The Wide World of Tirthas: Prayaga, the Ganga, and the Pilgrimage of Dilipa

Verse 1 (padma.3.39.1)

नारद उवाच । अथ संध्यां समासाद्य स विद्यांतीर्थमुत्तमम् । उपस्पृश्य नरो विद्वान्भवेन्नास्त्यत्र संशयः ।

nārada uvāca atha saṁdhyāṁ samāsādya sa vidyāṁtīrthamuttamam upaspṛśya naro vidvānbhavennāstyatra saṁśayaḥ

Narada said: Then, reaching Sandhya, the excellent Vidya-tirtha, and touching its waters, a man becomes wise — of this there is no doubt.

Verse 2 (padma.3.39.2)

रामस्य च प्रसादेन तीर्थराजं कृतं पुरा । तल्लौहित्यं समासाद्य विंद्याद्बहुसुवर्णकम् ।

rāmasya ca prasādena tīrtharājaṁ kṛtaṁ purā tallauhityaṁ samāsādya viṁdyādbahusuvarṇakam

By the grace of Rama, it was formerly made the king of tirthas. Reaching that Lauhitya, one obtains the merit of much gold given in gift.

Verse 3 (padma.3.39.3)

करतोयां समासाद्य त्रिरात्रोपोषितो नरः । अश्वमेधमवाप्नोति शक्रलोकं च गच्छति ।

karatoyāṁ samāsādya trirātropoṣito naraḥ aśvamedhamavāpnoti śakralokaṁ ca gacchati

Reaching the river Karatoya, a man who fasts three nights obtains the fruit of the Ashvamedha and goes to the world of Indra.

Verse 4 (padma.3.39.4)

गंगायास्त्वथ राजेंद्र सागरस्य च संगमे । अश्वमेधं दशगुणं प्रवदंति मनीषणः ।

gaṁgāyāstvatha rājeṁdra sāgarasya ca saṁgame aśvamedhaṁ daśaguṇaṁ pravadaṁti manīṣaṇaḥ

And, O lord of kings, at the confluence of the Ganga and the ocean, the wise declare the merit of an Ashvamedha to be tenfold.

Verse 5 (padma.3.39.5)

गंगायास्तु परं द्वीपं प्राप्य यः स्नाति भारत । त्रिरात्रोपोषितो राजन्सर्वकाममवाप्नुयात् ।

gaṁgāyāstu paraṁ dvīpaṁ prāpya yaḥ snāti bhārata trirātropoṣito rājansarvakāmamavāpnuyāt

He who, having reached the farther island of the Ganga, O Bharata, bathes there, fasting three nights, O king, obtains all his desires.

Verse 6 (padma.3.39.6)

ततो वैतरणीं गत्वा नदीं पापप्रमोचनीम् । विरजं तीर्थमासाद्य विराजति यथा शशी ।

tato vaitaraṇīṁ gatvā nadīṁ pāpapramocanīm virajaṁ tīrthamāsādya virājati yathā śaśī

Then, going to the river Vaitarani, which releases from sin, and reaching the tirtha Viraja, one shines forth like the moon.

Verse 7 (padma.3.39.7)

प्रभावे च कुलं पूत्वा सर्वपापं व्यपोहति । गोसहस्रफलं लब्ध्वा पुनाति स्वकुलं नरः ।

prabhāve ca kulaṁ pūtvā sarvapāpaṁ vyapohati gosahasraphalaṁ labdhvā punāti svakulaṁ naraḥ

By its power he purifies his lineage and casts off all sin; obtaining the fruit of a thousand cows, a man purifies his own family.

Verse 8 (padma.3.39.8)

शोणस्य ज्योतिरथ्याश्च संगमे निवसञ्छुचिः । तर्पयित्वा पितॄन्देवानग्निष्टोमफलं लभेत् ।

śoṇasya jyotirathyāśca saṁgame nivasañchuciḥ tarpayitvā pitṝndevānagniṣṭomaphalaṁ labhet

Dwelling purely at the confluence of the Shona and the Jyotiratha, and offering libations to the ancestors and gods, one obtains the fruit of the Agnishtoma.

Verse 9 (padma.3.39.9)

शोणस्य नर्मदायाश्च प्रभवे कुरुपुंगव । वंशगुल्ममुपस्पृश्य वाजिमेधफलं लभेत् ।

śoṇasya narmadāyāśca prabhave kurupuṁgava vaṁśagulmamupaspṛśya vājimedhaphalaṁ labhet

At the source of the Shona and the Narmada, O bull of the Kurus, touching Vamshagulma, one obtains the fruit of the horse-sacrifice.

Verse 10 (padma.3.39.10)

ऋषभं तीर्थमासाद्य कोशलायां नराधिप । वाजिमेधमवाप्नोति त्रिरात्रोपोषितो नरः ।

ṛṣabhaṁ tīrthamāsādya kośalāyāṁ narādhipa vājimedhamavāpnoti trirātropoṣito naraḥ

Reaching the tirtha Rishabha in Koshala, O lord of men, a man who fasts three nights obtains the fruit of the horse-sacrifice.

Verse 11 (padma.3.39.11)

कोशलायां समासाद्य कालतीर्थमुपस्पृशेत् । वृषभैकादशगुणं लभते नात्र संशयः ।

kośalāyāṁ samāsādya kālatīrthamupaspṛśet vṛṣabhaikādaśaguṇaṁ labhate nātra saṁśayaḥ

Reaching Koshala, one should touch the Kala-tirtha; he obtains eleven times the merit of giving a bull — of this there is no doubt.

Verse 12 (padma.3.39.12)

पुष्पवत्यामुपस्पृश्य त्रिरात्रोपोषितो नरः । गोसहस्रफलं विंद्यात्कुलं चैव समुद्धरेत् ।

puṣpavatyāmupaspṛśya trirātropoṣito naraḥ gosahasraphalaṁ viṁdyātkulaṁ caiva samuddharet

Touching the river Pushpavati, a man who fasts three nights obtains the fruit of a thousand cows and delivers his lineage.

Verse 13 (padma.3.39.13)

ततो बदारिकातीर्थे स्नात्वा प्रयतमानसः । दीर्घायुष्यमवाप्नोति स्वर्गलोकं च गच्छति ।

tato badārikātīrthe snātvā prayatamānasaḥ dīrghāyuṣyamavāpnoti svargalokaṁ ca gacchati

Then, bathing at the tirtha Badarika with a controlled mind, one obtains long life and goes to Svargaloka.

Verse 14 (padma.3.39.14)

ततो महेंद्रमासाद्य जामदग्न्यनिषेवितम् । रामतीर्थे नरः स्नात्वा वाजिमेधफलं लभेत् ।

tato maheṁdramāsādya jāmadagnyaniṣevitam rāmatīrthe naraḥ snātvā vājimedhaphalaṁ labhet

Then, reaching Mount Mahendra, frequented by the son of Jamadagni, a man, bathing at Rama-tirtha, obtains the fruit of the horse-sacrifice.

Verse 15 (padma.3.39.15)

मतंगस्य तु केदारं तत्रैव भरतर्षभ । तत्र स्नात्वा नरो राजन्गोसहस्रफलं लभेत् ।

mataṁgasya tu kedāraṁ tatraiva bharatarṣabha tatra snātvā naro rājangosahasraphalaṁ labhet

And Matanga's Kedara is there as well, O bull of the Bharatas; bathing there, O king, a man obtains the fruit of a thousand cows.

Verse 16 (padma.3.39.16)

श्रीपर्वतं समासाद्य नदीतीरमुपस्पृशेत् । अश्वमेधमवाप्नोति परां सिद्धिं च गच्छति ।

śrīparvataṁ samāsādya nadītīramupaspṛśet aśvamedhamavāpnoti parāṁ siddhiṁ ca gacchati

Reaching Shriparvata, one should touch the riverbank there; he obtains the fruit of the Ashvamedha and attains supreme perfection.

