The Defeat of Vidyunmali

Verse 1 (padma.5.34.1)

शेष उवाच। रथैः सदश्वैः शोभाढ्यैः सर्वशस्त्रास्त्रपूरितैः । नानारत्नसमायुक्तैर्ययुस्ते राक्षसाधमम्

śeṣa uvāca rathaiḥ sadaśvaiḥ śobhāḍhyaiḥ sarvaśastrāstrapūritaiḥ nānāratnasamāyuktairyayuste rākṣasādhamam

Shesha said: With chariots resplendent with fine horses, filled with every weapon and missile, adorned with manifold jewels, they went against that vilest of rakshasas.

Verse 2 (padma.5.34.2)

तान्दृष्ट्वा कामगे याने स्थितः प्रोवाच राक्षसः । मेघगंभीरया वाचा तर्जयन्निव भूरिशः

tāndṛṣṭvā kāmage yāne sthitaḥ provāca rākṣasaḥ meghagaṁbhīrayā vācā tarjayanniva bhūriśaḥ

Seeing them, the rakshasa, standing in his chariot that moved at will, spoke, with a voice deep as thunderclouds, as if repeatedly threatening them:

Verse 3 (padma.5.34.3)

मायां तु सुभटा योद्धुं गच्छंतु निजमंदिरम् । मा त्यजंतु स्वकान्प्राणान्न मोक्ष्ये वाजिनं वरम्

māyāṁ tu subhaṭā yoddhuṁ gacchaṁtu nijamaṁdiram mā tyajaṁtu svakānprāṇānna mokṣye vājinaṁ varam

"Let the fine warriors, if they mean to fight me, go instead to their own homes; let them not throw away their lives — I will not release this excellent horse.

Verse 4 (padma.5.34.4)

विद्युन्मालीति विख्यातो रावणस्य सुहृत्सखा । मत्सख्युः प्रेतभूतस्य निष्कृतिं कर्तुमेयिवान्

vidyunmālīti vikhyāto rāvaṇasya suhṛtsakhā matsakhyuḥ pretabhūtasya niṣkṛtiṁ kartumeyivān

I am known as Vidyunmali, dear friend and companion of Ravana; I have come to accomplish the vindication of my friend who has become a departed spirit.

Verse 5 (padma.5.34.5)

क्वासौ रामो य आहत्य सखायं रावणं गतः । तस्य भ्रातापि कुत्रास्ते सर्वशूरशिरोमणिः

kvāsau rāmo ya āhatya sakhāyaṁ rāvaṇaṁ gataḥ tasya bhrātāpi kutrāste sarvaśūraśiromaṇiḥ

Where is that Rama, who struck down my friend Ravana and departed? And where too is his brother, that crest-jewel among all heroes?

Verse 6 (padma.5.34.6)

तं हत्वा निष्कृतिं तस्य प्राप्स्ये रामस्य चानुजम् । पिबन्रुधिरमुद्भूतं कंठनालस्य बुद्बुदैः

taṁ hatvā niṣkṛtiṁ tasya prāpsye rāmasya cānujam pibanrudhiramudbhūtaṁ kaṁṭhanālasya budbudaiḥ

Slaying him, Rama's own younger brother, I shall obtain that vindication, drinking the blood that gushes bubbling from the tube of his throat."

Verse 7 (padma.5.34.7)

इति वाक्यं समाकर्ण्य योधानां प्रवरोत्तमः । पुष्कलो निजगादैनं वीर्यशौर्यसमन्वितम्

iti vākyaṁ samākarṇya yodhānāṁ pravarottamaḥ puṣkalo nijagādainaṁ vīryaśauryasamanvitam

Hearing these words, Pushkala, foremost and best of warriors, endowed with valor and heroism, spoke to him.

Verse 8 (padma.5.34.8)

पुष्कल उवाच। विकत्थनं न कुर्वंति संग्रामे सुभटा नराः । पराक्रमं दर्शयंति निजशस्त्रास्त्रवर्षणैः

puṣkala uvāca vikatthanaṁ na kurvaṁti saṁgrāme subhaṭā narāḥ parākramaṁ darśayaṁti nijaśastrāstravarṣaṇaiḥ

Pushkala said: "Fine warriors do not boast in battle; they show their valor through the rain of their own weapons and missiles.

Verse 9 (padma.5.34.9)

रावणो निहतो येन ससुहृत्स्वजनैर्वृतः । तस्य वाजिनमाहृत्य कुत्र गंतासि दुर्मद

rāvaṇo nihato yena sasuhṛtsvajanairvṛtaḥ tasya vājinamāhṛtya kutra gaṁtāsi durmada

By whom Ravana, surrounded by his friends and kinsmen, was slain — having seized the horse of that very one, where do you think you will go, O arrogant fool?

Verse 10 (padma.5.34.10)

पतिष्यसि त्वं शत्रुघ्नबाणैः कोदंडनिर्गतैः । त्वामत्स्यंति शिवा भूमौ पतितं प्राणवर्जितम्

patiṣyasi tvaṁ śatrughnabāṇaiḥ kodaṁḍanirgataiḥ tvāmatsyaṁti śivā bhūmau patitaṁ prāṇavarjitam

You shall fall by Shatrughna's arrows, loosed from his bow; jackals shall devour you, fallen upon the earth, lifeless.

