The Dialogue of Lomasha and Aranyaka

Verse 1 (padma.5.35.1)

शेष उवाच। प्राप्य तं वाजिनं राजा शत्रुघ्नो राक्षसैर्हृतम् । अत्यंतं हर्षमापेदे पुष्कलेन समन्वितः

śeṣa uvāca prāpya taṁ vājinaṁ rājā śatrughno rākṣasairhṛtam atyaṁtaṁ harṣamāpede puṣkalena samanvitaḥ

Shesha said: Having recovered that horse, stolen by the rakshasas, King Shatrughna, together with Pushkala, felt exceeding joy.

Verse 2 (padma.5.35.2)

रुधिरैः सिक्तगात्रास्ते योधा लक्ष्मीनिधिस्तथा । रणोत्साहेन संयुक्तं प्रशशंसुर्महानृपम्

rudhiraiḥ siktagātrāste yodhā lakṣmīnidhistathā raṇotsāhena saṁyuktaṁ praśaśaṁsurmahānṛpam

Those warriors, their limbs drenched in blood, and Lakshmi-nidhi too, praised the great king, filled as he was with battle-zeal.

Verse 3 (padma.5.35.3)

हते तस्मिन्महादैत्ये विद्युन्मालिनि दुर्जये । सुराः सर्वे भयं त्यक्त्वा सुखमापुर्मुनेमहत्

hate tasminmahādaitye vidyunmālini durjaye surāḥ sarve bhayaṁ tyaktvā sukhamāpurmunemahat

With that unconquerable great demon Vidyunmali slain, all the gods, casting off fear, O sage, attained great happiness.

Verse 4 (padma.5.35.4)

नद्यस्तु विमला जाता रविस्तु विमलोऽभवत् । वाता ववुः सुगंधोद सिक्ता विमलशुष्मिणः

nadyastu vimalā jātā ravistu vimalo'bhavat vātā vavuḥ sugaṁdhoda siktā vimalaśuṣmiṇaḥ

The rivers became clear, the sun grew unclouded, and the winds blew pure, fragrant, and moist.

Verse 5 (padma.5.35.5)

सन्नद्धास्ते महावीरा रथस्था विमलांगकाः । राजानमूचुस्ते सर्वे जयलक्ष्म्या समन्विताः

sannaddhāste mahāvīrā rathasthā vimalāṁgakāḥ rājānamūcuste sarve jayalakṣmyā samanvitāḥ

Those great heroes, armed, stationed in their chariots, their bodies unblemished, all endowed with the glory of victory, said to the king:

Verse 6 (padma.5.35.6)

वीरा ऊचुः। दिष्ट्या हतस्त्वया दैत्यो विद्युन्माली महामते । यद्भयात्त्रासमापन्नाः सुराः स्वर्गान्निराकृताः

vīrā ūcuḥ diṣṭyā hatastvayā daityo vidyunmālī mahāmate yadbhayāttrāsamāpannāḥ surāḥ svargānnirākṛtāḥ

The heroes said: "By good fortune, O one of great wisdom, the demon Vidyunmali has been slain by you — he from fear of whom the gods, terrified, had been driven from heaven.

Verse 7 (padma.5.35.7)

दिष्ट्या प्राप्तो महावाजी रघुनाथस्य शोभनः । दिष्ट्या गंतासि सर्वत्र जयं तु क्षितिमंडले

diṣṭyā prāpto mahāvājī raghunāthasya śobhanaḥ diṣṭyā gaṁtāsi sarvatra jayaṁ tu kṣitimaṁḍale

By good fortune, the great and splendid horse of Raghunatha has been recovered. By good fortune, you shall go everywhere to victory across the whole circle of the earth.

Verse 8 (padma.5.35.8)

स्वामिन्मुंचत्विमं वाहं मनोवेगं मनोरमम् । समयस्य विलंबो मा भवत्वत्र महामते

svāminmuṁcatvimaṁ vāhaṁ manovegaṁ manoramam samayasya vilaṁbo mā bhavatvatra mahāmate

My lord, release this steed, swift as thought, delightful; let there be no delay of time here, O one of great wisdom."

Verse 9 (padma.5.35.9)

शेष उवाच। इति श्रुत्वा तु तद्वाक्यं वीराणां समयोचितम् । साधु साधु प्रशस्यैतान्मुमोच हयसत्तमम्

śeṣa uvāca iti śrutvā tu tadvākyaṁ vīrāṇāṁ samayocitam sādhu sādhu praśasyaitānmumoca hayasattamam

Shesha said: Hearing these words of the heroes, fitting to the occasion, he praised them, saying "well done, well done," and released the excellent horse.

