The Determination of Krishna's Departure to His Own Abode

Verse 1 (padma.6.252.1)

श्रीरुद्र उवाच- अथ मगधाधिपः कंसवधानंतरं द्विषन्नेव यादवान्सदा पीडयामास ते दुःखिताः कृष्णमूचुः ।

śrīrudra uvāca atha magadhādhipaḥ kaṁsavadhānaṁtaraṁ dviṣanneva yādavānsadā pīḍayāmāsa te duḥkhitāḥ kṛṣṇamūcuḥ

Shri Rudra said: Then the lord of Magadha, after the slaying of Kamsa, hating the Yadavas, continually oppressed them; they, distressed, spoke to Krishna.

Verse 2 (padma.6.252.2)

स च भीमार्जुनावाहूय संमंत्रयामास कृष्णः अनेन रुद्र पूःजितस्तत्प्रसादाच्छस्त्रैरवध्यः परं केनापिप्रकारेण हंतव्य इति ।

sa ca bhīmārjunāvāhūya saṁmaṁtrayāmāsa kṛṣṇaḥ anena rudra pūḥjitastatprasādācchastrairavadhyaḥ paraṁ kenāpiprakāreṇa haṁtavya iti

Krishna, summoning Bhima and Arjuna, took counsel: "He has worshipped Rudra, and by his grace is invulnerable to weapons — yet he must be slain by some means."

Verse 3 (padma.6.252.3)

अथ विचार्य भीममाह एनं प्रतिमल्लयुद्धं कुरु तत्तेन प्रतिज्ञातम् ।

atha vicārya bhīmamāha enaṁ pratimallayuddhaṁ kuru tattena pratijñātam

Then, having deliberated, he said to Bhima, "Engage him in wrestling combat" — and that was agreed upon.

Verse 4 (padma.6.252.4)

अथ सकल चराचरजगद्वंद्यो वासुदेवो भीमार्जुनसहितो जरासंधस्य पुरीं गत्वा विप्रवेषेण तस्यांतःपुरमवाप ।

atha sakala carācarajagadvaṁdyo vāsudevo bhīmārjunasahito jarāsaṁdhasya purīṁ gatvā vipraveṣeṇa tasyāṁtaḥpuramavāpa

Then Vasudeva, worshipped by the entire moving and unmoving world, together with Bhima and Arjuna, going to Jarasandha's city, in the guise of Brahmins, entered his inner chamber.

Verse 5 (padma.6.252.5)

सोऽपि महावीर्यान्क्षत्त्रियान्युद्धे निर्जित्य बलाद्गृहीत्वा स्ववेश्मनि निरुध्य मासिमासि कृष्णचतुर्दश्यामेकैकं हत्वा तद्रक्तेनैव बलिं भैरवायाकरोत् ।

so'pi mahāvīryānkṣattriyānyuddhe nirjitya balādgṛhītvā svaveśmani nirudhya māsimāsi kṛṣṇacaturdaśyāmekaikaṁ hatvā tadraktenaiva baliṁ bhairavāyākarot

He, having conquered mighty Kshatriyas in battle, forcibly seizing them and confining them in his own house, each month, on the dark fourteenth day, slew one of them, and with that very blood made an offering to Bhairava.

Verse 6 (padma.6.252.6)

एवंविधं सकलजनपार्थिववधं कुर्वतो जरासंधस्य समुद्यमानो भीमार्जुनसहितस्तस्य गृहे विप्रवेषेणैव प्रविवेश ।

evaṁvidhaṁ sakalajanapārthivavadhaṁ kurvato jarāsaṁdhasya samudyamāno bhīmārjunasahitastasya gṛhe vipraveṣeṇaiva praviveśa

While Jarasandha was thus engaged in the slaughter of kings from every land, they, together with Bhima and Arjuna, entered his house in the guise of Brahmins.

Verse 7 (padma.6.252.7)

स तु तान्दृष्ट्वा दंडवत्प्रणतो भूत्वा यथोचितासनेषु निवेश्य मधुपर्कविधानेन संपूज्य धन्योस्मि कृतकृत्योस्मि किमर्थं भवन्तो मे समीप आगतास्तद्वक्तव्यमहं तत्सर्वं भवद्भ्यो दास्यामीत्युवाच ।

sa tu tāndṛṣṭvā daṁḍavatpraṇato bhūtvā yathocitāsaneṣu niveśya madhuparkavidhānena saṁpūjya dhanyosmi kṛtakṛtyosmi kimarthaṁ bhavanto me samīpa āgatāstadvaktavyamahaṁ tatsarvaṁ bhavadbhyo dāsyāmītyuvāca

He, seeing them, prostrated himself, seated them in fitting seats, honored them with the madhuparka rite, and said: "I am blessed, my purpose accomplished. For what purpose have you come to me? Tell me, and I shall give you all of it."

Verse 8 (padma.6.252.8)

तेषां वासुदेवः प्रहसन्पार्थिवं तमुवाच कृष्णभीमार्जुना युद्धार्थमागताः स्म अस्माकमन्यतमं द्वंद्वयुद्धार्थं वृणीष्वेत्यवदत् ।

teṣāṁ vāsudevaḥ prahasanpārthivaṁ tamuvāca kṛṣṇabhīmārjunā yuddhārthamāgatāḥ sma asmākamanyatamaṁ dvaṁdvayuddhārthaṁ vṛṇīṣvetyavadat

Vasudeva, laughing, said to that king: "We — Krishna, Bhima, and Arjuna — have come for battle; choose one of us for single combat."

Verse 9 (padma.6.252.9)

सोऽपि तथेत्यवदत्ततो द्वंद्वयुद्धार्थं मारुतिं वरयामास ।

so'pi tathetyavadattato dvaṁdvayuddhārthaṁ mārutiṁ varayāmāsa

He too agreed, and then chose the son of the wind, Bhima, for single combat.

Verse 10 (padma.6.252.10)

ततो भीमजरासंधयोरभितो भयंकरं मल्लयुद्धं निरंतरं पंचविंशतिवासरमभूत् ।

tato bhīmajarāsaṁdhayorabhito bhayaṁkaraṁ mallayuddhaṁ niraṁtaraṁ paṁcaviṁśativāsaramabhūt

Then a terrible wrestling match between Bhima and Jarasandha went on continuously for twenty-five days.

Verse 11 (padma.6.252.11)

ततः कृष्णेनैव संचोदितो वायुपुत्रस्तस्य शरीरं द्विधाकृत्य भूमौ निपातयामास ।। एवं जरासंधं पांडुपुत्रेण हत्वा तान्जरासंधनिरोधितान्वासुदेवोऽपि पार्थिवान्मोचयामास ।

tataḥ kṛṣṇenaiva saṁcodito vāyuputrastasya śarīraṁ dvidhākṛtya bhūmau nipātayāmāsa evaṁ jarāsaṁdhaṁ pāṁḍuputreṇa hatvā tānjarāsaṁdhanirodhitānvāsudevo'pi pārthivānmocayāmāsa

Then, prompted by Krishna himself, the son of the Wind split his body in two and cast it upon the ground. Thus, having Jarasandha slain by the son of Pandu, Vasudeva also freed those kings held captive by him.

Verse 12 (padma.6.252.12)

निहत्य वायुपुत्रेण जरांसंधं यदूद्वहः । तद्गृहे सन्निरुद्धांस्तु मोचयामास पार्थिवान् ।

nihatya vāyuputreṇa jarāṁsaṁdhaṁ yadūdvahaḥ tadgṛhe sanniruddhāṁstu mocayāmāsa pārthivān

Having had Jarasandha slain by the son of the Wind, that foremost of the Yadus freed the kings confined in his house.

Verse 13 (padma.6.252.13)

ते च तत्र नमस्कृत्य स्तुत्वा च मधुसूदनम् । स्वान्स्वान्जनपदान्सर्वे जग्मुः कृष्णेन रक्षिताः ।

te ca tatra namaskṛtya stutvā ca madhusūdanam svānsvānjanapadānsarve jagmuḥ kṛṣṇena rakṣitāḥ

They, bowing there and praising Madhusudana, all went to their own realms, protected by Krishna.

Verse 14 (padma.6.252.14)

अथ ताभ्यामिंद्रप्रस्थं गत्वा वासुदेवस्तत्र महाक्रतुं राजसूयं युधिष्ठिरं कारयामास ।

atha tābhyāmiṁdraprasthaṁ gatvā vāsudevastatra mahākratuṁ rājasūyaṁ yudhiṣṭhiraṁ kārayāmāsa

Then, going with those two to Indraprastha, Vasudeva had Yudhishthira perform there the great sacrifice, the Rajasuya.