Verse 11 (padma.5.34.11)

मा गर्ज दुष्ट रामस्य सेवके मयि संस्थिते । गर्जंति सुभटा युद्धे शत्रुं जित्वा महोदयात्

mā garja duṣṭa rāmasya sevake mayi saṁsthite garjaṁti subhaṭā yuddhe śatruṁ jitvā mahodayāt

Do not roar, O wicked one, while I, a servant of Rama, stand before you. Fine warriors roar in battle after conquering their foe, from a place of true triumph."

Verse 12 (padma.5.34.12)

शेष उवाच। एवं ब्रुवंतं तं वीरं पुष्कलं रणदुर्मदम् । जघान शक्त्या सुभृशं हृदि राक्षससत्तमः

śeṣa uvāca evaṁ bruvaṁtaṁ taṁ vīraṁ puṣkalaṁ raṇadurmadam jaghāna śaktyā subhṛśaṁ hṛdi rākṣasasattamaḥ

Shesha said: As that hero Pushkala, fierce in battle, spoke thus, the foremost of rakshasas struck him violently in the chest with his spear.

Verse 13 (padma.5.34.13)

आयांतीं तां महाशक्तिमायसीं कांचनाश्रितां । चिच्छेद त्रिभिरत्युग्रैः शितैर्बाणैः स पुष्कलः

āyāṁtīṁ tāṁ mahāśaktimāyasīṁ kāṁcanāśritām ciccheda tribhiratyugraiḥ śitairbāṇaiḥ sa puṣkalaḥ

As that great iron-tipped, gold-adorned spear came flying at him, Pushkala cut it apart with three extremely fierce, sharp arrows.

Verse 14 (padma.5.34.14)

सा त्रिधा ह्यपतद्भूमौ विशिखैर्निष्प्रभीकृता । पतंती विरराजासौ विष्णोः शक्तित्रयीव किम्

sā tridhā hyapatadbhūmau viśikhairniṣprabhīkṛtā pataṁtī virarājāsau viṣṇoḥ śaktitrayīva kim

Split into three by the arrows and stripped of its splendor, it fell to the earth; as it fell, it shone as if it were Vishnu's own triad of powers.

Verse 15 (padma.5.34.15)

तां छिन्नां शक्तिकां दृष्ट्वा राक्षसः परतापनः । जग्राह शूलं तरसा त्रिशिखं लोहनिर्मितम्

tāṁ chinnāṁ śaktikāṁ dṛṣṭvā rākṣasaḥ paratāpanaḥ jagrāha śūlaṁ tarasā triśikhaṁ lohanirmitam

Seeing his spear thus cut down, the rakshasa, tormentor of foes, swiftly seized a trident, forged of iron, three-pointed.

Verse 16 (padma.5.34.16)

तीक्ष्णाग्रं ज्वलनप्रख्यं राक्षसेंद्रो व्यमोचयत् । आयांतं तिलशश्चक्रे बाणैः पुष्कलसंज्ञितः

tīkṣṇāgraṁ jvalanaprakhyaṁ rākṣaseṁdro vyamocayat āyāṁtaṁ tilaśaścakre bāṇaiḥ puṣkalasaṁjñitaḥ

The lord of rakshasas hurled it, sharp-pointed and blazing like fire; as it came flying, Pushkala shattered it to pieces, as small as sesame seeds, with his arrows.

Verse 17 (padma.5.34.17)

छित्त्वा त्रिशूलं तरसा राघवस्य हि सेवकः । पुष्कलश्चाप आधत्त बाणांस्तीक्ष्णान्मनोजवान्

chittvā triśūlaṁ tarasā rāghavasya hi sevakaḥ puṣkalaścāpa ādhatta bāṇāṁstīkṣṇānmanojavān

Having swiftly cut down the trident, that servant of Raghava, Pushkala, fitted to his bow sharp arrows, swift as thought.

Verse 18 (padma.5.34.18)

ते बाणा हृदि तस्याशु लग्ना रागं बतासृजन् । वैष्णवस्य यथा स्वांते गुणा विष्णोर्मनोहराः

te bāṇā hṛdi tasyāśu lagnā rāgaṁ batāsṛjan vaiṣṇavasya yathā svāṁte guṇā viṣṇormanoharāḥ

Those arrows, striking swiftly into his chest, produced, as it were, a redness — like the charming virtues of Vishnu that stain the heart of his devotee.

Verse 19 (padma.5.34.19)

तद्बाणवेधदुःखार्तो विद्युन्माली सुदुर्मदः । जग्राह मुद्गरं घोरं पुष्कलं हंतुमुद्यतः

tadbāṇavedhaduḥkhārto vidyunmālī sudurmadaḥ jagrāha mudgaraṁ ghoraṁ puṣkalaṁ haṁtumudyataḥ

Vidyunmali, sorely arrogant, tormented by the pain of those arrow-wounds, seized a fearsome mace, ready to slay Pushkala.

