The War Between Gods and Demons

Verse 1 (padma.6.5.1)

युधिष्ठिर उवाच ।कः पितृव्यः सिंधुसूनोः किं वृत्तं तस्य विग्रहे । युयुधे स कथं दैत्यस्तन्मे कथय नारद

yudhiṣṭhira uvāca kaḥ pitṛvyaḥ siṁdhusūnoḥ kiṁ vṛttaṁ tasya vigrahe yuyudhe sa kathaṁ daityastanme kathaya nārada

Yudhishthira said: Who was the uncle of the ocean's son? What happened in his battle? How did that demon fight? Tell me this, O Narada.

Verse 2 (padma.6.5.2)

नारद उवाच । शृणु त्वं नृपशार्दूल पितृव्यः क्षीरसागरः । जालंधरस्य तं देवैः प्रमथ्य धनमाहृतम्

nārada uvāca śṛṇu tvaṁ nṛpaśārdūla pitṛvyaḥ kṣīrasāgaraḥ jālaṁdharasya taṁ devaiḥ pramathya dhanamāhṛtam

Narada said: Listen, O tiger among kings — his uncle was the Ocean of Milk; the gods, by churning him, carried off wealth that belonged, through him, to Jalandhara.

Verse 3 (padma.6.5.3)

श्रीचंद्रामृतनागाश्वपूर्वं तस्य सुरासुरैः । तच्छ्रुत्वा विग्रहं चक्रे देवैर्जालंधरोऽसुरः

śrīcaṁdrāmṛtanāgāśvapūrvaṁ tasya surāsuraiḥ tacchrutvā vigrahaṁ cakre devairjālaṁdharo'suraḥ

Hearing that the gods and demons had once taken from him Sri, the moon, the nectar, the elephant, the horse, and other treasures, the demon Jalandhara made war upon the gods.

Verse 4 (padma.6.5.4)

कदाचित्प्रेषयामास दूतं दुर्वारणं बली । शिक्षयित्वा तु वक्तव्यं देवेंद्रभवनं प्रति

kadācitpreṣayāmāsa dūtaṁ durvāraṇaṁ balī śikṣayitvā tu vaktavyaṁ deveṁdrabhavanaṁ prati

Once that mighty one, having instructed an unstoppable envoy in what to say, sent him toward the abode of Devendra.

Verse 5 (padma.6.5.5)

अथ स्यंदनमारुह्य ययौ दुर्वारणो दिवि । प्रवेष्टुकामो भवनं द्वारस्थैर्द्वारि निवारितः

atha syaṁdanamāruhya yayau durvāraṇo divi praveṣṭukāmo bhavanaṁ dvārasthairdvāri nivāritaḥ

Then, mounting a chariot, the unstoppable envoy went to heaven; wishing to enter the palace, he was stopped at the gate by the gatekeepers.

Verse 6 (padma.6.5.6)

दूत उवाच । जालंधरस्य दूतोऽहं आगतः शक्रसंनिधौ । गत्वा तत्र भवंतो मां विज्ञापयितुमर्हथ

dūta uvāca jālaṁdharasya dūto'haṁ āgataḥ śakrasaṁnidhau gatvā tatra bhavaṁto māṁ vijñāpayitumarhatha

The envoy said: 'I am Jalandhara's envoy, come into Indra's presence; go and announce me — this you ought to do.'

Verse 7 (padma.6.5.7)

इति तस्य वचः श्रुत्वा तदैव तु शचीपतिम् । गत्वा च प्रणिपत्याह दूतो देवागतो भुवः

iti tasya vacaḥ śrutvā tadaiva tu śacīpatim gatvā ca praṇipatyāha dūto devāgato bhuvaḥ

Hearing his words, the gatekeeper at once went to Shachi's husband, and, bowing, said: 'An envoy has come, arrived from the earth.'

Verse 8 (padma.6.5.8)

दौवारिको महेंद्रेण प्रत्युक्तो दूतमानय । हस्ते गृहीत्वा तं दूतं वासवांतिकमानयत्

dauvāriko maheṁdreṇa pratyukto dūtamānaya haste gṛhītvā taṁ dūtaṁ vāsavāṁtikamānayat

Mahendra answered the gatekeeper: 'Bring the envoy in.' He, taking the envoy by the hand, brought him into Vasava's presence.

Verse 9 (padma.6.5.9)

दुर्वारणो देवसभां प्रविष्टः प्रव्यलोकयत् । हरिं देवैस्तु यस्त्रिंशत्कोटिभिः परिवेष्टितम्

durvāraṇo devasabhāṁ praviṣṭaḥ pravyalokayat hariṁ devaistu yastriṁśatkoṭibhiḥ pariveṣṭitam

The unstoppable envoy, entering the assembly of the gods, beheld Indra there, surrounded by thirty million deities.

Verse 10 (padma.6.5.10)

स्वर्णसिंहासनं दिव्यं चामरानिलसेवितम् । शचीप्रेमरसोत्फुल्लनयनाब्जसहस्रकम्

svarṇasiṁhāsanaṁ divyaṁ cāmarānilasevitam śacīpremarasotphullanayanābjasahasrakam

He beheld the divine golden throne, fanned by the breeze of chowries, Indra's thousand lotus-eyes blossoming with the joy of Shachi's love.

Verse 11 (padma.6.5.11)

दुर्वारणोऽथ देवेशं विलोक्य गुरुणा सह । प्रणनामात्मगर्वेण प्रहसन्नयनश्रियम्

durvāraṇo'tha deveśaṁ vilokya guruṇā saha praṇanāmātmagarveṇa prahasannayanaśriyam

The unstoppable envoy, beholding the Lord of gods together with his guru, bowed — yet, inwardly laughing with his own pride, seemed to mock the very beauty of those eyes.

