The Glory of the Gita's Thirteenth Chapter

Verse 1 (padma.6.187.1)

देव्युवाच। द्वादशाध्यायमाहात्म्यं भवता कथितं मम । ब्रूहि त्रयोदशाध्यायमाहात्म्यमतिसुंदरम्

devyuvāca dvādaśādhyāyamāhātmyaṁ bhavatā kathitaṁ mama brūhi trayodaśādhyāyamāhātmyamatisuṁdaram

The Goddess said: You have told me the glory of the twelfth chapter. Now tell the most beautiful glory of the thirteenth chapter.

Verse 2 (padma.6.187.2)

ईश्वर उवाच- शृणु त्रयोदशाध्यायमहिमांभोनिधिं शिवे । यदाकर्णनमात्रेण परां मुदमवाप्स्यसि

īśvara uvāca- śṛṇu trayodaśādhyāyamahimāṁbhonidhiṁ śive yadākarṇanamātreṇa parāṁ mudamavāpsyasi

Ishvara said: Listen, O Shiva, to the ocean of the greatness of the thirteenth chapter — merely by hearing it you shall attain supreme joy.

Verse 3 (padma.6.187.3)

अस्ति दक्षिणदिङ्मार्गे तुंगभद्रा महानदी । तत्तटे नगरं रम्यं नाम्ना हरिहरं पुरम्

asti dakṣiṇadiṅmārge tuṁgabhadrā mahānadī tattaṭe nagaraṁ ramyaṁ nāmnā hariharaṁ puram

In the southern direction there is the great river Tungabhadra; on its bank stands a charming city named Hariharapura.

Verse 4 (padma.6.187.4)

यत्राऽस्ते भगवान्देवि देवो हरिहरः स्वयम् । यस्य दर्शनमात्रेण परं कल्याणमाप्यते

yatrā'ste bhagavāndevi devo hariharaḥ svayam yasya darśanamātreṇa paraṁ kalyāṇamāpyate

There, O Goddess, the Lord Harihara himself dwells manifest; merely by beholding him one attains supreme welfare.

Verse 5 (padma.6.187.5)

तस्मिन्पुरे द्विजन्मासीद्धरिदीक्षितसंज्ञिकः । तपः स्वाध्यायनिरतो श्रोत्रियो वेदपारगः

tasminpure dvijanmāsīddharidīkṣitasaṁjñikaḥ tapaḥ svādhyāyanirato śrotriyo vedapāragaḥ

In that city there lived a brahmin named Haridikshita, devoted to austerity and Vedic study, learned in the scriptures and versed in the Vedas.

Verse 6 (padma.6.187.6)

दुराचारेति तस्यासीद्भार्या नाम्ना च कर्मणा । न सुष्वाप समं पत्या दुरालापा कदाचन

durācāreti tasyāsīdbhāryā nāmnā ca karmaṇā na suṣvāpa samaṁ patyā durālāpā kadācana

His wife was named Duracara — 'ill-conduct' — both in name and in deed; harsh of speech, she never once slept beside her husband.

Verse 7 (padma.6.187.7)

क्षणमप्यात्मसदने न चास्ते स्वैरचारिणी । कंठदघ्नं द्विजद्वारे धयंती वारुणीरसम्

kṣaṇamapyātmasadane na cāste svairacāriṇī kaṁṭhadaghnaṁ dvijadvāre dhayaṁtī vāruṇīrasam

Wayward, she would not stay in her own home even for a moment; drinking wine up to her throat at the brahmins' doors—

Verse 8 (padma.6.187.8)

पतिसंबधिनः सर्वान्तर्जयंती पुनः पुनः । विटैः सह सदोन्मत्ता रममाणा निरंतरम्

patisaṁbadhinaḥ sarvāntarjayaṁtī punaḥ punaḥ viṭaiḥ saha sadonmattā ramamāṇā niraṁtaram

—she would repeatedly berate all her husband's relatives, always intoxicated, ceaselessly consorting with libertines.

Verse 9 (padma.6.187.9)

कदचिद्व्याकुलं दृष्ट्वा पुरं पौरैरितस्ततः । संकेतगेहमकरोत्कांतारे निर्जने स्वयम्

kadacidvyākulaṁ dṛṣṭvā puraṁ paurairitastataḥ saṁketagehamakarotkāṁtāre nirjane svayam

Once, seeing the city thrown into an uproar by the townsfolk over her conduct, she herself set up a secret rendezvous-house in a lonely forest.

