Yayati Beholds the Lotus Maiden and Learns of Jara

Verse 1 (padma.2.77.1)

सुकर्मोवाच- कामस्य गीतलास्येन हास्येन ललितेन च । मोहितो राजराजेंद्रो नटरूपेण पिप्पल

sukarmovāca- kāmasya gītalāsyena hāsyena lalitena ca mohito rājarājeṁdro naṭarūpeṇa pippala

Sukarma said: "By Kama's song and dance, by his laughter and charming ways, in the guise of an actor, O Pippala, that king of kings was bewitched."

Verse 2 (padma.2.77.2)

कृत्वा मूत्रं पुरीषं च स राजा नहुषात्मजः । अकृत्वा पादयोः शौचमासने उपविष्टवान्

kṛtvā mūtraṁ purīṣaṁ ca sa rājā nahuṣātmajaḥ akṛtvā pādayoḥ śaucamāsane upaviṣṭavān

That king, son of Nahusha, having passed urine and stool, sat down upon his seat without washing his feet.

Verse 3 (padma.2.77.3)

तदंतरं तु संप्राप्य संचचार जरा नृपम् । कामेनापि नृपश्रेष्ठ इंद्रकार्यं कृतं हितम्

tadaṁtaraṁ tu saṁprāpya saṁcacāra jarā nṛpam kāmenāpi nṛpaśreṣṭha iṁdrakāryaṁ kṛtaṁ hitam

Seizing that very opportunity, Old Age moved into the king; through Kama too, O best of kings, Indra's purpose was thus fulfilled, to his advantage.

Verse 4 (padma.2.77.4)

निवृत्ते नाटके तस्मिन्गतेषु तेषु भूपतिः । जराभिभूतो धर्मात्मा कामसंसक्तमानसः

nivṛtte nāṭake tasmingateṣu teṣu bhūpatiḥ jarābhibhūto dharmātmā kāmasaṁsaktamānasaḥ

When that drama had ended and the performers had departed, the righteous king, overcome by Old Age, his mind became bound to desire.

Verse 5 (padma.2.77.5)

मोहितः काममोहेन विह्वलो विकलेंद्रियः । अतीव मुग्धो धर्मात्मा विषयैश्चापवाहितः

mohitaḥ kāmamohena vihvalo vikaleṁdriyaḥ atīva mugdho dharmātmā viṣayaiścāpavāhitaḥ

Bewildered by the delusion of desire, distraught, his senses disturbed, that righteous-souled man, utterly infatuated, was swept away by sense-objects.

Verse 6 (padma.2.77.6)

एकदा तु गतो राजा मृगया व्यसनातुरः । वने च क्रीडते सोपि मोहरागवशं गतः

ekadā tu gato rājā mṛgayā vyasanāturaḥ vane ca krīḍate sopi moharāgavaśaṁ gataḥ

One day the king, gripped by the passion for hunting, went into the forest to sport, himself overcome by infatuation and passion.

Verse 7 (padma.2.77.7)

सरसं क्रीडमानस्य नृपतेश्च महात्मनः । मृगश्चैकः समायातश्चतुःशृंगो ह्यनौपमः

sarasaṁ krīḍamānasya nṛpateśca mahātmanaḥ mṛgaścaikaḥ samāyātaścatuḥśṛṁgo hyanaupamaḥ

As that great-souled king sported by a lake, a single deer approached, four-horned and incomparable.

Verse 8 (padma.2.77.8)

सर्वांगसुंदरो राजन्हेमरूपतनूरुहः । रत्नज्योतिः सुचित्रांगो दर्शनीयो मनोहरः

sarvāṁgasuṁdaro rājanhemarūpatanūruhaḥ ratnajyotiḥ sucitrāṁgo darśanīyo manoharaḥ

Beautiful in every limb, O king, its body of golden hue, radiant like a jewel, lovely to behold and enchanting.

Verse 9 (padma.2.77.9)

अभ्यधावत्स वेगेन बाणपाणिर्धनुर्द्धरः । इत्यमन्यत मेधावी कोपि दैत्यः समागतः

abhyadhāvatsa vegena bāṇapāṇirdhanurddharaḥ ityamanyata medhāvī kopi daityaḥ samāgataḥ

It rushed forth swiftly; bow and arrow in hand, the wise king thought, "Some demon has come here."

Verse 10 (padma.2.77.10)

मृगेण च स तेनापि दूरमाकर्षितो नृपः । गतः सरथवेगेन श्रमेण परिखेदितः

mṛgeṇa ca sa tenāpi dūramākarṣito nṛpaḥ gataḥ sarathavegena śrameṇa parikheditaḥ

Drawn far away by that deer, the king, following at the speed of his chariot, grew utterly exhausted with fatigue.

Verse 11 (padma.2.77.11)

वीक्षमाणस्य तस्यापि मृगश्चांतरधीयत । स पश्यति वनं तत्र नंदंनोपममद्भुतम्

vīkṣamāṇasya tasyāpi mṛgaścāṁtaradhīyata sa paśyati vanaṁ tatra naṁdaṁnopamamadbhutam

Even as he watched, the deer vanished; he then beheld there a wondrous forest, like Nandana itself.

Verse 12 (padma.2.77.12)

चारुवृक्षसमाकीर्णं भूतपंचकशोभितम् । गुरुभिश्चंदनैः पुण्यैः कदलीखंडमंडितैः

cāruvṛkṣasamākīrṇaṁ bhūtapaṁcakaśobhitam gurubhiścaṁdanaiḥ puṇyaiḥ kadalīkhaṁḍamaṁḍitaiḥ

Full of beautiful trees, adorned by every element of nature, decked with great, holy sandal trees and clusters of plantains.

Verse 13 (padma.2.77.13)

बकुलाशोकपुंनागैर्नालिकेरैश्च तिंदुकैः । पूगीफलैश्च खर्जूरैः कुमुदैः सप्तपर्णकैः

bakulāśokapuṁnāgairnālikeraiśca tiṁdukaiḥ pūgīphalaiśca kharjūraiḥ kumudaiḥ saptaparṇakaiḥ

Filled with bakula, ashoka, and punnaga trees, with coconut and tinduka trees, with areca and date palms, with kumuda and saptaparna.

Verse 14 (padma.2.77.14)

पुष्पितैः कर्णिकारैश्च नानावृक्षैः सदाफलैः । पुष्पितामोदसंयुक्तैः केतकैः पाटलैस्ततः

puṣpitaiḥ karṇikāraiśca nānāvṛkṣaiḥ sadāphalaiḥ puṣpitāmodasaṁyuktaiḥ ketakaiḥ pāṭalaistataḥ

With flowering karnikara trees and various trees ever bearing fruit, with fragrant ketaki and patala blossoms.