Verse 10 (padma.5.35.10)

स मुक्तश्चोत्तरामाशां बभ्रामाथ सुरक्षितः । रथपत्तिहयश्रेष्ठैः सर्वशस्त्रास्त्रकोविदैः

sa muktaścottarāmāśāṁ babhrāmātha surakṣitaḥ rathapattihayaśreṣṭhaiḥ sarvaśastrāstrakovidaiḥ

Set free, it then wandered toward the northern direction, well guarded by excellent charioteers, foot-soldiers, and horsemen, all skilled in every weapon.

Verse 11 (padma.5.35.11)

तत्र यद्वृत्तमेतस्य शत्रुघ्नस्य मनोहरम् । वात्स्यायन शृणुष्वैतत्पापराशिप्रदाहकम्

tatra yadvṛttametasya śatrughnasya manoharam vātsyāyana śṛṇuṣvaitatpāparāśipradāhakam

O Vatsyayana, listen now to what happened there, delightful, concerning this Shatrughna — an account that burns away a whole mass of sin.

Verse 12 (padma.5.35.12)

रेवातीरमथ प्राप्तो मुनिवृंदनिषेवितम् । नीलरत्नसमूहस्य रसः किं तु पयो मिषात्

revātīramatha prāpto munivṛṁdaniṣevitam nīlaratnasamūhasya rasaḥ kiṁ tu payo miṣāt

He came then to the banks of the Reva, frequented by throngs of sages — was it the essence of a mass of blue gems, or merely water in disguise?

Verse 13 (padma.5.35.13)

तांस्तान्मुनिवरान्सर्वान्प्रणमञ्छूरसेवितः । जगाम हयरत्नस्य पृष्ठतः कामगामिनः

tāṁstānmunivarānsarvānpraṇamañchūrasevitaḥ jagāma hayaratnasya pṛṣṭhataḥ kāmagāminaḥ

Bowing to all those excellent sages, that hero, attended by warriors, went on, following behind that jewel of horses which moved as it willed.

Verse 14 (padma.5.35.14)

गच्छंस्तत्राश्रमं जीर्णं पलाशपर्णनिर्मितम् । रेवायाजलकल्लोलैः सिक्तं पापहराश्रयम्

gacchaṁstatrāśramaṁ jīrṇaṁ palāśaparṇanirmitam revāyājalakallolaiḥ siktaṁ pāpaharāśrayam

Going on, he came to an old hermitage there, made of palasha leaves, sprinkled by the waves of the Reva's waters, an abode that removes sin.

Verse 15 (padma.5.35.15)

तं दृष्ट्वा सुमतिं प्राह सर्वज्ञं नयकोविदम् । शत्रुघ्नः सर्वधर्मार्थकर्मकर्तव्यकोविदः

taṁ dṛṣṭvā sumatiṁ prāha sarvajñaṁ nayakovidam śatrughnaḥ sarvadharmārthakarmakartavyakovidaḥ

Seeing it, Shatrughna, skilled in every duty of dharma, artha, and karma, said to the all-knowing, policy-skilled Sumati:

Verse 16 (padma.5.35.16)

राजोवाच। मंत्रिन्कथय कस्यायमाश्रमः पुण्यदर्शनः । विचारचतुरश्रेष्ठ वदैतन्मम पृच्छतः

rājovāca maṁtrinkathaya kasyāyamāśramaḥ puṇyadarśanaḥ vicāracaturaśreṣṭha vadaitanmama pṛcchataḥ

The king said: "O minister, tell me — whose is this hermitage, so blessed to behold? O best of the discerning, tell this to me, who ask."

Verse 17 (padma.5.35.17)

शेष उवाच। इति वाक्यं समाकर्ण्य सुमतिः प्राह तं नृपम् । विशद स्मेरया वाचा दर्शयन्नात्मसौहृदम्

śeṣa uvāca iti vākyaṁ samākarṇya sumatiḥ prāha taṁ nṛpam viśada smerayā vācā darśayannātmasauhṛdam

Shesha said: Hearing these words, Sumati spoke to that king, with a clear, smiling voice, showing his own affection.

