The Description of the Supreme Heaven

Verse 1 (padma.6.228.1)

श्रीमहादेव उवाच- त्रिपाद्विभूतेर्लोकास्तु असंख्याताः प्रकीर्तिताः । शुद्धसत्वमयाः सर्वे ब्रह्मानंदसुखाह्वयाः ।

śrīmahādeva uvāca tripādvibhūterlokāstu asaṁkhyātāḥ prakīrtitāḥ śuddhasatvamayāḥ sarve brahmānaṁdasukhāhvayāḥ

Shri Mahadeva said: The worlds of the three-quarter glory are declared to be innumerable; all are composed of pure sattva, called the abodes of the bliss of Brahman.

Verse 2 (padma.6.228.2)

सर्वे नित्या निर्विकारा हेयरागादिवर्जिताः । सर्वे हिरण्मयाश्शुद्धाः कोटिसूर्य्यसमप्रभाः ।

sarve nityā nirvikārā heyarāgādivarjitāḥ sarve hiraṁmayāśśuddhāḥ koṭisūryyasamaprabhāḥ

All are eternal, unchanging, free from base passion and the like; all are golden, pure, of a radiance equal to millions of suns.

Verse 3 (padma.6.228.3)

सर्वे वेदमयार्दिव्याः काम क्रोधविवर्जिताः । नारायणपदांभोज भक्त्येकरससेविताः ।

sarve vedamayārdivyāḥ kāma krodhavivarjitāḥ nārāyaṇapadāṁbhoja bhaktyekarasasevitāḥ

All are divine, composed of the Veda, free from desire and anger, savored solely through devotion to the lotus feet of Narayana.

Verse 4 (padma.6.228.4)

निरंतरं सामगानपरिपूर्णसुखं श्रिताः । सर्वे पंचोपनिषद स्वरूपा वेदवर्चसः ।

niraṁtaraṁ sāmagānaparipūrṇasukhaṁ śritāḥ sarve paṁcopaniṣada svarūpā vedavarcasaḥ

Ever filled with the joy of the Sama chant, all are of the nature of the five Upanishads, radiant with the Veda.

Verse 5 (padma.6.228.5)

सर्वे वेदमयैर्दिव्यैःपुरुषैः स्त्रीभिरावृताः । वेदैकरसतोयाढ्यैस्सरोभिरुपशोभिताः ।

sarve vedamayairdivyaiḥpuruṣaiḥ strībhirāvṛtāḥ vedaikarasatoyāḍhyaissarobhirupaśobhitāḥ

All are surrounded by divine, Veda-composed men and women, and adorned with lakes filled with waters of the single essence of the Veda.

Verse 6 (padma.6.228.6)

श्रुतिस्मृतिपुराणादि रूपस्थावरसंयुताः । सर्वं वर्णयितुं शक्यं न मया लोकविस्तृतम् ।

śrutismṛtipurāṇādi rūpasthāvarasaṁyutāḥ sarvaṁ varṇayituṁ śakyaṁ na mayā lokavistṛtam

Endowed with immovable things in the form of the Shrutis, Smritis, Puranas, and the like — the full extent of these worlds cannot be described by me.

Verse 7 (padma.6.228.7)

विरजा परमव्योम्नोरंतरंकेवलं स्मृतम् । तत्स्थानमुपभोक्तव्यमव्यक्तब्रह्मसेविनाम् ।

virajā paramavyoṁnoraṁtaraṁkevalaṁ smṛtam tatsthānamupabhoktavyamavyaktabrahmasevinām

The Viraja river is remembered as the sole boundary between Prakriti and the supreme heaven. That place is to be enjoyed by worshippers of the unmanifest Brahman.

Verse 8 (padma.6.228.8)

स्वात्मानुभवजानंदसुखदं केवलं पदम् । निःश्रेयसं च निर्वाणं कैवल्यं मोक्ष उच्यते ।

svātmānubhavajānaṁdasukhadaṁ kevalaṁ padam niḥśreyasaṁ ca nirvāṇaṁ kaivalyaṁ mokṣa ucyate

Beyond it is the sole abode, giving the bliss and joy born of the experience of one's own self — called nihshreyasa, nirvana, kaivalya, moksha.

Verse 9 (padma.6.228.9)

श्रीशांघ्रिभक्तिसेवैकरसभोगविवर्धिताः तम् । तदिच्छन्त्यल्पमतयो मोक्षं सुखविवर्जितम् । महात्मानो महाभागा भगवत्पादसेवकाः ।

śrīśāṁghribhaktisevaikarasabhogavivardhitāḥ tam tadicchaṁtyalpamatayo mokṣaṁ sukhavivarjitam mahātmāno mahābhāgā bhagavatpādasevakāḥ

Those of little understanding, who have not cultivated the sole-flavored joy of devoted service at the feet of the Lord of Shri, desire that moksha devoid of the higher bliss. But great souls, most fortunate, servants of the Lord's feet —

Verse 10 (padma.6.228.10)

तद्विष्णोः परमं धाम यांति ब्रह्मसुखप्रदम् । नानाजनपदाकीर्णं वैकुंठं तद्धरेः पदम् ।

tadviṣṇoḥ paramaṁ dhāma yāṁti brahmasukhapradam nānājanapadākīrṇaṁ vaikuṁṭhaṁ taddhareḥ padam

— go to that supreme abode of Vishnu, bestowing the bliss of Brahman. Vaikuntha, that abode of Hari, is thronged with many peoples,

Verse 11 (padma.6.228.11)

प्राकारैश्च विमानैश्च सौधैरत्नमयैर्वृतम् । तन्मध्ये नगरी दिव्या साऽयोध्येति प्रकीर्तिता ।

prākāraiśca vimānaiśca saudhairatnamayairvṛtam taṁmadhye nagarī divyā sā'yodhyeti prakīrtitā

surrounded by ramparts, celestial chariots, and jewel-mansions. In its midst is a divine city, declared to be called Ayodhya.