Verse 12 (padma.6.5.12)

निर्दिष्टमासनं भेजे दूतो जालंधरस्य सः । कस्य त्वं केन कार्येण प्राप्तः प्राहेति तं हरिः

nirdiṣṭamāsanaṁ bheje dūto jālaṁdharasya saḥ kasya tvaṁ kena kāryeṇa prāptaḥ prāheti taṁ hariḥ

Jalandhara's envoy then took the seat shown to him. Indra said to him: 'Whose are you, and for what purpose have you come?'

Verse 13 (padma.6.5.13)

दूतो जालंधरस्याहं स जगाद पुरंदरम् । स राजा सर्वलोकानां तस्याज्ञां शृणु मन्मुखात्

dūto jālaṁdharasyāhaṁ sa jagāda puraṁdaram sa rājā sarvalokānāṁ tasyājñāṁ śṛṇu manmukhāt

'I am Jalandhara's envoy,' he said to Purandara — 'He is the king of all the worlds; hear his command from my mouth —

Verse 14 (padma.6.5.14)

पितृव्यो मम दुग्धाब्धिस्त्वया कस्माद्विलोडितः । मंदराद्रिविधानेन हृतं कोशं महाधनम्

pitṛvyo mama dugdhābdhistvayā kasmādviloḍitaḥ maṁdarādrividhānena hṛtaṁ kośaṁ mahādhanam

'Why have you churned my uncle, the Ocean of Milk, with Mount Mandara? Why have you seized his vast treasury of wealth?

Verse 15 (padma.6.5.15)

श्रीचंद्रामृतनागाश्वं तन्मणिं विद्रुमादिकम् । देहि सर्वं तथा स्वर्गं शीघ्रं त्यज पुरंदर

śrīcaṁdrāmṛtanāgāśvaṁ tanmaṇiṁ vidrumādikam dehi sarvaṁ tathā svargaṁ śīghraṁ tyaja puraṁdara

'Sri, the moon, nectar, the elephant, the horse, that jewel, coral, and the rest — give all of it back, and heaven too; abandon it swiftly, O Purandara.'

Verse 16 (padma.6.5.16)

स त्वं मद्वचनात्तूर्णं कुरु सर्वं यथोचितम् । तं क्षमापय भूपाल यदि जीवितुमिच्छसि

sa tvaṁ madvacanāttūrṇaṁ kuru sarvaṁ yathocitam taṁ kṣamāpaya bhūpāla yadi jīvitumicchasi

'At my word, do at once whatever is fitting; O king, if you wish to live, beg his forgiveness.'

Verse 17 (padma.6.5.17)

अथ प्रहस्य मघवा प्राह दुर्वारणं प्रति । शृणु दूत समासेन सिंधोर्मथनकारणम्

atha prahasya maghavā prāha durvāraṇaṁ prati śṛṇu dūta samāsena siṁdhormathanakāraṇam

Then, laughing, Indra said to the unstoppable envoy: 'Listen, envoy, briefly, to the reason for the churning of the ocean.

Verse 18 (padma.6.5.18)

पुरा हिमवतः सूनुर्मैनाको नाम मे रिपुः । स कुक्षौ विधृतस्तेन सागरेण जडेन च

purā himavataḥ sūnurmaināko nāma me ripuḥ sa kukṣau vidhṛtastena sāgareṇa jaḍena ca

'Long ago, my enemy Mainaka, son of Himavat, was hidden in the belly of that dull-witted ocean.

Verse 19 (padma.6.5.19)

दग्धं चराचरं येन वह्निना हयरूपिणा । स चापि विधृतस्तेन सागरेण दुरात्मना

dagdhaṁ carācaraṁ yena vahninā hayarūpiṇā sa cāpi vidhṛtastena sāgareṇa durātmanā

'And that fire in the form of a horse, which had once burned all moving and unmoving beings, was likewise hidden by that wicked ocean.

Verse 20 (padma.6.5.20)

धर्मद्विषां दानवानामसौ वै आश्रयः प्रभुः । नित्यं दधि घृतं क्षीरं दानवेभ्यः प्रयच्छति

dharmadviṣāṁ dānavānāmasau vai āśrayaḥ prabhuḥ nityaṁ dadhi ghṛtaṁ kṣīraṁ dānavebhyaḥ prayacchati

'He is the very refuge and lord of the dharma-hating demons; he ever supplies them with curd, ghee, and milk.

Verse 21 (padma.6.5.21)

अतएवायमस्माभिः दुर्वारण विलोडितः । दंडितश्च गतश्रीको देवैरथ पुरातनैः

ataevāyamasmābhiḥ durvāraṇa viloḍitaḥ daṁḍitaśca gataśrīko devairatha purātanaiḥ

'Therefore, O envoy, we churned him, and the ancient gods punished him, stripping him of his glory.

Verse 22 (padma.6.5.22)

शृणु दूत सबंधेन मम विप्रेण शोषितः । कुंभोद्भवेन किंचैष दुःसंगे नैव बाध्यते

śṛṇu dūta sabaṁdhena mama vipreṇa śoṣitaḥ kuṁbhodbhavena kiṁcaiṣa duḥsaṁge naiva bādhyate

'Listen further, envoy — he was once dried up even by that brahmin born of the pot, kin to me; and, besides, he cannot even be restrained in bad company.

Verse 23 (padma.6.5.23)

सोऽपि युद्धार्थमस्माभिः सर्वसैन्येन संवृतः । आगमिष्यति वै नाशं गमिष्यति तदैव हि

so'pi yuddhārthamasmābhiḥ sarvasainyena saṁvṛtaḥ āgamiṣyati vai nāśaṁ gamiṣyati tadaiva hi

'He too shall come to fight us, with his entire army, and shall go straight to his own destruction.'

