Chyavana's Reward of Austerity

Verse 1 (padma.5.15.1)

सुमतिरुवाच। अथर्षिः स्वाश्रमं गत्वा मानव्या सह भार्यया । मुदं प्राप हताशेष पातको योगयुक्तया

sumatiruvāca atharṣiḥ svāśramaṁ gatvā mānavyā saha bhāryayā mudaṁ prāpa hatāśeṣa pātako yogayuktayā

Sumati said: Then the sage, going to his own hermitage together with his wife Manavi, rejoiced, all remaining sin destroyed, she being devoted to spiritual discipline.

Verse 2 (padma.5.15.2)

सा मानवी तं वरमात्मनः पतिं । नेत्रेणहीनं जरसा गतौजसम् । सिषेव एनं हरिमेधसोत्तमं । निजेष्टदात्रीं कुलदेवतां यथा

sā mānavī taṁ varamātmanaḥ patiṁ netreṇahīnaṁ jarasā gataujasam siṣeva enaṁ harimedhasottamaṁ nijeṣṭadātrīṁ kuladevatāṁ yathā

That daughter of Manu served her own excellent husband — blind, and his vigor spent by old age — this finest Harimedhas, just as one serves the family deity who grants one's own wishes.

Verse 3 (padma.5.15.3)

शूश्रूषती स्वं पतिमिंगितज्ञा । महानुभावं तपसां निधिं प्रियम् । परां मुदं प्राप सती मनोहरा । शची यथा शक्रनिषेवणोद्यता

śūśrūṣatī svaṁ patimiṁgitajñā mahānubhāvaṁ tapasāṁ nidhiṁ priyam parāṁ mudaṁ prāpa satī manoharā śacī yathā śakraniṣevaṇodyatā

Serving her husband, perceptive of his slightest wish, that great and beloved treasury of austerities, the chaste, lovely one attained supreme joy — like Shachi, devoted to serving Indra.

Verse 4 (padma.5.15.4)

चरणौ सेवते तन्वी सर्वलक्षणलक्षिता । राजपुत्री सुंदरांगी फलमूलोदकाशना

caraṇau sevate tanvī sarvalakṣaṇalakṣitā rājaputrī suṁdarāṁgī phalamūlodakāśanā

The slender princess, marked with every auspicious sign, of lovely limbs, subsisting on fruit, roots, and water, served at his feet.

Verse 5 (padma.5.15.5)

नित्यं तद्वाक्यकरणे तत्परा पूजने रता । कालक्षेपं प्रकुरुते सर्वभूतहिते रता

nityaṁ tadvākyakaraṇe tatparā pūjane ratā kālakṣepaṁ prakurute sarvabhūtahite ratā

Ever intent on carrying out his word, devoted to his worship, she passed her time, delighting in the welfare of all beings.

Verse 6 (padma.5.15.6)

विसृज्य कामं दंभं च द्वेषं लोभमघं मदम् । अप्रमत्तोद्यता नित्यं च्यवनं समतोषयत्

visṛjya kāmaṁ daṁbhaṁ ca dveṣaṁ lobhamaghaṁ madam apramattodyatā nityaṁ cyavanaṁ samatoṣayat

Casting aside desire, pride, hatred, greed, sin, and vanity, ever vigilant and diligent, she kept Chyavana ever content.

Verse 7 (padma.5.15.7)

एवं तस्य प्रकुर्वाणा सेवां वाक्कायकर्मभिः । सहस्राब्दं महाराज सा च कामं मनस्यधात्

evaṁ tasya prakurvāṇā sevāṁ vākkāyakarmabhiḥ sahasrābdaṁ mahārāja sā ca kāmaṁ manasyadhāt

Thus serving him with speech, body, and deed, great king, for a thousand years, she held no other desire in her mind but this.

Verse 8 (padma.5.15.8)

कदाचिद्देवभिषजावागतावाश्रमे मुनेः । स्वागतेन सुसंभाव्य तयोः पूजां चकार सा

kadāciddevabhiṣajāvāgatāvāśrame muneḥ svāgatena susaṁbhāvya tayoḥ pūjāṁ cakāra sā

Once the two divine physicians came to the sage's hermitage; welcoming them with due honor, she worshipped them.

