The Earth Becomes Like Heaven

Verse 1 (padma.2.75.1)

सुकर्मोवाच- विष्णुं कृष्णं हरिं रामं मुकुंदं मधुसूदनम् । नारायणं विष्णुरूपं नारसिंहं तमच्युतम्

sukarmovāca- viṣṇuṁ kṛṣṇaṁ hariṁ rāmaṁ mukuṁdaṁ madhusūdanam nārāyaṇaṁ viṣṇurūpaṁ nārasiṁhaṁ tamacyutam

Sukarma said: "Vishnu, Krishna, Hari, Rama, Mukunda, Madhusudana, Narayana in the form of Vishnu, Narasimha, the unfallen Achyuta -"

Verse 2 (padma.2.75.2)

केशवं पद्मनाभं च वासुदेवं च वामनम् । वाराहं कमठं मत्स्यं हृषीकेशं सुराधिपम्

keśavaṁ padmanābhaṁ ca vāsudevaṁ ca vāmanam vārāhaṁ kamaṭhaṁ matsyaṁ hṛṣīkeśaṁ surādhipam

"- Keshava, Padmanabha, Vasudeva, Vamana, Varaha, the tortoise, Matsya, Hrishikesha, lord of the gods -"

Verse 3 (padma.2.75.3)

विश्वेशं विश्वरूपं च अनंतमनघं शुचिम् । पुरुषं पुष्कराक्षं च श्रीधरं श्रीपतिं हरिम्

viśveśaṁ viśvarūpaṁ ca anaṁtamanaghaṁ śucim puruṣaṁ puṣkarākṣaṁ ca śrīdharaṁ śrīpatiṁ harim

"- Vishvesha, Vishvarupa, the endless one, the sinless, the pure, Purusha, Pushkaraksha, Shridhara, Shripati, Hari -"

Verse 4 (padma.2.75.4)

श्रीनिवासं पीतवासं माधवं मोक्षदं प्रभुम् । इत्येवं हि समुच्चारं नामभिर्मानवाः सदा

śrīnivāsaṁ pītavāsaṁ mādhavaṁ mokṣadaṁ prabhum ityevaṁ hi samuccāraṁ nāmabhirmānavāḥ sadā

"- Shrinivasa, the one clad in yellow, Madhava, the Lord who grants liberation - by these names men always called upon him."

Verse 5 (padma.2.75.5)

प्रकुर्वंति नराः सर्वे बालवृद्धाः कुमारिकाः । स्त्रियो हरिं सुगायंति गृहकर्मरताः सदा

prakurvaṁti narāḥ sarve bālavṛddhāḥ kumārikāḥ striyo hariṁ sugāyaṁti gṛhakarmaratāḥ sadā

All people did this - children, the old, and young girls alike; women, ever engaged in household work, sang beautifully of Hari.

Verse 6 (padma.2.75.6)

आसने शयने याने ध्याने वचसि माधवम् । क्रीडमानास्तथा बाला गोविंदं प्रणमंति ते

āsane śayane yāne dhyāne vacasi mādhavam krīḍamānāstathā bālā goviṁdaṁ praṇamaṁti te

Sitting, lying down, travelling, meditating, or speaking, they thought of Madhava; even children at play bowed to Govinda.

Verse 7 (padma.2.75.7)

दिवारात्रौ सुमधुरं ब्रुवंति हरिनाम च । विष्णूच्चारो हि सर्वत्र श्रूयते द्विजसत्तम

divārātrau sumadhuraṁ bruvaṁti harināma ca viṣṇūccāro hi sarvatra śrūyate dvijasattama

Day and night they sweetly uttered the name of Hari; everywhere, O best of the twice-born, the utterance of 'Vishnu' was heard.

Verse 8 (padma.2.75.8)

वैष्णवेन प्रभावेण मर्त्या वर्तंति भूतले । प्रासादकलशाग्रेषु देवतायतनेषु च

vaiṣṇavena prabhāveṇa martyā vartaṁti bhūtale prāsādakalaśāgreṣu devatāyataneṣu ca

By the power of devotion to Vishnu, mortals lived upon the earth; on the pinnacles of palace-domes and in the temples of the gods -

Verse 9 (padma.2.75.9)

यथा सूर्यस्य बिंबानि तथा चक्राणि भांति च । वैकुंठे दृश्यते भावस्तद्भावं जगतीतले

yathā sūryasya biṁbāni tathā cakrāṇi bhāṁti ca vaikuṁṭhe dṛśyate bhāvastadbhāvaṁ jagatītale

- just as the sun's orb shines, so the discus-emblems shone; the very spirit seen in Vaikuntha was now seen upon the earth.

