Rukmangada Seizes the Horse

Verse 1 (padma.5.39.1)

शेष उवाच। निनदत्सुमृदंगेषु वीणानादेषु सर्वतः । मुक्तो वाहस्ततो देव पुरं देवविनिर्मितम्

śeṣa uvāca ninadatsumṛdaṁgeṣu vīṇānādeṣu sarvataḥ mukto vāhastato deva puraṁ devavinirmitam

Shesha said: While drums resounded and the sound of veenas rang out everywhere, the horse, released, then, O god, came upon a city built by the gods.

Verse 2 (padma.5.39.2)

यत्र स्फाटिक कुड्यानां रचनाभिर्गृहा नृणाम् । हसंति विंध्यं विमलं पर्वतं नागसेवितम्

yatra sphāṭika kuḍyānāṁ racanābhirgṛhā nṛṇām hasaṁti viṁdhyaṁ vimalaṁ parvataṁ nāgasevitam

where the houses of men, with their crystal-walled construction, seemed to laugh at the pure Vindhya mountain, served by serpents.

Verse 3 (padma.5.39.3)

राजतानि गृहाण्यत्र दृश्यंते प्रकृतेरपि । विचित्रमणिसन्नद्धा नानामाणिक्यगोपुराः

rājatāni gṛhāṇyatra dṛśyaṁte prakṛterapi vicitramaṇisannaddhā nānāmāṇikyagopurāḥ

Here silver houses are seen, beyond even Nature's own making; adorned with wondrous gems, with gateways of many rubies.

Verse 4 (padma.5.39.4)

पद्मिन्यो यत्र लोकानां गेहे गेहे मनोहराः । हरंति चित्तानि नृणां मुखपद्मकलेक्षिताः

padminyo yatra lokānāṁ gehe gehe manoharāḥ haraṁti cittāni nṛṇāṁ mukhapadmakalekṣitāḥ

where lotus-ponds, delightful, in house after house of the people, steal away the hearts of men when their lotus-blossom faces are glimpsed.

Verse 5 (padma.5.39.5)

पद्मरागमणिर्यत्र गेहे गेहे सुभूमिषु । बद्धः संलक्ष्यते विप्र तदोष्ठस्पर्धया नु किम्

padmarāgamaṇiryatra gehe gehe subhūmiṣu baddhaḥ saṁlakṣyate vipra tadoṣṭhaspardhayā nu kim

where, O Brahmin, a ruby is seen set in house after house upon the fine floors — is it, perhaps, in rivalry with the ladies' lips?

Verse 6 (padma.5.39.6)

क्रीडाशैलाः प्रत्यगारं नीलरत्नविनिर्मिताः । कुर्वंति शंकां मेघस्य मयूराणां कलापिनाम्

krīḍāśailāḥ pratyagāraṁ nīlaratnavinirmitāḥ kurvaṁti śaṁkāṁ meghasya mayūrāṇāṁ kalāpinām

Pleasure-hills, fashioned of sapphires, before every house, raise in the peacocks, those bearers of tail-feathers, the suspicion of a cloud.

Verse 7 (padma.5.39.7)

हंसा यत्र नृणां गेहे स्फाटिकेषु नियंत्रिताः । कुर्वंति मेघान्नो भीतिं मानसं न स्मरंति च

haṁsā yatra nṛṇāṁ gehe sphāṭikeṣu niyaṁtritāḥ kurvaṁti meghānno bhītiṁ mānasaṁ na smaraṁti ca

where swans, kept confined in crystal ponds in the houses of men, feel no fear of clouds, nor do they remember Lake Manasa.

Verse 8 (padma.5.39.8)

निरंतरं शिवस्थाने ध्वस्तं चंद्रिकया तमः । शुक्लकृष्णविभेदो न पक्षयोस्तत्र वै नृणाम्

niraṁtaraṁ śivasthāne dhvastaṁ caṁdrikayā tamaḥ śuklakṛṣṇavibhedo na pakṣayostatra vai nṛṇām

Continually, in the abode of Shiva, darkness is destroyed by moonlight; there is no distinction there, for the people, between the bright and dark fortnights.

