The Birth of Jalandhara and Brahma's Arrival

Verse 1 (padma.6.3.1)

सूत उवाच ।एकदा नारदो द्रष्टुं पांडवान्दुःखकर्शितान् । ययौ काम्यवनं विप्रः सत्कृतस्तैर्यथाविधि

sūta uvāca ekadā nārado draṣṭuṁ pāṁḍavānduḥkhakarśitān yayau kāmyavanaṁ vipraḥ satkṛtastairyathāvidhi

Suta said: Once, wishing to see the Pandavas worn down by sorrow, the sage Narada went to Kamyavana; they honored him there according to due rite.

Verse 2 (padma.6.3.2)

अथ नत्वा मुनिश्रेष्ठं युधिष्ठिर उवाच ह । भगवन्कर्मणा केन दुःखाब्धौ पतिता वयम्

atha natvā muniśreṣṭhaṁ yudhiṣṭhira uvāca ha bhagavankarmaṇā kena duḥkhābdhau patitā vayam

Then, bowing to the foremost of sages, Yudhishthira said: 'O Lord, by what deed have we fallen into this ocean of sorrow?'

Verse 3 (padma.6.3.3)

तमुवाच ऋषिर्दुःखं त्यज त्वं पांडुनंदन । सुखदुःखसमाहारे संसारे कः सुखी नरः

tamuvāca ṛṣirduḥkhaṁ tyaja tvaṁ pāṁḍunaṁdana sukhaduḥkhasamāhāre saṁsāre kaḥ sukhī naraḥ

The sage said to him: 'Give up sorrow, O son of Pandu. In this world where joy and sorrow are ever intermingled, what man is truly happy?

Verse 4 (padma.6.3.4)

ईश्वरोपि हि न स्थायी पीड्यते देहसंचयैः । न दुःखरहितः कश्चिद्देही दुःखसहो यतः

īśvaropi hi na sthāyī pīḍyate dehasaṁcayaiḥ na duḥkharahitaḥ kaściddehī duḥkhasaho yataḥ

Even the Lord himself is not permanent, being afflicted by embodiment; no embodied being is free of sorrow, for every embodied soul must bear sorrow.

Verse 5 (padma.6.3.5)

शरीरं सवितुर्यस्माद्राहुस्तद्ग्रसते बली । राहोरपि शिरश्छिन्नं शौरिणामृतभोजने

śarīraṁ savituryasmādrāhustadgrasate balī rāhorapi śiraśchinnaṁ śauriṇāmṛtabhojane

For even the sun's own body is that which mighty Rahu devours, and Rahu's own head was severed by Vishnu at the drinking of the nectar.

Verse 6 (padma.6.3.6)

सोऽपि शार्ङ्गधरो देवः क्षिप्तः सागरगह्वरे । जालंधरेण वीरेण निहतः सोऽपि शंभुना

so'pi śārṅgadharo devaḥ kṣiptaḥ sāgaragahvare jālaṁdhareṇa vīreṇa nihataḥ so'pi śaṁbhunā

That very bow-bearing god was also cast into the ocean's depths, defeated by the hero Jalandhara — and Jalandhara himself was in the end slain by Shambhu.'

Verse 7 (padma.6.3.7)

युधिष्ठिर उवाच । कोऽसौ जालंधरो वीरः कस्य पुत्रः कुतो बली । कथं जालंधरं संख्ये हतवान्वृषभध्वजः

yudhiṣṭhira uvāca ko'sau jālaṁdharo vīraḥ kasya putraḥ kuto balī kathaṁ jālaṁdharaṁ saṁkhye hatavānvṛṣabhadhvajaḥ

Yudhishthira said: 'Who was that hero Jalandhara? Whose son was he, and whence came his might? How did the Bull-bannered One slay Jalandhara in battle?

Verse 8 (padma.6.3.8)

एतत्सर्वं समाचक्ष्व विस्तरेण तपोधन । राज्ञा स एव मुक्तस्तु कथयामास नारदः

etatsarvaṁ samācakṣva vistareṇa tapodhana rājñā sa eva muktastu kathayāmāsa nāradaḥ

O treasure of austerity, tell me all of this in full.' Thus asked by the king, Narada himself began to relate it.

