The Mantra-Chintamani

Verse 1 (padma.5.81.1)

ऋषय ऊचु- सूत जीव चिरं साधो श्रीकृष्णचरितामृतम् । त्वया प्रकाशितं सर्वं भक्तानां भवतारणम्

ṛṣaya ūcu- sūta jīva ciraṁ sādho śrīkṛṣṇacaritāmṛtam tvayā prakāśitaṁ sarvaṁ bhaktānāṁ bhavatāraṇam

The sages said: "Live long, O virtuous Suta! You have revealed to us all the nectar of Shri Krishna's deeds, the very salvation of devotees from worldly existence."

Verse 2 (padma.5.81.2)

श्रीकृष्णलीलां निखिलां ब्रूहि दैनंदिनीं प्रभो । ययाकर्णितया साधो कृष्णे भक्तिर्विवर्द्धते

śrīkṛṣṇalīlāṁ nikhilāṁ brūhi dainaṁdinīṁ prabho yayākarṇitayā sādho kṛṣṇe bhaktirvivarddhate

"Tell us, O Lord, the whole of Krishna's daily play, hearing which, O virtuous one, devotion to Krishna increases."

Verse 3 (padma.5.81.3)

गुरोः शिष्यस्य मंत्रस्य विधानं लक्षणं पृथक् । वदास्माकं महाभाग त्वं हि नः परमः सुहृत्

guroḥ śiṣyasya maṁtrasya vidhānaṁ lakṣaṇaṁ pṛthak vadāsmākaṁ mahābhāga tvaṁ hi naḥ paramaḥ suhṛt

"The rule and the separate characteristics of the guru, the disciple, and the mantra — tell us these, O greatly blessed one; you are indeed our supreme friend."

Verse 4 (padma.5.81.4)

सूत उवाच- एकदा यमुनातीरे समासीनं जगद्गुरुम् । नारदः प्रणिपत्याह देवदेवं सदाशिवम्

sūta uvāca- ekadā yamunātīre samāsīnaṁ jagadgurum nāradaḥ praṇipatyāha devadevaṁ sadāśivam

Suta said: "Once, on the bank of the Yamuna, Narada, bowing down, spoke to Sadashiva, the guru of the world, seated there."

Verse 5 (padma.5.81.5)

नारद उवाच- देवदेव महादेव सर्वज्ञ जगदीश्वर । भगवद्धर्मतत्त्वज्ञ कृष्णमंत्रविदां वर

nārada uvāca- devadeva mahādeva sarvajña jagadīśvara bhagavaddharmatattvajña kṛṣṇamaṁtravidāṁ vara

Narada said: "O god of gods, Mahadeva, all-knowing, lord of the universe, knower of the truth of the Lord's dharma, foremost among knowers of the Krishna-mantra —"

Verse 6 (padma.5.81.6)

कृष्णमंत्रा मया लब्धास्त्वत्तो ये च पितुः परे । ते सर्वे साधितास्तत्वान्मंत्रराजादयो मया

kṛṣṇamaṁtrā mayā labdhāstvatto ye ca pituḥ pare te sarve sādhitāstatvānmaṁtrarājādayo mayā

"the Krishna-mantras I have obtained, from you and from others greater than my father — all of these I have accomplished in truth, the king of mantras and the rest,"

Verse 7 (padma.5.81.7)

बहुवर्षसहस्रैस्तु शाकमूलफलाशिना । शुष्कपर्णांबुवाय्वादि भोजिना च निराशिना

bahuvarṣasahasraistu śākamūlaphalāśinā śuṣkaparṇāṁbuvāyvādi bhojinā ca nirāśinā

"over many thousand years, eating only vegetables, roots, and fruits, eating dry leaves, water, air and the like, fasting,"

Verse 8 (padma.5.81.8)

स्त्रीणां संदर्शनालापवर्जिना भूमिशायिना । कामादिषड्गुणं जित्वा बाह्येंद्रियनियम्यता

strīṇāṁ saṁdarśanālāpavarjinā bhūmiśāyinā kāmādiṣaḍguṇaṁ jitvā bāhyeṁdriyaniyamyatā

"avoiding the sight and conversation of women, sleeping on the ground, having conquered desire and the other five enemies, restraining the outer senses —"

