King Suratha's Seizure of the Horse

Verse 1 (padma.5.49.1)

शेष उवाच। मासाः सप्ताभवंस्तस्य हयवर्यस्य हेलया । चरतो भारतं वर्षमनेकनृपपूरितम्

śeṣa uvāca māsāḥ saptābhavaṁstasya hayavaryasya helayā carato bhārataṁ varṣamanekanṛpapūritam

Shesha said: Seven months passed for that finest of horses, wandering at ease through the land of Bharata, filled with many kings.

Verse 2 (padma.5.49.2)

स पूजितो भूपवरैः परीत्य वरभारतम् । परीवृतो वीरवरैः शत्रुघ्नादिभिरुद्भटैः

sa pūjito bhūpavaraiḥ parītya varabhāratam parīvṛto vīravaraiḥ śatrughnādibhirudbhaṭaiḥ

Honored by the finest of kings, roaming across excellent Bharata, surrounded by the foremost heroes — Shatrughna and the other fierce warriors —

Verse 3 (padma.5.49.3)

स बभ्राम बहून्देशान्हिमालयसमीपतः । न कोपि तं निजग्राह हयं रामबलं स्मरन्

sa babhrāma bahūndeśānhimālayasamīpataḥ na kopi taṁ nijagrāha hayaṁ rāmabalaṁ smaran

— it wandered through many lands near the Himalayas; and no one seized that horse, remembering the might of Rama.

Verse 4 (padma.5.49.4)

अंगवंगकलिंगानां राजभिः संस्तुतो हयः । जगाम राज्ञो नगरे सुरथस्य मनोहरे

aṁgavaṁgakaliṁgānāṁ rājabhiḥ saṁstuto hayaḥ jagāma rājño nagare surathasya manohare

Praised by the kings of Anga, Vanga, and Kalinga, the horse came at last to the beautiful city of King Suratha.

Verse 5 (padma.5.49.5)

कुंडलं नाम नगरमदितेर्यत्र कुंडलम् । कर्णयोः पतितं भूमौ हर्षभयसुकंपयोः

kuṁḍalaṁ nāma nagaramaditeryatra kuṁḍalam karṇayoḥ patitaṁ bhūmau harṣabhayasukaṁpayoḥ

A city named Kundala, where once the earring of Aditi fell from her trembling ears, in mingled joy and fear, down to the earth —

Verse 6 (padma.5.49.6)

यत्र धर्मव्यतिक्रांतिं न करोति कदापिना । श्रीरामस्मरणं प्रेम्णा करोति जनतान्वहम्

yatra dharmavyatikrāṁtiṁ na karoti kadāpinā śrīrāmasmaraṇaṁ premṇā karoti janatānvaham

— where people never transgress Dharma, and lovingly, without ceasing, hold Shri Rama in remembrance —

Verse 7 (padma.5.49.7)

अश्वत्थानां तु यत्रार्चा तुलस्याः प्रत्यहं नृभिः । क्रियते रघुनाथस्य सेवकैः पापवर्जितैः

aśvatthānāṁ tu yatrārcā tulasyāḥ pratyahaṁ nṛbhiḥ kriyate raghunāthasya sevakaiḥ pāpavarjitaiḥ

— where sinless servants of Raghunatha worship the ashvattha tree and the tulasi plant every day —

Verse 8 (padma.5.49.8)

यत्र देवालया रम्या राघवप्रतिमायुताः । पूज्यंते प्रत्यहं शुद्धचित्तैः कपटवर्जितैः

yatra devālayā ramyā rāghavapratimāyutāḥ pūjyaṁte pratyahaṁ śuddhacittaiḥ kapaṭavarjitaiḥ

— where lovely temples, filled with images of Raghava, are worshipped each day by people pure of heart, free of deceit —

Verse 9 (padma.5.49.9)

वाचि नाम हरेर्यत्र न वै कलहसंकथा । हृदि ध्यानं तु तस्यैव न च कामफलस्मृतिः

vāci nāma hareryatra na vai kalahasaṁkathā hṛdi dhyānaṁ tu tasyaiva na ca kāmaphalasmṛtiḥ

— where speech holds only Hari's name, never quarrel or idle chatter; where the heart holds only meditation on him, never a thought of desire's fruit —