Verse 10 (padma.2.75.10)

तेन राज्ञा कृतं विप्र पुण्यं चापि महात्मना । विष्णुलोकस्य समतां तथानीतं महीतलम्

tena rājñā kṛtaṁ vipra puṇyaṁ cāpi mahātmanā viṣṇulokasya samatāṁ tathānītaṁ mahītalam

By that great-souled king, O brahmin, this merit was accomplished, and the earth was brought to equal the very world of Vishnu.

Verse 11 (padma.2.75.11)

नहुषस्यापि पुत्रेण वैष्णवेन ययातिना । उभयोर्लोकयोर्भावमेकीभूतं महीतलम्

nahuṣasyāpi putreṇa vaiṣṇavena yayātinā ubhayorlokayorbhāvamekībhūtaṁ mahītalam

By Nahusha's son, the Vaishnava Yayati, the very character of both worlds became one upon this earth.

Verse 12 (padma.2.75.12)

भूतलस्यापि विष्णोश्च अंतरं नैव दृश्यते । विष्णूच्चारं तु वैकुंठे यथा कुर्वंति वैष्णवाः

bhūtalasyāpi viṣṇośca aṁtaraṁ naiva dṛśyate viṣṇūccāraṁ tu vaikuṁṭhe yathā kurvaṁti vaiṣṇavāḥ

No difference at all was seen between the earth and Vishnu's own world; just as the Vaishnavas utter the name 'Vishnu' in Vaikuntha -

Verse 13 (padma.2.75.13)

भूतले तादृशोच्चारं प्रकुर्वंति च मानवाः । उभयोर्लोकयोर्विप्र एकभावः प्रदृश्यते

bhūtale tādṛśoccāraṁ prakurvaṁti ca mānavāḥ ubhayorlokayorvipra ekabhāvaḥ pradṛśyate

- so men made that very same utterance upon the earth; O brahmin, in both worlds a single spirit was seen.

Verse 14 (padma.2.75.14)

जरारोगभयं नास्ति मृत्युहीना नरा बभुः । दानभोगप्रभावश्च अधिको दृश्यते भुवि

jarārogabhayaṁ nāsti mṛtyuhīnā narā babhuḥ dānabhogaprabhāvaśca adhiko dṛśyate bhuvi

There was no fear of old age or disease; men became free from death; the power of gift-giving and enjoyment appeared even greater upon the earth.

Verse 15 (padma.2.75.15)

पुत्राणां तु सुखं पुण्यमधिकं पौत्रजं नराः । प्रभुंजंति सुखेनापि मानवा भुवि सत्तम

putrāṇāṁ tu sukhaṁ puṇyamadhikaṁ pautrajaṁ narāḥ prabhuṁjaṁti sukhenāpi mānavā bhuvi sattama

O worthy one, men on this earth enjoyed the happiness and merit of sons, and even more that of grandsons, with ease.

Verse 16 (padma.2.75.16)

विष्णोः प्रसाददानेन उपदेशेन तस्य च । सर्वव्याधिविनिर्मुक्ता मानवा वैष्णवाः सदा

viṣṇoḥ prasādadānena upadeśena tasya ca sarvavyādhivinirmuktā mānavā vaiṣṇavāḥ sadā

By Vishnu's grace and gift, and through his teaching, men, ever remaining Vaishnavas, were freed from every disease.

Verse 17 (padma.2.75.17)

स्वर्गलोकप्रभावो हि कृतो राज्ञा महीतले । पंचविंशप्रमाणेन वर्षाणि नृपसत्तम

svargalokaprabhāvo hi kṛto rājñā mahītale paṁcaviṁśapramāṇena varṣāṇi nṛpasattama

O best of kings, that king thus established the very glory of the heavenly world upon the earth for a span of twenty-five years.

Verse 18 (padma.2.75.18)

गदैर्हीना नराः सर्वे ज्ञानध्यानपरायणाः । यज्ञदानपराः सर्वे दयाभावाश्च मानवाः

gadairhīnā narāḥ sarve jñānadhyānaparāyaṇāḥ yajñadānaparāḥ sarve dayābhāvāśca mānavāḥ

All men, free from disease, were devoted to knowledge and meditation; all were absorbed in sacrifice and gift-giving, and filled with compassion.

