Vrinda's Marriage and Jalandhara's Coronation

Verse 1 (padma.6.4.1)

नारद उवाच ।क्रमेण वर्द्धमानोऽसौ बाल्यभावे स बालकः । निपत्य मारुतोत्संगे सागरं प्रति धावति

nārada uvāca krameṇa varddhamāno'sau bālyabhāve sa bālakaḥ nipatya mārutotsaṁge sāgaraṁ prati dhāvati

Narada said: That boy, gradually growing in his childhood, would leap into the wind's embrace and go running toward the ocean.

Verse 2 (padma.6.4.2)

आनीय चक्रे स च पंजरस्थान्क्रीडापरः केसरिणां किशोरान् । सिंहादिनेभादिनि युद्धमेवं युधोपयोगीव तदीय वीर्यम्

ānīya cakre sa ca paṁjarasthānkrīḍāparaḥ kesariṇāṁ kiśorān siṁhādinebhādini yuddhamevaṁ yudhopayogīva tadīya vīryam

In play, he would have young caged lions brought and set them to fight elephants and the like, as if his own strength too were fit for such combat.

Verse 3 (padma.6.4.3)

तस्मादाकाशमुत्पत्य खेचरान्पातयेद्भुवि । गर्जितैर्भीषयामास स्वर्गं हि सह सागरम्

tasmādākāśamutpatya khecarānpātayedbhuvi garjitairbhīṣayāmāsa svargaṁ hi saha sāgaram

From there, leaping into the sky, he would hurl sky-travellers down to earth; with his very roars he would terrify heaven itself, and the ocean along with it.

Verse 4 (padma.6.4.4)

समुद्रांतर्गतं सर्वं सत्वजातं तु पार्थिव । ग्रस्तं सिंधुसुतेनेति तद्भयाच्छन्नतां गतम्

samudrāṁtargataṁ sarvaṁ satvajātaṁ tu pārthiva grastaṁ siṁdhusuteneti tadbhayācchannatāṁ gatam

O king, all the creatures within the ocean, thinking, 'We are being devoured by the ocean's son,' went into hiding out of fear of him.

Verse 5 (padma.6.4.5)

दृष्ट्वा निःसत्वकं तोयं तद्भयाद्वडवानलः । निजदेशं परित्यज्य प्रविवेश हिमालयम्

dṛṣṭvā niḥsatvakaṁ toyaṁ tadbhayādvaḍavānalaḥ nijadeśaṁ parityajya praviveśa himālayam

Seeing the waters emptied of life, the submarine fire, out of that same fear, abandoned its own place and took refuge in the Himalaya.

Verse 6 (padma.6.4.6)

स बालत्वं परित्यज्य क्रमेणार्णवनंदनः । ततो नवं वयः प्राप्य विक्रमेणाक्रमद्दिवम्

sa bālatvaṁ parityajya krameṇārṇavanaṁdanaḥ tato navaṁ vayaḥ prāpya vikrameṇākramaddivam

That son of the ocean, gradually leaving childhood behind and attaining fresh youth, went on to overrun heaven itself by his valor.

Verse 7 (padma.6.4.7)

एकदा पितरं प्राह समुद्रं सिंधुनंदनः । मन्निवासोचितं स्थानं देहि तातातिविस्तृतम्

ekadā pitaraṁ prāha samudraṁ siṁdhunaṁdanaḥ mannivāsocitaṁ sthānaṁ dehi tātātivistṛtam

Once the ocean's son said to his father, the Ocean: 'Father, give me a place fit for my dwelling, exceedingly vast.'

Verse 8 (padma.6.4.8)

संबुद्ध्य वचनं सूनोः स जगाद महार्णवः । पुत्र दास्याम्यहं राज्यं तव वा भुवि दुर्ल्लभम्

saṁbuddhya vacanaṁ sūnoḥ sa jagāda mahārṇavaḥ putra dāsyāmyahaṁ rājyaṁ tava vā bhuvi durllabham

Hearing his son's words, the great ocean said: 'Son, I shall give you a kingdom rare even upon this earth.'