Verse 9 (padma.6.3.9)

नारद उवाच । शृणु भूप कथां दिव्यामशेषाघौघनाशिनीम् । ईशानसिंधुसून्वोश्च संग्रामं परमाद्भुतम्

nārada uvāca śṛṇu bhūpa kathāṁ divyāmaśeṣāghaughanāśinīm īśānasiṁdhusūnvośca saṁgrāmaṁ paramādbhutam

Narada said: 'Listen, O king, to this divine tale which destroys the whole mass of sin — the utterly wondrous battle between the Lord and the Ocean's son.

Verse 10 (padma.6.3.10)

एकदा गिरिशं स्तोतुं प्रययौ पाकशासनः । अप्सरोगणसंकीर्णो देवैर्बहुभिरावृतः

ekadā giriśaṁ stotuṁ prayayau pākaśāsanaḥ apsarogaṇasaṁkīrṇo devairbahubhirāvṛtaḥ

Once Indra, to praise Girisha, set out surrounded by throngs of Apsaras and accompanied by many gods,

Verse 11 (padma.6.3.11)

गंधर्वैरावृतो देवस्तंत्रीशिक्षासु कोविदैः । रंभा तिलोत्तमा रामा कर्पूराकदली तथा

gaṁdharvairāvṛto devastaṁtrīśikṣāsu kovidaiḥ raṁbhā tilottamā rāmā karpūrākadalī tathā

surrounded by Gandharvas skilled in the art of the lute; Rambha, Tilottama, Rama, Karpuraka, and Kadali too were there,

Verse 12 (padma.6.3.12)

मदना भारती कामा सर्वाभरणभूषिताः । नर्तक्यश्च तथा चान्याः समाजग्मुः सुरांतिकम्

madanā bhāratī kāmā sarvābharaṇabhūṣitāḥ nartakyaśca tathā cānyāḥ samājagmuḥ surāṁtikam

and Madana, Bharati, and Kama, adorned with every ornament, and other dancers as well, all gathered near that host of gods.

Verse 13 (padma.6.3.13)

गंधर्वयक्षसिद्धास्तु नारदस्तुंबुरुस्तथा । किन्नरा मुहुराजग्मुस्तथा किंनरयोषितः

gaṁdharvayakṣasiddhāstu nāradastuṁburustathā kinnarā muhurājagmustathā kiṁnarayoṣitaḥ

Gandharvas, Yakshas, and Siddhas, Narada and Tumburu too, and Kinnaras came again and again, along with Kinnara women.

Verse 14 (padma.6.3.14)

वायुश्च वरुणश्चैव कुबेरो धनदस्तथा । यमश्चाग्निर्निर्ऋतिश्च ये चान्ये देवतागणाः

vāyuśca varuṇaścaiva kubero dhanadastathā yamaścāgnirnirṛtiśca ye cānye devatāgaṇāḥ

Vayu, Varuna, Kubera the Lord of Wealth, Yama, Agni, Nirriti, and other hosts of deities —

Verse 15 (padma.6.3.15)

विमानसंस्थो मघवा विमानस्थाः सुरांगनाः । स्ववाहनगतादेवाः कैलासं प्रययुर्जवात्

vimānasaṁstho maghavā vimānasthāḥ surāṁganāḥ svavāhanagatādevāḥ kailāsaṁ prayayurjavāt

Indra seated in his aerial car, the celestial women in theirs, and the gods each upon their own vehicles, sped swiftly toward Kailasa.

Verse 16 (padma.6.3.16)

ददृशुस्ते ततो देवाः कैलासं पर्वतोत्तमम् । महीधराणां सर्वेषां पृथिव्या इव मंडनम्

dadṛśuste tato devāḥ kailāsaṁ parvatottamam mahīdharāṇāṁ sarveṣāṁ pṛthivyā iva maṁḍanam

Then those gods beheld Kailasa, foremost among mountains, as if it were the very ornament of the earth among all her peaks,

Verse 17 (padma.6.3.17)

सर्वतः सुखदं शुद्धं सिद्धिराशिमिवस्थितम् । यत्र वृक्षाः कल्पवृक्षाः पाषाणाश्चिंतितप्रदाः

sarvataḥ sukhadaṁ śuddhaṁ siddhirāśimivasthitam yatra vṛkṣāḥ kalpavṛkṣāḥ pāṣāṇāściṁtitapradāḥ

blissful and pure on every side, as if the very heap of accomplishment stood there; its trees were wish-fulfilling trees and even its stones granted every desire.