Verse 18 (padma.5.35.18)

सुमतिरुवाच। एनं दृष्ट्वा महाराज धूतपापा वयं खलु । भविष्यामो मुनिश्रेष्ठं सर्वशास्त्रपरायणम्

sumatiruvāca enaṁ dṛṣṭvā mahārāja dhūtapāpā vayaṁ khalu bhaviṣyāmo muniśreṣṭhaṁ sarvaśāstraparāyaṇam

Sumati said: "Seeing him, great king, we shall indeed have our sins washed away — he is the foremost of sages, wholly devoted to all the scriptures.

Verse 19 (padma.5.35.19)

तस्मान्नत्वा तमापृच्छ सर्वं ते कथयिष्यति । रघुनाथपदांभोजमकरंदाति लोलुपः

tasmānnatvā tamāpṛccha sarvaṁ te kathayiṣyati raghunāthapadāṁbhojamakaraṁdāti lolupaḥ

Bowing to him, ask, and he will tell you everything; he is exceedingly eager for the honey of Raghunatha's lotus feet.

Verse 20 (padma.5.35.20)

नाम्ना त्वारण्यकं ख्यातं रघुनाथांघ्रिसेवकम् । अत्युग्रतपसा पूर्णं सर्वशास्त्रार्थकोविदम्

nāmnā tvāraṇyakaṁ khyātaṁ raghunāthāṁghrisevakam atyugratapasā pūrṇaṁ sarvaśāstrārthakovidam

By name he is known as Aranyaka, a servant of Raghunatha's feet, full of the most intense austerity, skilled in the meaning of all the scriptures."

Verse 21 (padma.5.35.21)

इति श्रुत्वा तु तद्वाक्यं धर्मार्थपरिबृंहितम् । जगाम तमथो द्रष्टुं स्वल्पसेवकसंयुतः

iti śrutvā tu tadvākyaṁ dharmārthparibṛṁhitam jagāma tamatho draṣṭuṁ svalpasevakasaṁyutaḥ

Hearing these words, filled with dharma and meaning, he went then to see him, accompanied by a small retinue of attendants.

Verse 22 (padma.5.35.22)

हनूमान्पुष्कलो वीरः सुमतिर्मंत्रिसत्तमः । लक्ष्मीनिधिः प्रतापाग्र्यः सुबाहुः सुमदस्तथा

hanūmānpuṣkalo vīraḥ sumatirmaṁtrisattamaḥ lakṣmīnidhiḥ pratāpāgryaḥ subāhuḥ sumadastathā

Hanuman, the hero Pushkala, Sumati the best of ministers, Lakshmi-nidhi, Pratapagri, Subahu, and Sumada too —

Verse 23 (padma.5.35.23)

एतैः परिवृतो राजा शत्रुघ्नः प्रापदाश्रमम् । नमस्कर्तुं द्विजवरमारण्यकमुदारधीः

etaiḥ parivṛto rājā śatrughnaḥ prāpadāśramam namaskartuṁ dvijavaramāraṇyakamudāradhīḥ

surrounded by these, King Shatrughna, of noble mind, reached the hermitage to bow to the excellent Brahmin Aranyaka.

Verse 24 (padma.5.35.24)

गत्वा तं तापसश्रेष्ठं नमस्कारमथाकरोत् । सर्वैस्तैः सहितो वीरैर्विनयानतकंधरैः

gatvā taṁ tāpasaśreṣṭhaṁ namaskāramathākarot sarvaistaiḥ sahito vīrairvinayānatakaṁdharaiḥ

Going to that foremost of ascetics, he bowed to him, together with all those heroes, their necks bent low in humility.

Verse 25 (padma.5.35.25)

तान्दृष्ट्वा सन्नतान्सर्वाञ्छत्रुघ्नप्रमुखान्नृपान् । अर्घ्यपाद्यादिकं चक्रे फलमूलादिभिस्तदा

tāndṛṣṭvā sannatānsarvāñchatrughnapramukhānnṛpān arghyapādyādikaṁ cakre phalamūlādibhistadā

Seeing them all bowed low, the kings led by Shatrughna, he then performed the offering of arghya, padya, and the like, together with fruits, roots, and so forth.

Verse 26 (padma.5.35.26)

उवाच तान्नृपान्सर्वान्भवंतः कुत्र संगताः । कथमत्र समायातास्तत्सर्वं वदतानघाः

uvāca tānnṛpānsarvānbhavaṁtaḥ kutra saṁgatāḥ kathamatra samāyātāstatsarvaṁ vadatānaghāḥ

He said to all those kings: "Whence have you gathered? How have you come here? Tell me all this, O sinless ones."

