Rahu's Return from Kailasa

Verse 1 (padma.6.10.1)

नारद उवाच ।अत्रोत्तरे मया गत्वा कथितं सिंधुसूनवे । त्वां हंतु सर्ववीरेश प्रतिज्ञा शंभुना कृता । श्रुत्वेत्थं मद्वचो राजंस्ततः पप्रच्छ सोऽसुरः

nārada uvāca atrottare mayā gatvā kathitaṁ siṁdhusūnave tvāṁ haṁtu sarvavīreśa pratijñā śaṁbhunā kṛtā śrutvetthaṁ madvaco rājaṁstataḥ papraccha so'suraḥ

Narada said: In response to this, I went and told the ocean's son: 'O lord of all heroes, Shambhu has vowed to kill you.' O king, hearing my words, that demon then asked —

Verse 2 (padma.6.10.2)

जालंधर उवाच । किमस्ति शूलिनो गेहे रत्नजातं महामुने । तन्ममाचक्ष्व सकलं नास्ति युद्धं निरामिषम्

jālaṁdhara uvāca kimasti śūlino gehe ratnajātaṁ mahāmune tanmamācakṣva sakalaṁ nāsti yuddhaṁ nirāmiṣam

Jalandhara said: 'O great sage, what wealth of gems does the Trident-bearer possess in his house? Tell me all of it — there is no war without something worth fighting for.'

Verse 3 (padma.6.10.3)

नारद उवाच । भूतिर्गात्रे वृषो जीर्णः फणिनोंऽगे गले विषम् । भिक्षापात्रं करे पुत्रौ गजानन षडाननौ

nārada uvāca bhūtirgātre vṛṣo jīrṇaḥ phaṇinoṁ'ge gale viṣam bhikṣāpātraṁ kare putrau gajānana ṣaḍānanau

Narada said: 'Ashes upon his body, an old bull as vehicle, a serpent upon his limbs, poison in his throat, a begging-bowl in hand, and two sons, one elephant-faced, the other six-faced —

Verse 4 (padma.6.10.4)

इत्यादि विभवस्तस्य यदन्यत्तन्निबोध मे । तनया गिरिराजस्य विशाला ह्युन्नतस्तनी

ityādi vibhavastasya yadanyattannibodha me tanayā girirājasya viśālā hyunnatastanī

'such things are his only wealth — but hear something else from me: the daughter of the King of Mountains, broad-hipped and full-breasted,

Verse 5 (padma.6.10.5)

दग्धस्मरोऽपि भगवान्यस्यारूपेण मोहितः । महेशो यद्विनोदाय कुरुते नित्य कौतुकम्

dagdhasmaro'pi bhagavānyasyārūpeṇa mohitaḥ maheśo yadvinodāya kurute nitya kautukam

'by whose beauty even the Lord who burned Kama himself was enchanted; for whose amusement Mahesha performs wonders every day,

Verse 6 (padma.6.10.6)

नृत्यन्गायंश्च ताञ्छंभुः स्वयं भवति हासकः । सा पार्वतीति विख्याता सौंदर्यावधि दैवतम्

nṛtyangāyaṁśca tāñchaṁbhuḥ svayaṁ bhavati hāsakaḥ sā pārvatīti vikhyātā sauṁdaryāvadhi daivatam

'dancing and singing for her, Shambhu himself becomes a jester. She, renowned by the name Parvati, is the very deity of beauty's utmost limit.

Verse 7 (padma.6.10.7)

वृंदा वरांगना राजन्निमाश्चाप्सरसः शुभाः । न चाप्नुवंति पार्वत्याः षोडशीमपि तां कलाम्

vṛṁdā varāṁganā rājannimāścāpsarasaḥ śubhāḥ na cāpnuvaṁti pārvatyāḥ ṣoḍaśīmapi tāṁ kalām

'O king, even a lady as excellent as Vrinda, and these auspicious apsaras, do not attain even one sixteenth of Parvati's own splendor.'

