The Glory of the Gita's Third Chapter: Jada the Thief and Yama's Hymn to Vishnu

Verse 1 (padma.6.177.1)

श्रीभगवानुवाच। जनस्थाने जडो नाम द्विजन्मा कौशिकान्वयी । हित्वा जात्युचितं धर्मं वणिग्वृत्त्यां मनो दधे

śrībhagavānuvāca janasthāne jaḍo nāma dvijanmā kauśikānvayī hitvā jātyucitaṃ dharmaṃ vaṇigvṛttyāṃ mano dadhe

The Blessed Lord said: In Janasthana there lived a twice-born man named Jada, of the lineage of Kaushika, who, abandoning the dharma proper to his birth, set his mind upon the trade of a merchant.

Verse 2 (padma.6.177.2)

व्यसनी परदारेषु दीव्यन्नक्षैः पिबन्मधु । मृगया निरतो नित्यं कालमेवं निनाय सः

vyasanī paradāreṣu dīvyannakṣaiḥ pibanmadhu mṛgayā nirato nityaṃ kālamevaṃ nināya saḥ

Addicted to other men's wives, gambling with dice, drinking liquor, ever devoted to the hunt -- thus he passed his time.

Verse 3 (padma.6.177.3)

क्षीणे वित्ते ततो रात्रौ चौर्यामारब्धवांस्ततः । प्रतिपेदे धनं तेन यज्वनां यष्टुमर्थिनाम्

kṣīṇe vitte tato rātrau cauryāmārabdhavāṃstataḥ pratipede dhanaṃ tena yajvanāṃ yaṣṭumarthinām

When his wealth was exhausted, he then took up theft by night, and by this means obtained wealth from sacrificers wishing to perform sacrifices.

Verse 4 (padma.6.177.4)

स दूरमगमत्तेन वाणिज्यायोत्तरां दिशम् । कस्तूरिमगुरुं कृष्णं चामरांश्चंद्रिकोज्ज्वलान्

sa dūramagamattena vāṇijyāyottarāṃ diśam kastūrimaguruṃ kṛṣṇaṃ cāmarāṃścaṃdrikojjvalān

With that wealth he traveled far into the northern region for trade, obtaining musk, black aloewood, and chowries bright as moonlight,

Verse 5 (padma.6.177.5)

गृहीत्वा वृत्य चानिन्ये पंचषादध्वयोजनात् । अथापरस्मिन्नहनि प्रियादर्शनदोहनि

gṛhītvā vṛtya cāninye paṃcaṣādadhvayojanāt athāparasminnahani priyādarśanadohani

and, having gathered them, was bringing them back some five or six yojanas along the road. Then, on a certain day, one that promised the sight of loved ones,

Verse 6 (padma.6.177.6)

दूरमध्वानमुल्लंघ्य रवावस्तमिते सति । ध्वांते प्रसर्पति स्वैरं दिशो दश तरोस्तले

dūramadhvānamullaṃghya ravāvastamite sati dhvāṃte prasarpati svairaṃ diśo daśa tarostale

having crossed a long stretch of road, and with the sun having set, and darkness freely spreading in every direction, at the foot of a tree

Verse 7 (padma.6.177.7)

गतो वशं सदस्यूनां निजघ्ने तैश्च सत्वरम् । धर्मलोपादसौ जज्ञे घोरश्चोग्रतरो ग्रहः

gato vaśaṃ sadasyūnāṃ nijaghne taiśca satvaram dharmalopādasau jajñe ghoraścogrataro grahaḥ

he fell into the power of bandits present there, and was quickly slain by them. Through his lapse from dharma he then became a terrible and most fierce demon,

Verse 8 (padma.6.177.8)

पिपासितो बुभुक्षार्तो लेलिहानश्च सृक्किणी । उर्ध्वकेशोऽतिजंघालुः पृष्टलग्नोदरो महत्

pipāsito bubhukṣārto lelihānaśca sṛkkiṇī urdhvakeśo'tijaṃghāluḥ pṛṣṭalagnodaro mahat

tormented by thirst, afflicted with hunger, ever licking the corners of his mouth, his hair standing on end, his legs excessively long, his great belly clinging to his very spine,

Verse 9 (padma.6.177.9)