Verse 9 (padma.6.4.9)

अनंतरं दैत्यगुरुः समुद्रं भार्गवो गतः । तमागतं विलोक्याब्धिर्विधिना समपूजयत्

anaṁtaraṁ daityaguruḥ samudraṁ bhārgavo gataḥ tamāgataṁ vilokyābdhirvidhinā samapūjayat

Meanwhile the demons' preceptor, Bhargava, went to the ocean; and the Ocean, seeing him arrive, honored him according to due rite.

Verse 10 (padma.6.4.10)

अथ नदिपतिदत्ते प्राप्तसौंदर्यनिर्यन्मणिमहसि स तस्मिन्नासने सन्निविष्टः । रुचिररुचि सुमेरोः सुंदरे शृंगभागे कमलजइव कांतिं किंचिदुच्चैर्जहार

atha nadipatidatte prāptasauṁdaryaniryanmaṇimahasi sa tasminnāsane sanniviṣṭaḥ ruciraruci sumeroḥ suṁdare śṛṁgabhāge kamalajaiva kāṁtiṁ kiṁciduccairjahāra

Seated upon that seat given by the lord of rivers, radiant with the light of jewels, upon that lovely peak of Sumeru he seemed, like Brahma himself, to steal away its splendor still further.

Verse 11 (padma.6.4.11)

कृतांजलिपुटो भूत्वा व्याजहारार्णवः कविम् । दिष्ट्या तवात्रागमनं वद किं करवाण्यहम्

kṛtāṁjalipuṭo bhūtvā vyājahārārṇavaḥ kavim diṣṭyā tavātrāgamanaṁ vada kiṁ karavāṇyaham

With joined palms, the Ocean addressed the sage: 'By good fortune you have come here — tell me, what shall I do?'

Verse 12 (padma.6.4.12)

तदा दैत्यकुलाचार्यः प्राह तं सागरं कविः । किं तेन जातु जातेन मातुर्यौवनहारिणा

tadā daityakulācāryaḥ prāha taṁ sāgaraṁ kaviḥ kiṁ tena jātu jātena māturyauvanahāriṇā

Then the wise preceptor of the demon race said to the Ocean: 'What use is a son whose birth merely steals away his mother's youth?

Verse 13 (padma.6.4.13)

प्ररोहति नयः स्वस्य वंशस्याग्रे ध्वजो यथा । तवात्मजो विक्रमेण त्रैलोक्यं भोक्ष्यति ध्रुवम्

prarohati nayaḥ svasya vaṁśasyāgre dhvajo yathā tavātmajo vikrameṇa trailokyaṁ bhokṣyati dhruvam

Rather, it is the good policy of one's own lineage that flourishes ahead like a banner; your son will surely enjoy all three worlds by his own valor.

Verse 14 (padma.6.4.14)

जंबूद्वीपे महापीठं योगिनीगणसेवितम् । आप्लावितं त्वयेदानीं मुंच जालंधरालयम्

jaṁbūdvīpe mahāpīṭhaṁ yoginīgaṇasevitam āplāvitaṁ tvayedānīṁ muṁca jālaṁdharālayam

In Jambudvipa there is a great seat served by hosts of yoginis, now flooded over by you — release it as Jalandhara's abode.

Verse 15 (padma.6.4.15)

तत्र राज्यं प्रयच्छास्मै तनयाय महार्णव । अजेयश्चाप्यवध्यश्च तत्रस्थोऽयं भविष्यति

tatra rājyaṁ prayacchāsmai tanayāya mahārṇava ajeyaścāpyavadhyaśca tatrastho'yaṁ bhaviṣyati

O great ocean, grant your son a kingdom there; established there, he shall become unconquerable and unslayable.'