Verse 15 (padma.2.77.15)

वीक्षमाणो महाराज ददर्श सर उत्तमम् । पुण्योदकेन संपूर्णं विस्तीर्णं पंचयोजनम्

vīkṣamāṇo mahārāja dadarśa sara uttamam puṇyodakena saṁpūrṇaṁ vistīrṇaṁ paṁcayojanam

Gazing all about, O great king, he saw an excellent lake, full of holy water and five yojanas wide.

Verse 16 (padma.2.77.16)

हंसकारंडवाकीर्णं जलपक्षिविनादितम् । कमलैश्चापि मुदितं श्वेतोत्पलविराजितम्

haṁsakāraṁḍavākīrṇaṁ jalapakṣivināditam kamalaiścāpi muditaṁ śvetotpalavirājitam

Thronged with swans and karandava birds, resounding with the calls of water-birds, delighted with lotuses, adorned with white lilies.

Verse 17 (padma.2.77.17)

रक्तोत्पलैः शोभमानं हाटकोत्पलमंडितम् । नीलोत्पलैः प्रकाशितं कल्हारैरतिशोभितम्

raktotpalaiḥ śobhamānaṁ hāṭakotpalamaṁḍitam nīlotpalaiḥ prakāśitaṁ kalhārairatiśobhitam

Shining with red lotuses, decked with golden lotuses, illuminated by blue lotuses, richly adorned with kalhara flowers.

Verse 18 (padma.2.77.18)

मत्तैर्मधुकरैश्चपि सर्वत्र परिनादितम् । एवं सर्वगुणोपेतं ददर्श सर उत्तमम्

mattairmadhukaraiścapi sarvatra parināditam evaṁ sarvaguṇopetaṁ dadarśa sara uttamam

It resounded everywhere with the hum of intoxicated bees; thus he beheld that excellent lake, endowed with every fine quality.

Verse 19 (padma.2.77.19)

पंचयोजनविस्तीर्णं दशयोजनदीर्घकम् । तडागं सर्वतोभद्रं दिव्यभावैरलंकृतम्

paṁcayojanavistīrṇaṁ daśayojanadīrghakam taḍāgaṁ sarvatobhadraṁ divyabhāvairalaṁkṛtam

Five yojanas wide and ten yojanas long, that pool was auspicious on every side, adorned with divine qualities.

Verse 20 (padma.2.77.20)

रथवेगेन संखिन्नः किंचिच्छ्रमनिपीडितः । निषसाद तटे तस्य चूतच्छायां सुशीतलाम्

rathavegena saṁkhinnaḥ kiṁcicchramanipīḍitaḥ niṣasāda taṭe tasya cūtacchāyāṁ suśītalām

Wearied by the speed of his chariot, somewhat oppressed by fatigue, he sat down on its bank in the cool shade of a mango tree.

Verse 21 (padma.2.77.21)

स्नात्वा पीत्वा जलं शीतं पद्मसौगंध्यवासितम् । सर्वश्रमोपशमनममृतोपममेव तत्

snātvā pītvā jalaṁ śītaṁ padmasaugaṁdhyavāsitam sarvaśramopaśamanamamṛtopamameva tat

Having bathed, and having drunk the cool, lotus-scented water that stilled all fatigue like very ambrosia -

Verse 22 (padma.2.77.22)

वृक्षच्छाये ततस्तस्मिन्नुपविष्टेन भूभृता । गीतध्वनिः समाकर्णि गीयमानो यथा तथा

vṛkṣacchāye tatastasminnupaviṣṭena bhūbhṛtā gītadhvaniḥ samākarṇi gīyamāno yathā tathā

- as that lord of the earth sat there in the shade of the tree, the sound of a song, being sung somewhere, reached him.

Verse 23 (padma.2.77.23)

यथा स्त्री गायते दिव्या तथायं श्रूयते ध्वनिः । गीतप्रियो महाराज एव चिंतां परां गतः

yathā strī gāyate divyā tathāyaṁ śrūyate dhvaniḥ gītapriyo mahārāja eva ciṁtāṁ parāṁ gataḥ

As if some divine woman were singing, such was the sound he heard. That song-loving king then fell into deep thought.

Verse 24 (padma.2.77.24)

चिंताकुलस्तु धर्मात्मा यावच्चिंतयते क्षणम् । तावन्नारी वरा काचित्पीनश्रोणी पयोधरा

ciṁtākulastu dharmātmā yāvacciṁtayate kṣaṇam tāvannārī varā kācitpīnaśroṇī payodharā

As that thoughtful, righteous king pondered for a moment, an excellent woman, full-hipped and full-breasted -

Verse 25 (padma.2.77.25)

नृपतेः पश्यतस्तस्य वने तस्मिन्समागता । सर्वाभरणशोभांगी शीललक्षणसंपदा

nṛpateḥ paśyatastasya vane tasminsamāgatā sarvābharaṇaśobhāṁgī śīlalakṣaṇasaṁpadā

- came into that forest before the king's very eyes, her body adorned with every ornament, endowed with virtue, beauty, and grace.

Verse 26 (padma.2.77.26)

तस्मिन्वने समायाता नृपतेः पुरतः स्थिता । तामुवाच महाराजः का हि कस्य भविष्यसि

tasminvane samāyātā nṛpateḥ purataḥ sthitā tāmuvāca mahārājaḥ kā hi kasya bhaviṣyasi

Having come into that forest, she stood before the king. The great king said to her, "Who are you, and whose are you?"

Verse 27 (padma.2.77.27)

किमर्थं हि समायाता तन्मे त्वं कारणं वद । पृष्टा सती तदा तेन न किंचिदपि पिप्पल

kimarthaṁ hi samāyātā tanme tvaṁ kāraṇaṁ vada pṛṣṭā satī tadā tena na kiṁcidapi pippala

"For what reason have you come? Tell me that reason." Though asked thus, O Pippala, she said nothing at all -

Verse 28 (padma.2.77.28)

शुभाशुभं च भूपालं प्रत्यवोचद्वरानना । प्रहस्यैव गता शीघ्रं वीणादंडकराऽबला

śubhāśubhaṁ ca bhūpālaṁ pratyavocadvarānanā prahasyaiva gatā śīghraṁ vīṇādaṁḍakarā'balā

- that fair one gave the king no answer, good or bad; and, laughing, that lovely woman, veena in hand, swiftly went away.