Verse 10 (padma.5.49.10)

देवनं यत्र रामस्य वार्त्ताभिः पूतदेहिनाम् । न जातुचिन्नृणामस्ति सत्यव्यसनमानिनाम्

devanaṁ yatra rāmasya vārttābhiḥ pūtadehinām na jātucinnṛṇāmasti satyavyasanamāninām

— where, in the words of pure-bodied people who reckon truth alone their treasure, the very play of Rama is never absent —

Verse 11 (padma.5.49.11)

तस्मिन्वसति धर्मात्मा सुरथः सत्यवान्बली । रघुनाथपदस्मारहृष्टचित्तः परोन्मदः

tasminvasati dharmātmā surathaḥ satyavānbalī raghunāthapadasmārahṛṣṭacittaḥ paronmadaḥ

— there dwelt Suratha, righteous of soul, truthful and mighty, his heart delighted by remembrance of Raghunatha's feet, a devotee exalted beyond measure.

Verse 12 (padma.5.49.12)

किं वर्णयामि रामस्य सेवकं सुरथं वरम् । यस्याशेषगुणा भूमौ विस्तृताः पावयंत्यघम्

kiṁ varṇayāmi rāmasya sevakaṁ surathaṁ varam yasyāśeṣaguṇā bhūmau vistṛtāḥ pāvayaṁtyagham

What shall I say in describing that excellent servant of Rama, Suratha, whose countless virtues, spread across the earth, purify sin wherever they reach?

Verse 13 (padma.5.49.13)

सेवकास्तस्य भूपस्य पर्यटंतः कदाचन । अपश्यन्हयमेधस्य हयं चंदनचर्चितम्

sevakāstasya bhūpasya paryaṭaṁtaḥ kadācana apaśyanhayamedhasya hayaṁ caṁdanacarcitam

That king's servants, roaming about one day, came upon the horse of the sacrifice, its body anointed with sandal-paste.

Verse 14 (padma.5.49.14)

ते दृष्ट्वा विस्मयं प्राप्ता हयपत्रमलोकयन् । स्पष्टाक्षरसमायुक्तं चंदनादिकचर्चितम्

te dṛṣṭvā vismayaṁ prāptā hayapatramalokayan spaṣṭākṣarasamāyuktaṁ caṁdanādikacarcitam

Seeing it, they were struck with wonder, and read the plate upon the horse, inscribed in clear letters, smeared with sandal-paste and the like.

Verse 15 (padma.5.49.15)

ज्ञात्वा रामेण संमुक्तं हयं नेत्रमनोहरम् । हृष्टा राज्ञे सभास्थाय कथयामासुरुत्सुकाः

jñātvā rāmeṇa saṁmuktaṁ hayaṁ netramanoharam hṛṣṭā rājñe sabhāsthāya kathayāmāsurutsukāḥ

Knowing that this eye-delighting horse had been released by Rama himself, delighted and eager, they went to the king seated in his assembly and said —

Verse 16 (padma.5.49.16)

स्वामिन्नयोध्यानगरीपतिस्तस्यास्तु राघवः । हयमेधक्रतोर्योग्यो हयो मुक्तः परिभ्रमन्

svāminnayodhyānagarīpatistasyāstu rāghavaḥ hayamedhakratoryogyo hayo muktaḥ paribhraman

"My lord, that Raghava, lord of the city of Ayodhya — his very horse, fit for the horse-sacrifice, wanders here freely, released."

Verse 17 (padma.5.49.17)

स ते पुरस्य निकटे प्राप्तः सेवकसंयुतः । गृहाण त्वं महाराज हयं तं सुमनोहरम्

sa te purasya nikaṭe prāptaḥ sevakasaṁyutaḥ gṛhāṇa tvaṁ mahārāja hayaṁ taṁ sumanoharam

"It has come close to your very city, together with its attendants; seize it, O great king, that most lovely horse."

