The Glory of the Gita's Twelfth Chapter

Verse 1 (padma.6.186.1)

महादेव उवाच- अस्ति कोल्हापुरं नाम नगरं दक्षिणापथे । सुखानां सदनं साध्वि साधूनां सिद्धिसंभवम्

mahādeva uvāca- asti kolhāpuraṁ nāma nagaraṁ dakṣiṇāpathe sukhānāṁ sadanaṁ sādhvi sādhūnāṁ siddhisaṁbhavam

Mahadeva said: There is a city named Kolhapura in the southern land, O virtuous one, the abode of happiness and the very source of accomplishment for the saintly.

Verse 2 (padma.6.186.2)

परशक्तेः परंपीठं सर्वदेवनिषेवितम् । पुराणेषु प्रसिद्धं यद्भुक्तिमुक्तिफलप्रदम्

paraśakteḥ paraṁpīṭhaṁ sarvadevaniṣevitam purāṇeṣu prasiddhaṁ yadbhuktimuktiphalapradam

It is the supreme seat of the Supreme Shakti, served by all the gods; renowned in the Puranas, it grants the fruits of both worldly enjoyment and liberation.

Verse 3 (padma.6.186.3)

कोटिशस्तत्र तीर्थानि शिवलिंगानि कोटिशः । आस्ते रुद्रगया यत्र विशालं लोकविश्रुतम्

koṭiśastatra tīrthāni śivaliṁgāni koṭiśaḥ āste rudragayā yatra viśālaṁ lokaviśrutam

There are tens of millions of tirthas and tens of millions of Shiva-lingas there; there stands the vast and world-renowned Rudra-gaya.

Verse 4 (padma.6.186.4)

तुंगाचलमहावप्र गोपुरोल्लासितोरणम् । प्रासादशिखरे यत्र तुंगं च कनकध्वजम्

tuṁgācalamahāvapra gopurollāsitoraṇam prāsādaśikhare yatra tuṁgaṁ ca kanakadhvajam

With its lofty mountain-like ramparts, its gate-towers gleaming with festoons, and, atop its temple-spire, a tall golden banner—

Verse 5 (padma.6.186.5)

सोमकांतिमहासौधवलभीपंक्तिशोभितम् । जालरंध्रोद्गिरद्धूपधूमाऽमोदितदिक्तटम्

somakāṁtimahāsaudhavalabhīpaṁktiśobhitam jālaraṁdhrodgiraddhūpadhūmā'moditadiktaṭam

—adorned with rows of great mansions bright as moonlight, its horizons made fragrant by incense-smoke rising through lattice-windows—

Verse 6 (padma.6.186.6)

चलत्पताकविस्तीर्णच्छायं देवालयान्वितम् । चतुरैः सुंदरैः स्निग्धैः श्रीमद्भिः शुचिमानसैः

calatpatākavistīrṇacchāyaṁ devālayānvitam caturaiḥ suṁdaraiḥ snigdhaiḥ śrīmadbhiḥ śucimānasaiḥ

—filled with temples casting wide shade from fluttering banners, and inhabited by the clever, the handsome, the affectionate, the prosperous, and the pure-minded—

Verse 7 (padma.6.186.7)

अधिष्ठितं सदाचारैः पुरुषेर्भूरिभूषणैः । कुरंगनयनाश्चंद्रवदनाः कुटिलालकाः

adhiṣṭhitaṁ sadācāraiḥ puruṣerbhūribhūṣaṇaiḥ kuraṁganayanāścaṁdravadanāḥ kuṭilālakāḥ

—inhabited by men of good conduct, richly adorned, and by women with doe-like eyes, moon-faces, and curling locks—

Verse 8 (padma.6.186.8)

उत्फुल्लचंपकच्छायाः पीनतुंगपयोधराः । कृशमध्या निम्ननाभि वलित्रयविराजिताः

utphullacaṁpakacchāyāḥ pīnatuṁgapayodharāḥ kṛśamadhyā nimnanābhi valitrayavirājitāḥ