Verse 18 (padma.6.3.18)

पुन्नागैर्नागचंपैश्च तिलकैर्देवदारुभिः । अशोकैः पाटलैश्चूतैर्मंदारैः शोभितो गिरिः

punnāgairnāgacaṁpaiśca tilakairdevadārubhiḥ aśokaiḥ pāṭalaiścūtairmaṁdāraiḥ śobhito giriḥ

That mountain was adorned with punnaga and naga-champa trees, with tilaka, deodar, ashoka, patala, mango, and mandara trees.

Verse 19 (padma.6.3.19)

पर्यंतकवनामोदवाहका यत्र वायवः । पंगुत्वं बहुचारेण यांति ते मलयानिलाः

paryaṁtakavanāmodavāhakā yatra vāyavaḥ paṁgutvaṁ bahucāreṇa yāṁti te malayānilāḥ

There the breezes carried the fragrance of the surrounding forests — those winds from Malaya, from such constant wandering, seemed to move as if lame with weariness.

Verse 20 (padma.6.3.20)

वाप्यः स्फटिकसोपाना ह्यगाध विमलोदकाः । वैडूर्यनालसंसक्तसौवर्णनिभ पंकजाः

vāpyaḥ sphaṭikasopānā hyagādha vimalodakāḥ vaiḍūryanālasaṁsaktasauvarṇanibha paṁkajāḥ

Its step-wells had crystal steps, unfathomably deep with clear water; their lotuses were golden-hued, their stalks set with cat's-eye gems.

Verse 21 (padma.6.3.21)

कुमुदानां द्युतिर्यत्र राजते सर्वतोदिशम् । कह्लारैः शौभितावाप्यः पिनद्धाः पद्मरागवत्

kumudānāṁ dyutiryatra rājate sarvatodiśam kahlāraiḥ śaubhitāvāpyaḥ pinaddhāḥ padmarāgavat

There the splendour of white water-lilies shone in every direction; those pools, adorned with red lotuses, seemed bound about as if with ruby gems.

Verse 22 (padma.6.3.22)

हरिन्मणिनिबद्धाश्च गोमेदैः सर्वतो वृताः । पद्मरागशिलाबद्धा नानाधातुविचित्रिताः

harinmaṇinibaddhāśca gomedaiḥ sarvato vṛtāḥ padmarāgaśilābaddhā nānādhātuvicitritāḥ

They were set with emerald and surrounded on every side with gomeda-gems, paved with ruby-stone, and variously adorned with many minerals.

Verse 23 (padma.6.3.23)

ददृशुः सुंदरतरं नाकाधिकविनिर्मितम् । कैलासं पर्वतश्रेष्ठं दृष्ट्वा ते विस्मयंगताः

dadṛśuḥ suṁdarataraṁ nākādhikavinirmitam kailāsaṁ parvataśreṣṭhaṁ dṛṣṭvā te vismayaṁgatāḥ

They beheld that most beautiful Kailasa, foremost of mountains, seemingly wrought greater even than heaven — and, seeing it, they were struck with wonder.

Verse 24 (padma.6.3.24)

विमानादवतीर्णाश्च मघवा देवताश्च ताः । द्वारपालमथागम्य नंदिनं वाक्यमब्रुवन्

vimānādavatīrṇāśca maghavā devatāśca tāḥ dvārapālamathāgamya naṁdinaṁ vākyamabruvan

Then Indra and those gods, descending from their aerial cars, approached the door-keeper Nandi and spoke to him these words:

Verse 25 (padma.6.3.25)

भो भो गणवरश्रेष्ठ शृणु मे वाक्यमुत्तमम् । समाज्ञापय शीघ्रं त्वं नृत्यार्थमिहमागतम्

bho bho gaṇavaraśreṣṭha śṛṇu me vākyamuttamam samājñāpaya śīghraṁ tvaṁ nṛtyārthamihamāgatam

'O best among the attendants, hear my excellent request: swiftly announce that we have come here for the sake of dance.'

Verse 26 (padma.6.3.26)

ईश्वरं प्रतिदेवेशं सर्वदेवैः समावृतम् । इंद्रस्य वचनं श्रुत्वा गिरिशं नंदिरब्रवीत्

īśvaraṁ pratideveśaṁ sarvadevaiḥ samāvṛtam iṁdrasya vacanaṁ śrutvā giriśaṁ naṁdirabravīt

Hearing Indra's word, Nandi told this to Girisha, the Lord of gods, surrounded there by all the deities.