Verse 9 (padma.5.81.9)

एवंकृतेऽपि नैवात्मा संतुष्टो मम शंकर । तद्ब्रूहि यत्प्रसिध्येत संस्काराद्यैर्विना प्रभो

evaṁkṛte'pi naivātmā saṁtuṣṭo mama śaṁkara tadbrūhi yatprasidhyeta saṁskārādyairvinā prabho

"even having done all this, my soul is still not satisfied, O Shankara. Tell me, then, that which succeeds without such preparatory rites,"

Verse 10 (padma.5.81.10)

सकृदुच्चारणादेव ददाति फलमुत्तमम् । यदि योग्योऽस्मि देवेश तदा मे कृपया वद

sakṛduccāraṇādeva dadāti phalamuttamam yadi yogyo'smi deveśa tadā me kṛpayā vada

"which bestows its supreme fruit from a single utterance alone. If I am worthy, O lord of gods, then tell me by your grace."

Verse 11 (padma.5.81.11)

शिव उवाच- साधु पृष्टं महाभाग त्वया लोकहितैषिणा । सुगोप्यमपि वक्ष्यामि मंत्रचिंतामणिं तव

śiva uvāca- sādhu pṛṣṭaṁ mahābhāga tvayā lokahitaiṣiṇā sugopyamapi vakṣyāmi maṁtraciṁtāmaṇiṁ tava

Shiva said: "Well have you asked, O greatly blessed one, seeker of the world's welfare; though it is most secret, I shall tell you the Mantra-chintamani."

Verse 12 (padma.5.81.12)

रहस्यानां रहस्यं यद्गुह्यानां गुह्यमुत्तमम् । न मया कथितं देव्यै नाग्रजेभ्यः पुरा तव

rahasyānāṁ rahasyaṁ yadguhyānāṁ guhyamuttamam na mayā kathitaṁ devyai nāgrajebhyaḥ purā tava

"That which is the secret of secrets, the supreme mystery of mysteries — this I have not told even to the goddess, nor formerly to your elder brothers."

Verse 13 (padma.5.81.13)

वक्ष्यामि युगलं तुभ्यं कृष्णमंत्रमनुत्तमम् । मंत्रचिंतामणिर्नाम युगलं द्वयमेव च

vakṣyāmi yugalaṁ tubhyaṁ kṛṣṇamaṁtramanuttamam maṁtraciṁtāmaṇirnāma yugalaṁ dvayameva ca

"I shall tell you the unsurpassed pair of Krishna-mantras. 'Mantra-chintamani' is its name, and it is indeed twofold, a pair."

Verse 14 (padma.5.81.14)

पर्याया अस्य मंत्रस्य तथा पंचपदीति च । गोपीजनपदं वल्लभां तं तु चरणानिति

paryāyā asya maṁtrasya tathā paṁcapadīti ca gopījanapadaṁ vallabhāṁ taṁ tu caraṇāniti

"The synonyms of this mantra are also 'the five-word formula' — 'gopijana' word, 'vallabha,' and then 'tam charananam' —"

Verse 15 (padma.5.81.15)

शरणं च प्रपद्ये च एष पंचपदात्मकः । मंत्रचिंतामणिः प्रोक्तः षोडशार्णो महामनुः

śaraṇaṁ ca prapadye ca eṣa paṁcapadātmakaḥ maṁtraciṁtāmaṇiḥ proktaḥ ṣoḍaśārṇo mahāmanuḥ

"'sharanam cha prapadye' — thus it consists of five words. The Mantra-chintamani is declared to be the great mantra of sixteen syllables."

Verse 16 (padma.5.81.16)

नमो गोपीजनेत्युक्त्वा वल्लभाभ्यां वदेत्ततः । पदद्वयात्मको मंत्रो दशार्णः खलु कथ्यते

namo gopījanetyuktvā vallabhābhyāṁ vadettataḥ padadvayātmako maṁtro daśārṇaḥ khalu kathyate

"Having said 'namo gopijana,' one should then say 'vallabhaya' — this mantra, consisting of the pair of words, is indeed called the ten-syllabled form."