—with the hue of blooming champak flowers, full and high breasts, slender waists, deep navels, adorned with the triple fold at the waist—

Verse 9 (padma.6.186.9)

विशालजघनाश्चारुजंघा युग्मा वरांघ्रयः । वाचालमेखलादामनिक्वणन्मणिनूपुराः

viśālajaghanāścārujaṁghā yugmā varāṁghrayaḥ vācālamekhalādāmanikvaṇanmaṇinūpurāḥ

—broad-hipped, with lovely calves and beautiful feet, their jeweled anklets and girdle-strings tinkling musically—

Verse 10 (padma.6.186.10)

रणत्कंकणहस्ताब्ज स्फुरत्करज रश्मयः । वसंति प्रमदा यत्र मादयंत्यो मुनीनपि

raṇatkaṁkaṇahastābja sphuratkaraja raśmayaḥ vasaṁti pramadā yatra mādayaṁtyo munīnapi

—their lotus-hands ringing with bangles, their nails gleaming — such lovely women dwell there, enchanting even sages.

Verse 11 (padma.6.186.11)

समस्तवस्तुसंयुक्तं सर्वभोगसमन्वितम् । मंगलैः सकलैर्युक्तं महालक्ष्मीसमन्वितम्

samastavastusaṁyuktaṁ sarvabhogasamanvitam maṁgalaiḥ sakalairyuktaṁ mahālakṣmīsamanvitam

That city, possessed of every good thing, endowed with every enjoyment, filled with every auspiciousness, is the abode of Mahalakshmi.

Verse 12 (padma.6.186.12)

तत्रागच्छत्पुमान्कश्चिद्युवा गौरं सुलोचनः । कंबुकंठः पृथुस्कंधो महावक्षा महाभुजः

tatrāgacchatpumānkaścidyuvā gauraṁ sulocanaḥ kaṁbukaṁṭhaḥ pṛthuskaṁdho mahāvakṣā mahābhujaḥ

There came a certain young man, fair, beautiful-eyed, with a conch-shaped neck, broad shoulders, a great chest, and mighty arms.

Verse 13 (padma.6.186.13)

समस्तलक्षणोपेतो गोचरासक्तमानसः । प्रविश्य नगरं पश्यन्शोभां सौधेषु सर्वतः

samastalakṣaṇopeto gocarāsaktamānasaḥ praviśya nagaraṁ paśyanśobhāṁ saudheṣu sarvataḥ

Endowed with every auspicious mark, his mind fixed on his purpose, he entered the city, beholding the splendor everywhere in its mansions—

Verse 14 (padma.6.186.14)

उत्कंठितमना द्रष्टुं महालक्ष्मीं सुरेश्वरीम् । मणिकुंडे कृतः स्नानः संपन्न पितॄतर्पणः

utkaṁṭhitamanā draṣṭuṁ mahālakṣmīṁ sureśvarīm maṇikuṁḍe kṛtaḥ snānaḥ saṁpanna pitṝtarpaṇaḥ

—eager in mind to behold Mahalakshmi, mistress of the gods, he bathed in the jewel-tank and duly performed the ancestral offering—

Verse 15 (padma.6.186.15)

महालक्ष्मीं महामायां नत्वा तुष्टाव भक्तितः । जयत्यपारकरुणाशरण्या जगदंबिका

mahālakṣmīṁ mahāmāyāṁ natvā tuṣṭāva bhaktitaḥ jayatyapārakaruṇāśaraṇyā jagadaṁbikā

—bowing to Mahalakshmi, the great Maya, he praised her with devotion: 'Victory to the world-mother, refuge of boundless compassion for those who take shelter in her—'

Verse 16 (padma.6.186.16)

