The Glory of Prayaga at Indraprastha

Verse 1 (padma.6.221.1)

नारद उवाच- इत्युक्ता सा कला राजंस्तया नृपतिभार्यया । स्वकोशात्स्वर्णमंजूषामानाय्य विदधे पुरः ।

nārada uvāca ityuktā sā kalā rājaṁstayā nṛpatibhāryayā svakośātsvarṇamaṁjūṣāmānāyya vidadhe puraḥ

Narada said: O king, thus addressed by the king's wife, the maid Kala brought a golden casket from her own store and set it before her.

Verse 2 (padma.6.221.2)

उवाच च महाराज भार्येऽस्यामहदद्भुतम् । पुस्तकं वर्तते देवि तत्र चित्राणि संति वै ।

uvāca ca mahārāja bhārye'syāmahadadbhutam pustakaṁ vartate devi tatra citrāṇi saṁti vai

She said, O great king: 'Here, O queen, is a great marvel — a book, and there are pictures in it.'

Verse 3 (padma.6.221.3)

उद्धाट्य दृश्यतां किंचित्किं किमस्त्यत्र पुस्तके । रंस्यते ते मनो नूनं तत्रस्था लेख्यदर्शने ।

uddhāṭya dṛśyatāṁ kiṁcitkiṁ kimastyatra pustake raṁsyate te mano nūnaṁ tatrasthā lekhyadarśane

Open it and see what is in this book; your heart will surely delight in beholding the pictures there.

Verse 4 (padma.6.221.4)

इत्युक्त्वा भूपपत्नी सा दास्या तामुदघाटयत् । मंजूषां तत्र संस्थं च पुस्तकं पाणिनाऽग्रहीत् ।

ityuktvā bhūpapatnī sā dāsyā tāmudaghāṭayat maṁjūṣāṁ tatra saṁsthaṁ ca pustakaṁ pāṇinā'grahīt

So saying, the king's wife had the maidservant open it; the casket lying there, and the book in it, she took in her own hand.

Verse 5 (padma.6.221.5)

तत्रावलोकयामास सावतारान्समासतः । पूर्वं ततस्तु भूगोलं पंचाशत्कोटियोजनम् ।

tatrāvalokayāmāsa sāvatārāṁsamāsataḥ pūrvaṁ tatastu bhūgolaṁ paṁcāśatkoṭiyojanam

There she looked upon the descents of the Lord in due order — first the sphere of the earth, fifty crore yojanas in extent.

Verse 6 (padma.6.221.6)

तत्रांधकारसंयुक्ता भूमिर्दृष्टाथ कांचनी । एतयोरंतरे राजँल्लोकालोकश्च पर्वतः ।

tatrāṁdhakārasaṁyuktā bhūmirdṛṣṭātha kāṁcanī etayoraṁtare rāja~llokālokaśca parvataḥ

There she saw a dark-bound region, and beyond it a golden one; between the two lay the mountain Lokaloka.

Verse 7 (padma.6.221.7)

सप्तद्वीपास्ततो दृष्ट्वा समुद्रैः सप्तभिर्वृताः । एतेषु नद्यः शैलाश्च खंडानि तु महामते ।

saptadvīpāstato dṛṣṭvā samudraiḥ saptabhirvṛtāḥ eteṣu nadyaḥ śailāśca khaṁḍāni tu mahāmate

Then she saw the seven continents, surrounded by the seven oceans; upon them, O wise one, the rivers, the mountains, and the lands.

Verse 8 (padma.6.221.8)

एतद्भारतखंडं सा पश्यंती भूपतिप्रिया । यमुनाजाह्नवी मुख्या सरितः समवैक्षत ।

etadbhāratakhaṁḍaṁ sā paśyaṁtī bhūpatipriyā yamunājāhnavī mukhyā saritaḥ samavaikṣata

Gazing at this land of Bharata, the king's beloved beheld the rivers, chief among them the Yamuna and the Jahnavi (Ganga).