Verse 16 (padma.6.4.16)

एवमुक्तोऽर्णवः प्रीत्या भार्गवेणाथ लीलया । अपासर्पत्सुतप्रीत्यै जले स्थलमदर्शयत्

evamukto'rṇavaḥ prītyā bhārgaveṇātha līlayā apāsarpatsutaprītyai jale sthalamadarśayat

When Bhargava had spoken thus with affection, the Ocean, out of love for his son, playfully withdrew his waters and revealed dry land there.

Verse 17 (padma.6.4.17)

शतयोजनविस्तीर्णमायतं च शतत्रयम् । देशं जालंधरं पुण्यं तस्य नाम्नैव विश्रुतम्

śatayojanavistīrṇamāyataṁ ca śatatrayam deśaṁ jālaṁdharaṁ puṇyaṁ tasya nāmnaiva viśrutam

A hundred yojanas wide and three hundred long, that sacred land became renowned by his very name as 'Jalandhara.'

Verse 18 (padma.6.4.18)

दैत्यवर्यं समाहूय मयं प्रोवाच सागरः । पुरं जालंधरे पीठे कुरु जालंधराय वै

daityavaryaṁ samāhūya mayaṁ provāca sāgaraḥ puraṁ jālaṁdhare pīṭhe kuru jālaṁdharāya vai

The Ocean summoned Maya, foremost among the demons, and said: 'Build a city for Jalandhara at the Jalandhara seat.'

Verse 19 (padma.6.4.19)

अंभोधिनैवमुक्तस्तु चक्रे रत्नमयं पुरम् । प्राकारगोपुरद्वारं सोपानगृहभूमिकम्

aṁbhodhinaivamuktastu cakre ratnamayaṁ puram prākāragopuradvāraṁ sopānagṛhabhūmikam

Thus commanded by the Ocean, he built a city made of jewels, complete with ramparts, gate-towers, doorways, stairways, and multi-storeyed buildings,

Verse 20 (padma.6.4.20)

यत्रेंद्रनीलसंबद्धप्रासादतल संस्थिताः । मेनिरे जलदोद्योगं तांडवस्थाः शिखंडिनः

yatreṁdranīlasaṁbaddhaprāsādatala saṁsthitāḥ menire jaladodyogaṁ tāṁḍavasthāḥ śikhaṁḍinaḥ

where peacocks, dancing upon terraces set with sapphires, mistook them for gathering rain-clouds.

Verse 21 (padma.6.4.21)

यत्र प्रवालमाणिक्य भवनोत्था मरीचयः । सेव्यंते शकुनैश्चूतरुचिरांकुरशंकया

yatra pravālamāṇikya bhavanotthā marīcayaḥ sevyaṁte śakunaiścūtarucirāṁkuraśaṁkayā

There birds, mistaking the rays streaming from coral-and-ruby mansions for the fresh, lovely shoots of mango trees, would gather around them.

Verse 22 (padma.6.4.22)

यत्र कांचनहर्म्येषु त्विषो वह्निषु कातराः । विलोक्य प्रपलायंते दावशंकाः शिखंडिनः

yatra kāṁcanaharmyeṣu tviṣo vahniṣu kātarāḥ vilokya prapalāyaṁte dāvaśaṁkāḥ śikhaṁḍinaḥ

There peacocks, terrified at the glow within the golden palaces, mistaking it for a forest fire, would flee in fear.

Verse 23 (padma.6.4.23)

यत्र स्फटिकशालोत्थ प्रभासं मिश्रिता दिशः । विभांति मंदरोद्भ्रांताः सफेनार्णवसंनिभाः

yatra sphaṭikaśālottha prabhāsaṁ miśritā diśaḥ vibhāṁti maṁdarodbhrāṁtāḥ saphenārṇavasaṁnibhāḥ

There the directions, mingled with the glow rising from crystal walls, shone as if strayed from Mount Meru, foam-flecked like the very ocean.