कुर्वाणा जगतो जन्म पालनं क्षपणं दृशा । यया शक्त्या कृतादिष्टः परमेष्ठी सृजत्यसौ

kurvāṇā jagato janma pālanaṁ kṣapaṇaṁ dṛśā yayā śaktyā kṛtādiṣṭaḥ parameṣṭhī sṛjatyasau

'—who by her mere glance brings about the world's birth, preservation, and dissolution; by whose power, thus commanded, Brahma creates—'

Verse 17 (padma.6.186.17)

अवष्टभ्य च तां शक्तिं पालयत्यच्युतो जगत् । यया शक्त्या कृतावेशः संहरत्यखिलं हरः

avaṣṭabhya ca tāṁ śaktiṁ pālayatyacyuto jagat yayā śaktyā kṛtāveśaḥ saṁharatyakhilaṁ haraḥ

'—by taking hold of that same power, Achyuta preserves the world; by whose power, thus possessed, Hara destroys everything—'

Verse 18 (padma.6.186.18)

तां भजे परमां शक्तिं सर्गस्थितिलयोर्जिताम् । योगिध्येयांघ्रिकमले कमले कमलालये

tāṁ bhaje paramāṁ śaktiṁ sargasthitilayorjitām yogidhyeyāṁghrikamale kamale kamalālaye

'—I worship that supreme Shakti, mighty in creation, preservation, and dissolution, whose lotus feet the yogis meditate upon, O lotus-dwelling Kamala—'

Verse 19 (padma.6.186.19)

स्वभावानखिलान्नस्त्वं गृह्णासींद्रियगोचरान् । त्वमेव कल्पनाजालं तत्कल्पं कुरुषे मनः

svabhāvānakhilānnastvaṁ gṛhṇāsīṁdriyagocarān tvameva kalpanājālaṁ tatkalpaṁ kuruṣe manaḥ

'—you take on for us every nature within the reach of the senses; you alone are the web of imagination, and you shape the mind to fit it.'

Verse 20 (padma.6.186.20)

इच्छाज्ञानक्रियारूपा परसंवित्स्वरूपिणी । निष्फला निर्मला नित्या निराकारा निरंजना

icchājñānakriyārūpā parasaṁvitsvarūpiṇī niṣphalā nirmalā nityā nirākārā niraṁjanā

'You are of the form of will, knowledge, and action, whose very nature is supreme consciousness — desireless, stainless, eternal, formless, unspotted—'

Verse 21 (padma.6.186.21)

निरंतरा निरातंका निरालंबा निरामया । तवैवं महिमानं हि को वर्णयितुमीशते

niraṁtarā nirātaṁkā nirālaṁbā nirāmayā tavaivaṁ mahimānaṁ hi ko varṇayitumīśate

'—unbroken, fearless, unsupported, free of affliction. Who indeed is able to describe such a greatness as yours?'

Verse 22 (padma.6.186.22)

वंदे निर्भिन्नषट्चक्रद्वादशांतर्विहारिणीम् । अनाहतध्वनिमयीं बिंदुनादकलात्मिकाम्

vaṁde nirbhinnaṣaṭcakradvādaśāṁtarvihāriṇīm anāhatadhvanimayīṁ biṁdunādakalātmikām

'I bow to her who moves through the six chakras pierced open, dwelling within the twelve-petaled center, who is of the nature of the unstruck sound, the essence of bindu and nada.'

Verse 23 (padma.6.186.23)

मातस्त्वं पूर्णशीतांशु गलत्पीयूषवाहिनी । पुष्णासि वत्सले बालान्सनकादीन्दिगंबरान्

mātastvaṁ pūrṇaśītāṁśu galatpīyūṣavāhinī puṣṇāsi vatsale bālānsanakādīndigaṁbarān

'O Mother, streaming with nectar from the full moon, you nourish, O affectionate one, even your sky-clad children beginning with Sanaka.'