Verse 27 (padma.6.3.27)

प्रभोऽयमागतः सर्वैर्देवराजः पुरंदरः । नृत्यार्थमथ तं प्राहानय शीघ्रं शचीपतिम्

prabho'yamāgataḥ sarvairdevarājaḥ puraṁdaraḥ nṛtyārthamatha taṁ prāhānaya śīghraṁ śacīpatim

'O Lord, Purandara the king of gods himself has come here with all the others, for the sake of dance.' Then Shiva said: 'Quickly bring Shachi's husband in.'

Verse 28 (padma.6.3.28)

प्रवेशयामास तदा नंदी तैः सह वासवम् । स दृष्ट्वा गिरिशं देवं तुष्टाव वृषभध्वजम्

praveśayāmāsa tadā naṁdī taiḥ saha vāsavam sa dṛṣṭvā giriśaṁ devaṁ tuṣṭāva vṛṣabhadhvajam

Then Nandi ushered Indra in, together with the others; and Indra, on beholding the Bull-bannered god Girisha, offered him praise.

Verse 29 (padma.6.3.29)

रंभाद्यास्तास्तदा सर्वा नर्त्तक्यो हरसन्निधौ । मृदंगवीणावादित्रैः मुदा नाट्यं प्रचक्रिरे

raṁbhādyāstāstadā sarvā narttakyo harasannidhau mṛdaṁgavīṇāvāditraiḥ mudā nāṭyaṁ pracakrire

Then Rambha and all the other dancers performed their dance before Hara with joy, to the sound of mridanga, vina, and other instruments.

Verse 30 (padma.6.3.30)

कांस्यवाद्यान्प्रगृह्यान्या वंशतालान्सकाहलान् । चक्रुस्ता नृत्यसंरंभं स्वयंदेवः पुरंदरः

kāṁsyavādyānpragṛhyānyā vaṁśatālānsakāhalān cakrustā nṛtyasaṁraṁbhaṁ svayaṁdevaḥ puraṁdaraḥ

Other dancers took up cymbals, flutes, rhythmic claps, and horns; and the god Purandara himself joined in that display of dance.

Verse 31 (padma.6.3.31)

अतीवनर्तनं चक्रे सुंदरं देवदुर्ल्लभम् । ईश्वरस्तोषमापन्नो वासवं वाक्यमब्रवीत्

atīvanartanaṁ cakre suṁdaraṁ devadurllabham īśvarastoṣamāpanno vāsavaṁ vākyamabravīt

Indra performed a dance of such surpassing beauty that even gods would find it rare; well pleased, the Lord spoke these words to Vasava:

Verse 32 (padma.6.3.32)

प्रसन्नोऽहं सुरश्रेष्ठ जातस्ते व्रियतां वरः । इत्युक्तवति देवेशे स्वबाहुबलगर्वितः

prasanno'haṁ suraśreṣṭha jātaste vriyatāṁ varaḥ ityuktavati deveśe svabāhubalagarvitaḥ

'I am pleased, O best of gods; a boon has arisen for you — choose it.' When the Lord of gods spoke thus, Indra, proud of the strength of his own arms,

Verse 33 (padma.6.3.33)

प्रत्युवाच हरं वाक्यं संग्रामः सवृतो मया । यत्र त्वत्सदृशो योद्धा तद्युद्धं देहि मे प्रभो

pratyuvāca haraṁ vākyaṁ saṁgrāmaḥ savṛto mayā yatra tvatsadṛśo yoddhā tadyuddhaṁ dehi me prabho

replied to Hara with these words: 'I desire battle. O Lord, grant me that battle in which there is a warrior equal to yourself.'

Verse 34 (padma.6.3.34)

इत्युक्त्वा निर्गतो जिष्णुर्लब्ध्वा शंभोर्वरं प्रभोः । तस्मिन्गते तदा शक्रे गिरिशो वाक्यमब्रवीत्

ityuktvā nirgato jiṣṇurlabdhvā śaṁbhorvaraṁ prabhoḥ tasmingate tadā śakre giriśo vākyamabravīt

Having said this, Indra departed, having obtained this boon from Lord Shambhu. When Indra had gone, Girisha then spoke these words:

Verse 35 (padma.6.3.35)

गणा मे श्रूयतां वाक्यं देवराजोऽतिगर्वितः । इत्युक्त्वा क्रोधसंयुक्तो बभूव च ततो हरः

gaṇā me śrūyatāṁ vākyaṁ devarājo'tigarvitaḥ ityuktvā krodhasaṁyukto babhūva ca tato haraḥ

'Hear my word, O attendants — the king of gods has become exceedingly proud.' Having said this, Hara then became filled with wrath.