Verse 9 (padma.5.15.9)

शर्यातिकन्याकृतपूजनार्घ-। पाद्यादिना तोषितचित्तवृत्ती । तावूचतुः स्नेहवशेन सुंदरौ । वरं वृणुष्वेति मनोहरांगीम्

śaryātikanyākṛtapūjanārgha- pādyādinā toṣitacittavṛttī tāvūcatuḥ snehavaśena suṁdarau varaṁ vṛṇuṣveti manoharāṁgīm

Pleased in their hearts by the daughter of Sharyati's worship — the welcome-offering, foot-water, and the rest — those two handsome ones said to that lovely-limbed woman, out of affection: "Choose a boon."

Verse 10 (padma.5.15.10)

तुष्टौ तौ वीक्ष्य भिषजौ देवानां वरयाचने । मतिं चकार नृपतेः पुत्री मतिमतां वरा

tuṣṭau tau vīkṣya bhiṣajau devānāṁ varayācane matiṁ cakāra nṛpateḥ putrī matimatāṁ varā

Seeing the two physicians pleased and asking her to choose a boon, that finest of wise women, the king's daughter, made up her mind.

Verse 11 (padma.5.15.11)

पत्यभिप्रायमालक्ष्य वाचमूचे नृपात्मजा । दत्तं मे चक्षुषी पत्युर्यदि तुष्टौ युवां सुरौ

patyabhiprāyamālakṣya vācamūce nṛpātmajā dattaṁ me cakṣuṣī patyuryadi tuṣṭau yuvāṁ surau

Perceiving her husband's wish, the king's daughter spoke: "If you two gods are pleased, restore to my husband his eyesight."

Verse 12 (padma.5.15.12)

इत्येतद्वचनं श्रुत्वा सुकन्या या मनोहरम् । सतीत्वं च विलोक्येदमूचतुर्भिषजां वरौ

ityetadvacanaṁ śrutvā sukanyā yā manoharam satītvaṁ ca vilokyedamūcaturbhiṣajāṁ varau

Hearing this lovely speech, and seeing that fair maiden's chastity, those two finest of physicians said —

Verse 13 (padma.5.15.13)

त्वत्पतिर्यदि देवानां भागं यज्ञे दधात्यसौ । आवयोरधुना कुर्वश्चक्षुषोः स्फुटदर्शनम्

tvatpatiryadi devānāṁ bhāgaṁ yajñe dadhātyasau āvayoradhunā kurvaścakṣuṣoḥ sphuṭadarśanam

"If your husband gives the gods their share in the sacrifice, we shall now grant clear sight to both his eyes."

Verse 14 (padma.5.15.14)

च्यवनोऽप्योमिति प्राह भागदाने वरौजसोः । तदा हृष्टावश्विनौ तमूचतुस्तपतां वरम्

cyavano'pyomiti prāha bhāgadāne varaujasoḥ tadā hṛṣṭāvaśvinau tamūcatustapatāṁ varam

Chyavana too said "So be it" to obtaining a share for those two mighty gods; then, delighted, the Ashvins said to that finest of ascetics —

Verse 15 (padma.5.15.15)

निमज्जतां भवानस्मिन्ह्रदे सिद्धविनिर्मिते । इत्युक्तो जरयाग्रस्त देहो धमनिसंततः

nimajjatāṁ bhavānasminhrade siddhavinirmite ityukto jarayāgrasta deho dhamanisaṁtataḥ

"Submerge yourself in this pool, made by the Siddhas." Thus addressed, his body seized by old age, its veins showing through,

Verse 16 (padma.5.15.16)

ह्रदं प्रवेशितोऽश्विभ्यां स्वयं चामज्जतां ह्रदे । पुरुषास्त्रय उत्तस्थुरपीच्या वनिताप्रियाः

hradaṁ praveśito'śvibhyāṁ svayaṁ cāmajjatāṁ hrade puruṣāstraya uttasthurapīcyā vanitāpriyāḥ

he was led into the pool by the Ashvins, and they themselves submerged in the pool too; three men rose up, equally handsome, beloved of women,

Verse 17 (padma.5.15.17)