Verse 15 (padma.6.252.15)

तत्र समाप्ते क्रतौ अग्रपूजां भीष्मानुमतेन कृष्णाय दत्तवान् ।

tatra samāpte kratau agrapūjāṁ bhīṣmānumatena kṛṣṇāya dattavān

There, when the sacrifice was completed, with Bhishma's approval, [Yudhishthira] gave the offering of first honor to Krishna.

Verse 16 (padma.6.252.16)

तत्र शिशुपालः कृष्णं बहून्याक्षेपवाक्यान्युक्तवान् ।

tatra śiśupālaḥ kṛṣṇaṁ bahūnyākṣepavākyānyuktavān

There Shishupala spoke many reproachful words against Krishna.

Verse 17 (padma.6.252.17)

कृष्णोऽपि सुदर्शनेन तस्य शिरश्चिच्छेद ।

kṛṣṇo'pi sudarśanena tasya śiraściccheda

Krishna too severed his head with Sudarshana.

Verse 18 (padma.6.252.18)

असौ जन्मत्रयावसाने हरेः सारूप्यमगमत् ।

asau janmatrayāvasāne hareḥ sārūpyamagamat

He, at the end of his three births, attained a form like Hari's own.

Verse 19 (padma.6.252.19)

अथ शिशुपालं निहतं श्रुत्वा दंतवक्त्रः कृष्णेन योद्धुं मथुरामाजगाम ।

atha śiśupālaṁ nihataṁ śrutvā daṁtavaktraḥ kṛṣṇena yoddhuṁ mathurāmājagāma

Then, hearing that Shishupala had been slain, Dantavaktra came to Mathura to fight Krishna.

Verse 20 (padma.6.252.20)

कृष्णस्तु तच्छ्रुत्वा रथमारुह्य तेन योद्धुं मथुरामाययौ ।

kṛṣṇastu tacchrutvā rathamāruhya tena yoddhuṁ mathurāmāyayau

Krishna, hearing this, mounting his chariot, went to Mathura to fight him.

Verse 21 (padma.6.252.21)

दंतवक्त्रवासुदेवयोरहोरात्रं मथुरापुरद्वारि यमुनातीरे संग्रामः समवर्त्तत कृष्णस्तु गदया तं जघान ।

daṁtavaktravāsudevayorahorātraṁ mathurāpuradvāri yamunātīre saṁgrāmaḥ samavarttata kṛṣṇastu gadayā taṁ jaghāna

A battle between Dantavaktra and Vasudeva took place, day and night, at the gate of Mathura, on the bank of the Yamuna; Krishna slew him with his mace.

Verse 22 (padma.6.252.22)

स तु चूर्णितसर्वांगो वज्रनिर्भिन्न महीधर इव गतासुरवनितले पपात ।

sa tu cūrṇitasarvāṁgo vajranirbhinna mahīdhara iva gatāsuravanitale papāta

He, his whole body crushed, fell to the earth, lifeless, like a mountain shattered by the thunderbolt.

Verse 23 (padma.6.252.23)

सोऽपि हरेः सायुज्यं योगिगम्यं नित्यानंदसुखं शाश्वतं परमं पदमवाप ।

so'pi hareḥ sāyujyaṁ yogigamyaṁ nityānaṁdasukhaṁ śāśvataṁ paramaṁ padamavāpa

He too attained union with Hari, that eternal, supreme abode of ever-blissful happiness, attainable by yogis.

Verse 24 (padma.6.252.24)

इत्थं जयविजयौ सनकादिशापव्याजेन केवलं भगवतोलीलार्थं संसृताववतीर्य जन्मत्रयेऽपि तेनैव निहतौ जन्मत्रयावसाने मुक्तिमवाप्तौ ।

itthaṁ jayavijayau sanakādiśāpavyājena kevalaṁ bhagavatolīlārthaṁ saṁsṛtāvavatīrya janmatraye'pi tenaiva nihatau janmatrayāvasāne muktimavāptau

Thus Jaya and Vijaya, on the pretext of Sanaka's curse, purely for the Lord's own play, having descended into the round of birth, in all three births slain by him alone, at the end of their three births attained liberation.

Verse 25 (padma.6.252.25)

कृष्णोऽपि तं हत्वा यमुनामुत्तीर्य नंदव्रजं गत्वा प्राक्तनौ पितरावभिवाद्य आश्वास्य ताभ्यां साश्रुकंठमालिगितः सकलगोपवृद्धान्प्रणम्याश्वास्य रत्नाभरणादिभिस्तत्रस्थान्संतर्पयामास ।

kṛṣṇo'pi taṁ hatvā yamunāmuttīrya naṁdavrajaṁ gatvā prāktanau pitarāvabhivādya āśvāsya tābhyāṁ sāśrukaṁṭhamāligitaḥ sakalagopavṛddhānpraṇamyāśvāsya ratnābharaṇādibhistatrasthānsaṁtarpayāmāsa

Krishna too, having slain him, crossing the Yamuna, going to Nanda's cow-settlement, saluted his former parents and comforted them, was embraced by them, their throats choked with tears; bowing to all the elder cowherds and comforting them, he satisfied those present there with jewels, ornaments, and the like.

Verse 26 (padma.6.252.26)

कालिंद्याः पुलिने रम्ये पुण्यवृक्षसमावृते । गोपनारीभिरनिशं क्रीडयामास केशवः ।

kāliṁdyāḥ puline ramye puṇyavṛkṣasamāvṛte gopanārībhiraniśaṁ krīḍayāmāsa keśavaḥ

On the delightful sandbank of the Yamuna, encircled by sacred trees, Keshava played unceasingly with the cowherd women.

Verse 27 (padma.6.252.27)

रम्यकेलिसुखेनैव गोपवेषधरो हरिः । बद्धप्रेमरसेनात्र मासद्वयमुवास ह ।

ramyakelisukhenaiva gopaveṣadharo hariḥ baddhapremarasenātra māsadvayamuvāsa ha

Hari, wearing the guise of a cowherd, with the sheer joy of delightful play, bound by the sentiment of love, dwelt there for two months.

Verse 28 (padma.6.252.28)

अथ तत्रस्था नंदगोपादयः सर्वेजनाः पुत्रदारसहिताः पशुपक्षिमृगादयश्च वासुदेवप्रसादेन दिव्यरूपधरा विमानमारूढाः परमं वैकुंठलोकमवापुः ।

atha tatrasthā naṁdagopādayaḥ sarvejanāḥ putradārasahitāḥ paśupakṣimṛgādayaśca vāsudevaprasādena divyarūpadharā vimānamārūḍhāḥ paramaṁ vaikuṁṭhalokamavāpuḥ

Then all the people there — Nanda and the other cowherds, together with their sons and wives, and the beasts, birds, and other creatures too — by Vasudeva's grace, taking on divine forms and mounting celestial cars, attained the supreme world of Vaikuntha.

Verse 29 (padma.6.252.29)

कृष्णस्तु नंदगोपव्रजौकसां सर्वेषां परमं निरामयं स्वपदं दत्वा दिवि देवगणैः संस्तूयमानो द्वारवतीं श्रीमतीं विवेश ।

kṛṣṇastu naṁdagopavrajaukasāṁ sarveṣāṁ paramaṁ nirāmayaṁ svapadaṁ datvā divi devagaṇaiḥ saṁstūyamāno dvāravatīṁ śrīmatīṁ viveśa

Krishna, having given his own supreme, untroubled abode to all the dwellers of Nanda's cow-settlement, being praised by the hosts of gods in heaven, entered glorious Dvaravati.

Verse 30 (padma.6.252.30)

तत्र वसुदेवोग्रसेनसंकर्षणप्रद्युम्नानिरुद्धाक्रूरादिभिः प्रत्यहं संपूजित षोडशसहस्रभार्याभिरष्टाभिर्दिव्यमहिषीभिश्च विश्वरूपधरो दिव्यरत्नमय नानागृहांतरेषु सुतकुसुमांचित श्लक्ष्णतरपर्यंकेषु रमयामास ।

tatra vasudevograsenasaṁkarṣaṇapradyumnāniruddhākrūrādibhiḥ pratyahaṁ saṁpūjita ṣoḍaśasahasrabhāryābhiraṣṭābhirdivyamahiṣībhiśca viśvarūpadharo divyaratnamaya nānāgṛhāṁtareṣu sutakusumāṁcita ślakṣṇataraparyaṁkeṣu ramayāmāsa

There, honored daily by Vasudeva, Ugrasena, Sankarshana, Pradyumna, Aniruddha, Akrura and the others, bearer of universal form, he took his delight with his sixteen thousand wives and his eight divine queens, upon the softest couches strewn with flowers, in the various divine, jewel-studded chambers.