Verse 17 (padma.3.39.17)

श्रीपर्वते महादेवो देव्या सह महाद्युतिः । न्यवसत्परमप्रीतो ब्रह्मा च त्रिदशैर्वृतः ।

śrīparvate mahādevo devyā saha mahādyutiḥ nyavasatparamaprīto brahmā ca tridaśairvṛtaḥ

At Shriparvata, Mahadeva of great splendor, together with the Goddess, dwelt in supreme delight, and Brahma too, surrounded by the thirty gods.

Verse 18 (padma.3.39.18)

तत्र देवह्रदे स्नात्वा शुचिः प्रयतमानसः । अश्वमेधमवाप्नोति परां सिद्धिं च गच्छति ।

tatra devahrade snātvā śuciḥ prayatamānasaḥ aśvamedhamavāpnoti parāṁ siddhiṁ ca gacchati

Bathing there in Devahrada, pure and with controlled mind, one obtains the fruit of the Ashvamedha and attains supreme perfection.

Verse 19 (padma.3.39.19)

ऋषभं पर्वतं गत्वा भांडेषु सुरपूजितम् । वाजपेयमवाप्नोति नाकपृष्ठे च मोदते ।

ṛṣabhaṁ parvataṁ gatvā bhāṁḍeṣu surapūjitam vājapeyamavāpnoti nākapṛṣṭhe ca modate

Going to Mount Rishabha, worshipped by the gods, one obtains the fruit of the Vajapeya and rejoices atop heaven.

Verse 20 (padma.3.39.20)

ततो गच्छेत कावेरीं वृतामृप्सरसां गणैः । तत्र स्नात्वा नरो राजन्गोसहस्रफलं लभेत् ।

tato gaccheta kāverīṁ vṛtāmṛpsarasāṁ gaṇaiḥ tatra snātvā naro rājangosahasraphalaṁ labhet

Then let him go to the Kaveri, thronged by hosts of Apsaras; bathing there, O king, a man obtains the fruit of a thousand cows.

Verse 21 (padma.3.39.21)

तत्र तीर्थे समुद्रस्य कन्यातीर्थमुपस्पृशेत् । तत्रोपस्पृश्य राजेंद्र सर्वपापैः प्रमुच्यते ।

tatra tīrthe samudrasya kanyātīrthamupaspṛśet tatropaspṛśya rājeṁdra sarvapāpaiḥ pramucyate

At that tirtha of the ocean, one should touch Kanya-tirtha; touching it there, O lord of kings, one is freed from all sins.

Verse 22 (padma.3.39.22)

अथ गोकमर्णमासाद्य त्रिषुलोकेषु विश्रुतम् । समुद्रमध्ये राजेंद्र सर्वलोकनमस्कृतम् ।

atha gokamarṇamāsādya triṣulokeṣu viśrutam samudramadhye rājeṁdra sarvalokanamaskṛtam

Then, reaching Gokarna, renowned in the three worlds, in the midst of the ocean, O lord of kings, honored by all the worlds —

Verse 23 (padma.3.39.23)

यत्र ब्रह्मादयो देवा मुनयश्च तपोधनाः । भूतयक्षाः पिशाचाश्च किन्नराः समहोरगाः ।

yatra brahmādayo devā munayaśca tapodhanāḥ bhūtayakṣāḥ piśācāśca kinnarāḥ samahoragāḥ

where Brahma and the other gods, sages rich in austerity, spirits, Yakshas, Pishachas, Kinnaras, and great serpents,

Verse 24 (padma.3.39.24)

सिद्धचारणगंधर्वा मानुषाः पन्नगास्तथा । सरितः सागराः शैला उपासंते उमापतिम् ।

siddhacāraṇagaṁdharvā mānuṣāḥ pannagāstathā saritaḥ sāgarāḥ śailā upāsaṁte umāpatim

Siddhas, Charanas, Gandharvas, humans, and Nagas, rivers, oceans, and mountains, all worship the Lord of Uma.

Verse 25 (padma.3.39.25)

तत्रेशानं समभ्यर्च्य त्रिरात्रोपोषितो नरः । दशाश्वमेधमाप्नोति गाणपत्यं च विंदति ।

tatreśānaṁ samabhyarcya trirātropoṣito naraḥ daśāśvamedhamāpnoti gāṇapatyaṁ ca viṁdati

There, worshipping Ishana while fasting three nights, a man obtains the merit of ten Ashvamedhas and attains the state of a Ganapati.

Verse 26 (padma.3.39.26)

उपोष्य द्वादशरात्रं कृतार्थो जायते नरः । तस्मिन्नेव तु गायत्र्याः स्थानं त्रैलोक्यविश्रुतम् ।

upoṣya dvādaśarātraṁ kṛtārtho jāyate naraḥ tasminneva tu gāyatryāḥ sthānaṁ trailokyaviśrutam

Fasting for twelve nights, a man becomes fulfilled. In that very place is the abode of Gayatri, renowned in the three worlds.

Verse 27 (padma.3.39.27)

त्रिरात्रमुषितस्तत्र गोसहस्रफलं लभेत् । निदर्शनं च प्रत्यक्षं ब्राह्मणानां नराधिप ।

trirātramuṣitastatra gosahasraphalaṁ labhet nidarśanaṁ ca pratyakṣaṁ brāhmaṇānāṁ narādhipa

Dwelling there three nights, one obtains the fruit of a thousand cows; and there is a visible sign, O lord of men, evident to Brahmins —

Verse 28 (padma.3.39.28)

गायत्रीं पठते यस्तु योनिसंकरजो द्विजः । गाथा वा गीतिका वाणी तस्य संपद्यते नृप ।

gāyatrīṁ paṭhate yastu yonisaṁkarajo dvijaḥ gāthā vā gītikā vāṇī tasya saṁpadyate nṛpa

whatever twice-born, even one born of a mixed union, recites the Gayatri there, O king, his speech becomes as sweet as a hymn or a song.

Verse 29 (padma.3.39.29)

अब्राह्मणस्य पठतः सावित्री तूपनश्यति । संवर्तस्य तु विप्रर्षे वापीमासाद्य दुर्ल्लभाम् ।

abrāhmaṇasya paṭhataḥ sāvitrī tūpanaśyati saṁvartasya tu viprarṣe vāpīmāsādya durllabhām

But if a non-Brahmin recites it, the Savitri mantra itself is lost to him. And, O sage among Brahmins, reaching Samvarta's rare step-well —

Verse 30 (padma.3.39.30)

रूपस्य भागी भवति सुभगश्चाभिजायते । ततो वेणां समासाद्य तर्पयेत्पितृदेवताः ।

rūpasya bhāgī bhavati subhagaścābhijāyate tato veṇāṁ samāsādya tarpayetpitṛdevatāḥ

one becomes possessed of beauty and is reborn fortunate. Then, reaching the river Vena, one should offer libations to the ancestor-deities.

Verse 31 (padma.3.39.31)

मयूरहंससंयुक्तं विमानं लभते नरः । ततो गोदावरीं प्राप्य नित्यसिद्धनिषेविताम् ।

mayūrahaṁsasaṁyuktaṁ vimānaṁ labhate naraḥ tato godāvarīṁ prāpya nityasiddhaniṣevitām

A man obtains a celestial chariot yoked with peacocks and swans. Then, reaching the Godavari, ever frequented by Siddhas —

Verse 32 (padma.3.39.32)

गवामयमवाप्नोति वायुलोकं च गच्छति । वेणायाः संगमे स्नात्वा वाजपेयफलं लभेत् ।

gavāmayamavāpnoti vāyulokaṁ ca gacchati veṇāyāḥ saṁgame snātvā vājapeyaphalaṁ labhet

he obtains the fruit of the Gavamaya sacrifice and goes to the world of Vayu. Bathing at the confluence of the Vena, one obtains the fruit of the Vajapeya.

