The Legend of Trisprisha

Verse 1 (padma.6.34.1)

नारद उवाच ।त्रिस्पृशाख्यं व्रतं ब्रूहि सर्वेश्वर विशेषतः । यच्छ्रुत्वा मुच्यते लोकः कर्मबंधनतः क्षणात्

nārada uvāca trispṛśākhyaṁ vrataṁ brūhi sarveśvara viśeṣataḥ yacchrutvā mucyate lokaḥ karmabaṁdhanataḥ kṣaṇāt

Narada said: Tell me especially about the vow called Trisprisha, O Lord of all, hearing which the world is instantly freed from the bondage of karma.

Verse 2 (padma.6.34.2)

महादेव उवाच ।सर्वपापौघशमनं महादुःखविनाशनम् । शृणु कृष्णावतारं त्वं त्रिस्पृशाख्यं महाव्रतम्

mahādeva uvāca sarvapāpaughaśamanaṁ mahāduḥkhavināśanam śṛṇu kṛṣṇāvatāraṁ tvaṁ trispṛśākhyaṁ mahāvratam

Mahadeva said: Listen — this great vow called Trisprisha is Krishna's own incarnation, which calms the whole mass of sin and destroys great sorrow.

Verse 3 (padma.6.34.3)

कामदं सस्पृहाणां तु निस्पृहाणां तु मोक्षदम् । त्रिस्पृशाख्यं व्रतं विप्र शृणुष्व गदतो मम

kāmadaṁ saspṛhāṇāṁ tu nispṛhāṇāṁ tu mokṣadam trispṛśākhyaṁ vrataṁ vipra śṛṇuṣva gadato mama

It grants desires to the desirous, and liberation to the desireless. O brahmin, listen to this Trisprisha vow as I tell it.

Verse 4 (padma.6.34.4)

प्रत्यक्षमर्चितस्तेन कलिकाले च केशवः । त्रिस्पृशा कीर्तनं नित्यं यः करोति महामुने

pratyakṣamarcitastena kalikāle ca keśavaḥ trispṛśā kīrtanaṁ nityaṁ yaḥ karoti mahāmune

Whoever constantly performs the recitation of Trisprisha, O great sage — through that, Keshava is worshipped directly, even in the Kali age.

Verse 5 (padma.6.34.5)

न पुरश्चरणे चीर्णे सर्वपापक्षयो भवेत् । त्रिस्पृशा नाममात्रेण क्षीयते नात्र संशयः

na puraścaraṇe cīrṇe sarvapāpakṣayo bhavet trispṛśā nāmamātreṇa kṣīyate nātra saṁśayaḥ

Even without the preliminary rites, complete destruction of all sin occurs; by the mere name 'Trisprisha,' sin is destroyed, without doubt.

Verse 6 (padma.6.34.6)

नागमैर्न पुराणाद्यैर्न मखैस्तीर्थकोटिभिः । बहुभिर्व्रतसंघैश्च पूजितैस्त्रिदशैरपि

nāgamairna purāṇādyairna makhaistīrthakoṭibhiḥ bahubhirvratasaṁghaiśca pūjitaistridaśairapi

Not by scriptures, nor by the Puranas, nor by sacrifices, nor by millions of tirthas, nor by many multitudes of vows, nor even by the worship of the thirty gods,

Verse 7 (padma.6.34.7)

मोक्षो भवति विप्रेन्द्र त्रिस्पृशा न कृता यदि । मोक्षार्थे देवदेवेन दृष्टा वै वैष्णवी तिथिः

mokṣo bhavati viprendra trispṛśā na kṛtā yadi mokṣārthe devadevena dṛṣṭā vai vaiṣṇavī tithiḥ

O best of brahmins, liberation does not come until Trisprisha is performed. For the sake of liberation, this Vaishnava tithi was seen by the God of gods himself.

Verse 8 (padma.6.34.8)

द्विजानां दुर्विदं सांख्यं कलिकाले विशेषतः । अनिग्रहश्चेंद्रियाणां स्थिरत्वं मनसो नहि

dvijānāṁ durvidaṁ sāṁkhyaṁ kalikāle viśeṣataḥ anigrahaśceṁdriyāṇāṁ sthiratvaṁ manaso nahi

Sankhya-discipline is exceptionally hard for the twice-born to attain in the Kali age; there is neither restraint of the senses, nor steadiness of mind.

Verse 9 (padma.6.34.9)

विषयैर्विप्रयुक्तानां ध्यानधारणवर्जिनाम् । कामभोगप्रसक्तानां त्रिस्पृशा मोक्षदायिनी

viṣayairviprayuktānāṁ dhyānadhāraṇavarjinām kāmabhogaprasaktānāṁ trispṛśā mokṣadāyinī

For those engaged in sense-objects, devoid of meditation and concentration, and attached to desire and enjoyment, Trisprisha is the giver of liberation.

Verse 10 (padma.6.34.10)

मह्यं चैव पुरा प्रोक्ता चतुर्वक्त्रस्य सागरे । क्षीरोदे प्रणतानां तु मत्स्यरूपेण चक्रिणा

mahyaṁ caiva purā proktā caturvaktrasya sāgare kṣīrode praṇatānāṁ tu matsyarūpeṇa cakriṇā

It was declared by me, in the form of the Fish, the Discus-bearer, to the four-faced Brahma, in the Ocean of Milk, for those who bowed before me.

Verse 11 (padma.6.34.11)

त्रिस्पृशां ये करिष्यंति विषयैरपि संयुताः । तेषामपि मया दत्तो मोक्षः सांख्यविवर्जिनाम्

trispṛśāṁ ye kariṣyaṁti viṣayairapi saṁyutāḥ teṣāmapi mayā datto mokṣaḥ sāṁkhyavivarjinām

To those who perform Trisprisha, even while engaged in sense-objects, I have granted liberation, even devoid of Sankhya-discipline.

