The Glory of the Gita's Second Chapter: The Tale of Devasharma and Mitravan

Verse 1 (padma.6.176.1)

श्रीभगवानुवाच । आदिमस्यैवमाख्यानमुदीरितमनुत्तमम् । शृणु माहात्म्यमन्येषामध्यायानामपींदिरे

śrībhagavānuvāca ādimasyaivamākhyānamudīritamanuttamam śṛṇu māhātmyamanyeṣāmadhyāyānāmapīṃdire

The Blessed Lord said: Thus has the unsurpassed tale of the first chapter been told. Hear now, O Indira, the glory of the other chapters as well.

Verse 2 (padma.6.176.2)

दक्षिणस्यां दिशि श्रीमानासीदाम्नायवादिनाम् । पुरे पुरंदराह्वाने देवशर्मेति विश्रुतः

dakṣiṇasyāṃ diśi śrīmānāsīdāmnāyavādinām pure puraṃdarāhvāne devaśarmeti viśrutaḥ

In the southern quarter, in a city called by the name of Purandara, there lived a glorious man renowned among the reciters of sacred tradition, known as Devasharma.

Verse 3 (padma.6.176.3)

अर्चितातिथिराम्नातो वेदशास्त्रविशारदः । आहर्ता क्रतुसंघानां तापसानां प्रियः सदा

arcitātithirāmnāto vedaśāstraviśāradaḥ āhartā kratusaṃghānāṃ tāpasānāṃ priyaḥ sadā

He was renowned for honoring his guests, learned in the Veda and its scriptures, a performer of many sacrifices, ever dear to ascetics.

Verse 4 (padma.6.176.4)

देवान्संतर्पयामास हव्यैर्हुतवहं चिरम् । न चोपलेभे धर्मात्मा शांतिमेकांतिकीं ततः

devānsaṃtarpayāmāsa havyairhutavahaṃ ciram na copalebhe dharmātmā śāṃtimekāṃtikīṃ tataḥ

For a long time he satisfied the gods with oblations poured into the fire; yet that righteous man did not attain thereby the peace that comes from single-pointed devotion.

Verse 5 (padma.6.176.5)

निःश्रेयसं स जिज्ञासुस्तापसाननुवासरम् । सिषेवे सत्यसंकल्पाननल्पैरेव कल्पकैः

niḥśreyasaṃ sa jijñāsustāpasānanuvāsaram siṣeve satyasaṃkalpānanalpaireva kalpakaiḥ

Wishing to know the highest good, he served ascetics of true resolve, day after day, over many, many years.

Verse 6 (padma.6.176.6)

एवमाचरतस्तस्य काले महति गच्छति । मुक्तकर्मा ततः कश्चित्प्रादुरासीत्पुरा भुवि

evamācaratastasya kāle mahati gacchati muktakarmā tataḥ kaścitprādurāsītpurā bhuvi

While he thus conducted himself, and much time passed, a certain man freed from the bonds of action then appeared before him.

Verse 7 (padma.6.176.7)

अनुभूतनिराकांक्षी नासाग्रन्यस्तलोचनः । शांतचेताः परं ब्रह्म ध्यायन्नानंदनिर्भरः

anubhūtanirākāṃkṣī nāsāgranyastalocanaḥ śāṃtacetāḥ paraṃ brahma dhyāyannānaṃdanirbharaḥ

He was one who had realized freedom from desire, his gaze fixed upon the tip of his nose, of peaceful mind, ever meditating on the supreme Brahman, overflowing with bliss.

Verse 8 (padma.6.176.8)

पादौ तस्योपसंगृह्य प्रणतेनांतरात्मना । चकार विधिवत्तस्मै विद्वानतिथिसत्क्रियाम्

pādau tasyopasaṃgṛhya praṇatenāṃtarātmanā cakāra vidhivattasmai vidvānatithisatkriyām

That learned man, taking hold of his feet with an inwardly bowed heart, duly performed for him the rites of hospitality due a guest.

Verse 9 (padma.6.176.9)

तं च शुद्धेन भावेन परितुष्टं तपस्विनम् । प्रणतः परिपप्रच्छ निर्वाणस्थितिमात्मनः

taṃ ca śuddhena bhāvena parituṣṭaṃ tapasvinam praṇataḥ paripapraccha nirvāṇasthitimātmanaḥ

And that ascetic, pleased with him for his pure disposition, was, with bowed head, asked by him about the state of the soul's own liberation.