अस्थिमात्रशरीरोऽभूद्दुर्वृत्तनयनो भृशम् । अत्रांतरे सुतस्तस्य धर्मात्मा वेदकोविदः

asthimātraśarīro'bhūddurvṛttanayano bhṛśam atrāṃtare sutastasya dharmātmā vedakovidaḥ

his body reduced to mere bones, his eyes exceedingly wild in appearance. Meanwhile his own son, a righteous man learned in the Veda,

Verse 10 (padma.6.177.10)

पर्यपालयदत्यर्थं दिदृक्षुस्तं तदागमत् । नित्यमन्वेषयन्वार्त्तां पांथेभ्यो नोपलब्धवान्

paryapālayadatyarthaṃ didṛkṣustaṃ tadāgamat nityamanveṣayanvārttāṃ pāṃthebhyo nopalabdhavān

waited for him with great longing, eager to see him; but though he constantly sought news of him from travelers, he could get none.

Verse 11 (padma.6.177.11)

ततः कदाचिदायाते सहायिनि च मानवे । तस्माद्विदितवृत्तांतः शुशोच पितरं बहु

tataḥ kadācidāyāte sahāyini ca mānave tasmādviditavṛttāṃtaḥ śuśoca pitaraṃ bahu

Then, once, when a companion of his father returned, he learned the whole account from him, and grieved greatly for his father.

Verse 12 (padma.6.177.12)

ततो विमृश्य मेधावी चिकीर्षुः पारलौकिकम् । वाराणसीं ससंभारः स गंतुमुपचक्रमे

tato vimṛśya medhāvī cikīrṣuḥ pāralaukikam vārāṇasīṃ sasaṃbhāraḥ sa gaṃtumupacakrame

Then, having reflected, that wise son, wishing to perform the rites for the departed, set out with his provisions, intending to go to Varanasi.

Verse 13 (padma.6.177.13)

मार्गे निवासान्सप्ताष्टौ नीत्वा तस्य तरोस्तले । संध्यां प्रचक्रमे कर्तुं यत्रास्य निहतः पिता

mārge nivāsānsaptāṣṭau nītvā tasya tarostale saṃdhyāṃ pracakrame kartuṃ yatrāsya nihataḥ pitā

Having passed seven or eight nights of lodging along the way, he came, at the foot of that very tree where his father had been slain, to perform his evening rites.

Verse 14 (padma.6.177.14)

तत्राध्यायं स गीतानां तृतीयं संजजाप ह । ततो घोरस्वरस्तत्र व्योममध्ये परामृशत्

tatrādhyāyaṃ sa gītānāṃ tṛtīyaṃ saṃjajāpa ha tato ghorasvarastatra vyomamadhye parāmṛśat

There he recited the third chapter of the Gita. Then a terrible voice seized upon the middle of the sky above,

Verse 15 (padma.6.177.15)

ददर्श घोरमाकाशात्पतंतं पितरं ततः । विस्मयेन भयेनापि विकलीकृतचेतनः

dadarśa ghoramākāśātpataṃtaṃ pitaraṃ tataḥ vismayena bhayenāpi vikalīkṛtacetanaḥ

and he beheld his own terrible father falling from the sky; his mind became disordered both with wonder and with fear.

Verse 16 (padma.6.177.16)

तेजसा भूयसा व्याप्तमालुलोके पुरोऽम्बरे । किंकिणीकोटिसंकीर्णं तेजसा व्याप्तदिङ्मुखम्

tejasā bhūyasā vyāptamāluloke puro'mbare kiṃkiṇīkoṭisaṃkīrṇaṃ tejasā vyāptadiṅmukham

He then saw before him, in the sky, something pervaded by an immense splendor, crowded with millions of tinkling bells, filling every direction with its radiance --

Verse 17 (padma.6.177.17)

विमानमग्रतोऽपश्यद्दिव्यमध्यग्रचेतनः । तत्रापश्यत्समारूढं दिव्याभिः स्त्रीभिरावृतम्

vimānamagrato'paśyaddivyamadhyagracetanaḥ tatrāpaśyatsamārūḍhaṃ divyābhiḥ strībhirāvṛtam

in front of him, his mind fixed intently, he beheld a divine celestial chariot; and there, mounted upon it, surrounded by celestial women,

Verse 18 (padma.6.177.18)

संस्तूयमानं मुनिभिः पितरं पीतवाससम् । प्रणतस्तं समालोक्य युयुजे तेन चाशिषा

saṃstūyamānaṃ munibhiḥ pitaraṃ pītavāsasam praṇatastaṃ samālokya yuyuje tena cāśiṣā

praised by sages, he beheld his own father, now clad in yellow garments. Bowing before him and beholding him, he was joined with him and received his blessing.

