The Glory of Dhavaleshvara (Indra's Tirtha)

Verse 1 (padma.6.151.1)

महादेव उवाच । अस्मात्तीर्थात्परं तीर्थं इंद्रग्राममिति स्मृतम् । यत्र स्नात्वा पुरा शक्रो विमुक्तो घोरकिल्बिषात्

mahādeva uvāca asmāttīrthātparaṃ tīrthaṃ iṃdragrāmamiti smṛtam yatra snātvā purā śakro vimukto ghorakilbiṣāt

Mahadeva said: Beyond this tirtha is another tirtha known as Indragrama, where formerly Shakra (Indra), by bathing, was released from a terrible sin.

Verse 2 (padma.6.151.2)

पार्वत्युवाच। केनेह कर्मणा शक्रः प्राप्तवान्घोरकिल्बिषम् । विपाप्मा च कथं सोऽभूदिति विस्तरतो वद

pārvatyuvāca keneha karmaṇā śakraḥ prāptavānghorakilbiṣam vipāpmā ca kathaṃ so'bhūditi vistarato vada

Parvati said: By what deed did Shakra incur that terrible sin here, and how did he become free of it? Tell me in full.

Verse 3 (padma.6.151.3)

महादेव उवाच। इंद्रः सुरेश्वरः पूर्वं नमुचिश्चासुरेश्वरः । अशस्त्रवधमन्योऽन्य समयं तौ प्रचक्रतुः

mahādeva uvāca iṃdraḥ sureśvaraḥ pūrvaṃ namuciścāsureśvaraḥ aśastravadhamanyo'nya samayaṃ tau pracakratuḥ

Mahadeva said: Formerly Indra, lord of the gods, and Namuchi, lord of the demons, made a mutual pact that neither would slay the other by any weapon.

Verse 4 (padma.6.151.4)

अथेंद्रस्तु नभोवाणीनिर्देशान्नमुचिं तदा । जघान फेनमादाय ब्रह्महत्या तदाऽभवत्

atheṃdrastu nabhovāṇīnirdeśānnamuciṃ tadā jaghāna phenamādāya brahmahatyā tadā'bhavat

Then Indra, at the direction of a voice from the sky, slew Namuchi by taking up foam as his weapon -- and thereby the sin of killing a brahmin came upon him.

Verse 5 (padma.6.151.5)

पप्रच्छ च गुरुं शक्रः पापनिर्नाशकारणम् । बृहस्पतेरथादेशात्साभ्रामत्युत्तरे तटे

papraccha ca guruṃ śakraḥ pāpanirnāśakāraṇam bṛhaspaterathādeśātsābhrāmatyuttare taṭe

Shakra then asked his guru for the means of destroying that sin, and by the direction of Brihaspati, on the northern bank of the Sabarmati,

Verse 6 (padma.6.151.6)

अस्मिन्स्थाने समागत्य स्थानं चक्रे सुरेश्वरः । तस्येह स्नानमात्रेण गतपापस्य तत्क्षणात्

asminsthāne samāgatya sthānaṃ cakre sureśvaraḥ tasyeha snānamātreṇa gatapāpasya tatkṣaṇāt

the lord of the gods came to this very spot and made it his dwelling. By bathing here alone, his sin departed that very instant,

Verse 7 (padma.6.151.7)

पूर्णेंदुधवलाकांतिः शरीरे समजायत । धवलेश्वरमीशानं स्थापयामास वृत्रहा

pūrṇeṃdudhavalākāṃtiḥ śarīre samajāyata dhavaleśvaramīśānaṃ sthāpayāmāsa vṛtrahā

and a radiance white as the full moon appeared upon his body. The slayer of Vritra then established the Lord under the name Dhavaleshvara.

Verse 8 (padma.6.151.8)

इंद्र नाम्ना च तल्लिंगं विश्रुतं पृथिवीतले । पूर्णिमास्यां तथा दर्शे संक्रांतौ ग्रहणे तथा

iṃdra nāmnā ca talliṃgaṃ viśrutaṃ pṛthivītale pūrṇimāsyāṃ tathā darśe saṃkrāṃtau grahaṇe tathā

That linga became renowned on earth under Indra's name. On the full-moon day, the new-moon day, at the solstice, and at an eclipse,

Verse 9 (padma.6.151.9)

श्राद्धे कृते पितॄणां तु तृप्तिर्द्वादशवार्षिकी । धवलेश्वरमासाद्य यः कुर्याद्विप्रभोजनम्

śrāddhe kṛte pitṝṇāṃ tu tṛptirdvādaśavārṣikī dhavaleśvaramāsādya yaḥ kuryādviprabhojanam

when the shraddha rite is performed for the ancestors, their satisfaction lasts twelve years. Whoever, having come to Dhavaleshvara, feeds a brahmin --

Verse 10 (padma.6.151.10)

एकस्मिन्भोजिते विप्रे सहस्रं भोजितं भवेत् । हिरण्यभूमिवासांसि दातव्यानि स्वशक्तितः

ekasminbhojite vipre sahasraṃ bhojitaṃ bhavet hiraṇyabhūmivāsāṃsi dātavyāni svaśaktitaḥ

by feeding one brahmin, it is as though a thousand were fed. Gold, land, and garments should be given according to one's ability.

