The Unmilani Vow

Verse 1 (padma.6.35.1)

महादेव उवाच ।अतस्त्वां संप्रवक्ष्यामि उन्मीलनीमनुत्तमाम् । यस्याः श्रवणमात्रेण जन्मसंसारबंधनात्

mahādeva uvāca atastvāṁ saṁpravakṣyāmi unmīlanīmanuttamām yasyāḥ śravaṇamātreṇa janmasaṁsārabaṁdhanāt

Mahadeva said: Now I shall tell you the unsurpassed Unmilani, by the mere hearing of which one is freed from the bondage of birth in this world,

Verse 2 (padma.6.35.2)

पापात्मा मुच्यते पापैः स्वर्गलोके महीयते । देवताः पितरश्चैव तस्या गतिमवाप्नुयुः

pāpātmā mucyate pāpaiḥ svargaloke mahīyate devatāḥ pitaraścaiva tasyā gatimavāpnuyuḥ

a sinful soul is freed from sins and is honored in the world of heaven; the gods and ancestors too attain its very destination.

Verse 3 (padma.6.35.3)

विद्यार्थी लभते विद्यां सर्वकामानवाप्नुयात् । तस्या व्रतान्न संदेहः स्वर्गलोके महीयते

vidyārthī labhate vidyāṁ sarvakāmānavāpnuyāt tasyā vratānna saṁdehaḥ svargaloke mahīyate

A seeker of knowledge obtains knowledge, and obtains every desire; through its vow, without doubt, one is honored in the world of heaven.

Verse 4 (padma.6.35.4)

स्वस्थानं तत्र वै प्राप्तः शिवलोके महीयते । अतस्त्वं कुरुषे राजन्वैष्णवानां तु पूजनम्

svasthānaṁ tatra vai prāptaḥ śivaloke mahīyate atastvaṁ kuruṣe rājanvaiṣṇavānāṁ tu pūjanam

Having attained one's own place there, one is honored in the world of Shiva too. Therefore, O king, you perform worship of the Vaishnavas,

Verse 5 (padma.6.35.5)

वैष्णवानां तु ये राजन्सेवा कुर्वंति नित्यशः । तेषां दंडं च कुरुषे नो वा तेषां नराधिपः

vaiṣṇavānāṁ tu ye rājansevā kurvaṁti nityaśaḥ teṣāṁ daṁḍaṁ ca kuruṣe no vā teṣāṁ narādhipaḥ

O king, those who constantly serve the Vaishnavas — do you punish them, or not, O lord of men?

Verse 6 (padma.6.35.6)

भोजनानंतरं तेषां भोजनं कुरुते नृप । तैरेव पूजितो विष्णुर्यैर्भक्त्या तु प्रपूजितः

bhojanānaṁtaraṁ teṣāṁ bhojanaṁ kurute nṛpa taireva pūjito viṣṇuryairbhaktyā tu prapūjitaḥ

O king, after their meal, you take your own meal; Vishnu himself is worshipped by those who have worshipped him with devotion.

Verse 7 (padma.6.35.7)

शालग्रामशिलाभूतां दत्त्वा मूर्द्धनि प्रत्यहम् । त्वं धारयसि भूपाल कंठे नित्यं सुभक्तितः

śālagrāmaśilābhūtāṁ dattvā mūrddhani pratyaham tvaṁ dhārayasi bhūpāla kaṁṭhe nityaṁ subhaktitaḥ

Having placed a Shaligrama stone upon your head each day, O king of the earth, you wear it always around your neck, with true devotion.

Verse 8 (padma.6.35.8)

धूपशेषं तु वै विष्णोर्भक्त्या भजसि भूपते । आरार्तिकं सदा कृत्वा भक्तानां वेदयेर्नृप

dhūpaśeṣaṁ tu vai viṣṇorbhaktyā bhajasi bhūpate ārārtikaṁ sadā kṛtvā bhaktānāṁ vedayernṛpa

O lord of the earth, you partake, with devotion, of the remainder of Vishnu's incense; having always performed the waving of lights, O king, you give it to your devotees.

