Jalandhara Abandons His Illusory Form

Verse 1 (padma.6.16.1)

युधिष्ठिर उवाच। कथं जालंधरो गौरीं हररूपधरो मुने । दृष्ट्वा चकार किं तत्र तन्मे कथय विस्तरात्

yudhiṣṭhira uvāca kathaṁ jālaṁdharo gaurīṁ hararūpadharo mune dṛṣṭvā cakāra kiṁ tatra tanme kathaya vistarāt

Yudhishthira said: O sage, how did Jalandhara, having taken Hara's form, behave upon seeing Gauri? What did he do there? Tell me that in detail.

Verse 2 (padma.6.16.2)

नारद उवाच ।यदा मायाशिवस्तत्र प्रार्थयद्गिरिजां प्रति । ततः सा चुक्षुभे राजन्किंचिन्नोवाच तं प्रति

nārada uvāca yadā māyāśivastatra prārthayadgirijāṁ prati tataḥ sā cukṣubhe rājankiṁcinnovāca taṁ prati

Narada said: When that illusion-Shiva there made his plea to Girija, then, O king, she grew agitated, but said nothing at all in reply.

Verse 3 (padma.6.16.3)

अनातुरस्य देवस्य प्राप्तस्य तपसा मया । न युक्तमिति निश्चित्य पार्वती नाह तं नृप

anāturasya devasya prāptasya tapasā mayā na yuktamiti niścitya pārvatī nāha taṁ nṛpa

Resolving that it was not proper to doubt a god untouched by affliction, one won by her own austerity, Parvati, O king, said nothing to him.

Verse 4 (padma.6.16.4)

सा न तत्र प्रतीकारं दृष्ट्वा तस्य च पश्यतः । निर्गता तत उत्थाय ददर्शाकाशवाहिनीम्

sā na tatra pratīkāraṁ dṛṣṭvā tasya ca paśyataḥ nirgatā tata utthāya dadarśākāśavāhinīm

Finding no remedy for it there, and even as he watched, she rose and departed, and beheld the sky-flowing Ganga.

Verse 5 (padma.6.16.5)

गंगां वासोचितां मत्वा भवानी तपसे ययौ । पुरापि तपसा लब्धो मयेशः सांप्रतं तथा

gaṁgāṁ vāsocitāṁ matvā bhavānī tapase yayau purāpi tapasā labdho mayeśaḥ sāṁprataṁ tathā

Considering the Ganga a fitting dwelling-place, Bhavani went there for austerity: 'Long ago too, by austerity alone, I obtained the Lord — so shall it be again now.'

Verse 6 (padma.6.16.6)

इत्यव्रजच्चिंतयती सखीभिः सहिता ततः । पुरः क्षीरनिभां राजन्पार्वती गगनात्परम्

ityavrajacciṁtayatī sakhībhiḥ sahitā tataḥ puraḥ kṣīranibhāṁ rājanpārvatī gaganātparam

Thinking thus, together with her companions, O king, Parvati went forward, and beheld, beyond the sky, something like milk —

Verse 7 (padma.6.16.7)

मंदाकिनीं ददर्शाथ पतंतीं मानसोत्तरे । हारमालामिवायांतीं विविक्तां गगनस्रजः

maṁdākinīṁ dadarśātha pataṁtīṁ mānasottare hāramālāmivāyāṁtīṁ viviktāṁ gaganasrajaḥ

she then saw the Mandakini, falling upon Manasottara, coming like a garland of pearls, a distinct necklace strung from the very sky.

Verse 8 (padma.6.16.8)

मंदाकिन्याः पयःपूरो ह्याकृष्टः स्वर्गतो यथा । श्रुतीनां पूरधारेव ब्रह्मणो वदनच्युता

maṁdākinyāḥ payaḥpūro hyākṛṣṭaḥ svargato yathā śrutīnāṁ pūradhāreva brahmaṇo vadanacyutā

The Mandakini's flowing waters seemed drawn down from heaven itself, like a stream of Vedic verses flowing from Brahma's very mouth.

