The Founding of Indraprastha

Verse 1 (padma.6.200.1)

श्रीभगवानुवाच- नैतच्चित्रं सुराधीश मुनयो ज्ञानवत्तराः । मदीयां पदवीं भक्तिं गुर्वीं कुर्वंति सत्कृताम्

śrībhagavānuvāca- naitaccitraṁ surādhīśa munayo jñānavattarāḥ madīyāṁ padavīṁ bhaktiṁ gurvīṁ kurvaṁti satkṛtām

The Blessed Lord said: This is no wonder, O lord of gods; sages, most abounding in knowledge, make devotion to my path weighty and duly honored.

Verse 2 (padma.6.200.2)

एते ज्ञानोपदेष्टारस्त्रिलोकतलवासिनाम् । प्रवर्तयंत्यमी नष्टं वेदमार्गं यतः सदा

ete jñānopadeṣṭārastrilokatalavāsinām pravartayaṁtyamī naṣṭaṁ vedamārgaṁ yataḥ sadā

These are the teachers of knowledge for the dwellers of the three worlds; they ever set going again the lost path of the Vedas.

Verse 3 (padma.6.200.3)

भक्त्या भवानपि स्वर्गभोगासक्तोऽपि मां यतः । प्रपन्नोऽसि किमाश्चर्यं यतस्तव गुरुर्गुरुः

bhaktyā bhavānapi svargabhogāsakto'pi māṁ yataḥ prapanno'si kimāścaryaṁ yatastava gururguruḥ

Since even you, though attached to the enjoyments of heaven, have taken refuge in me through devotion, what wonder is there — for your guru is himself so great a guru.

Verse 4 (padma.6.200.4)

यजस्व सुरशार्दूल मखैर्मां बहुदक्षिणैः । निष्क्रामस्त्वं समीपस्थं तूर्णं प्राप्स्यसि मत्पदम्

yajasva suraśārdūla makhairmāṁ bahudakṣiṇaiḥ niṣkrāmastvaṁ samīpasthaṁ tūrṇaṁ prāpsyasi matpadam

Worship me, O tiger among gods, with sacrifices bearing abundant sacrificial fees; when you depart this life, you shall swiftly attain my abode, close at hand.

Verse 5 (padma.6.200.5)

प्रतियागं प्रयच्छ त्वं रत्नप्रस्थान्यनेकशः । आख्ययास्थानमेतत्ते इंद्रप्रस्थं भविष्यति

pratiyāgaṁ prayaccha tvaṁ ratnaprasthānyanekaśaḥ ākhyayāsthānametatte iṁdraprasthaṁ bhaviṣyati

At each sacrifice, give away many measures of jewels; by this name, this place of yours shall become known as Indraprastha.

Verse 6 (padma.6.200.6)

विधे त्वमत्र रचय प्रयागं तीर्थपुंगवम् । सरस्वतीं समानीय गंगां च जनपाविनीम्

vidhe tvamatra racaya prayāgaṁ tīrthapuṁgavam sarasvatīṁ samānīya gaṁgāṁ ca janapāvinīm

O Vidhi, fashion here Prayaga, foremost of tirthas, bringing together the Sarasvati and the Ganga, purifier of people.

Verse 7 (padma.6.200.7)

काशीं च शिवकांचीं च त्वमत्र स्थापयेश्वर । गोकर्णं च समं गौर्या निवासं कुरु सर्वदा

kāśīṁ ca śivakāṁcīṁ ca tvamatra sthāpayeśvara gokarṇaṁ ca samaṁ gauryā nivāsaṁ kuru sarvadā

O Ishvara, establish here Kashi and Shivakanchi as well, and, along with Gauri, take up your dwelling here at Gokarna, forever.

Verse 8 (padma.6.200.8)

भो भो ब्रह्मसुता यूयं ज्ञानविज्ञानकोविदाः । निजयोगबलेनात्र कुरुध्वं तीर्थसप्तकम्

bho bho brahmasutā yūyaṁ jñānavijñānakovidāḥ nijayogabalenātra kurudhvaṁ tīrthasaptakam

O sons of Brahma, you who are learned in knowledge and its application, by the power of your own yoga, establish here the seven Naimisha tirthas.

Verse 9 (padma.6.200.9)

निगमोद्बोधकं तीर्थं त्वं गुरो प्रतिपादय । विनाध्ययनमप्यत्र स्नानाद्बोधोस्तु छंदसाम्

nigamodbodhakaṁ tīrthaṁ tvaṁ guro pratipādaya vinādhyayanamapyatra snānādbodhostu chaṁdasām

O guru, you establish here the tirtha named Nigamodbodhaka, so that even without study, by bathing here, there may come knowledge of the Vedic hymns—

Verse 10 (padma.6.200.10)

स्मृतिश्च जायतां पूर्वजन्मनस्तु परात्मनोः । अहमारोपयाम्यत्र द्वारकां सुमनोहराम्

smṛtiśca jāyatāṁ pūrvajanmanastu parātmanoḥ ahamāropayāmyatra dvārakāṁ sumanoharām

—and let there arise the memory of one's former birth, for supreme souls. I myself shall establish here a most enchanting Dvaraka—

Verse 11 (padma.6.200.11)

समुद्रेणसमं यत्र गोमत्यासंगमोऽभवत् । कोशलां च करोम्यत्र मध्वरण्यं च वासव

samudreṇasamaṁ yatra gomatyāsaṁgamo'bhavat kośalāṁ ca karomyatra madhvaraṇyaṁ ca vāsava

—where the confluence of the Gomati with the ocean took place. And, O Vasava, I shall also make here Koshala, and Madhuvana—

Verse 12 (padma.6.200.12)

ययोरवतरिष्यामि वपुर्भ्यां रामकृष्णयोः । बदर्याश्रममप्यत्र नरनारायणास्पदम्

yayoravatariṣyāmi vapurbhyāṁ rāmakṛṣṇayoḥ badaryāśramamapyatra naranārāyaṇāspadam

—where I shall descend in the two forms of Rama and Krishna; and here too, the hermitage of Badari, the abode of Nara and Narayana—

Verse 13 (padma.6.200.13)

विदधामि सदा यत्र वसामि सुरनायक । हरिद्वारं पुष्करं च तीर्थद्वयमनुत्तमम्

vidadhāmi sadā yatra vasāmi suranāyaka haridvāraṁ puṣkaraṁ ca tīrthadvayamanuttamam

—I shall establish, O lord of gods, where I ever dwell; and Haridvara and Pushkara, that unsurpassed pair of tirthas—

Verse 14 (padma.6.200.14)

तदपि स्थापयाम्यत्र तवैव हितकाम्यया । नैमिषेयानि तीर्थानि यानि कालंजरे गिरौ

tadapi sthāpayāmyatra tavaiva hitakāmyayā naimiṣeyāni tīrthāni yāni kālaṁjare girau

—these too I shall establish here, for the sake of your own welfare. The tirthas of Naimisha, which are on the mountain of Kalanjara—

Verse 15 (padma.6.200.15)

सरस्वतीतटे यानि स्थापयाम्यहमत्र वै । नारद उवाच- शिवे शिवतरं वाक्यं हरेः श्रुत्वा कृतं च तत्

sarasvatītaṭe yāni sthāpayāmyahamatra vai nārada uvāca- śive śivataraṁ vākyaṁ hareḥ śrutvā kṛtaṁ ca tat