Verse 24 (padma.6.186.24)

अनुस्यूता शिवा संविज्जाग्रत्स्वप्नसुषुप्तिषु । तुरीयायां वर्त्तमानां दयासूनृतसंधिषु

anusyūtā śivā saṁvijjāgratsvapnasuṣuptiṣu turīyāyāṁ varttamānāṁ dayāsūnṛtasaṁdhiṣu

'You, the auspicious consciousness, run through waking, dream, and deep sleep alike, abiding in the fourth state, at the junctures of compassion and truthful speech—'

Verse 25 (padma.6.186.25)

ददासि प्राणिनां सर्वाः सततं ब्रह्मसंपदः । संहृत्य तत्वसंघातं तुरीयातीतया त्वया

dadāsi prāṇināṁ sarvāḥ satataṁ brahmasaṁpadaḥ saṁhṛtya tatvasaṁghātaṁ turīyātītayā tvayā

'—you constantly bestow upon all beings the wealth of Brahman; withdrawing the whole assemblage of principles, you who transcend even the fourth state—'

Verse 26 (padma.6.186.26)

योगिनां बिंबतादत्म्यं दीयते निर्विकल्पया । परां नमामि पश्यंतीं मध्यमां वैखरीमपि

yogināṁ biṁbatādatmyaṁ dīyate nirvikalpayā parāṁ namāmi paśyaṁtīṁ madhyamāṁ vaikharīmapi

'—unchangingly grant to yogis identity with the divine reflection. I bow to you as Para, Pashyanti, Madhyama, and Vaikhari, the four levels of speech.'

Verse 27 (padma.6.186.27)

रूपाणि देवि गृह्णासि जगत्संत्राणहेतवे । त्वं ब्राह्मी वैष्णवी च त्वं माहेशी च त्वमंबिके

rūpāṇi devi gṛhṇāsi jagatsaṁtrāṇahetave tvaṁ brāhmī vaiṣṇavī ca tvaṁ māheśī ca tvamaṁbike

'O Goddess, you take on forms for the protection of the world; you are Brahmi and Vaishnavi, and Maheshi too, O Ambika.'

Verse 28 (padma.6.186.28)

वाराहि त्वं महालक्ष्मीर्नारसिंही त्वमैंद्रिका । त्वं कौमारी चंडिका त्वं लक्ष्मीस्त्वं विश्वपावनी

vārāhi tvaṁ mahālakṣmīrnārasiṁhī tvamaiṁdrikā tvaṁ kaumārī caṁḍikā tvaṁ lakṣmīstvaṁ viśvapāvanī

'You are Varahi, Mahalakshmi, Narasimhi, and Aindri; you are Kaumari, Chandika, Lakshmi, and the purifier of the universe.'

Verse 29 (padma.6.186.29)

सावित्री त्वं जगन्माता शशिनी त्वं च रोहिणी । त्वं स्वाहा त्वं स्वधा त्वं हि त्वं सुधा परमेश्वरी

sāvitrī tvaṁ jaganmātā śaśinī tvaṁ ca rohiṇī tvaṁ svāhā tvaṁ svadhā tvaṁ hi tvaṁ sudhā parameśvarī

'You are Savitri, mother of the world, Shashini and Rohini; you are Svaha, you are Svadha, you indeed are the nectar itself, O supreme sovereign goddess.'

Verse 30 (padma.6.186.30)

चंडमुंडभुजादंडखंडदोर्दंडमंडिते । रक्तबीजगलद्रक्तपानघूर्णितलोचने

caṁḍamuṁḍabhujādaṁḍakhaṁḍadordaṁḍamaṁḍite raktabījagaladraktapānaghūrṇitalocane

'O you adorned with the severed arm-clubs of Chanda and Munda, whose eyes rolled from drinking the blood flowing from Raktabija—'

Verse 31 (padma.6.186.31)