Verse 19 (padma.6.177.19)

ततोऽपृच्छदिदं वृत्तं स च तस्मै न्यवेदयत् । दुस्त्यजात्कर्मणो वत्स वपुषो पुण्यकारणात्

tato'pṛcchadidaṃ vṛttaṃ sa ca tasmai nyavedayat dustyajātkarmaṇo vatsa vapuṣo puṇyakāraṇāt

He then asked him about this event, and his father related it to him: 'From the body so hard to relinquish, born of such action, my son, through your own meritorious act,'

Verse 20 (padma.6.177.20)

मोचितोऽस्मि त्वया दैवादध्यायं जपतांतिके । तन्निवर्त्तस्व जपतः सांप्रतं त्वामुपस्थितम्

mocito'smi tvayā daivādadhyāyaṃ japatāṃtike tannivarttasva japataḥ sāṃprataṃ tvāmupasthitam

'I have been released, by fate, through your reciting this chapter close by. Therefore now stop your recitation -- I have come to you.'

Verse 21 (padma.6.177.21)

वाराणसीं यदर्थं यत्तदनुष्ठितमात्मनः । श्रीभगवानुवाच। एवमुक्तः स च प्राह पितरं दीप्ततेजसम्

vārāṇasīṃ yadarthaṃ yattadanuṣṭhitamātmanaḥ śrībhagavānuvāca evamuktaḥ sa ca prāha pitaraṃ dīptatejasam

'What you had set out to accomplish for my sake, going to Varanasi, has already been performed by yourself.' The Blessed Lord said: Thus addressed, the son spoke to his father, blazing with splendor:

Verse 22 (padma.6.177.22)

सुत उवाच। हितं ममानुशाधि त्वं कार्यमन्यन्मयानु किम् । श्रीभगवानुवाच। ततः प्राह पिता पुत्रं कार्यमेतत्त्वयानघ

suta uvāca hitaṃ mamānuśādhi tvaṃ kāryamanyanmayānu kim śrībhagavānuvāca tataḥ prāha pitā putraṃ kāryametattvayānagha

The son said: Instruct me now as to my own good -- what other duty remains for me to do? The Blessed Lord said: Then the father said to his son: 'This, O sinless one, is a task for you --'

Verse 23 (padma.6.177.23)

यन्मयाचरितं कर्म भ्रात्रा मम तु तत्कृतम् । स यातो नरकं घोरं तं मोचयितुमर्हसि

yanmayācaritaṃ karma bhrātrā mama tu tatkṛtam sa yāto narakaṃ ghoraṃ taṃ mocayitumarhasi

'-- the very deed that I once did was also done by my own brother; he has gone to a terrible hell -- you should release him.'

Verse 24 (padma.6.177.24)

अन्ये मदन्वये ये वै निरयं प्रतिपेदिरे । ते च मोचयितव्यास्ते इति मेऽस्ति मनोरथः

anye madanvaye ye vai nirayaṃ pratipedire te ca mocayitavyāste iti me'sti manorathaḥ

'And whatever others in my own lineage have likewise fallen into hell should also be released by you -- this is my heart's desire.'

Verse 25 (padma.6.177.25)

इत्येवमुक्तः पुत्रस्तं पुनः प्राह कृतांजलि । कर्मणा केन तान्सर्वान्मोचयामि तदादिश

ityevamuktaḥ putrastaṃ punaḥ prāha kṛtāṃjali karmaṇā kena tānsarvānmocayāmi tadādiśa

Thus addressed, the son, with joined palms, said to him again: 'By what act shall I release all of them? Please instruct me in this.'

