How Devasharma Attained Brahminhood

Verse 1 (padma.5.90.1)

देवशर्मोवाच- पूर्वजन्मकृतं पापं त्वयाख्यातं ममैव तत् । शूद्रत्वेन हि विप्रेंद्र मयैवं धनमर्जितम्

devaśarmovāca- pūrvajanmakṛtaṁ pāpaṁ tvayākhyātaṁ mamaiva tat śūdratvena hi vipreṁdra mayaivaṁ dhanamarjitam

Devasharma said: "The sin done in a former birth, that has been told to me by you; as a shudra, indeed, O foremost of brahmins, I amassed wealth thus."

Verse 2 (padma.5.90.2)

विप्रत्वं हि मया प्राप्तं तत्कथं द्विजसत्तम । तत्सर्वं कारणं ब्रूहि ज्ञानविज्ञानपंडित

vipratvaṁ hi mayā prāptaṁ tatkathaṁ dvijasattama tatsarvaṁ kāraṇaṁ brūhi jñānavijñānapaṁḍita

"How then did I attain brahminhood, O best of the twice-born? Tell me the entire cause of that, O wise one, skilled in knowledge and its application."

Verse 3 (padma.5.90.3)

दुर्ल्लभं भारते वर्षे जन्म तस्मान्मनुष्यता । मानुष्ये ब्राह्मणत्वं च सुतरां सत्कुलोदितम्

durllabhaṁ bhārate varṣe janma tasmānmanuṣyatā mānuṣye brāhmaṇatvaṁ ca sutarāṁ satkuloditam

"Birth in Bharata-varsha is rare, and rarer still, humanity; and within humanity, brahminhood, born in a good family, is rarer by far."

Verse 4 (padma.5.90.4)

तत्रापीदृग्विधा भार्या सर्वज्ञा प्रियवादिनी । सती सर्वगुणोपेता दुर्लभा सा कुतोऽभवत्

tatrāpīdṛgvidhā bhāryā sarvajñā priyavādinī satī sarvaguṇopetā durlabhā sā kuto'bhavat

"And even there, such a wife — all-knowing, sweet-spoken, chaste, endowed with every virtue — how did she, so hard to obtain, come to be mine?"

Verse 5 (padma.5.90.5)

वसिष्ठ उवाच-। यत्त्वया चेष्टितं पूर्वं धर्मकर्मकृतं द्विज । तदहं संप्रवक्ष्यामि श्रूयतां यदि मन्यसे

vasiṣṭha uvāca- yattvayā ceṣṭitaṁ pūrvaṁ dharmakarmakṛtaṁ dvija tadahaṁ saṁpravakṣyāmi śrūyatāṁ yadi manyase

Vasishtha said: "That which you did formerly, the righteous deeds you performed, O twice-born — that I shall now declare; listen, if it pleases you."

Verse 6 (padma.5.90.6)

ब्राह्मणैकः सुधर्मात्मा सदाचारः सुपंडितः । विष्णुभक्तस्तु धर्मात्मा नित्यं विष्णुपरायणः

brāhmaṇaikaḥ sudharmātmā sadācāraḥ supaṁḍitaḥ viṣṇubhaktastu dharmātmā nityaṁ viṣṇuparāyaṇaḥ

"There was a single brahmin, of righteous soul, of good conduct, greatly learned, a devotee of Vishnu, righteous, ever devoted to Vishnu,"

Verse 7 (padma.5.90.7)

स्नानार्थमपि तीर्थानां भ्रमत्येकः स मेदिनीम् । अटमानः समायातस्तव गेहे महामतिः

snānārthamapi tīrthānāṁ bhramatyekaḥ sa medinīm aṭamānaḥ samāyātastava gehe mahāmatiḥ

"who wandered the earth alone, even for the sake of bathing at holy places. Wandering thus, that great-minded one came to your house."

Verse 8 (padma.5.90.8)

तस्य दर्शनमात्रेण समुत्पन्न सुधीस्तव । यतो धर्मगते गेहे सतामागमनं भवेत्

tasya darśanamātreṇa samutpanna sudhīstava yato dharmagate gehe satāmāgamanaṁ bhavet

"By the mere sight of him, good sense arose in you — for the righteous come to a house only when it is set on the path of dharma."