Verse 11 (padma.6.151.11)

शुक्ला गौ ब्राह्मणे देया सवत्सा च पयस्विनी । अत्रागत्य तु यो विप्रो रुद्रजाप्यादिकं चरेत्

śuklā gau brāhmaṇe deyā savatsā ca payasvinī atrāgatya tu yo vipro rudrajāpyādikaṃ caret

A white, milk-yielding cow with her calf should be given to a brahmin. Whatever brahmin, having come here, performs the repetition of Rudra's name and the like --

Verse 12 (padma.6.151.12)

तत्कृतं कोटिगुणितं श्रीमहेशप्रसादतः । अत्र तीर्थे नरो यस्तु उपवासादिकं चरेत्

tatkṛtaṃ koṭiguṇitaṃ śrīmaheśaprasādataḥ atra tīrthe naro yastu upavāsādikaṃ caret

that act is multiplied a hundred-million-fold by the grace of Shri Mahesha. Whatever man observes fasting and the like at this tirtha --

Verse 13 (padma.6.151.13)

स एव सर्वकामाढ्यो भवत्येव न संशयः । बिल्वपत्रं समानीय यः पूजयति तं प्रभुम्

sa eva sarvakāmāḍhyo bhavatyeva na saṃśayaḥ bilvapatraṃ samānīya yaḥ pūjayati taṃ prabhum

he indeed becomes rich in the fulfilment of every desire, without doubt. Whoever, bringing a bilva leaf, worships that Lord --

Verse 14 (padma.6.151.14)

धर्ममर्थं च कामं च लभते मानवो भुवि । सोमवारे विशेषेण ये गच्छंति नरोत्तमाः

dharmamarthaṃ ca kāmaṃ ca labhate mānavo bhuvi somavāre viśeṣeṇa ye gacchaṃti narottamāḥ

such a man obtains dharma, artha, and kama on this earth. Those best of men who go there especially on a Monday --

Verse 15 (padma.6.151.15)

तेषां रोगं तथा दोषं शमयेद्धवलेश्वरः । रवौ वाऽथ विशेषेण अर्चनं कुरुते यदा

teṣāṃ rogaṃ tathā doṣaṃ śamayeddhavaleśvaraḥ ravau vā'tha viśeṣeṇa arcanaṃ kurute yadā

for them Dhavaleshvara pacifies disease and affliction. And when one performs worship especially on a Sunday --

Verse 16 (padma.6.151.16)

तेषां महिमा तु भो देवि न ज्ञातः कर्हिचिन्मया । दूर्वया चार्कपुष्पैर्वा कल्हारैः कमलैर्दलैः

teṣāṃ mahimā tu bho devi na jñātaḥ karhicinmayā dūrvayā cārkapuṣpairvā kalhāraiḥ kamalairdalaiḥ

O goddess, even I have never fully known the greatness of that. With durva grass, or with arka flowers, with kalhara lotuses, with lotus petals,

Verse 17 (padma.6.151.17)

पूजनं कुर्वते येऽत्र ते नराः पुण्यभागिनः । श्वेतार्कपुष्पमानीय धवलेशं प्रपूज्य तु

pūjanaṃ kurvate ye'tra te narāḥ puṇyabhāginaḥ śvetārkapuṣpamānīya dhavaleśaṃ prapūjya tu

those men who worship here become sharers in merit. Bringing a white arka flower and duly worshipping Dhavalesha,

Verse 18 (padma.6.151.18)

वांच्छितं लभते नित्यं धवलेशप्रसादतः । कृते वै नीलकंठस्तु सर्वेषां शंकरः सदा

vāṃcchitaṃ labhate nityaṃ dhavaleśaprasādataḥ kṛte vai nīlakaṃṭhastu sarveṣāṃ śaṃkaraḥ sadā

one always obtains one's desire through the grace of Dhavalesha. In the Krita age he was known to all, ever, as blue-throated Shankara;

Verse 19 (padma.6.151.19)

त्रेतायुगे स विख्यातो हरो वै भगवान्प्रभुः । द्वापरे शर्वसंज्ञस्तु कलौ वै धवलेश्वरः

tretāyuge sa vikhyāto haro vai bhagavānprabhuḥ dvāpare śarvasaṃjñastu kalau vai dhavaleśvaraḥ

in the Treta age that same Lord Hara was renowned; in the Dvapara age he bore the name Sharva; and in the Kali age he is Dhavaleshvara.

Verse 20 (padma.6.151.20)

अत्रार्थे यत्पुरावृत्तं तच्छृणुष्व सुरेश्वरि । नंदिर्नाम पुरा वैश्य इंद्रग्रामे समावसत्

atrārthe yatpurāvṛttaṃ tacchṛṇuṣva sureśvari naṃdirnāma purā vaiśya iṃdragrāme samāvasat

Hear now, O goddess of the gods, an old tale connected with this place. Formerly a vaishya named Nandi dwelt in Indragrama.

Verse 21 (padma.6.151.21)

शिवध्यानपरो भूत्वा शिवपूजां चकार सः । नित्यं तपोवनस्थं हि लिंगं धवलसंज्ञकम्

śivadhyānaparo bhūtvā śivapūjāṃ cakāra saḥ nityaṃ tapovanasthaṃ hi liṃgaṃ dhavalasaṃjñakam

Devoted to meditation on Shiva, he performed worship of Shiva daily, to the linga called Dhavala, standing in a grove of penance,

Verse 22 (padma.6.151.22)

उषस्युषसि चोत्थाय प्रत्यहं शिववल्लभः । नंदी लिंगार्चनरतो बभूवातिशयेन हि

uṣasyuṣasi cotthāya pratyahaṃ śivavallabhaḥ naṃdī liṃgārcanarato babhūvātiśayena hi

rising at dawn each day, that beloved devotee of Shiva. Nandi became exceedingly devoted to the worship of the linga,

Verse 23 (padma.6.151.23)

यथाशास्त्रेण विधिना पुष्पार्चनपरोऽभवत् । एकदा मृगयालुब्धः किरातो भूतहिंसकः

yathāśāstreṇa vidhinā puṣpārcanaparo'bhavat ekadā mṛgayālubdhaḥ kirāto bhūtahiṃsakaḥ

devoted to the offering of flowers according to the rule of scripture. One day a Kirata, a hunter greedy for the chase, one who harmed living beings,

Verse 24 (padma.6.151.24)

पापी पापसमाचारश्चरन्साभ्रमती तटे । अनेक श्वापदाकीर्णे हन्यमानो मृगान्शरैः

pāpī pāpasamācāraścaransābhramatī taṭe aneka śvāpadākīrṇe hanyamāno mṛgānśaraiḥ

sinful and of sinful conduct, was roaming the bank of the Sabarmati, thronged with many wild beasts, striking down deer with his arrows.