Verse 10 (padma.6.176.10)

स तस्मै कथयामास पुरेऽसौ पुरनामनि । मित्रवंतमजापालमुपदेष्टारमात्मवित्

sa tasmai kathayāmāsa pure'sau puranāmani mitravaṃtamajāpālamupadeṣṭāramātmavit

That knower of the Self told him of a certain goat-herder named Mitravan, an instructor in that same city.

Verse 11 (padma.6.176.11)

स चाभिवंद्य तत्पादावेत्यसौ पुरमूर्जितम् । तस्योत्तरदिशोभागे ददर्श विपुलं वनम्

sa cābhivaṃdya tatpādāvetyasau puramūrjitam tasyottaradiśobhāge dadarśa vipulaṃ vanam

Having bowed at his feet, and having come to that mighty city, he beheld, on its northern side, a vast forest,

Verse 12 (padma.6.176.12)

मारुतांदोलितानेक कुसुमामोदसुंदरम् । उन्मत्तभ्रमरोद्गीत नादापूरितदिङ्मुखम्

mārutāṃdolitāneka kusumāmodasuṃdaram unmattabhramarodgīta nādāpūritadiṅmukham

beautiful with the fragrance of countless flowers swayed by the wind, all directions filled with the humming song of intoxicated bees.

Verse 13 (padma.6.176.13)

तस्मिन्वने सरित्तीरे निषीदंतं शिलातले । मित्रवंतं ददर्शाथ सानंदस्तिमितेक्षणम्

tasminvane sarittīre niṣīdaṃtaṃ śilātale mitravaṃtaṃ dadarśātha sānaṃdastimitekṣaṇam

In that forest, on the bank of a river, seated upon a rock, he then beheld Mitravan, his eyes fixed in blissful, motionless contemplation --

Verse 14 (padma.6.176.14)

अपि स्वाभाविकं वैरं हित्वान्योन्यं विरोधिभिः । सत्वैरावृतमुद्याने मंदस्यंदनभास्वति

api svābhāvikaṃ vairaṃ hitvānyonyaṃ virodhibhiḥ satvairāvṛtamudyāne maṃdasyaṃdanabhāsvati

surrounded, in that grove bright with slowly moving streams, even by creatures who, though naturally enemies to one another, had abandoned their mutual hostility,

Verse 15 (padma.6.176.15)

शांतेषु मृगयूथेषु दशानंदमनोज्ञया । कृपानुविद्धया भूमिं निषिंचंतमिवामृतम्

śāṃteṣu mṛgayūtheṣu daśānaṃdamanojñayā kṛpānuviddhayā bhūmiṃ niṣiṃcaṃtamivāmṛtam

the herds of deer at peace all around; his sight granting joy to all who beheld it, seeming, through his compassion, to sprinkle the earth itself with nectar.

Verse 16 (padma.6.176.16)

उपेत्य विनयेनामुमुन्मनाः प्रीतमानसः । किंचिदानम्रशिरसा तेनापि स तु सत्कृतः

upetya vinayenāmumunmanāḥ prītamānasaḥ kiṃcidānamraśirasā tenāpi sa tu satkṛtaḥ

Approaching him with humility, his mind uplifted and pleased, bowing his head slightly, he too was welcomed by him.

Verse 17 (padma.6.176.17)

उपतस्थे ततो विद्वान्मित्रवंतमनन्यधीः । समाप्तध्यानकालं स पर्यपृच्छत्समाहितः

upatasthe tato vidvānmitravaṃtamananyadhīḥ samāptadhyānakālaṃ sa paryapṛcchatsamāhitaḥ

That learned man, his mind fixed on nothing else, then waited upon Mitravan; and when the time of his meditation had ended, he, composed in mind, asked him:

Verse 18 (padma.6.176.18)

देवशर्मोवाच। आत्मानं वेत्तुमिच्छामि तदमुष्मिन्मनोरथे । लब्धसिद्धिमुपायं मामुपदेष्टुं त्वमर्हसि

devaśarmovāca ātmānaṃ vettumicchāmi tadamuṣminmanorathe labdhasiddhimupāyaṃ māmupadeṣṭuṃ tvamarhasi

Devasharma said: I wish to know the Self. Regarding this very desire, you, who have attained accomplishment, should instruct me in the means.