Verse 8 (padma.6.10.8)

इत्युक्त्वाहं महीपाल जालंधरममर्षणम् । पश्यतां सर्वदैत्यानामंतर्धानं गतः क्षणात्

ityuktvāhaṁ mahīpāla jālaṁdharamamarṣaṇam paśyatāṁ sarvadaityānāmaṁtardhānaṁ gataḥ kṣaṇāt

O king, having said this, before the eyes of all the demons, I vanished from before the impatient Jalandhara in an instant.

Verse 9 (padma.6.10.9)

अथ स प्रेषयद्दूतं सिंधुजः सिंहिकासुतम् । क्षणेनासाद्य कैलासं देवावासमपश्यत

atha sa preṣayaddūtaṁ siṁdhujaḥ siṁhikāsutam kṣaṇenāsādya kailāsaṁ devāvāsamapaśyata

Then the ocean's son sent Simhika's son as his envoy; reaching Kailasa in a moment, he beheld the abode of the gods.

Verse 10 (padma.6.10.10)

अत्रांतरे हरिर्भीममापृच्छ्य तु तदा हरम् । जगामालक्षितस्तूर्णं क्षीराब्धिं भेदशंकया

atrāṁtare harirbhīmamāpṛcchya tu tadā haram jagāmālakṣitastūrṇaṁ kṣīrābdhiṁ bhedaśaṁkayā

Meanwhile, having asked leave of the terrible Hara, Hari, fearing some awkward rift, slipped away unseen, swiftly, to the Ocean of Milk.

Verse 11 (padma.6.10.11)

ददर्श राहुर्भवनं शंकरस्यातिदीप्तिमत् । आत्मानमात्मना वीक्ष्य किमित्याह सुविस्मितः

dadarśa rāhurbhavanaṁ śaṁkarasyātidīptimat ātmānamātmanā vīkṣya kimityāha suvismitaḥ

Rahu beheld Shankara's exceedingly radiant abode; seeing his own reflection within it, he said, greatly astonished, 'What is this?'

Verse 12 (padma.6.10.12)

प्रवेष्टुकामो बलिभिर्द्वारि द्वास्थैर्निरोधितः । यत्नवान्स निषिद्धोऽपि तदा ते प्रोद्यतायुधाः

praveṣṭukāmo balibhirdvāri dvāsthairnirodhitaḥ yatnavānsa niṣiddho'pi tadā te prodyatāyudhāḥ

Wishing to enter, he was stopped at the gate by the mighty gatekeepers; though he tried, he was refused, and they stood there with weapons raised.

Verse 13 (padma.6.10.13)

तान्निवार्य गणान्नंदी व्याजहार विधुंतुदम् । कस्त्वं कस्मादिहायातः किं कार्यं तव बर्बर । ब्रूहि कार्यं गणा यावत्त्वां न हन्युर्भयावहाः

tānnivārya gaṇānnaṁdī vyājahāra vidhuṁtudam kastvaṁ kasmādihāyātaḥ kiṁ kāryaṁ tava barbara brūhi kāryaṁ gaṇā yāvattvāṁ na hanyurbhayāvahāḥ

Restraining those attendants, Nandi addressed Vidhuntuda: 'Who are you, whence have you come, what is your business, O barbarian? State your business, before these fearsome attendants strike you down.'

Verse 14 (padma.6.10.14)

राहुरुवाच । दूतो जालंधरस्याहं त्वं मां शर्वांतिके नय । न वाच्यमंतरे द्वास्थ महाराजप्रयोजनम्

rāhuruvāca dūto jālaṁdharasyāhaṁ tvaṁ māṁ śarvāṁtike naya na vācyamaṁtare dvāstha mahārājaprayojanam

Rahu said: 'I am Jalandhara's envoy — take me into Sharva's presence. O gatekeeper, a great king's business is not to be spoken at the threshold.'