Verse 25 (padma.6.151.25)

एवं विचरमाणोऽसौ किरातो भूतहिंसकः । यदृच्छयागतस्तत्र यत्र लिंगं सुपूजितम्

evaṃ vicaramāṇo'sau kirāto bhūtahiṃsakaḥ yadṛcchayāgatastatra yatra liṃgaṃ supūjitam

Thus wandering, that hunter who harmed living beings came by chance to the place where the well-worshipped linga stood --

Verse 26 (padma.6.151.26)

धवलेश्वरविख्यातं अनेकाश्चर्यमंडितम् । दृष्टं सुपूजितं लिंगं नानापुष्पैः फलैस्तथा

dhavaleśvaravikhyātaṃ anekāścaryamaṃḍitam dṛṣṭaṃ supūjitaṃ liṃgaṃ nānāpuṣpaiḥ phalaistathā

renowned as Dhavaleshvara, adorned with many wonders. He saw that well-worshipped linga, adorned with various flowers and fruits.

Verse 27 (padma.6.151.27)

एवं लिंगं समालिंग्य गतः साभ्रमतीतटे । तत्र पीत्वा पयः सोऽथ मुखं गंडूषपूरितम्

evaṃ liṃgaṃ samāliṃgya gataḥ sābhramatītaṭe tatra pītvā payaḥ so'tha mukhaṃ gaṃḍūṣapūritam

Having thus embraced the linga, he went to the bank of the Sabarmati. There he drank water, filling his mouth with a mouthful,

Verse 28 (padma.6.151.28)

कृत्वा चैकेनहस्तेन मृगमांसं समुद्वहन् । करेणैकेन पूजार्थं बिल्वपत्राणि वै दधत्

kṛtvā caikenahastena mṛgamāṃsaṃ samudvahan kareṇaikena pūjārthaṃ bilvapatrāṇi vai dadhat

and carrying deer's flesh in one hand, while holding bilva leaves in the other for worship,

Verse 29 (padma.6.151.29)

शीघ्रमागत्य लिंगांते पदा पूजां समाहनत् । पुष्पाणि तानि सर्वाणि विधूतानि इतस्ततः

śīghramāgatya liṃgāṃte padā pūjāṃ samāhanat puṣpāṇi tāni sarvāṇi vidhūtāni itastataḥ

he came quickly to the linga and, with his foot, struck away the existing worship -- all those flowers were scattered here and there.

Verse 30 (padma.6.151.30)

स्नापनं तस्य लिंगस्य कृतं गंडूषवारिणा । करेणैकेन पूजार्थं बिल्वपत्राणि सोऽर्पयत्

snāpanaṃ tasya liṃgasya kṛtaṃ gaṃḍūṣavāriṇā kareṇaikena pūjārthaṃ bilvapatrāṇi so'rpayat

He bathed that linga with the water from his mouthful, and with one hand offered the bilva leaves for worship;

Verse 31 (padma.6.151.31)

द्वितीयेन करेणैव मृगमांसं समर्पयत् । दंडप्रणामसंयुक्तः संकल्पं मनसाऽकरोत्

dvitīyena kareṇaiva mṛgamāṃsaṃ samarpayat daṃḍapraṇāmasaṃyuktaḥ saṃkalpaṃ manasā'karot

with the other hand he offered the deer's flesh. Prostrating himself full-length in homage, he made this resolve in his mind:

Verse 32 (padma.6.151.32)

अद्यप्रभृति पूजां वै करिष्यामि प्रयत्नतः । त्वं मे स्वामी च भक्तोऽहं अद्यप्रभृति शंकर

adyaprabhṛti pūjāṃ vai kariṣyāmi prayatnataḥ tvaṃ me svāmī ca bhakto'haṃ adyaprabhṛti śaṃkara

'From this day forward I shall perform this worship with diligence. You are my Lord, and I am your devotee, from this day forth, O Shankara.'

Verse 33 (padma.6.151.33)

एवं नियमवान्भूत्वा किरातो गृहमागमत् । तथा प्रभातसमये देवायतनमागतः

evaṃ niyamavānbhūtvā kirāto gṛhamāgamat tathā prabhātasamaye devāyatanamāgataḥ

Having thus taken this vow, the Kirata went home. And, as usual, at daybreak Nandi came to the temple of the god.

Verse 34 (padma.6.151.34)

नंदी ददर्श तं सर्वं किरातेन च यत्कृतम् । अव्यवस्थं च तं दृंष्ट्वा अमेध्यं शिवसन्निधौ

naṃdī dadarśa taṃ sarvaṃ kirātena ca yatkṛtam avyavasthaṃ ca taṃ dṛṃṣṭvā amedhyaṃ śivasannidhau

Nandi saw all of it -- everything the Kirata had done -- and, seeing that disorder and that impurity in Shiva's presence,

Verse 35 (padma.6.151.35)

विधूतानि च सर्वाणि हिंसकेन दुरात्मना । चिंतायुक्तोभवन्नंदी जातं किं चित्रमद्य मे

vidhūtāni ca sarvāṇi hiṃsakena durātmanā ciṃtāyuktobhavannaṃdī jātaṃ kiṃ citramadya me

all scattered by that evil-souled hunter, Nandi became filled with anxiety: 'What strange thing has befallen me today?'

Verse 36 (padma.6.151.36)

कथितानि च विघ्नानि शिवपूजारतस्य हि । उपस्थितानि तान्येव मम भाग्यविपर्ययात्

kathitāni ca vighnāni śivapūjāratasya hi upasthitāni tānyeva mama bhāgyaviparyayāt

'The obstacles spoken of for one devoted to Shiva's worship -- those very obstacles have come upon me now, through the reversal of my fortune.'

Verse 37 (padma.6.151.37)

एवं विमृश्य सुचिरं प्रक्षाल्य शिवमंदिरम् । यथागतेन मार्गेण नंदी स्वगृहमागमत्

evaṃ vimṛśya suciraṃ prakṣālya śivamaṃdiram yathāgatena mārgeṇa naṃdī svagṛhamāgamat

Having pondered thus for a long while, and having cleansed Shiva's shrine, Nandi returned home by the way he had come.