Verse 31 (padma.6.252.31)

अथ रामकृष्णसतीर्थ्यो विप्रो बालसखा सदात्यंतदारिद्र्यपीडितो मुष्टिमात्रान्याचनाप्तपृथुकाञ्जीर्णवाससि निबध्य वासुदेवं द्रष्टुं श्रीमतीं द्वारकानगरीमाजगाम ।

atha rāmakṛṣṇasatīrthyo vipro bālasakhā sadātyaṁtadāridryapīḍito muṣṭimātrānyācanāptapṛthukāñjīrṇavāsasi nibadhya vāsudevaṁ draṣṭuṁ śrīmatīṁ dvārakānagarīmājagāma

Then a Brahmin, a fellow-disciple of Rama and Krishna, a childhood friend, ever afflicted by extreme poverty, having tied up a mere handful of beaten rice obtained by begging in the corner of his worn garment, came to glorious Dvaraka city, to see Vasudeva.

Verse 32 (padma.6.252.32)

स तु रुक्मिण्यंतःपुरद्वारि क्षणं तूष्णीं तस्थौ ।

sa tu rukmiṇyaṁtaḥpuradvāri kṣaṇaṁ tūṣṇīṁ tasthau

He stood silently for a moment at the gate of Rukmini's inner palace.

Verse 33 (padma.6.252.33)

कृष्णोऽपि समागतं ब्राह्मणं ज्ञात्वा प्रद्युम्नेन नमस्कृत्वा वामकरं गृहीत्वा गृहांतरे स्वासने निवेश्य भयाद्वेपमानं तं रुक्मिणीहस्तगतसुवर्णकलशजलेन पादौ प्रक्षाल्य मधुपर्केण पूजयामास ।

kṛṣṇo'pi samāgataṁ brāhmaṇaṁ jñātvā pradyumnena namaskṛtvā vāmakaraṁ gṛhītvā gṛhāṁtare svāsane niveśya bhayādvepamānaṁ taṁ rukmiṇīhastagatasuvarṇakalaśajalena pādau prakṣālya madhuparkeṇa pūjayāmāsa

Krishna too, learning of the Brahmin's arrival, with Pradyumna bowing, took his left hand, seated him within upon his own seat, and, seeing him trembling with fear, washed his feet with water from a golden vessel held by Rukmini, and honored him with the madhuparka rite.

Verse 34 (padma.6.252.34)

सुधामृतोपमैरन्नपानाद्यैस्तर्पयित्वा तस्य जीर्णवस्त्रांतरे याचनाप्तपृथुकान्स्वयमेव हस्तेन गृहीत्वा प्रहसन्जग्रास ।

sudhāmṛtopamairannapānādyaistarpayitvā tasya jīrṇavastrāṁtare yācanāptapṛthukānsvayameva hastena gṛhītvā prahasanjagrāsa

Having satisfied him with food and drink like the nectar of immortality, he himself took, with his own hand, the beaten rice obtained by begging, from the corner of his worn garment, and, laughing, ate it.

Verse 35 (padma.6.252.35)

कृष्णेन पृथुके भक्षिते तस्मिन्नेव क्षणे तस्य बहुधनधान्यवस्त्राभरणसंभूतं महदैश्वर्यमभूत् ।

kṛṣṇena pṛthuke bhakṣite tasminneva kṣaṇe tasya bahudhanadhānyavastrābharaṇasaṁbhūtaṁ mahadaiśvaryamabhūt

When Krishna ate the beaten rice, at that very instant, great prosperity, consisting of much wealth, grain, garments, and ornaments, came to him.

Verse 36 (padma.6.252.36)

स तु कृष्णेन विसृष्टो मम किंचिद्वस्त्रं वा धनं वा कृष्णेन न दत्तमिति मन्यमानः स्वपुरं विवेश ।

sa tu kṛṣṇena visṛṣṭo mama kiṁcidvastraṁ vā dhanaṁ vā kṛṣṇena na dattamiti manyamānaḥ svapuraṁ viveśa

He, taking leave of Krishna, thinking, "Krishna has given me neither cloth nor wealth," entered his own town.

Verse 37 (padma.6.252.37)

अथ बहुधनधान्ययुतं स्वगृहं दृष्ट्वा तत्प्रसादादिदं लब्धमिति वदन्प्रहृष्टेनांतरात्मना दिव्य वस्त्राभरणादिना भार्यया सह सर्वान्कामान्भुक्त्वा हरिसंतुष्ट्यै बहुयज्ञानिष्ट्वा तत्प्रसादेन परमं नित्यं स्वर्गसुखमवाप ।

atha bahudhanadhānyayutaṁ svagṛhaṁ dṛṣṭvā tatprasādādidaṁ labdhamiti vadanprahṛṣṭenāṁtarātmanā divya vastrābharaṇādinā bhāryayā saha sarvānkāmānbhuktvā harisaṁtuṣṭyai bahuyajñāniṣṭvā tatprasādena paramaṁ nityaṁ svargasukhamavāpa

Then, seeing his own house filled with much wealth and grain, saying, "This has been obtained by his grace," his inner self overjoyed, he, with divine garments and ornaments, together with his wife, enjoyed every desire, performed many sacrifices for Hari's satisfaction, and by his grace attained the supreme, eternal joy of heaven.

Verse 38 (padma.6.252.38)

अथ धृतराष्ट्रतनयो दुर्योधनः पांडुतनयान्कपटद्यूतव्याजेन राज्यमपहृत्य स्वराष्ट्राद्विवासयामास ।

atha dhṛtarāṣṭratanayo duryodhanaḥ pāṁḍutanayānkapaṭadyūtavyājena rājyamapahṛtya svarāṣṭrādvivāsayāmāsa

Then Dhritarashtra's son Duryodhana, through the pretext of a fraudulent game of dice, seized the kingdom from Pandu's sons and exiled them from their own realm.

Verse 39 (padma.6.252.39)

ते तु युधिष्ठिरभीमार्जुननकुलसहदेवाः सुपत्न्या द्रौ पद्या सह महारण्यं गत्वा तत्र द्वादशाब्दान्स्थित्वा संवत्सरपर्यंतमज्ञाताः सर्वे मत्स्यदेशाधिपतेर्विराटस्य निवेशने स्थित्वा वासुदेवेन सहायेन धार्तराष्ट्रान्योद्धुमाजग्मुः ।

te tu yudhiṣṭhirabhīmārjunanakulasahadevāḥ supatnyā drau padyā saha mahāraṇyaṁ gatvā tatra dvādaśābdānsthitvā saṁvatsaraparyaṁtamajñātāḥ sarve matsyadeśādhipatervirāṭasya niveśane sthitvā vāsudevena sahāyena dhārtarāṣṭrānyoddhumājagmuḥ

Yudhishthira, Bhima, Arjuna, Nakula, and Sahadeva, together with their good wife Draupadi, went to the great forest, and, dwelling there for twelve years, and then for one further year unrecognized, in the household of Virata, lord of the Matsya country, came, with Vasudeva as their ally, to fight the sons of Dhritarashtra.

Verse 40 (padma.6.252.40)

तेषां धार्तराष्ट्रपांडुपुत्राणां नानादेशाधिपनृपैः कुरुक्षेत्रमहापुण्ये देवानामपि भयंकरो महासंग्रामोऽभवत् ।

teṣāṁ dhārtarāṣṭrapāṁḍuputrāṇāṁ nānādeśādhipanṛpaiḥ kurukṣetramahāpuṇye devānāmapi bhayaṁkaro mahāsaṁgrāmo'bhavat

Between those sons of Dhritarashtra and the sons of Pandu, with kings, lords of various lands, on the most sacred field of Kurukshetra, a great battle arose, terrifying even to the gods.