—which are on the bank of the Sarasvati, I shall establish them here indeed. Narada said: O Shiva, hearing this most auspicious speech of Hari, and having done accordingly—

Verse 16 (padma.6.200.16)

दृष्ट्वा तदुक्तमपि ते चक्रुर्ब्रह्मशिवादयः । सर्वतीर्थमयेऽमुष्मिन्स्थाने स त्रिदशाधिपः

dṛṣṭvā taduktamapi te cakrurbrahmaśivādayaḥ sarvatīrthamaye'muṣminsthāne sa tridaśādhipaḥ

—Brahma, Shiva, and the others did as they had been told. In that place, made of all tirthas, that lord of the gods—

Verse 17 (padma.6.200.17)

स्वर्णयूपैर्बहुमखैरीजे भूयो रमापतिम् । रत्नप्रस्थानि विप्रेभ्यः कृष्णस्य पुरतो ददौ

svarṇayūpairbahumakhairīje bhūyo ramāpatim ratnaprasthāni viprebhyaḥ kṛṣṇasya purato dadau

—worshipped the Lord of Rama once more with golden sacrificial posts, in many sacrifices; before Krishna, he gave measures of jewels to the brahmins.

Verse 18 (padma.6.200.18)

नारायणः समस्तात्मा ममायमिति तुष्यतु । इंद्रप्रस्थमिदं तीर्थं ततःप्रभृति कथ्यते

nārāyaṇaḥ samastātmā mamāyamiti tuṣyatu iṁdraprasthamidaṁ tīrthaṁ tataḥprabhṛti kathyate

‘May Narayana, the soul of all, be pleased, thinking this to be mine’ — from that time onward this tirtha has been called Indraprastha.

Verse 19 (padma.6.200.19)

सर्वतीर्थमये यत्र मृतो भूयो न जायते । इंद्रदत्तानि ते लब्ध्वा रत्नप्रस्थानि भूसुराः

sarvatīrthamaye yatra mṛto bhūyo na jāyate iṁdradattāni te labdhvā ratnaprasthāni bhūsurāḥ

In that place, made of all tirthas, one who dies is not born again. Those brahmins, having received the measures of jewels given by Indra—

Verse 20 (padma.6.200.20)

तस्मै ददुरवितथामाशिषं तत्र संसदि । इंद्राय तव गोविंदो दानेनानेन तुष्यतु

tasmai daduravitathāmāśiṣaṁ tatra saṁsadi iṁdrāya tava goviṁdo dānenānena tuṣyatu

—gave him an unfailing blessing in that assembly: ‘O Indra, may Govinda be pleased by this gift of yours—’

Verse 21 (padma.6.200.21)

तावकी भक्तिरप्यस्मिन्भूयादव्यभिचारिणी । कर्मभूमाविह विभो पुरा यज्ञशतं कृतम्

tāvakī bhaktirapyasminbhūyādavyabhicāriṇī karmabhūmāviha vibho purā yajñaśataṁ kṛtam

‘—and may your devotion to him too remain unwavering. In this land of ritual action, O mighty one, you formerly performed a hundred sacrifices—’

Verse 22 (padma.6.200.22)

तेन पुण्येन लब्धं ते सकामेन सुरास्पदम् । अधुना पूजितो विष्णुर्निःकामेन त्वया मखैः

tena puṇyena labdhaṁ te sakāmena surāspadam adhunā pūjito viṣṇurniḥkāmena tvayā makhaiḥ

‘—by that merit, performed with desire, you obtained the abode of the gods; now, Vishnu has been worshipped by you, free of desire, with sacrifices.’

Verse 23 (padma.6.200.23)

स्वपदाद्विच्युतो भूमौ भविष्यति द्विजाग्रणीः । तत्रापि निजधर्मेण विष्णुमाराधयन्भवान्

svapadādvicyuto bhūmau bhaviṣyati dvijāgraṇīḥ tatrāpi nijadharmeṇa viṣṇumārādhayanbhavān

‘Fallen from your own position, you shall become a foremost brahmin on earth; there too, worshipping Vishnu through your own proper duty—’

Verse 24 (padma.6.200.24)

स्मरिष्यति निजं कर्म कृतमत्र मखादिकम् । तत्स्मृतेगृर्हमुत्सृज्य भवान्तीर्थानि पर्यटन्

smariṣyati nijaṁ karma kṛtamatra makhādikam tatsmṛtegṛrhamutsṛjya bhavāntīrthāni paryaṭan

‘—you shall remember your own deeds performed here — this sacrifice and the rest. Remembering that, having left your home behind, wandering the tirthas—’

Verse 25 (padma.6.200.25)

जनकेन समं शक्र तीर्थेऽस्मिन्संप्रपत्स्यते । चतुर्थाश्रममादाय त्यक्षत्यत्र कलेवरम्

janakena samaṁ śakra tīrthe'sminsaṁprapatsyate caturthāśramamādāya tyakṣatyatra kalevaram

‘—along with your father, O Shakra, you shall arrive at this very tirtha. Having taken up the fourth stage of life, you shall give up your body here—’

Verse 26 (padma.6.200.26)

ततो विमानमारुह्य गणा नीतं रविप्रभम् । भवान्दिव्यांगवान्भूत्वा प्राप्स्यति श्रीहरेः पदम्

tato vimānamāruhya gaṇā nītaṁ raviprabham bhavāndivyāṁgavānbhūtvā prāpsyati śrīhareḥ padam

‘—then, mounting a celestial chariot brought by the attendants, radiant as the sun, you, having taken on a divine body, shall attain the abode of Shri Hari.’

Verse 27 (padma.6.200.27)

नारद उवाच- एवमाकर्ण्य विप्राणामाशिषं त्रिदशाधिपः । भविष्यपिशुनां चोक्तिं शिवे मुदमगात्तराम्

nārada uvāca- evamākarṇya viprāṇāmāśiṣaṁ tridaśādhipaḥ bhaviṣyapiśunāṁ coktiṁ śive mudamagāttarām

Narada said: O Shiva, hearing this blessing of the brahmins, and this speech disclosing the future, the lord of the gods felt exceeding joy.

Verse 28 (padma.6.200.28)

समाप्य विधिवद्यज्ञान्नात्र सौवर्णयष्टिकान् । माधवप्रमुखान्देवान्पूजितान्स व्यसर्जयत्

samāpya vidhivadyajñānnātra sauvarṇayaṣṭikān mādhavapramukhāndevānpūjitānsa vyasarjayat

Having duly completed the sacrifices, and the golden sacrificial posts here, he took leave of the gods headed by Madhava, whom he had worshipped.

Verse 29 (padma.6.200.29)

ऋत्विजो ब्रह्मणः पुत्रानभ्यर्च्य च धनादिभिः । बृहस्पतिं पुरस्कृत्य ययौ शक्रस्त्रिविष्टपम्

ṛtvijo brahmaṇaḥ putrānabhyarcya ca dhanādibhiḥ bṛhaspatiṁ puraskṛtya yayau śakrastriviṣṭapam

Having honored the officiating priests, the sons of Brahma, with wealth and other gifts, and placing Brihaspati at his head, Shakra went to the triple heaven.

Verse 30 (padma.6.200.30)

तत्र राज्यं विधायेंद्रो हरिभक्तियुतः शिवे । अवातरद्भुवि क्षीणपुण्ये हास्तिनपत्तने

tatra rājyaṁ vidhāyeṁdro haribhaktiyutaḥ śive avātaradbhuvi kṣīṇapuṇye hāstinapattane

O Shiva, having ruled his kingdom there, endowed with devotion to Hari, Indra, when his merit was exhausted, descended to earth at the city of Hastinapura.