Verse 33 (padma.3.39.33)

वरदासंगमं स्नात्वा गोसहस्रफलं लभेत् । ब्रह्मस्थूणां समासाद्य त्रिरात्रोपोषितो नरः ।

varadāsaṁgamaṁ snātvā gosahasraphalaṁ labhet brahmasthūṇāṁ samāsādya trirātropoṣito naraḥ

Bathing at the confluence of the Varada, one obtains the fruit of a thousand cows. Reaching Brahmasthuna, a man who fasts three nights —

Verse 34 (padma.3.39.34)

गोसहस्रफलं विंद्यात्स्वर्गलोकं च गच्छति । कुब्जावनं समासाद्य ब्रह्मचारी समाहितः ।

gosahasraphalaṁ viṁdyātsvargalokaṁ ca gacchati kubjāvanaṁ samāsādya brahmacārī samāhitaḥ

obtains the fruit of a thousand cows and goes to Svargaloka. A composed celibate, reaching Kubjavana —

Verse 35 (padma.3.39.35)

त्रिरात्रोपोषितः स्नात्वा गोसहस्रफलं लभेत् । ततो देवह्रदे स्नात्वा कृष्णवेणा जलोद्भवे ।

trirātropoṣitaḥ snātvā gosahasraphalaṁ labhet tato devahrade snātvā kṛṣṇaveṇā jalodbhave

fasting three nights and bathing, obtains the fruit of a thousand cows. Then, bathing in Devahrada, born of the waters of the Krishna-Vena —

Verse 36 (padma.3.39.36)

ज्योतिर्मात्र ह्रदे चैव तथा कन्याश्रमे नृप । यत्र क्रतुशतैरिष्ट्वा देवराजो दिवं गतः ।

jyotirmātra hrade caiva tathā kanyāśrame nṛpa yatra kratuśatairiṣṭvā devarājo divaṁ gataḥ

and likewise in the pool Jyotirmatra, and at Kanyashrama, O king, where the king of gods, having sacrificed with a hundred rites, went to heaven —

Verse 37 (padma.3.39.37)

अग्निष्टोमशतं विंद्याद्गमनादेव तत्र तु । सर्वदेवह्रदे स्नात्वा गोसहस्रफलं लभेत् ।

agniṣṭomaśataṁ viṁdyādgamanādeva tatra tu sarvadevahrade snātvā gosahasraphalaṁ labhet

by the mere act of going there, one obtains the merit of a hundred Agnishtomas. Bathing in Sarvadevahrada, one obtains the fruit of a thousand cows.

Verse 38 (padma.3.39.38)

जातिमात्र ह्रदे स्नात्वा भवेज्जातिस्मरो नरः । शरभंगाश्रमं गत्वा शुकस्य च महात्मनः ।

jātimātra hrade snātvā bhavejjātismaro naraḥ śarabhaṁgāśramaṁ gatvā śukasya ca mahātmanaḥ

Bathing in the pool Jatimatra, a man becomes one who remembers his past births. Going to the hermitage of Sharabhanga and of the great soul Shuka —

Verse 39 (padma.3.39.39)

पितृदेवार्चनरतो गोसहस्रफलं लभेत् । दंडकारण्यमासाद्य महाराज उपस्पृशेत् ।

pitṛdevārcanarato gosahasraphalaṁ labhet daṁḍakāraṇyamāsādya mahārāja upaspṛśet

one devoted to worshipping the ancestors and gods obtains the fruit of a thousand cows. Reaching the Dandaka forest, O great king, one should touch its waters.

Verse 40 (padma.3.39.40)

शरभंगाश्रमं गत्वा शुकस्य च महात्मनः । न दुर्गतिमवाप्नोति पुनाति स्वकुलं नरः ।

śarabhaṁgāśramaṁ gatvā śukasya ca mahātmanaḥ na durgatimavāpnoti punāti svakulaṁ naraḥ

Going to the hermitage of Sharabhanga and of the great soul Shuka, a man does not fall into an evil state and purifies his own family.

Verse 41 (padma.3.39.41)

ततः सूर्यारकं गच्छेज्जमदग्निनिषेवितम् । रामतीर्थं नरः स्नात्वा विंद्याद्बहुसुवर्णकम् ।

tataḥ sūryārakaṁ gacchejjamadagniniṣevitam rāmatīrthaṁ naraḥ snātvā viṁdyādbahusuvarṇakam

Then let him go to Suryaraka, frequented by Jamadagni; a man, bathing at Rama-tirtha, obtains the merit of much gold given in gift.

Verse 42 (padma.3.39.42)

सप्तगोदावरीं स्नात्वा नियतो नियताशनः । महापुण्यमवाप्नोति देवलोकं च गच्छति ।

saptagodāvarīṁ snātvā niyato niyatāśanaḥ mahāpuṇyamavāpnoti devalokaṁ ca gacchati

Bathing at Sapta-Godavari, disciplined and moderate in food, one obtains great merit and goes to the world of the gods.

Verse 43 (padma.3.39.43)

ततो देवपथं गच्छेन्नियतो नियताशनः । देवसत्रस्य यत्पुण्यं तदवाप्नोति मानवः ।

tato devapathaṁ gacchenniyato niyatāśanaḥ devasatrasya yatpuṇyaṁ tadavāpnoti mānavaḥ

Then, disciplined and moderate in food, let him go to Devapatha; a man obtains there the merit of the Devasattra sacrifice.

Verse 44 (padma.3.39.44)

तुंगकारण्यमासाद्य ब्रह्मचारी जितेंद्रियः । वेदानध्यापयत्तत्र मुनीन्सारस्वतः पुरा ।

tuṁgakāraṇyamāsādya brahmacārī jiteṁdriyaḥ vedānadhyāpayattatra munīnsārasvataḥ purā

A celibate of controlled senses reaches Tungakaranya; there formerly the sage Sarasvata taught the Vedas to the sages.

Verse 45 (padma.3.39.45)

तत्र वेदान्प्रणष्टांस्तु मुनेरांगिरसः सुतः । उपविष्टो महर्षीणामुत्तरीयेषु भारत ।

tatra vedānpraṇaṣṭāṁstu munerāṁgirasaḥ sutaḥ upaviṣṭo maharṣīṇāmuttarīyeṣu bhārata

There, O Bharata, when the Vedas had been lost, the son of the sage Angiras, seated upon the outer garments of the great sages —

Verse 46 (padma.3.39.46)

ॐकारेण यथान्यायं सम्यगुच्चारितेन ह । येन यत्पूर्वमभ्यस्तं तस्य तत्समुपस्थितम् ।

oṁkāreṇa yathānyāyaṁ samyaguccāritena ha yena yatpūrvamabhyastaṁ tasya tatsamupasthitam

by the syllable Om, duly and correctly pronounced, restored to each sage whatever portion he had previously studied.

Verse 47 (padma.3.39.47)

ऋषयस्तत्र देवाश्च वरुणोऽग्निप्रजापतिः । हरिर्नारायणो देवो महादेवस्तथैव च ।

ṛṣayastatra devāśca varuṇo'gniprajāpatiḥ harirnārāyaṇo devo mahādevastathaiva ca

The sages were there, and the gods — Varuna, Agni, Prajapati, the god Hari Narayana, and Mahadeva likewise,

Verse 48 (padma.3.39.48)

पितामहश्च भगवान्देवैस्सह महाद्युतिः । भृगुं नियोजयामास याजनार्थे महाद्युतिम् ।

pitāmahaśca bhagavāndevaissaha mahādyutiḥ bhṛguṁ niyojayāmāsa yājanārthe mahādyutim

and the blessed, greatly resplendent Grandsire, together with the gods; and he appointed the greatly resplendent Bhrigu for the purpose of performing the sacrifice.