Verse 27 (padma.5.35.27)

तच्छ्रुत्वा वाक्यमेतस्य मुनिवर्यस्य वाडव । सुमतिः कथयामास वाक्यं वादविचक्षणः

tacchrutvā vākyametasya munivaryasya vāḍava sumatiḥ kathayāmāsa vākyaṁ vādavicakṣaṇaḥ

Hearing these words of that excellent sage, O Brahmin, Sumati, skilled in speech, related the matter.

Verse 28 (padma.5.35.28)

सुमतिरुवाच। रघुवंशनृपस्यायमश्वो वै पाल्यतेऽखिलैः । यागं करिष्यते वीरः सर्वसंभारसंभृतम्

sumatiruvāca raghuvaṁśanṛpasyāyamaśvo vai pālyate'khilaiḥ yāgaṁ kariṣyate vīraḥ sarvasaṁbhārasaṁbhṛtam

Sumati said: "This horse of the king of the Raghu dynasty is being protected by all of us; the hero will perform a sacrifice, replete with every provision.

Verse 29 (padma.5.35.29)

तच्छ्रुत्वा वचनं तेषां जगाद मुनिसत्तमः । दंतकांत्याखिलं घोरं तमोनिर्वारयन्निव

tacchrutvā vacanaṁ teṣāṁ jagāda munisattamaḥ daṁtakāṁtyākhilaṁ ghoraṁ tamonirvārayanniva

Hearing their words, the best of sages spoke, as if dispelling all fearsome darkness with the very radiance of his teeth.

Verse 30 (padma.5.35.30)

आरण्यक उवाच। किं यागैर्विविधैरन्यैः सर्वसंभारसंभृतैः । स्वल्पपुण्यप्रदैर्नूनं क्षयिष्णुपददातृभिः

āraṇyaka uvāca kiṁ yāgairvividhairanyaiḥ sarvasaṁbhārasaṁbhṛtaiḥ svalpapuṇyapradairnūnaṁ kṣayiṣṇupadadātṛbhiḥ

Aranyaka said: "What use are other manifold sacrifices, replete with every provision — indeed granting only slight merit, giving states that are bound to perish?

Verse 31 (padma.5.35.31)

मूढो लोको हरिं त्यक्त्वा करोत्यन्यसमर्चनम् । रघुवीरं रमानाथं स्थिरैश्वर्यपदप्रदम्

mūḍho loko hariṁ tyaktvā karotyanyasamarcanam raghuvīraṁ ramānāthaṁ sthiraiśvaryapadapradam

The deluded world, abandoning Hari, the hero of the Raghus, the Lord of Lakshmi, who bestows the abiding state of lordship — engages in worshipping something else.

Verse 32 (padma.5.35.32)

यो नरैः स्मृतमात्रोपि हरते पापपर्वतम् । तं मुक्त्वा क्लिश्यते मूढो यागयोगव्रतादिभिः

yo naraiḥ smṛtamātropi harate pāpaparvatam taṁ muktvā kliśyate mūḍho yāgayogavratādibhiḥ

Him, who, merely remembered by men, takes away even a mountain of sin — abandoning him, the deluded suffer through sacrifices, yoga, vows, and the rest.

Verse 33 (padma.5.35.33)

अहो पश्यत मूढत्वं लोकानामतिवंचितम् । सुलभं रामभजनं मुक्त्वा दुर्ल्लभमाचरेत्

aho paśyata mūḍhatvaṁ lokānāmativaṁcitam sulabhaṁ rāmabhajanaṁ muktvā durllabhamācaret

Ah, behold the folly of men, so utterly deceived — abandoning the easily attained worship of Rama, they pursue what is hard to attain.

Verse 34 (padma.5.35.34)

सकामैर्योगिभिर्वापि चिंत्यते कामवर्जितैः । अपवर्गप्रदं नॄणां स्मृतमात्राखिलाघहम्

sakāmairyogibhirvāpi ciṁtyate kāmavarjitaiḥ apavargapradaṁ nṝṇāṁ smṛtamātrākhilāghaham

He is contemplated both by yogis who have desires and by those free of desire — bestowing liberation upon men, removing all sin by mere remembrance.

Verse 35 (padma.5.35.35)

पुराहं तत्त्ववित्सायां ज्ञानिनं सुविचारयन् । अगमं बहुतीर्थानि तत्त्वं कोपि न मेऽदिशत्

purāhaṁ tattvavitsāyāṁ jñāninaṁ suvicārayan agamaṁ bahutīrthāni tattvaṁ kopi na me'diśat

Formerly, seeking to become a knower of truth, searching for a wise man, I traveled to many holy places; no one at all showed me the truth.