Verse 12 (padma.6.228.12)

मणिकांचनचित्राढ्य प्राकारैस्तोरणैर्वृता । चतुर्द्वारसमायुक्ता रत्नगोपुरसंवृता ।

maṇikāṁcanacitrāḍhya prākāraistoraṇairvṛtā caturdvārasamāyuktā ratnagopurasaṁvṛtā

Rich with ramparts of variegated gems and gold, and with archways, furnished with four gates, surrounded by jeweled towers,

Verse 13 (padma.6.228.13)

चंडादिद्वारपालैश्च कुमुदाद्यैश्च रक्षिता । चंडप्रचंडौ प्राग्द्वार याम्ये भद्रसुभद्रकौ ।

caṁḍādidvārapālaiśca kumudādyaiśca rakṣitā caṁḍapracaṁḍau prāgdvāra yāṁye bhadrasubhadrakau

guarded by gatekeepers beginning with Chanda and Kumuda. Chanda and Prachanda guard the eastern gate; at the southern, Bhadra and Subhadra;

Verse 14 (padma.6.228.14)

वारुण्यां जयविजयौ सौम्ये धातृविधातरौ । कुमुदः कुमुदाक्षश्च पुंडरीकोऽथ वामनः ।

vāruṁyāṁ jayavijayau sauṁye dhātṛvidhātarau kumudaḥ kumudākṣaśca puṁḍarīko'tha vāmanaḥ

at the western, Jaya and Vijaya; at the northern, Dhatri and Vidhatri; Kumuda, Kumudaksha, Pundarika, and Vamana;

Verse 15 (padma.6.228.15)

शंकुकर्णः सर्वनेत्रः सुमुखः सुप्रतिष्ठितः । एते दिक्पतयः प्रोक्ताः पुर्य्यामत्र शुभानने ।

śaṁkukarṇaḥ sarvanetraḥ sumukhaḥ supratiṣṭhitaḥ ete dikpatayaḥ proktāḥ puryyāmatra śubhānane

Shankukarna, Sarvanetra, Sumukha, Supratishthita — these, O fair-faced one, are declared to be the guardians of the directions in this city.

Verse 16 (padma.6.228.16)

कोटिवैश्वानरप्रख्य गृहपंक्तिभिरावृता । आरूढयौवनैर्नित्यैर्दिव्यनारीनरैर्युता ।

koṭivaiśvānaraprakhya gṛhapaṁktibhirāvṛtā ārūḍhayauvanairnityairdivyanārīnarairyutā

It is covered with rows of houses blazing like millions of fires, filled with eternal divine men and women in the flower of youth.

Verse 17 (padma.6.228.17)

अन्तःपुरं तु देवस्य मध्ये पुर्याम्मनोहरम् । मणिप्राकारसंयुक्तं रत्नतोरणशोभितम् ।

aṁtaḥpuraṁ tu devasya madhye puryāṁmanoharam maṇiprākārasaṁyuktaṁ ratnatoraṇaśobhitam

In the middle of the city is the enchanting inner palace of the Lord, furnished with jeweled ramparts, adorned with gem-studded arches,

Verse 18 (padma.6.228.18)

विमानैर्गृहमुख्यैश्च प्रासादैर्बहुभिर्युतम् । दिव्याप्सरोगणैः स्त्रीभिस्सर्वतस्समलंकृतम् ।

vimānairgṛhamukhyaiśca prāsādairbahubhiryutam divyāpsarogaṇaiḥ strībhissarvatassamalaṁkṛtam

furnished with celestial chariots, chief mansions, and many palaces, adorned all around with hosts of divine celestial women.

Verse 19 (padma.6.228.19)

मध्ये तु मंडपं दिव्यं राजस्थानं महोच्छ्रयम् । माणिक्यस्तंभसाहस्रजुष्टं रत्नमयं शुभम् ।

madhye tu maṁḍapaṁ divyaṁ rājasthānaṁ mahocchrayam māṇikyastaṁbhasāhasrajuṣṭaṁ ratnamayaṁ śubham

In the center is a divine hall, the towering royal seat, furnished with a thousand ruby pillars, jeweled and auspicious,

Verse 20 (padma.6.228.20)

दिव्यैर्मुक्तैः समाकीर्णं सामगानोपशोभितम् । मध्ये सिंहासनं रम्यं सर्ववेदमयं शुभम् ।

divyairmuktaiḥ samākīrṇaṁ sāmagānopaśobhitam madhye siṁhāsanaṁ raṁyaṁ sarvavedamayaṁ śubham

strewn with divine pearls, graced with the singing of the Sama. In its center is the beautiful lion-throne, wholly composed of the Vedas, auspicious,

Verse 21 (padma.6.228.21)

धर्मादिदैवतैर्नित्यैर्वृंतवैदमयात्मकैः । धर्म्मज्ञानमहैश्वर्यवैराग्यैः पादविग्रहैः ।

dharmādidaivatairnityairvṛṁtavaidamayātmakaiḥ dharṁmajṁānamahaiśvaryavairāgyaiḥ pādavigrahaiḥ

surrounded by the eternal deities beginning with Dharma, of Vedic essence — Dharma, Jnana, Aishvarya, and Vairagya, its four legs,

Verse 22 (padma.6.228.22)

ऋग्यजुःसामचाथर्वैरूपैर्नित्यं वृतं क्रमात् । शक्तिराधारशक्तिश्च चिच्छक्तिश्च सदाशिवा ।

ṛgyajuḥsāmacātharvairūpairnityaṁ vṛtaṁ kramāt śaktirādhāraśaktiśca cicchaktiśca sadāśivā

ever surrounded in order by the forms of the Rig, Yajus, Sama, and Atharva. Shakti, Adhara-shakti, Chit-shakti, and Sadashiva —

Verse 23 (padma.6.228.23)

धर्मादिदेवतानां च शक्तयः परिकीर्तिताः । वसंति मध्यमे तत्र वह्निसूर्यसुधांशवः ।

dharmādidevatānāṁ ca śaktayaḥ parikīrtitāḥ vasaṁti madhyame tatra vahnisūryasudhāṁśavaḥ

these are declared to be the powers of the deities beginning with Dharma. Fire, the sun, and the moon dwell there in the middle;

Verse 24 (padma.6.228.24)

कूर्मश्च नागराजश्च वैनतेयस्त्रयीश्वरः । छंदासि सर्वमंत्राश्च पीठरूपत्वमास्थिताः ।

kūrmaśca nāgarājaśca vainateyastrayīśvaraḥ chaṁdāsi sarvamaṁtrāśca pīṭharūpatvamāsthitāḥ

the Tortoise, the king of serpents, Vainateya, the lord of the three Vedas, the metres, and all the mantras stand there in the form of the seat's support.

Verse 25 (padma.6.228.25)

सर्वाक्षरमयं दिव्यं योगपीठमिति स्मृतम् । तन्मध्येऽष्टदलं पद्ममुदयार्कसमप्रभम् ।

sarvākṣaramayaṁ divyaṁ yogapīṭhamiti smṛtam taṁmadhye'ṣṭadalaṁ padmamudayārkasamaprabham

It is wholly composed of syllables, divine, remembered as the Yoga-pitha. In its midst is an eight-petaled lotus, radiant as the rising sun.

Verse 26 (padma.6.228.26)

तन्मध्ये कर्णिकायां तु सावित्र्यां शुभदर्शने । ईश्वर्य्या सह देवेशस्तत्रासीनः परः पुमान् ।

taṁmadhye karṇikāyāṁ tu sāvitryāṁ śubhadarśane īśvaryyā saha deveśastatrāsīnaḥ paraḥ pumān

There, in its pericarp — Savitri, of fair appearance — the Lord of the gods, together with his consort Ishvari, the Supreme Person, sits enthroned.