Verse 49 (padma.3.39.49)

ततः स चक्रे भगवानृषीणां विधिवत्तदा । सर्वेषां पुनराधानं देवदृष्टेन कर्मणा ।

tataḥ sa cakre bhagavānṛṣīṇāṁ vidhivattadā sarveṣāṁ punarādhānaṁ devadṛṣṭena karmaṇā

Then that blessed one duly performed, by a rite ordained by the gods, the re-establishment of the sacred fires for all the sages.

Verse 50 (padma.3.39.50)

आज्यभागेन वै तत्र तर्पितास्तु यथाविधि । देवास्त्रिभुवनं याता ऋषयश्च यथासुखम् ।

ājyabhāgena vai tatra tarpitāstu yathāvidhi devāstribhuvanaṁ yātā ṛṣayaśca yathāsukham

Duly satisfied there with their portion of clarified butter, the gods returned to the three worlds, and the sages went their way in comfort.

Verse 51 (padma.3.39.51)

तदरण्यं प्रविष्टस्य तुंगकं राजसत्तम । पापं विनश्यते सद्यः स्त्रिया वै पुरुषस्य वा ।

tadaraṇyaṁ praviṣṭasya tuṁgakaṁ rājasattama pāpaṁ vinaśyate sadyaḥ striyā vai puruṣasya vā

O best of kings, for whoever enters that forest, Tungaka, the sin of that man or woman is destroyed at once.

Verse 52 (padma.3.39.52)

तत्र मासं वसेद्धीरो नियतो नियताशनः । ब्रह्मलोकं व्रजेद्राजन्पुनीते च कुलं पुनः ।

tatra māsaṁ vaseddhīro niyato niyatāśanaḥ brahmalokaṁ vrajedrājanpunīte ca kulaṁ punaḥ

A wise man who dwells there a month, disciplined and moderate in food, goes to the world of Brahma, O king, and purifies his lineage as well.

Verse 53 (padma.3.39.53)

मेधावनं समासाद्य पितृदेवांश्च तर्पयेत् । अग्निष्टोममवाप्नोति स्मृतिं मेधां च विंदति ।

medhāvanaṁ samāsādya pitṛdevāṁśca tarpayet agniṣṭomamavāpnoti smṛtiṁ medhāṁ ca viṁdati

Reaching Medhavana, and offering libations to the ancestors and gods, one obtains the fruit of the Agnishtoma and gains memory and intelligence.

Verse 54 (padma.3.39.54)

तत्र कालंजरं गत्वा गोसहस्रफलं लभेत् । आत्मानं साधयेत्तत्र गिरौ कालंजरे नृप ।

tatra kālaṁjaraṁ gatvā gosahasraphalaṁ labhet ātmānaṁ sādhayettatra girau kālaṁjare nṛpa

Going there to Kalanjara, one obtains the fruit of a thousand cows; let one perfect his self there on Mount Kalanjara, O king.

Verse 55 (padma.3.39.55)

स्वर्गलोके महीयेत नरो नास्त्यत्र संशयः । ततो गिरिवरश्रेष्ठे चित्रकूटे विशांपते ।

svargaloke mahīyeta naro nāstyatra saṁśayaḥ tato girivaraśreṣṭhe citrakūṭe viśāṁpate

He shall be exalted in Svargaloka — of this there is no doubt. Then, O lord of the people, at Chitrakuta, the best of the noble mountains —

Verse 56 (padma.3.39.56)

मंदाकिनीं समासाद्य नदीं पापविमोचनीम् । अत्राभिषेकं कुर्वाणः पितृदेवार्चने रतः ।

maṁdākinīṁ samāsādya nadīṁ pāpavimocanīm atrābhiṣekaṁ kurvāṇaḥ pitṛdevārcane rataḥ

reaching the river Mandakini, which releases from sin — bathing there and devoted to worshipping the ancestors and gods —

Verse 57 (padma.3.39.57)

अश्वमेधमवाप्नोति गतिं च परमां व्रजेत् । ततो गच्छेत राजेंद्र गुहस्थानमनुत्तमम् ।

aśvamedhamavāpnoti gatiṁ ca paramāṁ vrajet tato gaccheta rājeṁdra guhasthānamanuttamam

one obtains the fruit of the Ashvamedha and attains the supreme goal. Then, O lord of kings, let him go to the unsurpassed Guha-sthana.

Verse 58 (padma.3.39.58)

यत्र देवो महासेनो नित्यं सन्निहितो नृप । पुमांस्तत्र नरःश्रेष्ठ गमनादेव सिध्यति ।

yatra devo mahāseno nityaṁ sannihito nṛpa pumāṁstatra naraḥśreṣṭha gamanādeva sidhyati

Where the god Mahasena is ever present, O king; there, O best of men, a man attains perfection by the very act of going.

Verse 59 (padma.3.39.59)

कोटितीर्थे नरः स्नात्वा गोसहस्रफलं लभेत् । प्रदक्षिणमुपावृत्य यशःस्थानं व्रजेन्नरः ।

koṭitīrthe naraḥ snātvā gosahasraphalaṁ labhet pradakṣiṇamupāvṛtya yaśaḥsthānaṁ vrajennaraḥ

Bathing at Kotitirtha, a man obtains the fruit of a thousand cows; having circumambulated it, let a man go on to Yashahsthana.

Verse 60 (padma.3.39.60)

अभिगम्य महादेवं विराजति यथा शशी । तत्र कूपो महाराज विश्रुतो भरतर्षभ ।

abhigamya mahādevaṁ virājati yathā śaśī tatra kūpo mahārāja viśruto bharatarṣabha

Approaching Mahadeva there, one shines like the moon. There, O great king, O bull of the Bharatas, is a renowned well —

Verse 61 (padma.3.39.61)

समुद्रा यत्र चत्वारो निवसंति युधिष्ठिर । ततोपस्पृश्य राजेंद्र कृत्वा चापि प्रदक्षिणम् ।

samudrā yatra catvāro nivasaṁti yudhiṣṭhira tatopaspṛśya rājeṁdra kṛtvā cāpi pradakṣiṇam

where, O Yudhishthira, the four oceans dwell together. Touching it there, O lord of kings, and having also circumambulated it —

Verse 62 (padma.3.39.62)

नियतात्मा नरः पूतो गच्छेत परमां गतिम् । ततो गच्छेत्कुरुश्रेष्ठ शृंगवेरपुरं महत् ।

niyatātmā naraḥ pūto gaccheta paramāṁ gatim tato gacchetkuruśreṣṭha śṛṁgaverapuraṁ mahat

a self-controlled and purified man attains the supreme goal. Then, O best of the Kurus, let him go to the great city of Shringaverapura,

Verse 63 (padma.3.39.63)

यत्र तीर्णो महाप्राज्ञो रामो दाशरथिः पुरा । गंगायां तु नरः स्नात्वा ब्रह्मचारी जितेंद्रियः ।

yatra tīrṇo mahāprājño rāmo dāśarathiḥ purā gaṁgāyāṁ tu naraḥ snātvā brahmacārī jiteṁdriyaḥ

where the greatly wise Rama, son of Dasharatha, once crossed over. A man bathing in the Ganga there, a celibate of controlled senses —

Verse 64 (padma.3.39.64)

विधूतपाप्मा भवति वाजपेयं च विंदति । ततो मुंजवटं गछेत्स्थानं देवस्य धीमतः ।

vidhūtapāpmā bhavati vājapeyaṁ ca viṁdati tato muṁjavaṭaṁ gachetsthānaṁ devasya dhīmataḥ

becomes cleansed of sin and obtains the fruit of the Vajapeya. Then let him go to Munjavata, the abode of the wise god.

Verse 65 (padma.3.39.65)

अभिगम्य महादेवमभ्यर्च्य च नराधिप । प्रदक्षिणमुपावृत्य गाणपत्यमवाप्नुयात् ।

abhigamya mahādevamabhyarcya ca narādhipa pradakṣiṇamupāvṛtya gāṇapatyamavāpnuyāt

Approaching Mahadeva there and worshipping him, O lord of men, and having circumambulated him, one obtains the state of a lord of his hosts.