Verse 31 (padma.6.200.31)

शिवशर्मा द्विजः कश्चिद्वेदवेदांगपारगः । तस्य भार्या गुणवती नाम्नान्वर्थवती भृशम्

śivaśarmā dvijaḥ kaścidvedavedāṁgapāragaḥ tasya bhāryā guṇavatī nāmnānvarthavatī bhṛśam

There was a brahmin named Shivasharma, versed in the Vedas and Vedangas; his wife, named Gunavati, was truly worthy of her name.

Verse 32 (padma.6.200.32)

तस्यां जातः सुवेलायामिंद्रः श्रीपतिसेवकः । ज्योतिर्विदः समाहूता लग्नं दृष्ट्वा बभाषिरे

tasyāṁ jātaḥ suvelāyāmiṁdraḥ śrīpatisevakaḥ jyotirvidaḥ samāhūtā lagnaṁ dṛṣṭvā babhāṣire

In her, at an auspicious hour, Indra, servant of the Lord of Shri, was born. Astrologers, summoned, examined the horoscope and spoke:

Verse 33 (padma.6.200.33)

ज्योतिर्विद ऊचुः- शिवशर्मन्नयं बालः तव भावी हरिप्रियः । उद्धरिष्यति ते वंशं ब्रूमः सत्यं न वै मृषा

jyotirvida ūcuḥ- śivaśarmannayaṁ bālaḥ tava bhāvī haripriyaḥ uddhariṣyati te vaṁśaṁ brūmaḥ satyaṁ na vai mṛṣā

The astrologers said: ‘O Shivasharma, this child is destined to be dear to Hari; he shall uplift your lineage — we speak the truth, not falsehood.’

Verse 34 (padma.6.200.34)

त्रयोदशाब्ददेहो यः सांगं वेदचतुष्टयम् । अधीतज्ञानसंपन्नो विवाहं तु करिष्यति

trayodaśābdadeho yaḥ sāṁgaṁ vedacatuṣṭayam adhītajñānasaṁpanno vivāhaṁ tu kariṣyati

‘At the age of thirteen years, having studied the four Vedas together with their limbs, endowed with knowledge, he shall marry—’

Verse 35 (padma.6.200.35)

पुनरुत्पाद्य सत्पुत्रं वानप्रस्थो भविष्यति । तीर्थेषु पर्यटन्धीरः संन्यासं धारयिष्यति

punarutpādya satputraṁ vānaprastho bhaviṣyati tīrtheṣu paryaṭandhīraḥ saṁnyāsaṁ dhārayiṣyati

‘—and, after begetting a good son, he shall become a forest-dweller; wandering the tirthas, steadfast, he shall take up sannyasa.’

Verse 36 (padma.6.200.36)

इंद्रस्य खांडववने यमुनास्ति सरिद्वरा । तत्तीरेस्ति हरिप्रस्थं मरणं तत्र यास्यति

iṁdrasya khāṁḍavavane yamunāsti saridvarā tattīresti hariprasthaṁ maraṇaṁ tatra yāsyati

‘In Indra's Khandava forest is the excellent river Yamuna; on its bank is Hariprastha — there he shall go to his death.’

Verse 37 (padma.6.200.37)

नारद उवाच- गणकोदितमाकर्ण्य शिवशर्मा शिवं वचः । चकार विष्णुशर्माणं नाम्ना निजसुतं तदा

nārada uvāca- gaṇakoditamākarṇya śivaśarmā śivaṁ vacaḥ cakāra viṣṇuśarmāṇaṁ nāmnā nijasutaṁ tadā

Narada said: Hearing this auspicious speech uttered by the astrologers, Shivasharma then named his own son Vishnusharma.

Verse 38 (padma.6.200.38)

तान्विसृज्य च वित्तेन चिंतयामास बुद्धिमान् । धन्योऽहं यस्य मे पुत्रो विष्णुभक्तो भविष्यति

tānvisṛjya ca vittena ciṁtayāmāsa buddhimān dhanyo'haṁ yasya me putro viṣṇubhakto bhaviṣyati

Having dismissed them with wealth, that wise man thought: ‘I am blessed, whose son shall become a devotee of Vishnu.’

Verse 39 (padma.6.200.39)

साधयिष्यति पुत्रोऽयमाश्रमांश्चतुरो मम । मरिष्यति च सत्तीर्थे मदन्यः कोऽस्ति भाग्यवान्

sādhayiṣyati putro'yamāśramāṁścaturo mama mariṣyati ca sattīrthe madanyaḥ ko'sti bhāgyavān

‘This son of mine shall accomplish the four stages of life, and shall die at a sacred tirtha — who is more fortunate than I?’

Verse 40 (padma.6.200.40)

एवं विचिंत्य मनसा जातकर्माद्यकारयत् । शिशोर्द्विजातिप्रवरैः शिवशर्मा शुभेऽहनि

evaṁ viciṁtya manasā jātakarmādyakārayat śiśordvijātipravaraiḥ śivaśarmā śubhe'hani

Thinking thus in his mind, Shivasharma, on an auspicious day, had the birth-rites and other ceremonies for the child performed by the foremost of the twice-born.

Verse 41 (padma.6.200.41)

अथ सप्तस्वतीतेषु वर्षेषु द्विजसत्तमः । सुतोपनयनं चक्रे चैत्रमास्यष्टमेऽब्दके

atha saptasvatīteṣu varṣeṣu dvijasattamaḥ sutopanayanaṁ cakre caitramāsyaṣṭame'bdake

Then, when seven years had passed, that best of brahmins performed his son's sacred-thread ceremony in the month of Chaitra, in his eighth year.

Verse 42 (padma.6.200.42)

आद्वादशाब्दादध्याप्य वेदानन्वगतः सुतम् । शिवशर्मा शिवे राजन्युयोज सह भार्यया

ādvādaśābdādadhyāpya vedānanvagataḥ sutam śivaśarmā śive rājanyuyoja saha bhāryayā

Having taught the Vedas until the twelfth year, and then, O king, having attended to his son, Shivasharma married him to a wife, O Shiva.

Verse 43 (padma.6.200.43)

विष्णुशर्मा स्वभार्यायां पुत्रमुत्पाद्य बुद्धिमान् । चकार तीर्थयात्रायां मनो निर्विषयं स्वकम्

viṣṇuśarmā svabhāryāyāṁ putramutpādya buddhimān cakāra tīrthayātrāyāṁ mano nirviṣayaṁ svakam

Vishnusharma, that wise man, having begotten a son with his own wife, turned his own mind, free of worldly attachment, toward a pilgrimage to the tirthas.

Verse 44 (padma.6.200.44)

अभ्येत्य पितरं प्राह नत्वा तच्चरणद्वयम् । विष्णुशर्मा महाप्राज्ञो मुनिवाक्यमनुस्मरन्

abhyetya pitaraṁ prāha natvā taccaraṇadvayam viṣṇuśarmā mahāprājño munivākyamanusmaran

Coming to his father and bowing to his two feet, Vishnusharma, of great wisdom, remembering the sages' words, said:

Verse 45 (padma.6.200.45)

विष्णुशर्मोवाच - अनुजानीहि मां तात विष्णुमाराधयाम्यहम् । तृतीयाश्रममासाद्य सत्संगतिविधायकम्

viṣṇuśarmovāca - anujānīhi māṁ tāta viṣṇumārādhayāmyaham tṛtīyāśramamāsādya satsaṁgatividhāyakam

Vishnusharma said: ‘Give me your leave, father; I shall worship Vishnu, taking up the third stage of life, which brings about the company of the saintly.’