Verse 9 (padma.6.221.9)

यमुनातीरगं राजन्निंद्रप्रस्थमिदं शुभम् । ददर्श सा महाभागा तीर्थं व्रजयुतं नृप ।

yamunātīragaṁ rājaṁniṁdraprasthamidaṁ śubham dadarśa sā mahābhāgā tīrthaṁ vrajayutaṁ nṛpa

On the bank of the Yamuna, O king, she saw this auspicious Indraprastha; that most fortunate lady beheld this sacred place thronging with pilgrims.

Verse 10 (padma.6.221.10)

अत्र तीर्थमिदं दृष्ट्वा प्रयागं ब्रह्मनिर्मितम् । पूर्वजन्मकृतं कर्म सा सस्मार मनस्विनी ।

atra tīrthamidaṁ dṛṣṭvā prayāgaṁ brahmanirmitam pūrvajaṁmakṛtaṁ karma sā sasmāra manasvinī

Seeing this holy place, Prayaga, made by Brahma, that thoughtful woman recalled a deed done in a former birth.

Verse 11 (padma.6.221.11)

ततस्तूष्णीं समुत्थाय तूर्णं सा स्वगृहं ययौ । निश्चित्येति न भोक्ष्यामि ततः प्रस्थाय तीर्थकम् ।

tatastūṣṇīṁ samutthāya tūrṇaṁ sā svagṛhaṁ yayau niścityeti na bhokṣyāmi tataḥ prasthāya tīrthakam

Then, rising in silence, she went swiftly to her own house and, resolving 'I shall not eat,' set out for the sacred place.

Verse 12 (padma.6.221.12)

तदैव सा तु हेमांगी सहगंतुमसुप्रियम् । वीरवर्माणमाहेदं तीर्थराजं प्रिया सती ।

tadaiva sā tu hemāṁgī sahagaṁtumasupriyam vīravarmāṇamāhedaṁ tīrtharājaṁ priyā satī

That very moment the golden-limbed, devoted Hemangi spoke thus to her dear husband Viravarma about going together to the king of sacred places.

Verse 13 (padma.6.221.13)

हेमांग्युवाच- भो भो प्राणपते वाक्यं मदीयं शृणु धर्मदम् । विधेहि च महाभाग तूर्णं पूर्णो भविष्यति ।

hemāṁgyuvāca bho bho prāṇapate vākyaṁ madīyaṁ śṛṇu dharmadam vidhehi ca mahābhāga tūrṇaṁ pūrṇo bhaviṣyati

Hemangi said: 'O lord of my life, hear my righteous word; grant it, O most fortunate one, and it shall soon be fulfilled.

Verse 14 (padma.6.221.14)

पुराहं मोहिनी नाम वेश्या च बहुपापकृत् । यौवने वार्द्धके किंचिद्धर्मे जाता मतिर्मम ।

purāhaṁ mohinī nāma veśyā ca bahupāpakṛt yauvane vārddhake kiṁciddharme jātā matirmama

Long ago I was a courtesan named Mohini, laden with many sins; in my youth, and a little in old age, my mind turned toward dharma.

Verse 15 (padma.6.221.15)

पापेनोपार्जितां वित्तं धर्मेण व्ययितं मया । निर्द्धनाहं यदा राजन्निर्गता निजपत्तनात् ।

pāpenopārjitāṁ vittaṁ dharmeṇa vyayitaṁ mayā nirddhanāhaṁ yadā rājaṁnirgatā nijapattanāt

What I had earned through sin I spent in acts of righteousness; when I had become penniless, O king, I went out from my own city.

Verse 16 (padma.6.221.16)

तदा मां निर्जनेऽरण्ये यांती जघ्नुस्तु तस्कराः । वृथा दारिद्र्यसंतप्ता पापा धनजिघृक्षया ।

tadā māṁ nirjane'raṁye yāṁtī jaghnustu taskarāḥ vṛthā dāridryasaṁtaptā pāpā dhanajighṛkṣayā

Then, as I wandered in a lonely forest, thieves struck me down — wretched, tormented by poverty, sinners greedy for wealth.