Verse 9 (padma.5.90.9)

किंकिं न लभ्यते विप्र विप्रवैष्णवसेवया । दुर्ल्लभं यच्च लोके स्यान्मोक्षस्थानमपि स्थिरम्

kiṁkiṁ na labhyate vipra vipravaiṣṇavasevayā durllabhaṁ yacca loke syānmokṣasthānamapi sthiram

"What, O brahmin, is not obtained through service to a Vaishnava brahmin? Even what is rare in this world — a stable place of liberation itself —"

Verse 10 (padma.5.90.10)

याचितं स्थानमेकं वै वासार्थं तेन सत्तम । तवैव भार्यया दत्तं त्वया च सह पुत्रकैः

yācitaṁ sthānamekaṁ vai vāsārthaṁ tena sattama tavaiva bhāryayā dattaṁ tvayā ca saha putrakaiḥ

"was requested by him, a single place for lodging, O virtuous one; it was given by your very wife, and by you together with your sons."

Verse 11 (padma.5.90.11)

एयतामेयतां ब्रह्मन्सुखेन च गृहे मम । वैष्णवं ब्राह्मणं पुण्यमित्युवाच पुनः पुनः

eyatāmeyatāṁ brahmansukhena ca gṛhe mama vaiṣṇavaṁ brāhmaṇaṁ puṇyamityuvāca punaḥ punaḥ

"'Come, come, O brahmin, and stay comfortably in my house' — thus she said again and again to that meritorious Vaishnava brahmin."

Verse 12 (padma.5.90.12)

सुखेन स्थीयतामत्र गृहोऽयं तव सुव्रत । अद्य धन्योऽस्म्यहं पुण्यो अद्य तीर्थमहं गतः

sukhena sthīyatāmatra gṛho'yaṁ tava suvrata adya dhanyo'smyahaṁ puṇyo adya tīrthamahaṁ gataḥ

"'Stay here comfortably; this house is yours, O good-vowed one. Today I am blessed, today I am meritorious, today I have gone on pilgrimage.'"

Verse 13 (padma.5.90.13)

अद्यतीर्थफलं प्राप्तं मया ते विप्र दर्शनात् । गवां स्थानं परं पुण्यं वासस्थानं प्रदर्शितम्

adyatīrthaphalaṁ prāptaṁ mayā te vipra darśanāt gavāṁ sthānaṁ paraṁ puṇyaṁ vāsasthānaṁ pradarśitam

"'Today the fruit of pilgrimage has been obtained by me, brahmin, through the very sight of you.' The place for the cows, most sacred, was shown to him as his lodging-place."

Verse 14 (padma.5.90.14)

अंगसंवाहनं सम्यक्पादौ चैव प्रमर्दितौ । क्षालितौ च पुनस्तोयैः स्नातः पादोदकेन हि

aṁgasaṁvāhanaṁ samyakpādau caiva pramarditau kṣālitau ca punastoyaiḥ snātaḥ pādodakena hi

"His limbs were duly massaged, and his feet were rubbed, and washed again with water; and you bathed with that very foot-water."

Verse 15 (padma.5.90.15)

सद्यो घृतं दधिक्षीरमन्यमन्यं प्रदत्तवान् । ब्राह्मणाय तदा तस्मै त्वं तथाऽदृष्टनोदितः

sadyo ghṛtaṁ dadhikṣīramanyamanyaṁ pradattavān brāhmaṇāya tadā tasmai tvaṁ tathā'dṛṣṭanoditaḥ

"At once ghee, yogurt, and milk, one after another, were given by you to that brahmin then, as though prompted by an unseen power."

Verse 16 (padma.5.90.16)

एवं संतोषितो विप्रस्त्वयैव सह भार्यया । पुत्रैः सार्धं महाभागो वैष्णवो ज्ञानपंडितः

evaṁ saṁtoṣito viprastvayaiva saha bhāryayā putraiḥ sārdhaṁ mahābhāgo vaiṣṇavo jñānapaṁḍitaḥ

"Thus was that brahmin gratified by you, together with your wife, along with your sons — that greatly blessed Vaishnava, learned in wisdom."