Verse 36 (padma.6.3.36)

आविरासीत्ततः क्रोधो मूर्त्तिमान्पुरतः स्थितः । घनान्धकारसदृशो मृडं क्रोधस्ततोऽब्रवीत्

āvirāsīttataḥ krodho mūrttimānpurataḥ sthitaḥ ghanāndhakārasadṛśo mṛḍaṁ krodhastato'bravīt

Then Wrath itself appeared, taking bodily form and standing before him, dark as dense shadow; that Wrath then spoke to Mrida:

Verse 37 (padma.6.3.37)

देहि मे त्वं हि सन्देशं किं करोमि तव प्रभो । उमापतिस्तदोवाच गच्छ त्वं वासवं जय

dehi me tvaṁ hi sandeśaṁ kiṁ karomi tava prabho umāpatistadovāca gaccha tvaṁ vāsavaṁ jaya

'O Lord, give me your command — what shall I do for you?' Then the Lord of Uma said: 'Go, conquer Vasava —

Verse 38 (padma.6.3.38)

स्वर्गसिंधुं समासाद्य सागरस्य च वीर्यवान् । इत्युक्तोंतर्दधे क्रोधो गणास्ते विस्मयं ययुः

svargasiṁdhuṁ samāsādya sāgarasya ca vīryavān ityuktoṁtardadhe krodho gaṇāste vismayaṁ yayuḥ

go to the celestial river and unite with the mighty ocean.' Having been thus commanded, Wrath vanished, and the attendants were struck with wonder.

Verse 39 (padma.6.3.39)

ईशानकल्पे जाते तु कामेनार्णवसंगमे । नाकसिंधुस्तदा मत्ता स्वयौवनभरोष्मणा

īśānakalpe jāte tu kāmenārṇavasaṁgame nākasiṁdhustadā mattā svayauvanabharoṣmaṇā

When the age of Ishana had come, at the place where the river meets the ocean, moved by desire, the celestial river was then intoxicated by the very warmth of her own youth.

Verse 40 (padma.6.3.40)

तां दृष्ट्वा सिंधुराजश्च जलकल्लोलवानभूत् । तदा बभूव राजेंद्र गंगासागरसंगमः

tāṁ dṛṣṭvā siṁdhurājaśca jalakallolavānabhūt tadā babhūva rājeṁdra gaṁgāsāgarasaṁgamaḥ

Seeing her, the King of the Ocean too grew turbulent with waves of water; and thus, O king of kings, occurred that union of Ganga and the Ocean.

Verse 41 (padma.6.3.41)

महानदी तदा प्राप्य रेमे चात्मबलेन च । अत्रांतरे समुद्रस्य बभूव सुभटस्ततः

mahānadī tadā prāpya reme cātmabalena ca atrāṁtare samudrasya babhūva subhaṭastataḥ

Having attained that great river, he delighted in her by his own strength; and meanwhile, from the ocean, there arose a mighty warrior.

Verse 42 (padma.6.3.42)

सूनुस्तस्यां महानद्यां समुद्रादभवद्बली । महार्णवतनूजेन जातमात्रेण पार्थिव

sūnustasyāṁ mahānadyāṁ samudrādabhavadbalī mahārṇavatanūjena jātamātreṇa pārthiva

O king, from that great river the ocean's mighty son was born — mighty from the very moment of his birth to the great sea.

Verse 43 (padma.6.3.43)

रुदतोत्कंपिता पृथ्वी त्रिलोकी नादिताभवत् । समाधिबद्धमुद्रां च संतत्याज चतुर्मुखः

rudatotkaṁpitā pṛthvī trilokī nāditābhavat samādhibaddhamudrāṁ ca saṁtatyāja caturmukhaḥ

At his crying, the earth trembled and the three worlds resounded; and the four-faced Brahma broke his posture of meditation.

Verse 44 (padma.6.3.44)

अत्रांतरे परित्रस्तां तां संवीक्ष्य जगत्त्रयीम् । धाता सुरेंद्रवाक्येन प्रजगाम महार्णवम्

atrāṁtare paritrastāṁ tāṁ saṁvīkṣya jagattrayīm dhātā sureṁdravākyena prajagāma mahārṇavam

Meanwhile, seeing the three worlds thus terrified, the Creator, at the word of the king of gods, went toward the great ocean.