Verse 24 (padma.6.5.24)

इतीरयित्वा विरराम वृत्रहा सरित्पतेरात्मजदूतमुच्चकैः । शशंस चागत्य समुद्रसूनोर्देवेश्वरेणोक्तमशेषमादितः

itīrayitvā virarāma vṛtrahā saritpaterātmajadūtamuccakaiḥ śaśaṁsa cāgatya samudrasūnordeveśvareṇoktamaśeṣamāditaḥ

Having said this, Vritrahan fell silent before the ocean's son's envoy; that envoy, returning, related to the ocean's son everything the Lord of gods had said, from beginning to end.

Verse 25 (padma.6.5.25)

नारद उवाच । महेंद्र वचनं श्रुत्वा निजदूतमुखेन च । समुद्रसूनुः संक्रुद्धः सर्वं सैन्यं समाह्वयत्

nārada uvāca maheṁdra vacanaṁ śrutvā nijadūtamukhena ca samudrasūnuḥ saṁkruddhaḥ sarvaṁ sainyaṁ samāhvayat

Narada said: Hearing Mahendra's words from his own envoy's mouth, the ocean's son grew greatly enraged and summoned his entire army.

Verse 26 (padma.6.5.26)

रसातलस्थिता दैत्याः ये च भूतलवासिनः । आययुः सबलास्तत्र जालंधरमथाज्ञया

rasātalasthitā daityāḥ ye ca bhūtalavāsinaḥ āyayuḥ sabalāstatra jālaṁdharamathājñayā

The demons dwelling in the netherworld and those dwelling on earth, all came with their forces to Jalandhara, at his command.

Verse 27 (padma.6.5.27)

प्रयाणप्रक्रमे सिंधुसूनोः सैन्यस्य गर्जितैः । स्फुटंति नभसो राजन्पातालमखिला दिशः

prayāṇaprakrame siṁdhusūnoḥ sainyasya garjitaiḥ sphuṭaṁti nabhaso rājanpātālamakhilā diśaḥ

O king, at the setting-forth of the ocean's son's army, its roar seemed to split open the sky and every direction, down to the netherworld.

Verse 28 (padma.6.5.28)

हयनागोष्ट्रवदना बिडालमुखभीषणाः । व्याघ्रसिंहाखुवदना विद्युत्सदृशलोचनाः

hayanāgoṣṭravadanā biḍālamukhabhīṣaṇāḥ vyāghrasiṁhākhuvadanā vidyutsadṛśalocanāḥ

With faces of horse, elephant, and camel, terrible with the faces of cats, of tiger, lion, and mouse, their eyes like lightning —

Verse 29 (padma.6.5.29)

सर्पकेशा महादेहाः केचित्खङ्गतनूरुहाः । अन्ये च परिधावंति गर्जंति जलदस्वनैः

sarpakeśā mahādehāḥ kecitkhaṅgatanūruhāḥ anye ca paridhāvaṁti garjaṁti jaladasvanaiḥ

snake-haired, massive-bodied, some with sword-like body-hair, others running about and roaring like thunderclouds.

Verse 30 (padma.6.5.30)

रथगजहयपत्तिसंकुलं समरविनोदकदंब भासुरम् । अब्जशतसहस्रकोटिनायकं बलमखिलं च तदा रराज राजन्

rathagajahayapattisaṁkulaṁ samaravinodakadaṁba bhāsuram abjaśatasahasrakoṭināyakaṁ balamakhilaṁ ca tadā rarāja rājan

O king, that entire army — thronged with chariots, elephants, horses, and foot-soldiers, radiant with hosts of war-loving heroes, numbering in the countless millions — shone forth then.

Verse 31 (padma.6.5.31)

शतयोजनविस्तीर्णं विमानं हंसकोटिभिः । युक्तं भूतिसहस्रौघं सर्ववस्तुप्रपूरितम्

śatayojanavistīrṇaṁ vimānaṁ haṁsakoṭibhiḥ yuktaṁ bhūtisahasraughaṁ sarvavastuprapūritam

A hundred-yojana-wide aerial car, yoked with countless swans, laden with thousands of attendants, filled with every good thing —

Verse 32 (padma.6.5.32)

तद्विमानं समारुह्य सद्यो जालंधरो ययौ । मध्याह्ने मंदरं प्राप्तः प्रथमेऽह्नि बलैः सह

tadvimānaṁ samāruhya sadyo jālaṁdharo yayau madhyāhne maṁdaraṁ prāptaḥ prathame'hni balaiḥ saha

mounting that aerial car at once, Jalandhara set forth; by midday of the very first day he reached Mount Mandara with his army.

Verse 33 (padma.6.5.33)

खंडितं शिबिकावाहैर्दलितं भूरिकुंजरैः । द्वितीये दिवसे मेरुं संप्राप्तो बलसंयुतः

khaṁḍitaṁ śibikāvāhairdalitaṁ bhūrikuṁjaraiḥ dvitīye divase meruṁ saṁprāpto balasaṁyutaḥ

Cutting a path trampled by countless elephants and broken by the palanquin-bearers, on the second day he reached Mount Meru with his army.

Verse 34 (padma.6.5.34)

इलावृत्ते तु शिखरे तस्थौ तत्कटकं महत् । अथ दैत्याधिपैर्भग्नं खांडवं नंदनं वनम्

ilāvṛtte tu śikhare tasthau tatkaṭakaṁ mahat atha daityādhipairbhagnaṁ khāṁḍavaṁ naṁdanaṁ vanam

His vast encampment halted on the peak in Ilavrita; then the lords of the demons went on to lay waste the Khandava and Nandana forests.

Verse 35 (padma.6.5.35)

शिखराणि विशीर्णानि मेरोर्दानवपुंगवैः । संतानकेषु वृक्षेषु बद्धा हिंदोलमंचकान्

śikharāṇi viśīrṇāni merordānavapuṁgavaiḥ saṁtānakeṣu vṛkṣeṣu baddhā hiṁdolamaṁcakān

The peaks of Meru were shattered by those foremost demons; they tied swings and platforms upon the wish-fulfilling trees.