रुक्मस्रजः कुंडलिनस्तुल्यरूपाः सुवाससः । तान्निरीक्ष्य वरारोहा सुरूपान्सूर्यवर्चसः

rukmasrajaḥ kuṁḍalinastulyarūpāḥ suvāsasaḥ tānnirīkṣya varārohā surūpānsūryavarcasaḥ

wearing golden garlands, with earrings, of identical form, finely dressed — beholding them, of beautiful form, radiant as the sun,

Verse 18 (padma.5.15.18)

अजानती पतिं साध्वी ह्यश्विनौ शरणं ययौ । दर्शयित्वा पतिं तस्यै पातिव्रत्येन तोषितौ

ajānatī patiṁ sādhvī hyaśvinau śaraṇaṁ yayau darśayitvā patiṁ tasyai pātivratyena toṣitau

the chaste woman, not knowing which was her husband, took refuge with the Ashvins. Having shown her husband to her, pleased by her devotion to her husband,

Verse 19 (padma.5.15.19)

ऋषिमामंत्र्य ययतुर्विमानेन त्रिविष्टपम् । यक्ष्यमाणे क्रतौ स्वीयभागकार्याशयायुतौ

ṛṣimāmaṁtrya yayaturvimānena triviṣṭapam yakṣyamāṇe kratau svīyabhāgakāryāśayāyutau

they took leave of the sage and, intent on obtaining their own share at the coming sacrifice, went by their celestial chariot to heaven.

Verse 20 (padma.5.15.20)

कालेन भूयसा क्षामां कर्शितां व्रतचर्यया । प्रेमगद्गदया वाचा पीडितः कृपयाब्रवीत्

kālena bhūyasā kṣāmāṁ karśitāṁ vratacaryayā premagadgadayā vācā pīḍitaḥ kṛpayābravīt

After a long time, seeing her wasted and thin from the observance of her vows, he, pained, spoke to her out of compassion, his voice choked with love —

Verse 21 (padma.5.15.21)

तुष्टोऽहमद्य तव भामिनि मानदायाः । शुश्रूषया परमया हृदि चैकभक्त्या । यो देहिनामयमतीव सुहृत्स्वदेहो । नावेक्षितः समुचितः क्षपितुं मदर्थे

tuṣṭo'hamadya tava bhāmini mānadāyāḥ śuśrūṣayā paramayā hṛdi caikabhaktyā yo dehināmayamatīva suhṛtsvadeho nāvekṣitaḥ samucitaḥ kṣapituṁ madarthe

"I am pleased today, O honored lady, with your utmost service and your single-hearted devotion of heart — you who did not hesitate to spare even your own body, though it is every embodied being's dearest friend, for my sake."

Verse 22 (padma.5.15.22)

ये मे स्वधर्मनिरतस्य तपः समाधि-। विद्यात्मयोगविजिता भगवत्प्रसादाः । तानेव ते मदनुसेवनयाऽविरुद्धान् । दृष्टिं प्रपश्य वितराम्यभयानशोकान्

ye me svadharmaniratasya tapaḥ samādhi- vidyātmayogavijitā bhagavatprasādāḥ tāneva te madanusevanayā'viruddhān dṛṣṭiṁ prapaśya vitarāmyabhayānaśokān

"Those very graces which I, devoted to my own dharma, have won through austerity, meditation, knowledge, and the discipline of the self, by the Lord's favor — behold, unopposed by your devotion to me, I now bestow them upon you, freeing you from fear and sorrow."

Verse 23 (padma.5.15.23)

अन्ये पुनर्भगवतो भ्रुव उद्विजृंभ-। विस्रंसितार्थरचनाः किमुरुक्रमस्य । सिद्धासि भुंक्ष्व विभवान्निजधर्मदोहान् । दिव्यान्नरैर्दुरधिगान्नृपविक्रियाभिः

anye punarbhagavato bhruva udvijṛṁbha- visraṁsitārtharacanāḥ kimurukramasya siddhāsi bhuṁkṣva vibhavānnijadharmadohān divyānnarairduradhigānnṛpavikriyābhiḥ

"As for others — what use is wealth to one whose very order of purpose the wide-strider's mere raised brow can scatter? You are perfected: enjoy these divine riches, the fruit of your own dharma, which men can scarcely attain even through royal power."