Verse 9 (padma.6.35.9)

शंखोदकं हरेर्मूर्ध्नि भ्रामयित्वा तु भक्तितः । नित्यं बिभर्षि शिरसि शेषं यच्छसि वैष्णवान्

śaṁkhodakaṁ harermūrdhni bhrāmayitvā tu bhaktitaḥ nityaṁ bibharṣi śirasi śeṣaṁ yacchasi vaiṣṇavān

Having circled conch-water above Hari's head with devotion, you always bear it upon your own head, and give the remainder to the Vaishnavas.

Verse 10 (padma.6.35.10)

नैवेद्यं प्रत्यहं कृत्वा सर्वोपस्करसंयुतम् । विष्वक्सेनाय दत्वा वै स्वयं भुनक्षि वाडव

naivedyaṁ pratyahaṁ kṛtvā sarvopaskarasaṁyutam viṣvaksenāya datvā vai svayaṁ bhunakṣi vāḍava

Having made a food-offering daily, complete with every accompaniment, and given it to Vishvaksena, you yourself, O brahmin, partake of it.

Verse 11 (padma.6.35.11)

विष्णोर्निवेदितं चान्नं वैष्णवैः सह भुज्यते । नित्यं नामसहस्रेण भक्त्या स्तौषि जनार्दनम्

viṣṇorniveditaṁ cānnaṁ vaiṣṇavaiḥ saha bhujyate nityaṁ nāmasahasreṇa bhaktyā stauṣi janārdanam

The food offered to Vishnu is eaten together with the Vaishnavas; you daily praise Janardana with devotion, through his thousand names.

Verse 12 (padma.6.35.12)

दीपार्घदानं वै विष्णोः कुरुषे गीतनर्तनम् । श्यामांकुरैः पूजयसे पूज्यंते नृपसत्तम

dīpārghadānaṁ vai viṣṇoḥ kuruṣe gītanartanam śyāmāṁkuraiḥ pūjayase pūjyaṁte nṛpasattama

You perform the offering of lamps and oblations to Vishnu, and arrange song and dance; O best of kings, you worship with dark sprouts, and are worshipped in turn.

Verse 13 (padma.6.35.13)

श्यामांकुरैः सदा वत्स पूजनं चाति दुर्ल्लभम् । पृथ्वीदानसमं पुण्यं दूर्वया पूजने कृते

śyāmāṁkuraiḥ sadā vatsa pūjanaṁ cāti durllabham pṛthvīdānasamaṁ puṇyaṁ dūrvayā pūjane kṛte

My son, worship with dark sprouts is always exceedingly rare; the merit of worshipping with durva grass equals the gift of the whole earth.

Verse 14 (padma.6.35.14)

अतो वै नास्ति लोकेऽस्मिन्दूर्वायाः सदृशं भुवि । तया वै पूजनं कार्यं विष्णुसायुज्यमिच्छता

ato vai nāsti loke'smindūrvāyāḥ sadṛśaṁ bhuvi tayā vai pūjanaṁ kāryaṁ viṣṇusāyujyamicchatā

Therefore there is nothing in this world equal to durva grass upon this earth; worship with it should be performed by one who desires union with Vishnu.

Verse 15 (padma.6.35.15)

अतस्त्वं कुरुषे नित्यं पूजनं दूर्वया सह । यवाक्षतैर्विशेषेण पूजनं कुरुषेन वा

atastvaṁ kuruṣe nityaṁ pūjanaṁ dūrvayā saha yavākṣatairviśeṣeṇa pūjanaṁ kuruṣena vā

Therefore you always perform worship together with durva grass; you also perform worship especially with barley and unbroken rice.

Verse 16 (padma.6.35.16)

पक्षेपक्षे नृपश्रेष्ठ विधिवद्द्वादशीव्रतम् । यत्कृतं तु महाराज महापापप्रणाशनम्

pakṣepakṣe nṛpaśreṣṭha vidhivaddvādaśīvratam yatkṛtaṁ tu mahārāja mahāpāpapraṇāśanam

O best of kings, fortnight after fortnight, the duly performed Dvadashi vow, great king, destroys great sin,

Verse 17 (padma.6.35.17)

मोक्षदं सुखदं चैव तथायुष्यप्रदं सदा । एतद्विष्णुव्रतं प्रोक्तं वैष्णवानां तु मोक्षदम्

mokṣadaṁ sukhadaṁ caiva tathāyuṣyapradaṁ sadā etadviṣṇuvrataṁ proktaṁ vaiṣṇavānāṁ tu mokṣadam

it grants liberation and happiness, and ever grants long life; this Vishnu-vow is declared to be the giver of liberation for the Vaishnavas.