Verse 46 (padma.6.200.46)

दारागारधनापत्यसुहृदः क्षणभंगुराः । बुद्बुदा इव तोयेषु सुधीस्तेषु न सज्जते

dārāgāradhanāpatyasuhṛdaḥ kṣaṇabhaṁgurāḥ budbudā iva toyeṣu sudhīsteṣu na sajjate

‘Wife, house, wealth, children, and friends are as fragile as a moment, like bubbles in water; the wise do not become attached to them.’

Verse 47 (padma.6.200.47)

स्वाध्यायेन च संतत्या मया तीर्णमृणद्वयम् । तीर्थेषु कामरहितो यष्टुमिच्छामि केशवम्

svādhyāyena ca saṁtatyā mayā tīrṇamṛṇadvayam tīrtheṣu kāmarahito yaṣṭumicchāmi keśavam

‘By study of the Vedas and by begetting offspring, I have crossed over two of my debts. Free of desire, I wish to worship Keshava at the tirthas.’

Verse 48 (padma.6.200.48)

सन्यस्तगुणरागोऽहं पश्चात्तीर्थोत्तमे क्वचित् । स्थातुमिच्छाम्यहं तावद्यावत्प्रारब्धमस्ति मे

sanyastaguṇarāgo'haṁ paścāttīrthottame kvacit sthātumicchāmyahaṁ tāvadyāvatprārabdhamasti me

‘Having renounced attachment to the gunas, afterward I wish to remain at some excellent tirtha for as long as my allotted lifespan lasts.’

Verse 49 (padma.6.200.49)

इत्युक्तस्तेन पुत्रेण स पिता बुद्धिमत्तरः । स्मृत्वा ज्योतिर्विदां वाक्यमाह संसारनिस्पृहः

ityuktastena putreṇa sa pitā buddhimattaraḥ smṛtvā jyotirvidāṁ vākyamāha saṁsāranispṛhaḥ

Thus addressed by his son, that father, most wise, remembering the astrologers' words, himself now free of desire for worldly existence, said:

Verse 50 (padma.6.200.50)

शिवशर्मोवाच- चतुर्थाश्रमकालोऽयं ममापि निरहंकृतेः । विषयान्विषवत्त्यक्त्वा सेविष्ये केशवामृतम्

śivaśarmovāca- caturthāśramakālo'yaṁ mamāpi nirahaṁkṛteḥ viṣayānviṣavattyaktvā seviṣye keśavāmṛtam

Shivasharma said: ‘This is the time for the fourth stage of life for me too, freed of egoism; abandoning sense-objects as if they were poison, I shall partake of the nectar of Keshava.’

Verse 51 (padma.6.200.51)

गृहे मम मनः पुत्र रमते नाद्य वार्द्धके । आनीतस्य वनाद्बद्ध्वा गजस्येव नृपालये

gṛhe mama manaḥ putra ramate nādya vārddhake ānītasya vanādbaddhvā gajasyeva nṛpālaye

‘My mind, O son, no longer delights in this household in old age — like an elephant brought from the forest and bound in a king's palace.’

Verse 52 (padma.6.200.52)

तवानुजं सुशर्मायं कुटुंबं धारयिष्यति । आवाभ्यामुज्झितं विद्याश्रीकुलाभ्यां यथा नरम्

tavānujaṁ suśarmāyaṁ kuṭuṁbaṁ dhārayiṣyati āvābhyāmujjhitaṁ vidyāśrīkulābhyāṁ yathā naram

‘Your younger brother, Sushrama, shall support the family, cast off by both of us, like a man abandoned by wisdom and prosperity together.’

Verse 53 (padma.6.200.53)

प्रव्रजंतं तु मामेव तव माता पतिव्रता । अनुयास्यति मार्तंडं यथा कांतिर्दिनात्यये

pravrajaṁtaṁ tu māmeva tava mātā pativratā anuyāsyati mārtaṁḍaṁ yathā kāṁtirdinātyaye

‘As I go forth into renunciation, your chaste mother shall follow me alone, just as light follows the sun at the day's end.’

Verse 54 (padma.6.200.54)

तस्मादावामविज्ञातो तया तात तवांबया । गच्छावश्चिंतयंतौ श्रीहरेः पादसरोरुहम्

tasmādāvāmavijñāto tayā tāta tavāṁbayā gacchāvaściṁtayaṁtau śrīhareḥ pādasaroruham

‘Therefore, O son, unknown even to your mother, we two shall depart, our minds fixed upon the lotus feet of Shri Hari.’

Verse 55 (padma.6.200.55)

नारद उवाच- इत्यालोच्य मुमुक्षू तौ निशीथे तमसावृते । सुप्तं कुटुंबमुत्सृज्य गृहान्निर्याय जग्मतुः

nārada uvāca- ityālocya mumukṣū tau niśīthe tamasāvṛte suptaṁ kuṭuṁbamutsṛjya gṛhānniryāya jagmatuḥ

Narada said: Having thus resolved, those two, seeking liberation, in the depth of a night wrapped in darkness, leaving behind their sleeping family, went forth from their home.

Verse 56 (padma.6.200.56)

सहैव पर्यटंतौ तौ सुतीर्थे निरहंकृती । शिवेऽत्रशिवदे तीर्थे शक्रप्रस्थे समीयतुः

sahaiva paryaṭaṁtau tau sutīrthe nirahaṁkṛtī śive'traśivade tīrthe śakraprasthe samīyatuḥ

Wandering together, free of pride, among the excellent tirthas, they arrived, O Shiva, at this well-being-granting tirtha, at Shakraprastha.

Verse 57 (padma.6.200.57)

अत्रागतः स्वविहितान्पूर्वजन्मनि यूपकान् । विष्णुशर्मा शमालोक्य सस्मार हरिसंगमम्

atrāgataḥ svavihitānpūrvajanmani yūpakān viṣṇuśarmā śamālokya sasmāra harisaṁgamam

Having come here, Vishnusharma, beholding calmly the sacrificial posts he himself had set up in a former birth, remembered his meeting with Hari.

Verse 58 (padma.6.200.58)

ऊचे च पितरं धीमान्शक्र आसमहं पुरा । मयात्र विहिता यज्ञा माधवप्रीणनेच्छया

ūce ca pitaraṁ dhīmānśakra āsamahaṁ purā mayātra vihitā yajñā mādhavaprīṇanecchayā

That wise man said to his father: ‘I was formerly Shakra; by me, sacrifices were performed here out of the desire to please Madhava.’

Verse 59 (padma.6.200.59)

अत्रैव मे प्रसन्नोऽभूत्केशवो भक्तवत्सलः । संतोषिता मणिप्रस्थैः द्विजाः सप्तर्षयश्च मे

atraiva me prasanno'bhūtkeśavo bhaktavatsalaḥ saṁtoṣitā maṇiprasthaiḥ dvijāḥ saptarṣayaśca me

‘Right here, Keshava, so affectionate to his devotees, was pleased with me; the brahmins, the seven sages, were made content by me with measures of jewels.’