Verse 18 (padma.5.49.18)

शेष उवाच। इति श्रुत्वा निजप्रोक्तं वाक्यं हर्षपरिप्लुतः । उवाच वीरान्बलिनो मेघगंभीरया गिरा

śeṣa uvāca iti śrutvā nijaproktaṁ vākyaṁ harṣapariplutaḥ uvāca vīrānbalino meghagaṁbhīrayā girā

Shesha said: Hearing this account thus told, overwhelmed with joy, he spoke to his mighty heroes in a voice deep as thunder —

Verse 19 (padma.5.49.19)

सुरथ उवाच। धन्या वयं राममुखं पश्यामः सह सेवकाः । ग्रहीष्यामि हयं तस्य भटकोटिपरीवृतम्

suratha uvāca dhanyā vayaṁ rāmamukhaṁ paśyāmaḥ saha sevakāḥ grahīṣyāmi hayaṁ tasya bhaṭakoṭiparīvṛtam

Suratha said: "Blessed are we, that together with our servants we shall behold Rama's very face; I shall seize that horse of his, surrounded by millions of warriors."

Verse 20 (padma.5.49.20)

तदा मोक्ष्यामि वाहं तं यदा रामः समाव्रजेत् । कृतार्थं मम भक्तस्य चिरं ध्यानरतस्य वै

tadā mokṣyāmi vāhaṁ taṁ yadā rāmaḥ samāvrajet kṛtārthaṁ mama bhaktasya ciraṁ dhyānaratasya vai

"I shall release that horse only when Rama himself comes here — a fulfilled purpose indeed for me, his devotee, so long absorbed in meditation on him."

Verse 21 (padma.5.49.21)

शेष उवाच। इत्थमुक्त्वा महीपालः सेवकान्स्वयमादिशत् । गृह्णंतु वाहं प्रसभं मोच्यो नाश्वोऽक्षिगोचरः

śeṣa uvāca itthamuktvā mahīpālaḥ sevakānsvayamādiśat gṛhṇaṁtu vāhaṁ prasabhaṁ mocyo nāśvo'kṣigocaraḥ

Shesha said: Having spoken thus, the king himself commanded his servants: "Seize this horse by force; let it not slip from your sight."

Verse 22 (padma.5.49.22)

अनेन सुमहाँल्लाभो भविष्यति तु मे मतम् । यद्रामचरणौ प्रेक्षे ब्रह्मशक्रादिदुर्ल्लभौ

anena sumahā~llābho bhaviṣyati tu me matam yadrāmacaraṇau prekṣe brahmaśakrādidurllabhau

"By this a very great gain shall be mine, I believe — that I shall behold the feet of that Rama, hard to attain even for Brahma and Indra."

Verse 23 (padma.5.49.23)

स एव धन्यः स्वजनः पुत्रो वा बांधवोऽथवा । पशुर्वा वाहनं वापि रामाप्तिर्येन संभवेत्

sa eva dhanyaḥ svajanaḥ putro vā bāṁdhavo'thavā paśurvā vāhanaṁ vāpi rāmāptiryena saṁbhavet

"Blessed indeed is that kinsman, son, or relative, or that very beast or conveyance, through whom the attainment of Rama becomes possible."

Verse 24 (padma.5.49.24)

तस्माद्गृहीत्वा क्रत्वश्वं स्वर्णपत्रेण शोभितम् । बध्नंतु वाजिशालायां कामवेगं मनोरमम्

tasmādgṛhītvā kratvaśvaṁ svarṇapatreṇa śobhitam badhnaṁtu vājiśālāyāṁ kāmavegaṁ manoramam

"Therefore seize that sacrificial horse, resplendent with its golden plate, and tether that lovely horse, swift as desire itself, within the stable."

Verse 25 (padma.5.49.25)

इत्युक्तास्ते ततो गत्वा वाहं रामस्य शोभितम् । गृहीत्वा तरसा राज्ञे ददुः सर्वं शुभांगिनम्

ityuktāste tato gatvā vāhaṁ rāmasya śobhitam gṛhītvā tarasā rājñe daduḥ sarvaṁ śubhāṁginam

Thus commanded, they went and, seizing that resplendent horse of Rama, its beauty wholly unmarred, swiftly gave it over to the king.