Verse 20 (padma.5.34.20)

मुद्गरः प्रहितस्तेन विद्युन्माल्यभिधेन हि । हृदि लग्नोसृजच्छीघ्रं कश्मलं तदकारयत्

mudgaraḥ prahitastena vidyunmālyabhidhena hi hṛdi lagnosṛjacchīghraṁ kaśmalaṁ tadakārayat

That mace, hurled by the one named Vidyunmali, struck his chest, and swiftly caused him to lose his senses.

Verse 21 (padma.5.34.21)

मुद्गरप्रहतो वीरः कंपमानः सवेपथुः । पपात स्यंदनोपस्थे पुष्कलः शत्रुतापनः

mudgaraprahato vīraḥ kaṁpamānaḥ savepathuḥ papāta syaṁdanopasthe puṣkalaḥ śatrutāpanaḥ

Struck by the mace, trembling, shaking, that hero, Pushkala, scorcher of foes, fell upon the floor of his chariot.

Verse 22 (padma.5.34.22)

उग्रदंष्ट्रोऽथ तद्भ्राता लक्ष्मीनिधिमयोधयत् । शस्त्रास्त्रैर्बहुधा मुक्तैर्वीरप्राणहृतिंकरैः

ugradaṁṣṭro'tha tadbhrātā lakṣmīnidhimayodhayat śastrāstrairbahudhā muktairvīraprāṇahṛtiṁkaraiḥ

Then Ugradamshtra, his brother, engaged Lakshmi-nidhi in battle, with weapons of many kinds unleashed, capable of taking heroes' lives.

Verse 23 (padma.5.34.23)

पुष्कलस्तत्क्षणात्प्राप्य संज्ञां राक्षसमब्रवीत् । धन्योसि राक्षसश्रेष्ठ महीयांस्ते पराक्रमः

puṣkalastatkṣaṇātprāpya saṁjñāṁ rākṣasamabravīt dhanyosi rākṣasaśreṣṭha mahīyāṁste parākramaḥ

Pushkala, that very instant regaining consciousness, said to the rakshasa: "You are blessed, O best of rakshasas, great indeed is your valor.

Verse 24 (padma.5.34.24)

पश्येदानीं ममाप्युच्चैः प्रतिज्ञां शूरमानिताम् । विमानात्पातयाम्यद्य भूमौ त्वां शितसायकैः

paśyedānīṁ mamāpyuccaiḥ pratijñāṁ śūramānitām vimānātpātayāmyadya bhūmau tvāṁ śitasāyakaiḥ

Now behold my own vow too, honored among heroes: today I shall bring you down from your chariot to the earth with my sharp arrows."

Verse 25 (padma.5.34.25)

इत्युक्त्वा निशितं बाणं समगृह्णाद्दुरासदम् । ज्वलंतमग्नितेजस्कं महौदार्यसमन्वितम्

ityuktvā niśitaṁ bāṇaṁ samagṛhṇāddurāsadam jvalaṁtamagnitejaskaṁ mahaudāryasamanvitam

Having said this, he took up a sharp arrow, hard to withstand, blazing with the splendor of fire, endowed with great magnificence.

Verse 26 (padma.5.34.26)

स यावत्तत्प्रतीकर्तुं विधत्ते स्वपराक्रमम् । तावद्धृदिगतोऽत्युग्रस्तीक्ष्णधारः ससायकः

sa yāvattatpratīkartuṁ vidhatte svaparākramam tāvaddhṛdigato'tyugrastīkṣṇadhāraḥ sasāyakaḥ

While he was applying his own valor to meet that counter-stroke, at that very moment an extremely fierce, sharp-edged arrow struck his chest.

Verse 27 (padma.5.34.27)

तेन बाणेन विभ्रांतो भ्रमच्चित्तः स राक्षसः । पपात कामगोपस्थाद्भूमौ विगतचेतनः

tena bāṇena vibhrāṁto bhramaccittaḥ sa rākṣasaḥ papāta kāmagopasthādbhūmau vigatacetanaḥ

By that arrow bewildered, his mind reeling, that rakshasa fell from the platform of his wish-borne chariot to the ground, senseless.

Verse 28 (padma.5.34.28)

उग्रदंष्ट्रेण वै दृष्टः पतमानो निजाग्रजः । गृहीत्वा तं विमानांतर्निनाय रिपुशंकितः

ugradaṁṣṭreṇa vai dṛṣṭaḥ patamāno nijāgrajaḥ gṛhītvā taṁ vimānāṁtarninaya ripuśaṁkitaḥ

Ugradamshtra, seeing his elder brother falling, and fearing the enemy, took hold of him and carried him back into the chariot.

Verse 29 (padma.5.34.29)

प्राह चारिं महारोषात्पुष्कलं बलिनां वरम् । मद्भ्रातरं पातयित्वा कुत्र यास्यसि दुर्मते

prāha cāriṁ mahāroṣātpuṣkalaṁ balināṁ varam madbhrātaraṁ pātayitvā kutra yāsyasi durmate

In great rage he said to the enemy Pushkala, best among the mighty: "Having felled my brother, where do you think you will go, evil-minded one?