Verse 9 (padma.5.39.9)

तत्र वीरमणी राजा धार्मिकेष्वग्रणीर्महान् । राज्यं करोति विपुलं सर्वभोगसमन्वितम्

tatra vīramaṇī rājā dhārmikeṣvagraṇīrmahān rājyaṁ karoti vipulaṁ sarvabhogasamanvitam

There King Viramani, that great foremost one among the righteous, rules a vast kingdom, replete with every enjoyment.

Verse 10 (padma.5.39.10)

तस्य पुत्रो महाशूरो नाम्ना रुक्मांगदो बली । वनिताभिर्गतो रम्यदेहाभिः क्रीडितुं वनम्

tasya putro mahāśūro nāmnā rukmāṁgado balī vanitābhirgato ramyadehābhiḥ krīḍituṁ vanam

His great-heroic son, mighty, named Rukmangada, went with beautiful-bodied women into a forest to sport.

Verse 11 (padma.5.39.11)

तासां मंजीरसंरावः कंकणानां रवस्तथा । मनो हरति कामस्य किमन्यस्य कथात्र भोः

tāsāṁ maṁjīrasaṁrāvaḥ kaṁkaṇānāṁ ravastathā mano harati kāmasya kimanyasya kathātra bhoḥ

The jingling of their anklets, and the tinkling of their bracelets, steal the very mind of Kama himself — what then to speak of others here, sirs?

Verse 12 (padma.5.39.12)

वनं जगाम सुमहत्सुपुष्पनगसंयुतम् । सदाशिवकृतस्थानमृतुषट्कैर्विराजितम्

vanaṁ jagāma sumahatsupuṣpanagasaṁyutam sadāśivakṛtasthānamṛtuṣaṭkairvirājitam

He went into a very great forest, filled with flowering trees, a place made by Sadashiva, resplendent with all six seasons.

Verse 13 (padma.5.39.13)

चंपका यत्र बहुशः फुल्लकोरकशोभिताः । कुर्वंति कामिनां तत्र हृच्छयार्तिं विलोकिताः

caṁpakā yatra bahuśaḥ phullakorakaśobhitāḥ kurvaṁti kāmināṁ tatra hṛcchayārtiṁ vilokitāḥ

where champaka trees, many of them, resplendent with their blossoming buds, being beheld, brought upon lovers the ache of desire.

Verse 14 (padma.5.39.14)

चूताः फलादिभिर्नम्रा मंजरीकोटिसंयुताः । नागाः पुन्नागवृक्षाश्च शालास्तालास्तमालकाः

cūtāḥ phalādibhirnamrā maṁjarīkoṭisaṁyutāḥ nāgāḥ punnāgavṛkṣāśca śālāstālāstamālakāḥ

Mango trees, bent low with fruits and the like, laden with tens of millions of blossoms; nagakesara and punnaga trees, sala, tala, and tamala trees —

Verse 15 (padma.5.39.15)

कोकिलानां समारावा यत्र च श्रुतिगोचराः । सदा मधुपझंकार गतनिद्राः सुमल्लिकाः

kokilānāṁ samārāvā yatra ca śrutigocarāḥ sadā madhupajhaṁkāra gatanidrāḥ sumallikāḥ

where the calls of cuckoos came within earshot; jasmines, ever without sleep, from the constant humming of bees;

Verse 16 (padma.5.39.16)

दाडिमानां समूहाश्च कर्णिकारैः समन्विताः । केतकीकानकीवन्यवृक्षराजिविराजिताः

dāḍimānāṁ samūhāśca karṇikāraiḥ samanvitāḥ ketakīkānakīvanyavṛkṣarājivirājitāḥ

groves of pomegranates, together with karnikara trees; resplendent with rows of ketaki, kanaki, and wild forest trees.