Verse 19 (padma.6.176.19)

श्रीभगवानुवाच। परामृश्य क्षणं सोऽपि मित्रवानिदमब्रवीत् । मित्रवानुवाच। विद्वन्विद्धि पुरावृत्तमुच्यमानमिदं मया

śrībhagavānuvāca parāmṛśya kṣaṇaṃ so'pi mitravānidamabravīt mitravānuvāca vidvanviddhi purāvṛttamucyamānamidaṃ mayā

The Blessed Lord said: Reflecting for a moment, Mitravan then said this. Mitravan said: O learned one, know this old tale that I am about to relate.

Verse 20 (padma.6.176.20)

अस्ति गोदावरीतीरे प्रतिष्ठानाभिधं पुरम् । तत्र दुर्दमनामासीदन्वये च मनीषिणाम्

asti godāvarītīre pratiṣṭhānābhidhaṃ puram tatra durdamanāmāsīdanvaye ca manīṣiṇām

On the bank of the Godavari there is a city called Pratishthana. There, in a lineage of wise men, there once lived one named Durdama.

Verse 21 (padma.6.176.21)

तत्रास्ति विक्रमो नाम सेव्यमानो महीपतिः । दानानि प्रत्यहं गृह्णन्वर्त्तते उदरंभरः

tatrāsti vikramo nāma sevyamāno mahīpatiḥ dānāni pratyahaṃ gṛhṇanvarttate udaraṃbharaḥ

There lived a king named Vikrama, well-attended, who lived merely to fill his own belly, daily accepting gifts.

Verse 22 (padma.6.176.22)

कालेन कालपाशेन बद्धानीतो यमालयम् । निरयेषु समग्रेषु यातना अनुभूय च

kālena kālapāśena baddhānīto yamālayam nirayeṣu samagreṣu yātanā anubhūya ca

In time, bound by the noose of Time, he was brought to the abode of Yama; and, having endured torments in every hell,

Verse 23 (padma.6.176.23)

कस्मिंश्चित्स कुले जातो दुर्वृत्तानां द्विजन्मनाम् । भवांतरानुवर्तिन्या विद्यया स पुरस्कृतः

kasmiṃścitsa kule jāto durvṛttānāṃ dvijanmanām bhavāṃtarānuvartinyā vidyayā sa puraskṛtaḥ

he was born in a certain family of twice-born of evil conduct; furnished with a certain skill that had followed him from a former existence,

Verse 24 (padma.6.176.24)

उपयेमे दुराधर्षां कन्यकामधमे कुले । कालेन सा वयो हित्वा शैशवं यौवनं ययौ

upayeme durādharṣāṃ kanyakāmadhame kule kālena sā vayo hitvā śaiśavaṃ yauvanaṃ yayau

he married a headstrong maiden of a lowly family. In time, having left behind her childhood, she came to youth --

Verse 25 (padma.6.176.25)

पीनस्तनी च सुश्रोणी मदविह्वललोचना । पतिं न सेहे दुर्वृत्तं चकमे स्वपतीन्परान्

pīnastanī ca suśroṇī madavihvalalocanā patiṃ na sehe durvṛttaṃ cakame svapatīnparān

full-breasted, shapely-hipped, her eyes restless with passion; she could not bear her ill-conducted husband, and desired other men besides her own.

Verse 26 (padma.6.176.26)

वृत्तिमाहर्तुकामस्मिन्निर्गता सा पुराद्बहिः । संगता कामुकेनासौ चिरं चांडालजन्मना

vṛttimāhartukāmasminnirgatā sā purādbahiḥ saṃgatā kāmukenāsau ciraṃ cāṃḍālajanmanā

Wishing to earn her own living, she went out beyond the city and consorted for a long time with a lustful man born to an outcaste family.

Verse 27 (padma.6.176.27)

दधे गर्भमसौ तस्मात्सा च कन्योपपद्यते । सैव भार्यापि तस्यासीत्पूर्वपापप्रसंगतः

dadhe garbhamasau tasmātsā ca kanyopapadyate saiva bhāryāpi tasyāsītpūrvapāpaprasaṃgataḥ

She conceived a child by him, and a daughter was born; and that very daughter, through the connection of her former sin, later became his own wife.