Verse 12 (padma.6.34.12)

कामभोगप्रसक्तानां त्रिस्पृशा मोक्षदायिनी । बहुभिर्मुनिसंघैश्च कृतेयं च महामुने

kāmabhogaprasaktānāṁ trispṛśā mokṣadāyinī bahubhirmunisaṁghaiśca kṛteyaṁ ca mahāmune

For those attached to desire and enjoyment, Trisprisha is the giver of liberation; it has been performed, O great sage, by many multitudes of sages.

Verse 13 (padma.6.34.13)

कार्त्तिके शुक्लपक्षे तु त्रिस्पृशा जायते यदि । सोमेन सोमजेनापि पापकोटिविनाशिनी

kārttike śuklapakṣe tu trispṛśā jāyate yadi somena somajenāpi pāpakoṭivināśinī

If Trisprisha falls in the bright fortnight of Kartika, with the moon and the moon's own son [Wednesday], it destroys ten million sins.

Verse 14 (padma.6.34.14)

यस्या उपोषणकृतो हत्यायुक्त महेशितुः । हस्ताद्ब्रह्मकपालं तु तत्क्षणात्पतितं भुवि

yasyā upoṣaṇakṛto hatyāyukta maheśituḥ hastādbrahmakapālaṁ tu tatkṣaṇātpatitaṁ bhuvi

By whoever's fast was undertaken — even the very skull of Brahma, the sin that clung to great Ishvara's hand, fell instantly to the ground.

Verse 15 (padma.6.34.15)

कलिकल्मषकोट्यौघैर्मुक्ता देवी त्रिमार्गगा । उपदेशान्माधवस्य त्रिस्पृशा समुपोषणात्

kalikalmaṣakoṭyaughairmuktā devī trimārgagā upadeśānmādhavasya trispṛśā samupoṣaṇāt

The goddess of the triple path was freed, by Madhava's instruction, through the fasting of Trisprisha, from the accumulated masses of Kali-age sin.

Verse 16 (padma.6.34.16)

हत्याष्टौ बाहुवीर्यस्य पूर्वजाता महामुने । गता भृगूपदेशेन त्रिस्पृशा समुपोषणात्

hatyāṣṭau bāhuvīryasya pūrvajātā mahāmune gatā bhṛgūpadeśena trispṛśā samupoṣaṇāt

O great sage, the eight sins of killing born of Bahu's arm-strength were dispelled, by Bhrigu's instruction, through the fasting of Trisprisha.

Verse 17 (padma.6.34.17)

शतायुधेन विप्रेंद्र निहतो ब्राह्मणो वने । ब्रह्महत्याविनिर्मुक्तः त्रिस्पृशा समुपोषणात्

śatāyudhena vipreṁdra nihato brāhmaṇo vane brahmahatyāvinirmuktaḥ trispṛśā samupoṣaṇāt

O best of brahmins, freed from the sin of brahmin-killing, born from a brahmin slain in the forest by Shatayudha, through the fasting of Trisprisha.

Verse 18 (padma.6.34.18)

जीवोपदेशाच्छक्रस्य हत्या नमुचिसंभवा । विनष्टा मुनिमुख्येन्द्र त्रिस्पृशा समुपोषणात्

jīvopadeśācchakrasya hatyā namucisaṁbhavā vinaṣṭā munimukhyendra trispṛśā samupoṣaṇāt

By the counsel of the sages, Indra's sin arising from the killing of Namuchi was destroyed too, O foremost of sages, through the fasting of Trisprisha.

Verse 19 (padma.6.34.19)

ब्रह्महत्यादि पापानि त्रिस्पृशासमुपोषणात् । विलयं यांति विप्रेंद्र पापेष्वन्येषु का कथा

brahmahatyādi pāpāni trispṛśāsamupoṣaṇāt vilayaṁ yāṁti vipreṁdra pāpeṣvanyeṣu kā kathā

O best of brahmins, sins such as brahmin-killing dissolve away through the fasting of Trisprisha — what then to speak of other sins?

Verse 20 (padma.6.34.20)

न प्रयागे न काश्यां तु गोमत्यां कृष्णसंनिधौ । मोक्षो भवति विप्रेंद्र त्रिस्पृशा यदि नो कृता

na prayāge na kāśyāṁ tu gomatyāṁ kṛṣṇasaṁnidhau mokṣo bhavati vipreṁdra trispṛśā yadi no kṛtā

O best of brahmins, not at Prayaga, not at Kashi, not even at Gomati in Krishna's presence, does liberation occur, if Trisprisha is not performed.

Verse 21 (padma.6.34.21)

मरणाच्च प्रयागे तु गोमत्यां कृष्णसन्निधौ । स्नानमात्रेण गोमत्यां मुक्तिर्भवति शाश्वती

maraṇācca prayāge tu gomatyāṁ kṛṣṇasannidhau snānamātreṇa gomatyāṁ muktirbhavati śāśvatī

But by death at Prayaga, at Gomati in Krishna's presence, or by mere bathing at Gomati, eternal liberation comes.

Verse 22 (padma.6.34.22)

गृहेपि जायते मुक्तिस्त्रिस्पृशा समुपोषणात् । विषये वर्त्तमानस्य कामभोगान्वितस्य च

gṛhepi jāyate muktistrispṛśā samupoṣaṇāt viṣaye varttamānasya kāmabhogānvitasya ca

Even for one engaged in sense-objects and attached to desire and enjoyment, liberation arises even at home, through the fasting of Trisprisha.

Verse 23 (padma.6.34.23)

निवृत्तविषयस्यापि मुक्तिः सांख्येन दुर्ल्लभा । तस्मात्कुरुष्व विप्रेंद्र त्रिस्पृशां मोक्षदायिनीम्

nivṛttaviṣayasyāpi muktiḥ sāṁkhyena durllabhā tasmātkuruṣva vipreṁdra trispṛśāṁ mokṣadāyinīm

Even for one withdrawn from sense-objects, liberation through Sankhya alone is hard to attain; therefore, O best of brahmins, perform Trisprisha, the giver of liberation.