Verse 24 (padma.5.15.24)

एवं ब्रुवाणमबलाखिलयोगमाया । विद्याविचक्षणमवेक्ष्य गताधिरासीत् । संप्रश्रयप्रणयविह्वलया गिरेषद् । व्रीडाविलोकविलसद्धसिताननाह

evaṁ bruvāṇamabalākhilayogamāyā vidyāvicakṣaṇamavekṣya gatādhirāsīt saṁpraśrayapraṇayavihvalayā gireṣad vrīḍāvilokavilasaddhasitānanāha

Hearing him speak thus, that woman — herself of the very nature of unfailing wisdom — beholding him so discerning in knowledge, her pride gave way; overcome with reverent affection, her voice faltering a little, smiling shyly, her eyes lowered, she said —

Verse 25 (padma.5.15.25)

सुकन्योवाच। राद्धं बत द्विजवृषैतदमोघयोग-। मायाधिपे त्वयि विभो तदवैमि भर्तः । यस्तेऽभ्यधायि समयः सकृदंगसंगो । भूयाद्गरीयसि गुणः प्रसवः सतीनाम्

sukanyovāca rāddhaṁ bata dvijavṛṣaitadamoghayoga- māyādhipe tvayi vibho tadavaimi bhartaḥ yaste'bhyadhāyi samayaḥ sakṛdaṁgasaṁgo bhūyādgarīyasi guṇaḥ prasavaḥ satīnām

Sukanya said: "Indeed, O bull among the twice-born, all this has been accomplished by you, master of unfailing Yogamaya — thus I know you, my husband. Let the bond you once spoke of, union of the body but once, stand as it is; for in one so great, even that alone becomes a virtue that chaste women may be born of."

Verse 26 (padma.5.15.26)

तत्रेति कृत्यमुपशिक्ष्य यथोपदेशं । येनैष कर्शिततमोति रिरंसयात्मा । सिध्येत ते कृतमनोभव धर्षिताया । दीनस्तदीशभवनं सदृशं विचक्ष्व

tatreti kṛtyamupaśikṣya yathopadeśaṁ yenaiṣa karśitatamoti riraṁsayātmā sidhyeta te kṛtamanobhava dharṣitāyā dīnastadīśabhavanaṁ sadṛśaṁ vicakṣva

"Having learned there, according to your teaching, what is to be done, by which this greatly wasted self may attain its desire for union — may that will of yours prosper for one so overcome; consider, in your compassion, a dwelling fit for its lord."

Verse 27 (padma.5.15.27)

सुमतिरुवाच। प्रियायाः प्रियमन्विच्छंश्च्यवनो योगमास्थितः । विमानं कामगं राजंस्तर्ह्येवाविरचीकरत्

sumatiruvāca priyāyāḥ priyamanvicchaṁścyavano yogamāsthitaḥ vimānaṁ kāmagaṁ rājaṁstarhyevāviracīkarat

Sumati said: Then Chyavana, seeking his beloved's happiness, resorting to yogic power, fashioned at once, O king, a wish-fulfilling celestial chariot,

Verse 28 (padma.5.15.28)

सर्वकामदुघं रम्यं सर्वरत्नसमन्वितम् । सर्वार्थोपचयोदर्कं मणिस्तंभैरुपस्कृतम्

sarvakāmadughaṁ ramyaṁ sarvaratnasamanvitam sarvārthopacayodarkaṁ maṇistaṁbhairupaskṛtam

lovely, granting every desire, adorned with every jewel, the very culmination of every good end, fitted with pillars of gems,

Verse 29 (padma.5.15.29)

दिव्योपस्तरणोपेतं सर्वकालसुखावहम् । पट्टिकाभिः पताकाभिर्विचित्राभिरलंकृतम्

divyopastaraṇopetaṁ sarvakālasukhāvaham paṭṭikābhiḥ patākābhirvicitrābhiralaṁkṛtam

furnished with celestial coverings, bringing comfort at every season, adorned with bright ribbons and banners of many colors,

Verse 30 (padma.5.15.30)