Verse 66 (padma.3.39.66)

ततो गच्छेत राजेंद्र प्रयागमृषिसंस्तुतम् । यत्र ब्रह्मादयो देवा दिशश्च सदिगीश्वराः ।

tato gaccheta rājeṁdra prayāgamṛṣisaṁstutam yatra brahmādayo devā diśaśca sadigīśvarāḥ

Then, O lord of kings, let him go to Prayaga, praised by the sages, where Brahma and the other gods, and the directions with their guardian lords,

Verse 67 (padma.3.39.67)

लोकपालाश्च सिद्धाश्च निरताः पितरस्तथा । सनत्कुमारप्रमुखास्तथैव च महर्षयः ।

lokapālāśca siddhāśca niratāḥ pitarastathā sanatkumārapramukhāstathaiva ca maharṣayaḥ

and the guardians of the world, the Siddhas, and the ever-devoted ancestors, and the great sages headed by Sanatkumara —

Verse 68 (padma.3.39.68)

तथा नागाः सुपर्णाश्च सिद्धाः शुक्रधरास्तथा । सरितः सागराश्चैव गंधर्वाप्सरसस्तथा ।

tathā nāgāḥ suparṇāśca siddhāḥ śukradharāstathā saritaḥ sāgarāścaiva gaṁdharvāpsarasastathā

and the Nagas, and the Suparnas, the Siddhas bearing pure light, the rivers and oceans, and the Gandharvas and Apsaras —

Verse 69 (padma.3.39.69)

हरिश्च भगवानास्ते प्रजापतिपुरस्कृतः । तत्र त्रीण्यपि कुंडानि तयोर्मध्येन जाह्नवी ।

hariśca bhagavānāste prajāpatipuraskṛtaḥ tatra trīṇyapi kuṁḍāni tayormadhyena jāhnavī

and the blessed Hari himself is present there, honored before Prajapati. There are the three pools there, and between them flows the Jahnavi.

Verse 70 (padma.3.39.70)

प्रयागात्समतिक्रांता सर्वतीर्थपुरस्कृता । तपनस्य सुता तत्र त्रिषु लोकेषु विश्रुता ।

prayāgātsamatikrāṁtā sarvatīrthapuraskṛtā tapanasya sutā tatra triṣu lokeṣu viśrutā

Having passed beyond Prayaga, honored above all tirthas — there too is the daughter of the Sun, renowned in the three worlds,

Verse 71 (padma.3.39.71)

यमुनागंगया सार्द्धं संगता लोकभाविनी । गंगायमुनयोर्मध्ये पृथिव्या जघनं स्मृतम् ।

yamunāgaṁgayā sārddhaṁ saṁgatā lokabhāvinī gaṁgāyamunayormadhye pṛthivyā jaghanaṁ smṛtam

the Yamuna, joined together with the Ganga, blessing the world. Between the Ganga and the Yamuna is remembered the hip of the earth,

Verse 72 (padma.3.39.72)

प्रयागं जघनस्यांतमुपस्थमृषयो विदुः । प्रयागं सुप्रतिष्ठानं कंबलाश्वतरावुभौ ।

prayāgaṁ jaghanasyāṁtamupasthamṛṣayo viduḥ prayāgaṁ supratiṣṭhānaṁ kaṁbalāśvatarāvubhau

and Prayaga the end of that hip, the sages know as its very lap. Prayaga is firmly established, guarded by the two serpents Kambala and Ashvatara,

Verse 73 (padma.3.39.73)

तीर्थं भोगवती चैव वेदी प्रोक्ता प्रजापतेः । तत्र वेदाश्च यज्ञाश्च मूर्त्तिमंतो युधिष्ठिर ।

tīrthaṁ bhogavatī caiva vedī proktā prajāpateḥ tatra vedāśca yajñāśca mūrttimaṁto yudhiṣṭhira

and Bhogavati is a tirtha there, called the sacrificial altar of Prajapati. There, O Yudhishthira, the Vedas and the sacrifices assume embodied form,

Verse 74 (padma.3.39.74)

प्रजापतिमुपासंत ऋषयश्च महानघाः । यजंते क्रतुभिर्देवांस्तथा चक्रधरा नृप ।

prajāpatimupāsaṁta ṛṣayaśca mahānaghāḥ yajaṁte kratubhirdevāṁstathā cakradharā nṛpa

and worship Prajapati; and great sinless sages, as well as the wielder of the discus, worship the gods with sacrificial rites.

Verse 75 (padma.3.39.75)

ततः पुण्यतमं नास्ति त्रिषु लोकेषु भारत । प्रयागं सर्वतीर्थेभ्यः प्रभावेणाधिकं प्रभो ।

tataḥ puṇyatamaṁ nāsti triṣu lokeṣu bhārata prayāgaṁ sarvatīrthebhyaḥ prabhāveṇādhikaṁ prabho

There is nothing more meritorious than this in the three worlds, O Bharata; Prayaga, O lord, surpasses all tirthas in power.

Verse 76 (padma.3.39.76)

श्रवणात्तस्य तीर्थस्य नामसंकीर्तनादपि । मूर्धका नमनाद्वापि सर्वपापैः प्रमुच्यते ।

śravaṇāttasya tīrthasya nāmasaṁkīrtanādapi mūrdhakā namanādvāpi sarvapāpaiḥ pramucyate

By merely hearing of that tirtha, or even by reciting its name, or by bowing one's head to it, one is freed from all sins.

Verse 77 (padma.3.39.77)

तत्राभिषेकं यः कुर्यात्संगमे संशितव्रतः । पुण्यं सुमहदाप्नोति राजसूयाश्वमेधयोः ।

tatrābhiṣekaṁ yaḥ kuryātsaṁgame saṁśitavrataḥ puṇyaṁ sumahadāpnoti rājasūyāśvamedhayoḥ

Whoever, of strict vows, bathes there at the confluence, obtains the great merit of both the Rajasuya and the Ashvamedha.

Verse 78 (padma.3.39.78)

एषा यजनभूमिर्हि देवानामपि तत्कथा । दत्तं तत्र स्वल्पमपि महद्भवति भारत ।

eṣā yajanabhūmirhi devānāmapi tatkathā dattaṁ tatra svalpamapi mahadbhavati bhārata

This indeed is the sacrificial ground even of the gods, so the story goes; whatever is given there, even a little, becomes great, O Bharata.

Verse 79 (padma.3.39.79)

न देववचनात्तात न लोकवचनादपि । मतिरुत्क्रमणीया ते प्रयागमरणं प्रति ।

na devavacanāttāta na lokavacanādapi matirutkramaṇīyā te prayāgamaraṇaṁ prati

Not because of the word of the gods, dear one, nor even because of the world's talk, should your resolve waver from the wish for death at Prayaga.

Verse 80 (padma.3.39.80)

दशतीर्थसहस्राणि षष्टिकोट्यस्तथापराः । येषां सान्निध्यमत्रैव कीर्त्तितं कुरुनंदन ।

daśatīrthasahasrāṇi ṣaṣṭikoṭyastathāparāḥ yeṣāṁ sānnidhyamatraiva kīrttitaṁ kurunaṁdana

Ten thousand tirthas, and sixty million others besides, are said, O joy of the Kurus, to be present there together.

Verse 81 (padma.3.39.81)

चतुर्विद्ये च यत्पुण्यं सत्यवादिषु चैव यत् । स्नातएवतदाप्नोतिगंगायामुनसंगमे ।

caturvidye ca yatpuṇyaṁ satyavādiṣu caiva yat snātaevatadāpnotigaṁgāyāmunasaṁgame

Whatever merit belongs to one learned in the four sciences, and whatever belongs to speakers of truth — merely by bathing at the confluence of the Ganga and Yamuna, one obtains it.