Verse 24 (padma.6.34.24)

नारद उवाच ।कीदृशं तत्सुरश्रेष्ठ त्रिस्पृशाख्यं महाव्रतम् । मुक्तिदं यद् द्विजातीनां त्वया प्रोक्तं ममाधुना

nārada uvāca kīdṛśaṁ tatsuraśreṣṭha trispṛśākhyaṁ mahāvratam muktidaṁ yad dvijātīnāṁ tvayā proktaṁ mamādhunā

Narada said: What is this great vow called Trisprisha, O best of gods, which grants liberation to the twice-born, as you have now told me?

Verse 25 (padma.6.34.25)

महादेव उवाच ।जाह्नव्यै सा पुरा विप्र त्रिस्पृशा माधवेन तु । प्राची सरस्वती तीरे कथिता त्वनुकंपया

mahādeva uvāca jāhnavyai sā purā vipra trispṛśā mādhavena tu prācī sarasvatī tīre kathitā tvanukaṁpayā

Mahadeva said: O brahmin, long ago it was Madhava who, out of compassion, told this Trisprisha to Jahnavi on the eastern bank of the Sarasvati.

Verse 26 (padma.6.34.26)

जाह्नव्युवाच ।कलिकल्मष कोट्यौघैर्ब्रह्महत्यादिकैर्युताः । कलिकाले हृषीकेश स्नानं कुर्वंति मज्जले

jāhnavyuvāca kalikalmaṣa koṭyaughairbrahmahatyādikairyutāḥ kalikāle hṛṣīkeśa snānaṁ kurvaṁti majjale

Jahnavi said: O Hrishikesha, in the Kali age people, laden with accumulated masses of Kali-age sin such as brahmin-killing, bathe in my waters.

Verse 27 (padma.6.34.27)

तेषां पापशतैर्दोषैर्देहो मे कलुषी कृतः । कथं यास्यति मे देव पातकं गरुडध्वज

teṣāṁ pāpaśatairdoṣairdeho me kaluṣī kṛtaḥ kathaṁ yāsyati me deva pātakaṁ garuḍadhvaja

By the faults of their hundreds of sins, my very body has been made impure; O God, O Garuda-bannered one, how shall this taint of mine depart?

Verse 28 (padma.6.34.28)

प्राचीमाधव उवाच । कथयामि न संदेहो मा पुत्रि रोदनंकुरु । श्यामोवटस्तु मे स्थानं प्राचीदेवी ममाग्रतः

prācīmādhava uvāca kathayāmi na saṁdeho mā putri rodanaṁkuru śyāmovaṭastu me sthānaṁ prācīdevī mamāgrataḥ

Prachi-Madhava said: I shall tell you — have no doubt, do not weep, my daughter. The dark banyan tree is my place, before Prachi Devi, before me.

Verse 29 (padma.6.34.29)

वहते ब्रह्मतनया दृष्ट्वाग्रे च सुरेश्वरीम् । स्नानं कुरुष्व नित्यं त्वं त्वत्र पूता भविष्यसि

vahate brahmatanayā dṛṣṭvāgre ca sureśvarīm snānaṁ kuruṣva nityaṁ tvaṁ tvatra pūtā bhaviṣyasi

Brahma's daughter flows there; beholding that goddess of the gods before her, bathe there always — you shall become pure.

Verse 30 (padma.6.34.30)

यत्र ब्रह्मसुता प्राची तत्राहं नात्र संशयः । तीर्थकोटिशतैर्युक्तः सुरैः सह वसाम्यहम्

yatra brahmasutā prācī tatrāhaṁ nātra saṁśayaḥ tīrthakoṭiśatairyuktaḥ suraiḥ saha vasāmyaham

Where Brahma's daughter, Prachi, is, there I too am, without doubt; together with millions of tirthas and with the gods, I dwell there.

Verse 31 (padma.6.34.31)

पवित्रं मत्प्रियं स्थानं हत्याकोटिविनाशनम् । संतुष्टेन मया दत्तं यस्मात्प्राणाधिकासि मे

pavitraṁ matpriyaṁ sthānaṁ hatyākoṭivināśanam saṁtuṣṭena mayā dattaṁ yasmātprāṇādhikāsi me

That is my pure, beloved place, destroyer of ten million sins of killing; since you are dearer to me than life itself, I have given this, well pleased.

Verse 32 (padma.6.34.32)

तीर्थकोटिसहस्राणि नित्यं तिष्ठंति जाह्नवि । प्राचीसरस्वती तोये सर्वदैव ममाज्ञया

tīrthakoṭisahasrāṇi nityaṁ tiṣṭhaṁti jāhnavi prācīsarasvatī toye sarvadaiva mamājñayā

O Jahnavi, thousands of millions of tirthas ever abide in the waters of Prachi Sarasvati, always, by my very command.

Verse 33 (padma.6.34.33)

ब्रह्मवधात्सुरापानात्गोधवाद्वृषलीवधात् । ब्रह्मस्वहरणादेव मातापित्रोस्त्वपूजनात्

brahmavadhātsurāpānātgodhavādvṛṣalīvadhāt brahmasvaharaṇādeva mātāpitrostvapūjanāt

From the sin of killing a brahmin, from drinking liquor, from killing a cow, from killing a low-caste woman, from seizing a brahmin's property, from failing to honor mother and father,

Verse 34 (padma.6.34.34)

चक्रियानाद्गुरुद्रोहादभक्ष्यस्य च भक्षणात् । सर्वपापस्य करणात्प्राची ब्रह्मसुता सुते

cakriyānādgurudrohādabhakṣyasya ca bhakṣaṇāt sarvapāpasya karaṇātprācī brahmasutā sute

from theft, from betraying one's guru, from eating forbidden food — from all these sins too, my daughter, Prachi, daughter of Brahma —

Verse 35 (padma.6.34.35)

व्यपोहयति पापानि सकृत्स्नानेन मेऽग्रतः । कुरु स्नानं सरिच्छ्रेष्ठे विपापा त्वं भविष्यसि

vyapohayati pāpāni sakṛtsnānena me'grataḥ kuru snānaṁ saricchreṣṭhe vipāpā tvaṁ bhaviṣyasi

dispels these sins, with a single bath before me. Bathe, O finest of rivers, and you shall become free of sin.