स्रग्भिर्विचित्रमालाभिर्मंजुसिंजत्षडंघ्रिभिः । दुकूलक्षौमकौशेयैर्नानावस्त्रैर्विराजितम्

sragbhirvicitramālābhirmaṁjusiṁjatṣaḍaṁghribhiḥ dukūlakṣaumakauśeyairnānāvastrairvirājitam

with garlands, wondrous wreaths, sweetly humming with bees, resplendent with fine silk, linen, and various other cloths,

Verse 31 (padma.5.15.31)

उपर्युपरि विन्यस्तनिलयेषु पृथक्पृथक् । कॢप्तैः कशिपुभिः कांतं पर्यंकव्यजनादिभिः

uparyupari vinyastanilayeṣu pṛthakpṛthak kḷptaiḥ kaśipubhiḥ kāṁtaṁ paryaṁkavyajanādibhiḥ

with separate chambers set one above another, lovely with couches, fans, and cushions arranged just so,

Verse 32 (padma.5.15.32)

तत्रतत्र विनिक्षिप्त नानाशिल्पोपशोभितम् । महामरकतस्थल्या जुष्टं विद्रुमवेदिभिः

tatratatra vinikṣipta nānāśilpopaśobhitam mahāmarakatasthalyā juṣṭaṁ vidrumavedibhiḥ

adorned here and there with many crafted ornaments, furnished with a floor of great emerald and platforms of coral,

Verse 33 (padma.5.15.33)

द्वाःसु विद्रुमदेहल्या भातं वज्रकपाटकम् । शिखरेष्विंद्रनीलेषु हेमकुंभैरधिश्रितम्

dvāḥsu vidrumadehalyā bhātaṁ vajrakapāṭakam śikhareṣviṁdranīleṣu hemakuṁbhairadhiśritam

its diamond doors gleaming at the coral thresholds, its sapphire pinnacles crowned with golden pitchers,

Verse 34 (padma.5.15.34)

चक्षुष्मत्पद्मरागाग्र्यैर्वज्रभित्तिषु निर्मितैः । जुष्टं विचित्रवैतानैर्मुक्ताहारावलंबितैः

cakṣuṣmatpadmarāgāgryairvajrabhittiṣu nirmitaiḥ juṣṭaṁ vicitravaitānairmuktāhārāvalaṁbitaiḥ

fitted with the finest, gleaming rubies set into diamond walls, hung with wondrous canopies and strings of pearls,

Verse 35 (padma.5.15.35)

हंसपारावतव्रातैस्तत्र तत्र निकूजितम् । कृत्रिमान्मन्यमानैस्तानधिरुह्याधिरुह्य च

haṁsapārāvatavrātaistatra tatra nikūjitam kṛtrimānmanyamānaistānadhiruhyādhiruhya ca

echoing here and there with flocks of swans and doves, who, mistaking artificial ones for real, flew up onto them again and again,

Verse 36 (padma.5.15.36)

विहारस्थानविश्राम संवेश प्रांगणाजिरैः । यथोपजोषं रचितैर्विस्मापनमिवात्मनः

vihārasthānaviśrāma saṁveśa prāṁgaṇājiraiḥ yathopajoṣaṁ racitairvismāpanamivātmanaḥ

with courtyards and squares arranged for pleasure, rest, and repose, fashioned according to every taste, as if to astonish the very self.

Verse 37 (padma.5.15.37)

एवं गृहं प्रपश्यंतीं नातिप्रीतेन चेतसा । सर्वभूताशयाभिज्ञः स्वयं प्रोवाच तां प्रति

evaṁ gṛhaṁ prapaśyaṁtīṁ nātiprītena cetasā sarvabhūtāśayābhijñaḥ svayaṁ provāca tāṁ prati

Seeing her thus gazing upon that house without much delight in her heart, he, who knew the inclinations of every being, himself spoke to her —

Verse 38 (padma.5.15.38)

निमज्ज्यास्मिन्ह्रदे भीरु विमानमिदमारुह । सुभ्रूर्भर्तुः समादाय वचः कुवलयेक्षणा

nimajjyāsminhrade bhīru vimānamidamāruha subhrūrbhartuḥ samādāya vacaḥ kuvalayekṣaṇā