Verse 82 (padma.3.39.82)

ततो भोगवती नाम वासुकेस्तीर्थमुत्तमम् । तत्राभिषेकं यः कुर्यात्सोऽश्वमेधमवाप्नुयात् ।

tato bhogavatī nāma vāsukestīrthamuttamam tatrābhiṣekaṁ yaḥ kuryātso'śvamedhamavāpnuyāt

Then there is Bhogavati, the excellent tirtha of Vasuki; whoever bathes there obtains the fruit of the Ashvamedha.

Verse 83 (padma.3.39.83)

तत्र हंसप्रपतनं तीर्थं त्रैलोक्यविश्रुतम् । दशाश्वमेधिकं चैव गंगायां कुरुनंदन ।

tatra haṁsaprapatanaṁ tīrthaṁ trailokyaviśrutam daśāśvamedhikaṁ caiva gaṁgāyāṁ kurunaṁdana

There is Hamsaprapatana, a tirtha renowned in the three worlds, and Dashashvamedhika as well, on the Ganga, O joy of the Kurus.

Verse 84 (padma.3.39.84)

कुरुक्षेत्रसमा गंगा यत्र तत्रावगाहिता । विशेषो वै कनखले प्रयागं परमं महत् ।

kurukṣetrasamā gaṁgā yatra tatrāvagāhitā viśeṣo vai kanakhale prayāgaṁ paramaṁ mahat

The Ganga, wherever bathed in, equals Kurukshetra in merit; its distinction is greatest at Kanakhala; and greater still is Prayaga, the supremely great.

Verse 85 (padma.3.39.85)

यद्यकार्यशतं कृत्वा कृतं गंगावसेवनम् । सर्वं तत्तस्य गंगापो दहत्यग्निरिवेंधनम् ।

yadyakāryaśataṁ kṛtvā kṛtaṁ gaṁgāvasevanam sarvaṁ tattasya gaṁgāpo dahatyagniriveṁdhanam

Even if one has committed a hundred forbidden deeds, if he thereafter resorts to the Ganga, all of it the Ganga's waters burn away, as fire burns fuel.

Verse 86 (padma.3.39.86)

सर्वं दहति गंगापस्तूलराशिमिवानलः । सर्वं कृतयुगे पुण्यं त्रेतायां पुष्करं स्मृतम् ।

sarvaṁ dahati gaṁgāpastūlarāśimivānalaḥ sarvaṁ kṛtayuge puṇyaṁ tretāyāṁ puṣkaraṁ smṛtam

The waters of the Ganga burn away everything, as fire burns a heap of cotton. All merit was in the Krita age; in the Treta age, Pushkara is remembered as supreme;

Verse 87 (padma.3.39.87)

द्वापरे तु कुरुक्षेत्रं गंगा कलियुगे स्मृता । पुष्करे तु तपस्तप्येद्दानं दद्यान्महालये ।

dvāpare tu kurukṣetraṁ gaṁgā kaliyuge smṛtā puṣkare tu tapastapyeddānaṁ dadyānmahālaye

in the Dvapara, Kurukshetra; and in the Kali age, the Ganga is remembered as supreme. At Pushkara one should practice austerity; at Mahalaya one should give gifts;

Verse 88 (padma.3.39.88)

मलये त्वग्निमारोहेद्भृगुतुंगे त्वनाशनम् । पुष्करे तु कुरुक्षेत्रे गंगापो मध्यगेषु च ।

malaye tvagnimārohedbhṛgutuṁge tvanāśanam puṣkare tu kurukṣetre gaṁgāpo madhyageṣu ca

at Malaya one should ascend into fire; at Bhrigutunga one should fast unto death. But at Pushkara, at Kurukshetra, and in the midst of the Ganga's waters —

Verse 89 (padma.3.39.89)

सद्यस्तारयते जंतुः सप्तसप्तावरांस्तथा । पुनाति कीर्त्तिता पापं दृष्ट्वा पुण्यं प्रयच्छति ।

sadyastārayate jaṁtuḥ saptasaptāvarāṁstathā punāti kīrttitā pāpaṁ dṛṣṭvā puṇyaṁ prayacchati

a being who dies there is at once carried across, together with seven ascending and seven descending generations. Even merely spoken of, it purifies sin; seen, it bestows merit;

Verse 90 (padma.3.39.90)

अवगाढा च पीत्वा च पुनात्यासप्तमं कुलम् । यावदस्थि मनुष्यस्य गंगायाः स्पृशते जलम् ।

avagāḍhā ca pītvā ca punātyāsaptamaṁ kulam yāvadasthi manuṣyasya gaṁgāyāḥ spṛśate jalam

bathed in and drunk, it purifies one's family up to the seventh generation. As long as a man's bone remains touched by the Ganga's water —

Verse 91 (padma.3.39.91)

तावत्स पुरुषो राजन्स्वर्गलोके महीयते । यथा पुण्यानि तीर्थानि पुण्यान्यायतनानि च ।

tāvatsa puruṣo rājansvargaloke mahīyate yathā puṇyāni tīrthāni puṇyānyāyatanāni ca

so long, O king, is that man glorified in Svargaloka. Just as there are meritorious tirthas and meritorious shrines,

Verse 92 (padma.3.39.92)

उपास्य पुण्यं लब्ध्वा च भवति परलोकभाक् । न गंगा सदृशं तीर्थं न देवः केशवात्परः ।

upāsya puṇyaṁ labdhvā ca bhavati paralokabhāk na gaṁgā sadṛśaṁ tīrthaṁ na devaḥ keśavātparaḥ

so, worshipping and gaining merit, one shares in the world beyond. There is no tirtha equal to the Ganga, no god higher than Keshava,

Verse 93 (padma.3.39.93)

ब्राह्मणेभ्यः परं नास्ति एवमाह पितामहः । यत्र गंगा महाराज स देशस्तत्र योजनम् ।

brāhmaṇebhyaḥ paraṁ nāsti evamāha pitāmahaḥ yatra gaṁgā mahārāja sa deśastatra yojanam

and nothing higher than Brahmins — so has the Grandsire declared. Wherever the Ganga is, O great king, that region extends a yojana around it,

Verse 94 (padma.3.39.94)

सिद्धक्षेत्रं च विज्ञेयं गंगातीरसमाश्रितम् । इदं सत्यं द्विजातीनां साधूनां मानसेषु च ।

siddhakṣetraṁ ca vijñeyaṁ gaṁgātīrasamāśritam idaṁ satyaṁ dvijātīnāṁ sādhūnāṁ mānaseṣu ca

and the bank of the Ganga is to be known as a field of accomplishment. This truth should be impressed in the minds of the twice-born and of the virtuous;

Verse 95 (padma.3.39.95)

मुक्तिं चैव जपेत्कर्णे शिष्टस्यानुगतस्य च । इदं धर्म्यमिदं मेध्यमिदं स्वर्ग्यमिदं सुखम् ।

muktiṁ caiva japetkarṇe śiṣṭasyānugatasya ca idaṁ dharmyamidaṁ medhyamidaṁ svargyamidaṁ sukham

and liberation should be whispered into the ear of one who is disciplined and obedient to it. This is righteous, this is pure, this leads to heaven, this is bliss;

Verse 96 (padma.3.39.96)

इदं पुण्यतमं रम्यं पावनं धर्ममुत्तमम् । महीशीर्षमिदं गुह्यं सर्वपापप्रमोचनम् ।

idaṁ puṇyatamaṁ ramyaṁ pāvanaṁ dharmamuttamam mahīśīrṣamidaṁ guhyaṁ sarvapāpapramocanam

this is most meritorious, delightful, purifying, the highest righteousness — this secret is the very crown of the earth, releasing from every sin.