Verse 17 (padma.5.39.17)

तस्मिन्वने प्रमदसंयुतचित्तवृत्तिर्गायन्कलं मधुरवाग्विचिकीर्षयोच्चैः । उद्यत्कुचाभिरभितो वनिताभिरागाच्छोभानिधान वपुरुद्गतभीर्विवेश

tasminvane pramadasaṁyutacittavṛttirgāyankalaṁ madhuravāgvicikīrṣayoccaiḥ udyatkucābhirabhito vanitābhirāgācchobhānidhāna vapurudgatabhīrviveśa

In that forest, his mind filled with delight, singing sweetly, his voice melodious, desiring loudly, surrounded on all sides by women with rising breasts, he arrived — that treasury of splendor entered, his body free of fear.

Verse 18 (padma.5.39.18)

काश्चित्तं नृत्यविद्याभिस्तोषयंति स्म शोभनम् । काश्चिद्गानकलाभिश्च काश्चिद्वाक्चतुरोचितैः

kāścittaṁ nṛtyavidyābhistoṣayaṁti sma śobhanam kāścidgānakalābhiśca kāścidvākcaturocitaiḥ

Some of them pleased that splendid one with their art of dance; some with their skill in song; some with their clever, fitting words;

Verse 19 (padma.5.39.19)

भ्रूसंज्ञया पराः काश्चित्तोषयामासुरुन्मदाः । परिरंभणचातुर्यैस्तं हृष्टं विदधुः स्त्रियः

bhrūsaṁjñayā parāḥ kāścittoṣayāmāsurunmadāḥ parirambhaṇacāturyaistaṁ hṛṣṭaṁ vidadhuḥ striyaḥ

others, intoxicated with passion, pleased him with the language of their brows; through the artfulness of their embraces, the women made him joyful.

Verse 20 (padma.5.39.20)

ताभिः पुष्पोच्चयं कृत्वा भूषयामास ताः स्त्रियः । वाण्या कोमलया शंसन्रेमे कामवपुर्धरः

tābhiḥ puṣpoccayaṁ kṛtvā bhūṣayāmāsa tāḥ striyaḥ vāṇyā komalayā śaṁsanreme kāmavapurdharaḥ

Gathering flowers with them, that bearer of a form like Kama's, praising them in a gentle voice, adorned those women and sported with them.

Verse 21 (padma.5.39.21)

एवं प्रवृत्ते समये राजराजस्य धीमतः । प्रायात्तद्वनदेशं स हयः परमशोभनः

evaṁ pravṛtte samaye rājarājasya dhīmataḥ prāyāttadvanadeśaṁ sa hayaḥ paramaśobhanaḥ

While this went on, that most splendid horse of the wise king of kings came to that forest region.

Verse 22 (padma.5.39.22)

तं स्वर्णपत्ररचितैकललाटदेशं । गंगासमं घुसृणकुंकुम पिंजरांगम् । गत्यासमं पवनवेगतिरस्करिण्या । दृष्ट्वा स्त्रियः परमकौतुकधामदेहम्

taṁ svarṇapatraracitaikalalāṭadeśaṁ gaṁgāsamaṁ ghusṛṇakuṁkuma piṁjarāṁgam gatyāsamaṁ pavanavegatiraskariṇyā dṛṣṭvā striyaḥ paramakautukadhāmadeham

Seeing it — its forehead fashioned with a single golden leaf, its body tawny with saffron and kumkum-hued like the Ganga, its gait matching the swiftness of the wind, its very form a supreme abode of wonder — the women exclaimed.

Verse 23 (padma.5.39.23)

ऊचुः पतिं कमलमध्यपिशंगवर्णा- स्ताम्राधरप्रतिभयाहतविद्रुमाभाः । दंतव्रजप्रमितहास्यसुशोभिवक्त्राः । कामस्य बाणनयनादिविमोहनाभाः

ūcuḥ patiṁ kamalamadhyapiśaṁgavarṇāstāmrādharapratibhayāhatavidrumābhāḥ daṁtavrajapramitahāsyasuśobhivaktrāḥ kāmasya bāṇanayanādivimohanābhāḥ

They spoke to their lord — those women of hue like the tawny heart of a lotus, their coral-red lips outshining coral in fearsome brilliance, their faces beautified by smiles measured out through rows of teeth, their radiance bewildering as the very arrow-glances of Kama —

Verse 24 (padma.5.39.24)

स्त्रिय ऊचुः। कांतकोयं महानर्वास्वर्णपत्रैकशोभितः । कस्य वा भाति शोभाढ्यो गृहाण स्वबलादिमम्

striya ūcuḥ kāṁtakoyaṁ mahānarvāsvarṇapatraikaśobhitaḥ kasya vā bhāti śobhāḍhyo gṛhāṇa svabalādimam

The women said: "Beloved, whose great horse is this, adorned with a single golden leaf? To whom does this splendor-rich one belong? Take it by your own strength."