"Submerge yourself in this pool, timid one, then mount this chariot." The fair-browed, lotus-eyed woman, taking her husband's word,

Verse 39 (padma.5.15.39)

सरजो बिभ्रती वासो वेणीभूतांश्च मूर्द्धजान् । अंगं च मलपंकेन संछन्नं शबलस्तनम्

sarajo bibhratī vāso veṇībhūtāṁśca mūrddhajān aṁgaṁ ca malapaṁkena saṁchannaṁ śabalastanam

still bearing her soiled garment, her hair braided, her body smeared with the mud of dirt, her breasts stained —

Verse 40 (padma.5.15.40)

आविवेश सरस्तत्र मुदा शिवजलाशयम् । सांतःसरसि वेश्मस्थाः शतानि दशकन्यकाः

āviveśa sarastatra mudā śivajalāśayam sāṁtaḥsarasi veśmasthāḥ śatāni daśakanyakāḥ

joyfully entered that auspicious pool. Within that pool, in a mansion, dwelt hundreds, even thousands of maidens,

Verse 41 (padma.5.15.41)

सर्वाः किशोरवयसो ददर्शोत्पलगंधयः । तां दृष्ट्वा शीघ्रमुत्थाय प्रोचुः प्रांजलयः स्त्रियः

sarvāḥ kiśoravayaso dadarśotpalagaṁdhayaḥ tāṁ dṛṣṭvā śīghramutthāya procuḥ prāṁjalayaḥ striyaḥ

all of youthful age, fragrant as the blue lotus. Seeing her, those women rose quickly and, with joined palms, said —

Verse 42 (padma.5.15.42)

वयं कर्मकरीस्तुभ्यं शाधि नः करवाम किम् । स्नानेन ता महार्हेण स्नापयित्वा मनस्विनीम्

vayaṁ karmakarīstubhyaṁ śādhi naḥ karavāma kim snānena tā mahārheṇa snāpayitvā manasvinīm

"We are your handmaids — command us, what shall we do for you?" Having bathed that noble lady with a most worthy bath,

Verse 43 (padma.5.15.43)

दुकूले निर्मले नूत्ने ददुरस्यै च मानद । भूषणानि परार्घ्यानि वरीयांसि द्युमंति च

dukūle nirmale nūtne dadurasyai ca mānada bhūṣaṇāni parārghyāni varīyāṁsi dyumaṁti ca

they gave her, O honorer of gods, spotless, new silk garments, and precious, excellent, radiant ornaments,

Verse 44 (padma.5.15.44)

अन्नं सर्वगुणोपेतं पानं चैवामृतासवम् । अथादर्शे स्वमात्मानं स्रग्विणं विरजोंबरम्

annaṁ sarvaguṇopetaṁ pānaṁ caivāmṛtāsavam athādarśe svamātmānaṁ sragviṇaṁ virajoṁbaram

food endowed with every good quality, and drink of the nectar-wine. Then, in a mirror, she saw herself, garlanded, in spotless garments,

Verse 45 (padma.5.15.45)

ताभिः कृतस्वस्त्ययनं कन्याभिर्बहुमानितम् । हारेण च महार्हेण रुचकेन च भूषितम्

tābhiḥ kṛtasvastyayanaṁ kanyābhirbahumānitam hāreṇa ca mahārheṇa rucakena ca bhūṣitam

blessed by those maidens, greatly honored, adorned with a precious necklace and a fine ornament,

Verse 46 (padma.5.15.46)

निष्कग्रीवं वलयिनं क्वणत्कांचननूपुरम् । श्रोण्योरध्यस्तया कांच्या कांचन्या बहुरत्नया

niṣkagrīvaṁ valayinaṁ kvaṇatkāṁcananūpuram śroṇyoradhyastayā kāṁcyā kāṁcanyā bahuratnayā

a torque at her throat, bangles, jingling golden anklets, and a girdle set with many jewels resting upon her hips,

Verse 47 (padma.5.15.47)

सुभ्रुवा सुदता शुक्लस्निग्धापांगेन चक्षुषा । पद्मकोशस्पृधा नीलैरलकैश्च लसन्मुखम्

subhruvā sudatā śuklasnigdhāpāṁgena cakṣuṣā padmakośaspṛdhā nīlairalakaiśca lasanmukham

her face radiant with fine brows, fine teeth, eyes with a clear, gentle glance, rivaling the lotus-bud, and dark curling locks —