Verse 97 (padma.3.39.97)

अधीत्य द्विजमध्ये च निर्मलत्वमवाप्नुयात् । श्रीमत्स्वर्ग्यं महापुण्यं सपत्नशमनं शिवम् ।

adhītya dvijamadhye ca nirmalatvamavāpnuyāt śrīmatsvargyaṁ mahāpuṇyaṁ sapatnaśamanaṁ śivam

Studying this among Brahmins, one attains purity. It is glorious, heaven-bestowing, of great merit, quelling one's rivals, auspicious;

Verse 98 (padma.3.39.98)

मेधाजननमग्र्यं वै तीर्थवंशानुकीर्त्तनम् । अपुत्रो लभते पुत्रमधनो धनमाप्नुयात् ।

medhājananamagryaṁ vai tīrthavaṁśānukīrttanam aputro labhate putramadhano dhanamāpnuyāt

it is foremost in generating intelligence, being a recitation of the lineage of tirthas. The sonless obtains a son; the poor obtains wealth;

Verse 99 (padma.3.39.99)

महीं विजयते राजा वैश्यो धनमवाप्नुयात् । शूद्रो यातीप्सितान्कामान्ब्राह्मणः पारगः पठन् ।

mahīṁ vijayate rājā vaiśyo dhanamavāpnuyāt śūdro yātīpsitānkāmānbrāhmaṇaḥ pāragaḥ paṭhan

a king conquers the earth; a Vaishya obtains wealth; a Shudra attains his desired wishes; and a Brahmin, reciting it, becomes a master of the far shore of learning.

Verse 100 (padma.3.39.100)

यश्चेदं शृणुयान्नित्यं तीर्थपुण्यं सदा शुचि । जातिस्मरत्वमाप्नोति नाकपृष्ठे च मोदते ।

yaścedaṁ śṛṇuyānnityaṁ tīrthapuṇyaṁ sadā śuci jātismaratvamāpnoti nākapṛṣṭhe ca modate

Whoever constantly and purely hears this merit of the tirthas obtains memory of his past births and rejoices atop heaven.

Verse 101 (padma.3.39.101)

गम्यान्यपि च तीर्थानि कीर्तितान्यगमान्यपि । मनसाप्यभिगच्छेत सर्वतीर्थमनीषया ।

gamyānyapi ca tīrthāni kīrtitānyagamānyapi manasāpyabhigaccheta sarvatīrthamanīṣayā

Both the tirthas that can be visited and those spoken of that cannot be reached — one should approach all tirthas even in the mind, with a longing intelligence.

Verse 102 (padma.3.39.102)

एतानि वसुभिः साध्यैरादित्यैर्मरुदश्विभिः । ऋषिभिर्देवकल्पैश्च कृतानि सुकृतैषिभिः ।

etāni vasubhiḥ sādhyairādityairmarudaśvibhiḥ ṛṣibhirdevakalpaiśca kṛtāni sukṛtaiṣibhiḥ

These have been resorted to by the Vasus, the Sadhyas, the Adityas, the Maruts and the Ashvins, and by sages like unto gods, desirous of good deeds.

Verse 103 (padma.3.39.103)

एवं त्वमपि कौरव्य विधिनानेन सुव्रत । व्रज तीर्थानि नियतः पुण्यं पुण्येन वर्द्धते ।

evaṁ tvamapi kauravya vidhinānena suvrata vraja tīrthāni niyataḥ puṇyaṁ puṇyena varddhate

So you too, O descendant of Kuru, O one of good vows, go to the tirthas by this same rule, disciplined; for merit is increased by further merit.

Verse 104 (padma.3.39.104)

भावितैः करणैः पूर्वमास्तिक्याछ्रुतिदर्शनात् । प्राप्यंते तानि तीर्थानि सद्भिः शिष्टानुदर्शिभिः ।

bhāvitaiḥ karaṇaiḥ pūrvamāstikyāchrutidarśanāt prāpyaṁte tāni tīrthāni sadbhiḥ śiṣṭānudarśibhiḥ

Those tirthas are attained by the good, who follow the example of the wise, with faculties formerly purified through faith and through hearing and seeing the scriptures.

Verse 105 (padma.3.39.105)

नाकृतो नाकृतात्मा च नाशुचिर्न च तस्करः । स्नाति तीर्थेषु कौरव्य न च वक्रमतिर्नरः ।

nākṛto nākṛtātmā ca nāśucirna ca taskaraḥ snāti tīrtheṣu kauravya na ca vakramatirnaraḥ

No one unaccomplished, whose self is unrefined, nor the impure, nor a thief, truly bathes in the tirthas, O descendant of Kuru, nor a man of crooked mind.

Verse 106 (padma.3.39.106)

त्वया तु सम्यग्वृत्तेन नित्यं धर्मार्थदर्शिना । पितरस्तर्पितास्तात सर्वे च प्रपितामहाः । पितामहपुरोगाश्च देवाः सर्षिगणास्तथा ।

tvayā tu samyagvṛttena nityaṁ dharmārthadarśinā pitarastarpitāstāta sarve ca prapitāmahāḥ pitāmahapurogāśca devāḥ sarṣigaṇāstathā

But by you, of righteous conduct, ever mindful of dharma and artha — dear one — all your ancestors, your great-grandfathers, and the gods headed by your grandfather, together with the hosts of sages, have been satisfied.

Verse 107 (padma.3.39.107)

वसिष्ठ उवाच । त्वं च धर्मेण धर्मज्ञ नित्यमेवाभितोषिताः । दिलीपकीर्तिं महतीं प्राप्स्यसे भुवि शाश्वतीम् ।

vasiṣṭha uvāca tvaṁ ca dharmeṇa dharmajña nityamevābhitoṣitāḥ dilīpakīrtiṁ mahatīṁ prāpsyase bhuvi śāśvatīm

Vasishtha said: And you, O knower of dharma, having ever pleased them through dharma, shall attain on earth the great and eternal fame of Dilipa.

Verse 108 (padma.3.39.108)

नारद उवाच । एवमुक्त्वाभ्यनुज्ञाप्य वसिष्ठो भगवानृषिः । प्रीतः प्रीतेनमनसा तत्रैवांतरधीयत ।

nārada uvāca evamuktvābhyanujñāpya vasiṣṭho bhagavānṛṣiḥ prītaḥ prītenamanasā tatraivāṁtaradhīyata

Narada said: Having spoken thus and given his leave, the blessed sage Vasishtha, pleased, vanished then and there.

Verse 109 (padma.3.39.109)

दिलीपः कुरुशार्दूल शास्त्रतत्त्वार्थदर्शनात् । वसिष्ठवचनाच्चैव पृथिवीमनुचक्रमे ।

dilīpaḥ kuruśārdūla śāstratattvārthadarśanāt vasiṣṭhavacanāccaiva pṛthivīmanucakrame

Dilipa, O tiger among the Kurus, through his vision of the true meaning of the scriptures and by Vasishtha's word, then traversed the earth on pilgrimage.

Verse 110 (padma.3.39.110)

एवमेषा महाभाग प्रतिष्ठाने प्रतिष्ठिता । तीर्थयात्रा महापुण्या सर्वपापप्रमोचनी ।

evameṣā mahābhāga pratiṣṭhāne pratiṣṭhitā tīrthayātrā mahāpuṇyā sarvapāpapramocanī

Thus, O greatly fortunate one, this pilgrimage of tirthas, established at Pratishthana, is of great merit and releases from every sin.

Verse 111 (padma.3.39.111)

अनेन विधिना यस्तु पृथिवीं पर्यटिष्यति । अश्वमेधशतं साग्रं फलं प्रेत्यैष भोक्ष्यते ।

anena vidhinā yastu pṛthivīṁ paryaṭiṣyati aśvamedhaśataṁ sāgraṁ phalaṁ pretyaiṣa bhokṣyate

Whoever shall wander over the earth by this same rule shall enjoy, after death, the fruit of a hundred Ashvamedhas and more.