Verse 26 (padma.6.177.26)

एवं निवेदितो वाक्यं पिता सुतमुवाच ह । पितोवाच। येनाहं मोचितो वत्स तदनुष्ठातुमर्हसि

evaṃ nivedito vākyaṃ pitā sutamuvāca ha pitovāca yenāhaṃ mocito vatsa tadanuṣṭhātumarhasi

Thus questioned, the father spoke this word to his son. The father said: 'That very act by which I was released, my son, is what you should perform.'

Verse 27 (padma.6.177.27)

अनुष्ठाय तदुत्पन्नं तेभ्यः पुण्यं समुत्सृज । ततोऽहमिव ते सर्वे पूर्वे संत्यज्य यातनाम्

anuṣṭhāya tadutpannaṃ tebhyaḥ puṇyaṃ samutsṛja tato'hamiva te sarve pūrve saṃtyajya yātanām

'Having performed it, dedicate the merit thereby produced to them. Then all those forefathers, like myself, having abandoned their torment,'

Verse 28 (padma.6.177.28)

गमिष्यंत्यचिरेणैव तद्विष्णोः परमं पदम् । स संदिष्टोवदत्पुत्रो यद्येवं तात नारकान्

gamiṣyaṃtyacireṇaiva tadviṣṇoḥ paramaṃ padam sa saṃdiṣṭovadatputro yadyevaṃ tāta nārakān

'-- shall go, without delay, to that supreme abode of Vishnu.' Thus instructed, the son said: 'If it is so, father, all who are in hell --'

Verse 29 (padma.6.177.29)

सर्वानपि विमोक्ष्यामि यदि ते रोचते वचः । एवमस्तु शिवं भूयादुपपन्नं महत्प्रियम्

sarvānapi vimokṣyāmi yadi te rocate vacaḥ evamastu śivaṃ bhūyādupapannaṃ mahatpriyam

'-- I shall release every one of them, if my word is pleasing to you.' 'So be it, may it be for the good; this is a great and welcome thing that has come to pass,'

Verse 30 (padma.6.177.30)

इत्यादिश्य पिता पुत्रं ययौ विष्णोः परं पदम् । सोऽपि तस्मात्परावृत्त्य जनस्थानं प्रपद्य च

ityādiśya pitā putraṃ yayau viṣṇoḥ paraṃ padam so'pi tasmātparāvṛttya janasthānaṃ prapadya ca

having thus instructed his son, the father went to the supreme abode of Vishnu. The son too, turning back from there, having reached Janasthana,

Verse 31 (padma.6.177.31)

सुंदरस्य पुरः शौरेश्चालये कालमभ्यगात् । स कुर्वाणोःसमादीनि पित्रा च यदुदीरितम्

suṃdarasya puraḥ śaureścālaye kālamabhyagāt sa kurvāṇoḥsamādīni pitrā ca yadudīritam

spent his time before a beautiful shrine of Shauri, Vishnu, performing purificatory rites and the like, that very thing his father had told him to do --

Verse 32 (padma.6.177.32)

उत्ससर्ज कृतं पुण्यं मोचयिष्यन्स नारकान् । अत्रांतरे पदे विष्णोर्यातनापदमीयुषः

utsasarja kṛtaṃ puṇyaṃ mocayiṣyansa nārakān atrāṃtare pade viṣṇoryātanāpadamīyuṣaḥ

he offered up the merit he had accumulated, so as to release those in hell. Meanwhile, at the abode of Vishnu, some, having reached the place of torment,

Verse 33 (padma.6.177.33)

नारकान्मोचयिष्यंतः किंकरा यममभ्ययुः । तेन ते पूजिताः सर्वे सत्क्रियाभिरनेकधा

nārakānmocayiṣyaṃtaḥ kiṃkarā yamamabhyayuḥ tena te pūjitāḥ sarve satkriyābhiranekadhā

found themselves being released from hell; and the messengers of Yama, seeing this, went to Yama himself. By him they were all honored with hospitable rites in many ways.