उन्मत्तमहिषग्रीवोन्मूलनप्रौढ दोर्युगे । शुंभासुरमहादैत्यदारणायातविक्रमे

unmattamahiṣagrīvonmūlanaprauḍha doryuge śuṁbhāsuramahādaityadāraṇāyātavikrame

'—whose mighty pair of arms uprooted the neck of the maddened buffalo-demon, whose valor arose to rend the great demon Shumbha—'

Verse 32 (padma.6.186.32)

अनंतचरिते तुभ्यं नमस्त्रैलोक्यमातृके । भक्तकल्पलते मह्यं प्रसीद परमेश्वरि

anaṁtacarite tubhyaṁ namastrailokyamātṛke bhaktakalpalate mahyaṁ prasīda parameśvari

'—to you, of endless deeds, salutation, O mother of the three worlds! O wish-fulfilling vine for your devotees, be gracious to me, O supreme goddess.'

Verse 33 (padma.6.186.33)

इति तेन स्तुता देवी महालक्ष्मीस्ततः स्वयम् । निजरूपं समास्थाय पुरुषं प्रत्युवाच तम्

iti tena stutā devī mahālakṣmīstataḥ svayam nijarūpaṁ samāsthāya puruṣaṁ pratyuvāca tam

Thus praised by him, the goddess Mahalakshmi then herself, assuming her own form, spoke in reply to that man.

Verse 34 (padma.6.186.34)

श्रीलक्ष्मीरुवाच-। राजपुत्र प्रसन्नाऽहं वृणीष्व वरमुत्तमम् । राजपुत्र उवाच। पिता मे धरणीपालो वाजिमेधं महाक्रतुम्

śrīlakṣmīruvāca- rājaputra prasannā'haṁ vṛṇīṣva varamuttamam rājaputra uvāca pitā me dharaṇīpālo vājimedhaṁ mahākratum

Shri Lakshmi said: 'O prince, I am pleased; choose an excellent boon.' The prince said: 'My father, ruler of the earth, was performing the great sacrifice, the Ashvamedha—'

Verse 35 (padma.6.186.35)

कुर्वाणो दैवयोगेन रोगाक्रांतो दिवं ययौ । तद्वपुस्तप्ततैलेन शोषयित्वा मया ततः

kurvāṇo daivayogena rogākrāṁto divaṁ yayau tadvapustaptatailena śoṣayitvā mayā tataḥ

'—when, by the working of fate, stricken by illness, he departed to heaven. I then preserved his body by drying it with heated oil—'

Verse 36 (padma.6.186.36)

स्थापितस्तत्र यागोऽसौ यथापूर्वमवर्तत । अथ क्रांतमहीचक्रो यूपे यागतुरंगमः

sthāpitastatra yāgo'sau yathāpūrvamavartata atha krāṁtamahīcakro yūpe yāgaturaṁgamaḥ

'—and set it aside, and the sacrifice continued there as before. Then, having roamed the circle of the earth, the sacrificial horse, tethered at the post—'

Verse 37 (padma.6.186.37)

निशीथे बंधनं हित्वा नीतः केनापि कुत्रचित् । अदृष्ट्वा तद्गतं क्वापि निवृत्तेषु जनेष्वहम्

niśīthe baṁdhanaṁ hitvā nītaḥ kenāpi kutracit adṛṣṭvā tadgataṁ kvāpi nivṛtteṣu janeṣvaham

'—at midnight broke free of its tether and was carried off somewhere by someone. Not finding where it had gone, after the search-parties returned—'

Verse 38 (padma.6.186.38)

आमंत्र्य ऋत्विजः सर्वाञ्छरणं त्वामुपागतः । प्रसन्ना यदि देवि त्वं तन्मे यागतुरंगमः

āmaṁtrya ṛtvijaḥ sarvāñcharaṇaṁ tvāmupāgataḥ prasannā yadi devi tvaṁ tanme yāgaturaṁgamaḥ

'—having summoned all the officiating priests, I have come now to take refuge in you. If you are pleased, O Goddess, then let this sacrificial horse of mine—'

Verse 39 (padma.6.186.39)

दृष्टो भवतु यागोऽसौ संपूर्णो जायते यथा । आनृण्यं मम तातस्य तेन राज्ञो भविष्यति

dṛṣṭo bhavatu yāgo'sau saṁpūrṇo jāyate yathā ānṛṇyaṁ mama tātasya tena rājño bhaviṣyati

'—be found, so that this sacrifice may be brought to completion; by that, my father the king shall be freed of his debt.'