Verse 10 (padma.6.187.10)

अथ तत्रैव सा धूर्ता रममाणा विटैः सह । निनाय सा बहून्कालान्निजयौवनगर्विता

atha tatraiva sā dhūrtā ramamāṇā viṭaiḥ saha nināya sā bahūnkālānnijayauvanagarvitā

There, that cunning woman, proud of her youth, spent much time in dalliance with her paramours.

Verse 11 (padma.6.187.11)

अथ तस्मिन्पुरे रम्ये निवसंत्या निरंकुशम् । वसंतकालं समभूत्परं चित्ते भुवः सखा

atha tasminpure ramye nivasaṁtyā niraṁkuśam vasaṁtakālaṁ samabhūtparaṁ citte bhuvaḥ sakhā

As she lived thus unrestrained in that lovely city, the season of spring — friend to all the earth — supremely arrived.

Verse 12 (padma.6.187.12)

आमूलपल्लवाकीर्णं सहकारविकारिणा । पिकानां पंचमालापैः पुनः स जीवितः स्मरः

āmūlapallavākīrṇaṁ sahakāravikāriṇā pikānāṁ paṁcamālāpaiḥ punaḥ sa jīvitaḥ smaraḥ

With mango trees bursting into blossom from root to leaf, and the fifth-note calls of cuckoos, the god of love seemed to live again.

Verse 13 (padma.6.187.13)

स्फुरच्चंपकसौरभ्यहारकैर्मलयानिलैः । मंदं मंदं प्रसर्पद्भिरांदोलितवनद्रुमः

sphuraccaṁpakasaurabhyahārakairmalayānilaiḥ maṁdaṁ maṁdaṁ prasarpadbhirāṁdolitavanadrumaḥ

Breezes from the Malaya mountain, carrying off the fragrance of blooming champak, moved slowly and swayed the forest trees.

Verse 14 (padma.6.187.14)

उत्फुल्लमल्लिकामोद मदिरापारणावताम् । अलीनां कलटंकारैः समंताद्रावशोभितः

utphullamallikāmoda madirāpāraṇāvatām alīnāṁ kalaṭaṁkāraiḥ samaṁtādrāvaśobhitaḥ

The forest was graced all around with the sweet murmur of bees, drunk on the fragrance of blooming jasmine.

Verse 15 (padma.6.187.15)

प्रसन्नचारुभिः स्मेरः सरोवरसुगंधिभिः । मीलन्मरालनिवहैः सरोभिः प्रकटीकृतः

prasannacārubhiḥ smeraḥ sarovarasugaṁdhibhiḥ mīlanmarālanivahaiḥ sarobhiḥ prakaṭīkṛtaḥ

It was made manifest by clear, lovely, fragrant lakes, smiling as it were, with flocks of swans gathering upon them.

Verse 16 (padma.6.187.16)

घनच्छायासुखासीन हरिणार्भकधारिभिः । नीरंध्रपल्लवैर्नानाशाखिभिः शोभितावनिः

ghanacchāyāsukhāsīna hariṇārbhakadhāribhiḥ nīraṁdhrapallavairnānāśākhibhiḥ śobhitāvaniḥ

The earth was adorned with various trees, dense with unbroken foliage, beneath whose thick shade fawns sat comfortably.

Verse 17 (padma.6.187.17)

तस्मिन्वसंतसमये मुदिता साभिसारिका । अपश्यज्जगदानंददायिनीं चंद्रिकां निशि

tasminvasaṁtasamaye muditā sābhisārikā apaśyajjagadānaṁdadāyinīṁ caṁdrikāṁ niśi

In that season of spring, that joyful woman, a seeker of trysts, beheld at night the moonlight that gives joy to the world—

Verse 18 (padma.6.187.18)

चंचच्चकोरचंच्वग्रगलत्पीयूषसीकराम् । द्रवदिंदुशिलानिर्यत्सुधानिर्झरनिर्भराम्

caṁcaccakoracaṁcvagragalatpīyūṣasīkarām dravadiṁduśilāniryatsudhānirjharanirbharām