Verse 29 (padma.2.77.29)

विस्मयेनापि राजेंद्रो महता व्यापितस्तदा । मया संभाषिता चेयं मां न ब्रूते स्म सोत्तरम्

vismayenāpi rājeṁdro mahatā vyāpitastadā mayā saṁbhāṣitā ceyaṁ māṁ na brūte sma sottaram

The king of kings was then filled with great astonishment: "I spoke to her, yet she gave me no reply at all."

Verse 30 (padma.2.77.30)

पुनश्चिंतां समापेदे ययातिः पृथिवीपतिः । यो वै मृगो मया दृष्टश्चतुःशृंगः सुवर्णकः

punaściṁtāṁ samāpede yayātiḥ pṛthivīpatiḥ yo vai mṛgo mayā dṛṣṭaścatuḥśṛṁgaḥ suvarṇakaḥ

Yayati, lord of the earth, fell again into thought: "That four-horned, golden deer which I saw -"

Verse 31 (padma.2.77.31)

तस्मान्नारी समुद्भूता तत्सत्यं प्रतिभाति मे । मायारूपमिदं सत्यं दानवानां भविष्यति

tasmānnārī samudbhūtā tatsatyaṁ pratibhāti me māyārūpamidaṁ satyaṁ dānavānāṁ bhaviṣyati

"- from that, this woman must have arisen; this seems true to me. This illusory form must surely be the work of the Danavas."

Verse 32 (padma.2.77.32)

चिंतयित्वा क्षणं राजा ययातिर्नहुषात्मजः । यावच्चिंतयते राजा तावन्नारी महावने

ciṁtayitvā kṣaṇaṁ rājā yayātirnahuṣātmajaḥ yāvacciṁtayate rājā tāvannārī mahāvane

King Yayati, son of Nahusha, had only pondered for a moment when, even as he thought, the woman, in that great forest -

Verse 33 (padma.2.77.33)

अंतर्धानं गता विप्र प्रहस्य नृपनंदनम् । एतस्मिन्नंतरे गीतं सुस्वरं पुनरेव तत्

aṁtardhānaṁ gatā vipra prahasya nṛpanaṁdanam etasminnaṁtare gītaṁ susvaraṁ punareva tat

- O brahmin, vanished, laughing at the king's son. Meanwhile, that same sweet song was heard once again -

Verse 34 (padma.2.77.34)

शुश्रुवे परमं दिव्यं मूर्छनातानसंयुतम् । जगाम सत्वरं राजा यत्र गीतध्वनिर्महान्

śuśruve paramaṁ divyaṁ mūrchanātānasaṁyutam jagāma satvaraṁ rājā yatra gītadhvanirmahān

- supremely divine, filled with melodic modulation. The king went swiftly to where that great sound of song arose.

Verse 35 (padma.2.77.35)

जलांते पुष्करं चैव सहस्रदलमुत्तमम् । तस्योपरि वरा नारी शीलरूपगुणान्विता

jalāṁte puṣkaraṁ caiva sahasradalamuttamam tasyopari varā nārī śīlarūpaguṇānvitā

At the water's edge was an excellent thousand-petaled lotus, and upon it sat an excellent woman, endowed with virtue, beauty, and grace.

Verse 36 (padma.2.77.36)

दिव्यलक्षणसंपन्ना दिव्याभरणभूषिता । दिव्यैर्भावैः प्रभात्येका वीणादंडकराविला

divyalakṣaṇasaṁpannā divyābharaṇabhūṣitā divyairbhāvaiḥ prabhātyekā vīṇādaṁḍakarāvilā

Possessed of divine marks, adorned with divine ornaments, shining alone with divine feeling, veena and staff in her hands.

Verse 37 (padma.2.77.37)

गायंती सुस्वरं गीतं तालमानलयान्वितम् । तेन गीतप्रभावेण मोहयंती चराचरान्

gāyaṁtī susvaraṁ gītaṁ tālamānalayānvitam tena gītaprabhāveṇa mohayaṁtī carācarān

Singing a sweet song, keeping perfect rhythm, measure, and tempo, and by the power of that song bewitching all that moves and does not move -

Verse 38 (padma.2.77.38)

देवान्मुनिगणान्सर्वान्दैत्यान्गंधर्वकिन्नरान् । तां दृष्ट्वा स विशालाक्षीं रूपतेजोपशालिनीम्

devānmunigaṇānsarvāndaityāngaṁdharvakinnarān tāṁ dṛṣṭvā sa viśālākṣīṁ rūpatejopaśālinīm

- gods, all hosts of sages, daityas, gandharvas, and kinnaras. Seeing that wide-eyed woman, resplendent with beauty and radiance -

Verse 39 (padma.2.77.39)

संसारे नास्ति चैवान्या नारीदृशी चराचरे । पुरा नटो जरायुक्तो नृपतेः कायमेव हि

saṁsāre nāsti caivānyā nārīdṛśī carācare purā naṭo jarāyukto nṛpateḥ kāyameva hi

- there was no other woman like her in the whole moving and unmoving world. Earlier, the actor possessed by Jara had entered the very body of the king -

Verse 40 (padma.2.77.40)

संचारितो महाकामस्तदासौ प्रकटोभवत् । घृतं स्पृष्ट्वा यथा वह्नी रश्मिवान्संप्रजायते

saṁcārito mahākāmastadāsau prakaṭobhavat ghṛtaṁ spṛṣṭvā yathā vahnī raśmivānsaṁprajāyate

- and thus great Kama, made to move within him, now became manifest. Just as fire, on touching ghee, blazes up radiant with flame -

Verse 41 (padma.2.77.41)

तां च दृष्ट्वा तथा कामस्तत्कायात्प्रकटोऽभवत् । मन्मथाविष्टचित्तोसौ तां दृष्ट्वा चारुलोचनाम्

tāṁ ca dṛṣṭvā tathā kāmastatkāyātprakaṭo'bhavat manmathāviṣṭacittosau tāṁ dṛṣṭvā cārulocanām

- so, on seeing her, Kama became manifest from within that body; his mind possessed by Manmatha, the king, on beholding that lovely-eyed woman -

Verse 42 (padma.2.77.42)

ईदृग्रूपा न दृष्टा मे युवती विश्वमोहिनी । चिंतयित्वा क्षणं राजा कामसंसक्तमानसः

īdṛgrūpā na dṛṣṭā me yuvatī viśvamohinī ciṁtayitvā kṣaṇaṁ rājā kāmasaṁsaktamānasaḥ