Verse 26 (padma.5.49.26)

राजा प्राप्य मुदा चाश्वं रामस्य दनुजार्दनः । सेवकान्प्राह बलिनो धर्मकृत्यविचक्षणः

rājā prāpya mudā cāśvaṁ rāmasya danujārdanaḥ sevakānprāha balino dharmakṛtyavicakṣaṇaḥ

The king, obtaining with delight the horse of Rama, that scourge of demons, said to his mighty servants, skilled in the practice of Dharma —

Verse 27 (padma.5.49.27)

वात्स्यायन महाबुद्धे शृणुष्वैकाग्रमानसः । न तस्य विषये कश्चित्परदाररतो नरः

vātsyāyana mahābuddhe śṛṇuṣvaikāgramānasaḥ na tasya viṣaye kaścitparadārarato naraḥ

"O Vatsyayana, of great wisdom, listen with a focused mind: in this domain of mine, no man is given to lusting after another's wife —"

Verse 28 (padma.5.49.28)

न परद्रव्यनिरतो न च कामेषु लंपटः । न जिह्वाभिरतोन्मार्गे कीर्त्तयेद्रामकीर्तनात्

na paradravyanirato na ca kāmeṣu laṁpaṭaḥ na jihvābhiratonmārge kīrttayedrāmakīrtanāt

"— nor greedy for another's wealth, nor given over to lust; nor does any tongue here, straying from the true path, speak of anything but Rama's praise."

Verse 29 (padma.5.49.29)

यः सेवकान्नृपो वक्ति यूयं सेवार्थमागताः । कथयंतु भवच्चेष्टां धर्मकर्मविशारदाः

yaḥ sevakānnṛpo vakti yūyaṁ sevārthamāgatāḥ kathayaṁtu bhavacceṣṭāṁ dharmakarmaviśāradāḥ

"The king who says to his servants, 'You have come here to serve me' — let those skilled in righteous deeds simply describe your own conduct."

Verse 30 (padma.5.49.30)

एकपत्नीव्रतधरा न परद्रव्यलोलुपाः । परापवादानिरता न च वेदोत्पथं गताः

ekapatnīvratadharā na paradravyalolupāḥ parāpavādāniratā na ca vedotpathaṁ gatāḥ

"Holding fast to the vow of a single wife, not covetous of another's wealth, not given to slandering others, never straying from the path of the Veda —"

Verse 31 (padma.5.49.31)

श्रीरामस्मरणादीनि कुर्वंति प्रत्यहं भटाः । तानहं रामसेवार्थं रक्षाम्यंतक कोपवान्

śrīrāmasmaraṇādīni kurvaṁti pratyahaṁ bhaṭāḥ tānahaṁ rāmasevārthaṁ rakṣāmyaṁtaka kopavān

"— such are my warriors, remembering Shri Rama every day; them I protect for the sake of Rama's service, wrathful as Death itself against any who threaten them."

Verse 32 (padma.5.49.32)

एतद्विरुद्धधर्माणो ये नराः पापसंयुताः । तानहं विषये मह्यं वासयामि न दुर्मतीन्

etadviruddhadharmāṇo ye narāḥ pāpasaṁyutāḥ tānahaṁ viṣaye mahyaṁ vāsayāmi na durmatīn

"Those men who act contrary to this very righteousness, given over to sin — such evil-minded ones I do not let dwell within my kingdom."

Verse 33 (padma.5.49.33)

तस्य देशे न पापिष्ठाः पापं कुर्वंति मानसे । हरिध्यानहताशेष पातकामोदसंयुताः

tasya deśe na pāpiṣṭhāḥ pāpaṁ kurvaṁti mānase haridhyānahatāśeṣa pātakāmodasaṁyutāḥ

"In his land not even the most sinful can conceive of sin in their minds — by meditation on Hari all their remaining wickedness is destroyed."

Verse 34 (padma.5.49.34)

यदैवमभवद्देशो राजा धर्मेण संयुतः । तदा तत्स्था नराः सर्वे मृता गच्छंति निर्वृतिम्

yadaivamabhavaddeśo rājā dharmeṇa saṁyutaḥ tadā tatsthā narāḥ sarve mṛtā gacchaṁti nirvṛtim

When the land thus became one where the king himself was united with Dharma, then all the men dwelling there, upon dying, came to attain liberation.

