अरोगी सुप्रसन्नात्मा दस्युजेता प्रतापवान् । यावत्प्रभासते भानुस्तावत्पूज्यतमो हि सः

arogī suprasannātmā dasyujetā pratāpavān | yāvatprabhāsate bhānustāvatpūjyatamo hi saḥ

He becomes free of disease, joyful-hearted, a conqueror of robbers, powerful; for as long as the sun shines, he remains the most venerated of men.

Verse 84 (padma.1.77.84)

माघादौ द्वादशींमायां सप्तमीं कारयेत्स तु । इहाभीष्टफलं भुक्त्वा सुरैश्चैव प्रपूज्यते

māghādau dvādaśīṁmāyāṁ saptamīṁ kārayetsa tu | ihābhīṣṭaphalaṁ bhuktvā suraiścaiva prapūjyate

At the start of Magha, from the twelfth to the seventh, this vow should be performed; having enjoyed his desired fruit here, he is honored even by the gods.

Verse 85 (padma.1.77.85)

अर्काङ्गसप्तमी व्रतं कृत्वा च विधिवद्बुधः । पापात्पूत इहाभीष्टं संप्राप्य मुक्तिमाप्नुयात्

arkāṅgasaptamī vrataṁ kṛtvā ca vidhivadbudhaḥ | pāpātpūta ihābhīṣṭaṁ saṁprāpya muktimāpnuyāt

Having thus performed, in due order, the vow of Arkanga-saptami, the wise man, purified of sin, having attained his desire, obtains liberation.

Verse 86 (padma.1.77.86)

लक्षणं च प्रवक्ष्यामि मासि मासि च यो विधिः । व्रतस्यास्य प्रसादाच्च सुराणामर्चितो दिवि

lakṣaṇaṁ ca pravakṣyāmi māsi māsi ca yo vidhiḥ | vratasyāsya prasādācca surāṇāmarcito divi

I shall now describe its characteristic and the monthly procedure; by this vow's grace, one becomes worshipped even by the gods in heaven.

Verse 87 (padma.1.77.87)

शुक्लपक्षे रविदिने प्रवृत्ते चोत्तरायणे । पुंनामधेयनक्षत्रे गृह्णीयात्सप्तमीव्रतम्

śuklapakṣe ravidine pravṛtte cottarāyaṇe | puṁnāmadheyanakṣatre gṛhṇīyātsaptamīvratam

In the bright fortnight, on a Sunday, when Uttarayana has begun, and under a nakshatra of masculine name, one should undertake this vow.

Verse 88 (padma.1.77.88)

हस्तो मैत्रं तथा पुष्यः श्रवो मृग पुनर्वसु । पुंनामधेय नक्षत्राण्येतान्याहुर्मनीषिणः

hasto maitraṁ tathā puṣyaḥ śravo mṛga punarvasu | puṁnāmadheya nakṣatrāṇyetānyāhurmanīṣiṇaḥ

Hasta, Anuradha, Pushya, Shravana, Mrigashira, and Punarvasu — these the wise declare to be the nakshatras of masculine name.

Verse 89 (padma.1.77.89)

पंचम्यामेकभक्तं तु षष्ठ्यां नक्तं प्रकीर्तितम् । सप्तम्यामुपवासं च अष्टम्यां पारणं भवेत्

paṁcamyāmekabhaktaṁ tu ṣaṣṭhyāṁ naktaṁ prakīrtitam | saptamyāmupavāsaṁ ca aṣṭamyāṁ pāraṇaṁ bhavet

On the fifth day, a single meal is prescribed; on the sixth, a meal at night; on the seventh, fasting; and on the eighth, the breaking of the fast.

Verse 90 (padma.1.77.90)

अर्काग्रं शुचिगोमयं सुमरिचं तोयं फलं चाश्नुते । मूलं नक्तमुपोषणं च विधिवत्कृत्वैकभक्तं तथा । क्षीरं वाप्यशनं घृताक्तमिति च प्रोक्ताः क्रमेणामुना । कृत्वा वासरसप्तमीं दिनकृतः प्राप्नोत्यभीष्टं फलं

arkāgraṁ śucigomayaṁ sumaricaṁ toyaṁ phalaṁ cāśnute | mūlaṁ naktamupoṣaṇaṁ ca vidhivatkṛtvaikabhaktaṁ tathā | kṣīraṁ vāpyaśanaṁ ghṛtāktamiti ca proktāḥ krameṇāmunā | kṛtvā vāsarasaptamīṁ dinakṛtaḥ prāpnotyabhīṣṭaṁ phalaṁ

In order: the tip of the arka leaf, then pure cow-dung with fine pepper and water, then fruit, then a root taken at night as a single meal, then milk or ghee-anointed food — thus prescribed in sequence. One who observes the Saptami day by day in this way obtains his desired fruit.