Verse 28 (padma.6.176.28)

सैव वृद्धा ततः काले डाकिनी समजायत । कुसंगात्कुमतिर्जाता दुष्टनारीप्रसंगतः

saiva vṛddhā tataḥ kāle ḍākinī samajāyata kusaṃgātkumatirjātā duṣṭanārīprasaṃgataḥ

That same woman, grown old in time, became a witch; through evil company she became evil-minded, through association with wicked women.

Verse 29 (padma.6.176.29)

चखाद व्याधितं व्याधमसृगास्वादलालसा । भ्रमंती विपिने घोरे जनैर्दृष्ट्वा बहिष्कृता

cakhāda vyādhitaṃ vyādhamasṛgāsvādalālasā bhramaṃtī vipine ghore janairdṛṣṭvā bahiṣkṛtā

Craving the taste of blood, she devoured a diseased hunter; wandering in a terrible forest, seen by people, she was cast out.

Verse 30 (padma.6.176.30)

परेतलोकमासाद्य व्याधौ व्याघ्रोऽभ्यवर्त्तत । नरकान्दारुणान्भुक्त्वा जीवहिंसा प्रभावतः

paretalokamāsādya vyādhau vyāghro'bhyavarttata narakāndāruṇānbhuktvā jīvahiṃsā prabhāvataḥ

Reaching the world of the dead, that same hunter later became a tiger; having endured terrible hells through the power of his own violence toward living beings.

Verse 31 (padma.6.176.31)

सापि कालेन दुष्टात्मा मृत्युवेगमुपागता । निरयानेत्य दुर्द्धर्षानजाजायत मद्गृहे

sāpi kālena duṣṭātmā mṛtyuvegamupāgatā nirayānetya durddharṣānajājāyata madgṛhe

She too, that evil-souled one, in time met with the onrush of death; and, having gone through unassailable hells, was born as a goat in my own house.

Verse 32 (padma.6.176.32)

तामन्या अप्यहं विद्वन्पालयन्काननांतरे । अपश्यन्द्वीपिनं घोरं जिघांसंतमिवाखिलम्

tāmanyā apyahaṃ vidvanpālayankānanāṃtare apaśyandvīpinaṃ ghoraṃ jighāṃsaṃtamivākhilam

O learned one, tending that goat, along with others, within the forest, I beheld a terrible leopard, as though eager to devour every living thing.

Verse 33 (padma.6.176.33)

समालोक्य तमायांतं भयेन प्रपलायितम् । अजायूथं परित्यज्य मया मरणभीरुणा

samālokya tamāyāṃtaṃ bhayena prapalāyitam ajāyūthaṃ parityajya mayā maraṇabhīruṇā

Seeing him approaching, fleeing in terror, and, myself fearful of death, having abandoned the herd of goats,

Verse 34 (padma.6.176.34)

उपदुद्राव स द्वीपी पूर्ववैरमनुस्मरन् । अजा तु तत्समीपेऽगात्सत्वरं सरिदंतिके

upadudrāva sa dvīpī pūrvavairamanusmaran ajā tu tatsamīpe'gātsatvaraṃ saridaṃtike

that leopard, remembering their former enmity, rushed at that goat; but she quickly ran near me, by the river's edge.

Verse 35 (padma.6.176.35)

तत्र सा भयमुत्सृज्य हित्वा वैरमनर्गला । अवतस्थे स च द्वीपी तूष्णीमासीदमत्सरः

tatra sā bhayamutsṛjya hitvā vairamanargalā avatasthe sa ca dvīpī tūṣṇīmāsīdamatsaraḥ

There, casting off her fear, having abandoned their hostility without restraint, she stood still; and the leopard too became silent, without enmity.

Verse 36 (padma.6.176.36)

तं तथाविधमालोक्य सा वक्तुमुपचक्रमे । द्वीपिन्नभीप्सितं भुंक्ष्व मांसमुद्धृत्य सादरः

taṃ tathāvidhamālokya sā vaktumupacakrame dvīpinnabhīpsitaṃ bhuṃkṣva māṃsamuddhṛtya sādaraḥ

Seeing him thus transformed, she began to speak: 'O leopard, take my flesh and eat what you desire, with due honor.'