Verse 38 (padma.6.151.38)

ततो नंदिनमालक्ष्य पुरोधा गतमानसम् । अब्रवीद्वचनं तं तु कस्मात्त्वं गतमानसः

tato naṃdinamālakṣya purodhā gatamānasam abravīdvacanaṃ taṃ tu kasmāttvaṃ gatamānasaḥ

Then the family priest, noticing Nandi's troubled mind, spoke to him: 'Why is your mind so distressed?'

Verse 39 (padma.6.151.39)

पुरोहितं प्रति तदा नंदी वचनमब्रवीत् । अद्य दृष्टं मया विप्र अमेध्यं शिवसन्निधौ

purohitaṃ prati tadā naṃdī vacanamabravīt adya dṛṣṭaṃ mayā vipra amedhyaṃ śivasannidhau

Nandi then said to the priest: 'Today, O brahmin, I saw an impurity in the presence of Shiva.

Verse 40 (padma.6.151.40)

केनेदं कारितं तत्र न जानामीह किंचन । ततः पुरोधा वचनं नंदिनं चाब्रवीत्तथा

kenedaṃ kāritaṃ tatra na jānāmīha kiṃcana tataḥ purodhā vacanaṃ naṃdinaṃ cābravīttathā

'By whom this was done there, I know nothing at all.' Then the priest spoke these words to Nandi:

Verse 41 (padma.6.151.41)

येन विस्खलितं तत्र पुष्पादीनां प्रपूजनम् । सोऽपि मूढो न संदेहः कार्याकार्येषु मंदधीः

yena viskhalitaṃ tatra puṣpādīnāṃ prapūjanam so'pi mūḍho na saṃdehaḥ kāryākāryeṣu maṃdadhīḥ

'Whoever it was that disturbed the offering of flowers there must indeed be a fool, without doubt -- dull-witted about what should and should not be done.'

Verse 42 (padma.6.151.42)

तस्माच्चिंता न कर्तव्या त्वया पुनरपि प्रभो । प्रभाते च मया सार्द्धं गम्यतां तच्छिवालयम्

tasmācciṃtā na kartavyā tvayā punarapi prabho prabhāte ca mayā sārddhaṃ gamyatāṃ tacchivālayam

'Therefore you need not worry any further about this, my lord. At dawn, come together with me to that shrine of Shiva --'

Verse 43 (padma.6.151.43)

निरीक्षणार्थं दुष्टस्य तस्य दंडंकरोम्यहम् । एतच्छ्रुत्वा तु वचनं नंदी तस्य पुरोधसः

nirīkṣaṇārthaṃ duṣṭasya tasya daṃḍaṃkaromyaham etacchrutvā tu vacanaṃ naṃdī tasya purodhasaḥ

'-- to watch, and I shall punish that wrongdoer.' Having heard these words of his priest, Nandi

Verse 44 (padma.6.151.44)

आस्थितः स्वगृहे नक्तं दूयमानेन चेतसा । तस्यां रात्र्यां व्यतीतायां आहूय च पुरोधसम्

āsthitaḥ svagṛhe naktaṃ dūyamānena cetasā tasyāṃ rātryāṃ vyatītāyāṃ āhūya ca purodhasam

remained at home that night with a troubled heart. When that night had passed, he summoned the priest,

Verse 45 (padma.6.151.45)

गतः शिवालयं नंदी समंतेन महात्मना । प्रक्षाल्य पूजनं कृत्वा नानारत्नपरिच्छदम्

gataḥ śivālayaṃ naṃdī samaṃtena mahātmanā prakṣālya pūjanaṃ kṛtvā nānāratnaparicchadam

and Nandi went to Shiva's shrine together with that great-souled priest. Having cleansed it, he performed worship with an array of various jewels,

Verse 46 (padma.6.151.46)

पंचोपचारसंयुक्तं कृत्वा वै ब्राह्मणैः सह । एवं यामद्वयं जातं स्तूयमानस्य नंदिनः

paṃcopacārasaṃyuktaṃ kṛtvā vai brāhmaṇaiḥ saha evaṃ yāmadvayaṃ jātaṃ stūyamānasya naṃdinaḥ

with the five traditional offerings, together with brahmins. Thus two watches of the night passed while Nandi was engaged in praise,

Verse 47 (padma.6.151.47)

आयातोऽसौ महाकालस्तथारूपो महाबलः । कालरूपो महारौद्रो धनुष्पाणिः प्रतापवान्

āyāto'sau mahākālastathārūpo mahābalaḥ kālarūpo mahāraudro dhanuṣpāṇiḥ pratāpavān

when there arrived that same mighty being of terrible form, in the shape of Time, exceedingly fierce, bow in hand, majestic --

Verse 48 (padma.6.151.48)

तं दृष्ट्वा भयसंत्रस्तो नंदी तत्र न्यलीयत । पुरोधाश्चैव सहसा भयभीतस्तदाभवत्

taṃ dṛṣṭvā bhayasaṃtrasto naṃdī tatra nyalīyata purodhāścaiva sahasā bhayabhītastadābhavat

seeing him, Nandi, terrified with fear, hid himself there; and the priest too, suddenly, became struck with fear.

Verse 49 (padma.6.151.49)

किरातेन कृतं तत्र यथापूर्वमविस्खलन् । तां पूजां स पदाहृत्य बिल्वपत्रं समर्पयत्

kirātena kṛtaṃ tatra yathāpūrvamaviskhalan tāṃ pūjāṃ sa padāhṛtya bilvapatraṃ samarpayat

There, exactly as before, without deviation, done by the Kirata -- he trampled that worship underfoot and offered the bilva leaf,

Verse 50 (padma.6.151.50)

नैवेद्येन पलेनैव किरातः शिवमार्चयत् । दंडवत्पतितो भूमौ उत्थाय स्वगृहं गतः

naivedyena palenaiva kirātaḥ śivamārcayat daṃḍavatpatito bhūmau utthāya svagṛhaṃ gataḥ

and with an offering of flesh alone the Kirata worshipped Shiva. He fell prostrate to the ground like a staff, then rose and went home.

Verse 51 (padma.6.151.51)

तं दृष्ट्वा महदाश्चर्यं चिंतयामास वै चिरम् । पुरोधसा तदा नंदी सह व्याकुलचेतसा

taṃ dṛṣṭvā mahadāścaryaṃ ciṃtayāmāsa vai ciram purodhasā tadā naṃdī saha vyākulacetasā

Seeing this great wonder, Nandi, his mind now bewildered, pondered long together with the priest.