Verse 35 (padma.5.49.35)

यमानुचरनिर्वेशो नाभवत्सौरथे पुरे । तदा यमो मुनेरूपं धृत्वा प्रागान्महीश्वरम्

yamānucaranirveśo nābhavatsaurathe pure tadā yamo munerūpaṁ dhṛtvā prāgānmahīśvaram

Since there remained no work for Yama's attendants in Suratha's city, Yama himself, assuming the form of a sage, went to that lord of the earth.

Verse 36 (padma.5.49.36)

वल्कलांबरधारी च जटाशोभितशीर्षकः । सुरथं तु सभामध्ये ददर्श हरिसेवकम्

valkalāṁbaradhārī ca jaṭāśobhitaśīrṣakaḥ surathaṁ tu sabhāmadhye dadarśa harisevakam

Wearing garments of bark, his head resplendent with matted locks, he beheld Suratha, servant of Hari, seated amid his assembly.

Verse 37 (padma.5.49.37)

तुलसीमस्तके यस्य वाचि नाम हरेः परम् । धर्मकर्मरतां वार्त्तां श्रावयंतं निजाञ्जनान्

tulasīmastake yasya vāci nāma hareḥ param dharmakarmaratāṁ vārttāṁ śrāvayaṁtaṁ nijāñjanān

Tulasi rested upon his brow, the supreme name of Hari was on his lips, and he was reciting to his own people accounts filled with righteous deeds.

Verse 38 (padma.5.49.38)

तदा मुनिं नृपो दृष्ट्वा तपोमूर्तिमिव स्थितम् । ववंदे चरणौ तस्य पाद्यादिकमथाकरोत्

tadā muniṁ nṛpo dṛṣṭvā tapomūrtimiva sthitam vavaṁde caraṇau tasya pādyādikamathākarot

Then the king, seeing that sage standing there as if austerity itself made flesh, bowed at his feet and honored him with water for the feet and the like.

Verse 39 (padma.5.49.39)

सुखोपविष्टं विश्रांतं मुनिं प्राह नृपाग्रणीः । धन्यमद्य जनुर्मह्यं धन्यमद्य गृहं मम

sukhopaviṣṭaṁ viśrāṁtaṁ muniṁ prāha nṛpāgraṇīḥ dhanyamadya janurmahyaṁ dhanyamadya gṛhaṁ mama

As the sage sat comfortably at rest, the foremost of kings said to him: "Today my very birth is blessed, today my house itself is blessed —"

Verse 40 (padma.5.49.40)

कथाः कथयतान्मह्यं रामस्य विविधा वराः । याः शृण्वतां पापहानिर्भविष्यति पदे पदे

kathāḥ kathayatānmahyaṁ rāmasya vividhā varāḥ yāḥ śṛṇvatāṁ pāpahānirbhaviṣyati pade pade

"— now tell me the many excellent stories of Rama, hearing which sin diminishes, step by step, in the listener."

Verse 41 (padma.5.49.41)

इत्थमुक्तं समाकर्ण्य जहास स मुनिर्भृशम् । दंतान्प्रदर्शयन्सर्वांस्तालास्फालितपाणिकः

itthamuktaṁ samākarṇya jahāsa sa munirbhṛśam daṁtānpradarśayansarvāṁstālāsphālitapāṇikaḥ

Hearing this said, that sage burst into loud laughter, showing all his teeth, clapping his hands together as he did.

Verse 42 (padma.5.49.42)

हसंतं तं मुनिं प्राह हसने कारणं किमु । कथयस्व प्रसादेन यथा स्यान्मनसः सुखम्

hasaṁtaṁ taṁ muniṁ prāha hasane kāraṇaṁ kimu kathayasva prasādena yathā syānmanasaḥ sukham

The king said to the laughing sage: "What is the reason for this laughter? Tell me kindly, so that my mind may find some ease."

Verse 43 (padma.5.49.43)

ततो मुनिर्नृपं प्राह शृणु राजन्धियायुतः । यदहं तेऽभिधास्यामि स्मिते कारणमुत्तमम्

tato munirnṛpaṁ prāha śṛṇu rājandhiyāyutaḥ yadahaṁ te'bhidhāsyāmi smite kāraṇamuttamam

Then the sage said to the king: "Listen, O wise king, I shall tell you the true reason for my smile."