Verse 15 (padma.6.10.15)

नंदी दूतोक्तमाकर्ण्य नीललोहितमाययौ । दंडवत्प्रणिपत्याग्रे स्थित्वा शंकरमब्रवीत्

naṁdī dūtoktamākarṇya nīlalohitamāyayau daṁḍavatpraṇipatyāgre sthitvā śaṁkaramabravīt

Hearing the envoy's words, Nandi went to Nilalohita, and, bowing down before him like a staff, standing there, said to Shankara —

Verse 16 (padma.6.10.16)

सैंहिकेयो महाराज द्वारे तिष्ठति कार्यतः । स प्रयात्वथवायातु भवानाज्ञप्तुमर्हति

saiṁhikeyo mahārāja dvāre tiṣṭhati kāryataḥ sa prayātvathavāyātu bhavānājñaptumarhati

'O great king, the son of Simhika stands at the gate on some business; whether he should go or come in, you should command.'

Verse 17 (padma.6.10.17)

नंदिनोक्तमथाकर्ण्य त्वरन्निव महेश्वरः । सुप्तामंतःपुराद्देवीं प्रस्थाप्य च सखीवृताम्

naṁdinoktamathākarṇya tvaranniva maheśvaraḥ suptāmaṁtaḥpurāddevīṁ prasthāpya ca sakhīvṛtām

Hearing Nandin's words, Maheshvara, as though in haste, sent the sleeping Goddess away from the inner chamber, together with her companions,

Verse 18 (padma.6.10.18)

पश्चाद्वास्थं जगादाथ नंदिन्दूतं प्रवेशय । ततो हस्ते प्रगृह्यामुं दूतं नंदी महाबलः

paścādvāsthaṁ jagādātha naṁdindūtaṁ praveśaya tato haste pragṛhyāmuṁ dūtaṁ naṁdī mahābalaḥ

and then said to the gatekeeper: 'Nandi, let the envoy enter.' Then the mighty Nandi, taking that envoy by the hand,

Verse 19 (padma.6.10.19)

आनयामास देवानां मध्ये शंभुमदर्शयत् । तं ददर्श तदा राहुर्जटिलं नीलमात्मनि

ānayāmāsa devānāṁ madhye śaṁbhumadarśayat taṁ dadarśa tadā rāhurjaṭilaṁ nīlamātmani

led him in among the gods and let him behold Shambhu. Rahu then beheld him — matted-locked, blue-throated within,

Verse 20 (padma.6.10.20)

पंचवक्त्रं दशभुजं नागयज्ञोपवीतिनम् । देवीविरहितं मूर्ध्नि चंद्रलेखाविभूषितम्

paṁcavaktraṁ daśabhujaṁ nāgayajñopavītinam devīvirahitaṁ mūrdhni caṁdralekhāvibhūṣitam

five-faced, ten-armed, wearing a serpent as his sacred thread, without the Goddess beside him, adorned upon his head with the crescent moon,

Verse 21 (padma.6.10.21)

उच्छ्वासोच्छ्वासनिर्मुंचत्पृदाकुगणसेवितम् । सर्वदेवगणोपेतं सेवितं गणकोटिभिः

ucchvāsocchvāsanirmuṁcatpṛdākugaṇasevitam sarvadevagaṇopetaṁ sevitaṁ gaṇakoṭibhiḥ

attended by hosts of serpents released with each breath, accompanied by all the hosts of gods, served by millions of attendants.

Verse 22 (padma.6.10.22)

प्राप्तं ज्ञात्वा ततो दूतं शंभुरालोक्य चाग्रतः । प्राह ब्रूहि तदा राहुर्वक्तुं समुपचक्रमे

prāptaṁ jñātvā tato dūtaṁ śaṁbhurālokya cāgrataḥ prāha brūhi tadā rāhurvaktuṁ samupacakrame

Then, knowing the envoy had arrived, Shambhu looked at him and said, 'Speak' — then Rahu began to speak.