Verse 24 (padma.6.4.24)

यत्र मोहं स्वहर्म्येषु विभातालोकसंस्थिताः । चक्रिरे ललनाः पूर्णसांध्यचंद्रोपमाननाः

yatra mohaṁ svaharmyeṣu vibhātālokasaṁsthitāḥ cakrire lalanāḥ pūrṇasāṁdhyacaṁdropamānanāḥ

There women, standing in the dawn light within their own mansions, their faces like the full moon of evening, would bewilder all who saw them.

Verse 25 (padma.6.4.25)

यत्रेन्द्र नीप कादंब पवनोद्यानमोदिताः । चित्तं विशंत्यो नारीणां चक्रिरे मोहनज्वरम्

yatrendra nīpa kādaṁba pavanodyānamoditāḥ cittaṁ viśaṁtyo nārīṇāṁ cakrire mohanajvaram

There breezes carrying the fragrance of gardens of the Indra-tree and Kadamba, entering the hearts of women, kindled in them the fever of infatuation.

Verse 26 (padma.6.4.26)

यत्र लेख्यगतं नॄणां विलोक्य सुरतं जनः । संयाति द्विगुणं नूनं निजकांतारतोद्यमः

yatra lekhyagataṁ nṝṇāṁ vilokya surataṁ janaḥ saṁyāti dviguṇaṁ nūnaṁ nijakāṁtāratodyamaḥ

There, seeing even a painted scene of lovers united, people's own eagerness for love with their beloved would surely double.

Verse 27 (padma.6.4.27)

यत्र वातायनोद्धूत धूपधूमस्य लेखयः । नभो बभूव तद्गंगाकालिंदीसंगमोपमम्

yatra vātāyanoddhūta dhūpadhūmasya lekhayaḥ nabho babhūva tadgaṁgākāliṁdīsaṁgamopamam

There the trails of incense-smoke rising from the lattice-windows made the sky resemble the very confluence of the Ganga and the Kalindi.

Verse 28 (padma.6.4.28)

यत्रानेकगृहोद्भूत प्रभया सकलं नभः । विभातींद्रायुधाकीर्णं शरन्मेघ इवोन्नतः

yatrānekagṛhodbhūta prabhayā sakalaṁ nabhaḥ vibhātīṁdrāyudhākīrṇaṁ śaranmegha ivonnataḥ

There the whole sky, aglow with radiance rising from countless mansions, shone strewn with rainbows, lofty like an autumn cloud.

Verse 29 (padma.6.4.29)

यत्रानिशं भ्रमभ्रांताः सूर्यवाहाः प्रपीडिताः । विश्रामं यांति मध्याह्ने प्रासादशिरसि स्थिताः

yatrāniśaṁ bhramabhrāṁtāḥ sūryavāhāḥ prapīḍitāḥ viśrāmaṁ yāṁti madhyāhne prāsādaśirasi sthitāḥ

There the sun's own steeds, wearied by ceaseless wandering, would come to rest at midday upon the pinnacles of the palaces.

Verse 30 (padma.6.4.30)

यत्रकुत्रच हर्म्येषु बिभ्रत्यो मालतीस्रजः । रात्रौ संभूतनक्षत्रा इव रेजुर्वरांगनाः

yatrakutraca harmyeṣu bibhratyo mālatīsrajaḥ rātrau saṁbhūtanakṣatrā iva rejurvarāṁganāḥ

There, here and there within the mansions, noble women wearing garlands of jasmine shone at night like stars come to living form.

Verse 31 (padma.6.4.31)

यत्र हाटकहिंदोल शृंखलाघर्षणोद्भवः । चकार सुंदरीं शब्दः स्फुटं मेरुभुवोभुवम्

yatra hāṭakahiṁdola śṛṁkhalāgharṣaṇodbhavaḥ cakāra suṁdarīṁ śabdaḥ sphuṭaṁ merubhuvobhuvam

There the sound rising from the friction of golden swing-chains made that region of Meru's earth manifestly beautiful.