Verse 27 (padma.6.228.27)

इंदीवरदलश्यामः कोटिसूर्यप्रकाशवान् । युवाकुमारः स्निग्धश्च कोमलावयवैर्वृतः ।

iṁdīvaradalaśyāmaḥ koṭisūryaprakāśavān yuvākumāraḥ snigdhaśca komalāvayavairvṛtaḥ

Dark as a blue lotus-petal, radiant as millions of suns, an ever-youthful prince, gentle, with soft limbs;

Verse 28 (padma.6.228.28)

फुल्लरक्तांबुजनिभः कोमलांघ्रिसरोजवान् । प्रबुद्धः पुंडरीकाक्षः सुभ्रू लतायुगाङ्कितः ।

phullaraktāṁbujanibhaḥ komalāṁghrisarojavān prabuddhaḥ puṁḍarīkākṣaḥ subhrū latāyugāṁkitaḥ

his feet like a blooming red lotus, his feet soft as lotuses, wide-awake, lotus-eyed, marked with a pair of creeper-like eyebrows;

Verse 29 (padma.6.228.29)

सुनासस्सुकपोलाढ्यस्सुश्रोत्रमुखपंकजः । मुक्ताफलाभदन्ताढ्यः सस्मिताधरविद्रुमः ।

sunāsassukapolāḍhyassuśrotramukhapaṁkajaḥ muktāphalābhadaṁtāḍhyaḥ sasmitādharavidrumaḥ

of a fine nose, ample fair cheeks, fine ears on a lotus-face, teeth like pearls, coral lips graced with a gentle smile;

Verse 30 (padma.6.228.30)

परिपूर्णेदुसंकाशः सुस्मिताननपंकजः । तरुणादित्यवर्णाभ्यां कुंडलाभ्यां विराजितः ।

paripūrṇedusaṁkāśaḥ susmitānanapaṁkajaḥ taruṇādityavarṇābhyāṁ kuṁḍalābhyāṁ virājitaḥ

resembling the full moon, his lotus-face gently smiling, resplendent with two earrings the color of the young sun;

Verse 31 (padma.6.228.31)

सस्निग्धनीलकुटिलकुन्तलैरुपशोभितः । मन्दारपारिजाताढ्य कबरीकृतकेशवान् ।

sasnigdhanīlakuṭilakuṁtalairupaśobhitaḥ maṁdārapārijātāḍhya kabarīkṛtakeśavān

adorned with glossy, dark, curling locks, his braided hair rich with Mandara and Parijata flowers;

Verse 32 (padma.6.228.32)

प्रातरुद्यत्सहस्रांशुनिभकौस्तुभशोभितः । हारस्वर्णस्रगासक्त कम्बुग्रीवो विराजितः ।

prātarudyatsahasrāṁśunibhakaustubhaśobhitaḥ hārasvarṇasragāsakta kaṁbugrīvo virājitaḥ

graced by the Kaustubha jewel like the rising thousand-rayed sun at dawn, his conch-shaped neck resplendent with garlands and golden necklaces;

Verse 33 (padma.6.228.33)

सिंहस्कंधनिभैः प्रोच्चैः पीनैरंसैर्विराजितः । पीनवृत्तायतभुजैश्चतुर्भिरुपशोभितः ।

siṁhaskaṁdhanibhaiḥ proccaiḥ pīnairaṁsairvirājitaḥ pīnavṛttāyatabhujaiścaturbhirupaśobhitaḥ

resplendent with high, full shoulders like a lion's, adorned with four full, round, long arms;

Verse 34 (padma.6.228.34)

अङ्गुलीयैश्च कटकैः केयूरैः परिमण्डितः । बालार्ककोटिसंकाशैः कौस्तुभाद्यैः सुभूषणैः ।

aṁgulīyaiśca kaṭakaiḥ keyūraiḥ parimaṁḍitaḥ bālārkakoṭisaṁkāśaiḥ kaustubhādyaiḥ subhūṣaṇaiḥ

adorned all over with rings, bracelets, and armlets, with fine ornaments beginning with the Kaustubha, radiant as millions of rising suns;

Verse 35 (padma.6.228.35)

विराजितमहावक्षो वनमालाविभूषितः । विधातृजननस्थान नाभिपङ्कजशोभितः ।

virājitamahāvakṣo vanamālāvibhūṣitaḥ vidhātṛjananasthāna nābhipaṁkajaśobhitaḥ

his great chest resplendent, adorned with a forest garland, graced with the lotus-navel, the birthplace of the Creator;

Verse 36 (padma.6.228.36)

बालातपनिभश्लक्ष्ण पीतवस्त्रसमन्वितः । नानारत्नविचित्रांघ्रिः कटकाभ्यां विराजितः ।

bālātapanibhaślakṣṇa pītavastrasamaṁvitaḥ nānāratnavicitrāṁghriḥ kaṭakābhyāṁ virājitaḥ

clad in soft yellow garments like the light of the rising sun, his feet resplendent with various colorful gems and anklets;

Verse 37 (padma.6.228.37)

सज्योत्स्नचंद्रप्रतिम नखपंक्तिसमन्वितः । कोटिकंदर्पलावण्य सौंदर्य्यनिधिरच्युतः ।

sajyotsnacaṁdrapratima nakhapaṁktisamaṁvitaḥ koṭikaṁdarpalāvaṁya sauṁdaryyanidhiracyutaḥ

with rows of nails resembling the moonlit moon; Achyuta, the treasury of beauty and loveliness surpassing millions of Kandarpas;

Verse 38 (padma.6.228.38)

दिव्यचंदनलिप्तांगो दिव्यमालाविभूषितः । गृहीतशंखचक्राभ्यामुद्बाहुभ्यां विराजितः ।

divyacaṁdanaliptāṁgo divyamālāvibhūṣitaḥ gṛhītaśaṁkhacakrābhyāmudbāhubhyāṁ virājitaḥ

his body anointed with divine sandal paste, adorned with divine garlands, resplendent with his two raised arms holding the conch and discus;

Verse 39 (padma.6.228.39)

वरदाभयहस्ताभ्यामितराभ्यां तथैव च । वामाङ्के संस्थिता देवी महालक्ष्मीर्महेश्वरी ।

varadābhayahastābhyāmitarābhyāṁ tathaiva ca vāmāṁke saṁsthitā devī mahālakṣmīrmaheśvarī

and with the other two hands in the gestures of boon-giving and fearlessness. On his left side is seated the goddess, the great Mahalakshmi, the great mistress —

Verse 40 (padma.6.228.40)

हिरण्यवर्णा हरिणी सुवर्णरजतस्रजा । सर्वलक्षणसंपन्ना यौवनारंभविग्रहा ।

hiraṁyavarṇā hariṇī suvarṇarajatasrajā sarvalakṣaṇasaṁpaṁnā yauvanāraṁbhavigrahā

golden-hued, tawny, garlanded with gold and silver, endowed with every auspicious mark, her form in the first flush of youth;