Verse 41 (padma.6.252.41)

अथ श्रीकृष्णोऽप्यर्जुनसारथ्यं कुर्वन्नर्जुने स्वशक्तिमावेश्य तेन दुर्योधनभीष्मद्रो- णप्रमुखान्सर्वान्पार्थिवानेकादशाक्षौहिणीबलसहितान्कुरुक्षेत्रे हत्वा पांडवान्राज्ये स्थापयित्वा निःशेषेण सर्वभूभारमपास्य स्वां पुरीं प्रविवेश ।

atha śrīkṛṣṇo'pyarjunasārathyaṁ kurvannarjune svaśaktimāveśya tena duryodhanabhīṣmadro- ṇapramukhānsarvānpārthivānekādaśākṣauhiṇībalasahitānkurukṣetre hatvā pāṁḍavānrājye sthāpayitvā niḥśeṣeṇa sarvabhūbhāramapāsya svāṁ purīṁ praviveśa

Then Shri Krishna too, acting as Arjuna's charioteer, infusing Arjuna with his own power, through him slew, at Kurukshetra, all the kings headed by Duryodhana, Bhishma, and Drona, together with their eleven akshauhinis of troops, and, having established the Pandavas in their kingdom, having thus entirely removed the earth's burden, entered his own city.

Verse 42 (padma.6.252.42)

कस्यचित्त्वथकालस्य कतिपयाहनि वैदिको ब्राह्मणो मृतं पंचवार्षिकं बालमादाय राजद्वारि निधाय बहुशो विलपन्बहून्याक्रोशवाक्यानि कृष्णं जगाद ।

kasyacittvathakālasya katipayāhani vaidiko brāhmaṇo mṛtaṁ paṁcavārṣikaṁ bālamādāya rājadvāri nidhāya bahuśo vilapanbahūnyākrośavākyāni kṛṣṇaṁ jagāda

After some time, on a certain day, a Vedic Brahmin, taking his dead five-year-old child, laid him at the palace gate, and, lamenting greatly, spoke many reproachful words to Krishna.

Verse 43 (padma.6.252.43)

कृष्णस्तमाक्रोशं श्रुत्वा तूष्णीमुवास ।

kṛṣṇastamākrośaṁ śrutvā tūṣṇīmuvāsa

Krishna, hearing that reproach, remained silent.

Verse 44 (padma.6.252.44)

स तु मम पंचपुत्राः पूर्वं हता अयं तु षष्ठः एनं कृष्णो न जीवयिष्यति तर्हि राजद्वारि मरिष्यामीत्युवाच ।

sa tu mama paṁcaputrāḥ pūrvaṁ hatā ayaṁ tu ṣaṣṭhaḥ enaṁ kṛṣṇo na jīvayiṣyati tarhi rājadvāri mariṣyāmītyuvāca

He said, "My five previous sons were slain earlier; this is the sixth. If Krishna does not restore him to life, then I shall die here at the palace gate."

Verse 45 (padma.6.252.45)

तस्मिन्काले अर्जुनः कृष्णं द्रष्टुमागतस्तथाविधं तं पुत्रशोकेन विलपंतं ददर्श ।

tasminkāle arjunaḥ kṛṣṇaṁ draṣṭumāgatastathāvidhaṁ taṁ putraśokena vilapaṁtaṁ dadarśa

At that time, Arjuna, coming to see Krishna, saw him thus, lamenting in grief for his son.

Verse 46 (padma.6.252.46)

अर्जुनोऽपि कालधर्ममुपागतं पंचवार्षिकं बालकं दृष्ट्वा कृपयाविष्टस्तव पुत्रमहंजीवयिष्यामीति ब्राह्मणायाभयं दत्वा प्रतिश्रुतवान् ।

arjuno'pi kāladharmamupāgataṁ paṁcavārṣikaṁ bālakaṁ dṛṣṭvā kṛpayāviṣṭastava putramahaṁjīvayiṣyāmīti brāhmaṇāyābhayaṁ datvā pratiśrutavān

Arjuna too, seeing that five-year-old boy who had met his end, filled with compassion, gave the Brahmin assurance, promising, "I shall restore your son to life."

Verse 47 (padma.6.252.47)

ब्राह्मणस्तु तेनाश्वासितो हृष्टवान् ।

brāhmaṇastu tenāśvāsito hṛṣṭavān

The Brahmin, thus reassured by him, was overjoyed.

Verse 48 (padma.6.252.48)

अथैतं ब्राह्मणशिशुं बहुभिः संजीविनास्त्रैरभिमंत्र्य अलब्धजीवितं दृष्ट्वा वृथा प्रतिज्ञामवाप्य बहुशोकसमन्वितस्तेनैव प्राणांस्त्यक्तुमैच्छत् ।

athaitaṁ brāhmaṇaśiśuṁ bahubhiḥ saṁjīvināstrairabhimaṁtrya alabdhajīvitaṁ dṛṣṭvā vṛthā pratijñāmavāpya bahuśokasamanvitastenaiva prāṇāṁstyaktumaicchat

Then, having invoked over that Brahmin's child many life-restoring weapon-mantras, and seeing that life had not been obtained, his promise rendered vain, filled with great grief, he wished by that very means to give up his own life.

Verse 49 (padma.6.252.49)

कृष्णस्तु तत्सर्वं ज्ञात्वांतःपुराद्विनिष्क्रम्य तं वैदिकं प्राह तवपुत्रान्सर्वानहं दास्यामीत्युक्त्वाश्वास्य वैनतेयमारुह्यार्जुनसहितो वैष्णवं लोकमाजगाम ।

kṛṣṇastu tatsarvaṁ jñātvāṁtaḥpurādviniṣkramya taṁ vaidikaṁ prāha tavaputrānsarvānahaṁ dāsyāmītyuktvāśvāsya vainateyamāruhyārjunasahito vaiṣṇavaṁ lokamājagāma

Krishna, learning of all this, coming out from the inner palace, said to that Vedic Brahmin, "I shall give you back all your sons," and, having reassured him, mounting Garuda, together with Arjuna, went to the Vaishnava world.

Verse 50 (padma.6.252.50)

तत्र दिव्यमणिमंडपोद्देशे देव्या सह समासीनं नारायणं दृष्ट्वा कृष्णार्जुनौ नमश्चक्रतुः । स तौ बाहुभ्यां परिष्वज्य किमर्थमागतावित्युवाच ।

tatra divyamaṇimaṁḍapoddeśe devyā saha samāsīnaṁ nārāyaṇaṁ dṛṣṭvā kṛṣṇārjunau namaścakratuḥ sa tau bāhubhyāṁ pariṣvajya kimarthamāgatāvityuvāca

There, in a divine, jewel-adorned pavilion, seeing Narayana seated together with the Goddess, Krishna and Arjuna bowed to him. He, embracing them both with his arms, asked, "For what purpose have you come?"

Verse 51 (padma.6.252.51)

कृष्णश्च भगवन्वैदिकस्य तनयान्मम देहीत्युवाच ।

kṛṣṇaśca bhagavanvaidikasya tanayānmama dehītyuvāca

Krishna said, "O Lord, give me back the sons of that Vedic Brahmin."

Verse 52 (padma.6.252.52)

स तु नारायणस्तादृग्वयसि संस्थितान्ब्राह्मणपुत्रान्कृष्णाय संददौ ।

sa tu nārāyaṇastādṛgvayasi saṁsthitānbrāhmaṇaputrānkṛṣṇāya saṁdadau

Then Narayana gave to Krishna those sons of the Brahmin, present there, of that same age.

Verse 53 (padma.6.252.53)

श्रीकृष्णोऽपि तान्वैनतेयस्कंधे समारोप्य हर्षसमन्वितोऽर्जुनसहितः स्वयमप्यारुह्य दिवि देवगणैः संस्तूयमानो द्वारवतीमाविवेश ।

śrīkṛṣṇo'pi tānvainateyaskaṁdhe samāropya harṣasamanvito'rjunasahitaḥ svayamapyāruhya divi devagaṇaiḥ saṁstūyamāno dvāravatīmāviveśa

Shri Krishna too, setting them upon Garuda's shoulders, filled with joy, together with Arjuna, himself also mounting, being praised by the hosts of gods in heaven, entered Dvaravati.

Verse 54 (padma.6.252.54)

तस्मै ब्राह्मणाय पंचवर्षवयःस्थान्षट्पुत्रान्ददौ सोऽप्यत्यंतर्हषसमन्वितः कृष्णं वर्द्धयस्वेत्याशिषं प्रायच्छत् ।

tasmai brāhmaṇāya paṁcavarṣavayaḥsthānṣaṭputrāndadau so'pyatyaṁtarhaṣasamanvitaḥ kṛṣṇaṁ varddhayasvetyāśiṣaṁ prāyacchat

He gave to that Brahmin his six sons, present there at five years of age; he too, filled with utmost joy, gave Krishna the blessing, "May you prosper."