Verse 17 (padma.5.90.17)

अथ प्रभाते विमले स्नानार्थं मासि माधवे । गंगायां गच्छता तेन तुष्टेन दययाधिपम्

atha prabhāte vimale snānārthaṁ māsi mādhave gaṁgāyāṁ gacchatā tena tuṣṭena dayayādhipam

"Then, in the clear dawn, going for a bath in the month of Madhava, to the Ganga, he, being pleased, out of compassion, O lord,"

Verse 18 (padma.5.90.18)

वैशाखस्नानमाहात्म्यमुपदिष्टं तवाग्रतः । कारितस्तु यथान्यायं सभार्या तनयो भवान्

vaiśākhasnānamāhātmyamupadiṣṭaṁ tavāgrataḥ kāritastu yathānyāyaṁ sabhāryā tanayo bhavān

"declared to you the glory of the Vaishakha bath. You, together with your wife and son, were duly caused to practice it,"

Verse 19 (padma.5.90.19)

यथा न वारिधि समो लोके कोपि जलाशयः । तथा मासो न वैशाखसदृशो माधवप्रियः

yathā na vāridhi samo loke kopi jalāśayaḥ tathā māso na vaiśākhasadṛśo mādhavapriyaḥ

"'Just as there is no reservoir of water in the world equal to the ocean, so too there is no month equal to Vaishakha, beloved of Madhava.'"

Verse 20 (padma.5.90.20)

तावत्पापानि तिष्ठंति निष्प्रत्यूहं कलेवरे । यावत्किल मलध्वंसी मासो नैति स माधवः

tāvatpāpāni tiṣṭhaṁti niṣpratyūhaṁ kalevare yāvatkila maladhvaṁsī māso naiti sa mādhavaḥ

"'So long do sins remain, uninterrupted, in the body, until that month of Madhava, the destroyer of impurity, arrives.'"

Verse 21 (padma.5.90.21)

तस्य वाक्यं समाकर्ण्य वैशाखे सेवनं कृतम् । तुष्टेन मनसा विप्र पूजितो मधुसूदनः

tasya vākyaṁ samākarṇya vaiśākhe sevanaṁ kṛtam tuṣṭena manasā vipra pūjito madhusūdanaḥ

"Having heard his words, you performed the observance in Vaishakha; with a gladdened mind, O brahmin, Madhusudana was worshipped."

Verse 22 (padma.5.90.22)

अवशिष्टदिनान्येव पंचमासस्य तस्य वै । एकादशीं समारभ्य स्नानं च विधिवत्कृतम्

avaśiṣṭadinānyeva paṁcamāsasya tasya vai ekādaśīṁ samārabhya snānaṁ ca vidhivatkṛtam

"The remaining days of that whole five-month period, beginning from the eleventh — bathing was duly performed."

Verse 23 (padma.5.90.23)

ब्राह्मणस्य प्रसंगेन रेवां चानुदिने त्वया । प्रातःस्नानं कृतं विप्र वैशाखे मासि तावता

brāhmaṇasya prasaṁgena revāṁ cānudine tvayā prātaḥsnānaṁ kṛtaṁ vipra vaiśākhe māsi tāvatā

"Through the influence of that brahmin, day after day, on the Reva, you performed, O brahmin, the morning bath throughout that month of Vaishakha."

Verse 24 (padma.5.90.24)

पूजितो देवदेवेशो मधुहा परमेश्वरः । नैवाप्तः सकलो मासः स्नानार्थं तव पूर्वतः

pūjito devadeveśo madhuhā parameśvaraḥ naivāptaḥ sakalo māsaḥ snānārthaṁ tava pūrvataḥ

"The god of gods, the enemy of Madhu, the supreme Lord, was worshipped — though you had not obtained the entire month for bathing before."