Verse 36 (padma.6.5.36)

सिद्धांगनाभिः सहिता रेमिरे दैत्यपुंगवाः । कुचकुंकुमतांबूल चंदनागरुभूषणैः

siddhāṁganābhiḥ sahitā remire daityapuṁgavāḥ kucakuṁkumatāṁbūla caṁdanāgarubhūṣaṇaiḥ

Those foremost demons sported there together with Siddha women, adorned with vermilion, betel, sandalwood, and aloe-wood.

Verse 37 (padma.6.5.37)

केशपाशच्युतैः पुष्पैः मेरोः संपूरिता नदी । सुमेरोः पूर्वदिग्भागो गजैस्तस्य विघट्टितः

keśapāśacyutaiḥ puṣpaiḥ meroḥ saṁpūritā nadī sumeroḥ pūrvadigbhāgo gajaistasya vighaṭṭitaḥ

Meru's river was filled with flowers fallen from their loosened hair; the eastern side of Sumeru was trampled beneath his elephants.

Verse 38 (padma.6.5.38)

दक्षिणं च रथैश्चेरुरुत्तरं पश्चिमं भटैः । अथ प्रस्थापयामास दैत्याञ्जालधरोऽसुरः

dakṣiṇaṁ ca rathaiśceruruttaraṁ paścimaṁ bhaṭaiḥ atha prasthāpayāmāsa daityāñjāladharo'suraḥ

They ranged the southern side with chariots, the north and west with soldiers; then the demon Jalandhara sent his demons further onward.

Verse 39 (padma.6.5.39)

महेंद्रशिखरं चान्ये ययुर्दुंदुभिनिःस्वनैः । राजराजपुरीं भंक्त्वा यमस्य वरुणस्य च

maheṁdraśikharaṁ cānye yayurduṁdubhiniḥsvanaiḥ rājarājapurīṁ bhaṁktvā yamasya varuṇasya ca

Some went, with the sound of kettle-drums, toward Mahendra's peak, having destroyed the cities of Kubera, Yama, and Varuna.

Verse 40 (padma.6.5.40)

अन्येषां लोकपालानामाययुस्तेऽमरावतीम् । अथोत्पाताभवन्नाके दिव्यभौमांतरिक्षगाः

anyeṣāṁ lokapālānāmāyayuste'marāvatīm athotpātābhavannāke divyabhaumāṁtarikṣagāḥ

Having destroyed the cities of the other guardians of the directions, they came toward Amaravati; then evil omens began among the beings of sky, earth, and mid-space.

Verse 41 (padma.6.5.41)

रजः पपात बहुलं तमस्तोमो विजृंभते । तदा पपात कुलिशं करादिंद्रस्य निष्प्रभम्

rajaḥ papāta bahulaṁ tamastomo vijṛṁbhate tadā papāta kuliśaṁ karādiṁdrasya niṣprabham

Thick dust began to fall, a mass of darkness spread wide; then Indra's own thunderbolt, its splendor gone, fell from his hand.

Verse 42 (padma.6.5.42)

दृष्ट्वा निमित्तानि भयावहानि नाके महेंद्रो गुरुमित्युवाच । किं कुर्महे कं शरणं च यामस्तं पश्य युद्धं समुपस्थितं च

dṛṣṭvā nimittāni bhayāvahāni nāke maheṁdro gurumityuvāca kiṁ kurmahe kaṁ śaraṇaṁ ca yāmastaṁ paśya yuddhaṁ samupasthitaṁ ca

Seeing these terrifying omens in heaven, Mahendra said to his guru: 'What shall we do, to whom shall we go for refuge? Behold, war is now upon us.'

Verse 43 (padma.6.5.43)

ततो वाचस्पतिर्वाक्यमुवाच त्रिदशाधिपम् । चरणौ पाहि शरणं विष्णोर्वैकुंठवासिनः

tato vācaspatirvākyamuvāca tridaśādhipam caraṇau pāhi śaraṇaṁ viṣṇorvaikuṁṭhavāsinaḥ

Then Vachaspati said to the lord of the thirty gods: 'Take refuge at the feet of Vishnu, who dwells in Vaikuntha.'

Verse 44 (padma.6.5.44)

इत्युक्तो गुरुणा देवैः साकं वैकुंठमंदिरम् । जगामाखंडलः शीघ्रं शरणं कैटभद्विषः

ityukto guruṇā devaiḥ sākaṁ vaikuṁṭhamaṁdiram jagāmākhaṁḍalaḥ śīghraṁ śaraṇaṁ kaiṭabhadviṣaḥ

At his guru's word, Indra, together with the gods, swiftly went for refuge to the Vaikuntha abode of Vishnu, the slayer of Kaitabha.

Verse 45 (padma.6.5.45)

शशंस वासुदेवाय विजयो द्वारपालकः । जालंधरभयत्रस्ताः सर्वे देवाः समागताः

śaśaṁsa vāsudevāya vijayo dvārapālakaḥ jālaṁdharabhayatrastāḥ sarve devāḥ samāgatāḥ

The gatekeeper Vijaya announced to Vasudeva: 'All the gods, terrified by fear of Jalandhara, have come here.'

Verse 46 (padma.6.5.46)

श्रीरुवाच । न वध्योऽसौ मम भ्राता देवार्थे युध्यता त्वया । शापितो देव मत्प्रीत्या वधार्हो न भविष्यति

śrīruvāca na vadhyo'sau mama bhrātā devārthe yudhyatā tvayā śāpito deva matprītyā vadhārho na bhaviṣyati

Sri said: 'Even while fighting for the gods, he must not be slain by you — he is my brother; for my love's sake let him only be cursed, O God — let him not become deserving of death.'