Verse 55 (padma.6.252.55)

अर्जुनस्तु सफलां प्रतिज्ञामवाप्य कृष्णं नमस्कृत्य युधिष्ठिरपालितां स्वां पुरीमाजगाम ।

arjunastu saphalāṁ pratijñāmavāpya kṛṣṇaṁ namaskṛtya yudhiṣṭhirapālitāṁ svāṁ purīmājagāma

And Arjuna, his promise thus fulfilled, bowing to Krishna, went to his own city, ruled by Yudhishthira.

Verse 56 (padma.6.252.56)

कृष्णस्य षोडशसहस्रभार्यास्वयुतसाहस्रपुत्रा जज्ञिरे तेषां पुत्रपौत्रसंख्यां वक्तुं न शक्यते ।

kṛṣṇasya ṣoḍaśasahasrabhāryāsvayutasāhasraputrā jajñire teṣāṁ putrapautrasaṁkhyāṁ vaktuṁ na śakyate

To Krishna's sixteen thousand wives were born a great multitude of sons; the count of their sons and grandsons cannot be told.

Verse 57 (padma.6.252.57)

अत्रापि श्लोकः । अष्टौशतानि पुत्राणां सहस्राण्ययुतं तथा । प्रद्युम्नः प्रथमस्तेषां सर्वेषां रुक्मिणीसुतः ।

atrāpi ślokaḥ aṣṭauśatāni putrāṇāṁ sahasrāṇyayutaṁ tathā pradyumnaḥ prathamasteṣāṁ sarveṣāṁ rukmiṇīsutaḥ

Here too is a verse: many hundred thousands and ten thousand sons in total — foremost among all of them was Pradyumna, the son of Rukmini.

Verse 58 (padma.6.252.58)

असंख्यैस्तैर्यादवैरियं पृथिवी संवृताऽभवत् ।

asaṁkhyaistairyādavairiyaṁ pṛthivī saṁvṛtā'bhavat

This earth became covered with those countless Yadavas.

Verse 59 (padma.6.252.59)

पुनरप्यवनीभारशंकया कृष्णस्तु तानृषिशापव्याजेन संहर्तुमैच्छत् ।

punarapyavanībhāraśaṁkayā kṛṣṇastu tānṛṣiśāpavyājena saṁhartumaicchat

Once again, out of concern for the earth's burden, Krishna wished to destroy them, under the pretext of a sage's curse.

Verse 60 (padma.6.252.60)

कदाचित्सर्वे कुमारा नर्मदायां विहर्तुमाजग्मुः ।

kadācitsarve kumārā narmadāyāṁ vihartumājagmuḥ

Once, all the young princes went to the Narmada river to sport.

Verse 61 (padma.6.252.61)

तत्र तपंतं कण्वं महर्षिं दृष्ट्वा जांबवत्याः । पुत्रं योषिद्वेषं कृत्वा तस्योदरे कात्वायसं मुसलं बद्ध्वा ऋषेः । समीपमागत्य सर्वे नमस्कृत्वा पत्नीरूपं सांबं कुमारं तस्य पुरतो निधाय । अस्या गर्भे स्त्री वा पुरुषो वा भविष्तीति ब्रूहीत्यूचुः ।

tatra tapaṁtaṁ kaṇvaṁ maharṣiṁ dṛṣṭvā jāṁbavatyāḥ putraṁ yoṣidveṣaṁ kṛtvā tasyodare kātvāyasaṁ musalaṁ baddhvā ṛṣeḥ samīpamāgatya sarve namaskṛtvā patnīrūpaṁ sāṁbaṁ kumāraṁ tasya purato nidhāya asyā garbhe strī vā puruṣo vā bhaviṣtīti brūhītyūcuḥ

There, seeing the great sage Kanva performing austerities, they dressed Jambavati's son Samba in women's clothing, tied an iron pestle to his belly, and, coming near the sage, all bowing, placed Samba, disguised as a wife, before him, and said, "Tell us, will this one's womb bear a girl or a boy?"

Verse 62 (padma.6.252.62)

स तु मनसा तद्विज्ञाय तानमर्षमाणः सर्वाननेन मुसलेन यूयं सर्वे निहता भवतेत्युवाच ।

sa tu manasā tadvijñāya tānamarṣamāṇaḥ sarvānanena musalena yūyaṁ sarve nihatā bhavatetyuvāca

He, perceiving the trick with his mind, angered, said to them all, "By this very pestle, all of you shall be slain."

Verse 63 (padma.6.252.63)

सर्वे समुद्विग्नमनसः कृष्णं समेत्य महर्षिणोक्तं तत्कर्म निवेदयामासुः ।

sarve samudvignamanasaḥ kṛṣṇaṁ sametya maharṣiṇoktaṁ tatkarma nivedayāmāsuḥ

All of them, their minds troubled, going to Krishna, reported that deed and what the great sage had spoken.

Verse 64 (padma.6.252.64)

कृष्णोऽपि तदायसं मुसलं चूर्णीभूतं ह्रदे निपातयामास ।

kṛṣṇo'pi tadāyasaṁ musalaṁ cūrṇībhūtaṁ hrade nipātayāmāsa

Krishna too had that iron pestle ground to powder and cast into a lake.

Verse 65 (padma.6.252.65)

तदयश्चूर्णीभूतबीजसमुद्भूता वज्रसन्निभा महाकाशाः संबभूवुः ।

tadayaścūrṇībhūtabījasamudbhūtā vajrasannibhā mahākāśāḥ saṁbabhūvuḥ

From those powdered iron seeds grew great reeds, hard as the thunderbolt.

Verse 66 (padma.6.252.66)

तत्र तं मुसलावशिष्टं कनिष्ठांगुलिमात्रं मत्स्यो जग्रास तं मत्स्यं निषादो गृहीत्वा तदुदरस्थं मुशलखण्डमादाय बाणाग्रे फलकमकरोत् ।

tatra taṁ musalāvaśiṣṭaṁ kaniṣṭhāṁgulimātraṁ matsyo jagrāsa taṁ matsyaṁ niṣādo gṛhītvā tadudarasthaṁ muśalakhaṇḍamādāya bāṇāgre phalakamakarot

There, a fish swallowed the remnant of that pestle, the size of a little finger; a hunter, catching that fish, took the piece of pestle from its belly, and made an arrowhead of it.

Verse 67 (padma.6.252.67)

कदाचित्सर्वे यादवा रामकृष्णप्रद्युम्नादयो मघवता प्रेषितां वारुणीं पीत्वा मत्ता बभूवुः ।

kadācitsarve yādavā rāmakṛṣṇapradyumnādayo maghavatā preṣitāṁ vāruṇīṁ pītvā mattā babhūvuḥ

Once, all the Yadavas — Rama, Krishna, Pradyumna, and the others — drinking the liquor sent by Indra, became intoxicated.

Verse 68 (padma.6.252.68)

परस्परं वीरणं नीत्वा बहून्याक्रोशवाक्यानि वदंतो युद्धं चक्रुः क्षयं च गताः ।

parasparaṁ vīraṇaṁ nītvā bahūnyākrośavākyāni vadaṁto yuddhaṁ cakruḥ kṣayaṁ ca gatāḥ

Taking up the reeds against one another, speaking many reproachful words, they fought, and were destroyed.

Verse 69 (padma.6.252.69)

कृष्णस्तु युद्धश्रांतः कल्पतरुच्छायायां शयनं चकार स निषादो धनुर्बाणं गृहीत्वा खेटकवृत्तिं जगाम ।

kṛṣṇastu yuddhaśrāṁtaḥ kalpatarucchāyāyāṁ śayanaṁ cakāra sa niṣādo dhanurbāṇaṁ gṛhītvā kheṭakavṛttiṁ jagāma

Krishna, weary from the battle, lay down in the shade of a wish-fulfilling tree. That hunter, taking bow and arrow, went out to hunt.

Verse 70 (padma.6.252.70)

एवं निःशेषं त्यक्तजीविता बभूवुस्ते सर्वे स्वान्स्वांस्त्रिदशान्प्रपेदिरे ।

evaṁ niḥśeṣaṁ tyaktajīvitā babhūvuste sarve svānsvāṁstridaśānprapedire

Thus, all of them, to the last, gave up their lives, and each attained his own true divine state.