Verse 18 (padma.6.35.18)

गृहस्थानां तु सुखदं यतीनां मुक्तिदायकम् । सर्वरोगादिशमनं पवित्रं कायशोधनम्

gṛhasthānāṁ tu sukhadaṁ yatīnāṁ muktidāyakam sarvarogādiśamanaṁ pavitraṁ kāyaśodhanam

For householders it brings happiness, for ascetics it grants liberation; it calms all diseases, and purifies the body, pure as it is.

Verse 19 (padma.6.35.19)

व्रतमेतच्च कुरुषे नो वा चैव नराधिप । दशमीवेधरहितं कुरुषे जागरान्वितम्

vratametacca kuruṣe no vā caiva narādhipa daśamīvedharahitaṁ kuruṣe jāgarānvitam

O lord of men, whether you perform this vow or not, you do it free of overlap with the tenth, together with a night-vigil.

Verse 20 (padma.6.35.20)

तुलसीपत्रनिकरैर्नित्यं पूजयसे हरिम् । गोपीचंदनजं पत्रं भाले वा नृपसत्तम

tulasīpatranikarairnityaṁ pūjayase harim gopīcaṁdanajaṁ patraṁ bhāle vā nṛpasattama

You daily worship Hari with masses of Tulsi leaves; O best of kings, the mark made from Gopichandana upon the forehead,

Verse 21 (padma.6.35.21)

धारितं सर्वलोकानां पवित्रीकरणं नृप । अतस्त्वं च धारयसे गोपीचंदनसंभवम्

dhāritaṁ sarvalokānāṁ pavitrīkaraṇaṁ nṛpa atastvaṁ ca dhārayase gopīcaṁdanasaṁbhavam

worn, O king, is the purifier of all worlds. Therefore you too bear a mark made from Gopichandana.

Verse 22 (padma.6.35.22)

ब्रह्महा हेमहारी च मद्यपानी तथैव च । अगम्यगो महापापी तथा ह्यनृतभाषितः

brahmahā hemahārī ca madyapānī tathaiva ca agamyago mahāpāpī tathā hyanṛtabhāṣitaḥ

The killer of a brahmin, the stealer of gold, the drinker of liquor, likewise one who goes where he should not, the great sinner, and the speaker of falsehood —

Verse 23 (padma.6.35.23)

ते सर्वे मुक्तिमायांति तिलकं धारणादृताः । बिभर्षि कंठे नित्यं त्वं धात्रीफलसमुद्भवाम्

te sarve muktimāyāṁti tilakaṁ dhāraṇādṛtāḥ bibharṣi kaṁṭhe nityaṁ tvaṁ dhātrīphalasamudbhavām

all of these attain liberation, honored by wearing the tilaka. You constantly bear a garland made from amalaka fruit around your neck,

Verse 24 (padma.6.35.24)

मालां मुख्यायुतसमां तुलसीपत्रसंभवाम् । शालग्रामशिलायुक्तां द्वारकायां समुद्भवाम्

mālāṁ mukhyāyutasamāṁ tulasīpatrasaṁbhavām śālagrāmaśilāyuktāṁ dvārakāyāṁ samudbhavām

equal to ten thousand chief garlands, made of Tulsi leaves, joined with a Shaligrama stone, made at Dvaraka —

Verse 25 (padma.6.35.25)

नित्यं पूजयसे भूप भुक्तिमुक्तिफलप्रदाम् । पद्मसंज्ञं पुराणं वै पठसे पुरतो हरेः

nityaṁ pūjayase bhūpa bhuktimuktiphalapradām padmasaṁjñaṁ purāṇaṁ vai paṭhase purato hareḥ

you constantly worship this, O king, giver of the fruit of enjoyment and liberation; you recite the Purana named Padma before Hari,

Verse 26 (padma.6.35.26)

चरितं दैत्यराज्यस्य प्रह्लादस्य च भूपते । वासरं वासुदेवस्य सवेधं कुर्वतो नरान्

caritaṁ daityarājyasya prahlādasya ca bhūpate vāsaraṁ vāsudevasya savedhaṁ kurvato narān