Verse 17 (padma.5.81.17)

एतां पंचपदीं जप्त्वा श्रद्धयाश्रद्धया सकृत् । कृष्णप्रियाणां सान्निध्यं गच्छत्येव न संशयः

etāṁ paṁcapadīṁ japtvā śraddhayāśraddhayā sakṛt kṛṣṇapriyāṇāṁ sānnidhyaṁ gacchatyeva na saṁśayaḥ

"Having recited this five-word mantra even once, with faith or without faith, one indeed attains nearness to those dear to Krishna — of this there is no doubt."

Verse 18 (padma.5.81.18)

न पुरश्चरणप्रेक्षा नास्य न्यासविधिक्रमः । न देशकालनियमो नारिमित्रादिशोधनम्

na puraścaraṇaprekṣā nāsya nyāsavidhikramaḥ na deśakālaniyamo nārimitrādiśodhanam

"There is no need for preliminary practice, no need of the rite of nyasa, no restriction of place or time, no requirement of purifying against enemies, friends, and the like."

Verse 19 (padma.5.81.19)

सर्वेऽधिकारिणश्चात्र चंडालांता मुनीश्वर । स्त्रियः शूद्रादयश्चापि जडमूकादि पंगवः

sarve'dhikāriṇaścātra caṁḍālāṁtā munīśvara striyaḥ śūdrādayaścāpi jaḍamūkādi paṁgavaḥ

"All are eligible here, O lord of sages, down to the outcaste; women, shudras and the rest, even the dull, the mute, cripples, and the like,"

Verse 20 (padma.5.81.20)

अन्ये हूणाः किराताश्च पुलिंदाः पुष्कसास्तथा । आभीराय वनाः कंकाः खसाद्याः पापयोनयः

anye hūṇāḥ kirātāśca puliṁdāḥ puṣkasāstathā ābhīrāya vanāḥ kaṁkāḥ khasādyāḥ pāpayonayaḥ

"others too — Hunas, Kiratas, Pulindas, Pukkasas likewise, Abhiras, forest-dwellers, Kankas, Khasas and others of sinful origin,"

Verse 21 (padma.5.81.21)

दंभाहंकारपरमाः पापाः पैशुन्यतत्पराः । गोब्राह्मणादि हंतारो महोपपातकान्विताः

daṁbhāhaṁkāraparamāḥ pāpāḥ paiśunyatatparāḥ gobrāhmaṇādi haṁtāro mahopapātakānvitāḥ

"those given over to hypocrisy and pride, sinners devoted to slander, killers of cows and brahmins, laden with great secondary sins,"

Verse 22 (padma.5.81.22)

ज्ञानवैराग्यरहिताः श्रवणादिविवर्जिताः । एते चान्ये च सर्वे स्युर्मनोरस्याधिकारिणः

jñānavairāgyarahitāḥ śravaṇādivivarjitāḥ ete cānye ca sarve syurmanorasyādhikāriṇaḥ

"those devoid of knowledge and detachment, deprived of scriptural hearing and the like — these and all others are eligible for this mantra."

Verse 23 (padma.5.81.23)

यदि भक्तिर्भवेदेषां कृष्णे सर्वेश्वरेश्वरे । तदाधिकारिणः सर्वे नान्यथा मुनिसत्तम

yadi bhaktirbhavedeṣāṁ kṛṣṇe sarveśvareśvare tadādhikāriṇaḥ sarve nānyathā munisattama

"If devotion should arise in them toward Krishna, lord of the lords of all, then all are eligible — not otherwise, O best of sages."

Verse 24 (padma.5.81.24)

याज्ञिको दाननिरतः सर्वतंत्रोपसेवकः । सत्यवादी यतिर्वापि वेदवेदांगपारगः

yājñiko dānanirataḥ sarvataṁtropasevakaḥ satyavādī yatirvāpi vedavedāṁgapāragaḥ

"The sacrificer, the one devoted to giving gifts, the servant of every scripture, the truth-speaker, or the ascetic, the one accomplished in the Vedas and Vedangas,"

Verse 25 (padma.5.81.25)

ब्रह्मनिष्ठः कुलीनो वा तपस्वी व्रततत्परः । अत्राधिकारी न भवेत्कृष्णभक्तिविवर्जितः

brahmaniṣṭhaḥ kulīno vā tapasvī vratatatparaḥ atrādhikārī na bhavetkṛṣṇabhaktivivarjitaḥ

"one fixed in Brahman, or of good family, the ascetic devoted to vows — he is not eligible here if he is devoid of devotion to Krishna."