Verse 41 (padma.6.228.41)

रत्नकुंडलसंयुक्ता नीला कुंचितशीर्षजा । दिव्यचंदनलिप्तांगी दिव्यपुष्पोपशोभिता ।

ratnakuṁḍalasaṁyuktā nīlā kuṁcitaśīrṣajā divyacaṁdanaliptāṁgī divyapuṣpopaśobhitā

adorned with jeweled earrings, her hair dark and curling, her body anointed with divine sandal paste, graced with divine flowers;

Verse 42 (padma.6.228.42)

मंदारकेतकी जाती पुष्पाञ्चितसुकुंतला । सुभ्रूस्सुनासा सुश्रोणी पीनोन्नतपयोधरा ।

maṁdāraketakī jātī puṣpāṁcitasukuṁtalā subhrūssunāsā suśroṇī pīnoṁnatapayodharā

her fine locks adorned with Mandara, Ketaki, and Jati flowers; of fine brows, fine nose, fine hips, full and raised breasts;

Verse 43 (padma.6.228.43)

परिपूंर्णेंदुसंकाशा सुस्मिताननपंकजा । तरुणादित्यवर्णाभ्यां कुंडलाभ्यां विराजिता ।

paripūṁrṇeṁdusaṁkāśā susmitānanapaṁkajā taruṇādityavarṇābhyāṁ kuṁḍalābhyāṁ virājitā

resembling the full moon, her lotus-face gently smiling, resplendent with two earrings the color of the young sun;

Verse 44 (padma.6.228.44)

तप्तकांचनवर्णाभा तप्तकांचनभूषणा । हस्तैश्चतुर्भिः संयुक्ता कनकांबुजभूषिता ।

taptakāṁcanavarṇābhā taptakāṁcanabhūṣaṇā hastaiścaturbhiḥ saṁyuktā kanakāṁbujabhūṣitā

of a hue like molten gold, adorned with molten-gold ornaments, endowed with four hands, adorned with golden lotuses;

Verse 45 (padma.6.228.45)

नानाविचित्ररत्नाढ्या कनकांबुजमालया । हारकेयूरकटकैरंगुलीयैश्च शोभिता ।

nānāvicitraratnāḍhyā kanakāṁbujamālayā hārakeyūrakaṭakairaṁgulīyaiśca śobhitā

rich with various colorful gems, with a garland of golden lotuses, graced with necklaces, armlets, bracelets, and rings;

Verse 46 (padma.6.228.46)

भुजद्वयघृतोदग्र पद्मयुग्मोपशोभिता । गृहीतमातुलुंगाख्य जांबूनदकराञ्चिता ।

bhujadvayaghṛtodagra padmayugmopaśobhitā gṛhītamātuluṁgākhya jāṁbūnadakarāṁcitā

graced by a pair of raised lotuses held in two of her arms, and adorned with a golden citron-fruit held in another hand.

Verse 47 (padma.6.228.47)

एवं नित्यानपायिन्या महालक्ष्म्या महेश्वरः । मोदते परमे व्योम्नि शाश्वते सर्वदा प्रभुः ।

evaṁ nityānapāyiṁyā mahālakṣṁyā maheśvaraḥ modate parame vyoṁni śāśvate sarvadā prabhuḥ

Thus, together with the eternal, ever-inseparable Mahalakshmi, the Great Lord, the master, ever rejoices in the eternal, supreme heaven.

Verse 48 (padma.6.228.48)

पार्श्वयोर्धरणी नीले समासीने शुभासने । अष्टदिक्षु दलाग्रेषु विमलाद्याश्च शक्तयः ।

pārśvayordharaṇī nīle samāsīne śubhāsane aṣṭadikṣu dalāgreṣu vimalādyāśca śaktayaḥ

On his two sides sit Dharani and Nila, on their auspicious seats. On the tips of the eight petals in the eight directions are the powers beginning with Vimala —

Verse 49 (padma.6.228.49)

विमलोत्कर्षिणी ज्ञानाक्रियायोगा तथैव च । प्रह्वी सत्या तथेशाना शक्तयः परमात्मनः ।

vimalotkarṣiṇī jṁānākriyāyogā tathaiva ca prahvī satyā tatheśānā śaktayaḥ paramātmanaḥ

Vimala, Utkarshini, Jnana, Kriya, Yoga, likewise Prahvi, Satya, and Ishana — these are the powers of the Supreme Self.

Verse 50 (padma.6.228.50)

गृहीत्वा चामरान्दिव्यान्सुधाकरसमप्रभान् । सर्वलक्षणसंपन्ना मोदंते पतिमच्युतम् ।

gṛhītvā cāmarāṁdivyāṁsudhākarasamaprabhān sarvalakṣaṇasaṁpaṁnā modaṁte patimacyutam

Holding divine yak-tail fans, radiant as the moon, endowed with every auspicious mark, they delight in their imperishable Lord.

Verse 51 (padma.6.228.51)

दिव्याप्सरोगणाः पंच शतसंख्याश्च योषितः । अंतःपुरनिवासिन्यः सर्वाभरणभूषिताः ।

divyāpsarogaṇāḥ paṁca śatasaṁkhyāśca yoṣitaḥ aṁtaḥpuranivāsiṁyaḥ sarvābharaṇabhūṣitāḥ

Five hundred hosts of divine celestial women, dwelling in the inner palace, adorned with every ornament,

Verse 52 (padma.6.228.52)

पद्महस्ताश्च ताः सर्वाः कोटिवैश्वानरप्रभाः । सर्वलक्षणसंपन्नाः शीतांशुसदृशाननाः ।

padmahastāśca tāḥ sarvāḥ koṭivaiśvānaraprabhāḥ sarvalakṣaṇasaṁpaṁnāḥ śītāṁśusadṛśānanāḥ

all lotus-handed, radiant as millions of fires, endowed with every auspicious mark, their faces like the cool moon —

Verse 53 (padma.6.228.53)

ताभिः परिवृतो राजा शुशुभे परमः पुमान् । अनंतविहगाधीश सेनान्याद्यैस्सुरेश्वरे ।

tābhiḥ parivṛto rājā śuśubhe paramaḥ pumān anaṁtavihagādhīśa senāṁyādyaissureśvare

surrounded by them, the supreme Person, the king, shone resplendent. With Ananta, the king of birds, the commander-in-chief, and other such lords among the gods,

Verse 54 (padma.6.228.54)

अन्यैः परिजनैर्नित्यैर्मुक्तैश्च परिसंवृतः । मोदते रमया सार्द्धं भोगैश्वर्यरतः पुमान् ।

aṁyaiḥ parijanairnityairmuktaiśca parisaṁvṛtaḥ modate ramayā sārddhaṁ bhogaiśvaryarataḥ pumān

and with his other eternal, liberated attendants, surrounded, that Person delights, together with Rama, rejoicing in enjoyment and lordship.