Verse 71 (padma.6.252.71)

एवं मुशलेन संहृत्य सर्वं स्वयमेको देवो बहुगुल्मसमाकीर्णमहाद्रुमछायायां सुप्तश्चतुर्विधव्यूहगतं वासुदेवात्मकमात्मानं चिंतयञ्जानूपरिपदं निधायात्मनो मानुषंवपुस्त्यक्तुमनुनिषसाद ।

evaṁ muśalena saṁhṛtya sarvaṁ svayameko devo bahugulmasamākīrṇamahādrumachāyāyāṁ suptaścaturvidhavyūhagataṁ vāsudevātmakamātmānaṁ ciṁtayañjānūparipadaṁ nidhāyātmano mānuṣaṁvapustyaktumanuniṣasāda

Thus, having destroyed everyone by the pestle-weapon, that god, now alone, lay down, sleeping in the shade of a great tree amid thick shrubs, meditating upon himself as the fourfold Vasudeva-form, placing one foot upon his knee, seated so as to relinquish his human body.

Verse 72 (padma.6.252.72)

एतस्मिनन्तरे मृगयाजीविको हरेः स तदा कालप्रभावेन चक्रवज्रध्वजांकुशादिचिह्नितमतिरक्ततमं हरेः पादकमलं दृष्ट्वा विव्याध ।

etasminantare mṛgayājīviko hareḥ sa tadā kālaprabhāvena cakravajradhvajāṁkuśādicihnitamatiraktatamaṁ hareḥ pādakamalaṁ dṛṣṭvā vivyādha

Meanwhile, that hunter, living by the chase, then, by the power of Time, seeing Hari's most reddish lotus-foot, marked with the discus, thunderbolt, banner, and goad, pierced it with his arrow.

Verse 73 (padma.6.252.73)

तदनंतरं श्रीकृष्णं ज्ञात्वा सुमहाभयार्तः प्रवेपमानः कृतांजलिपुटो महदपराधः सकलोपह्रियतामिति तं प्रणनाम ।

tadanaṁtaraṁ śrīkṛṣṇaṁ jñātvā sumahābhayārtaḥ pravepamānaḥ kṛtāṁjalipuṭo mahadaparādhaḥ sakalopahriyatāmiti taṁ praṇanāma

Immediately after, recognizing Shri Krishna, stricken with the greatest fear, trembling, with joined palms, crying, "A great offense — let it be entirely removed," he bowed to him.

Verse 74 (padma.6.252.74)

श्रीकृष्णस्तथाभूतं दृष्ट्वा सुधामयकराभ्यां तमुत्थाप्य भवतानापराद्धं कृतमिति वदन्महाभयपीडितमाश्वासयन्नुवाच ।

śrīkṛṣṇastathābhūtaṁ dṛṣṭvā sudhāmayakarābhyāṁ tamutthāpya bhavatānāparāddhaṁ kṛtamiti vadanmahābhayapīḍitamāśvāsayannuvāca

Shri Krishna, seeing him thus, raising him up with his own nectar-like hands, saying "No offense has been done by you," reassuring him, stricken as he was with great fear, spoke.

Verse 75 (padma.6.252.75)

ततो योगिगम्यमपुनरावृत्तिशाश्वतं सर्वोपनिषदमयं वैष्णवं लोकं प्रददौ ।

tato yogigamyamapunarāvṛttiśāśvataṁ sarvopaniṣadamayaṁ vaiṣṇavaṁ lokaṁ pradadau

Then he gave him that Vaishnava world, attainable by yogis, eternal, without return, consisting of the essence of all the Upanishads.

Verse 76 (padma.6.252.76)

असौ तस्मिन्नेव मुहूर्ते मानुषं रूपं विहाय पंचोपनिषन्मयं सकलपुत्रदारसहितो दीप्तिमयं वैष्णवं लोकं दिव्यं विमानमास्थाय सहस्रार्कद्युतिसदृशं दिव्याप्सरोगणाकीर्णं हिरण्मयं वासुदेवेत्येकं जगाम ।

asau tasminneva muhūrte mānuṣaṁ rūpaṁ vihāya paṁcopaniṣanmayaṁ sakalaputradārasahito dīptimayaṁ vaiṣṇavaṁ lokaṁ divyaṁ vimānamāsthāya sahasrārkadyutisadṛśaṁ divyāpsarogaṇākīrṇaṁ hiraṇmayaṁ vāsudevetyekaṁ jagāma

He, at that very moment, casting off his human form, taking on a form consisting of the five Upanishadic emanations, together with all his sons and wives, mounting a blazing, divine celestial car, resembling the splendor of a thousand suns, thronged with hosts of divine Apsaras, that golden effulgence, went to the one supreme abode called Vasudeva.

Verse 77 (padma.6.252.77)

तस्मिन्काले दारुको रथमारुह्य विष्णोः समीपं विवेश ।

tasminkāle dāruko rathamāruhya viṣṇoḥ samīpaṁ viveśa

At that time, Daruka, mounting the chariot, entered Vishnu's presence.

Verse 78 (padma.6.252.78)

कृष्णोऽपि मत्स्वरूपमर्जुनं पूर्वमानयस्वेति प्रेषयामास ।

kṛṣṇo'pi matsvarūpamarjunaṁ pūrvamānayasveti preṣayāmāsa

Krishna too sent him, saying, "First bring to me Arjuna, who is of my own nature."

Verse 79 (padma.6.252.79)

स तु मनोजवस्यंदनमारुह्यार्जुनसमीपमाजगाम ।

sa tu manojavasyaṁdanamāruhyārjunasamīpamājagāma

He, mounting that mind-swift chariot, arrived near Arjuna.

Verse 80 (padma.6.252.80)

एतस्मिन्नंतरे देव्यर्जुनस्तदारुह्य परिणीय नमस्कृत्वा किं करोमीति पुटांजलिरुवाच ।

etasminnaṁtare devyarjunastadāruhya pariṇīya namaskṛtvā kiṁ karomīti puṭāṁjaliruvāca

Meanwhile, O Goddess, Arjuna, mounting it, circling it, and bowing, said with joined palms, "What am I to do?"

Verse 81 (padma.6.252.81)

कृष्णस्तु तमाह पार्थाहं स्वलोकं यास्यामि त्वं तु द्वारवतीं गत्वा तत्रस्था रुक्मिण्याद्यष्टभार्या आनीय मम शरीरे प्रेषय ।

kṛṣṇastu tamāha pārthāhaṁ svalokaṁ yāsyāmi tvaṁ tu dvāravatīṁ gatvā tatrasthā rukmiṇyādyaṣṭabhāryā ānīya mama śarīre preṣaya

Krishna said to him: "O Partha, I am going to my own world. You, going to Dvaravati, bring the eight wives, Rukmini and the others, present there, and send them to my body."

Verse 82 (padma.6.252.82)

स दारुकेण सहितो नगरीमाजगाम ।

sa dārukeṇa sahito nagarīmājagāma

He, together with Daruka, went to the city.

Verse 83 (padma.6.252.83)

एतस्मिन्नंतरे देवा विमानस्था नभसि संस्थिताः स्वर्लोकं यियान्तं कृष्णं दृष्ट्वा ऋषिभिः सार्द्धं स्तुत्वा पुष्पवर्षाणि ववृषुः ।

etasminnaṁtare devā vimānasthā nabhasi saṁsthitāḥ svarlokaṁ yiyāntaṁ kṛṣṇaṁ dṛṣṭvā ṛṣibhiḥ sārddhaṁ stutvā puṣpavarṣāṇi vavṛṣuḥ

Meanwhile, the gods, stationed in their celestial cars in the sky, seeing Krishna about to depart to the heavenly world, together with the sages, praising him, rained down showers of flowers.

Verse 84 (padma.6.252.84)

कृष्णोऽपि मानुषदेहं- संन्यस्यसकलजगत्स्थितिसंहारहेतुभूतं सकलक्षेत्रज्ञमंतर्यामियोगिध्येयमनामयं वासुदेवात्मकं देहं धृत्वा वैनतेयमारुह्य महर्षिभिस्तूयमानो जगाम ।

kṛṣṇo'pi mānuṣadehaṁ- saṁnyasyasakalajagatsthitisaṁhārahetubhūtaṁ sakalakṣetrajñamaṁtaryāmiyogidhyeyamanāmayaṁ vāsudevātmakaṁ dehaṁ dhṛtvā vainateyamāruhya maharṣibhistūyamāno jagāma

Krishna too, laying aside his human body, and taking up his Vasudeva-form body, the cause of the maintenance and dissolution of the entire universe, the knower of all fields, the inner controller, the object of yogis' meditation, untouched by affliction, mounting Garuda, praised by the great sages, departed.

Verse 85 (padma.6.252.85)

अर्जुनो वसुदेवोग्रसेनाभ्यां रुक्मिण्यादिमहिषीभ्यस्तत्सर्वं कथयामास ।

arjuno vasudevograsenābhyāṁ rukmiṇyādimahiṣībhyastatsarvaṁ kathayāmāsa

Arjuna told all of this to Vasudeva and Ugrasena, and to the queens headed by Rukmini.