Verse 32 (padma.6.4.32)

साकं सरिद्भिः पुत्रस्योशनसा सह सागरः । तत्राभिषेकमकरोद्वादित्रैर्निज गर्जितैः

sākaṁ saridbhiḥ putrasyośanasā saha sāgaraḥ tatrābhiṣekamakarodvāditrairnija garjitaiḥ

The Ocean, together with the rivers and with Ushanas (Shukra), performed his son's coronation there, amid the sound of instruments and his own roaring.

Verse 33 (padma.6.4.33)

याः स्कंदस्य जगाद तारकजये देवः स्वयंभूः स्वयं स्वः साम्राज्यमहोत्सवेऽपि च शचीकांतस्य वाचस्पतिः । ताभिश्चित्रविंरिंचि वक्त्रसरसी हंसीभिराशास्महे वाणीभिर्वसुधाविवाहसमये मंत्रोत्सवैर्मंगलम्

yāḥ skaṁdasya jagāda tārakajaye devaḥ svayaṁbhūḥ svayaṁ svaḥ sāmrājyamahotsave'pi ca śacīkāṁtasya vācaspatiḥ tābhiścitraviṁriṁci vaktrasarasī haṁsībhirāśāsmahe vāṇībhirvasudhāvivāhasamaye maṁtrotsavairmaṁgalam

With the very words that Self-Born Brahma once spoke in blessing at Skanda's victory over Taraka, and that Vachaspati (Brihaspati) uttered at Indra's own great festival of heaven's sovereignty — with those same wondrous swan-like words from Brahma's lotus-mouth, we now invoke blessings, with festive mantras, at this hour of the earth's coronation.

Verse 34 (padma.6.4.34)

महापद्मसहस्रं तु सैन्यमात्मोदरोद्भवम् । जालंधराय पुत्राय ददौ भीमं महोदधिः

mahāpadmasahasraṁ tu sainyamātmodarodbhavam jālaṁdharāya putrāya dadau bhīmaṁ mahodadhiḥ

The great ocean gave his son Jalandhara a formidable army of a thousand mahapadmas in number, born from his own depths.

Verse 35 (padma.6.4.35)

जालंधराय शुक्रोऽपि प्रीत्या विद्यां निजां ददौ । मृतसंजीवनीं नाम्ना मायां रुद्रविमोहिनीम्

jālaṁdharāya śukro'pi prītyā vidyāṁ nijāṁ dadau mṛtasaṁjīvanīṁ nāmnā māyāṁ rudravimohinīm

Shukra too, with affection, gave Jalandhara his own secret knowledge — the magic called Mritasanjivani, capable of bewildering even Rudra.

Verse 36 (padma.6.4.36)

शस्त्रास्त्रविद्या अन्याश्च विधिना अब्धिसूनवे । यदन्यत्सकलं तस्मै व्याख्यातं कविना तदा

śastrāstravidyā anyāśca vidhinā abdhisūnave yadanyatsakalaṁ tasmai vyākhyātaṁ kavinā tadā

The lore of weapons and other disciplines, according to due method, were also taught to the ocean's son; whatever else remained, the sage explained to him then as well.

Verse 37 (padma.6.4.37)

ततो जालंधरं पुत्रमभिषिच्यार्णवो ययौ । स्वस्थानं दिव्यदेहेन नदीभिः परिवारितः

tato jālaṁdharaṁ putramabhiṣicyārṇavo yayau svasthānaṁ divyadehena nadībhiḥ parivāritaḥ

Then, having crowned his son Jalandhara, the Ocean, in his divine form, surrounded by the rivers, returned to his own abode.

Verse 38 (padma.6.4.38)

दृष्ट्वा जालंधरो दिव्यपुरं गोपुरमंडितम् । व्यचरत्सह शुक्रेण द्विजसंघैः सुपूजितः

dṛṣṭvā jālaṁdharo divyapuraṁ gopuramaṁḍitam vyacaratsaha śukreṇa dvijasaṁghaiḥ supūjitaḥ

Seeing that divine city adorned with gate-towers, Jalandhara, together with Shukra, roamed through it, duly honored by hosts of brahmins.