Verse 47 (padma.6.5.47)

इति श्रीवचनं श्रुत्वा विष्णुस्त्रैलोक्यपालकः । अथारुरोह गरुडं पक्षक्षेपावृतांबरम्

iti śrīvacanaṁ śrutvā viṣṇustrailokyapālakaḥ athāruroha garuḍaṁ pakṣakṣepāvṛtāṁbaram

Hearing Sri's words, Vishnu, the protector of the three worlds, then mounted Garuda, whose beating wings covered the sky.

Verse 48 (padma.6.5.48)

वैकुंठभवनात्तूर्णं निर्गतस्त्रिदशान्हरिः । जालंधरभयत्रस्तान्गतकांतीनथैक्षत

vaikuṁṭhabhavanāttūrṇaṁ nirgatastridaśānhariḥ jālaṁdharabhayatrastāngatakāṁtīnathaikṣata

Coming forth swiftly from the Vaikuntha abode, Hari beheld the gods, terrified by fear of Jalandhara, their splendor all gone.

Verse 49 (padma.6.5.49)

ददृशुस्ते सुराः सर्वे हरिं सांद्रघनोपमम् । शार्ङ्गशंखगदापद्मविभूषितचतुर्भुजम्

dadṛśuste surāḥ sarve hariṁ sāṁdraghanopamam śārṅgaśaṁkhagadāpadmavibhūṣitacaturbhujam

All those gods beheld Hari, resembling a dense rain-cloud, four-armed, adorned with bow, conch, mace, and lotus.

Verse 50 (padma.6.5.50)

स्तोत्रं पठित्वा पुरतः प्राहेंद्रः सरितांपतेः । जालंधरेणात्मजेन भग्नं देव त्रिविष्टपम्

stotraṁ paṭhitvā purataḥ prāheṁdraḥ saritāṁpateḥ jālaṁdhareṇātmajena bhagnaṁ deva triviṣṭapam

Having recited a hymn, Indra said before the ocean's own foe: 'O God, heaven has been destroyed by Jalandhara, who is the ocean's very own son.'

Verse 51 (padma.6.5.51)

तदिंद्रवचनं श्रुत्वाऽभयं दत्वा दिवौकसाम् । विजेतुमसुरं देवैः सह रेजे सुरांतकृत्

tadiṁdravacanaṁ śrutvā'bhayaṁ datvā divaukasām vijetumasuraṁ devaiḥ saha reje surāṁtakṛt

Hearing Indra's words, and granting the heaven-dwellers freedom from fear, the destroyer of demons, together with the gods, shone forth, ready to conquer that demon.

Verse 52 (padma.6.5.52)

अथानीतं मातलिना रथमारुह्य वासवः । वासुदेवस्य पुरतः प्रययौ विधृताशनिः

athānītaṁ mātalinā rathamāruhya vāsavaḥ vāsudevasya purataḥ prayayau vidhṛtāśaniḥ

Then Vasava, mounting the chariot brought by Matali and holding his thunderbolt, went forth before Vasudeva.

Verse 53 (padma.6.5.53)

वामतस्त्रिदशाः सर्वे सव्यतश्च समाययौ । स्वाहाप्रियो दक्षिणतः स च मेषं समास्थितः

vāmatastridaśāḥ sarve savyataśca samāyayau svāhāpriyo dakṣiṇataḥ sa ca meṣaṁ samāsthitaḥ

All the thirty gods gathered, some to the left, some to the right; Agni, dear to Svaha, stood to the right, mounted upon his ram.

Verse 54 (padma.6.5.54)

आरुह्यैरावतं नागं जयंतः शक्रनंदनः । उच्चैःश्रवसमिंद्रश्च उभौ भगवतः पुरः

āruhyairāvataṁ nāgaṁ jayaṁtaḥ śakranaṁdanaḥ uccaiḥśravasamiṁdraśca ubhau bhagavataḥ puraḥ

Jayanta, Shakra's son, mounted upon the elephant Airavata, and Indra upon Uchchaihshravas — both went before the Lord.

Verse 55 (padma.6.5.55)

धातार्यमा च मित्रश्च वरुणोंशो भगस्तथा । इंद्रो विवस्वान्पूषा च पर्जन्यो दशमः स्मृतः

dhātāryamā ca mitraśca varuṇoṁśo bhagastathā iṁdro vivasvānpūṣā ca parjanyo daśamaḥ smṛtaḥ

Dhata, Aryama, Mitra, Varuna, Amsha, Bhaga, Indra, Vivasvan, Pusha, and Parjanya, remembered as the tenth —

Verse 56 (padma.6.5.56)

ततस्त्वष्टा ततो विष्णू रेजे धन्यो जघन्यजः । इत्येते द्वादशादित्या इंद्रस्य पुरतः स्थिताः

tatastvaṣṭā tato viṣṇū reje dhanyo jaghanyajaḥ ityete dvādaśādityā iṁdrasya purataḥ sthitāḥ

then Tvashta, and then Vishnu, blessed, reckoned last — thus these twelve Adityas stood shining before Indra.

Verse 57 (padma.6.5.57)

वीरभद्रश्च शंभुश्च गिरिशश्च महायशाः । अजैकपादहिर्बुध्न्यः पिनाकी चापराजितः

vīrabhadraśca śaṁbhuśca giriśaśca mahāyaśāḥ ajaikapādahirbudhnyaḥ pinākī cāparājitaḥ

Virabhadra, Shambhu, the greatly renowned Girisha, Ajaikapada, Ahirbudhnya, Pinakin, Aparajita,

Verse 58 (padma.6.5.58)

भुवनाधीश्वरश्चैव कपाली च विशांपते । स्थाणुर्भगश्च भगवान्रुद्रा एकादश स्मृताः

bhuvanādhīśvaraścaiva kapālī ca viśāṁpate sthāṇurbhagaśca bhagavānrudrā ekādaśa smṛtāḥ

Bhuvanadhishvara, Kapali — O lord of the people — Sthanu and glorious Bhaga: these are remembered as the eleven Rudras.