Verse 17 (padma.6.221.17)

शितशस्त्रक्षतांगीं मां श्वसंतीं गतचेतनाम् । विसृज्य तस्करास्तत्र गता हतमनोरथाः ।

śitaśastrakṣatāṁgīṁ māṁ śvasaṁtīṁ gatacetanām visṛjya taskarāstatra gatā hatamanorathāḥ

My body wounded by sharp weapons, gasping and losing consciousness, the thieves left me there and went away, their desires unfulfilled.

Verse 18 (padma.6.221.18)

ततो वैखानसो ह्येकः प्रयागस्य जलं वहन् । इंद्रप्रस्थगतस्यैव वने तत्र समागतः ।

tato vaikhānaso hyekaḥ prayāgasya jalaṁ vahan iṁdraprasthagatasyaiva vane tatra samāgataḥ

Then a hermit, carrying the water of Prayaga, who had come from Indraprastha, arrived there in that forest.

Verse 19 (padma.6.221.19)

तत्र मां पतितां दृष्ट्वा तदवस्थां स तापसः । का त्वं कुतः किमर्थं वा हता केनेति पृष्टवान् ।

tatra māṁ patitāṁ dṛṣṭvā tadavasthāṁ sa tāpasaḥ kā tvaṁ kutaḥ kimarthaṁ vā hatā keneti pṛṣṭavān

Seeing me fallen in that state, that ascetic asked: 'Who are you, from where, for what reason, and by whom have you been struck down?'

Verse 20 (padma.6.221.20)

तदा किमपि नोक्तं मे प्रार्थितं पुण्यमंबु तत् । तेन तन्मे मुखे क्षिप्तं ततोऽहं देहमत्यजम् ।

tadā kimapi noktaṁ me prārthitaṁ puṁyamaṁbu tat tena taṁme mukhe kṣiptaṁ tato'haṁ dehamatyajam

I could say nothing then; I only prayed for that holy water. He poured it into my mouth, and then I gave up my body.

Verse 21 (padma.6.221.21)

प्राणप्रयाणकाले तु वारितत्सर्वकामदम् । श्रुत्वेति वांच्छितवती महिषी स्यामिति प्रभो ।

prāṇaprayāṇakāle tu vāritatsarvakāmadam śrutveti vāṁcchitavatī mahiṣī syāmiti prabho

At the moment my life was departing, having heard of that water which grants every desire, I wished, O lord: 'May I become a queen.'

Verse 22 (padma.6.221.22)

तस्य तीर्थांभसो राजन्प्रसादात्ते गृहेश्वरी । जाताहं सत्कुलाचारा शीलया परयो निधेः ।

tasya tīrthāṁbhaso rājaṁprasādātte gṛheśvarī jātāhaṁ satkulācārā śīlayā parayo nidheḥ

By the grace of that water of the sacred place, O king, I was born as your queen, endowed with good family conduct and virtuous character.

Verse 23 (padma.6.221.23)

सांप्रतं द्रष्टुमिच्छामि शक्रप्रस्थगतं नृप । प्रयागं तीर्थराजं तं भवता सह कामदम् ।

sāṁprataṁ draṣṭumicchāmi śakraprasthagataṁ nṛpa prayāgaṁ tīrtharājaṁ taṁ bhavatā saha kāmadam

Now, O king, I wish to go with you and see Prayaga, the wish-granting king of sacred places at Shakraprastha (Indraprastha).

Verse 24 (padma.6.221.24)

प्रस्थास्येहं यदा राजन् तीर्थराजं प्रति प्रभो । तदाहमन्नं भोक्ष्यामि मयेति विहितः पणः ।

prasthāsyehaṁ yadā rājan tīrtharājaṁ prati prabho tadāhamaṁnaṁ bhokṣyāmi mayeti vihitaḥ paṇaḥ

When I set out, O king, toward that king of sacred places, only then, O lord, shall I eat — this vow have I made.'