Verse 60 (padma.6.200.60)

तैरेव वैष्णवी भक्तिर्दत्ता मोक्षोभवेऽत्र च । विष्ण्वादिभिः समस्तैस्तु तीर्थान्यत्र कृतानि वै

taireva vaiṣṇavī bhaktirdattā mokṣobhave'tra ca viṣṇvādibhiḥ samastaistu tīrthānyatra kṛtāni vai

‘By them alone was I given devotion to Vishnu, and the promise of liberation from this world. By Vishnu and all the others, tirthas were established here indeed—’

Verse 61 (padma.6.200.61)

सर्वतीर्थमयं तीर्थमिन्द्रप्रस्थमिदं कृतम् । अत्रैव मे मृतिश्चोक्ता तैरेव मुनिपुंगवैः

sarvatīrthamayaṁ tīrthamindraprasthamidaṁ kṛtam atraiva me mṛtiścoktā taireva munipuṁgavaiḥ

‘—and this Indraprastha was made a tirtha composed of all tirthas. Here itself, my death was foretold, by those very foremost sages—’

Verse 62 (padma.6.200.62)

ततो हरिपदप्राप्तिरेतत्सर्वं स्मराम्यहम् । इमे गंगासरस्वत्यौ निजलोकाद्विरिंचिना

tato haripadaprāptiretatsarvaṁ smarāmyaham ime gaṁgāsarasvatyau nijalokādviriṁcinā

‘—and after it, the attainment of Hari's abode. All this I remember. These two, the Ganga and the Sarasvati, brought from their own realms by Brahma—’

Verse 63 (padma.6.200.63)

समानीते ययोर्योगे प्रयागोऽयं निगद्यते । एषा काशी शिवपुरी प्रयागात्पूर्वदेशके

samānīte yayoryoge prayāgo'yaṁ nigadyate eṣā kāśī śivapurī prayāgātpūrvadeśake

‘—at the junction of whose union this is called Prayaga. This is Kashi, Shiva's city, lying in the eastern part from Prayaga—’

Verse 64 (padma.6.200.64)

द्विपंचाशद्धनुर्मात्रे मृतो यस्यां न जायते । काश्याः पश्चिमके भागे धनुषामेकविंशतिः

dvipaṁcāśaddhanurmātre mṛto yasyāṁ na jāyate kāśyāḥ paścimake bhāge dhanuṣāmekaviṁśatiḥ

‘—within a measure of fifty-two bow-lengths; one who dies there is not born again. To the west of Kashi, at a distance of twenty-one bow-lengths—’

Verse 65 (padma.6.200.65)

शिवकांची शिवेनैषा स्थापिता मृतमुक्तिदा । गोकर्णाख्यमिदं क्षेत्रं शंभोः परमवल्लभम्

śivakāṁcī śivenaiṣā sthāpitā mṛtamuktidā gokarṇākhyamidaṁ kṣetraṁ śaṁbhoḥ paramavallabham

‘—is this Shivakanchi, established by Shiva, granting liberation to those who die there. This field named Gokarna is Shambhu's most cherished place—’

Verse 66 (padma.6.200.66)

धनुर्द्वयप्रमाणे तु भूमिभागे व्यवस्थितम् । इयं द्वारवती पुण्या तीर्थराजस्य पश्चिमे

dhanurdvayapramāṇe tu bhūmibhāge vyavasthitam iyaṁ dvāravatī puṇyā tīrtharājasya paścime

‘—situated within a measure of two bow-lengths of ground. This is sacred Dvaravati, to the west of the king of tirthas—’

Verse 67 (padma.6.200.67)

धनुषां सप्ततिर्यत्र मृतो भावी चतुर्भुजः । अतोऽसौ पूर्वदिग्भागे कोशलाजनवत्सला

dhanuṣāṁ saptatiryatra mṛto bhāvī caturbhujaḥ ato'sau pūrvadigbhāge kośalājanavatsalā

‘—where, within seventy bow-lengths, one who dies becomes four-armed. From there, in the eastern direction, is Koshala, affectionate to its people—’

Verse 68 (padma.6.200.68)

अष्टादशधनुर्मात्रे दृश्यते पुण्यदर्शना । एतन्मधुवनं तात स्थापितं विष्णुना स्वयम्

aṣṭādaśadhanurmātre dṛśyate puṇyadarśanā etanmadhuvanaṁ tāta sthāpitaṁ viṣṇunā svayam

‘—seen within a measure of eighteen bow-lengths, whose very sight is meritorious. This, father, is Madhuvana, established by Vishnu himself—’

Verse 69 (padma.6.200.69)

कोशला पश्चिमे भागे दशचापप्रमाणतः । अत उत्तरतस्तात नरनारायणास्पदम्

kośalā paścime bhāge daśacāpapramāṇataḥ ata uttaratastāta naranārāyaṇāspadam

‘—Koshala lies to its west, within a measure of ten bow-lengths. From there, to the north, father, is the abode of Nara-Narayana—’

Verse 70 (padma.6.200.70)

एतदेकादशधनुर्भूमिदेशे च तिष्ठति । एतत्तीर्थं हरिद्वारमतो दक्षिणतः स्थितम्

etadekādaśadhanurbhūmideśe ca tiṣṭhati etattīrthaṁ haridvāramato dakṣiṇataḥ sthitam

‘—situated within a measure of eleven bow-lengths of ground. This tirtha, Haridvara, lies to the south of that—’

Verse 71 (padma.6.200.71)

त्रिंशद्धनुर्महीदेशे दृश्यते देवदुर्ल्लभम् । एतत्तु पुष्करं नाम तीर्थं तीर्थशिरोमणिम्

triṁśaddhanurmahīdeśe dṛśyate devadurllabham etattu puṣkaraṁ nāma tīrthaṁ tīrthaśiromaṇim

‘—seen within a measure of thirty bow-lengths of ground, hard to attain even for the gods. And this, named Pushkara, the very crest-jewel of tirthas—’

Verse 72 (padma.6.200.72)

द्वादशेष्वासमात्रे भूभागे भो तात तिष्ठति । प्रयागादिक गव्यूतिः सप्तर्षीणां महात्मनाम्

dvādaśeṣvāsamātre bhūbhāge bho tāta tiṣṭhati prayāgādika gavyūtiḥ saptarṣīṇāṁ mahātmanām

‘—stands, O father, within a measure of twelve bow-lengths of ground. At a distance of one gavyuti from Prayaga, is the place of the great-souled seven sages—’

Verse 73 (padma.6.200.73)

पूर्वस्यां दिशि तीर्थानि सप्ततत्तीर्थसप्तकम् । तीर्थसप्तककाशोस्तु संति तीर्थान्यनेकशः

pūrvasyāṁ diśi tīrthāni saptatattīrthasaptakam tīrthasaptakakāśostu saṁti tīrthānyanekaśaḥ

‘—to the east, seven tirthas, known as the Sapta-tirtha. Near this Sapta-tirtha there are many other tirthas as well—’

Verse 74 (padma.6.200.74)

पदेपदे येषु मृतो जायते स चतुर्भुजः । प्रयागादेकगव्यूतिमात्रे पश्चिमभूतले

padepade yeṣu mṛto jāyate sa caturbhujaḥ prayāgādekagavyūtimātre paścimabhūtale

‘—at every single step of which, one who dies is born four-armed. At a distance of one gavyuti west of Prayaga, on the ground—’

Verse 75 (padma.6.200.75)

