Uttarakuru, Bhadrashva, and Jambudvipa

Verse 1 (padma.3.4.1)

ऋषय ऊचुः । मेरोरथोत्तरं पश्चात्पूर्वमाचक्ष्व सूततः । निखिलेन महाबुद्ध माल्यवंतं च पर्वतम्

ṛṣaya ūcuḥ merorathottaraṁ paścātpūrvamācakṣva sūtataḥ nikhilena mahābuddha mālyavaṁtaṁ ca parvatam

The sages said: O greatly wise Suta, tell us fully first of the northern side of Meru, then the eastern, and along with it, of the Malyavan mountain as well.

Verse 2 (padma.3.4.2)

सूत उवाच । दक्षिणेन तु नीलस्य मेरोः पार्श्वे तथोत्तरे । उत्तराः कुरवो विप्राः पुण्याः सिद्धनिषेविताः

sūta uvāca dakṣiṇena tu nīlasya meroḥ pārśve tathottare uttarāḥ kuravo viprāḥ puṇyāḥ siddhaniṣevitāḥ

Suta said: South of Mount Nila and north of Meru, O brahmins, lies the sacred region of Uttarakuru, frequented by Siddhas.

Verse 3 (padma.3.4.3)

तत्र वृक्षा मधुफला नित्यपुष्पफलोपगाः । पुष्पाणि च सुगंधीनि रसवंति फलानि च

tatra vṛkṣā madhuphalā nityapuṣpaphalopagāḥ puṣpāṇi ca sugaṁdhīni rasavaṁti phalāni ca

There the trees bear honey-sweet fruit, ever laden with flower and fruit; their flowers are fragrant and their fruits full of juice.

Verse 4 (padma.3.4.4)

सर्वकामफलास्तत्र केचिद्वृत्या द्विजोत्तमाः । अपरे क्षीरिणो नाम वृक्षास्तत्र द्विजोत्तमाः

sarvakāmaphalāstatra kecidvṛtyā dvijottamāḥ apare kṣīriṇo nāma vṛkṣāstatra dvijottamāḥ

There, O best of the twice-born, some trees by their very nature yield fruit granting every desire; and others, O best of the twice-born, are called Kshirin, milk-trees,

Verse 5 (padma.3.4.5)

प्रक्षरंति सदा क्षीरं तत्र सर्वेऽमृतोपमम् । वस्त्राणि च प्रसूयंते फलेष्वाभरणानि च

prakṣaraṁti sadā kṣīraṁ tatra sarve'mṛtopamam vastrāṇi ca prasūyaṁte phaleṣvābharaṇāni ca

which ever exude milk, all of it like nectar; and their fruits produce garments and ornaments as well.

Verse 6 (padma.3.4.6)

सर्वा मणिमयी भूमिः सूक्ष्मकांचनवालुका । सर्वर्तुसुखसंस्पर्शा निष्फलाश्च तपोधनाः

sarvā maṇimayī bhūmiḥ sūkṣmakāṁcanavālukā sarvartusukhasaṁsparśā niṣphalāśca tapodhanāḥ

The entire ground there is made of gems, with fine golden sand; pleasant to the touch in every season, and free from toil, O ascetics.

Verse 7 (padma.3.4.7)

देवलोकच्युताः सर्वे जायंते तत्र मानवाः । शुक्लाभिजनसंपन्नाः सर्वसुप्रियदर्शनाः

devalokacyutāḥ sarve jāyaṁte tatra mānavāḥ śuklābhijanasaṁpannāḥ sarvasupriyadarśanāḥ

All the men born there have descended from the world of the gods; endowed with a pure lineage, all pleasant to behold.

Verse 8 (padma.3.4.8)

मिथुनानि च जायंते स्त्रियश्चाप्सरसोपमाः । तेषां ते क्षीरिणां क्षीरं पिबंत्यमृतसंनिभम्

mithunāni ca jāyaṁte striyaścāpsarasopamāḥ teṣāṁ te kṣīriṇāṁ kṣīraṁ pibaṁtyamṛtasaṁnibham

There pairs are born together, and the women are equal to apsarases; they drink the nectar-like milk of those milk-trees.