Verse 9 (padma.6.16.9)

दृष्ट्वा मुमोद तां गंगां स्नात्वा चालिसमन्विता । संपूज्य स्वतनुं पश्चान्निविष्टा स्वर्णदीतटे

dṛṣṭvā mumoda tāṁ gaṁgāṁ snātvā cālisamanvitā saṁpūjya svatanuṁ paścānniviṣṭā svarṇadītaṭe

Seeing that Ganga, she rejoiced, and, together with her companions, bathed in it; then, having worshipped her own body, she sat down on the golden river's bank.

Verse 10 (padma.6.16.10)

परस्परमथालोक्य गौरी प्राह सखीं जयाम् । त्वं गच्छ मद्वपुः कृत्वा तत्समीपं सखी त्वरा

parasparamathālokya gaurī prāha sakhīṁ jayām tvaṁ gaccha madvapuḥ kṛtvā tatsamīpaṁ sakhī tvarā

Then, looking at one another, Gauri said to her friend Jaya: 'Go, taking on my own form, quickly, my friend, to his presence.

Verse 11 (padma.6.16.11)

जानीहि तत्वं किं शंभुर्यदि वान्यो भविष्यति । यद्यसौ त्वां समालिंग्य कुरुते चुंबनादिकम्

jānīhi tatvaṁ kiṁ śaṁbhuryadi vānyo bhaviṣyati yadyasau tvāṁ samāliṁgya kurute cuṁbanādikam

'Find out the truth — whether it is truly Shambhu, or someone else. If he embraces you and begins kissing you or the like,

Verse 12 (padma.6.16.12)

तदा मायां समास्थाय जानीह्यसुरमागतम् । यदि चेत्त्वां प्रतिब्रूयान्मन्निमित्तं शुभाशुभम्

tadā māyāṁ samāsthāya jānīhyasuramāgatam yadi cettvāṁ pratibrūyānmannimittaṁ śubhāśubham

'then, weaving an illusion of your own, know that some demon has come. But if instead he asks you about what is auspicious or inauspicious concerning me,

Verse 13 (padma.6.16.13)

असंशयं पिनाकी स्यादत्रागत्य ब्रवीहि माम् । इत्यादिष्टा जया देव्या गता गंगाधरांतिकम्

asaṁśayaṁ pinākī syādatrāgatya bravīhi mām ityādiṣṭā jayā devyā gatā gaṁgādharāṁtikam

'then he is undoubtedly Pinakin himself — come back here and tell me.' Thus instructed by the Goddess, Jaya went to Gangadhara's presence.

Verse 14 (padma.6.16.14)

तामायांतीं स दृष्ट्वा च भृशं मन्मथपीडितः । चकारालिंगनं तस्या गौरीरूपेण भावयन्

tāmāyāṁtīṁ sa dṛṣṭvā ca bhṛśaṁ manmathapīḍitaḥ cakārāliṁganaṁ tasyā gaurīrūpeṇa bhāvayan

Seeing her come, utterly overcome with the pain of desire, he embraced her, imagining her to be Gauri herself.

Verse 15 (padma.6.16.15)

ततो जालंधरः सद्यो वीर्यं स्वं प्रमुमोचह । अल्पेंद्रियश्च संजातो वेगतः कुरुनंदन

tato jālaṁdharaḥ sadyo vīryaṁ svaṁ pramumocaha alpeṁdriyaśca saṁjāto vegataḥ kurunaṁdana

Then Jalandhara at once released his own seed; and, O joy of the Kurus, he swiftly grew weak in his very senses.

Verse 16 (padma.6.16.16)

तया सप्रोदितो दैत्य न त्वं रुद्रो भविष्यसि । अल्पवीर्योऽधमाचारो नाहं गौरी हि तत्सखी

tayā saprodito daitya na tvaṁ rudro bhaviṣyasi alpavīryo'dhamācāro nāhaṁ gaurī hi tatsakhī

She said to him: 'Demon, you shall never become Rudra — you of feeble seed and vile conduct; I am not Gauri, I am her friend.'