निगमोद्बोधकं नाम तीर्थं गुरुकृतं पुरा । तीर्थसप्तकनिगमोद्बोधयोरंतरं महत्

nigamodbodhakaṁ nāma tīrthaṁ gurukṛtaṁ purā tīrthasaptakanigamodbodhayoraṁtaraṁ mahat

‘—is the tirtha named Nigamodbodhaka, established by the guru long ago. The distance between the Sapta-tirtha and the Nigamodbodhaka is great—’

Verse 76 (padma.6.200.76)

इंद्रप्रस्थमिदं क्षेत्रं स्थापितं दैवतैः पुरा । पूर्वपश्चिमयोस्तात एकयोजनविस्तृतम्

iṁdraprasthamidaṁ kṣetraṁ sthāpitaṁ daivataiḥ purā pūrvapaścimayostāta ekayojanavistṛtam

‘—this whole field named Indraprastha, established by the gods long ago, is one yojana in extent from east to west, father—’

Verse 77 (padma.6.200.77)

कालिंद्यावदक्षिणेवयावद्योजनानांवचतुष्टयम् । इंद्रप्रस्थस्यमर्यादा कथितैषा महर्षिभिः

kāliṁdyāvadakṣiṇevayāvadyojanānāṁvacatuṣṭayam iṁdraprasthasyamaryādā kathitaiṣā maharṣibhiḥ

‘—and toward the south, as far as the Kalindi, it extends for four yojanas; these are the boundaries of Indraprastha, as told by the great sages.’

Verse 78 (padma.6.200.78)

देवत्रय्यां च योह्यत्र त्यजत्यंगं भवत्यजः । नारद उवाच- पुत्रस्यैतद्वचः श्रुत्वा शिवशर्मा शिवे द्विजः

devatrayyāṁ ca yohyatra tyajatyaṁgaṁ bhavatyajaḥ nārada uvāca- putrasyaitadvacaḥ śrutvā śivaśarmā śive dvijaḥ

‘And whoever gives up his body here, in the presence of the divine triad, becomes unborn.’ Narada said: O Shiva, hearing these words of his son, the brahmin Shivasharma—

Verse 79 (padma.6.200.79)

प्रत्याहलसंदिहानस्तं स्वपुत्रं सत्यवादिनम् । शिवशर्मोवाच- कथमेतद्विजानीयां त्वं पुरासीः सुरेश्वरः

pratyāhalasaṁdihānastaṁ svaputraṁ satyavādinam śivaśarmovāca- kathametadvijānīyāṁ tvaṁ purāsīḥ sureśvaraḥ

—full of doubt, replied to his truth-speaking son. Shivasharma said: ‘How am I to know this — that you were formerly the lord of the gods?’

Verse 80 (padma.6.200.80)

त्वमत्र कृतवान्यज्ञान्मणिभिस्तोषिता द्विजाः । त्वदुक्तज्ञानवान्पुत्र यथाऽहं स्यां तथा कुरु

tvamatra kṛtavānyajñānmaṇibhistoṣitā dvijāḥ tvaduktajñānavānputra yathā'haṁ syāṁ tathā kuru

‘You performed sacrifices here, the brahmins were satisfied with jewels — O son, do something so that I too may possess the knowledge you speak of.’

Verse 81 (padma.6.200.81)

इंद्रप्रस्थस्य मर्यादा कुत एषा त्वया श्रुता । यतः प्रभृति ते जाता मतिस्त्वं नात्यजो गृहम्

iṁdraprasthasya maryādā kuta eṣā tvayā śrutā yataḥ prabhṛti te jātā matistvaṁ nātyajo gṛham

‘From where did you hear this account of the boundaries of Indraprastha? From the time your intelligence arose in this way, you have never before rejected the household life.’

Verse 82 (padma.6.200.82)

मत्त एव त्वयाधीतं सांगं वेदचतुष्टयम् । पूर्वजन्मकृते कृत्ये ज्ञानमासीत्कुतस्तव

matta eva tvayādhītaṁ sāṁgaṁ vedacatuṣṭayam pūrvajanmakṛte kṛtye jñānamāsītkutastava

‘You studied the four Vedas together with their limbs from me alone; how then did you have knowledge of the deeds done in a former birth?’

Verse 83 (padma.6.200.83)

विष्णुशर्मोवाच - ऋषिभिर्मे वरो दत्तः पूर्वजन्मस्मृतिप्रदः । तेभ्य एवास्य तीर्थस्य श्रुता ह्येषा स्मृतिर्मया

viṣṇuśarmovāca - ṛṣibhirme varo dattaḥ pūrvajanmasmṛtipradaḥ tebhya evāsya tīrthasya śrutā hyeṣā smṛtirmayā

Vishnusharma said: ‘A boon was granted to me by the sages, bestowing the memory of my former birth; from them alone did I hear this account of the tirtha, remembered by me.’

Verse 84 (padma.6.200.84)

निगमोद्बोधके तीर्थे स्नानमत्र पितः कुरु । दुर्लभं प्राप्स्यसे ज्ञानं पूर्वजन्मस्मृतिप्रदम्

nigamodbodhake tīrthe snānamatra pitaḥ kuru durlabhaṁ prāpsyase jñānaṁ pūrvajanmasmṛtipradam

‘O father, bathe here at the tirtha of Nigamodbodhaka; you shall obtain that rare knowledge bestowing the memory of your former birth.’

Verse 85 (padma.6.200.85)

ममापि पूर्वजनुषः प्रवृत्तिं त्वं स्मरिष्यसि । एतत्तीर्थजलस्पर्शात्तात सत्यं वदामि ते

mamāpi pūrvajanuṣaḥ pravṛttiṁ tvaṁ smariṣyasi etattīrthajalasparśāttāta satyaṁ vadāmi te

‘You too shall remember the events of your former birth, and of mine; by the mere touch of this tirtha's water — I tell you the truth, father.’

Verse 86 (padma.6.200.86)

नारद उवाच- शिवशर्मणि विप्रेंद्रे श्रुत्वैतत्स्नातुमुद्यते । निगमोद्बोधके तीर्थे स्मृतये पूर्वजन्मनः

nārada uvāca- śivaśarmaṇi vipreṁdre śrutvaitatsnātumudyate nigamodbodhake tīrthe smṛtaye pūrvajanmanaḥ

Narada said: When the foremost brahmin Shivasharma, hearing this, was preparing to bathe at the Nigamodbodhaka tirtha for the memory of his former birth—

Verse 87 (padma.6.200.87)

सिंहेनानुगतः कश्चिद्भिल्लो धावन्समागतः । अतित्रासपरीतांगो निःश्वसन्श्रमविह्वलः

siṁhenānugataḥ kaścidbhillo dhāvansamāgataḥ atitrāsaparītāṁgo niḥśvasanśramavihvalaḥ

—a certain hunter, pursued by a lion, came running there, his body overcome with terror, gasping, overwhelmed with exhaustion.