O king, the deeds of the demon-king Prahlada; and those people who cause Vasudeva's day to overlap with the tenth,

Verse 27 (padma.6.35.27)

निवारयसि भूपाल शास्त्रं दृष्ट्वा प्रयत्नतः । सवेधं वासरं विष्णोर्यस्मिन्राष्ट्रे प्रवर्तते

nivārayasi bhūpāla śāstraṁ dṛṣṭvā prayatnataḥ savedhaṁ vāsaraṁ viṣṇoryasminrāṣṭre pravartate

O king of the earth, having examined scripture, you diligently prevent them; in whatever kingdom Vishnu's day is allowed to occur with such overlap,

Verse 28 (padma.6.35.28)

लिप्यते तेन पापेन राजा भवति नारकी । वेधं चतुर्विधं त्यक्त्वा समुपोष्य हरेर्दिनम् । कुलकोटिं समुद्धृत्य विष्णुलोके महीयते

lipyate tena pāpena rājā bhavati nārakī vedhaṁ caturvidhaṁ tyaktvā samupoṣya harerdinam kulakoṭiṁ samuddhṛtya viṣṇuloke mahīyate

the king is tainted by that sin and becomes a denizen of hell. Avoiding the fourfold overlap, having duly fasted on Hari's day, saving millions of one's lineage, one is honored in the world of Vishnu.

Verse 29 (padma.6.35.29)

गौतम उवाच ।शृणु भूपाल वक्ष्यामि वैष्णवाख्यं महाव्रतम् । यं श्रुत्वा पापिनः सर्वे मुक्तिमायांति तत्क्षणात्

gautama uvāca śṛṇu bhūpāla vakṣyāmi vaiṣṇavākhyaṁ mahāvratam yaṁ śrutvā pāpinaḥ sarve muktimāyāṁti tatkṣaṇāt

Gautama said: Listen, O king, I shall tell the great vow called Vaishnava, hearing which all sinners attain liberation instantly.

Verse 30 (padma.6.35.30)

द्वादशीसंभवं पुण्यं मया ख्यातं न कस्यचित्

dvādaśīsaṁbhavaṁ puṇyaṁ mayā khyātaṁ na kasyacit

This merit arising from the Dvadashi has never been declared by me to anyone.

Verse 31 (padma.6.35.31)

वैष्णवोऽसि महाराज भक्तो भागवते नृणाम् । वैष्णवं तु महागुह्यं तद्व्रतं त्वं निशामय

vaiṣṇavo'si mahārāja bhakto bhāgavate nṛṇām vaiṣṇavaṁ tu mahāguhyaṁ tadvrataṁ tvaṁ niśāmaya

Great king, you are a Vaishnava, a devotee of the Bhagavata among men; hear this great secret Vaishnava vow.

Verse 32 (padma.6.35.32)

उन्मीलनी नाम पुरा भक्त्या मे माधवेन तु । कथिता सुप्रसन्नेन तां ते भूप वदाम्यहम्

unmīlanī nāma purā bhaktyā me mādhavena tu kathitā suprasannena tāṁ te bhūpa vadāmyaham

Long ago this Unmilani was told to me, with devotion, by well-pleased Madhava — that, O king, I now tell you.

Verse 33 (padma.6.35.33)

एकादशी अहोरात्रं प्रभाते घटिका भवेत् । उन्मीलनी तु सा ज्ञेया विशेषेण हरिप्रिया

ekādaśī ahorātraṁ prabhāte ghaṭikā bhavet unmīlanī tu sā jñeyā viśeṣeṇa haripriyā

When the Ekadashi lasts a day and night, and in the morning a ghatika of the twelfth remains, that should be known as Unmilani, especially dear to Hari.