Verse 25 (padma.5.39.25)

शेष उवाच। तदुक्तं वच आकर्ण्य लीलाललितलोचनः । जग्राह हयमेकेन करपद्मेन लीलया

śeṣa uvāca taduktaṁ vaca ākarṇya līlālalitalocanaḥ jagrāha hayamekena karapadmena līlayā

Shesha said: Hearing those words thus spoken, he, his eyes playful and charming, seized the horse with one lotus-like hand, in sport.

Verse 26 (padma.5.39.26)

वाचयित्वा स्वर्णपत्रं स्पष्टवर्णसमन्वितम् । जहास महिलामध्ये जगाद वचनं पुनः

vācayitvā svarṇapatraṁ spaṣṭavarṇasamanvitam jahāsa mahilāmadhye jagāda vacanaṁ punaḥ

Reading the golden leaf, inscribed with clear letters, he laughed amidst the women, and spoke again these words:

Verse 27 (padma.5.39.27)

रुक्मांगद उवाच। पृथिव्यां नास्ति मे पित्रा समः शौर्येण च श्रिया । तस्मिन्कथं विधत्ते स उत्सेकं रामभूमिपः

rukmāṁgada uvāca pṛthivyāṁ nāsti me pitrā samaḥ śauryeṇa ca śriyā tasminkathaṁ vidhatte sa utsekaṁ rāmabhūmipaḥ

Rukmangada said: "On this earth there is none equal to my father in valor and splendor. How then does this King Rama presume such arrogance against him?

Verse 28 (padma.5.39.28)

यस्य रक्षां प्रकुरुते सदा रुद्रः पिनाकधृक् । यं देवा दानवा यक्षा नमंति मणिमौलिभिः

yasya rakṣāṁ prakurute sadā rudraḥ pinākadhṛk yaṁ devā dānavā yakṣā namaṁti maṇimaulibhiḥ

Rudra, bearer of the trident, ever protects him; the gods, the danavas, and the yakshas bow to him with their jewel-crowned heads.

Verse 29 (padma.5.39.29)

कुरुताद्वाजिमेधं वै जनको मे महाबलः । या त्वेष वाजिशालायां बध्नंतु मम वै भटाः

kurutādvājimedhaṁ vai janako me mahābalaḥ yā tveṣa vājiśālāyāṁ badhnaṁtu mama vai bhaṭāḥ

Let my mighty father perform the horse-sacrifice — let my soldiers bind this horse in my very own stable."

Verse 30 (padma.5.39.30)

इति वाक्यं समाकर्ण्य महिलास्ता मनोहराः । प्रहर्षवदना जाताः कांतं तु परिरेभिरे

iti vākyaṁ samākarṇya mahilāstā manoharāḥ praharṣavadanā jātāḥ kāṁtaṁ tu parirebhire

Hearing these words, those delightful women, their faces filled with joy, embraced their beloved.

Verse 31 (padma.5.39.31)

गृहीत्वा च हयं पुत्रो राज्ञो वीरमणेर्महान् । पुरं पत्नीसमायुक्तो महोत्साहमवीविशत्

gṛhītvā ca hayaṁ putro rājño vīramaṇermahān puraṁ patnīsamāyukto mahotsāhamavīviśat

Taking the horse, the great son of King Viramani, together with his wives, entered the city amid great enthusiasm.