Verse 23 (padma.6.10.23)

राहुरुवाच । देव जालंधरेणाहं प्रेषितस्तव सन्निधौ । तस्य शिववचः श्रुत्वा मन्मुखेन द्रुतं कुरु

rāhuruvāca deva jālaṁdhareṇāhaṁ preṣitastava sannidhau tasya śivavacaḥ śrutvā manmukhena drutaṁ kuru

Rahu said: 'O God, I have been sent by Jalandhara into your presence; hear his message for you, Shiva, from my mouth, and act upon it swiftly —

Verse 24 (padma.6.10.24)

गिरिशत्वं तपोनिष्ठो निर्गुणो धर्मवर्जितः । तव नास्ति पिता माता वसु गोत्रादि वर्जितः

giriśatvaṁ taponiṣṭho nirguṇo dharmavarjitaḥ tava nāsti pitā mātā vasu gotrādi varjitaḥ

'O Girisha, devoted only to austerity, without qualities, devoid of dharma — you have no father, no mother, no wealth, no lineage.

Verse 25 (padma.6.10.25)

जालंधरो महाबाहुर्भुंक्तेऽसौ भुवनत्रयम् । तस्यैव वश्यस्त्वमपि ततश्चोक्तं समाचर

jālaṁdharo mahābāhurbhuṁkte'sau bhuvanatrayam tasyaiva vaśyastvamapi tataścoktaṁ samācara

'The mighty-armed Jalandhara enjoys all three worlds; you too are subject to him — so do as he commands.

Verse 26 (padma.6.10.26)

पुराणपुरुषः कामी वृषारूढः कथं भवान् । एवं वदति संप्राप्तौ सुतौ स्कंदविनायकौ

purāṇapuruṣaḥ kāmī vṛṣārūḍhaḥ kathaṁ bhavān evaṁ vadati saṁprāptau sutau skaṁdavināyakau

'How is it that you, the ancient Purusha, ride a bull like one ruled by mere desire?' As he spoke thus, his two sons, Skanda and Vinayaka, arrived there.

Verse 27 (padma.6.10.27)

तस्मिन्काले देवदेवो यतवागंगमर्दनम् । चकार च करैर्व्यस्तैर्वासुकिर्भूतलेऽपतत्

tasminkāle devadevo yatavāgaṁgamardanam cakāra ca karairvyastairvāsukirbhūtale'patat

At that instant the God of gods, restraining his words, his limbs writhing with suppressed anger, flailed his hands, and Vasuki fell to the ground.

Verse 28 (padma.6.10.28)

हेरंबवाहनस्याखोः पुच्छं ग्रस्तमथाहिना । स्वपत्रं ग्रस्तमालोक्य मुंचमुंचेत्युवाच ह

heraṁbavāhanasyākhoḥ pucchaṁ grastamathāhinā svapatraṁ grastamālokya muṁcamuṁcetyuvāca ha

The tail of the mouse, Heramba's vehicle, was then seized by that serpent; seeing his own mount caught, he cried out, 'Let go, let go!'

Verse 29 (padma.6.10.29)

अत्रांतरे स्कंदवाहं क्षुब्धं वीक्ष्य महास्वरम् । तद्भयाद्वासुकिर्ग्रस्तमाखुपुच्छमथोद्गिरत्

atrāṁtare skaṁdavāhaṁ kṣubdhaṁ vīkṣya mahāsvaram tadbhayādvāsukirgrastamākhupucchamathodgirat

Meanwhile, seeing Skanda's mount agitated and crying loudly, out of fear of it Vasuki let go of the mouse's tail he had seized.

Verse 30 (padma.6.10.30)

अथारुह्य हरस्यांगं गलमावेष्ट्य संस्थितः । तस्य निश्वासपवनैरथ जातो हुताशनः

athāruhya harasyāṁgaṁ galamāveṣṭya saṁsthitaḥ tasya niśvāsapavanairatha jāto hutāśanaḥ

Then, climbing upon Hara's body and coiling about his neck, he settled there; from the wind of his breathing, fire was then born.