- thought, "I have never seen a young woman of such form, one who enchants the whole world." Having pondered for a moment, the king, his mind bound by desire -

Verse 43 (padma.2.77.43)

तस्याः सविरहेणापि लुब्धोभून्नृपतिस्तदा । कामाग्निना दह्यमानः कामज्वरेणपीडितः

tasyāḥ saviraheṇāpi lubdhobhūnnṛpatistadā kāmāgninā dahyamānaḥ kāmajvareṇapīḍitaḥ

- grew anxious and covetous even at the thought of separation from her; burning with the fire of desire, afflicted by the fever of passion -

Verse 44 (padma.2.77.44)

कथं स्यान्मम चैवेयं कथं भावो भविष्यति । यदा मां गूहते बाला पद्मास्या पद्मलोचना

kathaṁ syānmama caiveyaṁ kathaṁ bhāvo bhaviṣyati yadā māṁ gūhate bālā padmāsyā padmalocanā

- he thought, "How might this be mine? What feeling will she have? If only this lotus-faced, lotus-eyed girl would embrace me -"

Verse 45 (padma.2.77.45)

यदीयं प्राप्यते तर्हि सफलं जीवितं भवेत् । एवं विचिंत्य धर्मात्मा ययातिः पृथिवीपतिः

yadīyaṁ prāpyate tarhi saphalaṁ jīvitaṁ bhavet evaṁ viciṁtya dharmātmā yayātiḥ pṛthivīpatiḥ

- "if she is won, my life shall bear fruit." Having thus reflected, the righteous-souled Yayati, lord of the earth -

Verse 46 (padma.2.77.46)

तामुवाच वरारोहां का त्वं कस्यापि वा शुभे । पूर्वं दृष्टा तु या नारी सा दृष्टा पुनरेव च

tāmuvāca varārohāṁ kā tvaṁ kasyāpi vā śubhe pūrvaṁ dṛṣṭā tu yā nārī sā dṛṣṭā punareva ca

- said to that lovely woman, "Who are you, O auspicious one, and whose are you? Was the woman I saw before, seen once again just now?"

Verse 47 (padma.2.77.47)

तां पप्रच्छ स धर्मात्मा का चेयं तव पार्श्वगा । सर्वं कथय कल्याणि अहं हि नहुषात्मजः

tāṁ papraccha sa dharmātmā kā ceyaṁ tava pārśvagā sarvaṁ kathaya kalyāṇi ahaṁ hi nahuṣātmajaḥ

That righteous man asked her, "Who is this walking beside you? Tell me everything, O blessed one - I am the son of Nahusha."

Verse 48 (padma.2.77.48)

सोमवंशप्रसूतोहं सप्तद्वीपाधिपः शुभे । ययातिर्नाम मे देवि ख्यातोहं भुवनत्रये

somavaṁśaprasūtohaṁ saptadvīpādhipaḥ śubhe yayātirnāma me devi khyātohaṁ bhuvanatraye

"'I was born in the lunar dynasty, lord of the seven continents, O auspicious one; my name, O goddess, is Yayati - I am renowned in all three worlds.'"

Verse 49 (padma.2.77.49)

तव संगमने चेतो भावमेवं प्रवांछते । देहि मे संगमं भद्रे कुरु सुप्रियमेव हि

tava saṁgamane ceto bhāvamevaṁ pravāṁchate dehi me saṁgamaṁ bhadre kuru supriyameva hi

"'My heart longs, in this way, for union with you. Grant me this union, O gracious one; do me indeed this great favor.'"

Verse 50 (padma.2.77.50)

यं यं हि वांछसे भद्रे तद्ददामि न संशयः । दुर्जयेनापि कामेन हतोहं वरवर्णिनि

yaṁ yaṁ hi vāṁchase bhadre taddadāmi na saṁśayaḥ durjayenāpi kāmena hatohaṁ varavarṇini

"'Whatever you desire, O gracious one, that I shall give you, without doubt. I am struck down by unconquerable desire, O fair one.'"

Verse 51 (padma.2.77.51)

तस्मात्त्राहि सुदीनं मां प्रपन्नं शरणं तव । राज्यं च सकलामुर्वीं शरीरमपि चात्मनः

tasmāttrāhi sudīnaṁ māṁ prapannaṁ śaraṇaṁ tava rājyaṁ ca sakalāmurvīṁ śarīramapi cātmanaḥ

"'Therefore save me, utterly wretched, who has taken refuge in you. My kingdom, this whole earth, and even my own body -'"

Verse 52 (padma.2.77.52)

संगमे तव दास्यामि त्रैलोक्यमिदमेव ते । तस्य राज्ञो वचः श्रुत्वा सा स्त्री पद्मनिभानना

saṁgame tava dāsyāmi trailokyamidameva te tasya rājño vacaḥ śrutvā sā strī padmanibhānanā

"'- I shall give in exchange for union with you; I shall give you this whole triple world too.'" Having heard the king's words, that lotus-faced woman -

Verse 53 (padma.2.77.53)

विशालां स्वसखीं प्राह ब्रूहि राजानमागतम् । नाम चोत्पत्तिस्थानं च पितरं मातरं शुभे

viśālāṁ svasakhīṁ prāha brūhi rājānamāgatam nāma cotpattisthānaṁ ca pitaraṁ mātaraṁ śubhe

- said to her friend Vishala: "Tell this king who has come here - my name, my birthplace, my father and mother, O auspicious one -"

Verse 54 (padma.2.77.54)

ममापि भावमेकाग्रमस्याग्रे च निवेदय । तस्याश्च वांछितं ज्ञात्वा विशाला भूपतिं तदा

mamāpi bhāvamekāgramasyāgre ca nivedaya tasyāśca vāṁchitaṁ jñātvā viśālā bhūpatiṁ tadā

"'- and declare to him also my own single-minded feeling.'" Knowing her wish, Vishala then spoke to the king -

Verse 55 (padma.2.77.55)

उवाच मधुरालापैः श्रूयतां नृपनंदन । विशालोवाच- काम एष पुरा दग्धो देवदेवेन शंभुना

uvāca madhurālāpaiḥ śrūyatāṁ nṛpanaṁdana viśālovāca- kāma eṣa purā dagdho devadevena śaṁbhunā

- with sweet words: "Listen, O delight of kings." Vishala said: "This Kama was once burned to ashes by Shambhu, the god of gods -"