Verse 26 (padma.5.81.26)

तस्मादकृष्णभक्ताय कृतघ्नाय न मानिने । न च श्रद्धाविहीनाय वक्तव्यं नास्तिकाय च

tasmādakṛṣṇabhaktāya kṛtaghnāya na mānine na ca śraddhāvihīnāya vaktavyaṁ nāstikāya ca

"Therefore, this should not be told to one lacking devotion to Krishna, to the ungrateful, to the proud, to the faithless, or to the atheist,"

Verse 27 (padma.5.81.27)

न चाशुश्रूषवे वाच्यं नासंवत्सरसेविने । श्रीकृष्णेऽनन्यभक्ताय दंभलोभविवर्जिने

na cāśuśrūṣave vācyaṁ nāsaṁvatsarasevine śrīkṛṣṇe'nanyabhaktāya daṁbhalobhavivarjine

"nor should it be told to one who does not wish to hear it, nor to one who has not served for a year; it should be given to one exclusively devoted to Shri Krishna, free of hypocrisy and greed,"

Verse 28 (padma.5.81.28)

कामक्रोधविमुक्ताय देयमेतत्प्रयत्नतः । ऋषिश्चैवाहमेतस्य गायत्रीछंद उच्यते

kāmakrodhavimuktāya deyametatprayatnataḥ ṛṣiścaivāhametasya gāyatrīchaṁda ucyate

"and free of desire and anger, with effort. I myself am the rishi of this mantra; the Gayatri meter is declared for it."

Verse 29 (padma.5.81.29)

देवता बल्लवीकांतो मंत्रस्य परिकीर्तितः । सप्रियस्य हरेर्दास्ये विनियोग उदाहृतः

devatā ballavīkāṁto maṁtrasya parikīrtitaḥ sapriyasya harerdāsye viniyoga udāhṛtaḥ

"The deity of the mantra is declared to be the beloved of the cowherd women; the application is declared to be for service to Hari, together with his beloved."

Verse 30 (padma.5.81.30)

आचक्राद्यैस्तथा मंत्रैः पंचांगानि प्रकल्पयेत् । अथवापि स्वबीजेन करांगन्यासकौ चरेत्

ācakrādyaistathā maṁtraiḥ paṁcāṁgāni prakalpayet athavāpi svabījena karāṁganyāsakau caret

"One should establish the five limbs with the mantras beginning with 'Om' and the like; or else one should perform the placement on hands and limbs with the mantra's own seed-syllable."

Verse 31 (padma.5.81.31)

मंत्रस्य प्रथमो वर्णो बिंदुना मूर्ध्निभूषितः । गमित्येवं भवेद्बीजं नमः शक्तिरिहोदिता

maṁtrasya prathamo varṇo biṁdunā mūrdhnibhūṣitaḥ gamityevaṁ bhavedbījaṁ namaḥ śaktirihoditā

"The mantra's first letter, adorned with the anusvara-bindu on its crown, becomes the seed-syllable 'gam'; and 'namah' is here declared to be its power."

Verse 32 (padma.5.81.32)

अंतिमार्णैर्दशांगानि तैरेव च तथार्चनम् । गंधपुष्पादिभिस्तच्च जलैरेवाप्यसंभवे

aṁtimārṇairdaśāṁgāni taireva ca tathārcanam gaṁdhapuṣpādibhistacca jalairevāpyasaṁbhave

"With the final letters, the ten limbs are established; and with those very same, worship too is performed — with fragrance, flowers and the like, or, if these are not available, with water alone,"

Verse 33 (padma.5.81.33)

न्यासपूर्वविधानेन कर्तव्यं हरितुष्टये । अतएवास्य मंत्रस्य न्यासाद्यन्ये वदंति च

nyāsapūrvavidhānena kartavyaṁ harituṣṭaye ataevāsya maṁtrasya nyāsādyanye vadaṁti ca

"preceded by the rite of nyasa, this should be done for Hari's satisfaction. Yet others say that for this mantra, nyasa and the rest —"

Verse 34 (padma.5.81.34)

सकृदुच्चारणादेव कृतकृत्यत्वदायिनः । तथापि दशधा नित्यं जपाद्यर्थं प्रविन्यसेत्

sakṛduccāraṇādeva kṛtakṛtyatvadāyinaḥ tathāpi daśadhā nityaṁ japādyarthaṁ pravinyaset

"are unnecessary, since it bestows fulfillment from a single utterance alone; nevertheless, one should always arrange it tenfold for the purpose of recitation."