Verse 37 (padma.6.176.37)

नेयं भवति ते बुद्धिः कथं वैरमतिं त्यजः । इत्याकर्ण्य तदा वाक्यं प्राह द्वीपी विमत्सरः

neyaṃ bhavati te buddhiḥ kathaṃ vairamatiṃ tyajaḥ ityākarṇya tadā vākyaṃ prāha dvīpī vimatsaraḥ

'How is it that your mind is now free of this thought -- how have you abandoned your hostile intent?' Hearing these words, the leopard, now free of enmity, said:

Verse 38 (padma.6.176.38)

स्थानेऽस्मिन्मे गतो द्वेषः क्षुत्पिपासा च निर्ययौ । न प्रार्थयामि तेन त्वां समीपे समुपस्थिताम्

sthāne'sminme gato dveṣaḥ kṣutpipāsā ca niryayau na prārthayāmi tena tvāṃ samīpe samupasthitām

'At this very spot my hatred has departed, and my hunger and thirst have both left me. Therefore I do not desire you, though you stand right here beside me.'

Verse 39 (padma.6.176.39)

सैवमुक्ता पुनः प्राह जाताहं निर्भया कथम् । किमत्र कारणं वेत्सि यदि मे वक्तुमर्हसि

saivamuktā punaḥ prāha jātāhaṃ nirbhayā katham kimatra kāraṇaṃ vetsi yadi me vaktumarhasi

Thus addressed, she said again: 'How have I become fearless? If you know the cause of this, you should tell it to me.'

Verse 40 (padma.6.176.40)

एवमुक्तः पुनर्द्वीपी तामाहाजां न वेद्म्यहम् । पुरोगतमिमं प्रष्टुं महांतमिति निर्गतौ

evamuktaḥ punardvīpī tāmāhājāṃ na vedmyaham purogatamimaṃ praṣṭuṃ mahāṃtamiti nirgatau

Thus addressed again, the leopard said to the goat: 'I do not know it myself.' Both of them then set out to ask this great sage standing before them.

Verse 41 (padma.6.176.41)

ताभ्यामुभाभ्यामागत्य पृष्टोऽहं बहुविस्मयः । अहं च सहितस्ताभ्यामपृच्छं वानरेश्वरम्

tābhyāmubhābhyāmāgatya pṛṣṭo'haṃ bahuvismayaḥ ahaṃ ca sahitastābhyāmapṛcchaṃ vānareśvaram

Coming to me together, I was questioned by both of them, filled with great astonishment; and I, together with them, then asked a lord of monkeys nearby.

Verse 42 (padma.6.176.42)

मया पृष्टः स विप्रेदमब्रवीत्सादरं कपिः । शृणु वक्ष्याम्यजापाल वृत्तमत्र पुरातनम्

mayā pṛṣṭaḥ sa vipredamabravītsādaraṃ kapiḥ śṛṇu vakṣyāmyajāpāla vṛttamatra purātanam

Questioned by me, O brahmin, that monkey respectfully said this: 'Listen, O goat-herder, I shall tell you the ancient event connected with this place.'

Verse 43 (padma.6.176.43)

इदमायतनं पश्य पुरोवनगतं महत् । अत्र त्र्यंबकलिंगं हि द्रुहिणेन प्रतिष्ठितम्

idamāyatanaṃ paśya purovanagataṃ mahat atra tryaṃbakaliṃgaṃ hi druhiṇena pratiṣṭhitam

'Behold this great shrine, standing here at the edge of the forest. Here a linga of Tryambaka was established by Brahma himself.'

Verse 44 (padma.6.176.44)

सुकर्मानाम मेधावी पर्युपास्ते तपश्चरन् । वनपुष्पाण्यपाहृत्य सुरपूज्यं पुरोभवम्

sukarmānāma medhāvī paryupāste tapaścaran vanapuṣpāṇyapāhṛtya surapūjyaṃ purobhavam

'A wise man named Sukarma used to worship here, practicing austerity, gathering forest-flowers and offering them to that god, worshipped even by the gods, standing at the forest's edge.'