—dripping like nectar-drops from the tips of the restless chakora birds' beaks, brimming like a cascade of nectar streaming from the melting moonstone—

Verse 19 (padma.6.187.19)

विकाशिकुसुमक्रोडसांद्रीभूतकरोत्कराम् । उल्लासितपयोराशिकल्लोलालिंगितांबराम्

vikāśikusumakroḍasāṁdrībhūtakarotkarām ullāsitapayorāśikallolāliṁgitāṁbarām

—its dense rays gathered in the bosoms of blooming flowers, its light embracing the sky like the surging waves of a joyous ocean—

Verse 20 (padma.6.187.20)

मनोभवमहासिंहकुलटाकंठकर्तरीम् । घनांधकारसंदोहविदारणपटीयसीम्

manobhavamahāsiṁhakulaṭākaṁṭhakartarīm ghanāṁdhakārasaṁdohavidāraṇapaṭīyasīm

—a very shears at the throat of the great lion that is Love, expert in cleaving apart the dense mass of darkness—

Verse 21 (padma.6.187.21)

श्वेतीकृतसतीकारपरार्थहिमगर्भिणीम् । म्लानपंकजसंकोचा द्यूनामानंददायिनीम्

śvetīkṛtasatīkāraparārthahimagarbhiṇīm mlānapaṁkajasaṁkocā dyūnāmānaṁdadāyinīm

—whitening all things, pregnant with coolness for the sake of others, closing the withered lotus, yet giver of joy to those who love the dice—

Verse 22 (padma.6.187.22)

चक्रवाकवधूवक्त्र करुणाक्रोशसाक्षिणीम् । मुक्ताश्रेणीविशुद्धांशु प्रभासितदिगंतराम्

cakravākavadhūvaktra karuṇākrośasākṣiṇīm muktāśreṇīviśuddhāṁśu prabhāsitadigaṁtarām

—witness to the pitiful cries from the face of the chakravaka's mate, its rays pure as a string of pearls, illumining the far horizons.

Verse 23 (padma.6.187.23)

अथ तस्यां प्रभूतायां पूरयंत्या दिशो दश । कामांधा कामिनीजाता पथिसौधविहारिणी

atha tasyāṁ prabhūtāyāṁ pūrayaṁtyā diśo daśa kāmāṁdhā kāminījātā pathisaudhavihāriṇī

As that moonlight grew full, filling the ten directions, that woman, blinded by lust, roaming the roads and terraces—

Verse 24 (padma.6.187.24)

अपश्यंती विटान्रात्रौ निर्भिद्य भवनार्गलम् । ययौ संकेतभवनं निर्गत्य नगराद्बहिः

apaśyaṁtī viṭānrātrau nirbhidya bhavanārgalam yayau saṁketabhavanaṁ nirgatya nagarādbahiḥ

—not finding her paramours that night, broke through the bolt of her house and, going out of the city, went to the tryst-house.

Verse 25 (padma.6.187.25)

तत्र प्रियतमं कंचित्काममोहितमानसा । अन्वेषयंती नाद्राक्षीत्कुंजे कुंजे तरौ तरौ

tatra priyatamaṁ kaṁcitkāmamohitamānasā anveṣayaṁtī nādrākṣītkuṁje kuṁje tarau tarau

There, her mind deluded with desire, seeking some beloved man, she did not find him in bower after bower, tree after tree.

Verse 26 (padma.6.187.26)

आकर्णयंती कांतस्य मंदालापान्पदे पदे । अभियाति ततः क्रीडन्यत्र संहारिनिस्वनः

ākarṇayaṁtī kāṁtasya maṁdālāpānpade pade abhiyāti tataḥ krīḍanyatra saṁhārinisvanaḥ

Listening at every step for her lover's soft murmurs, she went toward wherever a rustling sound seemed to come from playfully.

Verse 27 (padma.6.187.27)

चक्रवाकरवान्श्रुत्वा कांतालापभ्रमादसौ । सरोवराणि सर्वाणि पर्यटंती मुहुर्मुहुः

cakravākaravānśrutvā kāṁtālāpabhramādasau sarovarāṇi sarvāṇi paryaṭaṁtī muhurmuhuḥ

Hearing the cries of the chakravaka birds and mistaking them for her lover's murmurs, she wandered again and again around all the lakes.