Verse 56 (padma.2.77.56)

रुरोद सा रतिर्दुःखाद्भर्त्राहीनापि सुस्वरम् । अस्मिन्सरसि राजेंद्र सा रतिर्न्यवसत्तदा

ruroda sā ratirduḥkhādbhartrāhīnāpi susvaram asminsarasi rājeṁdra sā ratirnyavasattadā

"'- and Rati, bereft of her husband, wept in sorrowful, sweet tones. In this very lake, O king of kings, that Rati then dwelt -'"

Verse 57 (padma.2.77.57)

तस्य प्रलापमेवं सा सुस्वरं करुणान्वितम् । समाकर्ण्य ततो देवाः कृपया परयान्विताः

tasya pralāpamevaṁ sā susvaraṁ karuṇānvitam samākarṇya tato devāḥ kṛpayā parayānvitāḥ

"'- and hearing her sweet, sorrowful lament, the gods, moved by great compassion -'"

Verse 58 (padma.2.77.58)

संजाता राजराजेंद्र शंकरं वाक्यमब्रुवन् । जीवयस्व महादेव पुनरेव मनोभवम्

saṁjātā rājarājeṁdra śaṁkaraṁ vākyamabruvan jīvayasva mahādeva punareva manobhavam

"'- gathered together, O king of kings, and spoke these words to Shankara: "O Mahadeva, revive Manmatha again -"'"

Verse 59 (padma.2.77.59)

वराकीयं महाभाग भर्तृहीना हि कीदृशी । कामेनापि समायुक्तामस्मत्स्नेहात्कुरुष्व हि

varākīyaṁ mahābhāga bhartṛhīnā hi kīdṛśī kāmenāpi samāyuktāmasmatsnehātkuruṣva hi

"'"- see, O great one, how pitiable this wretched woman is, bereft of her husband; out of affection for us, unite her again with Kama."'"

Verse 60 (padma.2.77.60)

तच्छ्रुत्वा च वचः प्राह जीवयामि मनोभवम् । कायेनापि विहीनोयं पंचबाणो मनोभवः

tacchrutvā ca vacaḥ prāha jīvayāmi manobhavam kāyenāpi vihīnoyaṁ paṁcabāṇo manobhavaḥ

Hearing this, he [Shiva] said: "'I shall revive Manmatha; though this five-arrowed god of love, deprived of his body -'"

Verse 61 (padma.2.77.61)

भविष्यति न संदेहो माधवस्य सखा पुनः । दिव्येनापि शरीरेण वर्तयिष्यति नान्यथा

bhaviṣyati na saṁdeho mādhavasya sakhā punaḥ divyenāpi śarīreṇa vartayiṣyati nānyathā

"'- shall without doubt become the companion of Madhava once more; but he shall exist without any bodily form, and not otherwise.'"

Verse 62 (padma.2.77.62)

महादेवप्रसादाच्च मीनकेतुः स जीवितः । आशीर्भिरभिनंद्यैवं देव्याः कामं नरोत्तम

mahādevaprasādācca mīnaketuḥ sa jīvitaḥ āśīrbhirabhinaṁdyaivaṁ devyāḥ kāmaṁ narottama

By Mahadeva's grace, Minaketu was thus restored to life. O best of men, having thus honored the goddess with blessings -

Verse 63 (padma.2.77.63)

गच्छ काम प्रवर्तस्व प्रियया सह नित्यशः । एवमाह महातेजाः स्थितिसंहारकारकः

gaccha kāma pravartasva priyayā saha nityaśaḥ evamāha mahātejāḥ sthitisaṁhārakārakaḥ

"'Go, Kama, and dwell always with your beloved.'" Thus spoke that mighty one, the doer of both preservation and destruction.

Verse 64 (padma.2.77.64)

पुनः कामः सरःप्राप्तो यत्रास्ते दुःखिता रतिः । इदं कामसरो राजन्रतिरत्र सुसंस्थिता

punaḥ kāmaḥ saraḥprāpto yatrāste duḥkhitā ratiḥ idaṁ kāmasaro rājanratiratra susaṁsthitā

Kama came once again to that lake where sorrowful Rati remained; O king, this is that very Lake of Kama, where Rati had dwelt -

Verse 65 (padma.2.77.65)

दग्धे सति महाभागे मन्मथे दुःखधर्षिता । रत्याः कोपात्समुत्पन्नः पावको दारुणाकृतिः

dagdhe sati mahābhāge manmathe duḥkhadharṣitā ratyāḥ kopātsamutpannaḥ pāvako dāruṇākṛtiḥ

- for when the blessed Manmatha had been burned to ashes, she was overwhelmed with grief; from Rati's anger a fire of terrible form arose -

Verse 66 (padma.2.77.66)

अतीवदग्धा तेनापि सा रतिर्मोहमूर्छिता । अश्रुपातं मुमोचाथ भर्तृहीना नरोत्तम

atīvadagdhā tenāpi sā ratirmohamūrchitā aśrupātaṁ mumocātha bhartṛhīnā narottama

- by which she too was greatly consumed, and, bereft of her husband, fell into a swoon of delusion; O best of men, she then shed a flood of tears.

Verse 67 (padma.2.77.67)

नेत्राभ्यां हि जले तस्याः पतिता अश्रुबिंदवः । तेभ्यो जातो महाशोकः सर्वसौख्यप्रणाशकः

netrābhyāṁ hi jale tasyāḥ patitā aśrubiṁdavaḥ tebhyo jāto mahāśokaḥ sarvasaukhyapraṇāśakaḥ

From her eyes fell drops of tears into the water; from them was born great Sorrow, the destroyer of all happiness.

Verse 68 (padma.2.77.68)

जरा पश्चात्समुत्पन्ना अश्रुभ्यो नृपसत्तम । वियोगो नाम दुर्मेधास्तेभ्यो जज्ञे प्रणाशकः

jarā paścātsamutpannā aśrubhyo nṛpasattama viyogo nāma durmedhāstebhyo jajñe praṇāśakaḥ

O best of kings, from those tears Old Age was afterward born; and from them too was born dull-witted, destructive Separation.

Verse 69 (padma.2.77.69)

दुःखसंतापकौ चोभौ जज्ञाते दारुणौ तदा । मूर्छा नाम ततो जज्ञे दारुणा सुखनाशिनी

duḥkhasaṁtāpakau cobhau jajñāte dāruṇau tadā mūrchā nāma tato jajñe dāruṇā sukhanāśinī

Then from those were born two terrible things, Suffering and Anguish; then arose terrible Swoon, the destroyer of happiness.