Verse 25 (padma.6.221.25)

राजोवाच- कथमेतद्विजानीयां त्वदुक्तं चललोचने । प्रतीतं कुरु मे भद्रे त्वदुक्तं करवाण्यहम् ।

rājovāca kathametadvijānīyāṁ tvaduktaṁ calalocane pratītaṁ kuru me bhadre tvaduktaṁ karavāṁyaham

The king said: 'How am I to know this to be true, O fickle-eyed one? Convince me of it, O gentle one, and I shall do as you say.'

Verse 26 (padma.6.221.26)

नारद उवाच- इत्युक्ते तेन भूपेन खे वागित्यभवत्तदा । आकाशवागुवाच- सत्यमुक्तं वचो राजन्ननया तव भार्यया ।

nārada uvāca ityukte tena bhūpena khe vāgityabhavattadā ākāśavāguvāca satyamuktaṁ vaco rājaṁnanayā tava bhāryayā

Narada said: When the king had spoken thus, a voice arose then in the sky. The voice from the sky said:

Verse 27 (padma.6.221.27)

इंद्रप्रस्थे गते पुण्ये प्रयागे तीर्थपुंगवे । तत्र गत्वा कुरु स्नानं लप्स्यसे यद्यदिच्छसि ।

iṁdraprasthe gate puṁye prayāge tīrthapuṁgave tatra gatvā kuru snānaṁ lapsyase yadyadicchasi

'True is the word spoken to you, O king, by your wife. Having gone to sacred Indraprastha, to Prayaga, foremost of sacred places, go there and bathe, and you shall obtain whatever you desire.'

Verse 28 (padma.6.221.28)

नारद उवाच- निशम्येति ततो वाणीं नृपो गगनसंभवाम् । दंडवत्पतितो भूमौ तद्वक्तारं नमाम्यहम् ।

nārada uvāca niśaṁyeti tato vāṇīṁ nṛpo gaganasaṁbhavām daṁḍavatpatito bhūmau tadvaktāraṁ namāṁyaham

Narada said: Hearing that voice arising from the sky, the king fell to the ground like a staff and bowed to the one who had spoken.

Verse 29 (padma.6.221.29)

अथ मंत्रिणमाहूय राज्यमारोप्य तत्र वै । तया सह समारुह्य रथं तीर्थवरं ययौ ।

atha maṁtriṇamāhūya rājyamāropya tatra vai tayā saha samāruhya rathaṁ tīrthavaraṁ yayau

Then, summoning his minister and setting him upon the throne, he mounted a chariot together with her and set out for that greatest of sacred places.

Verse 30 (padma.6.221.30)

कतिभिर्वासरैरत्र हेमांग्या सह आययौ । उपजहृ तीर्थराजे क्षीरं भार्यायुतो नृपः ।

katibhirvāsarairatra hemāṁgyā saha āyayau upajahṛ tīrtharāje kṣīraṁ bhāryāyuto nṛpaḥ

After some days he arrived there with Hemangi; the king, together with his wife, offered milk at the king of sacred places.

Verse 31 (padma.6.221.31)

सस्नतुस्तौ शिवे तीर्थे दंपती तत्र कामदे । प्रयागे तेन वपुषा वैकुंठप्राप्तिरस्तु मे ।

sasnatustau śive tīrthe daṁpatī tatra kāmade prayāge tena vapuṣā vaikuṁṭhaprāptirastu me

There, at that auspicious, wish-granting sacred place, the couple bathed, each praying: 'By this very body, in Prayaga, may I attain Vaikuntha.'