Verse 55 (padma.6.228.55)

एवं वैकुंठनाथोऽसौ राजते परमे पदे । तद्व्यूहभेदाँल्लोकांश्च वक्ष्यामि गिरिजे शुभे ।

evaṁ vaikuṁṭhanātho'sau rājate parame pade tadvyūhabhedā~llokāṁśca vakṣyāmi girije śubhe

Thus this Lord of Vaikuntha reigns in the supreme abode. Now I shall tell, O auspicious Girija, of the worlds of his various vyuha manifestations.

Verse 56 (padma.6.228.56)

प्राच्यां वैकुंठलोकस्य वासुदेवस्य मंदिरम् । आग्नेय्यां लक्ष्म्यालोकस्तु याम्यां संकर्षणालयः ।

prācyāṁ vaikuṁṭhalokasya vāsudevasya maṁdiram āgneyyāṁ lakṣṁyālokastu yāṁyāṁ saṁkarṣaṇālayaḥ

To the east of Vaikuntha-loka is the temple of Vasudeva; to the southeast, the world of Lakshmi; to the south, the abode of Sankarshana;

Verse 57 (padma.6.228.57)

सारस्वतस्तु नैरृत्या प्राद्युम्नः पश्चिमे तथा । रतिलोकस्तु वायव्यामुदीच्यामनिरुद्धभूः ।

sārasvatastu nairṛtyā prādyuṁnaḥ paścime tathā ratilokastu vāyavyāmudīcyāmaniruddhabhūḥ

to the southwest, the world of Sarasvati; to the west, the world of Pradyumna; to the northwest, the world of Rati; to the north, the realm of Aniruddha;

Verse 58 (padma.6.228.58)

ऐशान्यां शांतिलोकः स्यात्प्रथमावरणं स्मृतम् । केशवादिचतुर्विंशत्यमी लोकास्ततः क्रमात् ।

aiśāṁyāṁ śāṁtilokaḥ syātprathamāvaraṇaṁ smṛtam keśavādicaturviṁśatyamī lokāstataḥ kramāt

to the northeast, the world of Shanti — this is remembered as the first enclosure. Then, in order, are the twenty-four worlds beginning with Keshava,

Verse 59 (padma.6.228.59)

द्वितीयावरणं प्रोक्तं वैकुंठस्य शुभाह्वयम् । मत्स्यकूर्मादिलोकास्तु तृतीयावरणं शुभम् ।

dvitīyāvaraṇaṁ proktaṁ vaikuṁṭhasya śubhāhvayam matsyakūrmādilokāstu tṛtīyāvaraṇaṁ śubham

declared to be the second, auspicious enclosure of Vaikuntha. The worlds of Matsya, Kurma, and the other avataras are the third, auspicious enclosure.

Verse 60 (padma.6.228.60)

सत्याच्युतानंत दुर्गा विष्वक्सेन गजाननाः । शंखपद्मनिधीलोकाश्चतुर्थावरणं शुभम् ।

satyācyutānaṁta durgā viṣvaksena gajānanāḥ śaṁkhapadmanidhīlokāścaturthāvaraṇaṁ śubham

The worlds of Satya, Achyuta, Ananta, Durga, Vishvaksena, Ganesha, and the treasures Shankha and Padma are the fourth, auspicious enclosure.

Verse 61 (padma.6.228.61)

ऋग्यजुः सामाथर्वाणो लोका दिक्षु महत्सु च । सावित्र्या विहगेशस्य धर्मस्य च मखस्य च ।

ṛgyajuḥ sāmātharvāṇo lokā dikṣu mahatsu ca sāvitryā vihageśasya dharmasya ca makhasya ca

The worlds of the Rig, Yajus, Sama, and Atharva Vedas, in the great directions, and of Savitri, of Garuda, of Dharma, and of the sacrifice —

Verse 62 (padma.6.228.62)

पंचमावरणं प्रोक्तमक्षयं सर्ववाङ्मयम् । शंखचक्रगदापद्मखड्गशार्ङ्गहलं तथा ।

paṁcamāvaraṇaṁ proktamakṣayaṁ sarvavāṁmayam śaṁkhacakragadāpadmakhaḍgaśārṁgahalaṁ tathā

this is declared to be the fifth enclosure, imperishable, composed of all sacred speech. The worlds of the conch, discus, mace, lotus, sword, Sharnga bow, and plough,

Verse 63 (padma.6.228.63)

मौशलं च तथा लोकाः सर्वशस्त्रास्त्रसंयुताः । षष्ठमावरणं प्रोक्तं मंत्रास्त्रमयमक्षरम् ।

mauśalaṁ ca tathā lokāḥ sarvaśastrāstrasaṁyutāḥ ṣaṣṭhamāvaraṇaṁ proktaṁ maṁtrāstramayamakṣaram

and of the pestle-weapon, and all worlds endowed with weapons and missiles — this is declared to be the sixth enclosure, imperishable, composed of mantra-weapons.

Verse 64 (padma.6.228.64)

ऐंद्र पावकयाम्यानि नैरृतं वारुणं तथा । वायव्यं सौम्यमैशानं सप्तमं मुनिभिः स्मृतम् ।

aiṁdra pāvakayāṁyāni nairṛtaṁ vāruṇaṁ tathā vāyavyaṁ sauṁyamaiśānaṁ saptamaṁ munibhiḥ smṛtam

The worlds of Indra, Agni, Yama, Nirriti, Varuna, Vayu, Soma, and Ishana — this is remembered by the sages as the seventh.

Verse 65 (padma.6.228.65)

साध्या मरुद्गणाश्चैव विश्वेदेवास्तथैव च । नित्याः सर्वे परे धाम्नि ये चान्ये च दिवौकसः ।

sādhyā marudgaṇāścaiva viśvedevāstathaiva ca nityāḥ sarve pare dhāṁni ye cāṁye ca divaukasaḥ

The Sadhyas, the hosts of Maruts, and likewise the Vishvedevas, and whatever other celestials there are — all are eternal in that supreme abode.

Verse 66 (padma.6.228.66)

ते वै प्राकृतलोकेस्मिन्न नित्यास्त्रिदशेश्वराः । ते ह नाकं महिमानः सचंत इति वै श्रुतिः ।

te vai prākṛtalokesmiṁna nityāstridaśeśvarāḥ te ha nākaṁ mahimānaḥ sacaṁta iti vai śrutiḥ

But the lords of the thirty gods are not eternal in this material world. 'They partake of that heaven, those of glory' — thus indeed says the Shruti.