Verse 59 (padma.6.5.59)

श्वसनः स्पर्शनो वायुरनिलो मारुतस्तथा । प्राणापानौ सजीवौ च मरुतोऽष्टौ तदग्रतः

śvasanaḥ sparśano vāyuranilo mārutastathā prāṇāpānau sajīvau ca maruto'ṣṭau tadagrataḥ

Shvasana, Sparshana, Vayu, Anila, and Maruta, together with Prana and Apana, alive with breath — these eight Maruts went ahead.

Verse 60 (padma.6.5.60)

विवस्वानपि तन्मध्ये ययौ द्वादशमूर्तिभिः । धनदः शिबिकारूढः किंनरेशो ययौ तदा

vivasvānapi tanmadhye yayau dvādaśamūrtibhiḥ dhanadaḥ śibikārūḍhaḥ kiṁnareśo yayau tadā

Vivasvan too went among them in his twelve forms; and at that time Dhanada, mounted on a palanquin, and the lord of the Kinnaras, went forward as well.

Verse 61 (padma.6.5.61)

रुद्राश्च वृषभारूढा मारुतो मृगवाहनः । ययुः सैन्यस्य पुरतः त्रिशूलपरिघायुधाः

rudrāśca vṛṣabhārūḍhā māruto mṛgavāhanaḥ yayuḥ sainyasya purataḥ triśūlaparighāyudhāḥ

The Rudras, mounted on bulls, and Maruta, mounted on his deer, went before the army, bearing trident and mace as weapons.

Verse 62 (padma.6.5.62)

गंधर्वाश्चारणा यक्षाः पिशाचोरग गुह्यकाः । सर्वसैन्यस्य पुरतः सर्वशस्त्रभृतो ययुः

gaṁdharvāścāraṇā yakṣāḥ piśācoraga guhyakāḥ sarvasainyasya purataḥ sarvaśastrabhṛto yayuḥ

Gandharvas, Charanas, Yakshas, Pishachas, serpents, and Guhyakas, bearing every weapon, went before the entire army.

Verse 63 (padma.6.5.63)

पूर्वापरौ तोयराशी समाक्रांतौ च सैनिकैः । तस्मिन्ससार भूमिराट्वराहवपुषा हरिः

pūrvāparau toyarāśī samākrāṁtau ca sainikaiḥ tasminsasāra bhūmirāṭvarāhavapuṣā hariḥ

Both the eastern and western oceans were overrun by the soldiers; upon that field Hari, in the form of the Boar, the king of the earth, advanced.

Verse 64 (padma.6.5.64)

स्वर्गादागत्य वेगेन दैत्यसैन्यजिघांसया । सुमेरोरुत्तरो भागः सुरसैन्येन संवृतः

svargādāgatya vegena daityasainyajighāṁsayā sumeroruttaro bhāgaḥ surasainyena saṁvṛtaḥ

Come with speed from heaven, desiring to destroy the demon army, the northern part of Sumeru became covered by the army of gods.

Verse 65 (padma.6.5.65)

सेनाभारोद्भुतकरस्तस्थौ जालंधरस्य च । आश्रित्य दक्षिणं भागं तूर्णं कनकशृंगतः

senābhārodbhutakarastasthau jālaṁdharasya ca āśritya dakṣiṇaṁ bhāgaṁ tūrṇaṁ kanakaśṛṁgataḥ

Jalandhara's army, its arms astonishing under the very weight of its own numbers, likewise came swiftly from the golden peak and took its stand on the southern side.

Verse 66 (padma.6.5.66)

अहोरात्रेण विहिता वर्षे तस्मिन्निलावृते । मेरुमंदरयोर्मध्ये युद्धभूमिः प्रतिष्ठिता

ahorātreṇa vihitā varṣe tasminnilāvṛte merumaṁdarayormadhye yuddhabhūmiḥ pratiṣṭhitā

Within a single day and night, in that region of Ilavrita, between Meru and Mandara, the battlefield was made ready.

Verse 67 (padma.6.5.67)

तत्रात्मजयदां भूमिं कविप्रोक्तां मुदायुताः । जग्मुस्ते दानवास्तूर्णं गुरुप्रोक्तां ययुः सुराः

tatrātmajayadāṁ bhūmiṁ kaviproktāṁ mudāyutāḥ jagmuste dānavāstūrṇaṁ guruproktāṁ yayuḥ surāḥ

There, joyfully, the demons went swiftly to the ground declared victorious for them by their sage Shukra, and the gods went to the ground declared by their own guru.

Verse 68 (padma.6.5.68)

रथप्रवीरैः परितश्च संप्लवैर्गजैर्घनाकारमदप्रवाहिभिः । अश्वैरनंतैर्गरुडाग्रगामिभिः पदातिभिः सारणभूर्भृता बभौ

rathapravīraiḥ paritaśca saṁplavairgajairghanākāramadapravāhibhiḥ aśvairanaṁtairgaruḍāgragāmibhiḥ padātibhiḥ sāraṇabhūrbhṛtā babhau

Surrounded on every side by valiant chariots, by rutting elephants dense as monsoon clouds, by countless horses, by troops with Garuda at their fore, and by infantry, the battlefield shone forth, thronged with warriors.

Verse 69 (padma.6.5.69)

ततो वादित्रनिर्घोषः सेनयोरुभयोरभूत् । कोलाहलश्च वीराणामन्योन्यमभिगर्जताम्

tato vāditranirghoṣaḥ senayorubhayorabhūt kolāhalaśca vīrāṇāmanyonyamabhigarjatām

Then a great din of instruments arose from both armies, along with the tumult of heroes roaring at one another.

Verse 70 (padma.6.5.70)

अथ दानवदेवानां संग्रामोऽभूद्भयावहः । सर्वसैन्यस्य संमर्दो यथा त्रिभुवनक्षयः

atha dānavadevānāṁ saṁgrāmo'bhūdbhayāvahaḥ sarvasainyasya saṁmardo yathā tribhuvanakṣayaḥ

Then the fearsome battle between demons and gods began; the clash of all the armies was as if the three worlds themselves were being destroyed.