Verse 30 (padma.5.34.30)

मां वै युधि विनिर्जित्य गंतासि जयमुत्तमम् । स्थिते मयि तव स्वांते जयाशा विनिवर्त्य ताम्

māṁ vai yudhi vinirjitya gaṁtāsi jayamuttamam sthite mayi tava svāṁte jayāśā vinivartya tām

You think you will go to supreme victory, having conquered me in battle. While I still stand, I shall turn back that very hope of victory from your heart."

Verse 31 (padma.5.34.31)

एवं ब्रुवंतं तरसा जघान दशभिः शरैः । हृदये तस्य दुष्टस्य रोषपूरितलोचनः

evaṁ bruvaṁtaṁ tarasā jaghāna daśabhiḥ śaraiḥ hṛdaye tasya duṣṭasya roṣapūritalocanaḥ

As he spoke thus, that wicked one, his eyes filled with rage, swiftly struck him with ten arrows in the chest.

Verse 32 (padma.5.34.32)

स ताडितो दशशरैः पुष्कलेन महात्मना । चुक्रोध हृदि दुर्बुद्धिस्तं हंतुमुपचक्रमे

sa tāḍito daśaśaraiḥ puṣkalena mahātmanā cukrodha hṛdi durbuddhistaṁ haṁtumupacakrame

Struck by those ten arrows of the great-souled Pushkala, that evil-minded one grew furious in his heart, and set about to slay him.

Verse 33 (padma.5.34.33)

दंतान्निष्पिष्य सक्रोधो मुष्टिमुद्यम्य चाहनत् । व्यनदद्वज्रनिर्घातपातशंकां सृजन्हृदि

daṁtānniṣpiṣya sakrodho muṣṭimudyamya cāhanat vyanadadvajranirghātapātaśaṁkāṁ sṛjanhṛdi

Grinding his teeth in rage, raising his fist, he struck a blow, roaring so as to make one's heart fear the fall of the thunderbolt itself.

Verse 34 (padma.5.34.34)

मुष्टिनाभिहतो वीरः पुष्कलः परमास्त्रवित् । नाकंपत विनिष्पेषं वांछंस्तस्य दुरात्मनः

muṣṭinābhihato vīraḥ puṣkalaḥ paramāstravit nākaṁpata viniṣpeṣaṁ vāṁchaṁstasya durātmanaḥ

Struck by that fist, the hero Pushkala, most knowledgeable in weapons, did not so much as tremble, desiring instead the utter destruction of that evil soul.

Verse 35 (padma.5.34.35)

वत्सदंतान्महातीक्ष्णान्मुमोच हृदि सायकान् । तैर्बाणैर्व्यथितो दैत्यस्त्रिशूलं तु समाददे

vatsadaṁtānmahātīkṣṇānmumoca hṛdi sāyakān tairbāṇairvyathito daityastriśūlaṁ tu samādade

He released calf-tooth arrows, extremely sharp, into his chest; tormented by those arrows, the demon then took up a trident.

Verse 36 (padma.5.34.36)

जाज्वल्यमानं त्रिशिखं ज्वालामालातिभीषणम् । लग्नं हृदि महावीर पुष्कलस्य तु दारुणम्

jājvalyamānaṁ triśikhaṁ jvālāmālātibhīṣaṇam lagnaṁ hṛdi mahāvīra puṣkalasya tu dāruṇam

That blazing trident, with a garland of flames most terrible, struck fiercely into the heart of the great hero Pushkala.

Verse 37 (padma.5.34.37)

मूर्च्छितस्तेन शूलेन निहतो धन्विसत्तमः । कश्मलं परमं प्राप्तः पपात स्यंदनोपरि

mūrcchitastena śūlena nihato dhanvisattamaḥ kaśmalaṁ paramaṁ prāptaḥ papāta syaṁdanopari

Struck by that trident, that best of archers fell unconscious; overcome by extreme faintness, he collapsed upon his chariot.

Verse 38 (padma.5.34.38)

मूर्च्छां प्राप्तं तमाज्ञाय हनूमान्पवनात्मजः । कोपव्याकुलितस्वांतो बभाषे तं तु राक्षसम्

mūrcchāṁ prāptaṁ tamājñāya hanūmānpavanātmajaḥ kopavyākulitasvāṁto babhāṣe taṁ tu rākṣasam

Knowing him to have fallen unconscious, Hanuman, son of the Wind, his heart agitated with anger, spoke to that rakshasa:

Verse 39 (padma.5.34.39)

कुत्र गच्छसि दुर्बुद्धे मयि योद्धरि संस्थिते । त्वां हन्मि चरणाघातैर्वाजिहर्तारमागतम्

kutra gacchasi durbuddhe mayi yoddhari saṁsthite tvāṁ hanmi caraṇāghātairvājihartāramāgatam

"Where do you think you will go, evil-minded one, while I stand here as your foe? I shall slay you with blows of my foot, thief of the horse that you are."