Verse 28 (padma.6.187.28)

कांतभ्रांत्या तरुतले प्रसुप्तान्हरिणोत्करान् । प्रबोधयंती सोच्छ्वासमागतास्मीति भाषिणी

kāṁtabhrāṁtyā tarutale prasuptānhariṇotkarān prabodhayaṁtī socchvāsamāgatāsmīti bhāṣiṇī

Mistaking them for her lover, she woke the herds of deer sleeping beneath the trees, saying breathlessly, 'I have come!'

Verse 29 (padma.6.187.29)

आलिंगंती वनस्थाणुं जीवनेश्वरशंकया । तदाननभ्रमाद्भूयं चुंबंती विकचांबुजम्

āliṁgaṁtī vanasthāṇuṁ jīvaneśvaraśaṁkayā tadānanabhramādbhūyaṁ cuṁbaṁtī vikacāṁbujam

Suspecting a forest stump to be the lord of her life, she embraced it; and mistaking a blooming lotus for his face, she kissed it again and again—

Verse 30 (padma.6.187.30)

तत्रतत्र कृतव्यर्थश्रमादृष्टप्रियास्वयम् । विललाप वने तस्मिन्मूर्च्छती विविधोक्तिभिः । हा कांत हा गुणाक्रांत मच्चैतन्यस्य नायक

tatratatra kṛtavyarthaśramādṛṣṭapriyāsvayam vilalāpa vane tasminmūrcchatī vividhoktibhiḥ hā kāṁta hā guṇākrāṁta maccaitanyasya nāyaka

—having exhausted herself thus in vain here and there, and not finding her beloved, she wailed in that forest, swooning, crying out in many ways: 'Alas, my love! Alas, virtue-laden one, lord of my very consciousness—'

Verse 31 (padma.6.187.31)

हे मनोहरसौभाग्य भाग्यलावण्यशेवधे । हा पूर्णचंद्रवदन हा सरोजायतेक्षण

he manoharasaubhāgya bhāgyalāvaṇyaśevadhe hā pūrṇacaṁdravadana hā sarojāyatekṣaṇa

'—O treasure of charming fortune and beauty! Alas, full-moon-faced one! Alas, lotus-eyed one!'

Verse 32 (padma.6.187.32)

हा कांततत्वसौहित्य विश्रमाय सुरद्रुम । यदि कोपेन कुत्रापि गुह्यवेषोऽत्र तिष्ठसि

hā kāṁtatatvasauhitya viśramāya suradruma yadi kopena kutrāpi guhyaveṣo'tra tiṣṭhasi

'Alas, satisfaction of my very being, wish-fulfilling tree for my repose! If in anger you are hiding somewhere in disguise—'

Verse 33 (padma.6.187.33)

प्रसादयामि त्वां कांत दत्त्वा प्राणान्प्रियानपि। इत्युच्चैः सर्वतो दिक्षु विलपंत्या वियोगतः

prasādayāmi tvāṁ kāṁta dattvā prāṇānpriyānapi ityuccaiḥ sarvato dikṣu vilapaṁtyā viyogataḥ

'—I shall appease you, my love, even by giving up my very dear life-breaths.' Thus, wailing loudly in every direction out of separation—

Verse 34 (padma.6.187.34)

तस्याः श्रुत्वा वचः कोऽपि सुप्तो व्याघ्रः प्रबुद्धवान् । कुर्वन्घुरघुरध्वानं पश्यन्प्रतिदिशं रुषा

tasyāḥ śrutvā vacaḥ ko'pi supto vyāghraḥ prabuddhavān kurvanghuraghuradhvānaṁ paśyanpratidiśaṁ ruṣā

—hearing her words, a certain sleeping tiger awoke; making a growling sound, looking about in every direction with fury—

Verse 35 (padma.6.187.35)

आस्फालयन्नखैर्भूमिं गर्जन्नाकाशगह्वरम् । पृष्ठनिर्भग्नलांगूल द्रुतमुत्थाय वेगवान्

āsphālayannakhairbhūmiṁ garjannākāśagahvaram pṛṣṭhanirbhagnalāṁgūla drutamutthāya vegavān

—clawing the ground, roaring so as to fill the vault of the sky, its tail lashing against its back, it rose up swiftly and with great speed.