Verse 36 (padma.6.34.36)

जाह्नव्युवाच ।नाहं शक्नोमि देवेश आगंतुं नित्यमेव हि । कथं नश्यंति पापानि कथयस्वेह माधव

jāhnavyuvāca nāhaṁ śaknomi deveśa āgaṁtuṁ nityameva hi kathaṁ naśyaṁti pāpāni kathayasveha mādhava

Jahnavi said: O Lord of gods, I am unable to come there every single day; O Madhava, tell me here, how may these sins be destroyed?

Verse 37 (padma.6.34.37)

प्राचीमाधव उवाच ।न शक्नोषि यदागंतुं नित्यमेव हि जाह्नवि । तदान्यत्संप्रवक्ष्यामि यस्मान्मत्पादसंभवा

prācīmādhava uvāca na śaknoṣi yadāgaṁtuṁ nityameva hi jāhnavi tadānyatsaṁpravakṣyāmi yasmānmatpādasaṁbhavā

Prachi-Madhava said: O Jahnavi, since you cannot come every single day, I shall then tell you something else, since you arose from my own feet.

Verse 38 (padma.6.34.38)

सरस्वत्यधिका या च तीर्थकोटिशताधिका । मखकोट्यधिका वापि व्रतदानाधिका च या

sarasvatyadhikā yā ca tīrthakoṭiśatādhikā makhakoṭyadhikā vāpi vratadānādhikā ca yā

That which is greater than the Sarasvati, greater than hundreds of millions of tirthas, greater than millions of sacrifices, greater than gifts and vows,

Verse 39 (padma.6.34.39)

जपहोमाधिका या च चतुर्वर्गफलप्रदा । सांख्ययोगाधिका या च त्रिस्पृशा क्रियतां शुभा

japahomādhikā yā ca caturvargaphalapradā sāṁkhyayogādhikā yā ca trispṛśā kriyatāṁ śubhā

greater than japa and homa, granting the fruit of the four aims of life, greater than Sankhya-yoga — perform that auspicious Trisprisha.

Verse 40 (padma.6.34.40)

यस्मिन्मासे समायाति सिता च यदि वासिता । कर्तव्या सा सरिच्छ्रेष्ठे कृते पापात्प्रमुच्यते

yasminmāse samāyāti sitā ca yadi vāsitā kartavyā sā saricchreṣṭhe kṛte pāpātpramucyate

In whatever month it comes, whether in the bright or dark fortnight, it should be observed, O finest of rivers; performed, one is freed from sin.

Verse 41 (padma.6.34.41)

जाह्नव्युवाच । कीदृशी त्रिस्पृशा देव ममाख्याहि सुमाधव । ईदृशो महिमा यस्यास्त्वया प्रोक्तो ममाधुना

jāhnavyuvāca kīdṛśī trispṛśā deva mamākhyāhi sumādhava īdṛśo mahimā yasyāstvayā prokto mamādhunā

Jahnavi said: What is this Trisprisha, O God, tell me, O gracious Madhava; such is its glory as you have now declared to me.

Verse 42 (padma.6.34.42)

दशम्येकादशीभद्रा दिनैकस्मिन्यदा भवेत् । त्रिस्पृशा सा भवेद्देव वान्यथा वद मे प्रभो

daśamyekādaśībhadrā dinaikasminyadā bhavet trispṛśā sā bhaveddeva vānyathā vada me prabho

If the tenth, the eleventh, and Bhadra fall on a single day, would that be Trisprisha, O God, or otherwise — tell me, O Lord.

Verse 43 (padma.6.34.43)

कृष्ण उवाच । आसुरी त्रिस्पृशा देवी या त्वया परिकीर्तिता । वर्जनीया प्रयत्नेन वृत्तिहीनो यथा पतिः

kṛṣṇa uvāca āsurī trispṛśā devī yā tvayā parikīrtitā varjanīyā prayatnena vṛttihīno yathā patiḥ

Krishna said: O Goddess, that which you have described is the 'demonic Trisprisha,' to be avoided with effort, as a husband without livelihood is avoided.

Verse 44 (padma.6.34.44)

असुराणां तु सा प्रोक्ता आयुर्बलविनाशिनी । वर्जनीया प्रयत्नेन यथा नारी रजस्वला

asurāṇāṁ tu sā proktā āyurbalavināśinī varjanīyā prayatnena yathā nārī rajasvalā

That is declared to belong to the demons, destroying life and strength; it is to be avoided with effort, as a menstruating woman is avoided.

Verse 45 (padma.6.34.45)

स्वजातिं च परित्यज्य या गताधमजातिषु । सैव त्याज्यं विशेषेण दशमीयुक्तं हि मद्दिनम्

svajātiṁ ca parityajya yā gatādhamajātiṣu saiva tyājyaṁ viśeṣeṇa daśamīyuktaṁ hi maddinam

That which abandons its own class and goes among the lower classes — that especially is to be rejected — namely my day joined with the tenth.

Verse 46 (padma.6.34.46)

यथा रजस्वलासंगाद्दूष्यंते ज्ञानवर्जिताः । तथैव दशमीयुक्तं मद्दिनं दूषितं नृणाम्

yathā rajasvalāsaṁgāddūṣyaṁte jñānavarjitāḥ tathaiva daśamīyuktaṁ maddinaṁ dūṣitaṁ nṛṇām

Just as those devoid of knowledge become defiled by contact with a menstruating woman, so too, joined with the tenth, my day becomes defiled for men.