Verse 40 (padma.5.34.40)

एवमुक्त्वा महादैत्याञ्जघान परसैनिकान् । विमानस्थान्नखाग्रेण दारयन्नभसि स्थितः

evamuktvā mahādaityāñjaghāna parasainikān vimānasthānnakhāgreṇa dārayannabhasi sthitaḥ

Having said this, standing in the sky, he struck the great demons, the enemy soldiers, tearing apart those stationed in their chariots with the tips of his nails.

Verse 41 (padma.5.34.41)

लांगूलेनाहताः केचित्केचित्पादतला हताः । बाहुभ्यां दारिताः केचित्पवनस्य तनूभुवा

lāṁgūlenāhatāḥ kecitkecitpādatalā hatāḥ bāhubhyāṁ dāritāḥ kecitpavanasya tanūbhuvā

Some were struck by that son of the Wind with his tail, some struck by the sole of his foot, some torn apart by his two arms.

Verse 42 (padma.5.34.42)

नश्यंति केचिन्निहताः केचिन्मूर्च्छंति संहताः । पलायंते पदाघातभयपीडाहतास्ततः

naśyaṁti kecinnihatāḥ kecinmūrcchaṁti saṁhatāḥ palāyaṁte padāghātabhayapīḍāhatāstataḥ

Some, struck down, perished; some, battered, fell unconscious; others fled, struck by fear and pain from the blows of his feet.

Verse 43 (padma.5.34.43)

अनेके निहतास्तत्र राक्षसाश्चातिदारुणाः । छिन्ना भिन्ना द्विधा जाताः पवनस्य सुतेन वै

aneke nihatāstatra rākṣasāścātidāruṇāḥ chinnā bhinnā dvidhā jātāḥ pavanasya sutena vai

Many extremely fearsome rakshasas were slain there, cut, pierced, and split in two by the son of the Wind.

Verse 44 (padma.5.34.44)

कामगंतुविमानं तद्भिन्नप्राकारतोरणम् । हाहा कुर्वद्भिरसुरैः समंतात्परिवारितम्

kāmagaṁtuvimānaṁ tadbhinnaprākāratoraṇam hāhā kurvadbhirasuraiḥ samaṁtātparivāritam

That wish-moving chariot, its ramparts and archways shattered, was surrounded on every side by demons crying out in dismay.

Verse 45 (padma.5.34.45)

हनूमति महाशूरे क्षणं भूमौ क्षणं दिवि । इतस्ततः प्रदृश्येत कामयानं दुरासदम्

hanūmati mahāśūre kṣaṇaṁ bhūmau kṣaṇaṁ divi itastataḥ pradṛśyeta kāmayānaṁ durāsadam

While the great hero Hanuman was, in one moment on the ground, in the next in the sky, that formidable wish-borne chariot could be seen darting here and there.

Verse 46 (padma.5.34.46)

यत्रयत्र विमानं तत्तत्रतत्र समीरजः । प्रहरन्नेव दृश्येत कामरूपधरः कपिः

yatrayatra vimānaṁ tattatratatra samīrajaḥ praharanneva dṛśyeta kāmarūpadharaḥ kapiḥ

Wherever that chariot went, there, right there, the son of the Wind, the monkey who assumes any form at will, could be seen striking blows.

Verse 47 (padma.5.34.47)

एवं तदाकुलीभूते विमानस्थे महाजने । उग्रदंष्ट्रस्तु दैत्येंद्रो हनूमंतमुपेयिवान्

evaṁ tadākulībhūte vimānasthe mahājane ugradaṁṣṭrastu daityeṁdro hanūmaṁtamupeyivān

Thus, while the great host stationed in the chariot was thrown into confusion, Ugradamshtra, lord of the demons, approached Hanuman.

Verse 48 (padma.5.34.48)

कपे त्वया महत्कर्म कृतं यद्भटपातनम् । क्षणं तिष्ठसि चेत्कुर्वे तव प्राणवियोजनम्

kape tvayā mahatkarma kṛtaṁ yadbhaṭapātanam kṣaṇaṁ tiṣṭhasi cetkurve tava prāṇaviyojanam

"O monkey, great is the deed you have done, felling my warriors; if you stand here a moment more, I shall part you from your life."

Verse 49 (padma.5.34.49)

एवमुक्त्वा हनूमंतं प्रजघान स दुर्मतिः । त्रिशूलेन सुतीक्ष्णेन ज्वलत्पावककांतिना

evamuktvā hanūmaṁtaṁ prajaghāna sa durmatiḥ triśūlena sutīkṣṇena jvalatpāvakakāṁtinā

Having said this, that evil-minded one struck Hanuman with an extremely sharp trident, radiant like blazing fire.

Verse 50 (padma.5.34.50)

तदागतं त्रिशूलं च मुखे जग्राह वीर्यवान् । चूर्णयामास सकलं सर्वलोहविनिर्मितम्

tadāgataṁ triśūlaṁ ca mukhe jagrāha vīryavān cūrṇayāmāsa sakalaṁ sarvalohavinirmitam

That mighty one caught the incoming trident in his very mouth and crushed it entirely to powder, though it was wholly forged of iron.

