Ramyaka, Hiranmaya, Airavata, and the Lord upon the Ocean of Milk

Verse 1 (padma.3.5.1)

ऋषय ऊचुः । वर्षाणां चैव नामानि पर्वतानां च सत्तम । आचक्ष्व नो यथातत्वं ये च पर्वतवासिनः

ṛṣaya ūcuḥ varṣāṇāṁ caiva nāmāni parvatānāṁ ca sattama ācakṣva no yathātatvaṁ ye ca parvatavāsinaḥ

The sages said: O excellent one, tell us truly the names of the regions and mountains, and of those who dwell upon the mountains.

Verse 2 (padma.3.5.2)

सूत उवाच । दक्षिणेन तु श्वेतस्य निषधस्योत्तरेण तु । वर्षं रमणकं नाम जायंते तत्र मानवाः

sūta uvāca dakṣiṇena tu śvetasya niṣadhasyottareṇa tu varṣaṁ ramaṇakaṁ nāma jāyaṁte tatra mānavāḥ

Suta said: South of the Shveta mountain and north of Nishadha is the region named Ramyaka, where men are born

Verse 3 (padma.3.5.3)

शुक्लाभिजनसंपन्नाः सर्वे ते प्रियदर्शनाः । निःसपत्नाश्च ते सर्वे जायंते तत्र मानवाः

śuklābhijanasaṁpannāḥ sarve te priyadarśanāḥ niḥsapatnāśca te sarve jāyaṁte tatra mānavāḥ

endowed with a pure lineage, all lovely to behold; all the people born there are without rival or enemy.

Verse 4 (padma.3.5.4)

दशवर्षसहस्राणि शतानि दशपंच च । जीवंति ते महाभागा नित्यं मुदितमानसाः

daśavarṣasahasrāṇi śatāni daśapaṁca ca jīvaṁti te mahābhāgā nityaṁ muditamānasāḥ

O greatly fortunate ones, they live eleven thousand five hundred years, ever glad of mind.

Verse 5 (padma.3.5.5)

दक्षिणेन तु नीलस्य निषधस्योत्तरेण तु । वर्षं हिरण्मयं नाम यत्र हैरण्वती नदी

dakṣiṇena tu nīlasya niṣadhasyottareṇa tu varṣaṁ hiraṇmayaṁ nāma yatra hairaṇvatī nadī

South of Mount Nila and north of Nishadha is the region named Hiranmaya, where the river Hairanvati flows,

Verse 6 (padma.3.5.6)

यत्र चायं महाप्राज्ञाः पक्षिराट्पतगोत्तमः । यज्ञानुगा विप्रवरा धन्विनः प्रियदर्शनाः

yatra cāyaṁ mahāprājñāḥ pakṣirāṭpatagottamaḥ yajñānugā vipravarā dhanvinaḥ priyadarśanāḥ

and where, O greatly wise ones, this king of birds, foremost among winged creatures, attends the sacrifice, accompanied by bow-bearing, lovely brahmin-lords.

Verse 7 (padma.3.5.7)

महाबलास्तत्र जना विप्रा मुदितमानसाः । एकादशसहस्राणि वर्षाणां ते तपोधनाः

mahābalāstatra janā viprā muditamānasāḥ ekādaśasahasrāṇi varṣāṇāṁ te tapodhanāḥ

There dwell mighty, glad-hearted brahmins, O ascetics, whose lifespan is eleven thousand years —

Verse 8 (padma.3.5.8)

आयुःप्रमाणं जीवंति शतानि दश पंच च । शृंगाणि च पवित्राणि त्रीण्येव द्विजपुंगवाः

āyuḥpramāṇaṁ jīvaṁti śatāni daśa paṁca ca śṛṁgāṇi ca pavitrāṇi trīṇyeva dvijapuṁgavāḥ

such is the measure of their life, fifteen hundred years more besides. O bulls among the twice-born, there are three sacred peaks there —

Verse 9 (padma.3.5.9)

एकं मणिमयं तत्र तथैकं रुक्ममद्भुतम् । सर्वरत्नमयं चैकं भवनैरुपशोभितम्

ekaṁ maṇimayaṁ tatra tathaikaṁ rukmamadbhutam sarvaratnamayaṁ caikaṁ bhavanairupaśobhitam

one made of gems, one of wondrous gold, and one made of every jewel, adorned with mansions.