Verse 86 (padma.6.252.86)

तच्छ्रुत्वा सर्वे पौरजनाः स्त्रियश्च द्वारवतीमुत्सृज्यांतःपुराद्बहिर्निष्क्रम्य सर्वास्ताः कृष्णवल्लभा वसुदेवोग्रसेनसहिताः शीघ्रमेव हरेः समीपं जग्मुः ।

tacchrutvā sarve paurajanāḥ striyaśca dvāravatīmutsṛjyāṁtaḥpurādbahirniṣkramya sarvāstāḥ kṛṣṇavallabhā vasudevograsenasahitāḥ śīghrameva hareḥ samīpaṁ jagmuḥ

Hearing this, all the citizens and the women, abandoning Dvaravati, coming out from the inner palace, all those beloved wives of Krishna, together with Vasudeva and Ugrasena, went swiftly to Hari's presence.

Verse 87 (padma.6.252.87)

ते सर्वे वसुदेवोग्रसेनाक्रूराः सर्वे यदुवृद्धा वपुस्त्यक्त्वा सनातनवासुदेवं समाजग्मुः ।

te sarve vasudevograsenākrūrāḥ sarve yaduvṛddhā vapustyaktvā sanātanavāsudevaṁ samājagmuḥ

All of them — Vasudeva, Ugrasena, Akrura, and all the elders of the Yadus — casting off their bodies, joined the eternal Vasudeva.

Verse 88 (padma.6.252.88)

रेवतीच बलभद्रशरीरं परिष्वज्याग्निं प्रविश्य तस्मिन्देहं प्राप्य दिव्यविमानारूढा भर्तुः स्थानं संकर्षणलोकं दिव्यमवाप ।

revatīca balabhadraśarīraṁ pariṣvajyāgniṁ praviśya tasmindehaṁ prāpya divyavimānārūḍhā bhartuḥ sthānaṁ saṁkarṣaṇalokaṁ divyamavāpa

And Revati, embracing Balabhadra's body, entering the fire, obtaining a new body within it, mounting a divine celestial car, attained her husband's abode, the divine world of Sankarshana.

Verse 89 (padma.6.252.89)

तथैव प्रद्युम्नेन सह रुक्मपुत्री तथानिरुद्धेनोषापि सर्वाश्च यादवस्त्रियः स्वस्वभर्तुः शरीराणि संपूज्याग्निप्रवेशं चक्रुः ।

tathaiva pradyumnena saha rukmaputrī tathāniruddhenoṣāpi sarvāśca yādavastriyaḥ svasvabhartuḥ śarīrāṇi saṁpūjyāgnipraveśaṁ cakruḥ

Likewise Rukma's daughter, together with Pradyumna, and Usha, together with Aniruddha, and all the wives of the Yadavas, honoring their respective husbands' bodies, entered the fire.

Verse 90 (padma.6.252.90)

तेषां सर्वेषामर्जुनऔर्द्ध्वदैहिकं कृतवान् ।

teṣāṁ sarveṣāmarjunaaurddhvadaihikaṁ kṛtavān

Arjuna performed the funeral rites for all of them.

Verse 91 (padma.6.252.91)

तस्मिन्काले दिव्यवाजिसमायुक्तं सुग्रीवाख्यकं सर्वरत्नोपेतं दिव्यं स्यंदनमारुह्य दारुकोप्याजगाम ।

tasminkāle divyavājisamāyuktaṁ sugrīvākhyakaṁ sarvaratnopetaṁ divyaṁ syaṁdanamāruhya dārukopyājagāma

At that time, Daruka too went away, mounting that divine chariot named Sugriva, yoked with divine horses, set with every jewel.

Verse 92 (padma.6.252.92)

पारिजाततरुर्देवसभासुधर्मात्रिदशेंद्रलोकमयाताम् ।

pārijātatarurdevasabhāsudharmātridaśeṁdralokamayātām

The Parijata tree and the divine assembly hall Sudharma went back to the world of Indra.

Verse 93 (padma.6.252.93)

तस्मिन्समये द्वारवतीपुरी महोदधौ निमग्नाभूत् ।

tasminsamaye dvāravatīpurī mahodadhau nimagnābhūt

At that time the city of Dvaravati became submerged in the great ocean.

Verse 94 (padma.6.252.94)

ततः सर्वाः षोडशसहस्रभार्य्या अर्जुनेनसहेंद्रप्रस्थं गच्छंतीर्दस्यवो जगृहुः ।

tataḥ sarvāḥ ṣoḍaśasahasrabhāryyā arjunenasaheṁdraprasthaṁ gacchaṁtīrdasyavo jagṛhuḥ

Then, as all those sixteen thousand wives were going with Arjuna to Indraprastha, robbers seized them.

Verse 95 (padma.6.252.95)

पूर्वं देवगंधर्वयोषितो ह्यष्टावक्रं महामुनिं दृष्ट्वा जहसुस्ततस्तेन शप्ता वेश्या भविष्यथ ततस्ताभि प्रसादितः पूजितश्च तत्प्रसादात्सर्वलोकैश्च नमस्कृतं वासुदेवं भर्तारमवाप्यापि तेनैव दस्युहस्तं गता अभवन् ।

pūrvaṁ devagaṁdharvayoṣito hyaṣṭāvakraṁ mahāmuniṁ dṛṣṭvā jahasustatastena śaptā veśyā bhaviṣyatha tatastābhi prasāditaḥ pūjitaśca tatprasādātsarvalokaiśca namaskṛtaṁ vāsudevaṁ bhartāramavāpyāpi tenaiva dasyuhastaṁ gatā abhavan

Formerly, divine and gandharva women, seeing the great sage Ashtavakra, laughed at him; therefore they were cursed by him: "You shall become courtesans." Then, having appeased and honored him, by his grace they obtained as husband Vasudeva, worshipped by all the worlds — yet, by that same curse, they in this final birth fell into the hands of robbers.

Verse 96 (padma.6.252.96)

अर्जुनोऽपि दस्युभिर्निर्जितः शोकसमाविष्टो मम भुजबलं सवीर्यं कृष्णेनैव सह सर्वमैश्वर्यं निर्यातमिति मत्वा अद्य मम भाग्य क्षय इति वदन्सायं संध्यारविरिव निःशेषविनष्टतेजाः स्वां पुरीं समाजगाम ।

arjuno'pi dasyubhirnirjitaḥ śokasamāviṣṭo mama bhujabalaṁ savīryaṁ kṛṣṇenaiva saha sarvamaiśvaryaṁ niryātamiti matvā adya mama bhāgya kṣaya iti vadansāyaṁ saṁdhyāraviriva niḥśeṣavinaṣṭatejāḥ svāṁ purīṁ samājagāma

Arjuna too, defeated by the robbers, overcome with grief, thinking, "My arm's strength and valor, all my glory, has departed together with Krishna himself," saying, "Today my fortune has come to an end," his splendor entirely spent like the evening sun at twilight, went to his own city.

Verse 97 (padma.6.252.97)

एवं हितार्थाय सर्वदेवानां समस्तभूभारविनाशाय यदुवंशेऽवतीर्य सकलराक्षसविनाशं कृत्वा महांतमपि चोर्वीभारं नाशयित्वा नंदव्रजद्वारकामथुरानिवासिनः सर्वान्स्थावरजंगमान्कालभवबंधैर्मोचयित्वा परमैश्वर्गे शाश्वते योगिगम्ये हिरण्मये रम्ये सात्विके संस्थाप्य नित्यं दिव्यमहिष्यादिसंसेव्यमानो वासुदेव उवास ।

evaṁ hitārthāya sarvadevānāṁ samastabhūbhāravināśāya yaduvaṁśe'vatīrya sakalarākṣasavināśaṁ kṛtvā mahāṁtamapi corvībhāraṁ nāśayitvā naṁdavrajadvārakāmathurānivāsinaḥ sarvānsthāvarajaṁgamānkālabhavabaṁdhairmocayitvā paramaiśvarge śāśvate yogigamye hiraṇmaye ramye sātvike saṁsthāpya nityaṁ divyamahiṣyādisaṁsevyamāno vāsudeva uvāsa

Thus, for the welfare of all the gods, for the destruction of the entire burden of the earth, having descended into the Yadu race, having accomplished the destruction of all the rakshasas, and having thus removed the earth's great burden, having freed all the inhabitants — moving and unmoving — of Nanda's settlement, Dvaraka, and Mathura from the bonds of time and worldly existence, establishing them in the supreme, eternal, sattvic, golden, delightful heaven attainable by yogis, Vasudeva, ever served by his divine queens and the rest, dwells there still.