Verse 34 (padma.6.35.34)

त्रैलोक्ये यानि तीर्थानि पुण्यान्यायतनानि च । कोट्यंशे नैव तुल्यानि मखा वेदास्तपांसि च

trailokye yāni tīrthāni puṇyānyāyatanāni ca koṭyaṁśe naiva tulyāni makhā vedāstapāṁsi ca

Whatever meritorious tirthas and temples exist in the three worlds, sacrifices, Vedas, and austerities —

Verse 35 (padma.6.35.35)

उन्मीलनी समं किंचिन्न भूतं न भविष्यति । प्रयागो न कुरुक्षेत्रं न काशी न च पुष्करः

unmīlanī samaṁ kiṁcinna bhūtaṁ na bhaviṣyati prayāgo na kurukṣetraṁ na kāśī na ca puṣkaraḥ

none of them is equal even to a ten-millionth part of Unmilani; there has never been, nor shall ever be, anything equal to Unmilani. Not Prayaga, not Kurukshetra, not Kashi, not Pushkara,

Verse 36 (padma.6.35.36)

शैलो हिमाचलो नैव न मेरुर्गंधमादनः । शैलो न नीलनिषधो न विंध्यो नैव नैमिषम्

śailo himācalo naiva na merurgaṁdhamādanaḥ śailo na nīlaniṣadho na viṁdhyo naiva naimiṣam

not the mountain Himachal, not Meru, not Gandhamadana, not the mountain Nilanishadha, not Vindhya, not Naimisha,

Verse 37 (padma.6.35.37)

गोदावरी न कावेरी चंद्रभागा न वेदिका । न तापी न पयोष्णी च न क्षिप्रा नैव चंदना

godāvarī na kāverī caṁdrabhāgā na vedikā na tāpī na payoṣṇī ca na kṣiprā naiva caṁdanā

not the Godavari, not the Kaveri, not the Chandrabhaga, not the Vedika, not the Tapi, not the Payoshni, not the Kshipra, not the Chandana,

Verse 38 (padma.6.35.38)

चर्मण्वती च सरयूश्चंद्रभागा न गंडिका । गोमती च विपाशा च शोणाख्यश्च महानदः

carmaṇvatī ca sarayūścaṁdrabhāgā na gaṁḍikā gomatī ca vipāśā ca śoṇākhyaśca mahānadaḥ

not the Charmanvati, not the Sarayu, not the Chandrabhaga, not the Gandaki, not the Gomati, not the Vipasha, and not the great river named Shona —

Verse 39 (padma.6.35.39)

किमत्र बहुनोक्तेन भूयोभूयो नराधिप । उन्मीलनीसमं किंचिन्न देवः केशवात्परः

kimatra bahunoktena bhūyobhūyo narādhipa unmīlanīsamaṁ kiṁcinna devaḥ keśavātparaḥ

O lord of men, what need is there to say more, again and again? Nothing equals Unmilani; there is no god higher than Keshava.

Verse 40 (padma.6.35.40)

उन्मीलनीमनु प्राप्य यैः कृतं केशवार्चनम् । पापचक्रसमूहस्य राशयः पतिताः क्षणात्

unmīlanīmanu prāpya yaiḥ kṛtaṁ keśavārcanam pāpacakrasamūhasya rāśayaḥ patitāḥ kṣaṇāt

By those who, having obtained Unmilani, worship Keshava, the heaps of the whole wheel-mass of sin fall away instantly.

Verse 41 (padma.6.35.41)

यस्मिन्मासे महीपाल तिथिरुन्मीलनी भवेत् । तन्मासनाम्ना गोविंदः पूजनीयः प्रयत्नतः

yasminmāse mahīpāla tithirunmīlanī bhavet tanmāsanāmnā goviṁdaḥ pūjanīyaḥ prayatnataḥ

O king of the earth, in whatever month the Unmilani tithi falls, in that month's own name Govinda should be worshipped with diligence.

Verse 42 (padma.6.35.42)

जातरूपमयः कार्यं मासनाम्ना तु माधवः । स्वशक्त्या विश्वरूपस्तु श्रद्धाभक्तिसमन्वितः

jātarūpamayaḥ kāryaṁ māsanāmnā tu mādhavaḥ svaśaktyā viśvarūpastu śraddhābhaktisamanvitaḥ

An image of Madhava, named after the month, should be made of gold, of the form of the universe, according to one's own means, with faith and devotion.