Verse 70 (padma.2.77.70)

शोकाज्जज्ञे महाराज कामज्वरोथ विभ्रमः । प्रलापो विह्वलश्चैव उन्मादो मृत्युरेव च

śokājjajñe mahārāja kāmajvarotha vibhramaḥ pralāpo vihvalaścaiva unmādo mṛtyureva ca

O great king, from Sorrow were born the fever of passion and Delirium; Raving, Distraction, Madness, and Death itself were also born.

Verse 71 (padma.2.77.71)

तस्याश्च अश्रुबिंदुभ्यो जज्ञिरे विश्वनाशकाः । रत्याः पार्श्वे समुत्पन्नाः सर्वे तापांगधारिणः

tasyāśca aśrubiṁdubhyo jajñire viśvanāśakāḥ ratyāḥ pārśve samutpannāḥ sarve tāpāṁgadhāriṇaḥ

From her tear-drops all these world-destroyers were born, all arising at Rati's side, all bearing the very form of anguish.

Verse 72 (padma.2.77.72)

मूर्तिमंतो महाराज सद्भावगुणसंयुताः । काम एष समायातः केनाप्युक्तं तदा नृप

mūrtimaṁto mahārāja sadbhāvaguṇasaṁyutāḥ kāma eṣa samāyātaḥ kenāpyuktaṁ tadā nṛpa

O great king, they were embodied, endowed with the qualities of true feeling. Then someone said, "O king, this is Kama, come again."

Verse 73 (padma.2.77.73)

महानंदेन संयुक्ता दृष्ट्वा कामं समागतम् । नेत्राभ्यामश्रुपूर्णाभ्यां पतिता अश्रुबिन्दवः

mahānaṁdena saṁyuktā dṛṣṭvā kāmaṁ samāgatam netrābhyāmaśrupūrṇābhyāṁ patitā aśrubindavaḥ

Filled with great joy on seeing Kama returned, tears of joy fell from her brimming eyes.

Verse 74 (padma.2.77.74)

अप्सु मध्ये महाराज चापल्याज्जज्ञिरे प्रजाः । प्रीतिर्नाम तदा जज्ञे ख्यातिर्लज्जा नरोत्तम

apsu madhye mahārāja cāpalyājjajñire prajāḥ prītirnāma tadā jajñe khyātirlajjā narottama

O great king, in the midst of that water, from that trembling of joy, offspring were born - then was born Priti, O best of men, and also Khyati and Lajja.

Verse 75 (padma.2.77.75)

तेभ्यो जज्ञे महानंद शांतिश्चान्या नृपोत्तम । जज्ञाते द्वे शुभे कन्ये सुखसंभोगदायिके

tebhyo jajñe mahānaṁda śāṁtiścānyā nṛpottama jajñāte dve śubhe kanye sukhasaṁbhogadāyike

O best of kings, from them was born great Joy, and another - Peace; two auspicious maidens were born, givers of happy union -

Verse 76 (padma.2.77.76)

लीलाक्रीडा मनोभाव संयोगस्तु महान्नृप । रत्यास्तु वामनेत्राद्वै आनंदादश्रुबिंदवः

līlākrīḍā manobhāva saṁyogastu mahānnṛpa ratyāstu vāmanetrādvai ānaṁdādaśrubiṁdavaḥ

- O king, Lila, Krida, Manobhava, and great Union were also born. And from Rati's left eye, tears of joy -

Verse 77 (padma.2.77.77)

जलांते पतिता राजंस्तस्माज्जज्ञे सुपंकजम् । तस्मात्सुपंकजाज्जाता इयं नारी वरानना

jalāṁte patitā rājaṁstasmājjajñe supaṁkajam tasmātsupaṁkajājjātā iyaṁ nārī varānanā

- fell, O king, at the water's edge, and from them a beautiful lotus was born; and from that beautiful lotus this lovely-faced woman was born -

Verse 78 (padma.2.77.78)

अश्रुबिंदुमती नाम रतिपुत्री नरोत्तम । तस्याः प्रीत्या सुखं कृत्वा नित्यं वर्त्ते समीपगा

aśrubiṁdumatī nāma ratiputrī narottama tasyāḥ prītyā sukhaṁ kṛtvā nityaṁ vartte samīpagā

- named Ashrubindumati, O best of men, daughter of Rati. Finding happiness in her love, I remain always near her -

Verse 79 (padma.2.77.79)

सखीभावस्वभावेन संहृष्टा सर्वदा शुभा । विशाला नाम मे ख्यातं वरुणस्य सुता नृप

sakhībhāvasvabhāvena saṁhṛṣṭā sarvadā śubhā viśālā nāma me khyātaṁ varuṇasya sutā nṛpa

- always joyful and gracious by the very nature of true friendship; O king, my name, known as Vishala, is that I am the daughter of Varuna.

Verse 80 (padma.2.77.80)

अस्याश्चांते प्रवर्तामि स्नेहात्स्निग्धास्मि सर्वदा । एतत्ते सर्वमाख्यातमस्याश्चात्मन एव ते

asyāścāṁte pravartāmi snehātsnigdhāsmi sarvadā etatte sarvamākhyātamasyāścātmana eva te

I act always for her sake, ever tender toward her out of affection. All this I have told you, about her and about myself.

Verse 81 (padma.2.77.81)

तपश्चचार राजेंद्र पतिकामा वरानना । राजोवाच- सर्वमेव त्वयाख्यातं मया ज्ञातं शुभे शृणु

tapaścacāra rājeṁdra patikāmā varānanā rājovāca- sarvameva tvayākhyātaṁ mayā jñātaṁ śubhe śṛṇu

O king of kings, that lovely woman then performed austerity, desiring a husband." The king said: "You have told me everything, O auspicious one; now hear what I have to say."

Verse 82 (padma.2.77.82)

मामेवं हि भजत्वेषा रतिपुत्री वरानना । यमेषा वांछते बाला तत्सर्वं तु ददाम्यहम्

māmevaṁ hi bhajatveṣā ratiputrī varānanā yameṣā vāṁchate bālā tatsarvaṁ tu dadāmyaham

"'Let this daughter of Rati, this lovely one, take me as her own; whatever this girl desires, all of it I shall give.'"