Verse 47 (padma.6.34.47)

हत्यायुतशतं हंति त्रिस्पृशा समुपोषिता । एकादशी द्वादशी च रात्रिशेषे त्रयोदशी

hatyāyutaśataṁ haṁti trispṛśā samupoṣitā ekādaśī dvādaśī ca rātriśeṣe trayodaśī

Duly fasted Trisprisha destroys a hundred thousand sins of killing — when the eleventh, the twelfth, and, in the remaining part of the night, the thirteenth fall together —

Verse 48 (padma.6.34.48)

त्रिस्पृशा सा तु विज्ञेया दशमीसहिता न हि । कृत्वापराधं मुच्येत प्रायश्चित्ते कृते नरः

trispṛśā sā tu vijñeyā daśamīsahitā na hi kṛtvāparādhaṁ mucyeta prāyaścitte kṛte naraḥ

that should be known as the true Trisprisha, not one joined with the tenth. Having committed an offense, a man may be freed by performing atonement,

Verse 49 (padma.6.34.49)

दशमीवेधजं दोषं न क्षमामि सुरापगे । भुक्तं हालाहलं तेन विषस्य भक्षणं कृतम्

daśamīvedhajaṁ doṣaṁ na kṣamāmi surāpage bhuktaṁ hālāhalaṁ tena viṣasya bhakṣaṇaṁ kṛtam

but I do not forgive the fault born from the touching of the tenth, O river of the gods; one who eats it has, as it were, eaten deadly poison.

Verse 50 (padma.6.34.50)

दशमीमिश्रितं येन कृतमेकादशीव्रतम् । इति मत्वा न कर्त्तव्यं मद्दिनं दशमीयुतम्

daśamīmiśritaṁ yena kṛtamekādaśīvratam iti matvā na karttavyaṁ maddinaṁ daśamīyutam

Whoever performs the Ekadashi vow mixed with the tenth, thinking it thus, should not do so — my day joined with the tenth should not be observed.

Verse 51 (padma.6.34.51)

जन्मकोटिकृतंपुण्यं संतानं याति संक्षयम् । पातयेत्स्वकुलं स्वर्गान्नयते रौरवादिकम्

janmakoṭikṛtaṁpuṇyaṁ saṁtānaṁ yāti saṁkṣayam pātayetsvakulaṁ svargānnayate rauravādikam

Merit accumulated over ten million births comes to ruin, along with one's progeny; it casts down one's own lineage from heaven and leads it to Raurava and other hells.

Verse 52 (padma.6.34.52)

स्वदेहं शोधयित्वा तु कर्त्तव्यो मम वासरः । वृद्धौ त्याज्या विना वेधाच्छ्रवणादिषु संयुता

svadehaṁ śodhayitvā tu karttavyo mama vāsaraḥ vṛddhau tyājyā vinā vedhācchravaṇādiṣu saṁyutā

Having purified one's own body, my day should be observed; at the time of increase, without the touching of the Shravana and similar nakshatras, it should be avoided.

Verse 53 (padma.6.34.53)

जन्मपुण्यं क्षयं याति एकादश्युपवासिनाम् । संवृद्धौ तु विशेषेण संदेहे समुपस्थिते

janmapuṇyaṁ kṣayaṁ yāti ekādaśyupavāsinām saṁvṛddhau tu viśeṣeṇa saṁdehe samupasthite

When doubt arises, especially in a state of increase, the merit of birth is destroyed for those who fast on the eleventh.

Verse 54 (padma.6.34.54)

ममाज्ञया च कर्त्तव्या द्वादशीवल्लभा मम

mamājñayā ca karttavyā dvādaśīvallabhā mama

By my own command, the twelfth, dear to me, should then be observed.

Verse 55 (padma.6.34.55)

जाह्नव्युवाच ।करिष्येऽहं जगन्नाथ त्रिस्पृशां वचनात्तव । सर्वपापविनिर्मुक्ता भविष्यामि तवाज्ञया

jāhnavyuvāca kariṣye'haṁ jagannātha trispṛśāṁ vacanāttava sarvapāpavinirmuktā bhaviṣyāmi tavājñayā

Jahnavi said: I shall perform Trisprisha, O Lord of the world, at your word; I shall become freed from all sin, by your command.

Verse 56 (padma.6.34.56)

श्रीकृष्ण उवाच ।स्वस्थानं गच्छ भद्रं ते न भीः कार्या कदाचन । तव देवि सरिच्छ्रेष्ठे न पापं संक्रमिष्यति

śrīkṛṣṇa uvāca svasthānaṁ gaccha bhadraṁ te na bhīḥ kāryā kadācana tava devi saricchreṣṭhe na pāpaṁ saṁkramiṣyati

Sri Krishna said: Go to your own place, blessings be upon you; you need never have any fear. O Goddess, finest of rivers, sin shall never taint you again.

Verse 57 (padma.6.34.57)

स्नात्वा सरस्वतीतोये येऽर्चयित्वा च माधवम् । प्रणमंति जगन्नाथं ते यांति परमां गतिम्

snātvā sarasvatītoye ye'rcayitvā ca mādhavam praṇamaṁti jagannāthaṁ te yāṁti paramāṁ gatim

Those who, having bathed in the waters of the Sarasvati and worshipped Madhava, bow to the Lord of the world, attain the supreme goal.

Verse 58 (padma.6.34.58)

जाह्नव्युवाच । विधानं ब्रूहि मे ब्रह्मन्सर्वस्वेन करोम्यहम् । प्रसादयामि देवेशं दामोदरमनामयम्

jāhnavyuvāca vidhānaṁ brūhi me brahmansarvasvena karomyaham prasādayāmi deveśaṁ dāmodaramanāmayam

Jahnavi said: Tell me the procedure, O Lord — I shall perform it with everything I have; I shall propitiate the God of gods, the flawless Damodara.

Verse 59 (padma.6.34.59)

प्राचीमाधव उवाच । शृणु देवि प्रवक्ष्यामि त्रिस्पृशाया विधानकम् । यं श्रुत्वापि सरिच्छ्रेष्ठे मुच्यते पातकैर्नरः

prācīmādhava uvāca śṛṇu devi pravakṣyāmi trispṛśāyā vidhānakam yaṁ śrutvāpi saricchreṣṭhe mucyate pātakairnaraḥ

Prachi-Madhava said: Listen, O Goddess, I shall tell the procedure of Trisprisha, hearing which alone, O finest of rivers, a man is freed from his sins.

Verse 60 (padma.6.34.60)

पलेन च पलार्धेन तदर्द्धेनापि वापगे । प्रतिमा मम सौवर्णा कार्या विभवसारतः

palena ca palārdhena tadarddhenāpi vāpage pratimā mama sauvarṇā kāryā vibhavasārataḥ

With a pala's weight, or half a pala, or even half of that, O river, a golden image of me should be made, according to one's means.