Verse 71 (padma.6.5.71)

भयक्रांता महाश्रांता श्रुतिर्विलपती मुहुः । स्वरथाकाररहितं शरैः संपूरितं तदा

bhayakrāṁtā mahāśrāṁtā śrutirvilapatī muhuḥ svarathākārarahitaṁ śaraiḥ saṁpūritaṁ tadā

Terror-stricken and utterly exhausted, the earth wailed again and again, its own familiar paths erased and filled instead with arrows.

Verse 72 (padma.6.5.72)

रोमांचिता बभौ द्यौश्च रजोवस्त्रं विधुन्वती । रौद्रैर्विहंगमारावैस्त्रासादाक्रंदतीव हि

romāṁcitā babhau dyauśca rajovastraṁ vidhunvatī raudrairvihaṁgamārāvaistrāsādākraṁdatīva hi

The sky too shone as if bristling with awe, shaking off its garment of dust, seeming, amid the terrifying cries of birds, to wail aloud in terror.

Verse 73 (padma.6.5.73)

देवेंद्रेण तदाज्ञप्ता मेघाः संवर्तकादयः । गजानुच्चैः समारुह्य तेऽसुरान्युयुधुर्मृधे

deveṁdreṇa tadājñaptā meghāḥ saṁvartakādayaḥ gajānuccaiḥ samāruhya te'surānyuyudhurmṛdhe

Then, at Devendra's command, the clouds Samvartaka and others, mounting high upon elephants, fought the demons in battle.

Verse 74 (padma.6.5.74)

देवानामश्वारोहाश्च जाता गंधर्वकिन्नराः । रथिनः साध्यसिद्धाश्च गजिनो यक्षचारणाः

devānāmaśvārohāśca jātā gaṁdharvakinnarāḥ rathinaḥ sādhyasiddhāśca gajino yakṣacāraṇāḥ

The gods' cavalry became the Gandharvas and Kinnaras; their charioteers the Sadhyas and Siddhas; their elephant-riders the Yakshas and Charanas.

Verse 75 (padma.6.5.75)

पदातिनः किंपुरुषाः पन्नगाः पवनाशनाः । रोगाणामधिपो राजन्यक्ष्मा च यमनायकः

padātinaḥ kiṁpuruṣāḥ pannagāḥ pavanāśanāḥ rogāṇāmadhipo rājanyakṣmā ca yamanāyakaḥ

Their infantry became the Kimpurushas, the serpents, and the wind-eating spirits; O king, Yakshma, lord of diseases, led by Yama, was there too.

Verse 76 (padma.6.5.76)

तत्र दानवरोगाणां संग्रामोऽभूत्सुदारुणः । पतिता लुलुठुर्भूमौ दैत्याः शूलज्वरामयैः

tatra dānavarogāṇāṁ saṁgrāmo'bhūtsudāruṇaḥ patitā luluṭhurbhūmau daityāḥ śūlajvarāmayaiḥ

There a most terrible battle raged between the demons and the diseases; the demons, struck down by afflictions like spear-pain and fever, fell and writhed upon the earth.

Verse 77 (padma.6.5.77)

दानवैर्निहता रोगाः पेतुः समरमूर्द्धनि । पलायांचक्रिरे केचित्व्याधयो भूधरान्प्रति

dānavairnihatā rogāḥ petuḥ samaramūrddhani palāyāṁcakrire kecitvyādhayo bhūdharānprati

The diseases slain by the demons fell at the head of the battlefield; some afflictions fled away toward the mountains.

Verse 78 (padma.6.5.78)

औषध्यस्तत्र सहजा वैशल्यकरणीमुखाः । ताभिर्विशल्याः सैन्येषु युयुधुर्यमकिंकराः

auṣadhyastatra sahajā vaiśalyakaraṇīmukhāḥ tābhirviśalyāḥ sainyeṣu yuyudhuryamakiṁkarāḥ

There, healing herbs like Vishalyakarani, born naturally for that purpose, freed the wounded of their arrows; and Yama's servants, freed of their shafts, fought on again within the armies.

Verse 79 (padma.6.5.79)

दानवैर्निहताः सर्वे शरमुद्गरपट्टिशैः । पदातयः पत्तिगणैः खङ्गैस्तीक्ष्णैः परश्वधैः

dānavairnihatāḥ sarve śaramudgarapaṭṭiśaiḥ padātayaḥ pattigaṇaiḥ khaṅgaistīkṣṇaiḥ paraśvadhaiḥ

All the foot-soldiers were slain by the demons with arrows, clubs, and spears; and the demons' own foot-soldiers were slain in turn by the soldiers, with sharp swords and axes.

Verse 80 (padma.6.5.80)

कोटिशो जघ्नुरन्योन्यं रुधिरारुणविग्रहाः । अश्वचारा हयैस्तूर्णैश्चिक्षिपुर्गगने तदा

koṭiśo jaghnuranyonyaṁ rudhirāruṇavigrahāḥ aśvacārā hayaistūrṇaiścikṣipurgagane tadā

Millions upon millions, their bodies red with blood, struck one another down; horsemen hurled their swift steeds into the very sky.

Verse 81 (padma.6.5.81)

संश्लिष्य जघ्नुरन्योन्यं रुधिरारुणविग्रहाः । समूहो रथिनां भीमो रथौघैश्छाद्य मेदिनीम्

saṁśliṣya jaghnuranyonyaṁ rudhirāruṇavigrahāḥ samūho rathināṁ bhīmo rathaughaiśchādya medinīm

Grappling with one another, their bodies red with blood, they struck each other down; the terrifying mass of charioteers covered the earth with the multitude of their chariots.