Verse 10 (padma.3.5.10)

तत्र स्वयं प्रभादेवी नित्यं वसति शंडिनी । उत्तरेण तु शृंगस्य समुद्रांते द्विजोत्तमाः

tatra svayaṁ prabhādevī nityaṁ vasati śaṁḍinī uttareṇa tu śṛṁgasya samudrāṁte dvijottamāḥ

There the goddess Prabha herself, known as Shandini, ever dwells. O best of the twice-born, north of that peak, at the edge of the ocean,

Verse 11 (padma.3.5.11)

वर्षमैरावतं नाम तस्माच्छृंगवतः परम् । न तु तत्र सूर्यगतिर्जीर्यंते न च मानवाः

varṣamairāvataṁ nāma tasmācchṛṁgavataḥ param na tu tatra sūryagatirjīryaṁte na ca mānavāḥ

beyond Mount Shringavan, is the region named Airavata. There the sun's course does not affect them as elsewhere, nor do men grow old,

Verse 12 (padma.3.5.12)

चंद्रमाश्च सनक्षत्रो ज्योतिर्भूत इवावृतः । पद्मप्रभाः पद्मवर्णाः पद्मपत्रनिभेक्षणाः

caṁdramāśca sanakṣatro jyotirbhūta ivāvṛtaḥ padmaprabhāḥ padmavarṇāḥ padmapatranibhekṣaṇāḥ

and the moon with the stars remains as though wrapped in a covering of light. The people there are lotus-radiant, lotus-hued, their eyes like lotus petals,

Verse 13 (padma.3.5.13)

पद्मपत्रसुगंधाश्च जायंते तत्र मानवाः । अनिष्पन्ना नष्टगंधा निराहारा जितेंद्रियाः

padmapatrasugaṁdhāśca jāyaṁte tatra mānavāḥ aniṣpannā naṣṭagaṁdhā nirāhārā jiteṁdriyāḥ

fragrant as lotus petals; they are unblemished, free from any foul scent, without need of food, and of fully mastered senses.

Verse 14 (padma.3.5.14)

देवलोकच्युताः सर्वे तथा विरजसो द्विजाः । त्रयोदशसहस्राणि वर्षाणां ते द्विजोत्तमाः

devalokacyutāḥ sarve tathā virajaso dvijāḥ trayodaśasahasrāṇi varṣāṇāṁ te dvijottamāḥ

All of them, fallen from the world of the gods, are twice-born free from the taint of passion. O best of the twice-born, for thirteen thousand years,

Verse 15 (padma.3.5.15)

आयुःप्रमाणं जीवंति नरा धार्मिकपुंगवाः । क्षीरोदस्य समुद्रस्य तथैवोत्तरतः प्रभुः

āyuḥpramāṇaṁ jīvaṁti narā dhārmikapuṁgavāḥ kṣīrodasya samudrasya tathaivottarataḥ prabhuḥ

such righteous, noble men live out their span. And likewise, to the north of the Ocean of Milk, the Lord —

Verse 16 (padma.3.5.16)

हरिस्तिष्ठति वैकुंठः शकटे कनकामये । अष्टचक्रं हि तद्यानं भूतयुक्तं मनोजवम्

haristiṣṭhati vaikuṁṭhaḥ śakaṭe kanakāmaye aṣṭacakraṁ hi tadyānaṁ bhūtayuktaṁ manojavam

Hari, Vaikuntha, dwells upon a golden chariot; that vehicle has eight wheels, drawn by living beings, swift as thought,

Verse 17 (padma.3.5.17)

अग्निवर्णं महातेजो जांबूनदविभूषितम् । स प्रभुः सर्वभूतानां विभुश्च द्विजसत्तमाः

agnivarṇaṁ mahātejo jāṁbūnadavibhūṣitam sa prabhuḥ sarvabhūtānāṁ vibhuśca dvijasattamāḥ

fire-hued, of great radiance, adorned with jambunada gold. O best of the twice-born, that Lord is the master and ruler of all beings.

Verse 18 (padma.3.5.18)

संक्षेपे विस्तरे चैव कर्ता कारयिता तथा । पृथिव्यापस्तथाकाशं वायुस्तेजश्च सत्तमाः

saṁkṣepe vistare caiva kartā kārayitā tathā pṛthivyāpastathākāśaṁ vāyustejaśca sattamāḥ

In brief and in detail, he is both the doer and the one who causes to be done; O excellent ones, earth, water, space, air, and fire —

Verse 19 (padma.3.5.19)

स यज्ञः सर्वभूतानामास्यं तस्य हुताशनः

sa yajñaḥ sarvabhūtānāmāsyaṁ tasya hutāśanaḥ

he himself is the sacrifice of all beings, and fire is his mouth.