Verse 32 (padma.5.39.32)

मृदंगध्वनिषु प्रोच्चैराहतेषु समंततः । बंदिभिः संस्तुतः प्रागात्स्वपितुर्मंदिरं महत्

mṛdaṁgadhvaniṣu proccairāhateṣu samaṁtataḥ baṁdibhiḥ saṁstutaḥ prāgātsvapiturmaṁdiraṁ mahat

As the sound of drums, loudly struck, resounded on every side, praised by bards, he went forth to his father's great palace.

Verse 33 (padma.5.39.33)

तस्मै स कथयामास हयं नीतं रघोः पतेः । वाजिमेधाय निर्मुक्तं स्वच्छंदगतिमद्भुतम्

tasmai sa kathayāmāsa hayaṁ nītaṁ raghoḥ pateḥ vājimedhāya nirmuktaṁ svacchaṁdagatimadbhutam

He told him of the horse he had taken, belonging to the Lord of the Raghus, released for the horse-sacrifice, wondrous, moving freely at will,

Verse 34 (padma.5.39.34)

रक्षितं शत्रुसूदेन महाबलसमेतिना । तच्छ्रुत्वा वचनं तस्य नृपो वीरमणिर्महान्

rakṣitaṁ śatrusūdena mahābalasametinā tacchrutvā vacanaṁ tasya nṛpo vīramaṇirmahān

guarded by the destroyer of enemies, joined with great strength. Hearing his words, that great king Viramani —

Verse 35 (padma.5.39.35)

नातिप्रशंसयामास तत्कर्म सुमहामतिः । नीत्वा पुनः समायांतं चौरस्येव विचेष्टितम्

nātipraśaṁsayāmāsa tatkarma sumahāmatiḥ nītvā punaḥ samāyāṁtaṁ caurasyeva viceṣṭitam

that man of great wisdom did not overly praise that deed, considering it, having taken it and coming back, like the conduct of a thief.

Verse 36 (padma.5.39.36)

कथयामास जामात्रे शिवायाद्भुतकर्मणे । अर्धांगनाधरायांगभूषाय चंद्रधारिणे

kathayāmāsa jāmātre śivāyādbhutakarmaṇe ardhāṁganādharāyāṁgabhūṣāya caṁdradhāriṇe

He related it to his son-in-law Shiva, of wondrous deeds, who bears half a woman in his body, whose ornament is the serpent, who wears the moon.

Verse 37 (padma.5.39.37)

तेन संमंत्रयामास नृपो वीरमणिर्महान् । पुत्रसृष्टं महत्कर्म विनिंद्यं महतां मतः

tena saṁmaṁtrayāmāsa nṛpo vīramaṇirmahān putrasṛṣṭaṁ mahatkarma viniṁdyaṁ mahatāṁ mataḥ

With him the great King Viramani took counsel about the great deed done by his son, which, in the opinion of the great, was reprehensible.

Verse 38 (padma.5.39.38)

शिव उवाच। राजन्पुत्रेण भवतः कृतं कर्म महाद्भुतम् । यो जहार महावाहंरामचंद्रस्य धीमतः

śiva uvāca rājanputreṇa bhavataḥ kṛtaṁ karma mahādbhutam yo jahāra mahāvāhaṁrāmacaṁdrasya dhīmataḥ

Shiva said: "O king, a most wondrous deed has been done by your son — he who seized the great horse of the wise Ramachandra.

Verse 39 (padma.5.39.39)

अद्य युद्धं महद्भाति सुरासुरविमोहनम् । शत्रुघ्नेन महाराज्ञा वीरकोट्येकरक्षिणा

adya yuddhaṁ mahadbhāti surāsuravimohanam śatrughnena mahārājñā vīrakoṭyekarakṣiṇā

Today a great battle looms, bewildering to gods and demons alike, with the great king Shatrughna, sole protector of tens of millions of heroes.

Verse 40 (padma.5.39.40)

मया यो ध्रियते स्वांते जिह्वया प्रोच्यते हि यः । तस्य रामस्ययज्ञांगं जहार तव पुत्रकः

mayā yo dhriyate svāṁte jihvayā procyate hi yaḥ tasya rāmasyayajñāṁgaṁ jahāra tava putrakaḥ

He whom I hold within my heart, whom my very tongue utters — your son has seized this piece of that very Rama's sacrifice.