Verse 35 (padma.5.81.35)

अथ ध्यानं प्रवक्ष्यामि मंत्रस्यास्य द्विजोत्तम । पीतांबरं घनश्यामं द्विभुजं वनमालिनम्

atha dhyānaṁ pravakṣyāmi maṁtrasyāsya dvijottama pītāṁbaraṁ ghanaśyāmaṁ dvibhujaṁ vanamālinam

"Now I shall tell the meditation of this mantra, O best of the twice-born: clad in yellow silk, dark as a rain-cloud, two-armed, garlanded with forest flowers,"

Verse 36 (padma.5.81.36)

बर्हिबर्हकृतोत्तंसं शशिकोटिनिभाननम् । घूर्णायमाननयनं कर्णिकारावतंसिनम्

barhibarhakṛtottaṁsaṁ śaśikoṭinibhānanam ghūrṇāyamānanayanaṁ karṇikārāvataṁsinam

"his crest made of peacock feathers, his face like a myriad moons, his eyes rolling, adorned with karnikara-flower earrings,"

Verse 37 (padma.5.81.37)

अभितश्चंदनेनाथ मध्ये कुंकुमबिंदुना । रचितं तिलकं भाले बिभ्रतं मंडलाकृतिम्

abhitaścaṁdanenātha madhye kuṁkumabiṁdunā racitaṁ tilakaṁ bhāle bibhrataṁ maṁḍalākṛtim

"on both sides with sandal-paste, and in the middle with a vermilion dot, a tilaka fashioned on his brow, bearing a circular shape,"

Verse 38 (padma.5.81.38)

तरुणादित्यसंकाशं कुंडलाभ्यां विराजितम् । घर्माम्बुकणिकाराजद्दर्पणाभकपोलकम्

taruṇādityasaṁkāśaṁ kuṁḍalābhyāṁ virājitam gharmāmbukaṇikārājaddarpaṇābhakapolakam

"resembling the youthful sun, resplendent with his two earrings, his cheeks bright as mirrors, adorned with beads of sweat,"

Verse 39 (padma.5.81.39)

प्रियास्य न्यस्तनयनं लीलापांगोन्नतभ्रुवम् । अग्रभागन्यस्तमुक्ता विस्फुरत्प्रोच्चनासिकम्

priyāsya nyastanayanaṁ līlāpāṁgonnatabhruvam agrabhāganyastamuktā visphuratproccanāsikam

"his eyes fixed upon his beloved, his brows raised in playful sidelong glance, his prominent nose set with a pearl at its tip, gleaming,"

Verse 40 (padma.5.81.40)

दशनज्योत्स्नया राजत्पक्वबिंबफलाधरम् । केयूरांगदसद्रत्नमुद्रिकाभिर्लसत्करम्

daśanajyotsnayā rājatpakvabiṁbaphalādharam keyūrāṁgadasadratnamudrikābhirlasatkaram

"his lower lip, ripe as a bimba-fruit, radiant with the moonlight of his teeth, his hand gleaming with armlets, bracelets, fine jewels and rings,"

Verse 41 (padma.5.81.41)

बिभ्रतं मुरलद्यं वामे पाणौ पद्मं तथैव च । कांचीदामस्फुरन्मध्यं नूपुराभ्यां लसत्पदम्

bibhrataṁ muraladyaṁ vāme pāṇau padmaṁ tathaiva ca kāṁcīdāmasphuranmadhyaṁ nūpurābhyāṁ lasatpadam

"holding his flute, and likewise a lotus in his left hand, his waist-band gleaming in the middle, his feet resplendent with anklets,"

Verse 42 (padma.5.81.42)

रतिकेलिरसावेश चपलं चपलेक्षणम् । हसंतं प्रियया सार्द्धं हासयंतं च तां मुहुः

ratikelirasāveśa capalaṁ capalekṣaṇam hasaṁtaṁ priyayā sārddhaṁ hāsayaṁtaṁ ca tāṁ muhuḥ

"restless with the onset of the sweetness of amorous play, his restless eyes, laughing together with his beloved, and making her laugh again and again."