Verse 88 (padma.6.200.88)

हिंसात्मको वर्त्मघाती वणिजां लुंठकः सदा । कृष्णांगः पिंगकेशश्च खर्वो मार्जारलोचनः

hiṁsātmako vartmaghātī vaṇijāṁ luṁṭhakaḥ sadā kṛṣṇāṁgaḥ piṁgakeśaśca kharvo mārjāralocanaḥ

He was violent by nature, a highway-killer, forever a plunderer of merchants, dark-limbed, tawny-haired, short, with cat-like eyes—

Verse 89 (padma.6.200.89)

कुंतहस्तो भीममूर्ति देही पाप्मेव भूयते । सतः पश्चात्कियद्दूरे सिंहमालोक्य तावुभौ

kuṁtahasto bhīmamūrti dehī pāpmeva bhūyate sataḥ paścātkiyaddūre siṁhamālokya tāvubhau

—a spear in hand, of a terrifying form, as if sin itself had taken a body. Then, seeing the lion at some distance, both of them, father and son—

Verse 90 (padma.6.200.90)

पितृपुत्रौ समीपस्थे द्रुममारुह्य तस्थतुः । वदंताविति हा कृष्ण मोचयातोऽपमृत्युतः

pitṛputrau samīpasthe drumamāruhya tasthatuḥ vadaṁtāviti hā kṛṣṇa mocayāto'pamṛtyutaḥ

—climbed a nearby tree and remained there, both crying out: ‘O Krishna, save us from this violent death!’

Verse 91 (padma.6.200.91)

स किरातस्तु राजेंद्र गृहीतुं वेगवत्तरम् । वीक्ष्य सिंहं द्रुमं भीतः समारोढुं प्रचक्रमे

sa kirātastu rājeṁdra gṛhītuṁ vegavattaram vīkṣya siṁhaṁ drumaṁ bhītaḥ samāroḍhuṁ pracakrame

O lord of kings, that hunter, seeing the lion coming ever faster to seize him, terrified, began to climb the same tree.

Verse 92 (padma.6.200.92)

आरोहणं प्रकुर्वंतं सिंहो जग्राह वेगवान् । पादयोरथ भूपृष्ठे पातयित्वा रुरोह तम्

ārohaṇaṁ prakurvaṁtaṁ siṁho jagrāha vegavān pādayoratha bhūpṛṣṭhe pātayitvā ruroha tam

As he was climbing, the swift lion seized him, and, throwing him down upon the ground by his feet, mauled him.

Verse 93 (padma.6.200.93)

अधःस्थितो किरातोऽपि कुंतेनोदरमस्य वै । ददार रुधिरौघाक्त निसृतांत्रकदंबकम्

adhaḥsthito kirāto'pi kuṁtenodaramasya vai dadāra rudhiraughākta nisṛtāṁtrakadaṁbakam

The hunter, lying beneath, tore open the lion's belly with his spear, so that a mass of intestines, drenched in streams of blood, spilled out.

Verse 94 (padma.6.200.94)

जातव्यथो विधायाथ नादं परमदारुणम् । सिंहः पिपेष भिल्लस्य शिरः सद्यो ममार च

jātavyatho vidhāyātha nādaṁ paramadāruṇam siṁhaḥ pipeṣa bhillasya śiraḥ sadyo mamāra ca

The lion, seized with agony, let out a most terrible roar, crushed the hunter's head, and then at once died itself.

Verse 95 (padma.6.200.95)

तयोः पंचत्वमापन्ने भूतसंघेऽत्र भूपते । विमानद्वयमुत्तीर्णं गणाभ्यां सह सत्पदात्

tayoḥ paṁcatvamāpanne bhūtasaṁghe'tra bhūpate vimānadvayamuttīrṇaṁ gaṇābhyāṁ saha satpadāt

O king, when this pair of beings had thus died there, two celestial chariots descended, together with two attendants, from the true abode—

Verse 96 (padma.6.200.96)

नवीनघनवर्णाभ्यां स्फटिकोपलनिर्मितम् । चारुकुंडलकर्णाभ्यां मणिप्रकरमंडितम्

navīnaghanavarṇābhyāṁ sphaṭikopalanirmitam cārukuṁḍalakarṇābhyāṁ maṇiprakaramaṁḍitam

—dark as fresh rain-clouds, fashioned of crystal stone, adorned by their beautiful earringed ears, decked with clusters of jewels—

Verse 97 (padma.6.200.97)

शंखचक्रगदापद्महस्ताभ्यां चारुचित्रभृत् । दधद्भ्यां पीतवस्त्राणि हेमभित्तिविभूषितम्

śaṁkhacakragadāpadmahastābhyāṁ cārucitrabhṛt dadhadbhyāṁ pītavastrāṇi hemabhittivibhūṣitam

—their hands bearing conch, discus, mace, and lotus, beautifully adorned, wearing yellow garments, its walls decorated with gold—

Verse 98 (padma.6.200.98)

प्रफुल्लांबुजनेत्राभ्यां पद्मरागगवाक्षभृत् । धीरनिह्रादमंजीरपद्भ्यां रणितकिंकिणी

praphullāṁbujanetrābhyāṁ padmarāgagavākṣabhṛt dhīranihrādamaṁjīrapadbhyāṁ raṇitakiṁkiṇī

—their eyes like fully blossomed lotuses, its windows set with rubies, their feet ringing with anklets that softly resounded, with tinkling bells—

Verse 99 (padma.6.200.99)

प्रकोष्ठेवलयश्रेणीं बिभ्रद्भ्यां चारुवेदिकम् । मुक्ताहारैर्मनोहारि वक्षोभ्यां सवितानवत्

prakoṣṭhevalayaśreṇīṁ bibhradbhyāṁ cāruvedikam muktāhārairmanohāri vakṣobhyāṁ savitānavat

—wearing rows of bangles at their wrists, having lovely platforms, with pearl necklaces upon their breasts most enchanting, canopied above—

Verse 100 (padma.6.200.100)

कुटिलालकवक्त्राभ्यां मुन्नतध्वजिराजितम् । भ्रूयुगाक्षिप्तपंचेषु धनुर्भ्यामुच्चतोरणम्

kuṭilālakavaktrābhyāṁ munnatadhvajirājitam bhrūyugākṣiptapaṁceṣu dhanurbhyāmuccatoraṇam

—their faces framed by curling locks, adorned with a tall raised banner, their two brows arched like the bow of the flower-arrowed god, with a lofty archway—

Verse 101 (padma.6.200.101)

नासालज्जितकीराभ्यां निर्व्यूहशतशोभितम् । नवविद्रुमसच्छायतलाभ्यां दर्पणामलम्

nāsālajjitakīrābhyāṁ nirvyūhaśataśobhitam navavidrumasacchāyatalābhyāṁ darpaṇāmalam

—their noses putting the parrot to shame, adorned with a hundred projecting balconies, their floors of the fresh, lovely hue of coral, spotless as a mirror—

Verse 102 (padma.6.200.102)

दिव्यांगौ भिल्लपंचास्यौ त्यक्त्वांगं प्राकृतं स्थितौ । पुरैव प्राणनिर्याणे तीर्थस्यास्य प्रभावतः

divyāṁgau bhillapaṁcāsyau tyaktvāṁgaṁ prākṛtaṁ sthitau puraiva prāṇaniryāṇe tīrthasyāsya prabhāvataḥ

—the hunter and the lion, their bodies now divine, having cast off their ordinary bodies, by the power of this tirtha, even in the very moment their breath departed—

Verse 103 (padma.6.200.103)

तयोः समीपमानीय विमानौ तौ हरेर्गणौ । ऊचतुस्तावथारूपवेषाकृतिधरौ ततः

tayoḥ samīpamānīya vimānau tau harergaṇau ūcatustāvathārūpaveṣākṛtidharau tataḥ

—brought those two chariots close to them; and those two attendants of Hari, bearing forms and dress of such splendor, then said to them:

Verse 104 (padma.6.200.104)

भो किरात नरश्रेष्ठ भो पंचास्य मृगाधिप । आवां जानीतमायातौ वैकुंठात् श्रीहरेर्गणौ

bho kirāta naraśreṣṭha bho paṁcāsya mṛgādhipa āvāṁ jānītamāyātau vaikuṁṭhāt śrīharergaṇau

‘O hunter, foremost among men, O lion, king of beasts, know us as the two attendants of Shri Hari, come from Vaikuntha.’