Verse 17 (padma.6.16.17)

इत्युक्त्वा निजमास्थाय रूपं सा प्राह तं पुनः । अनेन बत पापेन हतस्त्वं हि पिनाकिना

ityuktvā nijamāsthāya rūpaṁ sā prāha taṁ punaḥ anena bata pāpena hatastvaṁ hi pinākinā

Having said this, resuming her own form, she said to him again: 'Alas, by this very wicked deed you have already brought your own death from Pinakin's hands.'

Verse 18 (padma.6.16.18)

इति ज्ञात्वा च सा प्राप्ता तत्र गत्वाब्रवीदुमाम् । देवि जालंधरो ह्येष न शंभुस्तव वल्लभः

iti jñātvā ca sā prāptā tatra gatvābravīdumām devi jālaṁdharo hyeṣa na śaṁbhustava vallabhaḥ

Having learned this, she went there and said to Uma: 'O Goddess, this is indeed Jalandhara, not your beloved Shambhu.'

Verse 19 (padma.6.16.19)

ततो भयार्ता हरवल्लभाभूद्द्रुतं विवेशाथ सरोजमध्ये । सख्यो भ्रमर्यः कमलेषु जाता भयेन जालंधरजेन राजन्

tato bhayārtā haravallabhābhūddrutaṁ viveśātha sarojamadhye sakhyo bhramaryaḥ kamaleṣu jātā bhayena jālaṁdharajena rājan

Then Hara's beloved, stricken with fear, swiftly entered into the midst of the lotuses; and, O king, out of fear of Jalandhara, her companions became bees among the lotuses.

Verse 20 (padma.6.16.20)

अत्रांतरे वनगतामदृष्ट्वा तां नृपांगनाम् । भीतास्तु रक्षकास्तस्याः सत्वरं रणमाययुः

atrāṁtare vanagatāmadṛṣṭvā tāṁ nṛpāṁganām bhītāstu rakṣakāstasyāḥ satvaraṁ raṇamāyayuḥ

Meanwhile, not finding that king's wife in the forest, her terrified guardians swiftly went to the battlefield.

Verse 21 (padma.6.16.21)

ततः शुंभेन ते पृष्टास्तं नत्वोचुः ससाध्वसाः । आत्मनः परिहारार्थो विष्णुमित्यसुरेश्वरम्

tataḥ śuṁbhena te pṛṣṭāstaṁ natvocuḥ sasādhvasāḥ ātmanaḥ parihārārtho viṣṇumityasureśvaram

Then, questioned by Shumbha, they, trembling, bowed and, to excuse themselves, told him this account, naming Vishnu as the one responsible.

Verse 22 (padma.6.16.22)

श्रुत्वा वृंदां हृतां त्रस्तो रुद्रात्त्यक्त्वाथ संगरम् । शुंभेन प्रेषितौ चंडमुंडौ जालंधरं प्रति

śrutvā vṛṁdāṁ hṛtāṁ trasto rudrāttyaktvātha saṁgaram śuṁbhena preṣitau caṁḍamuṁḍau jālaṁdharaṁ prati

Hearing that Vrinda had been carried off, the terrified Shumbha, abandoning the battle with Rudra, sent Chanda and Munda to Jalandhara.

Verse 23 (padma.6.16.23)

मानसोत्तरमागत्य दानवौ वेगवत्तरौ । हररूपधरं दैत्यं ऊचतुर्विटपान्तरे

mānasottaramāgatya dānavau vegavattarau hararūpadharaṁ daityaṁ ūcaturviṭapāntare

Coming with great speed to Manasottara, those two swift demons spoke, amid the trees, to that demon disguised as Hara —

Verse 24 (padma.6.16.24)

किं तया नृपशार्दूल विदेशगतया श्रिया । अरयो यां न पश्यंति बंधुभिर्या न भुज्यते

kiṁ tayā nṛpaśārdūla videśagatayā śriyā arayo yāṁ na paśyaṁti baṁdhubhiryā na bhujyate

'O tiger among kings, what use is that fortune of a wife who has gone away to foreign lands, whom your enemies now see, and whom your own kin no longer enjoy?