Verse 43 (padma.6.35.43)

पवित्रोदकसंयुक्तं पंचरत्नसमन्वितम् । गंधपुष्पाक्षतैर्युक्तं कुंभं स्रग्दामभूषितम्

pavitrodakasaṁyuktaṁ paṁcaratnasamanvitam gaṁdhapuṣpākṣatairyuktaṁ kuṁbhaṁ sragdāmabhūṣitam

A pot, filled with pure water, endowed with the five gems, with fragrance, flowers, and unbroken rice, adorned with garlands and streamers,

Verse 44 (padma.6.35.44)

पात्रं च सोदकं कार्यं गोधूमैश्चापि पूरितम् । नानारत्नैश्च संयुक्तं नानागंधैः प्रपूजितम्

pātraṁ ca sodakaṁ kāryaṁ godhūmaiścāpi pūritam nānāratnaiśca saṁyuktaṁ nānāgaṁdhaiḥ prapūjitam

and a water-filled vessel, filled also with wheat, joined with various gems, worshipped with various fragrances,

Verse 45 (padma.6.35.45)

मल्लिकामोदसंयुक्तं जातीपुष्पैः प्रपूजितम् । श्वेताख्यैस्तंदुलैश्चैव पूरणीयः प्रयत्नतः

mallikāmodasaṁyuktaṁ jātīpuṣpaiḥ prapūjitam śvetākhyaistaṁdulaiścaiva pūraṇīyaḥ prayatnataḥ

joined with the scent of jasmine, worshipped with jati flowers, should be diligently filled with white rice.

Verse 46 (padma.6.35.46)

प्रदद्याद्वस्त्रयुग्मं तु उपवीतं तु सोत्तरम् । उपानहौ तु राजर्षे आतपत्रं शिरोपरि

pradadyādvastrayugmaṁ tu upavītaṁ tu sottaram upānahau tu rājarṣe ātapatraṁ śiropari

A pair of garments should be given, and a sacred thread with its upper cloth; O royal sage, sandals too, and a parasol above the head,

Verse 47 (padma.6.35.47)

भोजनं जलपात्रं च सप्तधान्यं तिलैः सह । रूप्यं चैव तु कार्पासं पायसं मुद्रिका हरेः

bhojanaṁ jalapātraṁ ca saptadhānyaṁ tilaiḥ saha rūpyaṁ caiva tu kārpāsaṁ pāyasaṁ mudrikā hareḥ

food, a water-vessel, the seven grains together with sesame, silver, cotton, rice-pudding, and a ring belonging to Hari.

Verse 48 (padma.6.35.48)

धेनुर्वात्र तु दातव्या वत्सालंकारसंयुता । सुवर्णशृंगी रौप्यखुरी ताम्रपृष्ठी तथैव च

dhenurvātra tu dātavyā vatsālaṁkārasaṁyutā suvarṇaśṛṁgī raupyakhurī tāmrapṛṣṭhī tathaiva ca

A cow too should be given, adorned with a calf's ornament, golden-horned, silver-hoofed, and copper-backed as well,

Verse 49 (padma.6.35.49)

कांस्यदोहीं रत्नपुच्छीं दद्याद्वै गुरवे तदा । शय्यां सोपस्करां दद्यात्साधवे भक्तिपूर्वकम्

kāṁsyadohīṁ ratnapucchīṁ dadyādvai gurave tadā śayyāṁ sopaskarāṁ dadyātsādhave bhaktipūrvakam

with a bronze milking-pail and jeweled tail — this should be given to the guru. A bed with its furnishings should also be given to the virtuous, with devotion.

Verse 50 (padma.6.35.50)

धूपं दीपं तु नैवेद्यं फलपत्रं निवेदयेत् । पूजनीयो महाभक्तैर्मंत्रैरेभिस्तु केशवः

dhūpaṁ dīpaṁ tu naivedyaṁ phalapatraṁ nivedayet pūjanīyo mahābhaktairmaṁtrairebhistu keśavaḥ

Incense, a lamp, and food-offering, fruits and leaves should be offered; Keshava should be worshipped by great devotees, with these mantras,

Verse 51 (padma.6.35.51)

तुलसीपत्रसंयुक्तैः पुष्पैः कालोद्भवैस्तथा । मासनाम्नैव चरणौ जानुनी विष्णुरूपिणे

tulasīpatrasaṁyuktaiḥ puṣpaiḥ kālodbhavaistathā māsanāmnaiva caraṇau jānunī viṣṇurūpiṇe

joined with Tulsi leaves and with seasonal flowers — in the month's own name, [worship should be offered] to the feet and knees of the one in the form of Vishnu,