Verse 36 (padma.5.35.36)

तदैकं हि महद्भाग्यात्प्राप्तं वै लोमशं मुनिम् । स्वर्गलोकात्समायातं तीर्थयात्राचिकीर्षया

tadaikaṁ hi mahadbhāgyātprāptaṁ vai lomaśaṁ munim svargalokātsamāyātaṁ tīrthayātrācikīrṣayā

Then, by great good fortune, I obtained one sage, Lomasha, who had come from the world of heaven, desiring to undertake a pilgrimage of holy places.

Verse 37 (padma.5.35.37)

तमहं प्रणिपत्याथ पर्यपृच्छं महामुनिम् । महायुषं महायोगिसंसेवितपदद्वयम्

tamahaṁ praṇipatyātha paryapṛcchaṁ mahāmunim mahāyuṣaṁ mahāyogisaṁsevitapadadvayam

Bowing to that great sage, of great longevity, whose pair of feet was served by great yogis, I then questioned him.

Verse 38 (padma.5.35.38)

स्वामिन्मयाद्य मानुष्यं प्राप्तमद्भुतदुर्ल्लभम् । संसारघोरजलधिं किं कर्तव्यं तितीर्षुणा

svāminmayādya mānuṣyaṁ prāptamadbhutadurllabham saṁsāraghorajaladhiṁ kiṁ kartavyaṁ titīrṣuṇā

"My lord, I have today obtained this wondrous and rare human birth; what is to be done by one desiring to cross the terrible ocean of samsara?

Verse 39 (padma.5.35.39)

विचार्य कथय त्वं तद्व्रतं दानं जपो मखः । देवो वा विद्यते यो वै संसृत्यंभोधितारकः

vicārya kathaya tvaṁ tadvrataṁ dānaṁ japo makhaḥ devo vā vidyate yo vai saṁsṛtyaṁbhodhitārakaḥ

Consider and tell me — is it a vow, a gift, japa, a sacrifice, or is there some deity, who might indeed be the one who ferries one across the ocean of samsara?

Verse 40 (padma.5.35.40)

यज्ज्ञात्वा संसृतिं घोरां तरामि त्वत्कृपाब्धितः । तन्मे कथय योगेश सर्वशास्त्रार्थपारग

yajjñātvā saṁsṛtiṁ ghorāṁ tarāmi tvatkṛpābdhitaḥ tanme kathaya yogeśa sarvaśāstrārthapāraga

Knowing which, I might cross the dreadful cycle of rebirth, by your ocean of grace — tell me this, O lord of yoga, who has gone to the far shore of the meaning of all the scriptures."

Verse 41 (padma.5.35.41)

इति मद्वाक्यमाकर्ण्य जगाद मुनिसत्तमः । शृणुष्वैकमना विप्र श्रद्धया परया युतः

iti madvākyamākarṇya jagāda munisattamaḥ śṛṇuṣvaikamanā vipra śraddhayā parayā yutaḥ

Hearing these words of mine, the best of sages said: "Listen, O Brahmin, with a one-pointed mind, endowed with supreme faith.

Verse 42 (padma.5.35.42)

संति दानानि तीर्थानि व्रतानि नियमा यमाः । योगा यज्ञास्तथानेके वर्तंते स्वर्गदायकाः

saṁti dānāni tīrthāni vratāni niyamā yamāḥ yogā yajñāstathāneke vartaṁte svargadāyakāḥ

There exist gifts, holy places, vows, disciplines, restraints, and yogas and sacrifices too — many of these exist, granting heaven.

Verse 43 (padma.5.35.43)

परं गुह्यं प्रवक्ष्यामि सर्वपापप्रणाशनम् । तच्छृणुष्व महाभाग संसारांभोधितारकम्

paraṁ guhyaṁ pravakṣyāmi sarvapāpapraṇāśanam tacchṛṇuṣva mahābhāga saṁsārāṁbhodhitārakam

But I shall tell you a supreme secret, which destroys all sin — listen to it, O one of great fortune, that which ferries one across the ocean of samsara.

Verse 44 (padma.5.35.44)

नास्तिकाय न वक्तव्यं न चाऽश्रद्धालवे पुनः । निंदकाय शठायापि न देयं भक्तिवैरिणे

nāstikāya na vaktavyaṁ na cā'śraddhālave punaḥ niṁdakāya śaṭhāyāpi na deyaṁ bhaktivairiṇe

It is not to be told to an atheist, nor to a faithless man; nor is it to be given to a slanderer, a rogue, or an enemy of devotion.

