The Glory of Pichumandarka (the Twelve Names of Surya)

Verse 1 (padma.6.158.1)

महादेव उवाच। पिप्पलादात्ततस्तीर्थे पिचुमंदार्कमुत्तमम् । तीर्थं साभ्रमती तीरे व्याधिदौर्गंध्यनाशनम्

mahādeva uvāca pippalādāttatastīrthe picumaṃdārkamuttamam tīrthaṃ sābhramatī tīre vyādhidaurgaṃdhyanāśanam

Mahadeva said: From Pippalada onward there is an excellent tirtha called Pichumandarka, on the bank of the Sabarmati, the destroyer of disease and foul odor.

Verse 2 (padma.6.158.2)

पुरा कोलाहले युद्धे दानवैर्निर्जिताः सुराः । वृक्षेषु विविशुस्तत्र सूक्ष्माः प्राणपरीप्सया

purā kolāhale yuddhe dānavairnirjitāḥ surāḥ vṛkṣeṣu viviśustatra sūkṣmāḥ prāṇaparīpsayā

Formerly, in the battle of Kolahala, the gods, defeated by the demons, entered into the trees there in subtle form, out of a desire to preserve their lives.

Verse 3 (padma.6.158.3)

तत्र बिल्वे स्थितः शंभुरश्वत्थे हरिरव्ययः । शिरीषेऽभूत्सहस्राक्षो निंबे देवः प्रभाकरः

tatra bilve sthitaḥ śaṃbhuraśvatthe hariravyayaḥ śirīṣe'bhūtsahasrākṣo niṃbe devaḥ prabhākaraḥ

There Shambhu took his place in the bilva tree, the imperishable Hari in the ashvattha; the thousand-eyed one, Indra, took the shirisha tree, and the god Prabhakara, the Sun, the neem.

Verse 4 (padma.6.158.4)

एवमादि यथायोग्यं वृक्षेषु विबुधास्तथा । यावत्कोलाहलो दैत्यो विष्णुना प्रभविष्णुना

evamādi yathāyogyaṃ vṛkṣeṣu vibudhāstathā yāvatkolāhalo daityo viṣṇunā prabhaviṣṇunā

And thus the wise gods entered other trees as well, each according to what was fitting -- until the demon Kolahala, by the all-powerful Vishnu,

Verse 5 (padma.6.158.5)

हतो महाहवे तावत्स्थितास्ते वृक्षमाश्रिताः । येनयेन हि यो वृक्षो विबुधेन समाश्रितः

hato mahāhave tāvatsthitāste vṛkṣamāśritāḥ yenayena hi yo vṛkṣo vibudhena samāśritaḥ

was slain in a great battle; until then they remained taking refuge in the trees. Whatever tree was thus taken refuge in by whichever god,

Verse 6 (padma.6.158.6)

स तु तन्मयतां यातस्तस्मात्तं न विनाशयेत् । इति सूर्य्यस्य विश्रामात्पिचुमंदार्कमुत्तमम्

sa tu tanmayatāṃ yātastasmāttaṃ na vināśayet iti sūryyasya viśrāmātpicumaṃdārkamuttamam

that tree took on the very nature of that god; therefore it should never be destroyed. Thus, from the Sun's own resting there, this excellent tirtha is called Pichumandarka, Neem of the Sun.

Verse 7 (padma.6.158.7)

तीर्थंरोगहरं स्नानात्साभ्रमत्यास्तटेऽभवत् । अत्र गत्वा विशेषेण तं रविं यदि पूजयेत्

tīrthaṃrogaharaṃ snānātsābhramatyāstaṭe'bhavat atra gatvā viśeṣeṇa taṃ raviṃ yadi pūjayet

It became, through bathing, a disease-removing tirtha on the bank of the Sabarmati. If one goes here and especially worships that Sun,

Verse 8 (padma.6.158.8)

पूजयित्वा सुरश्रेष्ठे लभते वांछितं फलम् । अत्र द्वादशनामानि गत्वा ये वै पठंति च

pūjayitvā suraśreṣṭhe labhate vāṃchitaṃ phalam atra dvādaśanāmāni gatvā ye vai paṭhaṃti ca

having worshipped, O best of gods, one obtains the desired fruit. Those who come here and recite the twelve names of the Sun,

Verse 9 (padma.6.158.9)

ते नराः पुण्यकर्माणो यावज्जीवं न संशयः । आदित्यं भास्करं भानुं रविं विश्वप्रकाशकम्

te narāḥ puṇyakarmāṇo yāvajjīvaṃ na saṃśayaḥ ādityaṃ bhāskaraṃ bhānuṃ raviṃ viśvaprakāśakam

those men are of meritorious deeds for as long as they live -- there is no doubt. The twelve names are: Aditya, Bhaskara, Bhanu, Ravi, the Illuminator of the Universe,

Verse 10 (padma.6.158.10)

तीक्ष्णांशुं चैव मार्तंडं सूर्यं चैव प्रभाकरम् । विभावसुं सहस्राक्षं तथा पूषणमेव च

tīkṣṇāṃśuṃ caiva mārtaṃḍaṃ sūryaṃ caiva prabhākaram vibhāvasuṃ sahasrākṣaṃ tathā pūṣaṇameva ca

Tikshnamshu, Martanda, Surya, Prabhakara, Vibhavasu, Sahasraksha, and Pushan.

Verse 11 (padma.6.158.11)

एवं द्वादशनामानि यः पठेत्प्रयतः सुधीः । धनं वै पुत्रपौत्रांश्च लभते नगनंदिनि

evaṃ dvādaśanāmāni yaḥ paṭhetprayataḥ sudhīḥ dhanaṃ vai putrapautrāṃśca labhate naganaṃdini

Whoever, pure and wise, recites these twelve names, O daughter of the mountain, obtains wealth, sons, and grandsons.

Verse 12 (padma.6.158.12)

एकैकं नाम आश्रित्य योऽर्चयेत नरो भुवि । सप्तजन्मभवेद्विप्रो धनाढ्यो वेदपरागः

ekaikaṃ nāma āśritya yo'rcayeta naro bhuvi saptajanmabhavedvipro dhanāḍhyo vedaparāgaḥ

Whatever man worships by taking up each single name in turn is born a brahmin for seven births on this earth, wealthy and versed in the further reaches of the Veda.

Verse 13 (padma.6.158.13)

क्षत्रियो लभते राज्यं वैश्यो धनमवाप्नुयात् । शूद्रो वै लभते भक्तिं तस्मात्सूक्तं परं जपेत्

kṣatriyo labhate rājyaṃ vaiśyo dhanamavāpnuyāt śūdro vai labhate bhaktiṃ tasmātsūktaṃ paraṃ japet

A kshatriya obtains a kingdom, a vaishya obtains wealth, and a shudra obtains devotion; therefore one should recite this supreme hymn.

Verse 14 (padma.6.158.14)

निंबार्कतः परं तीर्थं न भूतं न भविष्यति । अत्र स्नात्वा च पीत्वा च मुक्तिभागी भवेद्ध्रुवम्

niṃbārkataḥ paraṃ tīrthaṃ na bhūtaṃ na bhaviṣyati atra snātvā ca pītvā ca muktibhāgī bhaveddhruvam

There has never been, and never will be, a tirtha greater than Nimbarka. Bathing here and drinking of its water, one certainly becomes a partaker of liberation.