Verse 34 (padma.6.177.34)

कुशलं परिपृष्टास्ते सर्वतः सुखमूचिरे । एमं सत्कृत्य मेधावी पितृलोक महेश्वरः

kuśalaṃ paripṛṣṭāste sarvataḥ sukhamūcire emaṃ satkṛtya medhāvī pitṛloka maheśvaraḥ

Asked about their welfare, they replied that all was well, everywhere, in comfort. Having thus honored them, that wise lord of the world of the ancestors --

Verse 35 (padma.6.177.35)

हेतुमागमने पृच्छत्ते च तस्मै न्यवेदयन् । विद्धि कीनाशनाथ त्वं शेषपर्यंकशायिना

hetumāgamane pṛcchatte ca tasmai nyavedayan viddhi kīnāśanātha tvaṃ śeṣaparyaṃkaśāyinā

asked them the cause of their coming, and they related it to him: 'O lord of the departed, know that we have been sent to your presence by him who reclines upon the couch of Shesha,'

Verse 36 (padma.6.177.36)

शौरिणा प्रहितानस्मान्समादेष्टुं त्वदंतिके । अस्मन्मुखेन देवस्त्वां कुशलं परिपृच्छति

śauriṇā prahitānasmānsamādeṣṭuṃ tvadaṃtike asmanmukhena devastvāṃ kuśalaṃ paripṛcchati

'-- that same Shauri, to give you instruction. Through our mouths, the god asks after your welfare;'

Verse 37 (padma.6.177.37)

नारकान्प्राणिनः सर्वान्विमोक्तुं च नियच्छति । इत्याकर्ण्य समादिष्टं विष्णोरमिततेजसः

nārakānprāṇinaḥ sarvānvimoktuṃ ca niyacchati ityākarṇya samādiṣṭaṃ viṣṇoramitatejasaḥ

'-- and he commands you to release all beings from hell.' Hearing this command from Vishnu of boundless splendor,

Verse 38 (padma.6.177.38)

न तेन मूर्ध्ना संभाव्य दध्यौ किंचन चेतसा । विमुक्तान्निरयात्सर्वांस्तान्विलोक्य मदोत्कटान्

na tena mūrdhnā saṃbhāvya dadhyau kiṃcana cetasā vimuktānnirayātsarvāṃstānvilokya madotkaṭān

Yama, without pondering it in his mind even for a moment, but honoring it with bowed head, released all of them from hell, seeing them overflowing with intoxicated joy;

Verse 39 (padma.6.177.39)

स तैरनुगतः सर्वैर्विष्णोरायतनं ततः । ययौ स वरयानेन यत्रास्ते दुग्धवारिधिः

sa tairanugataḥ sarvairviṣṇorāyatanaṃ tataḥ yayau sa varayānena yatrāste dugdhavāridhiḥ

and, followed by all of them, he then went, upon an excellent celestial chariot, to the very abode of Vishnu, where the ocean of milk lies.

Verse 40 (padma.6.177.40)

तदंत उदितानेकसूर्यकोटिसमप्रभम् । इंदीवरदलश्याममालुलोक जगद्गुरुम्

tadaṃta uditānekasūryakoṭisamaprabham iṃdīvaradalaśyāmamāluloka jagadgurum

At its edge he beheld the Guru of the universe, of a splendor equal to millions of risen suns, dark as the petal of a blue lotus,

Verse 41 (padma.6.177.41)

शय्याफणिफणारत्नमरीच्यामिश्रतेजसम् । विलोक्यमानमानंदनिर्भरं प्रीतमानसम्

śayyāphaṇiphaṇāratnamarīcyāmiśratejasam vilokyamānamānaṃdanirbharaṃ prītamānasam

his radiance mingled with the light of the jewels upon the hoods of the serpent that formed his couch; beholding him filled his mind with joy and overwhelming bliss;

Verse 42 (padma.6.177.42)

भावानुगैर्दृगालीकैः श्रिया प्रेम्णेक्षितं मुहुः । योगिभिः परितो जुष्टं ध्याननिष्पंदतारकैः

bhāvānugairdṛgālīkaiḥ śriyā premṇekṣitaṃ muhuḥ yogibhiḥ parito juṣṭaṃ dhyānaniṣpaṃdatārakaiḥ

gazed upon again and again by Shri with loving, unwavering eyes; surrounded and attended by yogis, their pupils motionless in deep meditation;

Verse 43 (padma.6.177.43)