Verse 32 (padma.6.221.32)

प्रतीच्छया स्नानमात्रे मिथुने तत्र भूपते । आगतौ सुरशार्दूलौ हंसपक्षींद्रवाहनौ ।

pratīcchayā snānamātre mithune tatra bhūpate āgatau suraśārdūlau haṁsapakṣīṁdravāhanau

As the two bathed there with faith, O king, two lordly beings arrived, mounted on kingly birds — the swan and the eagle.

Verse 33 (padma.6.221.33)

आगतौ तौ समालोक्य वीरवर्मा स भूपतिः । प्रणम्य शिरसा देवौ तुष्टावैकाग्रमानसः ।

āgatau tau samālokya vīravarmā sa bhūpatiḥ praṇaṁya śirasā devau tuṣṭāvaikāgramānasaḥ

Seeing the two arrive, King Viravarma bowed his head to the gods and, with a one-pointed mind, praised them.

Verse 34 (padma.6.221.34)

राजोवाच- नमो वां सुरशार्दूलौ बिभ्रद्भ्यामसितारुणे । वपुषी क्षौमवासांसि हेमसिंदूरभानि च ।

rājovāca namo vāṁ suraśārdūlau bibhradbhyāmasitāruṇe vapuṣī kṣaumavāsāṁsi hemasiṁdūrabhāni ca

The king said: 'Salutations to you two, foremost among the gods, bearing bodies dark and reddish-golden, clad in silken garments the color of gold and vermilion.

Verse 35 (padma.6.221.35)

वंदे युवां सत्वरजः प्रधानौ चराचरस्य स्थितिसर्गहेतू । वैकुंठसत्याद्भुतलोकनाथौ चतुर्द्विबाहू खगराजवाहौ ।

vaṁde yuvāṁ satvarajaḥ pradhānau carācarasya sthitisargahetū vaikuṁṭhasatyādbhutalokanāthau caturdvibāhū khagarājavāhau

I bow to you two, embodiments of sattva and rajas, the cause of the creation and preservation of all that moves and moves not, lords of the true, wondrous worlds of Vaikuntha, four-armed and two-armed, borne by the king of birds.

Verse 36 (padma.6.221.36)

वैराग्यसंरागवतां जनानां सन्मुक्तिभुक्तिप्रतिपादिकौ च । वृंदारके वंदितपादपद्मौ सद्भावनम्रेण नमामि मूर्ध्ना ।

vairāgyasaṁrāgavatāṁ janānāṁ saṁmuktibhuktipratipādikau ca vṛṁdārake vaṁditapādapadmau sadbhāvanaṁreṇa namāmi mūrdhnā

To you two, who grant liberation and enjoyment to men of dispassion and passion alike, whose worshipped lotus feet the celestials adore, with a head bowed in true devotion I offer my salutations.

Verse 37 (padma.6.221.37)

गोविंदवृंदारकवंद्यपाद न कोऽपि जानाति तव स्वरूपम् । यतः परस्त्वं प्रकृतेश्च पुंसो मनोवचोभ्यामपि दूरवर्ती ।

goviṁdavṛṁdārakavaṁdyapāda na ko'pi jānāti tava svarūpam yataḥ parastvaṁ prakṛteśca puṁso manovacobhyāmapi dūravartī

O Govinda, whose feet the celestials worship, no one truly knows your real nature, for you are beyond both matter (prakriti) and the individual soul (purusha), utterly beyond the reach of mind and speech.

Verse 38 (padma.6.221.38)

धन्यः सलोके पुरुषः परात्मन्यो विश्वमेतत्क्षणिकं विचिंत्य । अनन्यचेता भजति त्वदीय पादारविंदं मुनिवृंदवंद्यम् ।

dhaṁyaḥ saloke puruṣaḥ parātmaṁyo viśvametatkṣaṇikaṁ viciṁtya anaṁyacetā bhajati tvadīya pādāraviṁdaṁ munivṛṁdavaṁdyam

Blessed indeed in this world is that man who, reflecting that this universe is fleeting, worships with an undivided heart your lotus feet, adored by hosts of sages.