Verse 36 (padma.6.187.36)

गतो व्याघ्रः समुत्पत्य यत्रास्ते साभिसारिका । अथ सापि तमायांतमालोक्य पतिशंकया

gato vyāghraḥ samutpatya yatrāste sābhisārikā atha sāpi tamāyāṁtamālokya patiśaṁkayā

The tiger sprang up and went to where that woman stood. She too, seeing it approaching, mistaking it for her husband—

Verse 37 (padma.6.187.37)

निर्जगाम पुरः स्थातुं प्रेममनिर्भरमानसा । ततस्तस्यनखक्रीडाक्रूरतांधीकृता सती

nirjagāma puraḥ sthātuṁ premamanirbharamānasā tatastasyanakhakrīḍākrūratāṁdhīkṛtā satī

—came forward to meet it, her mind overflowing with love. Then, made aware of the cruelty in the play of its claws—

Verse 38 (padma.6.187.38)

जहौ प्रियवपुः शंकां श्रुत्वा गर्जितमूर्ज्जितम् । तथाविधापि सा नारी भ्रांतिमुत्सृज्यसत्वरम्

jahau priyavapuḥ śaṁkāṁ śrutvā garjitamūrjjitam tathāvidhāpi sā nārī bhrāṁtimutsṛjyasatvaram

—she abandoned her mistaken notion of the tiger being her beloved's body upon hearing its mighty roar. Even so, quickly casting off her delusion, that woman—

Verse 39 (padma.6.187.39)

व्याघ्रत्वं तु कुतो हेतोर्मां निहंतुमिहागतः । इदं सर्वं समाख्याहि यतस्त्वं हंतुमिच्छसि

vyāghratvaṁ tu kuto hetormāṁ nihaṁtumihāgataḥ idaṁ sarvaṁ samākhyāhi yatastvaṁ haṁtumicchasi

—(said): 'For what reason have you, in tiger-form, come here to kill me? Tell me all this, since you wish to kill me.'

Verse 40 (padma.6.187.40)

इति तस्या वचः श्रुत्वा शार्दूलश्चंडविक्रमः । क्षणं विहाय तद्ग्रासमुवाच प्रहसन्निव

iti tasyā vacaḥ śrutvā śārdūlaścaṁḍavikramaḥ kṣaṇaṁ vihāya tadgrāsamuvāca prahasanniva

Hearing her words, that tiger of fierce valor, for a moment setting aside its intent to devour her, spoke, as if smiling:

Verse 41 (padma.6.187.41)

मलापहा नदी नाम्ना देशे तिष्ठति दक्षिणे । नगरी मुनिपर्णेति तस्या रोधसि वर्तते

malāpahā nadī nāmnā deśe tiṣṭhati dakṣiṇe nagarī muniparṇeti tasyā rodhasi vartate

'In the southern land there is a river named Malapaha; on its bank stands a city called Muniparna.'

Verse 42 (padma.6.187.42)

तत्रास्ते भगवान्साक्षात्पंचलिंगो महेश्वरः । तस्यां पुर्यामहं विप्र पुत्रो भूत्वा स्थितस्ततः

tatrāste bhagavānsākṣātpaṁcaliṁgo maheśvaraḥ tasyāṁ puryāmahaṁ vipra putro bhūtvā sthitastataḥ

'There the Lord Maheshvara dwells manifest as Panchalinga. In that city, O brahmin lady, I lived, having been born as a brahmin's son—'

Verse 43 (padma.6.187.43)

अयाज्यान्याजयन्नश्नन्नेकोद्दिष्टे नदी तटे । वेदपाठफलं शश्वद्विक्रीणन्धनकांक्षया

ayājyānyājayannaśnannekoddiṣṭe nadī taṭe vedapāṭhaphalaṁ śaśvadvikrīṇandhanakāṁkṣayā

'—officiating at sacrifices for those unfit to sacrifice, eating funeral-rite food on the riverbank, constantly selling the fruit of Vedic recitation out of desire for wealth—'

Verse 44 (padma.6.187.44)