Verse 45 (padma.6.3.45)

आश्चर्यमिति संचिंत्य हंसारूढो जवाद्ययौ । ब्रह्माणमागतं वीक्ष्य सपर्यां विदधेऽर्णवः । तमुवाच ततो ब्रह्मा किं गर्जसि वृथांबुधे

āścaryamiti saṁciṁtya haṁsārūḍho javādyayau brahmāṇamāgataṁ vīkṣya saparyāṁ vidadhe'rṇavaḥ tamuvāca tato brahmā kiṁ garjasi vṛthāṁbudhe

Thinking, 'This is wondrous,' he went swiftly, mounted on his swan; and seeing Brahma arrive, the Ocean paid him due honor. Then Brahma said to him: 'Why do you roar in vain, O ocean?'

Verse 46 (padma.6.3.46)

समुद्र उवाच । नाहं गर्जामि देवेश मत्सुतो बलवान्प्रभो । शिशोर्वै कुरु रक्षां च दुर्ल्लभं तव दर्शनम्

samudra uvāca nāhaṁ garjāmi deveśa matsuto balavānprabho śiśorvai kuru rakṣāṁ ca durllabhaṁ tava darśanam

The Ocean said: 'O Lord of gods, I do not roar in vain; O Lord, my son is mighty — protect this infant, whose very sight is rare to obtain.'

Verse 47 (padma.6.3.47)

संदृश्यतां च तनयो भार्यां प्राहातिशोभनाम् । ययौ सा भर्तुरादेशात्सपुत्रा ब्रह्मणोंतिके

saṁdṛśyatāṁ ca tanayo bhāryāṁ prāhātiśobhanām yayau sā bharturādeśātsaputrā brahmaṇoṁtike

'And let my son be shown to him too,' he said, speaking to his most beautiful wife; and she, at her husband's bidding, went with her son into Brahma's presence.

Verse 48 (padma.6.3.48)

उत्संगदेशे चतुराननस्य विधाय पुत्रं चरणौ ननाम । तदा समुद्रात्मजमद्भुतं तं दृष्ट्वा विधातुः किल विस्मयोऽभूत्

utsaṁgadeśe caturānanasya vidhāya putraṁ caraṇau nanāma tadā samudrātmajamadbhutaṁ taṁ dṛṣṭvā vidhātuḥ kila vismayo'bhūt

Placing her son upon the lap of the four-faced one, she bowed at his feet; and beholding that wondrous son of the ocean, the Creator himself was struck with amazement.

Verse 49 (padma.6.3.49)

गृहीतकूर्चस्य शिशोः करं च यदा विरिंचिर्न शशाक मोचितुम् । तदा समुद्रः प्रहसन्प्रयातः कूर्चं प्रगृह्यार्भकरं विमोचयन्

gṛhītakūrcasya śiśoḥ karaṁ ca yadā viriṁcirna śaśāka mocitum tadā samudraḥ prahasanprayātaḥ kūrcaṁ pragṛhyārbhakaraṁ vimocayan

When the infant seized a lock of Brahma's hair in his hand and Brahma could not free it, then the Ocean, laughing, came forward and, grasping the lock himself, freed the child's hand.

Verse 50 (padma.6.3.50)

तादृशं तस्य बालस्य दृष्ट्वा विक्रममात्मभूः । प्रीत्या जालंधरेत्याह नाम्ना जालंधरोऽभवत्

tādṛśaṁ tasya bālasya dṛṣṭvā vikramamātmabhūḥ prītyā jālaṁdharetyāha nāmnā jālaṁdharo'bhavat

Seeing such valor in that child, the Self-Born One, with affection, called him 'Jalandhara' — and by that very name he became known.

Verse 51 (padma.6.3.51)

वरं ददावथो तस्य प्रणयेन प्रजापतिः । अयं जालंधरो देवैरजेयश्च भविष्यति

varaṁ dadāvatho tasya praṇayena prajāpatiḥ ayaṁ jālaṁdharo devairajeyaśca bhaviṣyati

Then Prajapati, out of affection, granted him this boon: 'This Jalandhara shall become unconquerable by the gods.

Verse 52 (padma.6.3.52)

पातालसहितं नाकं मत्प्रसादेन भोक्ष्यति । इत्युक्त्वांतर्दधे ब्रह्मा हंसमारुह्य सत्वरः

pātālasahitaṁ nākaṁ matprasādena bhokṣyati ityuktvāṁtardadhe brahmā haṁsamāruhya satvaraḥ

By my grace, he shall enjoy heaven together with the netherworld.' Having said this, Brahma swiftly mounted his swan and vanished from sight.'