Verse 40 (padma.6.186.40)

तथा कुरु जगद्धात्रि शरणागतवत्सले । देव्युवाच। ममद्वारं द्विजः सिद्धसमाधिरिति विश्रुतः

tathā kuru jagaddhātri śaraṇāgatavatsale devyuvāca mamadvāraṁ dvijaḥ siddhasamādhiriti viśrutaḥ

'Grant this, O sustainer of the world, affectionate to those who take refuge in you.' The Goddess said: 'At my gate lives a brahmin renowned as Siddhasamadhi—'

Verse 41 (padma.6.186.41)

ममाज्ञया स ते सर्वं कार्यं निष्पादयिष्यति । इत्युक्तः श्रीमहालक्ष्म्या ततो राजकुमारकः

mamājñayā sa te sarvaṁ kāryaṁ niṣpādayiṣyati ityuktaḥ śrīmahālakṣmyā tato rājakumārakaḥ

'—by my command he shall accomplish this whole task for you.' Thus told by Shri Mahalakshmi, the young prince—

Verse 42 (padma.6.186.42)

आजगाम मुनिः सिद्धसमाधिर्यत्र तिष्ठति । प्रणम्य तस्यपादाब्जं कृतांजलिरवस्थितः

ājagāma muniḥ siddhasamādhiryatra tiṣṭhati praṇamya tasyapādābjaṁ kṛtāṁjaliravasthitaḥ

—went to where the sage Siddhasamadhi dwelt; bowing to his lotus feet, he stood before him with folded hands.

Verse 43 (padma.6.186.43)

तमुवाच ततो विप्रः प्रहितोऽसि त्वमंबया । त्वदीप्सितमिदं सर्वं साधयामि विलोकय

tamuvāca tato vipraḥ prahito'si tvamaṁbayā tvadīpsitamidaṁ sarvaṁ sādhayāmi vilokaya

Then the brahmin said to him: 'You have been sent by the Mother. I shall accomplish this whole desire of yours — watch.'

Verse 44 (padma.6.186.44)

इत्युक्त्वा त्रिदशान्सर्वानाचकर्ष स मांत्रिकः । एक्षत क्षितिपालस्य तनयोऽसौ तदा सुरान्

ityuktvā tridaśānsarvānācakarṣa sa māṁtrikaḥ ekṣata kṣitipālasya tanayo'sau tadā surān

Having said this, that mantra-adept drew forth all the gods; the prince then beheld those gods—

Verse 45 (padma.6.186.45)

कृतांजलिपुटान्देवान्वेपमानकलेवरान् । अथ तानमरान्सर्वान्संबभाषे द्विजोत्तमः

kṛtāṁjalipuṭāndevānvepamānakalevarān atha tānamarānsarvānsaṁbabhāṣe dvijottamaḥ

—with hands folded, their bodies trembling. Then that best of brahmins addressed all those immortals—

Verse 46 (padma.6.186.46)

अमुष्य राजपुत्रस्य वाजी यज्ञाय कल्पितः । नीतोस्ति देवराजेन क्षपायामपहृत्य सः

amuṣya rājaputrasya vājī yajñāya kalpitaḥ nītosti devarājena kṣapāyāmapahṛtya saḥ

'This prince's horse, consecrated for the sacrifice, has been carried off in the night, stolen by the king of the gods.'