भिक्षुकानपरान्लोभात्तिरस्कुर्वन्दुरुक्तिभिः । अदेयद्रविणं गृह्णन्नदत्तमनिशं दिनम्

bhikṣukānaparānlobhāttiraskurvanduruktibhiḥ adeyadraviṇaṁ gṛhṇannadattamaniśaṁ dinam

'—scorning other mendicants out of greed with harsh words, taking wealth that ought not to be taken, and constantly, day after day, taking what was not given—'

Verse 45 (padma.6.187.45)

छलयन्सकलांल्लोकान्क्षणग्रहणकौतुकात् । ततः कतिपये काले जरठत्वमुपागतः

chalayansakalāṁllokānkṣaṇagrahaṇakautukāt tataḥ katipaye kāle jaraṭhatvamupāgataḥ

'—deceiving all people out of eagerness to seize money at every opportunity. Then, after some time, I reached old age—'

Verse 46 (padma.6.187.46)

वलीपलितवानंधः प्रपतन्प्रस्खलद्गतिः । पतद्दंतोभवं भूयः प्रतिग्रहपरायणः

valīpalitavānaṁdhaḥ prapatanpraskhaladgatiḥ pataddaṁtobhavaṁ bhūyaḥ pratigrahaparāyaṇaḥ

'—wrinkled, grey-haired, blind, stumbling and falling as I walked, my teeth falling out, yet still devoted to accepting gifts—'

Verse 47 (padma.6.187.47)

हस्ते गृहीत दर्भोऽहमगमं तीर्थसन्निधिम् । धनग्रहणलोभेन भ्रमन्पर्वसु पर्वसु

haste gṛhīta darbho'hamagamaṁ tīrthasannidhim dhanagrahaṇalobhena bhramanparvasu parvasu

'—with kusha grass in hand, I would go to the vicinity of sacred fords, wandering from festival to festival out of greed for money.'

Verse 48 (padma.6.187.48)

ततोऽहं शिथिलांगः सन्कंचिद्भूनिर्जरालयम् । गतवान्याचितं भोक्तुं दष्टो मध्ये पदे शुना

tato'haṁ śithilāṁgaḥ sankaṁcidbhūnirjarālayam gatavānyācitaṁ bhoktuṁ daṣṭo madhye pade śunā

'Then, my limbs grown feeble, I went to some temple to beg for food to eat; on the way I was bitten by a dog—'

Verse 49 (padma.6.187.49)

अपतं मूर्छितो भूत्वा ततः क्षितितले क्षणात् । ततोऽहं गलितप्राणो व्याघ्रयोनिमुपागतः

apataṁ mūrchito bhūtvā tataḥ kṣititale kṣaṇāt tato'haṁ galitaprāṇo vyāghrayonimupāgataḥ

'—and I fell, swooning, to the ground at once; my life then slipping away, I attained the womb of a tiger.'

Verse 50 (padma.6.187.50)

अत्र तिष्ठामि कांतारे पूर्वपापमनुस्मरन् । न भक्षयामि धर्मिष्ठान्मुनीन्साधुजनान्सतीः

atra tiṣṭhāmi kāṁtāre pūrvapāpamanusmaran na bhakṣayāmi dharmiṣṭhānmunīnsādhujanānsatīḥ

'Here I remain in this forest, remembering my former sin. I do not devour the righteous, sages, holy men, or chaste women—'

Verse 51 (padma.6.187.51)

किंतु पापान्दुराचारनसतीर्भक्षयाम्यहम् । अतोऽसतित्वं तत्वेन ममैव कवलायसे

kiṁtu pāpāndurācāranasatīrbhakṣayāmyaham ato'satitvaṁ tatvena mamaiva kavalāyase

'—but I do devour the sinful, the wicked, and the unchaste. Therefore, since you are truly unchaste, you are indeed my proper morsel.'