Verse 67 (padma.6.228.67)

एवं परं पदं नित्यैर्मुक्तैर्भोगपरायणैः । दिव्याभिर्महिषीभिश्च राजते विभुरीश्वरः ।

evaṁ paraṁ padaṁ nityairmuktairbhogaparāyaṇaiḥ divyābhirmahiṣībhiśca rājate vibhurīśvaraḥ

Thus the supreme abode, with its eternal, liberated ones devoted to His enjoyment, and with his divine queens, is ruled over by the all-pervading Lord.

Verse 68 (padma.6.228.68)

न तद्भासयते सूर्यो न शंशांको न पावकः । यद्गत्वा न निवर्त्तंते योगिनः संशितव्रताः ।

na tadbhāsayate sūryo na śaṁśāṁko na pāvakaḥ yadgatvā na nivarttaṁte yoginaḥ saṁśitavratāḥ

Neither the sun illumines it, nor the moon, nor fire; having gone there, yogis of firm vows do not return.

Verse 69 (padma.6.228.69)

द्वयैकमंत्रनिष्ठा ये ते वै यांति तदव्ययम् । न वेदयज्ञाध्ययनैर्न दानैर्न व्रतैः शुभैः ।

dvayaikamaṁtraniṣṭhā ye te vai yāṁti tadavyayam na vedayajṁādhyayanairna dānairna vrataiḥ śubhaiḥ

Those who are established solely in the Dvaya mantra go to that imperishable place — not through Vedic study and sacrifice, not through gifts, not through auspicious vows,

Verse 70 (padma.6.228.70)

न तपोभिर्निराहारैर्न च साधनकर्मभिः । एकेन द्वयमंत्रेण तथा भक्त्या त्वनन्यथा ।

na tapobhirnirāhārairna ca sādhanakarmabhiḥ ekena dvayamaṁtreṇa tathā bhaktyā tvanaṁyathā

not through fasting austerities, nor through other ritual practices — but by the one Dvaya mantra alone, together with devotion, and not otherwise.

Verse 71 (padma.6.228.71)

तद्गम्यं शाश्वतं स्थानं प्रपत्त्या वै सनातनम् । पार्वत्युवाच- साधूक्तं परमं स्वर्गस्वरूपं भवता प्रभो ।

tadgaṁyaṁ śāśvataṁ sthānaṁ prapattyā vai sanātanam pārvatyuvāca sādhūktaṁ paramaṁ svargasvarūpaṁ bhavatā prabho

That eternal, everlasting abode is reachable through surrender alone. Parvati said: Well have you declared, O lord, the true nature of the supreme heaven.

Verse 72 (padma.6.228.72)

परव्योम्नि स्थितो नित्यं कथं प्रकृतिमण्डले । स्थितवान्किं निमित्तेन लीलया किं प्रयोजनम् ।

paravyoṁni sthito nityaṁ kathaṁ prakṛtimaṁḍale sthitavāṁkiṁ nimittena līlayā kiṁ prayojanam

But how, though eternally situated in the supreme heaven, did he also come to be situated in the sphere of Prakriti? For what reason, by what play, and to what purpose?

Verse 73 (padma.6.228.73)

शुद्धसत्वमये लोके संस्थितः परमेश्वरः । कथं रजस्तमोमिश्र विभूत्या स्थिवान्प्रभुः ।

śuddhasatvamaye loke saṁsthitaḥ parameśvaraḥ kathaṁ rajastamomiśra vibhūtyā sthivāṁprabhuḥ

The Supreme Lord dwells in a world of pure sattva — how then did that master come to dwell in a glory mixed with rajas and tamas?

Verse 74 (padma.6.228.74)

रुद्र उवाच- त्रिपाद्विभूतौ भगवानीश्वर्य्या परमेश्वरः । नित्यमुक्त्यैकभोग्योऽसौ मोदते सततं विभुः ।

rudra uvāca tripādvibhūtau bhagavānīśvaryyā parameśvaraḥ nityamuktyaikabhogyo'sau modate satataṁ vibhuḥ

Rudra said: In the three-quarter glory, the Lord, the Supreme, together with his consort, ever enjoyed solely by the eternally liberated, that all-pervading one, rejoices continually.

Verse 75 (padma.6.228.75)

तमीश्वरं महामाया प्रकृतिर्जगदाश्रया । कृतांजलिपुटा भूत्वा तुष्टाव परमेश्वरम् ।

tamīśvaraṁ mahāmāyā prakṛtirjagadāśrayā kṛtāṁjalipuṭā bhūtvā tuṣṭāva parameśvaram

Once, Mahamaya, Prakriti, the refuge of the universe, joining her palms in reverence, praised that Supreme Lord.

Verse 76 (padma.6.228.76)

महामायोवाच-। नमस्ते त्रिजगद्धाम्ने नमस्ते विश्वरूपिणे । पुराणाय नमस्तुभ्यं जगदुत्पत्तिहेतवे ।

mahāmāyovāca namaste trijagaddhāṁne namaste viśvarūpiṇe purāṇāya namastubhyaṁ jagadutpattihetave

Mahamaya said: Salutations to you, the abode of the three worlds; salutations to you, of universal form. Salutations to you, the ancient one, the cause of the origin of the universe.

Verse 77 (padma.6.228.77)

श्रीभूलीलाधिपतये नमो नारायणाय च । नमो भगवते तुभ्यं वासुदेवाय शार्ङ्गिणे ।

śrībhūlīlādhipataye namo nārāyaṇāya ca namo bhagavate tubhyaṁ vāsudevāya śārṁgiṇe

Salutations to the lord of the sport of Shri and Bhu, to Narayana; salutations to you, the glorious one, to Vasudeva, wielder of the Sharnga bow.

Verse 78 (padma.6.228.78)

सर्वदेवस्वरूपाय विष्णवे जिष्णवे नमः । सहस्रमूर्तये तुभ्यमनंताय नमोस्तु ते ।

sarvadevasvarūpāya viṣṇave jiṣṇave namaḥ sahasramūrtaye tubhyamanaṁtāya namostu te

Salutations to Vishnu, the triumphant, whose form is all the gods; salutations to you, of a thousand forms, the endless one.

Verse 79 (padma.6.228.79)

अच्युताय विकाराय शुद्धसत्त्वस्वरूपिणे । अदिमध्यांतरहित स्वरूपाय नमो नमः ।

acyutāya vikārāya śuddhasattvasvarūpiṇe adimadhyāṁtarahita svarūpāya namo namaḥ

To the imperishable one who yet appears as a modification, of pure-sattva nature; salutations again and again to you, whose form is without beginning, middle, or end.

Verse 80 (padma.6.228.80)

नमो हिरण्यगर्भाय ज्ञानाय परमात्मने । सर्वभूतात्मने तुभ्यं सर्वभूताश्रयाय च ।

namo hiraṁyagarbhāya jṁānāya paramātmane sarvabhūtātmane tubhyaṁ sarvabhūtāśrayāya ca

Salutations to Hiranyagarbha, to knowledge, to the Supreme Self; to you, the Self of all beings, and the refuge of all beings.