Verse 45 (padma.5.35.45)

रामभक्ताय शांताय कामक्रोधवियोगिने । वक्तव्यं सर्वदुःखस्य नाशकारकमुत्तमम्

rāmabhaktāya śāṁtāya kāmakrodhaviyogine vaktavyaṁ sarvaduḥkhasya nāśakārakamuttamam

This, the supreme destroyer of every sorrow, is to be told only to a devotee of Rama, one who is calm, and free from desire and anger.

Verse 46 (padma.5.35.46)

रामान्नास्ति परो देवो रामान्नास्ति परं व्रतम् । न हि रामात्परो योगो न हि रामात्परो मखः

rāmānnāsti paro devo rāmānnāsti paraṁ vratam na hi rāmātparo yogo na hi rāmātparo makhaḥ

There is no god higher than Rama, no vow higher than Rama; there is no yoga higher than Rama, no sacrifice higher than Rama.

Verse 47 (padma.5.35.47)

तं स्मृत्वा चैव जप्त्वा च पूजयित्वा नरः परम् । प्राप्नोति परमामृद्धिमैहिकामुष्मिकीं तथा

taṁ smṛtvā caiva japtvā ca pūjayitvā naraḥ param prāpnoti paramāmṛddhimaihikāmuṣmikīṁ tathā

Remembering him, chanting his name, and worshipping that supreme one, a man attains the highest prosperity, both in this world and the next.

Verse 48 (padma.5.35.48)

संस्मृतो मनसा ध्यातः सर्वकामफलप्रदः । ददाति परमां भक्तिं संसारांभोधितारिणीम्

saṁsmṛto manasā dhyātaḥ sarvakāmaphalapradaḥ dadāti paramāṁ bhaktiṁ saṁsārāṁbhodhitāriṇīm

Remembered, meditated upon in the mind, he grants the fruit of every desire; he bestows supreme devotion, which ferries one across the ocean of samsara.

Verse 49 (padma.5.35.49)

श्वपाकोपि हि संस्मृत्य रामं याति परां गतिम् । ये वेदशास्त्रनिरतास्त्वादृशास्तत्र किं पुनः

śvapākopi hi saṁsmṛtya rāmaṁ yāti parāṁ gatim ye vedaśāstraniratāstvādṛśāstatra kiṁ punaḥ

Even an outcaste, remembering Rama, attains the supreme goal — what then to speak of those like you, devoted to the Vedas and scriptures?

Verse 50 (padma.5.35.50)

सर्वेषां वेदशास्त्राणां रहस्यं ते प्रकाशितम् । समाचर तथा त्वं वै यथा स्यात्ते मनीषितम्

sarveṣāṁ vedaśāstrāṇāṁ rahasyaṁ te prakāśitam samācara tathā tvaṁ vai yathā syātte manīṣitam

The secret of all the Vedas and scriptures has been revealed to you; act accordingly, so that your heart's desire may be fulfilled.

Verse 51 (padma.5.35.51)

एको देवो रामचंद्रो व्रतमेकं तदर्चनम् । मंत्रोऽप्येकश्च तन्नाम शास्त्रं तद्ध्येव तत्स्तुतिः

eko devo rāmacaṁdro vratamekaṁ tadarcanam maṁtro'pyekaśca tannāma śāstraṁ taddhyeva tatstutiḥ

The one deity is Ramachandra; the one vow is his worship; the one mantra too is his name; that alone is scripture, that alone is praise.

Verse 52 (padma.5.35.52)

तस्मात्सर्वात्मना रामचंद्रं भजमनोहरम् । यथा गोष्पदवत्तुच्छो भवेत्संसारसागरः

tasmātsarvātmanā rāmacaṁdraṁ bhajamanoharam yathā goṣpadavattuccho bhavetsaṁsārasāgaraḥ

Therefore, worship the delightful Ramachandra with your whole being, so that the ocean of samsara may become as trifling as a cow's hoofprint."

Verse 53 (padma.5.35.53)

श्रुत्वा मया तु तद्वाक्यं पुनः प्रश्नमकारिषम् । कथं वा ध्यायते देवः कथं वा पूज्यते नरैः

śrutvā mayā tu tadvākyaṁ punaḥ praśnamakāriṣam kathaṁ vā dhyāyate devaḥ kathaṁ vā pūjyate naraiḥ

Hearing his words, I asked yet again: "How is that god meditated upon, and how is he worshipped by men?