Verse 44 (padma.5.49.44)

त्वया प्रोक्तं हरेः कीर्तिं कथयस्व ममाग्रतः । को हरिः कस्य वा कीर्तिः सर्वे कर्मवशा नराः

tvayā proktaṁ hareḥ kīrtiṁ kathayasva mamāgrataḥ ko hariḥ kasya vā kīrtiḥ sarve karmavaśā narāḥ

"You asked me to recount Hari's glory before you — but who is Hari, and whose glory is it? All men, after all, are subject only to their own deeds."

Verse 45 (padma.5.49.45)

कर्मणा प्राप्यते स्वर्गः कर्मणा नरकं व्रजेत् । कर्मणैव भवेत्सर्वं पुत्रपौत्रादिकं बहु

karmaṇā prāpyate svargaḥ karmaṇā narakaṁ vrajet karmaṇaiva bhavetsarvaṁ putrapautrādikaṁ bahu

"By deeds heaven is attained, by deeds one goes to hell; by deeds alone come sons and grandsons and every kind of abundance."

Verse 46 (padma.5.49.46)

शक्रः शतं क्रतूनां तु कृत्वागात्परमं पदम् । ब्रह्मापि कर्मणा लोकं प्राप्य सत्याख्यमद्भुतम्

śakraḥ śataṁ kratūnāṁ tu kṛtvāgātparamaṁ padam brahmāpi karmaṇā lokaṁ prāpya satyākhyamadbhutam

"Shakra attained his supreme station by performing a hundred sacrifices; Brahma too, through his deeds, attained the wondrous world called Satya."

Verse 47 (padma.5.49.47)

अनेके कर्मणा सिद्धा मरुदादय ईशिनः । कुर्वन्ति भोगसौख्यं च अप्सरोगणसेविताः

aneke karmaṇā siddhā marudādaya īśinaḥ kurvanti bhogasaukhyaṁ ca apsarogaṇasevitāḥ

"Many lords, the Maruts and others, perfected by their own deeds, enjoy the pleasures of delight, served by hosts of celestial nymphs."

Verse 48 (padma.5.49.48)

तस्मात्कुरुष्व यज्ञादीन्यजस्व किल देवताः । यथा ते विमलाकीर्तिर्भविष्यति महीतले

tasmātkuruṣva yajñādīnyajasva kila devatāḥ yathā te vimalākīrtirbhaviṣyati mahītale

"Therefore perform sacrifices and the like, worship the gods themselves, so that your own spotless fame may spread across this earth."

Verse 49 (padma.5.49.49)

इति श्रुत्वा तु तद्वाक्यं कोपक्षुभितमानसः । उवाच रामैकमना विप्रं कर्मविशारदम्

iti śrutvā tu tadvākyaṁ kopakṣubhitamānasaḥ uvāca rāmaikamanā vipraṁ karmaviśāradam

Hearing these words, his mind stirred with anger, the king, whose heart was fixed on Rama alone, said to that brahmin skilled in the doctrine of works —

Verse 50 (padma.5.49.50)

मा ब्रूहि कर्मणो वार्तां क्षयिष्णुफलदायिनीम् । गच्छ मन्नगरोपांताद्बहिर्लोकविगर्हितः

mā brūhi karmaṇo vārtāṁ kṣayiṣṇuphaladāyinīm gaccha mannagaropāṁtādbahirlokavigarhitaḥ

"Speak not to me of this doctrine of deeds, which yields only a fruit that perishes; go, censured by all the world, out beyond the very edge of my city."

Verse 51 (padma.5.49.51)

इंद्रः पतिष्यति क्षिप्रं पतिष्यत्यपि पद्मजः । न पतिष्यंति मनुजा रामस्य भजनोत्सुकाः

iṁdraḥ patiṣyati kṣipraṁ patiṣyatyapi padmajaḥ na patiṣyaṁti manujā rāmasya bhajanotsukāḥ

"Indra shall fall swiftly enough, and Padmaja too shall fall; but men given over to devotion to Rama never fall."