Verse 52 (padma.6.151.52)

तेन पृष्टास्तदा विप्राः कथ्यतां च यथातथम् । संप्रधार्य ततः सर्वे मिलित्वा धर्मशास्त्रतः

tena pṛṣṭāstadā viprāḥ kathyatāṃ ca yathātatham saṃpradhārya tataḥ sarve militvā dharmaśāstrataḥ

He then asked the brahmins to explain the matter exactly as it was. Deliberating, all of them together, according to the scriptures of dharma,

Verse 53 (padma.6.151.53)

ऊचुः सर्वे तदा विप्रा नंदिनं जातशंकितम् । ईशविघ्नं समुत्पन्नं दुर्निवार्यं सुरैरपि

ūcuḥ sarve tadā viprā naṃdinaṃ jātaśaṃkitam īśavighnaṃ samutpannaṃ durnivāryaṃ surairapi

all the brahmins then said to Nandi, who had grown suspicious: 'An obstruction to the Lord's worship has arisen, one that even the gods could not easily remove.'

Verse 54 (padma.6.151.54)

तस्मादानय लिंगं त्वं स्वगृहे वैश्यसत्तम । तथेति मत्वाऽसौ नंदी शिवस्योत्पाटनं महत्

tasmādānaya liṃgaṃ tvaṃ svagṛhe vaiśyasattama tatheti matvā'sau naṃdī śivasyotpāṭanaṃ mahat

'Therefore, best of vaishyas, bring the linga into your own house.' Agreeing, 'so be it,' Nandi then undertook the great task of uprooting Shiva (the linga),

Verse 55 (padma.6.151.55)

कृत्वा स्वगृहमानीय प्रतिष्ठाप्य यथाविधि । सुवर्णपीठिकां कृत्वा नवरंभासुशोभिताम्

kṛtvā svagṛhamānīya pratiṣṭhāpya yathāvidhi suvarṇapīṭhikāṃ kṛtvā navaraṃbhāsuśobhitām

and, having brought it to his own house, installed it there duly, making for it a golden pedestal beautifully adorned with fresh plantain decorations.

Verse 56 (padma.6.151.56)

उपाहारैरनेकैश्च पूजयामास वै तदा । अथापरेद्युरायातः किरातः शिवमंदिरम्

upāhārairanekaiśca pūjayāmāsa vai tadā athāparedyurāyātaḥ kirātaḥ śivamaṃdiram

He then worshipped it with many offerings. But the next day the Kirata came again to Shiva's shrine --

Verse 57 (padma.6.151.57)

यावद्विलोकयामास लिंगमैशं न दृष्टवान् । मौनं विहाय सहसा साक्रोशमिदमब्रवीत्

yāvadvilokayāmāsa liṃgamaiśaṃ na dṛṣṭavān maunaṃ vihāya sahasā sākrośamidamabravīt

and as he looked for the Lord's linga, he did not find it. Abandoning his silence, he suddenly cried out these words in anguish:

Verse 58 (padma.6.151.58)

हे शंभो क्व गतोऽसि त्वं दर्शयात्मानमद्य वै । यदि नो दर्शनं हेयं त्यक्ष्याम्यद्य कलेवरम्

he śaṃbho kva gato'si tvaṃ darśayātmānamadya vai yadi no darśanaṃ heyaṃ tyakṣyāmyadya kalevaram

'O Shambhu, where have you gone? Show yourself to me today! If you do not show yourself, I shall this day give up my body!'

Verse 59 (padma.6.151.59)

हे शंभो हे जगन्नाथ त्रिपुरांतक शंकर । हेरुद्र हे महादेव दर्शयात्मानमात्मना

he śaṃbho he jagannātha tripurāṃtaka śaṃkara herudra he mahādeva darśayātmānamātmanā

'O Shambhu! O Lord of the universe! O Shankara, destroyer of Tripura! O Rudra! O Mahadeva! Show your own self to me!'

Verse 60 (padma.6.151.60)

एवं साक्षेपमधुरैर्वाक्यैः क्षिप्त्वा सदाशिवम् । किरातोऽसौ क्षुरिकया धीरो वै जठरं स्वकम्

evaṃ sākṣepamadhurairvākyaiḥ kṣiptvā sadāśivam kirāto'sau kṣurikayā dhīro vai jaṭharaṃ svakam

Having thus reproached Sadashiva with words both bitter and sweet, that resolute Kirata, with his knife, tore open his own belly --

Verse 61 (padma.6.151.61)

बिभेद्याशु ततो बाहुमासाद्योच्चै रुषाब्रवीत् । हे शंभो दर्शयात्मानं कुतो मां त्यज्य यास्यसि

bibhedyāśu tato bāhumāsādyoccai ruṣābravīt he śaṃbho darśayātmānaṃ kuto māṃ tyajya yāsyasi

and then, seizing his own arm, he cried out loudly in fury: 'O Shambhu, show yourself! Why would you abandon me and depart?'

Verse 62 (padma.6.151.62)

इति क्षिप्त्वा ततोंत्राणि मांसमुद्धृत्य सर्वतः । तस्मिन्गर्ते करेणैव किरातः सहसाक्षिपत्

iti kṣiptvā tatoṃtrāṇi māṃsamuddhṛtya sarvataḥ tasmingarte kareṇaiva kirātaḥ sahasākṣipat

Having said this, he tore out his own entrails, drawing out flesh from every side, and the Kirata suddenly cast it, with his own hand, into that pit where the linga had stood.