Verse 83 (padma.2.77.83)

तथा कुरुष्व कल्याणि यथा मे वश्यतां व्रजेत् । विशालोवाच- अस्या व्रतं प्रवक्ष्यामि तदाकर्णय भूपते

tathā kuruṣva kalyāṇi yathā me vaśyatāṁ vrajet viśālovāca- asyā vrataṁ pravakṣyāmi tadākarṇaya bhūpate

"'Do this, O gracious one, in such a way that she comes under my power.'" Vishala said: "I shall tell you her vow; hear it, O lord of the earth."

Verse 84 (padma.2.77.84)

पुरुषं यौवनोपेतं सर्वज्ञं वीरलक्षणम् । देवराजसमं राजन्धर्माचारसमन्वितम्

puruṣaṁ yauvanopetaṁ sarvajñaṁ vīralakṣaṇam devarājasamaṁ rājandharmācārasamanvitam

"'A man endowed with youth, all-knowing, marked with heroism, O king, equal to the king of the gods, possessed of righteous conduct -'"

Verse 85 (padma.2.77.85)

तेजस्विनं महाप्राज्ञं दातारं यज्विनां वरम् । गुणानां धर्मभावस्य ज्ञातारं पुण्यभाजनम्

tejasvinaṁ mahāprājñaṁ dātāraṁ yajvināṁ varam guṇānāṁ dharmabhāvasya jñātāraṁ puṇyabhājanam

"'- radiant, greatly wise, generous, foremost among those who perform sacrifice, knower of virtue and of the nature of dharma, a vessel of merit -'"

Verse 86 (padma.2.77.86)

लोक इंद्रसमं राजन्सुयज्ञैर्धर्मतत्परम् । सर्वैश्वर्यसमोपेतं नारायणमिवापरम्

loka iṁdrasamaṁ rājansuyajñairdharmatatparam sarvaiśvaryasamopetaṁ nārāyaṇamivāparam

"'- equal to Indra among men, devoted to dharma through fine sacrifices, endowed with every prosperity, like another Narayana -'"

Verse 87 (padma.2.77.87)

देवानां सुप्रियं नित्यं ब्राह्मणानामतिप्रियम् । ब्रह्मण्यं वेदतत्त्वज्ञं त्रैलोक्ये ख्यातविक्रमम्

devānāṁ supriyaṁ nityaṁ brāhmaṇānāmatipriyam brahmaṇyaṁ vedatattvajñaṁ trailokye khyātavikramam

"'- ever beloved of the gods, exceedingly dear to brahmins, devoted to brahmins, knower of the truth of the Vedas, renowned for valor in all three worlds -'"

Verse 88 (padma.2.77.88)

एवंगुणैः समुपेतं त्रैलोक्येन प्रपूजितम् । सुमतिं सुप्रियं कांतं मनसा वरमीप्सति

evaṁguṇaiḥ samupetaṁ trailokyena prapūjitam sumatiṁ supriyaṁ kāṁtaṁ manasā varamīpsati

"'- such a man, endowed with these qualities, honored by the three worlds, wise, most beloved, and charming - such a bridegroom does she desire in her heart.'"

Verse 89 (padma.2.77.89)

ययातिरुवाच- एवं गुणैः समुपेतं विद्धि मामिह चागतम् । अस्यानुरूपो भर्त्ताहं सृष्टो धात्रा न संशयः

yayātiruvāca- evaṁ guṇaiḥ samupetaṁ viddhi māmiha cāgatam asyānurūpo bharttāhaṁ sṛṣṭo dhātrā na saṁśayaḥ

Yayati said: "Know that I, who stand here, am endowed with just these qualities; I am, without doubt, a husband fit for her, made so by the Creator himself."

Verse 90 (padma.2.77.90)

विशालोवाच- भवंतं पुण्यसंवृद्धं जाने राजञ्जगत्त्रये । पूर्वोक्ता ये गुणाः सर्वे मयोक्ताः संति ते त्वयि

viśālovāca- bhavaṁtaṁ puṇyasaṁvṛddhaṁ jāne rājañjagattraye pūrvoktā ye guṇāḥ sarve mayoktāḥ saṁti te tvayi

Vishala said: "O king, I know you to be one grown great in merit throughout the three worlds; all the qualities I described earlier are indeed present in you -"

Verse 91 (padma.2.77.91)

एकेनापि च दोषेण त्वामेषा हि न मन्यते । एष मे संशयो जातो भवान्विष्णुमयो नृप

ekenāpi ca doṣeṇa tvāmeṣā hi na manyate eṣa me saṁśayo jāto bhavānviṣṇumayo nṛpa

"'- yet because of just one fault this girl does not accept you. O king, this doubt has arisen in me - are you wholly of the nature of Vishnu, or not?'"

Verse 92 (padma.2.77.92)

ययातिरुवाच- समाचक्ष्व महादोषं यमेषा नानुमन्यते । तत्त्वेन चारुसर्वांगी प्रसादसुमुखी भव

yayātiruvāca- samācakṣva mahādoṣaṁ yameṣā nānumanyate tattvena cārusarvāṁgī prasādasumukhī bhava

Yayati said: "Tell me the great fault because of which she does not accept me; be truthful, O lovely-limbed one, and let your face show favor."

Verse 93 (padma.2.77.93)

विशालोवाच- आत्मदोषं न जानासि कस्मात्त्वं जगतीपते । जरया व्याप्तकायस्त्वमनेनेयं न मन्यते

viśālovāca- ātmadoṣaṁ na jānāsi kasmāttvaṁ jagatīpate jarayā vyāptakāyastvamaneneyaṁ na manyate

Vishala said: "Why do you not know your own fault, O lord of the earth? Your body is pervaded by Old Age - it is for this that she does not accept you."

Verse 94 (padma.2.77.94)

एवं श्रुत्वा महद्वाक्यमप्रियं जगतीपतिः । दुःखेन महताविष्टस्तामुवाच पुनर्नृपः

evaṁ śrutvā mahadvākyamapriyaṁ jagatīpatiḥ duḥkhena mahatāviṣṭastāmuvāca punarnṛpaḥ

Having heard this great, unwelcome statement, the lord of the earth, overcome with great sorrow, said to her once more -

Verse 95 (padma.2.77.95)

जरादोषो न मे भद्रे संसर्गात्कस्यचित्कदा । समुद्भूतं ममांगे वै तं न जाने जरागमम्

jarādoṣo na me bhadre saṁsargātkasyacitkadā samudbhūtaṁ mamāṁge vai taṁ na jāne jarāgamam

"'The fault of old age has never arisen in me, O gracious one, from any contact at all; I know of no such onset of old age in my body.'"