Verse 112 (padma.3.39.112)

ततश्चाष्टगुणं पार्थ प्राप्स्यसे धर्ममुत्तमम् । दिलीपः पार्थ नृपतिर्यथापूर्वमवाप्तवान् ।

tataścāṣṭaguṇaṁ pārtha prāpsyase dharmamuttamam dilīpaḥ pārtha nṛpatiryathāpūrvamavāptavān

And you, O son of Pritha, shall attain eightfold that supreme merit which King Dilipa formerly obtained.

Verse 113 (padma.3.39.113)

नेता च त्वमृषीन्यस्मात्तस्मात्तेष्टगुणं फलम् । रक्षोगणविकीर्णानि तीर्थान्येतानि भारत ।

netā ca tvamṛṣīnyasmāttasmātteṣṭaguṇaṁ phalam rakṣogaṇavikīrṇāni tīrthānyetāni bhārata

And because you shall be the leader of sages on this pilgrimage, for that reason your fruit shall be eightfold. These tirthas, O Bharata, that are now scattered with hordes of rakshasas —

Verse 114 (padma.3.39.114)

न गतिर्विद्यतेऽन्यस्य त्वामृते कुरुनंदन । इदं देवर्षिचरितं सर्वतीर्थानुसंश्रितम् ।

na gatirvidyate'nyasya tvāmṛte kurunaṁdana idaṁ devarṣicaritaṁ sarvatīrthānusaṁśritam

there is no other refuge for them except you, O joy of the Kurus. This account, followed by the divine sages, embracing all the tirthas —

Verse 115 (padma.3.39.115)

यः पठेत्कल्यमुत्थाय सर्वपापैः प्रमुच्यते । ऋषिमुख्याः सदा यत्र वाल्मीकिस्त्वथ कश्यपः ।

yaḥ paṭhetkalyamutthāya sarvapāpaiḥ pramucyate ṛṣimukhyāḥ sadā yatra vālmīkistvatha kaśyapaḥ

whoever recites it, rising at dawn, is freed from all sins. Where the foremost of sages are ever present — Valmiki, and Kashyapa,

Verse 116 (padma.3.39.116)

आत्रेयस्त्वथ कौंडिन्यो विश्वामित्रोऽथ गौतमः । असितो देवलश्चैव मार्कंडेयोऽथ गालवः ।

ātreyastvatha kauṁḍinyo viśvāmitro'tha gautamaḥ asito devalaścaiva mārkaṁḍeyo'tha gālavaḥ

Atreya, and Kaundinya, Vishvamitra, and Gautama, Asita and Devala, Markandeya, and Galava,

Verse 117 (padma.3.39.117)

भरद्वाजस्य शिष्यश्च मुनिरुद्दालकस्तथा । शौनकः सह पुत्रेण व्यासश्च तपतां वरः ।

bharadvājasya śiṣyaśca muniruddālakastathā śaunakaḥ saha putreṇa vyāsaśca tapatāṁ varaḥ

and the disciple of Bharadvaja, and the sage Uddalaka as well, Shaunaka together with his son, and Vyasa, best of those who practice austerity,

Verse 118 (padma.3.39.118)

दुर्वासाश्च मुनिश्रेष्ठो जाबालिश्च महातपाः । एते ऋषिवराः सर्वे त्वत्प्रतीक्ष्यास्तपोधनाः ।

durvāsāśca muniśreṣṭho jābāliśca mahātapāḥ ete ṛṣivarāḥ sarve tvatpratīkṣyāstapodhanāḥ

and Durvasa, best of sages, and Jabali of great austerity — all these excellent sages, rich in austerity, await you.

Verse 119 (padma.3.39.119)

एभिः सह महाभाग तीर्थान्येतान्यनुव्रज । प्राप्स्यसे महतीं कीर्तिं यथा राजा महाभिषः ।

ebhiḥ saha mahābhāga tīrthānyetānyanuvraja prāpsyase mahatīṁ kīrtiṁ yathā rājā mahābhiṣaḥ

O greatly fortunate one, journey to these tirthas together with them; you shall obtain great fame, like King Mahabhisha,

Verse 120 (padma.3.39.120)

यथा ययातिर्धर्मात्मा यथा राजा पुरूरवाः । तथा त्वं कुरुशार्दूल स्वेन धर्मेण शोभसे ।

yathā yayātirdharmātmā yathā rājā purūravāḥ tathā tvaṁ kuruśārdūla svena dharmeṇa śobhase

like the righteous-souled Yayati, like King Pururavas; so you too, O tiger among the Kurus, shall shine forth through your own righteousness.

Verse 121 (padma.3.39.121)

यथा भगीरथो राजा यथा रामश्च विश्रुतः । यथा वै वृत्रहा सर्वान्सपत्नानदहत् पुरा ।

yathā bhagīratho rājā yathā rāmaśca viśrutaḥ yathā vai vṛtrahā sarvānsapatnānadahat purā

As King Bhagiratha, as the renowned Rama, as the slayer of Vritra once consumed all his rivals —

Verse 122 (padma.3.39.122)

त्रैलोक्यं पालयामास देवराट्विगतज्वरः । तथा शत्रुक्षयं कृत्वा त्वं प्रजाः पालयिष्यसि ।

trailokyaṁ pālayāmāsa devarāṭvigatajvaraḥ tathā śatrukṣayaṁ kṛtvā tvaṁ prajāḥ pālayiṣyasi

and, freed of anguish, the king of gods protected the three worlds — so you too, having destroyed your enemies, shall protect your people.

Verse 123 (padma.3.39.123)

स्वधर्मेणार्जितामुर्वीं प्राप्य राजीवलोचन । ख्यातिं यास्यसि वीर्येण कार्त्तवीर्यार्जुनो यथा ।

svadharmeṇārjitāmurvīṁ prāpya rājīvalocana khyātiṁ yāsyasi vīryeṇa kārttavīryārjuno yathā

Having gained the earth won through your own righteousness, O lotus-eyed one, you shall attain fame through your valor, like Kartavirya Arjuna.

Verse 124 (padma.3.39.124)

सूत उवाच । एवमाभाष्य राजानं नारदो भगवानृषिः । अनुज्ञाप्य महाराजं तत्रैवांतरधीयत ।

sūta uvāca evamābhāṣya rājānaṁ nārado bhagavānṛṣiḥ anujñāpya mahārājaṁ tatraivāṁtaradhīyata

Suta said: Having thus addressed the king, the blessed sage Narada, taking leave of the great king, vanished then and there.

Verse 125 (padma.3.39.125)

युधिष्ठिरोऽपि धर्मात्मा ऋषिभिः सह सुव्रतः । जगामाखिलतीर्थानि सादरः पृथिवीपतिः ।

yudhiṣṭhiro'pi dharmātmā ṛṣibhiḥ saha suvrataḥ jagāmākhilatīrthāni sādaraḥ pṛthivīpatiḥ

And Yudhishthira too, the righteous-souled lord of the earth, of good vows, together with the sages, reverently visited all the tirthas.

Verse 126 (padma.3.39.126)

मयोक्तामृषयः सर्वे तीर्थयात्राश्रयां कथाम् । यः पठेच्छृणुयाद्वापि स मुक्तः सर्वपातकैः ।

mayoktāmṛṣayaḥ sarve tīrthayātrāśrayāṁ kathām yaḥ paṭhecchṛṇuyādvāpi sa muktaḥ sarvapātakaiḥ

O sages, whoever recites or even hears this story of the pilgrimage of tirthas, told by me, is freed from all sins.

Verse 127 (padma.3.39.127)

मयोक्तमखिलं तत्त्वं किं भूयः श्रोतुमिच्छथ । ऋषीणां पुण्यकीर्तीनां नावक्तव्यं ममास्ति वै ।

mayoktamakhilaṁ tattvaṁ kiṁ bhūyaḥ śrotumicchatha ṛṣīṇāṁ puṇyakīrtīnāṁ nāvaktavyaṁ mamāsti vai

I have told the entire truth; what more do you wish to hear? For sages of pure fame, there is indeed nothing I should leave unspoken.