Verse 31 (padma.6.10.31)

तस्योष्मणा चंद्र लेखा जटाजूटाटवी स्थिता । सार्द्रतां तु तदा सायात्प्लावितं तद्वपुर्यथा

tasyoṣmaṇā caṁdra lekhā jaṭājūṭāṭavī sthitā sārdratāṁ tu tadā sāyātplāvitaṁ tadvapuryathā

By its heat, the crescent moon resting in the forest of his matted locks began to melt, as if his whole body were flooded by that dripping stream.

Verse 32 (padma.6.10.32)

तस्याह्यमृतधाराभिर्ब्रह्ममस्तकमालिका । हरमौलिकपालानामभूत्संजीविता तदा

tasyāhyamṛtadhārābhirbrahmamastakamālikā haramaulikapālānāmabhūtsaṁjīvitā tadā

By those streams of nectar, the garland of skulls upon Hara's crown was then revived to life once more.

Verse 33 (padma.6.10.33)

पपाठ पूर्वमभ्यस्तं सर्वयोगश्रुतिक्रमम् । श्रुत्वा परस्पराधीतं विवदंति शिरांस्यथ

papāṭha pūrvamabhyastaṁ sarvayogaśrutikramam śrutvā parasparādhītaṁ vivadaṁti śirāṁsyatha

Each recited the whole course of Vedic and yogic learning it had once studied; hearing what the others had learned, those heads began to quarrel among themselves —

Verse 34 (padma.6.10.34)

अहमादिरहं पूर्वमहमेव परात्परः । अहं स्रष्टा अहं पातेत्युत्सुकानि परस्परम्

ahamādirahaṁ pūrvamahameva parātparaḥ ahaṁ sraṣṭā ahaṁ pātetyutsukāni parasparam

'I am the first, I was before all, I alone am beyond the highest; I am the creator, I am the protector' — thus, each eager to outdo the other,

Verse 35 (padma.6.10.35)

शोचंत्येतानि नो दत्तं नो भुक्तं न हुतं मया । लोभग्रस्तेन मनसा नो वित्तं ब्रह्मणेऽपि तम्

śocaṁtyetāni no dattaṁ no bhuktaṁ na hutaṁ mayā lobhagrastena manasā no vittaṁ brahmaṇe'pi tam

they fell to lamenting: 'I gave nothing, enjoyed nothing, offered nothing in sacrifice; with a mind seized by greed, I gave not even a brahmin any wealth.'

Verse 36 (padma.6.10.36)

अथेश्वरजटाजूटादाविरासीद्गणो महान् । त्र्याननस्त्रिचरणस्त्रिपुच्छः सप्तहस्तवान्

atheśvarajaṭājūṭādāvirāsīdgaṇo mahān tryānanastricaraṇastripucchaḥ saptahastavān

Then, from the Lord's matted locks, there appeared a great attendant — three-faced, three-footed, three-tailed, and seven-armed,

Verse 37 (padma.6.10.37)

स च कीर्तिमुखो नाम पिंगलो जटिलो महान् । तं दृष्ट्वा सा कपालाली भयात्तस्थौ मृतेव सा

sa ca kīrtimukho nāma piṁgalo jaṭilo mahān taṁ dṛṣṭvā sā kapālālī bhayāttasthau mṛteva sā

named Kirtimukha, tawny, immense, matted-locked; seeing him, that row of skulls stood terrified, as if struck dead.

Verse 38 (padma.6.10.38)

पुरतः प्राह सगणस्ततः कीर्तिमुखः प्रभुम् । प्रणिपत्य शिवं देवमत्यर्थं क्षुधितः प्रभो

purataḥ prāha sagaṇastataḥ kīrtimukhaḥ prabhum praṇipatya śivaṁ devamatyarthaṁ kṣudhitaḥ prabho

Then, with his own troop, Kirtimukha came forward, bowed to the god Shiva, and said to the Lord: 'O Lord, I am exceedingly hungry —

Verse 39 (padma.6.10.39)

तदोक्तः शंकरेणाहो भक्षय त्वं रणे हतान् । क्षणं विचार्य स गणः क्वाप्यदृष्ट्वा रणं तदा

tadoktaḥ śaṁkareṇāho bhakṣaya tvaṁ raṇe hatān kṣaṇaṁ vicārya sa gaṇaḥ kvāpyadṛṣṭvā raṇaṁ tadā