Verse 19 (padma.2.75.19)

उपकाररताः पुण्या धन्यास्ते कीर्तिभाजनाः । सर्वे धर्मपरा विप्र विष्णुध्यानपरायणाः

upakāraratāḥ puṇyā dhanyāste kīrtibhājanāḥ sarve dharmaparā vipra viṣṇudhyānaparāyaṇāḥ

Delighting in helping others, meritorious, blessed, and possessed of fame - all, O brahmin, were devoted to dharma and absorbed in meditation on Vishnu.

Verse 20 (padma.2.75.20)

राज्ञा तेनोपदिष्टास्ते संजाता वैष्णवा भुवि । विष्णुरुवाच- श्रूयतां नृपशार्दूल चरित्रं तस्य भूपतेः

rājñā tenopadiṣṭāste saṁjātā vaiṣṇavā bhuvi viṣṇuruvāca- śrūyatāṁ nṛpaśārdūla caritraṁ tasya bhūpateḥ

Taught by that king, they became Vaishnavas upon this earth. Vishnu said: "Hear, O tiger among kings, the story of that lord of the earth."

Verse 21 (padma.2.75.21)

सर्वधर्मपरो नित्यं विष्णुभक्तश्च नाहुषिः । अब्दानां तत्र लक्षं हि तस्याप्येवं गतं भुवि

sarvadharmaparo nityaṁ viṣṇubhaktaśca nāhuṣiḥ abdānāṁ tatra lakṣaṁ hi tasyāpyevaṁ gataṁ bhuvi

Ever devoted to all dharma and a devotee of Vishnu, the son of Nahusha ruled thus; for him a hundred thousand years passed on this earth.

Verse 22 (padma.2.75.22)

नूतनो दृश्यते कायः पंचविंशाब्दिको यथा । पंचविंशाब्दिको भाति रूपेण वयसा तदा

nūtano dṛśyate kāyaḥ paṁcaviṁśābdiko yathā paṁcaviṁśābdiko bhāti rūpeṇa vayasā tadā

His body always appeared new, as if twenty-five years old; in form and age he ever shone as one of twenty-five years.

Verse 23 (padma.2.75.23)

प्रबलः प्रौढिसंपन्नः प्रसादात्तस्य चक्रिणः । मानुषा भुवमास्थाय यमं नैव प्रयांति ते

prabalaḥ prauḍhisaṁpannaḥ prasādāttasya cakriṇaḥ mānuṣā bhuvamāsthāya yamaṁ naiva prayāṁti te

By the grace of him who bears the discus, he remained powerful and mature; men, dwelling firmly on this earth, did not go to Yama at all.

Verse 24 (padma.2.75.24)

रागद्वेषविनिर्मुक्ताः क्लेशपाशविवर्जिताः । सुखिनो दानपुण्यैश्च सर्वधर्मपरायणाः

rāgadveṣavinirmuktāḥ kleśapāśavivarjitāḥ sukhino dānapuṇyaiśca sarvadharmaparāyaṇāḥ

Free from attachment and aversion, released from the bonds of affliction, made happy through gift and merit, and devoted wholly to dharma -

Verse 25 (padma.2.75.25)

विस्तारं तेजनाः सर्वे संतत्यापि गता नृप । यथा दूर्वावटाश्चैव विस्तारं यांति भूतले

vistāraṁ tejanāḥ sarve saṁtatyāpi gatā nṛpa yathā dūrvāvaṭāścaiva vistāraṁ yāṁti bhūtale

- all, O king, spread and multiplied through their offspring, just as clumps of durva grass spread across the earth.

Verse 26 (padma.2.75.26)

यथा ते मानवाः सर्वे पुत्रपौत्रैः प्रविस्तृताः । मृत्युदोषविहीनास्ते चिरं जीवंति वै जनाः

yathā te mānavāḥ sarve putrapautraiḥ pravistṛtāḥ mṛtyudoṣavihīnāste ciraṁ jīvaṁti vai janāḥ

Thus all those men, multiplying through sons and grandsons, and free from the fault of death, lived for a very long time.