स्तूयमानं महेंद्रेण पराजेतुं विरोधिनः। आम्नायवचसामंते ब्रह्मणो निःसृतैर्मुखात्

stūyamānaṃ maheṃdreṇa parājetuṃ virodhinaḥ āmnāyavacasāmaṃte brahmaṇo niḥsṛtairmukhāt

praised by great Indra, so that his adversaries might be vanquished; extolled at the culmination of the sacred scriptures, by words that had issued from the very mouth of Brahma,

Verse 44 (padma.6.177.44)

मूर्तिमद्भिर्वचोभिश्च गीयमानं गुणोत्करम् । संप्रीतं चाप्युदासीनमपि सर्वासु योनिषु

mūrtimadbhirvacobhiśca gīyamānaṃ guṇotkaram saṃprītaṃ cāpyudāsīnamapi sarvāsu yoniṣu

as though embodied; that mass of virtues, sung of by such words; ever affectionate, and yet indifferent, toward all forms of life,

Verse 45 (padma.6.177.45)

योगसंचितपुण्यानां यौगपद्येन जंतुषु । विलोकमानमात्मानमखिलं सचराचरम्

yogasaṃcitapuṇyānāṃ yaugapadyena jaṃtuṣu vilokamānamātmānamakhilaṃ sacarācaram

manifesting himself simultaneously among all creatures, according to the merit accumulated by them through yoga; beholding his own Self as the entire universe, moving and unmoving;

Verse 46 (padma.6.177.46)

आमोद्यन्नमालोकैरात्मानं दीप्तिपूरितैः । आबिभ्राणं वपुर्व्यापि द्योतितं भोगिनस्विषा

āmodyannamālokairātmānaṃ dīptipūritaiḥ ābibhrāṇaṃ vapurvyāpi dyotitaṃ bhoginasviṣā

delighting his own self with radiant glances filled with splendor; bearing an all-pervading form, illumined by the light of the serpent Shesha,

Verse 47 (padma.6.177.47)

इंदीवरदलश्यामं ज्योत्स्नयेव नभस्तलम् । विलोक्य तं स तुष्टाव धिया बहुलयानतः

iṃdīvaradalaśyāmaṃ jyotsnayeva nabhastalam vilokya taṃ sa tuṣṭāva dhiyā bahulayānataḥ

dark as the petal of a blue lotus, as the vault of heaven illumined by moonlight. Beholding him, Yama, with a mind humbled by manifold reverence, praised him:

Verse 48 (padma.6.177.48)

यम उवाच। नमः समस्तनिर्माणनिर्मलीभूतचेतसे । वद नोद्गीर्णवेदाय विश्वरूपाय वेधसे

yama uvāca namaḥ samastanirmāṇanirmalībhūtacetase vada nodgīrṇavedāya viśvarūpāya vedhase

Yama said: Salutations to you, whose consciousness has become utterly purified through creating the entire universe; who spoke forth the Vedas; who is of universal form; the Ordainer,

Verse 49 (padma.6.177.49)

बलवेगसुदुर्द्धर्ष दानवेंद्र मदद्रुहे । नमः स्थितौ च सत्वाय विश्वाधाराय विष्णवे

balavegasudurddharṣa dānaveṃdra madadruhe namaḥ sthitau ca satvāya viśvādhārāya viṣṇave

who crushed the pride of the danava lord, most difficult to assail in strength and speed; salutations to you, O Vishnu, who is the very essence of preservation, the support of the universe,

Verse 50 (padma.6.177.50)

नमः पातकसंघात जिष्णवेऽखिलदेहिनाम् । ईषदुन्मीलल्लालाटनेत्राग्निप्रभवार्चिषे

namaḥ pātakasaṃghāta jiṣṇave'khiladehinām īṣadunmīlallālāṭanetrāgniprabhavārciṣe

salutations to you, the conqueror of the very mass of sin belonging to all embodied beings; whose radiance arises from the fire of the eye upon your forehead, slightly opened;

Verse 51 (padma.6.177.51)

त्वं हि सर्वस्य लोकस्य गुरुरात्मा महेश्वरः । विसृज्य वैष्णवान्सर्वानतस्त्वमनुकंपसे

tvaṃ hi sarvasya lokasya gururātmā maheśvaraḥ visṛjya vaiṣṇavānsarvānatastvamanukaṃpase

you indeed are the guru and the Self of every world, the great Lord; having released all your Vaishnava devotees, you show them your compassion,