Verse 98 (padma.6.252.98)

अत्र श्लोकाः - अन्ये सर्वेऽवताराः स्युः कृष्णस्य चरितं महत् । भूभारकविनाशाय प्रादुर्भूतो रमापतिः ।

atra ślokāḥ anye sarve'vatārāḥ syuḥ kṛṣṇasya caritaṁ mahat bhūbhārakavināśāya prādurbhūto ramāpatiḥ

Here are verses: All other incarnations are partial; this great story of Krishna is complete — the husband of Rama manifested for the destruction of the earth's burden.

Verse 99 (padma.6.252.99)

एतत्कृष्णस्य चरितं दुष्टानां नाशहेतवे । श्रीकृष्णः करुणासिंधुर्वैकुंठे मोदते सदा । अत्यद्भुतमिदं देवि कृष्णस्य चरितं शुभम् । संग्रहेण मयैवोक्तं तव सर्वफलप्रदम् ।

etatkṛṣṇasya caritaṁ duṣṭānāṁ nāśahetave śrīkṛṣṇaḥ karuṇāsiṁdhurvaikuṁṭhe modate sadā atyadbhutamidaṁ devi kṛṣṇasya caritaṁ śubham saṁgraheṇa mayaivoktaṁ tava sarvaphalapradam

This story of Krishna, for the cause of destroying the wicked — Shri Krishna, the ocean of compassion, ever rejoices in Vaikuntha. This most wondrous, auspicious story of Krishna, O Goddess, has been told by me in summary, granting you every fruit.

Verse 100 (padma.6.252.100)

वासुदेवस्य चरितं यः पठेद्धरिसन्निधौ । स्मरेद्वा शृणुयाद्भक्त्या स याति परमं पदम् ।

vāsudevasya caritaṁ yaḥ paṭheddharisannidhau smaredvā śṛṇuyādbhaktyā sa yāti paramaṁ padam

Whoever recites the story of Vasudeva in Hari's presence, or remembers it, or hears it with devotion, attains the supreme abode.

Verse 101 (padma.6.252.101)

महापातकयुक्तो वा तथोपपातकसंयुतः । बालकृष्णस्य चरितं श्रुत्वा पापैः प्रमुच्यते ।

mahāpātakayukto vā tathopapātakasaṁyutaḥ bālakṛṣṇasya caritaṁ śrutvā pāpaiḥ pramucyate

Whether burdened with great sins or lesser sins, hearing the story of Bala-Krishna, one is freed from sins.

Verse 102 (padma.6.252.102)

द्वारवत्यां समासीनं रुक्मिणीसहितं हरिम् । स्मरन्वै महदैश्वर्यमनेनाप्नोत्यसंशयः ।

dvāravatyāṁ samāsīnaṁ rukmiṇīsahitaṁ harim smaranvai mahadaiśvaryamanenāpnotyasaṁśayaḥ

Remembering Hari, seated in Dvaravati together with Rukmini, one obtains, through this, great sovereignty, without doubt.

Verse 103 (padma.6.252.103)

संग्रामे संकटे दुर्गे शत्रुभिः परिवेष्टिते । नेतारं सर्वदेवानां ध्यात्वा सुविजयी भवेत् ।

saṁgrāme saṁkaṭe durge śatrubhiḥ pariveṣṭite netāraṁ sarvadevānāṁ dhyātvā suvijayī bhavet

In battle, in danger, in a fortress surrounded by enemies, meditating on the leader of all the gods, one becomes fully victorious.

Verse 104 (padma.6.252.104)

यः स्मरेद्गोपकन्याभिः क्रीडंतं गोव्रजे शुभे । सर्वकामानवाप्नोति सौभाग्यं चैव विंदति ।

yaḥ smaredgopakanyābhiḥ krīḍaṁtaṁ govraje śubhe sarvakāmānavāpnoti saubhāgyaṁ caiva viṁdati

Whoever remembers him sporting with the cowherd maidens in the auspicious cow-settlement obtains every desire, and finds good fortune.

Verse 105 (padma.6.252.105)

महोपसर्गरोगाद्यैर्युक्तो यस्तु सनातनम् । जेतारं च महारौद्रीं कृत्यां काशीपुरे स्थिताम् ।

mahopasargarogādyairyukto yastu sanātanam jetāraṁ ca mahāraudrīṁ kṛtyāṁ kāśīpure sthitām

Whoever, afflicted with great calamities, diseases, and the like, remembers the eternal one, the conqueror of that most terrible Kritya established in the city of Kashi —

Verse 106 (padma.6.252.106)

किमत्र बहुनोक्तेन सर्वकालेषु चाप्सु भे । कृष्णाय नम इत्येवं मंत्रमुच्चारयेद्बुधः ।

kimatra bahunoktena sarvakāleṣu cāpsu bhe kṛṣṇāya nama ityevaṁ maṁtramuccārayedbudhaḥ

What need is there to say more here — at all times, and in water too, O Goddess, the wise should utter this mantra: "Krishnaya namah."

Verse 107 (padma.6.252.107)

कृष्णाय वासुदेवाय हरये परमात्मने । प्रणतः क्लेशनाशाय गोविंदाय नमोनमः ।

kṛṣṇāya vāsudevāya haraye paramātmane praṇataḥ kleśanāśāya goviṁdāya namonamaḥ

"To Krishna, to Vasudeva, to Hari, the Supreme Soul — bowing, for the destruction of affliction, to Govinda, homage, homage" —

Verse 108 (padma.6.252.108)

इमं मंत्रं जपन्देवि भक्त्या प्रतिदिनं नरः । सर्वपापविनिर्मुक्तो विष्णुलोकमवाप्नुयात् ।

imaṁ maṁtraṁ japandevi bhaktyā pratidinaṁ naraḥ sarvapāpavinirmukto viṣṇulokamavāpnuyāt

Reciting this mantra, O Goddess, with devotion, every day, a man, freed from all sins, attains the world of Vishnu.

Verse 109 (padma.6.252.109)

सर्वेषामेव देवानामीश्वरोऽसौ जनार्दनः । रक्षणाय च लोकानामवस्थांतरमेति वै ।

sarveṣāmeva devānāmīśvaro'sau janārdanaḥ rakṣaṇāya ca lokānāmavasthāṁtarameti vai

He, Janardana, is the Lord of all the gods; for the protection of the worlds, he assumes different states.

Verse 110 (padma.6.252.110)

त्रिपुरं हंतुकामेन मया संपूजितो हरिः । बुद्धरूपधरः श्रीमान्मोहयामास तद्रिपून् ।

tripuraṁ haṁtukāmena mayā saṁpūjito hariḥ buddharūpadharaḥ śrīmānmohayāmāsa tadripūn

Desiring to destroy the Triple City, I worshipped Hari; taking the form of Buddha, that glorious one deluded my enemies.

Verse 111 (padma.6.252.111)

मोहितास्तेन शास्त्रेण सर्वधर्मविवर्जिताः । नारायणास्त्रेण मया निहता देवशत्रवः ।

mohitāstena śāstreṇa sarvadharmavivarjitāḥ nārāyaṇāstreṇa mayā nihatā devaśatravaḥ

Deluded by that scripture, and abandoning all dharma, the enemies of the gods were then slain by me with the Narayana weapon.

Verse 112 (padma.6.252.112)

अवतीर्य कलावंते ब्राह्मणस्य निवेशने । हनिष्यति तथा रौद्रान्म्लेच्छान्सर्वाञ्जनार्दनः ।

avatīrya kalāvaṁte brāhmaṇasya niveśane haniṣyati tathā raudrānmlecchānsarvāñjanārdanaḥ

Descending at the end of Kali, in the house of a Brahmin, Janardana will likewise slay all the terrible Mlecchas.

Verse 113 (padma.6.252.113)

तैस्तैर्भावैर्मयावस्थाः सर्वाः प्रोक्ता जगत्पतेः । किमन्यच्छ्रोतुकामासि तद्ब्रवीमि शुभानने ।

taistairbhāvairmayāvasthāḥ sarvāḥ proktā jagatpateḥ kimanyacchrotukāmāsi tadbravīmi śubhānane

Through those various manifestations, all the states of the Lord of the world have been told by me. What else do you wish to hear, O beautiful-faced one? Tell me, and I shall speak of it.