Verse 25 (padma.5.90.25)

एवं स्नानं त्वया चीर्णमपि पंचदिनात्मकम् । तेन पुण्येन संगत्या ब्राह्मणस्य विशेषतः

evaṁ snānaṁ tvayā cīrṇamapi paṁcadinātmakam tena puṇyena saṁgatyā brāhmaṇasya viśeṣataḥ

"Thus, though you observed the bath for only five days, by that merit, through the connection with the brahmin especially,"

Verse 26 (padma.5.90.26)

गोविंदस्य प्रसादेन त्वं तु ब्राह्मणतां गतः । त्वया तन्मासयोगेन प्राप्तमेतन्महत्कुलम्

goviṁdasya prasādena tvaṁ tu brāhmaṇatāṁ gataḥ tvayā tanmāsayogena prāptametanmahatkulam

"by Govinda's grace, you attained brahminhood; through that month's observance, you obtained this great family."

Verse 27 (padma.5.90.27)

दुर्ल्लभं भूमिदेवानां सत्यधर्मसमन्वितम् । भार्यापि सुसती प्राप्ता साध्वी सर्वगुणान्विता

durllabhaṁ bhūmidevānāṁ satyadharmasamanvitam bhāryāpi susatī prāptā sādhvī sarvaguṇānvitā

"Rare for the earth-gods, endowed with true dharma; and you obtained too a truly chaste wife, virtuous, endowed with every virtue,"

Verse 28 (padma.5.90.28)

च्यवनस्य गृहोत्पन्ना सर्वज्ञा ब्रह्मवादिनी । रूपमेव परं स्त्रीणां भूषणं च महामुने

cyavanasya gṛhotpannā sarvajñā brahmavādinī rūpameva paraṁ strīṇāṁ bhūṣaṇaṁ ca mahāmune

"born in the house of Chyavana, all-knowing, a knower of Brahman. Beauty alone is the supreme ornament of women, O great sage;"

Verse 29 (padma.5.90.29)

शीलमेव द्वितीयं च तृतीयं सत्यमेव च । सदार्यत्वं चतुर्थं तु पंचमं पुण्यमुत्तमम्

śīlameva dvitīyaṁ ca tṛtīyaṁ satyameva ca sadāryatvaṁ caturthaṁ tu paṁcamaṁ puṇyamuttamam

"good character is the second, and truthfulness the third; nobility of nature is the fourth, and merit the supreme fifth;"

Verse 30 (padma.5.90.30)

मधुरत्वं तथा षष्ठं शुद्धत्वं सप्तमं महत् । बाह्यांतः सततं स्त्रीणां सर्वाभरणसप्तमम्

madhuratvaṁ tathā ṣaṣṭhaṁ śuddhatvaṁ saptamaṁ mahat bāhyāṁtaḥ satataṁ strīṇāṁ sarvābharaṇasaptamam

"sweetness likewise the sixth, and purity, great, the seventh — outward and inward, constantly, of women, is the seventh among all their ornaments;"

Verse 31 (padma.5.90.31)

अष्टमं तु पतौ भावः शुश्रूषा नवमं किल । सहिष्णुता च दशमं रतिरेकादशं तथा

aṣṭamaṁ tu patau bhāvaḥ śuśrūṣā navamaṁ kila sahiṣṇutā ca daśamaṁ ratirekādaśaṁ tathā

"devotion to the husband is the eighth, and service the ninth indeed; forbearance the tenth, and affection the eleventh likewise;"

Verse 32 (padma.5.90.32)

पतिव्रतत्वं विप्रेंद्र द्वादशं योषितां स्मृतम् । एतैः संभूषिता भार्या साध्वी ते ब्रह्मवादिनी

pativratatvaṁ vipreṁdra dvādaśaṁ yoṣitāṁ smṛtam etaiḥ saṁbhūṣitā bhāryā sādhvī te brahmavādinī

"and chastity, O foremost of brahmins, is remembered as the twelfth, of women. Adorned with these, your wife, chaste, a knower of Brahman,"

Verse 33 (padma.5.90.33)

वैशाखस्नानयोगेन लब्धा पुण्येन सादरम् । किंकिं न दुर्ल्लभतरं प्राप्यते मासि माधवे

vaiśākhasnānayogena labdhā puṇyena sādaram kiṁkiṁ na durllabhataraṁ prāpyate māsi mādhave

"was obtained, through the merit of the Vaishakha bath observance, with due reverence. What indeed, however hard to attain, is not obtained in the month of Madhava,"

Verse 34 (padma.5.90.34)

स्नानेन परमेशस्य पूजनेन यथाविधि । अथ मोहप्रमुग्धोसि तृष्णया व्यापितं मनः

snānena parameśasya pūjanena yathāvidhi atha mohapramugdhosi tṛṣṇayā vyāpitaṁ manaḥ

"through bathing, through worshipping the supreme Lord according to rule? Then you fell into delusion, your mind pervaded by craving."