Verse 54 (padma.5.35.54)

कथयस्व महाबुद्धे सर्वज्ञ मम विस्तरात् । यज्ज्ञात्वाहं कृतार्थः स्यां त्रिलोक्यां मुनिसत्तम

kathayasva mahābuddhe sarvajña mama vistarāt yajjñātvāhaṁ kṛtārthaḥ syāṁ trilokyāṁ munisattama

Tell me this in detail, O great in wisdom, O omniscient one, O best of sages — knowing which I may become fulfilled in all the three worlds."

Verse 55 (padma.5.35.55)

एतच्छ्रुत्वा तु मद्वाक्यं विचार्य स तु लोमशः । कथयामास मे सर्वं रामध्यानपुरःसरम्

etacchrutvā tu madvākyaṁ vicārya sa tu lomaśaḥ kathayāmāsa me sarvaṁ rāmadhyānapuraḥsaram

Hearing this word of mine, that Lomasha, having reflected, related everything to me, beginning with the meditation on Rama.

Verse 56 (padma.5.35.56)

शृणु विप्रेंद्र वक्ष्यामि यत्पृष्टं तु त्वयानघ । यथा तुष्येद्रमानाथः संसारज्वरदाहकः

śṛṇu vipreṁdra vakṣyāmi yatpṛṣṭaṁ tu tvayānagha yathā tuṣyedramānāthaḥ saṁsārajvaradāhakaḥ

"Listen, O foremost of Brahmins, sinless one, I shall tell you what you have asked, that the Lord of Lakshmi, who burns away the fever of samsara, may be pleased.

Verse 57 (padma.5.35.57)

अयोध्यानगरे रम्ये चित्रमंडपशोभिते । ध्यायेत्कल्पतरोर्मूले सर्वकामसमृद्धिदे

ayodhyānagare ramye citramaṁḍapaśobhite dhyāyetkalpatarormūle sarvakāmasamṛddhide

In the beautiful city of Ayodhya, resplendent with wondrous pavilions, one should meditate at the foot of the wish-fulfilling tree, which grants abundance of every desire —

Verse 58 (padma.5.35.58)

महामरकतस्वर्णनीलरत्नादिशोभितम् । सिंहासनं चित्तहरं कांत्या तामिस्रनाशनम्

mahāmarakatasvarṇanīlaratnādiśobhitam siṁhāsanaṁ cittaharaṁ kāṁtyā tāmisranāśanam

upon a throne resplendent with great emeralds, gold, sapphires, and other jewels, captivating the mind, whose splendor destroys darkness,

Verse 59 (padma.5.35.59)

तस्योपरि समासीनं रघुराजं मनोरमम् । दूर्वादलश्यामतनुं देवदेवेंद्रपूजितम्

tasyopari samāsīnaṁ raghurājaṁ manoramam dūrvādalaśyāmatanuṁ devadeveṁdrapūjitam

seated upon which is the delightful king of the Raghus, his body dark as durva-grass, worshipped by the lord of gods and Indra himself,

Verse 60 (padma.5.35.60)

राकायां पूर्णशीतांशुकांतिधिक्कारिवक्त्रिणम् । अष्टमीचंद्रशकलसमभालाधिधारिणम्

rākāyāṁ pūrṇaśītāṁśukāṁtidhikkārivaktriṇam aṣṭamīcaṁdraśakalasamabhālādhidhāriṇam

his face shaming even the splendor of the full moon on a full-moon night, his brow bearing the likeness of the crescent moon of the eighth day,

Verse 61 (padma.5.35.61)

नीलकुंतलशोभाढ्यं किरीटमणिरंजितम् । मकराकारसौंदर्यकुंडलाभ्यां विराजितम्

nīlakuṁtalaśobhāḍhyaṁ kirīṭamaṇirañjitam makarākārasaundaryakuṁḍalābhyāṁ virājitam

resplendent with dark curling locks, adorned with a jeweled crown, shining with earrings shaped like makaras, of great beauty,

Verse 62 (padma.5.35.62)

विद्रुमच्छवि सत्कांतिरदच्छदविराजितम् । तारापतिकराकार द्विजराजि सुशोभितम्

vidrumacchavi satkāṁtiradacchadavirājitam tārāpatikarākāra dvijarāji suśobhitam

resplendent with lips of coral hue and true radiance, beautifully adorned with a row of teeth shaped like the rays of the moon,