Verse 43 (padma.5.81.43)

इत्थं कल्पतरोर्मूले रत्नसिंहासनोपरि । वृंदारण्ये स्मरेत्कृष्णं संस्थितं प्रियया सह

itthaṁ kalpatarormūle ratnasiṁhāsanopari vṛṁdāraṇye smaretkṛṣṇaṁ saṁsthitaṁ priyayā saha

"Thus, at the root of the wish-fulfilling tree, upon a jeweled throne, in the forest of Vrinda, one should remember Krishna, seated together with his beloved."

Verse 44 (padma.5.81.44)

वामपार्श्वे स्थितां तस्य राधिकां च स्मरेत्ततः । नीलचोलकसंवीतां तप्तहेमसमप्रभाम्

vāmapārśve sthitāṁ tasya rādhikāṁ ca smarettataḥ nīlacolakasaṁvītāṁ taptahemasamaprabhām

"One should then remember, standing at his left side, Radhika, clad in a dark-blue bodice, of a splendor equal to well-heated gold,"

Verse 45 (padma.5.81.45)

पट्टांचलेनावृतार्द्ध सुस्मेराननपंकजाम् । कांतवक्त्रे न्यस्तनेत्रां चकोरी चंचलेक्षणाम्

paṭṭāṁcalenāvṛtārddha susmerānanapaṁkajām kāṁtavaktre nyastanetrāṁ cakorī caṁcalekṣaṇām

"half-covered by the end of her silk garment, her lotus-like face sweetly smiling, her eyes fixed on her beloved's face, restless as a chakori bird's,"

Verse 46 (padma.5.81.46)

अंगुष्ठतर्जनीभ्यां च निजकांतमुखांबुजे । अर्पयंतीं पूगफलं पर्णचूर्णसमन्वितम्

aṁguṣṭhatarjanībhyāṁ ca nijakāṁtamukhāṁbuje arpayaṁtīṁ pūgaphalaṁ parṇacūrṇasamanvitam

"offering to her beloved's lotus mouth, with thumb and forefinger, a betel-nut together with betel-leaf powder,"

Verse 47 (padma.5.81.47)

मुक्ताहारस्फुरच्चारु पीनोन्नतपयोधराम् । क्षीणमध्यां पृथुश्रोणीं किंकिणीजालमंडिताम्

muktāhārasphuraccāru pīnonnatapayodharām kṣīṇamadhyāṁ pṛthuśroṇīṁ kiṁkiṇījālamaṁḍitām

"her lovely, full, raised breasts gleaming with a pearl necklace, her waist slender, her hips broad, adorned with a net of tinkling bells,"

Verse 48 (padma.5.81.48)

रत्नताटंककेयूरमुद्रा वलयधारिणीम् । रणत्कटकमंजीर रत्नपादांगुलीयकाम्

ratnatāṭaṁkakeyūramudrā valayadhāriṇīm raṇatkaṭakamaṁjīra ratnapādāṁgulīyakām

"wearing jeweled earrings, armlets, rings, and bangles, her jeweled anklets and toe-rings resounding with her bracelets,"

Verse 49 (padma.5.81.49)

लावण्यसारमुग्धांगीं सर्वावयवसुंदरीम् । आनंदरससंमग्नां प्रसन्नां नवयौवनाम्

lāvaṇyasāramugdhāṁgīṁ sarvāvayavasuṁdarīm ānaṁdarasasaṁmagnāṁ prasannāṁ navayauvanām

"her limbs innocent, the very essence of loveliness, beautiful in every part, immersed in the sweetness of bliss, gracious, in fresh youth."

Verse 50 (padma.5.81.50)

सख्यश्च तस्या विप्रेंद्र तत्समानवयोगुणाः । तत्सेवनपराभाव्याश्चामरव्यजनादिभिः

sakhyaśca tasyā vipreṁdra tatsamānavayoguṇāḥ tatsevanaparābhāvyāścāmaravyajanādibhiḥ

"And her companions too, O foremost brahmin, of equal age and virtue to her, devoted to her service, with chowries and fans and the like."