Verse 52 (padma.6.177.52)

व्यापयन्नखिलं लोकं मायया परिबृंहितम् । न तया परिभूतोऽसि न च तत्प्रभवैर्गुणैः

vyāpayannakhilaṃ lokaṃ māyayā paribṛṃhitam na tayā paribhūto'si na ca tatprabhavairguṇaiḥ

pervading the whole universe, amplified by your own maya; yet you are not overcome by it, nor by the qualities born of it,

Verse 53 (padma.6.177.53)

अंतरावर्तमानोऽपि न ताभ्यामभिभूयसे । दृशा विषयवर्तिन्या निग्रहीतमना अपि

aṃtarāvartamāno'pi na tābhyāmabhibhūyase dṛśā viṣayavartinyā nigrahītamanā api

though moving within it, you are not subdued by them; though your mind seems seized by the sight that dwells among sense-objects,

Verse 54 (padma.6.177.54)

तया फलाभिगामिन्या आत्मन्येवाभिलीयसे । न तवास्ति महिम्नोंतो यथा निरवधिः स्वयम्

tayā phalābhigāminyā ātmanyevābhilīyase na tavāsti mahimnoṃto yathā niravadhiḥ svayam

by that very act of pursuing fruits, you dissolve back only into your own Self. There is no end to your greatness, just as you yourself are without limit.

Verse 55 (padma.6.177.55)

मौनमेवात्रयुक्तं मे विषयोऽसि कथं गिराम् । इति स्तुत्वा ततो वाक्यमिदमाह कृतांजलि

maunamevātrayuktaṃ me viṣayo'si kathaṃ girām iti stutvā tato vākyamidamāha kṛtāṃjali

Silence alone befits me here -- how could you ever be the true object of my words? Having thus praised him, he then, with joined palms, spoke these further words:

Verse 56 (padma.6.177.56)

विनियोगादमी युक्ता देहिनो निर्गुणा मया । समादिश यदन्यन्मे कार्यमस्ति जगद्गुरो

viniyogādamī yuktā dehino nirguṇā mayā samādiśa yadanyanme kāryamasti jagadguro

'By your own command these embodied souls, devoid of qualities, have been dealt with by me. Command me further, O Guru of the universe, whatever other task remains for me.'

Verse 57 (padma.6.177.57)

इति विज्ञापितस्तेन तमाह मधुसूदनः । मेघगंभीरया वाचा सिंचन्निव सुधारसैः

iti vijñāpitastena tamāha madhusūdanaḥ meghagaṃbhīrayā vācā siṃcanniva sudhārasaiḥ

Thus addressed by him, Madhusudana spoke to him, in a voice deep as thunder, as though sprinkling him with the very nectar of immortality:

Verse 58 (padma.6.177.58)

पापादुद्धार्य ते लोको मया समयवर्तिना । त्वयि विन्यस्तभारोऽहं नानुशोचामि देहिनः

pāpāduddhārya te loko mayā samayavartinā tvayi vinyastabhāro'haṃ nānuśocāmi dehinaḥ

'The world has been delivered from sin by me, who abide within the bounds of time; having placed the burden upon you, I do not grieve for embodied beings.'

Verse 59 (padma.6.177.59)

तदाचर निजं कर्म प्रयाहि स्वं निकेतनम् । श्रीभगवानुवाच। इत्युक्त्वांतर्दधे देवः सोऽपि स्वपुरमाययौ

tadācara nijaṃ karma prayāhi svaṃ niketanam śrībhagavānuvāca ityuktvāṃtardadhe devaḥ so'pi svapuramāyayau

'Therefore perform your own proper duty, and return to your own abode.' The Blessed Lord said: Having said this, the god vanished; and Yama too returned to his own city.

Verse 60 (padma.6.177.60)

सोऽपि स्वजातिजान्सर्वान्निरयस्थाननेकशः । उद्धृत्य वरयानेन विष्णुलोकं ययौ स्वयम्

so'pi svajātijānsarvānnirayasthānanekaśaḥ uddhṛtya varayānena viṣṇulokaṃ yayau svayam

He too, the son, then lifted up all his kinsmen born of his own lineage, wherever they were in the many stations of hell, and, by an excellent celestial chariot, himself went to the world of Vishnu.