Verse 45 (padma.6.176.45)

संस्नाप्य सरिदंभोभिः केवलं कर्मणा वसन् । काले महति तस्यागादतिथिः कश्चिदंतिकम्

saṃsnāpya saridaṃbhobhiḥ kevalaṃ karmaṇā vasan kāle mahati tasyāgādatithiḥ kaścidaṃtikam

'Bathing the linga with the waters of the river, living purely by the performance of ritual action alone -- after a long time, a certain guest once came to him.'

Verse 46 (padma.6.176.46)

उपाहृत्य फलाहारं स तस्मै पर्यकल्पयत् । तेनातिथ्येन संप्रीतः सुकर्माणमभाषत

upāhṛtya phalāhāraṃ sa tasmai paryakalpayat tenātithyena saṃprītaḥ sukarmāṇamabhāṣata

'He brought fruit for food and offered it to him; and, pleased by that hospitality, the guest spoke to Sukarma:'

Verse 47 (padma.6.176.47)

किमिदं कर्मणो मूलं फलं भुक्त्वा तु तिष्ठसि । गतानुगतया वृत्त्या किं वा केवलमीहसे

kimidaṃ karmaṇo mūlaṃ phalaṃ bhuktvā tu tiṣṭhasi gatānugatayā vṛttyā kiṃ vā kevalamīhase

'What is the root purpose of this action of yours? Do you remain here merely enjoying its fruit, or do you strive for it merely out of habit, following what has gone before?'

Verse 48 (padma.6.176.48)

स एवमुक्तः प्रायेण प्रीतेनात्मविदा तदा । प्रत्युवाच वचः स्पष्टमात्मनो हितमुत्तमम्

sa evamuktaḥ prāyeṇa prītenātmavidā tadā pratyuvāca vacaḥ spaṣṭamātmano hitamuttamam

'Thus addressed, that mostly pleased knower of the Self then replied with clear words, spoken for his own highest good:'

Verse 49 (padma.6.176.49)

विद्वन्न वेद्मि तत्वेन फलमेतस्य कर्मणः । बुभुत्सया परः शंभुः सेव्यते केवलं यया

vidvanna vedmi tatvena phalametasya karmaṇaḥ bubhutsayā paraḥ śaṃbhuḥ sevyate kevalaṃ yayā

'O learned one, I do not truly know the fruit of this action; supreme Shambhu is served by me only out of a longing to know the truth.'

Verse 50 (padma.6.176.50)

फलमेतस्य सेवायाः परिपाकं कपर्दिनः । यन्मांसमनुगृह्णासि संस्पृश्यात्ममनोरथम्

phalametasya sevāyāḥ paripākaṃ kapardinaḥ yanmāṃsamanugṛhṇāsi saṃspṛśyātmamanoratham

'The fruit of this service is the full ripening of the matted-haired Lord's grace -- as when you graciously accept this offering, thereby touching my own heart's desire.'

Verse 51 (padma.6.176.51)

तस्यैवं सूनृतं वाक्यं श्रुत्वा प्रीतस्तपोधनः । द्वितीयमालिलेखाऽसौ गीताध्यायं शिलातले

tasyaivaṃ sūnṛtaṃ vākyaṃ śrutvā prītastapodhanaḥ dvitīyamālilekhā'sau gītādhyāyaṃ śilātale

Hearing his such kind and honest words, that guest, rich in austerity, pleased, then inscribed the second chapter of the Gita upon a rock,

Verse 52 (padma.6.176.52)

आदिदेशाशु तं विप्रं पठनाभ्यसनाय च । फलिष्यत्यात्मनः स्वैरं परितस्ते मनोरथः

ādideśāśu taṃ vipraṃ paṭhanābhyasanāya ca phaliṣyatyātmanaḥ svairaṃ paritaste manorathaḥ

and quickly instructed that brahmin to read and practice it: 'Your own heart's desire shall bear fruit for you freely, in every way.'

Verse 53 (padma.6.176.53)

इत्युक्त्वांतर्दधे धीमान्पुरतस्तस्य पश्यतः । विस्मितस्तस्य चादेशात्सोऽन्वतिष्ठदनारतम्

ityuktvāṃtardadhe dhīmānpuratastasya paśyataḥ vismitastasya cādeśātso'nvatiṣṭhadanāratam

Having said this, that wise one vanished before his very eyes; and Sukarma, astonished, then followed his instruction without ceasing.