Verse 47 (padma.6.186.47)

गीर्वाणा अश्वमेवास्य समानयत मा चिरम् । अथ तस्य मुनेर्वाक्याद्देवैर्यज्ञतुरंगमः

gīrvāṇā aśvamevāsya samānayata mā ciram atha tasya munervākyāddevairyajñaturaṁgamaḥ

'O gods, bring back his horse without delay!' Then, at the word of that sage, the sacrificial horse was, by the gods—

Verse 48 (padma.6.186.48)

समर्पितस्ततस्तेन तेऽनुज्ञात्वा दिवौकसः । आकृष्टानमरान्दृष्ट्वा गतं लब्ध्वा तुरंगमम्

samarpitastatastena te'nujñātvā divaukasaḥ ākṛṣṭānamarāndṛṣṭvā gataṁ labdhvā turaṁgamam

—delivered up, and he then gave the dwellers of heaven leave to depart. Having seen the gods thus drawn forth, and having recovered the horse—

Verse 49 (padma.6.186.49)

महीपतिसुतो नत्वा तं मुनिं वाक्यमब्रवीत् । आश्चर्यमिदमेतत्ते सामर्थ्यमृषिसत्तम

mahīpatisuto natvā taṁ muniṁ vākyamabravīt āścaryamidametatte sāmarthyamṛṣisattama

—the prince bowed to that sage and spoke these words: 'This power of yours is astonishing indeed, O best of sages—'

Verse 50 (padma.6.186.50)

कृतं त्वया चित्रमिदं त्रिदशाकर्षणं क्षणात् । हस्तादाकृष्य दत्तो मे यज्ञीयोऽयं तुरंगमः

kṛtaṁ tvayā citramidaṁ tridaśākarṣaṇaṁ kṣaṇāt hastādākṛṣya datto me yajñīyo'yaṁ turaṁgamaḥ

'—you have wrought this marvel, drawing forth the gods in an instant; snatched from their hands, this sacrificial horse has been given back to me.'

Verse 51 (padma.6.186.51)

न किंचिदपरं यावद्दुष्करं यत्सुरैरपि । प्रभविष्यति तत्कर्तुं भवानेव न चापरः

na kiṁcidaparaṁ yāvadduṣkaraṁ yatsurairapi prabhaviṣyati tatkartuṁ bhavāneva na cāparaḥ

'There is nothing else, however difficult even for the gods, that you would not have the power to do — you alone, and none other.'

Verse 52 (padma.6.186.52)

शृणु विप्र महीपाल पितासीन्मे बृहद्रथः । प्रारब्ध हयमेधोऽसौ दैवेन निधनं गतः

śṛṇu vipra mahīpāla pitāsīnme bṛhadrathaḥ prārabdha hayamedho'sau daivena nidhanaṁ gataḥ

'Hear, O brahmin: I am a king; my father was named Brihadratha; having begun the horse-sacrifice, he met his death through fate.'

Verse 53 (padma.6.186.53)

अद्यापि तस्य देहोस्ति तप्ततैलेन शोषितः । तस्य संजीवनं भूयः कर्त्तुमर्हसि सत्तम

adyāpi tasya dehosti taptatailena śoṣitaḥ tasya saṁjīvanaṁ bhūyaḥ karttumarhasi sattama

'His body still remains today, preserved by heated oil. O most excellent one, you should now bring about his revival.'

Verse 54 (padma.6.186.54)

इत्याकर्ण्य स्मितं कृत्वा स जगाद महामुनिः । यामस्तत्र पिता यत्र तावको यागमंडपः

ityākarṇya smitaṁ kṛtvā sa jagāda mahāmuniḥ yāmastatra pitā yatra tāvako yāgamaṁḍapaḥ

Hearing this, and smiling, that great sage said: 'Let us go there, where your father's sacrificial pavilion is.'