Verse 82 (padma.6.5.82)

विव्यधुर्निशितैर्बाणैर्धनुर्मुक्तैर्महारथान् । मदक्षीणकपोलांगाः करैर्बद्धा करान्दृढम्

vivyadhurniśitairbāṇairdhanurmuktairmahārathān madakṣīṇakapolāṁgāḥ karairbaddhā karāndṛḍham

With sharp arrows loosed from their bows, they pierced the great chariot-warriors; their cheeks lean from the fury of battle, they gripped hand upon hand in fierce close combat.

Verse 83 (padma.6.5.83)

गजान्प्रतिगजाः क्रुद्धाः पातयंति महीतले । कोपि दैत्यो रथं दोर्भ्यामुत्क्षिप्योत्थाय खं ययौ

gajānpratigajāḥ kruddhāḥ pātayaṁti mahītale kopi daityo rathaṁ dorbhyāmutkṣipyotthāya khaṁ yayau

Enraged elephants hurled the opposing elephants to the ground; some demon, lifting his own chariot with both arms, rose up and flew into the sky.

Verse 84 (padma.6.5.84)

अश्वचारान्हयान्नागान्पातयामास भूतले । स्कंधे गृहीत्वा तरसा ययौ जालंधरं प्रति

aśvacārānhayānnāgānpātayāmāsa bhūtale skaṁdhe gṛhītvā tarasā yayau jālaṁdharaṁ prati

He hurled the cavalry, horses, and elephants down to the ground; seizing something upon his shoulder, he went swiftly toward Jalandhara.

Verse 85 (padma.6.5.85)

कक्षयोर्वै गजौ गृह्य तृतीयं जठरोपरि । चतुर्थं मस्तके गृह्य रणे धावति कश्चन

kakṣayorvai gajau gṛhya tṛtīyaṁ jaṭharopari caturthaṁ mastake gṛhya raṇe dhāvati kaścana

Some demon ran about the battlefield with two elephants clamped under his armpits, a third upon his belly, and a fourth held upon his head.

Verse 86 (padma.6.5.86)

उत्पाट्य कोशतः खङ्गं विधूय विमलांबरम् । ययौ सहस्रशो देवान्पातयित्वा रणेऽसुरः

utpāṭya kośataḥ khaṅgaṁ vidhūya vimalāṁbaram yayau sahasraśo devānpātayitvā raṇe'suraḥ

A demon, drawing his sword from its sheath and brandishing it, seeming to clear the very sky, went on, having felled thousands of gods in battle.

Verse 87 (padma.6.5.87)

काचित्पीनस्तनी तन्वी खेचरीरति लंपटा । आगत्य गगनात्तूर्णं निन्ये दैत्यं रणांगणात्

kācitpīnastanī tanvī khecarīrati laṁpaṭā āgatya gaganāttūrṇaṁ ninye daityaṁ raṇāṁgaṇāt

A certain full-breasted, slender, utterly ardent woman of the sky came swiftly down and carried that demon away from the battlefield.

Verse 88 (padma.6.5.88)

चुचुंब सा तद्वदनं तीक्ष्णनाराचकीलितम् । देवसैन्यं ततो बद्ध्वा कालनेमिर्ननर्त्त ह

cucuṁba sā tadvadanaṁ tīkṣṇanārācakīlitam devasainyaṁ tato baddhvā kālanemirnanartta ha

She kissed his face, though it was pierced by sharp arrows; then Kalanemi, having bound the army of gods, began to dance in triumph.

Verse 89 (padma.6.5.89)

ततो जनार्दनः क्रुद्धो निर्ययौ कालनेमिनम् । यमो दुर्वारणं वीरं स्वर्भानुश्चंद्रभास्करौ

tato janārdanaḥ kruddho niryayau kālaneminam yamo durvāraṇaṁ vīraṁ svarbhānuścaṁdrabhāskarau

Then enraged Janardana went forth against Kalanemi; Yama against the hero Durvarana; Svarbhanu against the moon and sun;

Verse 90 (padma.6.5.90)

केतुं वैश्वानरो देवो ययौ शुक्रं बृहस्पतिः । आश्विनौ संयतौ तत्र दैत्यमंगारपर्णकम्

ketuṁ vaiśvānaro devo yayau śukraṁ bṛhaspatiḥ āśvinau saṁyatau tatra daityamaṁgāraparṇakam

the god Vaishvanara went against Ketu; Brihaspati against Shukra; and the two Ashvins together bound the demon Angaraparnaka there.

Verse 91 (padma.6.5.91)

संह्रादं शक्रपुत्रश्च निर्ह्रादं धनदो ययौ । निशुंभश्चावृतो रुद्रैः शुंभो वसुभिराहवे

saṁhrādaṁ śakraputraśca nirhrādaṁ dhanado yayau niśuṁbhaścāvṛto rudraiḥ śuṁbho vasubhirāhave

Shakra's son went against Samhrada, and Dhanada against Nirhrada; Nishumbha was surrounded by the Rudras, and Shumbha by the Vasus, in that battle.

Verse 92 (padma.6.5.92)

मेघाकारं स्थितं जंभं विश्वेदेवाः समाययौ । वायवो वज्ररोमाणमथ मृत्युर्मयं ययौ

meghākāraṁ sthitaṁ jaṁbhaṁ viśvedevāḥ samāyayau vāyavo vajraromāṇamatha mṛtyurmayaṁ yayau

The Vishvedevas came against Jambha, who stood there cloud-formed; the winds against Vajraroman; and Death went against Maya.

Verse 93 (padma.6.5.93)

नमुचिं वासवो व्यग्रं शक्तिहस्तोऽभ्यधावत । अन्यैरपि सुरैर्दैत्याः स्वस्ववीर्यसमैर्वृताः

namuciṁ vāsavo vyagraṁ śaktihasto'bhyadhāvata anyairapi surairdaityāḥ svasvavīryasamairvṛtāḥ

Vasava, spear in hand, rushed against the fierce Namuchi; and the other demons too were each met by gods matched to their own valor.