The Glory of Chandreshvara

Verse 1 (padma.6.156.1)

महादेव उवाच। दुग्धेश्वरस्य पूर्वे तु तीर्थं परमपावनम् । चंद्रभागेति वै नाम्ना नदी यत्र तु संगता

mahādeva uvāca dugdheśvarasya pūrve tu tīrthaṃ paramapāvanam caṃdrabhāgeti vai nāmnā nadī yatra tu saṃgatā

Mahadeva said: East of Dugdheshvara is a most purifying tirtha, where the river named Chandrabhaga joins the Sabarmati.

Verse 2 (padma.6.156.2)

तत्र चंद्रेश्वरो देवो नित्यं तिष्ठति पुण्यदः । यो हरः सर्वदा व्यापी लोकानां सुखदो महान्

tatra caṃdreśvaro devo nityaṃ tiṣṭhati puṇyadaḥ yo haraḥ sarvadā vyāpī lokānāṃ sukhado mahān

There the god Chandreshvara, the giver of merit, ever abides -- that Hara who ever pervades all things, the great bestower of happiness to the worlds.

Verse 3 (padma.6.156.3)

अत्र स्नानं प्रकुर्वंति ध्यानं कुर्वंति नित्यशः । तत्फलं प्राप्नुयुस्ते वै साभ्रमत्यां शिवार्चनात्

atra snānaṃ prakurvaṃti dhyānaṃ kurvaṃti nityaśaḥ tatphalaṃ prāpnuyuste vai sābhramatyāṃ śivārcanāt

Those who bathe here and constantly practice meditation obtain that fruit through worship of Shiva at the Sabarmati.

Verse 4 (padma.6.156.4)

सोमेनात्र तपस्तप्तं कालं बहुतरं किल । तस्माच्चन्द्रेश्वरो नाम स्थापितो वै महेश्वरः

somenātra tapastaptaṃ kālaṃ bahutaraṃ kila tasmāccandreśvaro nāma sthāpito vai maheśvaraḥ

Here Soma, the Moon, performed austerity for a very long time indeed; therefore Maheshvara was established here under the name Chandreshvara.

Verse 5 (padma.6.156.5)

शुक्रेणापि तपस्तप्तं चन्द्रभागा समीपतः । अतस्तीर्थाधिकं तीर्थं पावनं सर्वदा भुवि

śukreṇāpi tapastaptaṃ candrabhāgā samīpataḥ atastīrthādhikaṃ tīrthaṃ pāvanaṃ sarvadā bhuvi

Shukra too performed austerity near the Chandrabhaga; therefore this tirtha, ever purifying, surpasses other tirthas on earth.

Verse 6 (padma.6.156.6)

कलौ गुप्तं तु ऋषिणा कारितं वै सुरेश्वरि । यत्र हेममयं लिगं दृश्यते नात्र संशयः

kalau guptaṃ tu ṛṣiṇā kāritaṃ vai sureśvari yatra hemamayaṃ ligaṃ dṛśyate nātra saṃśayaḥ

In the Kali age it was made hidden by a sage, O queen of the gods; there a golden linga is seen -- there is no doubt of this.

Verse 7 (padma.6.156.7)

अत्र स्नात्वा च पीत्वा च कृत्वा वै शिवपूजनम् । ये नराः संगमिष्यंति धर्मानर्थांल्लभंति ते

atra snātvā ca pītvā ca kṛtvā vai śivapūjanam ye narāḥ saṃgamiṣyaṃti dharmānarthāṃllabhaṃti te

Whatever men bathe here, drink of its water, and perform the worship of Shiva, and come together here, obtain dharma and artha.

Verse 8 (padma.6.156.8)

वृषोत्सर्गादिकं कर्म ये कुर्वंति विशेषतः । भुक्त्वा स्वर्गपदं ते वै पश्चाद्यांति हरालयम्

vṛṣotsargādikaṃ karma ye kurvaṃti viśeṣataḥ bhuktvā svargapadaṃ te vai paścādyāṃti harālayam

Those who especially perform rites such as the releasing of a bull, having enjoyed the state of heaven, afterward go to the abode of Hara.

Verse 9 (padma.6.156.9)

स्नानार्थे प्रत्यहं देवि चंद्रभागा समीपतः । आगमिष्यंति ये लोकास्ते ज्ञेयाः पुण्यभागिनः

snānārthe pratyahaṃ devi caṃdrabhāgā samīpataḥ āgamiṣyaṃti ye lokāste jñeyāḥ puṇyabhāginaḥ

O goddess, whatever people come daily to the vicinity of the Chandrabhaga for bathing are to be known as sharers in merit.

Verse 10 (padma.6.156.10)

गत्वा परतटे ये वै ह्यर्चयंति च तं शिवम् । चंद्रेश्वरेति नामानं श्रीहरं पापकृंतनम्

gatvā parataṭe ye vai hyarcayaṃti ca taṃ śivam caṃdreśvareti nāmānaṃ śrīharaṃ pāpakṛṃtanam

Those who go to the far bank and worship that Shiva, under the name Chandreshvara, the glorious Hara who cuts away sin --

Verse 11 (padma.6.156.11)

अत्र गत्वा विशेषेण रुद्रजाप्यादिकं तथा । ये कुर्वंति नरश्रेष्ठास्ते ज्ञेयाः शिवरूपिणः

atra gatvā viśeṣeṇa rudrajāpyādikaṃ tathā ye kurvaṃti naraśreṣṭhāste jñeyāḥ śivarūpiṇaḥ

those best of men who come here and especially perform the repetition of Rudra's name and the like are to be known as themselves of Shiva's own form.

Verse 12 (padma.6.156.12)

सर्वदा तु सुरश्रेष्ठ यत्र स्नानं प्रकुर्वते । ते नरा विष्णुरूपाणि विज्ञेया नात्र संशयः

sarvadā tu suraśreṣṭha yatra snānaṃ prakurvate te narā viṣṇurūpāṇi vijñeyā nātra saṃśayaḥ

O best of gods, whatever men ever bathe here are to be known as of the very form of Vishnu -- there is no doubt of this.

Verse 13 (padma.6.156.13)

येऽत्र श्राद्धं प्रकुर्वंति तिलपिंडेन वा पुनः । तेऽपि विष्णुपदं यांति पिंडदानप्रभावतः

ye'tra śrāddhaṃ prakurvaṃti tilapiṃḍena vā punaḥ te'pi viṣṇupadaṃ yāṃti piṃḍadānaprabhāvataḥ

Those who perform shraddha here, or again with rice-balls of sesame, they too go to the state of Vishnu through the power of that offering.

Verse 14 (padma.6.156.14)

अत्र दानं प्रकर्त्तव्यं स्नानं वै विधिपूर्वकम् । यत्र स्नात्वा तु मुच्यंते ब्रह्महत्यादिकिल्बिषात्

atra dānaṃ prakarttavyaṃ snānaṃ vai vidhipūrvakam yatra snātvā tu mucyaṃte brahmahatyādikilbiṣāt

Here gift-giving should be performed, and bathing according to due rite; bathing here, one is freed even from the sin of killing a brahmin.

Verse 15 (padma.6.156.15)

तटेस्मिन्ये विशेषेण वटं चारोपयंति ते । मृताः शिवपदं यांति यावच्चंद्र दिवाकरौ

taṭesminye viśeṣeṇa vaṭaṃ cāropayaṃti te mṛtāḥ śivapadaṃ yāṃti yāvaccaṃdra divākarau

Those who especially plant a banyan tree on this bank, upon death attain the state of Shiva, for as long as the moon and sun endure.