Verse 52 (padma.6.35.52)

गुह्ये तु गुह्यपतये कटे वै पीतवाससे । ब्रह्ममूर्तिभृते नाभावुदरे विश्वयोनये

guhye tu guhyapataye kaṭe vai pītavāsase brahmamūrtibhṛte nābhāvudare viśvayonaye

of the secret parts, of the Lord of the secret; of the loins, of the yellow-garmented one; at the navel, of the one bearing the form of Brahma; of the belly, of the source of the universe,

Verse 53 (padma.6.35.53)

हृदये ज्ञानगम्याय कंठे वैकुंठमूर्तये । ऊर्द्ध्वगाय ललाटे तु बाहौ दक्षांतकारिणे

hṛdaye jñānagamyāya kaṁṭhe vaikuṁṭhamūrtaye ūrddhvagāya lalāṭe tu bāhau dakṣāṁtakāriṇe

of the heart, of the one attainable through knowledge; of the throat, of the Vaikuntha-formed one; of the forehead, of the upward-going one; of the arm, of the one who ended Daksha's sacrifice,

Verse 54 (padma.6.35.54)

उत्तमांगे सुरेशाय सर्वांगे सर्वमूर्तये । स्वनाम्ना चायुधादीनि पूजनीयानि भक्तितः

uttamāṁge sureśāya sarvāṁge sarvamūrtaye svanāmnā cāyudhādīni pūjanīyāni bhaktitaḥ

of the head, of the Lord of gods; of the whole body, of the one who is the form of all — with his own name, weapons and the rest should be worshipped with devotion.

Verse 55 (padma.6.35.55)

अर्घदानं प्रकर्तव्यं नालिकेरादिभिः समम् । शंखोपरि जले कृत्वा गंधपुष्पाक्षतान्वितम्

arghadānaṁ prakartavyaṁ nālikerādibhiḥ samam śaṁkhopari jale kṛtvā gaṁdhapuṣpākṣatānvitam

The oblation should be offered together with a coconut and the like, in water upon a conch, joined with fragrance, flowers, and unbroken rice,

Verse 56 (padma.6.35.56)

सूत्रेणावेष्टितं कृत्वा दद्यादर्घं विधानतः । देवदेव महादेव श्रीकेशव जनार्दन

sūtreṇāveṣṭitaṁ kṛtvā dadyādarghaṁ vidhānataḥ devadeva mahādeva śrīkeśava janārdana

wound with thread, the oblation should be given according to due rite — 'O God of gods, Mahadeva, Sri Keshava, Janardana,

Verse 57 (padma.6.35.57)

सुब्रह्मण्य नमस्तेऽस्तु पुण्यराशिविवर्धन । शोकमोहमहापापान्मामुद्धर भवार्णवात्

subrahmaṇya namaste'stu puṇyarāśivivardhana śokamohamahāpāpānmāmuddhara bhavārṇavāt

'O Subrahmanya, salutation to you, increaser of the heap of merit; deliver me from grief, delusion, and great sin, from the ocean of existence.'

Verse 58 (padma.6.35.58)

सुकृतं न कृतं किचिज्जन्मकोटिशतैरपि । तथापि मां महास्वामिन्मामुद्धर भवार्णवात्

sukṛtaṁ na kṛtaṁ kicijjanmakoṭiśatairapi tathāpi māṁ mahāsvāminmāmuddhara bhavārṇavāt

'No good deed has been done by me, even over hundreds of millions of births; even so, O great Lord, deliver me from the ocean of existence.'

Verse 59 (padma.6.35.59)

व्रतेनानेन देवेश ये चान्ये मम पूर्वजाः । वियोनिं च गताश्चान्ये पापमृत्युवशं गताः

vratenānena deveśa ye cānye mama pūrvajāḥ viyoniṁ ca gatāścānye pāpamṛtyuvaśaṁ gatāḥ

'Through this vow, O Lord of gods, whatever ancestors of mine, and others, who have gone into lower births, come under the sway of a sinful death,'

Verse 60 (padma.6.35.60)

ये भविष्यंति येऽतीताः प्रेतलोकान्समुद्धर । श्रांतोस्म्यहमधीनस्य भक्तिरव्यभिचारिणी

ye bhaviṣyaṁti ye'tītāḥ pretalokānsamuddhara śrāṁtosmyahamadhīnasya bhaktiravyabhicāriṇī

'whether future or past — deliver them all from the world of the pretas. I am weary, dependent on you; my devotion is unwavering.'