Verse 96 (padma.2.77.96)

यं यं हि वांछते चैषा त्रैलोक्ये दुर्लभं शुभे । तमस्यै दातुकामोहं व्रियतां वर उत्तमः

yaṁ yaṁ hi vāṁchate caiṣā trailokye durlabhaṁ śubhe tamasyai dātukāmohaṁ vriyatāṁ vara uttamaḥ

"'Whatever this girl desires, however rare in all three worlds, O auspicious one, that I am ready to give her; let the best of boons be chosen.'"

Verse 97 (padma.2.77.97)

विशालोवाच- जराहीनो यदा स्यास्त्वं तदा ते सुप्रिया भवेत् । एतद्विनिश्चितं राजन्सत्यं सत्यं वदाम्यहम्

viśālovāca- jarāhīno yadā syāstvaṁ tadā te supriyā bhavet etadviniścitaṁ rājansatyaṁ satyaṁ vadāmyaham

Vishala said: "'When you become free from old age, then you shall become dear to her; this is settled, O king - I speak the truth, only the truth.'"

Verse 98 (padma.2.77.98)

श्रुतिरेवं वदेद्राजन्पुत्रे भ्रातरि भृत्यके । जरा संक्राम्यते यस्य तस्यांगे परिसंचरेत्

śrutirevaṁ vadedrājanputre bhrātari bhṛtyake jarā saṁkrāmyate yasya tasyāṁge parisaṁcaret

"'The scripture says this, O king: regarding a son, a brother, or a servant - into whichever of them old age is passed on -'"

Verse 99 (padma.2.77.99)

तारुण्यं तस्य वै गृह्य तस्मै दत्वा जरां पुनः । उभयोः प्रीतिसंवादः सुरुच्या जायते शुभः

tāruṇyaṁ tasya vai gṛhya tasmai datvā jarāṁ punaḥ ubhayoḥ prītisaṁvādaḥ surucyā jāyate śubhaḥ

"'- taking his youth in exchange, and giving him one's own old age, a good and auspicious bond of affection arises between the two.'"

Verse 100 (padma.2.77.100)

यथात्मदानपुण्यस्य कृपया यो ददाति च । फलं राजन्हि तत्तस्य जायते नात्र संशयः

yathātmadānapuṇyasya kṛpayā yo dadāti ca phalaṁ rājanhi tattasya jāyate nātra saṁśayaḥ

"'Just as one who, out of grace, gives another the merit of his own self-giving - the fruit of that, O king, becomes his very own; of this there is no doubt.'"

Verse 101 (padma.2.77.101)

दुःखेनोपार्जितं पुण्यमन्यस्मै हि प्रदीयते । सुपुण्यं तद्भवेत्तस्य पुण्यस्य फलमश्नुते

duḥkhenopārjitaṁ puṇyamanyasmai hi pradīyate supuṇyaṁ tadbhavettasya puṇyasya phalamaśnute

"'Merit earned through hardship, when given to another, becomes that other's own great merit, and he enjoys the fruit of that very merit.'"

Verse 102 (padma.2.77.102)

पुत्राय दीयतां राजंस्तस्मात्तारुण्यमेव च । प्रगृह्यैव समागच्छ सुंदरत्वेन भूपते

putrāya dīyatāṁ rājaṁstasmāttāruṇyameva ca pragṛhyaiva samāgaccha suṁdaratvena bhūpate

"'Therefore, O king, give that youthfulness to your son; take it, and come to me adorned with that beauty.'"

Verse 103 (padma.2.77.103)

यदा त्वमिच्छसे भोक्तुं तदा त्वं कुरुभूपते । एवमाभाष्य सा भूपं विशाला विरराम ह

yadā tvamicchase bhoktuṁ tadā tvaṁ kurubhūpate evamābhāṣya sā bhūpaṁ viśālā virarāma ha

"'When you wish to enjoy me, O lord of the earth, do just this.'" Having said this to the king, Vishala fell silent.

Verse 104 (padma.2.77.104)

सुकर्मोवाच- एवमाकर्ण्य राजेंद्रो विशालामवदत्तदा । राजोवाच- एवमस्तु महाभागे करिष्ये वचनं तव

sukarmovāca- evamākarṇya rājeṁdro viśālāmavadattadā rājovāca- evamastu mahābhāge kariṣye vacanaṁ tava

Sukarma said: "Having heard this, the king of kings said to Vishala." The king said: "So be it, O most fortunate one; I shall do as you say."

Verse 105 (padma.2.77.105)

कामासक्तः समूढस्तु ययातिः पृथिवीपतिः । गृहं गत्वा समाहूय सुतान्वाक्यमुवाच ह

kāmāsaktaḥ samūḍhastu yayātiḥ pṛthivīpatiḥ gṛhaṁ gatvā samāhūya sutānvākyamuvāca ha

Bewildered, overcome with attachment to desire, Yayati, lord of the earth, went home, summoned his sons, and spoke these words.

Verse 106 (padma.2.77.106)

तुरुं पूरुं कुरुं राजा यदुं च पितृवत्सलम् । कुरुध्वं पुत्रकाः सौख्यं यूयं हि मम शासनात्

turuṁ pūruṁ kuruṁ rājā yaduṁ ca pitṛvatsalam kurudhvaṁ putrakāḥ saukhyaṁ yūyaṁ hi mama śāsanāt

The king said to Turu, Puru, Kuru, and to Yadu, devoted to his father, "My sons, at my command, do what brings me happiness."

Verse 107 (padma.2.77.107)

पुत्रा ऊचुः- पितृवाक्यं प्रकर्तव्यं पुत्रैश्चापि शुभाशुभम् । उच्यतां तात तच्छीघ्रं कृतं विद्धि न संशयः

putrā ūcuḥ- pitṛvākyaṁ prakartavyaṁ putraiścāpi śubhāśubham ucyatāṁ tāta tacchīghraṁ kṛtaṁ viddhi na saṁśayaḥ

The sons said: "A father's word, whether good or bad, must surely be carried out by his sons. Speak quickly, father - know that it shall be done, without doubt."

Verse 108 (padma.2.77.108)

एवमाकर्ण्यतद्वाक्यं पुत्राणां पृथिवीपतिः । आचचक्षे पुनस्तेषु हर्षेणाकुलमानसः

evamākarṇyatadvākyaṁ putrāṇāṁ pṛthivīpatiḥ ācacakṣe punasteṣu harṣeṇākulamānasaḥ

Having heard these words of his sons, the lord of the earth, his heart overwhelmed with joy, spoke to them once again.