Verse 39 (padma.6.4.39)

एतस्मिन्नंतरे दैत्याः पातालस्था महाबलाः । प्राप्ता जालंधरं सर्वे कालनेमिपुरोगमाः

etasminnaṁtare daityāḥ pātālasthā mahābalāḥ prāptā jālaṁdharaṁ sarve kālanemipurogamāḥ

Meanwhile all the mighty demons dwelling in Patala, led by Kalanemi, came to Jalandhara.

Verse 40 (padma.6.4.40)

ततो महाबला वीरा बलं क्षीरोदसंनिभम् । तस्य शुंभासुरं दैत्यं सेनापतिमकल्पयन्

tato mahābalā vīrā balaṁ kṣīrodasaṁnibham tasya śuṁbhāsuraṁ daityaṁ senāpatimakalpayan

Then those mighty heroes appointed the demon Shumbhasura as commander of that army, vast as the very ocean of milk.

Verse 41 (padma.6.4.41)

बलं स्ववशगं कृत्वा कृत्वा भुवि स्थिरं जलम् । जालंधरस्तदा राज्यं पितृदत्तं चकार सः

balaṁ svavaśagaṁ kṛtvā kṛtvā bhuvi sthiraṁ jalam jālaṁdharastadā rājyaṁ pitṛdattaṁ cakāra saḥ

Having brought that army under his own sway, and having made the water firm upon the land, Jalandhara then took up the rule of the kingdom given by his father.

Verse 42 (padma.6.4.42)

अत्रांतरेऽप्सराः काचित्स्वर्णेत्यासीत्पुरा दिवि । तस्याः क्रौंचप्रसादेन वृंदानाम सुताभवत्

atrāṁtare'psarāḥ kācitsvarṇetyāsītpurā divi tasyāḥ krauṁcaprasādena vṛṁdānāma sutābhavat

Meanwhile, there had once been in heaven an apsara named Svarna; by Krauncha's grace she bore a daughter named Vrinda.

Verse 43 (padma.6.4.43)

धात्रा विभवसंयुक्तं सौंदर्यं यत्कृतं पृथक् । तत्तदेकगतं द्रष्टुं वृंदागात्रं विनिर्मितम्

dhātrā vibhavasaṁyuktaṁ sauṁdaryaṁ yatkṛtaṁ pṛthak tattadekagataṁ draṣṭuṁ vṛṁdāgātraṁ vinirmitam

Whatever beauty the Creator had fashioned separately elsewhere, he made all of it converge as if to be seen in one place — thus was Vrinda's form wrought.

Verse 44 (padma.6.4.44)

तां वृंदामतिचार्वंगीं प्रमदां जनमोहिनीम् । स्वर्णा जालंधरस्यार्थे ददौ शुक्राय याचते

tāṁ vṛṁdāmaticārvaṁgīṁ pramadāṁ janamohinīm svarṇā jālaṁdharasyārthe dadau śukrāya yācate

That Vrinda, of most lovely limbs, a maiden who enchanted people, Svarna gave, at his asking, to Shukra, for Jalandhara's sake.

Verse 45 (padma.6.4.45)

शुक्र उवाच । कंदर्पस्य जगन्नेत्र शस्त्रेणाश्चर्यकारिणा । रूपेणानेन रंभोरु दीर्घायुः सुखिनी भव

śukra uvāca kaṁdarpasya jagannetra śastreṇāścaryakāriṇā rūpeṇānena raṁbhoru dīrghāyuḥ sukhinī bhava

Shukra said: 'O you whose beauty astonishes even the eyes of the world, with this form that even Kama's own weapon might envy, O lovely one, may you live long and happy.'