Verse 63 (padma.5.35.63)

जपापुष्पाभया माध्व्या जिह्वया शोभिताननम् । यस्यां वसंति निगमा ऋगाद्याः शास्त्रसंयुताः

japāpuṣpābhayā mādhvyā jihvayā śobhitānanam yasyāṁ vasaṁti nigamā ṛgādyāḥ śāstrasaṁyutāḥ

his face adorned by a sweet tongue radiant as the hibiscus flower, upon which dwell the Vedas — the Rig and the rest — together with the scriptures,

Verse 64 (padma.5.35.64)

कंबुकांतिधरग्रीवा शोभया समलंकृतम् । सिंहवदुच्चकौ स्कन्धौ मांसलौ बिभ्रतं वरम्

kaṁbukāṁtidharagrīvā śobhayā samalaṁkṛtam siṁhavaduccakau skandhau māṁsalau bibhrataṁ varam

his neck bearing the splendor of a conch-shell, adorned with beauty, bearing excellent shoulders, high and full-fleshed like a lion's,

Verse 65 (padma.5.35.65)

बाहू दधानं दीर्घांगौ केयूरकटकांकितौ । मुद्रिकाहीरशोभाभिर्भूषितौ जानुलंबिनौ

bāhū dadhānaṁ dīrghāṁgau keyūrakaṭakāṁkitau mudrikāhīraśobhābhirbhūṣitau jānulaṁbinau

bearing long arms, marked with armlets and bracelets, adorned with the splendor of rings and diamonds, reaching down to his knees,

Verse 66 (padma.5.35.66)

वक्षो दधानं विपुलं लक्ष्मीवासेन शोभितम् । श्रीवत्सादिविचित्रांकैरंकितं सुमनोहरम्

vakṣo dadhānaṁ vipulaṁ lakṣmīvāsena śobhitam śrīvatsādivicitrāṁkairaṁkitaṁ sumanoharam

bearing a broad chest, resplendent with the dwelling of Lakshmi, marked with the wondrous mark of Shrivatsa and the like, most delightful,

Verse 67 (padma.5.35.67)

महोदरं महानाभिं शुभकट्याविराजितम् । कांच्या वै मणिमत्या च विशेषेण श्रियान्वितम्

mahodaraṁ mahānābhiṁ śubhakaṭyāvirājitam kāṁcyā vai maṇimatyā ca viśeṣeṇa śriyānvitam

having a broad belly, a deep navel, resplendent with an auspicious waist, especially graced with beauty by a jeweled girdle,

Verse 68 (padma.5.35.68)

ऊरुभ्यां विमलाभ्यां वै जानुभ्यां शोभितं श्रिया । चरणाभ्यां वज्ररेखा यवांकुशसुरेखया

ūrubhyāṁ vimalābhyāṁ vai jānubhyāṁ śobhitaṁ śriyā caraṇābhyāṁ vajrarekhā yavāṁkuśasurekhayā

resplendent with beauty through his spotless thighs and knees, and through his two feet marked with the lines of the thunderbolt, barleycorn, and goad,

Verse 69 (padma.5.35.69)

युताभ्यां योगिध्येयाभ्यां कोमलाभ्यां विराजितम् । ध्यात्वा स्मृत्वा च संसारसागरं त्वं तरिष्यसि

yutābhyāṁ yogidhyeyābhyāṁ komalābhyāṁ virājitam dhyātvā smṛtvā ca saṁsārasāgaraṁ tvaṁ tariṣyasi

soft feet meditated upon by yogis — meditating upon him thus, and remembering him, you shall cross the ocean of samsara.

Verse 70 (padma.5.35.70)

तमेव पूजयन्नित्यं चंदनादिभिरिच्छया । प्राप्नोति परमामृद्धिमैहिकामुष्मिकीं पराम्

tameva pūjayannityaṁ caṁdanādibhiricchayā prāpnoti paramāmṛddhimaihikāmuṣmikīṁ parām

Worshipping him thus daily with sandal-paste and the like, out of one's own desire, one attains supreme prosperity, both in this world and the next.

Verse 71 (padma.5.35.71)

त्वया पृष्टं महाराज रामस्य ध्यानमुत्तमम् । तत्ते कथितमेतद्वै संसारजलधिं तर

tvayā pṛṣṭaṁ mahārāja rāmasya dhyānamuttamam tatte kathitametadvai saṁsārajaladhiṁ tara

O great king, what you asked — the supreme meditation on Rama — has now been told to you; cross now the ocean of samsara."