Verse 35 (padma.5.90.35)

पूर्वजन्मनि ते विप्र द्रव्यमेव प्रसंचितम् । न दत्तं ब्राह्मणेभ्यो हि दीनेष्वन्येषु वै त्वया

pūrvajanmani te vipra dravyameva prasaṁcitam na dattaṁ brāhmaṇebhyo hi dīneṣvanyeṣu vai tvayā

"In a former birth, O brahmin, wealth alone was accumulated by you; it was not given to brahmins, nor to the poor and other needy by you,"

Verse 36 (padma.5.90.36)

न बंधुवर्गो नो पुत्रदारेषु च कथंचन । म्रियमाणेन भवता लोभ एव हि चिंतितः

na baṁdhuvargo no putradāreṣu ca kathaṁcana mriyamāṇena bhavatā lobha eva hi ciṁtitaḥ

"not to your circle of kin, nor to your wife and sons at all — dying, you thought only of greed."

Verse 37 (padma.5.90.37)

न दत्तं न हुतं जप्तं न तीर्थे मरणं कृतम् । न हि नारायणो देवो ध्यानेनाखिल पापहा

na dattaṁ na hutaṁ japtaṁ na tīrthe maraṇaṁ kṛtam na hi nārāyaṇo devo dhyānenākhila pāpahā

"Nothing was given, offered, or recited; no death was undergone at a holy place; nor was the god Narayana, the destroyer of all sin, ever meditated upon."

Verse 38 (padma.5.90.38)

द्रव्येषु विद्यमानेषु कृपणो जायते नरः । अदत्वा म्रियते यस्तु ततो दुःखतरं नुकिम्

dravyeṣu vidyamāneṣu kṛpaṇo jāyate naraḥ adatvā mriyate yastu tato duḥkhataraṁ nukim

"A man, though possessed of wealth, becomes miserly; he who dies without giving — what could be more sorrowful than that?"

Verse 39 (padma.5.90.39)

तीर्थस्नानादि तपसा कुले जन्मैव लभ्यते । नो दत्तेन विना विप्र किंचिदेवोपतिष्ठति

tīrthasnānādi tapasā kule janmaiva labhyate no dattena vinā vipra kiṁcidevopatiṣṭhati

"Birth in a good family is obtained only through pilgrimage-bathing and austerity; without giving, O brahmin, nothing at all is achieved."

Verse 40 (padma.5.90.40)

तस्य पापस्य भावेन दरिद्रत्वमुपागतम् । अपुत्रवान्भवाञ्जातः सततं दुःखपीडितः

tasya pāpasya bhāvena daridratvamupāgatam aputravānbhavāñjātaḥ satataṁ duḥkhapīḍitaḥ

"By the very nature of that sin, poverty came upon you; you were born without sons, ever afflicted with sorrow."

Verse 41 (padma.5.90.41)

वैशाखस्नानमाहात्म्यादपि पंचदिनात्मकात् । तदैव हरिपूजायाः संगत्या ब्राह्मणस्य च

vaiśākhasnānamāhātmyādapi paṁcadinātmakāt tadaiva haripūjāyāḥ saṁgatyā brāhmaṇasya ca

"By the very glory of the Vaishakha bath, consisting of five days, through that worship of Hari, and through your connection with the brahmin,"

Verse 42 (padma.5.90.42)

लब्धं जन्म कुले विप्र विप्रत्वमपि दुर्ल्लभम् । सुपुत्रश्च कुलं विप्रं धनं धान्यं वरस्त्रियः

labdhaṁ janma kule vipra vipratvamapi durllabham suputraśca kulaṁ vipraṁ dhanaṁ dhānyaṁ varastriyaḥ

"birth in a good family was obtained, O brahmin, and even brahminhood itself, so hard to attain — a good son, a good family, wealth and grain, an excellent wife,"

Verse 43 (padma.5.90.43)