Verse 105 (padma.6.200.105)

नेष्यामस्तत्पदं सत्यं युवां तत्र न चोर्मयः । स्वंस्वं विमानमारुह्य गम्यतामाशु मा चिरम्

neṣyāmastatpadaṁ satyaṁ yuvāṁ tatra na cormayaḥ svaṁsvaṁ vimānamāruhya gamyatāmāśu mā ciram

‘We shall truly lead you to that abode, where there are no waves of worldly change. Mount your own respective chariots and go swiftly, without delay.’

Verse 106 (padma.6.200.106)

स्वंस्वं विमानमारूढौ तौ किरातमृगाधिपौ । ऊचतुर्विस्मयाविष्टौ लक्ष्मीपतिगणौ प्रति

svaṁsvaṁ vimānamārūḍhau tau kirātamṛgādhipau ūcaturvismayāviṣṭau lakṣmīpatigaṇau prati

Mounting their own respective chariots, the hunter and the king of beasts, filled with astonishment, said to those two attendants of the Lord of Lakshmi:

Verse 107 (padma.6.200.107)

भोभो त्रिदशशार्दूलौ श्रूयतां वाक्यमावयोः । युवयोर्दर्शनाज्जातं ज्ञानं तौ पारमार्थिकम्

bhobho tridaśaśārdūlau śrūyatāṁ vākyamāvayoḥ yuvayordarśanājjātaṁ jñānaṁ tau pāramārthikam

‘O you two, tigers among the gods, hear our words. From the mere sight of you two, there has arisen in us a true, supreme knowledge.’

Verse 108 (padma.6.200.108)

अत्र जन्मनि नावाभ्यां कृतं सुकृतमल्पकम् । स्मृतिर्नो जायते पूर्वकर्मणां वां प्रसादतः

atra janmani nāvābhyāṁ kṛtaṁ sukṛtamalpakam smṛtirno jāyate pūrvakarmaṇāṁ vāṁ prasādataḥ

‘In this present birth, we two did not perform even the slightest good deed; yet, by your grace, a memory of our past deeds has arisen in us.’

Verse 109 (padma.6.200.109)

मांसाहारौ प्राणिहिंसारतौ क्रूरांतरेंद्रियौ । पापाचारकुले जातौ दर्शनेन भयप्रदौ

māṁsāhārau prāṇihiṁsāratau krūrāṁtareṁdriyau pāpācārakule jātau darśanena bhayapradau

‘We are flesh-eaters, delighting in the killing of living beings, cruel in our very inner faculties, born into families of sinful conduct, terrifying to behold—’

Verse 110 (padma.6.200.110)

आवामेतादृशे लोके ह्यभूतामिति पापिनौ । केन पुण्येन युवयोर्जातं दर्शनमावयोः

āvāmetādṛśe loke hyabhūtāmiti pāpinau kena puṇyena yuvayorjātaṁ darśanamāvayoḥ

‘—such sinners as we were in this world. By what merit has this sight of you two come about for us?’

Verse 111 (padma.6.200.111)

सारूप्यं च कुतः पुण्याद्यायावः श्रीहरेः पदम् । गणावूचतुः । तीर्थेत्र मरणान्नूनं सुराचार्यकृते पुरा

sārūpyaṁ ca kutaḥ puṇyādyāyāvaḥ śrīhareḥ padam gaṇāvūcatuḥ tīrthetra maraṇānnūnaṁ surācāryakṛte purā

‘And by what merit have we obtained this same form as you, that we are now going to the abode of Shri Hari?’ The two attendants said: ‘Surely, by dying at this tirtha, established long ago by the teacher of the gods—’

Verse 112 (padma.6.200.112)

युवयोर्दर्शनं जातं नौ च सारूप्यमद्भुतम् । लक्ष्मीपतिपदपाप्तिर्भविष्यति च वां चिरम्

yuvayordarśanaṁ jātaṁ nau ca sārūpyamadbhutam lakṣmīpatipadapāptirbhaviṣyati ca vāṁ ciram

‘—this sight of us has come about for you two, and this wondrous same-formedness with us; and the attainment of the abode of the Lord of Lakshmi shall be yours forever.’

Verse 113 (padma.6.200.113)

तावत्पापानि गर्जंति ब्रह्महत्यादिकानि वै । जातं न दर्शनं यावत्तीर्थस्यास्य बृहस्पतेः

tāvatpāpāni garjaṁti brahmahatyādikāni vai jātaṁ na darśanaṁ yāvattīrthasyāsya bṛhaspateḥ

‘Sins, even such as the killing of a brahmin, roar with power only so long as one has not had sight of this tirtha of Brihaspati.’

Verse 114 (padma.6.200.114)

यथा तमांसि नश्यंति भास्करस्योदयादिह । तथा पापानि निगमोद्बोधकस्याविलोकनात्

yathā tamāṁsi naśyaṁti bhāskarasyodayādiha tathā pāpāni nigamodbodhakasyāvilokanāt

‘Just as darkness is destroyed by the rising of the sun, so are sins destroyed by the mere sight of the Nigamodbodhaka.’

Verse 115 (padma.6.200.115)

इंद्रप्रस्थाख्यमेतद्वै क्षेत्रमिंद्रस्य पावनम् । तेनात्र पूजितो विष्णुः क्रतुभिर्बहुदक्षिणैः

iṁdraprasthākhyametadvai kṣetramiṁdrasya pāvanam tenātra pūjito viṣṇuḥ kratubhirbahudakṣiṇaiḥ

‘This is that very field, named Indraprastha, the purifying place of Indra; here Vishnu was worshipped by him with sacrifices bearing abundant sacrificial fees.’

Verse 116 (padma.6.200.116)

तुष्टेन विष्णुना तस्मै वरो दत्तो निशम्यताम् । भो शक्र तावके क्षेत्रे सर्वतीर्थमये जनाः

tuṣṭena viṣṇunā tasmai varo datto niśamyatām bho śakra tāvake kṣetre sarvatīrthamaye janāḥ

‘Vishnu, being pleased, granted him a boon — hear it: “O Shakra, in this field of yours, made of all tirthas, whatever people—”’

Verse 117 (padma.6.200.117)

तनुं त्यक्षंति ये ते वै मत्तुल्या हिंसका अपि

tanuṁ tyakṣaṁti ye te vai mattulyā hiṁsakā api

‘—give up their bodies, they, even if violent as we were, become equal to me.”’

Verse 118 (padma.6.200.118)

नारद उवाच- इत्युक्त्वा तौ गणःश्रेष्ठौ नीत्वा तौ जग्मतुः पदम् । हरेर्यत्रगतोभूयो विश्वाब्धौ न निमज्जति

nārada uvāca- ityuktvā tau gaṇaḥśreṣṭhau nītvā tau jagmatuḥ padam hareryatragatobhūyo viśvābdhau na nimajjati

Narada said: Having said this, those two foremost attendants, taking them along, went to the abode of Hari — that place from which, once gone, one sinks no more into the ocean of the world.