Verse 61 (padma.6.34.61)

पात्रं ताम्रमयं कार्यं तिलैस्तु परिपूरितम् । सजलं तु घटं शुभ्रं पंचरत्नसमन्वितम्

pātraṁ tāmramayaṁ kāryaṁ tilaistu paripūritam sajalaṁ tu ghaṭaṁ śubhraṁ paṁcaratnasamanvitam

A copper vessel should be made, filled with sesame seeds; a bright water-filled pot, endowed with the five gems,

Verse 62 (padma.6.34.62)

वेष्टितं पुष्पमालाभिः कर्पूरागुरुवासितम् । न्यसेद्दामोदरं पश्चात्स्नापयित्वा विलिप्य च

veṣṭitaṁ puṣpamālābhiḥ karpūrāguruvāsitam nyaseddāmodaraṁ paścātsnāpayitvā vilipya ca

wrapped with garlands of flowers, perfumed with camphor and aloe-wood — Damodara should then be placed there, having been bathed and anointed.

Verse 63 (padma.6.34.63)

परिधानं ततः कार्यं वस्त्रयुग्मेन चान्वितम् । मंत्रैस्तु पूजनं कार्यं पुराणैः समुदीरितैः । पुष्पैः कालोद्भवैः शुभ्रैस्तुलसीपत्रैश्च कोमलैः

paridhānaṁ tataḥ kāryaṁ vastrayugmena cānvitam maṁtraistu pūjanaṁ kāryaṁ purāṇaiḥ samudīritaiḥ puṣpaiḥ kālodbhavaiḥ śubhraistulasīpatraiśca komalaiḥ

Then clothing should be arranged, with a pair of garments; worship should be performed with mantras declared in the Puranas, with pure seasonal flowers and soft Tulsi leaves.

Verse 64 (padma.6.34.64)

छत्रं तु विष्णवे दद्यात्पादुकाभ्यां सुसंयुतम् । निवेद्यानि मनोज्ञानि फलानि सुबहून्यपि

chatraṁ tu viṣṇave dadyātpādukābhyāṁ susaṁyutam nivedyāni manojñāni phalāni subahūnyapi

A parasol should be given to Vishnu, together with sandals; delightful food-offerings, and abundant fruits as well.

Verse 65 (padma.6.34.65)

उपवीतं तु दातव्यं सोत्तरीयं नवं दृढम् । वैणवं दापयेद्दंडं सुरूपं सोन्नतं दृढम्

upavītaṁ tu dātavyaṁ sottarīyaṁ navaṁ dṛḍham vaiṇavaṁ dāpayeddaṁḍaṁ surūpaṁ sonnataṁ dṛḍham

A sacred thread should be given, together with a new, strong upper garment; a well-formed, tall, and firm bamboo staff should be given.

Verse 66 (padma.6.34.66)

दामोदराय वै पादौ जानुनी माधवाय च । गुह्यं कामप्रदायेति कटिं वामनमूर्तये

dāmodarāya vai pādau jānunī mādhavāya ca guhyaṁ kāmapradāyeti kaṭiṁ vāmanamūrtaye

To Damodara, the feet; to Madhava, the two knees; to the giver of desires, the private parts; to the Vamana-form, the waist;

Verse 67 (padma.6.34.67)

पद्मनाभाय नाभिं तु जठरं विश्वयोनये । हृदयं ज्ञानगम्याय कंठं वैकुंठगामिने

padmanābhāya nābhiṁ tu jaṭharaṁ viśvayonaye hṛdayaṁ jñānagamyāya kaṁṭhaṁ vaikuṁṭhagāmine

to Padmanabha, the navel; to the source of the universe, the belly; to the one attainable through knowledge, the heart; to the one who goes to Vaikuntha, the throat;

Verse 68 (padma.6.34.68)

सहस्रबाहवे बाहू चक्षुषी योगरूपिणे । संपूज्य विधिवद्भक्त्या दद्यादर्घं विधानतः

sahasrabāhave bāhū cakṣuṣī yogarūpiṇe saṁpūjya vidhivadbhaktyā dadyādarghaṁ vidhānataḥ

to the thousand-armed one, the arms; to the one of yoga-form, the eyes — having thus worshipped duly with devotion, one should offer the oblation according to rite,

Verse 69 (padma.6.34.69)

शुभ्रेण नालिकेरेण शंखोपरि स्थितेन हि । सूत्रैरावेष्टितेनैव हस्तयोरुभयोरपि

śubhreṇa nālikereṇa śaṁkhopari sthitena hi sūtrairāveṣṭitenaiva hastayorubhayorapi

with a bright coconut, placed upon a conch, wound about with thread, held in both hands —

Verse 70 (padma.6.34.70)

स्मृतो हरसि पापानि यदि नित्यं जनार्दन । दुःस्वप्नं दुर्निमित्तानि मनसा दुर्विचिन्विता

smṛto harasi pāpāni yadi nityaṁ janārdana duḥsvapnaṁ durnimittāni manasā durvicinvitā

'If, O Janardana, by mere remembrance of you my sins are ever taken away, whatever bad dreams, ill omens, and evil thoughts of mind,

Verse 71 (padma.6.34.71)

नारकं तु भयं देव भयदुर्गतिसंभवम् । यन्मम स्यान्महादेव ऐहिकं पारलौकिकम्

nārakaṁ tu bhayaṁ deva bhayadurgatisaṁbhavam yanmama syānmahādeva aihikaṁ pāralaukikam

'whatever terror of hell, whatever fear born of misfortune, O Mahadeva, whatever there may be for me, in this world and the next,

Verse 72 (padma.6.34.72)

तेन देवेश मां रक्ष गृहाणार्घं नमोस्तु ते । कृपादृष्टिः सदैवास्तु दामोदर ममोपरि

tena deveśa māṁ rakṣa gṛhāṇārghaṁ namostu te kṛpādṛṣṭiḥ sadaivāstu dāmodara mamopari

'from that, O Lord of gods, protect me — accept this oblation, salutation to you. O Damodara, may your compassionate gaze ever rest upon me.'