सुजन्ममरणं चैव सुभोगः सुखमेव च । सदा दानेऽधिकाबुद्धिरौदार्यं धैर्यमुत्तमम्

sujanmamaraṇaṁ caiva subhogaḥ sukhameva ca sadā dāne'dhikābuddhiraudāryaṁ dhairyamuttamam

"a good birth and death, good enjoyment and happiness itself; ever an inclination toward giving, generosity, and supreme steadfastness —"

Verse 44 (padma.5.90.44)

प्रसादात्तस्य देवस्य विष्णोश्चैव महात्मनः । नारायणस्य जायंते सिद्धयो विप्रवाञ्छिताः

prasādāttasya devasya viṣṇoścaiva mahātmanaḥ nārāyaṇasya jāyaṁte siddhayo vipravāñchitāḥ

"by the grace of that god, of Vishnu, the great-souled Narayana, the desired accomplishments of a brahmin come to be."

Verse 45 (padma.5.90.45)

ऊर्ज्जे मासि तपो मासि माधवे माधवप्रिये । स्नात्वा दामोदरं भक्त्या माधवं मधुसूदनम्

ūrjje māsi tapo māsi mādhave mādhavapriye snātvā dāmodaraṁ bhaktyā mādhavaṁ madhusūdanam

"In the month of Urja, in the month of austerity, in Madhava, beloved of Madhava, having bathed, with devotion worshipping Damodara, Madhava, Madhusudana,"

Verse 46 (padma.5.90.46)

विशेषेण समभ्यर्च्य दत्वा दानानि भक्तितः । एहिकं सुखमासाद्य जनो याति ततो हरिम्

viśeṣeṇa samabhyarcya datvā dānāni bhaktitaḥ ehikaṁ sukhamāsādya jano yāti tato harim

"especially honoring him, giving gifts with devotion, a man, having attained happiness here on earth, then goes to Hari."

Verse 47 (padma.5.90.47)

अनेकजन्मार्जितपातकावली विलीयते माधवमज्जनेन । सूर्योदये विप्र यथा तमिस्रा वचः स्वयंभूरिदमादिदेश

anekajanmārjitapātakāvalī vilīyate mādhavamajjanena sūryodaye vipra yathā tamisrā vacaḥ svayaṁbhūridamādideśa

"The chain of sins accumulated over many births dissolves through immersion in Madhava — just as darkness at sunrise, O brahmin — thus the Self-born himself declared this word."

Verse 48 (padma.5.90.48)

चकार विष्णुर्विमलं विचारं मासं विधिं माधवमेकमादौ । यमस्य गुप्तं मनसा विचिंत्य मनुष्यलोकैर्गमितुं च नाके

cakāra viṣṇurvimalaṁ vicāraṁ māsaṁ vidhiṁ mādhavamekamādau yamasya guptaṁ manasā viciṁtya manuṣyalokairgamituṁ ca nāke

"Vishnu instituted a spotless consideration, the rule of the single foremost month of Madhava; having reflected in his mind upon Yama's secret, so that men might be led to heaven."

Verse 49 (padma.5.90.49)

तस्मादस्मिन्समायाते माधवे मासि माधवे । स्नात्वा पुण्यजले तीर्थे रवावनुदितेऽधुना

tasmādasminsamāyāte mādhave māsi mādhave snātvā puṇyajale tīrthe ravāvanudite'dhunā

"Therefore, when this month of Madhava has arrived, having bathed in the sacred water of a holy place, now, before sunrise,"

Verse 50 (padma.5.90.50)

पूजयित्वा विधानेन मुकुंदं मधुसूदनम् । पुत्रपौत्रधनं श्रेयो वांछितानि सुखानि च

pūjayitvā vidhānena mukuṁdaṁ madhusūdanam putrapautradhanaṁ śreyo vāṁchitāni sukhāni ca

"having worshipped, according to rule, Mukunda, Madhusudana, obtaining welfare — sons and grandsons and wealth — and the desired pleasures."