Then Shankara said to him: 'Ah, eat those slain in battle!' Pondering a moment, that attendant, seeing no battlefield anywhere there,

Verse 40 (padma.6.10.40)

ब्रह्माणं भक्षितुं प्राप्तः शंकरेण निवारितः । ततः कीर्तिमुखेनाथ स्वांगं सर्वं च भक्षितम्

brahmāṇaṁ bhakṣituṁ prāptaḥ śaṁkareṇa nivāritaḥ tataḥ kīrtimukhenātha svāṁgaṁ sarvaṁ ca bhakṣitam

came instead to devour the quarreling skulls, but Shankara restrained him; then Kirtimukha devoured his own entire body,

Verse 41 (padma.6.10.41)

बुभुक्षितेन चात्यंतं निषिद्धेन च सर्वतः । तत्साहसं तदा दृष्ट्वा भक्तिं कीर्त्तिमुखस्य च

bubhukṣitena cātyaṁtaṁ niṣiddhena ca sarvataḥ tatsāhasaṁ tadā dṛṣṭvā bhaktiṁ kīrttimukhasya ca

being utterly famished yet forbidden from everything else. Seeing that boldness and Kirtimukha's devotion —

Verse 42 (padma.6.10.42)

तमुवाचेश्वरः प्रीतः प्रासादे तिष्ठ मे सदा । त्वच्चित्तरहितो यश्च भविष्यति ममालये

tamuvāceśvaraḥ prītaḥ prāsāde tiṣṭha me sadā tvaccittarahito yaśca bhaviṣyati mamālaye

the Lord, pleased, said to him: 'Remain always at the door of my temple; whoever, in my abode, shall be devoid of devotion to you,

Verse 43 (padma.6.10.43)

स पतिष्यति शीघ्रं हीत्युक्तः सोंऽतर्हितोऽभवत् । शंभोर्मूध्नि तदा देवा ववृषुः पुष्पवृष्टिभिः

sa patiṣyati śīghraṁ hītyuktaḥ soṁ'tarhito'bhavat śaṁbhormūdhni tadā devā vavṛṣuḥ puṣpavṛṣṭibhiḥ

'shall swiftly fall from grace — so be it.' Having said this, he vanished; then the gods rained flowers down upon Shambhu's head.

Verse 44 (padma.6.10.44)

एवमत्यद्भुतं दृष्ट्वा सभायां तु त्रिशूलिनः । स्वर्भानुरपि देवेशं पुनः प्रोवाच विस्मितः

evamatyadbhutaṁ dṛṣṭvā sabhāyāṁ tu triśūlinaḥ svarbhānurapi deveśaṁ punaḥ provāca vismitaḥ

Having witnessed this utterly wondrous event in the Trident-bearer's assembly, Svarbhanu, astonished, spoke once more to the Lord of gods —

Verse 45 (padma.6.10.45)

स्पृशंति त्वां कथं भावं स्वाधीनं योगिनं बलात् । इंद्रियैः पूज्यसे त्वं हि प्राप्योऽयं विषयैः कथम्

spṛśaṁti tvāṁ kathaṁ bhāvaṁ svādhīnaṁ yoginaṁ balāt iṁdriyaiḥ pūjyase tvaṁ hi prāpyo'yaṁ viṣayaiḥ katham

'How is it that these states touch you by force, though you are a self-controlled yogi? You are worshipped through the senses — how then can one attain you through mere sense-objects?

Verse 46 (padma.6.10.46)

ब्राह्मादिलोकपालानां पूजां गृह्णासि सर्वतः । न त्वं पश्यसि कं देवं त्वं पूजयसि कंचन

brāhmādilokapālānāṁ pūjāṁ gṛhṇāsi sarvataḥ na tvaṁ paśyasi kaṁ devaṁ tvaṁ pūjayasi kaṁcana

'You accept worship from Brahma and all the world-guardians on every side — yet whom do you yourself look to, whom do you yourself worship?