Verse 41 (padma.5.39.41)

परमत्र महाँल्लाभो भविष्यतितरां रणे । यद्रामचरणांभोजं द्रक्ष्यामः स्वीयसेवितम्

paramatra mahāl labho bhaviṣyatitarāṁ raṇe yadrāmacaraṇāṁbhojaṁ drakṣyāmaḥ svīyasevitam

But there shall be a supremely great gain here in this battle — that we shall behold Rama's own lotus feet, served by his own devotees.

Verse 42 (padma.5.39.42)

अत्र यत्नो महान्कार्यो हयस्य परिरक्षणे । नयिष्यंति बलाद्वाहं मया रक्षितमप्यमुम्

atra yatno mahānkāryo hayasya parirakṣaṇe nayiṣyaṁti balādvāhaṁ mayā rakṣitamapyamum

Here great effort must be made in guarding the horse — they will try to take back this horse by force, even though it is now guarded by me.

Verse 43 (padma.5.39.43)

तस्मादिमं महाराज राज्येन सह सन्नतः । वाजिनं भोजनं दत्वा प्रेक्षस्वांघ्रियुगं ततः

tasmādimaṁ mahārāja rājyena saha sannataḥ vājinaṁ bhojanaṁ datvā prekṣasvāṁghriyugaṁ tataḥ

Therefore, O great king, humbly, together with your kingdom, having given the horse due honor, look then to his pair of feet."

Verse 44 (padma.5.39.44)

इति वाक्यं समाकर्ण्य शिवस्य स नृपोत्तमः । उवाच तं सुरेंद्रादिवंद्यपादांबुजद्वयम्

iti vākyaṁ samākarṇya śivasya sa nṛpottamaḥ uvāca taṁ sureṁdrādivaṁdyapādāṁbujadvayam

Hearing these words of Shiva, that best of kings spoke to him, whose pair of lotus feet are venerated by Indra and the other gods.

Verse 45 (padma.5.39.45)

वीरमणिरुवाच। क्षत्रियाणामयं धर्मो यत्प्रतापस्य रक्षणम् । तदसौ क्रांतुमुद्युक्तः क्रतुना हयसंज्ञिना

vīramaṇiruvāca kṣatriyāṇāmayaṁ dharmo yatpratāpasya rakṣaṇam tadasau krāṁtumudyuktaḥ kratunā hayasaṁjñinā

Viramani said: "This is the very dharma of Kshatriyas, to protect their own valor — and that one is set on conquering through the sacrifice called the horse-rite.

Verse 46 (padma.5.39.46)

तस्माद्रक्ष्यः स्वप्रतापो येनकेनापि मानिना । यावच्छक्यं कर्म कृत्वा शरीरव्ययकारिणा

tasmādrakṣyaḥ svapratāpo yenakenāpi māninā yāvacchakyaṁ karma kṛtvā śarīravyayakāriṇā

Therefore one's own valor must be protected by any proud man whatsoever, doing what deeds he can, even at the expense of his body.

Verse 47 (padma.5.39.47)

सर्वं कृतं सुतेनेदं गृहीतोऽश्व पुनर्यतः । कोपितं रामभूपालं समयार्हं कुरु प्रभो

sarvaṁ kṛtaṁ sutenedaṁ gṛhīto'śva punaryataḥ kopitaṁ rāmabhūpālaṁ samayārhaṁ kuru prabho

All this was done by my son — having seized the horse; now, O lord, make what is fitting toward Rama, the king, once he is angered."

Verse 48 (padma.5.39.48)

क्षत्त्रियाणामिदं कर्म कर्तव्यार्हं भवेन्नहि । यदकस्माद्रिपोः पादौ प्रणमेद्भयविह्वलः

kṣattriyāṇāmidaṁ karma kartavyārhaṁ bhavennahi yadakasmādripoḥ pādau praṇamedbhayavihvalaḥ

"This deed would not be fitting for Kshatriyas to do — that one should suddenly bow at an enemy's feet, overcome by fear.