Verse 52 (padma.6.187.52)

इत्युक्त्वा स्वैर्नखैः कूरैस्तां विभज्यांगखंडशः । अथतां भक्षितां तेन पापदेहमुपाश्रिताम्

ityuktvā svairnakhaiḥ kūraistāṁ vibhajyāṁgakhaṁḍaśaḥ athatāṁ bhakṣitāṁ tena pāpadehamupāśritām

Having said this, with its cruel claws it tore her limb from limb; and thus devoured, that woman, her body steeped in sin—

Verse 53 (padma.6.187.53)

यमस्य किंकरा निन्युः सद्यः संयमनीं पुरीम् । यमादेशेन तत्रापि पातयामासुराशु ताम्

yamasya kiṁkarā ninyuḥ sadyaḥ saṁyamanīṁ purīm yamādeśena tatrāpi pātayāmāsurāśu tām

—was immediately led away by Yama's servants to the city of Samyamani; and there, by Yama's command, they at once cast her down—

Verse 54 (padma.6.187.54)

विण्मूत्ररक्तपूर्णेषु घोरकुंडेष्वनेकधा । कल्पकोटिषु पीतासु तस्मादानीय तां मुहुः

viṇmūtraraktapūrṇeṣu ghorakuṁḍeṣvanekadhā kalpakoṭiṣu pītāsu tasmādānīya tāṁ muhuḥ

—into terrible pits filled with excrement, urine, and blood, in many ways, made to drink for tens of millions of kalpas; then, having drawn her forth from there again—

Verse 55 (padma.6.187.55)

रौरवे स्थापयामासुर्मन्वंतरशतावधि । ततोप्याकृष्य तां दीनां रुदतीं सर्वतोमुखीम्

raurave sthāpayāmāsurmanvaṁtaraśatāvadhi tatopyākṛṣya tāṁ dīnāṁ rudatīṁ sarvatomukhīm

—they placed her in the Raurava hell for a hundred Manvantaras; and then, dragging out that wretched woman, weeping and crying out on every side—

Verse 56 (padma.6.187.56)

मुक्तकेशां भग्नगात्रां चिक्षिपुर्दहनानने । एवं पापपरां घोरां भुक्त्वा नरकयातनाम्

muktakeśāṁ bhagnagātrāṁ cikṣipurdahanānane evaṁ pāpaparāṁ ghorāṁ bhuktvā narakayātanām

—her hair disheveled, her body broken, they cast her into the mouth of fire. Having thus, wholly given to sin, endured that terrible torment of hell—

Verse 57 (padma.6.187.57)

इह जाता महापापात्पुनः श्वपचयोनिषु । ततः श्वपचगेहेऽपि वर्द्धमाना दिनेदिने

iha jātā mahāpāpātpunaḥ śvapacayoniṣu tataḥ śvapacagehe'pi varddhamānā dinedine

—she was born here again, because of her great sin, in the wombs of outcaste dog-cookers; and growing up day by day even in that outcaste household—

Verse 58 (padma.6.187.58)

पूर्वजन्मवशेनैव तथैवासीद्यथा पुरा । ततः कतिपये काले पुनः स्वंभवनंययौ

pūrvajanmavaśenaiva tathaivāsīdyathā purā tataḥ katipaye kāle punaḥ svaṁbhavanaṁyayau

—by the force of her former birth, she remained just as before in character. Then, after some time, she came again to that same place—

Verse 59 (padma.6.187.59)

यत्रास्ते जृंभकादेवी शिवस्यांतः पुरेश्वरी । तत्रापश्यद्द्विजन्मानं वासुदेवाभिधं शुचिम्

yatrāste jṛṁbhakādevī śivasyāṁtaḥ pureśvarī tatrāpaśyaddvijanmānaṁ vāsudevābhidhaṁ śucim

—where the goddess Jrimbhaka dwells, mistress of Shiva's inner sanctum; there she saw a pure-hearted brahmin named Vasudeva—

Verse 60 (padma.6.187.60)

गीतात्रयोदशाध्यायमुद्गिरंतमनारतम् । ततस्तच्छ्रवणादेव मुक्ता श्वपचविग्रहात्

gītātrayodaśādhyāyamudgiraṁtamanāratam tatastacchravaṇādeva muktā śvapacavigrahāt

—ceaselessly uttering forth the thirteenth chapter of the Gita. Then, by merely hearing it, she was freed from her outcaste body—

Verse 61 (padma.6.187.61)

दिव्यं देहं समासाद्य जगाम त्रिदशालयम्

divyaṁ dehaṁ samāsādya jagāma tridaśālayam

—and, attaining a divine body, she went to the abode of the gods.