Verse 81 (padma.6.228.81)

ब्रह्मणे ज्योतिषे तुभ्यं नमस्ते विश्वरूपिणे । नमः शुचिषदे तुभ्यं हंसाय परमाय च ।

brahmaṇe jyotiṣe tubhyaṁ namaste viśvarūpiṇe namaḥ śuciṣade tubhyaṁ haṁsāya paramāya ca

Salutations to you, Brahman, the light, of universal form; salutations to you, dwelling in purity, the supreme swan.

Verse 82 (padma.6.228.82)

संकर्षणाय रुद्राय सर्वभूतधराय च । हयग्रीवाय दीप्ताय कालाय हरये नमः । नमस्ते यज्ञपुरुष हव्यकव्यस्वरूपिणे ।

saṁkarṣaṇāya rudrāya sarvabhūtadharāya ca hayagrīvāya dīptāya kālāya haraye namaḥ namaste yajṁapuruṣa havyakavyasvarūpiṇe

Salutations to Sankarshana, to Rudra, to the sustainer of all beings; to Hayagriva, to the blazing one, to Time, to Hari. Salutations to you, the Person of sacrifice, of the form of oblations to gods and ancestors.

Verse 83 (padma.6.228.83)

नमः प्रजापतये तस्मै सूर्याय शुभवर्चसे । अग्नये हव्यभोक्त्रे च तस्मै यज्ञात्मने नमः ।

namaḥ prajāpataye tasmai sūryāya śubhavarcase agnaye havyabhoktre ca tasmai yajṁātmane namaḥ

Salutations to that Prajapati, to the sun of auspicious splendor; salutations to Agni, the enjoyer of oblations, the very essence of sacrifice.

Verse 84 (padma.6.228.84)

नमस्ते प्रसवित्रे च सर्गस्थित्यंतहेतवे । नमो वेदांतवेद्याय चतुरात्मस्वरूपिणे ।

namaste prasavitre ca sargasthityaṁtahetave namo vedāṁtavedyāya caturātmasvarūpiṇe

Salutations to you, the progenitor, the cause of creation, maintenance, and destruction; salutations to you, known through Vedanta, of fourfold self-nature.

Verse 85 (padma.6.228.85)

ब्रह्मणे विष्णवे तुभ्यं नमस्ते शंकाराय च । त्रिगुणाय नमस्तुभ्यं सर्गस्थित्यंतहेतवे ।

brahmaṇe viṣṇave tubhyaṁ namaste śaṁkārāya ca triguṇāya namastubhyaṁ sargasthityaṁtahetave

Salutations to you, Brahma, Vishnu, and Shankara; salutations to you, possessed of the three gunas, the cause of creation, maintenance, and destruction.

Verse 86 (padma.6.228.86)

निर्गुणाय नमस्तुभ्यं सर्वात्मान्तरवर्तिने । अव्यक्ताय नमस्तस्मै विष्णवे लोकसाक्षिणे ।

nirguṇāya namastubhyaṁ sarvātmāṁtaravartine avyaktāya namastasmai viṣṇave lokasākṣiṇe

Salutations to you, beyond the gunas, dwelling within the self of all; salutations to that Vishnu, the unmanifest, the witness of the worlds.

Verse 87 (padma.6.228.87)

नारायणाय श्रीशाय पूर्णषाड्गुण्यमूर्त्तये । अनंतगुणपूर्णाय नमः सर्वार्थदायिने ।

nārāyaṇāya śrīśāya pūrṇaṣāḍguṁyamūrttaye anaṁtaguṇapūrṇāya namaḥ sarvārthadāyine

Salutations to Narayana, the Lord of Shri, embodying the complete six-fold glory, full of infinite qualities, the giver of every good.

Verse 88 (padma.6.228.88)

नमस्ते वासुदेवाय पंचावस्थस्वरूपिणे । नमः पंचनवव्यूह भेदरूपाय ते नमः ।

namaste vāsudevāya paṁcāvasthasvarūpiṇe namaḥ paṁcanavavyūha bhedarūpāya te namaḥ

Salutations to you, Vasudeva, of fivefold state; salutations to you, of the forty-five-fold vyuha manifestation.

Verse 89 (padma.6.228.89)

नमो यज्ञवराहाय गोविंदाय नमो नमः । अविकाराय शुद्धाय हेयप्रतिभटाय च ।

namo yajṁavarāhāya goviṁdāya namo namaḥ avikārāya śuddhāya heyapratibhaṭāya ca

Salutations to Yajna-Varaha, salutations again and again to Govinda; to the unchanging, pure one, the very opponent of all that is base.

Verse 90 (padma.6.228.90)

नमो रामाय कृष्णाय नरसिंहाय ते नमः । केशवाय नमस्तुभ्यं जगतां क्लेशहारिणे ।

namo rāmāya kṛṣṇāya narasiṁhāya te namaḥ keśavāya namastubhyaṁ jagatāṁ kleśahāriṇe

Salutations to Rama, to Krishna, salutations to you, Narasimha; salutations to you, Keshava, the remover of the world's afflictions.

Verse 91 (padma.6.228.91)

त्वमेव सर्वलोकानामाश्रयः पुरुषोत्तमः । प्रसीद देवदेवेश सर्वलोकहिताय वै ।

tvameva sarvalokānāmāśrayaḥ puruṣottamaḥ prasīda devadeveśa sarvalokahitāya vai

You alone are the refuge of all the worlds, Purushottama. Be gracious, O lord of the gods of gods, for the welfare of all the worlds.

Verse 92 (padma.6.228.92)

मत्संस्थाश्चेतनास्सर्वे निराधारा निराश्रयाः । हीनदेहा निराकाराः सर्वेन्द्रियविवर्जिताः ।

matsaṁsthāścetanāssarve nirādhārā nirāśrayāḥ hīnadehā nirākārāḥ sarveṁdriyavivarjitāḥ

All the conscious beings residing in me are without support, without refuge, without bodies, formless, devoid of all senses,

Verse 93 (padma.6.228.93)

सर्वानुष्ठानरहिताः सततं दुःखभोगिनः । तेषां लोकांश्च देहांश्च दातुमर्हसि केशव ।

sarvānuṣṭhānarahitāḥ satataṁ duḥkhabhoginaḥ teṣāṁ lokāṁśca dehāṁśca dātumarhasi keśava

devoid of all capacity for religious observance, constantly suffering. You should grant them worlds and bodies, O Keshava.