Verse 46 (padma.6.4.46)

निर्माय स्वयमेव विस्मितमनाः सौंदर्यसारेण यं। स्वव्यापारपरिश्रमस्य कलशं वेधाः समारोपयत् । कंदर्पं पुरुषं स्त्रियो विदधते यस्मिन्न दृष्टे सति द्रष्टव्यावधि। रूपमाप्नुहि पतिं तं दीर्घनेत्रं भटम्

nirmāya svayameva vismitamanāḥ sauṁdaryasāreṇa yaṁ svavyāpārapariśramasya kalaśaṁ vedhāḥ samāropayat kaṁdarpaṁ puruṣaṁ striyo vidadhate yasminna dṛṣṭe sati draṣṭavyāvadhi rūpamāpnuhi patiṁ taṁ dīrghanetraṁ bhaṭam

The Creator himself, astonished at this very quintessence of beauty he had wrought, seemed to crown all his labor upon her; may you, possessed of a beauty before which even ordinary men might be mistaken for the god of love himself, obtain that large-eyed hero as your husband.

Verse 47 (padma.6.4.47)

उपयेमे विवाहेन गांधर्वेणार्णवात्मजः । वृंदां तौ दंपती जातौ जनानंदकरौ नृप

upayeme vivāhena gāṁdharveṇārṇavātmajaḥ vṛṁdāṁ tau daṁpatī jātau janānaṁdakarau nṛpa

The ocean's son married Vrinda by the Gandharva rite; O king, that couple became one who brought joy to all people.

Verse 48 (padma.6.4.48)

चंचलत्वं परित्यक्तं तया जालंधरोऽपि हि । वृत्तेन वृद्धकार्येण चकमे न परस्त्रियम्

caṁcalatvaṁ parityaktaṁ tayā jālaṁdharo'pi hi vṛttena vṛddhakāryeṇa cakame na parastriyam

Under her influence Jalandhara too gave up all fickleness, and, conducting himself with the good discipline of the wise, never desired another man's wife.

Verse 49 (padma.6.4.49)

कदाचित्स सभासीनो दृष्ट्वा राहुं शिरोहृतम्। कस्मात्कायार्द्धशेषोऽयं इति पप्रच्छ भार्गवम्

kadācitsa sabhāsīno dṛṣṭvā rāhuṁ śirohṛtam kasmātkāyārddhaśeṣo'yaṁ iti papraccha bhārgavam

Once, seated in his assembly, seeing Rahu with his head severed, he asked Bhargava: 'Why is this one left with only half a body?'

Verse 50 (padma.6.4.50)

स तस्य कथयामास पूर्ववृत्तांतमादितः । यथा निर्मथितो देवैः क्षीरोदोऽमृतकारणात्

sa tasya kathayāmāsa pūrvavṛttāṁtamāditaḥ yathā nirmathito devaiḥ kṣīrodo'mṛtakāraṇāt

He told him the whole earlier story from the beginning — how the gods had churned the Ocean of Milk to obtain the nectar of immortality.

Verse 51 (padma.6.4.51)

तच्छ्रुत्वा विस्मितो वाक्यं प्राह जालंधरोऽसुरः । प्रसादसुमुखो राहुं कामरूपो भवाधुना

tacchrutvā vismito vākyaṁ prāha jālaṁdharo'suraḥ prasādasumukho rāhuṁ kāmarūpo bhavādhunā

Hearing this, the astonished demon Jalandhara said: 'Be gracious toward Rahu, and let him now become one who can assume any form at will.'

Verse 52 (padma.6.4.52)

इति शुक्रस्य मंत्रेण सिंधुसूनुः प्रतापवान् । पितृव्यं संस्मरन्वीर विग्रहं त्वकरोत्सुरैः

iti śukrasya maṁtreṇa siṁdhusūnuḥ pratāpavān pitṛvyaṁ saṁsmaranvīra vigrahaṁ tvakarotsuraiḥ

Thus, by Shukra's counsel, O hero, the mighty son of the ocean, remembering his uncle Rahu, went to war against the gods.