Verse 52 (padma.5.49.52)

पश्य ध्रुवं च प्रह्लादं बिभीषणमथाद्भुतम् । ये चान्ये रामभक्ता वै कदापि न पतंति ते

paśya dhruvaṁ ca prahlādaṁ bibhīṣaṇamathādbhutam ye cānye rāmabhaktā vai kadāpi na pataṁti te

"Behold Dhruva, and Prahlada, and that wondrous Vibhishana too, and whatever other devotees of Rama there may be — they never fall, at any time."

Verse 53 (padma.5.49.53)

ये रामनिंदका दुष्टास्तानि मे यमकिंकराः । ताडयिष्यंति लोहस्य मुद्गरैः पाशबन्धनैः

ye rāmaniṁdakā duṣṭāstāni me yamakiṁkarāḥ tāḍayiṣyaṁti lohasya mudgaraiḥ pāśabandhanaiḥ

"Those wicked ones who slander Rama — my own servants of Yama shall beat them with iron hammers and bind them fast in fetters."

Verse 54 (padma.5.49.54)

ब्राह्मणत्वाद्देहदंडं न कुर्यां ते द्विजाधम । गच्छ गच्छ मदालोकात्ताडयिष्यामि चान्यथा

brāhmaṇatvāddehadaṁḍaṁ na kuryāṁ te dvijādhama gaccha gaccha madālokāttāḍayiṣyāmi cānyathā

"Only because of your birth as a brahmin do I withhold bodily punishment from you, O basest of brahmins. Go, out of my sight — else I shall strike you down."

Verse 55 (padma.5.49.55)

इत्थमुक्तवति श्रेष्ठे भूपे सुरथसंज्ञिते । सेवका बाहुना धृत्वा निष्कासयितुमुद्यताः

itthamuktavati śreṣṭhe bhūpe surathasaṁjñite sevakā bāhunā dhṛtvā niṣkāsayitumudyatāḥ

When that foremost king, Suratha, had spoken thus, his servants seized the sage by the arm, ready to cast him out.

Verse 56 (padma.5.49.56)

तदा यमो निजं रूपं धृत्वा लोकैकवंदितम् । प्राह भूपं प्रतुष्टोऽस्मि याचस्व हरिसेवक

tadā yamo nijaṁ rūpaṁ dhṛtvā lokaikavaṁditam prāha bhūpaṁ pratuṣṭo'smi yācasva harisevaka

Then Yama, assuming his own true form, worshipped by all the worlds, said to the king: "I am well pleased. Ask a boon, O servant of Hari."

Verse 57 (padma.5.49.57)

मया प्रलोभितो वाग्भिर्बह्वीभिरपि सुव्रत । चलितोसि न रामस्य सेवायाः साधुसेवितः

mayā pralobhito vāgbhirbahvībhirapi suvrata calitosi na rāmasya sevāyāḥ sādhusevitaḥ

"O man of good vows, though tempted by my many words, you never wavered from Rama's service — a true saint you are indeed."

Verse 58 (padma.5.49.58)

तदा प्रोवाच भूमीशो यमं दृष्ट्वा सुतोषितम् । उवाच यदि तुष्टोसि देहि मे वरमुत्तमम्

tadā provāca bhūmīśo yamaṁ dṛṣṭvā sutoṣitam uvāca yadi tuṣṭosi dehi me varamuttamam

Then, seeing Yama so well pleased, the king said to him: "If you are truly pleased, grant me this excellent boon —"

Verse 59 (padma.5.49.59)

तावन्मम न वै मृत्युर्यावद्रामसमागमः । न भयं मे भवत्तो हि कदाचन हि धर्मराट्

tāvanmama na vai mṛtyuryāvadrāmasamāgamaḥ na bhayaṁ me bhavatto hi kadācana hi dharmarāṭ

"— let death not come to me until I have met with Rama; and, O lord of Dharma, let me never know any fear of you."

Verse 60 (padma.5.49.60)

तदोवाच यमो भूपमिदं तव भविष्यति । सर्वं त्वदीप्सितं तथ्यं करिष्यति रघोःपतिः

tadovāca yamo bhūpamidaṁ tava bhaviṣyati sarvaṁ tvadīpsitaṁ tathyaṁ kariṣyati raghoḥpatiḥ

Then Yama said to the king: "So shall it be for you; Raghunatha himself shall make true every desire of yours."