Verse 63 (padma.6.151.63)

स्वच्छं च हृदयं कृत्वा साभ्रमत्यां निमज्जतु । तथैव जलमानीय बिल्वपत्रं त्वरान्वितः

svacchaṃ ca hṛdayaṃ kṛtvā sābhramatyāṃ nimajjatu tathaiva jalamānīya bilvapatraṃ tvarānvitaḥ

Having thus laid bare his heart, resolved to plunge into the Sabarmati -- but just then, hurriedly, bringing water and a bilva leaf,

Verse 64 (padma.6.151.64)

पूजयित्वा यथान्यायं दंडवत्पतितो भुवि । यदा ध्यानस्थितस्तत्र किरातः शिवसन्निधौ

pūjayitvā yathānyāyaṃ daṃḍavatpatito bhuvi yadā dhyānasthitastatra kirātaḥ śivasannidhau

he worshipped duly and fell prostrate to the ground like a staff. And when the wounded Kirata remained absorbed in meditation there in Shiva's presence,

Verse 65 (padma.6.151.65)

प्रादुर्भूतस्तदा रुद्रः प्रमथैः परिवारितः । कर्पूरगौरो द्युतिमान्कपर्दी चंद्रशेखरः

prādurbhūtastadā rudraḥ pramathaiḥ parivāritaḥ karpūragauro dyutimānkapardī caṃdraśekharaḥ

then Rudra manifested himself, surrounded by his Pramatha hosts -- camphor-white, radiant, his hair matted, the moon upon his crest.

Verse 66 (padma.6.151.66)

तं गृहीत्वा करे रुद्रः उवाच परिसांत्वयन् । भो भो वीर महाप्राज्ञ मद्भक्तोऽसि महामते

taṃ gṛhītvā kare rudraḥ uvāca parisāṃtvayan bho bho vīra mahāprājña madbhakto'si mahāmate

Rudra took him by the hand and, comforting him, said: 'O hero, O man of great wisdom, you are my devotee, O great-minded one.'

Verse 67 (padma.6.151.67)

वरं वृणीष्व भो भक्त यत्ते मनसि वर्त्तते । एवमुक्तः स रुद्रेण महाकालो मुदान्वितः

varaṃ vṛṇīṣva bho bhakta yatte manasi varttate evamuktaḥ sa rudreṇa mahākālo mudānvitaḥ

'Choose a boon, O devotee, whatever is in your heart.' Thus addressed by Rudra, that Kirata, soon to become Mahakala, filled with joy,

Verse 68 (padma.6.151.68)

पपात दंडवद्भूमौ भक्त्या परमया युतः । ततो रुद्रं बभाषेदं न वरं प्रार्थयाम्यहम्

papāta daṃḍavadbhūmau bhaktyā paramayā yutaḥ tato rudraṃ babhāṣedaṃ na varaṃ prārthayāmyaham

fell prostrate to the ground, filled with the utmost devotion. Then he said to Rudra: 'I ask for no boon.

Verse 69 (padma.6.151.69)

अहं दासोऽस्मि ते रुद्र त्वं मे स्वामी न संशयः । एतत्श्लाघ्यतमं लोके देहि जन्मनि जन्मनि

ahaṃ dāso'smi te rudra tvaṃ me svāmī na saṃśayaḥ etatślāghyatamaṃ loke dehi janmani janmani

'I am your servant, O Rudra; you are my Lord, without doubt. This alone, the most praiseworthy thing in this world, grant me -- birth after birth --

Verse 70 (padma.6.151.70)

त्वं माता च पिता त्वं च त्वं बंधुश्च सखा च मे । त्वं गुरुस्त्वं महामंत्रो मंत्रैर्वेद्योऽसि सर्वदा

tvaṃ mātā ca pitā tvaṃ ca tvaṃ baṃdhuśca sakhā ca me tvaṃ gurustvaṃ mahāmaṃtro maṃtrairvedyo'si sarvadā

'You are my mother, and you are my father; you are my kinsman and my friend; you are my guru, you are the great mantra -- you alone are to be known through all mantras, forever.'

Verse 71 (padma.6.151.71)

निष्कामं वाक्यमाकर्ण्य किरातस्य तदा भवः । ददौ पार्षदमुख्यत्वं द्वारपालत्वमेव च

niṣkāmaṃ vākyamākarṇya kirātasya tadā bhavaḥ dadau pārṣadamukhyatvaṃ dvārapālatvameva ca

Having heard the Kirata's desireless words, Bhava then granted him the chieftaincy of his attendants and also the office of gatekeeper.

Verse 72 (padma.6.151.72)

तदा डमरुनादेन नादितं भुवनत्रयम् । भेरीभांकारशब्देन शंखानां निनदेन च

tadā ḍamarunādena nāditaṃ bhuvanatrayam bherībhāṃkāraśabdena śaṃkhānāṃ ninadena ca

Then the three worlds resounded with the sound of the damaru drum, with the booming of kettledrums, and with the blast of conches;

Verse 73 (padma.6.151.73)

तदा दुंदुभयो नेदुः पटहाश्च सहस्रशः । नंदी तं नादमाकर्ण्य विस्मयात्त्वरितो ययौ

tadā duṃdubhayo neduḥ paṭahāśca sahasraśaḥ naṃdī taṃ nādamākarṇya vismayāttvarito yayau

then the war-drums roared, thousands of them. Nandi, hearing that sound, went there quickly out of astonishment,

Verse 74 (padma.6.151.74)

तपोवनं यत्र शिवः स्थितः प्रमथसंवृतः । किरातो हि तथा दृष्टो नंदिना च तदा भृशम्

tapovanaṃ yatra śivaḥ sthitaḥ pramathasaṃvṛtaḥ kirāto hi tathā dṛṣṭo naṃdinā ca tadā bhṛśam

to the grove of penance where Shiva stood, surrounded by his Pramathas; and there Nandi saw the Kirata, with great amazement.

Verse 75 (padma.6.151.75)

उवाच प्रसृतो वाक्यं स नंदी विस्मयान्वितः । किरातं स्तोतुकामोऽसौ परमेन समाधिना

uvāca prasṛto vākyaṃ sa naṃdī vismayānvitaḥ kirātaṃ stotukāmo'sau paramena samādhinā

Nandi, filled with wonder, spoke these words at length, wishing to praise the Kirata with the deepest composure of mind:

Verse 76 (padma.6.151.76)

इहानीतस्त्वया शंभुस्त्वं भक्तोऽसि परंतपः । त्वद्भक्तोऽहमिह प्राप्तो मां निवेदय शंकरे

ihānītastvayā śaṃbhustvaṃ bhakto'si paraṃtapaḥ tvadbhakto'hamiha prāpto māṃ nivedaya śaṃkare

'You have brought Shambhu here; you are indeed his devotee, O scorcher of foes. I too am his devotee, having come here -- please present me to Shankara.'