Verse 51 (padma.5.81.51)

अथ तुभ्यं प्रवक्ष्यामि मंत्रार्थं शृणु नारद । बहिरंगैः प्रपंचस्य स्वांशैर्मायादि शक्तिभिः

atha tubhyaṁ pravakṣyāmi maṁtrārthaṁ śṛṇu nārada bahiraṁgaiḥ prapaṁcasya svāṁśairmāyādi śaktibhiḥ

"Now I shall tell you the meaning of the mantra; listen, Narada — by the external powers of manifestation, its own portions, by powers beginning with maya,"

Verse 52 (padma.5.81.52)

अंतरंगैस्तथा नित्यविभूतैस्तैश्चिदादिभिः । गोपनादुच्यते गोपी राधिका कृष्णवल्लभा । देवी कृष्णमयी प्रोक्ता राधिका परदेवता

aṁtaraṁgaistathā nityavibhūtaistaiścidādibhiḥ gopanāducyate gopī rādhikā kṛṣṇavallabhā devī kṛṣṇamayī proktā rādhikā paradevatā

"and by the internal, eternal, glorious powers, those beginning with consciousness — from concealment, she is called Gopi, Radhika, beloved of Krishna. The goddess, declared to be Krishna-permeated, Radhika, is the supreme deity."

Verse 53 (padma.5.81.53)

सर्वलक्ष्मीस्वरूपा सा कृष्णाह्लादस्वरूपिणी । ततः सा प्रोच्यते विप्र ह्लादिनीति मनीषिभिः

sarvalakṣmīsvarūpā sā kṛṣṇāhlādasvarūpiṇī tataḥ sā procyate vipra hlādinīti manīṣibhiḥ

"She is of the very form of all Lakshmi, of the very form of Krishna's own delight. Therefore, O brahmin, she is called, by the wise, 'Hladini.'"

Verse 54 (padma.5.81.54)

तत्कलाकोटिकोट्यंश दुर्गाद्यास्त्रिगुणात्मिकाः । सा तु साक्षान्महालक्ष्मीः कृष्णो नारायणः प्रभुः

tatkalākoṭikoṭyaṁśa durgādyāstriguṇātmikāḥ sā tu sākṣānmahālakṣmīḥ kṛṣṇo nārāyaṇaḥ prabhuḥ

"Durga and the other goddesses, embodiments of the three gunas, are but fractions of fractions of her portion; she indeed is directly Mahalakshmi, and Krishna is Narayana, the Lord."

Verse 55 (padma.5.81.55)

नैतयोर्विद्यते भेदः स्वल्पोऽपि मुनिसत्तम । इयं दुर्गा हरी रुद्रः कृष्णः शक्र इयं शची

naitayorvidyate bhedaḥ svalpo'pi munisattama iyaṁ durgā harī rudraḥ kṛṣṇaḥ śakra iyaṁ śacī

"There is no difference between these two, not even the slightest, O best of sages. She is Durga, he Hari-Rudra; he Krishna-Shakra, she Shachi;"

Verse 56 (padma.5.81.56)

सावित्रीयं हरिर्ब्रह्मा धूमोर्णासौ यमो हरिः । बहुना किं मुनिश्रेष्ठ विना ताभ्यां न किंचन

sāvitrīyaṁ harirbrahmā dhūmorṇāsau yamo hariḥ bahunā kiṁ muniśreṣṭha vinā tābhyāṁ na kiṁcana

"she Savitri, he Hari-Brahma; she Dhumorna, he Hari-Yama. What need, O foremost sage, of saying more? Without these two, nothing exists."

Verse 57 (padma.5.81.57)

चिदचिल्लक्षणं सर्वं राधाकृष्णमयं जगत् । इत्थं सर्वं तयोरेव विभूतिं विद्धि नारद

cidacillakṣaṇaṁ sarvaṁ rādhākṛṣṇamayaṁ jagat itthaṁ sarvaṁ tayoreva vibhūtiṁ viddhi nārada

"The whole universe, marked by consciousness and matter, is permeated by Radha and Krishna. Thus know all glory to belong to these two alone, O Narada."