Verse 47 (padma.6.10.47)

ईश्वरोऽसि कथं लोके भिक्षाभोजी प्रतिष्ठितः । संगोपयसि योगीन्द्र गौरीं रम्यां प्रयच्छ मे

īśvaro'si kathaṁ loke bhikṣābhojī pratiṣṭhitaḥ saṁgopayasi yogīndra gaurīṁ ramyāṁ prayaccha me

'How are you established as Lord in the world, when you live by begging your food? O king of yogis, you hide Gauri away — give that lovely Gauri to me.

Verse 48 (padma.6.10.48)

स्कंदलंबोदराभ्यां त्वं पुत्राभ्यां सहितोऽधुना । भिक्षापात्रं गृहीत्वा तु भ्रम नित्यं गृहेगृहे

skaṁdalaṁbodarābhyāṁ tvaṁ putrābhyāṁ sahito'dhunā bhikṣāpātraṁ gṛhītvā tu bhrama nityaṁ gṛhegṛhe

'Now, together with your two sons Skanda and Lambodara, take up your begging bowl and wander from house to house forever.'

Verse 49 (padma.6.10.49)

एवं बहुविधं तत्र राहुराहेश्वरं प्रति । भगवानपि तच्छ्रुत्वा नोत्तरं किंचिदब्रवीत्

evaṁ bahuvidhaṁ tatra rāhurāheśvaraṁ prati bhagavānapi tacchrutvā nottaraṁ kiṁcidabravīt

Thus, in many ways, Rahu spoke against the Lord of gods there; the Lord, hearing all this, gave no reply at all.

Verse 50 (padma.6.10.50)

अथेशं मौनिनं त्यक्त्वा राहुर्नंदिनमब्रवीत् । त्व मंत्री ह्यसि सेनानीर्विकटानन बिंबधृक्

atheśaṁ mauninaṁ tyaktvā rāhurnaṁdinamabravīt tva maṁtrī hyasi senānīrvikaṭānana biṁbadhṛk

Then, leaving the silent Lord, Rahu spoke to Nandin: 'You are his minister and general, of a grotesque face, bearing such a form —

Verse 51 (padma.6.10.51)

एवमाचरित भ्रष्टं त्वं शिक्षयितुमर्हसि । नोचेद्रोषेणेंद्र इव पतिष्यति रणे हतः

evamācarita bhraṣṭaṁ tvaṁ śikṣayitumarhasi nocedroṣeṇeṁdra iva patiṣyati raṇe hataḥ

'you ought to discipline one who behaves so wrongly. Otherwise, struck down in wrath, he shall fall in battle, just like Indra did.'

Verse 52 (padma.6.10.52)

इत्याकर्ण्य वचस्तस्य नंदी विज्ञाप्य चेश्वरम् । भ्रूसंज्ञयैव स तदा मतमाज्ञाय शूलिनः

ityākarṇya vacastasya naṁdī vijñāpya ceśvaram bhrūsaṁjñayaiva sa tadā matamājñāya śūlinaḥ

Hearing his words, Nandi informed the Lord; and, understanding the Trident-bearer's intent from the mere sign of his eyebrows,

Verse 53 (padma.6.10.53)

संपूज्य प्रेषयामास राहुं नंदी गणाग्रणीः । अथ जालंधरं गत्वा कथयामास विस्तरात् । स्वर्भानुस्तस्य वृत्तांतं गौरीरूपं मनोहरम्

saṁpūjya preṣayāmāsa rāhuṁ naṁdī gaṇāgraṇīḥ atha jālaṁdharaṁ gatvā kathayāmāsa vistarāt svarbhānustasya vṛttāṁtaṁ gaurīrūpaṁ manoharam

Nandi, foremost of the attendants, honored Rahu and sent him on his way. Then Svarbhanu went to Jalandhara and told him the whole account in detail, along with Gauri's enchanting form.