Verse 9 (padma.3.4.9)

मिथुनं जायते काले समंताच्च प्रवर्द्धते । तुल्यरूपगुणोपेतं समवेशं तथैव च

mithunaṁ jāyate kāle samaṁtācca pravarddhate tulyarūpaguṇopetaṁ samaveśaṁ tathaiva ca

In due time a pair is born and grows on every side, endowed with matching form and qualities, and of like disposition.

Verse 10 (padma.3.4.10)

एकमेवानुरूपं च चक्रवाकसमं द्विजाः । निरामयाश्च ते लोका नित्यं मुदितमानसाः

ekamevānurūpaṁ ca cakravākasamaṁ dvijāḥ nirāmayāśca te lokā nityaṁ muditamānasāḥ

O twice-born, they are matched to one another like chakravaka birds; those people are free from disease and ever glad of mind.

Verse 11 (padma.3.4.11)

दशवर्षसहस्राणि दशवर्षशतानि च । जीवंति ते महाभागा न चान्योन्यं जहत्युत

daśavarṣasahasrāṇi daśavarṣaśatāni ca jīvaṁti te mahābhāgā na cānyonyaṁ jahatyuta

O greatly fortunate ones, they live eleven thousand years, and never do they abandon one another.

Verse 12 (padma.3.4.12)

भारुंडा नाम शकुनास्तीक्ष्णतुंडा महाबलाः । तान्निर्हरंतीहमृतान्दरीषु प्रक्षिपंति च

bhāruṁḍā nāma śakunāstīkṣṇatuṁḍā mahābalāḥ tānnirharaṁtīhamṛtāndarīṣu prakṣipaṁti ca

Sharp-beaked, mighty birds named Bharunda carry away their dead bodies and cast them into the mountain caverns.

Verse 13 (padma.3.4.13)

उत्तराःकुरवो विप्रा व्याख्यातास्ते समासतः । मेरुपार्श्वमहं पूर्वं प्रवक्ष्यामि यथातथम्

uttarāḥkuravo viprā vyākhyātāste samāsataḥ merupārśvamahaṁ pūrvaṁ pravakṣyāmi yathātatham

O brahmins, thus has Uttarakuru been described in summary. Now I shall truly describe the eastern flank of Meru.

Verse 14 (padma.3.4.14)

तस्य मूर्द्धाभिषेकस्तु भद्राश्वस्य तपोधनाः । भद्रशालवनं यत्र कालाम्राश्च महाद्रुमाः

tasya mūrddhābhiṣekastu bhadrāśvasya tapodhanāḥ bhadraśālavanaṁ yatra kālāmrāśca mahādrumāḥ

There, O ascetics, is the crowning place of Bhadrashva, where lies the Bhadrashala forest, with great dark-mango trees.

Verse 15 (padma.3.4.15)

कालाम्रास्तु महाभागा नित्यंपुष्पफलाः शुभाः । द्रुमाश्च योजनोत्सेधाः सिद्धचारणसेविताः

kālāmrāstu mahābhāgā nityaṁpuṣpaphalāḥ śubhāḥ drumāśca yojanotsedhāḥ siddhacāraṇasevitāḥ

O greatly fortunate ones, those dark-mango trees are ever laden with auspicious flower and fruit; the trees rise a full yojana in height and are frequented by Siddhas and Charanas.

Verse 16 (padma.3.4.16)

तत्र ते पुरुषाः श्वेतास्तेजोयुक्तमहाबलाः । स्त्रियः कुमुदवर्णाश्च सुंदर्यः प्रियदर्शनाः

tatra te puruṣāḥ śvetāstejoyuktamahābalāḥ striyaḥ kumudavarṇāśca suṁdaryaḥ priyadarśanāḥ

There the men are fair, radiant, and mighty; the women are of the hue of the white kumuda lotus, beautiful and lovely to behold.

Verse 17 (padma.3.4.17)

चंद्रवर्णाश्चतुर्वर्णाः पूर्णचंद्रनिभाननाः । चंद्रशीतलगात्राश्च नृत्यगीतविशारदाः

caṁdravarṇāścaturvarṇāḥ pūrṇacaṁdranibhānanāḥ caṁdraśītalagātrāśca nṛtyagītaviśāradāḥ

They are moon-hued, encompassing all four varnas, their faces like the full moon, their limbs cool as the moon, skilled in dance and song.