Verse 77 (padma.6.151.77)

तच्छ्रुत्वा वचनं तस्य किरातस्त्वरयान्वितः । नंदिनं च करे गृह्य शंकरं समुपागतः

tacchrutvā vacanaṃ tasya kirātastvarayānvitaḥ naṃdinaṃ ca kare gṛhya śaṃkaraṃ samupāgataḥ

Hearing his words, the Kirata, in haste, took Nandi by the hand and approached Shankara together with him.

Verse 78 (padma.6.151.78)

प्रहस्य भगवान्रुद्रः किरातं वाक्यमब्रवीत् । ब्रूहि कोऽसौ त्वयानीतो गणानामिह सन्निधौ

prahasya bhagavānrudraḥ kirātaṃ vākyamabravīt brūhi ko'sau tvayānīto gaṇānāmiha sannidhau

Lord Rudra, smiling, said to the Kirata: 'Tell me, who is this you have brought here into the presence of my hosts?'

Verse 79 (padma.6.151.79)

किरात उवाच। त्वद्भक्तोऽसौ तदा देव तव पूजारतो ह्यसौ । प्रत्यहं रत्नमाणिक्यपुष्पैश्चौच्चावचैरिह

kirāta uvāca tvadbhakto'sau tadā deva tava pūjārato hyasau pratyahaṃ ratnamāṇikyapuṣpaiścauccāvacairiha

The Kirata said: 'O God, he is your devotee, ever devoted to your worship, daily here with jewels, rubies, and flowers of various kinds,

Verse 80 (padma.6.151.80)

जीवितेन धनेनापि पूजितोऽसि न संशयः । तस्माच्चानीहि भो स्वामिन्नंदिनं भक्तवत्सल

jīvitena dhanenāpi pūjito'si na saṃśayaḥ tasmāccānīhi bho svāminnaṃdinaṃ bhaktavatsala

'-- with his very life and his wealth he has worshipped you, without doubt. Therefore, O Lord, O you who cherish your devotees, accept Nandi.'

Verse 81 (padma.6.151.81)

महादेव उवाच। जानाम्यहं महाभाग नंदिनं वैश्यवर्त्तनम् । त्वं मे भक्तः सखा चेति महाकाल महामते

mahādeva uvāca jānāmyahaṃ mahābhāga naṃdinaṃ vaiśyavarttanam tvaṃ me bhaktaḥ sakhā ceti mahākāla mahāmate

Mahadeva said: 'I know, O most fortunate one, Nandi in his vaishya's way of life. You too are my devotee and friend, O Mahakala, O great-minded one.

Verse 82 (padma.6.151.82)

उपाधिरहिता ये च ये निष्कपटमानसाः । ते प्रियास्ते च मे भक्तास्ते विशिष्टा नरोत्तमाः । तावुभौ स्वीकृतौ तेन पार्षदत्वेन शंभुना

upādhirahitā ye ca ye niṣkapaṭamānasāḥ te priyāste ca me bhaktāste viśiṣṭā narottamāḥ tāvubhau svīkṛtau tena pārṣadatvena śaṃbhunā

'Those who are free of pretense and whose minds are without deceit -- they are dear to me, they are my devotees, they are the most exalted among men.' And Shambhu accepted both of them into the rank of his attendants.

Verse 83 (padma.6.151.83)

ततो विमानानि बहुनि तत्र समागतान्येव महाप्रभाणि । किरातवर्येण स वैश्यवर्य उद्धारितस्तेन महाप्रभेण

tato vimānāni bahuni tatra samāgatānyeva mahāprabhāṇi kirātavaryeṇa sa vaiśyavarya uddhāritastena mahāprabheṇa

Then many splendid celestial chariots gathered there, and by that most splendid, foremost of hunters, that foremost of vaishyas was lifted up.

Verse 84 (padma.6.151.84)

कैलासलोकमापन्नौ विमानैर्वेगवत्तरैः । सारूप्यमेव संप्राप्तो ईश्वरस्य महात्मनः

kailāsalokamāpannau vimānairvegavattaraiḥ sārūpyameva saṃprāpto īśvarasya mahātmanaḥ

Both attained the world of Kailasa in swift celestial chariots, and both obtained a form resembling that of the great Lord himself.

Verse 85 (padma.6.151.85)

नीराजितौ गिरिजया पुत्रवत्तौ गणावुभौ

nīrājitau girijayā putravattau gaṇāvubhau

Both attendants were welcomed with the waving of lamps by Girija, as though they were her own sons.

Verse 86 (padma.6.151.86)

उवाचेदं ततो देवी प्रहस्य गजगामिनी । यथा त्वं हि महादेव तथा चेतौ न संशयः

uvācedaṃ tato devī prahasya gajagāminī yathā tvaṃ hi mahādeva tathā cetau na saṃśayaḥ

Then the goddess, moving with an elephant's gait, said, smiling: 'Just as you are, O Mahadeva, so indeed are these two, without doubt.'

Verse 87 (padma.6.151.87)

सारूप्येण च गत्या च हास्यभावैः सुपूजितैः । देव्यास्तद्वचनं श्रुत्वा किरातो वैश्य एव च

sārūpyeṇa ca gatyā ca hāsyabhāvaiḥ supūjitaiḥ devyāstadvacanaṃ śrutvā kirāto vaiśya eva ca

In form and in gait, and in their well-honored playful bearing, they resembled him. Hearing the goddess's words, the Kirata and the vaishya,

Verse 88 (padma.6.151.88)

सद्यः पराङ्मुखौ भूत्वा शंकरस्य च पश्यतः । ऊचतुस्त्वरया युक्तौ गणौ रुद्रस्य पश्यतः

sadyaḥ parāṅmukhau bhūtvā śaṃkarasya ca paśyataḥ ūcatustvarayā yuktau gaṇau rudrasya paśyataḥ

at once turned away in modesty, and, before Shankara's very eyes, the two attendants spoke hastily, before Rudra's own gaze,

Verse 89 (padma.6.151.89)

उभावप्यनुकंप्यौ च भवता हि त्रिलोचन । तव द्वारिस्थितौ नित्यं भवावस्ते नमो नमः

ubhāvapyanukaṃpyau ca bhavatā hi trilocana tava dvāristhitau nityaṃ bhavāvaste namo namaḥ

'May both of us be objects of your compassion, O three-eyed one. Let us ever stand at your door -- salutations, salutations to you.'