Verse 73 (padma.6.34.73)

धूपं दीपं च नैवेद्यं कुर्यान्नीराजनं ततः । शीर्षोपरि सरिच्छ्रेष्ठे भ्रामयेद्वारिजं हरेः

dhūpaṁ dīpaṁ ca naivedyaṁ kuryānnīrājanaṁ tataḥ śīrṣopari saricchreṣṭhe bhrāmayedvārijaṁ hareḥ

Incense, a lamp, and food-offerings should be made, and then the waving of lights; O finest of rivers, Hari's conch should be waved above the head.

Verse 74 (padma.6.34.74)

कृत्वा विधानमेतद्धि पूजयेत्स्वगुरुं ततः । दद्यात्सुवर्णं वस्त्राणि सोष्णीषं चैव कंचुकम्

kṛtvā vidhānametaddhi pūjayetsvaguruṁ tataḥ dadyātsuvarṇaṁ vastrāṇi soṣṇīṣaṁ caiva kaṁcukam

Having performed this procedure, one should then worship one's own guru; one should give gold, garments, a turban, and a bodice,

Verse 75 (padma.6.34.75)

उपानहोऽपि छत्रं च मुद्रिकां च कमंडलुम् । भोजनं चैव तांबूलं सप्तधान्यं च दक्षिणाम्

upānaho'pi chatraṁ ca mudrikāṁ ca kamaṁḍalum bhojanaṁ caiva tāṁbūlaṁ saptadhānyaṁ ca dakṣiṇām

sandals too, a parasol, a ring, and a water-pot; food, betel, the seven grains, and a fee.

Verse 76 (padma.6.34.76)

गुरुं संपूज्य देवेशं कुर्याज्जागरणं हरेः । गीतनृत्यसमायुक्तं तथा शास्त्रसमन्वितम्

guruṁ saṁpūjya deveśaṁ kuryājjāgaraṇaṁ hareḥ gītanṛtyasamāyuktaṁ tathā śāstrasamanvitam

Having worshipped the guru and the God of gods, one should perform a night-vigil for Hari, joined with song and dance, and accompanied by scriptural recitation.

Verse 77 (padma.6.34.77)

निशांते चैव देवाय दत्वा चार्घं विधानतः । स्नानादिकां क्रियां कृत्वा भुंजीयाद्वाडवैः सह

niśāṁte caiva devāya datvā cārghaṁ vidhānataḥ snānādikāṁ kriyāṁ kṛtvā bhuṁjīyādvāḍavaiḥ saha

At the end of night, having given the oblation to the god according to rite, having performed the rites of bathing and the rest, one should eat together with the twice-born.

Verse 78 (padma.6.34.78)

शिव उवाच ।द्विजैतत्त्रिस्पृशाख्यानमद्भुतं रोमहर्षणम् । श्रुत्वा तु लभते पुण्यं गंगां स्नानसमुद्भवम्

śiva uvāca dvijaitattrispṛśākhyānamadbhutaṁ romaharṣaṇam śrutvā tu labhate puṇyaṁ gaṁgāṁ snānasamudbhavam

Shiva said: O twice-born, hearing this wondrous, hair-raising account of Trisprisha, one obtains the merit born of bathing in the Ganga.

Verse 79 (padma.6.34.79)

अश्वमेधसहस्राणि वाजपेयशतानि च । तत्फलं समवाप्नोति त्रिस्पृशा समुपोषणात्

aśvamedhasahasrāṇi vājapeyaśatāni ca tatphalaṁ samavāpnoti trispṛśā samupoṣaṇāt

Whatever fruit is declared for a thousand horse-sacrifices, and a hundred Vajapeya sacrifices — that fruit is obtained through the fasting of Trisprisha.

Verse 80 (padma.6.34.80)

पितृपक्षो मातृपक्षस्तथा चैवात्मपक्षकः । तैः सर्वैः सह संमुक्तो विष्णुलोके महीयते

pitṛpakṣo mātṛpakṣastathā caivātmapakṣakaḥ taiḥ sarvaiḥ saha saṁmukto viṣṇuloke mahīyate

One's paternal line, maternal line, and one's own line — freed together with all of these, one is honored in the world of Vishnu.

Verse 81 (padma.6.34.81)

तीर्थकोटिषु यत्पुण्यं क्षेत्रकोटिषु यत्फलम् । तत्फलं समवाप्नोति त्रिस्पृशा समुपोषणात्

tīrthakoṭiṣu yatpuṇyaṁ kṣetrakoṭiṣu yatphalam tatphalaṁ samavāpnoti trispṛśā samupoṣaṇāt

Whatever merit exists in millions of tirthas, whatever fruit exists in millions of sacred fields — that fruit is obtained through the fasting of Trisprisha.

Verse 82 (padma.6.34.82)

ब्राह्मणा येऽपि कुर्वंति क्षत्रियाः कृष्णमानसाः । वैश्या वा शूद्रजन्मानो ये तथा चान्यजातयः

brāhmaṇā ye'pi kurvaṁti kṣatriyāḥ kṛṣṇamānasāḥ vaiśyā vā śūdrajanmāno ye tathā cānyajātayaḥ

Whatever brahmins, Krishna-devoted kshatriyas, vaishyas, those born as shudras, or other castes as well, perform it,

Verse 83 (padma.6.34.83)

ते सर्वे मुक्तिमायांति भुवं त्यक्त्वा द्विजोत्तम । मंत्राणां मंत्रराजोऽथ यथा स्याद्द्वादशाक्षरः

te sarve muktimāyāṁti bhuvaṁ tyaktvā dvijottama maṁtrāṇāṁ maṁtrarājo'tha yathā syāddvādaśākṣaraḥ

O best of the twice-born, all of them, leaving this earth, attain liberation. As the twelve-syllabled mantra is the king of mantras,

Verse 84 (padma.6.34.84)

व्रतानां च यथा चैषा येन वै त्रिस्पृशा कृता । ब्रह्मणा च कृता पूर्वं पश्चाद्राजर्षिभिः कृता

vratānāṁ ca yathā caiṣā yena vai trispṛśā kṛtā brahmaṇā ca kṛtā pūrvaṁ paścādrājarṣibhiḥ kṛtā

so too is Trisprisha the king among vows, by whomever performed; it was performed by Brahma first, and afterward by royal sages.