Verse 58 (padma.5.81.58)

न शक्यते मया वक्तुं वर्षकोटिशतैरपि । त्रैलोक्ये पृथिवी मान्या जंबूद्वीपं ततोवरम्

na śakyate mayā vaktuṁ varṣakoṭiśatairapi trailokye pṛthivī mānyā jaṁbūdvīpaṁ tatovaram

"This I could not tell fully even in a hundred crores of years. In the three worlds, the earth is honored; Jambudvipa is more excellent than that;"

Verse 59 (padma.5.81.59)

तत्रापि भारतं वर्षं तत्रापि मथुरापुरी । तत्र वृंदावनं नाम तत्र गोपीकदंबकम्

tatrāpi bhārataṁ varṣaṁ tatrāpi mathurāpurī tatra vṛṁdāvanaṁ nāma tatra gopīkadaṁbakam

"within that, Bharata-varsha; within that, the city of Mathura; within that, the place named Vrindavana; within that, the multitude of gopis;"

Verse 60 (padma.5.81.60)

तत्र राधासखीवर्गस्तत्रापि राधिका वरा । सांनिध्याधिक्यतस्तस्या आधिक्यं स्याद्यथोत्तरम्

tatra rādhāsakhīvargastatrāpi rādhikā varā sāṁnidhyādhikyatastasyā ādhikyaṁ syādyathottaram

"within that, Radha's group of companions; and within that, supreme Radhika herself. According to the degree of nearness to her, so is the corresponding degree of excellence."

Verse 61 (padma.5.81.61)

पृथिवी प्रभृतीनां तु नान्यत्किंचिदिहोदितम् । सैषा हि राधिका गोपी जनस्तस्याः सखीगणः

pṛthivī prabhṛtīnāṁ tu nānyatkiṁcidihoditam saiṣā hi rādhikā gopī janastasyāḥ sakhīgaṇaḥ

"Of the earth and the rest, nothing else is here declared as superior. She indeed is Radhika, the gopi; her people are her multitude of companions."

Verse 62 (padma.5.81.62)

तस्याः सखीसमूहस्य वल्लभौ प्राणनायकौ । राधाकृष्णौ तयोः पादाः शरणं स्यादिहाश्रये

tasyāḥ sakhīsamūhasya vallabhau prāṇanāyakau rādhākṛṣṇau tayoḥ pādāḥ śaraṇaṁ syādihāśraye

"The beloveds, the lords of life, of that multitude of her companions, are Radha and Krishna; their two feet are the refuge — this is the resort here."

Verse 63 (padma.5.81.63)

प्रपद्ये गतवानस्मि जीवोऽहं भृशदुःखितः । सोऽहं यः शरणं प्राप्तो मम तस्य यदस्ति च

prapadye gatavānasmi jīvo'haṁ bhṛśaduḥkhitaḥ so'haṁ yaḥ śaraṇaṁ prāpto mama tasya yadasti ca

"'I take refuge; I have gone to you; I, the soul, am exceedingly afflicted; that same I, who has attained refuge, whatever is mine —'"

Verse 64 (padma.5.81.64)

सर्वं ताभ्यां तदर्थं हि तद्भोग्यं न ह्यहं मम । इत्यसौ कथितो विप्र मंत्रस्यार्थः समासतः

sarvaṁ tābhyāṁ tadarthaṁ hi tadbhogyaṁ na hyahaṁ mama ityasau kathito vipra maṁtrasyārthaḥ samāsataḥ

"'all of it belongs to those two, for their sake; it is their enjoyment, not mine.' Thus, O brahmin, the meaning of the mantra has been told in brief."

Verse 65 (padma.5.81.65)

युगलार्थस्तथा न्यासः प्रपत्तिः शरणागतिः । आत्मार्पणमिमे पंच पर्यायास्ते मयोदिताः

yugalārthastathā nyāsaḥ prapattiḥ śaraṇāgatiḥ ātmārpaṇamime paṁca paryāyāste mayoditāḥ

"The meaning of the pair, and likewise the ritual placement, self-surrender, taking refuge, self-offering — these five are the synonyms that I have declared."

Verse 66 (padma.5.81.66)

अयमेव चिंतनीयो दिवानक्तमतंद्रितैः

ayameva ciṁtanīyo divānaktamataṁdritaiḥ

This very mantra-meditation should be contemplated day and night, tirelessly.