Verse 18 (padma.3.4.18)

दशवर्षसहस्राणि तत्रायुर्द्विजसत्तमाः । कालाम्ररसपीतास्ते नित्यं संस्थितयौवनाः

daśavarṣasahasrāṇi tatrāyurdvijasattamāḥ kālāmrarasapītāste nityaṁ saṁsthitayauvanāḥ

O best of the twice-born, there the lifespan is ten thousand years; nourished on the juice of dark mangoes, they remain forever in the bloom of youth.

Verse 19 (padma.3.4.19)

दक्षिणेन तु नीलस्य निषधस्योत्तरेण तु । सुदर्शनो नाम महान्जंबूवृक्षः सनातनः

dakṣiṇena tu nīlasya niṣadhasyottareṇa tu sudarśano nāma mahānjaṁbūvṛkṣaḥ sanātanaḥ

South of Mount Nila and north of Nishadha stands the great, eternal Jambu tree named Sudarshana,

Verse 20 (padma.3.4.20)

सर्वकामफलः पुण्यः सिद्धचारणसेवितः । तस्य नाम्ना समाख्यातो जंबूद्वीपः सनातनः

sarvakāmaphalaḥ puṇyaḥ siddhacāraṇasevitaḥ tasya nāmnā samākhyāto jaṁbūdvīpaḥ sanātanaḥ

granting every desired fruit, sacred, and frequented by Siddhas and Charanas. After its name, this eternal region is called Jambudvipa.

Verse 21 (padma.3.4.21)

योजनानां सहस्रं च शतं च द्विजसत्तमाः । तथा माल्यवतः शृंगे पूर्वे पूर्वानुगांतकाः

yojanānāṁ sahasraṁ ca śataṁ ca dvijasattamāḥ tathā mālyavataḥ śṛṁge pūrve pūrvānugāṁtakāḥ

A thousand and one hundred yojanas, O best of the twice-born — and likewise, on the eastern peak of Malyavan, following in succession,

Verse 22 (padma.3.4.22)

योजनानां सहस्राणि पंचाशन्माल्यवान्द्विजाः । महारजतसंकाशा जायंते तत्र मानवाः

yojanānāṁ sahasrāṇi paṁcāśanmālyavāndvijāḥ mahārajatasaṁkāśā jāyaṁte tatra mānavāḥ

O twice-born, Mount Malyavan extends fifty thousand yojanas; men resembling refined silver are born there.

Verse 23 (padma.3.4.23)

ब्रह्मलोकच्युताः सर्वे सर्वे च ब्रह्मवादिनः । तपस्तप्यंति ते दिव्यं भवंति ह्यूर्ध्वरेतसः

brahmalokacyutāḥ sarve sarve ca brahmavādinaḥ tapastapyaṁti te divyaṁ bhavaṁti hyūrdhvaretasaḥ

All of them, fallen from Brahmaloka, are speakers of Vedic wisdom; there they practice divine austerity and remain celibate ascetics, their seed drawn upward.

Verse 24 (padma.3.4.24)

रक्षणार्थं तु भूतानां प्रविशंति दिवाकरम् । षष्टिस्तानि सहस्राणि षष्टिरेव शतानि च

rakṣaṇārthaṁ tu bhūtānāṁ praviśaṁti divākaram ṣaṣṭistāni sahasrāṇi ṣaṣṭireva śatāni ca

For the protection of beings, they enter into the sun — sixty-six thousand of them,

Verse 25 (padma.3.4.25)

अरुणस्याग्रतो यांति परिवार्य दिवाकरम् । षष्टिवर्षसहस्राणि षष्टिरेव शतानि च

aruṇasyāgrato yāṁti parivārya divākaram ṣaṣṭivarṣasahasrāṇi ṣaṣṭireva śatāni ca

surrounding the sun, they go before Aruna, for sixty-six thousand years.

Verse 26 (padma.3.4.26)

आदित्यतापतप्तास्ते विशंति शशिमंडलम्

ādityatāpataptāste viśaṁti śaśimaṁḍalam

Scorched by the heat of the sun, they then enter into the orb of the moon.