Verse 51 (padma.5.34.51)

चूर्णयित्वा त्रिशूलं तदायसं दैत्यमोचितम् । जघान तं चपेटाभिर्बह्वीभिर्हनुमान्बली

cūrṇayitvā triśūlaṁ tadāyasaṁ daityamocitam jaghāna taṁ capeṭābhirbahvībhirhanumānbalī

Having crushed to powder that iron trident hurled by the demon, mighty Hanuman struck him with many resounding slaps.

Verse 52 (padma.5.34.52)

स आहतः कपीन्द्रेण चपेटाभिरितस्ततः । व्यथितो व्यसृजन्मायां सर्वलोकभयंकरीम्

sa āhataḥ kapīndreṇa capeṭābhiritastataḥ vyathito vyasṛjanmāyāṁ sarvalokabhayaṁkarīm

Struck here and there by the lord of monkeys' slaps, he, in his distress, unleashed a magical illusion that terrified all the worlds.

Verse 53 (padma.5.34.53)

तदा तमोभवत्तीव्रं यत्र को वा न लक्ष्यते । यत्र स्वीयो न पारक्यो विदामास जनान्बहून्

tadā tamobhavattīvraṁ yatra ko vā na lakṣyate yatra svīyo na pārakyo vidāmāsa janānbahūn

Then arose an intense darkness, in which no one at all could be discerned, in which many people could not tell their own from strangers.

Verse 54 (padma.5.34.54)

शिलाः पर्वतशृंगाभाः पतंति सुभटोपरि । ताभिर्हतास्तु ते सर्वे व्याकुला अथ जज्ञिरे

śilāḥ parvataśṛṁgābhāḥ pataṁti subhaṭopari tābhirhatāstu te sarve vyākulā atha jajñire

Rocks, like mountain peaks, fell down upon the fine warriors; struck by them, all of them became thrown into confusion.

Verse 55 (padma.5.34.55)

विद्युतो विलसंत्यत्र गर्जंति जलदा घनम् । वर्षंति पूयरुधिरं मुंचंति समलं जलम्

vidyuto vilasaṁtyatra garjaṁti jaladā ghanam varṣaṁti pūyarudhiraṁ muṁcaṁti samalaṁ jalam

Lightning flashed there, clouds thundered deeply, rains of pus and blood fell, and impure water was released.

Verse 56 (padma.5.34.56)

आकाशात्पतमानानि कबंधानि बहूनि च । दृश्यंते छिन्नशीर्षाणि सकुंडलयुतानि च

ākāśātpatamānāni kabaṁdhāni bahūni ca dṛśyaṁte chinnaśīrṣāṇi sakuṁḍalayutāni ca

Many headless trunks were seen falling from the sky, and severed heads too, adorned with their earrings.

Verse 57 (padma.5.34.57)

नग्ना विरूपाः सुभृशं कीर्णकेशाः सुदुर्मुखाः । दृश्यंते सर्वतो दैत्या दारुणा भयकारिणः

nagnā virūpāḥ subhṛśaṁ kīrṇakeśāḥ sudurmukhāḥ dṛśyaṁte sarvato daityā dāruṇā bhayakāriṇaḥ

Naked, exceedingly deformed demons, disheveled-haired, of hideous faces, terrible and fear-causing, were seen everywhere.

Verse 58 (padma.5.34.58)

तदा व्याकुलिता लोकाः परस्परभयाकुलाः । पलायनपरा जाता महोत्पातममंसत

tadā vyākulitā lokāḥ parasparabhayākulāḥ palāyanaparā jātā mahotpātamamaṁsata

Then the people, thrown into confusion, terrified of one another, took to flight, believing it to be a great calamity.

Verse 59 (padma.5.34.59)

तदा शत्रुघ्न आयातो रथे स्थित्वा महायशाः । श्रीरामस्मरणं कृत्वा चापे संधाय सायकान्

tadā śatrughna āyāto rathe sthitvā mahāyaśāḥ śrīrāmasmaraṇaṁ kṛtvā cāpe saṁdhāya sāyakān

Then Shatrughna, of great renown, came, standing in his chariot; remembering Shri Rama, he fitted arrows to his bow.

Verse 60 (padma.5.34.60)

तां मायां स विधूयाथ मोहनास्त्रेण वीर्यवान् । शरधाराः किरन्व्योम्नि ववर्ष समरेसुरम्

tāṁ māyāṁ sa vidhūyātha mohanāstreṇa vīryavān śaradhārāḥ kiranvyomni vavarṣa samaresuram

That mighty one dispelled that illusion with the Mohana weapon, and, scattering streams of arrows into the sky, showered them upon the demon in that battle.

Verse 61 (padma.5.34.61)

तदादिशः प्रसेदुस्ता रविस्त्वपरिवेषवान् । मेघा यथागतं याता विद्युतः शांतिमागताः

tadādiśaḥ prasedustā ravistvapariveṣavān meghā yathāgataṁ yātā vidyutaḥ śāṁtimāgatāḥ

Then the quarters cleared, the sun shone without its haze-ring, the clouds went back as they had come, and the lightnings grew calm.