Verse 51 (padma.5.90.51)

अनुभूय ततस्त्वंते स्वर्गमक्षयमाप्स्यसि । पूर्वजन्मकृतं सर्वं यत्त्वया परिचेष्टितम्

anubhūya tatastvaṁte svargamakṣayamāpsyasi pūrvajanmakṛtaṁ sarvaṁ yattvayā pariceṣṭitam

"Having enjoyed these, then at the end you shall obtain imperishable heaven. Everything done by you in a former birth,"

Verse 52 (padma.5.90.52)

तन्मया कथितं विप्र तवाग्रे परिचेष्टितम् । एवं ज्ञात्वा महाभाग वैशाखे च विशेषतः

tanmayā kathitaṁ vipra tavāgre pariceṣṭitam evaṁ jñātvā mahābhāga vaiśākhe ca viśeṣataḥ

"that has been declared by me to you, your former conduct. Knowing this, O greatly blessed one, and especially in Vaishakha,"

Verse 53 (padma.5.90.53)

स्नात्वा सम्यग्विधानेन मधुसूदनमर्चय । देवमाराध्य गोविंदं नारायणमनामयम्

snātvā samyagvidhānena madhusūdanamarcaya devamārādhya goviṁdaṁ nārāyaṇamanāmayam

"having duly bathed according to rule, worship Madhusudana. Having worshipped the god Govinda, the unafflicted Narayana,"

Verse 54 (padma.5.90.54)

प्राप्स्यसि त्वं सुखं पुत्रं धनानि हरिमव्ययम्

prāpsyasi tvaṁ sukhaṁ putraṁ dhanāni harimavyayam

"you shall obtain happiness, a son, riches, and the imperishable Hari."

Verse 55 (padma.5.90.55)

नारद उवाच- ब्रह्मात्मजेनापि महानुभावः स विप्रवर्यः परिबोधितो हि । हर्षेणयुक्तः स महानुभावो भक्त्या वसिष्ठं प्रणिपत्य तत्र

nārada uvāca- brahmātmajenāpi mahānubhāvaḥ sa vipravaryaḥ paribodhito hi harṣeṇayuktaḥ sa mahānubhāvo bhaktyā vasiṣṭhaṁ praṇipatya tatra

Narada said: "That excellent brahmin, thus instructed even by the son of Brahma, filled with joy, that great soul, having bowed with devotion to Vasishtha there,"

Verse 56 (padma.5.90.56)

आमंत्र्य विप्रं स जगाम गेहं तां प्राह भार्यां सुमनां महर्षिः । सर्वं हिवृत्तं ममपूर्वचेष्टितं तेनैव विप्रेण तवप्रसादात्

āmaṁtrya vipraṁ sa jagāma gehaṁ tāṁ prāha bhāryāṁ sumanāṁ maharṣiḥ sarvaṁ hivṛttaṁ mamapūrvaceṣṭitaṁ tenaiva vipreṇa tavaprasādāt

took leave of the brahmin and went home; that great sage said to his wife Sumana: "'All my former conduct has been told, by that very brahmin, by your grace —'"

Verse 57 (padma.5.90.57)

भद्रे वसिष्ठेन विकाशनीतमद्यैव मोहः परिनाशितो मे । आराधयिष्येमधुसूदनंतुश्रीमाधवेमासिनिमज्ज्यभक्त्या

bhadre vasiṣṭhena vikāśanītamadyaiva mohaḥ parināśito me ārādhayiṣyemadhusūdanaṁtuśrīmādhavemāsinimajjyabhaktyā

"'O gracious one, by Vasishtha my delusion has today been utterly dispelled. I shall worship Madhusudana, immersing myself with devotion in the glorious month of Madhava.'"

Verse 58 (padma.5.90.58)

नारद उवाच- आकर्ण्य वाक्यं परमं पवित्रं सुमंगलं मंगलहेतुमुच्चैः । हर्षेण युक्ता तमुवाच कांतं धन्योसि विप्रेण विबोधितस्त्वम्

nārada uvāca- ākarṇya vākyaṁ paramaṁ pavitraṁ sumaṁgalaṁ maṁgalahetumuccaiḥ harṣeṇa yuktā tamuvāca kāṁtaṁ dhanyosi vipreṇa vibodhitastvam

Narada said: "Having heard these supremely sacred words, most auspicious, the very cause of blessing, greatly, filled with joy, she said to her beloved: 'Blessed are you, instructed by that brahmin.'"