Verse 25 (padma.6.16.25)

जितः शुंभो हतं सैन्यं देव रुद्रेण ते रणे । एह्येहि कुरु संग्रामं न त्वं प्राप्नोषि पार्वतीम्

jitaḥ śuṁbho hataṁ sainyaṁ deva rudreṇa te raṇe ehyehi kuru saṁgrāmaṁ na tvaṁ prāpnoṣi pārvatīm

'Shumbha has been defeated, O king; Rudra has destroyed your army in that battle. Come, come, wage war! This way you shall never obtain Parvati.

Verse 26 (padma.6.16.26)

पंचाननस्य महिषीं कथं प्राप्नोति जंबुकः । अंधकारः कथं राजन्प्राप्नोति सवितुः प्रभाम्

paṁcānanasya mahiṣīṁ kathaṁ prāpnoti jaṁbukaḥ aṁdhakāraḥ kathaṁ rājanprāpnoti savituḥ prabhām

'How can a jackal ever obtain the lion's own queen? O king, how can darkness ever obtain the sun's own radiance?

Verse 27 (padma.6.16.27)

तव जालंधरात्पीठाद्धृता राज्ञी मुरारिणा । इति संश्रूयते वार्ता तस्मात्त्वं कुरु संगरम्

tava jālaṁdharātpīṭhāddhṛtā rājñī murāriṇā iti saṁśrūyate vārtā tasmāttvaṁ kuru saṁgaram

'Your own queen has been carried off from your very Jalandhara-seat by Murari — this news is heard everywhere; therefore you must go to war.

Verse 28 (padma.6.16.28)

रणे शर्वं विजित्याशु भव सर्वेश्वरेश्वरः । अथवा शिवनाराचैः खंडितो यासि तत्पदम्

raṇe śarvaṁ vijityāśu bhava sarveśvareśvaraḥ athavā śivanārācaiḥ khaṁḍito yāsi tatpadam

'Having swiftly conquered Sharva in battle, become the very Lord of all lords; or else, cut down by Shiva's arrows, attain his own abode.'

Verse 29 (padma.6.16.29)

इति जालंधरः श्रुत्वा भाषितं चंडमुंडयोः । निःससार गिरेस्तस्मात्सक्रोधं रक्तलोचनः

iti jālaṁdharaḥ śrutvā bhāṣitaṁ caṁḍamuṁḍayoḥ niḥsasāra girestasmātsakrodhaṁ raktalocanaḥ

Hearing this speech of Chanda and Munda, Jalandhara, his eyes red with rage, came down at once from that mountain.

Verse 30 (padma.6.16.30)

चंडमुंडौ समाश्वास्य त्यक्त्वा रूपं हरस्य च । गच्छञ्जालंधरो मार्गे दुर्वारणमुवाच ह

caṁḍamuṁḍau samāśvāsya tyaktvā rūpaṁ harasya ca gacchañjālaṁdharo mārge durvāraṇamuvāca ha

Having reassured Chanda and Munda, and abandoning Hara's form, Jalandhara, going along the way, said to Durvarana —

Verse 31 (padma.6.16.31)

पश्य दुर्वारणेदानीं तत्र यद्विष्णुना कृतम् । मायामाश्रित्य सा राज्ञी वृंदा नीतात्मनः पदम्

paśya durvāraṇedānīṁ tatra yadviṣṇunā kṛtam māyāmāśritya sā rājñī vṛṁdā nītātmanaḥ padam

'See now, Durvarana, what Vishnu has done there — that queen Vrinda has been led away by illusion, to his own realm.

Verse 32 (padma.6.16.32)

गृहे स्थितस्य जामातुर्विश्वसेन्नैव बुद्धिमान् । नूनं तस्मै प्रदत्वा च कन्यकां विसृजेद्बुधः

gṛhe sthitasya jāmāturviśvasennaiva buddhimān nūnaṁ tasmai pradatvā ca kanyakāṁ visṛjedbudhaḥ

'A wise man should never trust a son-in-law living in his own house; having given him one's daughter, it is best to send him on his way.