Verse 39 (padma.6.221.39)

त्वत्पादसेवनंनाम तीर्थमेतच्च दुर्लभम् । जनानां भजमानानां वांछितार्थफलप्रदम् ।

tvatpādasevanaṁnāma tīrthametacca durlabham janānāṁ bhajamānānāṁ vāṁchitārthaphalapradam

This service at your feet is itself a sacred place, rare indeed, granting to devoted men the fruit of every desire.

Verse 40 (padma.6.221.40)

तथाप्येतद्द्वयं सेव्यं मुक्तये नान्यलब्धये । अन्यकामनया यस्तु सेवते स तु वंचितः ।

tathāpyetaddvayaṁ sevyaṁ muktaye nāṁyalabdhaye aṁyakāmanayā yastu sevate sa tu vaṁcitaḥ

Yet these two — sacred place and devotion to you — should be served for liberation alone, not for any other gain; whoever serves them out of some other desire is indeed cheated.

Verse 41 (padma.6.221.41)

संतो भवंतमासेव्य तीर्थमेतच्च मुक्तिदम् । नान्यमिच्छंत्यतिक्रम्य सर्वलोकान्जिजीषवः ।

saṁto bhavaṁtamāsevya tīrthametacca muktidam nāṁyamicchaṁtyatikraṁya sarvalokāṁjijīṣavaḥ

The good, having served you and this liberation-granting sacred place, desire nothing else, seeking to rise above all worlds.'

Verse 42 (padma.6.221.42)

नारद उवाच- इत्यभिष्टूय देवेशं लोकेशं स च भूपतिः । तस्थौ यदा तदा राजन्हेमांगी सा जगाद ह ।

nārada uvāca ityabhiṣṭūya deveśaṁ lokeśaṁ sa ca bhūpatiḥ tasthau yadā tadā rājaṁhemāṁgī sā jagāda ha

Narada said: Having thus praised the Lord of the gods, the Lord of the worlds, when the king had fallen silent, Hemangi then spoke.

Verse 43 (padma.6.221.43)

पद्मापते पद्मपलाशलोचन ब्रह्मन्करालासन भारती गुरो । नमो युवाभ्यां यदि दीनचेतसे प्रसीदतां तारयतां भवाब्धेः ।

padmāpate padmapalāśalocana brahmaṁkarālāsana bhāratī guro namo yuvābhyāṁ yadi dīnacetase prasīdatāṁ tārayatāṁ bhavābdheḥ

'O lord of Lakshmi, O lotus-petal-eyed one; O Brahma seated on the fearsome seat, O lord of speech — salutations to you both. If you are pleased with one so humble-hearted, may you deliver us across the ocean of existence.

Verse 44 (padma.6.221.44)

तीर्थस्यास्य प्रसादेन जाताहं महिषी प्रभो । युवयोर्दर्शनं जातं देवानामपि दुर्लभम् ।

tīrthasyāsya prasādena jātāhaṁ mahiṣī prabho yuvayordarśanaṁ jātaṁ devānāmapi durlabham

By the grace of this sacred place I became a queen, O lord; the sight of you two is rare even for the gods.

Verse 45 (padma.6.221.45)

युवामखिलचित्तज्ञौ दत्तं नौ मानसेप्सितम् । स्नानकाले यदावाभ्यां विहितं पारमार्थिकम् ।

yuvāmakhilacittajṁau dattaṁ nau mānasepsitam snānakāle yadāvābhyāṁ vihitaṁ pāramārthikam

You two, knowers of every heart, have granted us what our minds desired — that which, at the time of bathing, you both ordained for our highest good.'

Verse 46 (padma.6.221.46)

एवं ताभ्यामुभाभ्यां तौ संस्तुतौ देवपुंगवौ । प्रसन्नवदनौ भूत्वा प्रोचतुर्दंपती प्रति ।

evaṁ tābhyāmubhābhyāṁ tau saṁstutau devapuṁgavau prasaṁnavadanau bhūtvā procaturdaṁpatī prati

Thus praised by the two of them together, those two foremost of gods, their faces gladdened, spoke to the royal couple.