Verse 27 (padma.2.75.27)

स्थिरकायाश्च सुखिनो जरारोगविवर्जिताः । पंचविंशाब्दिकाः सर्वे नरा दृश्यंति भूतले

sthirakāyāśca sukhino jarārogavivarjitāḥ paṁcaviṁśābdikāḥ sarve narā dṛśyaṁti bhūtale

Steady in body, happy, free from old age and disease, all men appeared upon this earth as if they were twenty-five years old.

Verse 28 (padma.2.75.28)

सत्याचारपराः सर्वे विष्णुध्यानपरायणाः । एवं सर्वे च मर्त्यास्ते प्रसादात्तस्य चक्रिणः

satyācāraparāḥ sarve viṣṇudhyānaparāyaṇāḥ evaṁ sarve ca martyāste prasādāttasya cakriṇaḥ

All were devoted to truthful conduct and absorbed in meditation on Vishnu; thus all these mortals, by the grace of him who bears the discus -

Verse 29 (padma.2.75.29)

संजाता मानवाः सर्वे दानभोगपरायणाः । मृतो न श्रूयते लोके मर्त्यः कोपि नरोत्तम

saṁjātā mānavāḥ sarve dānabhogaparāyaṇāḥ mṛto na śrūyate loke martyaḥ kopi narottama

- became devoted to gift-giving and enjoyment; O best of men, in that world no mortal at all was ever heard to have died.

Verse 30 (padma.2.75.30)

शोकं नैव प्रपश्यंति दोषं नैव प्रयांति ते । यद्रूपं स्वर्गलोकस्य तद्रूपं भूतलस्य च

śokaṁ naiva prapaśyaṁti doṣaṁ naiva prayāṁti te yadrūpaṁ svargalokasya tadrūpaṁ bhūtalasya ca

They never beheld sorrow, nor ever fell into fault; whatever form the heavenly world possessed, that very form the earth possessed too.

Verse 31 (padma.2.75.31)

संजातं मानवश्रेष्ठ प्रसादात्तस्य चक्रिणः । विभ्रष्टा यमदूतास्ते विष्णुदूतैश्च ताडिताः

saṁjātaṁ mānavaśreṣṭha prasādāttasya cakriṇaḥ vibhraṣṭā yamadūtāste viṣṇudūtaiśca tāḍitāḥ

O best of men, all this came to be by the grace of him who bears the discus. Yama's messengers, struck and driven back by Vishnu's messengers -

Verse 32 (padma.2.75.32)

रुदमाना गताः सर्वे धर्मराजं परस्परम् । तत्सर्वं कथितं दूतैश्चेष्टितं भूपतेस्तु तैः

rudamānā gatāḥ sarve dharmarājaṁ parasparam tatsarvaṁ kathitaṁ dūtaiśceṣṭitaṁ bhūpatestu taiḥ

- all went away weeping, one and another, to Dharmaraja; those messengers reported to him the king's whole conduct.

Verse 33 (padma.2.75.33)

अमृत्युभूतलं जातं दानभोगेन भास्करे । नहुषस्यात्मजेनापि कृतं देवययातिना

amṛtyubhūtalaṁ jātaṁ dānabhogena bhāskare nahuṣasyātmajenāpi kṛtaṁ devayayātinā

As long as the sun shines, the earth had become free of death through gift-giving and enjoyment - this was accomplished by Nahusha's son, the godlike Yayati.

Verse 34 (padma.2.75.34)

विष्णुभक्तेन पुण्येन स्वर्गरूपं प्रदर्शितम् । एवमाकर्णितं सर्वं धर्मराजेन वै तदा

viṣṇubhaktena puṇyena svargarūpaṁ pradarśitam evamākarṇitaṁ sarvaṁ dharmarājena vai tadā

Through his merit as a devotee of Vishnu, the very form of heaven was displayed upon the earth. Dharmaraja then heard all of this.

Verse 35 (padma.2.75.35)

धर्मराजस्तदा तत्र दूतेभ्यः श्रुतविस्तरः । चिंतयामास सर्वार्थं श्रुत्वैवंनृपचेष्टितम्

dharmarājastadā tatra dūtebhyaḥ śrutavistaraḥ ciṁtayāmāsa sarvārthaṁ śrutvaivaṁnṛpaceṣṭitam

Dharmaraja, having thus heard the full account from the messengers, and having learned of the king's conduct, pondered over the whole matter.