Verse 61 (padma.6.35.61)

दत्तमर्घं मया तुभ्यं भक्त्या गृह्ण गदाधर । दत्वार्घं धूपदीपाद्यैर्नैवेद्यैर्विष्णुसंभवैः

dattamarghaṁ mayā tubhyaṁ bhaktyā gṛhṇa gadādhara datvārghaṁ dhūpadīpādyairnaivedyairviṣṇusaṁbhavaiḥ

'This oblation, given by me to you with devotion, accept, O Gadadhara.' Having given the oblation with incense, lamp, and the rest, with food-offerings arising from Vishnu himself,

Verse 62 (padma.6.35.62)

स्तोत्रैर्नीराजनैर्गीतैर्भृत्यैः संतोषयेद्धरिम् । वस्त्रैर्दानैश्च गोदानैर्भोजनैस्तोषयेद्गुरुम्

stotrairnīrājanairgītairbhṛtyaiḥ saṁtoṣayeddharim vastrairdānaiśca godānairbhojanaistoṣayedgurum

with hymns, waving of lights, songs, and servants, one should satisfy Hari; with garments, gifts, gifts of cows, and food, one should satisfy the guru.

Verse 63 (padma.6.35.63)

तथातथा विधातव्यं गुरुर्वै प्रीतिमाप्नुयात् । लोकानां तारणार्थाय धात्रा सृष्टो गुरुर्यतः

tathātathā vidhātavyaṁ gururvai prītimāpnuyāt lokānāṁ tāraṇārthāya dhātrā sṛṣṭo gururyataḥ

In this and that way, it should be arranged that the guru attains satisfaction; since the guru was created by the Creator for the very deliverance of the worlds.

Verse 64 (padma.6.35.64)

अतो वै गुरुपूजा च कर्त्तव्या वै प्रयत्नतः । अहितं यो नाशयति स्वहितं दर्शयेत्सदा

ato vai gurupūjā ca karttavyā vai prayatnataḥ ahitaṁ yo nāśayati svahitaṁ darśayetsadā

Therefore worship of the guru should indeed be performed with effort. He who destroys what is harmful and ever shows what is beneficial,

Verse 65 (padma.6.35.65)

स गुरुः स च विज्ञेयः सर्वधर्मार्थकोविदः । अकुर्वन्वित्तशाठ्यं तु गुरवे तं निवेदयेत्

sa guruḥ sa ca vijñeyaḥ sarvadharmārthakovidaḥ akurvanvittaśāṭhyaṁ tu gurave taṁ nivedayet

he should be known as the true guru, skilled in all dharma and artha. One who does not act with miserliness in wealth should declare this to the guru.

Verse 66 (padma.6.35.66)

गुरोर्निवेदिते भूप परिपूर्णं भवेद्व्रतम् । कृत्वा दिवातनं कर्म भोजनं ब्राह्मणैः सह

gurornivedite bhūpa paripūrṇaṁ bhavedvratam kṛtvā divātanaṁ karma bhojanaṁ brāhmaṇaiḥ saha

O king of the earth, when it is declared to the guru, the vow becomes complete. Having performed the day's rites, having eaten together with brahmins,

Verse 67 (padma.6.35.67)

कर्त्तव्यं नृपशार्दूल दिनं नेयं कथानकैः । अनेन विधिना यस्तु कुर्यादुन्मीलनीव्रतम्

karttavyaṁ nṛpaśārdūla dinaṁ neyaṁ kathānakaiḥ anena vidhinā yastu kuryādunmīlanīvratam

O tiger among kings, the day should be passed with sacred tales. Whoever performs the Unmilani vow according to this procedure,

Verse 68 (padma.6.35.68)

कल्पकोटिसहस्राणि वसते विष्णुसन्निधौ

kalpakoṭisahasrāṇi vasate viṣṇusannidhau

dwells for thousands of millions of kalpas in Vishnu's own presence.