Verse 91 (padma.1.77.91)

अर्काग्रं ग्रामात्पूर्वोत्तरदिग्गतार्कविटपस्य शाखाग्रस्थितं । विशिष्टं सूक्ष्मपत्रद्वयं सतोयं दन्तैरस्पृष्टं पातव्यं । शुचिगोमयं भूमावपतितं मद्याङ्गुष्ठाभ्यां पलमात्रं दन्तैरस्पृष्टं सतोयं पातव्यम् । सुमरिचमव्रणमपुरातनं स्थूलमवशुष्कमेकं दन्तैरस्पृष्टं सतोयं पातव्यम् । तोयं ब्रह्मपित्रङ्गुलीमूलप्रसरं पातव्यम्फलं खर्जूरनारिकेलानामन्यतमं दंतैरस्पृष्टं पातव्यं घृताक्तमिति चाहारं मयूरडिंभपरिमाणं । घृतमपि तत्परिमाणम्

arkāgraṁ grāmātpūrvottaradiggatārkaviṭapasya śākhāgrasthitaṁ | viśiṣṭaṁ sūkṣmapatradvayaṁ satoyaṁ dantairaspṛṣṭaṁ pātavyaṁ | śucigomayaṁ bhūmāvapatitaṁ madyāṅguṣṭhābhyāṁ palamātraṁ dantairaspṛṣṭaṁ satoyaṁ pātavyam | sumaricamavraṇamapurātanaṁ sthūlamavaśuṣkamekaṁ dantairaspṛṣṭaṁ satoyaṁ pātavyam | toyaṁ brahmapitraṅgulīmūlaprasaraṁ pātavyamphalaṁ kharjūranārikelānāmanyatamaṁ daṁtairaspṛṣṭaṁ pātavyaṁ ghṛtāktamiti cāhāraṁ mayūraḍiṁbhaparimāṇaṁ | ghṛtamapi tatparimāṇam

The arka-tip: from a branch of the arka tree standing north-east of the village, two fine leaves from the tip, untouched by the teeth, drunk with water. Pure cow-dung: fallen to the ground, taken with thumb and middle finger, about a palm's measure, untouched by the teeth, drunk with water. Fine pepper: unblemished, not old, plump and well-dried, a single one, untouched by the teeth, drunk with water. Water: in the measure spanning the base of the thumb. Fruit: date or coconut, untouched by the teeth. Ghee-anointed food: the size of a peacock's egg — the ghee likewise.

Verse 92 (padma.1.77.92)

आत्मनो द्विगुणां छायां यदा कुर्वीत भास्करः । तदा नक्तं विजानीयान्न नक्तं निशिभोजनं

ātmano dviguṇāṁ chāyāṁ yadā kurvīta bhāskaraḥ | tadā naktaṁ vijānīyānna naktaṁ niśibhojanaṁ

When the sun causes one's own shadow to become twice one's height, that is when the 'nakta' meal should be understood — nakta does not mean eating at actual night.

Verse 93 (padma.1.77.93)

प्रथमं पूजयेद्देवं फलपुष्पादिमंत्रकैः । अन्नदानं ततः कुर्याद्विध्युक्तपरिमाणकं

prathamaṁ pūjayeddevaṁ phalapuṣpādimaṁtrakaiḥ | annadānaṁ tataḥ kuryādvidhyuktaparimāṇakaṁ

First one should worship the god with fruits, flowers, and mantras; then give food, in the measure enjoined by the rite.

Verse 94 (padma.1.77.94)

ततो ध्यानम् । सर्वलक्षणसंपूर्णं सर्वाभरणभूषितं । द्विभुजं रक्तवर्णं च रक्तपंकजधृत्करं

tato dhyānam | sarvalakṣaṇasaṁpūrṇaṁ sarvābharaṇabhūṣitaṁ | dvibhujaṁ raktavarṇaṁ ca raktapaṁkajadhṛtkaraṁ

Then the meditation: 'Complete with every auspicious mark, adorned with every ornament, two-armed, red in hue, holding a red lotus—'

Verse 95 (padma.1.77.95)

तेजोबिंबं बहुजलमध्यस्थं सपरिच्छदं । पद्मासनगतं देवं रक्तगंधानुलेपनं

tejobiṁbaṁ bahujalamadhyasthaṁ saparicchadaṁ | padmāsanagataṁ devaṁ raktagaṁdhānulepanaṁ

'—a disc of radiance, standing amid great waters, with his full retinue, seated on a lotus-throne, anointed with red sandal-paste—'

Verse 96 (padma.1.77.96)

आदित्यं चिंतयेद्देवं पूजाकाले विशेषतः । अथ मंत्रश्चायं । भास्कराय विद्महे सहस्ररश्मये धीमहि तन्नः सूर्यः प्रचोदयात्

ādityaṁ ciṁtayeddevaṁ pūjākāle viśeṣataḥ | atha maṁtraścāyaṁ | bhāskarāya vidmahe sahasraraśmaye dhīmahi tannaḥ sūryaḥ pracodayāt

'—thus one should meditate on Aditya, especially at the time of worship.' And this is the mantra: 'We know Bhaskara; we meditate on the thousand-rayed one; may that Surya inspire us.'