Verse 33 (padma.6.16.33)

जामातरं गृहे नैव स्थापयेत्सर्वथा नरः । धनदारादिकं सर्वं स गृह्णाति शनैः शनैः

jāmātaraṁ gṛhe naiva sthāpayetsarvathā naraḥ dhanadārādikaṁ sarvaṁ sa gṛhṇāti śanaiḥ śanaiḥ

'A man should never, under any circumstances, keep his son-in-law in his house; he takes away all one's wealth, wife, and everything else, little by little.'

Verse 34 (padma.6.16.34)

दुर्वारण उवाच ।राजन्यत्क्रियते कर्म तत्तथैव तु भुज्यते । त्वं हर्तुमागतो गौरीं हरिणा ते हृता वधूः । तस्य स्पष्टं वचः श्रुत्वा क्षणं मौनी व्यचिंतयत्

durvāraṇa uvāca rājanyatkriyate karma tattathaiva tu bhujyate tvaṁ hartumāgato gaurīṁ hariṇā te hṛtā vadhūḥ tasya spaṣṭaṁ vacaḥ śrutvā kṣaṇaṁ maunī vyaciṁtayat

Durvarana said: 'O king, whatever deed is done, that same deed is reaped in return. You came here to carry off Gauri, and Hari has carried off your own wife.' Hearing his plain words, he pondered in silence for a moment.

Verse 35 (padma.6.16.35)

जालंधर उवाच ।किं प्रयामि हरं जेतुमथवा हरिमुल्बणम् । कार्यद्वये समुत्पन्ने यत्परं तत्प्रकथ्यताम्

jālaṁdhara uvāca kiṁ prayāmi haraṁ jetumathavā harimulbaṇam kāryadvaye samutpanne yatparaṁ tatprakathyatām

Jalandhara said: 'Shall I go to conquer Hara, or that formidable Hari? Two tasks have arisen at once — tell me, which is the greater?'

Verse 36 (padma.6.16.36)

दुर्वारण उवाच ।यदि यासि हरिं जेतुं हरः पृष्ठे हनिष्यति । हनिष्यंति रणे शूरा यातुं रुद्रो न दास्यति

durvāraṇa uvāca yadi yāsi hariṁ jetuṁ haraḥ pṛṣṭhe haniṣyati haniṣyaṁti raṇe śūrā yātuṁ rudro na dāsyati

Durvarana said: 'If you go to conquer Hari, Hara will strike you from behind; the heroes will slay you in that battle — Rudra will not let you go.

Verse 37 (padma.6.16.37)

तस्मात्पशुपतिं जित्वा कृत्वा त्वं वश्यमात्मनः । पश्चात्प्रयाहि गोविंदं यदि जानासि तत्पदम्

tasmātpaśupatiṁ jitvā kṛtvā tvaṁ vaśyamātmanaḥ paścātprayāhi goviṁdaṁ yadi jānāsi tatpadam

'Therefore first conquer Pashupati and make him your own subject; afterward go against Govinda, if you know where he dwells.

Verse 38 (padma.6.16.38)

अधुना सत्वरं वीर याहि दैत्यान्महाबलान् । रणं कुरु महाघोरं यथा स्वर्गे सुपच्यते

adhunā satvaraṁ vīra yāhi daityānmahābalān raṇaṁ kuru mahāghoraṁ yathā svarge supacyate

'Now, swiftly, O hero, go to your mighty demons; wage such a terrible war that it may be well remembered even in heaven.'

Verse 39 (padma.6.16.39)

देशकालोचितं श्रुत्वा दुर्वारणवचस्तदा । ययौ जालंधरो योद्धुं सह रुद्रेण योगिना

deśakālocitaṁ śrutvā durvāraṇavacastadā yayau jālaṁdharo yoddhuṁ saha rudreṇa yoginā

Having heard Durvarana's counsel, fitting to that place and time, Jalandhara then went forth to fight against Rudra, the yogi.