Verse 85 (padma.6.34.85)

अन्येषां का कथा वत्स त्रिस्पृशा मुक्तिदायिनी । अनेन विधिना ब्रह्मंस्त्रिस्पृशासंभवं व्रतम्

anyeṣāṁ kā kathā vatsa trispṛśā muktidāyinī anena vidhinā brahmaṁstrispṛśāsaṁbhavaṁ vratam

My child, what then to say of others — Trisprisha is the giver of liberation. By this very procedure, O brahmin, the vow arising from Trisprisha —

Verse 86 (padma.6.34.86)

यः करोति नरो भक्त्या शृणु वक्ष्यामि तत्फलम् । गंगावगाहने ब्रह्मन्वाराणस्यां तु यत्फलम्

yaḥ karoti naro bhaktyā śṛṇu vakṣyāmi tatphalam gaṁgāvagāhane brahmanvārāṇasyāṁ tu yatphalam

whoever performs it with devotion, listen, I shall tell you its fruit. O brahmin, whatever fruit exists from bathing in the Ganga at Varanasi,

Verse 87 (padma.6.34.87)

मन्वंतरसहस्रैस्तु त्रिस्पृशाकारको हि तत् । प्राची च यमुना स्नाने वर्षैर्यत्कोटिभिः फलम्

manvaṁtarasahasraistu trispṛśākārako hi tat prācī ca yamunā snāne varṣairyatkoṭibhiḥ phalam

that is obtained by the performer of Trisprisha over a thousand manvantaras. And whatever fruit exists from bathing at the Prachi and Yamuna over millions of years,

Verse 88 (padma.6.34.88)

तत्फलं समवाप्नोति त्रिस्पृशाव्रतकृन्नरः । तत्फलं तु कुरुक्षेत्रे सूर्यग्रहणकोटिभिः

tatphalaṁ samavāpnoti trispṛśāvratakṛnnaraḥ tatphalaṁ tu kurukṣetre sūryagrahaṇakoṭibhiḥ

that fruit is obtained by a man who performs the Trisprisha vow. Whatever fruit exists at Kurukshetra during millions of solar eclipses,

Verse 89 (padma.6.34.89)

हेमभारशतैर्दानैस्त्रिस्पृशाकरणेन तत् । पापकोटिसहस्राणि हत्याकोटिशतानि च

hemabhāraśatairdānaistrispṛśākaraṇena tat pāpakoṭisahasrāṇi hatyākoṭiśatāni ca

and from gifts of hundreds of loads of gold — that is obtained through the performance of Trisprisha. Thousands of millions of sins, and hundreds of millions of sins of killing,

Verse 90 (padma.6.34.90)

एकेनैवोपवासेन क्रियते भस्मसाद्द्रुतम् । त्रिस्पृशाया व्रतं यत्तु अगतीनां गतिप्रदम्

ekenaivopavāsena kriyate bhasmasāddrutam trispṛśāyā vrataṁ yattu agatīnāṁ gatipradam

are swiftly reduced to ashes by a single fast of this kind. This vow of Trisprisha grants a path even to the pathless.

Verse 91 (padma.6.34.91)

गतिमिच्छंति विप्रर्षे महत्पापशतानि च । स्वयं कृष्णेन कथितं पाराशर्यस्य चाग्रतः

gatimicchaṁti viprarṣe mahatpāpaśatāni ca svayaṁ kṛṣṇena kathitaṁ pārāśaryasya cāgrataḥ

O sage among brahmins, even hundreds of great sins seek this same path; it was told by Krishna himself, before Parashara's son.

Verse 92 (padma.6.34.92)

प्रकाशयति यश्चेदं लिखित्वा वैष्णवं द्विजे । पापोघैर्ग्रथितस्यापि तस्य मुक्तिर्भविष्यति

prakāśayati yaścedaṁ likhitvā vaiṣṇavaṁ dvije pāpoghairgrathitasyāpi tasya muktirbhaviṣyati

Whoever proclaims this, having written it down as Vaishnava teaching, for a brahmin — even one bound by masses of sin shall attain liberation.

Verse 93 (padma.6.34.93)

पुण्यैरवाप्यते विद्वन्मन्वंतरशतैरपि । त्रिस्पृशा दुर्लभा लोके प्राप्यते नैव मानवैः

puṇyairavāpyate vidvanmanvaṁtaraśatairapi trispṛśā durlabhā loke prāpyate naiva mānavaiḥ

O learned one, it is obtained through merit accumulated over hundreds of manvantaras; Trisprisha is rare in the world, hardly attained by men.

Verse 94 (padma.6.34.94)

कलौ ये त्रिस्पृशां लब्ध्वा न कुर्वंति नराधमाः । तेषां जन्मफलं चैव जीवितं विफलं भवेत्

kalau ye trispṛśāṁ labdhvā na kurvaṁti narādhamāḥ teṣāṁ janmaphalaṁ caiva jīvitaṁ viphalaṁ bhavet

Those base men in the Kali age who, having obtained Trisprisha, do not perform it — for them, both the fruit of their birth and their whole life become fruitless.

Verse 95 (padma.6.34.95)

प्रेतत्वं तैः समुत्तीर्णं विना श्राद्धैर्विना सुतैः । कृता यैस्त्रिस्पृशा विद्वन्सकृत्प्राप्य कलौ युगे

pretatvaṁ taiḥ samuttīrṇaṁ vinā śrāddhairvinā sutaiḥ kṛtā yaistrispṛśā vidvansakṛtprāpya kalau yuge

O learned one, those who have performed Trisprisha, having obtained it even once in the Kali age, pass beyond even the state of a hungry ghost, without shraddha-rites and without sons.