Verse 47 (padma.6.221.47)

हरिब्रह्माणावूचतुः । धन्या त्वमसि हेमांगि यतोऽयं तारितः पतिः । त्वया राज्यसुखासक्त चित्तोप्येतत्समागमात् ।

haribrahmāṇāvūcatuḥ dhaṁyā tvamasi hemāṁgi yato'yaṁ tāritaḥ patiḥ tvayā rājyasukhāsakta cittopyetatsamāgamāt

Hari and Brahma said: 'Blessed are you, Hemangi, for through you your husband has been delivered — though his heart was attached to the pleasures of kingship, even so, through this meeting.

Verse 48 (padma.6.221.48)

राज्ञां विषयसक्तानां दुर्लभा मुक्तिरीदृशी । त्वद्भर्तुर्यादृशी जाता तीर्थस्यास्य प्रसादतः ।

rājṁāṁ viṣayasaktānāṁ durlabhā muktirīdṛśī tvadbharturyādṛśī jātā tīrthasyāsya prasādataḥ

For kings attached to worldly enjoyments, liberation such as this is rare; yet such has befallen your husband, by the grace of this sacred place.'

Verse 49 (padma.6.221.49)

नारद उवाच- इत्युक्त्वा तौ समालोक्य गरुडं पक्षिपुंगवम् । जग्मतुस्तौ सुरश्रेष्ठौ सत्यलोकं नरेश्वर ।

nārada uvāca ityuktvā tau samālokya garuḍaṁ pakṣipuṁgavam jagmatustau suraśreṣṭhau satyalokaṁ nareśvara

Narada said: Having spoken thus, and having looked upon Garuda, king of birds, those two greatest of gods, O lord of men, set out for Satyaloka.

Verse 50 (padma.6.221.50)

तत्र ते ब्रह्मणा सर्वे पूजिता विधिवन्नृप । तस्य चित्तानुरोधेन तस्थुरेकं मुहूर्तकम् ।

tatra te brahmaṇā sarve pūjitā vidhivaṁnṛpa tasya cittānurodhena tasthurekaṁ muhūrtakam

There all were duly honored by Brahma, O king; and, in deference to his wish, they remained there for a single muhurta.

Verse 51 (padma.6.221.51)

अथ ताभ्यामुभाभ्यां स दंपतीभ्यां समं हरिः । आरुह्य गरुडं श्रीमद्वैकुंठमगमन्नृप ।

atha tābhyāmubhābhyāṁ sa daṁpatībhyāṁ samaṁ hariḥ āruhya garuḍaṁ śrīmadvaikuṁṭhamagamaṁnṛpa

Then, together with that royal couple, Hari mounted Garuda and went, O king, to glorious Vaikuntha.

Verse 52 (padma.6.221.52)

इत्येतत्कथितं तुभ्यं तीर्थराजस्य वैभवम् । पुण्यं समस्तपापघ्नं यशस्यं सुतदं नृप ।

ityetatkathitaṁ tubhyaṁ tīrtharājasya vaibhavam puṁyaṁ samastapāpaghnaṁ yaśasyaṁ sutadaṁ nṛpa

Thus has been told to you, O king, the glory of this king of sacred places — meritorious, destroying all sin, bringing fame, and granting sons.

Verse 53 (padma.6.221.53)

य एतच्छृणुयान्नित्यं पठेदपि च मानवः । स गच्छेद्वांछितं स्थानं सत्यमेतन्मयोदितम् ।

ya etacchṛṇuyāṁnityaṁ paṭhedapi ca mānavaḥ sa gacchedvāṁchitaṁ sthānaṁ satyametaṁmayoditam

Whoever hears this constantly, or even recites it, that person attains the place he desires — this is truth that I have spoken.