Verse 62 (padma.5.34.62)

तदा विमानं पुरतो दृश्यते राक्षसैर्युतम् । छिंधि भिंधीति भाषाभिर्व्याकुलं सुतरां महत्

tadā vimānaṁ purato dṛśyate rākṣasairyutam chiṁdhi bhiṁdhīti bhāṣābhirvyākulaṁ sutarāṁ mahat

Then that great chariot, filled with rakshasas, was seen ahead, greatly in tumult, filled with cries of "cut! pierce!"

Verse 63 (padma.5.34.63)

बाणाश्च शतसाहस्राः स्वर्णपुंखैश्च शोभिताः । पेतुर्विमाने नभसि स्थिते कामगमे मुहुः

bāṇāśca śatasāhasrāḥ svarṇapuṁkhaiśca śobhitāḥ peturvimāne nabhasi sthite kāmagame muhuḥ

Hundreds of thousands of arrows, resplendent with golden shafts, fell again and again upon that wish-moving chariot stationed in the sky.

Verse 64 (padma.5.34.64)

तदा भग्नं विमानं हि दृश्यते न तदुच्चकैः । स्वपुरी खण्डमेकत्र भग्नांगमिव भूतले

tadā bhagnaṁ vimānaṁ hi dṛśyate na taduccakaiḥ svapurī khaṇḍamekatra bhagnāṁgamiva bhūtale

Then that chariot, shattered, was no longer seen aloft; it lay, as it were a broken-limbed city fallen in fragments upon the earth.

Verse 65 (padma.5.34.65)

तदा प्रकुपितो दैत्यो बाणान्धनुषि संदधे । तैर्बाणैर्विकिरन्रामभ्रातरं चाभिगर्जितः

tadā prakupito daityo bāṇāndhanuṣi saṁdadhe tairbāṇairvikiranrāmabhrātaraṁ cābhigarjitaḥ

Then the enraged demon fitted arrows to his bow, and scattering them, roared out against the brother of Rama.

Verse 66 (padma.5.34.66)

ते बाणाः शतशस्तस्य लग्ना वपुषि भूरिशः । शोभामापुः शोणितौघान्वहंतस्तीक्ष्णवक्त्रिणः

te bāṇāḥ śataśastasya lagnā vapuṣi bhūriśaḥ śobhāmāpuḥ śoṇitaughānvahaṁtastīkṣṇavaktriṇaḥ

Those hundreds of sharp-tipped arrows, striking his body abundantly, gained a strange beauty as they carried away streams of blood.

Verse 67 (padma.5.34.67)

शत्रुघ्नः परया शक्त्या संयुक्तो वायुदैवतम् । अस्त्रं धनुषि चाधत्त राक्षसानां प्रकम्पनम्

śatrughnaḥ parayā śaktyā saṁyukto vāyudaivatam astraṁ dhanuṣi cādhatta rākṣasānāṁ prakampanam

Shatrughna, endowed with supreme power, fitted to his bow the Vayu weapon, whose deity is the Wind, the terror of rakshasas.

Verse 68 (padma.5.34.68)

तेनास्त्रेण विमानात्खात्पतन्तो मुक्तमूर्धजाः । दृश्यंते भूतवेतालसंघा इव नभश्चराः

tenāstreṇa vimānātkhātpatanto muktamūrdhajāḥ dṛśyaṁte bhūtavetālasaṁghā iva nabhaścarāḥ

By that weapon, falling from their chariot in the sky, disheveled-haired, they were seen like hosts of ghosts and vetalas roaming the air.

Verse 69 (padma.5.34.69)

तदस्त्रं रघुनाथस्य भ्रात्रा मुक्तं विलोक्य सः । अस्त्रं च पाशुपत्यं स चापे धाद्दनुजात्मजः

tadastraṁ raghunāthasya bhrātrā muktaṁ vilokya saḥ astraṁ ca pāśupatyaṁ sa cāpe dhāddanujātmajaḥ

Seeing that weapon released by Raghunatha's brother, that son of the demons fitted to his bow the Pashupata weapon.

Verse 70 (padma.5.34.70)

ततः प्रवृत्ता वेताला भूताः प्रेतनिशाचराः । कपालकर्तरीयुक्ताः पिबन्तः शोणितं बहु

tataḥ pravṛttā vetālā bhūtāḥ pretaniśācarāḥ kapālakartarīyuktāḥ pibantaḥ śoṇitaṁ bahu

Then there issued forth vetalas, bhutas, pretas, and nishacharas, armed with skull-cups and knives, drinking abundant blood.

Verse 71 (padma.5.34.71)

ते वै शत्रुघ्नवीराणां रुधिराणि पपुर्मुदा । जीवतामपि दुर्वाराः कर्तरीपाणिशोभिताः

te vai śatrughnavīrāṇāṁ rudhirāṇi papurmudā jīvatāmapi durvārāḥ kartarīpāṇiśobhitāḥ

They, uncontrollable, with knives shining in their hands, joyfully drank the blood even of Shatrughna's living warriors.