Verse 61 (padma.5.49.61)

इत्युक्त्वांतर्हितो धर्मो जगाम स्वपुरं प्रति । प्रशस्य तस्य चरितं हरिभक्तिपरात्मनः

ityuktvāṁtarhito dharmo jagāma svapuraṁ prati praśasya tasya caritaṁ haribhaktiparātmanaḥ

Having spoken thus, Dharma vanished from sight and went toward his own city, praising all the while the conduct of that soul devoted to Hari.

Verse 62 (padma.5.49.62)

स राजा धार्मिको रामसेवकः परया मुदा । गृहीत्वाश्वं प्रत्युवाच सेवकान्हरिसेवकान्

sa rājā dhārmiko rāmasevakaḥ parayā mudā gṛhītvāśvaṁ pratyuvāca sevakānharisevakān

That righteous king, servant of Rama, filled with the greatest joy, taking hold of the horse, said to his own servants, devotees of Hari themselves —

Verse 63 (padma.5.49.63)

मया गृहीतो वाहोऽसौ राघवस्य महीपतेः । सज्जी भवंतु सर्वत्र यूयं रणविशारदाः

mayā gṛhīto vāho'sau rāghavasya mahīpateḥ sajjī bhavaṁtu sarvatra yūyaṁ raṇaviśāradāḥ

"I have taken this horse of Raghava, lord of the earth; all of you, skilled in war, be ready now on every side."

Verse 64 (padma.5.49.64)

इति प्रोक्तास्तु ते सर्वे भटा राज्ञो महाबलाः । सज्जीभूताः क्षणादेव सभायां जग्मुरुत्सुकाः

iti proktāstu te sarve bhaṭā rājño mahābalāḥ sajjībhūtāḥ kṣaṇādeva sabhāyāṁ jagmurutsukāḥ

Thus told, all those mighty warriors of the king, ready in an instant, went eagerly into the assembly.

Verse 65 (padma.5.49.65)

राज्ञो वीरा दशसुताश्चंपको मोहकस्तथा । रिपुंजयोऽतिदुर्वारः प्रतापीबलमोदकः

rājño vīrā daśasutāścaṁpako mohakastathā ripuṁjayo'tidurvāraḥ pratāpībalamodakaḥ

The king's ten sons — Champaka, Mohaka, the utterly indomitable Ripunjaya, Pratapi, Balamodaka —

Verse 66 (padma.5.49.66)

हर्यक्षः सहदेवश्च भूरिदेवः सुतापनः । इति राज्ञो दश सुताः सज्जीभूता रणांगणे

haryakṣaḥ sahadevaśca bhūridevaḥ sutāpanaḥ iti rājño daśa sutāḥ sajjībhūtā raṇāṁgaṇe

— Haryaksha, Sahadeva, Bhuridева, Sutapana — thus the king's ten sons stood ready together upon the battlefield.

Verse 67 (padma.5.49.67)

यातुमिच्छामकुर्वंस्ते महोत्साहसमन्विताः । राजापि स्वरथं चित्रं हेमशोभाविनिर्मितम्

yātumicchāmakurvaṁste mahotsāhasamanvitāḥ rājāpi svarathaṁ citraṁ hemaśobhāvinirmitam

Filled with the greatest zeal, they resolved together to set out; and the king too summoned his own wondrous chariot, wrought in golden splendor —

Verse 68 (padma.5.49.68)

आह्वयामास सुजवैर्वाजिभिः समलंकृतम् । रणोत्साहेन संयुक्तः सर्वसैन्यपरीवृतः

āhvayāmāsa sujavairvājibhiḥ samalaṁkṛtam raṇotsāhena saṁyuktaḥ sarvasainyaparīvṛtaḥ

— adorned with swift-footed horses; filled with eagerness for battle, surrounded now by his entire army —

Verse 69 (padma.5.49.69)

सभायां सेवकान्सर्वान्दिशन्नास्ते महीपतिः

sabhāyāṁ sevakānsarvāndiśannāste mahīpatiḥ

— and the lord of the earth remained there in his assembly, giving direction to all his servants.