Verse 54 (padma.6.176.54)

ततः कालेन महता भावितात्मा प्रसन्नधीः । यत्रयत्र चचारासौ शांतं तत्तत्तपोवनम्

tataḥ kālena mahatā bhāvitātmā prasannadhīḥ yatrayatra cacārāsau śāṃtaṃ tattattapovanam

Then, after a very long time, his soul purified, his mind serene, wherever he wandered, that place at once became a peaceful grove of penance.

Verse 55 (padma.6.176.55)

न द्वंद्वबाधा नैव क्षुत्पिपासा न च वा भयम् । तपसा तस्य जानीहि द्वितीयाध्यायजापिनः

na dvaṃdvabādhā naiva kṣutpipāsā na ca vā bhayam tapasā tasya jānīhi dvitīyādhyāyajāpinaḥ

No affliction of opposites, no hunger or thirst, no fear whatsoever -- know that this came through the austerity of one who recited that second chapter.

Verse 56 (padma.6.176.56)

मित्रवानुवाच। एवमुक्तश्च तेनाऽहं ख्यापयित्वा परां कथाम् । अनुज्ञातप्रसंनेन च्छागीव्याघ्रयुतोगमम्

mitravānuvāca evamuktaśca tenā'haṃ khyāpayitvā parāṃ kathām anujñātaprasaṃnena cchāgīvyāghrayutogamam

Mitravan said: Thus told this same, most excellent tale by him, I, permitted by that pleased sage, went, together with the goat and the leopard,

Verse 57 (padma.6.176.57)

गत्वा शिलातले पश्यमध्यायं लिखितं पठेत् । तस्यैवावर्त्तनादाप्तं तपसः पारमुत्तमम्

gatvā śilātale paśyamadhyāyaṃ likhitaṃ paṭhet tasyaivāvarttanādāptaṃ tapasaḥ pāramuttamam

and, going there, beheld the chapter written upon the rock, and read it; and by the mere repetition of it, I attained the utmost summit of austerity.

Verse 58 (padma.6.176.58)

तेन त्वमपि कल्याण नित्यमाहर्तुमर्हसि । अध्यायं तेन ते मुक्तिरदूरस्था भविष्यति

tena tvamapi kalyāṇa nityamāhartumarhasi adhyāyaṃ tena te muktiradūrasthā bhaviṣyati

Therefore you too, O blessed one, should constantly perform the recitation of this same chapter; by it, liberation shall not remain far from you.

Verse 59 (padma.6.176.59)

देवशर्मा समादिष्टस्तेन मित्रवता स्वयम् । अभ्यर्च्य प्रणतो भूत्वा पुरंदरपुरं ययौ

devaśarmā samādiṣṭastena mitravatā svayam abhyarcya praṇato bhūtvā puraṃdarapuraṃ yayau

Thus instructed by Mitravan himself, Devasharma, having worshipped him and bowed before him, went to the city of Purandara,

Verse 60 (padma.6.176.60)

तत्रात्मविदमासाद्य देवतायतने क्वचित् । वृत्तमेतन्निवेद्यादावध्यायमपठत्ततः

tatrātmavidamāsādya devatāyatane kvacit vṛttametannivedyādāvadhyāyamapaṭhattataḥ

and there, having found a knower of the Self at a certain temple, and having related this whole account to him, he then read the chapter, from the very beginning.

Verse 61 (padma.6.176.61)

शिक्षितस्तेन पूतात्मा पठन्नध्यायमादरात् । द्वितीयमाससादोच्चैर्निरवद्यं परं पदम्

śikṣitastena pūtātmā paṭhannadhyāyamādarāt dvitīyamāsasādoccairniravadyaṃ paraṃ padam

Instructed by him, his soul purified, reading that second chapter with reverence, he attained on high the flawless, supreme state.

Verse 62 (padma.6.176.62)

द्वितीयस्येदमाख्यानं कथितं शृणु सांप्रतम् । तृतीयस्याथ वक्ष्यामि माहात्म्यमपि चेंदिरे

dvitīyasyedamākhyānaṃ kathitaṃ śṛṇu sāṃpratam tṛtīyasyātha vakṣyāmi māhātmyamapi ceṃdire

Thus has this account of the second chapter been told; now hear what follows. I shall now tell, O Indira, the glory of the third chapter as well.