Verse 72 (padma.5.34.72)

तदस्त्रं व्याप्नुवद्दृष्ट्वा सर्ववीरप्रभंजनम् । मुमोच तन्निरासाय चास्त्रं नारायणाभिधम्

tadastraṁ vyāpnuvaddṛṣṭvā sarvavīraprabhaṁjanam mumoca tannirāsāya cāstraṁ nārāyaṇābhidham

Seeing that weapon spreading, shattering all the heroes, he released, to dispel it, the weapon named Narayana.

Verse 73 (padma.5.34.73)

नारायणास्त्रं तान्सर्वान्वारयामास तत्क्षणात् । ते सर्वे विलयं प्रापुर्निशाचरप्रणोदिताः

nārāyaṇāstraṁ tānsarvānvārayāmāsa tatkṣaṇāt te sarve vilayaṁ prāpurniśācarapraṇoditāḥ

The Narayana weapon at once restrained all of them; all those beings, sent forth by the night-wanderer, were dissolved.

Verse 74 (padma.5.34.74)

तदा क्रुद्धो निशाचारी विद्युन्माली समाददे । त्रिशूलं निशितं घोरं शत्रुघ्नं हंतुमुल्बणम्

tadā kruddho niśācārī vidyunmālī samādade triśūlaṁ niśitaṁ ghoraṁ śatrughnaṁ haṁtumulbaṇam

Then the enraged night-wanderer Vidyunmali took up a sharp, terrible, fearsome trident to slay Shatrughna.

Verse 75 (padma.5.34.75)

शूलहस्तं समायांतं विद्युन्मालिनमाहवे । सायकैः प्राहरत्तस्य भुजे त्वर्धशशिप्रभैः

śūlahastaṁ samāyāṁtaṁ vidyunmālinamāhave sāyakaiḥ prāharattasya bhuje tvardhaśaśiprabhaiḥ

As Vidyunmali, trident in hand, advanced upon him in battle, Shatrughna struck his arm with arrows resplendent as the half-moon.

Verse 76 (padma.5.34.76)

तैर्बाणैश्छिन्नहस्तः स शिरसा हंतुमुद्यतः । हतोसि याहि शत्रुघ्न कस्त्वां त्राता भविष्यति

tairbāṇaiśchinnahastaḥ sa śirasā haṁtumudyataḥ hatosi yāhi śatrughna kastvāṁ trātā bhaviṣyati

His arm severed by those arrows, he, ready to strike now with his head alone, cried: "You are slain, Shatrughna — go; who shall be your savior now?"

Verse 77 (padma.5.34.77)

इति ब्रुवाणं तरसा चिच्छेद शितसायकैः । मस्तकं तस्य बलिनः शूरस्य सह कुंडलम्

iti bruvāṇaṁ tarasā ciccheda śitasāyakaiḥ mastakaṁ tasya balinaḥ śūrasya saha kuṁḍalam

As he spoke thus, Shatrughna swiftly severed, with sharp arrows, the head of that mighty hero, together with its earrings.

Verse 78 (padma.5.34.78)

तं छिन्नशिरसं दृष्ट्वा उग्रदंष्ट्रः प्रतापवान् । मुष्टिना हंतुमारेभे शत्रुघ्नं शूरसेवितम्

taṁ chinnaśirasaṁ dṛṣṭvā ugradaṁṣṭraḥ pratāpavān muṣṭinā haṁtumārebhe śatrughnaṁ śūrasevitam

Seeing him beheaded, the mighty Ugradamshtra began to strike at Shatrughna, attended by heroes, with his fist.

Verse 79 (padma.5.34.79)

शत्रुघ्नस्तु क्षुरप्रेण सायकेनाच्छिनच्छिरः । प्रधावतो रणे वीरान्सर्वशस्त्रास्त्रकोविदान्

śatrughnastu kṣurapreṇa sāyakenācchinacchiraḥ pradhāvato raṇe vīrānsarvaśastrāstrakovidān

Shatrughna, with a razor-edged arrow, cut off his head, as Ugradamshtra rushed forward among the heroes skilled in all weapons on the battlefield.

Verse 80 (padma.5.34.80)

हतशेषा ययुः सर्वे राक्षसा नाथवर्जिताः । शत्रुघ्नं प्रणिपत्याथ ददुर्वाजिनमाहृतम्

hataśeṣā yayuḥ sarve rākṣasā nāthavarjitāḥ śatrughnaṁ praṇipatyātha dadurvājinamāhṛtam

All the surviving rakshasas, bereft of their lord, then bowed down to Shatrughna and gave back the horse they had seized.

Verse 81 (padma.5.34.81)

ततो वीणानिनादाश्च शंखनादाः समंततः । श्रूयंते शूरवीराणां जयनादा मनोहराः

tato vīṇāninādāśca śaṁkhanādāḥ samaṁtataḥ śrūyaṁte śūravīrāṇāṁ jayanādā manoharāḥ

Then the sounds of veenas and the notes of conches were heard on every side, and the delightful shouts of victory from the heroic warriors.