Verse 97 (padma.1.77.97)

जप्य एष परः प्रोक्तःसप्तम्यां विजयावहः । करवीरैः करंजैश्च रक्तकुंकुमसन्निभैः

japya eṣa paraḥ proktaḥsaptamyāṁ vijayāvahaḥ | karavīraiḥ karaṁjaiśca raktakuṁkumasannibhaiḥ

This is declared the supreme mantra for recitation, bringing victory on the Seventh; with oleander and karanja flowers, red as saffron—

Verse 98 (padma.1.77.98)

पश्चाच्च पारणा कार्या तथाष्टम्यां विशेषतः । अष्टम्यामेव कर्तव्यं नवम्यां नैव पारणं

paścācca pāraṇā kāryā tathāṣṭamyāṁ viśeṣataḥ | aṣṭamyāmeva kartavyaṁ navamyāṁ naiva pāraṇaṁ

—afterward, the fast-breaking should be performed, especially on the eighth; it must be on the eighth itself — never on the ninth.

Verse 99 (padma.1.77.99)

व्रते फलं न चाप्नोति नवम्यां पारणे कृते । पारणं त्वपराह्णे तु कटुतिक्ताम्लवर्जितं

vrate phalaṁ na cāpnoti navamyāṁ pāraṇe kṛte | pāraṇaṁ tvaparāhṇe tu kaṭutiktāmlavarjitaṁ

If the fast is broken on the ninth, no merit is obtained; the fast-breaking should be in the afternoon, avoiding what is pungent, bitter, or sour.

Verse 100 (padma.1.77.100)

तंडुलं शोधयेद्यत्नात्तृणबीजादिकं त्यजेत् । मुद्ग माष तिलादीनि घृतं च परिवर्जयेत्

taṁḍulaṁ śodhayedyatnāttṛṇabījādikaṁ tyajet | mudga māṣa tilādīni ghṛtaṁ ca parivarjayet

The rice should be carefully cleaned, discarding straw and seeds; mung beans, black gram, sesame, and ghee should all be avoided.

Verse 101 (padma.1.77.101)

ब्राह्मणान्भोजयेद्भक्त्या शक्तः क्षीरादिहव्यकैः । यथाशक्त्यन्नपानैश्च व्यंजनैश्च निरामिषैः

brāhmaṇānbhojayedbhaktyā śaktaḥ kṣīrādihavyakaiḥ | yathāśaktyannapānaiśca vyaṁjanaiśca nirāmiṣaiḥ

One who is able should feed Brahmins devotedly, with milk and other oblational foods; according to means, with food, drink, and flesh-free relishes.

Verse 102 (padma.1.77.102)

विप्राय दक्षिणां दद्याद्विभज्य चानुरूपतः । इमामनंतफलदां यः कुर्यात्सप्तमीं नरः

viprāya dakṣiṇāṁ dadyādvibhajya cānurūpataḥ | imāmanaṁtaphaladāṁ yaḥ kuryātsaptamīṁ naraḥ

One should give a fee to the Brahmin, apportioned suitably. Whoever performs this Saptami, which bestows boundless fruit—

Verse 103 (padma.1.77.103)

सर्वपापप्रशमनीं धनपुत्रविवर्धनीम् । मासि मासि द्विजश्रेष्ठ व्रतं कृत्वार्कतुष्टये

sarvapāpapraśamanīṁ dhanaputravivardhanīm | māsi māsi dvijaśreṣṭha vrataṁ kṛtvārkatuṣṭaye

—which calms all sin and increases wealth and offspring — O best of Brahmins, having performed this vow month after month for the Sun's satisfaction—

Verse 104 (padma.1.77.104)

यः कुर्यात्पारणं भक्त्या सूर्यलोकं स गच्छति । कल्पकोटिं वसेत्स्वर्गे ततो याति परां गतिं

yaḥ kuryātpāraṇaṁ bhaktyā sūryalokaṁ sa gacchati | kalpakoṭiṁ vasetsvarge tato yāti parāṁ gatiṁ

—whoever devotedly performs its fast-breaking attains the world of the Sun; he dwells in heaven for tens of millions of kalpas, then attains the supreme destination.

Verse 105 (padma.1.77.105)

इदमेव परं गुह्यं भाषितं शंभुना पुरा । श्रवणात्सततं तस्य व्रतस्य परिपालनात् । श्रावयेद्वापि लोकस्य फलं तुल्यं प्रकीर्तितं

idameva paraṁ guhyaṁ bhāṣitaṁ śaṁbhunā purā | śravaṇātsatataṁ tasya vratasya paripālanāt | śrāvayedvāpi lokasya phalaṁ tulyaṁ prakīrtitaṁ

This alone is the supreme secret, spoken of old by Shambhu; by constantly hearing it and observing this vow, or even by causing others to hear it, an equal merit is declared.