Verse 94 (padma.6.228.94)

लीलाविभूतिं सर्वज्ञ यथापूर्वं प्रकल्पय । चेतनाचेतनं कृत्स्नं जगत्स्थावरजंगमम् ।

līlāvibhūtiṁ sarvajṁa yathāpūrvaṁ prakalpaya cetanācetanaṁ kṛtsnaṁ jagatsthāvarajaṁgamam

Fashion again, O all-knowing one, the glory of your play as before — the entire universe, conscious and unconscious, moving and unmoving.

Verse 95 (padma.6.228.95)

मया संमोहितं पश्य लीलार्थंपरमेश्वर । प्राकृताण्डं मया सार्धं सृजस्व पुरुषोत्तम ।

mayā saṁmohitaṁ paśya līlārthaṁparameśvara prākṛtāṁḍaṁ mayā sārdhaṁ sṛjasva puruṣottama

Behold this all as deluded by me, for the sake of play, O Supreme Lord. Create the material cosmic egg together with me, O Purushottama.

Verse 96 (padma.6.228.96)

धर्म्माधर्म्मौ सुखं दुःखं तस्मिन्निक्षिप्य संसृतौ । मामधिष्ठाय लीलां वै कर्तुमर्हसि मा चिरम् ।

dharṁmādharṁmau sukhaṁ duḥkhaṁ tasmiṁnikṣipya saṁsṛtau māmadhiṣṭhāya līlāṁ vai kartumarhasi mā ciram

Having placed dharma and adharma, pleasure and pain, within that worldly existence, presiding over me, you should perform your play — do not delay.

Verse 97 (padma.6.228.97)

श्रीमहादेव उवाच- एवमुक्तस्तया देव्या मायया परमेश्वरः । तस्यां निवेश्य मायायां जगत्स्रष्टुं प्रचक्रमे ।

śrīmahādeva uvāca evamuktastayā devyā māyayā parameśvaraḥ tasyāṁ niveśya māyāyāṁ jagatsraṣṭuṁ pracakrame

Shri Mahadeva said: Thus addressed by that goddess Maya, the Supreme Lord, having entered into that Maya, began to create the universe.

Verse 98 (padma.6.228.98)

योऽसौ प्रकृतिपुरुषः प्रोच्यते स इहाच्युतः । स एव भगवान्विष्णुः प्रकृत्यां प्रविवेश ह ।

yo'sau prakṛtipuruṣaḥ procyate sa ihācyutaḥ sa eva bhagavāṁviṣṇuḥ prakṛtyāṁ praviveśa ha

He who is called the Purusha of Prakriti — that is the imperishable one here; and that very glorious Vishnu entered into Prakriti.

Verse 99 (padma.6.228.99)

असृजत्प्रकृतौ ब्रह्मभूतादिमहदाश्रयम् । महतः पुरुषादस्मादहंकारोऽभ्यजायत ।

asṛjatprakṛtau brahmabhūtādimahadāśrayam mahataḥ puruṣādasmādahaṁkāro'bhyajāyata

He created within Prakriti the Mahat, the support of all elemental existence. From this Mahat, derived from the Person, the ego was born.

Verse 100 (padma.6.228.100)

अहंकारात्तु वै तस्माद्गुणत्रयमजायत । त्रिभ्यो गुणेभ्यस्तन्मात्रामसृजद्विश्वभावनः ।

ahaṁkārāttu vai tasmādguṇatrayamajāyata tribhyo guṇebhyastaṁmātrāmasṛjadviśvabhāvanaḥ

From that ahamkara, indeed, the three gunas arose. From the three gunas, the creator of the universe created the subtle elements.

Verse 101 (padma.6.228.101)

तन्मात्रेभ्योभ्यजायंत महाभूतानि तत्क्षणात् । ॐकारः प्रथमं जातो ब्रह्मणस्त्रिगुणात्मनः ।

taṁmātrebhyobhyajāyaṁta mahābhūtāni tatkṣaṇāt oṁkāraḥ prathamaṁ jāto brahmaṇastriguṇātmanaḥ

From the tanmatras, the gross elements were born at that very instant. The syllable Om was the first thing born from Brahman, of three-fold nature.

Verse 102 (padma.6.228.102)

आकाशादभवद्वायुर्वायोरग्निरजायत । अग्नेरापः समुद्भूता अद्भ्यश्च पृथिवी मता ।

ākāśādabhavadvāyurvāyoragnirajāyata agnerāpaḥ samudbhūtā adbhyaśca pṛthivī matā

From ether came air; from air, fire was born; from fire, water arose; and from water, the earth is held to have arisen.

Verse 103 (padma.6.228.103)

आकाशादीनि भूतानि सृष्टान्येकोत्तराणि वै । शब्दस्पर्शश्च रूपं च रसो गंधश्च तद्गुणाः ।

ākāśādīni bhūtāni sṛṣṭāṁyekottarāṇi vai śabdasparśaśca rūpaṁ ca raso gaṁdhaśca tadguṇāḥ

The elements beginning with ether were created, each with one quality more than the last — sound, touch, form, taste, and smell are their respective cumulative qualities.

Verse 104 (padma.6.228.104)

एकोत्तरगुणान्सृष्ट्वा तानादाय महाप्रभुः । तेषां विमिश्रणं कृत्वा जगदंडं महत्तरम् । असृजत्तत्रलान्वै संख्यया ये चतुर्दश ।

ekottaraguṇāṁsṛṣṭvā tānādāya mahāprabhuḥ teṣāṁ vimiśraṇaṁ kṛtvā jagadaṁḍaṁ mahattaram asṛjattatralāṁvai saṁkhyayā ye caturdaśa

Having created these elements with their successively increasing qualities, and having taken them, the great Lord, blending them together, created the great cosmic egg, and within it the fourteen worlds by number.

Verse 105 (padma.6.228.105)

ब्रह्मादित्रिदशांस्तस्मिन्नसृजत्पुरुषोत्तमः । दैवतिर्य्यक्तथा मर्त्यं स्थावरं च चतुर्व्विधम् ।

brahmāditridaśāṁstasmiṁnasṛjatpuruṣottamaḥ daivatiryyaktathā martyaṁ sthāvaraṁ ca caturvvidham

Within it, Purushottama created Brahma and the thirty gods, and the four kinds of beings — divine, animal, human, and immobile.

Verse 106 (padma.6.228.106)

तथा सृष्टो महासर्गन्तेन वै जलजेक्षणे। तत्र कर्मानुरूपेण त्रिदशादिषु योनिषु ।

tathā sṛṣṭo mahāsargaṁtena vai jalajekṣaṇe tatra karmānurūpeṇa tridaśādiṣu yoniṣu

Thus was the great creation made by Him, O lotus-eyed one. There, according to their karma, in the wombs beginning with those of the gods,

Verse 107 (padma.6.228.107)

संस्थिताः प्रकृतौ पूर्व आत्मनः प्रभवंति हि ।

saṁsthitāḥ prakṛtau pūrva ātmanaḥ prabhavaṁti hi

souls who had previously abided within Prakriti come forth into being.