Verse 90 (padma.6.151.90)

तयोर्भावं स भगवान्विदित्वा प्रहसन्भवः । उवाच परया भक्त्या भवतोरस्तु वांछितम्

tayorbhāvaṃ sa bhagavānviditvā prahasanbhavaḥ uvāca parayā bhaktyā bhavatorastu vāṃchitam

The Lord Bhava, understanding their sentiment, laughing, said: 'Let your desire, offered with such supreme devotion, be granted.'

Verse 91 (padma.6.151.91)

ततः प्रभृति द्वावेतौ द्वारपालौ बभूवतुः । शिवद्वारि स्थितौ देवि मध्याह्ने शिवदर्शिनौ

tataḥ prabhṛti dvāvetau dvārapālau babhūvatuḥ śivadvāri sthitau devi madhyāhne śivadarśinau

From that time on these two became the doorkeepers, O goddess, standing at Shiva's door, granting sight of Shiva at midday.

Verse 92 (padma.6.151.92)

एको नंदी महाकालो द्वावेतौ शिववल्लभौ । ये पापिनोप्यधर्मिष्ठा अंधा मूकाश्च पंगवाः

eko naṃdī mahākālo dvāvetau śivavallabhau ye pāpinopyadharmiṣṭhā aṃdhā mūkāśca paṃgavāḥ

One is Nandi, the other Mahakala -- both beloved of Shiva. Whoever, even sinners, the unrighteous, the blind, the mute, the lame,

Verse 93 (padma.6.151.93)

कुलहीना दुरात्मानः श्वपचाद्या हि मानवाः । यादृशास्तादृशाश्चान्ये आराध्य धवलेश्वरम्

kulahīnā durātmānaḥ śvapacādyā hi mānavāḥ yādṛśāstādṛśāścānye ārādhya dhavaleśvaram

the low-born, the evil-souled, even outcastes and the like among men -- whatever their kind, all such people, having worshipped Dhavaleshvara,

Verse 94 (padma.6.151.94)

गतास्तेऽपि गमिष्यंति नात्र कार्या विचराणा । अत्र स्नानं च दानं च सांनिध्यं शंकरस्य च

gatāste'pi gamiṣyaṃti nātra kāryā vicarāṇā atra snānaṃ ca dānaṃ ca sāṃnidhyaṃ śaṃkarasya ca

have gone and will go to Shiva's world -- there is no need for doubt on this. Here, bathing, gift-giving, and the very presence of Shankara --

Verse 95 (padma.6.151.95)

साभ्रमत्यां कृतस्नाना धवलेश्वरपूजकाः । ते रुद्रलोकं गच्छंति नात्र कार्या विचारणा

sābhramatyāṃ kṛtasnānā dhavaleśvarapūjakāḥ te rudralokaṃ gacchaṃti nātra kāryā vicāraṇā

those who bathe in the Sabarmati and worship Dhavaleshvara go to the world of Rudra; there is no need for doubt on this.

Verse 96 (padma.6.151.96)

अत्र स्नानं च दानं च ये कुर्वंति नरोत्तमाः । धर्मार्थकामभोगाश्च भुक्त्वा यांति हरालयम्

atra snānaṃ ca dānaṃ ca ye kurvaṃti narottamāḥ dharmārthakāmabhogāśca bhuktvā yāṃti harālayam

Those best of men who bathe and give gifts here, having enjoyed dharma, artha, kama, and worldly pleasures, go to the abode of Hara.

Verse 97 (padma.6.151.97)

चंद्र सर्योपरागे च पितुः सांवत्सरे दिने । यत्फलं लभते मर्त्यस्तत्फलं प्राप्नुयाद्ध्रुवम्

caṃdra saryoparāge ca pituḥ sāṃvatsare dine yatphalaṃ labhate martyastatphalaṃ prāpnuyāddhruvam

At a lunar or solar eclipse, or on the yearly memorial day of one's father, whatever fruit a mortal obtains elsewhere -- that same fruit he certainly obtains here.

Verse 98 (padma.6.151.98)

स्वर्गात्कामदुघा देवि नित्यमायाति सर्वथा । आगत्य तं शिवं देवं समभ्यर्च्य यथा तथा

svargātkāmadughā devi nityamāyāti sarvathā āgatya taṃ śivaṃ devaṃ samabhyarcya yathā tathā

O goddess, the wish-granting cow always comes down from heaven in every way; coming, and duly worshipping that god Shiva in whatever manner,

Verse 99 (padma.6.151.99)

सा गच्छति सुरश्रेष्ठे स्वर्गं प्रति न संशयः । तेन दुग्धाभियोगेन लिंगं तद्धवलीकृतम्

sā gacchati suraśreṣṭhe svargaṃ prati na saṃśayaḥ tena dugdhābhiyogena liṃgaṃ taddhavalīkṛtam

she returns, O best of gods, to heaven again, without doubt. By that outpouring of her milk that linga was made white.

Verse 100 (padma.6.151.100)

धवलेश्वरं नाम ततः संजातं भुवि सर्वदा । जंतवोऽत्र सदा देवि म्रियंते कालनोदिताः । ते ते शिवपदं यांति यावच्चंद्रदिवाकरौ

dhavaleśvaraṃ nāma tataḥ saṃjātaṃ bhuvi sarvadā jaṃtavo'tra sadā devi mriyaṃte kālanoditāḥ te te śivapadaṃ yāṃti yāvaccaṃdradivākarau

From that, the name Dhavaleshvara has ever since existed on earth. O goddess, whatever creatures die here, driven on by time, they attain the state of Shiva, for as long as the moon and sun endure.