Verse 49 (padma.5.39.49)

रिपवो विहसंत्येनं कातरोऽयं नृपाधमः । क्षुद्रः प्राकृतवन्नीचो नतवान्भयविह्वलः

ripavo vihasaṁtyenaṁ kātaro'yaṁ nṛpādhamaḥ kṣudraḥ prākṛtavannīco natavānbhayavihvalaḥ

Enemies would laugh at him — 'this basest of kings is a coward, petty, base as a commoner, one who bowed, overcome by fear.'

Verse 50 (padma.5.39.50)

तस्माद्भवान्यथायोग्यं योद्धव्ये समुपस्थिते । यद्विधेयं विचार्यैव कर्तव्यं भक्तरक्षणम्

tasmādbhavānyathāyogyaṁ yoddhavye samupasthite yadvidheyaṁ vicāryaiva kartavyaṁ bhaktarakṣaṇam

Therefore, when battle is at hand, act as is fitting; having deliberated on what is to be done, protection of one's devotee must also be undertaken."

Verse 51 (padma.5.39.51)

शेष उवाच। इति वाक्यं समाकर्ण्य चंद्रचूडोवदद्वचः । प्रहसन्मेघगंभीरवाण्या संमोहयन्मनः

śeṣa uvāca iti vākyaṁ samākarṇya caṁdracūḍovadadvacaḥ prahasanmeghagaṁbhīravāṇyā saṁmohayanmanaḥ

Shesha said: Hearing these words, the moon-crested one spoke, smiling, in a voice deep as thunderclouds, bewitching the mind:

Verse 52 (padma.5.39.52)

यदि देवास्त्रयस्त्रिंशत्कोटयः समुपस्थिताः । तथापि त्वत्तः केनाश्वो गृह्यते मम रक्षितुः

yadi devāstrayastriṁśatkoṭayaḥ samupasthitāḥ tathāpi tvattaḥ kenāśvo gṛhyate mama rakṣituḥ

"Even if all the thirty-three crores of gods were to gather here, still, by whom could this horse, guarded by me, ever be taken from you?

Verse 53 (padma.5.39.53)

यदि रामः समागत्य स्वात्मानं दर्शयिष्यति । तदाहं चरणौ तस्य प्रणमामि सुकोमलौ

yadi rāmaḥ samāgatya svātmānaṁ darśayiṣyati tadāhaṁ caraṇau tasya praṇamāmi sukomalau

If Rama himself should come and show me his own true self, then I shall bow at his two most tender feet.

Verse 54 (padma.5.39.54)

स्वामिना न हि योद्धव्यं महान नय उच्यते । अन्ये वीरास्तृणप्रायाः किंचित्कर्तुं न वै क्षमाः

svāminā na hi yoddhavyaṁ mahāna naya ucyate anye vīrāstṛṇaprāyāḥ kiṁcitkartuṁ na vai kṣamāḥ

One should not fight with the master — this is called the greater wisdom. As for other heroes, they are as mere straw, incapable of doing anything at all.

Verse 55 (padma.5.39.55)

तस्माद्युद्ध्यस्व राजेंद्र रक्षके मयि सुस्थिते । को गृह्णाति बलाद्वाहं त्रिलोकी यदि संगता

tasmādyuddhyasva rājeṁdra rakṣake mayi susthite ko gṛhṇāti balādvāhaṁ trilokī yadi saṁgatā

Therefore, wage war, O lord of kings, since I stand firm as protector; who could take this horse by force, even if the three worlds united?"

Verse 56 (padma.5.39.56)

शेष उवाच। एतद्वचः परं श्रुत्वा चंद्रचूडस्य भूमिपः । जहर्ष मानसेऽत्यंतं युद्धकर्मणि कौतुकी

śeṣa uvāca etadvacaḥ paraṁ śrutvā caṁdracūḍasya bhūmipaḥ jaharṣa mānase'tyaṁtaṁ yuddhakarmaṇi kautukī

Shesha said: Hearing this further word of the moon-crested one, the king, eager for the work of battle, rejoiced exceedingly in his heart.