Verse 55 (padma.6.186.55)

अथागत्य समं तेन तत्र सिद्धः समाधिना । पयोऽभिमंत्र्य विदधे तस्य प्रेतस्य मूर्द्धनि

athāgatya samaṁ tena tatra siddhaḥ samādhinā payo'bhimaṁtrya vidadhe tasya pretasya mūrddhani

Then, having gone there together with him, Siddhasamadhi consecrated milk with a mantra and placed it upon the head of the corpse.

Verse 56 (padma.6.186.56)

ततः प्राप नृपः संज्ञामुत्तस्थे वै ददर्श च । स तं पप्रच्छ विप्रेंद्रं कोऽसि धर्मेति भूपतिः

tataḥ prāpa nṛpaḥ saṁjñāmuttasthe vai dadarśa ca sa taṁ papraccha vipreṁdraṁ ko'si dharmeti bhūpatiḥ

Then the king regained consciousness, rose up, and looked about; the king asked that foremost of brahmins: 'Who are you, O righteous one?'

Verse 57 (padma.6.186.57)

ततो राजसुतः सर्वं भूपालाय न्यवेदयत् । स नत्वा ब्राह्मणं राजा तं पुनर्दत्तजीवितम्

tato rājasutaḥ sarvaṁ bhūpālāya nyavedayat sa natvā brāhmaṇaṁ rājā taṁ punardattajīvitam

Then the king's son related everything to the king; the king, bowing to the brahmin who had thus restored his life—

Verse 58 (padma.6.186.58)

बभाषे केन पुण्येन त्वयि शक्तिरलौकिकी । यया मे जीवितं दत्तमाकृष्टाश्च दिवौकसः

babhāṣe kena puṇyena tvayi śaktiralaukikī yayā me jīvitaṁ dattamākṛṣṭāśca divaukasaḥ

—said: 'By what merit does this superhuman power dwell in you, by which you have given me life and drawn forth the dwellers of heaven—'

Verse 59 (padma.6.186.59)

यागश्चोद्धरितो विप्र येनमेतन्निरूपय । इत्युक्तस्तेनविप्रोऽसौ जगाद श्लक्ष्णया गिरा

yāgaścoddharito vipra yenametannirūpaya ityuktastenavipro'sau jagāda ślakṣṇayā girā

'—and rescued the sacrifice, O brahmin? Explain this to me.' Thus addressed, that brahmin spoke in a gentle voice:

Verse 60 (padma.6.186.60)

गीतानां द्वादशाध्यायं जपाम्यहमतंद्रितः । तेन शक्तिरियं राजन्यया प्राप्तोसि जीवितम्

gītānāṁ dvādaśādhyāyaṁ japāmyahamataṁdritaḥ tena śaktiriyaṁ rājanyayā prāptosi jīvitam

'I recite, tirelessly, the twelfth chapter of the Gita; by that alone, O king, comes this power by which you have received life again.'

Verse 61 (padma.6.186.61)

एतदाकर्ण्य राजाऽसौ द्वादशाध्यायमुत्तमम् । पपाठ तस्माद्विप्रर्षेः सकाशात्ब्राह्मणान्वितम्

etadākarṇya rājā'sau dvādaśādhyāyamuttamam papāṭha tasmādviprarṣeḥ sakāśātbrāhmaṇānvitam

Hearing this, that king, together with the brahmins, learned that excellent twelfth chapter from that sage-brahmin.

Verse 62 (padma.6.186.62)

तस्याध्यायस्य माहत्म्यात्ते सर्वे सद्गतिं ययुः । अन्ये पठित्वा जीवाश्च मुक्तिमापुरहो पराम्

tasyādhyāyasya māhatmyātte sarve sadgatiṁ yayuḥ anye paṭhitvā jīvāśca muktimāpuraho parām

By the glory of that chapter, all of them attained the good destiny; and others too, having recited it in their lifetime, oh! attained the supreme liberation.