Verse 48 (padma.5.15.48)

यदा सस्मार दयितमृषीणां वल्लभं पतिम् । तत्र चास्ते सहस्त्रीभिर्यत्रास्ते स मुनीश्वरः

yadā sasmāra dayitamṛṣīṇāṁ vallabhaṁ patim tatra cāste sahastrībhiryatrāste sa munīśvaraḥ

when she remembered her beloved husband, dearest lord of the sages, she found herself there where that lord of munis dwelt.

Verse 49 (padma.5.15.49)

भर्तुः पुरस्तादात्मानं स्त्रीसहस्रवृतं तदा । निशाम्य तद्योगगतिं संशयं प्रत्यपद्यत

bhartuḥ purastādātmānaṁ strīsahasravṛtaṁ tadā niśāmya tadyogagatiṁ saṁśayaṁ pratyapadyata

Seeing herself before her husband, surrounded by a thousand women, and beholding this display of his yogic power, she fell into doubt.

Verse 50 (padma.5.15.50)

सतां कृत मलस्नानां विभ्राजंतीमपूर्ववत् । आत्मनो बिभ्रतीं रूपं संवीतरुचिरस्तनीम्

satāṁ kṛta malasnānāṁ vibhrājaṁtīmapūrvavat ātmano bibhratīṁ rūpaṁ saṁvītarucirastanīm

Radiant, having bathed away the dirt as if made anew, bearing her own true form, her lovely breasts modestly covered —

Verse 51 (padma.5.15.51)

विद्याधरी सहस्रेण सेव्यमानां सुवाससम् । जातभावो विमानं तदारोहयदमित्रहन्

vidyādharī sahasreṇa sevyamānāṁ suvāsasam jātabhāvo vimānaṁ tadārohayadamitrahan

O destroyer of foes, served by a thousand Vidyadhara-women, finely clad, filled with wonder, she then mounted that chariot.

Verse 52 (padma.5.15.52)

तस्मिन्नलुप्तमहिमा प्रिययानुषक्तो । विद्याधरीभिरुपचीर्णवपुर्विमाने । बभ्राज उत्कचकुमुद्गणवानपीच्य । स्ताराभिरावृत इवोडुपतिर्नभःस्थः

tasminnaluptamahimā priyayānuṣakto vidyādharībhirupacīrṇavapurvimāne babhrāja utkacakumudgaṇavānapīcya stārābhirāvṛta ivoḍupatirnabhaḥsthaḥ

In that chariot, his glory undiminished, joined with his beloved, his body attended by the Vidyadhara women, he shone lovely, like the lord of the stars in the sky, encircled by his host of blossoming water-lilies, surrounded by the stars.

Verse 53 (padma.5.15.53)

तेनाष्टलोकपविहारकुलाचलेंद्र -। द्रोणीष्वनंगसखमारुतसौभगासु । सिद्धैर्नुतोद्युधुनिपातशिवस्वनासु । रेमे चिरं धनदवल्ललनावरूथी

tenāṣṭalokapavihārakulācaleṁdra - droṇīṣvanaṁgasakhamārutasaubhagāsu siddhairnutodyudhunipātaśivasvanāsu reme ciraṁ dhanadavallalanāvarūthī

With her, in the valleys of the great mountain-lord, favored by breezes friendly to the god of love, resounding with the auspicious sound of the falling Ganga's stream, praised by the Siddhas, in the pleasure-grounds of the eight guardians of the world, he, escorted by women like the very lord of wealth, sported for long.

Verse 54 (padma.5.15.54)

वैश्रंभके सुरवने नंदने पुष्पभद्रके । मानसे चैत्ररथ्ये च सरे मे रामया रतः

vaiśraṁbhake suravane naṁdane puṣpabhadrake mānase caitrarathye ca sare me rāmayā rataḥ

In Vaishrambhaka, in the grove of the gods, in Nandana, in Pushpabhadraka, at lake Manasa and in the Chaitraratha grove, he took his delight with his beloved.